Romance Ittefaaq

[kartik]

Ittefaq ho to aisa Aarav ko job bhi isee gaon me mil gaee.. par charvi ke papa manege job pe rakhne ke liye..?
Waiting Next..sir

 

[mashish]

Introduction​

Ittefaaq, Coincidence.

Hum apni Zindagi me kai baar ye shabdo ka istemal karte jab koi Esi situation hummari zindagi me aati hai.

Basically hum Ittefaaq ya Coincidence kehte kise hai?
Jab koi 2 Ghatnaye ese ho ke jese aisa lage ke dono hi Ghatnaye ekdusre se judi hui hai, Connected hai. Ye ek simple si vyakhya hai. Jo ki is shabd ka arth samajne ke liye kaafi hai. Agar iske baare me gaherai se baat kare to fir kaafi kuch likha ja sakta hai.

Kuch logo ka birthday jis din aata he usi din ko unke kisi apne ka bhi birthday hota hai to tab use bhi hum ek Ittefaaq, Coincidence kehte hai. Ye ekdam simple sa udaharan hai Ittefaaq ka, Coincidence ka.

Kai baar esa hota hai ke kisi kareebi ko hum kaafi time se nahi mile hote aur hum unhe yaad kar rahe hote hai. Par tabhi achanak wo khud hi humse milne aa jate he. To use bhi hum Ittefaaq ya Coincidence bolte hai.

Ab Ittefaaq achhe bhi ho sakte he ya bure bhi ho sakte hai.

Ab jese manlo, aapne ek din apne gf ya bf ke sath milkar school ya college bunk kiya aur kisi park me ghumne chale gye. Par wahi Park me Aapke school ya college ka koi khadush professor bhi wha ghumne aaya hota hai aur wo aapko apne bf ya gf ke sath dekh leta hai. Beshaq ye experience thirll deta hai par ye ek bura Ittefaaq hai ke usi din wo Professor bhi usi din chhutti leke usi Park me aaya, jaha aap apne bf ya gf ke sath bunk marke ghumne aaye ho.

Ab har bar esa nahi hota ke Ittefaaq achha hai ya bura wo usi time pata chale. Kai baar uske baare me pata chalne me samay bhi lag sakta hai. Ab wo samay ek din ka ho sakta hai, ek mahine ka ho sakta hai ya fir kuch saalo ka bhi ho sakta hai. Possibilities are Infinite.

Yeh Story Ese hi Ittefaaq pe based hai. Ab wo Ittefaaq ka impact achha hone wala hai ya bura wo to Story me hi pata chalega.

Sabse Pahele Mein aapko is Story ke One of the Main Character ke baare me kuch batana chahunga, Jo ki hai Aarav.

Aarav Ek 22 saal ka Smart Intelligent Ladka he. Aarav ek esa ladka hai jo ki sabki help karne me believe karta he. Aarav ka nature bhi friendly tha. Wo sab se friendly behave karta tha.

Abhi kuch hi Months pahele Apni Engineering khatam ki he. Aarav ki Branch Mechanical thi.

Aarav Padhai me to Achha tha hi par Sports me bhi achha tha. Apni School ki Basketball Aur Cricket Team ka star Player tha. College me aake bhi Sports se lagav nahi chhuta. College ki Basketball team ka bhi Aarav star player raha.

Engineering khatam karne ke bad use College Campus Placement me se hi ek job mill gai par wo use kuch pasand nahi aai to kuch hi dino me wo job Aarav ne chhod di. Fir usne dusri ek job join ki. Wha bhi uska man nahi laga aur usne wo job bhi chhod di.

Vese esa nahi tha ke Aarav apne baap ke paise khata tha. Wo khud kamata tha. Ab aap sab soch rahe hoge ke jab job chhod di to kese kamata he paise? Kahi kuch galat kaam to nahi karta?

Par nahi, Esa nahi hai. Aarav kabhi galat kam karne ki sochta bhi nahi hai.
Dar asal Aarav ko shokh he Travelling ka aur Photography ka. Nayi nayi jagah pe ghumna aur wha ke nature ko najdik se niharna, uske photos clicks karna Aryan ko kaafi pasand tha. Wo aksar jahan bhi uska man kare whan ghumne nikal jaya karta. Aur uske Videos banake wo Youtube pe upload karta. Basically Vlogs banata tha Aarav. Wo Vlogs kaafi achhe banata tha to kaafi sare log useke Vlogs dekhte the. Aur isi se Aarav achha khasa kama liya karta tha.

Story me Aarav ki family ka role hoga, Baki aur bhi characters hoge par unke baare me tab bataya jayega jab unki Story me entry hogi.

good start

 

[mashish]

Update 1​

Sham ka time tha. Shahar ke ek raste pe ek bike par do ladke jaa rahe the. Sham ka time tha to Raste pe kaafi chahal pahal thi. Traffic bhi tha. Dono ladke ek dusre se baate karte hue jaa rahe the.

Kuch der bad wo dono ek Circle pe pahonch gye. Yaha se Sidha Rasta Highway ke taraf jata tha. Left Side wala Shahar ke hi Dusre hisso ke taraf jata tha. Jab ki Right side wala Rasta Shahar ke Baaki hisso se hoke Industrial Area, National Highway aur Dusre kuch Gaav ke taraf jata tha. Bike chalane wale ladke ne Bike ko Left Side pe mod liya.

Abhi usne left side moda hi tha to dekha ke Ek Chhota Doggy Rasta cross kar raha tha. Jo ladka Bike chala raha tha usne Wo chhote Doggy ko dekha aur use bachane ke chakkar me apni bike ko side pe karne laga par Bike ki speed thodi jyada tha aur turning bhi tha to wo ladka bike pe control nahi rakh paya aur bike sleep ho gai.

Dono ladke bike se thode dur gir gaye. Dono ko chot bhi lagi thi. Kuch log aakar un ladko ki help karne lage. Logo ne sahara dekar un dono ladko ko khada kiya. Unki bike jo giri hui thi use Road ke ek side lagai. Sab ne dekha to un dono ladko ke sharir pe ghaav aur unme se khoon bhi nikal raha tha.

Bheed me se Ek aadmi ye dekh ke bola, "Arey, tum dono ko to kaafi khoon nikal raha hai. Tum dono ko Jaldi se koi clinic jana chahiye."

Tabhi bheed me se ek dusra aadmi bola, " Jab Bike sambhal nahi paate to Itni tej chalate kyun ho? "

Us Aadmi ki baat sunke wo dono ladke ek dusre ki taraf dekhne lage.

Idhar bheed dhire dhire kam hone lagi. Aur fir wo Dono ladke rahe aur Unke pass ek aur ladka tha. Ye ladke ne bhi unki help ki thi khade hone me.

Fir wo ladka un dono ladko ki or dekhkar bola, " Aap dono ek kaam kariye. Mere sath chaliye. Yaha se kuch hi dur Ek clinic he. "

Us ladke ki baat sunke ek ladka bola. "Arey Nahi, Hum bike se gaav chale jayege. Clinic jane ke liye ruke to gaav jane me late ho jayega. " Fir usne Dusre ladke ki taraf dekhkar kaha jo hi bike chala raha tha, " Kyun Mehul? "

To wo ladka Mehul apne friend ko dekhte hue bola, " Abe ese jayege to Gharwale aur dantege. "

Mehul ki baat sunke uska friend bola, " Teri baat to sahi he, Par kya kare fir? "

Tabhi Wo Help karne wala ladka bola, " Dekhiye, Ye sab Baate aap dono meri car me beth ke karna. Abhi aap dono ko khoon nikal raha he ghaav me se. Clinic chalte hai. Wha dressing karva lo. Taki Infection ka khatra na rahe aur achha feel hoga aapko."

Ye baat sunke Mehul bola, " Haan, Abhi ye sahi rahega. "

Is ladke ne Mehul aur uske friend ki or delhte hue kaha. " Chaliye fir, Beth jaiye car me. "

Fir Mehul aur uska friend us ladke ki car me jake beth jate hai. Wo dono abhi chot ke vajah se langdate hue chal rahe the.

Wo Ladka bhi fir apni car me aake beth jata hai. Aur Car drive karne lagta hai.

Wo ladka aage akela betha tha. Jab ki Mehul aur uska dost piche bethe the.

Fir Us ladke ne drive karte karte baat shuru ki.

" So, Puppy ko bachane ke chakkar me gir gye?"

" Haan. Puppy ko bachane ke chakkar me Bike sleep ho gai. Thodi speed me bhi thi na Bike. " Mehul ne jawab dete hue kaha.

" Chaliye koi ni. Abhi bas 10 Min me clinic aa jayega. Fikr mat kariye. Jyada late nahi hoga. "

" Ji. Thik he. Thank You. " Mehul ne kaha.

" Hmm. "

Aur fir Wo ladke ne Music laga diya aur Car Drive karne laga.

Kuch 10 Min bad Car ek Complex ke pass ruki.

Drive kar rahe ladke ne Piche mudke Mehul aur uske Dost ko dekha aur bola, "Chaliye, Aa gya Clinic. "

Mehul aur uska friend car se utar gye. Wo ladka bhi Car se bahar nikla. Aur fir teeno lift me chale gye kyuki clinic 2nd Floor pe tha. Us ladke ne Mehul aur uske dost ko sahara diya lift tak jane me. Kyuki abhi dono thik se chal nahi paa rahe the, chot ke vajah se.

Kuch hi pal me wo teeno 2nd floor pe aa gye. Aur Clinic ke andar chale gye. Luckily Clinic me koi aur patients nahi the. To Mehul aur Uske friend ko hi Doctor ne turant attend kiya. Unke zakhmo ki dressing kar di aur patti bhi bandh di. Us Ladke ne payment kiya aur fir Teeno wapas car me aake beth gye.

Wo ladka wapas Car Drive karne laga.

Kuch der bad teeno fir se wo jagah pahonch gye jaha Unki bike slip hui thi.

Mehul ne us anjaan ladke ki or dekha aur bola, " Aapka bahot bahot sukriya. Aapne hummari bahot help ki. "

Mehul ki baat sunke wo ladka muskurane laga, " Arey isme Sukriya ki kya baat he. Ab Ek insaan dusre insaan ki help nahi karega to kon karega? "

Us ladke ki baat sunke Mehul aur uska friend bhi muskurane lage.

" Achha Ab hum nikalte hai, Pahele se hi kaafi deri ho chuki he hume. Gaav me sab pareshan ho jayege aur daant padegi wo alag se. " Mehul ne car se utarkar kaha.

" Pakka aap log bike chala ke jaa paoge na? "

" Haan, hum chale jayege. "

Fir Mehul aur Uska friend road ki side me khadi ki gai bike ke pass pahonch gye.
Unke piche wo ladka bhi aa gya.

Par jese hi wo dono ne Bike ko dekha to unke hosh hi kho gye. Bike ko kaafi damage hua tha. Main to Front suspension ek side se pura tut chuka tha.

" Abe Mehul, Ye to kabada ho gya. " Mehul ke friend ne Mehul se kaafi serious tone me kaha.

" Arey haan Yaar. Ab kya karege? " Mehul ne bhi tension bhari awaj me kaha.

Us ladke ne dono ki baate suni aur un dono se bola, " I think Bike ko kaafi damage hua he. Agar abhi hi garage me dege to bhi aaj hi milna next to impossible he. Ek kaam karte he, Me aap dono ko aapke gaav chhod deta hu. "

" Are Nahi nahi, Pahele se hi hummare vajah se aapko kaafi taklif ho chuki hai, ab or nahi. " Mehul ne us ladke ki taraf dekhte hue kaha.

" Arey isme taklif ki koi baat nahi hai. "

" Hummara Gaav yaha se 25 Km dur hai. "

" No Problem. Bas Aadhe ghante me aapke gaav. Aur Meri Car me petrol bhi he so don't worry. Chalo car me betho, nikalte he aapke gaav ke taraf. "

" Aap kyun khud ko taklif de rahe ho? "

" Isme taklif ki koi baat nahi hai. Ab jyada mat sochiye. Beth jaiye. "

Fir Mehul aur uska friend us ladke ka sahara lekar car me beth jate hai.

Wo ladka bhi aake Car me beth jata hai.

" Aur haan, Dekhiye Bike ka tension mat lijiye. Kal subah hum ise garage me de dege. Sham tak thik ho jayegi. "
Us ladke ne Car start hue kaha.

Mehul aur Uske friend ne us ladke ke taraf dekh kar haan me sir hilaya.

" Achha chaliye bataiye, Aapke gaav ka name kya hai? Aur Kis taraf hai? "

" Ji Gaav ka name he XXXX. Wo XXXX Nadi ke pass. Yaha se Sidhe hi jana hai takreeban 20 Km aur fir Left side mud na hai, wha se kuch 5 Km jesa jane ke bad hummara gaav hai. Nadi ke kinare. "

" Wah, Name suna he mene aapke gaav ka. Rasta bhi janta hu wha ka. Vese Kaafi adbhut najara milta he prakrtuki ka waha esa suna hai mene. "

" Haan, Ye sahi baat hai."

" Vese aapka name to Mehul hai, Par aapke Dost ka name kya hai? "

nice update

 

[mashish]

Update 2​

" Mera Name He Ravi. " Mehul ke friend ne Drive kar rahe ladke ki taraf dekhte hue kaha.

" Nice Name. "

" Aapka name kya hai? " Mehul ne Us ladke ki taraf dekhte hue puchha.

" Mera Name hai Aarav. "

" Nice Name. " Mehul ne muskurate hue kaha.

" Achha, Ye Music se disturb to nahi ho rahe ho na?"

" Bilkul bhi nahi. " Ravi ne kaha.

" Balki hume to Maja aa raha hai. " Mehul ne kaha.

" Enjoy then. " Aarav ne bhi muskurate hue kaha.

Fir Aarav apne manpasand songs ka anand lete hue Car Drive karne laga.

Rasta kaafi achha tha to 25 Min me hi Car se wo log Gaav pahonch gye.

" Ye lijiye aa gye Gaav. Ab bataiye kis taraf jana hai? "

" Yaha se tisri jo Gali hai usme hi mera ghar hai. " Ravi ne kaha.

" Okay. "

Fir Aarav ne us gali me Car mod di.

Kuch hi der me Ravi ka Ghar aa gya. Pakka Ghar tha. Vese jyadatar ghar ab pakke the us Gaav me. Par Kaafi ghar abhi kachhe bhi the.

Ravi apna ghar aate hi Car se utar gya.

" Thank You. " Ravi ne Aarav ki taraf dekhte hue kaha.

" Arey No Problem. " Aarav ne Muskurate hue kaha.

Fir Ravi ne apni wrist watch me time dekha to 8 baj rahe the. Fir usne Mehul ki taraf dekhkar kaha, " Abe Mehul, 8 baj gye. Aaj to bahot dant padne wali hai. Jese hi Papa ne ye patti dekhi, achhe se khabar lenge meri. "

Mehul ne bhi Ravi ki baat sunkar kaha, " Bhai, Mera bhi wahi haal hone wala hai. "

" Achha, Chal ab jata hu andar. Kal milte hai. Bye. " Ravi ne Mehul se kaha.

" Bye. "

Fir Ravi apne ghar me chala gya.
Ab Car me Sirf Aarav aur Mehul hi the.

" So ab aapka Ghar kis taraf hai? " Aarav ne piche mudke Mehul se Pucha.

" Mera Ghar yaha se abhi aage hai. Yaha se kuch der bad Khet shuru hote hai to wha hi Hummara ek khet hai, usi me hummara ghar hai. "

" Achha, To farmhouse hai. Nice. Vese abhi aage bethna chaho to beth sakte ho. You can trust Me. " Aarav ne muskurate hue kaha.

Fir Mehul piche se utar kar Aage Aarav ki side me aake beth gya. Aur fir Aarav me car start karke jis taraf Mehul ne bataya us taraf Drive karna start kiya.

Kuch der bad Khet aane shuru ho gye. Aur fir Aarav ko ek Khet me bada bunglow dikha.

" So wo hai aapka Ghar? "

" Haan, Wahi hai. "

" Kaafi achha hai. "

" Thanks. "

Aur kuch hi pal me car wo farmhouse ke pass khadi thi. Wha Entrance pe Bada gate tha aur 2 security Guards khade the Gate pe.

Car ko gate ke pass aye hue dekh ke ek guard car ke pass aaya. Aarav ne car ke windows ka glass down kiya.

Tabhi Side me bethe Mehul ne Guard ki taraf dekhte hue kaha, " Kaka, Jane bhi do ab. Mein Hu, Mehul. "

Guard ne Mehul ko dekha aur uski baat suni aue fir Jake Gate khol diya.

Aarav ne fir Car ko andar le liye.

Gate se andar se Ek pakka Rasta tha jo ke Farmhouse ke Andar ke Side me bane hue Parking tak jata tha. Is Raste ke dono taraf Garden jaisa banaya gya tha.

Kuch hi seconds me Car Parking me khadi thi.

" Kaafi Mast Design he aapke Farmhouse ki. " Aarav ne Mehul ki taraf dekhkar kha.

" Haan, Papa ne kaafi kharcha kiya hai banane me. " Mehul ne bhi Aarav ke taraf dekhte hue kaha.

" Achha Dost, to abhi me nikalta hu. "

" Arey ese kese, Andar toh aaiye. Aap drive karke thak bhi gye hoge. "

" Arey bilkul bhi nahi. In fact muje drive karna kaafi pasand hai. Itna Drive to mere liye aam baat hai."

" Dekhiye, Hum ne aap ki baat mani aur aap hume chhodne yaha Hummare gaav tak aaye. Ab aap bhi meri baat mankar Hummare ghar to chaliye. "

" Achha, Chaliye thik hai. Muje bhi aapki baat manni chahiye ab." Aarav ne muskurate hue kaha.

Aur fir Aarav aur Mehul dono car se nikalte hai aur Bunglow ke andar jane lagte hai.

Fir Dono Hall me aa jate hai. Hall me Ek aadmi betha hua tha. Wo aadmi Mehul ko aate hue dekhta hai par jab uski najar uske hatho par bandhi pattiyo pe padti hai to wo turant khada ho jata hai.

" Mehul, Ye sab kya hai? " Us Aadmi Bhari aawaj me Mehul ke taraf dekhte hue kaha.

Mehul Aarav ki taraf dekhne laga aur fir Dhire se bola, " Ab meri band bajne wali hai. Aapko live dekhne ko milega. "

Aarav ne us Aadmi ko dhyan se dekha tab use esa laga ke jese usne us Aadmi ko pahele kahi dekha hai. Aarav ko Uska chahera thoda jana Pahechana sa lag raha tha. Wo yaad karne laga ke us aadmi ko usne kahan dekha hai.

Idhar us Aadmi ki awaj sunke Ek aurat Bhi wha aa jati hai. Jese hi wo Mehul ko aur uske hath pe bandhi pattiyo ko dekhti hai to wo bhag ke Mehul ke pass aa jati hai aur use dekhte hue Puchhne lagti hai, " Beta, Ye kya hua tumhe? Ye chot kaise lagi? "

" Mehul, Yaha aao. Kahan gye the? "

Us Aadmi ki baat sunke wo aurat us aadmi ke taraf dekhkar bolti hai, " Aap jara shant ho jaiye. Mehul ko chot lagi hai aur aap... "

" Mein wahi jan na chahta hu ke ise chot kaise lagi hai. "

Mehul dhire se Chalte hue Us Aadmi ke pass pahonchta hai. Uske piche wo Aurat bhi Aarav pe ek najar dalke Mehul ke piche wha chali jati hai. Jab ki Aarav wahi khada ho kar sab dekh raha tha.

" Wo Papa, Me aur Ravi Shahar gye the. Wha Bike sleep ho gai. " Mehul ne us aadmi ki aur dekhkar dhire se kha.

" Ohh, Laga hi tha mujhe. Jab meine Parking me teri bike nahi dekhi aur tuje aane me itni der hui tab mujhe laga hi tha ke tu jarur Bike leke shahar gya hai apne dost ke sath. Par Meine mana kiya tha na Bike leke shahar jane ko? Fir Kyu gya tu shahar? " Mehul ke Papa ne uski aur dekhte hue thodi unchi aawaj me pucha.

" Papa wo Movie dekhne. "

" Par Jab meine Bike lekar Shahar jane se mana kiya fir Bike lekar kyun gye tum? " Mehul ke Papa ne fir se unchi awaj me pucha.

" Aap Jara Shant ho jaiye. " Us Aurat ne Mehul ke papa ko kaha.

" To apne bete ko bolo meri baato ko mane. Jab meine kaha tha ke Bike lekar kabhi bhi na jaye Shahar to kyun gya ye? Tum ise kyu nahi samjati ke Apne Baap ki baate maana kare. "

" Beta, Jab Papa ne kaha tha ke Bike lekar mat jana to fir tum kyun gye? " Us Aurat ne Mehul ke pass jake pucha.

" Maa, Bas aaj man kiya Movie dekhne ka. Vese bus se jane wale the par late ho gye to wo bus chhut gai. Ticket humne book kar rakhi thi. To fir Hum Bike le kar chale gye. " Mehul ne us aurat ki taraf dekhte hue kaha.

" Papa, I'm sorry. Aage se me esi galti nahi karuga." Mehul ne apne Papa ke pas jakar kaha.

" Ye Aakhri time hai Mehul. Aage se koi galti na ho is baat ka dhyan rakhna, Aur ye kon hai ? " Mehul ke papa ne Aarav ke taraf dekhkar pucha.

" Papa, Ye Aarav hai. Inhone hi hummari help ki, hume clinic le gye aur hume special gaav chhodne aaye. "

" Achha. " Fir Mehul ke Papa Aarav ke pass jate hue bole, " Tumhara bahot bahot sukriya. Mere Bete ki help karne ke liye. "

lovely update

 

[mashish]

very nice update

Update 3​

" Arey Uncle Ji isme Sukriya ki koi baat nahi hai. Ye mera farz tha jo meine Nibhaya. " Aarav ne Mehul ke papa ke taraf dekhkar muskurate hue kaha.

Tabhi Mehul ki Mom bhi Aarav ke pass aate hue boli, " Beta, Aaj ke samay me jaha Duniya me jyadatar log apne kaam se hi kaam rakhte he usme Tumhare jese Dusro ki madad karne wale log kam bache hai. Beta, Meri ek baat manlo. Jab Tum Mehul ko yahan tak chhodne aaye ho to abhi Hummare sath aaj khana bhi kha lo. "

Aarav soch me pad gya. Wo soch raha tha ke agar wo khane ke liye ruk jayega to Raat kaafi ho jayegi.

Aarav ko ese sochta hua dekhkar Mehul ke Papa ne Aarav ko pucha, "Kis soch me gir gye? "

Mehul ke Papa ki aawaj sun kar Aarav apne khyalo se bahar aaya.

" Maaf Kijiyega Uncle Ji, Aunty Ji. Agar me Khane ke liye Ruka to kaafi der ho jayegi yaha se nikalte samay. " Aarav ne Mehul ke Papa aur Mom ki taraf dekhte hue kaha.

" To Aap esa kijiye Yahin Ruk jaiye Raat ko. Vese bhi aap ne bola tha na Car me ke hum Bike garage me dene jayege, to subah hum sath nikal jayege. " Mehul ne kaha.

" Mehul, Apne swarth ke liye kisi aur ko pareshan karna acchi baat nahi hai. " Mehul ke Papa ne Mehul ki taraf dekhte hue kaha.

Dar asal Mehul ke Papa ko is baat se koi aitraaz nahi tha ke Aarav unke yaha khana khaye. Par Aarav unke ghar me Puri raat rahe is baat ke liye wo ready nahi the. Par wo Sidhe Sidhe ye baat Aarav ke samne batana nahi chahte the kyuki Akhir kar Unke Bete Mehul ki Help ki thi Aarav ne.

" Papa, Mein unko pareshan thode kar raha hu. Balki mein to Unki Help hi kar raha hu. EK hi din ki to baat hai. Aur aapko pata hai Inko vese bhi Hummare gaav aane ko ichha thi kyuki Hummare Gaav ki taarif kaafi suni thi. Par Ye kabhi aa nahi paaye the. Ab aaj Ittefaaq se inka yaha aana ho gya par abhi raat ko to ye gaav ka kuch dekh nahi payege. To kal ke din thoda to thoda, yaha ka nazara to dekh lenge, Kyu Aarav Ji? " Mehul ne kaha.

Mehul ke Papa ye soch ke pareshan the ke Kahi Aarab yaha Raat rukne ko man gya to?

Jabki Mehul ki baat sunkar Aarav bhi soch me pad gaya. Aarav ko Mehul ki baat sahi lag rahi thi. Par Aarav uncomfortable feel kar raha tha ye sochke ke jinhe wo janta bhi nahi unke wha Raat rahena hoga use.

Fir usne thode der sochne ke bad faisla kiya ke Gaav to wo koi dusri baar aa hi sakta hai. Ese Raat ko ajnabi ke yaha rukna use sahi nahi laga. Khud ke liye bhi aur Mehul ki family ke liye bhi.

Aarav ko ese sochte hue dekhkar Mehul ki Mom ne kaha, "Beta, Itna mat socho. Ek hi raat ki to baat hai. Tumne mere bete ki itni help ki to hummara bhi farz banta hai ke hum bhi tumhari help kare. Aur tum esa bilkul mat sochna ke tum yaha ek raat rukoge to hume pareshani hogi. Hummare ghar me 2 Room ese he jo ke khali hi hai. Tum usme ruk sakte ho. "

Ye baat sunke Mehul ke Papa aur pareshan ho gye.

Aarav ne bhi Mehul ki Mom ki baat suni aur fir Usne Mehul ke Papa ki taraf dekha. Aarav ko Unke expressions dekh ke laga ke wo kuch khush nahi hai uske yaha rukne ki baat se. Fir Aarav ne faisla le liya ke wo yaha Nahi Rukega. Abhi jese hi Aarav ne apna ye faisala batane ke liye apna muh khola hi tha ke uske kaano me ek mithi si awaaj padi jo ki use jaani pahechani lagi.

" Papa, Mummy Mein Aa gayi….."

Aur apni baat ko apne muh me hi rakhkar usne jis taraf se aawaj aai thi us taraf, Hall ke entrance door ki taraf dekha.

Aur jese hi Aarav ne us taraf dekha to wo dekhta hi reh gya. Aarav ne apni najaro se Jo dekha uspe use yakeen hi nahi ho raha tha.

 

[mashish]

Update 4​

" What!!! Charvi !! Ye Yaha!!! Kaise?!! " Aarav ne Door ke taraf dekhne ke bad sochne laga. Wo kaafi khush tha aur surprised bhi.

I think abhi aap sabhi ko in sab ka (Mehul aur uski Family ka) Introduction de hi dena chahiye, varna kaafi Confusion ho jayega.

To pahele Start karte hai Mehul se.

Mehul

Mehul ek 19 Saal ka ladka hai. Abhi College me hai. Chemical Engineering ki padhai kar raha hai.
Padhai me kaafi Tej hai.
Aur Swabhav ka bhi kafi achha banda hai.


Jayesh

Ye hai Mehul ke Papa. Inki Age hai 50 Saal.
Kaafi kadak swabhav ke hai. Ghar me sab inse darte hai sivay inki Chhoti beti ke. Par esa kyun? Kyuki Chhoti beti ko ye bahot Pyar karte hai. Iska matlab ye bilkul bhi nahi hai ke baki kisi ko wo pyar nahi karte. Bas unka swabhav esa hai. Sirf Unki chhoti beti ke liye wo alag hai. Wo Baki sab ko bhale hi chhoti chhoti baato pe dant de par apni Chhoti Beti ko kabhi nahi dant te. Isi liye unki chhoti beti unse darti nahi hai. Chhoti Beti ki har ichha ko wo pura karte hai.

Vese Gaav me Jayesh ki Sugar factory hai aur ek dusre gaav me Saw mill bhi hai. So Paiso ki koi kami nahi hai. Gaav me sab se amir he Jayesh.


Premila

Ye Hai Mehul ki Maa, Jayesh ki wife. Inki age hai 46 Saal.
Kaafi Shant swabhav hai inka. Apne Parivar se bahut pyar karti hai. Apne bachho se badhkar kuch bhi nahi hai inke liye. Pure Parivar ka bakhubi dhyan rakhti hai.


Raj

Mehul ka bada Bhai. Iski Age hai 26 Years.
Ye Ek bigda hua Ladka hai. Padhai me to kabhi man nahi laga. 10th fail hai.
Filhal Apne Papa ki factory hai to usi me Labours ko handle karne ka kaam karta hai. Baki time dosto ke sath ghumnta raheta hai.


Dhara

Raj ki wife. Iski Age hai 22 Saal.
Teen Saal hue hai Raj aur Dhara ki Shadi ko.
Jaha Raj jitna Bigda hua hai wahi Dhara utni hi sulzi hui ladki hai. Dhara ne Shadi ke bad bahu bankar kuch hi samay me sab ka dil jit liya aur Ghar ko bakhubi sambhala.
Ghar me sabhi se achhi banti he Dhara ki.


Priya

Mehul ki Badi Bahen. Iski age hai 23 Saal.
Ye Same apne Maa ke jesi hai. Shant aur Sab ka khyal rakhne wali. Abhi Do saal pahele hi Priya ki Shadi hui hai.

Navin

Priya ke husband. Inki Age hai 26 Saal.
Kaafi Achhe aur Milansaar swabhav ke insaan hai. Government Job hai. Apni Patni Priya ko kaafi Pyar karte hai. Inke achhai aur Milansaar swabhav ke vajah se sab inki kaafi respect karte hai.

Charvi

Mehul ki Dusri Badi bahen. Iski Age hai 21.
Ghar ki Ronak aur Apne Ghar me sab se alag. Jaha Baki sab shant hai wahi par Charvi ek dam Chulbuli aur Shararati. Sab ke sath ghulmil jaati hai. Sabki Ladli hai Charvi. Har time kuch na kuch shrarate karti raheti hai. Apne Parivar ko kaafi Pyar karti hai Charvi.
Charvi 12th Arts tak padhi hai.

So Dosto ye Tha ek chhota sa Introduction.
Abhi Aur bhi Important characters hai par un characters ka introduction bad me dunga jab unka koi scene hoga.

So aap ko aur confusion na ho is liye abhi mera ye batana jaruri hai ke Jo Teen log abhi door pe aaye the wo hai Navin, Priya aur Charvi. Darasal Navin Ka abhi abhi Transfer hua hai dusre shahar me, To Navin aur Priya ne wha naya Ghar kiraye pe liya hai. To Saman waha Arrange karna tha to Charvi Apni Bahen ki Help karne ke liye gai thi Ek Week ke liye. Aur Abhi Navin aur Priya Charvi ko wapas Ghar chhodne aaye the khud hi, Taki wo log bhi Sab se mil shake.

Filhal Dhara bhi apne Mayke gai hai. Jabki Raj Factory ke kaam ke silsile me Dusre Shahar gya hai.

Abhi chalte he Story ki or.

Idhar Door pe Navin, Priya aur Charvi khade the.

Fir teeno hall me aa gye aur idhar Charvi ki najar padi apne Chhote Bhai Mehul pe aur usne apne bhai ke Sharir pe bandhi pattiya dekhi. Wo turant bhag ke Mehul ke pass pahunch gai.

" Mehul, Mehul, Ye kya hua tumhe? " Charvi ne bade hi chintit swar se Mehul ke sharir pe bandhi pattiyo ko dekhte hue kaha.

" Di ye, Ye kuch nahi, Bas thodi si chot aai thi. Jyada nahi hai. Mein ekdam thik hu Di. Aap tension mat lo. " Mehul ne Charvi ki or dekhte hue kaha.

" Kese lagi tuje ye chot? " Charvi ne bhi Mehul ki or dekhte hue pucha.

" Di, Bas wo Bike se gir gya tha. "

" Jara dhyan se chalaya karo na Bike. " Charvi ne kaha.

Fir Charvi ne apna Muh Mehul ke kan ke pass le jakar dhire se kaha, " Aur Bike chalate time ladkiyo pe kam aur raste par jyada dhyan do. "

" Kya Di Aap bhi! " Mehul ne muskan ke sath kaha. Charvi bhi Muskurane lagi.

Fir Navin aur Priya ne bhi Mehul ka halchal pucha.

Idhar Aarav chupchap khade hue sab dekh aur sun raha tha.

Fir Navin ka dhyan Aarav ki or gya.

" Arey Aarav Ji, Aap yaha? " Navin ne Aarav ki or dekhkar pucha.

" Damad ji, Kya aap inhe pahechante ho? " Premila ne Navin ki aur dekhte hue pucha.

Tabhi Charvi ne kaha, " Mumma, Sirf Jiju hi nahi, Mein aur Didi bhi inhe pahechante hai. "

Aarav ko Charvi ki baat sunke aur jayada khushi hui.

" Chalo achha hai, Mein Yaad to hun. " Aarav ne man hi man socha.

Idhar Jayesh bhi soch raha tha ke ye sab Aarav ko kaise jante hai?

" Di, Aap sab kaise Jante ho Aarav Ji ko? " Mehul ne Pucha.

" Wo Mehul, Darasal Baat ye hai ke Ek baar hum XXXX Palace Ghumne gye the. Yaad hai? Tumhare college me Exams the to tum nahi aaye the. " Navin ne kaha.

" Haan, Yaad hai. "

" To us Time Palace dekh ke hum jab wapas laut rahe the tab raste me achanak Hummari Car kharab ho gai. 7 baj chuke the. Wha se last bus bhi nikal chuki thi. Ab Subah tak wha se koi bus jane wali nahi thi. Fir Meine Apne Dost ko call lagaya par Wha se use aane me 3 Ghante Ho jate. Meine Fir whi kisi ki help lene ki socha. Par kisi ne help nahi ki. Ek aadmi ne Apni Car roki par Uski Car me hummare liye bethne ki jagah nahi thi. Par fir bhi us Aadmi ne bola ke aage ke ek gaav se mechanic ko bhejega. Kuch der baad Mechanic aaya to usne bataya ke Abhi Shop band ho chuki hai to jo Parts use chahiye abhi Car ko thik karne, Wo milege nahi to Car fir next day hi thik hogi. Humne to fir Aasha hi chhod di. Par tabhi Luckily Aarav Ji wha se Gujar rahe the. Unhone mujhe Help ke liye hath hilate dekh apni Car roki aur unki Car me wo akele the to fir Hum teeno unhi ki Car se Shahar tak pahunche. Aarav ji us Din na milte to us din Raat tak wahi akele rukna padta. " Navin ne puri baat sabko batai.

" Us Din to mein sach me dar gai thi. Kyuki ese Raste me akele Raat ke time, bahot daravne khyal aa rahe the mujhe to. " Priya ne kaha.

" Ek bar Fir se mein aapko us din madad karne ke liye dhanyawad kehna chaunga Aarav Ji. " Navin ne Aarav ki or dekhte hue kaha.

" Arey Navin Ji, Meine aap se us din bhi bola tha na, Is me Dhanyawad ki koi baat nahi he. Meine sirf apna farz ada kiya aur kuch nahi. " Aarav ne muskurate hue kaha.

" Vese Aarav ji, Aap yahan keise? " Priya ne Aarav se pucha.

" Didi, Wo Darasal aaj Mein aur Ravi Shahar gye the Movie dekhne, To whi shahar me humara ek chhota sa accident ho gya. Ye chot usi vajah se lagi hai. To Aarav Ji ne hi hummari help ki, hume clinic bhi leke gye aur Hummari Bike kaafi damage ho chuki thi to hume yaha special chhodne bhi aaye. " Mehul ne kaha.

good update

 

[mashish]

Update 5​

Mehul ki baat sunkar Charvi ne Aarav ki or dekha aur fir kaha, " Aapka Bahot bahot dhanyawad Aarav Ji mere chhotu ki help karne ke liye. "

Aarav ne Muskurate hue kaha, " Aap sab ko baar baar dhanyawad kahene ki koi jarurat nahi hai. (Varna Readers bhi bore ho jayege, Lol) Mene wahi kiya hai jo mera farz hai, Ek Insan ke nate. "

Tabhi Premila ne kaha, " To beta, Hummari bhi ek baat maan lo na. Kaafi der ho chuki hai. Aaj raat Hummare sath khana kha lo aur Raat ko yaha Hummare ghar ruk jao. Itni raat yaha se kese gaadi chalake jaaoge? Is se achha hai ke Kal subah Mehul ke sath Gaav dekh ne ke bad chale jana. Is se Hume bhi achha lagega. "

Aarav Fir se soch me pad gya, " Yaar, Ese kisi ajnabi ke ghar rukna sahi nahi lag raha. Par wait, Jis ladki ko me ek baar aur dekhne ke liye taras raha tha, ittefaaq se aaj fir se us se Mulakat hui hai. I think Muje ye chance miss nahi karna chahiye. Varna fir Zindagi bhar afsos karta firunga. Aur waise bhi Ek hi raat ki to baat hai."

Aarav ne yahi sab soch ke faisla kar liya ke wo aaj Raat ko yaha ruk jayega.

" Thik hai Aunty Ji, Mein Ruk jaunga yaha. " Aarav ne Premila ki or dekhkar muskurate hue kha.

" Ye Hui na baat. " Mehul ne bhi haste hue kaha.

" kaafi der ho gai hai Premila, Khana laga do ab. Sab bhukhe honge. " Jayesh ne kaha.

" Ji, Aap sab Beth jaiye. Me khana lagana shuru karti hu. " Premila itna bolkar kitchen ke taraf jane lagti hai.

" Mein Maa ki madad karti hu. " Priya bhi itna bolkar Premila ke piche piche kitchen me chali jaati hai.

Idhar Jayesh aur Navin hall me sofe pe bethkar baate karne lage.

Jab ki Mehul aur Charvi Aarav ke pass khade the.

" Chhotu, Dard ho raha hai kya abhi bhi? "
Charvi ne Mehul ko dekhkar pucha.

" Nahi Di. Abhi jyada nahi. "

"To fir Thik hai. " Charvi ne Mehul ki taraf dekhkar kaha.

" Aarav Ji, Aap bhi Bethiye na. Khade kyun hai? Hummare ghar me bethne pe koi charge nahi lenge hum log. " Charvi ne Aarav ki taraf dekhkar haste hue kaha.

Charvi ki baat sunkar Aarav aur Mehul dono hi muskurane lage.

Aarav Charvi ko haste hue dekh raha tha aur man hi man soch raha tha, " Wahi muskan, jise fir se real me dekhne ke liye mein tadap raha tha. Ye Ittefaaq, Mein Thankful rahunga. "

" Hello, Kya soch rahe ho Aarav Ji? "

Aarav achank se Charvi ki awaj sunkar apne khyalo se bahar aaya.

" Amm… Wo bas mein kal ke bare me soch raha tha. " Aarav ne khud ko sambhalte hue kaha.

" Kal ke baare me? Kya? " Mehul ne pucha.

" Yahi ke Kal Gaav dekh kar jau ya nahi. "

" Aapko Gaav dekhkar hi jana chahiye na ! Yaad he jab hum sab us din mile the to meine aapko mere is gaav ke baare me bataya tha to aap ko gaav dekhne ki ichha hui thi. To agar aap yaha aaye ho to kal Gaav dekhkar hi jana chahiye na! Ab Itna bada Gaav bhi nahi hai ke pura Mahina lag jaye dekhne me. " Charvi ne ek Pyari muskan ke sath kaha.

" Haan, Aarav Ji, Kal hum sab jayege na sath me. Meri vese bhi chhuti rahegi aur hum ghum bhi lenge aapke bahane. " Mehul ne bhi muskurate hue kaha.

" Okay, To kal Gaav ki Tour. Pakka. " Aarav ne bhi muskurate hue kaha.

Tabhi Kitchen me se Premila ki awaj aai, " Khana laga diya hai, Sab aa jaiye. "

" Chaliye Aarav Ji, Khana laga diya hai Mummy ne. " Mehul ne kaha.

Yaha Jayesh aur Navin bhi sofe se uthkar jane lage kitchen ke taraf.

" Chaliye Aarav Ji, khana lag gya hai. " Navin ne jate hue Aarav se kaha.

" Ji, Aata hu. " Aarav ne muskukar Navin se kaha.

Fir Mehul, Aarav aur Charvi bhi Jayesh aur Navin ke piche piche kitchen me aa gye.

Kitchen ke piche ki side ek washroom bana hua tha wha sab ne hath pair dhoye aur fir Sab jameen pe khane ke liye beth gye.

Premila ne sab ko khana parosa aur fir sab sath khana khane lage.

Aarav Khana khate hue kuch kuch baar Sab se najare bachakar Charvi ki taraf dekh raha tha.

Par ek baar Jab Aarav ne jeise hi Charvi ki taraf dekha to thik usi time Charvi ne bhi Aarav ki taraf dekha. Dono ki najar aapas me mili. Yaha Charvi ke chahere pe ek pyri muskan jo ki uski ek pahechan thi wo aa gai par dusri taraf Aarav thoda sakpaka gya aur usne apni najar hata li. Dono fir se Khana khane lage. Fir Aarav ki himmat hi nahi hui Charvi ke taraf dekhne ki. Use lag raha tha ke agar wo fir se Charvi ke taraf dekhega aur fir se Charvi ne use ese dekhte hue dekh liya to beshaq uski impression achhi nahi rahegi. Aur fir usne Apna dhayn sirf khane pe hi lagaya.

awesome update

 

[mashish]

Update 6​

Kuch Der bad Sab ka Khana ho chuka tha. Premila, Priya aur Charvi Kitchen me kaam kar rahe the. Jab ki Jayesh, Navin, Mehul aur Aarav Hall me sofe pe aake beithe the.

" Aarav Ji, Kesa laga Mere Mummy ke hath ka bana khana? " Mehul ne Apne Side me baithe Aarav ki taraf dekhkar pucha.

" Ekdam Lajawab. Khane ki Jitni taarif ki jaye utni kam hai. " Aarav ne muskurate hue kaha.

" Khane ka swad bhi alag sa, bilkul natural laga na? " Mehul ne fir se Aarav ki taraf dekhkar pucha.

" Amm..., I think aap ke kahene ka matlab ye hai ke ye jo sabjiya thi wo ese kheto ki thi, jahan bina kisi chemicals ke madad se kheti hoti hai. Ekdam natural. Right? " Aarav ne kaha.

" Wah, Aarav Ji, Aap to turant hi samaj gye. " Navin ne Aarav ki taraf delhte hue kaha.

" Haan, Meine wo Natural Shabd ko pakad liya tha. Haha… " Aarav ne haste hue kaha.

Aarav ki baat sunkar Mehul aur Navin bhi hasne lage.

" Vaise sach me, Ye baat bahut hi ajeeb hai ke Hum paise kamate hai pet bharne keliye par akhir me wo paise kamakar jo khana milta hai wo najane kaise kaise chemical ki milawat ka hota hai. Abhi haal esa hai ke duniya me lagbhag Har chij mai milawat hone lagi hai. "

" Ye baat aapne 16 Aane sach kahi Aarav Ji. Hum Insaan khud hi Hummare vinash ki or badh rahe hai. " Navin ne kaha.

" Haan, Aur abhi hum us jagah pe pahonch chuke hai jahan se wapas mudna Namunkin sa hai. " Aarav ne kaha.

" Kya? Abhi Hum kisi Jadui jagah pe hai jahan se wapas jana Namunkin hai? " Charvi ne Hall me aate hue kaha.

Charvi ki baat sunkar Navin aur Mehul hasne lage jab ki Aarav sirf Charvi ke taraf dekh raha tha.

Charvi bhi Muskura rahi thi. Aarav usi muskan me khota jaa raha tha. Use Charvi ka muskurana kaafi pasand tha.

" Charvi, Ek serious conversation ko tumne funny Bana diya. " Navin ne haste hue kaha.

Yaha Aarav Navin ki awaj sunke fir se apne aap ko sambhalata hai.

" Yahi to mera kaam hai. " Charvi haste hue boli.

Tabhi Hall me Premila aur Priya bhi aa jate hai.

" Chalo na Terrace pe chalte hai ab. " Mehul ne kaha.

" Haan Haan. Chalo Terrace pe thandi hawa ka luft uthane. " Charvi ne kaha.

" Chaliye Aarav Ji, Aaj aap bhi anand Lijiye is Gaav ki hawa kaa. " Navin ne Aarav ki or dekhkar kaha.

Aarav ko awkward to lag raha tha kyuki ye sab to ek hi family ke member the par wo to ajnabi tha. Par fir use khyal aaya ke Charvi bhi to isi family ka hissa hai. Usne socha ke Ittefaaq se aaj ek din mila hai to use ye sab baate jyada soch ke ye pal ko gavana nahi chahiye. Kya pata fir ye pal aage life me aayege bhi ya nahi.

Ye sochne ke bad Fir Aarav ne bhi Haan kar diya. Aur Fir Navin, Priya, Charvi aur Mehul ke sath Aarav bhi Terrace pe aa gya.

Yaha ab Hall me Jayesh aur Premila akele the.

Jayesh : Kya jarurat thi is ko yaha raat ko rokne ki?

Premila : Aap ye kya bol rahe ho?

Jayesh : Ghar me do do jawan betiya hai aur tum is ajnabi ko yaha Raat rukne ke liye bol rahi ho.

Premila : Isi Ajnabi ne Hummare bete ki madad bhi to ki hai.

Jayesh : Aaj jamana bahot kharab hai. Kai baar log apne maksad ko pura karne ke liye pahele to madad karne ka natak karke bharosha jit te hai aur fir apna maksad pura kar lete hai.

Premila : Muje ye ladke ko dekhkar esa bilkul bhi nahi lagta. Ye esa ladka nahi hai.

Jayesh : Tumhe kya Insaan ko pehchan na aata hai? Sirf ekbar me hi Dekhkar insan ko pehchan logi kya? Aur jara socho, Ye ladka ek baar damad ji ki madad kar chuka hai. Aaj isne Hummare bete ki help ki. Kya ye sirf ek ittefaaq hai ya fir is ladke ki koi sajish? Hummare ghar me ghusne ki?

Premila : Aap to kitna sochte ho? Aap jyada chinta mat kijiye. Aarav ko upar vale khali room me rahene ko bol dege aaj ki raat. Me Charu aur Priyu ko bol dungi Raat ko door bandh karne ke liye. Mehul ko bhi bata dungi. Wo dhyan rakhega sab. Fir to aap ko koi chinta karne ki jarurat nahi hogi na?

Jayesh : Muje aaj raat nind nahi aane wali. Raj hota to koi tension ki baat nahi thi. Haan, Ek kaam ho sakta hai. Use terrace pe hi sula dete hai.

Premila : Pata hai wha kitni tej hawa lagti hai? Nahi nahi. Us bechare ladke ke bare me jara to sochiye.

Jayesh : Thik hai fir. Me aaj wo Suresh ko bula lunga. Wo so jayega uske sath guest room me. Muje is ladke pe bharosa nahi hai.

Premila : Thik hai. Jesa aapko thik lage aap vesa kijiye.

Fir Jayesh TV pe news dekhne lagta hai aur Premila apne Room me chali jati hai.

nice update

 

[mashish]

Update 7​

Navin, Priya, Charvi, Mehul aur Aarav Terrace pe aa chuke the. Mehul apne sath 2 Gadde bhi leke aaya tha jo usne terrace pe bichha diye. Sabhi Uspe beth gye aur baate karne lage.

" Aarav Ji, Us Din aapne Gaav ki tarif suni to Aapko ye Gaav dekhne ki bahut ichha hui thi. Ittefaaq se hi sahi aaj aapki ye Ichha purn ho hi gai. " Navin ne Aarav se kaha.

Aarav Man me hi sochne laga, " Ittefaaq se to Meri aur ek khwahish bhi puri ho gai. Mujhe Aaj Kaafi dino baad itni khushi ho rahi hai. Par Mein to abhi chahke bhi meri khushi ko express nahi kar sakta. "

Fir Usne Navin Ki taraf dekhkar kaha, " Haan Navin Ji, Abhi bas kal gaav dekhna hai subah ko. "

" Are Aarav Ji, Aap Befikar rahiye. Ab Kal aapko hum gaav dekhe bina nahi jane dege. " Mehul ne kaha.

Mehul ki baat sunkar sabhi hasne lage.

" Vesey Aarav Ji, Aap ne kya padhai ki hai? " Navin ne Aarav se pucha.

" Ji, Maine B.Tech kiya hai. "

" Good, Kon si Branch se? " Navin ne pucha.

" Mechanical. "

" Good. " Navin ne kaha.

" Mein to Chemical Engineering me padh raha hu. " Mehul ne kaha.

" Nice. Vaise yaha ki Industries me Job me Chemical Field me scope achha hai dusri field ke hisab se." Aarav ne Mehul ki taraf dekhkar kaha.

" Waise Aap kaha Job karte hai Aarav Ji? " Navin ne fir Aarav se pucha.

Aarav fir Soch me pad gya. " Yaar, Ye job ka kaha puch liya. Ab kya batau? Kya batau?...... Chalo bata deta hu ke Job nahi karta. "

" Filhal to Job nahi hai Mere pass. " Aarav ne kaha.

" Kyun? Koi achhi Job nahi mili kya? " Navin ne pucha.

Aarav sochne laga, " Vlogging ke bare me bata du kya? Ek Berojgar se to koi shadi nahi karayega Yaar. Fir Mera aur Charvi ka kya? "

Yaha Aarav apni soch me tha par Tabhi Charvi Ne kaha, " Aarav Ji, Aapne hummari Help ki hai to hum is mamle me aapki help kar sakte hai. "

Charvi ki baat sunkar Aarav achank se apne khyalo se bahar aaya aur Charvi ke taraf dekhne laga.

Idhar Charvi ne apni baat Continue karte hue kaha, " Papa ki na yaha Factory hai. Mein aap ke liye baat karugi. Papa pakka aapko Job de dege. "

Aarav to ye sunke Man hi man Khush hone laga.

" Ji, Ye to badi achhi baat hogi agar Muje yaha Job mill jaye. " Aarav ne Charvi ki or dekhkar Muskurate hue kaha aur fir sochme laga, " Lagta Hai aaj ka din Sach me bahut achcha hai. I can't Imagine, Mein Is gaav me Job karne aaunga. Har Roj Charvi ko dekh paunga. Ye to ek sapna hi lag raha hai mujhe. Pahele Us Ladki jis ka chahera aur Uski Pyari Muskan sirf ek baar aur dekhne ke liye mein taras raha tha. Aaj ittefaaq se wo mere samne baithi hai fir se. Aur jis gaav me wo rehti hai wha Job, wo bhi usi ke vajah se. Mein is sab pe kaise believe karun? Yaar, Ye sapna hai ya haqiqat ? I Really hope ke mein koi sapna na dekh raha hun."

" Aarav Ji, Kaha Kho gye? " Mehul ne Aarav se pucha.

Aarav Mehul ki awaj sunke bahar aaya. Aur khud ko sambhala.

" Wo bas Khushi, I mean Job ke liye mein kaafi betab sa tha. Aur agar itni achhi jagah job milegi to muje bahot hi khushi hogi. " Aarav ne kaha.

" Thik Hai to Aarav Ji, Aap wo Bio Data Ye Mehul ko de dijiyega. Wo papa ko de dega. Aur Mein bhi Papa se baat karungi. Pata hai, Wo Meri baat kabhi nahi taalte. " Charvi ne apni pyari muskan ke sath kaha.

" Papa ki ladli jo hai. " Ab tak shant bethkar sabki baate sun rahi Priya ne kaha. Aur Priya ki baat sunkar sabhi hasne lage.

" Aarav Ji, Mein aap ko papa ka Email Deta hun. Aap abhi apna CV send kar dijiye. " Mehul ne Aarav se kaha.

Fir Mehul ne Aarav ko apne Papa ka Email diya aur Aarav ne apna CV Mail kar diya.

Fir wo sabhi Thadi hawa ka luft uthate hue baate karne lage. Aur 11 Baje sabhi Terrace se wapas Ghar me aa gye.

Idhar Jayesh ne Suresh jo ki unke Ghar me naukar hai use bula liya tha. Fir Mehul ne Aarav ko First Floor pe bana guest room dikha diya, jaha wo aaj raat rukne wala tha. Suresh bhi wahi sone wala tha, Aarav ke sath. Mehul ko ye achha to nahi laga par wo apne Papa ki baat ka virodh nahi karta. Baki sab bhi apne apne room me sone ke liye chale jate hai.

Yaha Guest Room me Double Bed pe Suresh aake let gya. Vese to wo Bunglow ke bahar bane ek chhote se room me Apni Patni ke sath rehta hai par Aaj to khud Jayesh ne hi use yaha sone ke liye bulaya tha. Aaj wo apne time se jyada late tak jaga tha aur Upar se Sone ki itni achhi jagah, To Isi vajaho se wo to Bed pe let te hi so gya.

Idhar Aarav ki aankho se to nind hi gayab thi. Wo to bas khuli aankho se sapna dekh raha tha ke kaise ab wo isi gaav me Charvi ke hi Papa ki factory me job karega aur har roj Charvi ki Pyari muskan ko dekh payega.

lovely update

 

[mashish]

story bahut achhi hai writer ji bas update ka size bda kijiye