Romance Fir Milenge

[Naina]

Tu jinda he
Ab to likhna padega re baba

ha ha ha... hanshi na aayi...
Btw mazak ho gaya to update do jaldi
warna kya pata.. 1-2 saal ke liye phir se gayab ho jao

 

[mashish]

Update 1

Raat ke 9 baj rahe the aur me apni wristwatch ki taraf dekh dekh ke gussa ho raha tha.

Aaj itne saalo baad his dost se milne yaha Nashik aaya aur vo kamina muze lene he nahi aya, aur na hi phone lag raha tha .

Isse mera dimag aur jyada ghum gaya ek to itni dur kisi se milne aao , bhook bhi lagi ho aur is waqt sab dukane band rahe to jaahir si baat he gussa ayega he.

Kuch der aur intjaar kiya fir socha ye kamina to aane se raha ab to inke ghar jake he darshan dene honge aur sath prasaad bhi to dena padega taki aage essa na ho.

Ab rukne ki jagah me station se baahar aya wmaha pe bhi sirf 2-4 medical store open the .
Aas pas bhi koi hotel ya restaurants nahi dikhe to chal pada us taraf.

Medical se kuch cadbury chocolates liye , ab kya kare is waqt Jo bhi mile usse gujara karna tha.

Medical wale se bus stop ka address pucch ke aage badha par aisa lag rha tha ke mere pichhe pichhe bhi koi aa raha hai.

Pichhe muda to dekha ek ladki thi hath ek handbag aur peeth pe laptop bag liye wo mere pichhe pichhe kuch faasale se chal rahi thi .

Aage jake bus stop pe dekha to is waqt sirf ek he bus available thi aur khushi ki baat ye ke wo mere dost ke gaav ki route se hi jaa rahi thi.

Us ladki ka khayal mere dimag se ja chuka tha, ab bus gaav ki taraf ja rahi thi ,bus me 3-4 he passengers the.

Kuch adhe ghante me dost ke ganv pahonch gaya waha se jo ghar ka pata yaad tha waha pe chal pada aur 10 min chalne ke baad wo colony bhi aai jaha mera dost rehta he.

Par ghar me koibhi light nahi jal rahi thi pas jaa ke dekha to gatepe bhi lock laga tha .

Padosiyo se puchhane pe pata chala koi 3 ghante pehle Aarav (mera dost) ke kisi karibi rishtedaar ka accident hua he isliye sari family dusre city me gaye hai.

Ab me bhi samaz gaya ke wo kamina phone kyunahi utha raha . Padosiyo se Aarav ke papa ka number liya aur unko khud ke bare me bata kar Aarav se baat bhi ki vese uncle (Aarav ke papa )bhi muze jante the par is waqt situation he aisi thi ke kisi ko bhi hosh nahi tha .

Aarav ke jija ji ka accident hua tha.
Aarav se baat ki to usne Kai baar mafi mangi par mene kaha koi baat nahi me yaha se Nashik ke liye manage kar lunga aur is baar nahi mile to kya hua agali chhuttiyo me jarur milenge.

Wo bhi maan gaya is baat ke liye akhir situation he aisi thi !

Ab bol to diya ke me manage kar lunga par iss waqt raat ke 11:15 baj rahe the aise waqt na to Autoriksha mil sakti thi na bus fir bhi me main road ki taraf chal pada.

Abhi kuch he duri pe main road tha ke ek truck dikhai diya dimag ne bola guru agar is waqt ye sawari gai to raat roadpar bitani padegi.

Puri doud laga kar us truck ko roka aur Nashik tak ki lift leli .
Ab is waqt 12 baj rhe the to kahi bhi dukaan ya tapari bhi chalu nahi thi.

To waha se sidha bus stand ki taraf chal pada. Par aaj kismat ne bhi muze aaj bhukha rakhane ki thaan li thi, waha bhi is waqt sab kuch band tha.

Aur is waqt lodge bhi nahi mil sakta tha to me S.T. stand ke andar jake ek bench pe baith gaya.

Aur wo kam karne laga jo meri umar har ladka jiske pas smartphone hota he wo kaam yaani headphone kaano me thus ke din duniya bhulake gaane sunne laga.

Abhi gaane sunte hue kuch 5 min he gujre the ke kisi ki cheekh sunai di !

Aawaj ki taraf dekha to wahi ladki jo station se mere pichhe pichhe aa rahi thi aur 3-4 ladke the jinme haathapai ho rahi thi .

Aap ko laga hoga ke cheekh ladki ki hogi par aap galat he cheek ladke ki thi jiske pet me heel wali sandal ki laat padi thi aur dusre ladke ye dekh aur gusse me uski taraf zapatne wale the .

Ab muze bhi laga bich me padna he sahi rahega aur me bhi un ki taraf chal pada waha ab 4 ro ladki ko gherne he wale the ke mene ek ke picchwade me pure jor se laat mar di aur wo jake dusre ke upar gir gaya .

Ab baki dono meri taraf najare jamaye ke bas itni si der me najar hati aur durghatana ghati yaani ke ladki ne fir ek ladke ko laat maar di aur wo itni buri tarah cheekha ke ek waqt to me bhi bhuchakka reh gaya kyonki ladki ne laat is baar pet pe nahi usse 4 inch niche mari thi !

Fir dusre namune ko mene pakad ke peetna shuru kiya aur wo ladki bhi is kaam me saath dene lagi .

Aur ek baar fir durghatana ghati lekin is baar wo mere sath ghati thi, ek ladke ne apne belt se mere sar pe war kiya tha.

Bahut buri tarah laga tha aur isi ke sath me bhi aape ke bahar ho gayaaur uspe zapat ke fir laat ghuse jamane shuru kiye tab tak us dusre ladke ne muze pichhe se laat mari aur apne sathi ko leke bahar bhaaganashuru kiya.

Baki dono to pehle he nikal liye the , jab me bhi unke pichhe bhaaga aur station ke bahar aaya to tab tak wo charo bhag chuke the .

Ab me andar aya to wo ladki mobile ki flashlight se uska purse aur baki saman dhundh rahi thi jisme mene bhi thodi help ki .

Usse puchha ke , “R you OK? ” to muze aisa ghura jese me bhi ek badmash hu.
Aur bina kuch bole khud ka samanleke ek bench pe baith gayi.

Mene bhi socha itni help ke baad bhi attitude dikhati he to rehne do aur me apne bag ke paas aya aur mobile me dekha to usme 12:35 ho rahethe aur sath me ghar se 3-4 missed calls bhi the.

To mene ghar pe call kiya aur unhe Aarav ke ghar ki baat batai.

Maa ne bola ab xxxx (mera sheher) se itne dur gaya he hai to apne dur ke rishtedaar he unke pas bhi chala ja .

Mene bahut baar na kaha par vo nahi mani sidha unke ghar ka address msg kiya aur kaha agar waha nahi gaya to ghar ke andar ane nahi degi.

Ab swayam matashri ki agya paalan karna to mera farz tha to bol diya ha.

Jab phone jeb me rakha to paya ke wo ladki mere samne khadi he.

Me : “ Kya hua ? ”

“Vo tumhare sar se khun nikal raha hai !” usne kaha.

Mene hath mathe pe lagaya to kuch gila laga hath pe dekha to sach me khun laga tha !

Wo meri taraf badhi to is baar maine uski taraf ghurr ke dekha,“ Itni bhi khubsurat nahi hu jo ghurrte raho” ye baat usne has kar kahi .

Tab me bhi kuch nahi bola , usne purse me se dettol ki chhoti bottle nikali aur mere zakhm pe lagane lagi .

Dawa lagane pe me bola , “ My name is Abhishek ”. Aur uski taraf hath badhaya.

Usne fir muze ghurra aur boli,“ tumne meri help ki aur mene tumhari baat khatam , itne se ke liye jaan pehchaan banana jaruri nahi samazti !”

Sach me sala dimag he ghum gaya iski baato se, attitude to aise dikha rahi he jese miss universe ho .

Ek to khali pet upar se iske liye maar khai aur ab iske tevar ! Vaa bhai sach me kya jamana aa gaya hai .

Par abhi is nakchadhi se behes karne se accha hai chupchap jake apne bench pe so jao.

Mene use aur uski baat ko ignore kar ke apne bench pe gaya aur let ke headphone kaan me thuss ke Arijit singh ke songs sunne laga.

Kuch 10 min baad wo uska saman leke aayi aur mere saamne wale bench pe baith gayi.

Me kuch bolne wala tha ke fir socha ye fir attitude dikhayegi isse accha hai ignore her.

Gaane sunte sunte ek baar fir uspe najar gayi , is baar use thik se dekh raha tha matlab ek ladke ki najar se par meri najare uske chehare se hat he nahi rahi thi.

Bas bahot der tak me uske chehre ko niharta raha .
Gol mukhda, tikhe nain naksh, patli par attractive eyebrows, medium si par ek chhoti si nath ki wajah se attractive lagne wali naak, aur patle se honth jis pe halki gulabi lipstick jach rahi thi.
Aur ek baar uske naak ke nathune aise fule ke meri najar uske aankho pe gayi to paya gusse se ubalti laal ankhe aur usi ke sath sath kaan jo gusse ki wajah se laal hue the .

Ye sab dekh ke koi aur hota to ek baar to sakpaka jaata par me to uske is gusse wale rup me bhi kho gaya.

“ Tapp”

Kisi cheej ke niche girne ki awaj hui aur mene yaha waha dekha to paya uski pani ki khali bottle jo abhi abhi usne mere sar pe feki thi jiske dard ka ehsas muze ab hone laga tha wo niche giri hui thi.

Mene wo khali bottle uthakar wapas use di to usne wo bottle chhin kar dur fek di aur badbadayi,“Sare ladke ek jaise hote hai ! ”

Ab iske baad na muzse kuch kehte bana to me bhi apne bench jake let gaya upar chhat ki taraf najar jamaye !

Puri raat aise he beet gayi na muze nind aayi aur na use.

Muze pashchataap ki wajah se nind nahi aayi to use shayad muzse insecure feel kar rahi ho isliye nind nahi ayi hogi.

Subah 5:30 baje jab me Nashik- Aurangabad ki gadi me baithne ko hua tab dekha ke wo bhi isi bus me bethi hai. Par mene ignore kar ke dusri seat pe baith gaya aur sone ki koshish karne laga.

To be continued...

nice start & good update

 

[mashish]

Update 2 : You again !​

Abhi 9:45 ko bus Aurangabad st stand pe pohonchi.

Aur mere sath wo bhi bus se niche utari , mene use awaj diya ,“ Suno ”To wo ruk gai.

Mai uske pas gaya aur kaha, “sorry kal jo hua uske liye.”

To ispe wo boli, “ tum bhi baakiyo ki tarah he ho ,abhi sorry fir baad me flirt karoge !”

Sach me is baar aisa laga ke ek thappad ghuma he dena hai. Par nahi kar sakta tha public place tha.

To me bina kuch kahe aage badha aur ek restaurant me gaya.

Waha jake pehle washroom me fresh hua , 10-12 baar muh pe pani daala aur is bahot jyada gussa aa raha tha khud pe, ke usse itne acche se baat he kyu ki ?

Fir pet me chuhon ne bhi aawaj lagai nain matkake ho gaye ho to hamara bhi kuch khayal karo kal shaam se bhukhe hai !

Fir jake ek corner ke khali table pe baitha aur puchha waiter se to wo bola abhi abhi restaurant khula he to sirf Samose he tayyar he.

Kasam se bahot jyada gussa aa raha tha par me sirf itna bola ke ja jo bhi he ab 3 plate leke aa aur teekhi chatni bhi lana sath me.

Wo bhi mera gusse se bhara chehra dekh ke 2 min me sab leke aaya aur mene khana shuru kiya .

Abhi 2 Samose khaye to ghar se call aa gayi aur subah se jo bhi bura ho raha tha usme ek aur baat add hui ke jinke ghar jana tha wo bhi pehle se kisi aur ke yaha pe ja chuke he.

Aur jo maa kal fulan devi banke hukum de rahi thi wahi ab sorry bolkar muze dusre option de rahi thi jese waha aur bhi relatives he unke ghar jake mil kar aao.

Par mene bina bole phone cut kiya kyonki muze gussa bahot jaldi aata hai aur aise waqt me mai kisi se bhi jyada baat nahi karta hu.

Bas ab firse samose khana shuru he kiya tha jo Aarav ka call aya to usne bataya wo 3-4 din me wapis ayega.

To wo keh raha tha ke waha Aurangabad me hu tab tak kai sare tourists spots hai waha pe ghum sakte ho uske wapis aane tak, aur ye bhi kaha ke yaha kai sare aise spots he jaha photography kar sakte ho (photography meri hobby he aur ye aarav janta he).

To muze bhi ye sahi laga ke yaha waha kisi rishtedaar ke ghar jake rehne se accha he jab tak yaha hu pura Aurangabad ghum leta hu.

Mene bhi use ha keh di maa ko bhi call kar ke bol diya ke me yaha pe kuch din ghumane jaunga aur photography bhi karunga to maa ko aur baki gharwalo ko bhi koi problem nahi thi.

Aur ab me pura tension free hoke sukun se Samose khana shuru kiye par pata nahi aaj kyu ek ke baad ek kaand ho rahe the .

Hua yu jab mene next Samose ko hath lagaya to kisi ne mere hath se chhin liya aur khane Lagi.

Jab muh upar kar ke dekha aur shakal dekh ke he bhagwaan se kaha akhir kyu mere pichhe is khubsurat chudail ko bheja hai !

Ha ye wahi ladki thi aur is waqt mere samne ke chair pe baithate huye mera samosa khaye ja rahi thi besharmo ki tarah !

“ Aise kya dekh rahe ho ,bola na itni bhi khubsurat nahi hu jo taakte rahoge !”Usne kaha ."
"Ab aise he dekhte rahoge ya khaoge bhi , apna samaz ke khao !"


Mere he Samose muze he apna samaz ke khane ko keh rahi thi, aur me kuch bolta ke 4-5 log restaurant me ek sath ghus gaye .

Dekh ke lagta tha sab bahot gusse me hai aur kisi ko dhundh rahe hai.

Sare customer unki taraf he dekh rahe the siwaye mere samne wali ladki ke.

Ab majra samazne me der nahi lagi aur mere chehre pe ek aisi muskaan ayi jise dekh ke uske chehre ke rang udd gaye .

Mene bahot warmly kaha ,
“ Ye kya matter he sweety? ”

To wo ladkhadake boli ,"mene kuch nahi kiya , meri koi galti nahi he ,plz help me !"

Tab mene bhi socha abhi isse yaha se nikalunga fir baki ki baat karenge.

To me utha aur un charo ki taraf badha aur puchha ke baat kya he tab wo bole ke tu apne kaam se matlab rakh.

To me bola, “ yaha ek ladki ghabrai si ayi thi use dhundh rahe ho kya.”

To wo bole haa usi ko dhundh rahe he to mene ladies toilet ki taraf ishara kiya !

Ab wo log pata nahi kyu itne gusse me the ke wo ye bhi na soch paye ke wo kaha ja rahe hai .

Me apne chehare pe badi wali smile leke ladki ke pas gaya aur bola,

Me : “sweety ab chale ya unke aane ka intzar karna hai ?”

Aur hamne bag uthaye aur counter ki taraf gaye. Mene kaha ab pay karo to wo firse ghurne lagi,“ Wo log aate he honge to jaldi se 3 plate Samose ka bill pay karo .”

Usne Jaldi Jaldi me purse nikala aur counter pe paise rakh diye.

Waha se me uske sath Jaldi se bahar aya aur ek riksha ko hath kiya.

Aur kisi acche hotel le Jane ko bola to sweety meri taraf dekhane lagi .

Me : “ Kya? ”

“Hum hotel kis liye ja rahe hai?” sweety ne puchha.

“Hum nahi me ,ek to nahaya nahi hu me”Mene kaha.

Kuch 5 min me riksha vaale ne hame ek acche se hotel ke samne roka .

Mene use paise diye aur hotel ke andar chal pada aur vo bhi mere pichhe pichhe ayi .

Mene reception pe jake ek room ke liye puchha to usne bhi muze kuch der ghurra.

Receptionist : Id dikhana dono apne.

Tab mene pichhe mudke dekha to sweety ab bhi mere pichhe thi.

Me : “Tu gayi nahi abtak ?”

Wo : “Ha to muze bhi rukna he hotel me .”

To mene receptionist ko kaha inke liye alag room chahiye.

Aur me apni chabi leke bina pichhe mude room ki taraf nikal pada jo 2nd floor pe thi.Room me jake pehle mast aadhe ghante tak nahaya tab jake chain mila.

Yaha Aurangabad me tourist places bahot he par sath me garmi bhi he.

Fir kuch der beth ke plan kiya , jaise kaha jana hai ? Photography ke liye best points konse hai ? Yaha special kya hai ?

Bas sab dekhate dekhate kab dopahar 2 baj gaye pata he nahi chala .

Bhuk lagi to niche jane ke jese he room se bahar kadam rakha to samne wale room ka gate bhi khula aur kasam se is baar muze aisa laga ye ladki koi jasoos to nahi jo mera piccha kar rahi hai.

Samne sweety thi to me use dekh kar bola.

Me : “madam kyu mera piccha kar rahi he aap ? ”

Tab wo boli, “kya me apko janti hu ?”

Firse wahi drama, ise to award milna chahiye is sab ke liye .
Par isse behes karne se accha me niche jake pet puja karu .

So sweety ko ignore kar ke me niche chal pada , pichhe se usne awaj diya par me nahi ruka aur sidha jake hotel ke dining hall me ek khali table dekh ke baith gaya.

Mere pichhe he wo bhi pohonchi aur aake sidha mere table pe baith gayi.

Me kuch bolne he wala tha ke wo pehle he sorry sorry bolne lagi.

Tab mene bhi socha ke jyada khichna bhi sahi nahi hai .

Fir usne thanks bhi kaha kal raat ki madat ke liye aur fir ham ek dusre ke bare me batane lage.

Tab mene bataya ab mera aage ka kya plan he to wo bhi boli ke muze join karegi , reason pucchane pe usne bataya wo uske dosto ke sath trip pe jane wali thi par time pe sab cancel hua aur wo log use msg karna bhul gaye to wo yaha aa gayi Aurangabad jaha pe wo sab ghumne wale the.

Me : bus stand pe wo log pichhe kyu pade the ?

Tab wo batane me hichkicha rahi thi to mene bhi jyada force nahi kiya .

Aur akhir me kal subah ghumane jane ka tay hua !

Hum jab apne apne room me jane ko the tab mene apna naam bataya ke,

Me: “mera naam Abhishek he aur tumhara naam? ”

Bas is pe wo muskurai aur boli,

Wo : “ Jaldi kya hai ? Kal subah 6 baje ready raho !”


To be continued...

awesome update

 

[mashish]

Update 3 : Shopping !​

Ab pet bhar ke khana hua he tha aur subah bus me bhi thik se so nahi paya tha to room me aate he bed pe let gya aur vese he so gya .


Shaam ko 6 baje mobile ke ring se nind tut gai , dekha to ghar se pitashree ka call he.

Call attend karne pe unhone puccha kya kar rahe ho ?
Kaha ruke ho ? Sham ka kya plan he ?
etc etc.

Me: Kuchh nahi baba, abhi thoda ghumane jaunga city me aur bahar he kisi restaurant me khana khaunga.


Fresh hone ke baad mast baal set kiye aur mast white shirt aur blue jeans pehen ke nikal pada shopping ke liye .


Room se bahar aake pehle sweety ke room ka door dekha to wo pehle se lock tha.


Ab hotel ke gate se bahar aake pehle ek riksha me beth ke paas wale ATM me le jane ko kaha.


ATM se 20000 nikalke riksha wale ko bazar le chalne ko kaha aur kuch 5 minute me bazar bhi pohonch gaya.


Ab me thehra apne maa baba ka iklouta ladka par joint family hone ke vajah se 2 cousins bhi he to unka bhi sochna padata he.


Ghar me mere maa- baba aur chacha-chachi aise 2 parivaar rehte he.


Ab ghar wale jikra hua he to ek chhota sa intro bhi ho jaye...


Me : Abhishek Arjun Thakur, age 19 ,civil engineering kar raha hu 2nd year me hu.



Maa : Rachana ,
housewife he . Ghar me sabse gussel par sabse jyada pyar karne wali bhi. Inki aur chachi ki acchi banti he.



Baba : Arjun Thakur.
Sindhudurg ki ek namankit Tourist company me manager he.
Ye ek jinda dil insan he ,mere sath bhi ek friend ki tarah rehte he par apne usulo ke pakke bhi he.
And the most important thing maine photography ka shauk inhi se paya he.



Chacha : Vishal Thakur.

Baba ke sath usi tourist company supervisor ka job karte he .
Ye hamesha se mere supporter rahe he , free time me inke sath carom aur shooting khelne me maja aata he. Inki aur chachi ki love marriage hui he.



Chachi : Shweta Thakur.
Ye ek housewife ke sath sath social worker bhi he.
To maa ko bhi apne sath kisi program me le jati he.


Chacha ki beti Shreya : ye abhi 12th pass out he aur aage jakar Bsc karne ka soch rahi he .


2 beta Shivam : ye shreya se 1 saal chhota he aur 11th class me padhata he , ye bhi mere bahot close he, free time me ham dono Jyadatar shooting karne jate he.


Aur ab milte hamare ghar ke sabse purane member se yani hamare ghar se,

Ye ek chhota sa single floor wala bangla he jisme niche ek hall usi se attached dining hall aur kitchen bhi he . Fir maa-baba ka bedroom fir store room, uske baad chacha-chachi ka bedroom ata he.


1st floor pe 4 rooms he jisme me aur Shivam ka ek he room he, shreya ka alag room he ,fir ek storeroom jaha kabad vagaira rakhte he aur ek guestroom he mehmaano ke liye.


1st floor ke bad upar terrace bhi he jaha khane ke bad sab gappe ladate he .


Ghar ke front side ek chhota aangan he sath me baba ki car, meri bike aur shreya ki scooty rakhne ke liye ek shed bhi he.


Ghar ke backside me maa ne ek khubsurat garden banaya he .


OK now back to story, to maine market se family walo ke liye gifts kharidna shuru kiya .


Yaha Aurangabad me shaal vagaira acchi milti he aur maa-baba subah ghumane bhi jate he to unke liye aur chacha-chachi ke liye shaal kharide.


Shreya ke liye ek designer panjabi dress liya. mere liye aur shivam ke jackets liye sath me gloves bhi liye.


In sab me raat ke 8:30 bhi baj chuke the to socha yahi kisi restaurant me khana kha leta hu, to jese he market se bahar nikala to kisi ne sar pe ek chapat lagai.

Pichhe mud ke dekha to koi nahi tha, aage badha to fir ek baar wahi hua par is baar mene chapat marne wale ko dekh liya tha !



Mai - Ha to madam aap jara ye batane ka kasht karenge ke apne hamare sar pe chapat kyu mari?


Aur ispe us ladki ne firse muze Chapat mari aur mera dimag khiska sala na jaan na pehchaan aur ye ladki mare he ja rahi he .


Ladki : Abhishek kutte ,kamine tu Aurangabad aya aur bataya bhi nahi !


Mene us ladki ko thik se dekha to kisi se uski shakal milti julti lag rahi thi, lekin kuch bhi yaad nahi aa raha tha to mene bhi akhir surrender kar diya !


Mai : I'm really sorry madam par me sach me apko pehchaan nahi pa raha hu to please aap he apna parichay de !


To ispe wo jor se hasne lagi aur aaspaas ke log hamari taraf he dekhane lage to mene bhi waha se jana thik samza.


Mai : Suno ham kisi restaurant me chal kar bate karte he yaha bich raste par khade khade bate karne se restaurant me beth ke bate karenge, kya khayal he ?


Ladki : Ha chalo me yaha ka achha restaurant janti hu.


To ham dono pas he ke ek restaurant me gaye aur tab usne bataya wo meri childhood friend Nidhi he ,
aur tab mere bhi dimag ki batti full power se jali ke itne jor se khuleaam hasne wali yahi Nidhi he .


Usne bataya ke 7th ke baad uske papa jo govt. officer he unka promotion hua tha aur wo sath me dusri jagah jane ke order bhi mile the to wo aur unki family yaha Aurangabad aake settle hue the.

Me : Wese ek baat bata mene tuze nahi pehchaana par tu muze kaise ? How ?

Nidhi : Buddhu tere pics dekhe the mene Fb pe, fir tera insta account bhi check kiya mene. Mountain Tracking karne laga he tu aajkal, ha ?

Me : Bas weekend pe ya kisi holiday pe Vishal, Gulfam, Rohit company ke sath nikal leta hu kahi na kahi pe . Akhir is engineering wali jindagi me yahi to apna sahara he.

Nidhi : he he he, engineering itni boring bhi nahi hoti samza. Me bhi electrical engineering kar rahi hu by the way.

Me : Gajab, konse college me....

Me bolte bolte ruk gaya aisa laga jaise samne sweety thi abhi.

Nidhi : What ? Bhoot dekha kya tune ?

Aur wo bhi pichhe dekhne lagi par waha koi nahi tha.

Anyway mene bhi is baat ko ignore kiya fir dinner kar ke nikal pade.

Nidhi : Achha abhi konse hotel me ruke ho ? Me subah lene aaungi tuze, nashta mere ghar pe hoga.

Me : Aree sun to, me subah he jane wala hu yaha koi caves he udhar aur fir kailash mandir aur caves he udhar bhi jana he muze.

Nidhi : Ha to sath me jayenge na, me mummy se car le lungi na.

Me : Tu samaz le na baat yaar Nidhi. Me....

Nidhi : Ek ek minute tu mujhko avoid kar raha he haa ? Matlab tu akela nahi aaya he yaha right ? Kaun he tere saath ? Bata bata I'm exciting.

Aur sahi me wo bolte bolte kudne lagi thi and I just started remembering days when we were in school

Me : Arre koi nahi he meri maa, bas aise he akele he ghumna chahta hu so...

Nidhi : Achha matlab tu ab muzse jhut bolega, jaldi bata warna mere pas Shreya ka number he, tu janta he na wo kitni der tak ye baat pachayegi ?

Me : OK OK calm down, just calm down.

Nidhi : Ab aaya na niche, bol ab.

Me : We just met yesterday and we're totally anonymous to each other and tomorrow we're going to travel together, bass itna he.

Nidhi : Bass ?

Me : Ha bass, aur kya ?

Nidhi : Thik he thik he kar le enjoy. Par wapas Jane se pehle ghar aa jana. Aur mobile de apna tu.

Fir usne mere mobile se uske number ring di.

Nidhi : Me tu ghar ka address send karungi abhi. 2 din tak ghum le uske saath fir tu mere ghar hona chahiye chahe akela aa ya usko sath la.

Me : ( hath jod ke) Ji Sarkar jo hukum.

Nidhi : Chal ab me bhi jati hu, mumma ke bohot calls aaye he, unko bataya hota na to tuze lene aati wo idhar he.

Me : Ha kaku ko aur kaka ko namaste kehna meri taraf se, aur kehna ke me aa jaunga parson. Good night.

Nidhi : good night sweet dreams.

Ab wo uski scooty leke chali gayi ghar.

Mene jab time dekha to 9:15 ho gaye the aur ab iss time to koi auto wala bhi nahi tha to paidal he chal pada hotel ki taraf.

Hotel tak pohonchte-2 khana sahi se hajam ho gaya tha.

Hotel ke entrance me jo waiting lounge tha waha pe sweety bhi dikh gayi.

Dekhne se he lag raha tha jaise kisi ka wait kar rahi ho bohot der se aur jaise he usne muze dekha to aise gusse se ghurne lagi jese insan nahi koi alien hu.


Sweety ne muze dekhkar kaha ,

Wo : “Ho gaya khana ?”

Sweety : kya hua Mr Abhishek ? Mene puccha tumhara khana hua ya nahi ?

Sweety ne bade teekhe lehje me puccha tha.

Me : Ha market me meri purani dost mil gayi thi to usi ke sath khana kha liya aur tumne khana khaya ?

Sweety : Ha mene bhi abhi abhi khana kha liya he , tumhara wait kiya par tum apne dost ke sath busy the na .


Me : sorry yaar wo Nidhi aur me bahot saal baad mile to waqt ka pata bhi nahi chala .


Sweety : It's ok . hota he kai baar. Chalo good night milte he kal 6 baje .

Me : Aree suno, to...

Sweety : Tomorrow 6 o clock, sharp. Good night.


Me : Good night.

Aur me chal pada apne room ki or.


To be continued...

nice intro & beautiful update

 

[mashish]

Update 4: Nightmare !​

Ek dusare ko good night wish karne ke baad ham dono apne apne rooms me aa gaye.

Khana to acche se hua tha to bed pe let gya, mobile bhi full charge ho chuka tha aur sath me mataji ke 10-12 missed calls bhi dikh gaye .

Me : Ha maa kaisi ho ? Khana Wana ho gaya tum sabka udhar ? ye shivam aur shreya kidhar he abhi ?

Maa : Baat mat badal, pehle bata kidhar tha tu abhi ? Itni der se phone laga rahi hu uthata kyo nahi ?

Me : Are shant ho jao maa, wo battery low ho gayi thi mobile ki to charging pe laga diya tha. Aur khana ho gaya he mera.

Maa : Chal thik he fir so ja. me bhi kaam nipta leti hu. Good night.

Me : Good Night Aai.

Kapde change kiye aur socha thoda dost logo se he chat kar lu, par usme bhi man nahi lag raha tha .

Shreya aur Shivam se bhi baat ki to wo jaldi he baat karke good night bolke so gaye.

Kuch der game khel khel kar timepas karne laga par wo bhi boring lagne laga .

Is se pehle to me dosto se aur dono bhai behno se kai ghanto tak chat karta tha aur jabtak mobile ki battery low hone ka msg na aye tab tak game khelta tha .

Par aaj kisi bhi cheej me dil nahi lag raha tha, akhir har baar najar darwaje ki or jati aur har baar bas ek he khayal ata ke ek baar jake dekh lu ke wo so gayi he ya nahi !


Attraction kaho ya pyar kaho ya jo bhi kaho iska ehsas he bahot khushnuma sa lag raha tha, bas uski ek zalak dekhane ke liye dil itna bechain ho raha he jaise kai saalo baad mil raha hu.


Uska yu meri taraf gusse se dekhana bhi pyar lag raha he, par ise pyar bhi nahi samaz sakta kyonki wo khana ke liye company dene nahi aya is wajah se gusse me ho sakti he.


And the most important thing ke sweety ko kaise malum ke me khana khaake aya hu !

Ye ladki sach me meri jasusi to nahi kar rahi !


Jane do ab to 12:30 baj chuke he ,kal jaldi uthna bhi he, ab bas so jata hu.


Fir me bhi light off karke so gaya .


And here it start again.....


The nightmare !


Jab ankhe khuli to dekha me hotel ke room me nahi balki kisi hospital ke bed pe hu, aur mere samne ek bahot daravane chehare ka doctor khada he, jiske hath ki har ungali pe injections lage he aur sala daravani hasi ke sath muze pucchta he ke,


"Bol meri beti se shadi karega ya nahi ?",


Sala idhar ek to injections dekhke he halat kharab hui he aur ye haramkhor shadi ki baat kar raha he.


"Dhaaad" aur ek jordaar awaj ke sath dahaadti hui uski khubsurat (uski najaro me) beti andar ayi aur usne jese he muze dekha to wo bhi shaitaani hasi ke sath meri taraf badhane lagi aur me bed se utarkar usko darwaje se dhakka dekar bahar bhaga .


Bahar dekha to pura hospital sunsaan he , kahi bhi koi bhi nahi dikhai de raha , sala yaha waha bhag raha tha par bahar Jane ka ek rasta bhi nahi mil raha.


Aur picche wo chudail haste hue aa rahi he.
Sala ye idhar has rahi he aur meri fat ke hath me aa rahi he .


Kisi bhi room ka darwaja open nahi ho raha , aur me bachao ,bachao chillate hue bhaagne laga aur itna bhagkar, chillakar bhi mila kya dead end !


Wo chudail sali chhipkali ki tarah upar ceiling par rengate hue aa rahi thi aur mera kaleja muh me agaya tha aur jese he wo muz pe jhapat padi me buri tarah se chillate hue bed se niche gir gaya !



Sala itna bura sapna dekha dimag kharab ho gya aur sath me koi jorse darwaja bhi pitne laga .


Darte hue mene darwaja khola to samne koi 70 saal budhau aur meri pyari sweety jo abhi abhi nind se uthi hui lag rahi thi khade the .


Budhau puchhane laga,

Budhau : kya hua beta, kyu itne jorse chillaye ? Koi bhoot dekha kya ?


Sala budhau se accha to wo chudail thi jo ek he baar me kha jati kam se kam iske jesa dimag ka dahi , dudh, lassi to nahi karti.


Us budhau ke picche khadi sweety ne uske jesa muh chalane ki nakal karte hue funny chehara banaya sala me to sab bhul gaya kon chudail, kaisa sapna, kon doctor aur budhau ki bakwas bhutiya kam chutiya type theory.


Jese tese budhau ko room se bhaga diya tab jake chain mila ,aur sweety mere sukoon bhara chehara dekh ke joro se hasne lagi.


Mai : "Kya ?"


Sweety : "kuch nahi ", aur firse hasne lagi .


Mai : ab bataegi ya nahi?


Sweety : Yaar tumhe dekhakar aisa laga ke tuze chudail se kam us uncle se jyada dar lag raha he.


Mai : Ha yaar sach me dimag kharab kar diya isne .


Sweety : Chalo so jao ab dekho 3 baj gaye he ,aur subah 6 baje ka plan cancel karte he ,uski jagah 10 baje nikalenge idhar se OK.


Mai : ya it will be better, good night.


Sweety : ( muskurate hue ) Good night have bad dreams.


Ispar mene hath jod kar usko darwaje ki taraf ishara kiya .
Aur wo bhi hasti hui firse good night kehkar uske room me chali gayi.


Aur me , me to chupchap chaddar odh kar so gaya bina koi daravana sapna dekhe.



To be continued...

nice update

 

[mashish]

Update 5 : I forget everything with you !​

Raat jitni bhayanak thi subah utni he khubsurat, aur subah uthate he shower liya.


Fir gharwalo se baat hui ke abhi mobile switch off rahega to koi call na kare( battery bhi to bachani hoti he bhai ) , fir shreya aur shivam dono se baat ki.


Par ye Shreya ek jagah jane ke liye jyada he jor de rahi thi, koi Bibi ka Makbara jesa naam he us jagah ka aur usne Google se info nikalne se bhi mana kiya tha. Keh rahi thi, "bhaiya you must see that place, that is really awesome !"

To mene bhi socha chalo ab itna ise recommend kar rahi he to pehle ise he dekh lete he , niche hotel ke ground floor jane se pehle camera bhi charging pe lagaya aur room se bahar nikala.


Sweety ke room ki doorbell bajayi ,
2min me usne bhi darwaja khola aur kaha ,

Sweety : bas taiyaar ho rahi hu ,5 minutes lagenge !


Ab me kya pagal hu jise inke 5 min ke bare malum nahi hoga.


Me : Are suno aaram se taiyaar hoke niche nashte pe aao , koi jaldi nahi he !

Usne bhi cute si smile di aur uske kam me lag gayi ,aur me bhi niche hotel ke ground floor pe aagaya .


Ek table ke pas chair pe baith ke ham dono ke liye nashte ka order diya aur waiter ko bhi bol diya nashta 15 minutes baad lana abhi ke liye sirf coke aur chips chalega .

Kuch 15-16 minutes me hr nashta bhi agaya aur sweety bhi !

Sach me jitna bhi ham log ladkiyo ke makeup ka majak udate ho par jab bhi wo puri tarah tayyar hoke aati he to bas kayamat lagti he .

Kuch aise he sweety bhi dikh rahi thi .

Jab wo samne se aane lagi to kab me khud uth ke khada hua pata he nahi chala .

Bas aajtak jin isshq mohabbat ki bato ka majak udaya karta tha wahi bate sach hote dikh rahi thi .

Mere ek college friend ne kaha tha ke jab wo samne se aye to hame aaspaas kya chal raha he ,kon he kisi ka bhi pata nahi chalata , thik waise he mere sath ho raat tha.

Bas kab wo mere samne aake khadi hui pata bhi nahi chala ,bas pair pe kuch dard ka ehsaas hua aur me bhi present situation me aagaya .

Jab dekha to sweety ne pair pe sandle ki heel se halke se mere pair pe mara tha jisse me hosh aaya tha.

Tab malum pada ke mere is aashiqui ke chakkar me use sabke bich awkward feel ho sakta he.

Anyway ham dono apni apni chairs pe baith gaye aur nashta karne lage , tab usne he baat ki shuruat ki ,

Sweety : To ham sabse pehle kaha jayenge ?

Me : Bibi ka Makbara se start karte he .

Ispe usne jo khatarnak look diya wo dekhte bana.

Sweety : Dekh rahi hu tum jyada he aashiq mijaj hote ja rahe ho mister .

Me : Kya ! Are meri sis ne kaha he wo Makbara pehle dekho ,bahot badhiya he aisa bola, isliye waha chalne ke liye kaha.


Sweety : Hmm par isse accha ham pehle Verul jayenge caves dekhane aur kal Bibi ka Makbara. Kya kehte ho ?

Me : Bibi ka Makbara pehle kyu nahi madam jara samzaiye to .

Sweety : Wo isliye ke waha subah 7 baje ka jo scene hota he wo hamne pehle he miss kiya he aur abhi 9:45 ho rahe he to aaj Verul ke caves he dekhenge,ok.

Me :Chalo thik he , abhi fatafat nashta khatam karo aur jaldi se ready hoke aao .


Fir dono ne nashta khatam kiya aur apne apne rooms me gaye bags lene ke liye.

Bags me sirf jarurat ka saman he bhara jese water bottle, camera, extra battery , aur kuch snacks bhi.

Baki ka saman room me he rakh ke bahar aya to dekha sweety pehle se ready hoke bahar khadi thi.

Me : muze laga tum ready nahi hogi !

Sweety : Nashte ke pehle he bags wagaira sab ready rakha tha bas uthana he to baki tha .

Me : Smart ho , ha.

Sweety : we're getting late.


Aur dono hotel ke bahar aagaye aur ek riksha se pehle bus stop aur waha se Verul bas pakad ke Verul ki taraf nikle.


( A bit info on Verul/ Ellora caves :

Verul caves ya Ellora ki gufaye hamare purvajo ki sadiyo purani karigiri ki ek khubsurat misaal he jise dekhakar aap usi me kho jate ho.

Ye total 34 gufaye he,jo ki ek he bade pahad (mountain) me khod ke tarashi gayi he .)

Mene ticket counter jake mere aur sweety ke liye tickets liye aur uski taraf chal pada .

Sweety : yaar abhi firse bhuk lagi he , kuch he kya?

Me : Abhi to adha ghanta bhi nahi hua he ,aur puri 34 gufaye dekhani he hame .

Sweety : 34 nahi dekh sakte abhi, 27,28 & 29 number wali bakiyo se dur he to unko baad me dekhna padega. Aur kuch khane ko he kya ye batao baki bad me .

Me : Ha kuch snacks he .

Aur mene bag se snacks nikal ke use diye aur sath me mera canon ka camera bhi nikala.

Sweety : Wow DSLR camera , kya baat he ! Ab mere photos aur bhi clear ayenge !

Aur is bat pe me sirf uska muh dekhta reh gaya.

Me : (lag gayi vaat )

Sweety : (snacks khate hue ) Aise kya dekh rahe ho chalo abhi us gate ke pas wale garden pe photo nikalte he.

Aur ham chal pade us garden ki taraf photo khinchane ke liye.

Waha sach me kafi accha scene tha ,harabhara garden, usme rang-birange plants aur flowers aur sabse majedaar the ped (tree) par baithi hui bandaro ki toli, jiski najar sweety ke hath me pakde hue snacks par thi.


Sweety ne ek jagah pe khade hue mast pose di aur me bhi uske photo click karne me lag gaya , 4-5 photos click karne ke baad sweety ne puchha.


Sweety : Kaisi dikh rahi hu me Mr. Abhi ?

Me : (ghabrai awaj me ) Bandar !

Sweety : (gusse me ) Kya kaha !

Me : Wo wo bandar....

Aur sweety meri taraf badhane he wali thi ke picche se ek bandar aya aur usne sweety ke hatho se snacks ka packet chhin liya aur wahi side me baith ke khane laga.

Aur sweety ,jiska chehare ke expression Jo pal pal me badal rahe the aur use samaz nahi raha tha ke wo kya kare


Tabhi baki bandaro ki toli bhi aagayi jisme se 3-4 bandar us pehle wale bandar ke hath se snacks chhinne me lag gaye.

Tabhi ek chhota bandar ka bachha sweety ke pas aake hath aage karke mangne lag gaya aur isse sweety bahot jyada dar gayi


Aur me , me to is majedaar pal ko camera me kaid kar raha tha ki Sweety ki keher wali najar muzpe pad gayi ,aur ab batane ki jarurat nahi ke mene pics nikalna rok diya hoga


Mene jeb se ek chocolate nikal ke us bandar ke bacche ko di aur sweety ko lekar us garden se nau-do-gyarah hua.


Sweety : (meri taraf gusse se ghurte hue ) Photo delete kiye ?

Me : (anjan bankar ) konse photo?

Sweety : Bano mat . Abhi ke abhi delete kardo !

Me : ...

Sweety : Ye aise kya dekh rahe ho ?

Aur jab sweety ne bhi picche mudke dekha to wo bhi dekhati reh gayi .


Ye 16 no. ki Kelashnath gufa he jo apne aap me ek nayak kalakari he, jisko upar se niche tarasha gaya tha .
( Google kar lena isko)

Iske Andar bhi kai sare mandir , rath aur murtiya he jinki nakashi (design) bohot khubsurat he .


Aise he ek ek karke ham dono sabhi gufaye dekhane lage.
Sachme manna padega 2ri sadi me bhi un karigaro ne sirf chhinni aur hathode se itni khubsurat kalakari taiyaar ki jo aaj ham machine aur drills ka use karke bhi nahi kar sakte .



Aise he ghumane me hame 3 ghante lag gaye ,is beech mene aur sweety ne kafi sari pics li , khud ki aur un sabhi gufao ki bhi, aur mene sweety ko bhi DSLR camera kese use karte he wo bhi sikha diya to wo bhi pics nikalne me magan hui .




Fir ek jagah ped ki chhaw me baith ke kuch snacks khaye aur exit gate ki taraf jane lage.



Is sab me sham ke 5 kab baj gaye the pata bhi nahi chala.

Ab subah se itna chal rahe the ke pairo ne bhi jawab de diya ke ab aur nahi, to sidha riksha wale ko kisi restaurant le chalne ka kaha.

Sweety : Thak gayi yaar. Bas ab restaurant me khana khayenge aur wapis hotel me jake so jayenge.


Me : Me to paanchakki(watermill) dekhane ka soch raha tha, suna he waha sham ka najara dekhane layak hota he!


Sweety : Chupchap hotel chalo. Kal Bibi ka Makbara dekhane ke baad jayenge waha .

Me : accha accha samazz gaya



To be continued...

beautiful update

 

[mashish]

Update 6 : Ek ehsaas ​

From view of Sweety
(Sweety ki najaro se) :


Shaam ko 7 baje jab ham thak kar hotel pohonche tab aisa lag raha tha jaise koi badi jung jeet kar aaye ho aur wo hotel ka darbaan bhi hame aise salute de raha tha jaise sach me hamne koi mahan kaam kiya ho.


Jab me aur Abhi ghum rahe the tab jara bhi is dard ka ehsas nahi hua ,par ab sach me pair buri tarah se dard kar rahe the.



2nd floor tak jaise taise khud ko koste hue ham apne apne rooms tak pohonch he gaye , faltu me 2nd floor pe room liya aur upar se is hotel me lift bhi nahi thi.


Abhi to jaise he room ka door khola to sidha jake bed par ludak gaya, na shoes utare na fresh hua , kuch nahi kiya aur bed par padte he so gaya.

Mene he uske room ka door close kiya aur apne room me aagayi.


Sabse pehle bag rakh di side me, mobile charging pe lagaya aur fresh hone gayi.

Waise is waqt mera bhi man kar raha tha jakar direct bed pe let jau aur subah tak uthana he nahi par ye dress bhi to new he jisme dekhakar Mr. Abhishek flat ho gaye the.


Ha sach me flat he to hua tha wo, abhi bhi yaad aa raha he kaise subah sabke samne nashte ki table pe aise dekh raha tha jaise ham pehli bar mile ho, par uske baad pure din me ek baar bhi usne aisa nahi kiya ye baat acchi lagi muze.


Meri bhi baki ladkiyo ki tarah hamesha se ek khwahish rahi he ke unki tarah koi muze bhi pyar se dekhe na ki hawas se, mera khayal rakhe na ki har baar meri ha me ha milaye.

Muze protect kare na ki meri meri space me interfere kare, jitne hak se meri problems me mera sath deta ho utne he hak se uski problems bhi share kare.

Jitni care meri karta he utna bharosa bhi muz par kare.

Meri jitni respect karta he utni he respect dil se mere mummy papa ki bhi kare, and so on ! Bas itni he khwahishe he meri !



Ab to change bhi kar liya ,ab jake dekhti hu Mr Alsi uth gaye ya nahi .


Mene mobile charger se nikala kiya aur Abhi ke room ke bahar jake khadi hui aur sochne lagi ye utha bhi hoga ya nahi.


3-4 baar knock kiya par door to khola nahi isne, to vaise he andar ghus gayi.


Aur ye janaab sab ghode, gadhe bech kar so rahe he.


Me bhi halke kadmo se bina koi awaj kiye Abhi ke pas gayi ,dekha ke uska mobile side me vibrate kar raha he .


Jab mobile hath me liya to kisi Shreya ka call aa raha he aur sath me uska photo bhi tha.

Waise dikhane me khubsurat he hai ye shreya ,par iske sath kya relation hoga Abhi ka ?


Dikhane me bhi khubsurat lag rahi he , figure se bhi hot he lag rahi he bas Abhi se 1-2 saal chhoti lag rahi he.


Girlfriend to nahi hogi na ? Kyonki classmate to ho nahi sakti.

Aur jabtak me ye sab soch rahi thi tabtak call cut ho gayi thi.

Tab dekha smartphone he aur ye finger touch sense se bhi unlock hota he

Waise to me kabhi dusro ke mobile phones ko hath bhi nahi lagati par idhar to dil ka (crush ka) mamla he to sab gunah maaf kar deti hu.


Mene dhire se Abhi ke right hand ki finger se touch sensor pe touch karwaya aur bingo lock open ho gaya .


Thanks to all these new technology ,isi ki wajah se ye possible hua D:


Sabse pehle gallery he check ki ,ab ye har kisi ki aadat he hai ke kisi ka bhi mobile hath me aajaye to ham sabse pehle gallery he check karte he jaise usme koi Alibaba ka khajana gada hoga


Waise contact list me kisi bhi ladki ka no. gf jese nam se save nahi tha.


And again bingo ,as expected usi Shreya ke sath kai sare pics aur selfies gallery me the, kuch me ek aur ladka bhi tha sath me ,jiski age 1 saal kam ho shayad.

Bad me kai sare nature ke ek se badhkar ek pics the, har photo kisi professional photographer ki tarah liya tha.


Aage aur bhi photos the family ke ,jisme again wo shreya dikh gai.


Lagta he ye ladki Abhi ke family ke jyada he close he. Kuch pics me Abhi aur wo dusra ladka(Shivam) dono trecking aur shooting karte dikh rahe the ,jisme Abhi ekdam dashing lag raha tha.


Aur aage bhi aise he kai pics the jinhe dekhate dekhate time ka pata he nahi chala.


"Dusro ke mobile ko bina permission ke hath nahi lagaya karte Sweety ! "


Is awaj se me present me laut ayi, ya yu kaho apni sapno ki duniya se jameen par aa giri.


Yakinan ye Abhi ki he awaj thi.

Sweety : Wo me bas dekh rahi thi ke tumne caves me pics kaise nikale he .


Abhi : Wo us camera me he , check it out aur agar chahiye ho to wahi cord se tumhara mobile connect karo aur le lo ,me fresh ho kar aata hu.


Sweety : OK .


Kuch der me Abhi bhi fresh hoke aaya , tab me camera me click ki hui photos dekhne me busy thi.

Pata nahi kese wo har photo itni bariki se leta he, mere jitne bhi photos liye the sab ke sab amazing the.


Aur bandar wala scene bhi acche se capture kiya tha, kai photos to muze bhi nahi pata usne kab liye , par unke natural expressions dekhane jese the.



Bas baad me yu he kuch der hamne bate ki ek dusare ke like n unlike ki , uske photography wale shauk ki , about family and all.
Bas isi sab me waqt kaisa bita pata he nahi chala.


Fir 9:30 ko dinner ko dinner karne ka keh ke me apne room me wapas aayi.



To be continued...

good update

 

[mashish]

Waiting for next

 

[Assassin]

Waiting for next

Thanks for reading story, new updates post karunga.

 

[mashish]

Thanks for reading story, new updates post karunga.

but kab tak writer ji