Fantasy HERO NO. ZERO
- Thread starterTHE ZERO
- Start date
- 63,339
- 204
- 496
- 64
- 204
- 496
- 64
- 204
- 496
- 64
- 204
- 496
- 64
- 204
- 496
- 64
Update 20
RecapApne abhi tak padha ki Rohan sare dushmano ko khatam karne ke bad apne baba ke sath Ghar aa jata hai.
Rohan ko sahi salamat ghat wapas lautate dekh kar Shreya aur rohini bahut khus hoti hai aur khusi ke chalte rone lagti hai.
Fir Rohan se puchhte hai ki wo itna din se bina bataye kaha gayab ho gaya tha aur uske pass itna shakti kaise aa gaya to Rohan unlogo ko khud ka banaya huya ek jhuthi kahani suna deta hai jise sun kar unlogo ko uspar biswas ho jata hai.
Idhar jo mehra pariwar ka elder bach kar bhag gaya tha wo mehra pariwar ke bache aur aurato ko lekar kahi aur chala jata hai aur kasam khata hai ki ek na ek din wo rayjada pariwar ko nast jarur karega.
Rayjada pariwar me Rohan apne baba ko 20 srijankar goli deta hai aur goli ko pariwar ke yodha me pratiyogita ke madhyam se batne ke liye bolta hai.
Fir Rohan shreya ko bhi ek fal deta hai jisse uski shakti aur badh sake aur wo srijankar rank ke medium level par pahuch sake fir Rohan apne ring se ek rank 3 ke bijli mul ka taknik nikalta hai aur Shreya ko deta hai.
Aab aage
Mai apne ring se ek bijli mul kar taknik nikal kar Shreya ko deta hu jab shreya us taknik ko dekhti hai to chauk jati hai kyuki wo rank 3 ka taknik tha jiska name lighting sparrow tha.
Shreya- Ye ye to rank 3 ka taknik hai ye taknik tumhare pass kaha se aayi.
Mai- Ye taknik mere pass kaha se aayi ye sab chhodiye aur ye bataiye ki ye apko chahiye ya nhi aur agar apko ye chahiye to ab koi sawal nhi aap chup chap jakar iska abhyas kijiye.
Shreya- ha ha mujhe ye chahiye lekin mujhe ye janna hai ki ye tumhare pass kaha se aaya kyuki ye taknik bahut shaktishali hai aur rank 3 ka bhi hai.
Ye taknik tumko aise rah chalte to nhi mila hoga na ab tum chup chap ye batao ki ye tumhare pass kaha se aaya.
Mai- Ye taknik maine un sidh purush se hi manga tha kyuki mai janta tha ki apka mul shakti bijli hai is liye maine unse manga aur wo mujhe de diye.
Shreya- Woh to aisa hai tum ye bat pahle nhi bata sakte the.
Mai- Thik hai mujhe galti ho gayi jo maine apko pahle nhi bataya ab maf kar do.
Fir maine wo taknik ka kagaj shreya ke hath me rakh kar apne room me chala gaya aur dhyan lagane laga tabhi mujhe surya ke awaj sunayi di.
Surya- Rohan tum yaha is ghar me practice ya dhyan nhi laga sakte kyuki yaha tumhare aura se sab jan jayenge ki tum koi aam yodha nhi ho isliye tumhe practice karne ke liye ek aisi jagah dekhna hoga jaha koi aata jata na ho.
Mai- Ha ye bat to hai mere aura aam yodha se hatkar hai aur log mere aura ko dekh kar samajh jayenge ki mai koi aam yodha nhi hu aur isse mere pariwar par khatra bhi aa sakta hai.
Mujhe koi secret jagah dekhna hoga... Ek minut mujhe ek jagah ke bare me pata hai wo jagah pass ke hi jangal me hai waha koi aata jata bhi nhi hai.
Mai waha practice bhi kar lunga aur apne dawa banane ka skill bhi sudhar lunga.
Surya- Thik hai chalo pahle aaj waha chal kar us jagah ko dekh lete hai aur usko practice karne layak bana dete hai ham kal se hi waha traning start kar denge.
Mai- Thik hai to chaliye..
Iske bad mai shreya ko bata kar ki mai bahar ghumne jaa raha hu aur waha se sidha jangal ki or nikal jata hu.
Jangal me pahuchane ke bad kuchh dur tak aise hi chalne ke bad akhir kar mai ek aisi jagah par pahuchta hu ja par ek talab tha aur us talab ke charo taraf bahut tarah ke phal ful aur aushdhiya lage huye the.
Yaha par koi aata jata nhi tha kyuki ye jagah jangal ke bicho bich tha aur ye jagah charo taraf se jhadiyo se gira huya tha is liye yaha par kisi ki abhi tak najar nhi padi thi is liye yaha aneko prakar ke phal ful aur aushdhiyo ke ped the jise khane pine aur dawaiya banane me upyog laya ja sakta tha.
Mai ek bar jangal me ghum raha tha ki achanak mere upar ek jangali janwar ne hamla kar diya tha aur mai usi jangali janwar se bachte bachte is jagah par pahuch gaya tha.
Mai waha pahuch kar pahle jhadiyo ko kat kar us jagah par aane jane ka rasta banaya aur fir us talab ke pass chala gaya us talab ke pass ek chhota sa pahad bhi tha aur us pahad me ek gufa bhi tha kul mila kar ye jagah dhyan lagane ke liye achha tha.
Fir mai us gufa me gaya aur fir waha par dhyan lagane ke liye saf safayi kiya fir kuchh fal tod kar waha baith gaya aur khane laga tabhi surya bhi breslet se insani rup me badal gaya aur waha charo taraf ghum kar dekhne laga.
Surya- ye jagah to dhyan lagane ke liye bahut achha hai lekin yaha par spritual urja thoda kam hai lekin koi bat nhi mai yaha ek formation laga de raha hu jo yaha aas pass se spritual urja khich kar ekkatha kar lega fir jab tum dhyan lagaoge to tumhe spritual urja ki kami nhi hogi.
Mai- wo sab to thik hai lekin Ye formation kya hota hai aur isse urja kaise ikkatha hoga.
Surya- Kya sach me Tumhe Formation ke bare me kuchh bhi pata nhi hai.
Mai- Ha mujhe formation ke bare me kuchh pata nhi hai.
Surya- Thik hai to mai tumhe batata hu ki formation kya hota hai.
Jis tarah chemist ek pesha hai waise hi formation bhi ek pesha hai.
Formation se tum kisi ko kaid kar sakte ho mar sakte ho bhram me dal sakte ho jaha par urja nhi hai waha formation ke madad se urja ikkatha kar sakte ho aur formation se tum kisi chij ko chupa bhi sakte ho.
Mai- Wo to formation ka kam ye hota hai ye to bahut achha pesha hai mujhe bhi ise sikhna hai.
Surya- Thik hai sikh lena lekin pahle tum chemist to achhe se sikh lo jab tum rank 2 tak ke dawa banane lagoge tab mai tumhe formation ka kuchh formula pakda dunga jisse tum rank 5 tak ka formation bana sakoge lekin rank 5 tak ka formation babane ke liye tumhe samrat rank ke advance level par hona chahiye nhi chahiye.
Jaise jaise formation ka rank badhega waise waise tumhari shakti bhi badhna chahiye nhi to tum formation nhi bana sakoge.
Abhi tum srijankar rank ke medium level par ho to abhi tum rank 2 tak ka hi formation bana sakoge aise hi chemist me bhi hoga tumhe rank 3 ke goli banane ke liye srijankar rank ke advance level par hona chahiye.
Mai- Mai samajh gaya ab mai sabse pahle apna rank badhaunga iske bad hi formation sikhunga.
Surya- Ha ye sahi socha tumne.
Iske bad waha par thodi der dhyan lagata hu fir waha se Ghar wapas aa jata hu.
Aaj mujhe ghar aaye huye do din ho gaye the idhar baba ne bhi sari jadi butiyon ka bewastha kar liye the fir baba ne wi sare jadi butiyon ko mujhe dete huye bole.
Birendra- Rohan ye jadi butiya maine bahut mehant se dhundhi hai tumhe biswas hai na ki tum wo dawaiya bana loge.
Mai- Agar mujhe Biswas nhi hota to mai apko kabhi bolta hi nhi aap befikra rahiye wo dawa apko mai bana ke de dunga.
Birendra- Tumhe khud par Biswas hai to achha hai waise kitne din me ban jayenge kyuki tumhare kahe anusar maine ye ghoshana kar di hai ki thik 10 din bad ek pratiyogita ka aayojan kiya jayega jisme sunya rank aur daksh rank ke yodha ko bhag lena hoga.
Aur meri ye ghosna sun kar sare yodha jor sor iska taiyari bhi kar rahe hai.
Mai- Baba mai apse ye wada karta hu ki pratiyogita se pahle hi apko sari dawaiya mill jayegi.
Itna bol kar mai waha se apne room me chala jata hu aur rest karne lagta hu.
Dusre din subah jagne ke bad mai baba me pass gaya aur unse sari jadi butiyon liya aur apne storage ring me dal diya iske bad mai baba maa aur Shreya ko bol kar jangal me chala aaya.
Jangal me aane ke bad mai sidha usi talab ke pass aa gaya aur waha bane us gufa ke andar chala gaya waha jane ke bad mai dhyan lagane ke liye baith gaya.
Aise hi mujhe dhyan karte huye pura din nikal gaya jab mai dhyan se utha to dekha ki sham hone wali thi to maine waha se kuchh fal thode aur use kha kar apna bhukh mitaya aur talab se pani piya iske bad fir se wahi gufa me aa gaya aur apne storage ring se ek kadahi nikala ye kadahi mujhe wahi ghati me mila tha.
Mai us kadahi ko apne samne rakha aur fir mai aag jalane ke bare me sochne laga tabhi surya mere samne prakat huya mai surya ko dekh kar bola.
Mai- Surya Bhai mai dawa banane ke liye ye kadahi to nikal liya lekin mai isme aag kaise jalau.
Surya- jabtak tumhe agni chakra nhi mil jata tab tak tumhe apne andruni shaktiyo se aag jalana hoga.
Mai- Andruni shakti se aag kaise jalega.
Surya- Mai tumhe ek mantra deta hu is mantra se tum apni andruni shakti se aag utpan kar sakte ho leikn ye aag ka use sirf dawa banane ke liye hi kar sakte ho tum us aag se kisi par war nhi kar sakte aur is aag se jo dawa tum banaoge wo agni chakra ke aag se jo dawa banega usse Kam prabhav shali hoga.
Mai- Thik hai mai samajh gaya ab tum mujhe wo mantra batao.
Surya- Andruni shaktiyam aagney prakatam.
Yahi wo mantra hai ab tum is mantra ka prayog kar ke aag jalane ke kosish karo.
Aur ha jab aag jal jayega to use apne andruni shakti se kabu karna.
Mai- Thik hai.
Iske bad mai us mantra ka prayog kar ke aag jalane ki kosish karne laga bahut muskil ke bad maine aag ka ek chhota sa low jala paya.
Surya- Bahut achha ab tum us low me apne andruni shakti ko dal kar dhire dhire ise bada karo.
Dhyan rakhna ki tumhe is low me andruni shakti ko aisa dalna hai ki ye na kam ho aur na hi jyada ho.
Maine jaisa surya bola waisa hi karne laga dhire dhire maine apne andruni shakti ko us low me dalne laga wo low dhire dhire bada hone laga.
Jab wo low bada ho gaya to fir mai us low ko kabu karte huye kadahi me dal diya aur kadahi ko garam karne laga.
Thodi der me jab wo kadahi garam ho gaya to surya ne bola.
Surya- kadahi garam ho gaya hai ab tumhe dawa banana suru kar dena chahiye aur ha sabse pahle tumhe shaktivardhak pay banana chahiye kyuki ye rank 1 ke dawa hai.
Pahle tum apne anguthi se shaktivardhak pay ka formula nikal kar achhe se padh lo aur fir us formula ke anusar hi dawa taiyar karo.
Jaise jaise surya bolta gaya mai waise hi karte gaya sabse pahle mai apne anguthi se shaktivardhak pay ka formula nikala aur use achhe se padh liya.
Fir us dawa ko banane ke liye jo jo jadi buti lagta usko alag kiya aur fir sare jadi buti ko kadahi me dal diya aur use nikharane laga.
Thodi der tak jadi butiyon ko nikharate raha lekin mujhse yaha ek galti ho gayi mujhe yaha aag ko kabu kar ke rakhna tha lekin mere galti ke karan aag thoda tez ho gya aur sari jadi butiyan jal kar rakh ho gayi.
