Sruthi aur Kareem bhaagte huye ek choti si galli ke andar ghus jaate hai. Galli puri khaali hoti hai. Kareem aur Sruthi waha ek deewar ke piche chip jaate hai aur piche dekhte hai ki koi aarha hai ya nahi. Jab dono ko koi dikhta nhi hai toh dono thodi Rahat ki saas lete hai.

Sruthi kaafi darri Hui hoti hai aur Kareem ki bhi haalat kharaab huyi hoti hai. Kareem khud ko sambhalte huye Sruthi ki taraf dekhta hai. Sruthi ka ruwa sa chehra dekh ke woh use dilasa deta hai.
Kareem - Sruthi tu pareshan na ho. Mere rehte huye yeh saale Tera kuch nahi bigaad sakte..
Sruthi Kareem ki baat sunke uski taraf dekhti hai aur gusse ke maare uske gaal pe jordaar thappad jhad deti hai.
Sruthi - yeh sab Teri wajah se hi ho rha hai. Ho na ho yeh tere ki aadmi honge. Tune aakhir apni aukaat dikha hi di na. Aakhir mujhe uthwane ke liye tune apne aadmi lga hi diye na. Aur mujhe bachane ka naatak kar rha hai.
Kareem - tujhe mujhe maarna hai toh aur maar le. Par esa mat bol yaar. Me tujhse pyaar karta hu aur esa karne ki kabhi soch bhi nahi sakta.
Sruthi - woh sab me nahi jaanti. Mujhe bas yeh pta hai ki aaj jo musibat me mai fassi hu uski wajah tu hi hoga.
Ab mujhe kya dekh rha hai. Apne ladko ko phone lga. Sagai me toh bade goliya chala rhe the woh. Abhi kaha hai sabke sab.
Sruthi Kareem ko suna rhi hoti hai ki tabhi Kareem ko dhyaan aata hai ki uska phone toh car me hi reh gya. Ab woh kese apne ladko ko bulayega. Aur yaha Sruthi uski Lanka laga rhi thi.
Tabhi Sruthi apna phone nikalti hai aur sidhe sanju ke paas phone lga deti hai.
Idhar sanju apne bistar me pada hota hai aur uska phone bagal me pda hua. Sruthi lagatar call kiye aarhi thi par sanju neend ke maare dhyaan nhi deta.
Sruthi - come on bhaiya. Pls pickup the phone. Uthaiye.
Sanju - ab yeh kon itni raat ko phone kar rha hai. Pakka chacha hi honge. Din bhar dukaan me toh pareshan karte h ab sone bhi nahi de rhe hai. Uthana toh padega warna kal aur dimaag khayenge.
Sruthi firse phone lagati hai is baar sanju phone utha leta hai.
Sruthi rote huye - hello bhaiya, bhaiya...
Sruthi ki roti Hui aawaz sunke sanju ghabra jaata hai.
Sanju - kya hua Sruthi, tu ro kyu nahi hai. Kya hua bta mujhe.
Sruthi - bhai me yaha fasi Hui hu. Kuch aadmi mere piche pade huye.

Sanju - kaun hai woh. Tu ghabra mat me abhi kuch krta hu.
Sruthi - pta nahi bhaiya kaun h woh. Par mere piche pade hai. Aap jaldi aajao..
Bhaiya mujhe darr lag rha hai.
Sruthi bol hi Rahi hoti hai ki tabhi kisi ka haath aata hai aur Sruthi ke haatho se phone chinn leta hai aur jameen me patak deta hai. Baaki ladke Kareem ko daboch lete hai.
Woh aadmi - toh yeh saali idhar chuppi hai. Kyu ri chinnal kaha bhaag Rahi thi humse bachke.
Yeh kehte huye woh aadmi Sruthi ko jordaar thappad maarta hai aur Sruthi ke muh se khoon nikalne lgta hai. Thappad itna jordaar tha ki Sruthi jameen pe Jaa ke gurtu hai aur behosh di ho jaati hai. Kareem ko baaki ke ladke maarna suru krte hai.

Woh aadmi - saale teri item toh ek hi thappad me fail gayi. Aur tu yaha uchal rha hai. Daalo dono ko gaaadi me.
Uske ladke Sruthi aur Kareem ko baandh dete hai aur unke chehre me kala nakaab daal ke van me daalne ke liye le jaate hai. Woh aadmi piche rha hota hai ki uski najar niche pade Sruthi ke phone pe jati hai jisme call chal rhi hoti hai. Woh uthata hai.
Sanju - aee saale. Chorde meri behen ko warna tujhe Zinda nahi chorunga. Chorde usse.
Woh aadmi hasta hua - teri behen hai kya ..??
Bolna kutte. Teri behen h woh ??
Sanju - haa, haramjaade chorde use warna Tera pura khandaan saaf krdunga.
Woh aadmi - teri behen hai toh aake bacha le. Aaja what kr rha hu Tera .
Yeh kehte huye woh aadmi phone tod deta hai aur Sruthi aur Kareem ko leke waha se nikal jaata hai.
Idhar riyaaz ghar pahuchta hai toh heena use waha milti hai.
Riyaaz - bhabhi Kareem ghar pe hai kya. ??
Heena - nahi, woh toh subah se ghar nahi aaya. Kuch baat hai kya...??
Riyaaz - nahi koi baat nahi, me toh ese hi puch rha tha ki kaha gaayab kehta hai aajkal. Me kabse phone kar rha hu utha nhi rha hai woh. Toh socha kahi ghar pe toh so nhi rha hai. .
Heena - woh esa hi hai. Ghum rha hoga apne dosto ke sath. Tum ek kaam kro Sabrina ko phone krlo. Shayad usko pta hoga.
Riyaaz - accha yeh Sabrina abhi kaha hai. Ghar pe nhi hai kya. ??
Heena - woh toh apni saheli ki sagai me gayi Hui. Shayad Kareem bhi wahi ho.
Riyaaz - thik hai bhabhi. Me Sabrina se baat krlunga.
Yeh kehte huye riyaaz ghar se nikal jaata hai aur Sabrina ko phone karta hai aur Meena ke ghar ka address leta hai. Meena ke ghar pahuchta hai aone ladko ke sath.
Dsp riyaaz ko dekhte ghabra jaata hai.
Dsp - ab yeh riyaaz bhi yaha aagya. Yeh pakka kuch na kuch kaand karenge yaha Sala aaj ka din hi manush hai. Pehle Kareem aur ab yeh riyaaz.
Dsp - riyaaz bhai, aap ko dekh ke bahut khush hui. Aaiyena, baccho ko ashirwad dijiye.
Riyaaz dsp ki baat ansuni karta hua andar ghus jaata hai aur Sabrina ko bulata hai.
Sabrina - chachu, bhaijaan abhi toh yahi hi the. Khana khane ke time se dikh nahi rhe hai.
Riyaaz - oye dsp yaha aa, ek baat bta Kareem ko kaha bethaya hai tune.
Dsp - Kareem aur unke dosto ke liye toh guest room me full bandobast kiya hai. Chaliye dikhata hu.
Dsp riyaaz ko guest room ki taraf ke jaata hai. Dono guest room me pahuchte hai toh dekhte hai ki Kareem ke dost waha pike full tight hote hai aur music lga ke naach rhe hote hai.
Riyaaz ko dekh ke sabki hawa tight ho jati hai aur Nasha jese Chu ho jaata hai.
Raheel - riyaaz chachu, aap yaha kese...??
Riyaaz - woh chor yeh bta Kareem kaha hai?
Raheel - bhai jaan woh toh bahar gye the thodi der pehle. Tabse aaye nahi.
Riyaaz raheel ki gardan pakadta hai aur kehta hai- tujhe Kareem ke sath rehne ko kaha tha na, aur tum saalo ko yaha pine se fursat nahi mil rhi hai.
Chalo dhundo use pehle.
Riyaaz saare ladko ko Kareem ki talash me lga deta hai.
Sabrina - chachu, aakhir baat kya hai. Koi pareshani hai kya..
Riyaaz - tu ghar nikal pehle. Aake batata hu.
Riyaaz Sabrina ko ghar bhijwa deta hai aur dsp ko pakadta hai aur kamre me le jaata hai.
Riyaaz dsp ka caulor pakadta hai - oye dsp sun meri baat pehle acche se, teri party se mera bhtija gaayab hua hai. Subah tak woh mujhe ghar pe chahiye warna sagai ka ghar samshan banane me mujhe der nahi lagegi. Samjha na.
Dsp - riyaaz bhai, aap pareshan kyu ho rhe ho Kareem yahi kahi hoga. Me aapko garantee deta hu ki subah tak woh ghar pe hoga.
Riyaaz apne kuch ladko ko waha chor deta hai baaki ladko ko leke nikal jaata hai.
Idhar sanju ka dimaag fata Jaa rha hota hai. Woh gusse ke maare jese fata Jaa rha hota hai. Woh turant kamre se nikalta hai aur long raute ki taxi book krta hai aur delhi ke liye nikal padta hai. Taxi me bethe Sruthi ki baato pe dhyaan deta hai fir uthta hai aur phone lgata hai.
Sanju - hello raja...
Raja - aree sanju itni raat ko phone kese Kiya aur tu hai kaha. Koi dikkat hai ..??
Sanju - Raghu kaha hai aajkal..
Raja - kya hua, koi panga hai kya. Mujhe bta . Me aata hu.
Sanju - dekh Jo puch rha hu woh bta. Dimaag ki wese hi ma behen Hui padi hai.
Raja - woh toh jail me hi hai tabse. Tu kyu puch rha hai. Kuch baat Hui hai kya. Bta na bhai.
Sanju - Sruthi ko kuch ladko ne utha liya hai. Aur mujhe lag rha hai ki raghu ke ladke hai woh. Agar is kaand ke piche raghu hua na toh ma Kasam keh rha hu. Mumbai me aag lga dunga.
Raja - tu paagal ho kya hai kya. Dekh tu thande dimaag se kaam le. Mere ladke hai delhi me. Me unhe lagata hu kaam pe.
Sanju phone kaat ta hai aur taxi Wale ko kuch extra pese deta hai aur tez chalane ko bolta hai.
Raat ke 2 baj chuke hai. Meena ke ghar pe ekdum sannata chaya hua. Dekhne se esa bilkul bhi nahi lgta ki yaha kisi ki sagai thi.
Dsp - yeh sala riyaaz mujhe ese dhamka ke gya hai jese mene uske bhatije ko bulaya tha. Aur woh Kareem ka baccha pta nahi kaha gayab ho gya.
Dsp gusse me chilla rha hota hai ki tabhi Meena uske paas aati hai aur kehti hai - papa ji woh Sruthi bhi tabse dikh nahi Rahi hai. Mujhe esa lagta hai ki kahi Kareem usse bhaga ke toh nahi le gya ??
Meena ki baat sunkar dsp ko yaad aata hai kuch hi din pehle woh Sruthi ke papa ke sath taiyub ke office me Gaye Kareem ki sikayat leke.
Dsp - ho sakta hai. Yeh Kareem Sruthi ko parshan krta tha. Uske baap se bhi uski sikayat ki thi humne par dekho kuch fayda hua. Meena tum uske gharwalo ko phone kro aur pta kro ki Sruthi ki koi khabar hai ya nahi ??
Meena - mene thodi der pehle hi phone Kiya tha papa, par Sruthi waha pahuchi hi nahi. Ab me kis muh me puchu unse.
Dsp - beta batana toh padega hi na. Aakhir woh uske na baap hai.
( Mujhe taiyub sahab se baat karni padegi. Nahi toh yahi yeh mamla meri naukri na le ude )
Meena Sruthi ke ghar phone krti hai aur sari baat uski maa ko batati hai wahi dsp bhi taiyub ko phone krta hai sara mamla batata hai. Kuch hi der me Sruthi ke ma baap aur taiyub Ali Khan Meena ke ghar pahuchte hai. Baat leak ho jaati hai isliye media bhi waha pahuch jaata hai.
Meena ke ghar ke bahar jamawada sa lag jaata hai meida walo ka aur andar Sruthi ke maa baap dono baccho ke gayab hona thikda taiyub ke sar pe fod rhe hote hai. Seema ka ek taraf ro ro ke bura haal tha. Dusri taraf Vijay taiyub se behes kar rha tha jise puri media sun rhi thi.
Vijay - dekhiye taiyub sahab, mene pehle bhi aapko chetaya tha ki aapka beta meri beti ko pareshan karta hai par aapne kuch nahi kiya. Ab bataiye hum kiske paas jaye. Jab seher ke mla ka beta hi esi harkate karega toh bechari gareeb janta ka kya hoga.
Taiyub - dekhiye Vijay sahab, aap jesa soch rhe ho wesa kuch nahi hua hai. Me mere bete ko acchi tarah jaanta hu. Iske piche kuch aur hi wajah hogi. Aap ghabraiye mat subah hone tak aapki beti aapke ghar pe hogi.
Media wale - taiyub sahab yeh sach hai ki aapka ladke ne inki ladki ka kidnapped kiya hai...??
Boliye..
Taiyub - esa kuch nahi hai. Yeh oppozition ki chaal hai humari image kharaab krne ki. Dsp saahab se meri baat ho chuki hai subah tak ladki apne ghar hogi.
Taiyub waha se nikal jaata hai aur ghar pahuchta hai, Gusse me ekdum laal. Ab tak ghar pe sabko pta chal jaata hai ki Kareem kisi ladko ko le ke bhaag gya hai. Heena ek taraf subuk subk ke ro rhi hoti hai jise Sabrina shath karwa rhi hoti hai. Aur dusri taraf taiyub aagbabula hua hota hai.
Taiyub - riyaaz....
Mene tumse kaha tha na Kareem me najar rkhne ke liye.
Riyaaz - bhaijaan, mujhe pta nahi tha ki woh esa kuch...
Taiyub - subah tak ka wada kiya hai mene. Samaj rahe ho na. Awaam ke saamne gardan na jhukne paaye ..
Yeh kehta hua taiyub apne kamre me chala jata hai.
Heena - mujhe nahi lagta ki woh koi ladki ke ke bhaaga hai. So na so woh kis musibat me hai pakka. Riyaaz tum use le ke aao kisi bhi tarah khuda ke liye.
Heena rote huye kehti hai jise Sabrina
sambhalti hai aur andar le jaati hai
Riyaaz gusse me bahar jaata hai aur ladko ko pelta hua - saalo pta kiya us londe ka. Aur hotel walo se puchtaash ki ??
Ladka - haa bhai, pta toh Kiya hai. Munna naam ka ladka hai koi, jiske sath Kareem ka jhagda hua tha.
Riyaaz - toh uthaya kyu nahi use abhi tak ??
Ladka - bhai, uske baare me pta laga rhe hai par kuch khaas nahi pta chal rha hai. Jese hi kuch pta chalta hai. Hum use utha layenge.
Riyaaz gusse se - subah ka waqt Mila hai hume. Warna soch lena bhai jaan kisi ko nahi chorenge.