Excellent update..
bahut h shandar aur lajawab update
Sahi kaha bhai.A Step Parents Are More Than What We Think,
A Good Step Parents Can Change The Life Of A Child. And Yeah, Kiran Is Clean Hearted ?
Waiting For Next Update.
Congratulations for new storyHi guys
I am Mr. MARVEL. Yeh meri xforum par Pehli story hai. Mujhe pata nahi hai k ap sab meri story ko pasand karoge k nahi par kayi din se dimag mein ek thought ghum raha tha toh socha kahin par share karun. Fir maine yahan ke bare mein jana aur ek story share karne ka socha. Yeh ek kalpanik incest story hai but main yeh clear kar dena chahta ismein apko sirf sex nahi milega balki aur v bahut kuchh hai. Maine kosish ki hai k ise jitna ho sake real rakh sakun aur sath hi sath apke manoranjan ka v khyal rakhunga. Khair mujhe characters ki intro dene mein kus khas interest nahi hai kionk mere khayal se story padhne ka sabse achha fayada yahi hota hai k ap khud ki imagination se kaise us story aur uske characters ke sath jud sakte hain. Fir v main ap sab ki suvidha ke liye kuchh photos upload karta rahunga taki ap unko physically imagine kar sakein baki unki personality apki imagination par chhod dete hain. Baki apko koi suggestion dena ho yah koi shikayt ho mujhse toh be jhijhak comments mein apne vichar rakhiyega. Shukriya aur umeed hai apko yeh story pasand ayegi.
Thanks
Awesome startUPDATE 1Kiran apne pati Rajiv ke liye juice ka gilas liye apne kamre ki taraf badh rahi thi. Wo abhi darwaje tak pahunchi hi thi k Tabhi andar se uske pati ki gusse se bhari awaj ati hai aur uske pair wahin ke wahin tham jate hain.
“Rahul main tumhe hazaar baar bol chuka hun aur ek baar fir bol raha hun k tum yeh jidd chhod do. Kionk is mamle mein main tumhari ek nahi sunne wala"
Rajiv ke gusse aur chetawni se bhare alfaz sun kar Rahul ek baar fir nirash ho chuka tha par apna saalon purana sapna wo aise tutne bhi toh nahi de sakta tha na. Toh usne ek baar fir se kosish karna hi theek samjha.
“Papa, why are you not trying to understand me? Main apse keh raha hun na k maine bahut soch samajh kar yeh decision liya hai. Ap plz ek baar mujh par trust kijiye.”
Rajiv: dekho Rahul tum na abhi meri baat nahi samjhoge. Main kya kehta hun k tumne abhi abhi college complete kiya hai toh thode din aram karo aur fir office join kar laina. Vaise v tumhe bahut kuch sikhana hai taki tum humari company ki bagdor achhe se sambhal pao.
Rajiv ki batein sunkar Rahul ko nirasha se jyada chidh a rahi thi. Kionk jab v wo Rajiv se apne dil ki baat karne jata toh wo samne se ghum ghuma kar use apna business join karne ko bolta rehta tha. Uska Rajiv ko aur samjhane ka man toh nahi tha par usne apne gusse ko kabu mein rakhte huye Rajiv ko samjhane ki ek aur kosish ki.
“Papa maine apse kitni baar kaha hai k mujhe apke business mein koi interest nahi hai. Plz mujhe ek chance dijiye main apne apko sahi prove karke dikhaunga.”
Rahul ek jhuthi si umeed ke sath Rajiv ki taraf dekh raha tha k kahin uska decision badal jaye par iske koi asaar lag nahi rahe the. Aur umeed ke mutabik hi Rajiv ne ek baar fir se Rahul ka proposal sire se khariz kar diya.
“Dekho abhi mere paas is faltu ki behas ka waqt nahi hai. Aur main is bare mein aur koi Baat nahi karna chahta. Mera decision final hai.”
Rahul: par ap jante hain k main aisa kion karna chahta hun. Fir v ap mujhe mana kion kar rahe hain. Plz papa main mom ka sapna pura karna chahta hun. Mujhe Apna restaurant kholne ke liye thode paison ki jarurat hai aur main apse aise hi thode na maang raha hun ap mujhe loan de dijiye main thode thode karke lauta dunga.
Rajiv(ankhein tarer kar): Loan! aisi faltu ki cheezon ke liye loan nahi milte. Aur baar baar ek hi baat hi rat lagana chhod do. Ab bache nahi rahe tum. Aur tumhari maa ko mare huye 20 saal ho gaye. Kab tak uski batein yaad karke apni jindagi barbaad karte rahoge. Zindagi Mein age badho nahi toh zindagi tumhe pichhe chhod age nikal jayegi.
“Sab apke jaise nahi hote jo apno ko chhod kar age badh jayein. Maine apni maa se seekha hai k unhein kabhi mat chhodo jinse ap pyar karte ho. Par yeh baat wo insaan kya khak samjhega jise apni biwi ki chita thandi hone se pehle apni hawas thandi karne ki padi ho.”
Rahul ki baton mein is waqt na toh apne pita ka khauf tha aur na hi koi izzat. Uski aankhon ki laali saaf ishara kar rahi thi k uske dil mein apne baap ke liye kitni nafrat bhari hai. Udhar Rahul ki baat sunkar Rajiv tilmila sa gaya.
Rajiv(gusse mein): Rahul… tameez se baat karo. Baap hun main tumhara. Kam se kam rishte ka hi lihaz karo.
“Mr. Rajiv Vishwajeet Sinha. Ap jin rishton ki baat kar rahe hain na yeh un kagaz ke phoolon ki tarah hain jinmein na toh mahak hai aur na hi jaan.”
Rahul ki baton mein nafrat ki khatash thi. Uski is baat ne Rajiv ke guroor ko chot pahunchayi thi. Wo gusse se Rahul par chilla raha tha Par Rahul uski aur koi baat sunne ke mood mein nahi tha wo bas wahan se bina kus bole gusse se kamre se bahar nikal gaya. Usne kamre ke bahar sir jhukayi udaas khadi Kiran ko v dekh kar andekha kar diya aur uski taraf ek nazar bhar gusse se dekh kar wahan se nikal gaya.
Kiran ki aankhon mein nami aur dard saaf dekhe ja sakte thi. Wo haath mein juice ka gilas liye Nam ankhon aur bujhe man se Rahul ko uper jate dekh rahi thi. Wo chhah rahi thi k ek baar Rahul ko apni bahon mein bhar kar uske sir par pyar se hath fira sake taki uski tut chuki aatma ko thoda marham hi mil jaye. Par wo yeh janti thi k yeh karna shayad uski kismat mein likha hi nahi hai.
Khair usne apne ansoo apni saree ke pallu se saaf kiye aur gilas lekar kamre ke ander chali gayi. Yahan Rajiv gusse se tilmilaya huya idhar udhar chakkar kaat raha tha. Uske man mein reh reh kar Rahul ke wo kadhwe bol ghum raha the. Uski aankhon mein gussa tha aur uski saansein bhari ho rahi thi. Usne apni muthion ko is tarah se beench rakha tha k mano apne jazbaton ko kisi tarah se rokne ki koshish kar raha ho.
“Rajiv" Kiran ne thodi himmat karke Rajiv ko awaj di. Par shayad is waqt wo hosh mein nahi tha aur use koi andaza nahi tha k koi use bula raha hai. Kiran ne ek baar fir se thoda jor se use pukara. “Rajiv"
Is baar Rajiv ke kanon mein yeh awaj padi toh mano use thoda hosh aya ho. Rajiv ne apne ap ko thoda shambhala aur rukhi si awaj mein jawab diya.
“han kya huya"
Kiran ne kus v nahi bola bas chup chap juice ka wo gilas Rajiv ka age kar diya. Rajiv ne uski taraf jyada dhyan nahi diya aur apna suitcase uthate huye bola.
Rajiv: nahi mujhe nahi peena hai.
Kiran: toh khana laga dun?
Rajiv: nahi bhukh nahi hai aur office ke liye v late ho raha hai.
Kiran ne v Rajiv se jyada behas nahi ki aur chup chap kamre se nikal kar Kitchen mein chali jati hai. Rajiv v bina kus bole apne kamre se bahar ata hai aur ek baar 1st floor par Rahul ke kamre ke band darwaje ki taraf dekhkar apne daant peeste huye ghar se bahar nikal jata hai.
Udhar Rahul apne kamre ka door band kiye bahar balkani mein khada bahar ki taraf dekh raha tha. Uski aankhon mein ansoo hain kionk baar baar kosish karne ke bawjud apni maa ki ek matar ichha v wo puri nahi kar pa raha tha. Par jaise hi uske man mein Rajiv ka naam ata toh uska gussa badhne lagta. Uska man aksar kehta k is ghar ko chhod kahin dur bhag jaye par apni maa ke sath bitaye kuch pyare pal use is ghar mein roke rakhte the. Wo abhi un sukhad palon ko yaad karke thoda mushkuraya hi tha k tabhi Use Rajiv apni car mein baithte huye dikhayi diya. Isse pehle k wo uper ki taraf dekhe Rahul seedha apne kamre mein akar bed par let gaya. Rajiv ne v Rahul ki khali balkani ko aankh bhar dekha aur car mein baith kar wahan se nikal gaya.
Kiran v hall mein sofe par baithi apne khyalon mein khoyi huyi thi. Ghar mein puri tarah se shanti thi par shayad sab ke dilon mein bahut kuchh chal raha tha. Kiran ko sabse jyada fikar thi toh Rahul ki k akhir salon se jo nafrat ka toofan wo apne dil mein liye ghum raha hai wo bahar aya toh kahin yeh ghar ko tabah na karde. Wo jitna yeh sab soch rahi thi uski ghabrahat utni hi badhti ja rahi thi. Par achanak se uske phone ki ring baji aur uske khyalon ki kishti thodi der ke liye tham gayi. Usne apne mobile screen par jaise hi Divya ka naam dekha toh uske bujhe se chehre par achanak se ek roshni ki barish huyi aur uske surakh gulabi honthon par ek pyari si muskaan fail gayi. Kiran ne jaise hi call pick kiya toh uske kanon par ek khilkhialati hansi aur shararti si muskaan ne dastak di toh uske tute fute dil ko thodi marham si mil gayi.
“Mamma… mamma… are oh mata shri so gayi hain kya"
Divya ne chilate huye Kiran ko bulaya toh uski tandra tuti.
“are nahi beta. Wo bas aise hi shayad awaj nahi ayi hogi. Aur bata kaisi hai meri angel.”
Divya: ek dum thik. Ap sunao kya haal hai.
Kiran: thik hun beta main v.
Divya(shararat ke sath): aur wo khusat ghusail Rahul kaisa hai.
Rahul ka naam ate hi Kiran ka chehra ek baar fir se utar gaya par wo Divya ko kus v nahi batana chahti thi toh usne apne man ki baat ko bahar nahi ane diya aur khus hone ka dikhawa karte huye jawab diya.
“wo v ek dum vadiya hai. Tumhe Yaad kar raha tha.”
Divya: ap v na both jhuth bolti ho. Mujhe pata hai k wo mujhe bilkul yaad nahi karta hoga. Usko toh main yahan a kar sabak sikhaungi. Khair ap yeh batao papa kaise hain.
Kiran: thik hain wo v. Khair tum wapis kab a rahi ho. Tumhari padhayi kab khatam hogi.
Divya: padhayi ko toh abhi do saal aur hain. Tab tak ane ka koi chance nahi hai.
Kiran(udaas hokar): ok beta. Jaisi tumhari marji.
Divya(hanste huye): are meri mata main kal ko a rahi hun. Jyada emotional mat ho.
Kiran toh mano khusi ke mare uchhal hi padi. Wo khusi ke mare pura chilla kar bol ne lagi.
“Tu sach bol rahi hai na. Majak toh nahi kar rahi.”
Divya: nahi mamma sach mein. Meri aj raat ko flight hai aur main kal ghar pahunch jaungi.
Kiran: mere se toh kal tak ka wait v nahi hoga. Bas tu jaldi se mere paas aja tujhe bahut miss kar rahi hun.
Divya: oh ho, dekho toh kaise khusi ke mare laddu foot rahe hain. Vaise I am so excited to see you.
Kiran: me too beta. But tumhari padhayi?
Divya: kya yaar mamma abhi mood ka band mat bajao ghar pahunch kar sab batati hun. Abhi mujhe tyari karni hai.
Kiran: ok beta. I love you. And I am waiting for you my baby.
Divya: love you mamma. Ok see you tomorrow.
Itna bol kar usne call kaat di par Kiran abhi v paglon ki tarah akele hi muskura rahi thi. Use is waqt na toh koi dukh mehsus ho raha tha aur na hi kisi baat ki fikar agar kus tha toh ane wali khusion ki ek dastak. Jo k apne saath mein ek umeed v lekar a rahi thi. Umeed k sab thik ho jaye aur umeed k shayad in kagaz ke phoolon mein v jaan a jaye.
lajawab update!
Congratulations for new story
Awesome start
Fabulous update bhaiUPDATE 2Jab se Kiran ki baat divya se huyi hai tab se wo paglon ki tarah jhum rahi thi. Kafi dinon baad aj wo khul kar muskurayi aur uska yun muskurana sach mein boht khubsurat lag raha tha. Wo khusi se gungunate huye apne chhote mote ghar ke kaam kar rahi thi. Shayad isi liye wo kabhi koi kaam wali nahi rakhti thi kionk yahi toh ek jariya tha jiske sahare wo apna dil behla leti thi. Khair usne khana dinning table par laga diya tha par abhi tak Rahul neeche nahi aya tha.
“Kamaal hai yeh ladka abhi tak aya kion nahi. Normally toh khane ke time khud hi a jata hai."
Kiran ko ab thodi fikar v ho rahi thi. Bhale hi usne kabhi Kiran ko apni maa ka darja na diya ho par Kiran ke dil mein Rahul ke liye hamesha se ek soft corner raha hai. Use aj v wo din yaad hai jab 20 saal pehle Rahul apne kamre mein darwaje ko halka sa khol kar nayi naweli dulhan bani Kiran ko apne papa ke sath khade dekh raha tha. Us din Kiran ko uski aankhon mein ansoo dikhayi diye the par najane kab wo ansoo nafrat ki jawala ban gaye jo aj tak Kiran ko ander hi ander jalate rehte hain.
Halanki wo janti hai k yeh nafrat Rajiv ke liye hai par fir v wo kahin na kahin khud ko v uska utna hi bhagidar manti hai jitna k Rajiv hai. Halanki Rahul ne kabhi uske sath koi badtameezi nahi ki aur na hi kabhi koi jhagda kiya. Balki wo toh kabhi uske sath baat hi nahi karta. Mano wo uske liye is duniya mein maujud hi na ho. Shayad yeh toh usse v badtar hai. Khair Rahul aur Kiran ka rishta hi aisa hai. Dono ek hi ghar mein rehte hain par anjaano ki tarah. Wo uske hath ka bana khana roz khata hai par kabhi tareef yah burayi nahi karta. Shayad use koi matlab hi nahi hai. Wo aj tak nahi samajh payi k Rahul ke dil mein kya chalta rehta hai. Wo uske bare mein kya sochta hai yah fir kus sochta hi nahi. Halanki wo Divya se aisa behave nahi karta. Wo v toh uski sauteli behan hai. Bhale hi wo use pyar na karta ho par kam se kam ignore toh nahi karta. Pata nahi yeh ladka kiske bare mein kya sochta hai.
Kiran apne hi vicharon mein khoyi huyi thi k tabhi Use chair par kisi ke baithne ki aahat huyi. Usne apne khyalon ko dimag se jhatkate huye Us taraf dekha toh wo Rahul tha. 20 saalon mein wo bilkul nahi badla. Roj bina kus bole ata hai aur khana kha kar chala jata hai jaise yeh koi uski duty ho. Khair Kiran ke liye toh yahi kus pal itne keemti hain k bataya nahi ja sakta. Kam se kam use yeh ahsas hota rehta hai k wo Rahul ki life mein exist toh karti hai.
Khair wo v Rahul ko pareshan nahi karti aur chup chap man hi man khus hote huye apna khana shuru kar deti hai. Dono bas anjaano ki tarah khamoshi se sir niche kiye apna khana khatam karte hain aur Rahul ka khana jaise hi khatam hota hai toh wo wahan se bina kus bole apni bike utha kar nikal padta hai. Kiran fir se ghar mein akeli apne khayalon mein khoyi kabhi dukhi hoti hai kabhi muskurati hai aur idhar udhar ke kamon mein lagi rehti hai.
Udhar Rahul apni bike ko bhagate huye sehar ke us Porsche ilake se bahar ja raha tha yahan par sehar ke jyadatar ameer log rehte the. Wo sehar ke centre ki taraf ja raha tha yahan par har sehar ki atma basti hai. Un sunsaan galion se nikal kar ekdum bheed bhadake wale area mein. Yahan par log sara din kaam karte hain taki is sehar aur desh ka pargrati ka chakka sahi se ghumta rahe. Har taraf horn ki awajein, gaalion ka chhor, customer aur dukandaaron ki nok chok, is wich kabhi koi Rikshaw chala a raha tha toh kahin kaali peeli taxi. Beech beech mein gaadian aur bikes. Har roj aisa lagta hai mano koi mela. Khair Rahul ke chehre par ek sukun tha. Bhale hi uske ghar ki taraf pollution kam tha par uska wahan dum ghut ta tha aur in dhuyein dhul wali galion mein mano use sach mein saans ati ho.
Khair Rahul idhar udhar ke logon ki cheechee peepeee sunta huya ain mast 10-15 ki speed se age badh raha tha. Tabhi Rahul ne apni bike ek car garage ke samne jakar rok di aur apna helmet utar kar handle par taang diya.
“Oye mere jigar de chhalle. Meri Jaan. Aur bata behan chod kahan gaand mara raha hai aj kal.”
Rahul abhi Garage ke andar ghusa hi tha k andar se ek usi ka ham umer ladka uski taraf ata hai aur use apne gale laga leta hai. Apko bata dun k yeh Rahul ka jigri yaar Sonu (Sandeep singh Dhillon) hai. Dono yaar khusi khusi gale milte hain.
Rahul: bhenchod abhi pichhle hafte toh aya tha. Kus din nahi aya toh tune mujhe gaandu declare kar diya.
Sonu: yaar majak kar raha hun. Faltu mein jhantein mat sulga apni.
Rahul(hanste huye): bhenchod tu ni sudhrega. Yaar itne dinon baad aya hun kuchh lassi bassi toh pila.
Sonu(Rahul ke kandhe par jor se hath marte huye): kya yaar kardi na wahi ameeron wali chhoti baat. Bhenchod itna chhota dil nahi hai tere bhai ka. Tu office mein toh chal abhi chhotu ko bhej kar garma garm parathe aur lassi mangwate hain.
Rahul: nahi yaar parathe ni khane. Abhi abhi ghar se khana kha kar aya hun.
Sonu: sale fir kya huya. Gabru jawan launda hai. Ek parathe se gaand thodi na fat jayegi.
Rahul(Sonu ke pet mein ungli maarte huye): Sale mera toh pata nahi par agar tu aise hi thusta raha toh tu jarur fatega kisi din. Chal chhod mangwa le jo mangwana hai.
Sonu halka sa hans deta hai aur fir dono yaar mil kar garage ke Office mein chale jate hain aur wahan pade ek sofe par baith jate hain. Sonu apni garage mein kaam karne wale ek ladke ko bula kar use parathe aur lassi lane ko bol deta hai.
Sonu(chhotu ke jane ke baad): han ab bata k kya chal raha hai. Itne din kahan gayab tha.
Rahul: kus ni yaar, tere ko pata toh hai k main restaurant ke liye baat kar raha hun.
Sonu: han wo pata hai but kus bana, koi baat huyi.
Rahul: nahi bhai wahi har baar ka, office join karo, yeh karo wo karo balabalabala.
Sonu: chal koi na, kus na kus ho hi jayega tu bas laga reh. Nahi huya toh hum loan ka try kar lenge.
Rahul: han chal koi jugad toh lagana hi padega.
Rahul ko kahin na kahin Sonu ki baat sahi toh lagi thi but use samajh mein nahi a raha tha k wo loan ka jugaad kaise kare kionk loan ke liye v kuch na kuch toh hona chahiye. Khair Rahul yeh sab soch hi raha tha k tabhi Chhotu unka khana lekar a gaya fir un dono ne batein ki aur khana khatam hone ke baad Rahul kuchh der ruka. But pura time uske dimag mein yahi baat ghum rahi thi k paison ka intzam kaise ho. Tabhi achanak uske dimag mein ek idea aya aur wo sofe se uth khada huya.
Rahul: yaar mujhe na kuchh kaam yaad a gaya hai toh abhi mujhe jana hoga. Baad mein milta hun.
Sonu: han par achanak kya huya tujhe.
Rahul: kuchh nahi baad mein bataunga abhi niklna hai, time kya huya hai?
Sonu(clock dekh kar): 1pm, par baat kya hai wo toh bata.
Rahul: baad mein bataunga abhi jane de. Jaldi jana padega . Chal ok bye baad mein milta hun aur thanks.
Yeh bol kar Rahul wahan se bhag kar bahar ki taraf chala gaya. Sonu uske jane ke baad v hairan sa khada tha k akhir achanak Rahul ko kya huya aur wo ja kahan raha hai aur usne use thanks kisliye bola. Pata nahi wo itni jaldi kahan ja raha hai sab theek ho toh achha hai.
Nice update bhaiUPDATE 3Rahul garage se nikal kar tezi se bike chalate huye seedha DN bank chala jata hai. Abhi 1:15 hi huye the aur lunch break hone mein 15 minute aur the. Wo bank ke door tak pahunchta hai toh use wahan ka security guard rok leta hai.
“Beta abhi ap ander nahi ja sakte. Lunch break hone wala hai.”
Rahul: but uncle lunch break ko toh abhi 15 minute hain.
Guard: han par bank mein already kafi log hain toh apko 2 baje ke baad hi ana hoga.
Rahul: uncle plz jane dijiye na. Chhota sa kaam hai aur main manager sir ko janta hun.
Guard: beta wo baat nahi hai but meri v job hai. Ap plz baad mein ayiega.
Rahul(halka nirash hokar): ok uncle. Thank you.
Fir Rahul wahan se munh latka kar apni bike ki taraf chal pada but samajh mein nahi a raha tha k abhi kahan jaye. Na toh kus karne ko tha aur ghar par jane ka uska bilkul v man nahi tha. Abhi Sonu ke paas wapis gaya toh sawal puchh kar dimag khayega. Isse achha toh wo yahin 2 bajne ka intzar karle. Rahul ne paas mein ek café dekha toh wo bike ko wahin park karke us café ke ander ja kar baith gaya.
“hi sir, how can I help you?”
Wo abhi baitha hi tha k tabhi ek waiter uske paas order lene ke liye a tapka. Rahul ke dimag mein kus tha toh nahi toh usne aise hi ek medium cappuccino ka bol diya aur wo waiter wahan se chala gaya.
Rahul v chup chap apna phone nikal kar aise hi kus na kus dekh raha tha. Tabhi usne dekha k café ki manager baar baar usi ki taraf dekh rahi hai. Pehle toh Rahul ne ignore kar diya but jab usne kayi baar notice kiya toh Rahul ko awkward sa feel hone laga. Aisa nahi tha k Rahul ko ladkion se koi dikkat thi but aise hi koi random sa person apko taad raha ho toh thoda uncomfortable toh har koi ho hi jata hai. Khair Rahul ne apni aur se puri kosish ki k wo uski taraf na hi dekhe toh achha hai. Wo chup chap apne phone mein ankhein gadaye coffee ke ane ka wait karne laga.
“Hey Rahul, tum yahan?”
Rahul ke kaan mein ek meethi si awaj padi toh usne chonk kar apna dhyan phone se hata kar mundi uper ki taraf uthayi toh samne wahi ladki khadi thi jo Rahul ko kafi der se ghur rahi thi. Uske hath mein Rahul ki cappuccino v thi jo usne Rahul ke samne table par rakh di aur Rahul ke samne wali chair par baith gayi. Abhi abhi ghatit ghatnaon ko samjhne ki lakh kosish ke baad v Rahul ke dimag ki batti nahi jal rahi thi k akhir yeh ladki hai kon jo iska naam tak janti hai aur ek dum bindass hokar uske samne wali chair par baith gayi.
“lagta hai tumne mujhe pehchana nahi.”
Us ladki ne Rahul ki duvidha ko samjhte huye khud se hi puchh liya. Rahul ne itna toh guess kar liya tha k yeh ladki use janti hai toh shayad uske college se hi hogi toh usne aise hi andhere mein teer chala diya.
“Are han wo yaad aya. Tum *** college mein padhti thi na, Business management.”
Rahul bade confidence se us ladki ki taraf dekh raha tha. Wo ladki v samajh gayi thi k Rahul bas aise hi tuke maar raha hai aur isliye uski halki si hansi chhut gayi. Rahul v samajh gaya tha k teer sahi laga nahi hai toh wo thoda embarrass sa ho gaya aur muskura diya.
“That’s ok, I can understand. Actually main Riya ki friend hun Aditi. I hope k tum Riya ko toh nahi bhule hoge.”
Aditi ne v halka sa majak karte huye Rahul ki taraf dekha. But Riya ka naam ate hi use yaad a gaya tha kionk Riya uski ex gf thi.
“ohhh, I got it now. I’m sorry yaar main tumhe pehchan nahi paya.”
Aditi: han main samajh sakti hun. Tumhari konsa koi ek adh girlfriend thi college mein.
Aditi ki baat sunkar Rahul thoda muskura diya.
“han but usmein meri galti nahi hai. Mujhe aj tak koi sahi ladki mili hi nahi.”
Aditi: han yeh v hai. Chalo chhodo aur batao kaise ho?
Rahul: bas theek hun Tum batao ?
Aditi: bas kat rahi hai jindagi. Par apke jitni achhi nahi. Aur batao aj kal kise date kar rahe ho?
Rahul: koi nahi, aj kal jyadatar ghar pe hi rehta hun.
Aditi: toh fir aj yahan kaise?
Rahul: kus nahi bas thoda kaam tha bank mein. Unka lunch break ho gaya toh socha yahan baith kar wait karlun.
Aditi: oh toh Sinha industries ke hone wale CEO ko v bank ke liye wait karna padta hai.
Rahul ko Aditi ki baatein ajeeb si lag rahi thi halanki uske liye yeh normal tha kionk bahut sari ladkian usse yahi sab batein karti thi but use yeh pasand nahi tha. Ek toh vaise hi wo apne baap se chidha huya tha uper se uske liye logon ka yeh najariya use aur chidhata tha.
Rahul(halka muskura kar): main v tumhari tarah insaan hi hun aur mere mathe par mere baap ka naam thode na likha hai jo har koi mere age peeche ghumta rahe. Vaise v Aadmi ki pehchan khud se hoti hai na k apne khandan se isliye jo rules bakion ke liye hain wahi mere liye hain.
Rahul ki baat sunkar Aditi ki bolti si band ho gayi. Use samajh mein nahi a raha tha k akhir wo kya jawab de. Rahul ne uski sathiti ko samjhte huye coffee ka cup uski taraf khiska diya.
“Have some coffee.”
Aditi: nahi that’s ok. Main theek hun tum peeo main chalti hun café ka kaam v dekhna hai.
Rahul: ok. See you later.
Aditi: yeah. Actually can I have you number plz.
Aditi ne kafi himmat karke puchh hi liya. Halanki Rahul aisa kuchh expect kar hi raha tha but fir v use thodi hairani toh huyi hi.
Rahul(hairan hokar): number?
Aditi(thoda sankochte huye): han bas aise hi socha kabhi baat kar lenge. If you don’t mind.
Rahul: yeah afcourse.
Fir Rahul ne apna number Aditi ko bata diya aur apni coffee khatam karke wahan se nikal gaya. Bank ka lunch time v khatam ho chuka tha toh wo Bank ki taraf chal pada.
