Fantasy Immortals

[Ristrcted]

★ INDEX ★
☟​

♡ Family Introduction ♡​

Update 01	Update 02	Update 03	Update 04	Update 05
Update 06	Update 07	Update 08	Update 09	Update 10
Update 11	Update 12	Update 13	Update 14	Update 15
Update 16	Update 17	Update 18	Update 19	Update 20
Update 21	Update 22	Update 23	Update 24	Update 25
Update 26	Update 27	Update 28	Update 29	Update 30
Update 31	Update 32	Update 33	Update 34	Update 35
Update 36	Update 37	Update 38	Update 39	Update 40
Update 41	Update 42	Update 43	Update 44	Update 45
Update 46	Update 47	Update 48	Update 49	Update 50
Update 51	Update 52	Update 53	Update 54	Update 55
Update 56	Update 57	Update 58	Update 59	Update 60
Update 61	Update 62	Update 63	Update 64	Update 65
Update 66	Update 67	Update 68	Update 69	Update 70
Update 71	Update 72	Update 73	Update 74	Update 75
Update 76	Update 77	Update 78	Update 79	Update 80
Update 81	Update 82	Update 83	Update 84	Update 85
Update 86	Update 87	Update 88	Update 89	Update 90
Update 91	Update 92	Update 93	Update 94	Update 95
Update 96	Update 97	Update 98	Update 99	Update 100
Update 101	Update 102	Update 103	Update 104	Update 105
Update 106	Update 107	Update 108	Update 109	Update 110
Update 111	Update 112	Update 113	Update 114	Update 115
Update 116	Update 117	Update 118	Update 119	Update 120
Update 121	Update 122	Update 123	Update 124	Update 125
Update 126	Update 127	Update 128	Update 129	Update 130
Update 131	Update 132	Update 133	Update 134	Update 135
Update 136	Update 137	Update 138	Update 139	Update 140
Update 141	Update 142	Update 143	Update 144	Update 145
Update	Update	Update	Update	Update
Update	Update	Update	Update	Update

 

[Reza]

Waiting

 

[Naik]

Update please brother

 

[Sandykush]

Bhai kitna wait karoge

 

[Xabhi]

UPDATE - 121

Prateek ke dimmag mein bahut kuch chal raha tha......achanak se kya kya ho gaya......usne kabhi nahi socha tha inn sab mein kisi tarah se Madhu Strange World mein aa jaayegi wapas.....

Madhu ka strange world aana khatarnaak tha.....bahut khatarnaak naa sirf Madhu ke liye balki bahut se planets ke liye bhi.....Ab jab ki Golden Power uske ander kabhi bhi active ho jaata tha.....ab agar Madhu uss Golden power ke control mein rahte hue wapas se uss Nix ke mandir mein chali jaati hai....to ye bahut badi mushibat ho jaayegi......

Aur iss baar to aisa hone ka bahut jyada chance bhi tha......yaha pe wo bhram phailane wala tha.....agar wo galti se bhi.....galti se bhi Madhu ke dimmag tak pahuch ke usse koi kaam karana chahta to uss waqt Golden power usko khatam karke khud wapas se ussi jagah pe chali jaati jaha pe wo sabse pahle activate hui thi......

Prateek ko acche se pata tha......wo jagah koi aur nahi wahi Mandir hai.....aur wo iss baat ko bhi acche se jaanta tha Mandir mein koi hai jo Madhu ko paane ke liye kuch bhi kar sakta hai.....

Ye sab soch ke Prateek ko gussa bhi aa raha tha aur wo chintit bhi tha......aur inn sab ke wajah se wo bhram phailane wala jo ki uske dark power wale gole mein band tha......wo chikhta jaa raha tha......

Ek to wo pahle se hi Energy ke form mein tha.....aur uske baad Prateek uske stable form ko unstable kiye jaa raha tha.....kabhi Dark Power se usko labalab kar deta to kabhi uske ander ki energy bhi choos leta.......wo chikh raha tha bas......

DB iss baat ko dekh raha tha.....aur usko bas ek baat ka dar tha.....kahi ye apni taqat puri tarah se kho naa baithe.....agar aisa hua to wo kisi bhi kaam ka nahi bachega....aur bas...bas bekkar ho jaayega DB ke liye bhi.....

Agar aisa hua to DB uska use nahi kar paayega.....usko uss mukut mein nahi daal paayega.....

DB ne itna khatra uthaya.....iske picche bhi wajah thi.....wo chahta tha ki wo kisi tarah uss bhram phailane wale pe kaabu kar le.....aur uske baad usko mukut mein use kar sakke...

Mukut mein agar uski powers hogi to isse bahut jyada fayda hoga naa sirf uss mukut pehenne wale ko balki uske ass pass rahne wale logo ko bhi......mukut pehenne wala usko pehen ke agar dhyaan lagaye to wo bahut acche se dhyaan laga paayega aur apni powers aur jyada acche se kaabu kar paayega aur usko badha bhi paayega

DB ke dimmag mein ye baat chal rahi thi ki uss mukut ko pehenne wala pure Elf Nation ko kisi bhi tarah ke khatre se bachane mein saksham rahe....aur wo aisa ho.....iss baat ko sunischit karne ke liye bahut mehnat kar raha tha.....

Haa inn sab mein usne bhi bahut si galtiyan kar di......

DB Prateek ko waisaa karta hua dekh raha tha......wo turant uske pass gaya.....

DB - Prateek ye kya kar rahe ho......aisa mat karo......agar isko kuch hua to plan kharab ho jaayega.......

DB yaha plan ke baare mein soch raha tha......uss plan ke baare mein jiska hissa to bahut se log the.....par unn bahut se logo mein se kisi ko bhi....kisi ko bhi uss plan ke baare mein pata hi nahi tha......

Prateek yaha pe gusse mein tha.....aur saath hi bahut se sawal bhi dimmag mein ghum rahe the.....aise mein uske saamne DB aaya aur usne uss plan ki baat kari jiska usko kuch bhi pata nahi tha.....

Thodi der pahle tak to wo andaza laga raha tha.....aur ye soch raha tha ki DB sayad isko apne tarah se handle karna chahta hai......to wo usko karne de raha tha.....par ab.....ab chizzen ekdum se badal si gayi thi.....thodi bahut nahi puri tarah se hi badal gayi thi.....

Prateek kitna bhi andaza laga le......kuch bhi soche kisi hadd tak soche uske dimmag mein ye kabhi nahi aane wala tha ki Madhu wapas se Strange World aa jaayegi.....wo gusse ko dabana chah raha tha....par.....

DB - Dekho ye kamzor ho chukka hai....aisa naa ho isko kuch ho jaaye.....warna hamara pura plan.....puri mehnat kharab ho jaayegi.....

Prateek - Kaun sa plan....kaisa plan.....tumne bataya kya kisi ko apne plan ke baare mein......aur kya tumhe pata hai ki tumhara plan kya hai.....tum jante bhi ho ki kya kya ho raha hai.....

DB ko samajh nahi aaya ye itna gussa kyun ho gaya.......waise dekha usne bhi tha.....Madhu aur Pankaj ko waha se jaate hue......par abhi dimmag mein wo baat thi hi nahi.....

DB - aisa kya ho gaya......sab kuch theek sa hi to hai.....bas thoda bahut badlaaw ho gaya hai......abhi ye mere pass hona chahiye tha....par tumhare pass hai......lekin isme koi badi baat nahi hai......tum chalo mere saath.....meri thodi si madad kar do.....aur uske baad hum baat karenge.....

Aksar aisa hota hai.....jab aap kisi se gussa hote ho.....to gussa hone ki bahut si wajahein yaad aane lagti hai yaa phir dikhne lag jaati hai....

Prateek - waah......tumhe sab theek sa lag raha hai.....tumhe pata bhi hai yaha pe Madhu aa gayi thi....agar usko kuch ho jaata to.....

DB - Madhu.....par usko tumhare rahte kya hi ho jaayega.....

Prateek - baa sirf Madhu ki nahi hai DB....yaha pe baat control pe hai......tum nahi jaante yaa jaan bujh ke anjaan bann rahe ho sayad.....plan tumhare haath se kab se hi nikal chukka hai....

DB - Nahi aisa nahi hai.....Madhu ke yaha aane ke alawa baaki sab lagbhag se control mein hi hai.....

Prateek - accha sach mein....to ye batao kya tumhare plan mein tha ye ki mahel ke sainik aur baaki log tumhare Royal family pe hamla kar de.....yaa ye plan mein tha ki Leemo yaha pe aake phas jaaye......

DB ke pass jawab to tha......par chizzen thodi aur aage badh gayi thi.....usne bhi Madhu ke yaha aa jaane ke baare mein kabhi nahi socha tha.....ye sab usne iss wajah se kiya taaki inn sab ki jimmedari uske sar pe aaye....aur uske baad usko aasani ho.....

Aasani ho apne pad ko chod ke jaane mein......wo iss baat ko acche se jaanta tha.....agar usne wo bimari yaha se bhagai to wo yaha ka hero ban jaayega.....aur wo ye nahi karna chahta tha......usne socha.....bahut socha....par antt mein bas ek yahi tarika milla usko jisse wo naa sirf uss bimari ko yaha se bhaga sakke balki logo ke bich khud ke liye nafrat bhi paida kar sakke.....aakhir kaun hoga aisa jo apne hi pariwar ko yaa apne doston ki jaan jokhim mein daale.....

DB ko chup dekh ke Prateek ne apni baat aage badhai......

Prateek - Ab chup rahne se kya hoga......yaha jo kuch bhi hua......uski jimmedari tumhe khud leni hogi.....

DB ne jab ye sunna to bas Prateek ki taraf dekh ke muskura diya.....Prateek ko uska aisa karna bilkul pasand nahi aaya.....wo pahle se gusse mein tha....wo usko wahi pe patak deta......par usne khud ko thoda control kiya....kyunki abhi waqt waha pe sirf uski nahi thi.....

DB ne wapas se besarmo ki tarah wahi pucha......

DB - kya tum meri madad nahi karoge isko iske sahi jagah pe pahuchane mein......

Prateek ne apne daant piste hue usse kaha.....

Prateek - batao kya karna hai......ab kya hai tumhare plan mein......

DB - Mere picche aao.....

Itna bol wo aage jaane lag gaya wapas se ussi kamre ki taraf jaha pe wo mukut aur Elf king ke saath tha......waise to usne Elf king ko ander hi rahne ko kaha tha....aur wo ander hi the....par jab sab ekdum se shant ho gaya......matlab uss bharm phailane wale ke Prateek ke kabze mein jaane ke baad.....unko lagne laga kahi DB ko kuch ho to nahi gaya.....aur wo wahi check karne ko bahar nikle Mukut ko wahi pe chod ke....

Bahar aaye to jo nazara unke saamne tha.....wo dekh ke....wo samajh hi nahi paaye ye sab kya ho gaya unke saath.....

wo mantri jo kuch der pahle unke saath tha.....wo abhi nicche behosh hue pade hue the....bas wahi nahi uske saath wo sipahi jo DB ko waha leke aaya tha....aur saath hi saath bahut se aur sipahi aur sewak sewikayein......

Elf King ko ekdum se samajh nahi aa raha tha ye sab hai kya.....

wo bas darwaje pe hi khade the.....aur apne aas pass sabhi ko behosh pada dekh rahe the.....

Itne mein unko dur se DB dikhai deta hai aur uske saath ek jaana pahchana chahera......

Prateek se pahle bhi mulakat hui thi.....par acche se nahi......haa lekin chehra bhulne wala nahi hai Prateek ka to wo yaad tha....

DB ko uske saath dekh ke ek baar to Elf king ko laga sayad ye sab DB aur uska kiya dhara hai.....kahi usne hi ye sab to nahi kiya.....par phir unhone turant iss baat ko apne dimmag se nikal bhi diya.....

DB aur Prateek dono unke pass pahuche.....

Elf king - DB......dekho....dekho ye kya ho gaya......hamare....hamare saare log....ye sab iss tarah se.....main.....main...

Prateek pahle se gusse mein tha.....usne aise hi bol diya....

Prateek - aapka inko dekh ke ye haal hai.....jab aap apne pariwar walo ko dekhoge tab kya hoga.....

Elf king - Kya.....kya matlab hai tumhara....kaun ho tum.....DB ye kaun hai....aur himmat kaise hui iski.....hamare pariwar ke baare mein bolne ki....

Prateek - Main wo hu jisne unki madad kari hai......jaaiye aur jaake dekhiye unko.....

Elf king - Kya baat kar raha hai ye DB....yaha ye sab kya ho raha hai.....

DB ne unko kamre ke baare mein bataya....aur ye bataya ki waha pe 2 log unka dhyaan rakh rahi hai......bas....bas itna hi bataya aur kuch nahi....

Elf king - to....to tum yaha kya kar rahe ho.....jab sabhi ki halat aisi hai to tum...tum yaha kyun.....chalo mere saath....humme unke saath hona chahiye.....vaidya ko bulana chahiye.....

DB - aap jaaiye....mujhe pahle ye kaam karna hai....iss kaam ke baad hi Main koi aur kaam kar sakunga.....

Elf king - Kya matlab hai tumhara......kya pariwar aur hamare logo se bhi jyada jaruri hai ye kaam......wo bimari to khatam ho gayi naa......

DB ne kuch nahi kaha wo bas chup raha aur aage badh gaya.....Elf king ko aisa laga jaise kisi ne unke seene pe khanjar se waar kar diya ho....wo bhi dil wale side mein.....

DB unko cross karke aage chala gaya tha.....kuch der wo wahi pe rukke aur uske baad....uske baad wo binna picche mudde waha se nikal gaye.....uss kamre mein se.....

Prateek - ye bhi tha kya plan mein tumhare......

DB ne wapas se kuch nahi kaha.....bas jaake mukut ke pass baith gaya......aur baithne ke baad lag gaya apne kaam mein......

Thodi der tak uski aakhen band hi rahi....uske baad Prateek ne dekha.....uss mukut ke biche mein jo jagah hai waha pe harri roshni hone lagi thi....uske ander kuch shapes banne lag gaye the....aur dekhte hi dekhte uske ander se ek chota sa paudha nikla......

Ye sab DB kar raha tha.....apne Nature Element ki madad se......Prateek sab jaanta tha.....

DB ne uss paudhe ko aur bada kiya.....aur bada kiya.....aur jab usko laga ki ab wo iss chizz ke liye taiyaar hai to usne Prateek se bola.....

DB - iss paudhe mein ab ek phool nikalne wala hai.....tumhe dhyaan se uss phool ke theek upar isko chodna hai.....dhyaan rahe apni dark power ko bhul ke bhi.....galti se bhi uss phool mein touch nahi hone dena......

Prateek ne jyada kuch nahi kaha....bas haa mein apna sar hilaya.....wo bhram phailane wala pahle se hi thoda kamzor ho chukka tha....usme itni takat to nahi thi ki wo abhi kuch kar sakke....to chinta ki koi baat hi nahi thi....

DB wapas se apni aakhen band karke dhyaan mein chala gaya.....aur dekhte hi dekhte ek sundar sa phool uss paude mein khilla.....par acchanak se waha pe bahut badbu bhi aane lag gayi.....ye uss phool ke wajah se hi tha.....DB ne kidde khane wale paudhe ko ugaya tha.....aur iss wale se badbu aa rahi thi.....

Phool acche se khilla aur pura kamra badbu se bhar gaya.....Prateek ne uss bhram phailane wale ko acche se uss phool ke bilkul bich mein gira diya....aur girane se pahle apni saari dark power uske ander se khinch li thi usne....

Jaise hi wo uss phool ke bich mein girra.......ekdum se uski shaktiyan wapas aane lag gayi.....

Wo DB aur Prateek ke upar hamla karne ke liye utha....par...der ho chukki thi.....wo fans chukka tha.....

uss phool ka muh band hone lag gaya....aur jaha abhi kamre mein itni badbu thi.....wo ab kam hone lag gayi.....aur kam....aur kam....

EK waqt to aisa aaya jab uss kamre mein ek alag hi khiooshbu aane lag gayi.....DB ne jab ye mehsoos kiya to usne bas apni aakhen band kari aur wapas se dhyaan mein lag gaya.....aur uss paudhe ko wo jaha se aaya tha wahi pe bhejne mein lag gaya.....

Jyada waqt nahi gaya hoga......aur wo pauda jaise bada hua tha bilkul waise hi chota hone lag gaya.......aur dhire dhire ussi harre rang ke shapes ke ander samma gayaa.....

Uske samane ke baad Mukut achanak se hawa mein udne lag gayi......usme jo naya heera laga tha uska harra rang aur bhi gadha ho gaya......

DB ne apna haath aage badhaya......aur wo mukut uske pass aane lag gayi......par wo jaanta tha......

Wo jaanta tha agar ek baar usne uss mukut ko pehen liya...to wo mukut usko bhulegi nahi.....usne uss mukut ko khud se durr hi rakha....aur apne saath le jaane laga......

Prateek - Ab kaha jaa rahe ho.....oo accha ye bhi plan ka hissa hoga.....iss mukut ko kahi fenkna hoga naa.....

DB - Prateek tum iss waqt gusse mein ho.....jab shant ho jaaoge to samajh jaaoge......Main jaanta hu.....Madhu ka yaha aana....wo tumhe accha nahi laga....tum nahi chahte wo kabhi bhi kisi bhi mushibat mein fasse.....aur sach mein ye sab mujhe bhi pata nahi tha....mujhe andaza nahi tha iska ki kuch aisa ho jaayega.....

Prateek - andaza nahi tha......

DB - chalo abhi mujhe ye mukut Elf king ko dena hai.....

Prateek chal diya uske saath.....ab Prateek bas jaldi se yaha se nikalna chahta tha....yaha se Nikita aur Rupal didi ko leke nikalna chahta tha wo.....aur ghar jaake Madhu ka haal jaanna chahta tha......

Madhu ko leke uske pass bahut se sawal aa chukke the iss baar bhi......aur jawab ke liye usko waha jaana hi tha.....

Madhu ne apne ek haath se Pankaj ko safe kar rakha tha....golden power ke active hone ke baad bhi.....

Prateek ye samajh chukka tha ki Madhu ko iss baar kuch baatein to yaad rahne wali hai jo yaha pe hua tha unme se.....par wo ye nahi jaanta tha ki wo baatein usko kis roop mein yaad rahengi....

Baatein iss wajah se yaad rahne wali thi kyun ki Golden power ne uske upar control paaya tha....par phir bhi....wo ander hi ander khud pe thoda bahut to control kar hi paa rahi thi....tabhi to usne Pankaj ko bachaye rakha tha.....

Dono ussi kamre mein pahuch gaye jaaha pe Elf King gaye the......

Waha gaye to Elf King Rupal didi aur Nikita ko shukriya kah rahe the......wo dono unn sab ki choton pe dawai laga rahi thi.....aur ye Elf king ne dekh liya tha......

DB aur Prateek waha pe gaye......DB ne mukut ko unke pass nicche rakh diya......

DB - mera kaam ho gaya hai.....ab aap isko apne pass rakh sakte hai.....

Elf king ne uski taraf binna dekhe hi......usse kaha.....

Elf King - Maine socha tha.....socha tha tum apni sazza hatam karne ke baad yaha aaoge....aur Main tumhe ye rajya de dunga.....yaha ki janti ki sewa karne ke liye....par.....par aaj jo dekha.....uske baad ye galti kabhi nahi karunga.....Tumne uss bimari ko yaha se bhagaya hai......iss wajah se yaha pe ho......aaj ke baad....Main tumse milna pasand nahi karunga.....chale jaao yaha se.....

DB ne kuch nahi kaha.....bas Prateek ke taraf dekha.....Prateek jo ye sunn ke jyada react nahi kar raha tha usne jab wapas se DB ko haste dekha....tab usko thoda bahut samajh mein aaya.....

DB - Agar aisi baat hai.....to ab mujhe yaha se chalna chahiye......par Main wapas aaunga.....jab bhi jarurat hogi iss jagah ko meri.....Main aaunga....aap bulaoge to main aaunga.....yaha ke logo ko jarurat hogi meri to aaunga.....Prateek Main bahar hu....tum inn dono ko leke wahi aa jaana....hum nikal jaayenge yaha se.....

Itna bol wo waha se nikal gaya.....

Elf king ko abhi kuch samajh aaye....wo iss haal mein the nahi iss waqt....to unhone jyada react nahi kiya uske liye....bas Rupal didi aur Nikita ko ek baar aur sukriya kaha.....

Prateek jo yaha pe har taraf behosh logo ko dekh raha tha usne Elf king se puccha....

Prateek - Aap inn sab ko kya jawab denge.....kya inhe DB ke yaha aane ka pata hona chahiye.....

ELf King - Main isko khud sambhalna chahunga.....agar tum madad karna chahte ho to bas.....bas yaha pe kuch vaidyon ko bulwa do.....

Prateek - Theek hai.....main iska intezam karta hu......aap yahi pe rukiye.....mujhe inn dono ki bhi madad lagegi thodi....

Wo Rupal didi aur saath mein Nikita ko leke chal diya...aur Old Owl ko waha pe bulaya....aur usko jaldi se jaldi Leemo ko dhundhne ko bola.....

Leemo ko Old Owl ne turant hi dhundh diya....aur uske baad uska illaz kiya gaya.....uska sar bahut dard kar raha tha....

Usko baithaya gaya kuch waqt ke liye.....jab wo thoda theek hua to usne apne aas pass dekha sabhi girre pade the.....

Leemo - Ye....ye sab kya hai....

Prateek - iske baare mein baad mein baat karenge Leemo.....abhi tumhari jarurat hai sabhi ko.....tumhe yaha pe vaidyon ko leke aana hoga.....

Leemo - par ye.....ye sab......accha theek hai....main laata hu sabhi ko.....Raj kumar aur Elf king kaise hai.....wo theek hai aur baaki sab....

Prateek - wo theek hi hai....tum bas jaldi se unhe bulao...yaha pe sab behosh pade hue hai....

Leemo ne phir sawal nahi puccha....wo jaldi se bahar gaya.....aur jaise ki wo communicate karta tha apne logo se ussi tarah se usne badalon ki madad se madad maangi.....turant hi uske group ke log jawab dene lag gaye....aur usne Mahel mein log bhejne ko kahe......wo sab bhi samajh gaye Mahel mein kuch hua hai....to wo khud bhi aaye aur saath ein vaidyon ko bhi leke aaye.....

Prateek ne jab dekha ki wo apna kaam kar raha hai to usne Leemo se jaane ke baare mein kah diya.....Leemo bhi tab busy tha to kuch puch nahi paaya.....bas haa mein jawal diya aur wo sab chale gaye.....

Yaha pe ye sab chal raha tha.....

Wahi Lucifer.....wo kuch waqt se apni nayi nayi aayi powers ka hi use kar raha tha.....par thodi der pahle apne lalach pe thoda control paaya tha usne......aur wo Justin ki talash mein nikal gaya.....

Raste mein bhi uske ander aur powers aati jaa rahi thi.....ye jaan bujh ke wo immortal kar raha tha usko test karne ke liye....par Lucifer khud pe control karke chalta jaa raha tha....

Aage dekhte hai wo kaise pahuchta hai apne bete ke pass....aur jab pahuchta hai to wo uska beta hi hota hai yaa koi aur.....saath mein Madhu ko bhi dekhna hai......

Superb update bhai sandar jabarjast lajvab DB ne apne pita ki najro me khud ko ayogya ghosit kar diya apne behavior se Dekhte hai Luci kya karta hai aage Apne bete ko dekh kr ye kide khane vala paudha CTET exam me sabse jyada puchhe Jane vala topic hai iska naam nepanthis jinas hai or iske anek naam hai...

 

[Raja maurya]

Waiting Bhai

 

[The king]

UPDATE - 108

Main Fumos ke liye nikal gaya tha.....par yaha pe bas Main akela hi nahi tha......

Yun to Earth , Demos . yaa iss jaise planets Immortals ke space mein ghoomne wali faltu ke planets mein se the......par Fumos ka ek alag mahatwa tha......Titan ka bhi alag mahatwa tha par Fumos wo Titan se bhi jyada mahatwa rakhta tha Immortals ke liye....Jaahir si baat hai Fumos ek alag hi tarah ka planet tha,.....wo jinda tha......sayad hi pure space mein aisa koi planet hoga jo jinda hoga.....

Main jab yaha pe pahucha to sidha DB ke pass aaya tha......wo wahi pe jameen pe baitha tha......apni hatheliyon ko jameen pe rakhe hue.....

Main waha aaya to mujhe thoda ajeeb sa laga.......par Main yaha pe kisi maksad se aaya tha aur usko pura karna meri pahli prathmikta thi.......Maine baaki chizzon ko ignore kar diya......

Yaha aaya to sabse pahle Maine aas pass ka jaayza liya......aur uske baad Old Owl ki taraf dekhne laga......wo bhi meri baat samajh gaya tha.....wo turant hi udd ke uchai pe gaya aur waha ek chakkar laga ke wapas mere pass aaya......

Old Owl - Wo abhi yaha se durr hai.......usko yaha aane mein thoda waqt lagega......

Main - Ye DB kya kar raha hai......

Old Owl - Usne yaha pe har jagah ped ugga diye hai ab yaha bhi wahi kar raha hai sayad......inn pedon ki wajah se ye planet ajeeb tarah se bartaaw kar raha hai......

Main - Matlab yaha......yahi nicche iss planet ki saari energy hai.....ek surkasha ghera banao yaha pe......koi bhi iske aas pass nahi aana chahiye......Isko abhi waqt lagne wala hai.....

Old owl ko mere bolne ki deri thi.....aur wo lag gaya uss kaam mein......

Main - Dhruv......waqt aa raha hai.....tum apni taraf se taiyaar raho......Main bhi taiyaari karta hu......

Dhruv - Aapko pata hai naa iska natija kya hoga wo abhi bhi anjaan hai.....

Main - Humne iss baare mein pahle bhi baat kar rakhi hai......tumhe bas uss sharir mein jaana hai aur uske baad jitni bhi aatmayein uss sarir se juddi hui hai unn sab ko bahar kar dena hai tumne......

Dhruv - Haa par phir bhi isme unn saari aatmaon ki bhi icchha honi jaruri hai.....agar wo nahi chahte bahar jaana to main kuch nahi kar paaunga.....

Main - wo sarir unn aatmaon ke liye kisi jail se kam nahi hoga......unko jaise hi mauka milega wo khud se bahar nikal jaayenge.....ek baar wo saari aatmaein nikal gayi to Slayer khud se hi khatam ho jaayega....aur wo sarir tumhara ho jaayega......

Dhruv - Haa......agar aisa hua to accha hoga.....sayad aap sahi kah rahe hai......aisa hi hoga.....aakhir kaun si aatma hogi jo uss sarir se bahar nahi nikalna chahegi.....Kya aap unn dono ke liye taiyaar hai.....

Main - Abhi to Mujhe bhi pata nahi hai......Maine iss baare mein jyada socha hi nahi.....par agar hamara andazza sahi hai.....to wo dono bhi wahi hone chahiye......

Dhruv - Haa aur unke saath saath wo bhi wahi pe hogi......aapko lagta hai wo uss jagah ko chod ke bahar aa jaayegi.....

Main - Dhruv hum ghum ke ussi baat ke shuruwat pe aa gaye hai......inn sab pe humne bahut baatein kari hui hai......sayad jab tak hum isko kar naa le humme jawab nahi milega.....

Dhruv - Agar kuch gadbad hui to uske baad humme aage kya karna hai uska bhi pata nahi hoga......par phir bhi Main aapka saath dunga.....mujhe aapke upar yakkin hai.....

Main - Mujhe pata hai.....aur main vadda karta hu.......ab kisi ka yakkin nahi tutne dunga khud ke upar se......Tum apni taraf se taiyaariyan shuru karo.....

Maine ye kaha aur wo apna kaam karne lag gaya.......iss waqt mujhe aisa lag raha tha koi chizz mujhe kaat rahi hai.....unn sab ke baad Main aur Dhruv ek dusre se judde hue the.....aur ab wo alag ho raha tha sayad issi wajah se......

Old Owl ne DB ke charo taraf wo suraksha gheera bana diya tha.....Main uss gheere se bahar tha.....aur wo khud bhi mere pass aa chukka tha ab......

Old owl - tum.....tum theek ho naa.....mujhe tumharee ander kuch halchal mehsoos ho rahi hai......

Main - Haa......Main theek hu.....Tum jaake dekho wo kitni durr hai yaha se.....

Jab Main bol raha tha to mere muh se gahre laal rang ka kuch nikal raha tha aur wo hawa mein jaake gayab ho raha tha......usne usko dekh liya......aur mujhe ghoorne laga.....

Main - Jaao aur dekho wo kaha hai.....

Wo mujhe dekhta raha aur uske baad waha se udd ke upar chala gaya......

DB ne usse Prateek ke pass jaane se pahle hi kaha tha wo nahi chahta ki Prateek aur Slayer ke bich ladai ho.....par abhi usne jo dekha uske baad Old owl thoda aur pareshan ho gaya tha......DB ke anusaar Slayer abhi bhi takatwar hoga......aur Prateek ki halat aur kharab ho rahi thi.....

Old owl ne socha sayad wo Prateek ko kuch waqt de paayega.....wo upar gaya aur usne Slayer ko dekha......wo ab Prateek aur DB ke taraf hi aa raha tha....Old Owl waha se turant Prateek ke pass gaya.....aur waha jaane ke baad......

Old owl - Wo aa raha hai......tum bhi iss ghere mein kyun nahi chale jaate......Main usko sambhal lunga......

Maine uski baat sunni to mujhe hassi aa gayi....par saath mein dard bhi badhne laga tha.....

Main - Iski koi jarurat nahi hai.....Tum ek kaam karo.....wo Leader yahi pe hai naa.....uski madad karo.....usko kuch naa ho iss baat ka dhyaan rakhna....

Old Owl - Nahi......wo khud ka dhyaan khud hi rakh lega....Mujhe tum sahi nahi lag rahe to Main yahi tumhare pass rukunga....

Main - Aisa kuch bhi nahi hoga.....tum mere pass nahi rah sakte......tumhe....yaha se.....ahhhh......yaha se jaana hoga.....

Old Owl - ye kya ho raha hai tumhe.....tumhare muh se ye kya nikal raha hai......

Main - Iske baare mein abhi tumhe nahi samjha paaunga......tum.....tumhe abhi yaha se jaana hoga.....Main nahi chahta tumhe kuch ho.....

Old owl - Par tum theek.......nahi Main nahi jaa raha kahi bhi.....

Main - Maine kaha yaha se jaao matlab jaao.....jaao Leader ke pass jab DB apna kaam pura kar lega to uski shaktiyan bhi jaa sakti hai.....uss waqt wo kamzor hoga......Tum uske pass jaao......

Wo jaana nahi chah raha tha par aakhir mein main uska maalik tha.....to wo chala gaya.....par wo dost bhi tha mera.....jaate jaate usne mere ass pass bhi ek kawach bana diya......Ab mujhe iss kawach ko bhi todna tha......kaam badha ke chala gaya ye.....

Main ander tha aur ander se kawach ko todna aasan hota hai.....ye accha tha......waise usne majboot kawach banana seekh liya tha.....

Maine usko toda aur waha se bahar aa gaya......

DB ki taraf mudd ke dekha to wo abhi bhi laga hua tha apne kaam mein......sayad usko abhi aur waqt lagne wala tha inn sab mein......

Maine bhi apni aakhen band kari.....aur dark power ki madad se khud ko Dhruv se alag karne lag gaya......isse mujhe aur dard ho raha tha......Dhruv ne apni taraf se kaam pura kar hi liya tha bas......thoda sa aur hissa baaki tha.....

"Ajeeb hai......"

Main apna kaam kar hi raha tha.....ki mere kaano mein ye aawaj aayi......Mujhe laga ye Dhruv hai.....sayad usko kuch ajeeb sa lag raha tha......

Main - Tum ab ek alag body mein jaane waale ho sayad iss wajah se ajeeb lag raha hoga......

Dhruv - haa ajeeb lag raha hai.....par aapko ye kaise pata chala......

Main - Ab tum bataoge to kaise pata nahi chalega......

Dhruv - par maine to nahi bataya.......

Main - Hum abhi bhi judde hue hai naa iss wajah se sayad.....

Main ye bol ke wapas se apne kaam mein laga raha.....aur apne hisse ka kaam karta raha.......inn sab mein Mujhe ye pata nahi chala ki Dark Power ne kab mere sarir ke aas pass ek bahut hi mazboot deewar bana rakhi thi.....waise iss baat ka andaza mujhe pahle se tha.......Dark power har mumkin koshish karega mujhe nuksaan naa pahuche iss baat ki.....aur wo wahi kar raha tha.....par Main ye khud kar raha tha aur wo bhi ander se......issi wajah se to Maine Old Owl se DB ke liye wo gheere wanwaya....aur saath mein usko bhi waha se jaane ko bola....agar wo yaha uss ghere ke bahar hota to Mere aur Dhruv ke alag hone ke baad jo hota usme usko bahut chotein aa sakti thi.....

Uss kawach ki wajah se ab mujhe bahar ki koi bhi baatein pata hi nahi chal rahi thi.....aankhen pahle se band thi aur aawaj ab uske ander koi aa nahi rahi thi......

Mujhe pata nahi chala kab waha pe Slayer aa chukka tha.....aur wo DB ke pass jaa raha tha......par bich mein wo ghera hone ke wajah se wo ustak pahuch nahi paaya tha.....aur usko todne ki koshish mein laga hua tha......

Wo apna kaam kar paata usse pahle hi Maine apna kaam pura kar liya tha......aur uske baad wo dark power ka ghera jo mere charo taraf tha.....wo tut gaya.....aur uske tootne se waha charo taraf Dark energy phailne lagi.......DB ghere mein tha to usko kuch nahi hua.....par Slayer.......wo apni jagah se bahu durr jaake girra tha.......

Main aur Dhruv alag hue hi the ki humme ye dikha.....Dark power ne apna kaam bakhubi kiya tha......Slayer jaise behosh hi ho gaya tha.....ye sabse sahi waqt tha Dhruv ke liye uske sarir mein jaane ka.....aur usne ye mauka gawana sahi nahi samjha....aur wo uske sarir mein chala gaya......par

Jaise hi wo uske sarir mein gaya Slayer uth gaya......Mujhe laga tha wo uske ander chala gaya....aur apna kaam karne laga hoga....par abhi jo dekh raha tha usse samajh nahi paa raha tha.....agar Slayer abhi puri tarah se hosh mein tha to......to Dhruv bhi uska khana ban gaya hoga.....

Main ekdum se darr gaya tha.......Slayer se nahi.......Dhruv ke liye......hum naa jaane kab se ek saath the.......aur aaj sayad wo meri wajah se.....

Slayer jo abhi uth chukka tha.....wo wapas se DB ke pass jaane laga.......wo gheera abhi bhi waha tha........usne uski taraf dekha.....aur uss gheere mein darar si aane lag gayi......ye dekh ke mujhe yakkin ho gaya ki.....ki Dhruv ab nahi raha........wo iss Slayer ka khana ban chukka tha.....

Par abhi Mere pass itna bhi waqt nahi tha ki Main Dhruv ke jaane ka shoq manna sakku kyunki agar maine waisa kiya to sayad.....sayad kuch der ke baad DB ke liye bhi mujhe......Main ye nahi hone de sakta tha.....Mujhe nahi pata wo DB ke picche kyun pada hai.....par Main usko use nuksaan pahuchane nahi dene wala tha.....

Maine apna haath aage kiya aur usse Dark energy bahut jyada matra mein Slayer ke upar chala gaya.......aur wo waha se durr jaake gira.....

Iss insani sarir mein ye pahli baar tha ki Maine itni jyada matra mein Dark power ko ek baar mein use kiya ho......par isse mujhe koi phark nahi pad raha tha.....aur sayad naa hi iss insani sarir ko.....

Main aage badha Slayer ki taraf......wo jaha pe girra tha waha pe abhi bas dhull hi udd rahi thi.....kuch saaf saaf dikhai nahi de raha tha.....

Main dekhne ki koshish kar raha tha.....par kuch dikh nahi raha tha.....lekin kuch hi der mein mujhe 2 aakhen dikhai di.....chamakti hui aankhen.......aur agle hi pal.....Main nicche jamin pe girra hua tha.....

Kuch samajhne ka waqt hi nahi milla bas wo chamkili aankhen dikhai di aur uske baad unme se kuch aaya mere pass aur Main nicche jamin pe tha.....

Main kisi tarah waha se utha.....aur wahi nicche ek pathar ka sahara leke baith gaya.....ye jo bhi tha.......bahut takatwar tha......mera ye sarir uske saamne muskil se kuch waqt tikne wala tha bas......

Dhruv ki shaktiyon se ye Slayer bahut jyada takatwar ho chukka tha......kisi Immortal ko wo takkar de sakta tha.....aur sayad jeet bhi sakta tha.....

Abhi inhi sab ke baare mein soch raha tha ki achanak se mujhe aisa laga jaise koi chizz thi jo mujhse judd rahi thi......meri ye insani sarir.....ekdum se majboot si lagne lag gayi.....Main jo abhi nicche baitha hua tha......wapas se khade hone ki koshish karne lag gaya.....aur dekhte hi dekhte Main khada ho bhi gaya.......

Ye Jwala tha......wo yaha pe aaya hua tha......par uska yaha aana ye ajeeb tha.......Old owl yaha pe aa sakta tha......kyunki usko Riyan ne taiyaar kiya tha iske liye.....par Jwala nahi.......haa uske pass dark power hai par wo aise yaha pe nahi aa sakta.......

Mujhe laga sayad DB apne kaam mein kamiyab ho chukka hai......sayad wo Fumos ke ander jaha uski saari energies hai waha pe pahuch chuka hai.......par agar aisa hua bhi tha.....to iska matlab ye tha ki abhi kuch hi der mein pura planet uthal puthal hone wala tha.......Maine upar dekha......waha pe abhi bhi Fumos ke creatures the......matlab abhi aisa kuch nahi hua tha.......

Abhi kuch aur ochta usse pahle meri nazar wapas se uss Slayer pe padi jo wapas se DB ke ass pass lage uss gheere ko todne mein laga hua tha.......

Maine apna haath aage kiya aur uske ander se kaali aag baharr aayi......Dark power aur Jwala ke aag ka milla hua roop......

Wo kisi golle ki tarah tha.....aur wo sidha jaake uss Slayer ko laga......jisse wo waha se kuch durr chala gaya par wo abhi bhi khada hi tha.....girra nahi tha.....uss aag ke golle ne jaise bas usko dhakka diya ho......par dark power ka kaam baaki tha......

Dark power ne uss aag ko uske pure sarir pe phaila diya......aur wo wahi khade khade jal raha tha......par tab bhi wo bas khada hi tha.......

Agar koi jal raha ho to wo yaha waha bhagega......par ye to bas khada tha....aur uski aankhen.....wo wapas se chamakne hi wali thi ki meri peeth se pankh nikle aur main apni jagah se udd ke waha se side chala gaya......

Jwala aur Main pahle bhi ek do baar sayad aise ek saath aaye the.....par ye unn sab se alag tha......iss baar hamara connection kuch jyada hi majboot lag raha tha.....

Maine abhi ek baat aur notice kari.....ye jab aakhen chamki thi iss Slayer ki to uske chahre se matlab uske muh se aur naak se kuch dhuwan jaisa bahar aaya tha......pata nahi ye kya tha......lekin ye usko ander se kamjor kar raha tha......

Iss baar usne ye cheez kuch der tak kari thi kyunki uska nishana sahi laga hi nahi tha......Main apni jagah se udd ke yaha waha ho raha tha.....aur uska nishana issi mein nahi lag paa raha tha.....

Aur phir wo ekdum se rukk gaya tha aur maine wo dhuwan wagera dekha......aur wo waha haanf raha tha......issi ko leke maine kaha ki wo sayad kamzoor ho raha tha.....

Mere saamne ek pareshani thi aur ab sayad mujhe uska hal dikh raha tha.....isko harane ke liye mujhe bas isko ussi power ko use karne ke liye uksana tha......par yaha pe mere liye bhi dikkat thi......main jyada uccha nahi jaa sakta tha.....waha jaaunga to waha pe jo log lad rahe hai unme se kisi na kisi ka nishana ban jaaunga.....aur abhi unko aur isko dono ko sambhalna wo bhi ek saath wo thoda muskil to tha.....aur Main jaan bujh ke muskilein nahi khadi karna chahta tha.....

Maine wapas se apni black fire ball banai......aur uske upar phenkne ke jagah uske aas pass ke jagahn pe phenka aur phir unse uske aaas pass mein hi aag ki ek unchi si diwwar bana di.....aise mein usko double mehnat karni padegi......pahle to aag ke iss deewar se bahar aana aur uske baad nishana lagana.......

Ander se nishana lagana aur muskil hoga uske liye.....aag hai to waha ki hawa bhi garam hogi....aur garam hawa ke karan bahut baar chizzen jaha hoti hai uss jagah pe nahi dikhai deti hai......to agar aapko nishana lagana haii to uss jagah se nikalna hi hoga.....

Ab bahar wo aag se hi aayega.....isse bhi uski kuch na kuch saktiyan to kam honi hi thi......

Jaisa maine socha tha waisa hi hua bhi.....wo waha se nikalne ke liye aage chala aur wapas se uske pure sharir pe aag hi aag thi......lekin iss baar bhi usko uss aag se kuch ho nahi raha tha sayad......wo aaram se hi bahar aaya aur phir se mujhe dekhte hue usne aakhen chamkai........Sukar ho inn pankhon ka.....ye sach mein bahut tezz thi.....Main turant hi ek jagah se dusre jagah pahuch gaya tha.....

Maine wapas se wahi kiya....uske ass pass aage ki deewar aur iss baar bhi wo waha se bahar aa gaya......par wo kamzor hota jaa raha tha.....aur iss baar kuch aur bhi dikha mujhe......iss baar dhuwein ki matra aur jyada thi......

Kya ye saab jo nikal raha tha wo uske ander fansi hui aatmayein thi.....Mujhe pakka pata nahi tha ye.....par.....wo jo bhi uske muh se yaa naak se nikal rahi thi.....wo thodi upar jaake kuch ban rahi thi.....jaise koi chahra ho......aur uske baad gayab ho jaa rahi thi.....

Sayad abhi bhi ander mein Dhruv ladd raha tha.....

Dekhte hai next update mein

Nice update bhai

 

[ashish_1982_in]

update kab aayega

 

[Reza]

Waiting

 

[Asif khan]

Ary update nahi aya

 

[Ristrcted]

UPDATE - 122

Waha Elf Nation mein itna kuch ho raha tha....wahi dusri taraf.....Fumos pe Lucifer ki mulakat uske bete se ho gayi thi......

Uss Immortal ne pahle to kuch waqt tak koshish kari......ki Lucifer ko powers ki lalach deke usko rokk ke rakha jaaye......par acchanak pata nahi uske dimmag mein kya aaya......usne khud se ek portal khol diya Lucifer ke saamne......aur Lucifer ke upar se apne saare jaadu wapas le liye......haa par Lucifer ke upar Fumos pe jo uske jaadu kare gaye the wo sab ke sab kaam kar hi rahe the....usme koi anter nahi aaya tha......

Matlab uske pass abhi bhi Fumos pe aane pe jo taqat milli thi wo sab to thi hi uske pass......

Ab jab Portal khula to Lucifer ko samajh kuch aa nahi raha tha......ye ekdum acchanak se ho gaya tha.......abhi kuch waqt tak wo kya kar raha tha.....usko ye sab yaad aate hi wo sann rah gaya tha.......wo uss portal ko dekh raha tha.....saath hi ass pass ki chizzon ko.....

Ek baat usko acche se samajh aa chukki thi.....ye jagah......ye bahut badal chukki hai......wo yaha pe pahle bhi aa chukka thaa......par usne kabhi kuch aisa mehsoos nahi kiya tha.....aur iss baar....iss baar ye jagah ekdum se.....ekdum se badal gayi thi uske hisab se....

Upar se wo immortal dekh raha tha Lucifer ko dhyaan se......aur har ek pahlu pe gaur kar raha tha wo.....

Ab portal bhi to ek darwaje ke tarah hi hota hai.....darwaja jiske dono taraf se hi aaya jaaya jaa sakta hai......aur theek yahi hua bhi.....

Lucifer uss taraf jaa nahi raha tha kyunki usko iss jagah pe ab sab kuch hi ajeeb lag raha tha.....aur wo ye nahi chahta tha ki jo wo yaha pe aane ke baad itne waqt se kar raaha tha wapas se kuch waisa hi kare.......Par dusri taraf jo tha......usko uss jagah se bahar nikalna tha.....aur abhi uske saamne ek portal aa gaya tha.....wo kaise iss mauke ko chod deta......

Wo uss Portal se bahar aa gaya.......aur jab aaya to usne apne saamne Lucifer ko paaya.......

Ye koi aur nahi tha.......Slayer ke body mein Justin tha......iss waqt Dhruv ka puri tarah se kaabu nahi tha uss body pe.....

Ab Justin to jaanta tha apne pita ko.....to wo ekdum se khush ho gaya ye dekh ke ki uske pita waha pe hai......par isse pahle ki wo kuch kah pata.......

Lucifer ne uspe hamla kar diya.......

Lucifer koi aam banda tha nahi......wo Demos ka Raja tha......usne naa jaane kitni ladaiyan ladi hui thi.......wo jaanta tha......ki pahli nazar mein kisi ko bhi dost to nahi kaha jaa sakta......aur jo dost nahi hai.....usse agar aap kisi anjaan si aur ajeeb si jagah pe milo to.....hamla karna aur uske upar kaabu pana hi sabse sahi tarika hai.....

Ye har tarah ke jeevon mein hota hai......

To Lucifer ne kar diya hamla.....aur Justin iss baat ko samajh nahi paaya.......

Ab Justin theek hai rajkumar hai Demos ka......par ye banda paida hone ke baad se hi bimar raha hai.......Lucifer ne isko training dilwai thi.....khud se bhi di thi.....par ek limit mein di thi.......Justin kabhi bhi.....ek kaddi training ke liye taiyar hi nahi tha......uska sarir itna kamzor tha ki agar usko training di jaati acche se to wo mar jaata....

Haa par dimmag tez tha iss Justin ka......ye banda plans banaya karta tha.....aur plans acche bhi hote the......

Par yaha pe....yaha pe kuch alag hi tha.....

Lucifer ne uspe hamla kar diya......aur wo sambhal nahi paaya......

Waise jyada kuch hua nahi tha......Slayer ki body mein tha wo.....bahar kya hi hona tha.......haa bas 2-4 kadam picche ko chala gaya tha wo.....

Lekin wo akela to tha nahi uss body mein jo uss body ko control kar paaye.....bahar kuch nahi hua......par body ke ander ek alag si halchal hone lag gayi.......Dhruv ab Slayer ki body pe wapas se control lene ki koshish karne lag gaya aur......aur wo dheere dheere kamiyab bhi ho raha tha.....

Yaha bahar Lucifer ne dekha ki uske vaar ka jyada koi asar hua nahi hai uske saamne wale pe.....to usne wapas se waar karne ka socha......

Justin - Dad......ye main...hu.....Justin....

Usne bolne ki koshish to kari.....par wo kuch bol paata usse pahle......uske muh ke aadhe hisse pe Dhruv ka control aa gaya tha.....jis wajah se wo bol nahi paaya.....aur bas ak ajeeb si gurrahat nikli muh se.....

Ab halat aise the ki body ke kuch parts pe Justin ka to kuch parts pe Dhruv ka control tha......Justin body ko rokne ki koshish kar raha tha kyunki saamne uska apna baap khada tha.....Dhruv Lucifer ko maarne ki koshish kar raha tha kyunki saamne wala......matlab Lucifer uspe hamla kar raha tha.....

Lucifer iss baar waar kar pata usse pahle hi....Dhruv ne usko ek haath se pakad liya......aur waha se durr fenk diya.......aur Justin.....wo uss haath ko control hi nahi kar paa raha tha.....

Lucifer ne jo waar kiya tha wo wala bhale hi naa laga ho inko.....par ye jo fenka tha Dhruv ne Lucifer ko.......wo dur tak gaya tha....aur akela nahi aas pass ke kuch ped bhi leke gaya tha wo.....aur Dhruv iske baad rukne wala nahi tha.....wo aage gaya.....aur usne uske baad wapas se Lucifer ko utaya aur usko maarne ke liye apne dusre haath ka use karne ki koshish karne lag gaya......par....wo use nahi kar paa raha tha....

Justin ka body pe jitna bhi control iss waqt tak baccha hua tha.....wo usse puri koshish kar raha tha ki wo apne pita ko baccha sakke.....par uski baari khatam ho rahi thi.....

Dhruv se jab dusra haath use nahi ho paa raha tha....to Lucifer ko mauka mil gaya.....aur usne wapas se waar kar diya.....waar theek thaak tha.....jiski wajah se Dhruv ke haath se wo chhut gaya.....aur chuttne ke baad kisi tarah dur hatt ke khada hone ki koshish karne lag gaya.....par usse nahi hua jaa raha tha.....

Slayer ki body mein hadd se jyada takat aa gayi thi iss waqt ko..... Yahi to karan thi ki wo Dhruv jaise ko bhi apne sarir ke ander rakh paa rahi thi....aur Justin...jisko itni power de di gayi usko bhi apne ander rakh paa rahi thi.

Wahi dusri taraf....Pankaj aur Madhu dono hi abhi tak neend mein the...aur ye accha tha unn sab ke liye...Prateek aur baaki sab wapas to aa gaye the par inko samajh nahi aa raha tha jab dono jaagenge to kya hoga..

Kya unn dono ko wo sab yaad hoga yaa phir nahi...iske picche ki bhi wajah thi...Madhu jab uss mahel mein pahuchi to wo ek taraf Pankaj ko bacha rahi thi apne ek haath se usko ek suraksha ghere mein rakh kar...bas yahi wali baat Prateek ko samajh nahi aa rahi thi aur pareshan kiye jaa rahi thi.

Uske hisab se abhi bhi Madhu ko kuch bhi yaad nahi hai...to jab bhi wo Golden power ke control mein hoti hai to wo puri tarah se apne ass pass ke chizzon ko bhul ke bas wahi karti hai jo itne hazaron saalo mein Golden power ne usse sikha tha...apno ki suraksha karna aur jo unke liye khatra sabit ho rahe ho unko khatam karna...aur uske apne kaun hai ye baat bhi usko Golden power ko hi pata hoti thi.

Iss baar ye alag tha... Prateek ke hisab se agar Madhu usko bachane aati hai jab wo musibat mein ho to ye baat samajh aati bhi hai....dono ka rishta bahut purana hai aur uss samay se hai jab Madhu Golden Power ko acche se control kar liya karti thi....lekin Pankaj...ye to bas kuch waqt pahle ka mila hua hai....

Iske karan hi uske mann mein wo sawal baar baar aa raha tha wapas se....kahi Madhu ko sab yaad to nahi hai.... Aur agar aisa hai to inn sab ka kya hi matlab banta hai.,...ye sab jo hai.... Wo yaha hai apne Mata Pita ko dhundhne ke liye unke saath rahne ke liye apne pariwar walo ki talash mein...... Ye sab bas aise hi hai....

Aur jaisa ki pahle bhi hua tha..... Iss point pe aane ke baad Prateek ko lagta hai ki wo hi galat soch raha hai...

Rupal - Prateek.... Prateek kya hua... Tu bol kyun nahi raha....

Prateek - ahaaaa.... Kya hua... Aap kuch bol rahi thi.

K.Bua - arre hum baat kar rahe the ki Pankaj ko to kisi tarah se sambhal hi lenge par ye Madhu ka kya....

Prateek - hume unn dono ke uthne ka intezar karna hoga usse pahle humme nahi pata hai ki unko kya kuch yaad hoga aur kya nahi.

Rupal - arre ghadi dekho...kuch hi der mein Mummy wapas aa jaayengi aur jab wo unn dono ko yaha dekhengi sote hue....to phir unko batana hoga...

Chachi - kya batana hoga.....tum sab ke sab yaha pe....Nikita tumhe to school mein hona chahiye tha naa aur tum dono ko bhi...

P.Bua - wo bhabhi wo classes khatam ho hi gaye the....to humne socha ki yahi pe aa jaaye...

Chachi - manna tum sab ko school se bahar nikalne ka khufiya rasta pata hai.... Parye acchi baat nahi hai ki roj ke roj waha se nikal hi jaao... Aur tum dono to waha pe padhati ho... Aise padhane wale honge to pata nahi padhne wale bacche kaise honge.... Kabhi Kisi niyam ko maanege bhi yaa nahi...

Chachi ne aate hi lecture dena shuru kar diya tha par abhi unki nazar Prateek pe nahi padi thi... Abhitak to nahi

Chachi - Tum bhi yaha aa gaye... Tumko to iss waqt Wo Madhu ke pass hona chahiye tha... Madhu se yaad aaya.... Wo Pankaj aaya tha yaha pe kaam tha sayad usko kuch...

Koi kuch aur bolta usse pahle hi room mein se saman girne ki aawaj aayi....

Next update mein dekhte hai Pankaj aur Madhu ke jaagne pe kya hota hai saath hi Nikita ka Leader se milna aur Lucifer ki halat..