Horror Char 4️⃣ Ratein 🌌

[Abhay Thakur]

Eagerly waiting for next update

 

[L U F F Y _]

Nice update bro

Thanks

 

[L U F F Y _]

Waiting

Thanks

 

[L U F F Y _]

Eagerly waiting for next update

Kuch hi der me

 

[L U F F Y _]

Update 03​

Main ghusse me apni jagha se utha aur sasha ke pass aa kar use khidki se bahar ki traf ishara kia, wo dekho bahar ka darwaza!!

Sasha be yaqeeni ki kaifiat me us traf dekhne lagi, meri nazar ne uski nazar ka ta'aqub(peecha) kia aur darwaze ki traf dekh kar mujhe herat ka ek aur jhatka laga

" are kia dikha rahe hain Ahmad?"

Sasha ne pucha

"Kuch nahi yar mujhe laga darwaza khula reh gya hai " bahana bana kar khud ko mutmain zahir karne ki koshis karne laga

"ufff Ahmad aap ki naak se khoon beh raha hai ab bhi, ise wash karein main dawai laga deti hun " sasha ne qareeb se dekh kar pareshan kun lehje me kaha aur khud dawa lene ke lie doudi.

Main jaldi se room me mojood washroom ki traf gya aur darwaza aadh khula chor kar wash besin ke upper aayene me apne apna chehrea dekhne laga

Mere uqab me washroom ka darwaza mojood tha jo aayene se meri nazar ke hisar me tha.

Apni naak me pani daal kar maine nigah aayene par uthai aain usi lamhe darwaza ek jhatke se band hua tha . qareeb tha ke main is achanak awaz se behosh ho kar gir jata

Mere oosan khata ho chuke the , main aoni jagha se na hila , dil dheh sa gya tha , maine ankhein band karke wash basin par apna sir jhuka lia, kisi hare hue insaan ki tarha

Main khud me itni sakkat(taqat) mehsoos nahi kar raha tha ke ab is jang ka samna kar sakun

Ek ghari sans chor kar maine sir uthaya aur sheshe me apne peeche kisi ko dekh kar dehel gaya, pehli jhalak me mujhe yun mehsoos hua jaise meri biwi nahi koi aur aurat hai. Mera guman tha ke shayad ye wo ladki hai jise maine kuchal dia hai.

Main foran peche palta , ubharti sans ek dam sakin(ruki) hui thi , sasha ko samne dekh kar kuch chain mila

"tum andar kab aayi aur kaise??" mere hath abhi bhi laraz rahe the

Muh par herat ke pahad toot rahe the au sasha nihayat pur sakoon andaaz me hath me dawai aur ruuiii lie lagane ki tyari kar rahi thi

Main herat se use dekhta raha aur wo meri naak sekhoon saaf karke dawai lagane lagi,

Wo dheere dheere mujhe mohabbat paash nazron se dekhte hue mere naak ko saaf kar rahi thi

Mujhe apne wajood ki sari takleef , khof aur sari thakawat dur hoti hui mehsoos ho rahi thi.

Meri biwi ka shumar dunya ki khoobsurat aurton me hota tha , khosurat naak , Chandan roop , bhare bhare lab , muri hui palkon ke neeche dhaki hui lambi aankhein

Thori deer ke lie jaise main apne dar ko bhool kar is dilkash chehre me apna sakoon talash karne laga tha.

Us ki kamar ke gird narmi se bazoo haa'il kar ke maine use apne qareeb kia tha , us ke wajood ki narmahat aaj bhi mere andar waisa hi sakoon utar rahi thi jaise hamesha se tha .

Maine use apne seene me sameeta tha, aur bazuoun ki grift mazboot kar li thi, main us se bahot mohabbat karta tha.

Dheere se us ke hath tham kar chehre se hata kar syed par kia , hamare beech se hawa ka guzar rok dia tha , jazab ke aalam me use seene se lagaye aankhein band kar li thien dheere se us ke garadan ke dayen taraf lab rakhe the aur meri naak us ki gardan ko choo rahi thi m main sab kuch bholne ki koshish me laga tha ,

Mere dil me har lamha kuch bura ho jane ke khayalat janam le rahe the , kitne hi lamhe main ek sehme hue bachee ki tarah us ke sath chipka raha tha..

Sasha mujh se alehda hui aur muskura di ,dil ko kuch dharas bandhi thi.

Wo muskura kar ek bar phir meri naak se riste khoon ke qatree saaf karne lagi

Maine sir upper ki janib kar ke aankhein mond lein , ke achanak us ke hath ka nakhun ya koi bahot nokili cheez meri naak me lag gayi, main chilla utha aur dard se kar'rahne wo khoon dekh kar darwaze ki traf lapki aur kuch lene ki gharz se bahar ki janib doud lga di…main takleef se karrahne laga , wo nokili cheez meri naak ki haddi par chubhi thi aur khoon tezi se riste hue meri shirt par tapak raha tha , main dobara wash besin ki taraf jhuk gya aur naak par pani marne laga , khoon rukne ka naam hi nahi le raha tha, main foran palta aur toliya utha kar naak par rakh ke bahar ki taraf doura , washroom se bahar nikla hi tha ke sasha kamre ka darwaza kho kar andar dakhil hui

Khoon tezi se behta ja raha tha aur gulabi toliya laal ho raha tha, sasha mujhe dekh kar pareshan ho gayi , us ke hath me first aid box tha

" ye kia lag gya, kya kia tha tumne ?" maine use dekhte hi be saktha swal kia

Meri nazar us ke hath par padi aur us ke nakhun hamesha ki tarha chotte the , main be yaqeeni ke andaz me kabhi us ki traf jwab talab nazron se dekhta to kabhi us ke hath ki traf

"Kia matlab? Maine kia kar dia? Aur ye itna sara khoon kaise behne laga? Wo tezi se behta aur laal toliya dekh kar pareshan ho gayi thi, aur meri naak ka jaiza lene ki garz se use chonaa chahti thi

Maine jhatke se us ka hath hataya , sasha ki baat sun kar mujhe chakkar aane lage aur mere hossh jate rahe

*****************************************



Ahmad ne apne sath hone wali har baat ko shuru se lekar ab tak shayan ko bta di thi, shayan ye sab batein sun kar gehri soch me doob gya , wo dono is waqt Ahmad ke room me mojoud they.



Ahmad ki behoshi ke kuch der baad hi shayan wahan pohncha tha aur shayan ne sasha ki hi madad se use utha kar room me bed par lita dia tha.

"yar tujhe pata hai jab main tujh se milne tere ghar aaya to sasha ne kia kaha mujh se " shayan ne nazrein utha kar kaha

"kia kaha " Ahmad ne jawab talab nazron se puchaa

"sasha ne btaya ke ye kuch din se ajjeeb batein kar rahe hain aur in ka rawayya bhi kuch na samajh aane wala hai , mujhe dare dare se lagte hain aur hum dono se bhi zyada batein nahi kar rahe m ek do bar mujhe kamar par choot ke Nishan dikhaye lekin kuch bhi nahi tha , phir abhi aap ke aane se pehle bhi bahar gate ki taraf kuch dikha rahe the lekin wahan kuch nahi tha , aur phir in ka aise table se gir jana aur khoon ka itna zyada barh jana kuch samajh nahi aa raha"

Shayan ne wo tamam batein Ahmad ko bta dein jo sasha ne us se kahein thien

"lekin ek mint " shayan ne kuch soch kar ek dam ruka tha aur ungli apni thodi par rakhte hue bola

"kia hua" Ahmad ne pucha

"tumhare mutabiq pehli raat ko jab tumhein kisi ne kamre se bahar khenchne ki koshish ki to tumhare chekhne chillane par sasha aur hamna nahi uthi? Right" shayan ne wazahat talab ki

"haan exactly main chekhta raha aur wo dono nahi uthi , aur subah us ne btaya ke meri koi aawaz us ne suni hi nahi" Ahmad ne dimagh par zor dete hue btaya

"aur phir ek bar aur jab raat me tum kichen me gaye tab bhi tumhare sath jo kuch hua , fridge ka achanak Khulna aur tumhein lagna aur in sab baton ka shoor wagheraa , sasha ne kuch nahi suna ?" shayan ne guthi suljhane ki koshish karte hue pucha

"haan yar us roz bhi mere sath jo hua inhein kuch pata nhi aur na hi maine btaya, main use pareshan nahi karna chahta tha" … Ahmad ne tafseel se btaya

"lekin" Ahmad kuch soch kar mathe par gehre bal dalte hue bola

"kia hua" shayan ne pucha

"yar us roz maine sari lights on ki then aur wapas jate hue band nahi ki to kia jab sasha ne subah dekha hoga to note nahi kia hoga , ke kafi lights on hain jo wo khud raat ko sone se pehle band karti hai"

Ahmad ne shayan ke samne khud se swal kia

"agar to subah sasha ke uthne tak sari lights on rahi hain to wo zarur pochti tum se , kia khyal hai " shyan ne kaha

"mera khayal hai ….. tu ek kam kar " shayan ne ab ki bar kuch soch kar mashwra kun andaz me alfaz jorte hue kaha

"tere sath do bar raat me ye ajeeb waqiya pesh aaya hai, aur din me to kuch aisa khaas nahi hota na" shayan ne swal kar ke jawab talab nazron se Ahmad ki taraf dekha

"han" Ahmad ne bujhe hue lehje me jawab dia , jaise in waqiat ko soch kar us ki rooh chalni ho gayi ho,

" to phir tere ghar me common room me ya jis bhi jaghe cctv camera laga hua hai tu raat ko usi jagha per sona shuru kar de , aur khuda na kare aisa kuch waqiaya pesh aata hai to hum check kar sakte hain ke wo kia cheez hai jo tujhe tang kar rahi hai , itna to mujhe andaza ho gya hai ke wo jis ladki ko tune mara tha in sab cheezon ka us se zaroor koi taaluq hai"

Shayan ne qareeb ho kar Ahmad ko cctv ke alawa kuch cheezon ka mashwra dia

"waise tune bahot hi ghalat kia yaar, tune logon ke dar se aur police case se bachne ke lie us aurat aur bachii ke bare me dobara kuch jaan'ne ki koshish bhi nahi ki …"shayan ne afsoos ka izhar karte hue kaha



"chal ek kaam karte hain, dono wahan chalte hain aur wahan ka jaiza lete hain aur agar koi us ilaqe me nazar aaya to un se pata karne ki koshis karte hain" shayan ne maini'khez nigahein Ahmad ki traf uthate hue kaha

"nahi nahi , waha nahi jana , ek to kisi se puchen ge to ulta hum par shak kare ga, dusta us jagha se mujhe waise hi dar lagne laga hai" Ahmad ne saaf inkar karte hue kaha

"ooh yaar kuch nahi hota, to chal to sahi ,mere sath , mujhe asal jagha maloom hoti to main akela hi ja kar dekh aata , lekin tera sath aana zaruri hai , abhi waise bhi shaam ka waqt hai, hum ja kar dekhte hain"

Shayan ne zoor dete hue kaha , jis per Ahmad kisi had tak razi ho gya tha.

"chal to phir jaldi kar ' maghrib(shaam) se pehle wahan dekh kar aate hain " Ahmad ne fori tor per apna dar zahir karte hue kaha

Kuch der me dono gadi me mojood the aur gadi us sadak ki traf doud rahi thi

Ahmad ke zehan me ek baar phir se wahi manzar ghumne laga, uske chehre per khoof aata ja raha tha , aur paseena uske mathe se sarakne laga tha

Aain usi jagha per ahmad ne apne andaze aur aas pass ke darakht dekh kar gadi rukwai aur wo dono us jagha ki traf barhne lage jahan Ahmad ke andaze ke mutabiq wo aurat aur bachii us ki gadi ki takkar se ja kar gire the. Ahmad ke chehre par ab bhi khoof ke badal nazar aa rahe the aur dil ki dhadhkan be kaboo ho chuki thi ……………….


Continued………….

Give your reviews here.......

 

[L U F F Y _]

Update posted Guys

 

[L U F F Y _]

Update 04

​

Maghrib ka waqt kareeb tha aue Roshni madham hoti jaa rahi , Ahmad apne anadaze ke mutabiq shayan ke sath us jagah pohanch chuka tha

"yar mera khyal hai yahi jagha ho sakti hai, meri gadi ne jab unhein hit kia tha wo log us traf ja kar gire the" Ahmad ne hath se road se thoda andar ki traf ishara kia

Ahmad ki btayi hui jagha ke kareeb pohanch kar wo dono jagha ka muaa'ina karne lage lekin unhein wahan aisi koi cheez ya suragh nazar nahi aa raha tha

Unhein waha khoon ke dhabbe nazar aane ki umeed thi ji ski koshis me aas pass ki jaghon ko bahot kareeb se aur dhyan se tatool rahe the , ghane darakht aur jhariyoun ki mojoudgi me us jagha par un ka chalna kafi dushwar tha. Ye road ke kinare aisi jagha thi jahan kachii zameen aur jhariyan har taraf pheli hui the.

"yaar shayan idhr to kuch bhi nahi hai , chal yaar ghar chalte hain " Ahmad ne teez dharakte dil ke sath kaha aur shayan ki traf be charge se dekhne laga

"ruk to ja yar , sahih se dekh to lene de shayad koi Nishan , ya khon kuch to nazar aaye ga, is jagha se logon ka guzar mushkil hi hota ho, to phir wo dono accident ke bad yahan se kaise aur kahan gaye?" shayan ne pur'israr andaz se swal kia

"yaar to chor ye investigation please , mujhe waise hi dar lag raha hai , chal yar wapas chalte hain" Ahmad ne badastoor us ka hath tham kar kaha, wo dono is talaash me road se kafi andar ki traf aa chuke the, jahan darakhton ke saye ki wajah se Roshni mazeed kam ho gayi thi. Shayan ke lie ye sab ek adventure se kam nahi tha kyun ke wo bahut nidar qisam ka insan tha jabke Ahmad ke sath ye sab hota aa raha tha , aur wo intehai khoof ke zer'e' asar tha

"yaar dekh tere mutabiq gadi ne samne road par us jagha unhein hit kia tha aur wo dono takra kar …." Shayan Ahmad ko hath ke ishare se jagha bata kar sahi jagha ki Nishan dehi karne ki koshis kar raha tha.

Ahmad ek dam jhatke se chonka , aur palat kar peeche ki janib dekhne laga

Ahmad ki is harkat par shayan apni baat kehte kehte ek dum rum gya, herat se Ahmad kin azar ka taa'uqub karne laga….

"yaar tune awaz suni?" Ahmad ne larazti awaz aur kapkapate labon ke sath pucha aur shayan ke bilkul qareeb ho kar us se jur ke khara ho gya,

''yaar chal yaar yahan se mera dil doob raha hai , please shayan chal yar yahan se " ahmad ne use khenchne ki koshish ki

"abe hue kia achanak? Konsi awaz aayi hai " shayan ne use rokte hue achanbhe se pochaa

"mujhe aisa laga jaise road ki taraf se koi awaz aayi hai aur phir semane us taraf kuch aa kar gira ho "

Ahmad ne us jagha ishara karte hue kaha jahan wo dekh raha tha

Shayan us ka hath pakad kar us taraf barhne laga ahmad peeche peeche dara hua kapkapte peeron ke sath aa raha tha

Andhera barh chuka tha ,is janib darakht kam aur jangli jhariyan bahut zyada then,

Dono ne apne mobile ki torch on kar len aur dheere dheere jhariyoun se bachte bachate us jagha ke kareeb hote ja rahe the , us jagha ke kareeb pohnch kar jo manzar unhone dekha us manzar ne dono ke hosh udaa diye, dono ne hawaas bakhta ho kar ek dusre ki traf dekha , ahmad aur shayan ki chehra ek dam sufed par chuka tha , awaz halaq me hi dabi reh gayi aur aisa maloom hota tha jaise kisi ne pure badan se khoon ka eke k qatra nichor lia ho

Samne hi wo bachii aur aurat jo shayad maa aur beti thii , bahut buri haalat me jhariyoun ke beech padi hui thin un ke jisam se khoon aise beh raha tha ke mano abhi abhi accident hua ho , peer ,ghutno se mude hue the jaise ke tangon ki hadiyan toot chuki hoon

Dono ka chehra un dusri traf muda hua tha , ye dakh kar ahmad ki halat aur patli ho gayi

Shayan ne himmat kar ke unhein hilla kar dekhna chaha , jaise hi us ne hath un ki traf barhaya , achanak hi dono laashon ne chehra ghumaa karun ki taraf kar lia aur ankhein khol lein jo bilkul sufed then jaise un me zindgi ki koi nishani mojood hi na ho

Aur wo dono ahmad ki traf dekh kar kehne lagin"tum chahte to bacha sakte the". Ye awaz itni dehshat naak thi ke sannate ko cheerti hui kano me dakhil hui thi

Ye manzar dekh kar dono ka kaleeja halaq ko aa gya

Wo dono yak dam mud kar wapas road ki janib sar pat doude, ahmad ko mehsoos ho raha tha jaise us ka peer pakad kar peche ko khench raha ho, wo apni puri taaqat aur rafter se bhagne ki koshis ke bawajood bhi shayan se peeche hota ja raha tha , raste me jhariyoun me ulajhte peer, chubte kante aur kapdon ko chalni karti hui jahriyan unhein ek pal ke lie mehsoos nahi hui…

Bil akhir shayan ke chand lamhon baad ahmad bhi gadi tak pohnchne me kamyab ho gya ,shayan gadi start kiye hue tha

Dono ke peer kafi had tak zakhmi the

Sare raste dono ne bar bar back mirror me piche dekhte rahe , ghar se us jagha ka fasla kuch der pehle inhone 20 mint me teeh kia tha lekin shayan ki gadi ab ki bar 10 mint me ahmad keg har ke bahar mojood thi, raste bhar wo dono nae k lafz keh sake aur na koi baat ki

"yaar main tujh se phone par baat karta hun" ahmad ke gadi se utarte hi shayan ne ye keh kar gadi aage barha di

Ahmad kichen me dakhil hua jahan sasha pehle se kuch kaam me masroof thi, wo mushkil se chal pa raha tha

"sasha" ahmad ne ghabrai hui dheemi si awaz me sasha ko awaz lagai , jo chulhe par kuch paka rahi thi aur peth ahmad ki taraf thi , ahmad larkhrata hua us ki tara barh raha tha aur nazrein bar bar apne zakhmi peeron ki taraf ja rahi thi

"sasha , yaar idhr baat suno" wo kehta hua sasha ke qareeb pohncha hi tha ke use ek bar phir wahi lehja aur aawaz apni peth peche se sunai di

"tum chahte to bacha sakte the"

Wo ghabra kar ek dam se peche palta aur peeron par zakham ki wajah se apna balance na rakh saka aur sasha se takrata hua neeche gir kar beth gya

Sasha ne foran palat kar use ba'mushkil sambhala aur us ki aisi halat dekh kar saktee me aa gayi

"ahmad ye kia hua ahmad ?ye sab kia hai ? " us ke peeron se ghutno tak jagha jagha chilla hua tha aur zakhmon se khoon beh raha tha jise dekh kar sasha ne pareshani me pucha

"room me chalo" ahmad ne itna keh kar ankhein band kar lein

Sasha ne badi mushkil se use sahara de kar kamre tak pohnchaya aur bed par litaa dia

"aap yahan leten , main first aid box le kar aati hun" sasha ne ahmad ko bed par thek se lita kar jate hue kaha

"nahi , sasha nahi , ruko, meri baat suno" ahmad ne ghabra kar teez aawaz me kaha jis par sasha ke qadam herat se wahin ruk gaye

"are kia hua ? main kuch le kar aati hun aap ke zakham saaf karne hain, phir aap change kar len " sasha ne fikar mandi ka izhar karte hue kaha

"wo samne toliya hai na, use geela kar yahin washroom se aur usi se saaf kardo" ahmad ne hukam dete hue kamre me mojood toliye ki traf ishara kia

Sasha kuch na samajhte hue toliya le kar use geela karne chali gayi, ahmad kin azar musal'sal us par tiki hui thi jo bathroom me ghusi thi , aur chand lamhon me geela toliya le kar wapas aa gayi

Ahmad ghor se sasha ko dekh raha tha aur us har andaaz note kar raha tha us ke zehan me wahi manzar jo wo dekh kar aaya tha aur wahi aawaz jo abhi kichen me dusri baar suni thi, goonj rahi thi

Sasha se bhi use dar mehsoos hone laga tha , lekin ye baat us ne sasha ke samne zahir nahi hone di

Sasha pent ke painche upper karke toliye se khoon saaf kar rahi thi us ka chehra neeche ko jhuka huaa tha aur mathe par lehrate baal chehre ko kisi had tak dhanpe hue the

Ahmad ko ek anjana sa khoof tha ke kahin sasha phir se gehra zakham na mar de lekin aisa kuch nahihua , sasha bahut narmi aur aaram se achi tarha dono peeron se khoon saaf kar rahi thi

"ahmad ye hua kia hai? Aap shayan ke sath kahan gaye the? Sasha ne khamosi ki dewaar girayi aur ahmad se is sab ki wajah puchi

"sasha me tumhein sab kuch bataun ga lekin mujhe is se pehle kuch cheezein jaan'ni hain , jin ke intezar me main hun, please tum tab tak is bare me baat nahi karo gi"

Ahmad ne sasha ko yaqeen dilate hua kaha

"lekin…….. ahmad main aap me kuch din se ajeeb tabdeeli dekh rahi hun , please mujhe batayen aakhir baat kia hai, aap kin masloon me phanse hue hain,main apni har mumkin koshish karke aap ko khush rakhna chahti hun aur itne din se aap ke badle hue rawaye ko dekh rahi hun lekin kuch keh nahi rahi , lekin ab rooz rooz aapke kahein na kahein zakham aur nidhal nazar aate hain , ye sab kia hai , aap thek to hain na?."sasha ko jaise apne dil ki baat kehne ka moka mil gya tha , wo phat padi thi aur apni pareshani zahir kar dali .

"main thek hun sasha bas thora ek masla chal raha hai, jo main tum se zaroor share karon ga lekin abhi nahi , please……." Ahmad ke samjhane par sasha maan gayi aur dheemi si muskurahat us ke chehre par umad aayi..

"chalein aap change kar lein , ye kapde, main khana tyar kar loon, chulha band karke aayi thi"sasha ne uthte hue kaha

Pichle kuch dino se ahmad note kar raha tha ke sasha chup chup hai aur uske table se girne ki wajah se naak par chot lagne par bhi koi khaas herat zahir nahi ki, na us ki pichle kuch dono ki baton par herat ka izhar kia, aur phir bathroom me hone wala waqiya…..kia ye sasha hi hai……………

Ab use yaqeen ho gya tha ke ye us ki biwi sasha hi hai jo us ka khyal rakhne ki garz se aur use zehni uljhan se door rakhne ke lie ye sab batein ignore kar rahi thi

"magar bathroom me jis ne mari naak se khoon saaf kia wo……"

Ahmad ye soch kar dehel kar reh gya , us ke jisam me ek dar ki leher doud gayi, wo uth kar kapde change karne chala gya

"chalein aaj chat(roof/teracee) par chaye peete hain aur walk karte hain" sasha ne khane ki table par ahmad ko khamosh dekh kar baat shuru ki

"nahi yaar mera mood nahi hai aaaj, phir kisi din ….. " ahmad ne nazrein utha kar us ki traf dekhte hue kaha aur dobara apne khane me masroof ho gya

"chalein na kafi din ho gaye hain , humne chat par chaye nahi pee, aura ap ka dipression bhi door hoga" sasha ne ab israar kia, jispar ahmad mana nahi kar saka aur garden hila kar hami bhar li.

Ahmad khane se farigh ho kar chat par ja chuka tha aur sasha kichen me chaye bnane me masroof thi , ahmad ki aadat thi ke wo khane ke foran baad chala jata tha aur jab tak sasha na aa jaye wo walk kar aur mobile use karta tha , phir sasha ke aane par dono sath chaye peete aur walk karte hue batein karte ,,,,

Ahmad ko aaj na jaane kaise kaise khyalaat aa rahe the aur apne hi ghar ki chat par khof mehsoos ho raha tha, ghar ki chat bahut khuli thi jism eek traf kayi kisam ke gamle rakhe hue the aur Khushboo dar phool bhi,

Char soo andhere ka raaj tha jabke ikka dukka gharon ki lights on nazar aa rahi then, ahmad mobile istemal karne ki jagha aaj bechaini se sasha ka intezar kar raha tha aur us ki nazrein ek anjaane khoof ko samoye hue aas paas har jagha bhatak rahi then

Kuch der me sasha hath me tray lie hue serhiyoun se upper aati nazar aayi jis par ahmad ne sakoon ka sans lia aur kursi le kar beth gya

Wo dono chaye peene me masroof ho gaye aur sath sath batein bhi karne lage , "chalein walk karte hain" sasha ne kuch der me walk karne ka irada zahir kia , jis par dono apni jagha se khare ho kar walk karne lage, wo dono kursiyoun par ek dusre ke samne bethe hue the aur beech me table par pani ka jag aur ek glass para tha

"sasha ek baat btao mujhe " ahmad ne ek jagha par nigah jamate hue chaye ka ghont bhar kar kaha

"ji pochen " wo jo ahmad ke sath kadams se kadam mila kar chat par ek taraf se dursri taraf walk kar rahi thi swaliya nazrein uthate hue pocha

"us rooz jab meri naak se khoon beh raha tha aur tum mere lie dawa lene gayi thi to tumhein itni deer kyun lag gayi thi aate hue" ahmad ka kadam apne sawal ke sath ruk gaye the aur wo sasha ki traf munh karke mutwajja ho gya tha

"are haan , main jab neeche first aid boz lene gayi to wo apni jagha par tha hi nai,mujhe dhondhne me bahot time lag gya tha , phir wo mujhe kafi deer baad dining table par samne hi rakha hua nazar aaya" sasha ne tasalli se jawab dia jis par ahmad "hmmm" karke reh gya

Ahmad apni biwi ki traf se tasalli aur dusri taraf se khoof dono ke saye me tha jis se wo ajeeb si kashmakash ki shikar tha , kabhi to wo bahot dara hua aur kabhi bilkul pur sakoon ho jata tha.. use yaqeen tha ke uski biwi us ke sath mojood hai aur bathroom me jise usne gale lagaya tha wo uski biwi nahi thi

"kia hua ahmad? Kia soch rahe hain?" sasha ke swal par wo ek dam sochon se bahar aaya aur zehan jhatak kar sasha ki traf dekha , na jane kyun use chand ki madham si chamak apni biwi ke chehre par parte hue kuch khoof sa mehsoos ho raha tha.

"kuch nahi yaar ……. Bas…….." wo itna keh kar chup ho gya

Sasha bhi uski khamoshi par kuch na keh saki aur ahmad ke hamrah ek bar phir qadam uthne lage.

Ahmad, sasha ke sath chat ke ek kone par tha , jab wo palat kar dusri janib chalne laga use mehsoos hua , uski kursi ab us jagha nahi hai, jahan wo pichle 15 mint se walk karte hue dekh raha tha.

Pehle pehal use apna weham mehsoos hua kyuki us ne walk karte hue kursiyoun ki position par kuch khas ghor nahi kia tha lakin ab us ne ghor karna shuru kia to use yaqeen ho gya….

"uthte waqt main sasha ke samne betha hua tha aur meri kursi samne thi ab table ki dusri side par….." ahmad ne khud se swal kia , us ka zehan ulajh kar reh gya tha , wo ek baar phir chat ke beech me mojood un kursi table ke pass se guzar kar dusru taraf gya tha, ke ab ki bar use kursi sirakne ki awaz aayi, palat kar dekha to wo kursi pehle wali kagha par thi jahan us ke andaze ke mutabiq honi chahiye thi

"sasha chalo neeche.."wo sasha ka hath pakad kar teezi se serhiyoun ki taraf barha aur serhiyan utarne laga..

"kia hua ahmad?...." sasha us ke achanak badalte hue rawaye par heran 'o' pareshan reh gyi, ahmad bagher kisi jawab ke uska hath thame tezi se neeche utar raha tha

Abhi mushkil se char panch serhiyan hi utre the ke ek zor dar awaaz aayi jis ke baad kursiyoun ke girne aur kanch ke jag ke tootne ki awaz sunayi di..

Ahmad ne apni raftar teez kar di aur wo dono kareeban bhaag kar neeche floor par pohnche , ahmad use lekar seedha kamre me ghus gyaa…

"ahmad , ahmad hua kia hai , akhir aap kyun bhaage hain chat se" sasha ki herat tamam bulandiyoun ko choo rahi thi

Ahmad ne kamre me mojood intercom uthaya aur ghar ke chowkidar ko upper aane ka hukam dia……..

Ahmad ki sans ukhri hui thi aur wo sasha ki kisi baat ka jawaab die bagher be'chaini se kamre me chakkar lagane laga.

Kamre ka darwaza baja tha, jab uske kadam yak dam ruke …."kon hai" andar se hi puchaa

"sahib aap ne bulaya tha , salah din hun" bahar se awaz aayi

Ahmad ne thora sa darwaza khol kar tasalli ki , ke bahar uska chowkidar hi hai ……..

"baba upper se abhi kuch girne aur tutne ki aawaz aayi hai,zara chat par ja kar dekho kia girah hai" ahmad ne use hukam de kar darwaza wapas band kar dia

"ahmad kia hua? Kuch to btayen , kaisi awaz aayi hai aap ko? Please ab bahot ho gya , ab mujhe batayen aakhir chal kia raha hai ye sab" sasha ne pareshani me ghussa apnate hue pucha

"ruk jaaao" ahmad ne roub dar awaz me jawab dia aur ungli se chup rehne ka ishara kia

Mobile ki bell baji aur ahmad ne ruk kar charging par laga mobile nikal kar kaan se lga lia, dusri traf shayan line par tha,,,,,

"ahmad tujhe yaad hai na , kia kaha tha maine? Kia karna hai aaj tune….." shayan ki awaz aayi

"haan yaar yaad to hai lekin main sasha ko in sab cheezon ki kia wajah btaun ga , use maine abhi tak kuch nhi btaya" ahmad ne tehlte hue kamre se bahar nikal kar dheemi awaaz me jawab dia……

Yaar tu bol de kuch bhi, use sambhal le kisi tarah bhi , lekin aaj karke zarur dekh, maine jab se us ladki aur bachi ko dekha hai , yaqeen maan meri haalat abtar ho gyi hai , us ki wo awaaz mere kanoon me reh reh kar goonj rahi hai" shayan ne apne khoof ka izhar kia jispar ahmad ke bhi paseene chotne lage

"bol raha tha , tujhe main, mat chal us taraf , tun ahi mana , aur soch main kaise ye sab jheel raha hun … meri kia halat hogi, abhi abhi phir ek masla hua hai" ahmad ne mooka pate hi apne dil ki bhadas nikali aur sara ilzaam shayan ki taraf thop dia.

"kia matlab? Ab kia hua hai?." Shayan ne chonkte hue sawal kia

"kuch nahi baad me btaun ga " ahmad bechaini se kamre ke bahar tehlte hue baba ke wapas aane ka intezar kar raha tha , us ki nazrein bar bar upper jane wali serhiyoun ki taraf thin

"achaa yaar baat sun , ye bata hum ne jo ladki aur bachii jhariyoun me dekhi then ye wahi thin a? " shayan ne darte darte sawal kia

"bhai 100 percent wahi dono then, aur main yaqeen se keh sakta hun , humne jinhein dekha ha wo ………" ahmad itna keh kar chup ho gya

"haan yaar tu sahi keh raha hai , usne puri gardan ghuma kar kaha tha " , "tum chahte to bacha sakte they" aur ye kisi insaan ke lie mumkin nahi, na wo dehshatnak awaz kisi insaan ki thi , dosri baat wo bilkul aise lag rahi thi jaise abhi abhi accident hua hoo…… yar kaise ho sakta hai yee……. Main……….." shayan ne apna shak zahir kia aur dono taraf ek lamhe ke lie khamoshi chaa gayi.

"chal yaar main phone rakh raha hun, tu aaj zarur camra ke mojoudgi me sona aur jaise maine btaya hai wo sab zarur karna"

"chal thek hai yaar, duaa kar, kuch ulta seedha na hoo" ahmad ne iltaja ki aur phone band kar dia

Us ki nazrein serhiyoun ki janib lagi hui then jahan se achanak ek cheekh sunayi di , us aawaz ko sun kar ahmad ko aisa laga jaise us ka dil pasliyan tod kar bahar aa jaye ga……



Continued……………..

==============================​

Give your Reviews here …………………………

 

[L U F F Y _]

Update 05


​

Ahmad darte darte serhiyoun ki taraf barha lekin upper charhne ki himmat na kar saka "baba….baba" wo darte darte baba ko awaz lagane laga lekin upper se koi jawab nahi aaya , us ne bamushkil himmat bandh kar upper jane wali serhiyoun ki taraf kadam rakha lekin do char kadam se zyada uoer nahi charh saka uski himmat hi na ho saki

" baba salah din baba , …….. awaz sun rahe ho meri?" ek baar phir awazein lagane laga lekin upper se mukammal khamoshi ke siwa kuch naseeb na hua, albata us ki apni awaz use jaise gunjti wapas aati sunai di jo ek ajeeb si baat thi

Ek baar phir himmat kar ke wo zara sa aur upper charha , jabke ek pori sirhi abhi baki thi jo chat se milti thi, yaka yak use ek baar phir khof ne aa ghera aur wo wapas palat gya aur neeche uterne laga, bamushkil do kadam utra hoga ke koi cheez ludhakti hui us ke peeron se aa kar takrayi jis se wo apna tawazan barqarar na rakh saka aur kamar ke bal seerhiyoun par hi gira

Wo salah din baba tha jo serhiyoun par na jane achanak kahan se ludhakta hua aakar ahmad ke peeron se takraya tha.

Salah din baba behoshi ki halat me serhiyoun se ludhakta hua neeche aaya tha lekin ahmad ko takrane se pehle us ki koi awaz yahan tak ke ludhakne ki awaaz bhi nahi aayi…

"baba,……. Baba kia hua baba uthoo" wo khud ko sambhalne me kamyaab ho gya tha, ahmad jo baba ke upper hi gira tha is lie kisi kisam ki choot se mehfooz raha tha

Baba ko is halat me dekh kar ahmad ke toote urr gaye, ek nazar upper chat ki taraf mari jahan serhiyoun par andhera aur sannata khofnaak manzar pesh kar raha tha

Ahmad foran baba ko le kar kamre ki taraf bhaga aur us par pani daal kar hosh me lane ki koshish karne laga lekin na kamyan raha

Abhi wo baba ko hosh me lane ki koshish me tha ke use nichle floor se ek zor dar awaaz sunai di, is baar awaaz par sasha bhi choonk gayi thi , us awwaz ne mahol ko mukammal tor par khof ki lapet me le lia tha

"tum ne suni ye awwaz?" ahmad na kapkapati awwaz me pucha

Sasha ne haan me sar hilaya aur sehmi hui ahmad ki taraf dekhne lagi

"sasha tum baba ko dekho , pani waghera maro aur hosh me lane ki koshish karo main check karta hun" ahmad ne himmat kar ke khare hote hue kaha

"nahi ahmad mujhe bahout dar lag raha hai , aap yahin ruken please" sasha ne ghabrahat ke mare iltaja ki

"bas do mint, main check kar ke aaya" keh kar wo kamre se nikal gya

Kamre se nikal kar phonkte hue kadam rakhta wo neeche ki taraf utarne laga

Ye serhiyan un ke hall numa kamre me ja kar utarti thin jo in ka tv longe bhi tha aur dining rom bhi

Haal ki chhat ke darmiyan me aaraish ki garz se laga hua jhilmilata hua fanoos teezi se hil raha tha , jaise wo abhi gir jaye ga

Fanoos beshak bahot khubsurat aur bada sat ha , sath hi itna wazni bhi ke halki phulki hawa use hilla bhi nahi sakti thi, wo itni teezi se jhool raha tha ke jaise kisi ne use hilaya hoo

Fanoos ki jalti bujhti Roshni aur ke sheeshon ki khar'kharahat us pur'israr mahool ko aur khatarnaak bana rahi thi

"yaa khudaa …… ye kia majra hai ……….. " us ne khud se keh kar serhiyoun se neeche kadam barhana shuru kiye hi the ke wahan mojood sab ki sab lights khud ba khud off ho gun , lights band hona ahmad ke liye na hone wala waqiya tha ,

Ahmad ne wapas bhaag kar kamre ka rukh kiya aur kamre ke bahar switch board par hath mara to tamam switches off the , usne jaldi se on kar ke kamre me ghusne me hi ghanimat samjha

Baba ko ab hosh aane laga tha , sasha us se kuch fasle par khadi use aawazein de kar jagane ki koshish me lagi hui thi , ahmad ne baba ko kamar se sahara de kar bithaya aur wo bad hawasi ke aalam me idhr udhr ka jaiza lene laga

"kia hua baba" jaise hi us ko hosh aaya wo sasha ki taraf dekh kar ek dam khara hua aur darwaze ki taraf lapka

"baba kia huaa? Kahan ja rahe hoo" dono ne herangi se pucha

"hum ja raha hai , yahan kaam nahi kare ga " wo dantne ke andaaz me keh kar teezi se kamre se bahar nikla tha

Ahmad jaise hi us ke peeche jane ke lie kamre se bahar nikla ke tamam lights on dekh kar heran hue bagher na reh saka, switch board ke tamam switches bhi on the.

Ahmad bina ruke baba ke peeche peeche bhaga aur gate ke kareeb us ke mare me use rok lia

"baba kia hua , kyun bhaag rahe ho aise . upper chat par kia hua tha" ahmad ne apne hawaas par kabo pate hue puchaa

"choro hamein sahib , hum yahan kaam nahi kare ga hum jaa raha hai " wo apna zaruri saman jama kar raha tha

"are baba lekin hua kia hai ? kahan ja rahe ho , mujhe batao upper chat par kia hua " ahmad ne use rok kar kamre me mojood charpayi per bithaya

"sahib aap ne hamein upper bheja ke jao dekh kar aao kuch girah ai aawaz aayi hai, hum upper gya to begam sahiba aur human bibi upper khara hua tha"

Wo kapkapati hui awaaz me bata raha tha , ahmad ka munh ye sun kar khulaa ka khula reh gya

"phir??????????" ahmad ne foran puchaa

"sahib hum ne begam sahiba ke paas ja kar pucha ke kia hua hai to wo humein dekh kar hanstaa raha phir bolta hai , wahan kone me koi betha hua hai , ja kar dekho , humne wahan dekha to udhr kuch bhi nahi tha sirf gamle rakha hua tha, hum gamle ko dekhne wahan gya to begam sahiba ne hamein dhakka de dia , hum chat se neeche gir jata lekin lohe ka grill pakad ke hum bach gya , hum giraa nahi , phir hum khud ko sambhal ke wapas khara hua to begam sahiba ka chehra Roshni me sahi se nazar aaya , wo to koi aur tham aur humne phir dekha hamna bibi chat se neeche kudne ka koshish kar raha hai , wo dewaar par charh raha tha , hum bhaga us ko bachane ke lie , aur us ne hamara pohnchne se pehle chalang laga dia, hum foran neeche jhanka to udhar koi bhi nahi thaa, aur hamein aisa laga jaise kisi ne phir se dhakka dia ho, humne khud dubara girte girte bachaya aur wapas dekha to chat par koi bhi nahi tha , phir to hum neeche aane ke lie bhaaga to table khud ba khud hamein paun par takra gya aur hum zameen par gira, phir pata nahi kia hua, hamein kuch pta nahi hai "/…….

"sahib humne apni zindgi me bahot kuch dekha hai , hamein dar nahi lagta kisi se lekin ye hamein maar de ga , begam sahiba pehle hum se baat kar ke hamein wahan bheja phir un ka chehra badal gya,,, hamein marna chahta tha" baba ne ghabrate hue ukhri sanson ke sath sara qissa sunaya aur wapas apna saman jama karne laga

"achaa baba tum ruko , subah chale jana be shak" ahmad ne baba se rukne ki ilteja ki

"hum ja raha hai abhi yahan se , tum bhi jaao idhr se tumhara ghar me kuch hai" wo saaman utha kar bahar nikal gyaa

Ahmad ko yak dam sasha ka khyal aaya aur wo doud kar ghar ke andar ki taraf bhaga aur andar pohanch kar idhr udhr dekhe binaa foran upper ka rukh kia, kamre me sasha ko pa kar sakoon ka sans lia aur us ke barabar me ja kar beth gya…..use mehsoos hua sasha ek taraf kuch ghor ghor kar dekh rahi hai

Baba ke bare me puchne ki jaga ye kia dekh rahi hai ? ahmad ek zehan me khyal aaya aur us ne sasha ke kandhon se pakad kar harkat di " sasha …? Kia hua ? kia dekh rahi ho " ahmad ne kareeb hote hue pucha..

" TUM CHAHTE TO BACHAA SAKTE THE " ek wehshat bhari awaaz ahmad ke kanoo se takrayi , jo uski biwi ke muh se nikli thi, ankhein khoon ki tarah surkh aur chehra kayi dino ka thaka hua lag raha tha, us ne ahmad ki taraf gardan mor kar kaha

Awaz me kadre bhari pan tha , ye awwaz us awwaz se mukhtalif ne thi jo us ne jhariyoun me suni thi

Ahmad ko yun laga jaise us awaz ne use dur dhakeel dia hoo, aao dekha na taao foran darwaze ki taraf lapka aur use junhi kamre ka lock ghumaya wo band tha, ahmad zoor lagane laga ,

Usi kashmakash me uski ek nazar sasha par padi jo bahot pareshan pareshan aur ghabrai hui use dekh rahi thi , nazrein milte hi baba ke bare me puchne lagi

"kia hua tha baba ko , ahmad " ahmad ko uski asli awaaz aur chehre ke taasrat se ehsaas hua ke ye ek lamhe pehle wali sasha nahi hai m

"chalo yahan se chalte hai" ahmad ne sasha ka hath pakda aur dobara darwaza khola jo foran khul gya

**********************

Kych der me wo log sasha ki mama ke ghar ke bahar khare the , jahan human pehle se ruki hui thi….

Raste bhar sasha puchne ki koshis karti rahi lekin ahmad teezi se gadi chalata raha aur kuch bhi bolne se mana karta raha

"sasha meri baat suno, goor se ," ahmad ne hidayat karte hue baat shuru ki

"main tumhein ammi ke ghar choor raha hun , ho sakta hai ek do din tumhein yahin rukna pade , mere saath ghar me kuch ajeeb waqiyat ho rahe hain aur us ke peeche ek bahi wajah hai jo maine tumse baad me share karun ga , tumhein apna aur hamna ka khyal rakhna hai aur me in cheezon se nimat kar tumhein wapas le luun ga" ahmad ne ek hi saans me mukhtasar qissa keh dala aur sasha hakka bakka us ka chehra dekhti rahi

"tum andar jaao ab me tum se phone par rabte me rahunga " ahmad ne use gadi se utarne ka ishara karte hue kaha , aur sakht lehje mi hidayat ki

"ahmad please aap bhi yahin ruk jayen , mat jayen wahan, mera dil doob raha hai, mujhe bahot khoof aa raha hai …….please ahmad" sasha ne fikar mandi se guzarish ki

"nahi me shayan ko le kar ghar jaun ga , tum fikar na karo, jao ab andar" ahmad ne chehre par jhooti muskurahat late hue kaha, sasha gadi se utar kar ghar ke andar chali gayi

Ahmad gadi wapas mod kar ghar ki taraf jaa raha tha, ye wahi rasta tha jise ahmad ne us accident ke baad aane jaane ke lie use kar raha tha, aur dusra rasta wo kab kaa chor chuka tha

Gadi dourate hue achanak ek moqe par ahmad ko ye ehsaas hua ke gadi ki pichli seat par koi mojood hai , us ne back mirrior me dekh kar tasalli kar li , wahan koi nahi tha , albata us ka khoof ko khatam hua hi nahi tha ab mazeed barh chuka tha

Gadi ki speed bahot teez ho gayi aur ahmad dil hi dil me apni kheriyat se ghar pohnchne ki duaa magne laga , sath sath wo back mirror me pichli seat ki taraf dekhta jata aur gadi ki andar ki light bhi on kar di..

Ek lamhe ke lie us ki nazar apne mobile par padi aur ke zehan me shayan ka khyal aaya, dusre chand lamhon me wo shayan ke sath line par tha

"shayan, main tujhe lene aa raha hun , jaldi se tyar ho ja, aaj mere ghar par rukna hai tujhe mere sath " ahmad ne jaldi se baat mukammal ki

" abe kia ho gya hai ? is waqt ? " shayan ne chonk kar puchaa , lekin agle hi lamhe call disconnect ho gayi…

Shayan ke ghar pohnchne se 2 mint pehle use call ki aur gate par aane ka bol dia

" kia ho gya bhai ? ab kia masla ho gya hai yaar " shayan ne ahmad ke pohnchte hi swal dag dia aur gadi me beth gya

"kia ho gyaa? Abe ye puch kia nahi huaaa!!" bhai puch mat kia kia ho raha hai, chowkidat baba bhag gya hai, lights khud on ho jati hain, kabhi off ho jati hain, fanoos hill raha hai, kabhi sasha apna roop badal rahi hai to kabhi lag raha hai gadi me piche koi betha hua hai , bas bahot ho gyaa, yaar ab kuch karna hi pare ga mujhe" ahmad ne tilmilaa kar sari baat sunayii aur ghusse me gadi teezi se bhagata raha

"oo bhai ! zyada jazbati mat ban, aqal se kaam lee aqal se , wo koi pehlwan nahi jis se tu is tarah ladne ja raha hia!!" shayan ne samjhane wale andaaz me kaha aur sath hi peche mud kar seat ko check karne laga

" abe yaar to main kia karun, ye mere peeche pad gayi hai, tum chahte to bachaa sakte the, tum chahte to bachaa sakte the , abe kahaan se bachata main, apni biwi aur bachi ko le kar un darakhton me ghussaa deta gadi? Accident kar deta gadi ka ? tu khud bata yaar tu meri jagha hota to kia karta ? yaar maine kia ghalat kia hai? " ahmad ne taqreban rohansi hote hui ghusse bhari awaaz me kaha

" bhai main samajh sakta hun, teri ghalti nahi hai , magar, use tu samjha sakta hai ye baat? " shayan ne ye keh kar ahmad ke hont siil diye…..aur sawalaya nazron se ahmad ko dekhne laga

Ahmad tezi se gado bhaga raha tha afsurda chehra bna kar gadi ki speed kuch kam kar di

" nahi yaar ……… lekin ab kia hal hai is masle ka shayan… kia karna chaiye hamein? Un Cameron ki madad se hum kia karen ge, sirf recording na? lekin hum kuch nahi kar paye to kal ko log camera ki recording me ye dekhen ge ke mujhe aa kar kisi ne maar dia phir? Kia faydaa" ahmad ke sawal ne shayan ko bhi sochne par majboor kar dia

Un ki baat cheet ke doran gadi ki speed kuch slow ho gayi thi m ahmad kin azar samne road par aur shayan back mirror me pichli seat par ghor kar raha tha, yaka yak ahmad ko aisa lagaa jaise samne andheraa chaa gya ho, windo screen par kale kapre numa kisi cheez ne samne ka manzar oojhal kar dia tha

Yaka yak gadi ka handle bayen taraf khud muda aur isi doran inhone mehsoos kia ke wo kisi andhere wali jagha me dakhil ho rahe hain

"shayan , gadi khud chal rahi hai , main kuch nahi kar paa raha " wo chilla chilla kar bol raha tha, aur break par zoor zoor se paun maar raha tha

"gadi rook ahmad ,,,, gaadi roooo, rooooook ahmad gadi rooook " shayan chilla raha tha

"shayaaan nnnn kuch kar yaar gadi khud chal rahi hai I I I I I ……. Shayaaa ………nnnn nnn " ahmad ki chekhein goonj rahi then

Dono buri tarah chilla rahe the aur sath hi mil kar handle ko morne ki koshish to kabhi darwaza kholne ki koshish karne lage, lekin kuch na kar sake………………………………….



*********************

Continued……………………

Give your reviews here……….

 

[L U F F Y _]

Update 06
​

​

Ahmad aur shayan ne ab ki baar khud ko ek anjaan raste par paya jahan na jane gadi road par chal rahi thi ya zameen se upper thi, albata dono taraf khtarnaak had tak andhera Chaya hua tha , Roshni kisi jugnuoun ke jhurmat ki tarah mukhtalif jaghon se ubharti aur dobti nazar aa rahi thi jis me wo bamushkil ek duste ko dekh paa rahe the , is ke alawaaa wo is jagha kuch bhi samajhne se qasir the, gadi ki raftar ek hi jagha ruk gayi thi aur gadi khud ba khud chal rahi thi

" TUM CHAHTE TO BACHAA SAKTE THE" gadi me aawaaz ubhri aur itni zoor se ke khoof ke mare un dono ki aawaz aana band ho gayi us aawaz ki goonj sunai deti rahi , gadi ek hi raftar se chalti chali jaa rahi thi , ye wahi khofnaak awwaz thi jo shayan aaj dusrii baar sun raha tha, ek lamhe ke lie bhi dono ne himmat na hari aur gadi ko morne aur rokne ki koshish me lage rahe jo ke un ke control me nahi thi

Dono ne zoor zoor khudaa se apne bachne ki duaayen maangni shuru kar di aur unhein apni mout ka poor yaqeen ho chuka tha

Ye aisi anjaan jagha thi jo un ke hisaab se koi aam rasta ya road nahi tha , kuch aisi jagha jo nakib'e bayan thi

Aur ek lamha aisa aaya jab un dono ko hi gadi ke samne ek aurat aur bachii dikhai diye , wo samne road cross kar rahe the aur gadi unhi ki taraf barh rahi thi , ahmad ne apni puri taqat se gadi ka handle ghumaya lekin gadi phir bhi un se takrati hui aage ja nikli, ye manzar shayan bhi khulli aankhon se dekh raha tha aur us ke lab sill gaye the

Is ke foran baad hi ek baar phir mukammal andhera hone laga

Ahmad ne ghar ke darwaze ke samne gadi ka break mara tha , haqeeqat me ahmad ka peer break se hata hi nahi tha aur us andhere se nikalte hi break ne kaam karna shuru kar dia tha, jabke wo raste me hone ki bajaye ab ahmad ke ghar ke samne mojood the

Shayan ab tak aawazein aur wo jagha apne ird gird mehsoos kar raha tha , achanak break lagne se dash board se takraya

Wo dono phati ankhon se ek dusre ki taraf aur kabhi samne ghar ke darwaze ko be yaqeeni ke aalam me dekhne lage , jaise wo kisi khwab se jage hoon

Dono bahut deer tak bina koi baat kiye gadi me hi bethe apni sansoon par kaboo pane ki koshish karte rahe

"ye kia huaa ahmad" shayan ki larazti aawaz ne khamoshi todi

"lagta hai koi hamara ghar me intezaar kar raha hai " ahmad ne ek gehri saans le kar kaha

Maloom hota tha wo kisi bade khatre ko mehsoos kar raha ho aur khud ko is ke lie tayar kar raha ho

Gadi se utar kar us ke darwaze ke sath khara ho gya , gehri saansoon aur dharakhte dil ke saath wo apne ghar par nazrein jamaye kisi gehri soch me duba hua lag raha tha

Wo ek khubsurat bangle numa ghar tha, darwaze se andar ghuste hi car parking ki jagha thi, ulte hath par chotta sa garden , bahar se nazar aane wali upri manzil jahan uska kamra tha aur sath balcony, us se upper chhat ji ski dewar use bahar se hi nazar aa rahi thi

Dewar par angoron ki bail charhi hui thi aur us me hare aur peele goshe latak rahe the, aaj apne ghar ko wo kuch nazron se dekh raha tha jaise koi jang ladne is ghar me dakhil hone wala ho , haqeeqat bhi kuch alag na thi, jo halaat aur waqt us ka guzar raha tha, us ke lie kisi jang se kam nahi tha

"kia soch raha hai ahmad " shayan gadi se nikal kar uske pass aa chuka tha

"yaar aaj main apne hi ghar me ghusne se dar raha hun" ahmad ki awaaz madham aur rohansi thi

"jo kuch abhi hamare sath hua hai, kia wo haqeeqat thi? Ya hamara koi weham ya khwab" shayan ne ahmad ke pass khare hote hue ghar ki taraf dekh kar pucha

"main nahi janta wo khwab tha ya hamare dimagh par kisi ka kabza , mainne ye jana ke us jagha me dakhil hone se pehle hum raste me kisi aur jagha the aur us se nikal kar mere ghar ke bahar…….." ahmad ne gehri soch ke sath mathe par bal dalte hue kaha uar us ki nazrein ab tak samne ghar par tiki hui then..

"ahmad …….." shayan ne sochte hue us ke kandhe par hath rakha tha , "hmm… ahmad ne sawalya andaz me bina us ki taraf dekhe kaha

"chal yaar wapas chalte hain, mere ghar ruk jate hain" shayan ne darte darte apne andar ka khoof bahar nikala

"kuch nahi hoga , aa jaao " ahmad ye kehta hua chalne laga

Ghar me dakhil ho kar us ne tamam lights on kar dein aur shayan ke sath mill kar Kamron me mojood cctv camra aur ki direction aur coverage ka achi tarha muaaina kia

Cctv camera ghar ke bahari hisse samet do teen khas jaghon ko cover kiye hue the

Rukne aur raat son eke lie ground floor par mojood hall numa kamre ko select kia gya , jahan camera ek khule hisse samet kichen aur dusre hisse ko bhi cover kar raha tha

"mera khyal hai ye tv lounge ki jagha theek rahe gi , jahan sofe hain , hum idhr hi raat soote hain , jis se camra ki had me rahen ge " shayan ne achi tarha sab jaghein dekh kar apna mashwraa pesh kia

"haan jagha to sahih ai lekin idhr eek sofa hain , hamein choote sofe bana kar idhr hi sone ki jagha banani ho gi " ahmad ne jagha ko dekhte hue kaha

"yaar tere ghar me koi foam ka gadda , ya bistr waghera hai to wo le aa, main zameen par use bichaa kar soo jaun ga " shayan ne ye keh kar mushkil aasan kar di

Ahmad bistr lane ke lie apne room ki taraf upper chala gya jab ke shayan idhr tv on karke sofe par paun phela kar leet gya

Upper floor par ahmad lights on karta hua store numa kamre me bistr lene ki garz se chala gya, jabke shayan niche tv dekh raha tha , store ki taraf un ka jana bilkul naa jane ke barabar tha , idhr kabhi inka kaam hi nahi parta tha, jun hi ahmad store room ki taraf barh raha tha , us ke dar me thora thora izafa hota ja raha tha m wo in halaat ke itna zer'e'asar tha ke us har lamhe apne sath kuch na kuch hota mehsoos hone laga tha

Naa jane kyun us ke kadam store room jaate jaate ruk gye

"shayan baat sun " us ne upper se hi shayan ko awaaz de kar bulaya , kuch deer me shayan us ke saath upper mojood tha

"yaar ye store room me kuch soon eke gadde aur bistr chadrein waghera hain , chal andar se nikalte hain " ahmad ne apna dar chupaate hue use apne sath lia

Shayan bhi us ke bulane ke maksad ko samajh chuka tha , bina kuch bole lekin darte darte store room ka darwaza khola , chonke wo kayi mahino se kisi ne khola tak nahi tha

Kholte hi dar ki ek lehar us ke jisam me dori, andar mukammal andhera tha , foran light ka swich dabaya, lekin wo nahi chali

"yaar ye light kharab hai, ye abhi hi nahi jal rahi " shayan ne darwaze se piche hat'te hue pucha

"kharab ho gayi hai yaar, mobile ki torch jala " ahmad ne dar par qaboo pate hue apne mobile ki torch on ki aur shayan ko bhi on karne ko kaha

Kuch koshish ke bad use shayan ki pasand ka bistr mil gya jise kandhe par lie ahmad store room se nikalne laga , jun bahar ki taraf kamad uthaya use peer me kuch bahot zoor ka chubha , jis se us ki cheekh nikal gayi

"kia hua ahmad kia hua" shayan ek dam ghabra kar light us ke peeron ki taraf ki jis me se khoon nikal raha tha

"kuxh chubh gya hai yaar" ahmad ne karrahte hue bataya, aur langdate hue chalne ki koshish ki, ke achanak us kin azar kareeb pare sheeshon par padi

Un par Roshni daal kar ghor kia to us ke zeham me khatre ki ghantiyan bajne lagi

Ye wahi kaanch ka jag tha jo chhat par chaye ke baad wo dono chor kar aaye the aur us ke tootne ki aawaz par baba ko upper bheja tha

Ahmad ne foran wo khyal pne zehan se jhatka aur aur jaldi se langdate hue wahan se foran bahar nikal gya

Zakham par patti waghera laga kar wo dono kuch time baad neeche mojood the, raat ke 11:30 baje ka waqt tha aur inka soone ka mamool ek baje se pehle ka nahi tha

Tv lounge ki jagha par choote sofe hata kar ek bistr daal dia tha aur shayan ka sofe par soone ka irada tha

Apne itmenaan ke lie dono ne cctv ki footage bhi dekh kar itmeenan kar lia ke jis jagha dono sone jaa rahe hain wo camera me ache se aa rahi hai

" perfect hai yaar , camera me to kuch bhi hoga wo nazar aaa jaye ga , lekin itna kaafi nahi hai, hamein kuch aur bhi intezaam karna chahiye ta'ke kisi tarah ke masle se bach sakein" shayan ne camra check karne ke baad ek baar phi us jagha aa kar dekha aur kuch soch kar kaha

"keh to tum theek rahe ho , lekin ham kaise bachao karein , aur aisa kia karein? " ahmad ne us ki baat par razi hote hue kaha aur dono ek baar phir jagha par ghor karne lage

"yaar aisa karte hain , hum jahan soo rahe hain us kea as pass ki cheezon ko hata dete hain aur pane ird gird kuchh aisa rakhein ki is jagha koi kadam rakhe to pata chal jaye , camra agar record karega , lekin bachaao ke lie bhi to kuch hona chahiye" shayan ne ek gehri soch ke baad mashwraa pesh kia

Kuch deer me wo sofe ka rukh camra ke samne aur bistr bhi us ke barabar daak ke dobara khare ho kar dekh rahe the,

"eek kaam aur karte hain, hamare bistr ke aas paas jo jagha hai , idhr koi cheez zameen par daal dete hain , jise choone se aawaaz paida ho aur hamari aankh khul sake "ahmad ne kamar par hath rakh kar paas khare shayan se kaha

Takreeban dedh ghanta ki mehnat ke baad unhone apni tassali ke lie bahot se intezaamat kar lie the

Soofe aur bistr ke foran baad hi zameen par chaaron taraf powder chirak dia tha jis se kisi ke chalne par us ke nishaan wazeha hona zaruri tha

Powder ke hiss eke baad zameen par plasti ke shoppin bags ek dusre se bandh kar zameen par phelaa dite the jis par peer rakhe bagher koi kadam lie bistr ya soofe tak nahi pohnch sakta tha

Sab se aakhir me patli rassiyoun ke sahare bandh kar steel ke bartan is tarah rakh die ke koi un rassiyoun ko chooye to bartan gir jayen

Apne bachaao ke lie kie gaye intezaam par sath hi wo dono hans bhi rahe the lekin khoof apni jagha par baki tha

Kuch deer tv dekhne aur batein karne ke baad unhone soone ka faisla kia , itne dino ki thakan aur hawaas par taari un dino ke waqiyaat ne ahmad ko kayi dino se theek se sone nahi dia tha

Shayan ki mojoodgi ki wajah se khoof me kisi kadar kami aa gayi thi

" chal yaar main to sooun ga ab, bahot thakan mehsoos ho rahi ha aur kayi dino se neend bhi theek se nahi ho payi" ahmad ne thaakan se choor lehje me kaha

"achaaaaaaa , tujhe neend aa jaye gi ? " shayan ne baat ko halke phulke andaazz me kaha

"lets try ," ahmad ne muskura kar kaha

Wo dono jante the ke neend aana bahot mushkil hai

Kamre me lights on thi , dono neend se bojhal aankhein lie bethe ek dusre ka sahara bane hue the

Thak kar aakhir kaar ahmad soofe par leet gya aur chadar muh tak oorh li, use dekh kar shayan ne bhi soone ka faisla kia aur Roshni ki wajah se chadar apne muh tak oorh li

********************

Abhi un dono ki aankh lage kuch waqt hi guzra tha ke achanak ahmad ko ahsaas hua ke jaise kisi ne use buri tarha jakra hua ho , use laga jaise wo kisi tang jagha me phansa hua ho, aur wahan us ka dam ghut raha ho , seene par bhari pan mehsoos ho raha tha, aur wo chah kar bhi khud ko hilla nahi pa raha tha, dil ki dhadkan teeez ho gayi thi aur sansein kareeb mojood shayan tak ja rahi then , yaka yak usne pane peeron ko jhatka dia jo soofe se bahot zoor se takraya aur us ki aankh khul gayi aur usne use khwaab samajh kar sakooon ka sans lia

Chadar chehre se hat chuki thi jo is ne ek bar phir lene ki garz se pakdi hi thi ke samne lagi tv screen par nazar padi

Tv chal raha tha aur black khali screen mojood thi m ye dekh kar us ke maathe par bal umad aaye, sir utha kar shayan ki taraf dekha to wo soo raha tha, ahmad uth kar beth gya tha aur idhr udhr tv ka remote dekh raha tha, shayan se kuch door bistr par hi use tv remote nazar aa gya jise dekh kar us ne ek gehri saans li aur ye soch kar ke shayan ke paas pada hua remote ka button us se neend me dab gya hoga, wo remote utha kar off karne laga

Ek lamhe ke lie use mehsoos hua ke screen par koi sunsaan sadak nazar aayi ho , sath hi tv se koi aawaz bhi, ahmad ke dil ki dharkan mazeed teez ho gyi lekin agle hi lamhe use apna weham samajh kar wo remote rakh chuka tha , screen ab off thi

Ahmad ne aas paas ka mukammal jaiza lia aur zameen par mojood powder ab bhi waise hi tha

Ek bar phir wo chehre tak chadar oorh kar leet gya

Ab ki baar use shayan ke kharate ki awaaz aa rahi thi jo use kuch pareshan karne lagi, us ne karwat badal kar apna rukh soofe ki back ki taraf kar lia

Abhi wo halki neend me gya hi tha ke us apne peer ki taraf se chadar uth'ti mehsoos hui, is ka ehsaas use thandi hawa lagne se hua jo us hall me mojood ac kit hi aur us se pehle chadar ki wajah se apne peer par mehsooos nahi ho rahi thi

Ahmad ne jaise sar utha kar dekha , chadar neeche ho gayi aur ye ek gher yaqeeni cheez thi, kyuki na hi kamre me hawa ka koi guzar tha aur na hi ac ki hawa se chadar uth sakti thi

Neend ab us ki ankhon se jati rahi

Ek baar phir use khoof mehsoos hone laga

Kuch deer soone ki koshis kar ke wo ek bar phir utha aur zameen par mojood powder ko khare ho kar dekhne laga , lekin wo waisa hi tha , jaisa inhone zameen par dala tha, jis se use tasalli hui wur wo ek bar phir soone ki koshish karne laga

Kareeban adha ghanta guzra hoga aur wo puri tarha neend me gyaa bhi nahi tha ke use ghar ke bahar se gadi ke achanak zordar break lagne aur tyre scratching ki aawaz aayi , ye aawaz use apne ghar ke bahar se aayi thi aur itni teez thi ke wo chonk kar uth gya

" shayan uth yaar , shayaan jaldi kar, uth please, mujhe koi aawaz ayi hai " wo shayan ko jagane laga jo be sudh soo raha tha , achanak har bara kar uth betha

" abee kia hua ahmad" wo garbara kar apna sar khujate hue puchne laga

"yaar koi aawaz aayi hai bahar se gadi ki chal yaar dekhte hain , mujhe lag raha hia hamare ghar ke bahar se aayi hai " ahmad ne pareshani ke aalam me kaha

"soo ja yaar kuch nahi huaa" shayan jo gehri neend se jaga tha keh kar dobara leet gya

"chal yaar please shayan kuch to hua hai ……dekhte hain chal kar gadi ko, uth please" ahmad us ki minnat kar raha tha lekin is baar shayan ki taraf se koi jawab nahi aaaya

"ahmad khud ko jhuti tasalli dete hue dobara leet gya, bahar akele jaane ki himmat na thi

Use dar mehsoos hone laga jis wajah se us ne chehre tak chadar eek baar phir oorh li thi

Us ne mehsoos kia ke bahar kutton ke bhonkne ki aawazein aana shuru ho gayi hain , us se pehle tak ye aawaz eek do bar aa rahi thi lekin ab wo aawazein teez aur musalsal aa rahi then

Ek anjaana khof use khaye ja raha tha

Ahmad ek baar phir uth kar beth gya aur kamre me dekhne laga , khoof use khaye jaa raha tha lekin us ke paas koi chara na tha siwaye wapas son eke

Wo ek baar phir leet gya

Kareeban 10 min t guzre honge ke use apne peer par kisi ke choone ka ehsaas hua, us ne chonk kar apna peer khench lia aur us taraf dekhne ko tha hi ke kisi ne use zor se pakad kar shayan ki taraf kheencha , wo lurakhta hua seedha shayaan ke upper gira aur bad hawasi se dekhne laga

Yaka yak use dusra jhatka laga aur use peer se itni zor se kheencha gya ke wo shayan ke upper se hota hua zameen par ragadta hua jaane laga

"shayaan bachaa mujhe shayaan …………n……n……….n…….. rok mujhe shayan bachaaa le shayaan" wo zor zor se chilla kar shayaan ko pakadne ki koshis karne laga lekin is se pehle ke shayan is mamle ko samajh pata ahmad kheencta hua us ki pohnch se door nikal chuka tha

Shayan us ke girne se garbara kar uth gya tha lekin sambhal nahi paya tha

Ahmad ko wo taqat buri tarha kheechte hue le jaa rahi thi , wo zameen par mojood powder se guzarta hua shopping bags par aur us ke baad seedha darwaze ki taraf kheechta chala ja raha tha

Herat angez tor par us se zameen par mojood powder aur shopping bags bikhr gaye the , jabke aakhir me mojood rassi jo zameen se upper thi hilli bhi nahi, na hi ghaseetne me ahmad ka hath barh ka us tak pohancha tha

Kamre ka darwaza khud ba khud khul gya tha aur ahmad darwaze se bahar ki taraf be dardi se kheenche ja rha tha

Wo musalsal chilla raha tha , aur usi doran shayan apni jagha se uth kar peeche bhaga tha

"shayan bachaa le mujhe please shayaan ….shayaan" wo buri tarha chilla raha tha aur shayan us ka naam leeta hua us ki taraf bhaag raha tha

Ahmad apni har mumkin koshish ke bawajood khud ko nahi rook par raha tha , ghar se nikal kar dakhli raste se hota hua wo bahar ki taraf kheencha ja raha tha, us ki dil larza dene wali cheekhein door door tak sunayi de rahi hon gi

Shayan ne kamre se nikal kar teezi se bhaag kar ahmad ka hath akhir kar tham hi lia tha aur be rouni darwaze se kuch fasle par use rokne me kamyaab ho gyaa

Ahmad ke peer se grift ab dheeli ho chuki thi aur wo khud uthne ki koshish karne laga , sath hi shayan ne use seene aur kamar se pakad kar apni taraf kheenchna shuru kar dia

Raat ke 4:30 ka waqt ho raha tha aur sannate ne mahol ko apni lapet me lia hua tha , is sab ke dooran kutton ke bhonkne ki aawazein eek bar phir bahot barh gayi then

Shayan palat palat kar peeche dekhta raha aur use sahara deta hua ghar me jaldi se dakhil hua aur use soofe par la kar bitha dia, sath hi darwaza dobara band kar dia

Is sab ke doran shayan ke takrane se bartan apni jagha se neeche gire hue the

Ahmad ka jisam aur chehra zakhmi ho chuka tha aur jagha jagha se guzarne ragadne ki wajah se khoon beh raha tah

"chal shayan …..chal …. Yahhan se chal yar" ahmad ne mushkil se bolne ki koshish ki lekin uski halat use ijazat nahi de rahi thi,kuch deer sans bahal karke dono ne upper kamre me jaane ka faisla kia , ahmad shayan ki madad se bamushkil chalta hua upper aaya tha aur shayan ne use bed par litaa dia

Ahmad ke kapde jagah jagha se phat chuke the , us tamam waqiye me shayan ne puri himmat se kaam lia aur shayan ka bharpoor sath dia

Dono subah ka intezar kar rahe the , take kisi hospital ja sakein , shayan ne halki phulki first aid de di thi , jis se ahmad ab thora behtar mehsoos kar raha tha

Subah saat baje tak wo dono wahin bethe rahe aur jab munasib Roshni hone ke baad hospital jane ka faisla kia

Shayan kapde change kar ke tayar ho chuka tha , jabke ahmad abhi tak bed par hi leta hua tha

"chal yaar ahmad himmat kar thori , change kar phir chalte hain"shayan ne khidki se bahar jhank kar kaha jahan se ab puri Roshni kamre me dakhil ho rahi thi

Ahmad kohniyoun , ghutnon par takleef ki wajah se, jo use kamre se bahar nikal kar serhiyoun par ragadne aur takrane se ho rahi thi , mushkil se chal pa raha tha

Washroom ka darwaza lock kiye bina hi wo band kar ke andar gya tha , kapde badal kar wo ab bathroom me mojood aayena dekh raha tha

Itna sab kuch hone ke bawajood wo zinda tha jis par dil hi dil me shukar kar raha tha , chehra kayi jagha se chill gaya tha aur zakham ke Nisha wazeh the , wo khud ko bahot ghor se dekh raha tha

Chehra aayene ke kareen kar ke us me kabhi apne mathe aur ankhon ke gird zakham dekhta to kabhi apni kohniyoun par lage zakham aur kabhi shirt upper kar ke kamar par dekhne ki koshis karta

Isi lamhe use aisa mehsoos hua jaise bathroom me koi aur bhi mojood hai

Wo ek lamhe ke lie sochne laga , lekin phir palat kar darwaza check kia jo khula tha

Wo ek bar phir aayene me apna chehra dekhne raha tha m jo choton ke alawa thakan aur neend ke pure na hone par murjhaya hua maloom ho raha tha

Us ne apne chehre par pani dala aur ek zakham use kuch gehra maloom hona laga, pani aur hath lagane par us se halka sa khoon nikalne laga, ahmad ne hath laga kar check kia aur jaise hi apne hath par nazar padi wo heran reh gya

Uska hath khoon se bhara hua tha

Ahmad ke hosh ye dekh kar urr gaye

Aayene me dekha to wahan ek mamoli sa khoon mehaz usi jagha tak mehdood tha

Ahmad ne apna hath ek baar phir dekha aur us ka dil dehal kar reh gya , us ka hath khoon se bhara hua tha aur neeche gir raha tha , jaise hath se khoon nikal kar ris raha ho

Ek baar phir aayene me nazar dorai aur use apna chehra kuch alag sa lagne laga

Ahmad ne kareeb ho kar dobara khud ko dekha

Aayene me mojood us ka aks ab ek jagha ruk gya tha , wo na samjhi ki kaifiyat me dobara peeche hata, aur dobara chehra kareeb kia, magar us ka aks eek jagha tham kar use hi dekh raha tha

Ahmad ne mazeed ghor karna shuru kia aur apna chehra samne dekhte hue idhr udhr hilaya lekin aayene me mojood wo aks us ka kuch der pehle ka tha , jab wo ek munasib doori se khud ko dekh raha tha , be sakhta uski nazar apne hath par padi aur us par khoon mojood na tha, ek bar phir us ne nazar uthha kar aayena dekha

Us ka aks use hi dekh kar muskura raha tha …………..



Continued…………

****************************​

Give your reviews here …………..

 

[L U F F Y _]

Update 07
​

Ahmad chand lamhon tak be yaqeeni ke aalam me use hi dekhta raha, mukhtlif angle badal kar aur jisam ko harkat de kar samne dekhta raha lekin us ka aks ek hi andaaz me use dekh kar muskura raha tha, us ki muskurahat khof se bharpor thi.

"tum chahte to bachaa sakte the" dekhte hi dekhte aayene me mojood ahmad ne zuban kholi aur aawaz wahi wali thi

Ahmad ek cheekh ke sath teezi se bahar ki taraf dora aur seedha kamree me mojod shayan ke pass pohncha , wo ahmad ki cheekh se jaag chuka tha

" kia hua ahmad?" us ne ghabra kar tajassus se pucha

"yaar phir koi hai wahan bathroom me" ahmad ne darte darte bataya

Mahol ek baar phir our israar aur khoof ki lapet me tha

Shayan ne dabee kadmon bathroom ki taraf rukh kia

Dhakka de kar darwaza khola aur samne manzar dekh kar dono ke hosh gum ho gaye

Wash besin ke upper mojod aayena toota hua tha aur us par "TUM CHAHTE TO BACHAA SAKTE THE" ke alfaaz khoon se likhe the

Ye manzar ahmad ne bhi door se dekha aur dono sar par bahar ki taraf dore

Gadi hospiteal ke bahar ruki thi aur wo deono nange peer gadi se utar kar andar dakhil ho gaye

Hospital me mojood log herat se unhein aur wo dono khoof se logon ko dekh rahe the

Hospital me mojood doctor ko accident ka bahana kar ke treatment li aur kuch ghanto me dono shayan ke ghar me usi ke kamre me mojood the

"tu aisa kar kuch din mere hi ghar thehr ja, aur hum kisi aamil se rabtra karte hain, take is mushkil ka koi hal nikal sake" shayaan ne kamre me tehlte hue kaha

Ahmad soch me dooba bed par betha tha , mehaz sar hilla kar reh gya

**************************



Shaam ke kareeb dono ek aamil ke sath ghar ke bahar mojood the, ghar me dakhil hote hi un ki herat ki intehaa na rahi jab neeche lounge me har cheez apni purani jagha par mojood thi

Ahmad aur shayan ko herat ka ek jhatka laga

Idhr tamam cheezein bilkul pehle jaisi then na to koi powder, na plastic bags , na rassi , soofe pani pehle wali jagha par mojood the

Shayan aur ahmad herat se ek dusre ka muh takne lage

Isi doran ahmad ko upper kichen ki taraf se kisi aawaz ne mutawajja kia

"tune suna, kuch aawaz aa rahi hai upper se" ahmad ne shayan ke kareeb ho kar kaan me sargoshi ki

"haan , lag to mujhe bhi aisa hi raha hai lekin …….." shayan itna keh kar khamosh ho gya

Ek lamhe ke lie wo dono ruk kar upper se aane wali awaz par ghor kar hi rahe the ke sasha ki aawaz sunai di , wo hamna ko pukar rahi thi

Dusri aawaz hamna kit hi , jise sun kar ahmad ne upper ki taraf dooud lagayi aur seedha kichen ki taraf bhaga jahan light jal rahi thi

Sasha udhr pehle se mojood kuch kaam kar rahi thi , ahmad ko dekh kar palti

"tum yahan kaise? Aur kab aayi ho ? ahmad ne sasha ko dekhte hi sawal dag dia

" main kab aayi hun? Hain, kia ho gya ahmad!!" sasha ne jawab herangi se dia

"haan tum! Tum idhr kab aur kis ke sath aayi ho sashaa" ahmad ke zehan ko khayalaat k eek naye toofan ne apne lapeet me le lia tha

" kia ho gy hai ahmad, aap hi ne bulwaya hai, dopehr ko , hammad ke sath aayi hun , aur ab aap ye kaise sawaal kar rahe hain" sasha ne maathe par bal dalte hue btaya

"maine bulwaya hai?" ahmad ne ghoor se sasha ki aankhon me jhankte hue pucha

"ji, aap hi ne to phone kia tha ke ghar aa jao " sasha ne hathon ko hawa me utha kar baat par zor dete hue kaha

"maine bulwaya??????????? " ahmad ne sawal par zor dala

" aap ne dopehr ko phone kar ke bulaya than a" sasha ab ki baar ahmad ke is tarha puchne par kuch pareshan nazar aayi thi

"idhr aao" ahmad us ka bazoo pakad kar kamre ki taraf teezi se barh gya , kamre me hamna pehle se mojood apne tablet se kheel rahi thi, ye dekh kar ahmad par herat ka ek pahad toot para

Ahmad sasha ko kamre me ek taraf hamna se door le kar gya aur us se puch guch karne laga

"sashaa! Mujhe puri baat batao, kab bulaya, kia huaa , kis ke saath aayi ho tum, eek eek baat" ahmad ne herat ko dhakel kar intehai pareshani ke sath pucha

" dopehr ko aapn ne bulaya tha aur main hammad ke sath idhr aa gayi" sasha ne apne makhsoos andaaz me jawaab dia

"nahi sasha , mujhe eek eek baat batao , word to word, phone aane se ab tak" ahmad ne kaha

"aap ne dopehr ko phone kia than a, phir kyun puch rahe hain?" sasha ne na samajhte hue kaha

"sasha main koi phone nahi kia tumhein, tumhare paas kia phone aaya tha, kia baat hui mujhe batao" ahmad ne nihayat sanjeedgi se pucha , aur sasha ke chehre par dar mandlane laga tha

"matlab wo phone aapne nahi kia tha,sasha ne ghabrate hue pucha

"tum us ko choro, kitne baje phone aaya tha , kia baat hui, phir yahan aa kar kia hua mujhe sab batao sasha please for god sake" ahmad ne jhunjhulate hue pucha tha

"aap ki 12:30 baje call aayi thi, aur aapne kaha sasha tum kisi ke sath aa sakti ho, mainne aap se pucha kyun , to aap ne kaha meri tabiyat kuch khrab ho rahi hai , tum jaldi se aa jao, maine aap se pucha tabiyat ka lekin aap ne kaha bas tum ghar wapas aa jo aur main phir hamna ko le kar wapas aa gyi" sasha rawani se bata kar ruki

"phir aap hi ne btaya ke tabiyat theek nahi hai , sir me dard hai aur ghabrahat mehsoos ho rahi hai" sasha ne btaya

"phir,,,,rrr, rr rr" ahmad ne foran pucha

sasha herangi se use dekhne lagi

"yee aap ko kia ho gya hai… aap kyun puch rahe hain ahmad . kaise behave kar rahe hain"sasha ne pareshan hote hue kaha

"sasha dekho , maine tumhein chorte hue kaha btaya thaa, kuch masle ho rahe hain- aur abhi bhi hum masle ki zad me hain, tum aage btao , eek eek baat jo tumhari mujh se hui hai dopehr se ab tak" ahmad mathe par paseena lie hue puch guch kar raha tha

Ek dam kisi ka khyal ate hi bathroom ki taraf gya aur andar aayene ko jhanka , aur wapas aa gya

Aayena bilkul sahi tha

"kia hua" sasha ne herangi se pucha

"phir kia hua, hamari baat hui thi?" ahmad ne apna sawal dohraya

"ahmad……… dekhein mujhe dar lag raha hai, please mujhe btayen kia hua hai, aap aise kyun behave kar rahe hain, abhi aadhe ghanta pehle tak to theek the na aap….." sasha ne darte hue thora piche hat kar kaha

"aadhe ghanta pehle!!!" ahmad ne herangi se alfaaz par zor dete hue kaha

"ji aadhe ghante pehle to aap theek the aur zaruri kaam ka keh kar gaye the" sasha ne darte darte btaya

Ahmad ne apne sar par hath mara aur bed par ja kar beth gya, aankhon par hath rakhe sar neeche jhukaa kar wo kuch der tak aise hi betha raha

"sasha tumhare ghar aane se ab tak , tumhari mujh se jo jo baat hui hai aur jo jo hua hai wo btao mujhe" ahmad ek baar phir ghabrayi hui sasha ke pass wapas aaya aur use dono bazoo se pakad kar apne kareeb kar ke sargoshi ke andaaz me swal kia

"main ghar par wapas aayi , to aab bed par lete hue the , phir aap ne kaha sar me dard ho raha hai aur ghabrahat ho rahi hai to maine aap ko tablet di aur sone ka kaha" sasha dari sehmi ahmad ko btane lagi

"phir… phir … phir" ahmad ne tajassus aur herangi se jaldi se pucha

"phir aap so gaye aur eek do ghanta baad uthe" sasha ne btaya

"phir phir?" sari baat btao, eek eek lafaz ba lafaz (eek eek shabd)ahmad ne zoor dete hue kaha

"jab aap uthe the maine khane ka pucha aur aap ne mana kar dia , phir maine aapki tabiyat puchi to aapne kaha behtar lag raha hai, phir aap se khane ka pucha, aap ne kaha bhook nahi hai , phir maine aapse pucha ke aap ko kia ho gya hai, kia ho raha hai aap ke sath.."sasha btate btate eek dam ruki

"ahmad mujhe dar lag raha hai.please btayen ,aap kyun puch rahe hain, kis ne mujhe phone kia tha? Aur aap ko kia hua hai, hamare bich hue batein hi wapas kyun puch rahe hain…" sasha ne pareshan hote hue puchaa

"sasha meri baat gor se suno, maine tum se ye sab is lie puch raha hun, ke wo main nahi tha jis ne tumhein bulaya hai, aur jo yahan tha, main shayan ke sath us ke ghar par tha aur abhi hum eek aamil ko le kar aaye hain" ahmad ne tassalli se sasha ko bed par bithate hue btaya

"k k kia matlab, wo aap nahi the to kon tha…" sasha ne larazti aawaz me pucha

"wo sab tumhein bta dun ga, tum aage btao jo jo baat huu" ahmad ne use tassali dene ki koshish karte hue pucha

"phir maine pucha kia ho rha hai aap ke satha to aap ne kaha mujhe psycological masla ho gya hai, main zehni dabao(depression) ka shikar hun aur mujhe illaj karwana pade ga, phir wo aap washroom chale gye aur main kichen me, phir main khana waghera bana ya aura ap ko dobara bulane aayi to aap phir se soo rahe the, phir abhi aadha ghanta pehle uthe aur kisi kaam ka keh kar bahar chale gye, aur ab aap wapas aakar aisi batein puch rahe hain" sasha ne takreeban rone ke andaaz me ye sab btaya

"achaa theek hai , mere sath koi aisa masla nahi hua , albata kuch andekhi cheezein mujhe tang kar rahi hain, aur ye sab ek accident ki wajah se ho raha hai" ahmad ne use tasalli di aur accindent se ab tak ki tamam baat keh sunayi

Sasha butt bani us ki taraf dekhti rahi aur us ki baat sunti rahi

Chalo tum ab kamre me betho, main neeche jaata hun aur btata hun kia karna hai

Ahmad sasha se milte hi niche ki taraf douda aur apna phone dhondhne laga jo use neeche table par nazar aaya

"kia hua ahmad ? upper kon tha" shayan ne uske aate hi pucha

"sasha hai" itna keh kar wo phone me kuch dekhta hua bahar nikal gya

"hello , ammi jan, ahmad bol raha hun"

"ji beta kia hua, kaisi tabiyat hai aapki? Sab kheriyat hai na…" dusri taraf se uski saas mojod thi

"jo ammi jan , tabiyat theek hai abm sasha se baat ho jate gi?" ahmad ne pucha

"sasha se? beta use to aapne bulaya tha wo chali gyi thi hammad ke sath " dusri taraf se saas ki aawaz pareshan si sunayi di

"ji ji ammi wo aa gyi hai main bas…. Chalein baad me baat karta hun? Ahmad ne un se confirm kia ke jo ghar par mojood hai us ki biwi hi hai

"beta kia hua aap ne khud bulaya tha aur wo to kab ki chali gyi hai, phir aap kyun puch rahe hain"

"nahi ammi wo bas ……wo bas aise hi….. yahi puch raha tha , main ghar par nahi tha , abhi to wapas aa kar dekha wo nahi thi ghar par , to socha aap se puch loon agar waha aayi ho to…." Ahmad ne hichkichate hue baat bnayi aur apni saas ko tasalli de kar phone band kar dia

Shayan aur aaamil abhi tak andar bethe us ka intezaar kar rahe the

"kia hua bhai???? Sab kher to hai na? sasha kis ke sath aayi hai" shayan ne wapas andar aate hi us par sawalon ki bochar kar di

Ahmad ne un ke sath beth kar sasha wali sari baat tafseel se unhein btayi

Aamil ne tamam batein ghor se sun kar ahmad se ghar ko dekhne ki ijaazat chahi

Kuch der me wo log chatt aur store room samet tamam Kamron, bathroom waghera ko dekh kar wapas usi jagha par mojood the

"main wo video footage bhi dekhna chahun ga jo aap ne kal raat record kia hai" aamil ne wapas usi jagha ka ek bar phir se ghoor se jaizaa lia aur kaha

"ooo, haan ,shayan wo to hum check karna hi bhool gye" ahmad ne chonkte hue kaha

Wo log neeche mojood us kamre me mojoodd the jahan tamam Cameron ka control system aur computer waghera mojood tha

Ye ek darmiyane size ka kamra tha, jo neechle floor par tha, jahan computer table ke sath ek kursi aur ek taraf kitabon ke lie makhsoos chotta sa shelf tha

Kamre me computer table ke alawaa bethne ki aur koi cheez mojood na thi

Ahmad ne pichli raat ki video recording wahan se start ki jab wo neeche hall me bethe khana khaa rahe the, tamam recordin sahi thi, wo log ek hi screen par 6 mukhtalid Cameron ki recordin dekh rahe thejo cotte size me nazar aa rahi the

"yaar is ko fast forward me chala de, kahein kuch nazar aayega to rok lein ge"shayan ne mashwra dia

Shayan aur wo aamil ahmad ki kursi ke dayen bayen piche hath tika kar khare video dekh rahe the

"yaar ruk ruk ruk , ek mint ye camera 3 ko bara kar" shayan ne ek dam screen par ishara kia

Ahmad ne camera 3 ko full screen kar ke ab phir kuch peeche ki recording se start kia

Raat ke 10:12 ka waqt camera me nazar aa raha thajab achanak recording me kursiyan hilti julti nazar aayen

Ye dining table ke gird mojood kursiyaan then

Ahmad aur shayan us manzar ko dekh kar khoofzada hue bagher na reh sake, jabke aamil ke chehre par koi tabdeeli ke aasar nahi the

Kuch deer tak video me kursiyan thodi thodi der baad yunhi harkat karti nazar aayen lekin achanak tamam kursiyan ek taraf phisal kar table se takrayen aur sath hi fanoos zoor zoor se hilne laga, is manzar ne dono ki dhadhkan barha di thi, wo abhi is manzar ko ghor se dekh hi rahe the ke piche se aane wali eek aawaz par buri tarha chonk gaye

Kitabon ke shelf se kuch kitabein neeche giri then

Teeno ne chonk kar wahan dekha lekin koi mojood na tha

Video ab bhi chal rahi thi aur us me kursiyoun ki harkat nazar aa rahi thijo chand hi lamhon me wapas apni jagha par aa gayi hten, un teeno ka dhyan ab video se hat kar peeche lag gya tha

Ahmad ne video rok kar us taraf jaane ki himmat ki hi thi ke aamil ne use hath se rok dia

Wo zer'e' lab kuch parhta hua nazar aa raha tha

Kamre me khoof aur sannata chaa gya tha, wo teeno book shelf ki taraf tawaja diye hue the aur aaamil kuch parhne me masroof tha

Shayan aur ahmad ko andaza ho chuka tha ke un teeno ke alawa koi aur bhi mojood hai

Aamil ne un dono ko zameen par wahin apne sath bethne ka ishare se kaha aur khud bhi bethne laga, abhi teeno theek se beth bhi na paye the ke kamre ka darwaza bahot zoor se puri tarha khul kar dewar se takraya aur samne kitabon ke shelf me hull chal mehsoos huim ahmad bethte hye kursi ka sahara le raha tha ke use laga kursi apni jagha se khisak kar door ho rahi hai

Shayan ki nazrein jaise hi computer screen par padi wo off thi , us ne ahmad ko ishare se us taraf mutwajja kia

Abhi wo log bethe hi the ke zameen par un ke neeche wali kaleen bahot zor se dusri taraf se khincha gya jis se wo teeno buri tarha kamar ke bal gir gaye

Aamil jald hi uth kar unhein apne sath bethne ka kehne laga , shayan to foran sambhalta hua paas aa kar beth gya, ahmad utne hi paya tha ke computer ki chair , jo office chair ki tarah ghoomne aur tyre wali thi, yaka yak gol ghumi aur teezi se aa kar aamil se takrayi, wo is ke lie tayyar nahi tha, kursi lagne se ek baar phir dayen taraf gir gya

Apna hath aur kandha sehlata hua wo dobara utha aur teezi se kuch parhne laga aur teeno ke gird ungli se dayera(circle) bnane laga

Us ki parhne ki raftar teez hoti ja rahi thi

Kamre me us doran ek halchal si thi aur har cheez gaahe bagahe harkat me aati aur thamti rahi

Kuch deer baad dheere dheere har cheez mukammal tor par tham gayi thi aur shayan , ahmad ne aamil ko sir jhuka kar kuch parhte hue paya

Wo do no ek dusre se chipak kar bethe the

Kabhi wo kamre me chaaron taraf dekhte kabhi aamil ko , jo rawani se koi cheez parh raha tha

Eek jhatke se wo kuch parh kar ruka tha aur paseene se bheeg chuka tha, ahmad ne pani la kar pilaya

"aap se jis ladki aur bachii ka accident hua hai wo, wo haqeeqat me tum se nahi hua,balke kisi aur se hua tha" aamil ne uth kar bahar jate hue btaya aur un dono kok sath aane ka ishara kia

Wo bahar hall me aakar beth gye gya tha, aur samne ahmad aur shayan bhi

"ki matlab, haqeeqat me hua tha??" shayan ne besabri se herat ka muzahira kia

"matlab ye ke, wo ladki aur bachii usi jagha kisi se accident me mare gaye the, jis se unka accident hua, wo bhi aapki tarah un ki madad ko nahi ruka aur bhaag nikla, wo kayi ghanton wahan tadapti rahi aur apni bachii ko apni aankhon ke samne marte dekha, tab se wo wahan bhatakti rehti haim aur jis ne unhein mara tha use katal kar chuki hai , lekin wo dono ab aksar logon ko wahan nazar aate hain, aur guzarne wale ko mushkil me daal dete hain, agar us ne apni gadi ko khatre me daal kar inhein bacha alia, phir to theek hai warna wo un ke peeche pad jati hai" aamil ne kuch ruk ruk kar btaya

"aur phir?????" ahmad ne jhat se swal kia

"phir wo un logon ko maar kar hi dam leti hai" aamil ne soofe par peeche teek lagate hue btaya

Shayan aur ahmad ne ek gehri saans chori thi, jiske sath un ke khoof me izaafa hota chala gya

Mahool par yaka yak sannata chaa gya, ahmad kabhi shayan ki taraf dekhta to kabhi aamil ki taraf

"aap ko us ke lie kuch karna hoga" aamil ne gehri saans le kar kaha , aur video mat chalaye ga

"matlab? Kahein mujhe kabristaan me chilla katne , ya kisi jungle me ja kar koi amal karne ka to nahi kehne wale hain?????" ahmad ne chonk kar swal kia

" nahi nahi aisa koi amal nahi haim aap ko mehaz chand duaayein parhni hain, apni aur apne ghar ki hifazat ke lie aur ghar me hi parhna hoga" aamil ne intehai itmenan se muskura kar jawab dia..



Continued………………



******************************

>


******************************



Give your reviews here……………………