mashish
BHARAT
- 8,032
- 25,910
- 218
super updateMEGA UPDATE
Ashmita ke haath se phone gir gaya
Aur wo foot foot kar rone lagi, kyun kyun kyun pareshani aur musibat uska peecha chodne ka Naam nahi leti
Ek to bin Baap ke bachhe ko paalna aur abhi us bachhe ka ab future kya hone wala hai pata nahi
Pata nahi kyun wo shivraj is factory ke peeche haath dhokar pada hai
"maa maa dekho" bol rishi ghar me daudte hue daakhil hua
Ashmita ne dekha rishi ke haath me bohut sara khilona hai
"ye sab..." Asmita ko samajh me nahi a raha tha ki rishi ke haath me itne Saare khilone kisne diye
"maa ye sab vijay uncle ne diye" bol rishi muskurate hue peeche muda aur vijay Ander daakhil hua
"ye sab kya hai vijay ji?" ashmita ne poocha
"rishi ne zid kiya to..." vijay bola
"dekhiye vijay ji, aap rishi ko restaurant me lekar jaate hai khilate hai usse mujhe koi problem nahi hai, lekin please aise kabhi kuch laane ka mat sochiye" ashmita boli
"are ye to sirf kuch khilone hai" vijay bola
"pata hai lekin ye mujhe pasand nahi" ashmita boli
"mummy uncle ko please mat bolo kuch wo ache hai" rishi bola
"tum pehle apne kamre me jao, bohut zaban chal rahi hai tumhari Aajkal, tumse baad me baat karti hoon"aahmita boli to rishi gusse se chala gaya apne kamre ki aur
" aapne aise hi daant diya bachhe ko "vijay bola
" vijay ji please ainda mere bete ko kuch dene se pehle pooch lena "ashmita boli
Vijay kuch bola nahi chupchap ghar se wapas chala gaya aur us ke jaate hi ashmita ne darwaza band kar rone lagi
Shivraj ka Saara gussa vijay par utar diya usne, bura nahi hai vijay ji lekin ab ashmita ko sabse dar lagne lag gaya hai
Mr ranvijay ke shaadi ke teesre din ye factory aakhirkar Victor frame me shamil ho jayegi aur usi ke saath shivraj ashmita ke bete ko usse alag kar dega
Aur wo kuch nahi kar payegi, bohut try kiya usne ki ye deal ko roka jaay lekin ranvijay ke aadmi itne shatir hai ki sab kaam sirf do din me karke dikha diya
"maa"rishi ke rone ki awaz sun kar chaunk padi ashmita
" kya hua rishi?? Maine daant diya to bura laga na?? "ashmita ne muskurate hue poocha
" nahi laga, lekin aapne vijay uncle ko daant diya to bura laga,mujhe ye khilone nahi chahiye, please aap vijay uncle ko daantna mat ab"boo Saare khilone rakh kar Bhaag gaya apne kamre me rishi
Aur ashmita dekhti rahi rishi ko
------------------------------------------------------------------ SATURN CORP
"madam aapne suna??" kumar meera ke office ne aate hue bola
"kya hua kumar subah subah kyun tension me a gaye, relax BB tech se baat ho gayi hai, udreams na sahi hum BB se apni taqat fir badhayenge. Aur fir seedha victor frame ke against morcha khol denge, fir dekhna ranvijay vardhan kaise apna muh chupata firta hai, I swear is baar I'm gonna tear him apart"ek determined look lekar meera boli
"madam mai iske liye aapke office me nahi aaya hoon, mai heeralal ki news lekar aaya hoon" kumar bola
"suna maine, Ranvijay ne unka company khareed kar kisi sheikh ko wo shares bech diye, badle me Africa me oil ka 5% share le gaya ranvijay " meera boli
"wo baat nahi, heeralal aur uski poori family ne suicide kar liya hai, poison liya tha sabne, postmortem se pata chala" kumar bola
Kamre me sannata cha gaya, meera thar thar kaampne lagi, heeralal ka ye haal???
Ranvijay ne aisa kiya? R ranvijay ne agar heeralal ka ye haal kiya to baakiyon ka kya karega
"kumar do one thing mere Saath mangesh ki meeting fix karo asap" meera boli
"mangesh jiske 2 night club hai??" kumar ne poocha
"Haan wahi suna hai teesra night club bhi jald kholne wala hai, India me restaurant ka chain bhi kholne wala hai" meera boli
"lekin time bikal payenge wo?? Suna hai bohut busy rehte hai" kumar bola
"I don't care kumar, I just don't care do what i say" meera boli
Kumar ne OK bol office se nikal gaya aur meera ne jhat se drawer se apni dawai li aur Paani ke saath peekar thodi rahat mehsoos ki
Ranvijay kya nahi rukega?? Un sab ko nishana banayega jo meera ke plan me Saath the??
Gin Gin kar badla le raha hai wo aadmi, us haadse ko 7 saal beet chuke hai lekin ranvijay use nahi bhoola, pata nahi do saal kahan tha wo???
Lekin Victor frame jaise sadak chaap company ko kahan laakar khada kiya usne
Mangesh, be careful buddy, meera ne apne dost ko wish karte hue apne aankhen band kar li
-----------------------------------------------------------------
ANANDPUR UP
Payal ne bed se uth kar Paani peene ke liye uthi hi thi ki use kuch awaazein sunai di
Wo kamre se bahar aayi to uske mama girish chaturvedi,uski maami aur unki beti sumedha baithe hue the
Payal ko aata dekh kar uthakar sab payal ki aur a gaye the
"aap log..." payal ko samajh nahi a raha tha ki kya kar rahe hai Saare yahan par
"beta" bol girish chaturvedi payal ke pair pakadne ja rahe the to payal ne rok liya unhe
"mamaji ye kya kar rahe hai aap" payal chaunk gayi thi girish chaturvedi do aisa karte dekh
"beta jo insan par uske hone waale damad ki wajah se laanchan lage us maama ko aisa hi karna chahiye, harshit ne jo kiya tumhare Saath uske liye hamari poori family maafi mangti hai tumse aur ranvijay ji se, please hame barbaad mat karo" girish chaturvedi haath jod kar rone lage
Payal ko samajh nahi a raha tha kya ho raha hai
"kya hua samajh me nahi a raha hai??" chillaye girish chaturvedi apni biwi air beti par
"m maaf kar de beta hame" bol haath jod kar nazren jhuka li mrs chaturvedi ne
"papa mai is chudail se maafi nahi maangne wali mai..." sumedha apni baat poori kar bhi nahi paati thi ki
CHATAAAAK
Ek zordar thappad pada girish chaturvedi ka
"papa aapne iske liye mujhe mara..."
CHATAAAK
"P PAPA" sumedha rone lagi
"maafi" girish chaturvedi strict hokar bole
"maaf kar do didi" sumedha sar jhukakar boli
"beta hamare mall par bulldozer chalane ka hukm diya hai municipality walo ne,mere business partners apna paisa wapas maang rahe hai, bank loan chukane ko bol rahi hai, beta please please ranvijay ji ko phone karke bol de ki tune hame maaf kar diya" girish chaturvedi bol pade
"ranvijay aisa nahi kar sakte" payal boli
"wo sab kuch kar sakte hai Payal, wo sab kuch kar sakte hai, meri haisiyat unke Saamne ek machhar ki bhi nahi, pata nahi kya dekhkar maine apni beti ki shaadi us kamine se karne ja raha tha, please payal beta please" girish chaturvedi rone lage
"thik hai m mai baat karungi" payal boli
"thanks payal beta, thanks please kar dena" bol girish chaturvedi ne mithai ka dibba payal ke haath me diya aur apne family ko lekar chala gaya
Payal ke dimag me kai sawal ghoomne lage
