Update 13
Recap
Apne abhi Tak padha ki Rohan ko ek storage anguthi milti hai jab wo anguthi me apna andruni shakti ko dal kar dekhta hai to pata hai ki usme bahut sare khajane hote hai us storage anguthi me takat badhane wala dawa dhero spritual stone aur bhi bahut tarah ke dawa ke sath sath use rank 3 ke high level ke taknik bhi milta hai.
Wo rank 3 ke low level punch taknik jiska name bajra hammer taknik tha use sikh leta hai iske bad wo apne supreme level Tak pahuchne ke liye dhyan lagane lagta hai is dhyan me use daksh rank ke teeno sitaro ko mila kar chautha sitara taiyar karna tha.
Bahut kadi mehnat aur dard ko sahte huye wo 1st stage yani ki pahle sitare ko dusre sitare se mila deta hai.
Ab aage.
Surya- Rohan yaha tumhare spritual world me ek lava ka talab hai jisme dahakte huye lava hai tumhe unhi Lavo ke bich me baithkar agla level ko yani ki dusre sitare ko teesre sitare se milana hoga aur level pichhale level se kahi jyada muskil hoga agar tum isme kamyab ho gaye to tum supreme level prapt kar loge ab jao aur jakar wo lava ke talab ko dhundho.
Surya ke kahe anusar mai apne spritual world me us lava ke talab ko dhundhne laga thodi der tak dhundhne ke bad akhir kar mujhe wo lava ke talab mil hi Gaya.
Lekin jaise hi meri najar us talab par gayi mera ruh kap gaya us talab me ubalte huye lava thi agar is talab me pathar bhi gire to pal bhar me jal kar rakh me badal jaye.
Mai- Mmmmujhe iiiiiis talab ke bich me baith kar dhyan lagana hoga.
Surya- (Muskurate huye) Ha tumhe is talab ke bich me baith kar hi dhyan lagana hoga.
Kyu kya tum itna me hi dar gaye tum to bade bade dinge hak rahe the ki mai kisi tarah supreme level hasil kar lunga chahe uske liye mujhe kuchh kyu na karna pade.
Mai- Mai sach me kuchh bhi karunga supreme level hasil karne ke liye lekin is talab me baith kar dhyan lagana jaruri hai mai kahi dusre jagah ja kar dhyan nhi laga sakta.
Surya- Nhi tumhe isi talab me baith kar hi dhyan lagana hoga tumhari jindagi me aise aise ya isse bhi badi badi chunauti aayegi to kya tum har chunauti se bhagte firoge.
Is lava ke garmi se hi tumhara atma majbut banega agar tumhara atma hi majbut nhi huya to tum supreme yodha kaise banoge tumhe har rank ke supreme level ke liye alag alag mul shaktiyo ke urja ko apne atma me dharan karna hoga tabhi tum ek sacha aur takatwar supreme yodha ban paoge chalo ab jao aur jakar us lava ke talab me traning suru Karo.
Surya ko samjhane ke bad mai apna sar ha me hilata hu aur talab ke taraf badhane lagta hu.
Mai us talab ke pass jakar apna ek pair us lave me dalta jaise hi mai apna pair us lave me rakhta hu waise hi meri dard ke mare chikh nikal jati hai.
Mere pair me bhayankar jalan ho rahi thi lekin mai kisi tarah jalan ko bardast karte huye dusra pair bhi lava me dal diya aur dhire dhire mai aage badhne laga mujhe aisa lag raha tha jaise mera pura sharir jal kar rakh me badal jayega.
Lekin kisi tarah mai aage badhte huye us lava ke talab ke bich me pahuch gaya aur dhyan ke mudra me baith gaya aur dhyan lagane laga.
Us talab me lava ke gahrayi jyada nhi thi is liye mujhe waha baithne ke bad bhi lava sirf mere gardan tak hi aa raha tha.
Us lava me baith kar dhyan lagane ke bad mere aatma me jalne lagi idhar vastvik duniya me bhi mere sarir me aag pakad li jisse mere sharir jalne laga mujhe itna bhayanak pida ho raha tha ki mera man kar raha tha ki mai itna dard sahne se achha mar jau.
Mera sharir ke samne wo black hole lagatar shaktiyo ko khich kar mere sharir me bhare jaa raha tha aur idhar us lava me mera aatma bhi lava ke shaktiyon ko khichte jaa raha tha.
Mai itna dard hone ke bad bhi apna sayam nhi khoya aur dhyan me dusre sitare ko teesre sitare se milane ki koshish karne laga.
Aise hi samay bitata gaya aur 5 din nikal gaye in 5 dino me mai hajaro maut mara tha lekin apna dhyan nhi tutne diya aur akhir kar mai sitaro ko ek dusre me mila kar chautha sitara bana hi liya jaise hi mera chautha sitara bana waise hi mai apne dhyan se vastvik duniya me apne sharir me aa gaya.
Chautha sitara bante hi mere sharir se raushani nikalne lagi aur mere sare jakham jo mujhe dhyan lagate huye mile the wo thik hone lage.
Aur Uper asman me bhi badal chane lage aur bhayankar bijali kadkane lagi us ghati tibra hawaye bhi chalne lagi aisa lag raha tha jaise aaj is duniya me tabahi aa jayega aur asman niche dharti par hi gir jayega.
Tabhi asaman me ek visphot huya aur ek raushan uper se akar mere sharir se takra gayi.
Us Raushani ko mere sharir se takrate hi mere sharir me bhayankar pida hone laga aur mai wahi behosh ho gaya.
Idhar pure abisiya planet par aaj badal chaye huye aur bijli kadak rahi thi tabhi sabhi ne dekha ki asman me ek bhayankar visphot hua aur ek Roushani niche aakar sidha dharti se takra gaya.
Iske bad dhire dhire badal chhat gaye aur asman fir se pahle jaisa ho gaya.
Idhar ek anjane jagah par ek adami dhyan me baitha huya tha tabhi uski aankh khul jati hai aur jor jor se hasne lagta hai aur haste haste bolta hai.
~ Ha ha ha ha ha wo aa gaya supreme yodha aa gaya ab ab mujhe bhramhand ka sabse Takatwar yodha bannane se koi nhi rok sakta hai mai us supreme yodha ke shaktiyon ko apne andar sokh kar sabse Takatwar yodha ban jaunga.
Lekin mujhe ye kam jald se jald karna hoga nhi to wo aur takatwar ban gaya to Mera sapna adhura rah jayega.
Iske bad wo apne kuchh aadmiyo ko bula kar bolta hai.
Adami- kal tumhe ek kam karna hai tum kuchh aadmiyo ko leker is abisiya planet par fail jao aur pata karo ki abhi abhi jo asman se raushani niche giri hai wo jagah kon sa hai.
( Ek pathar jaisa kuchh dete huye)
Aur ha ye lo ye ek rahasyamayi pathar hai jisse supreme yodha ka pahchan hoga ye rahasyamayi pathar jiske samne bhi chamkega us byakti ko tumhe jinda pakad kar mere samne lana hai kyuki wahi byakti supreme yodha hoga.
Kal- ho hukum malik
Itna bol kar kal waha se kuch admiyo ko sath lekar chala jata hai.
Waha se kahi dur charo taraf se jangalo aur pahado se gira huya ek jagah jisko Takshshila acadmy jo pure ABISIYA planet ka sabse bada acadmy hai yaha sare samrajyon ke bache padhne aate hai.
Ye abisiya planet ke sabse Takatwar sansthavo me se ek hai is planet par chahe koi bhi dal ya samrajya chahe jitna bhi Takatwar ho acadmy se koi bhi kabhi bhi panga nhi leta hai.
Wahi is acadmy ke ek camre me do adami aapas me bate kar rahe the.
Pahla admi- bade bujurg acadmy me sab kaisa chal raha hai aur bacho me progress kaisa hai.
Bade bujurg- jee sab thik hai principal aur bache bhi achha progress kar rahe hai is bar lagbhag 500 bache prathmik chatra se pramukh chatra me pravesh huye hai.
Principle- oh achha hai achha hai tumne pichhle panch salo se academy ko bahut achhe se sambhala hai aur waise ab agla pravesh pariksha kab hai.
Bade bujurg- ye to Mera kartvya hai principale mujhe bahut prasannata huyi ki apko Mera karya pasand aaya.
Aur abhi pravesh pariksha me 15 mahine baki hai.
Darasal acadmy ke principale pichle panch salo se dhyan me the wo abhi abhi dhyan se bahar aaye the to acadmy ke bade bujurg se acadmy ka hal chal le rahe the.
Ye log abhi bat kar hi rahe the ki tabhi asman me badal chha gaye aur bhayankar bijli kadakne lagi ye dekh kar dono room se bahar aa gaye tabhi asman me ek bhayankar visphot huya aur ek roushani asman se sidhe niche aa gayi ye dekh kar principale jo bahut ascharya huya aur wo badbadate huye bole.
Principal- Yyyye tttto swarg ka ashirwad hai.
Principale ke bat ko sun kar bade bujurg ne confusion me unse puchhe.
Bade bujurg- mafi chahunga principale lekin mai samjha nhi ye swarg ka ashirwad kya hota hai.
Bade bujurg ke bat sun kar principale apne charo taraf aise dekhte hai jaise koi unka bat sun to nhi liya fir bade bujurg se bole.
Principale- Hame yaha bat nhi karni chahiye chalo pahle room me chalte hai.
Iske bad dono waha se room me aa gay room me aane ke bad principale ne pure room par ek shield chadha diya jisse unke bato ko koi sun na sake.
Fir room ko achhe tarah se seal karne ke aur ye confirm karne ke bad ki ab unka awaj koi nhi sun sakta hai wo bade bujurg se bole.
Principale- Ha ab tum puchh sakte ho. kya puchh rahe the tu.
Bade bujurg- Mai apse ye puchhna chahta hu ki ye asman se jo raushani niche jamin par giri wo kya thi aur ye apne abhi jo swarg ke ashirwad bola wo kya tha.
Principale- apne kabhi supreme yodha ke bare me suna hai.
Bade bujurg- Nhi mainr ye name kabhi nhi suna.
Principale- To fir suniye supreme yodha wo hote hai jo devtao dwara chune jate aisa lagbhag hajar salo ek ak bar hi hota hai.
Supreme yodha ko swarg ka ashirwad hota hai jo supreme yodha hota hai use is duniya me devtao ke alwa koi nhi hara sakta.
Aisa ye yodha sadiyo me ek bar kisi mahtavpurn karya ko karne ke liye jamn leta hai.
Aur agar ek supreme yodha apni Puri shaktiyo ko nhi pa leta hai tab tak use kali shaktiyon se katra rahta gai.
Kyuki ek kali shakti wala dharak aise supreme yodha ki takat ko sokh kar is bhramhand ke sabse shaktishali yodha ban sakta hai.
Isliye ye bat yad rakhiyega manavta ke liye is supreme yodha ko hamare sath hona jaruri hai.
Aur jaha tak ki mujhe lag raha hai ab tak kali shaktiyon ko bhi ye pata chal gaya hoga ki supreme yodha is abisiya planet me apne pahle shakti ko prapt kar liya hai.
Isliye ab hame savdhani se us supreme yodha ko khoj kar yaha is acadmy me Lana hoga aur uski suraksha karna hoga jabtak ki wo apne sare shaktiyo ko pa na le.
Bade bujurg- Tab to ye bahut hi confidential bat hai hame ye bat sirf apne biswas patra ko hi batana hoga aur mai apse ye wada karta hu chahe wo supreme yodha kahi bhi ho mai use apne academy me jarur lekar aaunga aur uski surksha sunischit karunga.
Principale- abhi pravesh pariksha me 15 mahina samay hai aap ek kam kariye is abisiya planet ke sare samrajyon me apna admi bhej dijiye aur pravesh pariksha ke liye unhi sahro me exam rakhiye mujhe jaha tak ye lagta hai ki wo supreme yodha jo bhi ho wo pravesh pariksha men bhag jarur lega.
Bade bujurg- Thik aap jaise kah rahe waisa hi hoga.
Iske bad bade bujurg apne kuchh sikshako ko bulate hai aur unhe kuchh kam samjhate hai iske bad sare sikshak waha se nikal jate hai.
Idhar us ghati me mujhe ab hosh aa gaya tha hos me aane ke bad mujhe apne sharir me kuchh badlav jaisa lag raha tha mera sharir pahle se jyada majbut ho gaya tha.
Ab mai kisi bhi srijankar rank ke advance level ke yodha ka war sidhe apne sharir par le sakta tha aur us war se mujhe thoda bhi nuksan nhi hota.
Mera dimag bhi pahle jyada viksit ho gaya tha ab mera sochne aur samjhne ki shakti badh gayi thi mai abhi apne aap ko jache ja raha tha ki tabhi mujhe surya ke awaj sunayi di.
Surya- Mubarak ho Rohan tumne kar dikhaya tum daksh rank ke supreme level hasil kar liya tum supreme yodha ke pahle padao ko par kar liya.
Aaj kayi sadiya bad is abisiya planet par ek supreme yodha ka utpan huya hai.
Tumko supreme yodha ke pahle padao par jane ke karan devtao ku kuchh shaktiya mili hai.
Tumhare pahle padao ka pahla shakti hai divya dristi aur photo copy memory jisse tum kisi bhi chij ke ashudhiya aur galtiya dekh sakte ho tum apne divya dristi ko activate kar ke tum apne dusmano ki kamjori bhi dekh sakte ho jisse tumhe yudh me bahut kam aayega in divya dristi ke aur bhi bahut se fayde hai jo tumhe aage chal kar pata chalega.
Aur photo copy memory se tumhe koi bhi kitab taknik naksha jo bhi bas ek bar dekhne se hi tumhare dimag me store ho jayega.
Aur ek bat yad rakhna tumhare pass jitni hi shaktiya aayegi tumhara dusman utna hi jyada honge.
Ab tumhe savdhan rahne ki jyada jarurat kyuki tumhare pichhe buri shaktiyan jarur aayegi aur tumko in sab se bachane ke liye apne supreme yodha hone ki sachayi tumko sabse chhupa ke rakhne rakhne honge.
Mai tumhe ek taknik deta hu is taknik ka abhyas achhe se kar lo aur ye taknik tumhe apne supreme yodha ke urja aur shaktiyo ko chupane me madad karegi.
Iske bad surya ne mere dimag me ek taknik bheja aur fir mai uska traning karne laga.
Zabardast
Rohan ne ker dikhaya bahot badhiya woh kehte h na Jo Banda sachche Dil SE kisi cheej paane ki koshish karega ooper wala use zaroor dega
Ab bas Rohan ko apne dushmano se bachna h jab tab woh poori tarah se saare padao Paar na kerke
Badhiya zabardast shaandar lajawab update
