- 5,758
- 13,139
- 189
UPDATE 72
Bowler bowl le kar taiyaar tha...Fir bhi Sumit ka dhyan Megha par hi tha.
Sumittt.
Ek gusse se bhari aawaj Captain ka jo non-striker end se batting kar raha tha.
Ye sunne ke baad hi Sumit ka dhyan match ki taraf wapas aaya.
Bowler ke run up ke saath Sumit ka dhyan kabhi bowler par padta to kabhi Megha par...Megha se Sumit ka dhyan hat hi nahi raha tha.
Dusra bowl par Sumit ne shot ke liye bat chalane hi wala tha ki ek tej bouncer uske sir par aa kar laga...Wo to helmet tha jisne uske sir ko bachaya warna haddi ka kaha aur kitna fracture hota iska anumaan lagana bhi mushkil hota.
Helmet par lagte hi wo balance bigadne se niche gira.
Sumit ko aise dekh ground ke players ke saath darshak bhi ghabra gaye...Megha bhi darte hue ground mein aa gayi...Dhire dhire karke Sumit khud hi utha aur Megha ko apni taraf aate dekh ishaara se khud ko thik hone ka bataa kar waapas jaane ko kaha.
Man mein dar ke saath Megha wapas chali gayi.
First Aid team ko bhi usne mana kar diya.
Puri tarah se uthhne ke baad thoda sa chakkar aane laga...Aur uss chakkar mein bhi jab uska najar Megha par pada to har taraf Megha hi dikhne lagi...Ek alag sa muskaan uske hontho par aa gaya jo shayad wo hi samajh sakta tha.
Sumit...
Non Striker end se Captain ka aawaj.
Agar fit nahi hai to retired hurt le kar aaram kar.
Paani.
Bas itna hi jawaab diya Sumit ne.
Thoda paani peene ke baad aur thoda munh ponchne ke baad fir se helmet laga kar Sumit ready ho gaya.
Dard thoda sa tha...Concentrate bhi pura nahi kar paa raha tha.
Concentrate Sumit...Concentrate.
Khud ko motivate kar ke Sumit ne apna batting position liya.
Aur next ball usse bhi tej bouncer...Lekin iss baar Sumit ready tha...Perfect timing ke saath ek powerfull pull...Aur ball...Wo sabhi ki najar se dur stadium se bhi baahar.
Iss shot ke saath sabhi darshak mein fir se shor sharaaba suru ho gaye...Kuch dost thhe...Jo Sumit ka naam le kar cheer kar rahe thhe...Lekin unki aawaj bhi feenka pad gaya Megha ke aawaj...Wo khushi ke maare Sumit ke naam le kar chillane lagi.
Sumit bhi ye dekh kaafi khush tha...Wohi muskaan...Abhi bhi Sumit ke hontho mein tha...Andar se hi usse bahut accha lag raha tha aur abb jaa kar khel mein uska man lagne laga.
Fir kya tha...Har shot ke baad Megha ko khush dekh kar wo aur bhi shot maarne lag gaya...Captain dusri taraf se baar baar manaa kar raha tha lekin Sumit usse hi mana kar ke apne man marji se khelne laga.
Chauka aur Chakka ki to baarish hi hone laga ground mein...Aur ye silsila tab tak chalta raha jab tak Sumit out na hua.
8 chakka aur 5 chauka ke saath Sumit aakhirkaar 32 ball mein 78 runs bana kar ek aur chakka ki prayas mein out ho hi gaya.
Ground se waapas aate hi Megha ne Sumit ko gale laga liya...Sumit ko na jaane kyu ye bhi accha lag raha tha...Bahut sukoon mehsus kar raha tha wo.
Megha:- Ye kya...Century bana kar aate.
Sumit:- Itna maarne ke baad bhi century?
Megha:- Itna accha ho tum ki expectation waise bhi jyada rehta hai.
Sumit jawaab mein sirf muskuraya.
Megha:- Stadium ke bahar six kaun maarta hai? Itna taakat aaya kaha se.
Sumit:- Bas ek paagalpan tha...Ek junoon.
Megha:- Kis cheej ki? Kirti se milne ke liye?
Sumit:- Nahi...Match ke dauran ek baar bhi Kirti ka yaad nahi aaya.
Megha:- Ho hi nahi sakta ye.
Sumit:- Cricket mera pehla pyaar hai...Kirti se bhi bahut pehle ki...Abb tak ka sabhi frustration nikaalne ka mauka jo mila tha...Aur shayad kuch aur bhi tha...
Sumit isse aage kuch nahi bol paaya...Aakhiri vakt mein khud ko rok liya.
Megha:- Kuch aur ? Kya ?
Sumit:- Kuch khaas nahi.
Megha:- Mai to bhul hi gayi...Chot jyada to nahi laga.
Megha fir Sumit ke sir sehlaane lagi.
Sumit:- Nahi...Bas vibration tha thoda helmet ki...Balance bigadne se gir gaya tha.
Sumit ka confidence dekh Megha ko confusion mein bhi maanna pada.
Megha:- Bahut accha laga tumhe aisa khelte dekh.
Muskuraate hue Sumit waha se nikal gaya...Megha se dur jaate jaate uske muskaan mein bahut se badlaaw bhi aane laga.
At Night.
Raat ke 9 baje dinner ke baad Sumit ke room mein knock hua.
Gate kholne par saamne Rashmi thi.
Sumit:- Tu ? Iss vakt ?
Rashmi:- Kuch baat karni hai.
Sumit:- Haan bol.
Room ke andar aane ke baad.
Rashmi:- Aapko Kirti mein aisa kya dikha?
Thoda gussa aur thoda shikayat tha Rashmi ki aawaj mein.
Sumit:- Bahut saari khubsurti aur daulat.
Rashmi:- Majaak mat kijiye.
Sumit:- Are are...Rashmi to gussa ho gayi...Abb kaun sa chocolate laa kar dun.
Rashmi:- Bhaiya please.
Rashmi ko serious dekh Sumit bhi majaak ke mood se baahar aaya.
Sumit:- Pyaar...Ye hone ke liye kya chahiye...Bas dil se ek aawaj...I love her and I will always be happy with her...Wohi mere liye sahi hai.
Rashmi:- Pata nahi...Aisa aapko kaise lag gaya.
Sumit:- Kyu? Wo to teri best friend thi.
Rashmi:- Kabhi nahi...Sirf friend thi..Itna attitude aur ghamand hai usme ki kai baar usse ignore karti thi...Wo hi aa kar jab baat karti to mai bhi baat kar leti thi.
Sumit:- Waise Kirti mein attitude suit karta hai.
Rashmi:- Aap aur aapki choice.
Sumit:- Maan yaa naa maan...Bhabhi to teri wo hi hai.
Rashmi:- Kismat hi kharab hai...Bhaiya ke roop mein aap mile aur bhabhi ke roop mein wo chudail.
Sumit:- Chudail tu hai jo uss masoom ko chudail keh rahi hai.
Rashmi:- Ye Megha kaun hai?
Sumit:- Meri dost.
Rashmi:- Sirf dost?
Sumit:- Haan.
Rashmi:- Lekin aap dono ke fb chat to kuch aur kehte hai.
Abb Sumit ekdum se serious ho gaya.
Sumit:- Chat...Kab padha tune.
Rashmi:- Galti se ek baar aapke message notification mein click ho gaya...Kuch messages tha...Padha nahi hai...Bas scroll kiya tha...Uski bahut si messages thhe aur aapka 2 line ka answer aur kabhi kabhi to bilkul bhi nahi.
Sumit ne koi jawaab nahi diya.
Megha:- Bhaiya bataiye na? Kaun hai wo?
Aisa lag raha hai bahut acchi hai wo...Aapko bahut chaahti hai.
Sumit kuch der to Rashmi ko dekhta raha.
Sumit:- Nahi...Ye sach nahi hai.
Itna keh kar Sumit ne sir ghuma liya.
Rashmi:- Khul kar bataiye.
Sumit:- Kya karegi jaan kar...Papa ko bhi nahi bataya hai uske baare mein.
Rashmi:- Lekin kyu? Papa to khul kar aapka support kar rahe hai...Fir bhi aap chhupa rahe hai unse?
Sumit:- Kab tak apna galti hi batata rahu...Abb bas apna badlaaw aur sudhaar ki baat hi karna chahta hun unse...Agar Megha ke baare mein unse baat kiya to fir bhi wo kuch nahi kahenge...Lekin apni galti ki hi baat kab tak karta rahu.
Rashmi:- Kuch samajh mein nahi aa raha hai...Khul kar bataiye...Please.
Megha ka naam sunte hi alag alag tarah ke khayal aa rahe thhe Sumit ke dimaag mein.
Aakhir kaar Sumit ko jawaab dena hi pada.
Sumit:- Meri "Ek Bhool"
