Horror Fear-Trap (Dar ki Nayi Inteha)...

[Niks77kill]

'Ye khel sirf ek khel nahi hai.. is reality tv show ki reality wo
nahi hai jo parde par dikhti hai.. ek aisa reality tv show jo dar
ki nayi haqeeqat se rubaru karayega.. ye ek aisa jaal hai jisse
bahar nikalna namumkin hai.. yaha jo kuch bhi dikhta hai.. wo
sirf aankho ka dhokha nahi hai.. usme kuch aur bhi hai jo yakeen
se pare hai.. yaha jo kuch bhi hota hai wo sirf logo ke
manoranjan ke liye hai.. par uska anzaam kisi ko nahi pata chalta
siway unke jo is kehar ko jhelte hai.. yaha jo ek baar aa gaya
wo kabhi bahar nahi jata.. jinda to kabhi nahi.. har ek cheez ki
koi na koi shuruat hoti hai aur koi na koi ant.. kya ye silsila
tutega?? Kya koi kabhi vijeta banega?? Shayad haa.. Shayad..

 

[Niks77kill]

For updates only..

 

[Niks77kill]

Ye story mene xossip pr shuru ki thi but poori ni kr paya.. Dosto ne bola isko complete kro isliye ise yha poori krne ki koshish krunga.. Tab tk aap sab waha tk padhe jaha tk mai likh chuka th.. Aur phir ise continue krte hai.. Hope is baar ye poori ho jaye

 

[Niks77kill]

1. Fear-Trap
Update 1
Raat ke barah baj rahe the. Lagbhag 20-22 saal ka ek ladka jungle
mai tezi se bhagta hua ja raha tha. Uske chehra dekh kar koi bhi
bata sakta tha ki is waqt wo itna dara hua hai ki agar uske samne
khargosh bhi aa jaye to dar ke mare use heart-attack aa jaye. Uski
peeth par ek bag-pack tha aur baye hath mai ek letter wahi daye
hath mai ek lambi chhadi jaisi koi cheez thi jo lagbhag ek foot lambi
thi. Wo ladka bhagte huye baar-baar peaeche mudkar dekh raha tha
aur jab bhi peeche mudkar dekhta uske chehre par dar ki lakeere aur
badi ho jati. Jungle kafi ghana tha aur bhagte huye uske chehre se
pedo ki tehniya, jhadiya vagerah takra rahe the jinse uska chehra
kafi chhil chuka tha lekin iski parwah kiye bina wo bhaga ja raha tha
jaise agar wo ruka to wahi maara jayega.
Usne ek aur baar peeche palatkar dekha to dar ke karan uski aankho
se ansoo girne lage aur chehra bilkul safed pad gaya. Jaise hi usne
aage dekha uska paaw fisla aur wo ek gehre gadde mai girta chala
gaya. Uski dardnaak cheekh jungle ke kone-kone mai utar gayi.
"Ye to.. ye to milan ki cheekh hai.. lagta hai wo bhi gaya.." salma ne
rote huye kaha. Salma ek 22 saal ki professional golfer thi par is
jungle mai kya kar rahi thi ye to wahi jane. Wo is waqt ek gufa mai
thi jiska muhana kafi chhota tha. Uske sath is waqt ek ladka aur ladki
bhi the. In teeno ki peeth par bhi bag-pack the aur hatho mai ek
letter. Gufa mai bas ek chhoti si electric lalten jal rahi thi jiski
halki-halki roshni gufa ke ush hisse mai faili huyi thi. Gufa bhale hi
sakri thi par wo kafi lambi thi. Wo teeno is waqt uske muhane ke paas
hi the isliye sirf usi hisse mai roshni thi. Uska dusra sira kale
andhere mai kahi gum tha.
"Ye sale akhir chahte kya hai humse.. ye bhi koi game hua bhala.. yaha
se nikalna to namumkin hi hai.." us ladke ne bhi rote hue kaha. Uska
naam neerav tha aur wo milan ka bachpan ka dost tha. Uske chehre par gham aur dar ko saaf pada ja sakta tha. Dare huye to khair waha
sabhi the par milan ko khone ka gham sabse jyada neerav aur uski
behan riya ko hi tha jo milan ki girlfriend bhi thi aur is waqt wo bhi
wahi mojoud thi.
"Kuttoooo... kya bigada hai hum logo ne tumhara?? Kyu hamare
peeche pade ho?? Please hume jane do..." riya upar ki taraf dekhakar
cheekhi aur akhiri line usne rote huye kahi.
"Sshhhh... tu pagal hai kya?? Agar un logo ne sun liya ki hum log yaha
chhupe hai to wo log hume bhi nahi chhodenge.." neerav ne riya ka
muh band karte huye kaha.
"Hath hatao mere muh se.." neerav ka hath chhitakte huye riya boli.
"Tumhe kya lagta hai hum log yaha chhup kar bach jayenge?? Nahii..
wo log aaj nahi to kal hume dhoond hi lenge.. wo.. wo.." riya kuch bol hi
rahi thi ki gufa ki chhat ki taraf dekhte huye uski awaaj hi atak gayi.
"Unhone dh..dhoon..nd liya hume.." riya haklate huye boli aur us taraf
hath se ishara karne lagi.
Neerav ne lalten uthayi aur jab usbe uski roshni gufa ke us hisse ki
taraf ki to uske aur Salma ke chehre ne bhi dar ke mare paseena
chhod diya. Gufa ki deewar par us jagah ek kali si cheez chipki huyi
thi chip-chipi si aur bahut hi ghinoni bhi. Par jo cheez jo usme sabse
jyada darawani thi wo thi usme mojoud ek bhayanak chehra. Do bilkul
gol badi-badi aankhe, aur bilkul safed lambe aur nukile darzano daat.
Wo cheez unhi ki taraf dekh rahi thi aur muskura,rahi thi. Uski
muskan itni jyada darawani thi ki agar koi kamzor dil wala use dekh le
to wahi dum tod de. Teeno ke chehre bilkul safed pad chuke the aur
unki nazre usi cheez par tiki huyi thi.
Wo cheez dheere-dheere akaar mai badh rahi thi aur deewar ke us
kone se gufa ke muhane tak fail rahi thi. Dheere-dheere wo cheez
gufa ke muhane tak fail gayi aur phir wo neeche gufa ke farsh ki
taraf badhne lagi. Is baat ka andaza hote hi ki wo cheez kya kar rahi hai dar ke mare neerav ke hath se lalten chhut gayi aur wo riya aur
salma ka hath pakadkar tezi se gufa ke andhere wale dusre sire ki
taraf bhaga. Unke jane ke baad us cheez ne gufa ka poora muhana
apne gande chip-chipe shareer se dhak liya aur uski muskan aur badi
ho gayi. Teeno andhere mai bhagte ja rahe the par na to unhe kuch
dikh raha tha na iski unhe chinta thi. Achanak bhagte huye riya ko ek
pathhar se thokar lagi aur neerav ka hath usse chhut gaya. Kuch hi
der baad gufa ke andar ek bhayanak cheekh goonj uthi jiske baad
sabkuch shant ho gaya.
"Bhai tune kal ka episode dekha kya?? Kya mast grand-finale tha..
maza aa gaya.." aditya harshit se bola. Harshit aur aditya dono
chaddi-buddy the aur is waqt college mai khade the.
"Ha yaar wakai bahut jabardast finale tha.. wo milan sala pagal tha..
akele hi nikal gaya.. par yaar mujhe to kuch adhoora sa laga ye
finale.." harshit aditya ke kandhe par hath marte huye bola.
"Abe mere ko kyu mar raha hai.."
"Abe kuch nahi.. machhar tha.. dekh gaal par bhi hai.."
Harshit uske gaal ko bajata isse pehle hi aditya ne uska hath pakad
liya.
"Are tum dono ne kal ka episode dekha kya?? My god.. kitna darawna
tha.." Pooja ne aate hi un dono se poocha. Pooja in dono ke friend
group ki hi member thi aur ye bhi bachpan se hi in dono ke sath thi.
"Are waah poo.. tu bhi dekhne lag gayi kya 'Fear-Trap'?? Tujhe to
bada dar lagta tha na??" Harshit ne mazak karye huye kaha.
"Hatt kameene.." pooja ne uski peeth par ek halka sa ghoosa lagate
huye kaha.
"Maine nahi dekha.. priya bata rahi thi usne dekha tha.. wo to itni dar
gayi ki raat bhar soyi hi nahi.." pooja ne jhoot keh diya par asliyat to ye thi ki raat ko 12 baje baithkar usi ne poora episode dekha tha aur
phir dar ke mare raat bhar jagran kiya tha. Priya inki ek aur friend
thi par harshit se uski khaas banti nahi thi.
"Waise ek baat to manni padegi.. is show ke special effects aur cgi
effects bahut jabardast hai.. bilkul asli lagte hai.. aur actors to
kamaal ke hai.. lagta hi nahi ki ye unka pehla show hai.." aditya bola.
"Ha yaar sahi kaha.. bilkul natural acting hai bando ki.. lagta hai jaise
sach mai dar ke mare unki phati padi ho.. mai to yaar us riya ka
deewana ho gaya tha.. kya mast acting ki hai usne.. wo last ka gufa
wala scene to mera favorite hai..'' harshit bola to pooja ne uski
peeth par ek aur mukka jama diya aur is baar thoda jor se.
"Oouchh.. kyu maar rahi hai baar-baar.. mai to uski acting ki baat kar
raha tha.. lagta hai kuch jal raha hai.. chinta mat kar tere ko chhod
kar kahi nahi jaunga..'' harshit bola.
"Pata nahi yaar.. par mere ko to poore season mai kabhi-bhi aisa laga
hi nahi ki wo sab acting thi.. sab kuch bilkul asli lag raha tha.. kya
pata wo sab sach-much asli hi ho..'' pooja ne ek lambi saans bharte
huye kaha.
To be continued...

 

[Niks77kill]

2. Nightmare
Update 2
"Wo to hai yaar.. lagta hi nahi ki sab kuch scripted hai.. par ek
minute... tu to dekhti nahi na?? To tere ko kaise malum??" Pooja ko
chidate huye harshit bola.
"Abe kya hai be tereko.. kyu peeche pada ha be mere.. bola na priya
bata rahi thi.. samajh nahi aata kya tere ko.." pooja ne chidte huye jawab diya. Uski chori pakdi jane ki jhunjhulahat uske gore aur cute
se face par alag hi noor dikha rahi thi.
"Kya bata diya re maine tere ko.." peeche se aati priya ne poocha.
Uski neeli aankhe is waqt laal aur thodi sooji huyi lag rahi thi. Lambe
ghungrale baal is waqt betartib tareeke se bandhe huye the. Dekhkar
saaf lag raha tha ki wo kal poori raat soyi nahi hai. Aur iska reason
bhi wahi tha jo pooja ka tha yani fear-trap.
Paas aate hi usne ek jamhayi li aur phir boli, "kya bata diya maine
aisa.. achaa wo chhodo tum dono ye batao tumne kal ka finale dekha
kya?? Kitna mast aaya tha!!"
''Usi ki to baat kar rahe hai.. ye poo keh rah..'' aditya apni baat kahe
usse pehle hi priya beech mai bol padi.
"Are kya faltu ki baat lekar baith gaye ho ek faltu se show ki.. class
nahi chalna hai kya??"
"Faltu sa show?? Tu pagal to nahi ho gayi.. jis show ko to faltu keh
rahi hai uski TRP is waqt sabhi shows mai sabse high hai.. wo bhi tab
jab na to iska koi promo aata hai.. aur na hi koi news channels wali
gossip.." Harshit ne priya ke mathe par apna hath rakhte huye kaha
mano uska bukhar naap raha ho.
"Jo bhi ho.. chal ab class mai.." Harshit ka hath jhatakte huye pooja
boli aur class ki taraf badh gayi.
"Ha chalo bhai sab class mai.. warna poo ko lene khud 'Tashina' aa
jayega.." aditya ne bhi class ki taraf badhte huye kaha.
Ye sunte hi pooja ke badhte kadam apne-aap ruk gaye. Usne peeche
palatkar aditya ki taraf dekha aur gusse se boli-
"Dekh tune agar us 'Tashina' ka naam dubara liya na to mujhse bura
koi nahi hoga.. samjha.." aditya ko apne hath mai pakdi books se
marte huye pooja boli.
"Tashina se yaad aaya is baar ke season mai bhi use nahi dikhaya in
logo ne.. bas naam se hi darate rahenge ye log.. mujhe to nahi lagta ki
'Tashina' naam ki koi cheez hai bhi is fear-trap mai.." Tashina ka
jikra sunte hi Harshit bola.
"Nahi aisa nahi ho sakta.. mujhe to lagta hai wo akhiri level par hoga..
waha abhi tak in 12 seasons mai se koi bhi nahi pahucha hai.. abki
baar lag raha tha ki Milan aur uske baki bache dost akhiri level tak to
pahuch hi jayenge lekin wo bhi do level pehle hi 'Eliminate' ho gaye.."
aditya ne bhi pooja se dhyan hatakar Harshit ko jawab diya.
"Mai to ja rahi hu class.. tum logo ko aana ho to aao nahi to baitho
raho yahi.. priya tu to aa rahi hai na ya tujhe bhi fear-trap ki bakwas
sunne mai jyada interest hai.." ant mai jhunjhula kar pooja boli to
priya uske sath class ki taraf chal di. Dono ladkiyo ko jate dekh wo
dono bhi unke peeche-peeche chal pade.
Raat ke do baj rage the. Sheher se bahar saalo se band padi ek
factory mai ek bachha idhar se udhar bechaini se ghoom raha tha.
Uski umra shayad ** se bhi kam thi aur usne peeli T-shirt ke sath ek
chhota-sa kala nikkar pehen rakha tha.
"Mai yaha kaise aaya??" Wo bachha khud se hi badbadaya aur bahar
nikalne ka rasta dhoodne laga. Waha factory mai andhera itna jyada
tha ki use rasta se door apne hath tak nahi dikh rahe the. Wo is
samay had se jyada dara hua tha aur kisi bhi tarah us factory se
bahar nikalna chahta tha. Factory ki khidkiyo se chand ki roshni aa
rahi thi jisse kahi kahi thoda ujala bhi tha par ye roshni mahol ko aur
darawna hi bana rahi thi aur uske upar se jhinguro ki awaaj ne mahol
ko aur jaanlewa banane mai koi jasar nahi chhodi thi.
"Mummy... Papa... kaha ho.. mummy.. bachao mujhe.." bachha rote huye
chilla raha tha. Factory mai uski awaaj goonj rahi thi jo use,aur bhi
dara rahi thi. Wo idhar se udhar bhagte huye thak chuka tha. Jis bhi darwaje ko usne kholna chaha wo sabhi poori tarah se jaam the. Wo
ek kone mai aankhe band karke khada hua tha aur rote huye apne
mummy-papa ko bula raha tha.
Achanak factory ki saalo se band padi machines se 'krrrrrr' ki awaaj
aayi aur isi ke sath wo chalne lagi. Andhere ki vajah se kuch dikh to
nahi raha tha par awaje us bachhe ki halat kharab karne ke liye kafi
thi. Machine ki awaaj lagatar badhti ja rahi thi mano wo machine us
ladke ke paas aa rahi ho. Wo ladka aur jor se chillane aur rone laga ki
tabhi ek behad thandi hawa ka jhauka use apne chehre par mehsoos
hua. Aisa lag raha tha mano koi uske chehre se bas kuch inch door hi
khada uske upar saans chhod raha hai. Hawa ke jhauke har second
use mehsoos ho rahe the. Mahaul itna darawana ho chuka tha ki us
bachhe ki nikkar hi geeli ho gayi aur wo betahasha rone laga. Aise
mahol mai jaha bade-bade surma bhi apni patloon geeli kardein waga
wo to bas ek bachha tha.
Achanak wo hawa ke jhauke aur machine ki awaaj ek sath band ho
gayi. Bachha abhi bhi dara hua tha par in awaajo aur hawa ke jhauko
ke band hote hi usne ek chain ki saans li. Ansoo abhi bhi uski aankho
se lagatar beh rahe the kyuki use samajh hi nahi aa raha tha ki wo
yaha is factory mai pahucha kaise.
Achanak usne mehsoos kiya ki ek hath uski nikkar ki jeb mai hai jo
uska nahi hai. Wo hath is uske nikkar ki jeb mai tha lekin bahar se
andar nahi balki andar se bahar ki taraf.
Bachhe ki ghiggi bandh chuki thi aur wo bilkul but ban chuka tha. Wo
hath dheere-dheere rengta hua uske nikar se nikal raha tha aur
ahista-ahista uske seene se hote huye uske chehre ki taraf badh
raha tha. Wo hath bilkul barf ki tarah thanda tha aur jaise hi us hath
ne uski nangi gardan ko chhua bachhe ki khamoshi jawab de gayi. Wo
buri tarah se chillaya aur andhere mai hi ek taraf tezi se bhaga. Wo
lagatar bhag raha tha aur chillate huye rota ja raha tha lekin koi uski
madad ke liye nahi aaya. Aata bhi kaise is factory wo poori tarah se akela insan tha. Par insan ke alawa waha koi aur cheez mojoud thi jo
us bachhe ko is had tak dara chuki thi ki ladke ka rang hi safed pad
gaya tha. Khoon to mano uske shareer mai bacha hi nahi tha. Bhagte
huye us bachhe ne mehsoos kiya ki wo hath ab uske shareer par nahi
hai to wo ek dusre kone mai jakar ruk gaya jaha upar khidki thi aur
chand ki roshni us kone mai faili huyi thi.
Ladka abhi ruka hi tha ki ek azeeb si awaaj uske kaano mai padi.
"Katttt.." haddiya chatakne ki awaaj phir waha goonji. Ladka sehma
hua sa us kone mai dubka hua tha aur samne andhere mai aankhe
gadaye huye tha kyuki awaaj wahi se aa rahi thi.
Har gujarte pal ke sath wo awaaj use,apni taraf aati mehsoos ho rahi
thi. Dar ke mare uski dil ki dhadkan is waqt kisi bullet train ki tarah
chal rahi thi aur usne kaskar apni aankhe meech li.
Awaaj ab bilkul nazdeek aa chuki thi aur phir achanak hi jaise shuru
huyi thi waise hi band ho gayi. Bachhe ne ek aankh halki si kholkar
dekha to chand ki roshni mai jo nazara uske samne aaya use dekhkar
uske gale se ek aakhiri jordar cheekh nikli aur.....
"Aaahhhhh.." Harshit ek jordar cheekh ke sath uth baitha aur hafne
laga. Is waqt raat ke dhayi baj rahe the jab Harshit ko is sapne ne
utha diya tha. Wo poori tarah paseene mai tar ho chuka tha aur is
waqt had se jyada dara hua tha.
"Ye sapna mera peecha kyu nahi chhod raha..'' Harshit khud se hi
badbadaya.
To be continued...

 

[Naina]

for new story

fantastic update with awesome writing skill...

 

[Milan2010]

'Ye khel sirf ek khel nahi hai.. is reality tv show ki reality wo
nahi hai jo parde par dikhti hai.. ek aisa reality tv show jo dar
ki nayi haqeeqat se rubaru karayega.. ye ek aisa jaal hai jisse
bahar nikalna namumkin hai.. yaha jo kuch bhi dikhta hai.. wo
sirf aankho ka dhokha nahi hai.. usme kuch aur bhi hai jo yakeen
se pare hai.. yaha jo kuch bhi hota hai wo sirf logo ke
manoranjan ke liye hai.. par uska anzaam kisi ko nahi pata chalta
siway unke jo is kehar ko jhelte hai.. yaha jo ek baar aa gaya
wo kabhi bahar nahi jata.. jinda to kabhi nahi.. har ek cheez ki
koi na koi shuruat hoti hai aur koi na koi ant.. kya ye silsila
tutega?? Kya koi kabhi vijeta banega?? Shayad haa.. Shayad..

niks bhai
jaankar acha laga aapne finally yaha aane ka mann bana liya

 

[Milan2010]

Ye story mene xossip pr shuru ki thi but poori ni kr paya.. Dosto ne bola isko complete kro isliye ise yha poori krne ki koshish krunga.. Tab tk aap sab waha tk padhe jaha tk mai likh chuka th.. Aur phir ise continue krte hai.. Hope is baar ye poori ho jaye

haa maine hi kaha tha ju ko
aur iss baar poori karni padegi bhai varna
aur iske baad ttm2 bhi chahiye meko

 

[Milan2010]

niks bhai for restarting this story
ab maja aane vala hai iss story ko padhne me
aur story ka poster chipkao chachu

 

[Niks77kill]

3. Nightmare Continuessss....
Update 3
"Ye sapna mera peecha kyu nahi chhod raha.. pichhle teen din se isne
pareshan karke rakha hua hai.." Harshit andhere mai side-table par
pani ka jug dhoodte huye badbadaya.
"Are ye jug kaha gaya.. yahi to rakha tha.." jug na milne par wo
jhunjhulate huye bola.
Is waqt raat ke dhayi baj rahe the aur chooki use bilkul andhera
karke sone ki aadat thi isliye room mai is waqt use siway kale rang ke
kuch nahi dikh raha tha. Wo apne bed se utra aur andhere mai apna
rasta tatolte huye light switch ki taraf badha. Usne night-bulb on
karne ke liye button dabaya par wo nahi jala. Ab Harshit ki
jhunjhulahat badhti ja rahi thi. Ek to itna bhayanak sapna aur us par
ye sab usko pagal sa kar rahe the. Usne do-teen baar switch ko on￾off kiya lekin andhera kayam hi raha. Ab itni raat ko itni si baat par
wo apna mood nahi kharab karna chahta tha isliye wo wapas andhere
ko tatolte huye wapas apne bed ki taraf aaya aur takiye ke neeche
apne mobile ko dhoodne laga jo raat ko aajkal har teenager ke mobile
ka antim pata hota hai. Lekin ab to had ho gayi kyuki use wo bhi nahi
mila. Aajkal ke teenager ka wallet gum jaye use jyada fark nahi
padega lekin agar do second ke liye bhi mobile ka ata-pata laapata ho
jaye to uske andar ka sunny deol jaag jata hai. Is waqt Harshit ke
andar ka sunny deol jaag chuka tha aur wo baichaini ke sath andhere
mai hi poore bistar ko ulat-pulat raha tha is umeed mai ki shayad
mobile ki screen light apne aap on ho jaye aur uska jigar ka tukda use
mil jaye. Par mobile nahi mila.
Achanak use bahar corridor se kuch awaaj aayi jisse uske hath uske
kambal par hi thehar gaye. Ye theek waisi hi haddiyo ke chatakne ki
awaaj thi jo usne sapne mai suni thi. Uske dil ne phir raftar pakad li
aur rongte jo baith chuke the phir se uthne lage. Usne turant
andhere mai hi nazar darwaje ki taraf ghumayi aur ek tak wahi dekhne laga mano use kisi ke aane ka intezar ho par kuch nahi hua.
Usne kambal ko wahi chhoda aur ek-ek kadam badhata hua darwaje ki
taraf badhne laga. Use lag raha tha ki mano darwaje aur uske beech
ki doori uske har kadam ke sath badhti hi ja rahi hai aur kabhi
khatam hi nahi hogi. Is waqt wo itna jyada dara hua tha ki uske kaan
aur aankh har chhoti se chhoti halchal ko sunne ke liye betaab huye
ja rahe the aur dil kisi 100m race mai first aana chahta ho. Khair kisi
tarah wo doori khatam huyi aur uske hath darwaje ke knob tak
pahuche. Knob is waqt thoda thanda tha lekin harshit ke dar ne use
knob ko kisi barf ke tukde ki tarah thanda mehsoos karaya.
Usne thook gatka aur dheere se knob ko ghumaya.
Darwaja bina koi awaaj kiye khul gaya aur bahar corridor ka nazara
dekhkar Harshit ka dar aur badh gaya.
"Ye kaise ho sakta hai??" Wo khud se badbadaya aur bahar corridor
ki taraf ek nazar maarkar dusri nazar usne andar apne room par dali.
Corridor kafi lamba aur patla tha aur uske dono night-bulbs apni
poori shan se jal rahe the jabki uske room mai abhi bhi andhera tha.
Hairan pareshan sa wo wapas apne room ke light switches ki taraf
aaya aur phir se un switches ko on-off karne laga lekin nateeza wahi
raha.
"Lagta hai mere hi room ki light kharab ho gayi hai.. dhattt.." harshit
ne ek akhiri baar koshish karte huye kaha. Achanak use tez pyas
mehsoos huyi aur wo tez kadmo se chalta hua room se bahar aaya aur
corridor se hota hua kitchen ki taraf badh gaya. Dar ki jagah kafi
had tak ab pyas ne leli thi lekin uske man mai abhi wahi awaaj goonj
rahi thi jo usne abhi thodi der pehle suni thi.
Kitchen mai ghuste hi usne light on ki aur fridge se bottle nikalkar
direct hi peene laga.
"Grrrrr..." bottle se thanda pani uske gale mai utar raha tha jiski
awaaj use khali kitchen mai goonj rahi thi. Use itni pyas lagi thi ki usne ek hi ghoot mai adhi bottle khali kar di aur jaise hi bottle ko
wapas rakhne ke liye fridge ki taraf hath badhaya to fridge waha
nahi tha.
"Abe mai wapas corridor mai kab aaya??" Harshit ne khud se poocha
aur phir khud hi jawab bhi de diya ki ho sakta hai pani peete-peete
tehalta hua aa gaya ho aur neend ki khumari mai hosh hi na raha ho.
Ye jawab use tasalli dene ke liye kafi tha halaki wo janta tha kin eend
to uski kabki ud chuki hai aur wo yakeenan abhi kitchen mai hi khada
tha.
Usne jyada nahi socha aur room ki taraf badh gaya kyuki jitna jyada
sochega dimag utna hi jyada darawane khyal bunega.
Abhi wo room mai aaya hi tha ki uski aankhe hairat se ek baar phir
fail gayi. Uske room ka night-bulb on tha jiski halki-halki roshni
poore room mai faili huyi thi. Wahi bistar par jaha uska takiya hona
chahiye tha wahi uska mobile bhi rakha hua tha jiski screen light bhi
on thi. Paas hi side-table par pani ka jjug rakha hua tha jisme abhi
bhi upar tak pani bhara hua tha. Usne peeche mudkar dekha to hairat
bhara ek aur nazara uska intezar kar raha tha. Corridor ke dono
light-bulb is waqt band the.
"Kya ho raha hai yaar.. abhi do second pehle tak to ye dono bulb jal
rahe the.. ab kya ho gaya??"
Harshit ki hairani aur dar in ghatnao se badhta hi ja raha tha. Khair
jyada dhyan na dete huye wo apne room mai aaya aur darwaja band
karke bed ki taraf badh gaya. Zindagi mai pehli baar wo aaj light￾bulb on rakhke hi sona chahta tha lekin neend to ab aane se rahi.
Bed par chadte huye usne mobile uthaya to dekha ki unknown number
se raat ke 2:37 par ek message aaya tha "Good Night.. Sweat
Nightmares.."
Number bhi kafi azeeb tha '7424826'. Use nahi malum tha ye kiska
number hai ya aisa koi number hota hai bhi ya nahi lekin sabse azeeb baat thi ki us msg ko bhejne wale ko uske nightmare ke bare mai pata
tha. Usne darte huye us number ko dial kiya to operator ki awaaj
goonji "The number you are trying to call does not exist.. Please
check the number and dial again.."
Ye sunte hi mobile uske hath se girte-girte bacha. Wajah wo nahi thi
jo operator ne kaha balki vajah khud operator ki awaaj thi. Isse
darawani awaaj usne aaj tak nahi suni thi. Awaaj sunkar aisa lag raha
tha mano ek sath dhero saap fufkar rahe ho.
Usne turant msg delete kiya aur mobile ko side-table par rakhte
huye sone ki koshish karne laga lekin zahir hai aise mahaul mai neend
to aane se rahi.
Achanak use na jane kya soojhi aur usne apna mobile utha liya aur
Facebook chalane laga. Usne mobile bed par rakha hua tha aur uski
touch-screen par apni ungliya chala raha tha. Itni raat ko koi bhi
friend online milne ki sambhawna bahut hi kam thi lekin isse uska man
to behal hi sakta tha. Bistar par kambal ko gardan tak chadhaye wo
karwat lekar araam se Facebook chala raha tha ki usne mehsoos kiya
ki uski screen par abhi abhi kuch chipchipi si thook jaisi cheez aakar
giri hai. Usne us cheez ko hataya hi tha ki poori screen par ek sath
wo cheez aakar chipak gayi aur poori screen fade ho gayi. Usne ye
janne ke liye ki akhir ye cheez hai kya usne apna sir uthaya to nazara
dekhkar uska gala hi sookh gaya. Uske bed ke theek upar chhat par
ek azeeb si cheez chipki huyi thi apni peeth ke bal. Us cheez ke
chehre ka maas right side se bilkul gayab tha jaha se chehre k
haddiya dikh rahi thi. Aankhe bade kale moti ki tarah thi aur bahar ki
taraf nikli huyi thi. Honth to the hi nahi mano kisi ne kagaz
samajhkar faad kar alag kar diye ho jisse uske bade-bade daat
masoode sahit dikh rahe the aur jinse laar tapak kar uske bed par gir
rahi thi. Shareer par ek bhi kapda nahi tha jisse uska bhoora maas
aur bhayanak dikh raha tha. Usne apne hatho aur pairo ko peeche
modkar unke bal par apna shareer utha rakha tha. Use dekhte hi
harshit ko yaad aaya ki ye wahi hai jise usne sapne mai us factory mai dekha tha. Achanak usne chhat se apni pakad dheeli ki aur harshit
par kood gaya.
"Aaaaahhhhhhh" ek jordar cheekh Harshit ke muh se nikli aur wo uth
ke baith gaya aur akhir uska sapna sach mai toot hi gaya.
To be continued...