- 18,429
- 125,597
- 259
Update 21
Vicky ne dusre din kissi tarah se 2 lakh rupaay uss dusre wale dead aadmi ke patni ko punchaya kissi ke zarye yeh kehkar ke usske pati ne jeeta tha kissi tarah ek khel mein. Yeh Vicky ne iss liye kiya kyunke usske patni aur bachche ko dependant na hona pade kissi par.
Inspector Khan do dusra laash mila aur usska kaam aur badh gaya. Forensic ke dwara report se saabit huwa ke ek hi revolver ke goli se yeh dusra aadmi bhi mara gaya tha. Aur experts ke reports ke bina se yeh pata chala ke kisssi ne bahot ghusse mein uss aadmi ko mara uss ke chehre par ke usska enkh baahar nikal aya aur chehra ekdum bigar gaya tha. Expert ke report ne yeh bhi kaha ke uss aadmi ke marne ke baad bhi ussko mara gaya tha. - Khan ne socha, ‘Vicky to bahot cool aadmi hai woh to ghussa karta hi nahin sabhi ke kehne ke motabik to woh keise yeh kar sakta hai?? Koyi aur baat bhi ho sakti hai, ya Vicky jwalamukhi ban chukka hai??’
Khan Vicky par shak karne laga aur Rathod ko phone karke poocha ke kia Vicky ne ussko phir se phone kiya ya nahin to Rathod ne kaha nahin. Khan Rathod ka yakeen nahin kar raha tha aur phir ussne Mathur sahab ko bhi contact kiya wohi poochne ke liye aur Mathur sahab ne bhi kaha ke bilkool contact nahin kiya aur drama karte huwe Mathur sahab ne Khan se kaha ke jeise hi Vicky ki khabar mile to sab se pehle uss ko itelah karein.
Khan ne donon dead bodies ke doston ko contact karne ke liye plan banaaye. Jahan weh kaam karte the wahan par chaan bin kiya, marne wale ke ghar walon se pooch taaj ke beech paata chala ke kissi ne 2 lakh rupay diye aur kaha ke khel mein jeete the….. Khan ke samajh mein nahin araha tha ke kahin kissi casino ya juwe ke adde ki baat to nahin thi, kia uss aadmi ne karor to nahin jeeta tha aur ussko maar kar kissi ne usske patni ko 2 laakh thamaa gaye? Khan ka dimaagh sun ho raha tha!!
Udhar weh teen jo bache the unhon ne ek dusre ko contact kiya aur ek meeting lagaaye. Teenon ko pata chal gaya ke unn ke do doston ko buri tarah se mara gaya aur discuss kar rahe the ke kiss ne mara hoga. Vicky par shak kiya teenon ne magar woh 2 lakh rupay jo dusre saathi ke biwi ke paas mile ussko lekar yeh teenon bhi chakra gaye ke kia maajra hai. Kissi ne bhi yeh na socha ke Vicky ne hi paisa diya hoga. Sab soch rahe the ke juwa ka maamla hai. Magar aapas mein teenon ne ye tey kiya ke agar police wale inn se pooch taaj karenge to yeh bolenge ke yeh unn donon ke dost nahin the aur ek dusre ko jaante hi nahin the.
Vicky teenon par nazar rakh raha tha aur jab teenon ek saath mile to Vicky ko paata chala aur wohi Hippie ke bhess mein uss jagah par poncha jahan teenon mile the. Woh ek public garden mein tha jahan bahot saare log hote the. Ek bench par teenon baith kar discuss kar rahe the. Vicky opposite ke ek bench par baitha unn teenon ko dekh raha tha ek MP3 ko kaan mein lagage sunne ka bahana karte huwe.
Vicky ussi waqt unn mein se ek ko pakarne ke koshish mein lag gaya aur Rita ko phone karke uss bagiche mein bulwaya. Ab Vicky yeh soch raha tha ke unn mein se ek to dusre sheher mein rehta hai to yahan keise aya aur kiss maadhyam se aya, train se ya apne car se….. Vicky ussi ko faanssna chahta tha.
Garden mein baitha Vicky uss leader ko khub achchi tarah se observe kar raha tha. Amir tha woh bhi aur bade baap ka beta tha aur political contact usska zabardast tha. Jinn logon se usska talukaat tha to ussko to kabhi bhi case hoga hi nahin magar jo plan Vicky ne kiya uss ke liye woh sab se zabardast tha. Vicky sochne laga ke agar woh khud amir nahin hota to kuch bhi nahin kar sakta aur kismat ke maar samajh kar shaayad sab kuch chup chaap seh leta; par ab apne amiri ko istemaal karke woh khud apni behen ke rape aur maut ka badla lene mein safal ho raha tha.
Jaise hi Rita garden mein daakhil huwi Inspector Khan ki jeep bhi dikhaayi diye aur woh unn teenon ke taraf chalne laga aur udhar se Rita bhi chali aarahi thi Vicky se milne….. Vicky ka pasina chuth gaya aur wahan se uthkar dusre taraf chalne laga kuch jhoot mooth ke dance steps karte huwe jeise hippie log kiya karte hein.. Khan ne ussko notice kiya…. Magar uss ne ussko ek Hippie hi samjha aur kyun ke Khan ka aim uss waqt kuch aur tha to ziada dyaan dusre taraf nahin tha.
Oonche kad ka, chawda seena, tez kadmon se chalte huwe, sunglass enkhon par saja huwa Inspector Khan ki personality bahot attractive aur powerful dikh rahe the aur bahot saare nazrein uss ke taraf the us waqt.
Jab teenon ne Khan ko apne taraf badhte huwe dekha to khud badbadaaye,
“Issko keise pata chala ke hum teenon yahan hein? Issko pata chal gaya hoga ke hum unn saalon ke dost hein ab kia karein?”
Par unn mein se leader ne kaha,
“Nahin kuch pata nahin hai issko, yeh aazmaane aa raha hai humko, agar kissi ne humein kabhi unn donon ke saath dekha hoga to woh sirf restaurant ya bar mein aur inspector ne poocha to kehna ke shayad bar mein mile honge drinks ke beech bus, hum unn donon ko personally nahin jaante samjhe ke nahin?” Aur sab ne kaha ok.
Aur Khan unn ke taraf gaye hi nahin balke usski Biwi aur Farheen the ek kone mein aur woh unn ko lene ko aaya tha wahan!!
Vicky khud heyraan hogaya Khan ko apne parivaar se mite dekh kaer, aur turant Rita ko phone karke ussko raaste ke taraf jaane ke liye kaha aur jab tak phir phone na karein ussko wapas nahin ane ko kaha.
Unn teenon ke jaan mein bhi jaan aaye jab dekha ke Khan apne parivaar se milne aya tha…..
Khan ke nikalne ke baad, Vicky unn teenon ke opposite baitha aur Rita ko phone karke apne paas bench par baithne ko bulaya. Jab Rita agayi to Khan ne ussko teenon ko dekhne ke liye kaha aur poocha kia woh unn mein se kissi ko jaanti hai. Rita ne turant apna chehra hathon mein chupaate huwe dhire se kaha,
“Han ek MLA ka beta hai uss ke saath jaa chuki hoon kayi baar!!.. Agar ussne mujhko abhi dekh liya to bulaega, chalye yahan se abhi sissi waqt bahot harami insaan hai woh….” Aur Rita uth khadi huwi aur unn teenon se peeth kar liya Vicky ko face karte huwe. Tab Vicky ne kaha,
“Yaar tumko uss se nahin milna hai, ussko kuch nahin kehnaa hai, tum bus unn donon ko dekho jo usske saath baithe hein kia unn mein se kissi ko jaanti ho ya gayi ho unn logon ke saath, ya kabhi eisa huwa hai ke teenon ek saath tumhare saath huwe ho??”
Rita ne mushkil se chhup chhup kar unn donon ko dekha aur Vicky ko jawaab diya ke nahin pehchaanti unn donon ko tab Vicky ne kaaha inn mein se ek hamara agla shikaar hoga?
Rita ne kaha ok aur wahan se nikalne ko kaha kyun ke woh nahin chahti thi ke woh MLA ka beta ussko wahan dekhe!! To Vicky Rita ko lekar nikal gaya aur dusre jagah par ja baithe donon.
Baat cheet ke dawraan Vicky ne kaha,
“Han mujhko kal hi pata chala ke woh MLA ka beta hai. Aur ussko ko to bahot khaas sabak seekhana hai mujhko. Usske liye to bahot hi khaas intezaam kiya hai main ne. Usske liye tumko koyi kaam karna hi nahin hai! Phir bhi paisa tumko barabar milega jitney ka wada kiya hai main ne….. bus unn donon ko tumhein apne jaal mein fanssna baaki hai.”
Rita boli,
“Han magar jab weh innke saath nahin honge tab abhi nahin, main usske saamne ya unn ke beech nahin jaungi nahin to teenon ko woh ek saath lekar apne bungle mein laejaegaa mujhe!!”
Vicky ne kaha,
“Rita tum kuch chhupa rahi ho mujhse, tumko keise pata ke woh teenon ke saath tumko lejaega? Isska matlab hai ke issne eisa kiya hai tumhare saath pehle hai ke nahin?”
Rita ne reply kiya,
“Nahin mere saath nahin, mere ek saathi ko apne saath legaya tha yeh apne bungle mein aur jab woh wahan ponhchi to aur teen innke dost the wahan, shaayad yehi the aur sabne milkar mere dost se sambhog kiye the mere dost ne mujhko dusre din sab bataaya tha aur bahot pee rakhe the sab ne aur jaanwaron jeise harkat kar rahe the; aur paisa diya tha sirf ek aadmi ke liye! Mere saathi ne mujhse kaha tha issi liye main usske saath nahin jana chahti hamesha ussko avoid karti hoon!!”
“Vicky ne ek gehri saannss lete hue kaha,
“To yeh baat hai…fikar mat karo tumhare uss saathi ka badla bhi liya jaega.”
Khan donon dead aadmiyon ke finger prints lekar Vicky ki behen ke bed par paaye gaye finger prints ko milaakar check karne laga ke unn donon mein se kissi ka finger prints to nahin hai…..
Ab kia hoga agar unn mein se ek ka finger print nikla to?
Khan ko pata chal jaega ke Vicky yeh sab kar raha hai…… Tab kia hoga?
Kia Fingerprints unn do dead admiyon mein se the?
Agle updates mein dekhenge……..
To be continued……………………
