Fantasy "DEVANJALI" (Dard Ki Tasvir)

[Kalyansurya]

Can you pleses restart your story pleses bro

 

[TheBlackBlood]

Shubham bro sorry maine aapka ye comnt nahi padha tha..sach to ye hai ki maine kisi ka bhi cmnt nahi padha. Actually maza hi nahi aa raha tha is liye story likhna hi band kar diya. Waise bhi kaam se hi fursat nahi milti thi. Family ko time bhi nahi de pata tha. Bada jhanjhat ho gaya tha bro is liye story close kar diya.

Sorry to all but kuch apni problem kuch aap logo ki bhi galti.

Reader bane rahna jyada achha hai. Jab time mile aa jaao aur apni pasand ki story padho fir chalte bano. Kisi ki story par cmnt hi na karo. Bhaad me jaye ye sab hahahaha. Aise hi achha lagta hai na.

कोई बात नहीं भाई,,,,,

 

[Siraj Patel]

Hello, Ladies & Gentleman,
We are so glad to Introduce Ultimate Story Contest of this year.

Jaise ki aap sabhi Jante Hain is baar Hum USC contest chala rahe hain aur Kuch Din pahle hi Humne Rules & Queries Thread ka announce kar diya tha aur ab Ultimate Story Contest ka Entry Thread air kar diya hai jo 17th, Nov 2019, 11:59 PM ko close hoga.

Khair ab main point Par Aate Hain Jaisa ki entry thread aired ho chuka hai isliye aap Sabhi readers aur writers se Meri personally request hai ki is contest mein aap Jarur participate kare aur Apni kalpnao ko shabdon ka rasta dikha ke yaha pesh kare ho sakta hai log use pasand kare.
Aur Jo readers nahi likhna chahte wo bakiyo ki story padhke review de sakte hai mujhe bahut Khushi Hogi agar aap is contest mein participate lekar apni story likhenge to.

Ye aap Sabhi Ke liye ek bahut hi sunhara avsar hai isliye Aage Bade aur apni Kalpanao ko shabdon Mein likhkar Duniya Ko dikha De.

Ye ek short story contest hai jisme Minimum 800 words se maximum 6000 words tak allowed hai itne hi words mein apni story complete Karni Hogi, Aur ek hi post mein complete karna hai aur Entry Thread mein post karna hai.
I hope aap mujhe niraash nahi Karenge aur is contest Mein Jarur participate Lenge.



On Behalf of Admin Team
Regards :- Siraj Patel

 

[Nevil singh]

"DEVANJALI" (Drad Ki Tasvir)

Hello friends....Main yaha par ek new Fantasy story shuru karne ja raha hu..Aap sabka sahyog milega ye asha karta hu,,

Ye story puri tarah kaalpnik hai...aur isme aapko sab kuch milega,, Main koi writer nahi hu is liye agar kahi koi galti ho jaye ya main raaste se bhatak jaau to aap sab mujhe apne margdarshan se sahi raaste par le aaiyega,,

Aaj kal Har writer super power ya magical story likhte hain aur log aisi stories ko kafi pasand bhi kar rahe hain,, Maine socha main bhi apni story me super power ya magic ka samavesh karu jisse story aapke pasand ke mutabik hi lage,,

Main apni koshish me kitna kaamyaab hua ye to aap log hi batayege,, Aap sabke pyaar aur sahyog se hi main kuchh kar paauga is liye mera manobal badhate rahiyega,,

Main daily update nahi de paauga magar koshish karuga ki aapko nirasha na ho,,

behtreen kahani ke supersidh rachnakaar ko dhero badhai

 

[Nevil singh]

Kamaal ho gaya yaar..

Main chahta tha ki story ka koi best sa cover photo hona chahiye is liye cover banaya but upload nahi ho raha tha, har baar "Insert URL" ka option aa jata tha...aur URL kaha se lata main? ek to main mobile user hu samajh nahi aa raha tha ab kaise ye upload ho?? fir XF me dekha ki shayad kahi kisi ne tarika bata rakha ho,

XF par tarika mila aur us tarike se Cover upload ho hi gaya aakhir, thanks bro jisne bhi ye tarika yaha bata rakha hai,

Aap logo ko story ka cover pasand aaya ki nahi plz batana jarur,,

Story ka pahla update kal duga bhai log...

mast

 

[KEKIUS MAXIMUS]

kahani band kyu kar di ..update kitne waqt se nahi aaya ...

 

[Nevil singh]

"DEVANJALI" (Dard Ki Tasvir)

"DEVANJALI" (Dard Ki Tasvir)

UPDATE ~~~~~~~~ 01

Har taraf bhayanak andhera chhaya huwa tha, is bhayanak andhere ke beech ek jagah dhundhla sa prakaash dikh raha tha, us prakash me ek ladki dhundhli si nazar aa rahi thi, Ladki ka chehra saaf nahi dikh raha tha,

Us ladki ke hath pair lohe ki moti moti janjiro me bandhe nazar aa rahe the, wo ladki jameen par kuch karti huyi aur kuch dekhti huyi nazar aa rahi thi,

Ladki apne dahine hath se jameen par kuch kar rahi thi jo saaf nazar nahi aa raha tha, dheere dheere wo dhundhlapan chhatne laga aur ab kuch saaf dikhne laga tha, jameen par koi tasvir bani thi, jo ladki dwara bani huyi thi, tasvir me sirf chehra tha kisi khubsurat se navjawan ladke ka,

Usi tasvir ko dekhte huye wo ladki bade hi karunayukt swar me kuch kah rahi thi,

Ladki: Tum kab aaoge Dev? Tumhare intzar me shadiya beet gayi magar tum ab tak nahi aaye, tumhari anjali tumse milne ke liye tadap rahi hai Dev, meri saanse sirf tumhari soorat dekhne ke liye hi shesh bachi hain, ab aa bhi jaao Dev, kyo apni anjali ko tadpa rahe ho itna?

Itna kah kar wo fir se jameen par khud ke dwara banayi gayi us tasvir ko dekhne lagi, shayad is ummeed me ki wo tasveer jawaab me usse kuch kahegi, lekin kafi der baad bhi jab kuch na huwa to ladki ki aankho se aanshu chhalak pade,

Ladki(Anjali): Tum kitne kathor ho na Dev? Tumhe meri karun dasa ka bilkul bhi ehsaas nahi hai, tum apni us anjali ko zaar zaar rula rahe ho jiski aankho me aanshu ka ek katra dekhte hi tum sari duniya ko aag laga dene par utaaru ho jate the, magra....

Wah fir rone lagi, us bhayanak andhere aur sannate me uska ye karun krandan bada hi hahakari lagta tha, uske masoor aur khubsurat se chehre par is wakt jaise zamane bhar ka dard tha,

Uski hari hari aankho me aanshuo ka samandar tha, jism par safed libaas kisi pari ki tarah the, uske kaan aam insaano ki tarah nahi the balki uske kaano ka upari hissa thoda bada tha jo upar ki taraf utha huwa tha, sunahre baal bikhre huwe the,

Anjali: Apni anjali ko is bhayanak andhere se nikaal kar apne sath le jaao Dev, ab is andhere me mujhse ek pal bhi raha nahi jata, mujhe yaha se le jaao Dev, main janti hu ki tum bhi mere bina chain se nahi rah pa rahe hoge, har pal tumhari aankhe mujhe hi khoj rahi hongi, magar Dev main to yaha hu is duniya me jaha dusra koi mujhe nazar nahi aaya aaj tak,

Itna kahne ke baad hi anjali uth kar idhar se udhar apne dono hatho ko hawa me chalate huwe badhne lagi, lekin kuch door jane ke baad hi wah ruk gayi, kyo ki uske dono pair lohe ki janjiro me bandhe the, jisse wah utna hi door tak ja paati jitni badi janjir thi,

Anjali: Sab kuch khatam ho gaya na Dev? Na koi raja raha na hi koi rani rahi, aur na hi hamari wo khubsurat duniya rahi, magar main to hu na Dev, tumhari aas me zinda hu abhi, shadiyo se na kuch khaya hai na piya hai fir bhi zinda hu ab tak, sirf tumhare liye dev.....ab aa jaao aur apni is dasi ko yaha se le jaao,

Anjali byakul ho kar idhar udhar jati aur janjiro ke khichaav se gir jati, aur fir uski siskiya vatavaran me goonjne lagti,

"Main aauga anjali....main jaroor aauga aur tumhe us bhayanak andhere se nikaal kar le bhi aauga, mera intzaar karo priye, main aa raha hu......main aa raha hu anjali.....main aa raha hu tumhare paas, aaaaaahhhhhhh"

Ek ladka chehre par dher sara pani padte hi hadbada kar bistar se uth baitha, usne chaaro taraf dekha...uske charo taraf do ladkiya aankhe aur muh faade khadi use dekhe ja rahi thi,

Ladka: Ye need se uthane ka kaun sa tareeka hai???"
Ladki(1): Ye sabse best tareeka hai need se uthane ka samjha na, aur ye bata ki abhi kya badbada raha tha need me.??

Ladka: M Main kaha badbada raha tha Didi.? Aur aapne mujhe itni thand me itna thanda pani daal kar meri jaan hi nikaal li,

Ladki(2): Bhai jhooth na boliye, ham dono kab se aapke room khadi ye sab dekh sun rahi thi, aap need me bade josh ke sath bole ja rahe the....Main aa raha hu anjali....mera intzaar karna...main aa raha hu, ab aap bataiye ye Anjali kaun hai.??

Ladka us ladki ki baat sun kar buri tarah ucchal pada, bola kuchh na bas murkho ki tarah dekhta raha use,

Ladki(2): Dekha aapne Soniya di, aaj chori pakdi gayi na, aur bhai ab kya bolenge bhala,

Ladki(1): Vicky...sach sach bataao ki kaun hai ye anjali naam ki ladki.? Kyo ki jaha tak mujhe pata hai to is naam ki koi bhi ladki tere collage me nahi hai, fir kaun hai ye???

Vicky: Di agar main kuch batauga to aap manogi nahi...fir kuch bolne ka kya fayda, is liye jane dijiye mujhe bahut thand laagrahi hai, Ye Rani ki bachchi ab ja jaldi se garam pani laa,

Soniya(Uchi awaaz me): Maine jo poochha hai pahle uska jawaab do samjhe,
Vicky: Di kya jawaab du, jabki main janta hu aapko meri baat manna hi nahi hai to,

Soniya: Tu bata to pahle, fir main dekhti hu ki kya manna hai mujhe aur kya nahi,

Rani: Mujhe to lagta hai di koi collage ke baahar wali ladki hai ye anjali,
Soniya: Ab tu batata hai ya main fir se tere upar thanda pani daalu???

Vicky(Hadbada kar): Nahi di plzzzz...vaise bhi meri pahle se hi jaan ja rahi hai jab aapne pani daal kar meri need ka satyanaas kiya tha to,

Soniya: Maine nahi Rani ne pani dala tha tere upar,
Vickya: Kyaaaaaa....Ab to main ise chhoduga nahi, aaj ise bataauga ki Vikrant(Vicky) Se panga lene ka kya anjaam hota hai, tu ruk beta abhi batata hu tujhe,

Rani(Chillate huwe): Di bachaaiye mujhe...

Rani daud kar soniya ke pichhe chhup gayi jab ki vicky use pakadne ke liye bistar se chhalaang laga diya tha,

Soniya: Vicky ruk ja nahi to mujhse bura koi nahi hoga,
Vikrant(Vicky): (Aapse bura to vaise bhi koi nahi hai) Man me usne kaha,

Soniya: Kya bola tune..???
Vikrant(Chaunkte huye): Main kya bola di, maine to kuch kaha hi nahi,

Soniya: Kahne ka sochna bhi mat, ab chal shuru ho ja, i mean ki bata ye anjali kaun hai.??

Vikrant: Sach to ye hai di ki main kisi anjali vanjali ko nahi janta,

Soniya&Rani: KYAAAAA....????

Vikrant: Haan di yahi sach hai,
Rani: Fir aap need me ye sab kyo badbada rahe the.??

Vikrant: Main khud nahi janta, aur khud pareshan bhi hu isse,
Soniya: Kya matlab, tu kahna kya chahta hai.??

Vikrant: Ye ek sapna hai di, jo mujhe hapte me 4 din jarur aata hai, aur ye ab se nahi hai balki abhi pichhle ek saal se shuru huwa hai, jab picchle saal mera janmdin tha, usi raat se ye sapna aana shuru huwa tha jo ab tak wahi ek sapna aa raha hai,

Rani: Aap inki baat par bilkul bhi bharosha na karna di, ye ek dam jhooth bol rahe hain, aisa bhi kahi hota hai ki kisi ko ek hi sapna baar baar aye???

Vikrant: Magar ye sach hai soniya di, aur ye baat main aapki aur is rani ki kasam kha kar kahta hu, aap dono janti hain ki main kisi bhi kimat par aap dono me se kisi ki bhi kasam kha kar koi jhooth nahi bol sakta,

Vikrant ki baat sun kar soniya aur rani chup rah gayi, dono ke muh bhaad ki tarah khul gaye the, Avishwaas se un dono ki aankhe fati padi thi,

Vikrant: O hello, ab aap dono ko kya huwa.?? Mujhe aise na dekho jaise ki mere sir me delhi ka kutubminaar aa kar khada ho gaya ho,

Soniya: Kya ye sach hai vicky?? Par tune pahle kabhi ye baat hame kyo nahi bataai??

Vikrant: Mujhe laga ye sab ek sapna hi to hai, isme jyada kya sochna?? Is liye aap logo se nahi bataya,

Soniya: Ye ek sapna maatr nahi ho sakta hai vicky, kyo ki ek hi sapna aam taur par baar baar nahi aata, magar ye to sapna to tujhe pichhle ek saal se hapte me chaar din jarur aata hai, iska kuch to matlab jarur hai vicky,

Rani: Di aap bhi aaj ke samay me in sab baato par yakin karti hain kya?? Sapne ka aana ek normal baat hai, isme jyada kya sochna bhala.??

Soniya: Tu apna gyan apne paas hi rakh samjhi, Okk ham is bare me fir baad me baat karege, vicky tu ja fresh ho ja fir jaldi se neeche aa jana, breakfast ke baad collage bhi jana hai na tujhe,

Vikrant: Yes di, aap chalo main 10 mint me aata hu,

Iske baad soniya aur rani kamre se nikal kar baahar chali gayi, jabki Vikrant bathroom me ghus gaya,

.....

Idhar soniya aur rani neeche jab pahuchi to dining table par unke mom dad baithe the,

Chaliye aap sabko in sabka interroduction de deta hu,

=> ANAND SHRIVASTAV......COMISSIONER OF POLICE,(DAD)(48 YRS)
=> URMILA SHRIVASTAV.....HOUSEWIFE, (MOM)(42 YRS)

=> SONIYA SHRIVASTAV.....FIRST DAUGHTER OF ANAND&URMILA (22YRS)
=> VIKRANT SHRIVASTAV....SON OF ANAND&URMILA (20 YRS)
=> RANI SHRIVASTAV.....2ND DAUGHTER OF ANAND&URMILA (18YRS)

Ye to inki family ka interroduction...Baki aur bhi character's hain jinka parichay aage milta rahega,


Story ki shuruaat kaisi lagi aap sabko ye jaroor batana bhai log.....

dhamakedaar shuruwaat
dhamaal update mitr

 

[Sharafat Bhutta]

H

 

[Nevil singh]

"DEVANJALI" (Dard Ki Tasvir)

UPDATE........ 02

Vikrant naha dho kar jab niche pahucha to sab dining table ke chaaro taraf kursiyo me baithe usi ka intjaar kar rahe the,

Rani: Lo mom aapke shahzade sahab aa gaye ab to ham shuru kar sakte hain na??

Urmila(Mom): Haan to mera beta kya kisi shahzade se kam hai kya? Har saal wo apni study me top karta hai...teri tarah nahi ki paas hone ke bhi laale pad jate hain,,

Soniya: Oye ab jaldi se idhar baith shahzade taaki ham log bhi jaldi se breakfast kar sake....aaj agar collage me mera pahla lecture chhuta na to dekh lena fir,,

Anand(Dad): Ab shaanti se sab koi breakfast karo...koi shor nahi karega,

Anand Shrivastav thode kadak swabhaav wale insan the...Police comissioner jo thahre, vaise to wo apne bachcho se behad pyar karte hain lekin apne pyaar ka kabhi dikhawa nahi karte hain, Unka manna hai ki jyada laad pyaar karne se bachche bigad jate hain, khair ye to unki soch thi jabki kabhi kabhi aisa bhi ho jata hai ki laad aur pyaar ke abhaav me bhi bachche bigad jate hain...

Anand ji ke kahne ke baad sab log shaanti se breakfast karne lage..

Breakfast ke baad sabse pahle anand ji hi baahar nikle kyo ki unhe police headquarter jaldi pahuchna tha, uske baad teeno bachche ghar se collage ke liye nikle,

Soniya aur Vikrant ek hi sath bike par jate the kyo ki dono ek hi collage me padhte the..jabki Rani abhi collage me nahi thi..balki wo abhi 12th me thi..is liye wo akele hi scooty se school jati thi,

Urmila devi ki aadat thi ki sabhi bachcho ke jane se pahle wo sabke maathe par pyaar se chumti thi...aur kuch nasihate dekar hi jane ki ijazat deti thi, nasihato me yahi hota tha ki...theek se bike chala kar jana...collage ya school me kisi se jhagda nahi karna...aur time se ghar aana,

Rani ka school dusri side tha is liye wo apni scooty se school chali gayi...jabki Soniya vikrant ke sath uski bike me pichhe baith kar collage ki taraf badh gayi,

Kuchh der baad raaste me soniya ke dimag me subah wali baat aayi to usne vikrant se is baare me fir se baat karne ka socha,

Soniya: Vicky.....
Vikrant: Mujhe pata hai di ab aap kya kahne wali hain,
Soniya(Chaunkte huye): Kya matlab??
Vikrant: Aap yahi puchhne wali hain na ki maine jo sapna dekha wo sach hai ya jhooth??

Soniya: Sach much vicky main yahi puchhne wali thi tujhse...lekin tujhe ye kaise pata ki main yahi puchhne wali thi tujhse??

Vikrant: Guess kiya bas,
Soniya: Chal theek hai, fir bata ki sachchaai kya hai?
Vikrant: Matlab aapko abhi bhi meri baat ka yakeen nahi hai??

Soniya: Yakeen to kar liya hai maine ki tune jo kaha ki wo sab ek sapna hai jo tujhe pichhle ek saal se hapte me chaar din jarur aata hai...lekin,

Vikrant: Lekin kya di??
Soniya: Lekin yakeen ab bhi nahi hota ki aisa ho sakta hai bhala??
Vikrant: Ab ye ho sakta hai ki nahi ye main nahi janta di...maine to aapko wahi bataya hai jo sach hai..matlab saaf hai ki aisa ho sakta hai thats it,

Soniya chup ho gayi..kuch der jane kya sochti rahi fir....

Soniya: Chal theek hai maan liya maine ki ye ho sakta hai...ab ye bata ki sapne me kya dekhta hai tu??
Vikrant: Jyada kuch nahi dekhta di bas ek hi seen baar baar dikhta hai,

Aur fir vikrant ne sab kuch bata diya jo use sapne me dikha tha, sab kuch sunne ke baad soniya soch me pad gayi,

Soniya: Kya matlab ho sakta hai in sab baato ka??
Vikrant: Ab bhala main kaise bata sakta hu di?? Main to khud hi nahi samajh paa raha hu ki mujhe ek hi sapna yu baar baar aane ka kya karan ho sakta hai??

Soniya: Mujhe lagta hai vicky ki koi bhoot vagaira ka chakkar hai..
Vikrant: Oh come on di...aap bhi aaj ke zamane me in bhoot voot par yakeen karti hain..had hai ye to,

Soniya: Nahi vicky...mana ki aaj ke zamane me ham youngers in sab baato par yakeen nahi karte lekin hamare bujurg har baat par galat bhi to nahi ho sakte??

Vikrant: Bujurgo ke paas dusra koi kaam dhaam to rahta nahi..is liye bevajah hi besir pair ki baate bana kar duniya me failane lagte hain,

Soniya: Aisa nahi hai vicky...Hamare bujurg log ye besir pair ki baate bana kar nahi failate hain..balki un baato me kahi na kahi kisi prakaar ki sachchaai bhi hoti hai...duniya me har dharm ke log god ko maante hain...hindu bhagwan ki murti bana kar uski pooja karta hai...muslim nirakaar ki pooja karta hai and ets...jabki kya koi bata sakta hai ki usne bhagwan ko dekha hai.?? Nahi na...fir bhi log pooja karte hain...aasmaan me dikh rahe suraj aur chaand ko bhi sab log poojte hain...matlab log ye maante hain ki bhagwan hai..matlab bhagwan ke sach hone ka saboot hai...

Vikrant: Aap kahna kya chahti hain di??
Soniya: Main ye kahna chahti hu mere pyaare bhai ki duniya me har chij ka joda hota hai. Agar sabke man me bhagwan ke hone ka yakeen hai to is baat par bhi unhe yakeen hai ki buri roohe bhi hain jo insaan ko kai roopo me nuksaan pahuchaati hain,

Vikrant: To aapke dwara ye sab kahne ka matlab yahi hai ki maine jo sapna dekha hai wo sach hai??

Soniya: Haan bhi aur nahi bhi,
Vikrant: Ye kya baat huyi??
Soniya: Aam taur par har byakti yahi kahta hai ki need me dekhne wale sapne sach nahi hote...lekin agar wo sach nahi hote to galat bhi nahi hote, kyo ki kahi na kahi unka vajood to hai hi warna hamari band palko ke beech aane ka bhala kya matlab??

Vikrant: Chhodiye in sab baato ko di...mera dimaag chakrane laga hai ab,
Soniya: Hehehehe achha ji...meri baato se mere bhai ka dimaag chakra gaya...wah soniya ne to kamaal hi kar diya aaj...hai na??

Vikrant: Aap to hamesha kamaal hi karti ho di...bas kuch chizo ko chhod kar,
Soniya: Kuch chizo se kya matlab hai tera..??
Vikrant: Yahi ki jab dekho taabaap mujhe daadti rahti ho,,

Soniya: Haan to wo mera haq hai daatne ka...tujhse badi jo hu main...aur tu bhi to kam nahi hai...Rani ko din bhar pareshan karta rahta hai..uska kya???
Vikrant: Usko pareshan karne me maza aata hai di...aur main use is liye daatta aur pareshan karta hu kyo ki use sabse jyada pyaar bhi karta hu..wo hamari chhoti si gudiya hai,,

Soniya: Aur mujhse pyaar nahi karta kya?? Main bhi to teri badi bahan hu,,
Vikrant: Aapse bhi pyaar karta hu di..Aapka daatna achha lagta hai mujhe..

Soniya: Achha ji...mere bhai ko mera daatna achha lagta hai??
Vikrant: Haan di...par kabhi kabhi bura bhi lag jata hai,,

Soniya: Aisa kyo???
Vikrant: Pata nahi...maybe situation hi aisi ho jati hai kabhi kabhi,,

Soniya: Ohh sorry vicky...par main tujhe jitna daatti hu na usse kahi jyada pyaar bhi karti hu...mera ek hi to bhai hai...wo bhi sabse alag...sabse khaas....sabse pyara,,

Vikrant: Bas bas di...kahi main aasmaan me udne na lag jaau...agar aisa ho gaya to aap aur ye bike dono yahi sadak ke kisi kone me pade rah jayege,,

Soniya: Very funny...
Vikrant: Chaliye di hamara collage bhi aa gaya,,
Soniya: Aree haan..dekh baato baato me pata hi nahi chala time ka,,

Vikrant ne collage me main gate ke paas bike ko roka jisse soniya bike se niche utar gayi, vikrant ne bike ko aage badha kar parking area me bike park ki aur vapas Soniya ke paas aa gaya...fir dono hi ek sath collage ke main gate se andar ki taraf gaye...

Soniya ko aage jaa kar uski kuch saheliya mil gayi to unke sath aage badh gayi baate karte huye jabki Vikrant akela canteen ki taraf badh gaya,,

Friends aap sab log soch rahe honge ki maine story to start kar di hai lekin aapke hero ka aur uski family ka theek se paricyha nahi diya....is liye ab main aapko in logo ka theek se parichay kara deta hu,,

Start karte hain story ke hero se.....

VIKRANT SHRIVASTAV....22 yrs ka smart and handsome ladka hai. Hight 6fit, Ek dam gora aur sajila navjawan hai, Body kisi film ke hero ko bhi maat de de aisi banayi hui hai isne, aankho ka rang green hai, sabse khaas baat iske kaan hain jo aam insaano se bilkul alag hain, ji haan...iske dono kaano ka upari hissa upar taraf utha huwa hai jisse iske kaan aam inasano se zara lambe nazar aate hain, iski family me sirf yahi ek aisa jiske kaan is tarah ke hain, iske kaan ki banawat ki vajah se sab log ise kisi dusre grah ka insaan bhi kah dete hain jisse ye chidh jata hai, nature aisa ki apni family ke siva kisi se koi baat nahi karta..school collage me isne kabhi bhi kisi se dosti nahi ki, aisa nahi hai ki kabhi koi iska dost banne nahi aaya...balki aaye to bahut magar isne kabhi kisi se dosti karne ka man hi nahi banaya, ek baar school time me iska ek dost bana tha lekin usne iske kaan ki vajah se ise roz chidhata tha...jisse ek din gusse me isne uske hath pair tod diye the,

Vrikant kyo ki sabse alag aur sabse khubsurat tha is liye bahut si ladkiya us par marti thi lekin isne kabhi kisi ladki ko apne paas nahi aane diya,

Medical engineering ke final year ka student hai Vikrant, school collage me har saal top karta hai ye, jisse har koi ise janta hai...dimaag itna tez hai ki padhne likhne me ise jyada mehnat karne ki jarurat hi nahi padti, ek baar jo cheez padh liya wo iske dimaag me hamesha ke liye turant hi chhap jata hai, iski ye khasiyat iske alawa koi nahi janta..iske family wale bhi nahi, kyo ki sabki nazar me ye padhne ka usi tarah natak karta hai jaise aam student top karne ke liye jee tod padhaai karte hain, iske bare me aur bhi abhi bahut si baate hain lekin wo fir kabhi,,,

SONIYA SHRIVASTAV......22yrs ki bala ki khubsurat ladki hai, Iski khubsurti ka school life se hi har koi diwana tha lekin isne kabhi kisi ladke ko bhaav nahi diya, ek to police wale ki ladki thi...dusre Vikrant ki vajah se koi ladka isske paas aane ki himmat hi nahi kar paya, jo aaya wo apne hath pair tudwa kar chala gaya, collage me abhi pichhle saal ki hi baat hai ek ladka jiska naam SACHIN SHARMA tha usne soniya ke najdeek aane ki kosis ki thi, darasal wo sach much hi soniya se pyaar karta tha is liye usne ek din soniya ko propose kar diya tha...jawaab me soniya ne sabke samne uski kanpati par ek jhannatedaar thappdad jad diya tha, Sachin Sharma apne baap Amarnath Sharma MLA ka iklauta beta tha, Sachin sharma soniya ke dwara thappad khaanepar buri tarah tilmila gaya tha...aur pyaar vyaar dil se nikaal kar soniya ko baalo se pakad kar collage se baahar le jane laga..tabhi Waha Vikrant pahuch gaya, fir kya tha apni badi bahan ki ye haalat dekh kar uska gussa aasmaan ko chhu gaya, aur fir kuch hi minute me Sachin Sharma Apne toote huye hath pair liye collage ke gate ke paas pada tadapta raha, Sachin sharma ki is haalat ka pata jab uske MLA baap ko chala to bada hangama huwa, lekin baad me sab shaant bhi ho gaya, kyo ki Vikrant khud bhi Police comissioner ka beta tha, Anand Shrivastav comissioner ke sath sath shaher ke bahut bade aadmi bhi the..police forse to unhone shauk ki avjah se join kiya tha, unki pahuch upar tak thi, is liye MLA jyada kuch kar na saka tha,

Collage me us haadse ke baad fir kisi ne bhi dubara soniya ke sath ye harkat karne ki to baat door uske najdik aane ka socha bhi nahi, Soniya ka nature bhi thoda shakht swabhaav wala tha, Us haadse ke baad soniya ke dilo dimaag me apne bhai ke liye aur bhi jyada pyaar badh gaya tha,

RANI SHRIVASTAV.......18yrs Ki apni badi bahan ki tarah hi bala ki khubsurat ladki hai, swabhaav se thoda chulbuli aur chanchal hai, ghar me sabse chhoti hone ki vajah se sabka laad pyaar use jyada milta hai, Vikrant uska bada bhai hai lekin fir bhi wo bade bhai ki khichaai karne se nahi chukti, Har pal shararat karna hi iska kaam hai, Vikrant par jaan chhidakti hai, school me bahut si saheliya hai iski, ladke dost nahi hain kyo ki Girls school me padhti hai,

URMILA SHRIVASTAV......42yrs, ki ek bahut hi simple si mahila hain, apne bachcho se bahut pyaar karti hain, Khubsurti ke bare me bas yahi kah dena kafi hai ki inki dono betiya inki hi photo copy hain, Ghar me khana banana khud hi pasand karti hain jabki do do teen teen naukrani hain, Saral swabhaav nature hain inka,

ANAND SHRIVASTAV....48yrs, ke shakht nature wale insaan hain, lekin dil me apni family ke liye beshumaar pyaar hai, Police ki naukari apne shauk ke liye ki hia aur aaj apni mehnat aur imaandari ki vajah se police ke Comissioner hain, Pustaini bahut sari zameen jaydaad hai, inke pita Prakash Shrivastav Apne samay me MP bhi rah chuke the, khandaani paise wale hain...inke bade bhai Avdhesh Shrivastav Army me Brigedior the,

Friends ye to tha Vikrant ki Family ka full parichay...ab aate hain story par,

Vikrant canteen me pahuch kar apne liye ek cofy ka order de kar wahi ek chair par baith jata hai, thodi hi der me uske paas cofy aa jati hai aur wo use rafta rafta pine lagta hai,

Vikrant jyadatar class se baahar hi rahta tha, mushkil se ek do lecture hi attend karta tha...Uske bare me ye sab jante the..aur hairaan bhi hote the ki is tarah se bhi ye ladka top kaise kar leta hai??

Vikrant ke dimaag me is waqt wahi sab baate chal rahi thi jo raaste me uske aur uski badi bahan soniya ke sath huyi thi..wo khud bhi ye baat socha karta tha ki aisa uske sath kyo hota hai?? Kyo ek hi sapna use baar baar aata hai?? Magar iska jawaab uske paas nahi hota tha,

Abhi wo ye sab soch hi raha tha ki uske kaano me shor gul sunaayi diya jisse uski socho me viraam lag gaya, shor gul sun kar wah us taraf badh gaya...usne dekha ki sabhi ladke ladkiya bhi usi taraf jaa rahi hain,

Kuch hi der me wo us jagah pahucha jaha se shor gul sunaayi diya tha use, collage ke aur main gate ke just andar hi bade se maidaan me bheed jama dikhi use.....use samajh na aaya ki yaha huwa kya hai jisse ye sab log yaha jama huye hain,

Vikrant tez tez kadam bhaadte huye bheed ke najdik pahucha...aur bheed ko cheerte huye andar ki taraf pahucha, usne dekha chaar paanch ladke kisi ko buri tarah laat aur ghoose se peete jaa rahe the, aur jo maar kha raha tha wo buri tarah cheekh chilla raha tha,

Tabhi un logo me se ek ki nazar vikrant par padi to wo ek dam se ruk gaya...aone sathi ko ek dam se rukte dekh baaki sabne pahle use dekha fir uski nazro ka pichha kiya, aur Vikrant par nazar padte hi sab ruk gaye...Vikrant unme se ek ko pahchaan gaya...wo Sachin Sharma tha jiski usne ek baar dhulaayi ki thi,

Sachin sharma ke sath jo baaki log the wo is collage ke nahi the...shakal surat gunde mawaliyo jaisi thi to jahir hai gunde hi the wo, Vikrant ko samajhte der na lagi ki Sachin sharma bevajah hi us ladke ko apne gundo ke sath peet raha hai,

Vikrant: Kyo maar rahe ho use??
Sachin: Dekh tu beech me mat aa vikrant..ye hamara aapsi matter hai,
Vikrant: Aapsi matter collage ke baahar suljhaye jate hain..collage me is tarah ki gundagardi nahi ki jati...samjhe kuch??

Gunda(1): Oye kaun hai be tu?? Jyada gyaan na de samjha..hame apna kaam karne de..warna....
Vikrant: Warna tu apne hath pair sahi salamat lekar yaha se jaa nahi payega,,

Gunda(2): Sahi bola tune...hath pair sahi salamat chahta hai apne to nikal le yaha se..samjha??
Vikrant (Sachin se): Samjha in namuno ko..ki main kiske hath pair ki baat kar raha hu??

Gunda(1): Main khud tujhe samjhata hu tu ruk...sala ek baar me samajh me nahi aata tujhe na...ab main samjhata hu tujhe,,

Pahla gunda Vikrant ki taraf badi tezi se hath me chaaku liye badha..aur puri taakat se chaaku wala hath hawa me ghumaya...isse pahle ki uska chaaku wala hath hawa me ghum kar Vikrant ke pet ki taraf badhta vikrant ne usse pahle hi apne dono hath se use kisi sookhe patte ki tarah utha kar bheed ke us paar fenk diya,

Baaki sab chakit rah gaye....bheed me sannata chha gaya, har koi ye dekh kar hairaan rah gaya ki vikrant ne us bhari bharkam shareer wale gunde ko itni aasani se bheed ke us paar fenk diya jaise wo koi sookha huwa patta tha,

Idhar apne sathi virntak dwara is tarah fenk dene par baki gunde bhi chakit rah gaye, sachin sharma to buri tarah dar gaya tha, uske chehre par dar saaf dikh rrha tha, jabki baaki teen gunde ek sath hi vikrant ki taraf badhe,

Chaaro taraf jo bheed thi wah sheeghra hi door hat gayi..tabhi wo teeno gunde vikrant ke nazdik pahuche aur us par ek sath hamla kar diya,..magar ye kya....wo teeno hawa me udte euye door jaa kar gire...un teeno ke muh se dard bhari cheekh nikal gayi,

Vikrant (Sachin se): Bola tha na ki samjha de in namuno ko..magar tune nahi samjhaya aur ab in chaaro ke hath pair toot jane ka sirf tu hi jimmedaar hoga,

Itna kahne ke sath hi Vikrant un gundo ki taraf badha...Wo ladka jo pahle maar kha raha wo kisi tarah uth kar khada ho gaya aur ab tamasha dekhne laga,

Udhar Vikrant ek gunde ke hath ko pakda aur halka sa jhatka diya....Kadaaak...ki awaaz ke sath hi uske ek hath ki haddi toot gayi...wo gunda buri tarah dard se chillaya, baaki gunde ye dekh kar dar gaye aur uth kar bhaagne lage,

Magar bhaag nahi paye.....dekhne walo ne dekha ki kis tarah hairat angez tarike se Vikrant ne un sabko pakad pakad kar pahle unhe jam kar dhoya uar fir un sabke hath pair ki haddiya tod di,

Vatavaran me unki bhayanak cheekhe goonj rahi thi,

Vikrant ko kisi ne pichhe se uska kandha pakad kar ghumaya aur...CHATAAAAAAKKK,,,,vikrant ke gaalo par thappad pada tha,


FRIENDS ANY IDEA...KISNE VIKRANT KO THAPPAD MARA HOGA.?????

beautiful update dost

 

[Yamraaj]

Waiting for next update bro.....