Thriller Humbug The Great

[syed arshad]

Page 5

To hamla Safdar par hua hai...Lekin kisne aur kyu?
Dusti taraf Imran ki ye haalath...Imran ko jitna bhi jaanta hun usse to yahi lagta hai ki Imran acting kar raha hai.

Dekhte hai aage kya hota hai...Ye story bhi interesting lag raha hai.

Atul Bhai
Safdar Par Humla Kiss Ne Kiya Tha Aur Kyun Yeh Bhi Aage Pata Chal Jayega....
Aur
Imran Acting Kar Raha Hai Ya Sachme Uski Halath Aisi Ho Gayi Hai Wo Imran Hi Behtar Jaanta Hai

 

[syed arshad]

amazing update hai arshad bhai,
imran ne to rahman sahab ko bhi rula diya hai,
vahi safdar kubra se jaan pehchan karne mein laga hua hai,
ab dekhte hain ki aage kya hota hai

Aman Bhai
Sachme Imran Ne Is Baar Rahman Sahab Ko Bhi Rula Diya

 

[syed arshad]

Great update bhai...


Humbug ki to entry ho gayi..
Ab yeh katey huay munh wala kon hai..
Mujhey to imran hi lag raha hai...ho sakta hai makeup me ho..
Yaa phr koi new character ho...
Yeh to aagey hi pata chaley ga...
Safdar ki jaan Allah Allah kar ke hi bachi hai...mujhey laga tha khoob patai ho gi aur yeh bhi hospital jaye ga

Gm Bhai
Kate Hue Muh Wala Kaun Hai Iska Andaaza Karna Mushkil Hi Hai...
Aur
Safdar Ki Jaan Is Bach Gayi Aage Safdar Koobdhe Ki Jaan Bachayega Yeh Agle Update Mein Pata Chal Jayega Ke Kaise

 

[syed arshad]

Aakhri Jhula De Kar Unhone Safdar Ko Chhod Diya....!


Pachaak....Safdar Ne Apne Geerne Ki Awaaz Suni....
Aur
Fir....Wo Daldal Mein Dhansta Chala Gaya....Is Thandi Raat Mein Wo Barf Hi Ki Daldal Maalum Ho Rahi Thi....Badkhat Tamaam Wo Apna Sar Bacha Sakha....Kohniyan Thons Zameen Par Teek Gayi....Daldal Gehri Nahi Thi....Ho Sakhta Hai Kisi Talaab Ka Kinaara Hi Raha Ho....!


Jaan Mein Jaan Ayi....
Varna
Wo To Samjha Shayad Ab Wo Use Zibaah Hi Kar Denge....
Fir
Kahan Ka Ghussa....
Aur
Kahan Ki Jhallahat....Uske Raundhe Hue Halaq Se Ek Tez Qism Ka Khahekhaha Azaad Hua....Jiss Mein Bechaargi Bhi Shaamil Thi....
Aur
Ghair Umeed Taur Par Jaan Bach Jane Ki Khushi Bhi....!


Shabaash....Dur Se Humbug Ki Awaaz Ayi....Zaroor Chaloge....Ghussa To Nahi Aya Mujh Par....?
Fir
Gaadi Start Hone Ki Awaaz Ayi....!
______________________________________________________________________________

Khabar Sansani Thi....
Aur
Ghaliban Har Roznaame (Dainik) Mein Chapi Thi....!


Captain Fayaz Ne Bhi Use Dekha....
Aur
Lambi Saans Li....Wo Naashte Ki Mez Par Tha....Chai Khatm Kar Ke Cigarette Sulgayi....!


Phone Hai Sarkar....Ek Mulaazim Ne Aa Kar Ittela Di


Fayaz Bura Sa Muh Banaye Hue Uth Gaya....!


Uski Biwi Kahe Rahi Thi....Kisi Waqt Sukoon Nahi Milta....!


Fayaz Phone Wale Kamre Mein Aya....Hello....!


Dusri Taraf Rahman Sahab Ki Awaaz Sun Kar Chahre Ka Rang Udh Gaya....!


Yeh Kya Hua Bhai....? Unhone Ne Narm Lahje Mein Pucha


Kya Arz Karu Janab....Pichli Raat Zero-Road Se Guzar Raha Tha....
Achanak
Pichla Tyre Burst Ho Gaya....Gaadi Rokni Padhi....
Fir
Utra Hi Tha Ke Teen-Chaar Aadmi Bekhabri Mein Toot Padhe....Dusri Baar Hosh Mein Aane Par Khud Ko Civil Hospital Mein Paya Tha....500 Rupiye Jeb Mein The Jin Ka Pata Nahi....!


Chont To Nahi Ayi....?


Isi Par To Hairath Hai Janab....Fayaz Ne Bharrayi Hui Awaaz Mein Kaha....Pata Nahi....Main Kaise Behosh Ho Gaya Tha....Doctors Ka Kehna Hai Ke System Par Kisi Khwaab Avar Cheez Ka Asar Bhi Nahi Maalum Hota....Kya Yeh Mumkeen Nahi Janab Ke Akhbaaron Par Kuch Paabandiyan Laga Di Jaye....!


Kaisi Paabandiya....?


Police Ke Mutaleekh (Sambhandit) Aisi Khabrein Na Chaapi Jaye....Isse Police Ki Badnaami Hoti Hai....!


Khayal Thik Hai....Koshish Ki Jayegi....!


4 Baje Maine Civil Hospital Mein Halkhe (Area) Inspector Ko Is Waqiye Ke Mutaleekh Bataya Tha....
Aur
Subaah Ke Roznaame Mein Dekh Li Jiye....Aisa Maalum Hota Hai Jaise Yeh Khabar Badi Ahem (Important) Rahi Ho....!


Huh....Aisa Na Hona Chahiye....!


Main Abhi Khud Hi Haazir Hone Wala Tha....!


Koi Khaas Baat....?


Jee Haa....Wo Dekhiye....Mera Khayal Tha Ke Maartha Ka Taalooq Mrs Phatakiya Se Bhi Raha Ho....


To Fir....?


Pichli Raat Main Isi Ke Mutaleekh Chaan-Been Kar Raha Tha....
Lekin
Koi Aisa Saboot Nahi Mil Sakha....Matlab Yeh Ke Maartha Ka Mrs Phatakiya Se Kisi Qism Ka Taalooq Nahi Sabeet Ho Sakha....!


Khair....Chhodo Ise....
Agar
Mumkeen Ho To Yahin Chale Aao....Wo Kambakht Dard-E-Sar Ban Kar Rahe Gaya Hai....!


Abhi Haazir Hua Janab....Fayaz Ne Itminaan Ki Saans Li....
Aur
Dusri Taraf Se Silsila Cut Hone Ki Awaaz Sun Kar Receiver Rakh Diya....!

 

[syed arshad]

Rahman Sahab Out-House Ke Khareeb Lawn Par Mile....Ghaliban Naashte Ke Baad Chahel-Khadmi Ke Liye Nikle The....!


Maine Is Masle Par Bohath Soncha Hai Fayaz....
Lekin
Aql Kaam Nahi Karti....Rahman Sahab Ne Kaha


Fayaz Kuch Na Bola....!


Rahman Sahab Kahte Rahe....Wo Khud Ko Film Director Samajhne Laga Hai....Pata Nahi....Kin-Kin Uth-Pataang Filmo Ke Naam Le Kar Kehta Hai....Ke Wo Meri Direct Ki Hui Hai....!


Dekhiye Kab Yaadaasht Wapas Aati Hai....Fayaz Ne Masoom Si Surat Bana Kar Thandi Saans Li....Is Waqt Wo Bohath Mazaaqiya Khaiz Lag Raha Tha....!


Rahman Sahab Ne Ghoor Kar Dekha....Wo Aur Baukhlahat Mein Mubtela Ho Gaya....!


Main Darasal Us Tasveer Ke Mutaleekh Bhi Sonch Raha Hu....Rahman Sahab Ne Kaha


Arey....Wo Kuch Nahi....Pata Nahi....Kya Qissa Raha Ho....Fayaz Jaldi Se Bola


Nahi....Main Mutamayeen (Santusht) Nahi Hu....!


Fayaz Ne Fir Sambhaal Liya....
Aur
Chahre Par Sheekan Daal Kar Fikrmand Lahje Mein Bola....Jee Haa....Yeh Baat Samajh Mein Nahi Aati....Film Director Samajhne Lage Hai Khud Ko....Mera Khayal Hai Ke Unhe Filmo Se Kabhi Dilchaspi Nahi Rahi....
Aur
Na Hi Kabhi Maine Unhe Fimi Qism Ke Logon Ke Saath Dekha Hai....!


Isse Kuch Nahi Hota....Aise Cases Mein Amuman Sahi Al-Dimaagh Ke Hawai Qeele Bhi Kaar Farma Hote Hai....Ho Sakhta Hai Wo Filmi Zindagi Se Apni Waabastagi Ke Mutaleekh (Sambhandit) Hawai Qeele Banata Raha Ho....!


Soncha Bhi Nahi Jaa Sakhta Janab....Filmi Zindagi Ke Mutaleekh Hawai Qeele....


Namumkeen Nahi Hai....
Albatta
Kisi Aadmi Ko Samajhna Bohath Mushkil Kaam Hai....Main Ek Aise Intehai Daulatmand Aadmi Ko Jaanta Hu Jo Apne Tailor Master Hone Ke Mutaleekh Hawai Qeele Banaya Karta Hai....Yaqeenan Hansne Ki Baat Hai....
Lekin
Wo Isi Qism Ke Hawai Qeele Banata Hai....!


Khuda Jane....Fayaz Ne Fir Thandi Saans Li


Rahman Sahab Ne Coat Ki Andruni Jeb Se Ek Kunji (Key) Nikaali....
Aur
Use Fayaz Ki Taraf Badhate Hue Bole....Yeh Rahi Uske Kamre Ki Kunji....
Lekin
Yeh Mujhe Hi Wapas Milni Chahiye....Jaa Kar Dekho....Mumkeen Hai Tum Hi Kuch Kaaraamad Sabeet Ho Sakho....!

 

[syed arshad]

Fayaz Ne Kuch Aise Andaaz Mein Kunji Sambhali Jaise Yeh Uske Liye Bohath Azaaz (Honor) Ho....
Fir
Imran Ke Kamre Tak Ba-Asaani Pahunch Gaya....!


Khufal (Lock) Mein Kunji Ghoomayi Hi The Ke Andar Se Badi Pur-Waqar Awaaz Ayi....Yes Come-In....!


Darwaaza Khula....Imran Is Tarah Mez Par Baitha Kaam Karta Nazar Aya Jaise Kisi Firm Ka Manager Apne Alag-Thalag Office Mein Koi Bohath Hi Ahem Kaam Sar-E-Anjaam De Raha Ho....!


Fayaz Darwaaza Bolt Kar Ke Muskurata Hua Uski Taraf Badha....!


Tashreef Rakhiye....Imran Ne Saamne Rakhi Hui Kuris Ki Taraf Ishaara Kiya....
Aur
Haath Milata Hua Bola....Farmaiye....Main Kya Kheedmat Kar Sakhta Hu....!


Fayaz Khamoshi Se Baith Gaya....
Aur
Badi Sanjheedgi Se Use Ghoorta Raha....!


Kuch Farmaiye Bhi Janab....Imran Ne Uktaye Hue Lahje Mein Kaha....Main Bohath Mashghool Aadmi Hu....!


Maartha Ka Qatl....Fayaz Uski Aankhon Mein Dekhta Hua Badhbadhaya


Ooohh....To Aap Story Writer Hai....Imran Ne Sanjheedgi Se Kaha....
Lekin
Afsos Hai Mister Ke Hum Jasoosi Film Nahi Banate....Koi Samaaji Kahani Laiye....!


Kisi Ne Maartha Se Romaan (Romance) Bhi Ladhaya Tha....!


Koi Farq Nahi Padhta....Jasoosi Kahani....Jasoosi Hi Rahegi....Chahe Jitna Romaan Ladhaya Jaye....Koi Samaaji Islaahi (Sudhaar) Kahani Laiye....Gharelu Kahani Aaj-Kal Khoob Chalti Hai....Likhte-Likhte Aisi Kahaniyan Bhi Likhiye....Acha....Main Idea Deta Hu....Aap Use Develop Kar Li Jiye....!


Dono Ne Tasveer Bhi Saath Khinchwayi Thi....!


Meri Khaal Bhi Khinchwayi Thi....Imran Jhallahat Mein Mez Par Haath Maar Kar Bola....
Aur
Aap Ki Aql Mein Bhoosa Bharwaya Tha....Aap Meri Baat Kyun Nahi Sunte....Kahe Diya Ek Baar Ke Idhar Jasoosi Kahani Nahi Chalegi....!


Wo Tasveer Mere Haath Lag Gayi Hai....Fayaz Muskuraya


Chapraasi....Imran Ghanti Par Maar Kar Dahaada


Yeh To Bilkul Nahi Chalegi Pyare....Fayaz Ne Baayi Aankh Daba Kar Kaha


Ooo....Oooo....Khamosh Raho....Imran Daant Pees Kar Mukka Dikhata Hua Bola


Achi Baat Hai....Fayaz Ne Thandi Saans Li....Chaliye....Bataiye Idea....Main Develop Kar Lunga....!


Imran Ne Pahle To Saqti Se Honth Par Honth Jama Liye....
Fir
Bola....Gharelu Tasveer Ke Liye Ek Bilkul Hi Naya Idea Hai Mere Zahen Mein....!

 

[syed arshad]

Ek Beek Kisi Ne Darwaaze Par Dastak Di....
Aur
Imran Silsila Jaari Na Rakh Sakha....!


Fayaz Ne Uth Kar Darwaaza Khola....!


Begum Rahman Saamne Khadi Thi....!


Fayaz Ne Bade Adab Se Salaam Kiya....!


Wo Andar Chali Ayi....
Lekin
Fayaz Ko Khoonkhaar Nazron Se Ghoorti Rahi....!


Ab Batao....Wo Kuch Der Baad Boli....Kaun Bana Hai Iski Barbaadi Ka Baees....!


Main Nahi Samjha Begum Sahiba....Fayaz Gidhgidhaya


Tum Ise Apne Saath Le Jaya Karte The....!


Magar....Yeh To Film Director Ho Gaye Hai Begum Sahiba....Maine Kabhi Film....


Fizool Baatein Na Karo....Wo Kamzor Si Awaaz Mein Boli


Baith Jaiye....Baith Jaiye....Fayaz Jaldi Se Kursi Khiskata Hua Bola


Tashreef Rakhiye Nek Dil Khatoon....Imran Ne Nihayat Hi Adab Se Jhuk Kar Kaha....
Fir
Fayaz Se Bola....Hospital Mein Inka Wajood Baees Rehmath Hai....!


Tum Chup Raho....Begum Sahiba Ne Use Daant Diya....
Aur
Fayaz Se Boli....Ab Itna Karo Ke Ise Yahan Se Kahin Aur Le Jao....
Varna
Wo Ise Zinda Na Rahne Denge....Begum Sahiba Ki Awaaz Bharra Gayi


Doctor Sahab Ka Tazkara Hai Shayad....Imran Ne Aankhein Nikaal Kar Kaha....Oohh....Khuda Ki Panaah....Aisa Aadmi Aaj-Tak Meri Nazar Se Nahi Guzra....Doctori Bhi Karenge.....
Aur
Hero Bhi Banenge....Main Kehta Hu....Kisi Assisstant Ki Fim Mein Jalau Ke Role Mein Chala Dunga To....Maarne Ko Daudte Hai....Aap Khud Sonchiye Janab....Is Umar Ka Hero....Huh....!


Chup Raho....Begum Sahiba Ne Fir Daanta


Aap Kahti Hai To Chup Hi Rahunga....Imran Ne Bebasi Se Kaha
Aur
Sadathmand Andaaz Mein Sar Jhuka Liya....!


Unhone Tumhe Yahan Kyun Bheja Hai....Begum Sahiba Ne Fayaz Se Pucha


Unka Khayal Hai Ke....Yeh Hazrat....Fayaz Ne Jumla Adhura Hi Chhod Diya


Haa....Haa....Yeh Ban Raha Hai....Yahi Khayal Hoga....Khuda Aise Jallaadon Ko Aulaadein Kyun Deta Hai....!

 

[syed arshad]

Thik Usi Waqt Jab Yeh Guftgu Ho Rahi Thi....Lawn Par Joseph Suraiya Ke Saamne Haath Jodhe Gidhgidha Raha Tha....!


Missy....Main Mar Jaunga....Khuda Ke Liye Boss Ki Sirf Ek Jhalak Dikha Do....Maine Teen Din Se Unhe Nahi Dekha....Rahem Karo Mere Haal Par....!


Agar....Unhone Fir Tumhari Maramat Shuru Kar Di To....!


Iski Fikr Na Hi Karo Missy....Wo Mujhe Maar Hi Kyun Na Daale....
Lekin
Main....Bas....Khuda Ke Liye Mujhe Unke Paas Jane Ki Ijaazat Dilwa Do....!


Daddy Mujhe Bhi Shoot Kar Denge....Nahi....Yeh Mumkeen Nahi Hai....Tum Apni Kothri Hi Mein Jao....Suraiya Ne Kaha....
Aur
Use Wahin Chhod Kar Andar Chali Ayi....!


Yahan Imran Captain Fayaz Se Ulajh Padha Tha....
Aur
Begum Sahiba Uth Kar Apne Kamre Mein Chali Gayi Thi....!


Suraiya Ne Fayaz Ko Imran Ke Kamre Mein Dekha To Uska Khoon Bhi Josh Khane Laga....
Kyun Ke
Uski Samajh Mein Bhi Imran Ko Ghalath Raahon Par Daalne Wala Yahi Tha....!


Wo Kamre Se Nahi Gayi....!


Imran Fayaz Se Kahe Raha Tha....Haa....Mazhabi Filmo Ka Idea Bhi Bura Nahi Hai....
Magar
Qism Ke Directors Mazhab Ki Bhi Matti Paleed Kar Dete Hai....
Aur
Film Ki Bhi....Haal Hi Mein Ek Film Dekhi Thi Maine....Jiss Ke Baadshah Salaamat Ghair Khaumon Ke Sardaron Ko Apne Darbar Mein Dawath De Kar Tableegh (Preaching) Kiya Karte The....Oooffooo....Unki Taqreer Ka Andaaz....Bilkul Aisa Hi Maalum Hota Hai Jaise Kisi Footpathi Hakeem Majhma (Bheedh) Jamaye Soorma Bech Raha Ho....!


Magar....Main To Maartha Hi Ki Kahani Filmaunga....Fayaz Ne Kaha


Tum Meri Taraf Se Jahannum Mein Jao....
Aur
Kaala Patthar Filmao....!


Maartha Ki Ek Saheli Bhi Thi....Jiss Se Mujhe Ek Aisi Tasveer Mili Hai....Ke....


Thahero....Dost....Imran Haath Utha Kar Bola....Main Sun Lunga Kahani....
Lekin
Kuch Advance Liye Baghair Kahani Nahi Sunaya Karte....Samjhe....Farz Karo Main Sun Lu Tumhari Kahani....
Aur
Kahe Du Ke Yeh Nahi Chalegi....Pasand Nahi Ayi....
Aur
Fir....Yeh Kahani Khud Hi Likh Kar Chala Du To Mera Kya Bigaadh Loge....Bolo....Salaam Alaikum....!


Main Yaqeen Nahi Kar Sakhta Ke Tum Apni Yaadaasht Kho Baithe Ho....!


Yeh Idea Bhi Puraana Ho Chuka Hai....Kayi Filmein Ban Chuki Hai....Yaadaasht Kho Baithne Ke Mauzoo (Topic) Par....!


Badi Mushkilaat Mein Phansne Wale Ho....Sambhal Jao....Fayaz Aankhein Nikaal Kar Bola


Tum Zameen Mein Dhansne Wale Ho....Nikal Jao....Imran Ne Aagha Hashr Style Mein Karaah Lagayi


Rahman Sahab Bohath Pareshaan Hai....Tum Samajhte Kyun Nahi....!


Imran Ghanti Par Haath Maar Kar Dahaada....Chapraasi....Sahab Ko Utha Kar Sadak Par Pahuncha Do....!


Ghanti Der Tak Bajti Rahi....
Aur
Fayaz Be-Neel-O-Maram Wapas Hua....Yeh Sab Kuch To Tha Hi....
Lekin
Haqeeqat Yeh Thi Ke Fayaz Ka Zahen Us Khauffnaak Chahre Wale Aadmi Mein Uljha Raha Tha....Kaun Tha....?
Aur
Uske Behosh Ho Jane Ke Baad Usne Gaadi Ka Ek Tyre Burst Kyun Kar Diya Tha....Tyre Burst Karne Ka Maqsad Uski Samajh Mein Na Aa Sakha....
Aur
Qatl Ki Wajah Kyun Chupana Chahta Hai....Kuch Bhi Ho....Tyre Ka Burst Ho Jana Uske Kaam Hi Aya....Kahani Taraashne Mein Der Nahi Lagi Thi....Wo Darasal Us Pur Israar (Rahassamayi) Aadmi Ke Maamle Mein Mohtaat (Savdhaan) Rehna Chahta Tha....Isi Liye Aisi Kahani Taraashi Thi Ke Uska Hawaala Na Dena Padhe....!

 

[syed arshad]

Dusri Raat Safdar Ne Apni Asli Shakl Mein Koobdhe Ka Picha Shuru Kiya....Use Yaqeen Nahi Tha Ke Wo Make-Up Mein Bhi Pehchaana Jaa Chuka Hai....
Lekin
Filhaal Wo Log Use Zinda Hi Rakhna Chahte Hai....
Agar
Yeh Baat Na Hoti To....Use Pichli Raat Daldal Mein Phenkne Ki Bajaye Kisi Andhere Koovein Mein Dhakel Diya Gaya Hota....!


Koobdha Ek Ghatiya Se Sharaab Qaane Mein Daakhil Hua....
Aur
Safdar Ne Soncha Fir Shaamat Aa Gayi....Udhar Kuch Dino Tak Afeem Ki Goliyon Ka Shauq Karna Padha Tha....
Aur
Aaj....Pata Nahi....Kya Gath Bane....!


Wo Sharaab Nahi Peeta Tha....
Lekin
Yahan Khaali Baithna To Kisi Tarah Bhi Mumkeen Na Tha....
Lehaaza
Majbooran....Koobdhe Ke Khareeb Hi Ki Qabza Kar Ke Use Bear Ki Bottle Talab Karni Padhi....!


Koobdha Apni Mez Par Tanha Tha....Usne Maamuli Hi Qism Ki Sharaab Talab Ki Thi....Uska Huliya To Maamuli Se Bhi Kamtar Tha....Isliye Wo Aala Qism Ki Sharaab Kaise Khareedta....Phata Puraana Coat Tha Jism Par....
Aur
Taangon Mein Sasti Patloon Jhool Rahi Thi....Gale Main Tie Bhi Thi....
Lekin
Aisa Maalum Hota Jaise....Wo Pichli Kayi Pushton Se Sahi Salaamat Guzarne Ke Baad Koobdhe Tak Pahunchi Ho....!

 

[syed arshad]

Koobdhe Ne Do-Chaar Glass Pay-Dar-Pay Chadhaye....
Aur
Mauj Mein Aa Kar Ba-Awaaz Buland Gaane Laga....!

Jab Maine Pi Kar Jhalkayi....Badal Nache Jhoom Ke
Moli Ne Mehfil Jamayi....Aalu Gobi Ki Ban Ayi
Laal Tamatar....Laal Tamatar....Tak Dhana Dheen....Ghoom Ke....
Badhke Beta....Bedhke Beta....Haaye....Haaye....!​

Ek Kone Se Ek Pahelwaan Type Ka Ghoonda Ghunsa Taane Ahista-Ahista Uski Taraf Badhne Laga....Shayad Wo Bhi Nashe Mein Tha....Chalne Ke Andaaz Se Yahi Maalum Hota Tha....
Lekin
Yeh Nahi Kaha Jaa Sakhta Tha Ke Uske Haath-Pair Qaabu Mein Nahi Hai....!


Koobdha Bekhabri Mein Gaata Hi Raha....
Aur
Ghoonda Uske Sar Par Pahunch Gaya....Piche Tha Isliye Koobdha Ab Bhi Bekhabri Mein Tha....!


Achanak Ghoonde Ne Uske Koobdhe Par Zor Ka Haath Raseed Kiya Ke Felt Hat Paishaani Ke Niche Sarak Ayi....Awaaz Halaq Hi Mein Ghoot Kar Rahe Gayi....
Aur
Wo Is Tarah Seemat Gaya....Jaise Momi Mujasmah (Wax-Sculpture) Dabau Padh Kar Pichak Gaya Ho....!


Ghoonda Dahaada....Abay....Yeh Koi Bhater-Qaana Hai....Kyun....?


Koobdhe Ne Ahista-Ahista Gardan Uthayi....
Aur
Fir....Wo Koi Saalkhurdah Saaras Hi Maalum Hone Laga....
Lekin
Wo Saamne Qala (Space) Mein Ghoore Jaa Raha Tha....Is Tarah Ke Putliyan Bhi Jumbeesh Nahi Kar Rahi Thi....Palkein Jhapkana To Dur Ki Baat Hai....!


Ghoonda Badhbadhata Hua Counter Ki Taraf Chala Gaya....!


Safdar Koobdhe Ko Ghoore Jaa Raha Tha....!


Ek Beek Koobdha Uchal Kar Khada Ho Gaya....
Aur
Counter Ki Taraf Mudh Kar Goonjili Awaaz Mein Cheekha....Kaun Tha....? Ab Saamne Aye....Ma-Badaulat Wapas Aa Gaye Hai....Humbug The Great....!


Aas-Paas Ke Mezon Se Khahekhahe Buland Hue....
Lekin
Koobdha Usi Andaaz Mein Tana Khada Raha....Jism Mein Is Tarah Zabardasti Tanau Paida Karne Ki Bina Koobdh Pahle Bhi Aur Zyada Mazaaqiya Khaiz Nazar Aane Laga Tha....!