Majedaar update hai mitr.Update 24
Mega Update:
Ek naya din lekin puri tarha se alag sa, Arshu ke liye bhi or Aarav ke liye bhi. Lekin is din ko shuru karne se phle ek baar dekh lete he ke kal Aarav sabko chhodkar jaa raha tha, or akhir uske dimag me kya chal raha he.
_________________________________________________
Flashback:
Raat ko sablog Aarav ko chhod kar ghar chale gaye, lekin Aarav ne to apni flight attend hi nahi ki. Kareeb adhe ghante baad Aarav airport se bahar ajata he. Wo waha se Railway Station chala jata he. Aarav ki halat bahot kharab thi, uski aakho se asu be rahe the, pata nahi wo aisa kya karne ki soch raha tha...
Aarav Railway Station par pahoch jata he. Aarav ko nahi pata tha ke use kaha jana he. Wo to agli jo train jaha jaa rahi thi uski tickets le leta he, or jakar us train me beth jata he. Jis train me Aarav betha tha wo train Mumbai jaa rahi thi. Aarav bahot udas tha, wo nahi janta tha ke akhir uski life me kya hona he, usne Arshu se alag hone ka faisla to le liya, lekin kya wo is faisle ko apni life me implement kar payega? Uske dimag to sirf or sirf Arshu hi thi.
Train chal padti he, jese jese train ki raftar tez ho rahi thi usi tezi se Aarav bhi sabko chhod kar dur jaa raha tha. Aarav jeb se apna mobile nikalta he or usme se sim card or uski memory jisme Arshu ki yaade thi usko nikal kar Mobile ko Train se bahar fek deta he. Use Mumbai pahochne me Subah honi thi, uske saath samne ki seat par ek married couple bhi the, Wo log bhi Aarav ki halat dekh kar samajh jate he ki wo zarur kisi musibat me he, kafi der ho chuki thi wo couple khana kahne lagte he, lekin wo log Aarav ko dekhte he to uski aakhe ab bhi nam thi, akhir us ladki ne Aarav se baat karna hi thik samjha.
Ladki: Excuse me....
Aarav koi response nahi karta kyu ke wo to Arshu ke khayalo me goom tha.
Ladki: hello....
Aarav: ha...ha ji kahiye.
Aarav hosh me ate hue kehta he.
Ladki: aap kuch pareshan se lag rahe ho, is everything alright?
Aarav: ha...ha me thik hu.
Ladka: waise kafi waqt ho gaya he, aapne abtak khana nahi khaya?
Aarav: wo mujhe bhuk nahi he.
Ladka: mujhe nahi pata aapke saath kya hua he, lekin is tarah to hum apne aap ko hi takleef dete he, so be strong.
Wo ladka Aarav ke khande par haath rakh kar kehta he.
Aarav bhi uski baat samajh jata he, or wo ek smile ke saath usko thank you bolta he. Un dono ki zid se Aarav ne thoda sa khana kha liya. Kuch der baad sab so rahe the, lekin Aarav to bas kahi khoya hua tha. Wo puri raat soya nahi tha, subah kareeb 8 baje wo Mumbai pahoch gaya tha. Puri raat na sone se Aarav ki halat kharab thi, use chakkar jesa feel ho raha tha, wo ja kar restroom me aram karta he. Kuch der me hi uski aakh lag jati he.
_________________________________________________
Present:
Subah 6 baje Arshu jaag jati he, wo apna mobile check karti he ke kahi Aarav ka call to aya hoga, lekin Aarav koi call na hone se wo nirash ho jati he.
Arshu: wo to raat ko hi pahoch gaye honge, to abtak call kyu nai kiya...
Or wo Aarav ko call kar deti he, lekin Aarav ka phone nahi lag raha tha. Arshu 3-4 baar try karke dekhti he lekin uska call nahi lag raha tha. Arshu ko chinta ho rahi thi. Wo sidha niche jati he, Suman abhi kitchen me hi ayi thi,
Arshu: mummy.... Bhai ka call nahi lag raha, or na hi unhone call kiya he.
Suman: ha beta mene bhi try kiya, shayd network problem ho sakti he.
Arshu: aise kese network problem ho gayi, itna bhi nahi samajhte ke kisi or ke mobile se call karna chahiye...
Arshu bahot gusse me thi, uski awaaz se Sandeep bhi bahar ajata he.
Suman: beta gussa kyu kar rahi ho? Wo thaka hoga to ja kar so gaya hoga...
Sandeep: ha beta, uska call aye to sabse pehle tum hi baat kar lena... Or tum ready ho jao, tumhara admission Aarav ke college me hi karana he.
Arshu upar akar fresh ho jati he. Uska mood bahot ukhda hua tha. Wo Aarav ki tasveer ko apne haath me leti he.
Arshu(man me): ek din me hi badal gaye...... itne bade ho gaye lekin bilkul buddhu ho, Pata nahi mujhe girlfriend banane ke baad kya karenge..... Huhhh
Wo apna muh fulaye man hi man baate kar rahi thi, lekin jese hi use ehsas hua ke wo kya bol gayi Arshu sharm se pani pani ho gayi.
Arshu(man me): kya kya sochne lagi me bhi.... apki wajah se hi ho raha he ye sab, ab apko hi thik karna hoga sab kuch. Aap maan jaoge na? Mujhe pata he ye sab galat he, lekin me kya karu... Ab to meri khushi aap hi se judi he. Mere dil me aapki kagah koi nahi le sakta, kabhi bhi nahi...
Tabhi Suman use Awaaz lagati he, Arshu niche ajati he.
Tino milkar Breakfast karte he. Kuch der baad Arshu Sandeep ke saath nikal jati he, aaj Arshu ka admission Aarav ke college me karana tha, Sandeep ki Aarav or Arshu dono ke principal se acchi jaan pehchan thi, to usne subah hi is bare me baat kar li thi. Wo log Arshu ke college me pahoch jate he, or waha se kuch der baad Aarav ke college pahoch jate he. Rashid or Aasma unka hi wait kar rahe the. Arshu ka admission ho chuka tha.
Sandeep: ab me chalta hu, tumhe lene ajaunga.
Arshu ha me gardan hilati he.
Rashid: uncle aap chinta mat kariye, me Arshu ko ghar drop kar dunga..
Sandeep: nahi tumhe pareshani hogi, me ajaunga.
Rashid: isme konsi pareshani ki baat he uncle... Aap chinta mat kijiye...
Sandeep: chalo thik he..
Or fir Sandeep waha se chala jata he.
Rashid: Arshu tumhe yaha koi takleef nahi hogi, agar koi problem ho to Mujhe ya Aasma ko bata dena, okay?
Arshu: okay...
Fir sab apne apne class me chale jate he....
_________________________________________________
Subah kareeb 11 baje the, Aarav ki aakh khul jati he.
Aarav(man me): me yaha aa to gaya, lekin ab kaha jau? Sabse pehle ek aisa ghar dekhna hoga jaha kisi ko mera pata na chale... Yaar shit.... Me to ghar par call karna hi bhul gaya
Wo kisi se mobile le kar Apni mummy ko call kar deta he.
Suman: hello?
Aarav: hello mummy me Aarav baat kar raha hu.
Uski awaaz sun kar Suman ki aakho se aasu ajate he.
Suman: beta kaha ho tum? Thik se pahoch gaye ya nahi? Tumhara phone kyu nahi lag raha he? Raat se pareshan ho rahe he hum yaha...
Aarav: mujhe aap bolne ka moka to dijiye...
Suman: accha batao...
Aarav: darasal kal meri flight delay ho gayi thi, or mera mobile phone kahi goom ho gaya he, isliye me call nahi kar paya. Jab yaha pahocha to thaka hua tha isliye aakh lag gayi meri... Abhi kisi or ke mobile se call kar raha hu. Or thik se pahoch gaya hu.
Suman: sabse pehle mobile le kar mujhe call karna tum, samjhe?
Aarav: ha samajh gaya...
Fir kuch der wo Suman se baat karta he, or Sandeep ko call kar deta he, kuch der us se baat karne ke baad wo mobile usko de deta he jiska tha. Or bahar jate hue ek STD se Arshu ko call kar deta he. Use pata tha ke Arshu se baat karte hue wo shayad apne aap ko rone se sambhal na sake.
Us waqt Arshu Rashid or Aasma break ke baad apni apni class jaa raha the. Rashid or Aasma apne class me chale gaye or Arshu apne class ki taraf hi badh rahi thi ke use call ata he.
Arshu: hello
Uski awaaz sunkar Aarav bahot sukoon mehsus karta he, aaj pehli baar hoga ke Aarav ke din ki Shuruwat Arshu ko dekhe bina hui thi.
Aarav: Kesi ho Arshu tum?
Aarav ki awaaz sunkar Arshu ki akho me asu ajate he, wo kuch bol nahi paa rahi thi.
Aarav: Arshu.... Hello....
Arshu: mujhe pata tha aap apna promise tod doge....
Arshu rote hue kehti he.
Aarav: accha! Matlab bina baat jane hi faisla karogi?
Arshu: to kya majburi thi jo aap ek call bhi nahi kar paye?
Fir Aarav usko wahi baat bata deta he jo usne Suman ko kai thi.
Arshu: to fir kisi or ka phone liya hota.... Buddhu...
Aarav: sahi kehti ho tum, me Buddhu hi hu.
Arshu: aap kese ho?
Aarav: m...me bilkul thik hu....
Uski awaaz bhari ho gayi thi.
Arshu: accha! Isliye aise rona dabakar baat kar rahe ho?
Ispar Aarav apne Aasuo ka baandh tod deta he...
Aarav: i miss you Arshu.......
Arshu: ab kyu ro rahe ho? Mana kiya tha aapko jane se...
Arshu bhi num akho se kehti he.
Aarav: sorry Arshu...
Arshu: aap kab aaoge?
Aarav(man me): shayad kabhi nahi....
Aarav: Weekend par aunga... or me ab raatme hi call karunga, aaj bahot se kaam he mujhe...
Arshu: mera yaha bilkul man nahi lag raha he,
Aarav: bas kuch waqt ki baat he Arshu....
Fir dono kafi der tak bate karte he, Arshu Aarav se baat kar ke bahot khush thi. Tabhi waha Sonal jaa rahi thi, usne Arshu ko waha dekh liya. Wo Arshu ke paas ajati he.
Sonal: hi Arshu...
Arshu: hi Didi...
Sonal: tum yaha kya kar rahi ho?
Arshu: wo mene yahi par admission le liya he.
Sonal: ohh ye to bahot hi acchi baat he.
Fir wo dono bate karte hue aage badh jate he.
_________________________________________________
Call cut karne ke baad Aarav Aasu bahane lagta he.
Aarav: sorry sweetheart, ab me tumse kabhi nahi milunga... kabhi nahi..... mujhe nahi pata me kabtak khudko sambhal paunga....
Fir Aarav apne liye rehne ka intezam karne nikalta he.
Aarav jaa kar ek ghar rent par le leta he. fir wo ek PC bhi leata he, apne project ka kaam karne ke liye, Or fir Apne project ke liye jo usne pehle se hi kuch log appoint kare the unse video call par baat kar leta he. Uska Project Bangalore me hi tha, lekin wo Khud Mumbai se hi use sambhalne wala tha. Usne mobile nahi lene ka faisla kiya, or bas internet calling se hi sabse baate karne ka faisla kiya. Fir Wo apne kaam me busy ho jata he.
_________________________________________________
Ladka: bhai..... Wo Arshita ne dusre college me admission le liya he.
Rahul: kya? Benchod ye kya hua, mere plan ki to vaat lag jayegi.....
Rahul bahot gusse se uthkar bolta he.
Ladka: bhai ye to acchi baat he.
Rahul: bhosdike.... Isme konsi acchi baat he?
Ladka: kyu ke wo Aarav ke college me he.
Rahul: tera dimag to thik he? Us se kya hoga?
Rahul bahot hi gusse me tha.
Ladka: bahot kuch hoga Bhai, kyu ke Sonal bhi to usi college me he.
Ye sunte hi Rahul ki batti jal jati he.
Rahul: haaa.... Ye to mere dhyan me hi nahi aya, ab maza ayega ye khel khelne me.
Or uske chehre par shaitani hasi ajati he. Or wo Sonal ko call kar deta he.
Sonal: tum samajhte kyu nahi me college me hu...
Rahul: college to roz chalta rehta he, tumne mujhe bataya kyu nahi ke wo chamiya tumhare college me he.
Sonal: kiski baat kar rahe ho?
Rahul: wahi, Aarav ki behen Arshita....
Sonal: kya? Ye tum kya keh rahe ho?
Sonal aise natak karti he jese wo nahi janti is bare me.
Rahul: ha. Or ab humara kaam or asan ho jayega...
Sonal: tum kehna kya chahte ho?
Rahul use kuch bata deta he. Jispar Sonal agree nahi karti.
Sonal: dekho me ye nahi karne wali, tum.....
Wo is se aage kuch bolti Rahul bich me bol padta he.
Rahul: me tumse puch nahi raha hu, tumhe ye karna hi hoga, warna to tum janti ho me kya karunga....
Sonal: dekho Rahul tum aisa kuch nahi karoge..... Tum jo bologe me karne ke liye tayar hu... Lekin tum please.....
Or Sonal rone lagti he,
Rahul: ye hui na baat. Aage se dhya rahe...
Or wo call cut kar deta he..
Sonal: ab me kya karu? Ek taraf kuwa he ek taraf khayi, jo bhi rasta chunti hu to usme harna mujhe hi he....
Thodi der baad College ki chutti ho jati he, Sonal bas kahi khoyi hui si chal rahi thi. Tabhi piche se Arshu ajati he. Wo Sonal ko kahi khaya dekh use hosh me lati he.
Arshu: kya hua didi aap kuch pareshan lag rahi ho?
Sonal: n....nahi aisi koi baat nahi he....
Arshu: mujhe pata he hum ek dusre ko acchese jante nahi he, but aap aapni problem mujhse share kar sakti ho.
Arshu ek pyari si smile ke saath Sonal se kehti he.
Sonal: thanks Arshu.... or tum mujhe sirf Sonal kehkar hi pukaro.
Arshu: nahi, aap mujhse badi ho, me kese....
Sonal: Sonal hi bologi...
Arshu: okay....
Dono bate karte hue aage badh jate he, tabhi Aasma bhi ajati he. Rashid Arshu ka wait kar raha tha, lekin jese hi usne dekha ke Arshu Sonal ke saath itna has kar baat kar rahi he use thik nahi lagta. Fir Arshu Rashid ke saath nikal jati he.
Rashid: to kesa raha tumhara aaj ka din?
Arshu: bahot badhiya... Or aap bhabi se baat kyu nahi karte? Jhagda ho gaya?
Rashid: kon Bhabi?
Arshu: c'mon bhaiya, Sonal or kon?
Rashid: mene tumse pehle bhi kaha he aisa kuch nahi he, or tum bhi us se thoda dur raha karo.
Arshu: kyu?
Rashid: wo bahot ajib si ladki he. Us se dur rahne me hi bhalayi he.
Arshu: mujhe to aisa nahi laga, infact kitna acchese baat karti he wo.
Rashid(man me): ab kya batau Arshu tumhe...
Kuch der baad wo Arshu ko ghar drop kar deta he. Or apne raste chal padta he.
_________________________________________________
Aaj pura din apne kaam me busy Aarav raat ke kareeb 9 baje free hota he.
Aarav: kya karu, Arshu ko call karu ya nahi? Ye to baat pakki he ki usne bhi khana mahi khaya hoga.... Mujhe apne aap ko badalna hi hoga. Arshu ko mummy papa samjha denge..
Fir wo bhi beman se thoda khana kha leta he. Bistar par let kar Aarav kuch soch raha tha.
Aarav(man me): me yaha aa to gaya, lekin mujhe us kamine Rahul ka kuch to karna hi hoga. Wo zarur kuch kaand karega, i am sure us din mujhpar hamla bhi usi ne karwaya tha. Usne agar Arshu ya meri family par nazar bhi uthayi to me usko zinda nahi chhodunga. Rashid se bhi is bare me baat kar lunga kal. Ha ye sahi rahega.
Fir wo bahot der tak sone ki koshish karta he lekin nahi so pata. Pata nahi der raat kab uski aakh lag jati he.
_________________________________________________
Dusri taraf Arshu to jabse ghar ayi thi wo bas Aarav ki yaado me hi khoyi thi, uske call ka wait kar rahi thi. Arshu ke paas apni dil ki baat share karne ko bas Aarav ki tasveer hi thi.
Arshu: kyu pareshan kar rahe ho mujhe? Kabse ek call bhi nahi kiya... Kyu aisa kar rahe ho aap, bas ek baar mere samne aajao, fir dikhaungi aapko..... please jaldi ajao na.... Me ab zyada waqt tak apne dil ki baat apse nahi chupa paungi... Mujhe pata he aap meri khushi ke liye kuch bhi kar sakte ho, to meri khushi sirf or sirf aap se hi judi he. Aapse milkar me sab kuch bata dungi, aapko maan na hi padega. Kyu ki aapki wajah se hi ye sab hua he.
Or Arshu uski tasveer ko apne seene se laga leti he, or bed par let kar apne ane wale future ke bare me sochti he. Ye sab sochte hue uska chehra sharm se laal ho chuka tha.
Suman ne use kitni hi baar niche bulaya dinner ke liye lekin usne mana kar diya, to Sandeep or Suman upar chale jate he. Arshu room lock karke bathi thi.
Sandeep: beta chalo Dinner ka waqt ho gaya he. Tum kya kar rahi ho aise akele?
Arshu: papa mujhe bhuk nahi he, jab bhuk hogi to me kha lungi.
Suman: tum door to open karo..
Fir Arshu uthkar door open karti he.
Sandeep: beta aise baccho jese kyu behave kar rahi ho? Chalo bhi ab niche.
Arshu: mujhe nahi khana.
Wo apna muh fulate hue kehti he.
Suman: beta kya tum akeli hi pyaar karti ho Aarav se? Hume bhi to bura lag raha he ke wo yaha nahi he.
Arshu: aap mujhe kyu samjha rahi ho mummy? Aapke bete ko samjhaye, jese bahot bade billionaire he wo, jo kisi se baat karneka bhi time nahi he unke paas. Huhhhh
Arshu ko aise dekh kar dono man hi man bahot has rahe the, fir kisi tarah unhone Arshu ko dinner ke liye mana hi liya.
Isi tarah inka aaj ka din nikal jata he. Ab yaha bahot se sawaal ubhar aye he, ke Aarav ka jhut kabtak sabse chupa rahega? jab Aarav ko pata chalega ke Arshu bhi us se pyaar karti he to wo kese apne ane wale kal ko sambhalega? Wahi kya Sonal sachme Sudhar chuki he, jo usne Rahul se Arshu ke bare me jhut bola? Or Rahul ne aisa kya kaha us se? Or aisi kya dhamki di jo Sonal ghabra gayi thi? Or Aarav Rahul ke saath kya karne ki soch raha tha? In Sare sawaalo se parda ane wale Updates me uth hi jayega, tabtak ke liye Stay Tuned ❤❤
Behtreen update hai mitr.Update 25
Subah 5 baje Aarav nind se jaag jata he, wo Arshu ki tasveer ko jee bhar kar niharta he, or fresh hone chala jata he.
Aarav: aaj bhi bahot kaam he, lekin sabse pehle to us Rahul ka kuch karna he.... Lekin kya karu, me kuch galat kaam bhi nahi kar sakta.... I think Rashid ki Raaj Uncle se Pehchan karani hogi. Or Raaj Uncle se me khud bhi nahi baat kar sakta, ab sab kuch Rashid par hi depend he. Lekin kahi in sab ke chakkar me use koi takleef hui to?
Wo kafi der tak kuch sochta he, tabtak 6 baj chuke the, wo Arshu ko call kar deta he.
Arshu bhi is waqt ready ho chuki thi, tabhi uske mobile ring hota he, lekin uspar koi number show nahi ho raha tha. Arshu call pick karti he.
Aarav: Good Morning Arshu......
Arshu uski awaaz sunkar bahot khush ho jati he, uska kal raat ka jo gussa tha wo bhi ek second me hawa ho jata he.
Arshu: Good Morning, mujhe pehle ye bataye aapne kal raat call kyu nahi kiya?
Aarav: Arshu I am really sorry, me kaam me aisa fas gaya ke yaad hi nahi raha.
Arshu: aapne jate waqt jhut bola mujhse.
Aarav: I am Sorry Arshu.... Please ab maaf bhi kardo.
Arshu: thik he... Lekin ye aapka number kyu show nahi ho raha he?
Aarav: wo....wo Arshu mene internet call kiya he. Or kuch din tak me aise hi call karunga.
Arshu: kya matlab? Me call bhi nahi kar paungi? Bhai aap na ek din me hi badal gaye....
Arshu ne narazgi se kaha.
Aarav: aisa nahi he Arshu, bas project new he to mujhe usme zyada time dena hi padega na?
Arshu kuch nahi kehti.
Aarav: Arshu please try to understand. Bas kuch dino ki hi to baat he, uske baad me apna number on kar dunga, fir tum jab marzi chaho mujhe call karna, okay?
Arshu: hmm
Aarav: please aise naraz mat hona Arshu tum..
Arshu: kyu na hu? 2 din me hi aap aise behave karne lage ho Pata nahi aage jakar mujhe bhul na jao aap.
Aarav: Arshu jis din me tumhe bhul jaunga na samajh lena ki meri saase chalna band ho gayi he.
Arshu: aap bas baate hi banate raho, yaha meri kya halat he wo me hi janti hu.
Aarav: kya yaar mene to meri girlfriend se kuch acchi baate karne ko call kiya tha. Lekin wo to naraz he mujhse. Khair koi baat nahi me call cut kar deta hu.
Aarav ne uska dhyan bhatkane ko bola. Jispar Arshu ke chehre par bahot pyari si smile ajati he.
Arshu: nahi...nahi me kaha naraz hu.
Aarav: waise Arshu pata chala ya nahi tumhare sapno ke rajkumar ka?
Arshu: ha bahot pehle hi chal gaya. Or shayad unko jaldi hi apne dil ki baat bhi bata dungi
Arshu pata nahi kin khayalo me bol deti he. Jis se Aarav ko ek chuban si hoti he. Lekin tabhi Arshu ko ehsas hota he ke wo kya bol gayi
Aarav: to....to kab bataogi use?
Wo haklate hue kehta he.
Arshu: aap bhi na? Kuch bhi bolte rehte ho, mene to aise hi keh diya.
Lekin Aarav ko lagta he ki Arshu us se chupa rahi he. Fir dono kafi der tak baate karte he, Aarav phone ko apne parents ko dene keliye Arshu se kehta he,fir un dono se baate karne ke baad wo call cut kar deta he.
Arshu dining table par bethe hue kuch soch rahi thi or uske chehre par ek muskurahat bhi thi.
Arshu(man me): ye mene kya bol diya? Kese batau mere sapno ke Rajkumar aap hi ho.... Mujhe to himmat hi nahi ho rahi he aapko batane ki, lekin Taniya ne sahi kaha tha, der hone se pehle mujhe unse baat karni hi hogi.... to kya hum shadi bhi karenge?
Ispar Arshu ka chehra puri tarah se laal ho jata he. Suman use Kitchen se dekh rahi thi. Wo Arshu ko 2 baar awaaz lagati he lekin Arshu to bas Aarav ke khayalo me khoyi thi, to Suman uske paas ajati he or use hila kar hosh me lati he.
Suman: Arshu.... Kabse awaaz laga rahi hu tumhe me.
Arshu: ha....ha kya hua?
Suman: kaha khoyi hui ho tum?
Arshu: nahi....nahi to
Suman: accha! Kiske bare me soch kar itna muskura rahi ho fir?
Tabhi Sandeep bhi bahar ajata he.
Arshu: mummy aisa kuch nahi he, wo to me bas....
Sandeep: are kya ho gaya?
Suman: dekho aapki beti ko, ise mene 2 baar awaaz lagayi kitchen se, lekin ye to kisi ke khayalo me khoyi thi.
Sandeep: accha! Kon he wo hume bhi to pata chale?
Arshu: aap dono kya subah subah shuru ho gaye.
Aise hi hasi mazak karte hue wo log breakfast karne lagte he.
Suman: waise me to soch rahi thi ke ab Aarav ki jaldi se shadi kara dete he?
Wo Sandeep se kehti he, ye baat sunkar Arshu ke gale me khana atak jata he or wo khasne lagti he.
Suman: aram se khaya karo Arshu tum.
Wo Arshu ko pani dete hue kehti he.
Sandeep: waise ye faisla to Aarav ko hi karna he, waise Arshu ek baat batao, tumhe to pata hi hoga Uski koi girlfriend he?
Ispar Arshu apne aap ko imagine karne lagti he.
Arshu: ha... or wo shadi bhi karne wale he.
Arshu apne hi khayalo me kehti he.
Suman: kya? Or usne hume abtak bataya nahi.
Fir Arshu ko samajh aya ke wo kya bol gayi.
Sandeep: waise he kon wo ladki?
Arshu: nahi...nahi papa wo me to mazak kar rahi thi.
Fir wo kisi tarah situation sambhal leti he, or kuch der baad Sandeep usko le kar College drop kar deta he.
College me pahoch kar wo Rashid or Aasma se milti he or kuch der tino Canteen me beth jate he. Or waha se apne apne class me chale jate he.
_______________________________________________________
Aarav bhi breakfast kar ke apne kaam me lag jata he, kuch der baad jab wo free hota he to Rashid ko call kar deta he, Rashid class ke bahar akar call pick karta he.
Aarav: Me Aarav baat kar raha hu.
Rashid: sale kyu call kiya he tune?
Aarav: are kya tu? Halchal puchne ki jagah gussa kar raha he.
Rashid: to or kya karu? Teri aarti utaru? Or Arshu ne mujhe sab bataya tera number ke bare me, sach sach bata kya baat he?
Aarav: are kuch bhi nahi yaar, bas kuch dino tak hi mera number band hoga.
Rashid: dekh Aarav, me to pehle bhi keh raha tha or ab bhi kehta hu, tu zarur us ladki ki wajah se hi yaha se chala gaya he.
Aarav: yaar Rashid please, me to usko bhul gaya hu, or tu bhi wo sab bhul ja, or mujhe tujhse kuch important baat karni he.
Rashid: ha kya baat he bata?
Aarav: darasal mujhe Rahul ke bare me baat karni thi, pata nahi wo kamina kuch kaand na kar de..
Rashid: hmm. Lekin agar use kuch karna hota to usne abtak kar liya hota na?
Aarav: nahi wo aise to chup nahi bethega, or kuch time pehle jab hum Virat bhaiya se mile the restaurant me, tab ghar jate waqt 2-3 ladko ne mujhpar hamla kiya tha, or mujhe lagta he ue kaam zarur Rahul ka hi tha.
Rashid: kya? Or tu mujhe ab bata raha he? Is Rahul ka to kuch karna hi hoga. Tune kuch socha he uske bare me?
Aarav: nahi yaar, mujhe kuch nahi sujh raha he, or me koi galat kaam nahi karna chahta.
Rashid: teri baat sahi he, lekin hum kya kare?
Aarav: waise jab mene papa se pucha tha ke wo Rahul ke baap ko kese jante he to unhone mujhe bataya ke wo humari company me illegal kaam karte hue pakda gaya. To hi sakta he wo ab bhi koi illegal kaam kar raha ho?
Rashid: ha tu sahi keh raha he. Lekin hum pata kese lagaye?
Aarav: me tujhe Raaj Uncle ka number deta hu, tu ek baar unse milkar sari baate bata dena.
Rashid: Raaj uncle wahi na jo commissioner he?
Aarav: ha wahi.
Rashid: thik he, lekin unse ek baar tu bhi baat kar le.
Aarav: nahi me nahi baat kar sakta, tu unse mil lena thik hena?
Rashid: chal thik he, tu chinta mat kar.
Aarav: or Arsu ka.....
Rashid: Ha bhai pata he, Arshu ka dhyan rakhu, tu Arshu ki chinta mat karna. Me hu na yaha..
Aarav: tu he isliye to apni jaan se dur chala aya me.
Fir kuch der dono baate karte he, or Rashid apni class me chala jata he.
Break me Rashid, Arshu or Aasma canteen me bethe the. Or tabhi waha Sonal ajati he. Wo sabko mil kar jane lagti he.
Arshu: aap kaha jaa rahi ho, beth jao na humare saath.
Sonal: are nahi me.....
Arshu: mene kaha na betha jao.
Or wo Sonal ka haath pakad kar beth jati he...
Arshu: Aap aise chup chup kyu rehti ho humesha?
Sonal: aisi baat nahi he Arshu....
Tabhi usko Rahul call ajata he.
Sonal: me tumse baad me milti hu.
Or Sonal waha se alag ajati he.
Sonal: Hello.
Rahul: kaam hi raha he ya nahi?
Sonal: dekhi Rahul aise ek din me koi kaam nahi hota, or yaha Arshu ke saath Rashid bhi he to uske samne to me Arshu se baat bhi nahi kar pati.
Rahul: yaar ye Rashid kyu bewajah apni marwa raha he. Bahot shok he use to thik he, usko dekhna hoga.
Sonal: kya matlab he tumhara?
Rahul: simple, Usko raaste se hata deta hu, fir tum apna kaam karo or baadme me apna kaam karunga.
Sonal: dekho Rahul in sab me Arshu or Rashid ko bich me kyu bich me le rahe ho tum?
Rahul: tumna samjhti nahi ho, ye sab Aarav se jude hue he. To inko kese chhod du me? Or agar tumhe bhi uske saath judna he to jud jao, lekin fir me kya karunga wo to tumhe pata he.
Sonal: Rahul please mene aisa nahi kaha tum please....
Wo ghabrate hue kehti he.
Rahul: daro mat, kuch nahi karunga. Phle is Rashid ka kuch karna hoga.
Or wo call cut kar deta he.
Rahul: oye.. us Rashid ke haath per tod do, kuch din college nahi jana chahiye wo.
Wo apne chelo se kehta he.
Sonal(man me): ab me kya karu? Ye Rahul pata nahi Rashid ke piche kyu pada he. Kya me Rashid ko sabkuch bata du? Nahi... Agar use bataya to fir wo mujhe hi galat samjhega.
Kafi der tak sochne ke baad wo apni class me chali jati he. Lekin uske dimag me bas Rahul ki bate hi ghum rahi thi.
Fir wo class se bahar ajati he or Rahul ko call kar ke usko milne bula leti he, wo dono ek cafe me milta he.
Rahul: tumne mujhe itni jaldi me kyu bulaya he?
Sonal: dekhi Rahul mujhe ek idea aya he jis se tumhara kaam ho jayega bina kisi maar pitayi ke, agar tum Rashid ko kuch karte ho to uska shak to jayea hi tum par.
Rahul: tum kehna kya chahti ho?
Sonal: dekho tum jo chahte ho wo 1-2 din me hone se raha, to me chahti hu tum mujhe bas 10-15 din ka waqt de do baki me sambhal lungi.
Rahul: de diya....
Sonal: lekin please kya tum apna plan nahi change kar sakte? Tumhara jo kuch he wo Aarav ke saath he, to tum bewajah Arshu ko kyu isme fasa rahe ho?
Rahul: uski wajah se hi to sab hua he, or usne mujhpar haath uthaya uska badla kese na lu me. Khair tum apna kaam karo.
Fir wo log waha se nikal jate he. Sonal firse college me ajati he, college chutne ke baad wo or Aasma bahar aa rahi thi Sonal to bas kuch soch me chal rhi thi, tabhi samne se Arshu ajati he, lekin Sonal to apni soch me dubi aage badh jati he.
Arshu: Sonal kya hua tumhe?
Sonal: ha.... Arshu tum?
Arshu: kya hua tumhe kal se dekh rai hu tum pareshan lag rahi ho?
Aasma: ha me bhi dekh rahi hu, kya baat he Sonal?
Sonal: nahi... Aisi koi baat nahi he.
Arshu: me aapko acchese janti to nahi hu, lekin aap jhut nai bol pati, bol dona jo bhi he.
Arshu uska haath pakad leti he, or uski smile to shayad duniya ka koi insan nazar andaz nahi kar paye. Arshu ko dekh kar Sonal apne man me sochne lagti he
Sonal(man me): kitni innocent he Arshu, kese kisi ka man karega Arshu ke saath kuch bura karne ka? Nahi me Arshu ke saath kuch bura nahi hone dungi, chahe Rahul kuch bhi karle ab.
Arshu: kaha kho gayi? Batao na?
Sonal: thanks Arshu lekin sach me koi baat nahi he, wo to bas ab exams hone wale he to uska hi tension tha.
Arshu: c'mon itna kyu tension le rahi ho? Everything will be great.
Fir wo log parking ki taraf chal padte he, Rashid Arshu ko ghar drop kar deta he, Arshu usko lunch ke liye rokti he lekin wo keh deta he ke use kuch kaam se jana he.
Ghar jakar Rashid fresh ho jata he lunch karke wo Raaj se baat karne ki sochta he, Aarav ne use Number de diya tha.
Rashid Raaj ko call kar deta he.
Raaj: hello
Rashid: hello, uncle me Aarav ka dost Rashid baat kar raha hu.
Raaj: ha bolo beta kya baat he?
Rashid: uncle kya aap mujhe please mil sakte ho? Kyu ke baat bahot badi he or Aarav Arshu se judi he.
Uncle: aisi kya baat he... Thik he shaam ko milte he.
Rashid: okay uncle, lekin kaha miloge aap?
Raaj: me tumhe Address send kar deta hu. Waha ajana
Rashid: okay me ajaunga.
______________________________________________________
Dusri taraf Arshu to bas bechain si yaha se waha tehel ti rehti, uska man kahi par bhi nahi lag raha tha. Wo Aarav ke room me chali jati he, or uske bed par let jati he.
Arshu(man ne): pata nahi kab Saturday ayega or me unse milkar bata dungi ke me unse kitna pyaar karti hu.... Lekin mujhe bahot dar bhi lag raha he... Kya wo mujhe accept karenge? Karna hi hoga aap hi ki galati he isme. Lekin kahi unko koi ir ladki pasand aagayi to? Me to sabkuch chhodkar chali jaungi kahi par bhi. Mujhe sirf Aap chahiye. Aap mujhe dato ge mujhpar gussa bhi karoge lekin at the end aap maan hi jaoge..... I Love You So Much.....
Or wo Aarav ki tasveer ko apne seene se laga kar so jati he.
____________________________________________________
Rashid Raaj ke bheje hue address par chala jata he, wo jaa kar ek ghar ke bahar pahoch jata he, fir Raaj or Rashid andar beth jate he.
Raaj: to bolo Rashid kya baat he?
Rashid: darasal Aaj meri Aarav se baat hui thi, or wo to Bangalore me kisi project ke liye gaya he, lekin usko Rahul par bharosa nahi he, kahi wo kuch aisa waisa na kar de.
Raaj: ha wo to he, lekin usne kuch kiya to me use thodi chhodunga
Rashid: aapki baat sahi he, lekin me soch raha hu kyu na kuch hone se pehle uska kuch karde?
Raaj: matlab?
Rashid: aapko to pata hi he, uska baap illegal kaam krta tha, kya pata wo ab bhi wahi kaam kar raha ho? Or ab to Wo Rahul bhi shayad uske is kaale kaam me ho?
Raaj: tumhari baat sahi he. Lekin ye baat bhi pakki he ke ab Harshad koi mamuli politician nahi raha, wo jo bhi karta hoga sare saboot chupa kar hi karta hoga. Bahot hoshiyari se kaam karta hoga.
Rashid: chor kitna hi samajhdar ho kabhi na kabhi to galati karta hi he.
Raaj: tumne thik kaha. To tumne kuch socha he?
Rashid: nahi abtak to nahi, lekin abhi to bas hume Arshu or gharwalo ka dhyan rakhna hoga.
Raaj: to ek kaam karta hu, tabtak ke liye me kuch police wale 24/7 puri family ko protect karne laga deta hu.
Rashid: lekin is se to sabko pata chal jayega. Or Aarav bhi keh raha tha ke ye baat bas hum tino me hi rehni chahiye.
Raaj: thik he to me Arshu ke liye kuch police civil dress me hi appoint kar deta hu, jis se kisi ko kuch pata bhi nahi chalega.
Rashid: ha ye thik rahega.
Fir dono kafi der tak bate karte he, Raaj use Dinner ke liye rok leta he, dinner ke baad Rashid apne ghar chala jata he.
Dusri taraf Arshu bhi beman se khana kha leti he, wo kabse Aarav ke call ka intezar kar rahi thi. Lekin uska call nahi aya.
Wo Aarav ke room me hi uske bad par let jati he,
Arshu(man me): aap na mera bahot fayda uthate ho, aapko pata he me zyada der tak aap par gussa nahi reh pati, ab kal pyaar se baat karoge to mera pura gussa hi ud jata he, ye galat baat he. Iske liye kabhi maaf nahi karungi aapko huhhh, jah aap aaoge to me aapko wapis nahi jane dungi, mujhe apna pura waqt aapke saath hi soend karna he, waise me ab aapko kya kehkar pukaru? Ahhh me to din ba din pagal ho rahi hu...
Or wo sharmate hue apna muh takiye me daba leti he, fir kaafi der baad wo Aarav ke room me hi so jati he.
Is tarah inka aaj ka din bhi nikal jata he. Ek taraf Aarav soch raha tha ke wo kabhi ghar par nahi jayega, lekin wo kabtak sabse jhut bolega. Wahi Arshu to apna future Aarav ke saath kesa hoga ye soch rahi thi. Dusri taraf Sonal Arshu ko kuch na hone ka khudse wada to kar bethi lekin fir Rahul Sonal ke saath kya karega? Or ab Rashid or Raaj milkar Rahul.or uske baap ke khilaf kya karenge? Jo bhi hoga Aagey pata chal hi jayega, Tabtak ke liye Stay Tuned ❤❤
Adbhut update hai mitr.Update 26
Subah Arshu apni aakhe kholti he, Aarav ki tasveer ko dekh kar uske chehre par duniya bhar ki khushi ajati he. Wo fresh hokar niche ajati he, aaj uske college ko chutti thi, wo jakar kitchen me coffee bana kar backyard me beth jati he. Aaj bhi Aarav ka call na ane se wo bahot udas thi.
Kuch der baad Suman bahar ajati he, or apna kitchen sambhal leti he, Kuch der me Sandeep bhi bahar ajata he or wo ja kar Arshu ke paas beth jata he.
Sandeep: Good Morning beta.
Arshu: Good morning Papa
Wo haste hue usko bolti he.
Sandeep: Arshu aise jhuta has kar kyu soch rahi ho ke koi samajh nahi payega ke tum udaas ho?
Arshu Usko gale laga leti he,
Arshu: aapke bete ki wajah se ho raha he ye sab, ek call bhi nahi karte, kisi ki fikar hi nahi he.
Suman: sahi kaha Arshu tumne, ane do use acchese khabar lungi uski, daant lagungi or ha pitayi bhi karungi uski.
Wo Sandeep or apne liye coffee le kar waha beth te hue kehti he.
Arshu: bilkul bhi nahi.... Pitayi to bahot dur ki baat he, aap unko danto gi bhi nahi samjhe?
Wo apna muh fulaye kehti he. Jis se Sandeep or Suman has padte he.
Suman: haye meri beti itni badi ho gayi he, lekin jese Aarav ki baat ati he to bacchi ban jati he.
Suman usko apne se laga kar kehti he.
Arshu: mujhe accha nahi lagta jab koi unko daate..
Suman: thik he nahi dant ti..
Fir wo log yaha waha ki baate karte he.
Sandeep: chalo ready ho jao tum dono
Arshu/Suman: kyu?
Sandeep: are bhai aaj Arshu ko chutti he to hum log kahi ghum kar ate he na
Suman: ha sahi kaha aapne, chalo Arshu ready ho jao jaldi se.
Arshu ka man to nahi tha kahi jane ka lekin wo maan jati he.
Arshu: okay, lekin kaha jana he?
Sandeep: hmmm, Mumbai chalte he?
Arshu: okay,
Fir sablog ready hone chale jate he.
__________________________________________________
Dusri taraf Sonal puri raat bas yahi soch rahi thi ke wo kese Rahul ko us ghinone kaam karne se roke. Der raat sone se wo subah der tak so rahi thi. Uski Mummy use jagati he.
Family Introduction:
Sonal ke ghar me sirf Uski mummy or ek bhai he.
Uske papa ki death jab Sonal 3 years or uska bhai 1 years ka tha tab ek accident me hui thi. Or ye log bhi ek middle class family se he, uski Mummy ek company me job karti he, or apne dono baccho ko padhati he.
S. Mummy: Sonal beta uth bhi jao... Chutti he iska matlab itni der tak sona nahi hota.
Sonal: mummy please sone do na ek to agar jagti hu to bas pareshan hoti hu....
Wo adhi nind me kehti he.
S. Mummy: tu pehle uth ja.
Wo Sonal ko jagati he, Sonal uth kar beth jati he.
S. Mummy: beta me kafi waqt se dekh rahi hu tum ekdum chup si ho gayi ho or kuch dino se bas pareshan si ho, kya baat he?
Wo Sonal ke sar pe haath ferte hue kehti he.
Sonal: nahi mummy me bilkul thik hu.
S. Mummy: tum kahi par bhi jhut bol sakti ho lekin maa ke samne jhut mat bola karo. Tumhara chehra dekh kar bata dungi me tum pareshan ho yanl nahi.
Ispar Sonal uske gale lag kar rone lagti he, use aisa rota dekh Uski Mummy ghabra jati he.
S. Mummy: kya hua beta? Tum....tum ro kyu rahi ho?
Sonal: me bahot buri hu Mummy...
Wo rote hue kehti he.
S. Mummy: aisa kyu keh rahi ho tum, batao na?
Wo Sonal ko alag kar ke puchti he, Sonal bas Na me gardan hilati he.
S. Mummy: beta agar mujhe nahi bataogi to kise bataogi, bolo na kya hua?
Sonal: please mat pucho mummy, meri galati ke wajah se shayad kisi ki zindagi barbad ho sakti he.
S. Mummy: kya galati hui he tumse wo to batao beta?
Sonal: please mummy me nahi bata sakti.
Or wo Rone lagti he, Uski Mummy bhi use force karna thik nahi samajhti.
S. Mummy: thik he, lekin beta ek baat yaad rakhna, aisi koi bhi galati nahi he jisko hum sudhar nahi sakte, tumhare aasu bata rahe he ki tumhe apni galati ka ehsas ho gaya he. Agar tum sacche dil se us galati ko sudharne ki koshish karogi to bhagwaan bhi tumhara saath denge.
Wo Sonal ke sar pe haath ferte hue kehti he, fir Sonal bhi uski baato ko samajh jati he, kuch der baad wo fresh hokar breakfast kar leti he or apne room me beth jati he.
Sonal(man me): mujhe kya karna chahiye? Kese me Aarav, Arshu or Rashid ko us kamine Rahul se bachau? Kya me Mamaji se baat karu? Nahi..... Fir to ye situation bahot hi zyada badh jayegi... Ab jo kuch karna he mujhe hi karna hoga.
Fir wo jo kuch aage karna he us bare me sochne lagti he.
_________________________________________________
Subah ke 8 baje the Arshu ready ho kar room me bethi hui thi
Usne Aarav ka favorite dark blue color ki dress pehni thi jisme wo bahot Khubsurat lag rahi thi. Unki flight ko thoda waqt tha to wo Aarav ke room me chali jati he or uske bed par let jati he. Wo bas Aarav ke bare me soch rahi thi.
Aarav: kya hua Arshu, aise chup kyu ho tum?
Use Aisa lag raha tha jese Aarav uske saath let kar us se baate kar raha he.
Arshu: to kya karu? Aapke dur janeki khushi manau?
Aarav: me kaha tumse dur hu? Tumne to mujhe apne dil me basaya he na?
Arshu: ha wo to bahot pehle se hi, to aap bhi mujhe apne dil me basa lo na.
Aarav: kesi baate karti ho Arshu? Tum sirf mere dil me nahi balke meri saaso me, meri yado me bhi bas chuki ho? Or tum mere dil-o-dimag se tab hi ja sakogi jab meri saase mera saath chhod degi.
Arshu: huhhh... Bas baate hi banao aap. Agar aisa he to kyu chale gaye mujhse dur?
Aarav: ........
Arshu: bolo na ab kyu chup ho gaye?
Wo apne side me dekhti he to waha par koi nahi tha.
Arshu: Ahhh... Please jaldi se aajao na, warna me pagal ho jaungi.
Fir kuch der baad wo log airport par chale jate he, or flight pakad kar Mumbai rawana ho jate he.
___________________________________________________
Police: matharchod bata kon he tu? Warna teri khaal udhed dunga... Bata
Wo ek ladke ko bahot be rehmi se marte hue bolta he.
Ladka: ahhhhhh..... Mujhe chhod do, mene kuch nahi kiya.
Police: karunga to me tere saath
Wo us ladke ke baal khich kar ek thappad marte hue kehta he.
Ladka: mene kya kiya he jo mujhe maar rahe ho?
Wo ladka Police ke samne rote hue kehta he.
Police: bata kyu Parikh Villa par nazar rakhe betha tha tu?
Wo uska gala dabate hue bolta he.
Ladka: nahi...nahi me to bas waha se guzar raha tha.
Ispar wo Police wala uska gala chhod kar uspar lathiya barsane lagta he. Remand room me bas us ladke ki chikh sunayi de rahi thi. Kaafi der tak marne ke baad wo ladka behosh sa ho gaya tha. Police Inspector Remand room se bahar ajata he. Or kisi ko call karta he.
Police: Good Morning commissioner sahab.
Commissioner: Good Morning
Police: sir mene us ladke ki buri halat kar di he, lekin wo kuch bak hi nahi raha he.
Commissioner: thik he, me thodi der baad waha ajaunga. Raajdeep ke samne to gunga bhi bol pade to ye kya chiz he
Police: okay sir.
Or wo phone cut kar deta he.
Darasal jo ladka remand room me tha wo Rahul ka banda tha. Jo ki Arshu ke ghar pe nazar rakhe tha, or kal hi Raaj ne kuch civil dress me Police ko Arshu or uski family ki security ke liye rakha tha, to un Police ne Rahul ke bande ko pakad liya.
____________________________________________________
Der raat tak kaam karne ke baad Aarav late uth ta he. Uska sar bhari ho gaya tha. In sab situation me agar sabse buri halat kisi ki thi to wo Aarav ki. Wo Arshu ki tasveer ko dil bhar ke dekhne lagta he.
Aarav: meri jaan kitna gussa hogi mujhpar, Do din se call nahi kiya mene use. Lekin ab yahi karna he mujhe. Arshu me nahi reh sakta tumhare bina. Tumhari awaaz sune bina tumhe dekhe bina, mujhe aisa lag raha he jese mujhse mera sabkuch chin gaya he.
Kafi der tak Aasu bahane ke baad Aarav ja kar fresh ho jata he. Kareeb 11 hone ko aye the.
Aarav: aaj bahot kaam he, bahar ja kar kuch daily use ka saman bhi lana he. Lage haath Naya mobile or number bhi le leta hu.
Fir wo ghar se bahar nikal jata he.
Thodi der baad Arshu or uske parents Mumbai pahoch jate he. Wo log airport se ek hotel me chale jate he, kuch der waha rukne ke baad wo log bahar nikal jate he ghumne ke liye.
___________________________________________________
Police Station me Raaj agaya,
Raaj: kuch bol bhi raha he ya nahi wo?
Inspector: nahi sir, kuch bhi nahi bata raha
Raaj: koi baat nahi, ab sabkuch bata dega.
Fur wo Remand Room me chala jata he. Jaha par wo ladka Kursi se bandha hua tha. Raaj jakar usko khol deta he, jese hi uske haath khulte he tabhi waha par zor ki chukh nikalti he us ladke ki, kyu ke Raaj ne uska haath ko buri tarah se marod kar piche kar diya tha. Wo ladka dard se karah raha tha.
Raaj: jaldi bata kya kar raha tha tu waha? Warna tera haath nahi bachega aaj.
Ladka: ahhhhh.... Me...mene kuch nahi kiya... Aahhhh. Me bas waha se jaa raha tha.
Fir Raaj uska haath chhod deta he. Wi ladka niche gir gaya.
Raaj ne uske baal pakde or usko ghasit kar ek taraf le gaya.
Raaj: aise nahi bolega tu, koi baat nahi, me bhi dekhta hu kabtak apna muh band rakh payega.
Fir wo knife se uske haath par thoda cut kar deta he, or uspar namak daal deta he, us ladke ki bahot buri halat ho gayi.
Raaj: chilla mat, abhi to chotasa cut kiya he, jaldi se bol kisne tujhe waha bheha he warna ek ek karke pure sharir pe yahi karunga.
Ladka: please..... Mene kuch nahi kiya... Ahh. Mujhe chhod do
Raaj: nahi bolega, teri marzi
Fir wo ek or cut kar deta he.
Ladka: ahhhhhh... Batata hu......batata hu
Raaj: ye hui na baat... Chal bak jaldi
Ladka: wo...wo mujhe Arshita par nazar rakhne ko kaha tha.
Raaj: kisne?
Ladka kuch nahi bolta, to Raaj uske zakhm par namak daal deta he.
Ladka: ahhhh.... Nahi... Me batata hu..
Raaj: jaldi bol sale.
Ladka: Ra...Rahul Taneja.
To Be Continued.......
Maafi chahta hu Aaj ka Update thoda chota he, but Next Update bada hoga ❤
Atiutam update hai mitr.Update 27
Ab Aagey:
Raaj us ladke ko lockup me rakhne ko bolta he, Fir wo akar Rashid ko call kar deta he.
Rashid: hello uncle kahiye.
Raaj: Darasal humne ek ladke ko Aarav ke ghar par nazar rakhte hue pakda, or usne abhi bataya ke wo Arshu par nazar rakh raha tha.
Rashid: kya? To kahi ye....
Raaj: tum sahi samjhe, ye Rahul ka hi admi he.
Rashid: to kya aap us Rahul ko nahi arrest kar sakte.
Raaj: nahi.... Usne abtak kuch galat kaam nahi kiya. Uske admi ko to mene lockup me dalwa diya he. Bas kisi tarah Rahul ko range haath pakadna hoga.
Rashid: aap sahi keh rahe he.
Fir kuch der baad Raaj call cut kar deta he.
___________________________________________________
Arshu or uske parents kafi jagah ghumte he, kuch der baad wo ek cafe me chale jate he. Waha thoda time bethkar wo log ek market se hokar jaa rahe the, market me bhid kafi thi.
Wahi par Aarav bhi kuch chize lene aya tha, bhid kafi hone se nazar zyada dur tak nahi ja rahi thi. Arshu or uske parents us bhid se thoda aage ajate he. Wo log ek jewellery shop me chale jate he. Arshu yaha waha nazar ferti he, usko ek Bahot pyaari couple ring dikhti he, wo dekh kar Arshu muskurati he, or wo uske parents se thoda alag akar wo apne paas jo paise the us se rings le leti he, or apne purse me daal deti he. Waha se Suman bhi apne liye or Arshu ke liye kuch jewellery leti he, jab wo log shop se bahar arahe hote he to Arshu ki nazar us bhid ki taraf padti he, or us bhid me usko wo chehra nazar ata he jisko wo lakho me bhi Pehchan sakti he. Wo bina soche sidha us taraf chali jati he uske mummy Papa usko awaaz lagate he but Arshu nahi rukti, wo tezi se us taraf badhti he, achanak uske samne ek bike wala tezi se break lagata he, jis wajah se Arshu wahi ruk gayi.
Biker: are madam zara dekh kar chaliye aap.
Arshu: I am Sorry...
Sandeep: Arshu kya hua tum is tarah se kyu yaha ayi?
Arshu firse us taraf dekhti he to waha Aarav nahi tha.
Arshu: papa mene abhi unhe dekha,
Suman: kise dekha?
Arshu: bhai ko
Suman: wo yaha kya karega beta?
Lekin tabtak Arshu firse us bhid ki taraf badh jati he, lekin wo yaha waha dekhti he to Aarav kahi par bhi nahi tha.
Sandeep: are beta wo yaha kyu ayega?
Arshu: nahi.. mene dekha unko.
Suman: tumne kisi or ko dekh liya hoga
Arshu: me unhe Pehchan ne me kabhi galati nahi kar sakti mummy.
Sandeep: accha wo kal ane wala he na tab puch lena thik he?
Kisi tarah se wo log Arshu ko samjhate he, or fir wo log waha se nikal jate he.
___________________________________________________
Dusri taraf Raaj ne Rashid ko apne ghar bula liya.
Rashid: thank you so much uncle, aapne us ladke ko pakad liya, warna pata nahi wo Rahul kya soch raha he.
Raaj: me us Rahul ko abhi andar karwa sakta hu, lekin me chahta hu ke wo kuch galati kare or use me kadi saza dilwa sakta hu, kyu ke agar aise hi use mene andar karwa diya to Harshad bhi pahocha hua insaan he.
Rashid: ha aap sahi keh rahe ho.
Raaj: waise ek baat batao, Aarav se baat hui tumhari?
Rashid: nahi, bas jis din me aapse mila, us raat Aarav ka call aya tha, mene use bataya sab. Lekin uske baad to call hi nahi aya.
Raaj: accha, mene bhi call kiya but phone to uska band he.
Rashid: ha usne apna mobile band hi rakha he, or internet calling se baat kar raha he.
Raaj: aisa kyu?
Rashid: pata nahi, keh raha tha ke bas use disturb na ho isliye.
Raaj: mujhe ye baat hazam nahi ho rahi he.... Uska call aye to kehna mujhe us se baat karni he urgent.
Rashid: zarur...
Tabhi doorbell bajti he, Raaj jakar door open karta he, bahar ek ladki thi jise dekh wo khush ho jata he.
Raaj: kya baat he aaj humari bhanji ko meri yaad agayi.
Ladki: aisi koi baat nahi he, me to bas exams ki preparation kar rahi thi.
Wo ladki usko gale laga kar kehti he, Rashid sofe par beth kar dekh to raha tha, lekin us ladki ka chehra use nahi dikhayi deta. Jese hi wo ladki us se alag hoti he to Raaj use andar ane ko bolta he, or uske samne se side me ajata he. Rashid us ladki ko dekhta he uske to hosh hi ud jate he, wo sofe se uth jata he.
Rashid: Sonal tum?
Sonal bhi use yaha dekh kar heran thi.
Sonal: Rashid tum yaha?
(Darasal bahot sochne ke baad Sonal ne apne mama ko batana hi sahi samjha. Ab yaha me bata du ke Raaj Sonal ke sage mama nahi he, wo aage pata chal jayega)
Raaj: are bhai tum dono ek dusre ko pechante ho?
Sonal: ha hum ek hi college me he.
Raaj: are wah ye to acchi baat he.
Fir wo tino beth jate he.
Rashid: ab me chalta hu Uncle.
Raaj: are kya chalta hu, khana kha kar chale jana waise bhi roz to me akela hi hota hu, aaj tino milkar khana khate he.
Fir wo bhi maan jata he. Lekin dono ek dusre ko yaha dekh heran the. Khana khate waqt Raaj Sonal se puch ta he.
Raaj: waise aaj tum yaha kese ayi?
Sonal: wo...wo me... Kuch nahi me to bas aise hi chali ayi.
Raaj: beta itne saal se police me hu, insan ka chehra dekh kar bata sakta hu wo sach keh raha he ya jhut. Bolo kya baat he?
Tab Sonal use sabkuch bata deti he, ke wo Rahul se mili thi, or Rahul Aarav, Arshu or Rashid ko nuksan pahochana chahta he, ye sunkar Rashid ko bahot gussa ata he.
Rashid: Sonal tum ye sab ab bata rahi ho, agar Arshu ya Aarav ko wo kamina kuch nuksan pahocha ta to uska zimmedar kon hota?
Raaj: ha beta tumne mujhe pehle bata dena chahiye tha na?
Sonal: wo me bahot dar gayi thi, usne mujhe dhamki di thi ke agar me uska saath nahi dungi to wo Mummy ko......
Fir wo rone lagti he, Raaj use chup karata he.
Raaj: chalo koi baat nahi, ab hume uske khilaf kafi tagde saboot mil gaye he, ab dekho me uski kya halat karta hu.
Fir thodi der baad Sonal or Rashid khana kha kar nikal jate he, Rashid apni bike par tha or Sonal apni. Door se bahar ate hi Sonal Rashid se maafi mangti he.
Sonal: i am really sorry Rashid mene ye sab chupaya, lekin me kya karti? But fir mujhse raha nahi gaya to mene mamaji ko batana hi sahi samjha.
Sonal puri tarah se sacchayi ko bol deti he, jis se Rashid bhi samajh jata he ki usne janbujh kar kuch nahi kiya.
Rashid: koi baat nahi Sonal.
Fir wo dono apni apni bike se nikal jata he, jate waqt Rashid ke man me ek sawal ghum raha tha jo wo Sonal se puch hi leta he.
Rashid: Waise Sonal mujhe ek baat nahi samajh rahi ke tum suddenly aise.....
Tab Sonal apni scooty rok deti he, Rashid bhi bike rok leta he.
Sonal scooty se utar kar road ke kinare ruk jati he, Rashid uske paas ajata he.
Sonal: tum yahi jan na chahte hona ke itni buri ladki ka behavior suddenly kese badal gaya?
Rashid: dekho mera waisa matlab nahi tha...
Sonal: Rashid me pehle bas apne bare me soch rahi thi, lekin yaad he na jab tumne mujhe akar samjhaya tha. Tab pata nai kyu tumhari sari baate mere dil ko lag gayi thi. Tab mujhe ehsas hua ke me kitni selfish hu. Dhire dhire me chage ho gayi Rashid, or jab me Arshu se mili to usko dekh kar kese koi bura kaam karne ka soch sakta he, lekin mujh me change sirf or sirf tumhari wajah se hua he, thank you.
Rashid: me khush hu ke tum finally samajh chuki ho. Lekin Raaj uncle tumhare mama he?
Sonal: nahi... Wo mere sage mama nahi he.
Rashid: matlab?
Sonal: Darasal mere sage mama or mere papa ki death ek saath hui thi, mere papa or mamaji ki dosti bahot gehri thi, rakshabandhan ke pehle mummy ne unhe bulaya to unhone kaha ke unko bahot kaam he wo rakshabandhan par nahi apayenge, to mummy udas ho gayi thi lekin mama ne mummy ko jhut kaha tha, wo Rakshabandhan ke ek din pehle ane wale the, or ye baat papa ko pata thi, rakshabandhan ke ek din pehle papa unko le kar ghar aa rahe the, or unka accident ho gaya. Jab sabko khabar mili ke wo log ab is duniya me nahi he to kisi ko to kuch samajh hi nahi aa raha tha. Or us waqt on spot Raaj mama the, wo tab ek inspector the. Or jab unhe pata chala ke rakshabandhan par mama aa rahe the to dusre din wo khud humare ghar aye or tabse le kar aaj tak har rakshabandhan par wo mummy se rakhi bhandhwate he, unhe bhi behen nahi thi, unhone to kaha ke hum unke saath reh le, lekin meri Mummy ne khud sabkuch sambhalne ka faisla liya.
Ye sab kehte hue uski akho se Aasu ajate he,
Rashid: ye bahot bura hua, lekin koi baat nahi tum rona band karo.
Rashid uske khande par haath rakh kar kehta he. Fir Sonal apne aap ko sambhal leti he. Kuch der baad Sonal bhi normal ho jati he
Sonal: Rashid i am really sorry me agar sabkuch pehle hi bata deti to shayad aaj wo kamina Rahul ye sab nahi kar pata. Lekin me bahot dar gayi thi.
Rashid: koi baat nahi Sonal, wo Rahul Arshu or Aarav ko chu bhi nahi payega.
Fir wo log apne ghar chale jate he.
Raat ko Arshu or uske parents bhi ghar agaye the. Sablog thak gaye the Arshu akar Aarav ke room me let jati he.
Arshu(man me): meri aakhe dhoka nahi khaa sakti, wo Mumbai me kya kar rahe the. Mujhe kuch thik nahi lag raha he, kya karu wo call bhi nahi kar rahe, zarur koi baat he jo wo aise behave karne lage he. Kal choddungi nahi aapko me dekhna bas ek baar mere samne ajao. Or ab to apko wapas jane bhi nahi dungi..... Lekin me unse kal kese baat karungi, mujhe to bahot dar lag raha he. Agar unhone ye sab accept nahi kiya to? Nahi.... Wo meri khushi ke liye kuch bhi kar sakte he.
Kaafi der tak wo bas yahi soch rahi thi ke wo Aarav ka samna kese karegi, uski dhadkan to bas ye soch kar hi badh jati thi, to uske samne ate wo kya karegi. Kisi tarah usko neend ajati he.
Dusri taraf Rahul ko pata chal gaya ke uske admi ko police ne pakda he.
Rahul: kya? Kis liye pakda he use?
Ladka: wo kuch pata nahi he, police wale us se milne to dur us se baat karne bhi nahi de rahe he.
Rahul: saalo ek kaam dhang se nahi hota tum logo se, ye baat papa ko bhi nahi bata sakta, unhone mujhe kuch bhi karne se mana kiya tha, wo to meri watt laga denge. Kya karu?
Ladka: bhai kahi Sonal hume dhoka to nahi de rahi? Or ye sab usi ne....
Rahul: agar aisa hua to me use chhodunga nahi.... Kal baat karta hu me us se.
Wo bahot gusse se bolte he.
Ladka: bhai agar aisa he to aapko us se phone par baat nahi karni chahiye.
Rahul: sahi kaha tune, kal waha ja kar baat karni hogi.
____________________________________________________
Aarav ki tabyat kuch thik si nahi thi, usko bukhar aya hua tha. Wo ja kar medical se kuch dawai le leta he, lekin firbhi usko thik nahi mehsus ho raha tha.
Aarav: ye kya kiya tumne Arshu? Kesi adat laga di mujhe, ke agar tum paas na ho to pata nahi kya ho jaye. Kese ji paunga tumhare bina me? Or pata nahi jab me kal nahi jaunga to Arshu kya karde. Ek kaam karta hu Papa mummy se bol dunga ke important meeting he to wo log Arshu ko sambhal lenge. Ha ye sahi rahega...... lekin kabtak me sabse chupaye rakhunga, kabhi na kabhi to sabko pata chal jayega ke me Bangalore me hu hi nahi, tab kya hoga? He bhagwaan akhir kya likha he meri kismat me, mene Kabhi nahi socha tha ke me Arshu se dur reh paunga.
Arshu: buddhu kahi ke...
Aarav uthkar beth jata he or apne side me Arshu ko dekhne lagta he.
Arshu: agar itni takleef ho rahi he to ajao na mere paas.
Aarav: apni takleef dur karne ke liye tumhe kese zindagi bhar ki takleef de du me?
Arshu: accha! Matlab abhi jo aap mujhse dur ho to mujhe takleef nahi ho rahi hogi?
Aarav: Arshu mere dil ki baat tumhe pata chal gayi to us takleef ko tum shayad puri zindagi na bhula pao, or mujhe lagta nahi ke ab tumhare bina me zinda bhi reh paunga.
Arshu: mujhe bata kar to dekhiye apni dil ki baat, shayad mere bhi dil me wahi ho jo aapke dil me he.
Aarav uthkar aage ki taraf badh jata he.
Aarav: ye kabhi nahi ho sakta..... Me tumse ek ladki ke roop me pyaar karne laga hu, ab batao kya tumhare dil me bhi yahi he?
Arshu: ............
Aarav: kyu chup ho gayi t.......
Aarav uski tara dekhta he par waha koi nahi tha.
Aarav: me bhi na..... Arshu to har jagah dikhayi deti hi he lekin ab baate bhi karne lagi.
Fir wo der raat tak Arshu ki yaado me so jata he.
____________________________________________________
Aaj ke update me itna hi, ab aagey dekhna he ke Arshu or Aarav kese apne pyaar ko hasil karte he. Akhir kabtak dono apna pyaar pane ke liye kitni mushkilo se guzrenge? Ek taraf Aarav tha jo khud se hi lade jaa raha tha, dusri taraf Arshu kal Aarav se milkar kese baat karegi or apne ane wale kal ke sapne saja rahi thi, Lekin jab Aarav nahi ayega to Arshu kese react karegi? Jo bhi hoga aahe pata chal jayega.
Spoiler Alert:
I know aaj ke Update me zyada kuch nahi tha but Kal ka Update Mega Update hoga or abtak ka sabse lamba Update bhi. Bahot kuch hone wala he next update me. Or next Week ke sare Updates ek sequence ke hongey, or mega Update honge. Or sabse important baat Next Update me Arshu ko pata chal jayega ke Aarav............ To Be Continued ????
Bemishaal update hai mitr.Update 28
Mega Update
Arshu aaj subah 4 baje se jaagi hui thi, kyu ke Aarav ne us se promise kiya tha ke wo aaj ghar ayega, or aaj to Arshu uske pyaar ka izhar bhi karne wali thi. Uski dhadkane bahot tez chal rahi thi, or ye waqt katne ka naam nahi le rah tha. Arshu bas yaha se waha chakkar kaat rahi thi. Kareeb 6 baje wo ready ho gayi thi, aaj usko dekh kar aisa lag raha tha jese Arshu ne aaj ye tey kar liya he ke wo Aarav par bijliya girane wali he.
Wo Mirror me apne aap ko dekh rahi thi.
Arshu(man ne): jaldi se ajao na, aaj bas hum dono hi pura din ghumte rahenge. Pehli baar itne dino tak aapse dur rahi hu me. Or ab to aise situation me dur rahi jab mujhe aapse.....
Ispar wo chehra chupa leti he tabhi usko Taniya ka call ajata he.
Arshu: Good Morning tanu.... Meri jaan
Wo bahot utsukta se kehti he.
Taniya: kya baat he? Aaj bahot khush lag rahi ho tum?
Arshu: to kese na khush hu? Aaj wo mujhse milne ane wale he, or mene tay kar liya he ke me aaj apne pyaar ka izhar kar ke rahungi.
Taniya: ohhh wow... Best of luck Arshu. Kitne dino se tumhe aisa khush nahi dekha tha mene.
Arshu: meri khushi sirf wahi he, mujhe or kuch nahi chahiye unke siwa.
Taniya: hayeee, tum to sachme pagal ho gayi ho..
Ispar Arshu sharma jati he.
Arshu: waise tumne itni subah subah kyu call kiya?
Taniya: tum to hume bhul hi gayi ho, to mene socha aaj college nahi jaungi, tumse milne ajaungi lekin lagta nahi he.
Arshu: aaj to bilkul nahi... Aaj me pura din sirf unke saath hi time spend karne wali hu.
Taniya: okay, Best of luck Arshu
Arshu: Thank you.
Or wo call cut kar deti he. Arshu niche ajati he wo besabri se Aarav ka intezar kar rahi thi. Tabhi uske parents bahar ajate he. Tino hi Aarav ka wait kar rahe the subah ke kareeb 8 baj gaye the, tabhi Sandeep ko Aarav ka internet call ajata he.
Sandeep: ye zarur Aarav ka hi call hoga.
Arshu: shayad wo agaye honge.
Arshu bahot khushi se kehti he. Sandeep call pick kar leta he. Or phone Speaker par kar deta he.
Sandeep: hello.
Aarav: good morning papa.
Sandeep: Good morning beta, kyu bhai itne din humse dur ho or call bhi nahi kiya?
Aarav: sorry papa wo me kuch kaam me fas gaya tha.
Sandeep: chalo koi baat nahi... Abhi kaha ho? Airport aagaye kya? Me ajata hu lene tumhe.
Aarav: papa wo....wo me Gujarat me hu, kuch important meetings ke liye aya hu yaha.
Ye sunkar sabka chehra hi utar jata he, lekin is se Arshu ko sabse zyada hurt hua,
Arshu: kya matlab he aapka? Kab nikloge aap fir?
Arshu ki awaz sun kar Aarav thoda ghabra jata he ke wo kese bataye wo nahi aa raha he.
Aarav: wo.... me nahi aa paunga.
Arshu ka dil ye sun kar tut sa jata he.
Arshu: accha aap...aap mazak kar rahe hona?
Aarav: me koi mazak nahi kar raha hu, me nahi aa paunga.
Wo kafi rudely kehta he. Jispar Arshu ka para satwe asmaan par chala jata he.
Arshu: what you mean by nahi aa paunga?
Wo bahot gusse se chillate hue kehti he.
Aarav: me kuch important meetings ke liye 2-3 din Gujarat me hi hu.
Arshu: ye kya tarika he, ek to na call karte ho or apna promise bhi tod rahe ho aap. Me kuch nahi janti ap.......
Wo is se aage kuch bolti ke Aarav uski baat kat deta he...
Aarav: be mature Arshu.... me koi maze karne ke liye nahi aya hu, Meeting he meri waha, or me nahi aa sakta Delhi.
Aarav bahot rudely kehta he, jis se Arshu ka dil chakna chur ho jata he. Uske aakho se Aasu behne lagte he.
Suman: beta ye kya keh raha he tu, mene tumhe isliye waha jane nahi diya ke tum hume milne ana to dur ek call bhi na karo.
Sandeep: haa Aarav, ab bas ho gaya tum aaj ke aaj wapis aajao.
Aarav: dekhiye ye nahi ho sakta, or aap please Arshu ko samjha dijiye.
Arshu: koi zarurat nahi he mujhe samjhane ki, mujhse kabhi baat mat karna or dobara kabhi mat ana kabhi bhi nahi......
Or wo rote hue upar apne room me bhaag jati he, usko dekh kar Sandeep or Suman uske piche chale jate he. Aarav call cut kar deta he. Arshu apne room me akar door lock kar deti he.
Arshu: jhute ho aap jhute ho....
Or wo apne room me tod fod karne lagti he, uske haath me flower pot ka ek tukda lag gaya jis se uske haath se khun ane laga tha, lekin Arshu to bas apna room tahas mehes krne me lagi thi, bahar se ye sab awaaz sunkar Sandeep or Suman ghabra gaye, tabhi Sandeep paas me pade hue ek drawer se Uske room ki keys nikal leta he, or Arshu ka room khol deta he. Anadar Arshu ka room puri tarah se bhikra tha, Arshu zameen par beth kar bahot ro rahi thi. Dono uske paas ajat he, uske haath se khun nikalta dekh dono ghabra jate he, Suman jaldi se first aid kit le ati he.
Sandeep: ye kya kar rahi ho Arshu tum?
Suman: Arshu pagal ho gayi ho kya tum?
Lekin Arshu to bas roye jaa rahi thi. Uske haath me zyada chot nahi ayi thi to Suman uski dressing kar deti he.
Arshu: dhoka diya unhone mujhe, jhut kaha mujhse...
Tabhi uske phone bajta he, uski mummy dekhti he to koi number show nahi ho raha tha to wo samajh jati he ke Aarav ka call he. Wo call pick karti.
Suman: Aarav...
Jese hi Arshu uska naam sunti he, wo uthkar Suman se mobile le leti he.
Arshu: khabardar agar firse mujhe call kiya to, me kabhi baat nahi karungi aapse, mujhe aise logo se nafrat he jo apne pyaar karne walo ka galat istemal kare. Dhoka diya aapne.... jhut bola he hum sabse. Me aapko kabhi maaf nahi karungi....kabhi bhi nahi....
Or itna kehkar wo phone ko diwar par de marti he, or niche bethkar rone lagti he, uske parents usko sambhalne lagte he.
Dusri taraf Aarav Arshu ka gussa or uski baate sunkar sunn reh jata he, uske aakho se Aasu behne lagte he, lekin uske chehre par haari hui smile thi.
Aarav: me kamyaab ho gaya Arshu.... Me kamyaab ho gaya.... Magar....magar apni zindagi haar kar....
Or iske baad Aarav bahot rone lagta he... Aarav ki tabyat to waise hi kharab thi, lekin jis se wo duniya me sabse badhkar pyaar karta he, aaj usi ke muh se apne liye pyaar nahi balki nafrat ke shabd sunkar uski halat or kharab ho rahi thi.
Duari taraf Arshu ko uske parents ne chup kara diya tha. Suman ne uska room thik kar diya tha, Arshu to bas roye jaa rahi thi, uski aakho se lagatar Aasu beh rahe the.
Sandeep or Suman unke room me the.
Suman: mujhe to kuch samajh nahi aa raha he ke Aarav aise kyu behave karne laga he?
Sandeep: sahi kaha zarur kuch baat he.
Suman: aap use le kar ajaye please....
Sandeep: ha me bhi yahi soch raha hu, lekin wo to Gujarat me he, or waha par kis jagah he ye hume kese pata hoga.
Suman: me kuch nahi janti, wo bas mujhe mere samne chahiye...
Suman Rote hue kehti he.
Sandeep: tum ro kyu rahi ho, me hu na... Me dekhta hu kya karna he aage.
Kuch der baad Arshu apne aap ko sambhal leti he. Ab jo bhi ho jaye akhir ye wahi Arshu he jo Aarav ko apni jaan se zyada pyaar karti he, aakhir wo bhi kabtak us se gussa reh sakti he. Wo uthkar Aarav ki tasveer apne haatho me le leti he.
Arshu: aisa kyu kiya aapne? Kyu jhut kaha mujhse. Meri takleef bhi samjha karo na. Mujhe nahi raha jata aapke bina ye kese samjhau aapko? Aaj sabkuch batane wali thi na me, or aap...... Lekin mene bhi to unko kitna bura bhala keh diya. Unse kabhi aise baat nahi ki mene or aaj.... Unhe kitna bura laga hoga? me fir kabhi aise baat nahi karungi aapse, but aap please aajaye na mere paas....
Or uski aakho asu ane lagte he, tabhi uske parents uske room me breakfast le kar ajate he..
Suman: Arshu tum ab bhi ro rahi ho, bas karo.... Me Aarav ka kaan pakad kar tumhare samne laungi.
Wo Arshu ke sar pe haath ferte hue kehti he. Arshu usko lipat jati he.
Arshu: I am sorry mummy, mene bahot battamizi se baat ki unse. Unhe bhi kitna bura lag raha hoga.... me bahot buri hu..
Suman: are pagal, aaj tak usne kabhi tumhari baat ka bura mana he jo aaj manega? Dekhna ane ke baad sabse pehle tumhe hi apne gale lagayega.
Arshu: aap sach bol rahi ho na?
Suman: ha beta.
Arshu: papa aap please mujhe unke paas le chalo.
Wo uthkar Sandeep ke haath pakad kar kehti he.
Sandeep: beta me or Suman bhi yahi baat kar rahe the, lekin usne kaha na ke wo to Gujrat me he. Or Gujrat me exactly kaha he ye hum kese pata lagaye. Lekin tum chinta mat karo me kuch karta hu.
Arshu: thank you Papa...
Arshu uske gale lag jati he, Suman ne zabardasti kar ke usko kuch khila diya.
______________________________________________
Rahul Apni car me Sonal ke college ke bahar ruka hua tha. Tabhi use Sonal bahar bahar ate hue dikhayi deti he, wo ja kar uski scooty ke samne car rok leta he, or gadi ke bahar ajata he, use dekh kar Sonal thodi si ghabra jati he.
Sonal: t....tum yaha kya kar rahe ho?
Rahul: mujhe tumse kuch zaruri baat karni he.
Sonal: m...mujhe late ho raha he hum baadme baat karte he.
Rahul: mujhe daal me kuch kala lag raha he. Kya baat he?
Sonal: me kuch samjhi nahi.
Tabhi Rashid bahar araha tha, usne Sonal ko Rahul se baat karte dekh liya, wo bike rok leta he.
Rashid: ye to Rahul hi he. Ye kya kar raha he yaha. Sonal kuch gadbad na kar de. Kya karu?
Tabhi use kuch sujhta he or wo Aasma ko call kar deta he.
Rashid: hello Aasma tum kaha ho?
Aasma: me to ghar jane ke liye nikal gayi raste me hu.
Rashid: tum jaldi se mujhe Sonal ka number bhejo.
Aasma: kya hua Rashid tum pareshan lag rahe ho?
Rashid: me tumhe baadme bata dunga, tum please jaldi se uska number bhejo.
Aasma: accha thik he me abhi bhej deti hu.
Fir wo call cur kar deti he, Or Rashid ko Sonal ka number bhej deti he. Rashid jaldi se Sonal ko call karta he, Sonal call pick kar leti he.
Rashid: Sonal me Rashid baat kar raha hu, chup rehna or sirf ye batao ke kya Rahul tumse kuch baat karne aya he?
Sonal: h...ha
Rashid: Okay us se baat karti raho, or wo kya keh raha he suno. me uski kuch pics le leta hu, jis se humare paas uske khilaf or sabut ho jayenge.
Sonal: thik...thik he...
Or wo Sonal call cut kar deti he. Rashid unke kuch pics le leta he.
Rahul: kiska call tha.
Sonal: wo meri friend ka call tha. Ha tum kya keh rahe the?
Rahul: chalo mere saath mujhe tumse baat karni he.
Sonal: ha to bolo na yahi par.
Rahul: kal mera ek aadmi Us Chamiya ke ghar pe nazar rakhte hue police ke haath lag gaya.
Sonal: kya? Lekin tum ye kyu kar rahe ho? Mene tumse kaha na ke me kuch dino me tumhara kaam kar dungi.
Rahul: mujhe kyu aisa lag raha he ke tum mujhe dhoka de rahi ho?
Sonal: na......nahi to aisa nahi he... Tum mujhpar yakeen karo me tumhara kaam zarur pura kar dungi.
Rahul: thik he, lekin yaad rakhna agar tum mere khilaf gayi to bahot bura hoga.
Itna kehkar Rahul waha se chala jata he, uske jane ke baad Rashid jaldi se Sonal ke paas ajata he.
Rashid: wo kya keh raha tha tumse?
Fir Sonal use sabkuch bata deti he,
Rashid: hmm.... Use tum par shak ho raha he, Sonal Dekho jabtak Raaj Uncle kuch karte nahi tabtak Rahul ko tum par thoda bhi shak nahi hona chahiye.
Sonal: tum chinta mat karo, me sab sambhal lungi. Tumne uski Pics le liye?
Rashid: ha mene kafi sari pics le liye he.
Sonal: thik he.
Rashid: okay me chalta hu,
Sonal: is hi raste se jate ho na tum to chalo saath me.
Rashid: darasal me Aarav ke ghar jaa raha hu, aaj ane wala tha wo to dekh to lu, Arshu ka call to lag nahi raha.
Sonal: accha thik he, bye
Rashid: bye.
Fir dono apne apne raste nikal jate he, Rashid Aarav ke ghar pahoch jata he. Suman door open karti he.
Suman: aao Rashid andar
Rashid: Aarav aya ya nahi abtak?
Ispar Suman ka chehra utar jata he.
Rashid: kya hua wo abtak nahi aya kya?
Suman: nahi... Wo nahi aa raha.
Rashid: kya? Lekin kyu?
Fir Suman use sab bata deti he, jis se Rashid ko kuch gadbad lagti he.
Rashid: koi baat nahi, aaj aapka dusra beta to aya he na.
Suman: wo to he.... Mera ye beta kabhi shikayat ka moka nahi deta mujhe.. aao tum
Wo andar ajata he...
Rashid: Arshu kaha he?
Suman: wo to apne room se bahar ane ko tayar nahi he.
Rashid: accha me us se mil leta hu.
Suman: thik he me tumhare liye kuch bana deti hu.
Rashid: uski zarurat nahi he...
Suman: abhi mene kaha ke dusra beta shikayat ka moka nahi deta or abhi aisa kar rahe ho?
Rashid: ohhh sorry,
Fir Rashid upar jane lagta he wo Arshu ke room ki taraf badhta he lekin dekhta he ke Arshu to Aarav ke Room me bed par lete lete Aarav ki tasveer ko ek tak dekh rahi thi. Rashid door se hi use awaaz lagata he.
Rashid: Arshu....
Arshu: ha.... Ha Rashid bhaiya aap, Aaiye na.
Wi hadbada kar uth jati he, Rashid akar andar beth jata he.
Rashid: kya aakhe khule rakh kar sone lagi tum?
Arshu: nahi.... Nahi wo to me bas....
Rashid: Aarav ne hi udas kiya he na tumhe?
Arshu hame gardan hilati he.
Rashid: ane do usko barabar sabak sikhaunga...
Arshu: nahi wo jaan bujh kar aisa nahi kar rahe honge, zarur koi baat he.
Ispar Rashid kuch soch me pad jata he.
Rashid(man me): sale Aarav kisi ladki ke liye itni masum si Arshu ko pareshan kar raha he tu...
Arshu: kya hua aap kya soch rahe ho?
Wo Rashid ko kahi khoya hua dekh kar puchti he.
Rashid: na....nahi kuch nahi.
Aarav: huhhh ab to sablog mujhse baate chupa ne lage he. Ek taraf wo budhhu he or yaha aap bhi bata nahi rahe.
Wo badi udasi ke saath kehti he, or Arshu ko to koi chah kar bhi uadaas nahi kar sakta.
Rashid: nahi Arshu aisi baat nahi he, darasal me bhi kafi waqt se use dekh raha hu, wo kuch pareshan sa he.
Arshu: aapko to bataya hi hoga na unhone?
Rashid: ha... Nahi... Nahi mujhse to kuch nahi kaha usne.
Wo hadbada kar kehta he.
Arshu: aap zarur kuch chupa rahe ho mujhse, please mujhe bataye na, kya baat he?
Rashid: darasal Arshu Bangalore jane se pehle mene use ek jagah akele betha dekha, wo kafi ro raha tha, jab mene us se pucha to usne kaha ke wo kisi ladki se pyaar karta he, lekin wo kisi or ko chahti he. Jab usne mujhe kaha ke wo Bangalore jaa raha he mujhe tabhi kuch thik nahi laga.
Abhi Arshu par se Aarav ka na ane ka dukh utra bhi nai tha ke Rashid ne uspar ek or bomb fod diya. Ye sab sunkar to Arshu ko aisa lagne laga jese ab uska jine ka koi fayda hi nahi he.
Arshu: k....kon he wo.... Ladki?
Wo kisi tarah apne aap ko sambhalte hue kehti he.
Rashid: wo to mene us se kayi baar pucha lekin usne mujhe nahi bataya.
Arshu ka dil bahot zor se Rone ka kar raha tha lekin wo apne aapko kisi tarah sambhale hui thi. Tabhi Suman Upar dono ko khana khane ke liye bulane ajati he.
Arshu: aap log jayiye me fresh hokar ati hu.
Wo dono niche chale jate he, Arshu jaldi se door lock karti he or bahot rone lagti he. Uske muh se ek shabd bhi nahi nikal raha tha. Wo kuch der roti he or khudko sambhalte hue niche ja kar khana kha leti he, or jaldi hi upar apne room me ajati he or dusre phone se Taniya ko call karti he.
Taniya: are tum to aaj pura din jiju ke saath bitane wali thi na?
Arshu: Ta.....Taniya me.....
Wo sisakte hue kehti he.
Taniya: Arshu.... Arshu tum ro rahi ho? Kya hua Arshu?
Arshu: sab kuch khatam ho gaya......
Taniya: Arshu...... tum kya keh rahi ho, tum is waqt kaha ho?
Arshu: me.... Ghar par hu...
Taniya: Tum rona band karo me abhi waha aa rahi hu.
Or wo jaldi se Arshu ke ghar pahoch jati he, wo jese hi Arshu ke Room me enter karti he to Arshu ki halat dekh thitak jati he, uske pure chehre par Aasu the, wo siskiya le rahi thi. Wo uske paas ajati he Arshu us se lipat kar rone lagti he.
Taniya: Arshu please rona band karo or mujhe batao kya hua?
Arshu: m......mera pyaar adhura reh gaya Taniya
Usko apne words khatam karne me bhi takleef ho rahi thi.
Taniya: ye kya keh rahi ho tum Arshu? Kya usne mana kar diya?
Arshu sirf na me gardan hilati he.
Taniya: to kya hua Arshu?
Lekin Arshu bahot rone se sisak rahi thi.
Taniya: tum pehle chup ho jao Arshu...
Wo Arshu ko pani pila deti he or kisi tarah uska rona band kara ti he.
Taniya: ab batao Arshu kya hua?
Arshu: wo...wo mujhse pyaar nahi karte
Taniya: Arshu puri baat to batao kya kaha usne tumse?
Arshu: wo yaha par aye hi nahi, unke dost ne mujhe bataya ke wo kisi ladki se pyaar karte he or wo ladki kisi or ko pyaar karti he, or yahi wajah he jo wo Delhi chhod kar chale gaye. Ab me kya karungi Taniya? Mera pyaar to shuru hone se pehle hi bikhara gaya.
Wo firse rone lagti he. Taniya use chup karati he.
Taniya: ab tum rona band karo or meri baat suno. Dekho Arshu tum to us se ab bhi pyaar karti ho na?
Arshu ha me gardan hilati he.
Taniya: to fir use apna pyaar dikhao na, kisi se pyaar karna isme uski kya galati he, apne pyaar se uske zakhm bhar do. i am sure wo us ladki ko bhula kar tumse pyaar karne lagega, are tumhari jesi pyaar karne wali use kahi par nahi mil payegi.
Arshu: kya....kya wo mujhe accept karenge?
Taniya: are pagal bas ek baar us se baat kar ke dekho, wo khudko tumhare hawale kar dega. Tum abhi call karo use.
Arshu: unhone apna mobile number band rakha he, sirf internet calling se baat karte he sabse.
Taniya: accha koi baat nahi jab bhi moka mile us se baat kar lena.
Arshu haa me gardan hilati he. Taniya uske aasu pochti he
Taniya: good. Or aise roya mat karo Arshu tum. Koi patthar dil insan hi hoga jo tumhare in aasuo ko dekh payega.
Kafir der tak wo Arshu ko sambhalti he or shaam ke baad ghar chali jati he.
Raat ko Arshu sar dard ka bol kar apne room me hi khana kha leti he. Or jab sone ka waqt hota he to wo uthkar Aarav ke room me chali jati he or uske bed par let jati he. Usko nind nahi arahi thi. Wo pani pi rahi thi to thoda pani bedsheet par gir jata he, wo uthkar cupboard kholti he dusri bedsheet nikalne ke liye, lekin uski nazar locker par chali jati he, usko 4 pin passcode set tha. Arshu Aarav ke mobile or baki chizo ka password use karti he but wo galat hote he. Fir wo Aarav or apni date dalkar dekhti he but firbhi galat hi tha lekin jab usne apni date pehle or Aarav ki badme dalti he to wo locker khul jata he, Arshu dekhti he ki usme ek diary he. Wo usko nikal kar bed par beth jati he. Wo jese hi diary kholti he usme kuch poems, shyari likhi hui thi. Arshu usko padhne lagti he use lag raha tha ke Aarav ne ye sab kisi or ke liye likha he.
Arshu(man me): kitni buri ladki he wo jo itna pyaar karne wale insaan ko chhod kar pata nahi kis se pyaar kar bethi. Lekin me dekhna unhe kabhi akela nahi mehsus hone dungi.
Lekin jese hi Arshu diary ka last page padhna start karti he to uske to pero tale zameen hi khisak jati he. Uske aakho se asu behne lagte he, uski saase to tham si jati he. Uske haath kap rahe the.
Last Page:
Arshu mujhe nahi pata ke tumhe ye diary kab milegi, milegi bhi ya nahi. Lekin aaj me aapne dil ki baat isme likh raha hu,
Tum soch rahi hogi mene ye sab tumhare liye kyu likha he, kyu ke Arshu meri zindagi me agar koi mujhe sabse pyara he to wo sirf or sirf tum ho, lekin shayad yahi meri galati ho gayi, me ye bhul gaya ke tum humesha ke liye meri nahi ho sakti. Arshu me tumse ek ladki ke roop me pyaar karne laga hu, ab se nahi balki kayi saalo se. Me tumhe sab kuch batane wala tha lekin dar raha tha ke kahi tum kuch galat kadam na utha lo, or jab tay kar liye ke me tumse apne dil ki baat bol dunga to mene tumhari or Taniya ki baate sun li. Arshu mujhe bahot dukh hua ye sun kar ke tum kisi or se pyaar karti ho lekin fir samajh aya ke mera tum par koi haqq nahi he, ye sab galat he. Or me kese dekh leta tumhe apni akho ke samne kisi or ka hote hue? Isliye Kal me sabse dur jaa raha hu. Shayad humesha ke liye. Or tumhe Mummy papa ki kasam agar tumne kabhi bhi koi galat kadam uthane ke bare me socha bhi he to.
Kash tumhara dil mujhse jud jata.
Lekin Afsos ke hum ek na ho sake,
Bas reh gaya thoda sa fasla.
Yahi aakhri dua he rab se,
Jo bichde dil he unko paas le aa.
Jo pal tumhare saath bitaye the,
Un Palo me duniya bhar ki khushi thi.
Hum dono ke ek hone me,
Humare rishte ki na manzuri thi.
Kya jawab du bhagwaan ko
Ke kyu me tumse pyaar kar betha.
Bhulkar is duniya ki saari reet,
Kyu me tumhe apna dil de betha.
Me to bhula na saka tumhe,
Ho sake to tum Aarav naam
ke insaan ko bhul jana.
Kar ke tumhari jaan ko maaf
Ho sake to tum Aarav naam
Ke insaan ko bhul jana.
Ye sab padh kar Arshu ke haath kanp ne lagte he, use yakeen hi nahi ho raha tha ke schme Aarav bhi us se pyaar karta he. Lekin use dar lag raha tha ke unme jo misunderstanding hui he uski wajah se kahi wo Aarav ko humesha ke liye kho na de. Uski kuch samajh me nahi aa raha tha, wo rone lagti he. Or bhagte hue apne parents ke room me chali jati he use is tarah dekh kar dono ghabra jate he.
Arshu: papa please mujhe unke paas le chalo, mujhe unse milna he. Me aap se kabhi kuch nahi mangungi, mujhe or kuch nahi chahiye, lekin please meri ye aakhri zid puri kardo papa me unke bina mar jaungi......
Wo sidha Sandeep ke pero me gir kar rote hue kehti he.
Sandeep: Arshu ye kar rahi hi tum? Uth jao.
Wo Arshu ko uthkar kehta he.
Suman: Arshu chup ho jao...
Arshu: me kuch nahi janti mujhe unse milna he...
Wo rote hue kehti he.
Sandeep: thik he beta me....me abhi kuch karta hu tum chup karo.
Suman use chup karane lagti he, tabtak Sandeep jaldi se kisi ko call karne lagta he lekin use bhi nai samajh araha tha ke wo kese pata kare ki Aarav Gujarat me kaha he. Suman ne Arshu ko chup kara diya.
Sandeep: beta ek kaam karte he abhi koi flight nahi he Bangalore ki hum kal subah hi Bangalore nikal jayenge, waha company me details le lenge ke Aarav kaha he.
Arshu: aap abhi call kariye kisi ko bhi please...
Sandeep: beta mere paas waha ke kisi admi ka number nahi he, Aarav ne ye project khud hi kiya. Mujhe location pata he company ki bhi or Aarav jaha ruka he waha ki bhi, hum kal subah jayenge or waha se pata kar lenge, okay?
Arshu ha me gardan hilati he.
Suman: Arshu pure din to thik thi tum, suddenly kya ho gaya tumhe?
Arshu: kuch nahi.... Mujhe bas unse milna he.
Sandeep: mene kaha na kal hum jayenge, tum ab so jao kal subah hi nikalna he hume.
Fir Arshu waha se apne Room me nikal jati he,
Suman: ane do Aarav ko samne, maar khayega wo mujhse, kya halat kardi Arshu ki.
Arshu ko aisa dekh kar Suman ko bahot bura lagta he uski aakho se Asu nikalte he. Wo log bhi Arshu ka Aarav ke liye pyaar jante the.
Sandeep: Aarav aise kyu behave kar raha he? Koi baat zarur he warna wo aise.....
Sandeep kuch soch me pad jata he.
Arshu Aarav ke room me akar beth jati he, wo ab bhi sadme me hi thi ke Aarav usko pehle se pyaar karta he. Use ye sab ek sapne ki tarah lag raha tha.
Arshu(man me): ye kese ho sakta he? Wo bhi mujhse pyaar karte he, or meri wajah se wo sabko chhod kar chale gaye? Taniya ne thik kaha tha mujhe unse pehle hi baat kar leni chahiye thi, to aaj wo mere saath hote.. kyu kiya aapne ye sab? Mujhse ek baar baat karna bhi thik nahi samjha? Meri wajah se itna ghut kar ji rahe the aap? Lekin ab nahi..... me....Me dekhna aapko kabhi shikayat ka moka nahi dungi. Jitna tadpe ho aap us se zyada pyaar karungi aapko me... Bas ab jaldi se mere samne aajao, mujhe aapko dekhe bina nahi raha jata...
Kafi der rone ke baad Wo sone ki koshish kar rahi thi lekin usko nind hi nai arahi thi, der raat tak bas Aarav ke bare me sochte hue akhir kar uski aakh lag jati he. Or wo apne ane wale kal se bekhabar so jati he.
Aaj ke Update me bas itna hi. Ab dekhna he ke kal jab sablog Bangalore me jayenge to waha Aarav ko na pakar kese react karenge, ab Arshu to sabkuch jaan chuki thi, lekin Aarav to ab bhi andhere me hi tha. Akhir kese wo is Khubsurat ujale ko dekh payega ki Arshu ke bhi dil me wahi he jo uske dil me he. Inka milan kis halat me hoga ye dekhna dilchasp rahega, Tabtak ke liye Stay Tuned ❤❤
Bhai koi shabd nahi he aaj ke update ko describe karne ke liye, ???
Or bhai mujhe lagta he kahi wo Shreya hi to nahi?
May be uski yadasht chali gayi ho? But usne to apne parents ke bare me bhi bataya ke wo bhi doctor he and all.... Confusion
Eagerly Waiting for Next Update ?
Majedaar update hai mitr.
Behtreen update hai mitr.
Adbhut update hai mitr.
Atiutam update hai mitr.
Arshu's love filled with caring nature, I liked it, these things and anger shows his love. Past bad moments are always hurt, it is good to forget them. Perhaps Vidisha's memory is gone, and what will happen when Virat and Vidisha meet at an anniversary celebration? I am also very happy to see Rashid and Sonal happy. The pairing of Arshu and Aarav is amazing, I love everything, both love, anger.
As always the update was great, You are writing very well, Now let's see what happens next, Till then waiting for the next part of the story.
Thank You...
???
Ish shaandaar prem kahani ke safltapurvak 100 page pure hone ke uplaksh me sabhi mitro v rachiyta ko hardik shubhkaamnaaye.
Chalo dil ki adla badli karle,
Tadaf kya hoti hai samajh jaaoge.
Thank you so much guysBemishaal update hai mitr.
Bhai koi shabd nahi he aaj ke update ko describe karne ke liye, ???
Or bhai mujhe lagta he kahi wo Shreya hi to nahi?
May be uski yadasht chali gayi ho? But usne to apne parents ke bare me bhi bataya ke wo bhi doctor he and all.... Confusion
Eagerly Waiting for Next Update ?
