?waiting for the next update....
Another Sensational Update
Update 35
Dono ki pyaar ki ek or nayi subah, dono ka pyaar ek dusre ke liye har pal bas badhta ja raha tha. Is naye din ki Shuruwat Arshu apni aakhe khol kar karti he. Or roz ki tarah wo Aarav ka matha chumti he, or uski baho se bahar nikalne ke liye jaddo jehed karti he, or jakar apne Room me fresh ho jati he, wo niche ane se pehle ek baar Aarav ke room me dekhti he to wo washroom me tha, Arshu niche ajati he or uske Parents ke saath dining table par beth jati he. Tabhi Aarav bhi niche akar sabko join karta he...
Sandeep: beta itni jaldi kyu uth jate ho? Aaram karo na.
Aarav: papa mujhe Arshu ko college drop kar ke Mumbai jana he.
Uski Mumbai jane ki baat se tino chonk gaye.
Suman: ab kis liye jana he waha?
Aarav: darasal Bangalore ke project ke kuch important papers or mera kuch saman wahi he, to wo lana he.
Arshu: kahi nahi jaoge aap...
Wo bahot hi gusse me table par haath maarte hue kehti he.
Aarav: Arshu aaj dopehar tak wapis ajaunga me.
Arshu sidha uthkar main Door ke samne khadi ho jati he,
Arshu: mene keh diya na aap kahi nahi jaoge bas....
Uske is gesture par tino ke dil pighal se jate...
Sandeep: beta tumhara jo bhi saman he wo me le aunga, tum kahi nahi jaoge...
Aarav: papa please me....
Arshu: ek baar kaha hua samajh nahi ata he aapko?
Aarav: please na Arshu me aaj hi wapis ajaunga.... Wo papers bahot important he.
Arshu: to fir mujhe bhi le chalo saath.....
Suman: Arshu tum use rokne ki jagah khud saath janeki zid kar rahi ho...
Arshu: me kuch nahi janti, aap kahi nahi jaoge, or agar jana he to mujhe bhi saath le jana hoga.
Wo door ke samne khadi hui kehti he.
Aarav: Arshu tumhe college jana he...
Arshu: to fir aap nahi jaoge kahi bhi... Ya mujhe le chalo saath.
Aarav: yaar..... thik he chalna mere saath.
Ye sunkar Arshu khush ho jati he.
Suman: are beta itna important nahi he tumhare papers....
Aarav: Mummy please me dopehar tak ghar ajaunga.
Suman: lekin....
Sandeep: Suman jane do use...
Aarav: thanks papa.
Sandeep: lekin Jaldi ajana ghar.
Aarav: okay, or tum Darwaze se hatogi bhi ya nahi?
Wo Arshu ko dekhte hue puchta he. Arshu akar Breakfast karne lagti he, kuch der baad dono Airport ke liye nikal jate he. Jate waqt Aarav Arshu ko ghure jaa raha tha.
Arshu: aise kyu ghur rahe ho?
Aarav: tum bahot ziddi ho gayi ho Arshu....
Arshu: kal hi promise kiya or aaj aise akela chhod kar ja rahe ho...
Wo apna muh fulate hue kehti he, or window se bahar dekhne lagti he, Aarav to uski har baat par fida ho jata. Wo Arshu ka haath tham leta he.
Aarav: Accha baba Sorry, or aise muh fulaye hi bethi raho badi pyari lagti ho waise....
Uski baat par Arshu has padti he.
Arshu: pagal.....
Dono Airport pahoch jate he, car se utar kar Arshu Aarav ka haath tham leti he, Arshu ke normal behavior se Aarav ko bhi ab accha lagne laga tha. Aarav bhi uska haath kas leta he.. or apni flight attend karte he.
dono Mumbai pahoch gaye waha se unlogo ne Cab le li or Aarav jaha par reh raha tha us ghar chale gaye... Arshu ne pure raste Aarav ka haath nahi chhoda tha. Dono jese hi ghar ke andar ajate he, Arshu ka chehra ghar ki halat dekh udas ho jata he. Pura ghar bikhra hua tha, or waha khun ke nishan ab bhi the. Aarav ne use andar ke room me bithaya or jaldi se jo kuch uska saman tha wo le liya or Arshu jaha bethi thi us Room me agaya. Arshu ab bhi udas thi.
Aarav: kya hua Sweetheart?
Wo Arshu ke kandho par haath rakhte hue kehta he. Lekin Arshu ko Aarav ki wo halat yaad aa jati he, Arshu ek nazar Aarav ko dekhti he or uski aakho se Asu ajate he.
Aarav: Arshu please ro mat.... Please
Wo usko apne sine se lagate hue bolta he, or use chup kara deta he.
Aarav: waise Arshu tumhe dekhna he Shreya didi kesi dikhti thi?
Wo Arshu ka dhyan bhatkane ke liye us se puchta he. Or uski baat sun Arshu bhi haa keh deti he.
Aarav: to fir chalo unse milne..
Arshu: ye kya keh rahe ho aap, wo to.....
Aarav: tum chalo to...
Fir wo dono waha se nikal jate he, Aarav ne Vidhisha ko message karke ek cafe me bula liya tha.
Arshu: aap mujhe bataye jaldi, hum kese unse mil payenge?
Wo ab bhi Shreya ko dekhne ki baat par heran thi.
Aarav: are Dr. Vidhisha ko janti hona?
Arshu: ha...
Aarav: ha to bas, Shreya didi bhi bilkul unki tarah hi dikhti thi, jab mene unko pehli baar dekha tha tab mere pero tale zameen hi khisak gayi, infact unki awaaz bhi kafi hadd tak unse milti he.
Arshu: Matlab wo itni Khubsurat thi? Mujhe sachme Virat bhaiya ke liye bahot bura lag raha he.
Arshu kafi udas thi Virat ke liye.
Aarav: pata nahi bhagwaan ne kya likha tha unki kismat me
Kuch der baad dono ek cafe me pahoch jate he, tabhi Vidhisha bhi waha ajati he.
Vidhisha: Good Morning...
Wo chair par beth te hue kehti he.
Aarav/Arshu: Good Morning...
Vidhisha: Aarav tumhe kuch samajh nahi ata? Mene kaha tha na kuch dino tak bas Aaram hi karoge tum...
Aarav: itne dino se to ghar pe hi hu, aaj wo mere kuch important papers lene ke liye aya tha me.
Vidhisha: okay, lekin zyada yaha waha mat ghumo..
Aarav: okay...
Arshu to bas Vidhisha ko ek tak dekhe jaa rahi thi.
Vidhisha: or batao Arshu kesi ho tum?
Arshu: ha...ha me thik hu
Wo hosh me ate hue kehti he.
Aarav: waise me yaha or ek kaam se aya tha.
Vidhisha: kya?
Aarav: kuch dino baad mummy papa ki anniversary he to ghar me chota sa get together he, to aap ko invite karne aya hu.
Vidhisha: ohh me zarur aungi...
Aarav: aapke family ko bhi lana saath.
Vidhisha: ahh, us din to ek Heart Surgery he, or wo dono usme hi busy rahenge, to wo nahi aa payenge.
Aarav: ohh thik he, waise me to puchna hi bhul gaya aapki family ke bare me.
Vidhisha: meri family me bas hum tino hi he, ye dekho unki photo... Mere parents bhi Doctor hi he.
Wo dono ko Uske Parents ki photo dikhate hue kehti he. Kuch der baate karte hue wo log apne raste nikalte he, tabhi Vidhisha ko kuch yaad ata he, to wo Aarav ko rokti he.
Vidhisha: waise tumne mujhe abtak tumhari Story batayi nahi Aarav.....
Aarav: aap Delhi ajaye me sab kuch bata dunga...
Vidhisha: chalo thik he, or ha is pyaari si pari ka khayal rakhna
Wo Arshu ke gaalo ko pakad kar kehti he.
Aarav: me to is pari ka or humari ane wali pari ka bhi dyaan rakhunga...
Wo pata nahi kis khayalo me akar bol deta he, jis se Arshu ka muh khula ka khula reha gaya wo sharm se pani pani ho gayi, Vidhisha bhi Aarav ko hi dekh rahi thi. Jese hi Aarav hosh me ata he use samajh aya ke wo kya bol gaya.
Vidhisha: zarur.... Me chalti hu..
Wo haste hue kehti he or waha se nikal gayi lekin Arshu ab bhi shock me thi...
Aarav: chale......Arshu
Arshu to Aarav ko bada hi gusse se dekhti he.
Arshu: besharam kuch bhi bol dete ho.... pagal, budhhu, gande....
Or ye kehte hue wo Car me beth jati he, Aarav bhi muskurate hue Andar beth jata he, dono kuch der me Airport par pahoch jate he, unki flight ko thoda time tha to wo log andar hi ek restaurant me Lunch karne ruk jate he.
______________________________________________
Dusri taraf College me Rashid or Sonal Canteen me bethe the ke tabhi waha Aasma ajati he.
Aasma: Kya baat he Sonal aaj kal badli badli si lag rahi ho tum?
Wo pas me chair par beth te hue puchti he.
Sonal: na...nahi aisi koi baat nahi he...
Aasma: accha? Waise Rashid, Arshu nahi ayi aaj?
Rashid: nahi wo Aarav ke saath gayi he Mumbai...
Tabhi Aasma ko uski friend bulati he to Aasma waha se chali jati he.
Sonal: waise Rashid hum kahi ghumkar ate he na..
Rashid: class ka time ho raha he or tumhe ghumna he?
Ispar Sonal thodi udas ho jati he. Rashid uski udasi dekh leta he. Ab Rashid apne pyaar ko kese udas kar sakta tha.
Rashid: accha, chalo college to zindagi bhar chalta rahega...
Wo apni jagah se uth te hue kehta he. Is se Sonal ke bhi chehre par muskurahat ajati he.
Fir dono Rashid ki bike par bahar nikal jate he. Sonal Rashid se thoda distance mainten kar ke bethi thi. Wo ek baar Rashid ke kandho par haath rakhne ke liye badhi lekin firse apne haath niche kar liye, Rashid ne ye mirror se dekh liya. Rashid ne suddenly break laga diya, jis se Sonal puri tarah se Rashid se chipak gayi.
Rashid: aise hi bethi rehna, sadke kafi kharab he.
Ispar Sonal has padti he, or apne haath Rashid ke khando par rakh deti he, dono apne pyaar bhare lamhe jine lagte he.
Wahi college me class shuru ho gayi thi Aasma class me bethi Sonal ko dundh rahi thi. Jab break me bhi wo nahi ayi to use daal me kuch kala lagne laga, wo Rashid ki class ki taraf chali gayi or waha ek ladki se usne Rashid ke baare me pucha to us ladki ne kaha ke wo to aya hi nahi.... Fir Aasma apni class me chali jati he wo aaj chutti hone se kuch der pehle hi College se nikal gayi or ja kar Sonal ke ghar pahoch gayi.
S. Mummy: are Aasma tum itne dino baad, or Sonal kaha he?
Aasma: darasal aaj me jaldi hi ghar ane ke liye nikal gayi Sonal to college me hi he, or adhe raste me ane ke baad mujhe yaad aya ki uski imprtant note Book mere paas reh gayi, to socha ghar par hi de du.
Wo andar ate hue kehti he, dono andar sofe par beth gaye.
S. Mummy: accha, waise meri beti ka dhyan padhai me to he na?
Aasma: haa, lekin aisa kyu pucha aapne?
S. Mummy: are ab meri beti to pyaar me pad gayi he, uska dhyan padhai me kese lagega?
Aasma: whatt?
Wo ekdum chonk kar kehti he...
S. Mummy: kya usne bataya nahi tumhe?
Aasma: nahi..
S. Mummy:. Tumhare college ka hi ladka he Rashid naam he uska.
Aasma: kya? To ye chakkar he dono ka...
S. Mummy: tum janti ho use?
Aasma: Aunty bahot acchi tarah se janti he, kyu ke wo mera bhai he...
S. Mummy: kya?
Aasma: Sonal ki bacchi, ab dekho...
Fir w dono kuch bate karne lagte he.
Rashid or Sonal kafi der ghumne ke baad ek restaurant me lunch kar lete he, Rashid Sonal ko uske ghar ke paas chhod kar nikal gaya. Sonal aaj bahot khush thi. Wo haste hue ghar ajati he.
S. Mummy: are beta me kabse call kar rahi thi tumhe, but out of network tha. Aasma ko call kiya to usne kaha tum dono kahi bahar ho?
Sonal: ha.....ha Mummy me usi ke saath thi.
Aasma: accha bacchu?
Wo ekdum se Sonal ke samne prakat ho ke bolti he, use Dekh Sonal ki hawa tight ho jati he.
Aasma: waise kaha ghum rahi thi tum Bhabi?
Ab Sonal ka chehra sharm se laal ho gaya tha...
Kafi der wo log baate karte rehte he or Aasma apne ghar jane ke liye nikal jati he.
Wahi Arshu or Aarav Delhi pahoch gaye the, wo ghar akar thoda aram karte he, shaam ka waqt ho raha tha Aarav ko kuch yaad ata he. Wo apni baho me Arshu ka musum sa sota hua chehra dekhta he. Aarav use aaram se leta deta he or khud bahar chala jata he. Usne Virat ko call karke ek cafe me bula liya tha.
Virat: yaar Aarav sach sach batao kya chal raha he sab? Ye haath me pattiya itne dino se sabse alag the. Kya baat he?
Fir Aarav use sabkuch bata deta he ke wo bhi Arshu se pyaar karne laga tha, lekin ab wo dono ek ho gaye he. Ye sab sunkar Virat ki aakho me Aasu ajate he.
Virat: me.....me tumhare liye bahot khush hu Aarav, mujhe to mera pyaar nahi mila lekin.....lekin tum isme jit gaye. Me bahot khush hu Aarav Bahot zyada....
Virat ki khushi uske chehre par chalak rahi thi.
Aarav: thanks bhaiya..
Virat: lekin Aarav tumne ek bahot betuka kadam uthaya tha apni jaan dene ka...
Ispar Aarav ka sar niche ho jata he.
Virat: Aarav agar tumhe kuch ho jata to Arshu ki kya halat hoti? Aarav kisi ke chhod kar jane ka dhukh mujhse zyada koi nahi samajh payega.... Ek ek pal jina mushkil sa lagta he Aarav... Lekin ab me bahot khush hu...
Fir dono kuch der baate karte he, ab wo normal ho gaye the.
Aarav: waise bhaiya kuch dino baad mummy papa ki anniversary he, To aapko ana he...
Virat: me zarur aunga Aarav...
Kuch der baad dono apne raste nikal jate he.
Wahi ghar pe jab Arshu ki aakh khulti he to wo Aarav ke room me thi. Lekin Aarav use dikhayi nahi diya, wo washroom me bhi nahi tha, Arshu niche akar dekhti he to wo niche bhi nahi tha, tab wo Suman ke paas chali jati he.
Arshu: Mummy bhai kaha chale gaye?
Suman: kisi dost ka urgent kaam tha, to us se milne gaya he.
Arshu: aap kyu jane deti ho unko bahar?
Suman: kitni baar roka lekin wo mane tab na?
Arshu: to kaan pakad kar bitha dena tha ghar me hi...
Suman: wahh, kya ladki he, use agar dant te he to hum par hi gussa hoti ho, or ab dekho....
Arshu: pata nahi awara gardi karne kaha chale jate he.
Aaj Arshu ka para satve asman par chala gaya tha.
Tabhi Aarav apne per par khuladi marne ghar ajata he, wo bechara Akar Arshu ko dekhta he lekin use kya pata tha ke aaj uski shamat ane wali he. Suman chup si Aarav ki barat nikalte dekh rahi thi.
Arshu: kyu ghar aye ho aap? Bahar hi ghum lona.. ghar me to koi he hi nahi na jo bahar apna time spend karte ho....
Suman kitchen me apni hasi dabaye Aarav ko dekh rahi thi, Aarav ki nazar Suman par jati he to uske bhi chehre par hasi ajati he, lekin ye dekh Arshu bokhla jati he.
Arshu: sharm nahi ati me yaha kuch bol rahi hu, or aap has rahe ho? Aise hi awara gardi karni he to mujhse baat mat kiya karo aap samjhe?
Or wo gusse se upar jane lagti he. Aarav darwaze se aagey ajata he.
Aarav: Mummy aapki wajah se me apni hasi rok nahi paya
Suman: me kya karu beta? Me khud apni hasi dabaye hui thi, bahot ghumne ka shok he na tumhe? Ab dekho mana lo use.
Aarav: me abhi jata hu...
Suman: are abhi mat jao, 5 minute ruko...
Aarav: are Mummy wo pagal ladki he mujhe dekhne do.
Suman: beta ye dekho me Basundi bana rahi hu, wo lekar hi jao, shayad tumhara kaam ban jaye.
Aarav: accha aap jaldi kijiye...
Fir Suman jaldi jaldi Basundi bana ne lag jati he.
Arshu apne Room me akar beth gayi, jab Aarav uske piche nahi aya to usko bahot gussa ajata he.
Arshu(man me): dekha, meri baato ka koi asar hi nahi he? Me ab sach me baat nahi karungi....
Or wo gusse me per patakte hue bed par let jati he. Usne jaan bujh kar door lock bhi nahi kiya. Wo baar baar dekh rahi thi ke Aarav kab ayega. Kareeb 5-6 minutes baad dara hua Aarav apne haath me Basundi liye upar agaya.
Aarav(man me): ab ye ladki meri baat bhi sunegi ya nahi? Kahi kuch sar me maar waar na de... Chal Aarav aaj teri to kher nahi he...
Or wo darte hue Arshu ke Room ke bahar ajata he.
Aarav: Arshu..... Me andar ajau?
Uski awaaz sunkar Arshu ka gussa thoda kam to ho gaya lekin Aarav ne kafi der kardi thi waha ane me.
Aarav: Sweetheart tum andar hona? Darwaza to kholo..
Arshu gusse me uth jati he or zor se darwaza khol deti he. Or firse bed par ajati he. Lekin jis tarah se Arshu ne darwaza open kiya us se Aarav kafi dar gaya tha.
Aarav(man me): iske tevar dekh kar to lag raha he ye aaj mujhe kaccha chaba jayegi.
Fir bhi wo kisi tarah se andar ajata he. Or Basundi ki katori table par rakh kar Arshu ke samne niche zameen par ghutno par apne kaan pakad kar beth jata he.
Aarav: i am really sorry sweetheart, sachme me bahot bura hu, tumhari baat hi nahi manta na me. Lekin Tum jo saza dogi mujhe manzur he.
Aarav bade hi pyaar se Arshu se kehta he, Aarav ko is tarah se dekh kar Arshu ka gussa to ud gaya lekin wo us se nazre fer leti he.
Aarav: Arshu Ahhhhh.....
Wo apne kaan chhodd kar Arshu ke haath pakadne ke liye aage badhata he ke tabhi wo apne muh se ek karah si nikalta he jese uske haath me dard hone laga he. Ab kya tha, Arshu chahe kitna bhi gusse me kyu na ho Aarav ko dard me dekh kar usne sab kuch bhul jana tha.
Arshu: dard ho raha he na? Is liye kehti hu na ghar par Aram karo, lekin baat hi nahi mante meri....
Wo Aarav ka haath apne haatho me le kar kehti he, Aarav use dekh kar muskura deta he,
Aarav: yaar Arshu agar mujhpar gussa nahi reh pati ho tum, to fir kyu gussa karti ho bewajah?
Wo Arshu ko apni baho me bharte hue kehta he.
Arshu: aap kyu chale jate ho bahar? Aapko pata hona chahiye ke mujhe aapke bina accha nahi lagta.
Wo bhi Aarav ko jakad kar apne dil ki baat us se kehti he, Arshu bhi us se khuch had tak khulne lagi thi.
Aarav: sorry sweetheart, me jab gaya tab tum so rahi thi, or mujhe laga tum jabtak so rahi hi me Virat bhaiya se milkar ajaunga....
Arshu: ab kahi jaoge to pehle mujhe bataoge, aise nind se uthkar dekha aap nahi he to mujhe dar lagne laga tha.
Uski ye baat sunkar Aarav ko yakeen ho gaya ke jitna pyaar wo Arshu se karta he us se laakh guna zyada pyaar Arshu us se karti he. Aarav uske sar pe pyaar se apna haath ferta he.
Aarav: chalo ab Mummy ne Basundi banayi he wo lane ke liye hi ruka tha me niche.
Wo Arshu ke maathe ko chumte hue kehta he. Arshu ke chehre par wo hasi wapais agayi jise koi bhi insaan bhula na sake. Dono Basundi kha kar wahi baate karte he. Suman unko dekhne upar ajati he.
Suman: kya baat he abhi to niche itna gussa kar rahi thi or ab uske haatho se Basundi kha rahi ho?
Aarav: kya Mummy aap bhi? Aapko to pata he na ye kitni badi notanki he?
Suman: ha wo to sahi kaha tumne...
Fir kuch der baad salog milkar dinner karte he. Jab Dinner ke baad sab living room me bethe hue the tab Sandeep ko Aarav se kuch baat karni hoti he.
Sandeep: Arshu, beta jao tum so jao....
Arshu: chaliye....
Wo Aarav ki taraf dekh kar bolti he,
Sandeep: beta tum jao mujhe Aarav se kuch baat karni he.
Arshu: me bhi rukungi...
Wo thoda sehmi si lehti he
Suman: Arshu......
Wo Arshu ko upar jane ka ishara karti he. Arshu bhi upar chali ati he use bhi dar lag raha tha kyu ke uske parents ab Aarav se sawal karne wale the. Aarav bhi shayad is situation ke liye tayar tha. Sandeep uthkar Aarav ke saath akar uske kandhe par haath rakh kar beth jata he, Suman bhi uske ek taraf beth jati he.
Sandeep: dekho Aarav....
Aarav: mujhe pata he papa aap kya puchna chahte ho.
Wo Sandeep ke kehne se pehle hi bol deta he.
Aarav: darasal me ek ladki se pyaar karne laga tha, lekin jab mujhe pata chala ke.. wo kisi or ko chahti he to me khudko sambhal nahi paya, or aap sabko, is sheher ko chhod kar jane ka faisla kar liya. Lekin waha ja kar me or zyada akela pad gaya tha. Or me...mene kafi drink kar rakhi thi jis wajah se me apne sochne samajhne ki takat kho betha or...... Lekin ab me samajh chuka hu ke meri zindagi me mujhse pyaar karne wale bahot log he, or me kisi ek ki wajah se sabko dukh kese du.. I am really sorry..
Aarav ki aise baato se dono ki aakhe bhar ayi thi.
Suman: Aarav please humesh ek baat yaad rakhna agar tum dono ko zara si kharoch bhi ajati he to wo humare dil ko challi kar deti he. Or tumne aisa kadam utha liya, agar tumhe kuch ho jata to.....
Or Suman apne aap ko rok na payi or rone lagi, Aarav usko gale laga kar chup karata he.
Aarav: Mummy mene kaha na me ab samajh chuka hu. Please ab aap bhi mujhe maaf kar de...
Aarav ne situation ko kafi acchese handle kiya tha, jis se Sandeep or Suman ko bhi samajh agaya. Fir kuch der Sandeep bhi use samjhane lagta he.
Upar Arshu Aarav ke room me bas yaha se chakkar laga rahi thi, use dar lag raha tha kahi kuch gadbad na ho jaye. Tabhi Aarav Room me ajata he, Arshu use dekh jaldi se uske paas akar uske haath pakad leti he.
Arshu: kya hua? Kya keh rahe the Mummy Papa?
Aarav: relax Arshu mene sab sambhal liya.
Or wo Arshu sabkuch bata deta he.
Arshu: thank God....
Fir dono bed par let jate he, dono bagal bagal me let kar ek dusre ki akho me dekh rahe the, lekin ab unka chehra ek dusre ke nazdeek ane lagta he, Arshu ko pata nahi kya ho gaya, wo uth kar Aarav ke upar let gayi, or Aarav ke mathe se apna matha or uski naak se apni naak jod kar uske aakho me dekhne lagi. Uske dono haath is waqt Aarav ke sine par the.
Arshu: kitna pyaar karte ho mujhse?
Wo bahot hi dhimi awaaz me us se puchti he.
Aarav: mene kaha na Arshu, me tumse bite kal se zyada or ane wale kal se kam hi pyaar karta hu.
Arshu: agar sab humare against honge tab bhi aap mere saath rahoge?
Aarav: Arshu ye puri duniya kyu na humare against ho jaye, hum apni khudki duniya me rahenge, sirf hum dono, or koi bhi nahi.
Ab dono ki aakho me Aasu ajate he.
Arshu: waha par mujhe akela chhod kar kahi nahi jaoge na?
Aarav: me chahkar bhi is bahari duniya me reh nahi paunga Arshu.....
Wo Arshu ke asu saaf karte hue kehta he. Uske jawab se Arshu ke chehre par smile ajati he. Wo dhire dhire apne hont uske honto ke nazdeek lati he, or apni aakhe band kar leti he. Aarav ki akhe bhi band ho chuki thi, dono ki saase tez ho gayi thi, or akhir kaar Arshu apne hont Aarav ke honto se laga deti he. Jese hi dono ke hont ek dusre se milte he tez bijliya kadakne lagti he, Aasman se barish ki bunde girna shuru ho jati he. Aarav ke haath is waqt Arshu ki kamar par the, Arshu ne apne komal se haatho me Aarav ka chehra thama tha. Jab inki ye pyaar bhari kiss chal rahi thi to dono ki saase ukhadne lagti he, Arshu kiss todkar apni saase thik kar rahi thi, Aarav bhi apni saase durust karta he, Arshu apna sar Aarav ke sine par rakh deti he or apni aakhe band kar leti he, Aarav bahot hi pyaar se uske balo me haath ferne lagta he. Arshu turant hi sukoon bhari nind me chali jati he, jabtak Aarav ko nahi lagta ke Arshu so gayi he wo uske Baalo me waise hi ungliya ferta raha or kafi der baad wo bhi Arshu ko apni baho me sama kar so jata he.
Or is tarah in dono ka ye pyaar bhara din bhi nikala jata he, jaha Arshu ktini bhi koshish karle Aarav se naraz hone ki lekin wo chahkar bhi us se zyada der tak Naraz na reh saki. Dono bas apni duniya me hi kho se gaye the. Lekin aagey inki zindai me kya hoga? Jo bhi hoga agle Update me pata chal jayega tabtak ke liye Stay Tuned ❤❤
Behtreen update hai mitr.Update 29
Mega Update
Subah ke 4 baje hue the, ek ladki hospital se apni duty khatam kar ke apni car se ghar laut rahi thi raste me baki gadiya na hone se uski speed thodi tez thi tabhi uske samne ek ladka ekdum se ajata he, or wo car se takkar kha kar niche gir jata he. Wo ladki car se niche utar kar dekhti he to ladke ko koi chot nahi lagi thi lekin wo behos ho gaya tha, to us ladki ne jaldi se use car me bethaya or hospital rawana ho gayi.
Darasal wo ladka or koi nahi balki Aarav tha, Aarav puri raat sharab pi raha tha, uski tabyat bhi thik nahi thi or usme itni sharab pine se usko kuch samajh nahi raha tha. Wo apne ghar se bahar nikal jata he uske kadam ladkhada rahe the. Wo ek andhere raste par se chal raha tha ke tabhi piche se ek gadi se uski takkar ho jati he.
______________________________________________
Dusri taraf Arshu Aarav ke room me hi soyi thi, wo uthkar jaldi jaldi se fresh ho jati he, or niche ajati he. Niche Suman thi.
Arshu: mummy papa kaha he?
Sandeep: beta wo ready ho rahe he, tum betho me jaldi se kuch bana deti hu.
Arshu: mujhe kuch nahi khana......
Wo gusse se kehti he.
Suman: dekho agar tum kuch nahi khaogi to tumhare papa bhi kuch nahi khayenge, unhone kal raat bhi naa ke barabar khaya tha.
Arshu: I am sorry mummy wo me........
Suman: beta hume bhi to Aarav ki fikar hena, lekin aise jald bazi se kya hoga. Or tumhare papa ne kaha na ke wo Aarav se tumhe milwayenge to unpar bharosa nahi he tumhe?
Arshu: i am really sorry mummy...
Wo sar jhuka kar bolti he, Suman uske sar pe haath ferte hue usko betha deti he. Sandeep bhi bahar ajata he, wo log thoda bahot kha kar airport ke liye nikal jate he. Unki flight subah 7 baje ki thi, jese jese waqt bit raha tha Arshu ki dhadkane badh rahi thi. Wo log Flight me beth jate he or kareeb 9:30 ko wo Bangalore pahoch jate he, Waha se wo log Aarav ne jo jagah batayi thi jaha wo reh raha he wahi chale jate he.
Jo jagah Aarav ne unhe batayi thi wo ek bada sa ghar tha, or waha ek guard bhi tha. Aarav ne us guard se kaha tha ke agar koi bhi waha aye to unhe sirf yahi kehna he ki me zaruri kaam se bahar hu.
Wo log us guard ke paas chale jate he.
Guard: ji kahiye aap kon?
Sandeep: me Aarav ka pita hu, us se milne aye he hum.
Guard: sahab to kuch kaam se bahar gaye he.
Suman: wo kaha gaya he kuch bataya?
Guard: nahi ji wo to nahi bataya.
Ye sun kar sab udas ho jate he. Wo ghar se thoda alag ajate he.
Arshu: papa ab kya?
Sandeep: don't worry Arshu hum abhi company me ja kar pata karte he or wahi se Aarav ke paas chale jayenge.
Arshu: okay.
Fir wo log us company me chale jate he, company ke andar dekhte he to nazara bada hi shandar tha... Aarav ne kuch hi time me yaha nahi hokar bhi is project ko bahot badhiya tarike se sambhala tha. Samne ek reception area tha.
Sandeep: excuse me!
Receptionist: yes sir how can i help you?
Sandeep: myself Sandeep Parikh Aarav Parikh's father.
Receptionist: sir aap yaha..
Sandeep: ha mujhe manager se milna he.
Receptionist: sir aap please yaha beth jayiye, me abhi unhe call kar ke bula leti hu.
Sandeep: okay thanks.
Receptionist peun ko kehkar sabko ek cabin me bitha deti he.
Tabhi waha manager ajata he.
Manager: good morning sir..
Sandeep: Good morning, darasal Aarav ka phone band he or usne kaha tha ke wo Gujarat me gaya he meeting ke liye.
Manager: ji, sir ek bahot bade client se meeting karne ke liye gaye he.
Sandeep: accha! Wo exactly kaha par he Gujarat me?
Manager: sir wo to me nahi janta darasal meeting ki jagah to koi or fix hui thi lekin fir chage ho gayi or unhone personally Sir ko call kar ke bataya tha.
Ispar sabka muh utar jata he, Arshu ki aakhe num ho jati he, or in sabka haal Manager bhi dekh leta he. Arshu or uske parents bebas se waha se nikal hi rahe the ki Manager unhe rokta he.
Manager: sir ek minute.
Sandeep: ha kahiye..
Manager: wo.....darasal Sir kabhi yaha aye hi nahi, or aaj unki koi meeting nahi he. Unhone to mujhse kaha tha ke me bas yahi kahu agar aap log aye to.
Ye sunkar tino ko ek jhatka lagta he.
Suman: to Aarav kaha he?
Manager: wo mujhe nahi pata, wo to sirf video conference par hi baat karte he. Or ye sab bhi unhone mujhe video conference par hi bataya, lekin aapko dekh kar mujhe aisa laga ke aap log pareshan ho, isliye mene sab sach bata diya.
Arshu ko to chakkar ane lage the ki Aarav Bangalore aya hu nahi. Sandeep use pakad kar betha deta he, or use pani pila deta he.
Arshu: papa Ye kya keh rahe he? aapne kaha tha mujhe unse milwaoge.....
Sandeep: Arshu please tum chup karo me hu na. Koi na koi rasta zarur milega...
______________________________________________
Dopehar ke waqt Raaj Rashid ko call karta he.
Rashid: hello uncle.
Raaj: ha Rashid, tum abhi mere ghar par ajana. Or Sonal ko bhi saath lete aao.
Sonal ko saath lane ki baat par Rashid thoda uncomfortable feel karta he
Rashid: ha thik he me ajata hu, lekin koi pareshani to...
Raaj: are nahi nahi... Bas aise hi aage Us Rahul ka kya karna he wahi batana tha or Sonal ko bhi mene bata diya he.
Rashid: okay me ajata hu.
Or wo call cut kar deta he or use Sonal ka call ajata he.
Rashid: ha Sonal kaho
Sonal: Raaj uncle ka call aya tha tumhe?
Rashid: ha abhi baat hui he unse.
Sonal: thik he.
Rashid: me tumhare ghar ke paas hi hu abhi, tum ajao.
Sonal: accha thik he, me abhi ayi.
Fir wo Sonal ko pick kar ke chala jata he, lekin koi or bhi tha jo inpar nazar rakhe hue tha. Or wo kisi ko call kar deta he.
Ladka: bhai ye Sonal pakka aap ke saath koi game kar rahi he.
Rahul: kyu kya hua?
Ladka: wo abhi us Rashid ke saath kahi par gayi he.
Rahul: kya? Mene use kaha tha mujhse dhoka karne ka anjaam bahot bura hoga... tu Uska picha kar.
Ladka: thik he bhai.
Or wo call cut kar deta he.
Rahul(man me): tumne bahot badi galati kardi Sonal. Ab to na tum bachogi na wo Rashid. Pehle to ye Rashid ka kuch karna hoga.
Rashid or Sonal Raaj ke ghar pahoch gaye, khana khate waqt unki baate chal rahi thi.
Raaj: waise Rashid tumne Rahul ki photo le kar bahot accha kaam kiya he.
Rashid: actually jab mene dekha ke wo Sonal se baat kar raha he to mujhe laga uski photo ek accha saboot ho sakti he.
Raaj: ha ab bas dekho me kya karta hu uski halat.
Sonal: agar use kahi humse pehle pata chal gaya to?
Raaj: don't worry tum bas 1 din usko koi shak mat ane do, baki me kar lunga.
Fir kuch der baad dono ghar nikal jate he, Rashid Sonal ko uske ghar drop kar ke apne raste chal deta he.
Ladka: hello bhai, abhi Rashid ne Sonal ko uske ghar drop kiya he.
Rahul: accha! Lekin wo dono kaha gaye the.
Ladka: pata nahi bhai wo to kisi ke ghar gaye the.
Rahul: chal thik he, us Rashid ko uski aukat dikha ni he, me abhi aa raha hu.
Ladka: thik he bhai jaldi ayiye.
Or wo call cut kar deta he. Rahul jaldi se car me kuch logo ko lekar nikalta he.
Rashid aadhe raste me tha, wo us raste se jaa raha tha jo kafi sunsan sa tha. Wo apni dhun me bike chala raha hota he ke tabhi samne se ek car aarahi thi jo uske samne hi ruk jati he. Rashid jaldi se break lagata he.
Rashid: oye.... Ye konsa tarika he drive karne ka
Rahul: pata chal jayega beta...
Wo car se bahar utarte hue bolta he. Usko dekh kar Rashid heran sa reh jata he.
Rashid: kamine tu yaha?
Wo gusse me kehta he.
Rahul: ohhh to tu mujh kamine ko janta he? Sonal ne bataya hoga.
Rashid: abey sun.....
Wo aage kuch bolta uske pehle piche se kisi ne Rashid ke pith me danda maar diya jis se wo bike se niche gir gaya. Rahul aage akar niche beth te hue uske baal pakadta he.
Rahul: sale galati kardi tune us Aarav ka dost bankar, ab pachtayega tu. Or wo bhai behen bhi.
Rashid: tujh jese namard sirf piche se hi humla kar sakte he. Or mere zinda rehte undono ko koi chu bhi nahi payega.
Wo haste hue kehta he jis se Rahul ko gussa ajata he. Or wo Rashid ke chehre par mukka marta he. Rashid ko pith me danda lagne se kafi takleef ho rahi thi wo uth nahi paya.
Rahul: sale yaha teri jaan mere haath me he or tu to badi badi baate kar raha he?
Rahul khada hota he or apni gun nikal kar uspar point karta he, ke tabhi ek taraf se koi admi chupa hua tha wo apni gun uspar point kar ke bahar nikalta he.
Inspector: hands up.... Warna sabko bhun dunga.
Sablog uski awaz sunkar usi taraf dekhte he ke tabhi Rahul ke nazdeek ek or police waha chupa tha wo waha se nikalkar badi furti se Rahul ko jakad kar uski gun le leta he.
Police 2: sale hil mat sari goliya tujhme hi utaar dunga.
Or fir 10-12 police wale samne ajate he, sabke haath me guns thi. Rahul or uske admi to bhawchakke reh gaye the. Tabhi waha ek car me Raaj ajata he.
Raaj: sale tu abhi itna bada nahi hua jo apni man mani kar sake, duniya dekh chuka hu me. mujhe pata he tere jese chichundar kab kya harkat kar sakte he.
(Darasal Raaj janta tha ke Rahul ne zarur Sonal par watch rakha hua hoga, to usne janbujh kar Rashid or Sonal ko saath bulaya, or control room me Rahul ka phone tape par de diya, jab Rashid par humla karne ka plan banaya to sabko pata chal gaya tha. Usne police ko pehle se hi is pure raste par chupkar rehne ko kaha tha or video recording karne ko bhi.)
Rashid kisi tarah khada ho jata he.
Raaj: dalo sabko andar, bada gunde ban ne nikle the.
Fir police sabko andar daal deti he.
Rashid: thank you uncle.
Raaj: are Rashid ye kya keh rahe ho, infact i am sorry mene ye sab jante hue bhi tumhe khatre me dala.
Rashid: uncle Arshu or Aarav ke liye to me kuch bhi kar sakta hu.
Rashid ne bade fakr se kaha, jis se Raaj ko bhi uspar naaz hota he.
Raaj: bas aise hi dosto ki zarurat hoti he life me, chalo tum me tumhe ghar chhod deta hu, tumhari bike ko kisi se kehkar ghar le jane kehta hu.
Rashid bhi maan jata he kyu ke uski pith me kafi dard ho raha tha. Fir Wo raaj ke saath car me beth jata he, or ek police wala uski bike drive kar raha tha. Fir Raaj use ghar chhod deta he. Or Rahul or uske admiyo ko jail me daal deta he.
______________________________________________
Aarav ki aakhe dhire dhire khul jati he, uska sar bahot bhari ho chuka tha, wo apne aap ko hospital me pata he, use kuch yaad nahi tha. Wo yaha waha dekhta he ke tabhi piche ke door se wo ladki andar ajati he jo use yaha le kar ayi thi. Wo ek doctor thi.
Ladki: are tum hosh me agaye?
Aarav uski awaaz sunkar uski taraf dekhta he, lekin jese hi wo us ladki ka chehra dekhta he, usko apni akho par yakeen hi nahi hota.
Aarav: Sh.....Shreya didi?
Ladki: what? Mera naam to Vidhisha he.
Darasal wo ladki dikhne me bilkul Shreya ki tarah thi, jise dekh kar Aarav shock ho gaya tha. Lekin usko thik se dekh kar or uski awaaz sunkar wo apne aap ko sambhalta he.
Aarav: i.....i am sorry
Vidhisha: waise lagte to tum acche ghar se ho, or itni sharab pikar ghum rahe the?
Aarav: wo....wo me bas..... Mujhe ghar jana he.
Vidhisha: thik he chale jana, pehle ye saline khatam hone do. Or aisa kya stress le liya, kuch khate bhi ho ya nahi?
Aarav kuch nahi kehta,
Vidhisha: waise akele rehte ho yaha?
Aarav: ha...
Vidhisha: parents ke saath kyu nahi rehte?
Aarav: me kaam se reh raha hu yaha.
Vidhisha: okay.... Thodi der me discharge milne ke baad me tumhe tumhare ghar chhod dungi.
Aarav: nahi me khud chala jaunga..
Vidhisha: accha! Waise tumne to ye bhi nai pucha ke tum yaha kese pahoche
Darasal Aarav vidhisha ki dekh kar ye puchna hi bhul gaya.
Aarav: ha...ha me yaha kese?
Vidhisha: are tum subah ke 4 baje itna pikar raste par chal rahe the, or akar meri car se hi takraye. Waise itni subah Subah kon sharab pita he?
Aarav kuch nahi kehta bas apna sar jhuka leta he.
Vidhisha: koi baat nahi mat batao, lekin apna naam to bata do...
Aarav: mera naam Aarav Parikh.
Vidhisha: hmm, nice name... Lekin tum Mumbai ke lagte nahi ho
Aarav: nahi me Delhi me rehta tha.
Vidhisha: rehte the matlab, ab yahi rahoge?
Aarav: aap please mera discharge karvaye mujhe ghar jana he.
Fir kuch der baad vidhisha usko discharge karva deti he, kafi zid ke baad Aarav uske saath jane ke liye ready hota he. Wo Aarav ko ghar drop kar deti he. Aarav ghar ki halat dekhta he to sab jagah sharab ki bottle, pura ghar bikhra hua tha. Wo sab kuch thik kar deta he. Or fir bed par let jata he.
Aarav(man me): kya me ek baar ghar pe ja kar ajau? Mujhe bhi yaha nahi raha jaa rah he, nahi.... Agar me gaya to wo log mujhe firse yaha ane hi nahi denge. Lekin kabtak.... Jese hi unko pata chalega ki me Bangalore me hu hi nahi to wo log mujhe kese bhi karke dhund lenge. Kya karu?
Dawai ki wajah se kuch hi der me uski aakh lag jati he.
______________________________________________
Dusri taraf Arshu or Uske parents Aarav ka pata lagane ki har wo mumkin koshish karte he, lekin unko kuch samajh hi nahi arah tha.
Arshu: kaha chale gaye wo? Mujhe unse milna he.
Wo rote hue kehti he.
Sandeep: beta ro mat, me kuch karta hu....
Suman: kya karoge? Yaha mera beta humse jhut bolkar itne dino se kaha he kuch pata nahi,
Or Suman bhi rone lagti he. Sandeep kisi tarah dono ko shant karta he.
Sandeep: ek rasta he Aarav ko dhund ne ka.
Arshu/Suman: kya?
Sandeep: Raaj. Use hi ye sab batana hoga. Wo Aarav ko zarur dhund lega.
Arshu: to aap jaldi se unhe bataye na.
Sandeep: nahi Arshu ye bate phone par nahi balki samne hi karni chahiye, chalo hum jaldi se Delhi ja kar use sabkuch bata dete he.
Suman: ha aap sahi keh rahe ho, waise bhi Aarav to yaha aya hi nahi, to yaha par kya fayda.
Fir wo log Delhi jane ke liye rawana ho jate he, unko ghar ane ke liye 8 baj gaye the. Sandeep sabse pehle Raaj ko call kar deta he.
Raaj: Ha Sandeep kaho.
Sandeep: Raaj kya tum please ghar par aa sakte ho?
Raaj: kya hua Sandeep tumhari awaaz se lag raha he tum kuch pareshan se ho?
Sandeep: bahot zyada pareshan hu Raaj
Or itne waqt se jo Sandeep ne apne aapko sambhal rakha tha , wo bhi rone lagta he. Use aisa dekh Suman or Arshu usko chup karane lagte he.
Raaj: Sandeep me bas abhi araha hu tum chinta mat karo
Or wo call cut kar deta he, or Sandeep ke ghar jane ke liye nikalta he.
______________________________________________
Wahi Rashid apne ghar me aram kar raha hota he ke tabhi waha Sonal ajati he.
Rashid: Sonal tum yaha? Ajao.
Sonal: tum thik to hona?
Rashid: ha me to ab bilkul thik hu.
Sonal: waise tumhari Arshu se koi baat hui ya nahi?
Rashid: are yaar nahi.... Me to aaj use call karna chahta tha lekin bhul gaya. Koi baat nahi abhi karta hu.
Or wo Arshu ko call karta he lekin Arshu ka phone silent par hone se use pata nahi chalta.
Rashid: call nahi pick kar rahi he wo, kal college me mil lunga
Sonal: tum pagal ho kya? Aisi halat me kyu college ana he tumhe? Uncle Aunty aap samjhaye ise.
Sonal bhadakte hue kehti he jise dekh kar Rashid bhi heran tha.
R. Mummy: ha beta tum kahi nahi jaoge.
Fir Uski Mummy Sonal ko bhi khane ke liye rok leti he, khana hone ke baad Sonal apne ghar nikal jati he. Uske jane ke baad Rashid ke parents wahi bethe hue the.
R. Mummy: waise Rashid ye ladki mujhe bahu ke roop me pasand aagayi he, kyu aap kya kehte ho?
R. Papa: ha bilkul, mujhe bhi bahot acchi ladki lag rahi he wo.
Rashid: yaar aap log bhi kya bate karne lage. Me ja raha hu sone.
Or wo waha se fatak se nikal jata he. Uske Parents uspar has rahe the.
Dusri taraf Jab Harshad ko pata chal jata he ke Rahul ko arrest kiya he to uska para satve asmaan par chala jata he.
Harshad: bola tha mene use ke mujhse puche bina kuch mat karna. Gaand maarva di meri.
Aadmi: Boss sabse bada problem he ke is case ko wo commissioner Raaj handle kar raha he.
Harshad: bhenchod pata nahi kya karega wo haram zada. Mujhe sari details bata kya kiya Rahul ne shuru se.
Fir wo aadmi usko sabkuch bata deta he.
Rahul: kya chutiyo jese pesh aya he mera beta.... Sun, ab is kaand me jo bhi tha sabki aukat unko dikha, fir chahe Wo ladki, uska bhai Rashid ya wo Sonal sabko unki aukat dikhani he.
Aadmi: thik he Boss
______________________________________________
Dusri taraf Raaj Aarav ke ghar agaya tha.
Raaj: Kya hua Sandeep kya baat he?
Fir Sandeep use sabkuch bata deta he.
Raaj: kya? Aarav itna mature ho kar bhi aisa kyu kar raha he?
Arshu: uncle please aap unko dhundiye, me aapka ehsan kabhi nahi bhulungi...
Arshu uske samne haath jod kar kehti he.
Raaj: Arshu ye kya kar rahi ho tum, me promise karta hu ke 2 din ke andar Aarav tumhare samne hoga
Arshu: aap sach keh rahe ho na?
Raaj: ha beta, tumhara promise todna matlab khudka dil todne jesa he. Tum chinta mat karo me Aarav ko dhund lunga.
Wo Arshu ke sar pe haath ferte hue kehta he.
Arshu: Thank You So Much uncle
Wo Raaj ko hug karte hue kehti he.
Raaj: chalo me nikalta hu, Ja kar control room me inform kar deta hu.
Or Raaj waha se nikal jata he. Jate waqt Raaj soch raha tha ke Rahul wali baat wo ghar pe bata de lekin aisi situation me usne kuch bhi batana thik nahi samjha.
Ghar pe tino jese tese khana kha lete he, Arshu apne room me ajati he, wo apna phone dekhti he to uspar Rashid or Taniya ke missed call the, wo Rashid ko call kar deti he, or fir Rashid ko sabkuch bata deti he. Rashid ko to ye sab sunkar yakeen hi nahi ho raha tha. Rashid kafi der Arshu ko tasalli deta he, fir wo Taniya se kuch der baat karti he or ja kar Aarav ke room me let jati he, pure din thaki hone se uski aakh jald hi lag gayi.
Sablog apne ane wale kal se bilkul bekhabar the. Koi nahi janta tha ke aagey sabko or kitni mushkilo ka samna karna he.
Aaj ke Update me bas itna he, kehte he har andheri raat ke baad ek ujale bhara din hota he, lekin ye andheri raat kitni lambi thi? Kya ab inke life se ye andheri raat chali jane wali thi ya in dono ko apna khubsurt sawera dekhne ke liye kuch or pal is darawni andheri raat me guzarne the? Or sabse badi baat Aarav kabtak apne aap ko sambhal payega, kyu ke uski halat din ba din kharab hote ja rahi thi. Jo bhi hoga Aagey pata chal hi jayega tabtak ke liye Stay Tuned ❤❤
Soonwaiting for the next update....
Another Sensational Update ❤
Very passionate Writing bro. Keep Posting, waiting for next Update ?
Nice update
Thank you so muchBehtreen update hai mitr.
ThanksEk number update bhai
Waitting for next update
