“Alpha you need to take care of this situation “khan bola phone par
“Hmm”anuj bola
“Koi plan hai?”khan ne poocha
“Kisne hire kiya vj26 ko?”anuj ne poocha
“Pata nahi anuj lekin itna pata hai ki sabki jaan khatre me hai.aarti,sakshi,sangeeta aur tere dadaji sabko khatam karna chahta hai koi”khan bola
“Lekin kyun ?”anuj ne poocha
“Confidential hai anuj.lekin in sabko khatam karke hi Merc unit ka raaz dafan kiya ja sakta hai”khan bola
“Lekin ab kya?”anuj ne poocha
“Pata nahi Mandira madam ne Mujhe yahan se hilne ke liye bhi mana kar diya.is crisis se tumhe khud nikalna hoga “bol kar khan ne phone rakh diya
Anuj ne ek lambi saans li aur baith kar sochne laga
Aaj ke baad kal se vj26 ka hamla shuru hoga.lekin wo kise bachaye??aarti ko??dadaji ko???saskshi ko ya sangeeta ko???
“Arey anuj soya nahi ab tak??kaafi raat ho gayi hai??”aarti aayi thi kamre me
“N nahi mummy wo…”bolte bolte ruk gaya anuj
“Theek hai so ja”bol jaane ke liye Mudne lagi ki tabhi aarti ne dekha anuj ke chehre par kuch tension sa Sikh raha hai
“Kya baat hai?”bol aarti anuj je bagal me baith gayi
“Agar aapke life me problems hi problems ho to aap kya karengi ?”anuj ne poocha
Aarti samajh gayi ki anuj ke liye mushkil ho raha hai naye jagah me adjust karna
“Pata hai jab Sanjay ghar chodd kar gaya tha ,tab sangeeta aur sakshi chote the.tu bhi nahi tha aur tere dadaji bhi retire ho chuke the.dono bachhon ke school ka fees,dadaji ki dawai aur ghar ka kharch “ek lambi saans lekar Aarti boli
“Fir aapne kya kiya?”anuj ne poocha
“Sabse pehle job secure kiya,fir tere dadaji ki dawai.fir school aur fir ghar ka kharch “aarti haste hue boli
Anuj chup raha
“Isse ye seekh le ki life me Har kisi ko aise situation ka saamna karna padta hai.lekin ek ek kar agar hum apne problems ko face kare to saare solve ho jaenge.samjha??”aarti boli
“Samajh gaya “anuj muskurate hue bola aur aarti apne kamre ki aur chali gayi
“Thanks mummy.mujhe pata hai kya karna hai”anuj bola aur lights off kar so gaya
———————————————
Zyada der nahi laga sakshi ko janne me ki arnab ne college chodd Diya hai.sunkar use bohut Khushi hui lekin pata nahi kyun dil me ek halki si tees bhi lagi
Arnab ne kabhi sakshi ka phone number nahi liya na kabhi usse zabardasti baat ki.jitni baar baatein hui college ke canteen me sable saamne hui.kabhi galat approach ek saath arnab nahi gaya tha sakshi ke paas
Riva ke saath bhi bas usi din baat karte dekha tha sakshi ne lekin usse pehle kabhi bhi riva ki taraf dekha tak nahi tha arnab
“Suna hai naye professor ko nikal diya ??”awaz Sun chaunk padi sakshi
“Anuj tu kya kar raha hai yahan??”sakshi ne poocha
“Yahan Mujhe ek book Lena tha.wahi se dukan wale bol rahe the ki naye professor ne chodd diya”anuj bola
Sakshi kuch nahi boli bas soch me pad gayi
“Chalo acha hua jo hua”anuj bola
“Tujhe pata nahi uska character acha nahi tha wo bohut bura Insan tha”sakshi boli
“Kyun?”anuj ne poocha
Jawab me sakshi ne anuj ko bohut kuch bataya
“Lekin didi aap bhi to western dresses pehenti ho riva ke jaise to kya aap riva jaisi ho?”anuj ne poocha
“Apne zaban ko lagam de anuj.dont compare me with that slut.tujhe pata hai mai kaisi hoon”sakshi boli
“To aap riva jaisi nahi hai lekin aapne ek jhatke me kisi ko judge kar diya ki koi characterless hai”anuj haste hue bola to sakshi ko samajh me nahi a raha tha kya bole
“Anyways chalta hoon school ka time ho raha hai”bol anuj chala gaya
Sakshi ko pata nahi kyun acha nahi lag raha tha sab kuch jaise matlab ….
“Haan sir mai aapka saman aapke address par pohuncha dungi”riva ki awaz thi jo has has kar bol Rahi thi
“Arnab sir mai khud use lekar a jaungi aapse
Milne…..nahi nahi problem kyun hogi.jise problem hogi use hone dijiye”sakshi ki aur dekh kar zor zor se bolne lagi riva
Sakshi bas hairani se dekhe ja Rahi thi riva ko
“Haan sir ….ok bye”bol phone rakh diya riva ne
“Riva tum arnab sir se baat kar Rahi thi?”sakshi ne poocha
“Problem??”riva ne poocha
“Usne pata hai kya kiya mere saath”sakshi boli
“That’s your problem sweetheart,apne problem ko mere saath mat jodo.”riva boli
“Tum aur arnab sir….??”sakshi ne dheere se poocha
“oh abhi tak to nahi lekin bohut jald I’m going to propose him”bol riva chali gayi sakshi ko hairan choddkar
Yani riva aur arnab sir…lekin Arnab sir ko riva hi mili thi kya??ek number ki faaltu ladki hai.na jaane kitne ladko ke saath uska relationship hai
Sakshi ne kuch socha aur office ki aur gayi.aur mushkil se arnab ka number pata kiya
“Hello?”ek ladki ki awaz thi
Sakshi kuch bol na pai darr ke maare.lekin ye ladki Koun hai??
“Hello who’s this”fir se ladki ne poocha
“H ji mai sakshi Arnab sir hai??”sakshi ne poocha
“Oh to tum ho sakshi??sorry arnab ko at least tumhe to baat nahi karni hai .bye”bol phone kaat diya us ladki ne aur sakshi dhamm se zamin par baith gayi
