Fantasy "DEVANJALI" (Dard Ki Tasvir)

[Blade axel]

superbb update bro....

 

[Avi9222]

Must update bhai ...
Sayad Dev ko uski behen dikhi hogi ...

 

[Zas23]

""UPDATE""
**13**

Ab tak......

Main(Man me)- Waah is roop me bhi khubsurat lagti ho, maine man me ye kaha hi tha ki mujhe man me hi maya ka jawaab mil gaya. Wo man se hi kah rahi thi - Tareef ke dhanyawaad dev,

Main muskurate huye aage abdha aur fir us dragon ke upar uski peeth par baith gaya,
Maya(Man se)- Chale Dev???
Main(Man se)- Haan..avilamb,

Mere man ka jawaab milte hi maya dragon ke roop me aasmaan ki taraf aag ugalte huye ud chali,
Main- Yaar tumhari aankhe bahut tez hain...main itni upar se bhi niche ki har cheej ispast dekh sakta hu,

Maya- Haan aap meri aankho se dekh rahe hain na is liye,
Main- Ham kab tak pachuh jayege us jagah par??

Maya- Bas kuch hi der me dev,
Main- Theek hai....

Aasmaan me har taraf chamgaadad ud rahe the, jinhe maya apne mukh se aag nikaal kar jalati jaa rahi thi,

Ab Aage.....

Kuch hi der me ham dharti se hazaro meel door aasmaan me ek aisi jagah pahuche jaha par har taraf andhera hi andhera tha, jane kaise is andhere me upar ek bahut bada chaand dikh raha tha, Gragon yani ki maya us jagah par hawa me hi ruk gayi,

Maya- Yahi wo jagah hai dev jaha par us dust yakumba ke us aadmi ne aapki dono bahno ko rakha hai,
Main- To kya yahin par yakumba rahta hai?? Mera matlab kya yahi us yakumba ka raajya hai..???

Maya(Hairani se)- Aap to aise puchh rahe hain jaise aapko kuch pata hi na ho, aap to kah rahe the ki aapko sab kuch yaad aa gaya hai??

Main- Yaad to aa gaya hai mujhe lekin dimaag me sab kuch abhi bhi dhundhla sa hai yani saaf saaf kuch nahi dikh raha, mujhe sirf tum aur tumhare sath ki har ghatna saaf saaf yaad bhi hai aur un sab ghatnaao ki tasveer bhi saaf saaf dikhaayi de rahi hai,

Maya- Badi ajeeb baat hai, khair koi baat nahi dev, aapko sab kuch saaf saaf yaad bhi aayega aur dikhaayi bhi dene lagega, ye jagah yakumba ka asli thikana nahi hai.. ye to sab pahle alag alag raajya the jo ab yakumba ke ghulam hain, yakumba ne apni aasuri shaktiyo ke dwara yaha ke har state par apna adhikaar kiya huwa hai, aur yaha ke jo real kings the unko yakumba ne andhere me kaid kar diya hai,

Main- Oh to ye baat hai...mere dimaag me kuch aisi hi tasveere dhundhli si dikh rahi hain, khair to ab ye bataao ki state par yakumba ne apne kis daanav ko kaarybhaar saump rakha hai??

Maya- Pahle yaha ke raja Aditya Singh the lekin yakumba ne unhe hara kar andhere me kaid kar diya aur unke is state par apne ek khaas mitra ko yaha ka kaarybhaar saumpa huwa hai...uska naam Loocus hai...bahut hi jaalim aur kaali shaktiyo ka maalik hai, iske bare me maine suna hai ki isne apne bade bhai ko maar kar uski biwi aur uski chaar chaar jawaan betiyo ko jabardasti apni rakhel banaya huwa hai,

Main(Shocked)- Kyaaa????
Maya- Yahi sach hai dev, isne apni kaali shaktiyo ke bal par yaha har state ki sundar ladkiyo ko bandi banaya huwa hai aur har raat un masoom ladkiyo ke sath ye balatkaar karta hai apne mitra yakumba ke sath,

Main- Ye to bahut hi ghatiya daanav hai maya, jane kab se ye masoom ladkiyo par atyachaar kar raha hoga, iske paapo ka koi ant nahi hai...lekin ab iske paap ka ghada bhar chuka hai...ise iske paapo ki saza mere hi hatho milegi.

Maya- Bilkul milegi dev, aapke hi hatho iski maut honi hai lekin jara samhal kar kyo ki ye bahut hi mayaavi hai, aur har tarah se ladna janta hai ye, is liye aapko isse samhal kar mukabla karna hoga, abhi aapko apni shaktiyo ka theek se gyaan nahi hai, is liye abhi aapko isse mukabla nahi karna chahiye, balki iski kaid se kisi tarah apni bahno ko chhudane ke bare me koi upaay sochna chahiye,

Main- Shayad tum theek kah rahi ho maya, mujhe pahle apni bahno ko iski kaid se chhudana hoga, tum is state ki bhaugolik sanrachna ke bare me mujhe bataao, us hisaab se hi koi upaay sochuga main,

Maya- Yaha ke state me jane ke liye do hi raaste hain dev, agar aapko apni sari shaktiyo ka poori tarah gyaan hota to aapko kisi jankari ki aavashyakta hi na hoti, khair main aapko ye bata rahi thi ki is state me jane ke do hi raaste hain, ek raasta yahi hai jaha par is wakt ham ruke huye hain hawa me, main yaha is liye ruk gayi thi kyo ki iske aage loocus ki aashuri shaktiyo se bana adrishya darwaja hai..agar koi ye soch kar yaha se aage badh jaye ki yaha par to kuch nahi hai to wah is darwaje ke paas pahuchte hi jal kar raakh ho jayega, dusra raasta is raaste ki sidhaayi me state ke us paar se hai, lekin us taraf ke raaste se bhi asaani se state ke andar nahi jaya ja sakta,kyo ki us taraf ke raaste par pahle se hi prakrati ne ek aisa isthaan bana rakha hai jaha par bhayankar se bhi bhayankar maayavi bhoot pret aur daanav rahte hain...wo jagah dharti ki hi tarah ka ek jangal hai..waha sabhi bhoot pret aur daanav adrishya roop se rahte hain, aur wo sab bhi yakumba ke ghulaam hain,

Main maya ki ye sab baate sun kar hairaan tha...maine socha sala ye to waisi hi baat ho gayi ki idhar bhi khaayi aur udhar usse bhi badi khaayi, lekin mujhe in do raasto me se kisi ek raaste se state ke andar jana hi tha, kyo ki bina andar gaye main apni bahno ko kaise chhuda sakta tha loocus ki kaid se???

Main- Yaar tumne to dono raasto ke bare aise bata diya ki jaise ab koi in raasto se andar jaa hi nahi sakta, aur agar vaastav me aisa hi hai to fir kaise ham andar jayenge?? Kya koi upaay nahi hai yaha se andar jane ka???

Maya- Upaay yahi hai ki in darwajo ko kisi tarah nast karke toda jaye...lekin usse fir hoga ye ki darwaje ke nast hote hi loocus ko pata chal jayega ki uska koi dusman usse ladne aaya hai, ya fir wo ye bhi samajh jayega ki aap hi aaye hain apni bahno ko uski kaid se chhudane ke liye,

Main- Ye baat to use pata hi hai ki main uski kaid se apni bahno ko chhudane jarur aauga..aur shayad wo mere intjaar me baitha hi hoga andar, jaisa ki wah yakumba ka mitra hai is liye usne ye sab kiya hi mujhe fasane ke liye hai...yaani wo meri bahno ke dwara mujhe apne paas bulana chahta hai taki wah apne mitra ke liye mujhe jaan se maar sake.

Maya- Aap sahi kah rahe hain, loocus ki yahi chaal ho sakti hai, to fir ye bhi ho sakta hai ki state ke andar jane ke dono hi raaste aapke liye khule hi honge..

Main- Ho sakta hai..lekin hame ek baar is baat ka pata to lagana hi padega ki dono taraf ke darwaje hamare liye khule hi hain yaa nahi?

Maya- Theek hai dev, main is baat ka abhi pata lagati hu.

Ye kah kar maya ne apni aankhe band kar li...kuch der baad usne aankhe kholi,

Maya- Aapka kahna ek dam theek tha dev, yaani state ke andar jane wale dono darwaje khule huye hain...isse ye aapki ye baat bhi saabit ho gayi ki loocus ne aapko andar aane ka raasta pahle se yahi soch kar khula rakha hai taaki aap araam se andar jaa sake...aur wah aapko asaani se maar sake,

Main- Dekhte hain kya hota hai, pahle iske andar to chale...
Maya- Main bhi aapke sath hi chalugi...ho sakta hai kisi pal aapko meri jarurat pad jaye???

Main maya ki ye baat sun kar sochne laga ki kya karu...???
Main- Tum yahi par adrishya roop me mera intjaar karna...agar koi baat hogi to main tumhe man ke dwara bata doonga,

Maya- Agar aapko apni sabhi shaktiyo ka poora poora gyaan ho gaya hota to main nishchint rahti dev, lekin abhi aap loosuc ke mukable me kamjor hain is liye mujhe dar lagta hai ki kahi aapko koi nuksaan na pahucha de loocus,

Main- Ab jo hoga dekha jayega maya...agar meri maut loocus ke hi hatho likhi hogi to use koi taal nahi sakta...aur agar loocus ki maut mere hatho likhi hogi to use bhi koi taal nahi sakta, ye to sach baat hai ki saare bramhaand ki raksha ka bhaar mujh par hai..to is hisaab se mera koi kuch kar nahi sakega, jung ki shuruaat to karni hi hai to yahi se shuru karta hu main, mujhe mahsoos ho raha hai maya ki koi aisi cheej mujhe apni taraf aakarshit kar rahi hai jiske bare me main shayad janta hu....lekin wo kya hai ye abhi samajh nahi paa raha hu,

Maya- Main aapko aapki samast shaktiyo aur aapse judi har cheej ke bare me bata sakti hu lekin iske like mujhe gurudev ne mana kiya hai, unhone kaha hai ki aap khud hi apne se judi har cheej ka pata lagaaiye,

Main- Achhi baat hai maya....ab main is darwaje ke andar jaa raha hu, tum yahi par mera intjaar karna,

Main maya ki peeth se neeche utar aaya, mere utarte hi maya ne apna roop badal liya..yaani wo fir se ek khubsurat si ladki me badal gayi, main jab chalne laga to uski aankho me aanshu aa gaye...ye dekh kar mera dil bechain sa ho gaya,

Main- Kya tum meri pahli hi jung me is tarah aanshu baha kar vida karogi??
Maya- Maaf karna dev..lekin ye aanshu mere bas me nahi the is liye aankho se chhalak gaye, lekin in aanshuo me kuch khushi ke bhi aanshu shaamil hain dev. Kyo ki itne saalo baad aap mujhe mile hain, abhi to maine aapko theek se dekha bhi nahi hai...

Main- Chinta mat karo maya, mujhe kuch nahi hoga...main jald hi apni bahno ke sath vaapas laut kar tumse miluga....achha ab tum ek baar muskura do..taaki tumhari muskaan dekh kar mere dil ki bechaini khatam ho jaye aur main sukoon se yaha se apni pahli jung ke liye jaa saku.

Mere is prakaar kahne par maya ke gulaab ki pankhudiyo jaise hotho par ek dilkash muskaan fail gayi, uski ye muskaan dekh mere dil ko sukoon mil gaya...aur mere bhi hotho par muskaan fail gayi, uske baad main waha se darwaaje ki taraf badh gaya, halaaki darwaja adrishya tha lekin mere aage badhne se pahle maya ne hath ka ishara karke mujhe bata diya tha ki is taraf se aage badhna hai....

Main darwaje ke paar nikal gaya...aur mere andar jate hi mujhe mahsoos huwa jaise mere peechhe wo darwaja shakhti se band ho gaya ho, iska matlab ab agar main chaahu to vaapas darwaje ke baahar nahi ja sakta tha, tabhi mere man me maya ki awaaj aayi.. wo kah rahi thi ki dev samhal kar andar jana...ye darwaja band ho chuka hai, maine use man ke dwara hi befikr rahne ko kaha aur aage badhta gaya,

Har taraf kohre jaisi dhundh chhaayi huyi thi...upar aasmaan me full moon tha is liye aas paas ki har cheej achhi tarah se dikh rahi thi, ye achha hi tha varna andhere me mere liye aage badhna mushkil ho jata....main bhatak bhi sakta tha,

Jaise jaise main state ke nadar vishaal bhavan ki taraf badhta jaa raha tha waise waise mujhe aisa mahsoos ho raha tha jaise koi cheej mujhe apni taraf kheechti jaa rahi hai, main khud hi usi taraf badhta jaa raha tha, badi ajeeb jagah thi kahi koi parinde tak ki awaaj sunaayi nahi de rahi thi, aasmaan me chaand ko dekh kar ye ispast ho gaya tha ki ye raat ka samay hai, mujhe is baat ne bhi thoda sochne par vivas kiya ki main to shaam tak apne ghar laut aane ka kah aaya tha apni mom se...lekin ye to raat ho gayi, ab pata nahi ghar me mom dad ka kya haal hoga ham sab ke na lautne se,

Kafi der chalne ke baad bhavan ka mukhya dwaar dikha mujhe..iska matlab main ab tak is state ki seema me tha, dwaar par do daanav khade the apne hath me kataar liye, main jaise hi unke paas pahucha...wo dono ek taraf hat gaye taaki main dwaar se andar jaa saku, mujhe unka is tarah hat jana bada ajeeb laga, matlab unhone mujhse kisi tarah ka koi sawaal jawaab nahi kiya, iski vajah shayad ye rahi hogi ki loocus ne sabko aisa hi karne ka nirdesh diya hoga,

Mere dimaag me kisi prakaar ki koi yojna nahi thi....main bina soche samjhe badhta hi ja raha tha khaali haath, dwaar ke andar kuch door jane ke baad main ruk gaya..kyo ki aage kayi raaste the aage badhne ke liye, mujhe samajh na aaya ki main kis raaste se aage badhu?? Aakhir is vishaal bhavan me meri bahne kis jagah par hongi??

Udhar ye bhi mahsoos ho raha tha ki koi cheej abhi mujhe apni taraf kheech rahi hai...maine socha dekhta hu ki kya hai us taraf jis taraf koi cheej mujhe kheech rahi thi, chaar raasto me se teesre wale raaste se main aage badh gaya...

Bhavan ke andar side ki diwaaro par kahi kahi bade bade mashaal lage huye the jisse ujala faila huwa tha, bhavan me jis tarah ka drishya dikh raha tha usse yahi lagta tha ki ye mahal kabhi bahut hi khubsurat raha hoga...lekin ab uski haalat kharaab thi, har jagah dhool mitti aur jagah jagah se ukhdi huyi diware aur farsh,

Kuch door jane ke baad mujhe aage neeche jane ke liye seedhiya dikhi, main un seedhiyo par neeche utarta chala gaya, seedhiyo par andhera tha lekin neeche ki taraf prakaash dikh raha tha, shayad neeche kahi diwaar par hi mashaal jal raha tha jiska prakash neeche faila huwa dikhaayi de raha tha, abhi tak mujhe koi daanav nahi mila tha, maine to socha tha ki kahi na kahi koi daanav jaisa aadmi jarur milega..lekin aisa huwa nahi,

Seedhiyo se utar kar jab main neeche pahucha to maine dekha waha par bahut si kharaab cheeje padi huyi thi farsh par..jaise koi kabaadkhana ho, mujhe samajh na aaya ki yaha par aisi kaun si cheej hai jo abhi bhi mujhe apni taraf hi kheech rahi hai?? Neeche lamba sa hall tha lekin har taraf bina matlab ki cheeje bikhri padi thi,

Abhi main ye sab dekh hi raha tha ki hall me bikhri sari bekaar cheeje apne aap hi ek jagah ekatrit hone lagi gol gol ghoomte huye, main hairaani se dekhe jaa raha tha is sab ko, mujhe laga kahi main kisi jaal me to nahi fasa jaa raha hu??? Main turant hi waha se bhaagne ke liye muda lekin tabhi main thithak gaya...mere right baaju me jo talwaar ka taitoo bana tha wo chamakne laga aur dekhte hi dekhte wo meri baaju se nikal kar hawa me mere saamne thahar gaya, usme se badi tez roshni nikal rahi thi, eka ek hi tez roshni lupt ho gayi aur uski jagah par ek bahut hi khubsurat talwaar dikhne lagi,

Maine jab apne samne is talwar ko dekha to turant hi use pahchaan gaya...mere hotho par muskaan aa gayi, ye meri hi talwaar thi shadiyo se...Dragon sword,

Abhi main use dekh hi raha tha ki mere man me talwar ki awaaj aayi. Wo kah rahi thi ki mera swagat nahi karoge dev??? Maine muskura kar man me hi kaha...Wecome meri jaan, mere jaan kahne par sword ki awaaj aayi...Achha ji jaan?? Anjali ko milne do fir batati hu ki uska dev mujhe jaan bol raha hai,

Main uski ye baat sun kar hadbada gaya...mujhe eka ek yaad aaya ki meri paanch premikaayen thi dev ke roop me, jinme se Anjali ka isthaan sabse upar tha, kyo ki wo meri shakti niyantra thi, mere dimaag me fir se ek film si chalne lagi,

Tabhi sword ki awaaj fir se aayi.. Dariye mat dev...Ham paancho aapki jaan hi to hain, lekin is wakt aapko samhal jana chahiye kyo ki aapke samne gol gol bhoom raha ye bawandar loocus ka maayavi jaal hai...jo aapko shuru se hi apni taraf kheech raha tha, is liye aapko isse jald hi bachna hoga aur ise nast karna hoga, varna agar aap is bawandar me ek baar fas gaye to fir nikal nahi paayenge,

Mujhe bahut si cheeje ab achhi tarah yaad aa gayi thi....is liye ab main har cheej ke liye taiyaar tha, maine man me hi sword se kaha ki tum fikar mat karo Noori...ye ab mera kuch nahi bigaad sakte, chalo ab shuru karte hain khel,

Maine ye kah kar apna hath badhaya to sword yaani Noori mere hath me aa gayi, hall me gol gol ghoom raha bawandar ab mere paas hi aa raha tha, maine apni aankhe band kar ek baar bhagwaan aur gurudev ko yaad kar unhe pranaam kiya aur apni dono aankhe khol di, meri aankho se ek tez roshni nikli aur us bawandar se jaa takraayi, bawandar se ek cheekh ki awaaj aayi aur wo ek jhatke me tinka tinka ho kar bikhar gaya..

Uske baad main waha se vaapas seedhiyo ke dwara upar aa gaya, ab mujhe kisi prakaar ki koi ghabrahat nahi ho rahi thi, balki main ab full confidence ke sath aage abdh raha tha, upar main usi jagah par aa gaya jaha se chaar taraf jane ke liye raaste bane huye the, us jagah par ruk kar maine apni aankhe band kar dhyaan lagaya to mujhe jo dikha usne mere andar gusse ki aag bhadka di...meri aankhe laal surkh ho gayi...main paagal sa hone laga tha, main dusre raaste se badi tezi se aage badh gaya,

Nice update

 

[K S Lover]

Nice story and updates waiting for next

 

[Prince sarkash]

Awesome update bro

Keep going

Will wait for next update

 

[Mahiirathore]

Jabardast Update Bhaiii

1st adventure majedar hota ja rha h
Sword mil gyii h loocus ka mayavi jal thod diya h

Dekhte h aage kya hota h

 

[Arjun Singh 72]

fabulous update

 

[Reza]

Superb update bro..
Waiting for next

 

[TheBlackBlood]

बहुत खूबसूरत विक्रान्त भाई,,,,,,

तो आख़िर विक्रान्त को याद आ ही गया कि वह वास्तव कौंन है?? बड़े ही खूबसूरत तरीके से सारी बातों को दिखाया है आपने।

अब देखते हैं आगे और क्या मजेदार होता है,,,,,

 

[sonukale]

Waiting for next update