Update 53
Isha..... Are sanjay tum kab se yahan ho?
Sanjay..... Jab se tum golu ko utha rahi thi aur yeh kya isha aaj fr tum golu ki zid ki wajah se college nahi jaogi.
Isha.... Haan, mere liye golu se bad kuch nahi hai.
Sanjay..... Lekin isha aise kab tk chalega, kahan tum kabhi college se bunk nahi krti thi aur ab hr dusre din golu ki zid ki wajah se tum college hi nahi jati ho.
Isha...... Tum nahi samjhoge sanjay, aaj golu ne wo keh diya jo kabhi main mehsus krti thi, akelapan kaisa hota hai aur kitna chubhta hai yeh main janti hu aur main yeh golu ko kabhi mehsus nahi hone dungi.
Aise hi baat krte hue dono niche dinning table pe beth jate hai.
Sanjay...... Lekin jra socho is tarah to tum use apne upr nirbhar bna rahi ho, fr wo bahr ki duniya ko kaise dekhega aur smjhega.
Isha...... Hmmm keh to tum thik rahe ho, to ab hume kya krna chahiye?
Sanjay..... Iska ek hi rasta hai, golu ko kisi playway ya fr kisi school me addmision kra do.
Isha kuch soch kr.... Yeh to bahut badiya idea hai, thnks sanjay.
Ab aage.......
Tabhi golu bhi sidiyan utarta hua aata hai aur sanjay se milta hai, fir sb breakfast krne lagte hai.
Isha golu ko khana khilate hue..... Golu tu keh raha tha na ki mere college chle jane se tujhe akelapan lgta hai, to betu main roz-2 to college bunk nahi kr skti, isliye humne ek rasta nikala hai.
Golu.... Wo kya didu?
Isha..... Yahi ki hum tumhara admission kisi school ya playway me kra de.
Golu...... But didu main to abhi bahut chota hu.
Sanjay..... Golu jisme hum tumhe admission krayenge wo bacho ke liye hi hoti hai, waha tujhe apne jaise aur bache milenge, tere dost banemge.
Golu.... Thik hai jaise aap logon ko sahi lge.
Isha golu ka matha chum leti hai, fr sanjay college nikal jata hai aur isha golu ke sath khelne lgti hai.
Agle din isha aur sanjay jakr golu ka admission ek school me kra dete hai aur golu ki school life shuru ho jati hai, dheere-2 golu ko school psnd aane lagta hai aur wo roz raat ko sone se pehle isha ko apne pure din ke bare me btata, isha bhi golu ki khushi me khush thi.
Samay ka chakr ghuma aur dekhte hi dekhte isha ki graduation complete ho jati hai aur golu bhi ab thoda sa bda aur bahut jyada shrarti ho gya tha, lelin usme samjhdari bhi bahut thi, isha sanjay aur golu aksr ghumne jate, movie dekhte, sb kuch ache se chl raha tha.
Fir wo samay aaya jab isha ko mbbs ke liye dusri city jana tha, wo daur isha aur golu ke liye bahut bhari tha, jahan isha golu se alg hone ke karn dukhi thi, wahin golu bhi isha se alg nahi hona chahta tha, lekin apni samjhdari se wo yeh janta tha ki uski didu ka jana bahut jaruri hai, isliye jis din isha wahan se jane wali thi, tb golu ne use haste gate hue vida kiya, taki uski didu ko uska dukh na dikhe aur jab isha chli gyi to wo apne room me aakr door bnd kr jor-2 se rone lagta hai, pura din aur puri raat wo rokr nikal deta hai, na khana khata hai na hi so pata hai, bs isha ki tasveer pkd kr rota raha, jab subah hui tb ghr ke phone pe isha ka phone aaya, jise sun golu ne khud ko fresh kiya aur isha se phone pr haste hue baat krne lga, lekin use kahan pta tha ki yeh to uske dukhon ki shuruwat hai, abhi to uski life me ek bahut bda toofan aane wala hai.
Isha ko gye ek mahina ho gya tha aur golu ko khilkhila kr hase hue bhi, wo to bs ab school se ghr aur ghr se school tk hi simit reh gya tha, sanjay bhi apni study ke liye usa ja chuka tha.
Ek raat golu so raha tha ki use sote hue apne aas pass hulchal mehsus hui, wo ek dum se ghbra kr uth jata hai aur dekhta hai ki suraj uske samne ek chair pe betha tha aur use hi ghur raha tha.
Golu..... Ohhh uncle aap ho, apne to mujhe dra hi diya.
Suraj..... Sorry beta tumhari neend khrab kr di maine.
Golu.... It's ok uncle, waise bhi main abhi leta hi tha.
Golu ko suraj ki baton aur uske havbhaw se pta chl chuka tha ki wo sharab pi kr aaya hai aur full tali hai, wo golu se thodi der baat krta hai.
Suraj...... Beta kya tum meri thodi madad kr doge.
Golu.... Ji uncle boliye kya baat hai?
Suraj....... Beta wo baat yeh hai ki tumhe dekhne jab main aaya to yahan gir gya, jiski awaz se tumhari neend tuti aur us wajah se mere ghutne me dard ho raha hai, mujhe ab apne room me jana hai to mujhse chla nahi ja raha, kya tum mujhe mere room tk chod doge?
Golu.... Haan kyu nahi uncle, chaliye.
Golu uth kr suraj ko sahar dete hue use uske room tk lata hai, golu jaise hi door kholta hai ki use apni gardan pe ek chubhan hoti hai, wo kuch smjh ya kr pata us se pehle hi wo dhdam se zameen pe gir jata hai aur yeh dekh suraj ke face pe smile aa jati hai.
Thodi der baad jab golu ki ankh khulti hai to wo idher udhr dekhta hai, wo ek lab me tha aur wahan koi najar nahi aa raha tha, wo uthne wala hota hai to dekhta hai uske hath aur pair kisi cheez se bandhe hue the, jab wo dhyan deta hai to use pta chlta hai ki wo bed pe nahi balki kisi machine ke ander hai, jiske charo aur sheeshe ki deewar hai, jiske her kone se uske hath aur pair kisi metal se bandhe hue hai, wo us machine me leta hua tha, golu yeh sb dekh bahut darr jata hai aur chilane lgta hai.
Golu..... Koi hai, pls meri madad kro, mujhe yahan se nikalo.
Golu rote hue chila raha tha, lekin use kahin se koi response nahi mil raha that, to wo rote hue aur jor se chilata hai, tabhi lab ka door opn hua aur ek shks ander aata hai, golu jab uski taraf dhyan se dekhta hai to wo rote hue.
Golu.... Uncle pls mujhe yahan se nikaliye, meri madad kijiye.
Ji haan wo shks suraj singh hai.
Suraj..... Nikal dunga tujhe, lekin mera kaam hone ke baad.
Golu darte hue..... Ka.. Kaun sa kaam uncle?
Suraj..... Are tu to darr raha hai, isme darne wali koi baat nahi beta, bs main tumpe ek experiment krunga, uske baad tum fr se azad ho?
Golu.... Main kuch smjha nahi uncle?
Suraj..... Dekho main tumhe shuru se btata hu, main kafi salon ek formule pe kaam kr raha tha aur iske liye mujhe govt ne sponsored bhi kiya tha, lekin kayi salon ki mehnat ke baad bhi jab mere dwara bnaye gye formule ka hr experiment nakamayab raha to govt ne is research se apne hath piche kr liye aur mujhe ise band krne ka order bhi diya gya, lekin itne saal ek formule ko dene ke baad main kaise use band kr skta tha, to maine apne liye apne hi ghr ke basement me ek secret lab banwayi, jahan main apne us formule pe kaam krne lga, ab mera wo formula taiyar hai bs kisi human body me iska test krna hai, lekin mujhe aisa koi nahi mil raha tha jo is kaam ke liye taiyar ho, tabhi tum aaye humari life me, tumhe dekhte hi maine tey kr liya tha ki tum hi mere kaam aa skte ho, isliye to tumhe yahan apne sath laya, lekin tb tum bahut chote the, isliye thoda wait krna pda, magar fir isha bich me aa gyi, wo tumhe ek pal ke liye bhi akela nahi chodti thi, isliye maine isha ko mbbs krne liye dusri city me bheja.
Golu suraj ki baton se kafi darr gya tha, uski ankhon se ansoon aane lagte hai.
Suraj...... Are tum to rone lge, jra socho agr mera experiment kamyab raha to tum kya se kya ban jaoge.
Golu darte hue...... Aur agr fail hua to?
Suraj..... Hmmm agr yeh fail raha to yeh tumhari akhiri raat hogi.
Golu..... M... M....mtlb?
Suraj..... Dekho mera jo yeh formula hai wo human genrate cells ke upr hai, jaise ki koi drug jo humare shrir me utejna paida krta hai, waise hi yeh formula tumhara shrir me jate hi tumhare cell ka roop le lenge aur agr tumhare dna ne ise sehn kr liya to tumhare shrir me changes aayenge, jaise gussa badna, taqat badna, stamina badna, agr kabhi tumhe chot lgti hai to yeh dusre cell tumhari chot ko aam insan se bahut jaldi se thik krenge, jahan aam insan ki dimag istemal krne ki kshmta 2 se 5 guna tk hoti hai, wahi tumhari kshmta is se kahin adhik ho jayegi aur bhi bahut kuch hoga, jo aage jakr pta chalega aur agr tumhara dna ise sehn nahi kr ska to yeh tumhare shrir me jeher ka kaam krega aur dheere-2 tumhari jaan le lega.
Yeh sunkr to golu jor-2 se rone lgta hai, use suraj dwara kahi gyi koi baat smjh nahi aayi siwaye iske ki yeh ek jeher hai jo use suraj dene wala hai, wo rote hue suraj se bahut minnate krta hai, lekin suraj pe us masoom bache ki kisi baat ka koi asr nahi ho raha tha.
Suraj pass lage ek computer pe bethta hai aur kuch krne lgta hai, thodi der baad golu jis sheeshe ke box me band tha usme upr se do wires aati hai, jinke aage ke sire pe ek badi si sui lgi hui thi, golu ko itna tight bandha gya tha ki wo hil bhi nahi pa raha tha, un dono wires se ek wire golu ke sir ke pass akr ek dum se uske sir me lag jati hai, jis se golu ki ek dardnaak cheekh nikalti hai, fir dusri wire golu ke heart wale hisse me lag jati hai, golu cheekhta hua ek dum se behosh ho jata hai, uske liye yeh dard seh pana namumkin tha, jab golu behosh hua to suraj wahin beth kr uske hosh me aane ka intzar krne lga.
4 next update
