Fantasy Immortals

[Ristrcted]

★ INDEX ★
☟​

♡ Family Introduction ♡​

Update 01	Update 02	Update 03	Update 04	Update 05
Update 06	Update 07	Update 08	Update 09	Update 10
Update 11	Update 12	Update 13	Update 14	Update 15
Update 16	Update 17	Update 18	Update 19	Update 20
Update 21	Update 22	Update 23	Update 24	Update 25
Update 26	Update 27	Update 28	Update 29	Update 30
Update 31	Update 32	Update 33	Update 34	Update 35
Update 36	Update 37	Update 38	Update 39	Update 40
Update 41	Update 42	Update 43	Update 44	Update 45
Update 46	Update 47	Update 48	Update 49	Update 50
Update 51	Update 52	Update 53	Update 54	Update 55
Update 56	Update 57	Update 58	Update 59	Update 60
Update 61	Update 62	Update 63	Update 64	Update 65
Update 66	Update 67	Update 68	Update 69	Update 70
Update 71	Update 72	Update 73	Update 74	Update 75
Update 76	Update 77	Update 78	Update 79	Update 80
Update 81	Update 82	Update 83	Update 84	Update 85
Update 86	Update 87	Update 88	Update 89	Update 90
Update 91	Update 92	Update 93	Update 94	Update 95
Update 96	Update 97	Update 98	Update 99	Update 100
Update 101	Update 102	Update 103	Update 104	Update 105
Update 106	Update 107	Update 108	Update 109	Update 110
Update 111	Update 112	Update 113	Update 114	Update 115
Update 116	Update 117	Update 118	Update 119	Update 120
Update 121	Update 122	Update 123	Update 124	Update 125
Update 126	Update 127	Update 128	Update 129	Update 130
Update 131	Update 132	Update 133	Update 134	Update 135
Update 136	Update 137	Update 138	Update 139	Update 140
Update 141	Update 142	Update 143	Update 144	Update 145
Update	Update	Update	Update	Update
Update	Update	Update	Update	Update

 

[Nevil singh]

UPDATE - 119

Old Owl ko Prateek ne Rupal didi aur Nikita ke pass bhej diya tha....aur Jwala....Jwala uss waqt dono Bua ke pass tha.....Jwala ne ye sab kuch unn dono ko bata diya tha.....

Jwala apne taraf se taiyaar tha.....wo iss baat ki puri koshish karna chahta tha ki dono Bua uss bhram banane wale ke jaal mein naa fanse.....aur uski iss koshish mein khud K.Bua aur P.Bua ne bhi madad kar di.....

Unn dono ne pahle bhi aise chizzen dekhi hui thi....to unko kuch experience tha inn chizzon se bachne ka.....aur K.Bua to apne saath hamesha apni cheezein le kar hi chalti thi.....abhi bhi unke pass unki chizzen thi....

Apne bag mein se ek sissi nikali unhone aur uske ander se choti choti goliyan nikali.....rang birangi goliyan....dekhne mein to ekdum se chocolate ki tarah lag rahi thi.....

2-3 unhone apne muh mein le liya....aur kuch P.bua ko pass kar diya.....

P.bua ko pata tha iske baare mein.....par wo abhi baakiyon ke baare mein soch rahi thi....

P.bua - Humme ye baccho tak bhi pahucha dena chahiye.....isse wo bhi surakshit rahenge......

K.Bua - haa....Jwala kya tum humme.....

Jwala ko to bas kahne ki der thi......aur wo sab samajh bhi raha tha.....usne turant hi portal khola aur K.Bua chali gayi Rupal didi aur Nikita ke pass.....aur P.bua Prateek ke pass......

Prateek ne jab P.Bua ko apne pass dekha to.....

Prateek - bua....aap yaha pe.....aapko apni jagah pe hona chahiye tha....ye kabhi bhi shuru ho sakta hai.....

P.Bua - hmm issiliye ab jaldi se inko apne muh mein lelo....aur muh mein hi rakhna....bahar nahi nikalna hai aur naa hi nigalna hai samjhe.....

Prateek - par ye hai kya.....

P.Bua - ye chocolates hai.....inki taste tumhare senses ko kaam mein lagaye rakhegi.....kisi bh tarah ke bhram mein fasne se tumhe kuch hadd tak rokegi....

Prateek ke pass sawal to aur the....par samay kuch kam tha iss waqt....to usne P.Bua ke haath se wo goliyan li aur apne muh mein le liye.....

Prateek - Ab aap jaao.....ye kabhi bhi shuru ho jaayega......aur aapka apni jagah pe rahna jaruri hai.....

P.bua ne haa mein sar hilaya....uske baad Prateek ko gale laga ke uske maathe ko chum liya.....

Prateek - ye kya kar rahi ho aap.....

P.Bua - chup raho....aur dhyaan rakhna apna......

Itna bolke wo wapas mud ke chali gayi portal se apne jagah pe......waha pahuchi to K.Bua bhi abhi hi aayi thi aur ek tisra portal band ho raha tha.....

P.Bua - tumne de diya unko....

K.bua - haa....par ye log sawal bahut karte hai.....

P.bua - ye acchi baat hai ye sawal karte hai.....Jwala tumhe pata hai ye sab kab shuru ho jaayega....

Jwala - Jaisa mujhe pata hai.....ye tab shuru hoga jab DB wo manni mukut pe laga dega....abhi wo Mahel ke pass hi hai.....

P.bua - Abhi wo mahel ke pass hai....usko ander leke jaaya jaayega.....kya lagta hai wo uss mukut tak pahuch bhi payega....yaa

K.bua - hmm ye baat to hai.....mujhe nahi lagta wo aasani se waha pahuch paayega....mujhe to thodi der pahle tak yahi lag raha tha hum uski madad karne aaye hai ki wo uss manni ko mukut mein laga sakke.....par yaha to sab kuch alag hi chal raha hai.....

P.Bua - ye baat sahi kahi tumne....sayad wo inn sab ko kisi aur tarike se bhi kar sakta tha.....agar hum pahle uski madad kar dete uss manni ko mukut mein lagane ka to ye accha nahi hota kya....

Ye dono taiyaar the....aur ab baatein kiye jaa rahe the uss waqt ka intezar karte hue jab inka kaam shuru hoga.....

Wahi kuch aisa hi Rupal didi aur Nikita ke sath chal raha tha....par isse alag tha.....

Rupal didi ne waise to khud ko bahut rokk rakha tha....ki wo Leader ke baare mein naa bole waha pe.....

Par Rupal didi to Rupal didi hi hai.....unse control nahi ho paata chup rahna....

Rupal didi - Nikita.....tumne kuch socha hai kya.....

Nikita - Kis baare mein didi....

Rupal didi - usss baare mein.....apne pariwar ke baare mein...

Nikita ne sunna.....aur phir chup hi rahi....par wo Rupal didi ki taraf dekh rahi thi.....

Rupal didi ko laga unhone galat baat ched di....ye baat unko nahi karni chahiye thi abhi.....to unhone baat badalna chaha.....par wo kuch bolti usse pahle Nikita boli....

Nikita - Theek hai.....to Main apna saaman wapas se school ke hostel mein rakh lungi....

Rupal - Kyun....saman kyun rakhna hai waha....tumhe koi pareshani ho rahi hai kya Nani ke yaha pe....kisi ne kuch kaha kya.....

Nikita - aapne...

Rupal - Maine....kab....

Nikita - Abhi to kaha pariwar ke baare mein kya socha hai.....aap batao mujhe kya kuch sochne ki jarurat hai....aap sab ke hote hue....aap ho naa mera pariwar....

Rupal - haa hum sab hai.....aur aage se aisa kuch bola samman wapas hostel mein rakh leti hu....to bahut bura hoga....

Rupal didi wapas se puchna to chahti thi Leader ke baare mein par....unhone ye waqt sahi nahi samjha....

Nikita - Maine socha hai main unse milungi....

Rupal - haaan....kisse milogi....

Nikita - Main Leader se milungi.....aur unse apne kuch sawal puchungi....

Rupal - tum sach mein milogi.....Main bhi saath chalungi....mujhe bhi usse....nahi...unse milna hai....mere bhi kuch sawal hai....

Nikita - Nahi didi....mujhe unse akele mein milna hai ek baar.....inn sawalon ka jawab main akele sunna chahti hu....

Rupal - theek hai.....par yaad rahe mere bhi kuch sawal hai....aur unko main puchungi jarur....

ye alag hi lage hue the......

Prateek bhi ab akela nahi raha tha.....uske pass Polar Bear king aaya hua tha....

Darasal hua ye ki polar bear king ko pata chala Old Owl ke log aur saath hi Jwala ke log bhi kahi jaa rahe hai....Jwala bhi wahi gaya hua hai.....to usko laga sayad koi muskil aa gayi hogi.....warna aise hi movements to hoti nahi thi.....to Wo Jwala ke ek bande ke saath chala aaya yaha pe.....

Yaha aaya to usko pata chala ye sab....Jwala se.....to usne Jwala se bolke usko Prateek ke pass bhej dene ko kaha....Prateek akela tha iss wajah se....

Prateek ne jab Polar bear king ko waha dekha to thoda hairaan ho gaya....

Prateek - tum yaha....

Polar bear king - Sunna tum akele ho....to yaha aa gaya.....

Prateek kuch kahta usse pahle usko upar aasman mein Old owl ke log ghumte hue dikhai dene lag gaye....ye signal tha....

Prateek nahi chahta tha ki Old Owl ka dhyaan thoda sa bhi yaha waha ho.....wo bas wahi kare jo usko karne ko kaha gaya hai....matlab Rupal didi ko kisi bhi tarah apne senses kaabu mein rakhne mein madad kare....to usne iss tarah ke signals ke baare mein kaha tha usse.....

Abhi ke signal ka matlab tha DB mahel ke ander pahuch chukka tha....

Uske mahel ke ander aane ki baat ab sabhi ko pata chal chukki thi....Prateek dono Bua aur Rupal didi aur Nikita ko......aur Leemo to picche hi tha uske to wo to jaanta hi tha....

Mahel mein DB ko saamne ke raste se nahi leke jaaya gaya tha.....usko ek chote darwaje se leke jaaya gaya tha.....

Mahel ke baaki saare logo ko waha se hatwane ka kaam Leemo karwata jaa raha tha.....jaisa ki usne pahle hi apne logo ko har jagah pe bitha diya tha....to abhi wo uss sipahi aur DB ka piccha karte hue....bas unn sab ko instructions de raha tha ki kaun sa galiyara khali karana hai......aur uske log bhi samajhdaar the....wo bhi apna kaam bade acche se kar raha the.....

Jo sipahi DB ko leke jaa raha tha....usko khud bahut ascharya ho raha tha.....wo waha pe ek bande ko sabse chuppa ke leke jaa paaya tha....

Mahel ki suraksha bahut kadi hoti hai....uss suraksha ko wo paar kar paa raha tha....usko kuch kuch gadbad lag rahi thi.....

Yaha pe ab darbar khatam hone ka samay ho chala tha....matlab ab Elf king apne darbar se bahar aane wale the aur ye baat uss sipahi ko bhi pata thi aur Leemo ko bhi....DB ko to pata tha hi ye....

Sipahi ne socha tha ki agar mauka mille to wo Elf prince yaani DB ko sidha Elf king ke pass leke jaayega....taaki kisi ko pata naa chale....aur abhi tak jo kuch hua....usse usne ye tay kiya ki wo yahi karega....

DB ka bhi sayad kuch aisa hi plan tha...to wo bhi chal diya...uss sipahi ke saath....par Leemo....

Leemo nahi chahta tha ki dono baap bete mille....usko lag raha tha dono milenge to waha pe dhamaka ho jaayega.....Elf King bahut gussa ho jaayenge DB se....

Leemo ne jab dekha dono ussi taraf jaa rahe hai to usne khud bahar aana hi sahi samjha....aur wo piche se unke pass chala gaya.....

Leemo - Sipahi....tum ye kaha chale aa rahe ho....aur ye kaun hai....

Wo sipahi ek pal ko to darr hi gaya....par phir usne socha....ye kaam wo akele kabhi bhi nahi kar sakta.....to usne Leemo ko sab batane ka socha...aur usko samjahne ka bhi socha ki kyun DB ko uske pita yaani Elf king ke pass bhejna chahiye.....

Ye sab karne ke liye usne sabse pahle jo patla kapda DB ke chahre pe laga hua tha usko hataya....

Leemo ne thoda acting kiya ki ye to Elf Prince hai...aur uske baad Leemo ko uss sipahi ne sab kuch bataya...

Leemo - Nahi....manna ye Elf Prince hai....par hum inko Elf King ke pass nahi le jaa sakte....yaad nahi kya tumhe....inhone unko haani pahuchane ki koshish kari thi....

Sipahi - ye kaise ho sakta hai.....kya tumhe lagta hai hamare Elf Prince kabhi aisa karenge....manna thoda bhatke hue hai ye....par....nukshan pahuchane ki koshish....main iss baat ko nahi maanta....

Leemo - Tumhare maanne na maanne se kya hi hota hai....upar se inko sazza bhi di gayi thi....agar kisi ko inke yaha hone ka pata chala to....

Sipahi - Main inko chuppa ke yaha laaya hu....

Leemo - tumhe inko yaha laana hi nahi chahiye tha....

DB jo chup chap ye sab sunn raha tha unse dekha durr hi uske pita waha se jaa rahe the....unke saath sayad waha ke mantri the.....DB ne bas aawaj laga di....

DB - Pita ji....

Awaj pahuch gayi jahan usko pahuchna tha....par isse pahle Elf king uss taraf dekhte.....DB ne Leemo ko pair pe maar ke waha se jaane ko bola.....aur Leemo iss baar bhi....kuch nahi kar sakka.....

Ab haalat kuch aise the.....durr saamne Elf King khade the...aur yaha pe sipahi ke saath DB khada tha....Elf King ke sath unka mantri bhi tha...par jaise hi usne dekha yaha pe kaun hai.....usne turant hi waha pe khade saare sipahiyon ko aur baaki sab ko jaane ko bol diya.....unn sab ne aawaj to sunni thi par dekha nahi kuch....

Elf King ke chahre ko dekh ke koi bhi bata sakta tha ye bahut gusse mein hai....par Mantri waha pe tha....aur usne baat sambhalne ki koshish kari.....

Mantri - Elf king.....ye sahi waqt aur sahi jagah nahi hai.....Rajkumar ko humme sabki nazaron se bachana hoga....

Elf king ne bas haa mein apna sar hila diya....aur waha se chal diye....

Mantri ne dekha DB ke saath ek Sipahi bhi tha.....usne Sipahi ko DB ke sath apne piche aane ko kaha....aur wo khud Elf king ke picche jaane lag gaya.....

Elf king ek kamre ke ander chale gaye....wo manrti uss kamre ke darwaje ke pass khada raha...aur jab sipahi aur DB waha pahuche to DB ko ander jaane ko kaha....aur Sipahi ko wahi bahar rukne ko kaha....apne saath....aur darwaja bahar se band kar diya....

Mantri - Elf Prince yaha kaise.....

Sipahi ne unko sab kuch bataya....ye bhi bataya ki wo usko yaha pe kyun leke aaya....

Mantri ne sipahi ki tarif kari....usne sahi kiya...par usse pucha ki kisi aur ne to nahi dekha naa unko yaha pe....

Ispe wo sipahi ne bataya....

Sipahi - Abhi apke aane se pahle Main ussi se baat kar raha tha....par apke aane ke baad wo gayab hi ho gaya....agar aap kahe to Main usko dundh ke laata hu....

Mantri - tumhe kya lagta hai wo iss baat ko kisi aur ko batayega....

Sipahi - main usse abhi hi mila tha...to pakka nahi kah sakta....

Manrti ne kuch socha....phir kaha...

Mantri - agar sirf usne hi dekha hai....to ye baat dabai jaa sakti hai....abhi tumhara yaha hona jyada jaruri hai...

Wahi ander.....

DB - Pita ji....

Elf king - Tum yaha pe kyun ho....aur kis wajah se...tumhe pata bhi hai tumhara yaha hona.....mere liye Elf nation ke liye kitna bura hai....

DB - Pita ji mera yaha hona na to aapke liye bura hai aur naa hi Elf Nation ke liye....Maine apni nature element ko control karna seekh liya hai....

Elf King - Tum ye batane yaha aaye ho.....tum mera khoon ho...iss wajah se abhi main yaha pe tumhari baatein sunn raha hu....

DB - haa main jaanta hu....Main yaha pe Elf Nation ko uss bimari se azadi dilane aaya hu.....Mere pass ye manni hai.....

DB ne manni ko apne haath mein leke dikhate hue kaha.....

Elf king ne jab wo dekha to unko yakkin nahi ho raha tha.....shuru mein jab wo manni gayab hui to ye baatein hone lagi ki wo chori hui hai...par baad mein Elf nation ke kuch vidwaan logo ne bataya ki ye sab iss wajah se nahi hai...iska koi aur hi karan hai.....aur wo kaaran bhi Elf King ko bataya gaya.....

Shuru mein Elf king ko yakin nahi hua tha...par kab tak kisi baat ko nakara jaa sakta hai....phir unko bhi kuch kuch yakkn hone lag gaya ki ye sab sayad unhi se hua hai....unko kabhi bhi....Nature element wale apne bete ko uss mukut ka asli hakdaar banne se nahi rokhna chahiye tha....unhone roka aur iski wajah se ye sab ho gaya.....

Wo chahte the DB ko wapas bulla le....par ab ye baat badi ho chukki thi....wo agar aisa karte to wo Strange world ke niyamon ko todte....ye Elf nation ke liye accha nahi hota....to unhone uski saza khatam hone tak intezar karne ka socha....

Ab jab wo uss manni ko DB ke haath mein dekh rahe the to unko yakkin nahi ho raha tha....

DB - Pita ji mujhe apna kaam pura karne dijiye....uske baad Main yaha se chala jaaunga....

Isne apna kaam kaha.....ab Elf king ko kaha pata iska pura kaam kya hai....wo bhi chahte the ki unki praja iss ajeeb si bimari se mukt ho....aur abhi to wo ye bhi chahte the ki DB jaldi se yaha se chala jaaye.....to unhone waqt naa gawate hue....darwaja kholne ko kaha....

Darwaja khulla....

Elf king - Mantri ji.....humara mukut....humme yaha pe chahiye....

Mukut hamesa sar pe nahi hota wo....wo khass mukut hai to usko bas darbaar mein pehen ke baithte hai....aur baaki jagahon ke liye dusra mukut tha.....

Mantri ne jab wo sunna to wo chal diya waha se mukut laane ko....aur jaane se pahle uss Sipahi ko bata ke gaya ki iss jagah pe koi bhi aa nahi paaye.....

Thodi der mein....manrti apne haathon mein kapdon se chupata hua wo mukut leke aa raha tha....Abhi wo durr hi tha....ki mukut uske haath mein hilne lag gaya.....aur sath hi usme lage hue aur manniyan chamakne lag gayi.....yaha DB ke haath mein jo manni thi wo bhi chamak rahi thi....dono ek dusre se durr hi the.....par jaise ek dusre ko mehsos kar paa rahe the....

DB - Pita ji.....Main jab ye manni iss mukut mein lagaunga...tab kuch bada hoga...apko khud ko sambhalna hai....Mantri ji....iss mukut ko iss kamre mein leke chaliye........

Manrti ne ek baar Elf king ki taraf dekha to unhone bhi wahi kaha....to wo leke chala gaya.....

Uske baad DB ne unko aur sath mein uss sipahi ko uss kamre se bahar jaane ko kaha...aur saath mein darwaja bahar se band kar dene ko bhi kaha.....

Unn dono ne waisa hi kiya aur DB ne ander se bhi darwaja band kar diya.......uske baad DB uss mukut ke pass aaya....

Db - Pita ji iss waqt to Royal family ke sabhi log apne apne rooms mein hi honge naa.....

Elf King - haa.....ye waqt aaram ka hai....sab rooms mein hi honge...kyun kya baat hai....

DB - nahi bas abhi agar koi Royal family ka apne room mein nahi hai to wo kuch aisa dekhega....jo usko hilla ke rakh dega....

Itna bolne ke baad usne wo manni uss mukut pe rakh diya....aur ek tezz roshni charo taraf phail gayi....ye energy ke waves the....jo ki bahut taqatwar the....Isko pure Strange world ne feel kiya tha.....

Yaha se dur nix kabile mein murti mein fassa wo banda...usne bhi.....wo to bahut hairaan ho gaya tha....usne kabhi nahi socha tha itni urja wo iss ajeeb se planet pe mehsoos kar paayega....waise usne pahle kiya tha Madhu ke powers aur Prateek ke bhi....par wo alag the aur ye bilkul se alag.....

Iss energy ka asar bhi hua.....jisko jaagna tha....wo jaag gaya...

Mahel ke aas pass bhukham ke jhatke se aane lag gaye the....Elf nation mein....

Elf king - ye kya ho raha hai....

DB - ye iske wajah se hua hai....par abhi to ye shuru hi hua hai....

Elf king - Kya matlab....

DB - Aap iss kamre se bahar nahi jaayenge....kuch bhi ho jaye nahi jaayenge....

DB ye bol raha tha aur saath hi room ke jamin pe apne saath laya hua ek powder se kuch aakriti bana raha tha.....Mujkut ke charo taraf.....

Yaha sab shuru ho chukka tha.....

Mahel ke ander aur bahar yaa ye kahe ki mahel ke boundaries ke ander jitne bhi log the....sab achanak se jaise robot ban chukke the....

Bhukamp ke baad aksar hota hai log ghabra jaate hai...par yaha pe....koi ghabraya hua nahi tha....sab shant the...koi kahi se bahar nahi aaya tha.....balki sabhi ke sabhi apne hathiyar bahar nikal rahe the.....

Jo Royal family ke log the wo sab ke sab kuch darre hue the....ek dusre ka hal chal lena chahte the....aur wo apne kamron se bahar nikalne lage the...

par unko kaha pata tha.....aaj unke saath kya hone wala hai....jab unke apne rakhwale unki hi jaan ke dusman ban jaayenge tab...

Next update mein dekhte hai mahel mein kya ho raha hai....aur isko kaise rokka jaata hai....

Bahad umda update bhai

 

[Asif khan]

UPDATE - 113

Jab Parth aur Neelam ki aakritiyon mein Golden power gaya.....dono ke dono hi chamakne lag gaye the.....aur wo bhi bahut jyada......logo ko aankhen band karni pad gayi thi thodi der mein......

Sabhi ko nahi.....

Pujari ji iss roshani ko jaante the.....unki aankhon mein itni kshamta thi ki wo isko dekh sakke.....Prateek ka bhi aisa hi tha....aur Madhu ke baare mein kya kahna wo to khud hi Golden power ki source thi......

Dadi (Aankhen kholne ki koshish karte hue) - Rukk jaao abhi.....abhi mat jaao.....

Band aankhon se bhi aansu bahe jaa rahe the....

Unko aisa laga sayad Neelam aur Parth jaa rahe hai iss wajah se ye te roshani hui hai......Baaki sab ko bhi aisa hi lag raha tha.....ab unhone hi bataya tha unke jaane ka waqt ho chala hai.....aur ab kuch waisa hua....to sabko laga ki wo jaa hi rahe honge......

Ab roj roj to aatmayein aati nahi waha pe.....to unhone aisa soch liya......aur Dadi hi kya.....lagbhag sabhi ka yahi haal tha......

Ek to unn dono se milne ki koi ummid hi nahi thi sabhi ke pass aur wo aaj waha pe aa gaye the....aur ab jaane bhi wale the wo bhi itni jaldi......

Neelam aur Parth ko iss waqt kuch alag hi lag raha tha.....wo pahle se energy ke form mein the.....aur ab ye energy aur milne se wo aur jyada energetic ho gaye the....

Prateek Madhu ki taraf dekh raha tha bas......uske dimmag mein bas yahi baat chal rahi thi ki agar kahi uski sochi baatein sach ho gayi to naa jaane kya hoga.....Agar yaha pe Madhu sambhal nahi paayegi to bahut muskil hone wali thi......agar aisa nahi hua to naa sirf Madhu ko pareshani hogi balki waha pe jo koi bhi hai sabhi ko......

Golden energy creative energy hai par cancer jaisi bimari bhi kharab cells ke bahut matra mein creation hone ke karan hi hoti hai....Prateek iss baat ko jaanta tha agar Golden power kisi tarah yaha pe bahar aane lag gaya aur Madhu ne kaabu nahi kiya to wo energy yaha pe khade sabhi ko itni takat de dega ki saare ke saare uss takat ki matra se mar jaayenge.....bas yahi nahi wo badhti hi jaayegi aur kaha rukegi iska anuman lagana muskil hoga......

Wahi dusri taraf Madhu......wo bas ye soch rahi thi ki chalo kuch Prateek ke Maa Papa abhi waha pe aur rahne wale hai.....usne ye sab socha hi nahi ki usne ye kaise kiya.....yaa kya kiya usne.....aisa kuch bhi nahi....wo bas khush si thi.....ki usne kuch accha kiya hai.......muskura rahi thi wo.....

Prateek usko hi dekh raha tha.....usko muskurate hue dekh wo kuch samajh hi nahi paaya.....usne kya kya soch rakha tha.......

Overthinking bahut buri chizz hoti hai log naa jaane kya kya soch ke baith jaate hai......(log to itne chutiye hote hai kya bataye sawal puchne se katrate hai kahi jawab dene wala uss sawal ko hi galat naa bata de....)

Khair iss dauran Neelam aur Parth ke aakritiyon se nikalne wali roshani thodi kam hui thi par wo thi abhi bhi....ab log apni aakhen khol paa rahe the......

Jab sabhi ne baari baari se ye dekha ki wo dono abhi bhi wahi pe hai to sab bahut khush hue....ummid nahi thi naa iss baat ki.....

Sab wapas se unki taraf badh gaye......jaise pakadna chahte ho.....Ye pata nahi kya tha.....koi sazza yaa phir kuch aur......wo sab Neelam aur Parth ke samne the.....par chu nahi sakte the.....ek pal ko unko laga ki sayad ab wo waha se chale jaayenge.....par dusre pal wo waha se gaye nahi kuch der ke liye aur wahi pe rahne wale the.....

Ummid ye kisi sazza se kam nahi hoti.....bahut dukh deti hai ye ummid.....Khair iss waqt Madhu jo bas muskura rahi thi usko Pujari ji ne picche apne pass bula liya.....chunne ke baad wo khud se picche to gayi thi par abhi bhi pass mein hi thi Parth aur Neelam ke...

Pujari ji usko apne pass bula lete hai....

Prateek iss waqt tak usko hi dekh raha tha to usne ye bhi dekha....aur ye dekhte hi usko bahut gussa aaya.....Pujari ji ne abhi jo kiya tha uska natiza bahut bura ho sakta tha.....

Par abhi Prateek kuch kar nahi sakta tha siway chup chap khade rahne ke......

Dadi - Prateek......Prateek kya kar rahe ho.....hum kab se tumhe bula rahe hai....

Prateek - Haa Dadi....wo main bas.....

Dadi - Yaha aao....(Prateek ka haath pakad ke) Neelam tumne to kah diya ki humne koi aisa kaam nahi kiya tha jiski wajah se humme tum dono se maafi maangi pade.....par tum bhi jaanti ho.....agar uss waaqt humne shant dimmag se socha hota to.....sayad aaj hum sab saath hote.....aur Prateek ko itne waqt tak......apne pariwar se durr nahi rahna padta....

Neelam - Ye sab to kismat ki baat hai.....agar hum yaha pe hote aap sab ke saath to sayad kuch aur bhi bura ho jaata....aapko inn sab ke baare mein nahi sochna chahiye.....

Paarth - Haa Maa aap kyun baar baar ye sab soch ke khud ko taklif deti ho.....kuch chizzen humne khud bhi chunni thi....(Chacha ki oor dekhte hue) Maa aapko yaad hai jab Bhaiya ne mujhse dost banane ke baare mein baatein kahi thi....aur main unki baaton ka mazak udda raha tha....

Dadi - Haa yaad hai....uss din tum dono ke bich kaha sunni bhi ho gayi thi issi wajah se.....aur maine tinno ko sazza di thi....

Paarth - haa galti hum dono karte the aur sazza Poonam ko bhi di jaati thi....(shant hoker) Maa uss waqt hi der ho gayi thi.....

Waha Parth Dadi se baatein kar raha tha to dusri taraf Daksh Neelam se....

Daksh - Neelam tu chinta mat karna....Main Prateek ke sath rahunga.....uska dhyaan rakhunga....

Neelam - ye bhi koi kahne ki baat hai Bhaiya.....Mujhe to pata hi hai aap aisa hi karoge.....agar nahi kiya to...to aap jaante hai na main aapse naraz ho jaaungi....

Iss baat ko kahte hue uske aakhon mein bhi aashu wapas aa gaye the saath hi Daksh ke bhi....

Daksh se raha nahi gaya aur ek baar phir se apna haath aage badhaya usne apni bahen ke aashu pochne ke liye......aur jab aisa hua.....to dono hi hairaan ho gaye.....

Iss baar pata nahi kaise.....par jab Daksh ne Neelam ki aakriti ko chunne ki koshish kari to usko kuch kuch mehsoos hua tha.....aur aisa hi kuch khud Neelam ko bhi laga tha.....

Daksh (aankhen badi karte hue) - Neelam.....kya...tujhe bhi....

Neelam - Haa....haa bhaiya maine apka haath mehsoos kiya....kya aapne bhi....

Daksh - Haa....Neelam haa....rukko.....Prateek....Prateek yaha aao....

Prateek jo iss waqt dadi ke sath wo us taraf mudta usse pahle hi Neelam khud uske pass pahuch chukki thi.....wo kuch samajh paata usse pahle hi Neelam ne apna haath uski taraf badha diya tha......wo picche jaana chahta tha par der ho chukkki thi......

Neelam ne usko chu liya tha.....

Prateek ne sabse pahle apne ander maujood dark power ko ekdum se apne dil ke pass ikatha kar liya......Dark power pure sarir mein hota hai uske.....par isme der ho gayi thi.....

Neelam ki aakriti jo abhi chamak rahi thi wo dhire dhire wapas se dhimmi padti jaa rahi thi....

Parth - ye kya ho raha hai.....tum aisi kyun.....

Madhu jo ye sab dekh rahi thi.....usne jaise hi dekha ki Neelam wapas se dhundhli hoti jaa rahi hai.....wo apni jagah se aage badh gayi.....aur theek Prateek ke pass jaake khadi ho gayi....aur apna haath unki taraf badhaya....

Madhu - Hello....Main Madhu hu....apke bete ki dost......

Madhu ka haath lagna tha Golden power wapas se jaane lag gaya Neelam ki taraf......

Abhi Neelam ko kaisa mehsoos ho raha tha ye baat sirf Neelam hi samajh paa rahi thi aur saath mein Prateek......haa chunne ki wajah se thoda bahut Madhu ko bhi samajh aa raha tha......

Jab Madhu ne Neelam ko chua to uske dimmag mein tasveerein banne lag gayi.....andhera jo ujale ko khaye jaa raha tha....par uss andhere ke bich se hi ek roshni badhne lagi jo uss andhere ko khati jaa rahi thi....aur uss roshani ke biche mein se phir se ek andera.....aur aise hi bahut se andhere aur bahut se ujale.....sab dikh rahi thi Madhu ko......

Neelam ki aakriti jaise kisi bulb ki tarah ho chali thi.....abhi chamak rahi hai aur uske turant baad dhundhli......Uske mann mein bhi ek tasveer ban rahi thi......aur ye ajeeb thi.....ek taraf ujala hi ujala aur dusre taraf besummar andhera....itna ki kuch kaha hi nahi jaa sakta....aur wo unn dono ke hi sarhad pe khadi thi....kabhi iss taraf to kabhi uss taraf......

Ek baar to usne apna haath Prateek se alag kiya.....to usko wo sab dikhana band ho gaya ab wo bas ujale mein thi.....par usko ye ujala pasand nahi aaya aur wo haath jo Prateek se durr jaa raha tha wo wapas uske pas jaa pahucha.....

Prateek ke baare mein kya kaha jaaye......usko emotions jyada pasand nahi the.....pahle bilkul nahi aur ab thodi bahut aa rahi thi.....lekin abhi jo usne dekha....wo khud ko sambhal nahi paa raha tha.....Neelam uss jaal mein wapas aa gayi......uss dard ko usne apna liya....bas Prateek yaani apne bete ko chune ke liye.....

Prateek ne apne hazaron saal ke jeevan mein ye kabhi nahi dekha tha....haa jab yaha Earth pe tha to aisi chizen dekhi thi usne par kabhi mehsoos nahi kari thi.....aaj wo mehsoos kar raha tha......

Uske aankhon se aanshu girne lag gaye.....

Neelam - Parth Main apne bete ko chu sakti hu usko mehsoos kar sakti hu.....

Parth - Par ye.....tum iss tarah se....

Neelam - Kisi chizz ko apnanane ke liye kisi dusre chizz ko chodna padta hai bas wahi kar rahi hu.....(Madhu ki oor dekhte hue) Tum Mere Prateek ki dost ho....

Madhu ko khud wo sab mehsoos ho raha tha....usko to ye sunai bhi nahi diya tha....wo to bas Neelam ke chahre ko dekh rahi thi.....usko jab Neelam ke honth chalte hue dikhai diye tab usne puccha...

Madhu - haa.....kya hua.....

Neelam - Kuch nahi....Main bas puch rahi thi tum iski dost ho....

Madhu ne Prateek ki oor dekha bhi nahi bas haa mein sar hilla diya......wo iss waqt bahut kuch mehsoos kar rahi thi.....aur usne bahut saare ummid laga liye the......jaise jab wo apni maa se milegi to kya wo bhi issi tarah usko pyar karegi....aur bhi naa jaane kya kya....

uske aankhon se bhi aanshu gir jaate hai.....

Neelam apna haath aage karti hai aur uske aanshuyon ko pochne ke koshish karti hai....

Parth bhi waha aa jaata hai aur wo bhi Prateek ko chunne wala hota hai.....ye dekhte hi Madhu ne apna haath uske pass mein bhi laga diya hota hai.....ab wo sab Parth bhi mehsoos kar raha tha.....

Parth ne thodi der mein hi usko chod diya par baatein hoti rahi......

yaha pe ye sab chalta raha......

Dusri taraf Lucifer tha.....ab gussa dab gaya tha shant nahi hua tha.....kisi murde ki tarah apni gaddi pe baitha hua tha wo.....

Jab kabhi Raja udass yaa nirash hota hai.....to koi aur aa jaata hai uski jagah lene ko......kuch aisa yaha pe hone wala tha.....par abhi usme thoda waqt hai.....

Demos pe bas sanata tha......charo taraf hi sannata tha.....

Par yaha se jyada dur nahi Fumos pe.....waha bahut halchal thi.....

Dhruv khud ko Slayer ke sarir mein rakhne ke liye sangharsh kar raha tha......

Abhi tak usko ye pata nahi chala tha aakhir ye ho kya raha hai.....

Dhruv ne jinn aatmaon ko Slayer ke ander bandhi banane ke liye kaid kiya tha.....unhi aatmaon se takat khinch raha tha Justin......aur khud ko usse jyada takatwar banane ki koshish kar raha tha......Par ye ho nahi paa raha tha......

Lekin wo haar nahi maan raha tha bas laga hua tha.....

Dhruv thakta jaa raha tha....usko ye samajh nahi aa raha tha ki aakhir ye kyun ho raha hai.....koshish bahut kari usne ye janne ke liye par jaan hi nahi paa raha tha.....koi andaja h nahi tha....uske hisab se usne Slayer ke sarir ko khula chod diya tha.....aur sab nikal aye the......

Usne iss baare mein socha tha ki sayad jinn aatmaon ko usne Dark world se uthaya unme se koi ek hoga.....par isko dimmag se nikal diya usne turant hi.....aisa ho hi nahi sakta tha....agar aisa hota to usko unse ladne mein waqt lagta....aise hi khatam nahi kar deta unn sab ko.....

Usne kya kisi ne bhi nahi socha hoga ki khule pinare ke ander se koi parinda bahar hi naa aaye.....Justin wahi parinda tha yaha pe.....

Dhruv ne iss baare mein sandesh bhejne ke baare mein socha Prateek ko.....par wo kar nahi paaya.....isse pahle to wo dono judde hue the....matlab jab kabhi bhi dono mein se kisi ka mann hua dusre se baat kar leta tha......normally....haa agar koi khass wajah ho tab ye mumkin nahi ho paata tha.....

Khair wo Prateek ko koi sandesha nahi de paaya.....aur bas wahi pe rah gaya......aisa nahi usne koshish nahi kari...

EK baar do baar teen baar usne koshish kari....par kuch bhi nahi hua.....aur phir wo kamzor pad gaya......

ye mauka tha.....Justin ke liye......iss waqt usne Slayer ki body pe kaabu karna shuru kar diya.....aur usne bhi yahi koshish kari.....

Kisi tarah apne pita Lucifer tak apni baat pahuchane ke baare mein.....

Par yaha bhi wahi baat ho rahi thi.....wo kahi bhi jaata kuch bhi try karta kaam nahi ho raha tha......usne ek baar pedon ko todne ki koshish kari.....jiske baad usne khud ko jamin pe girra pada paaya.....

Wo bhi koshish karta gaya par kaam nahi bana uska bhi....

Ye sab kuch waha upar se wo immortal baitha dekh raha tha aur samajhne ki koshish kar raha tha.....

Ye Immortal bhi ajeeb tha isne dark power ko dekha tha uss planet pe....par isko usse jyada jaruri ye sab laga.....aur inn sab mein iss tarah se uljha hai ki usne wapas jaake kuch batane ke baare mein bhi nahi socha abhi tak.....

Dark power ki baat aayi hai to wapas chalte hai Earth pe.....

Yaha pe ab haal aisa tha ki thodi der aur thodi der aur ki kahani chal rahi thi.......

Koi nahi chahta tha wo dono waha se wapas jaaye......aur Madhu wo sabhi se sahmet thi......bas ek Pujari ji aur DB hi the waha pe......jinko sab dikhai de raha tha......

Golden power ka asar unn dono pe uss waqt tak hi rahne wali thi jab tak Madhu chahe....aur yaha pe Madhu ko khud hi pata nahi uske pass aisi koi shakti bhi hai......wo to ye sab kisi aur wajah se ho raha hai aisa soch rahi thi......

DB jaanta tha wo gujar chukke hai....aur gujre hue pallo ko bandh ke rakhne se khusi milti hai par usse jyada dukh bhi.....

DB ne iss baat ka jikar Pujari ji se kiya.....Pujari ji bhi uski baat se sahmet the......

Pujari ji ne Madhu ko apne oor aane ka ishara kiya......Madhu ne unko dekha usko laga ki agar usne unn dono ko chod diya to unko waha se jaana pad jaayega.....par iss baat ko Neelam ne bhi dekh liya tha.......wo Madhu ko hi dekhe jaa rahi thi.....

Neelam - Madhu beta wo log bhi dost hai kya.....

DB wahi pe tha aur Madhu ko waha jaana bhi tha to....

Madhu - Saare nahi unme se ek Pujari ji hai....ek baaki ke dono dost hai....

Neelam - Parth chalo unse bhi milte hai.....

Waise to Parth ko waha jaane ki koi ichaa nahi thi par Neelam ke kahne pe wo chala gaya....

Jab wo waha aaye to pahle to intro hua uske baad Parth Leader se aur Neelam DB se baat karne lag gayi.....

Madhu - Kya hua Pujari ji.....

Pujari ji - Madhu inke jaane ka waqt ho gaya hai.....

Madhu - Par abhi kaise.....abhi to ye aaye hai.....

Pujari ji - Madhu inka yaha jyada der tak rukna accha nahi hai.....ye apne aage ke safar mein pahle se hi bahut picche chuttein hue hai ab agar aur der hui to aur picche ho jaayenge....

Neelam - Madhu Pujari ji sahi kah rahe hai.....Mujhe bhi lagta hai ab humme yaha se jaana chahiye....

Neelam bas yun hi baatein kar rahi thi DB se par uska pura dhyaan to yaha tha Madhu aur Pujari ji pe......jab usne unki baat sunni to usko bhi wo baat sahi lagi....

Madhu - Par aap abhi bhi yaha rah sakti ho....

Neelam - Kab tak beta....kab tak tum hamare saath aise rahogi....

Madhu - Agar aap chale gaye to Prateek ka kya hoga....aur baaki sab ka.....dekho sab kitna pyaar karte hai aapse....

Neelam - Hum dono to kab ke jaa chukke hai beta....ye to yaha pe bas Prateek aur tumhare wajah se aa paaye hai....aur rukke hue hai....waha dekho unn sab ko......hum jitni der yaha pe rukenge naa hamare jaane ke baad utna hi dukh hoga unn sab ko.....hame ab jaana hi hoga....

Madhu - Main kya aapse kuch puch sakti hu.....

Neelam - Isme sochna kya hai.....jarur puccho tumne humme waqt diya hai aur sath mein apne bete ko ek baar chunne ka mauka bhi....puccho kya puchna hai....

Madhu - Kya sabke Maa Papa aap logo ke tarah hi pyaar karte hai apne baccho se.....

Neelam - Nahi beta.....sabke aise nahi karte isse bhi jyada karte hai.....Maa baap ke pyaar ko dusro ke maa baap ke pyar se compare karna bahut muskil hai.....bahut jyada.....Mujhe pata hai tumhe mere ander kya chal raha hai sab pata chal chukka hai.....hai naa.....ek raaz ki baat batao Mujhe bhi pata chal gaya hai tumhare ander ke baaton ka.....to chinta mat karo....jab tum apne Maa papa ke pass jaaogi aur unko pata chalega ki unki itni pyaari itni acchi beti hai to wo tumhe bahut pyaar karenge....samjhi...

Parth - Haa sahi kaha.....(Pujari ji se) Humme ek aakhiri baar unn sab ko alvida kahne ka mauka dijiye....

Pujari ji - Aap kaisi baat kar rahe hai ye sab mere haath mein nahi...(Parth ka ishara samajhte hue) haa ha....jarur Madhu.....ab inko padke rahne ka koi matlab nahi hai....inko chod do...ye khud se kuch der mein yaha se chale jayenge...

Madhu ne Parth ko to chod diya par Neelam ko chodne se pahle uske gale lagi thi wo.....sab dekh rahe the usko....

Parth waha pe gaya aur usne sabhi ko bataya ki ab unke jaane ka waqt ho gaya hai....wo aur der tak nahi ruk sakte....

Wapas se sabki aakhen bhar aayi Neelam ne Madhu ko sabhi ki oor dekhate hue kaha dekho ye wapas se uddas ho gaye.....par inke ander ek ummid hai abhi bhi ki sayad hum thodi der aur rukk jayenge....wapas se....

Ye jhuthi ummid jab tak nahi tutegi badhti hi jaayegi aur bahut dukh degi inhe.....

Madhu ne uski baat sunni aur haa mein gardan hilayi.....

Next update mein dekhte hai Nikita ka case.....yaha pe kya hota hai aur saath hi Strange world ki baatein kaise DB wo karta hai jo usne karne ka socha tha

Fantastic

 

[Asif khan]

UPDATE - 114

Parth ne sabko bata diya tha ki ab unke pass jyada waqt nahi baccha hai.....ab unko waha se jaana hoga.....Sabne ye baat sunni aur udaas ho gaye......

Ye sab jaante the ki wo kab ke jaa chukke the iske baad bhi wo iss ummid mein the ki wo issi roop mein yaha unke pass unke saath rah sakke......jo mumkin hi nahi tha......

Neelam - Dekho.....ye sab kaise uddas ho gaye.....tumhe ab meri baat samajh aa rahi hai.....

Madhu ne haa kaha unse......

Neelam usko wahi chod ke baaki sabhi ke pass aa gayi......waha pe Parth sabhi ko wapas se samjha raha tha ki wo waha se kab ke jaa chukke hai iss roop mein waha sabhi ke saath rahna mumkin hi nahi hai....

Neelam - Maine abhi tak apne bete ka room nehi dekha hai.....Prateek kya hum dekh sakte hai tumhara room....

Prateek ne jab ye sunna to wo kuch nahi bola...wo samajh hi nahi paaya ki kya bole......

Itne mein P.Bua ne kaha.....

P.Bua - ye bhi koi puchne ki baat hai......Chalo iske kamre mein.....

Wo to chali bhi jaati room mein agar unko samajh nahi aaya hota ki room ki baat yaha pe kyun hui hai......thoda bura laga unko par wo bhi samajhdaar thi....

Wo jaanti thi kuch baatein hongi jo Neelam aur Parth bas Prateek se karna chahenge....kuch private baatein.....

Unhone picche mud ke Prateek ki taraf dekha.....

P.Bua - Prateek jaao apne Maa Papa ko apna room dikhao.....

Prateek ne kuch nahi kaha.....bas haa mein sar hilaya....wo bhi samajh chukka tha iss baat ko.....aur phir wo chal pada apne room ki taraf.......

Yaha wo tinno room mein gaye hi the ki Leader ne sabhi ko kaha......

Leader - Main aap sab ke saamne ek baat kahna chahta hu.....

Leader ko yaha pe acche se koi nahi jaanta tha.....bas itna hi pata tha ki Pankaj isko jaanta hai aur uske baad baaki sab se thodi bahut pahchan hai bas......

Jab Leader ne kaha usko kuch kahna hai to sab uski taraf dekhne lag gaye.......

DB ne dhirre se kaha bhi......

DB - Abhi sahi waqt nahi hai.......rukk jaao abhi.....

Leader ne iska jawab dhirre se diya.....

Leader - Abhi nahi to aur kab......ab to main unn sab chizzon se bhi aazad hu.....

DB usko samjhana chahta tha par ab teer kaman se nikal chukka tha....

Leader aage aaya....aur sabhi ki oor dekha.....sayad check kar raha tha ki sabhi ka dhyaan uski taraf hai bhi yaa nahi.....

Sab uski oor hi dekh rahe the.....ye dekhne ke baad Leader Nikita ki taraf dekhne lag gaya.....aur thoda aage badha.....

Wo kab se iss pal ka intezzar kar raha tha.....uske aankhon mein aanshu bhi aa chukke the....

Wahi Nikita ko ye baat samajh nahi aa rahi thi.....wo ye bilkul bhi samajh nahi paa rahi thi aakhir kya wajah hai ki ye aadmi uski taraf aa raha hai.....

Thodi pareshan thodi hairran si thi Nikita abhi.....par usko kya pata tha ye sab thodi hi der mein kya hone wala hai......

Leader - Nikita......Main....Main......Nikita....tumhara.....Main.....Tumhara Pita hu Nikita......

Ye Leader kuch aisa bolne wala hai iss baat ka pata nahi tha waha pe kisi ko.....par usne to bol diya tha.....

Sab ke sab hairaan the......

Aaj pata nahi ye sab aur kya kya dekhne wale the....abhi tak inhone Neelam aur Parth ko dekha tha aur ab ye Nikita ka Pita hai Leader ye dekh rahe the......

Sab ke sab hairaan the....bas Nikita ko chod ke......wo to jaise thodi der pahle thi waise hi abhi bhi thi......thoda bhi badlaaw nahi tha uske chahre pe.....

Leader - Nikita.....Beta main tumhara papa hu......

Ab bhi uske chahre pe koi bhi expression nahi badla tha......Leader ko ye baat samajh hi nahi aayi.....wo uske pass jaane wala tha ki tabhi Chachi apni jagah se hilli aur jaake Nikita ke saamne khadi ho gayi uske taraf muh karke.....

Chachi - nikal jao mere ghar se......niklo.....

Chachi to kuch kar hi deti uss leader ke saath......wo to DB ne unka dhyaan bata diya......

DB ne Leader ko pakda aur usko ghar se bahar leke jaane lag gaya.....

Leader kamzor tha pahle se par itna bhi nahi ki wo kisi bacche ki tarah DB ke saath chala jaayega......lekin iss waqt DB ke paas bhi wo hare rang ka heera tha jo usne Fumos se liya tha....aur wo usko kaafi taqat de raha tha....jiski wajah se wo aaram se Leader ko apne saath leke jaa paa raha tha.....par Leader wo kuch kar nah paa raha tha par bol paa raha tha.....

Wo wahi se chilla raha tha Nikita ko bulla raha tha.....

Leader - Nikita....Main tumhara Pita hu.....sach mein.....Meri baat sunno.....tum sab mujhe meri beti se durr nahi kar sakte......

Yaha Leader ghar ke darwaje se bahar gaya aur waha Nikita ke aankhon se aanshu bahar aane lag gaye.....

Ek aadmi itne waqt se uske aas pass tha.....usne kabhi usko iss baat ka ahsaas nahi hone diya....ki wo uska pita hai.....aur aaj pata nahi usko kya hua ki usne ye baat sabke saamne kahi.....wo kis chizz ke intezar mein tha.....

Bahut se sawal the sabhi ke mann mein aur unn sab se jyada sawal Nikita ke mann mein the.....

Jab ye hua to Daksh Pankaj ki taraf ghoor raha tha.....Pankaj hi tha wo jisne usko milaya tha uss Leader se....

Par pankaj bhi bechara kya kare......use bhi iske baare mein pata nahi chala tha....baat hi nahi iss baare mein jab Leader ko confirm hua ki Nikita uski beti hai....

Iss dauraan Rupal gusse mein darwaje ki taraf jaa rahi thi.....jiska pata Chachi ko lag gaya.....

Chachi - Rupal yaha aao.....aur Nikita ko room mein leke chalo......

Rupal - Par maa....

Chachi - Sunna nahi tumne maine kya kaha......chalo ander.....

Rupal didi kya hi kar leti.....chup chap pahle Chachi ke pass gayi phir waha se Nikita ko leke unke saath kamre ki oor badh gayi.....K.Bua bhi unke saath ander chali gayi....

Bahar jo bacche the wo bas ek dusre ko dekh rahe the......

Prateek ko apne room mein gaye waqt ho gaya tha.....Dadi se raha nahi nahi gaya wo ek aakhiri baar dono se aur milna chahti thi to unhone P.bua se kaha....par P.bua ne thoda rukne ko kaha

Wahi room mein aane ke baad Prateek side mein jaake khada ho gaya tha......

Neelam - Accha kamra hai ye to.....

Parth - Ye room hamare liye hi tha....

Neelam - Prateek tum bhi jaante ho humare pass waqt kam hai....hum yaha tumse bas ek baat karne aaye hai....humme nahi pata tum kis tarah Slayer ke pass jaa pahuche aur kis tarah usse bachke humme yaha leke aaye ho....par ek baat yaad rakhna.....wo hamesa wapas aata hai....

Parth - Haa beta hum iss baare mein hi baat karna chahte the.....uss Slayer ko kabhi bhi khatam nahi kiya jaa sakta......uska janm nahi hua tha usko banaya gaya tha....

Prateek - Main jaanta hu par aapko ab iski phikar karne ki jarurat nahi hai.....wo ab kabhi bhi wapas nahi aa sakta.....

Neelam - beta tum samajh nahi rahe wo har baar wapas aata hai......aur usko khatam nahi kiya jaa sakta.....tumhe humse ek wada karna hoga.....

Prateek ko apne prati unn dono ka itna sneh dekh bahut alag sa mehsus ho raha tha....wo bhavuk hota jaa raha tha.....

Prateek - kaisa wada....

Neelam - Tum kabhi khud se uske pass nahi jaaoge......wada karo ye.....

Prateek ne socha isme kya hai wo ye wada kar sakta hai.....par usne ye bhi socha tha ki wo ye wada jarur nibhayega.....chahe kuch bhi ho jaaye.....

Prateek - theek hai.....Maa Papa main aap dono se wada karta hu.....

Dono ne ye sunna to wo khus ho gaye......

Pata nahi bahar kya ho raha tha kuch aawajein aayi Prateek ne darwaje ki taraf dekha....aur jab palat ke wapas Neelam aur Parth ki ooor dekha to wo dono dhundhle hone lag gaye the....

Prateek - aapke pass ab jyada waqt nahi hai.....humme bahar chalna chahiye wo sab aapko aakhiri baar dekhna chah rahe honge.....

Parth - Wo dekh chuke hai Prateek.....ab aur dekha to dukh hi milna hai bas.....

Neelam - sahi kaha......Tum apna dhyan rakhna beta....aur agar kabhi koi ghar ka kuch kah de to bura na manna.....baat sayad hi galat niikle par unka maksad tumhari bhalai hi hogi hamesha.....

Aisi hi kuch aur baatein karte gaye wo aur dhire dhire unki aakritiyan dhundhli hoti jaa rahi thi....aur waise waise hi Prateek ki aankhen nam hoti jaa rahi thi.....

Wo aaj iss baat ko bhi samajh raha tha ki Maa Baap ke hone ka kya matlab hota hai......wo khud to dukhon ki dhup mein jalte rahte hai par apne baccho ko sukh ke chaw mein rakhte hai....

Unke jaane ke baad Prateek apne bed pe baith gaya.....

Abhi kuch hi waqt to hua tha.....ki uske darwaje pe dastak hui......Jab darwaja khula to samne Madhu aur Pankaj the....dono hi thode pareshan se lag rahe the.....par apni pareshani chupane ki koshish kar rahe the...

Prateek ne darwaja khola aur side mein khada ho gaya......wo dono bhi ander aa gaye.....

Madhu - Kya wo dono chale gaye......

Prateek - Haaa wo challe gaye....

Pankaj - Hum hai tumhare saath.....

Prateek - Haa pata hai.....chalo bahar sabko bata aate hai ki Maa papa jaa chukke hai......wo waha intezar kar rahe honge.....

Pankaj - Haa.....

Pankaj ne haa to kaha par bahar jaane ke liye utha nahi wo baitha hi raha.....

Prateek - Kya baat hai....kuch hua hai kya....pareshan lag rahe ho.....

Pankaj ne Madhu ki taraf dekha....aur ishare mein usko batane ke liye kaha....par Madhu ne apni badi badi aakhen aur badi karke usko dikhai.....

Pankaj - wo bahar....Leader ne....wo Nikita se....kaha ki wo uska.....Leader uska Pita hai......

Prateek - Ooh.....haa to....

Prateek ka reaction dekh ke dono hi hairaan the.....unko aisa laga jaise ye iss baat ko pahle se jaanta ho.....unko lag raha tha Nikita iski dost hai to isko gussa aayega....wagera wagera par ye to.....

Pankaj - ye kya hai.....kya tumhe iss baare mein pahle se pata tha.....

Prateek - Haa....

Wo aage kuch bolta usse pahle hi Madhu ne gusse mein usse kaha......

Madhu - tumhe pata tha......tumhe ye pata tha to tumne bataya kyun nahi.......Nikita to dost hai tumhari......kyun nahi bataya usko.....

Uska gussa dekh ke Prateek ne uski puri baat naa batane ka socha....aur kaha....

Prateek - arre sunno to mujhe pura to karne do....Main jaanta hu ye baat par kuch waqt pahle hi pata chali jab yaha aa raha tha tabhi.....

Madhu - Mujhe sab kuch batao.....

Prateek - abhi ye jaruri hai kya....Mujhe dekhna hai bahar kya chal raha hai.....

Pankaj ne pahle to usko jo kuch hua sab short mein bataya aur uske baad bahar chal diye wo sab.....

Bahar aate hi Dadi ne usse puccha.....

Dadi - wo dono kaha hai......

Prateek - Dadi Maa Papa jaa chukke hai.....

Dadi ne jab ye sunna to wo rone lagi....wo thoda aur waqt bitana chahti thi....par Dada ji ne unko sambhal liya.....

Prateek kuch bolta usse pahle Daksh ne kaha.....

Daksh - Mujhe lagta hai ab humme bhi chalna chahiye.....

Ye bol ke unhone Pankaj ki taraf ghoorte hue dekha......

Wo janaa chahte the jo kuch hua Nikita ka wo sab kya tha...Leader ka sach janna chahte the wo...aur Leader se to Pankaj ke karan milla tha wo to usse hi puch sakta tha,....

Madhu - Kya Main bhi aaj aa sakti hu waha.....

Daksh ne ek baar wapas ghoora Pankaj ko.....aur phir bola....

Daksh - Isme bhi koi puchne ki baat hai......Wo tumhara bhi ghar hai....tum waha aa sakti ho jab mann kare.....

update isse lamba tha.....par galti se file delete ho gayi.....Raat mein next update aayega usme DB ka Strange world jaana aur waha kya hoga wo sab dikhaya jaayega.....saath mein yaha ghar pe aur kya hota hai wo bhi.....

Zabardast awesome interesting update

 

[Ashish120]

Waiting

 

[Asif khan]

UPDATE - 115

Raat ho chali thi Rupal didi ke nana nani apne ghar chale gaye the.....Daksh Mama bhi Pankaj aur Madhu ke saath ghar chale gaye the......Pujari ji bhi nikal gaye the....aur DB wo to tab se hi gaya hua tha jab se wo Leader ko leke nikla tha.....wapas hi nahi aaya....aur kisi ne dhyaan bhi nahi diya....

Ghar pe mahaul kuch bhari bhari sa tha......sayad itna kuch hone ke wajah se......Dadi udas thi ki Neelam aur Parth chale gaye......baaki sab bhi uddas the iss baat se par jahir nahi kar rahe the utna.....

Dadi ko sambhalne ke liye Dadaji the aur thoda bahut madad Chacha aur P.Bua kar rahe the unka.....

Chachi, K.Bua aur Rupal didi ye tinno hi Nikita ke saath the.....uske saath bhi ek jhatke mein bahut kuch ho gaya tha.....

Ajeeb hai jab Prateek ke Maa Papa aaye uss halat mein to wo usse ander hi ander jal rahi thi.....aur saath mein ek ummid bana liya tha usne ki sayad wo bhi kabhi....kisi din apne Maa Papa se mil paayegi.....par dekho uske Pita uske saamne aaye usko bataya par usne kuch kaha hi nahi.....wo bas chup ho gayi.....aur uske baad rone lag gayi.....

Chizzen aapko mil jaaye jitna jaruri ye hai utna hi jaruri ye bhi hai ki wo kaise mille hai.....Agar jaruri nahi hota to sayad abhi Nikita bhi Leader ke saath hoti.....khush hoti....par aisa nahi hai.....

Sab usko sambhal rahe the.....par uske aanshu the jo sukh hi nahi rahe the.....

Prateek usse milne gaya....par wo samajh nahi paaya ki usko kya bolna chahiye.....isko risthon ke baare mein jyada experience hai hi nahi......

Ye raat muskil se bitta yaha pe....

Jab subah hui to Prateek ke room ke darwaje pe dastak hui......

Prateek uth to pahle hi gaya tha....aur bahar dhyaan bhi laga ke aa chukka tha.....abhi bas taiyaar hua hi tha ki dastak hui thi ye.....Usne darwaja khola....

Saamne K.Bua thi....aur saath mein Rupal didi.....

Rupal didi - accha hai tu taiyaar ho gaya hai....chal hum bahar jaa rahe hai.....

Prateek - Bahar.....kaha bahar...mujhe to......

Wo bol hi raha tha ki usse pahle hi Rupal ne apna haath aage kiya aur usko rokk diya.....aur bolna shuru kiya.....

Rupal - Hum sab bahar jaa rahe hai.....K.Bua aur P.Bua ne bhi chutti le li hai school se....aur to aur Papa bhi ready hai......

Prateek - Par didi mujhe to jaana hai naa college mein......wo Madhu.....

Rupal ne jab Madhu sunna to apni aankhen choti karke Prateek ko dekhne lagi....

Prateek - arre wo Pujari ji ne kaha tha naa......

Rupal - wo bacchi nahi hai koi.....samjhe....jo har waqt uske saath raho....aur sunna maine tumne kya kiya tha....kaise uski suraksha kar rahe ho.....Prateek wo abhi theek hai....par Nikita nahi.....Tumhe pata hai kal kitne muskil se uska rona band kara tha humne.....aur kitni muskil se soyi thi wo......aaj hum kahi bahar jaayenge to uska bhi mood sahi hoga kuch.....aur Dadi ka bhi.....

Prateek - hmm....wo to theek hai....par Main Pujari ji ko bata deta hu naa.....

Rupal - kisi ko kuch batane ki jarurat nahi hai.....mat aao tum hamare saath.....K.Bua chalo yaha se isse baat karni hi bekar hai.....iske paas kisi ke liye waqt hi nahi hai....

Prateek - arre maine aisa kab kaha....Main bhi chal raha hu aapke saath....

Rupal - Theek hai ab chal ye baat Nikita ko bata.......

Prateek - Kya.....kya matlab hai iska.....

Rupal - kya matlab hai se kya matlab hai tera.....tu jaa aur bol usko bahar chalne ke liye hamare saath....wo sunn nahi rahi meri baat ko.....tu bhi hoga to jarur sunegi.....

Main chal diya Rupal didi aur K.Bua ke saath.....

Room ke bahar hi the hum ki K.Bua ne kaha...

K.Bua - Rupal mujhe lagta hai thoda time dena chahiye isko.....abhi kyun.....

Rupal - K.Bua.....Maine aapko pahle hi kaha......Main usko aise dekh hi nahi sakti.....agar wo aise rahegi to mujhe gussa aata rahega....aur gusse mein mujhe khud nahi pata Main kya karungi.....kal raat se jab bhi usko dekh rahi hu uss aadmi pe itna gussa aa raha hai ki mann kar raha hai jaake usko abhi ke abhi....wahi pe peet du....

Prateek ne jab usko ye baat karte hue dekha....aur saath mein Rupal didi ki aankhon ka rang badalte dekha to wo thoda pareshan ho gaya.......

Ye gussa jaise jaise badh raha tha.....Prateek ko saamne dikhne laga agar isko rokka naa gaya to Leader ka kya haal hone wala hai......wo powers jo Rupal didi ke ander hai wo unko binna pata lage hi Leader ka kaam khatam kar aayenge....

Prateek - Didi......haa aapne sahi kaha.....K.Bua Didi sahi kah rahi hai.....Main bhi nahi dekh sakta Nikita ko iss tarah se.....Didi aap shant ho jaaiye hum baat karte hai usse......

Wo tinno room ke ander gaye.....waha pe Chachi aur P.Bua pahle se the.....Chachi Nikita ke baal bana rahi thi....aur wo.....wo bas baithi thi.....jaise koi bejaan si gudiya ko bitha rakha ho kisi ne kursi pe....

Chachi usse baat karne ki koshish kar rahi thi....par ye ektarfa baatein hi thi....bas Chachi bolti ja rahi thi.....Nikita to apna sar bhi nahi hilla rahi thi......

P.Bua bhi issi koshish mein thi ki wo kuch baatein kare.....par wo bol h nahi rahi thi.....usne kal raat se kuch kaha hi nahi tha abhi tak issi wajah se to ye pareshan the.....

Prateek bhi gaya waha pe.....par jaise kal tha waise hi aaj.....haa bas aankhon se aanshu nahi gir rahe the Nikita ke sayad ab sukh gaye honge sab....

Wo tab bhi waise hi baithi rahi......uski taraf dekha bhi nahi.....

Prateek ne ye dekha aur uska dhyaan apni oor laane ke liye kaha....

Prateek - Nikita....hum sab bahar jaa rahe hai....Tum bhi chalogi na hamare saath.....

Itna kahne ke baad bhi wo waisi hi thi.....

Rupal didi jo pahle se gusse mein thi wo uske pass gayi aur Chachi se puccha......

Rupal didi - Ye taiyaar hai naa......

Chachi - haa par....

Rupal - Ab koi par war nahi hoga.....ab ye chal rahi hai hamare saath.....

Chachi - Rupal beta usko thoda waqt to do.....

Rupal - Kya waqt do.....kuch hua hai kya....kuch bhi nahi hua hai isko......ye theek hai.....aur hamare saath chalegi to aur theek ho jaayegi......

Unhone kisi ki sunni hi nahi bas uska haath pakda aur khinchte hue usko uthane lag gayi.....aur wo kisi bejaan si gudiya ki taraf uth bhi gayi.....

Jab aisa hua to Rupal didi ne uski oor dekha.....gussa ab kuch aur hi banta jaa raha tha.....jo aakhen gusse se laal hui jaa rahi thi....unme ab aanshu aate jaa rahe the......

Nikita phir bhi bas khadi thi......chahre pe binna kisi bhaw ke.......

Rupal didi - Maa isko bolo naa baat kare......kyun ye aise hai.....Bua aap bolo na......dekho isko.....kyun chup hai ye.....

Wo bol rahi thi aur aankhon se aanshu bahne lag gaye the.....

Nikita ke chahre pe abhi bhi koi bhaw nahi the.....usko dekh ke to aisa lag raha tha jaise sarir mein koi aatma hi nahi ho.....bejaan si laash khadi hui hai.....

Rupal didi waise hi sabko bol rahi thi ki usko bolne ke liye kahe baatein karne ke liye kahe......Rupal didi ko Prateek bahut pyara tha.....par Nikita usse kam pyari nahi thi.....jaha Prateek bhai tha unka.....wahi Nikita ko bhi apni choti bahen se kam nahi manna tha unhone....aur ab iss tarah usko dekh wo ander hi ander ro rahi thi.....shuru mein jaisi unki pravirti hai kisi bhi chizz ko gusse ka roop de dena unhone wahi kiya....par jab wo kaam nahi kiya to usko wo jaisa hai waise hi sabke saamne rakh diya unhone.....

Nikita ka bhi alag sa hi connection ban gaya tha Rupal didi ke saath,.....Prateek bhale hi dost ho sirf uske liye par usne bhi Rupal didi ko bahen se kam kabhi nahi maana.....

Jab Rupal didi aise ro rahi thi.....aur Nikita kuch bhi nahi kar rahi thi to Chachi ne Prateek ko aur K.Bua ko unko bahar le jaane ko kaha.....apne room mein......

Chachi samajh rahi thi.....wo jaanti thi ki aisi baaton ke baad chahe koi bhi ho usko waqt ki jarurat padti hi hai.....par wo ye baat Rupal didi ko samjha hi nahi paa rahi thi....Rupal didi samajh hi nahi paa rahi thi......wo to raat se hi usse baat karna chah rahi thi.....Kisi tarah usko samjhaya tha Chachi ne....par ab kaha....

Main aur K.Bua Rupal didi ko uss room se bahar dusre room yaani unke room mein leke gaye......wo gusse mein thi ro rahi thi.....unko khud samajh nahi aa raha tha ki unke ander chal kya raha tha......Prateek unki aankhon mein dekh raha tha....wo pal pal apna rang badal rahi thi.....

Yaha pe ye chal raha tha wahi dusri taraf

Demos pe......

Lucifer kal se apne singhashan pe hi baitha tha....wo utha hi nahi waha se kabhi.....bas baitha raha tha......

Jo sainik bache hue the wo waha aa rahe the......wo kisi tarah darte hue apni baatein usko bata rahe the.....par wo sunn nahi raha tha.....wo to khud mein hi khoya hua tha......

Kuch waqt baad ek banda aaya waha pe jo khush tha.....jo sainik waha aas pass the wo usko khush dekh ke chaunk rahe the......khusi ke liye nahi.....iss liye kyunki wo Lucifer ke pass jaa raha tha....iss waqt.....

Wo ander gaya....usne dekha Lucifer waise hi baitha hua hai.....kal ke ladai ke baad usne khud ko saaf bhi nahi kiya tha uske sarir pe khoon lage hue hi the.....

"Maharaj......Main aapke liye ek acchi khabar leke aaya hu...."

Lucifer ne usko dekh ke bhi andekha kar deta par uske chahre ki khushi.....wo Lucifer ko kaante ki tarah chubh rahi thi.....

Gusse se aankhen laal ho uthi uski.....wo to uth ke usko maar hi deta.....par bande ki kismat bahut acchi thi.....aaj ke liye to acchi hi thi.....

Usne Lucifer ke uhne se pahle hi naam le liye Justin ka......

"Maharaj.......Rajkumar Justin theek hai......"

Abhi aankhen gusse se laal thi.....par ye sunne ke baad to aur laal ho gayi thi.....Gussa aur badh gaya tha Lucifer tay kar chukka tha ki isko aasan maut nahi deni hai.....usne apni jagah se hi puccha......

Lucifer - agar wo theek hai to batao KAHA HAI JUSTIIIIIIIIIIINNN.....

Lucifer ki garjana sunke to ekpal ko wo kaamp utha.....wo bhul hi gaya ki wo kya kahne aaya tha.....maut saamne dikh rahi thi usko.....

Jo sainik waha bahar the wo dhire dhire waha se durr jaane lag gaye.....

Uss bande ne halkate hue kuch kaha.....par kya kaha.....wo to sayad usko bhi samajh nahi aaya hoga.......tutte phoote sabd nikal rahe the uske mukh se.....

Lucifer - KAHA HAI JUSTIN......BATAAAAAOOOOO

Khud ko sambhalte hue....jo bhul chukka tha usko yaad karte hue kisi tarah apni baat kahne ki himmat jutta raha tha wo.....

"Maharaj......aaj Strange world mein hamare logo ki aatmayein ghoom rahi thi....guptcharon se pata chala ki wo apne pariwar walo se mil rahe the....."

Lucifer ka gussa ab itna badh gaya tha ki agar uski aankhon mein sidha dekh le koi to wo darr se mar jaayega.....ye baat hi aisi kahi thi usne......aatmayein maut ke itne waqt baad nahi pahuchti hai kahi.....yaa to wo apne aage ke safar pe nikal jaati hai yaa bas bhatakti rahti hai par shuru se hi aise kabhi bhi saamne nahi aa jaati wo.....

Lucifer - To tumhe ye guptcharon se pata chala hai.....

Bade hi shant lahze mein kaha Lucifer ne......aur uss bande ne darte hue apni baat puri kari....

Lucifer - chalo maan liya wo aatmayein waha gayi hogi.....par.....isse Justin theek hai iss baat ka kya PRMAAN HAI TUMHARE PASSSSSS BATAAAAAOOOO

pair kaamp rahe the darr se ab......itna ki ghutno pe baithna pada usko.....

"Maharaj Rajkumar Justin yaha nahi aaye.....matlab unko koi sarir mil gaya hoga.....unki maut nahi hui hai....."

Ye kuch baatein thi.....jinhone Lucifer ke gusse ko gayab kar diya.....

Lucifer - Tumne jo kaha wo baat agar sach hai to mujhe apne guptcharon se baat karao......Main khud puchna chahta hu unse.....

"Ji Maharaj......main untak sandesh pahuchata hu.....hum sham tak unse baat kar paayenge...."

Lucifer - Sham tak nahi....jitni jaldi ho sakke utni jaldi ka prabandh karo....

"Ji maharaj"

Kisi tarah wo waha se khud ko sambhalte hue bahar nikla.....aur bahar jaate hi usne guptcharon se baat karne ki taiyaari shuru kar di......

Wahi dusri taraf Earth pe aashram mein.....

Pujari ji aur Guruji dono hi waha pe the.....Leader bhi tha waha pe nirash sa......khud ko kosh raha tha.....aur sawal karna chah raha tha DB se.....Par DB abhi kisi aur chizz mein laga hua tha......

DB iss waqt uss harre manni ko Elf desh ke uss mukut mein wapas lagane ke liye usko sahi aakar dene mein laga hua tha.....saath hi usme kuch aur bhi chizzen de raha tha aisi chizzen jinki abhaw thi uss waqt jab uske purvajon ne uss mukut mein manni lagaya tha......wo chizzen jo usko ab kabhi bhavishya mein uss mukut se alag nahi hone dene wali thi.....wo chizzen jo uss mukut ko dharan karne wale ki shaktiyan kuch had tak badha dene wali thi.....wo chizzen jo usko dharan karne wale ke mann ko shant rakhne ka kaam karne wali thi......

Jal phoolon ka ras Leader ka baccha hua khoon jisme Fumos ki bhi shaktiyan thi....uss daanavi ped ke tanne ka ras jisko usne Leader ka khoon pila ke bada kiya tha.....

Ye chizzen uske purvajon ke pass kabhi bhi nahi thi.....wo iss chizz mein laga hua tha.....uss manni ko satik karne ke kaam mein....

Wo iss kaam ko kar hi raha tha ki uska phone baja.....phone uske paas bhi tha wo bhi insano ke bich raha tha kuch waqt.....

Uska phone pas mein hi rakha tha usne Leader ki ooor dekha to Leader ne uska phone dekha.....phone pe Nikita likha hua tha....

Leader ye dekh ke bada khush hua....usko laga sayad uski beti uska pata puchne ke liye DB ko phone kar rahi hai....bhala ho Pujari ji ka jinhone waqt rahte phone usse le liya.....aur usko chup rahne ko kaha.....

Phone uthaya to saamne se Prateek ki aawaj aayi....

Prateek - DB hum bahar jaa rahe hai......Nikita ka mood sahi karne ko.....tum bhi aana chaho to aa jaao....bas ek baat ka dhyaan rakhna abhi Leader ko sambhal lena.....

EK hi baar mein usne apni puri baat kah daali....

Leader bhi sunnn raha tha....saath mein DB bhi.....DB ne Pujari ji se phone paas mein laane ko kaha aur usse jagah ke baare mein puccha.....Jagah pata chalne pe usne kuch waqt lagega par aa jaaunga aisa kaha.....saath mein ye bhi kaha ki Leader ki chinta naa kare.....aur phone kaat diya......

Leader ne jab ye sunna to usko bada gussa aaya.....pahle to Prateek ki baat aur uske baad DB ki bhi haa ko sunn ke.....

Ab sawalon ki jhadi laga di usne.....

Leader - Kya tha ye....tumne kaha tha main sab se bahar nikal jaane ke baad usko batla sakta hu....Maine to wahi kaha par wo kuch boli hi nahi.....aur to aur tum mujhe waha se le aaye yaha pe.....kab se waha wapas jaane ke liye bol raha hu jaane nahi de rahe......Ab bhi mujhe usse durr rakhne ki baat kar rahe the....kya hai ye.....

DB - Shant ho jaao Leader.....Maine tab bhi mana kiya tha aur yaad karo tumne kaha tha ab der ho chukki hai.....tumhe meri baat manni chahiye thi.....

Leader - Bas ek baar nahi maani aur batao kabhi nahi maani ho to.....ye tumne theek nahi kiya hai.....

DB - Isme mera kuch kara nahi hai.....jo hai wo sab tumne kiya hai.....wo waqt sahi nahi tha maine kaha to tha tumse par sunna hi nahi tumne.....

Leader - manna uss waqt meri galti thi par ab mujhe rokne ki baat kyun karte ho.....jaane do mujhe bhi milne do apni beti se.....

DB - Tab bhi kaha tha ab bhi kahunga ye waqt galat hai.....tumne itna intezar kiya thoda aur nahi kar sakte kya....Mann mein uske laakhon sawal honge unn sawalon se to praichay ho jaane do uska.....waqt do usko sambhalne ka khud ko.....

Leader - Main Pita hu uska ye usko pata chala hai....ye to khusi ki baat hai isme bhala sambhalna kya hai....

DB - samajh nahi rahe tum baat ko dhang se....Pujari jii isko sambhaliye aap.....ye baar naa jaa paaye iss baat ka khayal rakhiyega......

Leader - DB tum mujhe yaha pe kaid nahi kar sakte.....

DB - Tumne madad ki hai meri....ab meri baari hai....thoda dheeraj rakho....aur yakkkin karo mera.....

Itna bol wo wapas se lag gaya apne kaam mein......Leader ko waha se Pujari ji apne saath le gaye....

Chaliye thoda picche chalte hai waqt mein....aur dekhte hai ghar pe wo mann kaise gayi......

Rupal didi ko jab hum apne kamre mein leke jaa rahe the....to uss waqt unke aanshu lage hue the Nikita ke haathon pe.....aanshuyon se jyada kuch nahi hua.....hua to Prateek ki baaton se tha.....

Room mein Prateek dekh raha tha iss chizz ko ki apne emotions ko sambhal nahi paa rahi hai Rupal didi....wo jaanta tha iska natiza kya hona hai.....to usne ek chunav kiya.....

Wo gaya wapas se Nikita ke pass.....wo abhi bhi khadi thi waise hi......Chachi usko baithane hi wali thi ki tabhi Prateek waha pe pahucha tha......

Prateek - Nikita.....kya ho gaya hai tumhe.....tumne nahi dekha kya.....kaise Rupal didi ro rahi hai tumhare baat naa karne ke kaaraan.....nahi dikh rahi kya raat bhar se tumhe Chachi aur Bua apne pass.....Chachi ko dekho.....ye soyi nahi hai....raat bhar se jaagi rahi tumhare liye....Bua ko dekho ye bhi waise hi jaagi rahi hai.....

Chachi - Prateek kya kar raha hai beta.....tu to samajhdaar hai naa....Rupal jaisi batein mat kar.....

Ab wo kya bataye ki Rupal didi ki wajah se hi ye karna pad raha hai usko.....agar ye naa boli aur unka dimmag aur kharab hua to pata nahi aage kya hoga.....

Prateek - Dekha.....abhi bhi mujhe samjha rahi hai ye....tumhare liye.....aur ek tum ho....baat nahi kar rahi humse....sayad hum tumhare kuch hai hi nahi....

P.Bua - Prateek kya bol raha hai tu.....jaa yaha se.....dimmag sahi hai naa tera.....

Prateek ne jab ye kaha usko lag raha tha sayad abhi usko thappad padne wali hai.....aur wo ye chah raha tha.....par aisa hua nahi....to usko aur baatein bolni padi....

Prateek - Kya chup rahu Bua....sach hi to kah raha hu.....isne kabhi humme apna maana hi nahi....hum hi paaga.....

Chattttttttttttttttttaaaaaaaaaaakkkkkkk.......chatttttttttttttttaaaaaaaaaaakkkkkkkkkkkk.....

Chachi - EK sabd aur nikaala to mujhse bura koi nahi hoga....Poonam leke jaao isko yaha se......pata nahi kaisa bhoot sawar hota hai dono bhai bahno ko.....bolne se pahle.....

Wo bol hi rahi thi ki unko picche se siskyon ki aawajein sunai dene lag gayi.....picche dekha to Nikita wapas se ro rahi thi.....

Wo uske pass gayi niche baithi aur usko puchkarte hue chup karane lag gayi.....

Chachi - Arre iski baaton pe dhyan nahi dete Nikita.....tumhe to pata hai kuch bhi bolta rahta hai ye.....chup ho jaao beta.....rote nahi.....

Chachi itna bol ke uske aanshu pochne lagi....

Prateek ne dekha ki sayad usne jo socha tha waisa hi kuch ho raha tha......Nikita uske taraf dekh rahi thi.....

Ye baat Poonam bua ne bhi dekhi....aur gusse mein kaha.....

P.Bua - Prateek maafi maango Nikita se......abhi....

Prateek - Main maafi maangunga to kya ye bolegi kuch.....agar bolegi tab hi maafi maangunga main....

Chachi - Poonam laga isko 2 aur khinch ke bahut bolne lag gaya hai.....kab kya bolna hai samajh hi nahi aata isko.....

Chachi bhi gusse mein thi.....

Nikita - Mujhe pata hai wo ye sab jaan bujh ke kar raha hai......

Wo boli.....sach mein boli.....aur uske baad apne aanshu khud se saaf kiye....aur phir boli....

Nikita - Ye jaan bujh ke kar raha hai aisa taaki main baat karu....

Prateek thoda sa muskurya.....par usko tabhi kuch yaad aaya....

Prateek - Rupal didi bahut gusse mein hai....aur ro bhi rahi hai....issliye mujhe ye karna pada.....

Chachi ne jab ye sunna to apni jagah se uth ke Prateek ke pass aayi aur uska kaan pakad ke madod diya....

Chachi - Kya chal raha tha ye......wo gusse mein hai iss liye tum ye sab karne aa gaye.....rukko usko bhi samjhati hu Main....

Nikita - nahi.....unko kuch kahne ki jarurat nahi hai.....

P.Bua - Tinno hi ek jaise hai Bhabhi.....samjha nahi sakenge hum.....

Chachi - Tinno kaha charo.....wo kaha hai Elf Rajkumar.....

Prateek - Main usko batla deta hu hum bahar jaane wale hai.....wo aa jaayega.....

Chachi - Madhu aur Pankaj ko bhi bol dena.....

Prateek - Madhu to College gayi hogi.....aur Pankaj se.....

Prateek jab ye bol raha tha to usne Nikita ki taraf dekha.....Nikita naa mein ishara kar rahi thi.....to Prateek ne Pankaj ka bahana bana ke taal diya.....

Iske baad wo Rupal ke pass pahuch gaye.....Rupal ne jab Nikita ko waha dekha to gussa kuch shant hua.....aur rona band.....

Aaj yahi tak rakhte hai.....Strange world ka safar agle update mein.....saath mein...Lucifer ka bhi dekh lenge kya karta hai ab wo

Very good update

 

[Asif khan]

UPDATE -116

Yaha Leader ko pujari ji leke chale gaye the wahi DB apna kaam pura karne mein lag gaya.....par usse wo ho nahi paa raha tha.....

Wo laga raha uss chizz mein par wo saari chizzen ek saath nahi aa paa rahi thi......agar aati to shape sahi nahi ho paata uss heere ka.....to Guru ji wahi pe the usko dekh rahe the......

Guruji - Mujhe lagta hai tumhe thoda aaram chahiye......

DB - Nahi.....Mujhe pahle ye karna hai uske baad hi yaha se jaana hai....

Guruji - Tumhe shant hona hoga pahle apne mann ko shant karo......uske baad hi iss kaam mein safal ho paaoge.....mera kaha maano.....tum bahar jaao thoda shant ho jaao uske baad wapas se prayas karna.....

DB - Aap samajh nahi rahe.....agar Maine aur der kari to waha pe halat aur bigadte jaayenge......

Guruji - Main issi liye to tumhe bahart jaane ko kah raha hu....jab tak tum shant nahi hoge ye kaam pura nahi hone wala aur waha pe log aur sahte rahenge......bahar jaao tumhare dost tumhe bulla rahe hai....

DB ne apni baat rakhne ki puri koshish kari.....par usko bhi ye lag raha tha wo ye abhi kar hi nahi paayega.....aisa bahut baar hota hai.....aapke pass wo har cheez ho jiski jarurat ho kisi kaam ko karne ke liye....par wo kaam nahi ho paa raha ho.....kyunki uske hone ka waqt hi nahi hui hai.....

Khair DB ne Guruji ki baat sunni aur wo taiyaar hone lag gaya....

Wahi dusri taraf Strange world mein......

Lucifer ke guptcharon se wo banda contact kar raha tha jisne Lucifer ko Justin ke theek hone ki baat batayi thi.....

Saare guptcharon se usne Lucifer se baat karne ko kaha......par wo sab ke sab pahle se darre hue the.....

Jab se unko Demos pe kya hua ye baat pata chali wo sab ke sab soch mein pade hue the....wo nahi chahte the ki unki maut bhi uss tarike ki ho.....

Unko pata chala Lucifer unse baat karna chahta hai.....par karan pata nahi chala tha unko....karan pata ho to sab clear hota hai warna kabhi kabhi muskilein badh jaati hai.....aisa hi kuch yaha pe bhi hona tha.....

Unn guptcharon mein se ek ne ghabrake iss baat ko Nyx logo ke kabile ke pass kah diya......aur iss baat ka pata kisi tarah uss Murti mein kaid bande ko chal gaya.....

Usko abhi tak Slayer ke baare mein jyada kuch pata nahi tha.....uske saamne kuch hua hi nahi tha usse related......haa pahle kuch baatein hoti thi par uss waqt wo jalphool ke ras ke nashe mein hota tha.....aur wo iss baare mein samajh nahi paaya kuch....to usne kuch kiya bhi nahi.....

Par aaj usko kuch kuch pata chala tha......iss guptchar se aur kuch baatein baki jagahon se......

Uske kaano tak ye baat pahuch gayi.....ek aise sharir ke baare mein.....jo aatmaon ko kaid karke rakhta tha....

Usne ek nix ko bulaya.....aur usko uss guptchar ko pakad ke uska jagah le lene ko kah diya......

Strange world pe jo bhi Nix bacche hue the unme se jyadatar ab iske gulam bhar ban ke rah gaye the,.....isne unko Jalphool mein apni takaton ko mila ke de diya tha unko......jisse wo pahle se jyada takatwar ho gaye the par ander se khokhle hote jaa rahe the.....iske gulam bante jaa rahe the.....

To isne ek Nix ko bhej diya waha pe....Jab wo guptchar iske pass laya gaya to wo behosh tha......

Abhi jo waha ke mandir mein rah raha tha usko Murti mein kaid bande ne jalphool ka rash pilane ko bol diya......

Usne bhi pila diya usko......par usse kuch hua nahi.....bahiri taur pe to bilkul hi nahi hua tha wo behosh ka behosh hi raha tha......par uske baad Murti mein kaid bande ne uske sewak ko waha se jaane ko bol diya......

Ye uss sewak ke liye accha mauka tha...wo waha se bahar jaana chahta tha par jaa nahi paa raha tha usko izzazat hi nahi thi....ab jab milli to wo yun bhaga jaise aasmaan gir raha ho.....

Uske jaane ke baad Murti mein kaid banda intezar karne lag gaya ki kab uss guptchar ko hosh aaye.....

Wahi dusri taraf.....Guptcharon se baat karne ko Lucifer taiyaar ho chukka tha.....aur ye sab bhi taiyaar the.....sab ek jagah pe aaye.....aur dekhte hi dekhte unke saamne Lucifer ki ek aakrirti aa gayi.....ye ussi tarah ka tha jaise Elf king ka hota tha jab wo Fumos pe Leader se milte the.....

Lucifer chup tha.....wo bas dekh raha tha inn sab ko......wo unn sab ke charhon pe aaya hua khaoof dekh raha tha.....yun to usko wo accha lagta tha....par iss waqt wo sawal khada kar raha tha.....bas ek banda tha....jo ekdum se shant tha....

EK baar to usne ye bhi soch liye ki kahi ye sab jhoot to nahi bol rahe hai....ye sawal aaya unke dimmag mein par.....bahar bhi nikal gaya.....jab koi karan samajh mein nahi aaya.....

Lucifer - Aatma wali baat kitni sach hai ?

Guptcharon ne sunn rakha tha uss baare mein.....unme se dekha bas 2 logo ne hi tha uss chizz ko hote hue......to saare ke saare unn dono ko hi dekhne lag gaye.....

Lucifer ne jab ye dekha to usne bhi unn dono ki taraf dekha.....

G1 - Ji Maharaj......aapne sahi sunna hai aatma ke baare mein.....aapke iss sewak ne apni inhi aankhon se dekha tha wo sab aur inhi kaano se sunna tha......

Lucifer - To Sewak iss baat ka bhi dyaan rakhna....agar baat mein thodi bhi...thodi si bhi jhoot ki milawat ka pata chala to samajh lena.....kya hoga.....tumhare inhi kaano ko jinse tumne sunna unko jism se alag kar dunga....aur inn aankhon mein pighalta loha daal dunga....

Lucifer ki baat sunn ke uski rooh kaamp gayi....par wo jaanta tha ki usne uska apna sach hi bataya hai....to usne wapas se apni baat ko dohraya......aur saath hi apne dusre sathi ko bhi kaha uss baare mein.....aur usne bhi baat ki pusti kar di......

Lucifer ne har ek baat ko puccha unn sab se....aur tab tak puccha jab tak usko yakkin nahi ho gaya.....aur yakkin hone ke baad waha se nikal gaya wo.....

Iss dauraan wo nix wahi pe tha......wo bhi sab sunn raha tha....aur waha se nikal ke wo sidha apne kabile mein gaya....aur uss mandir mein gaya.....jaha pe wo murti thi......

Wo Mandir ke pass hi tha ki.....usne chikhen sunni.....bhayanak chinkheen.....

Ander aisi aisi aawajein aa rahi thi.....ki bahar logo ke rooh kaamp jaaye......

Chikhne chillane ki aawajein......dard se karaahne ki aawajein......gidgidane ki aawajein......dard se bhari aawajein......

Wo Nix ek pal ko ghabrane lag gaya.....ki usko abhi waha jaana bhi chahiye yaa nahi....par abhi to do dhari talwar pe khada hua pada tha wo.....agar aage nahi gaya.....to baad mein uss murti mein kaid bande ke haaton maara jayega....aur agar abhi ander gaya air kuch aisa dekh liya jo nahi dekhna chahiye tha....to baat aur bigad sakti hai....sayad abhi hi maar de.....

Kaampte pairon se ek kadam aage jaata tha to do kadam piche bhi chala aata tha.....wo dardbhari chikhen uski himmat ko tod rahi thi pal pal......par dar ka kya kare.....wo to aur badhti hi jaa rah thi.....

Dar ke wajah se kisi tarah usne mandir ke darwaje ke pass apna haath rakha.....aur jaise hi usne haath rakha.....ander se chikhen aani ekdum se band ho gayi......wo darwaja jisko kholne mein takat lagani padti thi....ekdum se khud se khul gaya bas chunne bhar se,......

Darwaja khula saamne wahi guptchar pada hua tha.....dekhne mein to theek sa hi lag raha tha haa behosh tha abhi bhi....

Wo Nix usko dekh hi raha tha ki uske dimmag mein ek aawaj gunji.....

"Kya kahabar laaye ho...."

Ye aawaj uss murti mein kaid bande ki thi.....wo issi tarah se baat karne lag gaya tha sabhi se.....

Aawaj sunte hi uska dhyaan uss guptchar se hat gaya aur sidha uss murti pe chali gayi......usne jo jo usne sunna tha sab kuch usko bata diya.....

Murti mein kaid bande ne bahut hi gaur se unn sab baaton ko sunna aur uske baad uss bande ko waha se jaane ko bol diya.......

Wo banda ghabraya hua waha se dhire dhire nikal gaya.......ye soch raha tha kahi usko wo mandir mein hi rukne ko na bol de......

Wo waha se jyada durr gaya bhi nahi hoga ki wapas se aawajein aani shuru ho gayi thi.....wahi khaufnaak dard se bhari aawajein......

Wahi dusri taraf.....

Prateek aur baaki sab nikal chukke the sair sapate ke liye.....maksad to bas ye tha ki kisi tarah Nikita ka mann bahlaya jaaye......wo aa to gayi thi unke saath par wo sab bhi iss baat ko acche se jaante the.....

Wo jaante the ki jiss chizz ka pata Nikita ko laga tha aur jiss tarah se laga tha usse ubhar panna aasan nahi tha.....aur wo bhi ek raat mein.....bilkul bhi nahi.....

Sabhi badon ka manna tha ki usko kuch waqt dena hi chahiye par ab Rupal didi ke karan Prateek ko bhi aana pad gaya inn sab mein aur usne bas kisi tarah manna liya usko.....

Wo sab ek pahad ke pass gaye hue the......aas pass jungle tha....to koi uss pahad pe aaye bahut hi kam chances the iss baat ke....

DB bhi aa gaya tha waha pe.......wo jaise hi aaya waha pe usko Rupal didi ne pakad liya.....

Hua ye usko dekhte hi unko Leader ki yaad aa gayi....to unhone pakad liya usko.....

DB - arre.....aap kaha leke jaa rahi ho mujhe......Main unnse milne aaya huu.....

Rupal - Chup chap chalo mere saath......

Rupal didi usko thoda durr leke gayi sabhi se....aur uske baad puccha.....

Rupal didi - kaha choda tha usko......aur kaha hoga abhi wo.....

DB - Aap kiski baat kar rahi ho......Main samajh nahi paaya aapki baat ko......

Rupal didi - Tum nahi samajh rahe......sach mein.....chup chap batao kaha hai wo Leader.....Mujhe usse baat karni hai.....

DB ne jab Rupal didi ke saamne wo baat talne ki koshish kari.....to usne socha nahi tha ki unki aankhon ka rang hi badalne lag jaayega......jab usne dekha ye ki rang badal raha hai matlab iss baat ko bahut acche se handle karna hoga nahi to kuch bhi ho sakta hai....

DB - Wo.....wo to waha se chala gaya tha....

Rupal didi - Kaha chala gaya wo.....mujhe ye batao.....

DB ne socha jhoot bol ke kya h milega kahi inko aage pata chala ki usne jhooot kaha tha....to ho sakta hai musibat ho jaaye......

To DB ne sab sach sach bata diya.....par utna hi jitna puccha gaya tha....

DB - Leader iss waqt aashram mein hai......

Rupal didi - Aashram mein.....waha pe kyun hai wo....kisne rahne diya usko.....

DB - aap samajh nahi rahi ho....didi waha koi bhi rah sakta hai naa.....

Rupal didi - theek hai....main jaaungi usse milne kal.....aur puchungi usse jo usne kal kaha tha wo sach hai yaa nahi.....

DB - Didi aapko nahi lagta isme Nikita se bhi puchna chahiye......

Rupal didi - Main iss baat ka dhyaan rakhungi......jaao yaha se......aur iss baare mein....kisi ko bhi kuch mat kahna.....

DB haa mein gardan hilata hua waha se nikal gaya......

Aate waqt khud se hi badbadta hua bol raha tha.....

DB - inke baare mein baat karni hogi....inka gussa kabhi bhi kuch bhi kar sakta hai....

Uske baad wo bhi Prateek ke pass chala gaya aur wahi pe sabhi ke saath waqt bitane lag gaya.....

DB ne iss baat pe gaur kiya ki wo waha aaya tha to sach mein usko aaram mil raha tha......kuch waqt se bahut energy khatam kar chukka tha wo aur abhi bhi to ussi mein laga hua tha.....usko aaram ki jarurat thi aur abhi wo aaram usko mil rahi thi.....

Usne Prateek se Rupal didi ke baare mein baat kari....unki aankhon ke rang ko leke......Prateek ne bhi usko bataya ki....

Prateek - Mujhe iss baare mein pata hai.....par isko leke abhi Main kuch kar nahi sakta.....Main dekhunga ki kaha tak jaata hai kya har choti si baat pe hi aisa hota hai yaa phir ye kuch khass chizzon ki wajah se hai....

DB - Mujhe lagta hai ye khass logo ke saath juch bura hone pe hai.....

Prateek - Tumne mere mann ki baat kah di hai.....Main bhi issi natize pe pahucha hu.....aur ye ek tarah se accha bhi hai......par mujhe ispe gaur karna hoga....

DB - Mujhe tumse Elf country ke baare mein baat karni thi.....

Prateek - To tumne wo manni sahi kar li hai kya.....

DB - nahi abhi nahi hui hai....par ab lag raha hai jald hi ho jaayega.....Mujhe uske baad tum sab ki thodi madad chahiye thi....

Prateek - Ye bhi koi kahne ki baat hai....hmm....Nikita ke baare mein abhi kuch kah nahi sakta.....uske saath jo hua hai.....tum to jaante ho.....uss leader ko waqt dekh ke bolna chahiye tha.....

DB - Main bhi yahi baat usko batla raha tha....usne sahi waqt hi nahi chunna......par mujhe waha pe Nikita ki bhi jarurat hogi....ye tum jaante ho.....

Prateek - haa.....Main kuch kar lunga.....kab jaana hai ye bata dena bas......

DB - hmm uski khabar tumko pahucha dunga....par usse pahle ek kaam aur hai.....tumhe yaha pe abhi Leemo ko bulana hoga.....mujhe usse tairayi ke baare mein kahna hai.....

Prateek - to tum kya sach mein Elf country ko chod doge.....

DB - Waqt aa chukka hai jab crowned Elf pariwar wapas se apne purane aude pe aa jaaye.....

Prateek - Tumhe pata hai ki pahle kis aude pe tha tumhara pariwar.....

DB - haa.....hum rakshak hua karte the.....jo kaam aaj Lemmo chup ke karta hai wo kaam hum khule aam kiya karte the.....jab kabhi koi buri shakti Elf nation ki taraf jaati to pahle mera pariwar uska saamna karta tha....aur usko harata tha....par ek baar hamare saath dhokha ho gaya.....kisi ne Raja ko humare khilaf bhadka diya.....

Prateek - Haa maine iss baare mein sunna hai.....Tumhare pariwar ko Elf samuday ki bhalai ke liye Raj gaddi ko apnana pada tha....

DB - ha...aur ab waqt aa chukka hai ki hum uss aude ko chod de.....

Prateek - par kya tum uss jagah ki suraksha bhi nahi karoge.....

DB - ye kaise ho sakta hai.....main karunga suraksha.....par tab jab mujhe lage ki ab meri jarurat hai......usse pahle nahi.....Main uss mukut mein wo saari shaktiyan issi liye daal raha hu taaki usko pehenne wale khud se saamna kar sakke chizzon ka.....

Prateek - theek hai.....Main Leemo ko abhi yaha bulata hu....

Maine Old Owl se bola Leemo ko waha se dhundh ke yaha leke aaya.....aur usne turant hi iss kaam ko anzaam diya......

Leemo theek hamare saamne tha.....

DB ko dekh ke wo jhuk gaya uske saamne.......

Leemi ko iss baare mein bataya gaya tha ki uski beti ko Elf world saupa jaayega.......ye baat Leemo ko pata nahi thi.....

DB ne abhi batana sahi bhi nahi samjha.....wo iss baat ko sabhi ko ek saath batana chahta tha......

Prateek - Leemo DB tumse kuch baat karna chahta hai.....

Prateek itna bol waha se jaane lag gaya......

DB - Prateek tumhe jaane ki koi jarurat nahi hai.....Leemo Main wapas aa raha hu.....mere waha aane ka bandobast karo.....

Leemo - Rajkumar....par aapko waha chup ke rahna hoga.....baaki chizzon ka khayam hum sab rakh lenge....

DB - Ab chipna hi to nahi hai leemo.....tum bas mere waha aane ka bandobast karo....

Leemo - aap kya kahna chahte hai....kya aap khulle aam waha aana chahte hai.....Rajkumar ye sahii nahi hoga.....aap Elf country ki hi nahi saath mein Strange world ke sabse bade court ki bezatti karenge......aapko aur sazza diya jaa sakta hai.....

DB - usko chinta mat karo Leemo jab main waha se wapas niklunga....to sabhi ko pata hoga...aur koi kuch kar bhi nahi paayega.....

Leemo - Prateek.....aap Rajkumar ko samjhaye....aap dost hai inke...ye sayad meri baat samajh nahi rahe hai.....maaf kariyega Raj kumar....

Prateek - Ab iss baare mein Main kya kahu Leemo......bas itna kahunga ki isko bachane ki koshish karunga sabhi se.....

Leemo - aapne ye kah diya ye bhi bahut hai.....Rajkumar Main taiyaari karta hu.....waise aap waha pe kaha kaha jaana chahte hai uss hisab se hum aur kuch bandobast kar denge.....

DB - Mujhe Mahel jaana hai......

DB ki baat sunn ke Leemo ki aankhen badi ho gayi.....wo samajh hi nahi paa raha tha kya kahe ab.....

DB - Prateek isko wapas bhej do.....dhyaan se kaam karna Leemo.....

DB utna bol waha se nikal gaya....

Leemo - Prateek aapne sunna Rajkumar ne kya kaha......wo mahel jaana chahte hai.....aap unko rokiye....

Main - Maine kaha naa Main usko musibat mein fansne nahi dunga.....tum bas apne hisab se taiyaari kar lo....

Maine portal khola aur wo waha se chala gaya.....

Yaha hum sab bhi iss jagah se jald hi ghar ki oor nikal gaye......Ab mujhe Rupal didi ko sambhalna tha.....Main jaanta tha wo jaayengi waha Leader se milne ko....aur Main ye hone nahi de sakta tha....

DB aashram gaya aur waha pe wapas se apne kaam pe lag gaya....aur kuch hi waqt mein uska kaam pura ho bhi gaya.....usne uss heere ko shape bhi de diya tha saath mein uske ander wo sab daal bhi diya tha jo wo daalna chahta tha.....

DB ne kal ka waqt chunna waha jaane ka.....usne mujhe iss baare mein Leemo se kahne ko kaha.....par Leemo ke hosh pahle se udde hue the.....wo samajh nahi paa raha tha kaise rokke DB ko mahel jaane se.....

Usko lag raha tha agar DB waha gaya aur usko dekh liye kisi ne to pareshani bahut badh jaayegi......

Wo bhi theek hi soch raha tha.....par ab to sab tay ho chukka tha.....

Wahi dusri taraf......

Lucifer apne guptcharon se baat karne ke baad iss soch mein pada tha ki wo kaise pata lagaye apne bete ka......usne bahut der tak socha.....

Wo soch raha tha ki kisko bheje apne bete ko dhundhne ke liye....par koi saamne nahi aa raha tha.....aur khud wo jaa nahi sakta tha Demos ki gaddi ko chod ke....Raja ke bhi kuch niyam hote hai.....

To usne apni talwar ko apne gaddi pe rakh diya.....aur ghoshna kara di ki uski talwaar hi abhi se Demos pe raaj karegi jab tak wo wapas nahi aa jaata.....

Matlab usne khud jaane ka mann bana liya tha....koi aur milla hi nahi usko to wo kya hi kar sakta tha.....

Talwar k iss wajah se rakha tha usne ki uske yaha naa rahne pe koi bhi gaddi pe nazar naa daale.....Ek raja ko bahut kuch dekhna padta hai.....

To usne tay kar liya tha wo khud se jaayega Fumos pe dekhne apne Bete ko......

Next update mein dekhte hai Strange world pe kya hota hai aur saath hi Fumos pe bhi kya Lucifer ko Justin milega.....aur saath hi murti mein kaid banda aakhir kya karne ki koshish kar raha tha uss guptchar ke saath ye bhi....

Fantastic shandar update

 

[Asif khan]

UPDATE - 117

Naa jaane kab se wo banda uss murti mein kaid tha....bas immortals ko hi iss baat ka sahi jawab pata hoga.....Pujari ji ke pahle koi aur unki jagah pe hoga uss murti ke liye aur usse pahle koi aur aur usse bhi pahle koi aur....aam bhasha mein wo bahut lambe arse se uss jagah pe kaid tha...

Pahle to Madhu ke waha naa jaane ke wajah se aur saath hi Jalphool ke nashe mein wo shant sa tha....usko khud ko kuch pata nahi tha.....par jab Madhu waha aayi to wo shuru ho gaya jo hona tay tha.....aur wo nashe se bahar aa gaya kuch waqt ke liye.....par tha tab bhi kamzor itna ki wo jyada kuch kar nahi paa raha tha.....upar se jalphool ki aadat lagi hui thi usko....

Ab jab chizzen uski haathon mein aane lag gayi to wo uss murti se bahar aane ki koshish karne lag gaya.....

Pujari ji ke Starnge world se chale jaane ke baad to usne Jalphool ko hi dushit kar diya aur uske saath saath jitne bhi Nix uss jagah pe rah rahe the wo sab bhi ander se khokhale hote jaa rahe the......wo unn sab ko apna gulam banane mein laga hua tha....aur kamiyab bhi hota jaa raha tha....

Wo jisko bhi mandir mein aane ko bolta usko Mandir mein aana padta tha...aur uske saath wo bahut se experiments karta tha......saath hi unko itna darra deta tha ki wo bahar jaake unke sath kya hua iss baat ko kisi ko samjha hi nahi paaye.....

Shuru mein Pujari ji ke jaane ke baad....to bacche hue Nix waha jaane ke liye taiyaar milla karte the par ab.....ab wo ek sazza sa ban gaya tha....koi bhi waha jaana nahi chahta tha khud se.....

Wo murti mein kaid banda unpe naa jaane kaise kaise prayog kiya karta tha.....

Jitna usse ho paata utna dukh deta tha unn sab ko taaki wo toot jaaye.....wo chahta tha ki wo uss murti se aazad ho jaaye...par ye ho nahi paa raha tha Madhu ke Golden power ke karan....

Par kab tak.....ye sawal to tha hi.....wo takatwar hota jaa raha tha aur saath hi Golden power ka asar kam ho raha tha.....ab dekhna ye tha ki kab tak wo murti mein band rah paata hai.....

Abhi jab wo guptchar uske pass laaya gaya to uske pass ek nayi tarah ki prajati aayi hui thi.....aur wo uspe experiments kar raha tha......dekh raha tha kya wo sarir usko sambhal paayega....uski shaktiyon ko sambhal paayega....

par uske baad jo usne sunna......wo sunn ke wo chakkit bhi ho gaya saath hi khush bhi......

Usko ek sarir ke baare mein pata chala abhi.....ek aisa sarir jo logo ki aatmayon ko kaid karke uske bal pe chal sakti hai......iss baat ne uske mann mein aasha ki ek nayi kiran jaga di....khus ho ke usne uss guptchar ko jalphool ke ras se bhar diya....aur saath mein apni shaktiyan bhi uske ander daal di aur uske baad ek jhatke mein sab bahar nikalne lag gaya......aur wo dard se chikhta raha.....

Ye tab tak chalta raha jab tak uss bande ka chillana band nahi hua....matlab wo behosh nahi ho gaya.....usko maara nahi usne kyunki aage bhi kaam lena chahta tha usse wo.....

Usko Lucifer ke baare mein bhi pata chal chukka tha.....to usne kuch Nix ko apne pass bulaya ye sab karne ke baad aur unko bhej diya.....Lucifer ke baare mein har ek chizz janne ke liye.....

Kyunki abhi to bas ek wahi dikh raha tha usko jo usse uss sharir tak leke jaa sakta tha....

Wah dusri taraf.....

Strange world pe hi

Leemo pareshan hua pada tha.....usko samajh nahi aa raha tha wo kis tarah ki taiyaari kare.....aakhir DB ne usko Mahel ke ander aane ke liye bhi kaha tha.....wo bahar tak ka bandobast aasani se kar leta....par Mahel ke ander aana.....waha pe bahut se log hote hai jo Elf King ke karibi hai.....aur agar wo DB ko dekh lenge to jarur batayenge DB ke baare mein......

Leemo nahi chahta tha iss baare mein Elf King ko pata chale......wo ye baat jaanta tha DB aage Raja banne wala hai....aur wo apne pita se bhi accha raja banega.....iss baat mein usko thoda bhi shaq nahi tha....par agar abhi kuch aisa hota hai to pata nahi ye chizz kab hogi.....hogi bhi yaa nahi iss baat pe bhi shaq tha usko.....

Leemo jaise hi yaha pe aaya usne turant hi apne logo ko bulla liya ek meeting ke liye.....aur unn sab ko samjha diya ki unko kya karna hai......

Leemo ne ye baat nahi batai ki DB aa raha hai uss jagah pe......DB ke baare mein bata hi nahi sakta tha wo.....Aisa nahi tha usko apne logo pe yakkin nahi tha....

Yakkin bahut tha....par agar unn sab ko ye bataya jaata ki DB waha aa raha hai to wo sab kuch jyada hi taiyaari mein lag jaate.....aur isse aam logo ko yaa phir Elf king ke khass logo ko iss baat ka pata chal jaata....aur ye wo nahi chahta tha.....

To usne bas utna hi bataya jitne mein kaam chal jaaye.....aur uske baad khud bhi lag gaya kaam pe.....

Pahle to Mahel ke aas pass ke gupt jagahon ko check karne lag gaya wo.....kyunki agar kuch gadbad hui to wahi saari jagahein chupne ke kaam aane wali thi uss dauraan......

Ab Earth pe......

Prateek ke sath baaki sab wapas aa gaye the....DB to apne kaam mein lag bhi gaya tha aur usko khatam bhi kar liya tha usne.....uss manni ko puri tarah se taiyaar kar diya tha usne mukkut mein wapas se lagane ke liye.....aur iss baare mein usne bata bhi diya tha Prateek ko......

Prateek jab ghar mein sabhi ke saath aaya to wo bas ek hi baat ka dhyaan rakh raha tha Rupal didi Nikita ke saath rahe.....

Wo samajh raha tha jaise hi wo uske pass se niklegi to sabse nazar baccha ke chal degi ashram ki taraf.....Leader se milne ko.......

Rupal didi to lagi hui thi ki kisi tarah wo Nikita ko jaldi se sula de.....uske baad wo nikal jaayegi waha se......

Wahi Prateek aur Rupal ko dekh ke.....Chachi ko bahut gussa aa raha tha....unke hisab se iss waqt Nikita ko aaram karne ki jarurat thi thodi der akele rahne ki jarurat thi....jo sawal the uske mann mein unn sab se rubaru hone ka waqt tha.....par nahi.....

Nikita ko Rupal aur Prateek dono hi pareshan karte jaa rahe the....aur wo dikh raha tha ab Nikita ke chahre pe bhi.....

Chachi ne ek baar to aaram se jaake dono ko samjhaya ki ab usko waha akele rahne do....par wo dono kaha sunn rahe the......Rupal waha se jaane ko hui to Prateek ne rok liya.....aur phir se baat shuru kar di.....

Isse Chachi ko bahut gussa aane lag gaya......aur wo aayi waha pe.....

Chachi(chillate hue) - Rupal.....Prateek.....tum dono ko kaha naa apne apne room mein jaao......samajh mein nahi aa raha hai.....

Jab sunna unn dono ne to ekdum se khade ho gaye......wo kya....uss waqt to Nikita tak khadi ho gayi thi......tinno ektuk dekhte jaa rahe the Chachi ko....

Rupal didi ko to iska experience tha par Prateek aur Nikita to naye the.....Rupal didi bas chup thi......honth jaise sill liye unhone waise.....

Chup aur aankhen nicche karke khadi ho gayi thi wo......par Prateek ka...

Prateek - wo...chachi hum bas jaa hi rahe the.....

Rupal ne jab sunna to nicche mundi kare hue hi tirchi nazaron se dekha uski oor....aur ander hi ander aaj to ye gaya sochne lag gayi.....

Chachi - Kya jaa rahe the.....arre kab se kah rahi hu....jaao ab isko aaram karne do....par tum dono.....Arre Nikita tum kyun khadi ho gayi....beta baith jaao....Mujhe pata hai ye dono apni harkaton se tumhe pareshan kar rahe hai......

Nikita - nahi aisi baat nahi hai......ye to bas.....

Chachi - kuch bas was nahi......mujhe dikh raha hai sab.....maine kaha inse ki jaao apne kamre mein par nahi.....ye kaha sunte hai mera kaha.....

Prateek - Chachi hum bas.....jaa hi rahe the...aap...

Chachi - Dekho ab tokk raha hai....Tumko kisi din acche se samjhana hoga....Nikita iss baare mein yaad dilana mujhe baad mein.....iss ladke ko bahut kuch sikhana hai mujhe.....aur ye.....Rupal....

Rupal didi - (dhire se) aa gayi meri baari.....

Chachi - Itni badi ho gayi.....par akal naam ki chizz hai hi nahi.....pahle subah se wo sab kar rahi thi....Nikita ko aaram karne nahi diya.....aur ab....ab to aur bhi thakk gayi hogi....par tumhara mann nahi bhara naa.....Tumko to bas pareshan karna hai sabhi ko.....

Nikita - Wo pareshan nahi kar rahe the.....

Chachi - tum chup karo....mujhe sab dikh raha tha.....Tum bhi inn dono ko bachane ke liye bol rahi ho ye sab.....

Ye pata nahi kaha se shuru hua tha......par iske lapete mein khud Nikita tak aa chukki thi.....aur ye khatam tab hua jab waha pe Bua aayi....unhone dekha ki Chachi lagi padi hai hum tinno ko dantne mein......

Wo aayi waha pe aur unhone unko shant kara....aur sab apne apne rooms mein gaye......

Nikita ke room mein hi K.bua bhi thi.....Nikita ko abhi emotional support ki jarurat thi ye samajh rahe the sab issi liye unko waha bheja gaya tha.....

Prateek apne room mein gaya....par kuch hi der ke liye....wo to jhat se wapas room se nikal ke chal diya tha Rupal didi ke pass......wo jaanta tha ye kisi naa kisi tarah se waha nikalne ki koshsh karengi hi......taaki uss Leader se mill sakke......

Prateek pahuch bhi jaata waha pe....par room se nikalne ke baad hi wo P.Bua ko dikh gaya.....

P.Bua - ooye bacchu.....wapas se daant khani hai kya.....bahar kya kar raha hai ab.....

Prateek - Wo....bua wo...main paani lene jaa raha tha.....

P.Bua - accha...par sidhiya to iss taraf hai naa....khidki se kudd ke jaana hai kya.....

Prateek - arre nahi....wo maine socha sayad kisi aur ko bhi paani chahiye hoga.....(ye kya bol raha hu Main...)

P.bua - Bacchu.....jhoot nahi bolna aata tumhe....chup chap se apne kamre mein jaao....aur jo bhi dimmag mein pakk raha hai usko wahi rahne do abhi.....warna Mujhe Bhabhi ko bulane mein waqt nahi lagega....aur iss baar rokungi nahi Main.....

Prateek - hmm theek hai Main jaa raha hu room mein...aap aisa mat kahiye....

Prateek apne room mein jaane lag gaya.....ab pata nahi bua ko kya hua.....

Bua - Chalo Main bhi chalti hu.....mujhe tumse hi baat karni thi.....

Bua usko leke chali gayi uske room mein hi.....

P.Bua - aaj jab DB aaya tha....to uss waqt tum dono ko kisi se baat karte dekha tha....kaun tha wo.....

Prateek ne jab ye sunna to wo thoda shocked rah gaya....usne socha nahi tha ki usko kisi ne dekha bhi tha.....

P.bua - kya hua.....tum dono jab bhi sath hote ho meri nazar dono pe hoti hai......kaun tha wo....ye batao....Maine portal band hote dekha tha.....

Prateek - wo Leemo tha....

P.Bua - Leemo.....wo yaha pe.....kya hua....Leemi theek hai naa.....

Prateek - Wo theek hai.....wo humme ek baar phir se Strange world jaana hai to ussi ke liye usko bulaya tha DB ne......

P.bua - Ab kya har baat pucchu Main......sab kuch sahi sahi batao.....aur usse pahle ye batao Rupal ke room mein issi ke baare mein baat karne jaa rahe the kya tum.....

Prateek - arre nahi waha pe to....wo darsal unko Leader kaha hai ye pata chal gaya hai.....aur mujhe lagta hai wo uske pass jarur jaayengi.....usse milne ko....

P.Bua - kya.....Kaha hai Leader.....ye batao mujhe....

Prateek - Wo....wo aashram mein hai.....

P.Bua - Usse to mujhe bhi milna hai.....kuch baatein karni hai usse......par abhi nahi......Rupal ki chinta mat karo....wo bhul ke bhi iss waqt to ghar se bahar jaane ka nahi sochegi....agar nikli to Bhabhi ko pata chal jaayega....aur phir se uski shamat aa jaayegi.....

Prateek - to wo bahar nahi jaayegi iss waqt.....

P.bua - Akele to bilkul......

Abhi baat puri karti usse pahle hi darwaje pe dastak hui.....

P.bua - Mujhe laga hi tha.....wo tumhare pass hi aayegi....ab dekhna.....bolegi Old Owl yaa Jwala ko bulla do...usko kaam hai....

Prateek ne jaake darwaja khola hi tha.....ki wahi per se Rupal didi shuru ho gayi....

Rupal didi - Aee Prateek mujhe naa abhi kahi jaana hai....wo Hotel ke kaam se.....par Maa ko to dekha naa tumne....abhi gayi to wo.....Bua....aap yaha kya kar rahi ho.....

P.bua - Maa ko to dekha naa tumne....tum mujhe Old Owl yaa Jwala de do....main chali jaaungi...aur jald hi wapas aa jaungi.....yahi bolna tha naa......

Rupal didi - haa....nahi nahi....ye kyun.....Main to bas dekhne aayi thi isko.....aapne dekha naa Maa ne kaise isko daant diya.....ye baccha hai abhi.....Mujhe laga kahi kuch ulta sidha naa karne lag jaaye.....to samjhane aa gayi....aap kya kar rahi ho yaha.....

P.bua - main bhi samjhane hi aayi thi.....aur tum bhi samajh jaao.....koi kahi nahi jaa raha iss waqt.....

Rupal - Par Bua mujhe kaam hai.....

P.bua - Bulaun kya Bhabhi ko.....phir karna kaam.....Suno ye Strange world jaane wala hai.....aur tum bhi hamare saath chal rahi ho.....

Prateek - Bua aap aane wali ho....main aapse iske baare mein baat karne wala tha.....

P.Bua - haa...aane wali hu....jyada banne ki jarurat nahi hai.....pata hai mujhe kab baat karne wale the.....aur ye batao tum Fumos pe kyun gaye the....

Prateek - Bua wo baad mein pahle suno naa....hummme Nikita ko bhi le jaana hoga....uska waha hona jaruri hai.....

Rupal - Haa usko to Main le hi aaungi uski chinta mat karo...par hum karne kya wale hai.....

Prateek - ye to waha jaake pata chalega....K.bua ko bhi kah dena....

yaha ye tay ho raha tha......wahi Lucifer Demos pe.....

Usne apne talwaar ko apni jagah Demos ka Raja ghoshit kar diya tha.....kisi ki bhi pure Demos mein himmat nahi thi jaake uss talwaar ko chu le.....par phir bhi Lucifer ek raat ruk kar dekhna chahta tha.....

Ek baar uske saath ho chukka tha aisa kuch.....jiske baad usko dusron pe aasani se yakkin nahi ho paa raha tha.....

Justin ki Body ke sath jo hua uske baaad se aasani se yakkin kar lena....ye bhul gaya tha wo....usne uss senapati ke bete pe bahut bharosha kar liya tha....par dhokha milla Lucifer ko.....

Khair usne ab tay kar liya tha ki ek raat wo waha pe rukega....aur dekhega ki kahi kisi ki himmat to nahi badh gayi itni ki wo uski talwaar ko lene pahuch jayega.....

Par aisa kuch hua nahi....kisi mein itni himmat nahi thi....aur agar hogi bhi to usne waqt sahi nahi laga hoga ye.....

Agle din....subah se hi wo puri tarah se taiyaar ho chukka tha....jaane ke liye Fumos pe....saath hi usne apne sainikon se bol diya tha ki Mahel ki suraksha kare....

Wo subah hi nikal pada Fumos ke liye.....waha portal wagera se jaa nahi sakta tha......uss Immortal ki wajah se usne Portals se aane jaane ki manahi kar di thi waha pe.....aam portals se.....par agar Old owl yaa koi aur Immortal chahta to wo aasani se waha pe aa jaa sakta tha....

Par ye to Lucifer tha....isko to khud se jaana tha waha binna portal ke....to ye safar tay karke gaya waha pe....jaane mein waqt bhi lag gaya isko kuch....

Par jab wo Fumos ke pass pahucha to upar se hi uss jagah ko dekh ke chakkit rah gaya.....ekdum se jungle sa lag raha tha wo jagah ab.....upar se jameen dikh hi nahi rahi thi.....saath hi ek aur baat ka dhyaan rakhna tha usko.....wo ped....

Usne dekha tha wo ped jo hai wo usko nuksaan pahucha sakte hai.....uski seena ko nuksan pahuchaya tha unhone....to wo apne saath baaki ka jo hathiyaar leke aaya tha wo leke taiyaar tha wo.....

Wo dhire dhire nicche ki taraf aata jaa raha tha.....pahle to kuch bhi ajeeb nahi lag raha tha....sab normal sa hi tha....par ek waqt ke baad.....pata nahi usko kya hua.....

Lucifer ek dum se rukk gaya......wo samajh nahi paa raha tha ki kya ho raha hai......wo mehsus kar paa raha tha ki uske ander taqat aati jaa rahi hai.....wo bhi bahut jyada taqat.....wo samajh nahi paa raha tha ki ye kya ho raha hai......

Wahi durr baitha wo immortal usko dekh raha tha.....

"hmm ye bahar se aaya hai.....isko ab bahut shaktiyan milni hai.....dekhte hai ye aage kya karta hai...."

WO baitha issi koo dekh raha tha......

Wahi Earth pe bhi sab taiyaar ho chukke the.....wapas se Strange world ke sair pe jane ke liye.....

Rupal didi ne jaisa kaha tha unhone Nikita ko manna hi liya.....wo DB ki madad karna chahti thi isme......saath hi usko kuch puchna bhi tha DB se ab.....

Kal raat mein usne bahut socha.....socha hi nahi balki samajhne ki koshish kari....aur thoda bahut to royi bhi thi.....

Uske dimmag mein kuch sawal aa chukke the....aur unko ab jawab chahye tha unka....aur jawab bas Leader de sakta tha....kyunki sawal ussi se related the.....

Aur DB hi Leader ko leke gaya tha to bas wahi usko bata sakta tha ki kaha per hai wo......

Prateek ne Old Owl ko bulaya....aur usko sabhi ko Strange world le jaane ko kaha......

Leemo se subah hi baat ho chukki thi....

Leemo ko jagah bata di gayi thi jaha pe wo sab aane wale the....aur Leemo khud uss jagah pe jaa pahucha tha sabhi ka swagat karne ke liye......wo abhi bhi soch raha tha kisi bhi tarah se rook liya jaaye DB ko Mahel jaane se.....par wo khul ke kah bhi nnahi sakta tha....

Netx update Elf nation ke baare mein aur saath mein Lucifer ke baare mein jo Justin se milega....par kaise wo aage dekhenge

Mast awesome update

 

[Asif khan]

Update -118

Elf Nation ke gate ke bahar......

Waise to Old owl unn sab ko gate ke ander kya sidha mahel mein leke chala jaata wo bhi Mukut ke pass.....par DB ka plan kuch aur tha.....usko bas iss jagah ko theek nahi karna tha......balki yaha pe wo apni baat bhi rakhne aaya tha.....ki uske Pita ke baad uss rajya ko aage kaun dekhega.....

Leemo ko jab jagah batayi gayi to wo thoda aur pareshan ho gaya tha....usko to ye baat pata thi.....ki ye sab log Elf Nation ke ander matlab gate ke ander bhi aa sakte the....binna kisi ko pata chale....par unn sab ne bahar hi aane ko kyun chunna hai.....

Ye sawal Leemo ko pareshan kar raha tha.....par wo abhi iska jawab nahi paa sakta tha.....uske liye usko waha jaana hoga.....

Leemo ne apne logo ko bata diya ki unko aage kya kya karna hai.....Leemo aise hi itne bade society ka head nahi bana tha.....uske pass plans hote the....har chizz ke plans.....wo ghabrata tha....sab ghabrate hai....par react karne se pahle sochta tha.....ye khasiyat thi uski....

Leemo ne naa jaane kitne saare kaam kiye apne society ke saath milke aur iska pata Strange world mein jyada logo ko nahi chalta tha.....

Leemo batayi hui jagah pe jaane ko nikal gaya.....

Pahle to wo gate ke pass hi aaya......gate ke pass aane ke baad usne ek baar aas pass sab check kiya....kitne log waha pe the.....uss gate ke baare mein to usko pahle se hi sab kuch pata tha....wo kaise kaam karta hai...wagera wagera.....

Leemo ne dekha ki aaj gate ke pass jo khade hai wo sab ke sab immandaar log the.....

Unme se koi bhi aisa nahi dikha Leemo ko jisko kisi chizz ka lalach de ke DB aur baakiyon ko ander le aaya jaaye.....wo ye dekh ke bas muskura diya....aur aage badh gaya.....

Wo yaha pe ek aam sipahi tha baaki sab ke liye.....Gate ke pass gaya aur wahi ek choti si line thi jaha se log bahar jaa rahe the waha khada ho gaya wo bhi....

Log aage badh rahe the.....jaisa usne dekha tha koi bhi baimaan nahi tha waha pe.....ye sab ke sab immandaar the.....usne dekha....

Ek banda apne saath Elf Nation mein paayi jaane wali ek khass jadi butti leke jaa raha tha par uske pass uske papers nahi the.....to unn sipahiyon ne usko wo leke nahi jaane diya.....wo jadi butti wala unn sipahiyion ko fuslane ki koshish karta hai thoda bahut.....par wo sipahi tas se mas nahi hua....aur dusre sipahi ne aake uss aadmi ko side kiya aur uski aur acche se talashi lene lag gaya.....saath hi line ko aage badhaya jaane lag gaya.....

Kuch der baad Leemo ki bhi baari aayi.....aur wo sab clear kara ke waha se nikal gaya.....

Jab wo batayi hui jagah pe pahucha to waha pe sab pahle se uska intezar kar rahe the....Leemo ko dekh ke sabhi ne pahle hi hello wali formality puri kari....

Leemo - Elf Prince Main nahi janta aap kya karne wale ho...par itna to pata chal chukka hai....jo bhi hoga bahut bada hone wala hai...

DB - Tumne sahi samjha hai.....kuch bada hone wala hai Elf Nation mein kuch aisa jiske baad ye jagah wapas se khushiyon se bhar jaayegi.....

Leemo ne jab ye sunna to uske dimmag mein bas ek hi baat aayi....

Leemo - To kya aapko uss bimari ka illaz mil chukka hai.....

DB - hmm wo bhi mil chukka hai....ab chalo....humme bahut se kaam karne hai....

Leemo - hmm chaliye.....aap sab bhi chaliye.....

Usne chalne ke baare mein to kah diya tha.....par dimmag mein ek baat ghomne lagi uske.....DB ne kaha wo bhi....ye Bhi kyun kaha usne.....matlab yaha pe kuch aur bhi hone wala hai......

Wo iss baat ko soch raha tha aur aage badhta jaa raha tha.....

Leemo - Waise Elf Prince ek aur baat bhi hai....aapne ye jagah kyun chunni....jaha tak mujhe pata hai Prateek ji aur baaki sab binna gate tak aaye bhi ander aa sakte hai...phir iss jagah pe kyun....

DB - Bas yun hi.....Maine socha hi nahi iske baare mein.....

DB ne kuch sochte hue ye baat kahi usko.....Leemo bhi dekh raha tha ye....

K.bua - DB tumhe iss baare mein pahle sochna chahiye tha.....Main to abhi bhi kah rahi hu....hum yaha se sidha ander chale jaate hai gate tak jaayenge hi nahi.....

Leemo - Hmm Elf Prince.....inki baat sahi hai....agar aapne iske baare mein nahi socha tha to aap abhi soch sakte hai....

DB - nahi.....ab aise hi chalte hai.....isme mujhe koi burai nahi lag rahi......

Leemo ko turant samajh aa gaya tha ye sab DB kisi plan ke hisab se kar raha hai....par kya plan tha ye pata nahi tha usko.....aur ab to wo puchna bhi nahi chahta tha.....

Usko aisa lagne laga sayad insab ko uspe yakkin hi nahi hai....sayad issi wajah se usko nahi bataya plan....par usne iss baat ko kisi ke saamne nahi aane diya.....usne soch liya tha wo bas apna kaam karega wahi kaam jo usko milla tha DB ko aur baakiyon ko kisi bhi tarah chuppa ke Mahel mein leke jaane ka kaam.....

Sabhi log gate ke pass pahuche......Gate ke dono taraf hi log hote hai....aur sipahi bhi jo check karte hai aane jaane walo ko.....to iss taraf bhi log the...

Leemo - Ye sipahi immandaar hai....yaha se jaana....muskil hoga....aap sab k......

Leemo bol hi raha tha ki DB aage badh gaya.....aur jaake waha wali line mein khada bhi ho gaya.....Leemo kya....ye dekh ke sab hi hairan the.....Prateek ko bas ye pata tha wo waha pe apne logo ko ye batane aaya tha ki wo Raja nahi banega....par usko ye nahi pata tha ki kaise......

Usne bhi ye nahi socha tha.....

Leemo aage jaake usko rok leta par tab tak der ho chukki thi wo uss line mein jaa chukka tha....

Leemo - Aap sab ko kuch karna hoga....Prateek aapko inko samjhana chahiye.....

Prateek - Leemo....Main kya kahu.....isne ye kyun kiya wo mujhe bhi nahi pata hai.....iske dimmag mein sayad kuch aur hi chal raha hai.....

Leemo - Haa par ye waqt sochne ka nahi hai.....agar inko yaha pe logo ne pahchan liya to mushibat aa sakti hai....

Prateek kuch karne wala tha ki tabhi P.Bua ne dekha....

Saamne line mein lage hue DB kuch ishare kar raha tha....

P.bua - Prateek rukko....wo dekho wo waha jaake kya ishare kar raha hai......

P.Bua ki baat sunke sabhi ne dekha uss taraf.....DB ishare mein bata raha tha ki baaki sab aage jaaye apne tay kiye hue jagahon pe.....plan on hai....

K.Bua - ye.....ye sayad....isne khud ko sabke saamne laane ke liye kiya hai ye.....par kyun....

Leemo - Nahi.....nahi....ye bahut bura hai.....nahi....inko nahi pata iske baad kya hone wala hai......iska anzaam bahut bura hoga....

Rupal - Jaha tak mujhe pata hai....Leemo kahi tum Strange world ke court ko challange karne ki baat kar rahe ho.....aur ye sach mein galat hai.....iski wajah se DB ki sazza aur badh jaayegi.....

Leemo - haa...haa issi wajah se......ab aap sab rokiye unhe.....jaldi rokiye....

Koi kuch kar paata usse pahle hi....jo sipahi waha pe khade the....unme se ek ki nazar DB pe pad gayi....jab usne DB ko dekha to ek baar ke liye wo bhi chowk gaya.....DB yaha kaise hoga.....par wapas se dekhne pe bhi wah wali sakal dikhai di.....

Wo aage gaya....aur usne DB ko uss line se bahar nikal liya.....aur koi sipahi uska chahra naa dekh paaye iske liye usne turant uske chahre pe kapda daal diya.....

Leemo aur baaki sab iss chizz ko dekh rahe the......

Nikita - Ye kya ho raha hai....aisa to nahi hona chahiye tha....

Wo sipahi DB ko waise hi apne saath leke jaane lag gaya.....gate ke pass pahucha to usne dusre sipahi se kaha ki ye ek bada mujrim hai....isko yaha pe log dekhenge to unme darr aa sakta hai.....iska ELf Nation mein paya jaana sahi nahi hoga.....aur isko chod bhi nahi sakte hum ab.....

Uski baaton ko samajhte hue uss sipahi ne usko ander jaane diya....aur saath mein DB ko bhi......

Baaki sab ko samajh nahi aa raha tha aakhir ye kya tha.....kyunki usne plan bataya nahi kisi ko pure tarah se....aur agar bata diya hota ki wo jaanbujh ke khud ko pakadwa dega to jahir si baat thi koi bhi iske liye taiyaar nahi hota.....

Leemo - Mujhe lagta hai wo sipahi usko sidha mahel tak leke jaayega......

Prateek - Humme bhi chalna chahiye.....bas ek baat samajh nahi aayi mujhe....usneitna sab kuch kyun kiya hai.....kya wo kisi baat ko sabit karna chahta hai yaa kuch aur....

Rupal didi - Mujhe to ye pagalpann lagta hai...tumhe andaza bhi nahi hai ki DB ke iss kaam ke wajah se Elf Nation ko kya kya muskil sahna pad sakta hai.....

Nikita - Jab ye sab hi karna tha to humme kyun batayi usne wo jagahein jaha pe humko hona chahiye.....ye baat bhi samajh nahi aa rahi hai.....

P.Bua - shant ho jaao sab....mujhe lagta hai abhi humko bas wahi karna chahiye jo usne karne ko kaha hai.....par thode smart tarike se......Leemo aapko ek baat ka khayal rakhna hai abhi se.....Elf nation ke bahar....kisi ko bhi ye pata nahi chalna chahiye ki DB yaha pe aaya hai.....court mein jab tak ye saabit nahi hota DB yaha aaya tha wo kuch nahi kar paayenge....aur abhi unke hisab se DB school mein hi hoga....kyunki wo clone wahi pe hai.....

Leemo - ji Main iss baat ka dhyaan rakhta hu....par aap sab ko ander le jaane ke baad.....

Prateek - Uski jarurat nahi hai Leemo tum apne kaam mein lago....uss sipahi ke picche jaao.....aur Main baaki sab ko unke jagahon pe pahuchata hu.....tum niklo.....aur haa madad chahiye hogi to bas aawaj de dena....

Leemo ne ek baar sabhi ko dekha....uske baad waha se nikal gaya.....ye waqt nahi tha bekkar mein waqt gawane ka....pata nahi wo sipahi kaha leke jaa raha hoga uss DB ko.....

Leemo ke jaate hi.....

Prateek - Old Owl.....Jwala.....

Usne dono ko hi bulla liya.....aur dono waha pe bahut hi jald aa gaye.....

Prateek - Old owl tumhe Nikita aur Rupal didi ko Mahel ke chat pe pahuchana hai....Jwala K.bua aur P.bua ko Mahel ke bagiche ke pass aur tum wahi rukoge....dono jo kahe....usko follow karna hai tumhe.....Old Owl apne logo ko yaha bulao...ye sab karne ke baad......

DB ne jis jis jagah ko tay kiya tha waha waha pe logo ko bhej diya maine Old Owl aur Jwala ki madad se....Jwala ko to Bua ke pass hi rahne ko bol diya tha....par Old Owl ko wapas bulla liya......

Prateek - Old Owl apne kuch logo ko yaha pe bulao....aur pure Elf Nation ko acche se jaancho.....kahi pe bhi kisi tarah ki gadbad lage...uske baare mein unse report lo...aur tum phir mujhe batao.....samjhe....

Old Owl - hmm theek hai.....

Usne apne kuch logo ko bulaya....aur jaisa maine kaha tha unko theek waisa hi kaha.....Old Owl Prateek ke saath hi raha....

Prateek bhi portal se jaa sakta tha....par usne kuch alag socha....usne Old owl se pahle to Leemo ka pata lagane ke liye bola.....aur Old Owl ne ye kaam turant hi kar diya....aur ussi ke saath Prateek ko DB bhi mil gaya aur wo sipahi bhi.....

Leemo ki baat sahi thi.....wo Sipahi DB ko sach mein Mahel ki oor hi leke jaa raha tha.....chahra chippa ke....sayad Leemo bhi uski baatein sunn paa raha tha yaa nahi....pata nahi....

Par Old owl ka wo banda jo uske piccha tha wo sab sunn pa raha tha.....

Wo sipahi ghabraya hua tha....thoda darra hua tha....aur baar baar yahi kah raha tha DB se.....aapko yaha nahi hona chahiye tha.....

Prateek samajh gaya.....ispe nazar rakhne se kuch nahi hone wala.....ye bas apna kaam kar raha hai ye leke jaayega DB ko Mahel mein sidha Raja ke pass.....to Prateek apne bataye hue jagah pe jaane ko nikal gaya......aur Old Owl ke madad se palak jhapakte hi pahuch gaya jaake Mahel ke picche......

DB ne pata nahi kyun inn sab ko Mahel ke ass pass rahne ko kaha tha.....ye sawal pahle bhi aaya tha unke mann mein aur puccha bhi DB se to usne kaha ki aage pata chal hi jaayega.....

Sab apni apni jagah pe nirdharit waqt se bahut pahle hi jaa pahuche the.....ab bas baari thi DB ke apne jagah pe pahuchne ki.....matlab DB ke Mahel mein pahuchne ki....baaki sab to portals se nikal ke chale gaye par ye to paidal ja raha tha.....isme waqt lagna hi tha....

Abhi Prateek waha apni jagah pe pahuch ke jagah ko dekh hi raha tha ki Old Owl ke logo ne pure Elf nation ko acche se scan kar liya tha.....wo ab aise aise points pe the jinn points se pura Elf Nation cover ho jaata tha.....kuch to gate ke bahar bhi the....aur waha se gate ko bhi dekh rahe the.....

Old Owl ne ye baat bata di ki Prateek ka order pura ho chukka hai....par uske baad jo Old Owl ko sunne mein aaya wo ajeeb tha.....usko pahle yakkin nahi hua.....wo wahi pe Prateek ko chod ke upar aasman ki taraf nikal gaya.....aur kaafi unchai tak pahuchne ke baad.....usne jo dekha....wo pure Elf nation ke liye khatra tha.....

Wo wapas aaya....tezi se wapas aaya.....

Wahi dusri taraf.....

Fumos pe......

Lucifer bhi nicche hi jaa raha tha....aur khud ko aur taqatwar hota mehsoos karta jaa raha tha.....wo iss taqat ko mehsoos karne ke chakar mein ek baar ko to peddon ko bhi bhul gaya tha....

Pedon ke pattein jab uske pairon se touch hone lag gaye tab jaake usko dhyaan aaya....par usne dekha ki Ped uspe koi waar nahi kar raha hai.....wo thoda chakkit hua...waise to pahle se bhi bahut tha......

Wo dhire dhire aur nicche aaya....aur phir wahi Fumos ke jameen pe kadam rakha usne.....jameen pe kadam rakhne pe to jaise uska sarir kaamp sa gaya......

Itni jyada urja wo khud ke ander mehsoos kar paa raha tha jitna usne kabhi bhi sapne mein bhi nahi socha tha.....wo bas apne haath paaon dekh raha tha....aur saath mein apni powers ko use karna chahta tha.....

Par powers kispe use kare....yaha pe the hi kya...bas ped the..aur kuch nahi dikh raha tha.....

To Lucifer ne apne saamne wale ek ped ko nishana banaya....aur uske upar hamla kiya aag se.....

Uske haath se jo aag ki laptein nikli.....unhone uss ped ko hi nahi....balki uske ass pass ke pedon ko ussi pal raakh bana diya tha.....sidha raakh....

Lucifer apna haath dekhne laga....usko yakkin hi nahi ho raha tha....par ek chizz aur hui.....

Jo jo ped abhi jal ke rakh mein mille the.....wo saare ke saare wapas se ugg gaye....matlab unki jagah pe jaise naya ped hi aa gaya ho.....

Lucifer ka sapna tha ki wo apne bete ko itna taqatwar banaye ki saari chizzen uske bete ki ho.....saare pramukh grahon ka raja banne Justin....par abhi jo urja wo khud ke ander mehsoos kar paa raha tha.....wo bhul gaya.....

Lucifer bhul hi gaya ki Justin karke uska koi beta bhi hai.....wo itna kho gaya apni shaktiyon ke badh jaane ki khushi mein ki wo bhul gaya wo yaha pe aaya kyun tha.....

Wo bas aas pass ke pedon pe hamla kar kar ke dekh raha tha.....dekh raha tha ki uski shaktiyan kitni jyada badhi hai......

Ab isko uss Immortal ki shaitaani hi kahenge....usne yaha ka mahaul hi aisa bana diya tha ki aapko khud ko pata nahi chal paayega ki aap kitne takatwar ho....

Lucifer laga raha.....yaha waha pedon pe apni shaktiyan dekhne mein...par wo to badhte hi jaa rahe the....matlab agar usne socha ki uske power ki limit bas itni hogi ki wo ek baar mein itni aag laga sakta hai ki uske saamne ke 4 ped jal jaye aur rakh mein badal jaaye turant.....par hota ye tha ki 5th wale ped ka aadha hissa bhi jal jaata tha.....aur ek sawal ek kasak Lucifer ke mann mein de jaata tha.....

Kya thoda aur try karne pe 5th wala ped bhi pura jal jaayega.....aur uss sawal ka jawab janne ke liye wo wapas se karta waise.....aur iss baar 5th ke sath 6th ka aadha part jal jaata.....

Ek kabhi naa khatam hone wale bhram mein fasta jaa raha tha Lucifer.....aur ye to abhi aur bhi bura hone wala tha.....

Wahi Earth pe......

Madhu aaj bhi college gayi hui thi.....Pankaj School mein tha.....

Pankaj ko Nikita ki chinta ho rahi thi....par usko lag raha tha wo usse gussa hoga.....usne hi usko Leader se milwaya tha....iss wajah se....

Pankaj chahta tha ki wo Nikita se mille aur usse baat kare....par wo himmat nahi jutta paa raha tha....aaj subah bahut sochne ke baad usne tay kar liya tha ki agar aaj Nikita use mille to wo sab batayega ki usko kuch bhi pata nahi tha inn sab ke baare mein.....

Pankaj yaha waha ghumta raha Nikita ke talash mein....par usko koi khabar hi nahi milli....haa ye aur pata chala ki wo to aa hi nahi rahi hai School....ye jaankari paake Pankaj thoda aur pareshan ho gaya.....par socha sayad usko isse bahar aane mein thoda waqt lage.....

Lekin ab Pankaj khud ko Nikita ko sab batane se rok nahi paa raha tha....to usne ghar pe jaane ka tay kiya....ab to permit bhi tha....aa jaa sakta tha wo...

Pankaj school se nikal ke chal diya wahi Nikita se milne ko....par yaha pe bhi confusion thi thodi....

Usko ye maloom nahi tha ki Nikita kaha milegi....Prateek ke yaha yaa phir Rupal didi ke nani ke yaha....

To usne dono jagah hi try karne ka socha.....par hairaani iss baat pe hui.....ki dono hi jagah pe pahuchne pe usko ye bataya gaya ki Nikita school gayi hai....

Pankaj ne bade hi samajhdaari se ye baat jahir nahi hone di ki usko pata hai ki Nikita School mein nahi hai....balki bande ne ye tak kah diya ki.....

Pankaj - WO Main to jaata nahi naa School aur jaata bhi hu to bas aise hi laga rahta hu bekkar ke kaamo mein Nikita sayad classes meinn hogi...Main pata karta hu....

Itna kahne ke baad wo waha se furr se bhaga.....

Ab Pankaj ko lagne lag gaya ki kuch gadbad hai to usne Madhu ko call kiya.....

Madhu...apne college mein thi....aur class kar rahi thi....breaks mein apni behno ke saath hoti thi.....ye jitne din Prateek waha nahi gaya uske liye sab accha hi ho raha tha...matlab wo aaram se jaan paa rahi thi apne pariwar ke baare mein....par usko khud hi kuch missing lag raha tha.....

Wo sawal puchti apne behno se aur jawab bhi sunti thi par uski nazarein college ke gate ki taraf hoti thi bas.....

Uski baheno ne Prateek ko call kiya tha....par baat nahi ho paayi acche se....uske chacha ji ne bhi puccha tha Prateek ke baare mein aakhir unhone to apni bacchiyon ki jimedari saup di thi uske upar....

Par Madhu ke pass koi jawab nahi tha....

Aise hi Madhu baithi hui thi ki uska phone baja.....Pankaj ka call tha....

Pankaj - Madhu Prateek waha pe hai kya....

Madhu - haa...tum bhi ussi ke baare mein puccho....mujhe nahi pata kaha gayab hai wo....usko yaha hona chahiye tha....par wo aa nahi raha....Pujari ji ne usko yaha rahne ko bola tha aur wo hai ki....

Pankaj - Wo waha nahi hai....aur School mein Nikita bhi nahi hai.....saath mein K.Bua aur P.bua bhi nahi hai waha pe.....

Madhu - sayad ye sab bahar gaye honge kahi....

Pankaj - inke ghar mein sabko pata hai ki Nikita aur dono bua school mein hai....Rupal didi apne hotel mein aur Prateek tumhare pass....

Madhu - ye sab kahi gaye hue hai phir....ye accha nahi hai Pankaj....Uss Prateek ko yaha pe hona chahiye tha....

Pankaj - tum theek to ho naa.....tum Prateek Prateek kiye jaa rahi ho bas.....

Madhu - Arre sab mujhse puch rahe hai wo kaha hai tumne bhi to issi liye call kiya naa.....Main kabse sabko nahi pata nahi pata nahi pata kahti jaa rahi hu.....ab mujhe bhi jawab chahiye ki wo hai kaha pe....Main aa rahi hu bahar....uss map wale book ke saath....agar Earth pe hua to usse pata chal hi jaayega....

Pankaj - Theek hai main tumhare rent wale ghar pe aata hu...tum jaldi aao....

Yaha Pankaj aur Madhu milne wale the....wahi

Elf Nation pe Old Owl ne apni baat bata di Prateek ko....

Prateek ne jab wo baat sunni....usne socha nahi tha ki kuch aisa hone wala hoga....uske hissab se ye sab tab hi khatam ho chukka tha....phir usko laga......sayad usne acche se dhyaan hi nahi diya hoga inn baaton pe wo kisi aur chizz mein laga hoga jab wo Immortal tha tab.....

DB ne ek kahani sunai thi....apne purkhon ke baare mein.....usme ye bhi bataya tha ki koi aaya tha....jisne Raja ko uske purvajon ke khilaf bhadkaya tha uss waqt.....

Ye wahi tha.....wo abhi bhi waha aa sakta tha.....wo marra nahi tha...Mahel ke nicche dafna diya gaya tha jinda hi par sote hue.....usko maarne ka tarika pata nahi tha kisi ko....aur aaj jab wapas se mukut pe wo heera lagega....aur usse jo energy bahar aayegi....uske wajah se wo jaag jaayega....aur bahar aayega....

Mahel ke ass pass issi wajah se unn sab ko rahne ke liye bola gaya tha.....aur Mahel mein DB khud bhi issi wajah se rahna chahta hoga kyunki uss bande ko sulane wale ke pass nature element tha.....matlab wo jaagte hi badla lega....usse jiske pass Nature element hoga....

Prateek ko jaise hi ye baat pata chali.....usne Jwala se kaha....

Prateek - Jwala taiyaar raho...aur dono Bua ko bhi taiyaar rahne ko bolo....ye jo aane wala hai.....wo bahut bade bade bhram phailata hai.....unko isse bachana tumhara kaam hoga.....ho sakke to apne kuch logo ko bulla lo yaha pe.....

Jwala - theek hai.....

Jwala ne ye sab dono Buua ko bhi bataya.....uske baad....usne apne kuch logo ko bhi waha aane ko bol diya....

Wahi Prateek Old Owl ko samjha raha tha.....

Prateek - Rupal didi bahut khatarnaak hai....agar unhone khud ke upar se aapa khoya....to Elf nation ka bahut bura haal ho sakta hai....Tumhe unhe har tarah ke bhram se bahar nikalna hai....aur Nikita ko bhi.....

Old Owl - theek hai....Main jaata hu waha pe....

Wo waha chala gaya.....

Prateek - aur Dhruv tum...tum mujhe...

Wo bol hi raha tha ki usko yaad aaya.....ki ab Dhruv uske saath nahi hai.....

Prateek - Lagta hai Mujhe khud ko bhram se bacchake rakhna hoga.....

Next update mein dekhte hai kya hota hai Strange world mein.....aur saath mein wo Lucifer ko bhi

Excellent fantastic shandar update

 

[Asif khan]

UPDATE - 119

Old Owl ko Prateek ne Rupal didi aur Nikita ke pass bhej diya tha....aur Jwala....Jwala uss waqt dono Bua ke pass tha.....Jwala ne ye sab kuch unn dono ko bata diya tha.....

Jwala apne taraf se taiyaar tha.....wo iss baat ki puri koshish karna chahta tha ki dono Bua uss bhram banane wale ke jaal mein naa fanse.....aur uski iss koshish mein khud K.Bua aur P.Bua ne bhi madad kar di.....

Unn dono ne pahle bhi aise chizzen dekhi hui thi....to unko kuch experience tha inn chizzon se bachne ka.....aur K.Bua to apne saath hamesha apni cheezein le kar hi chalti thi.....abhi bhi unke pass unki chizzen thi....

Apne bag mein se ek sissi nikali unhone aur uske ander se choti choti goliyan nikali.....rang birangi goliyan....dekhne mein to ekdum se chocolate ki tarah lag rahi thi.....

2-3 unhone apne muh mein le liya....aur kuch P.bua ko pass kar diya.....

P.bua ko pata tha iske baare mein.....par wo abhi baakiyon ke baare mein soch rahi thi....

P.bua - Humme ye baccho tak bhi pahucha dena chahiye.....isse wo bhi surakshit rahenge......

K.Bua - haa....Jwala kya tum humme.....

Jwala ko to bas kahne ki der thi......aur wo sab samajh bhi raha tha.....usne turant hi portal khola aur K.Bua chali gayi Rupal didi aur Nikita ke pass.....aur P.bua Prateek ke pass......

Prateek ne jab P.Bua ko apne pass dekha to.....

Prateek - bua....aap yaha pe.....aapko apni jagah pe hona chahiye tha....ye kabhi bhi shuru ho sakta hai.....

P.Bua - hmm issiliye ab jaldi se inko apne muh mein lelo....aur muh mein hi rakhna....bahar nahi nikalna hai aur naa hi nigalna hai samjhe.....

Prateek - par ye hai kya.....

P.Bua - ye chocolates hai.....inki taste tumhare senses ko kaam mein lagaye rakhegi.....kisi bh tarah ke bhram mein fasne se tumhe kuch hadd tak rokegi....

Prateek ke pass sawal to aur the....par samay kuch kam tha iss waqt....to usne P.Bua ke haath se wo goliyan li aur apne muh mein le liye.....

Prateek - Ab aap jaao.....ye kabhi bhi shuru ho jaayega......aur aapka apni jagah pe rahna jaruri hai.....

P.bua ne haa mein sar hilaya....uske baad Prateek ko gale laga ke uske maathe ko chum liya.....

Prateek - ye kya kar rahi ho aap.....

P.Bua - chup raho....aur dhyaan rakhna apna......

Itna bolke wo wapas mud ke chali gayi portal se apne jagah pe......waha pahuchi to K.Bua bhi abhi hi aayi thi aur ek tisra portal band ho raha tha.....

P.Bua - tumne de diya unko....

K.bua - haa....par ye log sawal bahut karte hai.....

P.bua - ye acchi baat hai ye sawal karte hai.....Jwala tumhe pata hai ye sab kab shuru ho jaayega....

Jwala - Jaisa mujhe pata hai.....ye tab shuru hoga jab DB wo manni mukut pe laga dega....abhi wo Mahel ke pass hi hai.....

P.bua - Abhi wo mahel ke pass hai....usko ander leke jaaya jaayega.....kya lagta hai wo uss mukut tak pahuch bhi payega....yaa

K.bua - hmm ye baat to hai.....mujhe nahi lagta wo aasani se waha pahuch paayega....mujhe to thodi der pahle tak yahi lag raha tha hum uski madad karne aaye hai ki wo uss manni ko mukut mein laga sakke.....par yaha to sab kuch alag hi chal raha hai.....

P.Bua - ye baat sahi kahi tumne....sayad wo inn sab ko kisi aur tarike se bhi kar sakta tha.....agar hum pahle uski madad kar dete uss manni ko mukut mein lagane ka to ye accha nahi hota kya....

Ye dono taiyaar the....aur ab baatein kiye jaa rahe the uss waqt ka intezar karte hue jab inka kaam shuru hoga.....

Wahi kuch aisa hi Rupal didi aur Nikita ke sath chal raha tha....par isse alag tha.....

Rupal didi ne waise to khud ko bahut rokk rakha tha....ki wo Leader ke baare mein naa bole waha pe.....

Par Rupal didi to Rupal didi hi hai.....unse control nahi ho paata chup rahna....

Rupal didi - Nikita.....tumne kuch socha hai kya.....

Nikita - Kis baare mein didi....

Rupal didi - usss baare mein.....apne pariwar ke baare mein...

Nikita ne sunna.....aur phir chup hi rahi....par wo Rupal didi ki taraf dekh rahi thi.....

Rupal didi ko laga unhone galat baat ched di....ye baat unko nahi karni chahiye thi abhi.....to unhone baat badalna chaha.....par wo kuch bolti usse pahle Nikita boli....

Nikita - Theek hai.....to Main apna saaman wapas se school ke hostel mein rakh lungi....

Rupal - Kyun....saman kyun rakhna hai waha....tumhe koi pareshani ho rahi hai kya Nani ke yaha pe....kisi ne kuch kaha kya.....

Nikita - aapne...

Rupal - Maine....kab....

Nikita - Abhi to kaha pariwar ke baare mein kya socha hai.....aap batao mujhe kya kuch sochne ki jarurat hai....aap sab ke hote hue....aap ho naa mera pariwar....

Rupal - haa hum sab hai.....aur aage se aisa kuch bola samman wapas hostel mein rakh leti hu....to bahut bura hoga....

Rupal didi wapas se puchna to chahti thi Leader ke baare mein par....unhone ye waqt sahi nahi samjha....

Nikita - Maine socha hai main unse milungi....

Rupal - haaan....kisse milogi....

Nikita - Main Leader se milungi.....aur unse apne kuch sawal puchungi....

Rupal - tum sach mein milogi.....Main bhi saath chalungi....mujhe bhi usse....nahi...unse milna hai....mere bhi kuch sawal hai....

Nikita - Nahi didi....mujhe unse akele mein milna hai ek baar.....inn sawalon ka jawab main akele sunna chahti hu....

Rupal - theek hai.....par yaad rahe mere bhi kuch sawal hai....aur unko main puchungi jarur....

ye alag hi lage hue the......

Prateek bhi ab akela nahi raha tha.....uske pass Polar Bear king aaya hua tha....

Darasal hua ye ki polar bear king ko pata chala Old Owl ke log aur saath hi Jwala ke log bhi kahi jaa rahe hai....Jwala bhi wahi gaya hua hai.....to usko laga sayad koi muskil aa gayi hogi.....warna aise hi movements to hoti nahi thi.....to Wo Jwala ke ek bande ke saath chala aaya yaha pe.....

Yaha aaya to usko pata chala ye sab....Jwala se.....to usne Jwala se bolke usko Prateek ke pass bhej dene ko kaha....Prateek akela tha iss wajah se....

Prateek ne jab Polar bear king ko waha dekha to thoda hairaan ho gaya....

Prateek - tum yaha....

Polar bear king - Sunna tum akele ho....to yaha aa gaya.....

Prateek kuch kahta usse pahle usko upar aasman mein Old owl ke log ghumte hue dikhai dene lag gaye....ye signal tha....

Prateek nahi chahta tha ki Old Owl ka dhyaan thoda sa bhi yaha waha ho.....wo bas wahi kare jo usko karne ko kaha gaya hai....matlab Rupal didi ko kisi bhi tarah apne senses kaabu mein rakhne mein madad kare....to usne iss tarah ke signals ke baare mein kaha tha usse.....

Abhi ke signal ka matlab tha DB mahel ke ander pahuch chukka tha....

Uske mahel ke ander aane ki baat ab sabhi ko pata chal chukki thi....Prateek dono Bua aur Rupal didi aur Nikita ko......aur Leemo to picche hi tha uske to wo to jaanta hi tha....

Mahel mein DB ko saamne ke raste se nahi leke jaaya gaya tha.....usko ek chote darwaje se leke jaaya gaya tha.....

Mahel ke baaki saare logo ko waha se hatwane ka kaam Leemo karwata jaa raha tha.....jaisa ki usne pahle hi apne logo ko har jagah pe bitha diya tha....to abhi wo uss sipahi aur DB ka piccha karte hue....bas unn sab ko instructions de raha tha ki kaun sa galiyara khali karana hai......aur uske log bhi samajhdaar the....wo bhi apna kaam bade acche se kar raha the.....

Jo sipahi DB ko leke jaa raha tha....usko khud bahut ascharya ho raha tha.....wo waha pe ek bande ko sabse chuppa ke leke jaa paaya tha....

Mahel ki suraksha bahut kadi hoti hai....uss suraksha ko wo paar kar paa raha tha....usko kuch kuch gadbad lag rahi thi.....

Yaha pe ab darbar khatam hone ka samay ho chala tha....matlab ab Elf king apne darbar se bahar aane wale the aur ye baat uss sipahi ko bhi pata thi aur Leemo ko bhi....DB ko to pata tha hi ye....

Sipahi ne socha tha ki agar mauka mille to wo Elf prince yaani DB ko sidha Elf king ke pass leke jaayega....taaki kisi ko pata naa chale....aur abhi tak jo kuch hua....usse usne ye tay kiya ki wo yahi karega....

DB ka bhi sayad kuch aisa hi plan tha...to wo bhi chal diya...uss sipahi ke saath....par Leemo....

Leemo nahi chahta tha ki dono baap bete mille....usko lag raha tha dono milenge to waha pe dhamaka ho jaayega.....Elf King bahut gussa ho jaayenge DB se....

Leemo ne jab dekha dono ussi taraf jaa rahe hai to usne khud bahar aana hi sahi samjha....aur wo piche se unke pass chala gaya.....

Leemo - Sipahi....tum ye kaha chale aa rahe ho....aur ye kaun hai....

Wo sipahi ek pal ko to darr hi gaya....par phir usne socha....ye kaam wo akele kabhi bhi nahi kar sakta.....to usne Leemo ko sab batane ka socha...aur usko samjahne ka bhi socha ki kyun DB ko uske pita yaani Elf king ke pass bhejna chahiye.....

Ye sab karne ke liye usne sabse pahle jo patla kapda DB ke chahre pe laga hua tha usko hataya....

Leemo ne thoda acting kiya ki ye to Elf Prince hai...aur uske baad Leemo ko uss sipahi ne sab kuch bataya...

Leemo - Nahi....manna ye Elf Prince hai....par hum inko Elf King ke pass nahi le jaa sakte....yaad nahi kya tumhe....inhone unko haani pahuchane ki koshish kari thi....

Sipahi - ye kaise ho sakta hai.....kya tumhe lagta hai hamare Elf Prince kabhi aisa karenge....manna thoda bhatke hue hai ye....par....nukshan pahuchane ki koshish....main iss baat ko nahi maanta....

Leemo - Tumhare maanne na maanne se kya hi hota hai....upar se inko sazza bhi di gayi thi....agar kisi ko inke yaha hone ka pata chala to....

Sipahi - Main inko chuppa ke yaha laaya hu....

Leemo - tumhe inko yaha laana hi nahi chahiye tha....

DB jo chup chap ye sab sunn raha tha unse dekha durr hi uske pita waha se jaa rahe the....unke saath sayad waha ke mantri the.....DB ne bas aawaj laga di....

DB - Pita ji....

Awaj pahuch gayi jahan usko pahuchna tha....par isse pahle Elf king uss taraf dekhte.....DB ne Leemo ko pair pe maar ke waha se jaane ko bola.....aur Leemo iss baar bhi....kuch nahi kar sakka.....

Ab haalat kuch aise the.....durr saamne Elf King khade the...aur yaha pe sipahi ke saath DB khada tha....Elf King ke sath unka mantri bhi tha...par jaise hi usne dekha yaha pe kaun hai.....usne turant hi waha pe khade saare sipahiyon ko aur baaki sab ko jaane ko bol diya.....unn sab ne aawaj to sunni thi par dekha nahi kuch....

Elf King ke chahre ko dekh ke koi bhi bata sakta tha ye bahut gusse mein hai....par Mantri waha pe tha....aur usne baat sambhalne ki koshish kari.....

Mantri - Elf king.....ye sahi waqt aur sahi jagah nahi hai.....Rajkumar ko humme sabki nazaron se bachana hoga....

Elf king ne bas haa mein apna sar hila diya....aur waha se chal diye....

Mantri ne dekha DB ke saath ek Sipahi bhi tha.....usne Sipahi ko DB ke sath apne piche aane ko kaha....aur wo khud Elf king ke picche jaane lag gaya.....

Elf king ek kamre ke ander chale gaye....wo manrti uss kamre ke darwaje ke pass khada raha...aur jab sipahi aur DB waha pahuche to DB ko ander jaane ko kaha....aur Sipahi ko wahi bahar rukne ko kaha....apne saath....aur darwaja bahar se band kar diya....

Mantri - Elf Prince yaha kaise.....

Sipahi ne unko sab kuch bataya....ye bhi bataya ki wo usko yaha pe kyun leke aaya....

Mantri ne sipahi ki tarif kari....usne sahi kiya...par usse pucha ki kisi aur ne to nahi dekha naa unko yaha pe....

Ispe wo sipahi ne bataya....

Sipahi - Abhi apke aane se pahle Main ussi se baat kar raha tha....par apke aane ke baad wo gayab hi ho gaya....agar aap kahe to Main usko dundh ke laata hu....

Mantri - tumhe kya lagta hai wo iss baat ko kisi aur ko batayega....

Sipahi - main usse abhi hi mila tha...to pakka nahi kah sakta....

Manrti ne kuch socha....phir kaha...

Mantri - agar sirf usne hi dekha hai....to ye baat dabai jaa sakti hai....abhi tumhara yaha hona jyada jaruri hai...

Wahi ander.....

DB - Pita ji....

Elf king - Tum yaha pe kyun ho....aur kis wajah se...tumhe pata bhi hai tumhara yaha hona.....mere liye Elf nation ke liye kitna bura hai....

DB - Pita ji mera yaha hona na to aapke liye bura hai aur naa hi Elf Nation ke liye....Maine apni nature element ko control karna seekh liya hai....

Elf King - Tum ye batane yaha aaye ho.....tum mera khoon ho...iss wajah se abhi main yaha pe tumhari baatein sunn raha hu....

DB - haa main jaanta hu....Main yaha pe Elf Nation ko uss bimari se azadi dilane aaya hu.....Mere pass ye manni hai.....

DB ne manni ko apne haath mein leke dikhate hue kaha.....

Elf king ne jab wo dekha to unko yakkin nahi ho raha tha.....shuru mein jab wo manni gayab hui to ye baatein hone lagi ki wo chori hui hai...par baad mein Elf nation ke kuch vidwaan logo ne bataya ki ye sab iss wajah se nahi hai...iska koi aur hi karan hai.....aur wo kaaran bhi Elf King ko bataya gaya.....

Shuru mein Elf king ko yakin nahi hua tha...par kab tak kisi baat ko nakara jaa sakta hai....phir unko bhi kuch kuch yakkn hone lag gaya ki ye sab sayad unhi se hua hai....unko kabhi bhi....Nature element wale apne bete ko uss mukut ka asli hakdaar banne se nahi rokhna chahiye tha....unhone roka aur iski wajah se ye sab ho gaya.....

Wo chahte the DB ko wapas bulla le....par ab ye baat badi ho chukki thi....wo agar aisa karte to wo Strange world ke niyamon ko todte....ye Elf nation ke liye accha nahi hota....to unhone uski saza khatam hone tak intezar karne ka socha....

Ab jab wo uss manni ko DB ke haath mein dekh rahe the to unko yakkin nahi ho raha tha....

DB - Pita ji mujhe apna kaam pura karne dijiye....uske baad Main yaha se chala jaaunga....

Isne apna kaam kaha.....ab Elf king ko kaha pata iska pura kaam kya hai....wo bhi chahte the ki unki praja iss ajeeb si bimari se mukt ho....aur abhi to wo ye bhi chahte the ki DB jaldi se yaha se chala jaaye.....to unhone waqt naa gawate hue....darwaja kholne ko kaha....

Darwaja khulla....

Elf king - Mantri ji.....humara mukut....humme yaha pe chahiye....

Mukut hamesa sar pe nahi hota wo....wo khass mukut hai to usko bas darbaar mein pehen ke baithte hai....aur baaki jagahon ke liye dusra mukut tha.....

Mantri ne jab wo sunna to wo chal diya waha se mukut laane ko....aur jaane se pahle uss Sipahi ko bata ke gaya ki iss jagah pe koi bhi aa nahi paaye.....

Thodi der mein....manrti apne haathon mein kapdon se chupata hua wo mukut leke aa raha tha....Abhi wo durr hi tha....ki mukut uske haath mein hilne lag gaya.....aur sath hi usme lage hue aur manniyan chamakne lag gayi.....yaha DB ke haath mein jo manni thi wo bhi chamak rahi thi....dono ek dusre se durr hi the.....par jaise ek dusre ko mehsos kar paa rahe the....

DB - Pita ji.....Main jab ye manni iss mukut mein lagaunga...tab kuch bada hoga...apko khud ko sambhalna hai....Mantri ji....iss mukut ko iss kamre mein leke chaliye........

Manrti ne ek baar Elf king ki taraf dekha to unhone bhi wahi kaha....to wo leke chala gaya.....

Uske baad DB ne unko aur sath mein uss sipahi ko uss kamre se bahar jaane ko kaha...aur saath mein darwaja bahar se band kar dene ko bhi kaha.....

Unn dono ne waisa hi kiya aur DB ne ander se bhi darwaja band kar diya.......uske baad DB uss mukut ke pass aaya....

Db - Pita ji iss waqt to Royal family ke sabhi log apne apne rooms mein hi honge naa.....

Elf King - haa.....ye waqt aaram ka hai....sab rooms mein hi honge...kyun kya baat hai....

DB - nahi bas abhi agar koi Royal family ka apne room mein nahi hai to wo kuch aisa dekhega....jo usko hilla ke rakh dega....

Itna bolne ke baad usne wo manni uss mukut pe rakh diya....aur ek tezz roshni charo taraf phail gayi....ye energy ke waves the....jo ki bahut taqatwar the....Isko pure Strange world ne feel kiya tha.....

Yaha se dur nix kabile mein murti mein fassa wo banda...usne bhi.....wo to bahut hairaan ho gaya tha....usne kabhi nahi socha tha itni urja wo iss ajeeb se planet pe mehsoos kar paayega....waise usne pahle kiya tha Madhu ke powers aur Prateek ke bhi....par wo alag the aur ye bilkul se alag.....

Iss energy ka asar bhi hua.....jisko jaagna tha....wo jaag gaya...

Mahel ke aas pass bhukham ke jhatke se aane lag gaye the....Elf nation mein....

Elf king - ye kya ho raha hai....

DB - ye iske wajah se hua hai....par abhi to ye shuru hi hua hai....

Elf king - Kya matlab....

DB - Aap iss kamre se bahar nahi jaayenge....kuch bhi ho jaye nahi jaayenge....

DB ye bol raha tha aur saath hi room ke jamin pe apne saath laya hua ek powder se kuch aakriti bana raha tha.....Mujkut ke charo taraf.....

Yaha sab shuru ho chukka tha.....

Mahel ke ander aur bahar yaa ye kahe ki mahel ke boundaries ke ander jitne bhi log the....sab achanak se jaise robot ban chukke the....

Bhukamp ke baad aksar hota hai log ghabra jaate hai...par yaha pe....koi ghabraya hua nahi tha....sab shant the...koi kahi se bahar nahi aaya tha.....balki sabhi ke sabhi apne hathiyar bahar nikal rahe the.....

Jo Royal family ke log the wo sab ke sab kuch darre hue the....ek dusre ka hal chal lena chahte the....aur wo apne kamron se bahar nikalne lage the...

par unko kaha pata tha.....aaj unke saath kya hone wala hai....jab unke apne rakhwale unki hi jaan ke dusman ban jaayenge tab...

Next update mein dekhte hai mahel mein kya ho raha hai....aur isko kaise rokka jaata hai....

Zabardast

 

[Ashish120]

Waiting