Fantasy HERO NO. ZERO

[THE ZERO]

Update 30 posted

 

[111ramjain]

Nice

 

[prideep meena]

Bro lajwab updated bro

 

[only_me]

Update 12​

Recap

Apne abhi Tak padha ki surya Rohan ko batata hai ki supreme level par jane ke bad hi us yodha ke talwar ko kabu kar sakte ho aur iske liye sabse pahle daksh rank ke advance level par pahuchana hoga aur waha par pahuchne ke liye is yodha ke lash se uski sari shaktiyo ko apne andar absorb karna hoga.
Aur us shakti Ko absorb karne ke liye tumhe apane sharir me chupe huye absorption power ko jagrit kar ke kabu me karna hoga aur uske liye tumhe dhyan lagana hoga.
Rohan surya ke bat ko sun kar dhyan lagata hai aur apne spritual world me pahuch jata hai jaha jakar wo absorption power ko jagrit kar ke kabu kar leta hai.
Iske bad wo us Yodha ke sharir se uski sari shaktiyo ko apne andar absorb kar leta hai aur wo daksh rank ke advance level par pahuch jata hai.

Ab aage
Mai apne shaktiyo ko parkhne ke liye pash me hi pade pathar par ek muka marta hu Mera muka padte hi wo pathar tukdo me badal jata hai jise dekh kar mai bahut kush hota hai.

Mai- Ab mai dekhunga ki kon mujhe kamjor bol kar majak udata hai.
Kon mujhe zero bolta hai ab mai sare logo ko muh tod jabab dunga.

Mai abhi apne shaktiyo ko dekh kar kush ho hi Raha tha ki tabhi mujhe us yodha ke lash ke pass ek anguthi dikhi mai us anguthi ko dekh kar surya se bola.

Mai- Surya dekho us lash ko waha par ek anguthi hai.

Surya- (us lash ke taraf dekhte huye ) Are ha waha par sach me ek anguthi hai... Ek minute ye to ek storage anguthi hai.
(Fir mere taraf dekhte huye bola)
Storage anguthi ke bare me to tum jante hi hoge.

Mai- Ha mai janta hu storage anguthi ke bare me.
Storage anguthi me koi bhi saman ko store kar ke rakh sakte hai.

Surya- Ha sahi kaha ab tum jakar us anguthi ko check Karo wo anguthi ek samrat rank ke yodha ka hai to usme jarur kuchh khajana hoga jo tumhare kam aa sakta hai

Surya ke bat ko sun kar mai us anguthi ke andar apne andruni shaktiyo ko bhej kar ye dekhta hu ki kahi usme uske purane malik ke andruni shaktiya to nhi hai.
Lekin usme rati bhar bhi andruni shakti nhi thi sayad us lash ke shaktiyon ko absorb karne ke bad us anguthi se bhi uska andruni shakti gayab ho gayi thi.

Maine jab dekha ki usme koi bhi andruni shakti nhi hai to mai us anguthi ko utha leta hu aur fir uske andar apne andruni shaktiyo ko bhej kar dekhta hu to pata hu ki uske andar bahut sare khajane the.

Mai us anguthi me jo bhi wo sab bahar nikal deta hu jab sare saman anguthi se bahar nikalta hai to use dekh kar mai aur surya dono chauk jate hai.

Surya- Are wah bhai kya kismat hai tumhari bina mehnat kiye hi itna Sara khajana mil gaya.

Mai Surya ke bat sun kar bhi use kuchh jabab nhi diya to surya mere taraf dekhne laga to paya ki mai to bas ektak us khajane ko hi dekhe ja raha hu.

Idhar mai ascharya se aankhe fade bas un khajano ko hi dekhe jaa raha tha us khajane me karib 10 hajar se bhi uper shakti badhane wala dawaiya ke sath sath aur bhi bahut tarah ki dawa thi jise mai pahchan nhi pa raha tha aur karib 20 hajar low level spritual stone 8 hajar medium level spritual stone aur 3 hajar high level spritual stone tha.

Ye khajana itna tha ki isse ek bade sahar ko pura ka pura kharida ja sakta tha.
Is planet par dawaiyo ki bahut ki bahut mang rahti hai kyuki shaktiyo ko badhane me ye dawaiya bahut kargar hoti hai.

Lekin yaha dawa milna bahut muskil hota hai kyuki yaha hakim bahut kam hi milte kyuki hakim wahi ban sakta hai jiske pass andruni shaktiya ho.

Aur yahi wajah hai ki yaha hakim ki bahut jyada ijat kiya jata hai agar ek tarah koi srijankar rank ka yodha ho aur ek taraf rank 1 ka hakim to log chemist ko hi ijat denge Srijankar rank ke yodha ko nhi.

Keval yahi karan se hakim ko itna ijat nhi milta balki hakim kisi ka ilaj bhi kar sakte hai kaha jata hai ek sacha hakim mare huye insan ko bhi jivit kar sakta hai isliye hakim ka is abisiya planet me itna ijat hai.

Mai is khajano me hi khoya tha ki tabhi mujhe surya ka awaj sunayi diya.

Surya- ab bas bhi karo kya aise aankhe phade dekh rahe ho aage chal kar tumhe isse bhi kahi jyada khajan dekhne ko milega aur lag raha hai tab to tum pagal hi ho jaoge.

Mai- Aisa kuchh bhi nhi hai bas mai itna jyada khajan aaj pahli bar dekha raha hu is liye mai isme kho gaya.

Surya- Achha thik hai dekho us khajane me aur kya kya hai waise isme shakti badhane wali dawa hai jo tumhe aage traning me bahut madad karegi.

Mai- Ha wo to hai jab traning se meri shaktiya khatam ho jayegi tab mai is dawa ko kha kar fir se apne shaktiyo ko wapas paa lunga.
Lekin wo jo do tarah ke dawa hai use mai nhi pahchan paa raha hu kya tum jante ho ki wo dawa kon si hai.

Surya- Ha mai janta hu ki wo dawa kon si hai aur kya Kam aati hai isme jo red colour ki dawa hai wo srijankar dawa hai jo kisi bhi daksh rank ke yodha ko srijankar rank me jane me madad karta hai aur wo jo nile colour ki dawa hai wo andruni shakti dawa hai jo andruni shaktiyo ko badhane me madad karti hai ye rank 3 ke dava hai jo sayad kisi rank 4 ke hakim ne banaya hoga.
Aur iska market me bahut jyada mang hai.
Aise to dono mila ke lagbhag 50 goli hogi jiski market me kimat kamse kam 10000 high level spritual stone hoga.

Mai Surya ke bat ko sun kar bahut kush huya aur bola.

Mai- Ye dawa to mere bahut kam ki nikali ye mere pariwar me bahut aise yuva hai jo abhi daksh rank ke advance level par hai ye Srijankar dawa unhe srijankar rank me jane me madad karega.
Aur ye andruni shakti goli mere andruni shaktiyo ko badhane me madad karega.
Kul mila kar mujhe yaha aane se bahut fayada huya.

Fir mai un samano ko aur dhyan se dekhne laga to mujhe unme ek kadahi dikha jo sayad dawa banane me kam aata hoga aur usme bahut sare jadi butiyan aur kagaj bhi mujhe mila fir mai un kagajo ko ek ek kar ke dekhne laga to mujhe unme 3 taknik bhi mila us taknik me 2 rank 3 ke high level taknik thi aur ek ranke 3 ke low level taknik thi.

Jo 2 high level ke taknik mujhe mili usme se ek agni mul taknik thi aur ek jal mul taknik thi ye dono mere kuchh kam ke nhi the kyuki mere pass abhi koi bhi mul shakti nhi thi isliye mai unhe waise hi storage ring me dal diya fir mai us teesre kagaj ko khol kar dekha wo ek punch taknik thi jiska name bajra hammer taknik tha is taknik ko mai sikh sakta tha.

Fir mai un sare saman ko usi ring me dala aur us ring ko apne ungli me pahan liya fir mai us ring me apne andruni shaktiyo ko dal kar usme ek seal chadha diya ab us ring ko mere alawa koi dusra nhi khol sakta tha.

Fir mai Surya ke marg darshan me us taknik ko sikhne laga mai us taknik par do dino me maharath hasil kar liya.

Abhi mai ek chatan me samne khada tha mai is chatan par apne taknik ko ajma kar dekhne wala tha.

Fir mai apne hath me apne shaktiyo ko bharte huye jor se bola.
~Bajra hammer taknik~
Itna bolte hi maine apne hath ko us chatan ki or kar diya mere hath se ek raushani nikali aur us chatan me chali gayi fir kuchh der bad ek bahut hi jor ka awaj huya aur wo chatan powder me badal gaya.

Mai apne shaktiyo ko dekh kar bahut khush huya fir mai Surya ko bola.

Mai- Surya Bhai mujhe yaha aaye huye lagbhag do mahina ho gaya hai abhi tak mujhe yaha se bahar jane ka rasta nhi mila ab Mai kya karu kaise nikalunga Mai yaha se.

Surya- Tum chinta mat karo tum ek kam Karo apne supreme level ko hasil karne ke liye traning start Karo jab tak tum trainig karoge tab tak mai yaha se nikalne ka kuchh na kuchh kar lunga.

Mai- Thik hai tum batao ab mujhe kya karna hoga.

Surya- Sabse pahle tumhe ek aisi jagah dekhna hoga jaha ki spritual sakti sabse jyada ghani ho.
Aur iske bad tumhe dhyan lagana hoga aur apne spritual world me Jana hoga jaha tumhe apne daksh rank ke teeno sitare dikhenge tumhe un sitaro ko ek me mila kar chautha sitara banana hoga lekin yad rakhna ye sitaro ko milana bahut kathin hoga.
Agar kathin nhi hota to aaj tak na Jane kitne log supreme yodha ban gaye hote.

Fir mai Surya ke kahe anusar dhyan me baith gaya aur fir Vastwik duniya ko chhod kar apne spritual world me pahuch gaya.
mujhe dhyan lagata dekh surya bhi dhyan me baith gaya aur apne shaktiyo ko do bhag me bat diya ek bhag se wo khayi se nikalne ka rasta dhundhne laga diya aur dusre bhag ko mere spritual world me bhej diya taki wo mujhe supreme level par pahuchne me sahayta kar sake.

Idhar mai jab apne spritual world me gaya to waha mujhe apne daksh rank ke teeno star dikhe jo kisi light ki tarah chamak rahe the.

Mai- Surya Bhai mai apne spritual world me aa gaya ab mai kaise apne sitaro ko ek karu.

Surya- Wo jo tumhe waha jharna dikh raha hai na tumhe waha Jake us jharne ke samne traning karna hoga aur apne aatma ko majbut banana hoga.

Mai- Thik hai

Itna bola kar mai us jharne ke pass chala gaya jab mai waha pahucha to dekha ki uper pahad se pani jharne ki tarah niche gir raha tha aur waha ek talab bana raha tha.

Lekin us girte huye pani ko dekh kar mera halat kharab ho gaya kyuki pani itni tibra gati se niche gir raha tha us pani ka dabav itna jyada tha ki uske samne jo bhi aa jaye usko chatni ban de mujhe aise darte dekh kar surya haste huye bola.

Surya- Kyu itne se hi dar gaye ye to abhi pahla level hai aur tum pahle level se hi dar gaye to dusra level kaise par karoge.
Ye supreme level hasil karna tumhare bas ka bat nhi hai ek kam Karo tum chhod do tumse nhi hoga ye.

Surya ke bat sun kar mera ego hurt ho gaya aur mai guse me bola.

Mai- Tum ye apna bakwas band karo samjhe.
Mai darpok nhi hu jo bas itne me hi dar jau dekho mai abhi jakar kaise waha traning karta hu aur ha chahe jo ho jaye mai supreme level hasil karke hi rahunga.

Itna bolne ke bad mai us talab me utar jata hu us talab me pani barf ki tarah thandi thi jisse mera aatma thand ke chalte kampne laga.

Lekin mai himat nhi hara aur us jharne ke bich me jakar khada ho gaya jharne ke bich me khada hote hi jharne ki pani mere sar par girne laga jisse meri aatma ke sath sath vastvik duniya mera sarir tak kamp gaya.

Us pani ka pressure itna tha ki mera Vastwik duniya me sharir ke hadiya tak chatakne laga.

Lekin mai sari dabav ko ko bardast karte huye apna traning start kar diya aur pahle sitare ko dusre sitare se milane laga.

Pani ke dabav ke karan mere sharir ki hadiya tutne laga mujhe itna tibra dard ho raha tha ki mere chikho se pura ghati gunj raha tha.

Itna dard hone ke bad bhi mai apne dhyan se bahar nahi aaya mai dhyan lagata raha yaha tak ki mere sarir se khun tak nikalne laga lekin mera dhyan nhi tuta.

Aaj mujhe dhyan me gaye do din ho gaye the lekin mai apne pahle sitare ko dusre sitare ke milane ke thada bhi karib nhi gay tha aur mere sharir ki sari shaktiyan khatam ho gaya tha.

Shaktiyon ko khatam ho jane ke karan mai behosh hone hi wala tha ki achanak mere hato me jo absorption power ki jo tattoo thi wo chamkane laga aur mere samne ek black hole ban gaya jiske karan aas pass ki jitni bhi spritual sakti thi wo khichte huye mere andar aane lagi aise hi panch din nikal gaye.

Aaj panch din ho gaye the mera pahla sitra dusre sitare ke karib aa gaya tha tabhi achanak dusre sitare se ek khichao nikalne lagi jo pahle sitare ko apne taraf khichne lagi fir kuchh der bad akhir kar pahla sitara dusre sitare se mil hi Gaya tabhi mujhe surya ke awaj sunayi di.

Surya- Mubarak ho Rohan tumne pahla padao par kar liya ab tum thodi der rest kar lo fir dusre padao ko par karne ki kosish karna kyuki dusra padao par karna bahut muskil hai.

surya ke bat sun kar mai dhyan se bahar nikla aur storage anguthi se shakti badhane wala dawa nikal kar kha liya aur rest karne laga Karib 5 ghante rest karne ke bad mere sharir ki sari urja wapas aa gayi iske bad mai fir se dhyan me baith gaya aur pahuch gaya apne spritual world me.

Mai - Ab mujhe dusre level ke liye kya karna hoga.

Surya- Tumhe apne spritual world me ek aise jagah dhundhni hai jaha lava bahta ho.

Nice update Bhai

 

[THE ZERO]

story bahut badia lekhni shandar plot bahut badia dekhte hain surya kab tak yahan rahta hai or kab ghar pahunch kar kya dhamal karta hai dekhna dilchasp hoga or update jabardast lajawab romanchak ekdum dhasu

Thanks for comment bro...

 

[THE ZERO]

Bhai bohot hi shandar uapdate tha lekin rohan ke gharwale use dhundh rahe hoge thoda waha ka haal bhi batao
Waiting for update.....

Thanks for comment bro

 

[THE ZERO]

Bro lajwab updated bro

Thanks for comment bro

 

[THE ZERO]

Nice update Bhai

Thanks for comment bro

 

[THE ZERO]

Nice

Thanks

 

[Jassybabra]

Nice update

 

[Shekhu69]

Bhai ji waiting for update please give if possible