Fantasy "DEVANJALI" (Dard Ki Tasvir)

[VIKRANT]

awesome faadu update
keep posting

Thanks bro for liking and supporting

 

[VIKRANT]

Very nice update

Thanks bro for liking and supporting

 

[sonukale]

Waiting for next update

 

[Prince Sahil]

Waiting

 

[Vickey1211]

Waiting

 

[Zas23]

Nice update

 

[Arjun Singh 72]

waiting for the next update

 

[VIKRANT]

""UPDATE""
**11**

Ab Tak....

Aasmaan me ab tak har taraf kaale baadal chha chuke the aur bhayanak bijliya chamak rahi thi, magar ek boond bhi barish nahi ho rahi thi, hawa jaroor tez ho gayi thi, bawandar mere bahut paas aa chuka tha, maine apne dono hath rani aur soniya di se chhudaye...puri shakti se chillate huye upar aasmaan ki taraf muh aur dono hath kar liye....natija ye huwa ki usi pal aasmaan me chamak rahi bijliya mere shareer me samane lagi, jaise mera shareer un bijliyo ko nigalne laga tha, wo bawandar jaise hi mere najdeek aaya maine apne dono hath me samati bijliyo ko us bawandar ki taraf kar diya,

Mere hath se bijliya nikli sath hi ek tez roshni bhi nikli...wo bijli aur roshni seedha bawandar se ja takraayi...fiza me ek tez gadgadahat huyi aur wo bawandar ek tez dhamake ke sath bikhar gaya...rani aur soniya ne dar ki vajah se cheekhte huye apni apni aankhe band kar li,

Udhar mere andar ek tez gussa samaya huwa tha, aankhe aag ki tarah dahakne lagi thi, aankho ki kaali putli aag ki tarah ho gayi thi, abhi main gusse me kuch karne hi wala tha ki mere dono hath ki baajuo me badi tezi se kuch aa kar laga...mujhe bada tez dard huwa, mere muh se cheekh nikal gayi, magar ye kya is baar mere seene me kuch aa kar laga...main uchhal kar car ki bonut se jaa takraya, maine behosh hote hote apne kaano me kisi ke dwara jor jor se dahaadne ki awaaz suni..jise main pahchaan gaya tha, iske baad mujhe kuch bhi yaad nahi ki aage kya huwa?? Rani aur soniya ka kya huwa mujhe pata nahi...main behosh ho chuka tha,

Ab Aage.....

Mujhe nahi pata ki main kab tak behosh raha. Jab mujhe hosh aaya to maine khud ko kisi ki gond me paya, Pata nahi ye kaun si jagah thi lekin wo jagah nahi thi jaha par wo haadsa huwa tha, Mujhe jab vastu-isthit ka abhaas huwa to main ek jhatke se uth kar baith gaya, palat kar dekha to meri aankho ke saamne ek aadmi baitha tha, bade bade baal, bade bade kaan aur shareer par kisi rajya ke senapatiyo jaise kapde, kaano me kundal jhool rahe the,

Main us aadmi ko dekh kar chaunk gaya aur hairaan bhi huwa ki ye kaun hai??? Mujhe apni dono bahno ka khayaal aaya to main jald hi idhar udhar dekhna laga, rani aur soniya di kuch hi doori par ek sath behosh padi thi,

Aadmi- Tumhari tarah ye dono hi behosh ho chuki thi, ghabraane ki koi baat nahi hai, tumhari vajah se hi un dono ko kuch nahi huwa, warna is haadse me un dono ko mar jana nishchit tha,

Main- Tum kaun ho??? Yaha ke to nahi lagte tum, aur yaha apni gind me mujhe kyo litaya huwa tha tumne???
Aadmi- Mera naam Sher singh hai, ham dono pahle bhi mil chuke hain jangal me...Bhool gaye kya??

Main- Ohh kya tum wahi sher ho kya jo us din mujhe jangal me mile the?
Sher Singh- Haan, main wahi hu.
Main- Lekin tum to insaan ke roop me ho jabki us din sher ke roop me the..ye kaise ho sakta hai??

Sher Singh- Mere dono roop hain, aur tum bhi mujhe mere dono roopo me jante ho...par abhi tum nahi pahchante mujhe, khair chhodo ye sab...dheere dheere sab jaan jaaoge,

Main- Okk par tum yaha aaye kaise??
Sher singh- Tum sankat me the is liye mujhe yaha aana pada gurudev ke kahne par, Andhere ka wo raja jiska naam Yakumba hai..wo is dharti par bhi andhere ka samraajy sthapit karna chaahta hai...lekin yaha par uski sabse badi rukawat tum ho...is liye wo tumhe maar kar hi is dharti par andhera failaayega,

Main uski baate sun kar hairan tha, mujhe yaad aaya ki jab main apni dono bahno ke sath car me SNEEPHELL ja raha tha tabhi raaste me wo haadsa huwa tha,

Sher Singh- Dev tumhe jald se jald khud ko pahchaanna hoga aur apni shaktiyo ko jagana hoga, lekin shaktiyo ko niyantran rakhne ke liye tumhe apni shakti niyantra Anjali ko bhi andhere ki kaid se nikalna hoga,

Main- Par main ye sab kaise kar sakta hu...mera matlab mujhe to pata hi nahi hai ki anjali ko kaha par kaid kiya hai us yakumba ne??

Sher Singh- Us jagah ke bare me main janta hu...aur main tumhe us jagah ka pata bhi bata sakta hu, lekin usse pahle tumko apni shaktiyo ko jagana padega, tabhi tum yakumba ki mayaavi kaid me ja sakoge,

Main- Kya yakumba ki kaid se anjali ko koi dusra byakti nahi chhuda sakta?? Mera matlab ki koi devta kya ye kaam nahi kar sakte?
Sher Singh- Devta to khud us yakumba se darte hain aur uske dar se hi adrishy roop me chhup chhup ke rahte hain,

Main- Badi hairat ki baat hai.. ki ek daanav se devta bhi dar rahe hain.
Sher singh- Tum us danav yakumba ke bare me nahi jante is liye aisa bol rahe ho, Yakumba ke paas bhaut si aisi shaktiya hain jo use khud ishwar se mili hain vardaan me, aur dusri baat Ashuro ke guru ne bhi use kayi mayaavi shaktiya di hain....ye sab usne apne guru ke aashirvaad se praapt ki hai,

Main- Agar aisi baat hai to us daanav ko maarne ke liye mujhe hi kyo chuna gaya hai??? Maine to grantho me padha hai ki jab jab is dharti par paap ya adharm badhta hai tab tab bhagwaan manushya ke roop me avtaar lete hain aur paap aur adharm ka naash karke fir se dharm ki isthaapna karte hain, to fir bhagwaan ne khud avtaar kyo nahi liya is sabke liye???

Sher Singh- Kyo ki ye ladaayi tumhari hai, aur vidhi ke vidhaan ke anusaar tumhare hi hatho us Yakumba ka ant hona hai..
Main- Ye meri ladaayi hai??? Magar aisa kaise ho sakta hai?? Bhala mujhse us daanav ki kya dushmani hai???

Sher Singh- Is sabka pata tumhe khud hi lagana hoga dev, Mujhe kuch bhi batane ki ijajat nahi hai, Tum gurudev ke kahe anusaar jald se jald dhyaan dwara khud ko aur apni shaktiyo ko pahchaan lo, aur is shrishti ki raksha karo, Achha ab main chalta hu, Tumhari in dono bahno ko kuch hi der me hosh aa jayega, in dono ne tumhara hath pakad rakha tha is liye ye bach gayi hain, lekin is sab ke chakkar me in dono ke andar bhi ab kuch pariwartan ho jayega, tumhe in dono ko bhi sambhalna hoga, shayad bhagwaan yahi chaahta hai,

Main- Yaar tum to uljha rahe ho mujhe, jane kya anaap shanaap bake ja rahe ho???
Sher Singh- Main anaap shanaap nahi bak raha dev, main to wahi kah raha hu jo sach hai aur jo hone wala hai, ab main chalta hu,

Main- Lekin ye bataao ki ye kaun si jagah hai...aur meri car kaha hai..main yaha se jaauga kaise???
Sher Singh- Tumhari car Us haadse me nast ho gayi thi, lekin maine use theek kar diya hai...baahar uttar disha me khadi hai,

Sher Singh itna bol kar waha se gayab ho gaya, uske jaen ke baad maine apni dono behosh padi bahno ki taraf dekha..dono abhi bhi behosh padi thi. Main unke paas gaya aur dono hila ddulakar hosh me laaya,

Hosh me aate hi dono idhar udhar dekhne lagi..fir mujhe dekh kar dono mujhse lipat gayi...aur aanshu bahane lagane lagi.

Main- Kya huwa ro kyo rahi ho aap dono???
Soniya Di- Tu theek to hai na vicky..tujhe kuch huwa to nahi hai na???
Rani- Bhai wo sab kya tha..main to bagut dar gayi thi.

Main- Bhool jaao us sabko, ab sab theek hai,
Rani- Bhai aap to aasmaan ki sari bijliyo ko hi nigal rahe the..ye kaise kiya aapne???

Soniya di- Ab chalo yaha se..ham ab seedha ghar jayege..chalo vicky,
Main- Lekin di ham to SNEEPHELL ja rahe the na???
Soniya Di- Ab ham kahi nahi jayenge vicky seedha ghar jayege, raaste me itna kuch ho gaya..aage pata nahi fir se kuch ho gaya to kya karege ham...nahi nahi vicky ham ghar hi jayege,

Rani- Par di mujhe SNEEPHELL jana hai, aur vaise bhi abhi to bahut time hai shaam hone me.
Soniya Di- Ham fir kabhi jayege rani, abhi ham seedha ghar jayege, thats final.

Main- Theek hai di, ham ghar hi chalte hain, lekin shaam se pahle ghar jayege to mom dad ko kya bolege???
Soniya Di- Ham kuch na kuch bahana bana lenge,
Rani- Main to sab kuch sach sach bata doogi mom dad se ki aaj kya huwa tha hamare sath,

Soniya Di- Oye chup kar tu, aaj ham logo ke sath kya haadsa huwa hai iske bare me bhool se bhi mom dad ko kuch mat batana warna next time se hame kahi nahi jane denge wo,

Rani- Lekin di, itni baat mom dad se chhupana kya achhi baat hai??
Soniya Di- Achhi baat nahi hai lekin ye sab bata kar unko pareshan bhi nahi karna hai hame,

Majn- Di sahi kah rahi hai gudiya. Ham sab is haadse ko bura sapna samajh kar bhool jayege,
Rani- Theek hai bhai, aap kahte ho to nahi bataaugi main, lekin mujhe aisa lagta hai jaise aap dono hi mujhse kuch chhupa rahe ho, is liye jo bhi baat hai uske bare me mujhe bhi bataaiye,

Main aur soniya di dono hi gudiya ki is baat se chaunke, ek dusre ki taraf hamne dekha, jaise poochh rahe ho ki ab kya bataye ise??

Soniya Di- Ham tujhe sab sach sach bata dege lekin uske pahle tujhe hamse promise karna hoga ki tu wo sab kisi ko nahi batayegi,
Rani- I promise di, main kisi ko kuchh bhi nahi bataaugi,

Uski is baat se soniya di ne use mere bare me sab kuch vistaar se bata diya, jise sun kar rani chakit rah gayi, apne khule huye muh me hath rakhe wah aankhe faade kabhi mujhe dekhti to kabhi soniga di ko,

Rani- Oh my god di, yakin nahi hota ki ye sab sach hai, matlab hamare bhai sahab super hero type hain,
Soniya Di- Haan shayad, par abhi vicky ko khud ke bare me aur khud ki shaktiyo ke bare me kuch nahi pata hai,

Rani- To ab kab inhe khud ke bare me aur apni shaktiyo ke bare me pata chalega???
Soniya Di- Gurudev ne ise dhyaan lagane ko kaha hai...usi se shayad kuch ho sakta hai,

Rani- To bhai aap dhyaan laga rahe hain ki nahi???
Main- Haan aaj se shuru kar diya hai aur mujhe lagta hai ki kuch din me hi apni shaktiyo ke baare me pata chal jayega,

Rani mujhe gaur se dekh rahi thi, mere pure sharee me nazre ghuma rahi tho wo, mujhe ajeeb laga uska is tarah se dekhna,

Main- Aise kyo dekh rahi hai tu mujhe??
Rani- Bhai aapke dono baajuo me ye kya hai, pahle to nahi tha aisa koi taitoo jaisa nishaan,

Rani ki is baat se main aur soniya di chaunke. Jaha main apni baajuo me dekhne laga tha wahi di bhi meri meri baajuo ko pakad kar dekhne lagi thi,

Soniya Di- Vicky ye tune apni baajuo me kab banwaya taitoo?? Ek baaju me sher aur dusri me sword,
Main- Maine kabhi kuch nahi banwaya di, pata nahi ye kaha se ban gaye meri baajuo me??

Rani- Aap bhi kamaal karte hain bhai, aapki dono baajuo me ye taitoo ban gaye aur aapko kuch pata hi nahi,
Main- Main sach kah raha hu yaar mujhe kuch nahi pata, kal tak to kuch nahi tha, mujhe to abhi iske bare me pata chala hai,

Soniya Di- Vicky mujhe to kuch aur hi lag raha hai,
Main- Kya matlab..???
Soniya Di- Ye dono taitoo koi sadharan nahi hain aur na hi mamooli lagte hain, ho sakta hai ye taitoo teri shaktiyo ke prateek ho, maine kisi fantasy stories me padha tha...un stories me aisa hi kuch jikar tha, is liye aisa ho bhi sakta hai, jaisa ki tune bataya ki kal tak ye taitoo teri baajuo me nahi the...aaj ye kaha se apne aap aa gaye..ye koi aam baat nahi hai..jarur inme koi rahashy hai jiske bare me filhaal tujhe pata nahi hai,

Main- Mujhe bhi aisa hi lagta hai di, khair chhodiye in sab baato ko, ab chaliye ghar chalte hain,
Soniya Di- Theek hai chal..
Rani- Kyo na ham apne shahar jakar koi movie dekhe...movie me time bhi paas ho jayega, aur shaam ko jab ghar jayege to mom dad ko shak bhi nahi hoga,

Soniya Di- Baat to teri theek hai lekin mom dad ne agar hamse waha ke bare me kuch puchha to kya batayege..kyo ki ham teeno me se koi nahi janta ki SNEEPHELL kaisi jagah hai..aur waha kya kya hai?? Dad ko to pata hi hai SNEEPHELL ke bare me is liye wo turant hi hamare jhooth ko pakad lege,

Rani- To fir kya kare di??? Vaise main to kahti hu..abhi bhi bahut time hai...ek baar waha ho aate hain,
Soniya Di- Vicky tu kya kahta hai..chale SNEEPHELL??

Main- Shaam tak time paas to karna hi hai...aur mom dad ko ye bhi pata na ho ki ham SNEEPHELL nahi gaye the to kaha rahe sara din to hame isse achha SNEEPHELL chalna hi chahiye,

Soniya Di- Theek fir...ab ham SNEEPHELL hi chalenge,
Rani- Wooow di, ye huyi na baat. Main to kabse kah rahi thi waha jane ke liye, par aapne meri baat nahi maani, aur ab jab bhai ne bhi kah diya to aapne turant hi bhai ki baat li, waah kya baat hai,

Soniya Di- Jyada bakvaas na kar, ab chal jaldi yaha se,
Rani- Haan to chaliye..

Ham teeno hi us jagah se baahar aaye, ye jagah pahaadi ilaka jaisi thi, aur abhi ham jaha par the wo jagah pahaad me hi bani koi gufa type ki thi, lekin andar se samajh hi nahi aa raha tha ki ham kisi gufa me hain, ya fir aisa ho sakta hai ki Sher Singh ne apni maya se ya shakti se is jagah ko aisa banaya raha ho, gufa se baagar aa kar hamne dekha ki hamari car sahi salamat khadi hai,

Ham teeno hi car me baith gaye. Driving sheet par main aur mere bagal se pahle ki hi tarah rani baith gayi, abhi ham waha se chalne hi wale the ki wo pahaad aur wo gufa eka ek hi gayab ho gayi, ham teeno uchhal pade ye dekh kar,

Soniya Di- Vicky ye gayab kaise ho gaye???
Main- Mujhe kya pata di??
Rani- Lekin bhai ham is jagah kab aaye the?? Mujhe yaad ahi ye wo jagah nahi hai jaha par ham logo ke sath wo haadsa huwa tha,

Main- Ham teeno us haadse me behosh ho gaye the, ham teeno ko behoshi ki hi haalat me Sher Singh lwke yaha aaya tha,
Soniya Di- Sher Singh??? Ye kaun hai vicky,. Tune bataya nahi mujhe?

Main- Aree di Ye Sher Singh wahi hai jo mujhe us din jangal me mila tha Sher ke roop me,
Soniya&Rani(Shock)- Kyaaa?????
Main- Haan yahi sach hai, mujhe bhi nahi pata tha, jab main hosh me aaya to main uski hi gond me sir rakhe pada tha, use dekh kar main chaunka ki ye kaun hai, mere puchhne par hi usne apne bare me sab kuch bataya tha,

Rani- Par bhai wo hai kaha...hamne to dekha hi nahi use??
Main- Aap dono ke hosh me aane se oahle hi wo chala gaya tha,

Soniya Di- Tujhe rokna chahiye tha use, main bhi dekh leti ki wo kaisa tha..???
Main- Ab to usse mulakaat hoti hi rahegi di, aap to janti hain aage kya hone wala hai??

Rani- Bhai kya sach me aap Dev ho?? Aur wo anjali aapki premika??
Main- Is bare me abhi main khud hi puri tarah yakin se nahi kah sakta,

Ham teeno waha se SNEEPHELL ke liye nikal gaye, raaste me rani ki bak bak chalti rahi jabki soniya di ne uski bak bak se tang aa kar fir se apne kaam me earphone laga liya,

Kareeb aadhe ghante baad ham SNEEPHELL pahuche, waha ka nazara dekh kar ham teeno khush ho gaye, Aisa lag hi nahi raha tha ki ye jagah kisi sunsaan aur pahaado se ghiri huyi hai, yaha to har jagah aadmi hi aadmi dikh raha tha, ek tarah se ye ek kasba type tha, door door se log aate the is liye unki har sukh suvidha ke liye Govt ne aur yaha ke logo ne intjaam kiya huwa tha, Ooche ooche pahaado se niche ki taraf girta huwa pani...har jagah khubsurat hariyaali, tarah tarah ke pedh paudhe aur un par lage huye fal phool, pahaado se bahte huye paani se nichee ki taraf bahut badi jheel si nadi thi...jaha par bahut se log naha rahe the, kuch doori par wahi nadi kaafi chaudayi me hoti huyi jane kah tak nikal gayi thi, jinme motor vote chal rahi thi,

Ek taraf bade bade akchharo me likha tha DREAMS OF DEAD, Ek taraf likha tha DANGER WORLD, aisi hi kayi tarah ke advanchor dikh rahe the waha par, Kahi magic karne wale to kahi aag se khelne wale..aur kahi sercus karne wale dikh rahe the,

Rani- Woow bhai..kya place hai, main to nadi me motor voting ka maja loongi,
Soniya Di- Ye DREAMS OF DEAD kya hai??

Main- Mujhe kya pata di, main to khud bhi yaha pahli baar aaya hu,
Soniya Di- okk ab kya karna hai yaha???

Tabhi ek aadmi aaya ham logo ke paas, ham log car se utar kar door se hi ye sab dekh rahe the, wo aadmi 30 saal ke aas paas ka tha,

Aadmi- Hello sir...mera naam Ravi hai...Ravi Jinddal, main yaha aaye huye logo ko guide karta hu, agar aap log chaahe to main aao logo ko yaha ke bare me bata kar aap sabko yaha par achhi tarah se enjoy karne ke liye har cheej ke bare me bata sakta hu,

Main- Ye to achhi baat hai Bhai, chalo..

Ham teeno uske peechhe chal diye,
Ravi- Yaha par bahut door door se log aate hain sir, har koi yaha par hapto ruk kar har tarah se enjoy karta hai,

Main- Kya yaha par touristo ke liye hotel vagaira bhi hai??
Ravi- Yes sir, hotel and resorts vagaira sab hai, ab bataaiye agar aap logo ko yaha rukna ho to main aap logo ke liye ek achhe se hotel ya resort ka intjaam kar doonga,

Main- Nahi bhai, ham yaha rukne nahi aaye hain, balki shaam hone se pahle hi yaha se chale jayege,
Ravi- Oh koi baat nahi sir, fir kabhi aaiyega mujhe jarur bataiyega, khair ab bataiye ki sabse pahle aap kaha par chalna chahege,

Main- Bhai sabse pahle to ham nadi me motor voting ka anand lena chahege, is liye tum ham logo ko wahi le chalo,
Ravi- Okay sir..chaliye,

Ham teeno ravi ke sath us jagah pahuche jaha par nadi me motor voting ke liye pahle tickets leni padti thi, tickets le kar ham teeno ek vote par baith gaye...hamare sath me ravi bhi tha,

Mujhe vote chalana aata tha is liye main vote chalane laga, Rani aur Soniya di mere paas hi baithi thi, rani to bahut khush thi, wo bada shor kar rahi thi,

Ravi- Sir vote ko right side par ghuma lijiye...us side me aapko ek behtareen jagah milegi, jo aapko behad pasand aayegi,

Maine ravi ke kahe anusaar vote ko right side par ghuma diya...lagbhag 5 minute baad ham ek aisi jagah pahuche jaha par din me bhi andhera lag raha tha, yaha par har jagah paani hi paani tha, aur paani ke upar upar udti huyi kohre type ki dhundh, mujhe ye jagah ajeeb si lagi, mere seene me achanak hi kuch chubhne laga tha, mere dimaag me achanak hi khayaal aaya ki kahi hamare sath koi chhal to nahi kiya ravi ne??? Maine turant hi vote ki speed kam kar di, aur vote ko rok diya, palat kar peechhe dekha to meri cheekh nikal gayi......

 

[VIKRANT]

Waiting for next update

Posted

 

[VIKRANT]

Waiting

Posted