Adultery Kagaz ke phool

[tpk]

UPDATE 13​

Divya apne college mein apna kaam khatam karne ke baad apne kuchh friends ke sath canteen mein baithi thi. Usne group mein kuchh ladke aur ladkian thi aur wo sab baithe batein kar rahe the aur Divya se uske foreign study ke experience ke bare mein puchh rahe the.

“Yeah that was a nice experience. Agar main apni family ko miss na kar rahi hoti toh shayad main apni study wahin complete kar leti.” Divya un sab ko apne lautne ka kaaran bata rahi thi. Tabhi wahan par Mr. Kapoor ka beta Gaurav a tapka.

“Agar ap yahan wapis nahi ati toh humein apke darshan karne ka mauka kaise milta.” Usne Divya ke sath khuleaam flirt karte huye kaha toh Divya ke v kaan khade ho gaye.

Divya(chair se khade hote huye): aiye Mr. Gaurav Kapoor ji. Kaise hain ap. Yahan bas ap hi ki kami thi.

Gaurav: toh hum apki yeh kami puri kar dete hain ismein konsi badi baat hai.

Divya: vaise itna v koi jaruri nahi hai. Agar ap chahein toh apna kaam kar sakte hain hum sab manage kar lenge.

Divya ne bade hi pyar bhare aur meethe andaz se Gaurav ko wahan se nikalne ki hidayat de di par wo toh thehra top ka besharam wo itni jaldi Divya ka peecha kahan chhodne wala tha.

Gaurav: vaise mujhe v koi khaas kaam nahi hai aur apki welcome party mein v toh nahi a paya tha. Toh socha do minute batein kar lete hain.

Divya: ok toh jaisi apki marji.

Gaurav: vaise mujhe toh laga tha k ap humein bhul hi gayi hongi.

Divya: apko main kaise bhul sakti hun mujhe achhe se yaad hai k kaise bhaiya ne apko ek baar party mein peeta tha aur ap rote rote apne papa ke paas bhag gaye the.

Divya ne is baar apni baat se ek karara tamacha Gaurav ke munh par de mara tha. Jiski chot se uske chehre ki kamini si hansi do minute mein gayab ho gayi. Uper se Wahan maujud Divya ke sab dost uski is baat par thahake lagakar has pade. Gaurav ko toh ab apna munh chhipane ko jagah chahiye thi.

“oh i am sorry mujhe yaad aya k mujhe thoda kaam tha. Main tumse baad mein milta hun.” Itna bol kar Gaurav wahan se nikal pada. Uske chehre par gusse ke bhaw saaf dikh rahe the aur uske is gusse ka shikar huya ek ladka jo jate waqt uske raste mein a gaya aur Guarav ne use ek jordar dhakka diya aur wahan se nikal gaya.

“Fukra kahin ka.” Uske jate hi Divya ke dil ki baat uske munh par a hi gayi.

Divya's friend: yaar yeh hamesha se hi aisa hai jab dekho tere age peeche ghumta rehta hai.

Divya: chhod yaar use. Aise ladkon ko lagta hai k har ladki inki jageer hai jab chahe unke peeche pad jao. Yaar ab na main ghar ja rahi hun vaise v iski wajah se mood ka satyanash ho gaya. Aur bhaiya se v bahut saari batein karni hain.

“kabhi humein v mauka do tumhare bhai se batein karne ka. Uska dil behal jayega.” Divya ki ek dost ne use chhedne ke iraade se yeh baat kahi par Divya ko yeh baat jyada achhi nahi lagi par usne use kuchh v nahi kaha bas halka sa hans di.

Fir wo wahan se un sab ko bye bol kar ghar ke liye nikal gayi. Ghar par Kiran apne kamon mein lagi huyi thi aur Rahul apne room mein so raha tha kionk subah wo jaldi uth kar Sonu ke paas chala gaya tha. Divya ghar par pahunchi toh Kiran hall mein kuchh kaam kar rahi thi.

“Mom bhaiya kahan hain?” Divya ne ate hi Kiran se Rahul ke bare mein puchha.

Kiran: beta shayad wo apne room mein so raha hai. Koi kaam tha kya?

Divya: nahi bas aise hi.

Fir Divya bina kuchh bole seedha first floor par apne kamre ki taraf chali gayi. Usne ek baar Rahul ke room ki taraf dekha toh darwaja band tha. Divya ke man mein pata nahi kya aya k wo ek dum se mudi aur Rahul ke kamre ki taraf chal padi. Usne niche dekha toh Kiran apne kaam mein busy thi. Fir usne bade hi aram se dheere dheere Rahul ke darwaje ko kholne ki try ki aur uski kismat se darwaja locked v nahi tha. Wo dheere dheere se darwaja kholne ki try kar rahi thi, jismein wo jaldi hi safal v ho gayi.

Halka sa darwaja khulne ke baad usne Rahul ke kamre mein mundi ghusa kar dekha toh Rahul apne bed par aram se pet ke bal leta huya tha. Usne shirt nahi pehni thi aur uski nangi peeth halki si blanket ke bahar thi. Divya ke dimag mein ek shararti sa khyal aya aur wo dheere se ander gayi aur darwaja band kar diya. Wo dheere dheere bina pairon ki awaj kiye Rahul ki taraf badhne lagi. Rahul ke karib akar usne dekha toh Rahul ek dum mast hokar so raha tha. Divya apne plan ke bare mein soch kar hi muskuraye ja rahi thi.

Tabhi usne blanket ke ek sire se ek dhaga khincha aur use Rahul ke naak ke ander daalne lagi. Rahul ko thodi gudgudi si feel huyi aur usne neend mein hi apna chehra dusri taraf ghuma liya. Par Divya ko is sab mein bahut maja a raha tha toh usne abhi v yeh sab band nahi kiya aur Rahul ke uper se hath nikal kar uske naak mein fir se dhaga ghusane lagi.

Abki baar Rahul ko aur jyada gudgudi huyi aur wo ek dum se palat kar seedha ho gaya. Is chakkar mein Divya ka balance bigda aur wo Rahul ke uper gir gayi.

“Bhaiya kya karte ho ap.” Divya ne Rahul ke uper gire huye hi chilaya. Ab tak Rahul ki neend tut chuki thi aur usne dekha k Divya uske uper giri huyi hai toh usne sab se pehle Divya ko apne uper se uthane mein madad ki aur fir khud v uth kar baith gaya aur side mein padi huyi apni T-Shirt pehan li.

“Tum yahan kya kar rahi ho aur is tarah mere uper kion leti huyi thi.” Rahul ne T-shirt pehante hi usse sawal puchhne shuru kar diye.

Divya: bhaiya main koi chhoti bachi nahi hun jo apke uper let jaun. Wo main toh bas apke sath thodi masti kar rahi thi aur is chakkar mein mera balance bigad gaya aur main gir gayi.

Divya ne badi hi masum si shakal banate huye Jawab diya jise dekh kar ek baar ke liye Rahul v thoda muskura diya par agle hi pal usne v socha k kion na wo v Divya ki thodi taang khinchayi karle.

Rahul(gusse ka natak karte huye): yaar ab tum chhoti bachi nahi ho jo aisi harkatein kar rahi ho. Thoda behave karna seekho ab tum.

Rahul ka aisa avatar dekh kar hi Divya ka munh sa utar gaya. “I am sorry bhaiya, age se dhyan rakhungi.” Divya ne utari si shakal banate huye kaha.

Rahul: han theek hai abhi chhod deta hun but age se dhyan rakhna.

Is baar Divya aur control nahi kar saki aur uski ankhon se ansoo beh nikle. Rahul ko v ahsas huya k usne thoda jyada hi drama kar diya hai.

“are sorry beta. Ro mat main toh majak kar raha tha. Main tum par gussa nahi hun.” Rahul ne Divya ki aankh se ansoo pochhte huye kaha.

“ap sach mein gussa nahi hai na?” Divya ne apni ankhein saaf karte huye fir se puchha toh Rahul ne v samne se naa mein sir hila kar confirm kar diya.

“bhaiya yeh v koi majak karne ka tarika hota hai. Apne toh mujhe dara hi diya. Ab dekhiye main apki kya halat karti hun.” Itna bol kar Divya Rahul ko bed par gira kar uske uper chhad gayi aur use jor jor se marne lagi. Rahul v hasta huya apne ap ko bachane ki kosish kar raha tha. Un dono ki hasne aur chillane ki awaj pure kamre mein gunj rahi thi.

zabardast update

 

[tpk]

UPDATE 14​

Sinha Mansion mein is waqt kuchh khamoshi si chhayi thi.Kiran kitchen mein raat ke khane ki tyari mein lagi huyi thi but uske dimag mein baar baar Rajiv ki batein ghum rahi thin k kya sach mein Rahul kabhi v use apni maa ka darza nahi dega aur kya wo hamesha us pyar ke liye tarsati rahegi jo Rahul apni maa se karta hai. Khair use in sab ke bawjud is baat ki tasalli thi k Sanjiv(manager sahab) ne use Rahul ki problem ke bare mein sab bata diya aur wo Rahul ki help v kar payi. Shayad ab Rahul wo sab kar paye jiske liye wo kab se Rajiv se jhagad raha tha. Halanki usne Rahul ki madad karke apne ap ko v baap bete ki is cold war mein dhakel diya tha par shayad ek na ek din use aisa karna hi tha. Kiran is waqt apne khyalon mein itna khoyi thi k use yeh v nahi pata chala k Rahul is waqt uske theek peeche kitchen ke door par khada hai.

“kya mujhe ek gilas paani mil sakta hai plz"

Kiran ke kaano mein jaise hi yeh awaj padi toh use ek pal ke liye yakeen nahi huya. Usne palat kar dekha toh sach mein Rahul hi tha. Kiran uski taraf aise dekh rahi thi mano usne koi bhoot dekh liya ho. Kionk aj tak Rahul ne kabhi usse pehle baat nahi ki thi. Balki wo toh hamesha use ignore karta rehta tha aur aj usne Kiran ko samne se bulaya aur wo v aisi baat ke liye jo k wo khud badi asani se kar sakta tha. Aur abhi v wo paani lene ki jagah is cheej ka wait kar raha tha k Kiran kuchh bole.

“kya huya ap theek toh hain na?” Rahul ne kuchh der tak koi v jawab na milne ke baad dobara se Kiran ko bulaya aur is baar Kiran ko yakeen huya k Rahul usi se baat kar raha hai. Is waqt uske ander khusi aur hairani ka ek ajab sa mishran chal raha tha jise shayad shabdon mein explain karna kafi mushkil hai. Par usne khud ko sambhalte huye ek paani ka gilas bhar kar Rahul ki taraf badha diya lekin is beech Kiran ke munh se ek shabad v nahi nikla.

Rahul ne kuchh der aur wait kiya par shayad Kiran is halat mein nahi thi k wo koi react kar sake toh Rahul ne use thanks kaha aur halka sa nirash hokar wahan se nikal gaya. Use laga k shayad Kiran uske past behavior ke liye usse naraz hai. Udhar Kiran ko toh mano jhatka sa laga ho jisse ubhar paana uske liye asan nahi tha aur is wajah se wo abhi v yeh figure out karne ki kosish mein thi k abhi abhi jo huya wo kaise huya aur kion huya aur in sab se bhi bada question yeh tha k jo v huya kya wo sach tha.

Rahul ko is baat ka dukh huya k Kiran ne usse koi v baat nahi ki but usne socha k is sab ke peeche galti khud usi ki hai jo usne itne saalon tak Kiran ko pareshan kiya. Ab sab kuchh theek karne ke liye use thoda sabar aur himmat toh dikhani hi padegi. Wahin Kiran ko kuchh time laga yeh yakeen karne mein k aj Rahul ne usse sach mein paani manga. But jaise hi usne apne man mein yeh yakeen kar liya k yeh sach hai toh uski khusi ka koi thikana nahi tha. Dekha jaye toh yeh koi badi ghatna nahi thi but yeh ek aisi ghatna jarur thi jo is ghar mein toh normal nahi thi. Yeh baarish ki ek boond jaisa tha jiski value hum sab ke liye kuchh v nahi hai but iski asli keemat wahi bata sakta hai jo pichhle 20 saalon se sukhe ki maar jhel raha ho kionk paani ki ek boond hi sahi but Akhirkar kuchh umeed toh jagi bahaar ane ki.

Khair aj ki shaam Sinha mansion mein kuchh ajeeb thi jismein kuchh naya pan tha aur pehli baar koi family wali feeling v thi. Yahan Rahul pehli baar Dinning table par yeh soch kar nahi gaya tha k yeh uski ek duty hai jise wo har roz bina man ke karta hai balki aj wo yeh soch kar aya tha k wo apni family ke saath kuchh lamhe guzaar sake. Halanki Rajiv un sab ke sath maujud nahi tha kionk use kuchh kaam tha but Rahul ko isse koi fark v nahi padta tha. Vaise toh Aj v wo teeno chup chaap nashta kar rahe the but aj kuchh toh alag tha jise mehsus karne se hi Rahul ko ek ajeeb si shanti mehsus ho rahi thi. Uske dil mein kayi baar yeh v khyal aya k wo Kiran se kuchh baat kare but aj sham ki ghatna ke baad use thodi jhijhak ho rahi thi kionk use nahi pata tha k Kiran usse naraz hai yah nahi. Khair wo baar baar Kiran ki taraf dekh kar yeh observe karne ki kosish kar raha tha k Kiran ke dimag mein kya chal raha hoga but aj tak aisa shayad hi koi ho jo kisi aurat ke man ki baat padh paya ho toh Rahul ke liye v yeh impossible hi tha. Wo pura time yahi sochta raha k wo koi toh baat kare but use samajh mein nahi a raha tha k wo kya baat kare.

Udher Kiran ke halaat v kuchh alag nahi the, yeh baat wo v note kar rahi thi k Rahul aj uski taraf kuchh jyada hi dhyan de raha hai aur use dekh kar lag raha tha k wo kuchh kehna chahta hai but kuchh toh tha jo use rok raha tha. Wo v chahti thi k Rahul usse koi baat kare but use khud se kuchh bolne ki himmat usmein nahi ho rahi thi.

Par wahan par ek aur v shakas tha jo kab se un dono ki harkaton ko dekh raha tha k kaise wo dono khana khane se jyada ek dusre ki taraf dekhne mein busy hain.

“Oh hlo! Yeh sab kya chal raha hai ap dono ka kab se, koi ladayi wadayi huyi hai kya?” Divya se aur nahi raha gaya toh usne seedhe munh puchh hi liya.

“Nahi aisi toh koi baat nahi hai.” Divya ki baar sunte hi dono ek sath hi bol pade toh Divya ne un dono ko thoda ghur kar dekha.

Divya: toh fir ap dono yeh kab se kya ek dusre ko baar baar choron ki tarah dekhe ja rahe ho?

Kiran(jhuthi si Hansi hanste huye): nahi beta tumhe kuchh galat fehmi ho rahi hai.

Rahul: han sab theek hai.

Un ki baaton ke andaz se Divya ko shak toh jarur huya k daal mein kuchh kala hai but usne is baat ko jyada khinchna sahi nahi samjha aur chup chap apne khane par dhyan lagaya. Fir wo dono v chup chap khana khane lage. Divya toh apna khaana khatam karte hi un dono ko good night bol kar seedha apne room mein chali gayi but Rahul aur Kiran abhi v wahin baithe the. Dono kuchh na kuchh kehna chahte the ek dusre se but pehal koi v nahi kar pa raha tha. Thoda wait karne ke baad Kiran wahan se khadi huyi aur bartan sametne lagi. Wo wait kar rahi thi k Rahul kuchh bolega kionk use kab se aisa lag raha tha jaise wo kuchh kehna chah raha ho but shayad wo hesitate kar raha tha. Rahul v kab se kuchh bolne ke liye machal raha tha but shabad uski jubaan tak ane mein hichak rahe the.

“Mom khana bahut achha tha.” Rahul ne kafi himmat karte huye itna bola aur wahan se uth kar bina Kiran ki taraf dekhe nikal gaya. Use yakeen nahi ho raha tha k usne Akhirkar Kiran ko mom maan hi liya but use ander se kaafi relaxed feel ho raha tha. Wahin Kiran ko toh aisi koi umeed hi nahi thi k Rahul use Mom bolega. Use toh mano yakeen hi nahi ho raha tha k yeh sab reality hai. But is ek shabad ne un dono ke ander kuchh toh najdeeki paida kar hi di thi.

zabardast

 

[tpk]

UPDATE 15
​

Rahul ke munh se nikle mom shabad ke asal mayne agar kisi ko pata the toh wo Kiran hi thi. Usne kitne saal wait kiya, kitna sabar dikhaya aur yeh sab sirf is liye taki wo Rahul ke munh se maa shabad sun sake. Aur aj jab Rahul ne use mom bola toh uski ankhon mein ansoo bhar aye. Usne dekha k Rahul mundi neeche kiye uper ki aur chala ja raha hai.

“Rahul” Kiran ne use rokne ke liye neeche se hi awaj di aur Rahul ke kadam eka ek wahin ruk gaye. Kiran ne jitne pyar se Rahul ko pukara tha usse wo itna toh samajh gaya tha k Kiran usse naraz toh nahi hai. Kiran ab dheere dheere Rahul ki taraf chal di. Uski ankhein nam thi aur emotions bina rok tok ke bahar a rahe the. Rahul ke theek paas jakar wo uske samne khadi ho gayi aur Rahul ne jaise hi uski taraf dekha toh bina time gawaye uske hath Kiran ki ankhon ke neeche behate uske aansuon ko saaf karne lage.

“Mom plz Roiye mat. Janta hun k maine apko itne saal bahut dukh diya hai but abhi mujhe apni galti ka ehsas ho chuka hai aur main apko aur rote huye nahi dekh sakta.” Rahul ne Kiran ke ansoo pochhte huye kaha.

Kiran(Rahul ke chehre ko apne hathon mein tham kar): beta tujhe nahi pata k kitne saal itezar kiya hai tere munh se yeh shabad sunne ke liye. Aj sham ko jab tune mujhe paani ke liye puchha toh mujhe toh mano yakeen hi nahi huya. Fir jab maine tumhe Dinning table par dekha toh mujhe laga k tum kuchh toh kehna chahte ho. Aur mujhe sach mein nahi pata tha k tum yeh kahoge. Par aj meri 20 saalon ki tapasya safal huyi aur mujhe mera beta mil hi gaya.

Kiran ki ankhon ke ansoo abhi v nahi ruk rahe the aur Rahul unhe lagatar saaf kiye ja raha tha. Rahul ke emotions v is waqt charam par the but wo kabhi jaldi rota nahi hai. Aur is waqt toh khas kar wo mahaul ko aur jyada jazbati nahi karna chahta tha. Par Kiran toh is lamhe ke liye kayi saalon se tadpi thi toh wo toh ise achhe se jeena chahti thi. Wo lagatar Rahul ke chehre ko apne hathon mein thame use dekhe ja rahi thi. Fir usne age badh kar Rahul ke mathe aur dono gaalon par kiss kar liya. Uske baad Kiran ne use apni bahon mein bhar liya aur lagatar ansoo bahane lagi. Rahul v Kiran ke sir ko apne seene par laga kar use shant karne ki kosish karne laga. Kuchh der baad Kiran ke ansoo thame aur wo Rahul se alag huyi. Par abhi v wo Rahul ke chehre ki taraf dekhe ja rahi thi aur halka halka muskura rahi thi.

“kya huya mom ap meri taraf dekh kar aise hans kion rahi hain.” Rahul ne mahaul ko thoda halka karne liye puchha.

Kiran: tujhe pata hai k tu bilkul apni maa par gaya hai. Shakal se v aur seerat se v. Agar Meri maa tujhe dekh pa rahi hogi toh wo bahut khus hogi k uska beta vaisa hi hai jaisa wo chahti thi.

Rahul: ap v toh meri maa hain na. Fir ap hi bata dijiye k ap ko jaisa beta chahiye tha kya main vaisa hun.

Kiran: han almost theek hi hai. Bas kabhi kabhi gusse mein jyada rehta hai.

Kiran ne yeh baat majak mein kahi thi but Rahul janta tha k wo sach mein thoda ghusekhor hai toh wo apne sir ko sehlate huye halka sa hans pada aur sath mein Kiran v.

Rahul: abhi try karunga k gussa thoda kam karun.

Kiran: han fir toh tu ek dum perfect son ban jayega. Vaise mujhe pata hai k tere gusse par control karna near to impossible hai kionk kuchh genes toh tujhe tere papa se hi mile hain na.

Kiran ki baat sun kar Rahul halka sa hans diya aur sath mein Kiran v. Tabhi Divya ke room ka door khula. shayad wo in dono ki hasne ki awaj sunkar bahar nikli thi.

“are wah ap dono yahan has rahe ho aur mujhe kisi ne bulaya hi nahi.” Divya ne bahar ate hi munh sa banate huye kaha.

Rahul: toh kya ab hasne ke liye v teri permission leni padegi. Tu kahin ki maharani hai kya.

Divya: Maharani toh nahi par princess toh main hun hi. Kion mamma.

Yeh bol Divya Kiran ke paas jakar use hug karke khadi ho gayi. Kiran ne v pyar se uske sir par hath firaya aur uski haan mein haan milayi.

“Han sahi kaha yeh hamare ghar ki princess toh hai hi.” Kiran ne v Divya ki side lete huye kaha.

Rahul: huhh! Badi ayi princess. Jab ise school mein koi thoda sa v kuchh bol deta tha toh aise naak bahate huye mere paas ati thi k “bhaiya mele ko usne mala”.

Divya: han toh fir aur kiske paas jati ap mere bodyguard jo ho. Ab princess khud thode na kisi ke sath ladti hai.

Rahul: han mujhe toh aur koi kaam hi nahi hai na jo main is so called princess ka bodyguard ban kar ghumu.

Kiran: are tum dono kya ab faltu mein ladne lage. Yeh koi waqt hai behas karne ka. Abhi chup chap jao aur apne apne kamre mein ja kar so jao.

Divya: nahi main toh bhaiya ke sath hi soungi.

Divya ke munh se eka ek yeh baat nikli toh Rahul thoda uncomfortable sa ho gaya idhar udhar dekhne laga. wahin Kiran ke munh par v barah baj gaye kionk Divya koi chhoti bachi toh thi nahi k wo apne jawan bhai ke sath so jaye. Usne ek dum se Divya ko ajeeb si look di toh Divya ko v ehsas huya k wo kya bol gayi. Usne danton se apni jeebh kat te huye Kiran ki taraf masoomiyat se dekha aur halke se kaam pakad kar sorry kaha.

Kiran: chalo ab tum dono jao aur apne apne kamre mein so jao. Raat bahut ho gayi hai.

Itna bol kar Kiran wahan se nikal gayi aur Rahul v apne kamre mein jane ke liye nikal pada tabhi Divya ne Rahul ko awaj di toh wo ruk gaya aur Divya ki taraf dekhne laga.

“bhaiya ek baat kahun plz.” Divya ne bade hi pyar se request ki.
Rahul: hmm kaho.

Divya: bhaiya plz ap apne kamre ko sound proof karwa lijiye.

Rahul(hairan sa hote huye): lekin kion.

Divya: wo kal Aditi bahut jor jor se awajein kar rahi rhi thi.

Itna bol kar Divya halka sa muskurayi aur apne room ki taraf chal padi. Pehle toh Rahul ko kuchh samajh mein nahi aya par agle hi pal uske dimag ki batti jali aur use kal raat ka uska kaand yaad a gaya.

“ruk abhi teri toh main.” Yeh bol kar Rahul Divya ki taraf lapka par isse pehle Divya bhag kar apne kamre mein ghus gayi aur apna door lock kar liya. Rahul uske Darwaje par hi ek halka sa mukka maar kar wapis apne room mein chala gaya.

nice emotional update

 

[Shurya dev]

Fantastic update bhai

 

[Qaatil]

Regret, is a very small word, but how much pain and how much sadness is hidden behind it nobody can think. Rahul Regrets his past, But don't let this regret dominate your life, just move on and live this moment. Nice Update Waiting For Next Update ?​

 

[urc4me]

Rasprad aur Romanchak. Waiting for next

 

[Rocky2602]

Waiting

 

[jonny khan]

Fabulous updates dear ..!!!!!

 

[Mr. Marvel]

zabardast update

zabardast

nice emotional update

Fantastic update bhai

Rasprad aur Romanchak. Waiting for next

Fabulous updates dear ..!!!!!

Thanks dosto

 

[Mr. Marvel]

Regret, is a very small word, but how much pain and how much sadness is hidden behind it nobody can think. Rahul Regrets his past, But don't let this regret dominate your life, just move on and live this moment. Nice Update Waiting For Next Update ?​

Well said bro. Thanks to be supportive.