AB TAK AAPNE PADHA KI JAHAN EK TARAF PRINCIPAL RANJANA MATTHEWS SANVY KI PURI CLASS INCLUDING B SECTION KO EXTRA P.T KO PUNISHMENT DETI HAI WAHIN DUSRI TARAF SAM KHANAK AUR SANVY KO APNE ISSUES SORT KARNE KE LIYE KEHTA HAI.
AB AAGE:-
CHAPTER-1
(ETIOLOGY OF BEING GALATH)
UPDATE-29
DATE-30TH AUGUST
CITY-DEHRADUN
PLACE-SANEEL'S RESIDENCE
GOOD EVENING TO THE MOST BEAUTIFUL WOMEN OF THIS PLANET...
meri MAA ki taraf ek bohot hi beautiful bookey aage badhate hue kahi thi ye baat SAM ne jiske baad khud bhi aage badh side se hug kiya usne unhe..
har mahine kamsekam ek baar mere ghar me get together ya phir ye kahun ki MAA ke haath ke bane CHETTINAD CHICKEN CURRY ki party karte hi the hum sab joki pehli baar is saal regularly nahi ho paaya tha...
but finally aaj ye hoga,ye 3 din pehle hi tay kar liya tha sab ne..ek aur reason bhi tha...RASHI aur KHANAK joki nayi the hamare group me, unhe meri MAA se aur saath hi unke haathon ke world famous CHETTINAD CHICKEN CURRY introduce karwana tha..
anyways,SAM ke baad NAISHA,RAJAT, EKPREET ne bhi aage badh mom ko hug gesture diya tha..
NITS aur SONU toh MAA se mil pehle hi ghar me aise ghuse the maano wahi iske makaan maalik hon aur hum idhar kiraaye me rehte hon...
aur un sabke piche the RASHI aur KHANAK jinke face par is waqt do do expressions the..
pehle toh SANVY ke ghar par pehli baar aane ki wajah se feel ho rahi nervousness aur dusri jinse milne aaye the woh, meri MAA,unhe dekh ya phir ye kahun ki unki khubsoorati ko dekh ascharya..
is waqt ek half sleeve dheeli printed white t-shirt aur neeche maroon aur nili mixed printed kalamkari lower pants me thi MAA..
ghar par normally aise hi casual wear pehenti thi MAA par in kapdon me bhi unki khubsoorati aur aakarshan zara bhi kam nahi hui thi..
bin makeup aur kisi bhi tarah ki leepa pothi ke baawjud chehra unka yun damak raha tha maano abhi abhi bridal makeup kiya hua ho unhone...
5.7 height thi MAA ki..bank me kaam karne waali ek aam mahila par sharir kisi professional gymnast ki tarah fit tha unka jo is dheele paridhaan ke baawjud bhi bade araam se jaancha jaa sakta tha...
face par woh har waqt bani rehne waali smile unki sundarta,nirmalta aur khaaskar aas paas ke aalam ko aur khushnuma bana deti thi...
40 basant paar karne ke baawjud kisi college graduate se zyada nahi dikhti thi woh aur vyaktitv itna jeevant ki school going girls ko bhi bade araam se complex de den aur MAA ko dekh yahi sab feel kar rahi is waqt KHANAK aur RASHI..
woh dono bhi kisi angel se kam nahi dikhti thi...saath me NAISHA bhi thi jo ek modern upbringing beauty ki sabse achi example thi lekin in teeno ki khubsoorati mila bhi do toh shayad MAA ke aage feeka hi lage un sabka sammilit aakarshan...
khair,jahan ek taraf woh dono sabse peeche khadi ek tak MAA ko dekh rahi thi wahin baaki sabse milne ke baad jab MAA ne un dono ko dekha toh halki hadbada gayi woh..
nayi jagah aur pehli baar milne par hone waali un dono ki uncomfortability samajh gayi thi mom isiliye khud hi muskurate hue un dono ki taraf badhi woh...
MAA-hello girls..mai SANVY ki mom hun...
RASHI-i know,i mean we know aunty..this is for you..
ek ache mehmaan ki tarah saath laaye wrap me lipti gift aage badha di thi RASHI aur ussike saath KHANAK ne bhi jisse dekh phir muskurayi MAA aur..
MAA-itni formality ki zaroorat nahi hai bacchon..
koi party me nahi aaye jo gifts ki zaroorat thi..tumhare friend ka ghar hai ye aur mai uski mom hun..
complete impartial get together hai ye aur ye ghar jitna mera hai,utna tum dono ka bhi..
RASHI-thanks for such kind words aunty par please rakh lijiye ye..acha lagega hume...
MAA-theek hai..par badle me agar mai kuch dun toh mana tum dono bhi nahi karoge,deal...!!!
dono ke haathon se gift lete hue unhe saath le andar aate hue kahi thi ye baat MAA ne jispar bas smile di un dono ne aur...
RASHI-by the way,i am RASHI aunty and she is...
MAA-KHANAK...
KHANAK-you know me aunty...!!!
MAA-ofcourse...aur RASHI,tumhe bhi apna intro dene ki zaroorat nahi thi,tumhe bhi jaanti hun mai....
RASHI-really how aunty..???
MAA-arre mere do khabri hain naa... SONU aur NITS.. tumhare pure group ke baare me bataate rehte hain mujhe..
unhone hi pics dikhayi thi tum dono ki..RASHI,tumhari hi mom ne woh painting di thi naa SANVY ko...!!!!
hall ke left wall ke centre me lage painting ko dekh jo RASHI ki mom ne gift ki thi SANVY ko,kahi thi ye baat MAA ne jispar...
RASHI-aise hi nahi di thi aunty,he earned it...us painting ka jo derivation, explanation SANVY ne diya,he was worth that gift...
by the way aunty...i must say,you are very, very beautiful..bohot khubsoorat hain aap...
KHANAK-true....aur aapka ghar bhi...bohot ache se design aur decorate kiya hai aapne isse...
disigner stools ke upar rakhe kayi antiques, straight wall se chipke 6/5 size aquarium,haath se bane nakkashidaar premium lakdi ka sofa set,ussi gehre rang ka bana dining table..
waise toh white tiles lage the pure ghar me lekin table se lekar sofa tak ke neeche saleti rang ki eye printed carpet saji hui thi jo us area ko aur khubsoorat bana rahi thi..
zyada bada hall nahi tha hamara par jis tarah se sajaya gaya tha isse,dekh kar koi bhi impressed hone waala tha aur wahi hui thi KHANAK...
wahin apni sundarta ki taarif toh gol hi kar gayi MAA par jab KHANAK ne hall me rakhe artifacts aur pure design ki taarif ki toh..
MAA-pasand aaya tumhe..!!!
KHANAK-bohot...
MAA-toh jaakar same lines SANVY ko bol dena..ye sab ussika socha design hai..aur jitne artifacts rakhe hain yahan,woh sab bhi ussine laaye hain ya mangwaye hain...
KHANAK/RASHI-really...!!!
haan,ab tak bohot si chizon me apna dum aur buddhi dikha kar chownkaya tha SANVY ne un sabko par home decoration woh bhi us quality ka jo is ghar ka tha,woh kahin se bhi aam baat nahi thi jiska pura shray VERONICA ne apne bete SANVY ko diya tha,wakayi hairan karne waali hi baat thi ye..
AHHHHH......
teeno me se aage koi kuch bolta ki tabhi SANVY me kamre se NITS ke cheekhne ki awaaz aayi jisse sun muskura uthi VERONICA aur..
VERONICA-kitni baar bola hai guitar waali masti mat kar par ye NITS kabhi samajhta hi nahi..
RASHI-guitar waali masti...!!!
VERONICA-jaao SANVY ke room me..sab pata chal jaayega...
apni baat bol jahan VERONICA kitchen ki taraf badh chuki thi wahin jis room me lagatar shor ho raha tha,RASHI aur KHANAK us room ki taraf badh gayi...
RASHI-heyyyy..ye kya kar rahe ho tum sab...!!! computer table ke side me hi rakhe ek bean bag me NAISHA baithi has rahi thi aur baaki saare ladke is waqt mere bed par ek ke upar ek chadhe hue the...
sabse neeche NITS tha jo lagatar shor kar raha tha.. uske upar tha mai aur mere upar SONU, phir EKPREET, RAJAT aur sabse upar SAM..is kram me apni hi sidhi banayi hui thi hum sabne...
hume is position me dekh pehle toh hairan hue KHANAK aur RASHI par phir agar MAA aa gayi toh daant padegi hum sabko,ye soch room ka door band kar diya RASHI ne..
NITS-hato be haramkhoron...mere haath chhod saale SANVY...pehle hi tedha ho rakha hai...akad gaya toh khub dukhega aur dukha na beta toh gaya tu..
aahhhhh...
saale ki dhamki sun aur mod diya tha maine haath uska jiske baad..
MAI-dhamki dene ke condition me nahi hai tu beta..abbe uchlo mat be..
zor se uchhal rahe the baaki sab mere aur NITS ke upar aur jab mere bolne par bhi un sabka ucchalna band nahi hua toh..
DHABBBBB..
AHHHH...
jaise hi SONU dobara ucchalne ko hua,mai slip out hote hue side hath gaya aur aisa hote hi diya maine ek laath uske side me...
taash ke bikhre patton ki tarah SONU aur uske baad baaki sab bhi idhar udhar ludak kar gir chuke the...
aur NITS..woh toh ab bhi ulta pada halka halka karaah raha tha jisse dekh...
MAI-kyun beta... aur kochakna hai...
NITS-nahi bhai...aaj ka kota ho gaya...
RASHI-kya kochakna..aur kis baat par ye ajeebogarib all in one wrestling match khel rahe the tum sab...
NAISHA-arre inke hamesha ka hai..woh guitar dekh rahi hai,in sabme koi na koi usse uthata hai aur jo aisa karta hai,usse ye SANVY peeththa hai..
aur iske saath baaki sab bhi uspar haath sek lete hain..
but zyadatar ye NITS hi karta hai aisa..
NAISHA ki baat sun KHANAK aur RASHI ki nazar bed ke side me hi rakhe ek dark yellow solid wood finish se bani guitar par gayi..
bohot hi khubsoorat acoustic guitar thi woh jinke bridge ke pass bade hi curved tarike se VERZ likha hua tha...
(a pet name for VERONICA)
saath hi saath bridge pins aur lower bout ke beech us guitar company ke naam ke initials"MARTIN 1948" joki world ki one of the best guitar manufacturing company me se ek hai,uska mark aur date bana hua...
RASHI-wow, MARTIN.....and that too vintage..maine aisa ek piece dekha tha ebay me...par woh 1968 ka tha..
and bidding 4 lakhs tak chali gayi thi uski...ye toh pure vintage hai jo 24 hours ke andar hi 5 se upar click kar jaayegi..
MAI-waah re meri financial adviser...par kripaya apni salah apne paas rakhen...
RASHI-hahaha..very funny...mai toh bas fact bata rahi hun...
par ye sab chhodo aur batao ki is guitar ke liye jhagda kyun...!!!kyun isse touch nahi karne dete tum kisiko SANVY..!!!
EKPREET-ye iske dad ki thi... isiliye thoda possessive hai lounda hamara...
RASHI-aww.. that's so cute...
MAI-ya,ya very cute....
guitar jo thodi tedhi hokar padi hui thi,usse uske bag me daalne laga tha mai...
KHANAK-mujhe nahi pata tha ko tum guitar baja lete ho SANVY...
NITS--guitar aur ye..saale se manjira na baje theek se...
SONU-ssahi hhai..ekk bbaar bbaaju wwaale bblock mme rrehne wwaale RRAMESH KKESHARWANI unncle kke yahann ggaye tthe hhum tteeno...
mmusic kka sshouk hhai unnhe..bbohot sse eqquipments rrakhe hhue hain unnhone..
ttution bbhi llete hhai wwoh mmusic kki...
yye mahashay ttabla kke ssaamne jaakar bbaitha ggaya.....aissa bbajaya issne usse kki ddobara bbajne kke lliye usske uupar kka ccover hhi nnahi bbacha pphir...
HAHAHAHA...
sabhi has diye the SONU ki baat par jisse dekh..
MAI-abbe woh tabla hi kamzor tha.. improvisation kar raha tha mai par saala zor se maarte hi fat gaya saala..
NITS-abbe jis tarah peet raha tha naa tu usse,steel ka bhi bana hua hota woh toh crack aa jaana tha usme..
aur woh toh bechara naa jaane kitna purana tabla tha..sambhal kar rakha tha uncle ne jiska murder aur postmortem dono hi kar diya tha tune...
SONU-auur yyaad hhai.uss ppuraane sse ttable kka 2000 hhazzar mmanga ttha uuncle nne...
RASHI-really.toh diya tumne...
NITS-diye naa..aur woh bhi 5 minute ke andar...par paisa iska nahi tha,unhi ki jeb ka tha jo pehle paar kiya isne aur phir badi sharafat ke saath unhe hi louta diya..
bechare ko mila hua tution fees tha woh jo kuch der pehle hi jeb me daala tha unhone..
naye 2 hazar milne se jahan khush the woh wahin aaj tak unhe samajh nahi aaya hai ki pehle se jeb me pada 2 hazar gaya toh gaya kahan...
doubt toh hua tha unhe ispar lekin suboot kuch tha nahi..ab noton ke number toh check kiye nahi the unhone..
aaj bhi jab ye unke ghar ya unke saamne se nikalta hai toh aise dekhte hain woh isse jaise koi police chor ko dekhti hai...
NITS meri chori ki dastan ka bakhan kar raha tha,aur usse sun RASHI aur KHANAK has has ke pet pakad chuke the...
RASHI-bohot khatarnaak chiz ho yaar tum SANVY...
NITS-arre ek se ek kisse hain saale ke...2,4 picture hi ban jaani hai agar recreate karen toh...
KHANAK-but SANVY,jab guitar ghar par hai hi toh you should try to learn it...
SAM-try karega toh bhi kaam kuch nahi aana..
KHANAK-kyun...???
SAM-dikha toh bhai zara...arre bas 2 minute yaar...
ghura tha maine SAM ko par phir bag uski taraf kar di maine..
SAM-see the strings...rare right...!!!!
bag ka chain khol guitar ki strings ko touch karte hue kahi thi ye baat usne...
RASHI-wow... itni shiny... normal strings se kaafi alag hai ye toh...
SAM-bohot zyada... guitar acoustic hai par strings half classical hain..
and the strangest part..baaki guitars ki tarah naa ye strings phosphorose bronze ke bane hain,naa bronze brass ki mixture ke..
naahi metal use hua hai aur naahi nylon wire se kaam liye gaya hai..
it's organic wiring...animal intestine ko steal ke saath wield karte hue inhe banaya gaya hai..
isiliye itni moti hain ye and too hard to be played perfectly...
E minor sounds like A major par ek high pitch ke saath frequency shake ho rahi ho waise..
same goes for C major jo C kam D major zyada lagta hai par low frequency ke saath...
kisi bhi dhun ko bajaate waqt jo perfect tune release hota hai,woh nikalta hi nahi isse...
paanch saal se guitar baja raha hun mai...bina dekha complete untuned pegs ko tune kar sakta hun mai..
koi bhi note jo kabhi practice nahi bhi kiya ho pehle kabhi,10 seconds max... clearly play kar sakta hun mai but is guitar ke maamle me ye saara equation ulta hai..
is saale se bohot minnat karke ek baar isse kareeb 30 minutes tak play kar theek se bajane ki koshish ki thi maine par kar nahi paaya..
it's like a non penetrable nut to crack...ab aise me kaise sikhega ye isse...
kahin aur se kuch sikh ke aaya bhi hoga toh isse bajate bajate woh sikha hua bhi bhool jaayega ye...
RASHI-wow...aur SANVY tumhare dad baja lete the isse...that makes him...
SAM-one hell of an artist...kaash unse mila hota mai..isse bajane ka secret tarika sikh leta...
MAI-abbe band karo re guitar puran ab..
gate khol re NITS...MAA aane waali hai...
guitar wapas bag me daalte hue kahi thi ye baat maine jispar NITS ne bhi bina kuch kahe door khol diya aur aisa hote hi saamne MAA thi jinke haathon me ek bada sa tray tha aur jo abhi bas mere room ke paas pahunchne waali thi..
ye sab dekh ek baar phir hairan hue the KHANAK aur RASHI aur woh isiliye kyunki naa toh MAA ke aane ke koi footsteps sune the unhone aur naahi MAA ne koi awaaz di thi..
door band tha par phir bhi MAA ka yahan aana aur unki exact timing tak pata thi mujhe..
RASHI-tumhe kaise pata chala...!!!
MAA-kya pata chala kisse...!!!
NITS-woh door band tha na aunty...!!! SANVY ne guess kar liya ki aap hain bahar aur door kholne ke liye kaha..
isiliye shock ho rahi hai ye...
NITS ki baat sun bas ek smile diya MAA ne aur...
MAA-kamsekam 45 minutes lagenge dinner ready hone me..tab tak isse kaam chal jaayega ya you guys need anything thing else too...
EKPREET-arre aunty,pehle hi bohot zyada le aayi hain aap..
hum sab milkar bhi iska 1/4th tak naa khaa paayenge...
gaathiya,uska bada bhai aur gujrati swaroop faafda,saloni, chocolate cream aur good day biscuits,aise hi kuch aur meethe aur namkeen snacks jiske saath nigalne ke liye 2 litre ki pepsi bottle rakhi thi bade se tray me jo MAA lekar aayi thi...
MAA-pura finish karna hai..no excuses...
SAM-arre please aunty...bhook toh lag hi rahi hai par woh sirf isiliye kyunki shaam ke snacks nahi khaaye maine..
sirf aapke haath ke bane CHETTINAD CHICKEN CURRY ke liye..
NITS-aur dinner banane ki timing batane ki zaroorat bhi nahi thi aapko.. chicken ke mahak se apne aap pata chal jaana hai..
pehle SAM aur phir NITS ki baat sun bas sir shake kar nikal gayi room se MAA jiske baad..
KHANAK-kya wakayi itna acha banati hain AUNTY chicken...!!!
NITS-waise toh kaside padh de hum par abhi the best line would be,wait and decide for yourself...
KHANAK-SANVY, tumhare paas tumhare dad ki pic hai...!!!
RASHI-arre mere man ki baat bol di tune..SANVY,show naa yaar..aunty ko dekh uncle ko dekhne ki iccha aur badh gayi hai...
NAISHA-kisi aur ghar ke hall se hote hue pahunchi kya yahan tum dono..
KHANAK/RASHI-matlab...!!!
NAISHA-matlab ye ki hall me itni badi photo tangi ha uncle ki,uspar nazar nahi gayi tum dono ki...
NAISHA ki baat sun bina kuch kahe hi KHANAK aur RASHI wapas hall ki taraf badh gaye jahan aquarium waale wall ke just opposite waali wall par SANEEL AHARYA matlab mere dad ki ek badi si photo tangi hui thi..
last time peeth thi un dono ki is wall ki taraf...saamne ke views aur khaaskar MAA ko dekhne me itne khoye the KHANAK aur RASHI ki nazar nahi gayi thi unki apne piche par ab jo gayi toh jaisa MAA ko dekhkar hairan hue the woh dono,same haalath abhi bhi hui un dono ki...
APS-C CENSOR waale real time eye AF camara se li gayi thi dad ki woh pic jo dekhne se aise lagti thi maano koi picture nahi balki woh khud saamne khade hon..
black colour me three piece suit par party nahi formal wear dress pehni thi dad ne us pic me...
full grown pic thi ye..exact 6 feet unche aur well build body ke maalik the dad jo is pic me pura cover hua tha...
haathon me chamchamati ghadi jiske piche ki hatheli pant ki jeb me gayab ho chuki thi...ek confident par halki smile naach rahi thi dad ke face par maano unhe pata ho ki jab bhi woh click photo ka roop legi,apne aap me unique hi dikhegi...
piche ka background pinkish white tha..ek super successful enterprenaur ki tarah dikh rahe the dad jinka bright face itna charming tha maano sirf apne looks se hi koi million dollars contract sign karwa len woh...
MAA ko dekhkar laga tha RASHI aur KHANAK ko ki shayad unke takkar ka match kahin bhi shayad hi milega par dad ki pic ko dekhte hi unki woh perfect match ki talash jaise rook hi gayi...
RASHI-wow...what a personality man...
KHANAK-sach me yaar..maine kabhi imagine nahi kiya tha ki SANVY ke mom dad aise dikhte honge...
i mean they look like some GOD & GODDESS...
NAISHA-jab maine pehli baar uncle ki pic dekhi thi toh mera bhi kuch aisa hi reaction tha...
RASHI-kiska nahi hoga...aur yaad hai, PRINCI ne bataya tha ki once,he defeated JAIDEN CHOWDHARY...
KHANAK-yup and that to easily...
RASHI-just imagine woh AURA jo apne aas paas create karte honge woh....
NITS-YES,YES,YES,YES,YES....
RASHI, NAISHA aur KHANAK wapas mere room ki taraf badhte hue baatein kar rahe the ki tabhi mere room se tez game aur NITS ki awaaz aane lagi jisse sun...
RASHI/NAISHA/KHANAK-boysss
FORZA HORIZON 4 game chal rahi thi is waqt X BOX me aur khel rahe the isse NITS aur EKPREET...
baaki sab dono me se kisi ek ko backup karte hue shor macha rahe the aur ye dekh...
RASHI-kya yaar..game khelne aaye ho kya idhar...
BOYS-haan...
NAISHA-shut up.. RAJAT,band karo ye game turant..
RAJAT-arre mai thodi na khel raha...
KHANAK-arre band karo naa yaar..tum log game khelte rahoge toh hum kya karenge...
MAI-hold it....
do badi albums jinme MAA aur DAD ki dhero pics thi,woh unke taraf badha di maine jisse dekhte hi apne time paas ka zariya mil gaya tha girls ko...
1000 se bhi zyada pics the un albums me mom dad ke..aur woh bhi around the globe se..
VENICE, SWITZERLAND,LONDON, GREENLAND, SINGAPORE,NEWYORK, AMSTERDAM, PARIS aur aise hi najane kitni hi outdoor location ke pics the unme..
kuch shaadi ke baad ke par mostly shaadi se pehle ke...
albums milte hi X BOX aur ladko ka jo combined loud audio baj raha tha room me,woh jaise un teeno ke kaano me padna hi band ho chuka tha..
teeno ke teeno mere bed me pasar gayi thi aur bade excitement ke saath har pic ko dekhne me busy ho chuki thi...
AHHHH... WHAT'S THAT SMELL... AMAZING....
kareeb half and hour ke baad ek behadh hi stomach twisting smell takrayi teeno girls ke naak me jisne apne aap hi unki aankhein band kar di..
NITS-chicken ready ho gaya..bhuk 5 guna badh gayi bhai..
turant uth kitchen ki taraf badhne ko hua NITS jispar...
MAI-10 minute hain abhi..salad kaatna hai toh jaa phir...
NITS-head shef's assistance nahi dete lounde..tera kaam hai woh..fouran amal kiya jaaye..
wapas apne bean bag me baiththe hue kaha aisa NITS ne jispar mai bhi haste hue kitchen ki taraf badh gaya..
dinner ke liye 45 minutes bole the MAA ne aur exact utne hi waqt baad saare dishes dining table par saj chuke the...
RASHI-UMMMMMHHHH.....
"A BEBER Y A TRAGAR, QUE EL MUNDO SE VA A ACABAR".
jisne bhi bola hai ye,shayad aise hi kisi quisine ko taste karne ke baad apne aap hi nikla hoga uske mooh se ye phrase...
chicken piece ke first bite ko puri tarah mooh me ghulne ke baad bhi uske taste ko feel kar rahi thi RASHI...
RASHI-it's amazing aunty..isse better chicken nahi khaaya maine kabhi...
SAM-welcome to the club...waise what's the meaning of that phrase...!!!
MAA-EAT,DRINK AND BE MERRY,AS TOMMOROW WE DIE...
MAA ne hi bata diya tha RASHI ke spanish phrase ka matlab jisse sun sab unhe hi dekhne lage the..
MAA-what...!!!
RASHI-aapko spanish aati hai aunty...
MAA-thodi bohot...aur ye phrase jab SANEEL ke saath ek baar spain gayi thi mai,tab ek restaurant ke board par padha tha maine...
RASHI-i saw in the pics aunty..
aapke aur uncle ke BARCELONA,SEVILLE aur ALICANTE me bohot se pics hain usme..
KHANAK-aur bhi bohot se countries ke pics hain...looks like aap dono ko travelling ka bohot shouk tha..
MAA-aisa nahi hai.. investment banker the woh aur clients inke kaafi deshon me the..
jab bhi apne clients ka koi bada profit karwate the woh toh bonus me he used to get a free trip to any country he desired of..
ab free ka trip kaun chhodta hai..
RASHI-hahaha...true...
MAA-ab baatein band karo and start eating...
ye baat RASHI aur KHANAK ke liye hi thi.. baaki sab toh khaane me khaaskar chicken thoosne me itna zyada busy the maano kisi project ka deadline line mila ho unhe jiske siwa kuch aur important tha hi nahi....
NAISHA-yum...ye bhi ghar me hi banaya hai kya aunty...!!!!
dinner ho chuka tha sabka jiske baad desert me mile caramel custard ka ek bite lete hi puchi thi ye baat NAISHA ne.
MAA-tumhare friend ne hi toh banayi hai...
NAISHA-really..!!!ye kab seekh li tune...!!!!
MAI-sapne me..mast shef aaya tha ek..free classes dekar gaya...
NAISHA-very funny...
dinner sabka ho chuka tha jiske baad hum sabhi apne plates utha kitchen ki taraf badh chuke the..
NAISHA-tu rehne de.. hum kar lenge...
sink me saare plates rakhe jaane ke baad unhe wash karna start karne ke liye maine ek plate uthaya hi tha ki tabhi NAISHA ne mere haathon se us plate ko le liya tha...
MAI-kya baat hai...!!!acha ek kaam kar,jab bartan dho hi rahi hai toh lage haathon pocha bhi maar diyo...
NAISHA-aa..sabse pehle tere mooh par hi maarti hun pocha...
NAISHA ki baat sun jahan ek taraf hand wash kar haste hue mai kitchin se nikal chuka tha wahin dusri taraf MAA aur unke saath RASHI aur KHANAK bhi kitchen me enter hue..
MAA-arre bachhon.. rehne do tum log... mai kar lungi...
NAISHA ki tarah woh dono bhi plates saaf karne me lag gayi thi jinhe rokne ki koshish ki MAA ne par naa rooki woh...
kuch hi der me saare plates clean hokar shelf me wapas saj chuke the..
is beech KHANAK aur RASHI ne MAA se unke aur dad ke baare me bohot se baatein puchi,unke experiences jaane..
NAISHA toh woh sab pehle se hi jaanti thi isiliye woh normal hi rahi par dauran woh dono meri MAA se aur zyada prabhavit hui thi..
baaton baaton me kab woh sab wapas hall me pahunch sofe par baith gayi,pata hi nahi chala..
shayad baatein aur zyada chalti par MAA ko time awareness tha isiliye...
MAA-kal school hai ya phir SIRIUS ne khudse koi naya holiday implant kiya hai...!!!
KHANAK-oh shit..10 baj gaye...MOM se bola tha maine ki 10 baje tak wapas aa jaaungi...
time dekh hadbada kar sofe se uth gayi thi KHANAK aur ye dekh..
MAA-relax beta..kuch nahi kahengi mom..aur agar kuch kaha toh mujhse baat karwa dena...
KHANAK-thanks aunty..
NAISHA-mai boys ko bula leti hun...
MAI-sir jhukakar adab se khadi ho jaao kaniz...jinke khwahish-deedar ki talab thi tumhe,woh khud hi apne apne tashrif baja farma chuke hain...
boyz mandali ke saath room se nikal MAA aur un teeno ke paas aate hue kahi thi ye baat maine jisse sun...
NAISHA-ussi tashrif me baja dungi zor ka agar aur bakwas ki toh...
MAI-waah..word play...apne RAJAT ki sangati me hoshiyar ho gayi hai ladki...
NAISHA-shut up...
MAA-SANVY....woh boxes..
MAA ki baat puri hone se pehle hi apne haath me rakhe bade se polithin ko unki taraf badha diya tha maine..
NITS-oh,toh ye aunty ke liye hai..saale kabse puch raha tha tujhe toh sidhe sidhe nahi bata sakta tha ye...
MAA-sirf ye polithin mera hai,iske andar rakhi chiz tum sabke liye hai...
ye bol polithin se ek ring box nikala MAA ne aur usse KHANAK ki taraf badha diya...
KHANAK-aunty ye..
MAA-kaha tha naa maine ki agar
badle me mai kuch dun toh mana tum bhi nahi karoge.!!
isiliye bina sawal kiye rakho isse..
MAA ke is tark par bina kisi laag lapet ke le liya us box ko KHANAK ne...
KHANAK-can i open it..???
MAA-sure..
KHANAK-wow... it's beautiful aunty...
chandi se bana jisme GANESHJI ke impression gade the,ek bohot hi khubsoorat sikka tha us box me jisse dekh kaafi khush ho gayi thi KHANAK...
NITS-aunty,kaun se olympics me silver jeeti hai jo ye de rahe ho isse..
MAA-jeeta toh tu bhi nahi hai kuch, par liya toh tere liye bhi hai maine...
3 din me GANESH CHATURTHI hai aur uske 3 din baad se tum sabke first terms shuru ho rahe hain..
bas ussike liye hai ye...
SONU-ppar aaunty,aap ttoh lluck mme nnahi mmante hhain nna...!!!
MAA-positivity ko luck ke saath confuse nahi karte beta..
jab BHAGWAAN ki surat saamne ho naa toh dimag thanda rehta hai aur thanda dimag sawalon ke jawab asaani se dhund leta hai...
SAB-thanks aunty...
aage badh baari baari se hug kiya tha sabne MAA ko jiske baad woh puri paltan entrance door ki taraf badh gayi...
MAA-NAISHA,ek second...
sab door cross kar hi chuke the ki tabhi MAA ne awaaz diya NAISHA ko jispar woh akeli wapas andar aayi..
MAA-ANJU ko dinner ke pics dikhane ki zaroorat nahi hai...
pure dinner ke dauran har dish ki photo click ki thi NAISHA ne...
aaj kal ke time me normal hi tha aisa karna isiliye baaki kisine toh dhyan nahi diya tha us chiz par siway MAA ke...
MAA jaanti thi ki un clicks ka reason jisse unke bataate hi NAISHA ka sir halka neeche ho gaya...
NAISHA-aunty woh...
MAA-explanation ki zaroorat nahi hai beta... maine pehle hi ANJU ke liye khana alag se nikaal diya tha...
abhi woh sab SANVY pack hi kar raha hai..lete hue jaana..
NAISHA-SANVY..!!!
MAA-hairan kyun ho rahi ho..dhyan nahi raha shayad tumhe ki aaj ki chicken curry se dono hi leg piece gayab thi..
koi aur time hota toh hungama khada kar deta woh..par aaj halka sa bhi react nahi kiya usne...kyunki...
NAISHA-leg pieces ANJALI ke bhi favourite hain...
mujhe dekhte hue jo is waqt kitchen me rice, chicken,baaki bani sabziyan aur caramel custard pack kar raha tha,puri ki thi MAA ki baat NAISHA ne jiske baad..
NAISHA-pata hai aunty ek time tha jab mai thoda jalti thi SANVY se..uski aur ANJALI ki dosti se..
waisa bond kabhi nahi dekha maine..aaj mai ANJALI ki best friend hun...
SANVY door door tak bhi nahi hai hamare beech...par bura aaj bhi lagta hai...
i just miss those days..saath milkar kitna pareshan karte the ye dono baaki sabko...
ek dusre ke liye kisise bhi ladh jaate the aur aaj,ek dusre se hi ladhte rehte hain har waqt...
inki woh bonding...i hope ki woh din wapas lout aaye...
MAA-zyada din nahi bache hain un dino ke loutne me beta...
MAA ki baat par hairangi se dekhne lagi unhe NAISHA jispar smile karte hue...
MAA-trust me.... bohot jald pehle ki tarah saath honge ye dono...
NAISHA-really aunty..agar aisa ho saka toh..
MAA-aisa hi hoga...aur tumhe kuch bhi karne ki zaroorat nahi hai..
haadse zaroor bure hote hain par kuch haadse anjaane me hi sahi,kuch toote dhaage jod jaate hain...
NAISHA-mai kuch samjhi nahi aunty..
MAA-zaroorat bhi nahi hai..
MAI-kis chiz ki zaroorat nahi hai..chandi ka sikka de diya ab kya ghar naam likhwa dun tere...
saara food pack kar MAA aur NAISHA ke paas aa chuka tha mai..
wahin meri baat sun..
NAISHA-likhwana hoga toh mai khud aunty se likhwa lungi...teri zaroorat naa hai..
mere haathon se woh choti but efficient food bag le liya tha NAISHA ne jispar..
MAI-thanks bolte hain aise time par...
NAISHA-mere liye hota toh mai bolti...jiske liye hai, agar bulwa sakta hai toh ussise bulwa le thanks..
MAI-bulwa toh leta but the thing is ki uske dictionary me thanks ki spelling bhaad me jaa waali hoti hai..
NAISHA-hahahaha....
haste hue ek baar phir MAA ko side se hug kar woh door ki taraf badh gayi..hum bhi saath hi the uske..
NAISHA-i will pray ki aapki predict ki gayi baat sach ho jaaye aunty...!!!
road side apni apni cars ke paas khade the baaki sab jinki taraf badh gaya tha mai..
aur mujhe aage jaata dekh MAA se kahi ye baat NAISHA ne jispar upari taur pe toh bas muskura bhar diya MAA ne par man hi man unke is waqt ghum rahe the kuch lines...
woh lines jisse unki soch sach ka roop lene waali thi...
LINES jo kuch yun the....
dekhne layak hoga woh drishya jab jazbaat buddhi se LADEGI...
nazaaren saaf ho jaayenge jab nazaren is paaydaan ki aakhri sidhi CHADHEGI...
upkshep (prolouge) toh ab jaakar pura hoga jiske baad...
ye GALATH apne SAHI aarambh ki taraf aage BADHEGI...
AAJ KE LIYE ITNA HI...
AAPKA APNA V...J...
