If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
FantasyKaisa Ye Ishq Hai ~ Ajab Sa Risk Hai ~ Reload (Completed)
Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle
"Arymani:- The Pure Alfa Between Two World's."
Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...
Filhaal Abhi vyast hun ek pure romantic journey par....
Abhishek aur Asis ka engagement wahin Delhi me hi sampann hua. Delhi se Pune lautne ke agle din hi Jivisha ne sabko khabar bhijwa diya ki Apasyu se meeting fix ho gayi hai, bade logon ko shadi ki taiyari karne do aur hum sab Apasyu se milne ki taiyari karte hain...
Kayi shadiyan ek sath sampann honi thi. Nischal aur Jivisa ke sath, Kasak-Shahil, Serin-HuYu, Abhishek-Ert aur Asis-Luna ki shadi honi thi. Ek bade paimane par shadi ki taiyari honi thi iske liye wedding planner ko bulwaya gaya tha.
Sara cost aur calculation samjhane ke baad wedding planner ne kuch prastav rakhe jisme se un sab ne "Kaisah Parvat Marg" par shadi ke liye raaji huye the. Ye sara plan Jivisha ka tha, aur iss destination wedding ko Tibbath ke uss mathh se 32 kilometer pichhe ek hill station par rakha gaya tha, jahan Jivisha, Apasyu ke sath thi...
Sabhi family 1 hafte pahle uss jagah par pahunch gaye the. Kayi tarah ki rashem aur geet-sangeet ke bich log shadi ka pura luft utha rahe the. Ek taraf shadi ki umang thi tou dusri ore sabke pass suchna pahunch chuki thi ki kal subah hi Apasyu se milne mathh me jayenge.… yah shadi ke 2 din purv ki meeting thi...
Nischal aur Serin pichhle 10 dino se iss ghadi ka intzar kar rahe the. Apni taiyariyon ko un logon ne aur bhi pukhta kiya... HuYu, Luna, Ert aur rescue me bache takriban 25 soldier ki team raat ko hi mathh ke liye rawana ho gayi. Takriban ek kilometer ke kshetr me un logon ne apna pura jaal faila diya...
Subah ke 8 baje pahle Jivisha nikli, aur pichhe se bakiyon ko aane ke liye kahi. Takriban 9 baje Nischal, ne Serin ko bakiyon ke sath pichhe se aane ke liye kaha, jabtak wo Apasyu se baat karta…. Yadi kuchh gadbad dikhta to extra backup ke liye Serin aur baki ke sabhi log hote... ..
Nischal apni poori Raftaar se, shwet chadar odhe bhumi par bhagna shuru kiya aur palak jhapakte hi Nischal mathh ke khali maidan me aa'kar ruka, jahan Apasyu bich maidan me lakdi ki ek khubsurat chair par baitha hua tha, aur thik samne dusra khali chair laga hua tha...
Nischal ko aisa laga mano Apasyu pahle se uska intzar kar raha ho... Nischal aaram se paidal chalte huye aa'kar khali chair par baitha... Dono ek dusre ko ek najar dekhe.…
"Subah subah iss universe ke sabse takatwar yodhha se milne ka mauka mila... Amezing"… Apasyu ne muskurate huye apni baat kahi...
"Subah-subah tum jaise se milna par raha hai. Disgusting"…. Nischal bhi apni mansa jahir kar diya ..
"Kafi gusse me lag rahe ho tum Nischal"…
"Mujhe "tum" kahne ki tumhari aukaad nahi, dhongi"…
"Kamal hai main aaram se baat kar raha aur tum, naa maaf karna, aap... Aap kafi gusse me lag rahe sir"…
"Na re main gusse me nahi hun... Tujhme mere gusse sahne ki bhi aukaad nahi hai"…
Dono dikhne se to bilkul shant hi najar aa rahe the, lekin jaise fijaon me hi ek alag tarah ka dwand chhida hua tha… Har baar apni-apni baat kah'kar dono ek dusre ko aise dekh rahe the, mano apni baat kahne ke baad apne chehre se kahe gaye shabd ki gahrai ko samjhane ki kosis kar rahe ho...
Issi bich Apasyu apni jagah se khada hote.… "Kafi nafrat bhari hui hai... Iss nafrat ki vajah"…
"Tu hai kaun jis'se pyar ya nafrat ki koi vajah honi chahiye... Bus mere kuchh sawalon ka jawab de de"…
"Respect… mujh se kuchh janna hai tou respect ke sath aana hoga"…
Nischal apna khanjar nikal'kar, uss par hath ferte.… "Meri juban se jyada meri khanjar respect deti hai... Aur jab ye khanjar respect deti hai tou samne wale ka square inch maans ka lothra, uske ghar wale shraddha purwak aur poore respect ke sath unka antim sanskaar karte hain"…
"Kamal ka attitude hai... Bina kisi ko jane, parakhne ki adbhut kalaa hai"…
"Tujhe parakhne ki jaroorat hi kya hai... Tere shakl par dhongi likha hai"…
"Hmmm ! Dimag me pahle se itna nafrat bhar'kar mujh se kuchh jan'ne ki aas me aaye ho... Itna vishwas aata kahan se hai"…
"Janta hai tu jinda kyon hai, kyonki meri pyari patni ko lagta hai ki tum koi alokik purush ho. Wo batayi nahi kabhi lekin uski aankhon me tumhare liye jo samman aur izzat uski yaden jane ke waqt ki thi, wo yaden wapas aane ke baad aur bhi jyada badh gayi hai"...
"Meri bahan ka kahna hai ki tum koi mayavi ho... Jaise yahan ke purani kathaon me hote the na mayavi raakshas, waisa. Kya main apni bahan ki baat par yakin karta hun... Haan bilkul... Tum hi wo insan ho jisne meri patni ki chahat ko mujhse dur le gaye".
"Jab se suna ki tumhe uski gayi yadast ke bare me pata tha, ussi waqt tumhe chidne ka dil kar gaya, kyonki tu uss Surpmarich ka chela hai jise sab pahle se pata tha…. Waise to jaan bakshna meri aadat nahi, lekin mujhe tu uss Surpmarich ki puri yojna bata de aur bacha le apni gandi si jaan. Aur bhul'kar bhi dobara kabhi mere samne mat aana, warna jis ghadi meri najar tujh par pari agle kshan teri kati hui lash ko tere log samet rahe honge, jaise kuchh din pahle samet rahe the"…
Baat karte-karte aakhir me Nischal iss kadar garja ki uski gunj se wahan ke sthir parvat tak bhaybhit ho jaye.... Dahakti aag si Nischal ke aakhon me uth rahi thi...
"Ye garjane wale badal"…. Kahte huye Apasyu ne apne dono hath se tej dhakka diya aur Nischal ko laga uske sine par 10-12 hathiyon ne ek sath pure jod se laat maar di ho... Wah kitni dur ja'kar gira usse khud bhi pata nahi....
Idhar Apasyu apne hathle par lage kisi device ko bahar nikal'kar kursi par rakh diya... Aur apni jagah par aankh munde khada ho gaya... Usse ek aniyantrit hawa ka kafi tej jhona mehsus hua... Jo dhire-dhire nahi balki ek pal pahle kahin dur to agle hi apne karib pahunch chuka tha.
Nischal jo apni raftaar ke liye jana jata hai... Palak jhapakte hi Nischal ke pass tha aur agle hi pal uska khanjar Apasyu ke gardan me ghusne ko taiyar. Itni gati ke samne Apasyu ke tej reflexes kisi kaam ke nahi the. Mauka nahi tha iss waar se bachne ke liye, isliye kewal apne gale ko bacha'kar pura khanjar apne kandhe me liya.
Khanjar jaise hi Apasyu ke kandhe me ghusa uski dard bhari chinkh charo ore fijaon me gunj gayi..... Nischal ab kahan rukne wala tha... Ab to bus khanjar dayen kandhe se niche sine, pet aur dayen paun ko chidte huye nikalta...
Lekin Nischal ka khanjar kuch inch niche gaya, tabhi Apasyu, Nischal ki kalai pakad liya, aur dusre hath uske kandhe par dal'kar piche ke ore dhakelne laga...
Jaise hi Apasyu ne kalai thama, Nischal ke liye yah pahla aaschrya tha, kyonki khanjar se uski pakad dhili padne lagi thi... Nischal ke kandhe ke jis hisse par Apasyu ne apna hath rakha, wahan se kapde bilkul gayab ho gaya aur wahan uss hisse me ajib sa dard hona shuru hua.
Achanak hi Nischal apna hath jhatka aur idhar Apasyu ne charo ore kewal dhuwan hi dhuwan kar diya.… "Tumhe kya lagta hai, bal se tum jit loge"…… Dhuyen ke bich Nischal, Apasyu ki awaj par palta lekin agle hi pal uske pith par Apasyu ka panja para.… Nischal ko mehsus hua jahan hath para wahan ke kapde bhi gayab the aur skin par kuchh to ho raha tha... Nischal kuch samjhta uss se pahle…
"Tumhe kya lagta hai, tumhara tej daudne ko koi rok nahi sakta"…. Aur fir se dono hath ke panje dono paun par... Nischal kewal ghum ghuma'kar charo ore awaj ka pichha kar raha tha… aur Apasyu lagatar apna kaam kar raha tha...
"Kya hua, tumhari wo awaj kahan gayi Nischal... Sare yudh niti kahan dhari rah gayi…. Chalo aaoo aaooo aaooo bhi ab Sahjade"….
Nischal samajh chuka tha ki yahan wo trap ho'kar rah gaya hai... Usne apni aankhen mundi aur agle hi pal wo charo ore dekh pa raha tha… Samne hi Apasyu khada tha... Nischal ka kalpnik sharir jaise hi Apasyu ke ore badha... Wo saaf taud par dekh pa raha tha…
Apasyu ke ander se uska aadha kalpnik sharir bahar aaya... Aur aadha Apasyu ke ander hi samaya tha… bilkul shwet dhuwa'numa sharir, jo kamar ke upar se Apasyu ke sharir se bahar nikla hua tha... Uske dono hath lahrate huye Nischal ke mathe se tike...
"Laut jao jahan se nikal kar aaye ho... Tumhari telepathy aur teleportation yahan kisi kaam ki nahi"… itna kah'kar Apasyu ne Nischal ke shwet sharir ko itna tej pichhe jhatka diya ki agle hi pal Nischal ki aankhen khul chuki thi..
Dhuwan pura chhnat chuka tha aur Nischal ko samne Apasyu najar aane laga tha... Nischal kafi tej daud'kar mano uske sharir ko bich se hi faad'kar nikalne ki kalpna kar raha ho... Shwans khincha aur daur ke liye wo taiyar hua, lekin wah apni gati se daur nahi paya balki samanya gati thi...
Gati bhale hi samanya rahi ho lekin aakrosh to utna hi tha... Mann me jarra bhi khyal nahi ki Nischal ki gati kahan gayab hui... Wo bus aaram se Apasyu ke pass pahuncha aur agle hi pal Apasyu ke dono hath ka rod chal chuka tha... Ek Nichal ke ghtno par aur dusra bayen gardan par.… Wo humla itna tej tha ki Nischal ladkhada gaya, wah ghutno par aa gaya tha...
"Kya hua kuchh asahay sa mehsus kar rahe ho kya... Tumhara backup plan kaam nahi kar raha, active karo apne logon ko"…
Apasyu ki baat sun'kar Nischal apne charo ore dekha. Ek ore Luna aur uski puri team thi to dusri ore Serin ke sath Nandni, Kasak aur baki ke log the...
Aannkhon me jaise khun utar aaya ho. Nischal kafi teji dikhate huye khada hua aur utni hi gusse se apni puri kshmta apne mukke me sameta... Aur badh chala...
Apasyu ke ek tej rod ka waar, nishana kanpatti, lekin agle hi pal Nischal apne forearm ko, rod aur kanpatti ke bich la'kar, khud ko save kiya aur pure bahubal ke sath Apasyu ke chehre par apna punch chala chuka tha...
Apasyu ka tej reflexes. Dusre hath ke rod ko niche le ja'kar jamin se tikaya aur aadha sharir pichhe... Chhanik malma tha.. jaise hi punch ka waar khali gaya, Apasyu sidha khada ho'kar apne dusre hath ka rod itna tej uski pasliyon par mara ki Nischal bechara chatpata gaya.…
Serin, Nandni aur Kasak teeno hi apne aankho ke samne ye sab hota dekh rahe the. Ander se khun khaul raha tha. Nischal ko maar khate aur karrahate huye mehsus kar aankhon me aanshu the, lekin chah kar bhi uski madad karne me asamarth rahe...
Kahna galat nahi hoga ki iss baar Apasyu ka beraham rod chal raha tha... Lagatar aur bina ruke... Aisa lag raha tha jaise police kisi gunde ko dande se pitai kar rahi ho...
Kuchh der Nischal khud ko bachate huye Apasyu par humla karne me laga tha... Lekin sab vyarth. Kuchh kosison ke baad Nischal kewal aur kewal uss rod ke dard ko sahta raha.….. Ghutno par baitha Nischal jab bhi khada hone ki sochta... Rod itni gati se uske dono ghutno ke niche parte... Satakkk.. satakkk... Aur Nischal wapas ghutno par...
Nischal ghutno par baitha bilkul asahay sa tha... Haalaat uske paksh me nahi the, fir kuch jaise yaad sa aaya ho aur usne apne pure badan ko dhila chhod diya... Apni puri shawans ander khinchte, bachpan ke kuchh palon ko yaad kiya... Jise yaad kar'ke uske chehre par muskaan faili thi... Wahin dusri or Apasyu apne pass aaye mehaman ke charity me koi kasar nahi chhod raha tha...
Rod itna tej, uske pith aur badan par lagataar chala raha tha ki chamri udher kar rakh di ho... Ek baar fir Nischal khada hua... Apasyu ne fir se ghutno par maara... Lekin iss baar ka khada hona kuchh alag tha... Nischal wapas se ghutno par nahi gaya... Rod teji se badan par barasne ke liye teji se badhe…
Na to Nischal ke pass koi gati thi aur na hi purv wala bahubal. Bilkul samnya kisi manushya ki tarah tha... Aur jitni bhi kshmta ke sath wo ladta kisi samanya manushya ki kshmta anusar ladta...
Nischal jaise hi apna ek kadam aage liya... Apasyu ne ek hi waqt me dono hath ke rod se, badi teji ke sath chalaya... Ek ka nishana Nischal ke ghutne par aur dusra upar pasliyon par..
Nischal kafi teji ke sath apne dusre paun ke aeri ko, rod aur gutno ke bich laya aur thik ussi pal apne forearm se upar ke rod ke humle ko roka... Nischal, Apasyu ke najron se najren milaye muskura raha tha... Nischal ka chehra mano ishara kar raha ho... "My turn"…
Apasyu apni puri kshmta se rod chalata raha aur Nischal uske sabhi humle ko nakam karte, ek baar fir apne punch me pura josh bhada... Ek baar aur nishana Apasyu ka chehra. Ek baar fir Nischal ka jordar punch chala. Apasyu ne reflex pichhe ke ore liya aur jaise hi sidha ho'kar apne dono rod counter attack me chalaya, Nischal bade pyar se dono rod ka maar jhelte apna ek puch fir se chala diya. Jiske jawab me Apasyu ne apne face ko pura bayen ore reflex liya... Par iss baar Nischal bhi taiyar tha...
Apasyu ne lagbhag na dikhne wali gati se reflex liya tha, lekin Nischal ke najron ke samne jaise sab kuchh slow motion me ho raha ho… yun Apasyu ne apna kandha aur gardan ko bayen ore jhukaya.. aur agle hi pal Nischal apne bayen hath se Apasyu ka gala dhar dabocha...
Samaya se bahubal aur ussi bahubal ke sahare Nischal ne badi hi aasani se Apasyu ko apne 1 hath se hawa me utha'kar uska chehra apne chehre ke pass laya... Pith par rod par rahe, kise fark parta tha... Dard to ho raha tha lekin dard ka pata nahi chal raha tha...
Agle hi pal Nischal ne apna chaku Apasyu ke kandhe se nikal'kar kamar me dala aur apne dayen hath ke anguthe ko kandhe surakh me dal'kar aisa dabocha ki Apasyu ke hath kaanp gaye. Apasyu jab dard se chhatpata raha tha, thik ussi pal Nischal apne sar se aisa takkar maara, Apasyu ki rashbhari (khun), naak se chhar-chhar karke bahne lagi... Uska naak buri tarah se toot chuka tha...
Apasyu ne apne paun ka sahara le'kar ek tej dhakka mara aur dono jamin par gire huye the... Apasyu ki haalat dekh'kar Nandni hooting karti hui kahne lagi... "Chhodna mat Nischal… chid daal"…
Nischal muskurate huye apne logon ko ek baar dekha. Sabki najren Nischal ko protsahan de rahi thi. Dono uth khade huye… apni-apni jagah se ek dusre ko dekhte jaise lalkaar rahe ho....
Sukr hai Nandni ka kewal muh khula hua tha jis wajah se wo kewal kaan faad hooting hi kar rahi thi. Kahin pura badan aazad hota tab wo nachne na lag jati… Idhar Apasyu aur Nischal ek dusre ko parakhte, ek-ek kadam aage badha rahe the…
Dono ki najren, agle humle ki lagbhag yojna bana chuki thi… Humla ke liye badhe hi the tabhi ek jod ki seety ne dono ka dhyan khincha.…. "Match over... Match over"… Alexa chillate huye dono ke bich khada tha aur ussi ore se nikal kar aa rahi thi Jivisha...
Ujle rang ka poshak pahne… jiski ek lamba sa kapda hawa me dur tak lahra raha tha... Mathe par badi si naag ke nishan ki bindi... Chehra bilkul chamkta hua jo halke nile rang ka pratit ho raha tha... Bhavya drishya tha Jivisha ka, jise dekh'kar aisa lag raha tha koi alokik shakti muskurati hui wahan par chali aa rahi ho...
Nischal jab wo pahli jhalak dekha... Bus dekhta hi rah gaya... Najron se tab'tak wo Jivisha ko dekhta raha, jab'tak ki uska dhyan Alexa ne nahi khincha... "Tunhari hi biwi hai"…
Alexa ki baat sun'kar Nischal muskuraya. Tab'tak baki ke log bhi apne atke sharir se azad ho chuke the… jaise hi Nandni unke bich pahunchi… gusse se Alexa aur Jivisha ko ghurte...
"Kamini jab Nischal maar kha raha tha tab seety nahi baji... Khali ek baar naak kya tod diya... Tabhi ladai rok dee... Jab'tak barabar ki kutai nahi hoti, tab'tak ladai nahi rukegi... Areee iss kamine Apasyu ne to dhoka kiya... Nischal ko chhal se roka... Warna Nischal yadi apni puri kashmta me hota, to ye Apasyu ka baccha ek second nahi tikta... Chaho to aajma'kar dekh lo"…
Jivisha muskurati hui... "Aisi baat hai kya"…
Jivisha ne ek chhota sa ishara kiya aur ek-ek kar'ke log uske pichhe aate gaye... Sabse aage Jivisha khadi thi aur uske pichhe Apasyu, Ert, HuYu, aur Aizem ke wo sabhi log, jo black hole rescue me bachaye gaye the. Sab ke sab Jivisha ke pichhe khade the...
Takriban 2 saal pahle. 2 grahon par ek lambe sajison ka daur khatm ho chuka tha. Zoren ke tatkal shasak Mahamahim ko ukhad fenka gaya tha. Wahin Nischal ke home planet Aizem par satta me rahne wale har uss naukarsah ko hata diya gaya tha, jinke ander samuday vises ki bhavna thi aur unhe lagta tha ki kewal Dakshat samuday hi sharv shresth samuday hai… Issi bhavna ke chalte wo dusre samuday par shosan aur unke khun bahane se bhi pichhe nahi hat'te the.
Issi ke sath yah baat bhi shuru ho chuki thi ki bhavishya me jaal mahal ek rachnatmak jagah se jyada, apne vidhwanshon ke liye na jaana jaye. Jaise ki purv me bhi ek prayogsala ka parinaam poora universe dekh chuki thi. 2 planet, Aaynek aur Massori puri tarah se tabaah ho gaye the.
Inhi sab baton ko dekhte huye, naa chahte huye bhi Nischal aur Serin ko, Jaal mahal ko poori tarah se dhwast karne ki baat par apni sahmati jatani pari. Lekin Jaal mahal ke jane ka gum bhi dono ko utna hi tha. Serin aur Nischal ander hi ander poori tarah se toot chuke the.
Ussi dauran Jivisha jaal mahal ke bhraman par nikli thi… Nayla, ke sath hansi mazak karti, Jivisha uss 600 kilometer me faile bade se prayogshala ko dekh rahi thi. Medical section aur kuchh suraksha taknik ko hifajat se dusre jagah le jaya ja raha tha…
Nayla:- Shashika aap mere sath aao, aapko yahan ke sabse kamal ki chij se milvati hun...
Jivisha:- Yadi kamaal nahi hua tou...
Nayla:- Yadi kamal nahi hua tou aap mujhe saja ke taur par prithvi bhej dena...
Jivisha:- Matlab wo jarra bhi kamal ka na hai... Bus mere sath time pass karne ki kosis ki ja rahi hai...
Nayla:- Aap bahut sochti hain... Chalo mere sath…
Jivisha:- Bahut waqt ho gaya hai Nayla, abhi chalte hain. Baki kal dekh lenge...
Nayla:- Oh ho chehre par milne ki tadap aur aankhon me mayusi… Kya hua !!! Humare Sahjade ki yaad sata rahi...
Jivisha apna chhota sa muh banati.… "Mujhse Nischal aur Serin ka dard dekha nahi ja raha… Jaal mahal me jaise dono bhai-bahan ke pran baste ho."
Nayla gahri shwans chhodti.… "Unki maa ki yaden basi hai iss jagah me... Unka pura bachpan basa hua hai... Wahi to kamal dikhana chahti thi... Dono bhai-bahan khud se bhi kabhi iska jikr nahi karte… yahan kewal main aur Lobhu hi aise hai jo ye baat jante hain...
Jivisha, sawaliya najron se.… "Kaun si baat"
Nayla, bina kuch bole Jivisha ka hath khinchti usse apne sath le'kar jaal mahal ke sabse surakshit jagah me ghusi thi… Yahin tha Jaal Mahal ka master mind "Central Autonomus body".. aaj ka Alexa...
Ek chhota sa bluish half ball, lagbhag 4 inch ke ridius wala, kisi 3 by 1 meter ke ragtangle kale surface ke upar rakha hua tha… Kayi sare complex wiring aur kayi tarah ke multiple microchip ke sath juda hua tha... Jivisha jaise hi uss kamre me ghusi wahan charo ore ki raushni aise jag-mag, jag-mag karne lagi mano Jivisha ka swagat kar rahi ho...
Nayla:- Super Master, kabhi mera to aisa swagat nahi kiye...
Central Body:- Tumhe kaha tha uss gadhe Nischal ke chakkar me mat paro... Uss Lobhu ke sath jodi mat banao... Mera ek bhi kaha maani thi… Jo tumhara swagat karun...
Jivisha:- Oye budhe computer ji, khabardar jo mere Nischal ko gadha kahe tou... Achha nahi hoga...
Central Body:- Maaf karna main tou bhul hi gaya yahan kaun aayi hai... Maaf karna, muh se nikal gaya...
Jivisha jor jor se hansti hui… "Aap bhulte bhi hain"…
Central Body:- Haan bilkul bhulta hun… isliye tou sabhi yaden system me save kar leta hun...
Central Body.… Mujhse jud jaeye, main sab dikha dunga...
Jivisha muskurati hui ek puri wire ka sangrah apne dimag ke kinare se chipka lee… Jivisha jab wo pura device aur wire apne sar se connect kar rahi thi, hans rahi thi... Jivisha ke chehre par aayi hansi ko dekh'kar Nayla puchhe bina rah nahi payi...
Jivisha:- Ye wahi connection hai jise Nischal apne sar me laga'kar, Earth se Aizem par contact karta tha aur hum usse pagal samjhte the... Aisa karte sab se jyada to Nandu ne usse dekha tha... Nandu mujhse aksar iss prakar ke ajib wiring ke bare me batati thi...
Nayla:- Haan main janti hun. Prithvi par dono sath rahte the na…
Jivisha:- Sath matlab… Adbhut... Dono ka sath hona hi mind blasting tha. Main unhe 2 nahi balki ek unit hi samjhhti hun…
Jivisha uski baat par hansti hui.…. "Haan dono bahut jyada prem karte hain… yah ek anokha prem hai Nayla, jise sirf mehsus kar skati ho.… Isse main tumhe bata nahi sakti... Kyonki na to unke bich kisi premi-premika ka prem hai. Na hi kisi ristedari ka prem hai. Dost to Nandni ki mai hun... Nischal aur Nandni to dost se badhkar hai... Un dono ke bare me baat karne baith gayi na to Central Body sir bhi pareshan ho jayenge…
Nayla:- Fir bhi dono ke bich itna prem dekh'kar aapko kabhi irshya nahi hui...
Jivisha:- Pagal ho kya? Wo main hi to thi jo din raat bhagwan ke samne, ek hi khwaish to maangi thi..
Nayla:- Kya Shashika...
Jivisha:- "Yahi ki mere sapno ka Sahjada jo bhi ho, usse bhi Nandni se utna hi lagaav ho jitna mujhe hai... Warna shadi ke baad ladki apne sabhi dost ko kho deti hai... Kabhi meri maa ke dost rahe honge.. kabhi meri bhabhi ke dost rahe honge.… Lekin shadi ke baad pati hi sari duniya rah gayi aur pati ka pariwar unka pariwar"...
"Fir un logon ke pass koi option bhi nahi hota... Shasural ke hi kisi family frined ya pados ki koi lady ke sath naye sampark se dosti shuru ho jati hai. Lekin unme fir wo maza kahan, jo khud ke niji swatantrta se bana dost tha... Isliye meri zindgi me jab se Nandu aayi, tab se to laga ki kahan main shadi kar rahi. Fir mera parivar aur meri dost paraye ho jayege"...
Nayla:- Bus shashika... Itne bhavnao ke sath mat bola karo, dil me bechaini si hoti hai ki mera aisa koi dost kyon nahi… Waise aapne to apne hisab se soch liya, lekin kya Nandni ka pati nahi hoga...
Jivisha:- Nandni ne bhi bhagwan se wahi sab maanga hai, jo maine maanga tha... Tabhi to Ansh jiju usse mile... Unke jaisi soch yadi har pati ki hoti, fir to meri ye soch hi nahi aati ki shadi ke baad meri dost pichhe chhut jayegi...
Central Body:- Main intzar me hun... Aapki baten samapt hui ho to...
Nayla aur Jivisha uski baat sun'kar hasne lagi. Nayla ne khud se poora system connect karti... "Yahan se, kisi se sampark karna, sabse secure chhanel hai... Fir unki baat koi nahi sun sakta aur iss system ki xforum-comminication frequency to "Far Universe" se bhi kaam karti hai"…
Nayla:- Galat... Ye Central Body bahut akdu hai… un dono ke alawa kisi ko baat nahi karne deta... Yahin aakar wo dono ghanton apni maa ki yaad ko dekha karte the…
Jivisha:- Connect ho gaya kya??? Main bhi apni dono sasu maa se mil lun...
"Haan connect ho gaya hai. Aap aaram se chair par baith jaeye"…. Nayla sab kuch ok ka signal di... Jivisha aaram se aankhen mud'kar baith gayi... Dimag ke ander "changggg-ghannnnn" jaisi awaj aane lagi jo Jivisha ko ek gahri nidra ke ore le jane lagi. Aankh bojhil hokar bilkul band. Dimag bilkul blank… aur kuchh hi der baad dimag ke ander, multicolored ultra HD video with highly digital Dolby sound ke sath play hone laga…
Jivisha soyi hui thi lekin chehre ki bhavnayen lagatar badalti rahi… kabhi shant to kabhi muskurana... Chehre par kabhi khili si hansi to kabhi aankhon me nami... Chehre par gussa, to kabhi utni hi nafrat bhi...
Jivisha ke aankhon ke samne uss daur ka poora itihas tha, jab waqt tha Vish-Nilayni ka. Jivisha kisi aur ki yadon me nahi, balki Guru Vashudhar ki yadon me thi... Jise technology ke jariye sameta tha Nischal ke, par par par.….. par dada Duwitiya Viggo Sigma Kyos ne... Aur jab Kyos ka bura daur shuru hua tab apni patni ko Viggo viman ke sath iss complex rachna "Autonomous Body" ke sath Aizem bhej diya...
Jaal mahal nirman ke waqt, Nischal ki maa ne puri sanrachna ka brain, "Autonomus Body" ko banaya tha, isliye isse "Central Autonomus Body" kaha jata raha.… Jaal mahal ka nirman Nischal ki maa ne hi ki thi, jisme Serin ki maa ne bhi aham bhumika nibhayi thi… isliye un dono ki puri Yaden… Nischal aur Serin ke janm ki tasveeren, unka wo bachpan jo dono ko yaad nahi, sabhi iss jagah par sangrahit the... ...
Dwitiya Viggo Sigma Kyos ne jab Guru Vashudhar ke achet sharir ko dekha tha, tab manviya bhavna ke tahat apne scientist se unke sharir ko bachaya tha. Wo log Vish-Nilayani aur Guru Vashudhar ke sharir ko to chid-fad'kar fekne wale the, usse sanrakshit kiya Kyos ne...
Kyos in dono ke sanrakshit sharir ko ghanto baith kar dekhta. Dono ki kahani usse pata thi aur kewal ek hi baat dimag me ghumti.… "Aakhir ek sanyasi kya bachane ke liye khud ko ek mirt mann ke jaal me fasaya hoga"...
Yah sawal itna vichlit karne wala tha jiska javab to kewal Guru Vashudhar jagne ke baad hi de sakte the... Unhi sawalon ko sochte huye, Kyos ke mann me khyal aaya ki kyon na unki yadon ko sanrakshit kiya jaye... Wo na bhi uth sake to kam se kam wo sandesh to chhod hi sakte hai, jis wajah se unhone lagbhag khud ko mrit kar liya...
Ek sakaratmak soch ke sath, Kyos ne dimag ki yaad sangrah karne ke irade se ek artificial brain ka nirman shuru kiya... Ye bade se brain ki hu-bahu copy thi... Maksad sirf aur sirf brain ki yaden leni thi… Gupt roop se lagbhag 22 saal ki kadi mehnat ke baad artificial brain develope kiya gaya tha...
Kyos ne xforum-comminication ke circuit par ek complex nirman kiya tha. Artificial brain banane ke baad, pahle ek bade se board se joda gaya. Ye complete hard disc board tha jiski capacity lagbhag infinite rakhi gayi thi. Kyonki dimag ki yaden pata na kitna space le...
Kamal ki technology. Jab ye puri tarah se ban'kar taiyar hui thi, tab Kyos ne pahla test apne brain ka kiya tha... Apni kuch yaden daal'kar dekha, prayog purn safal raha. Itne lambe arse baad usse safalta haat lagi thi... Kyos ke khushi ka koi thikana nahi tha...
Safal parikashn ke baad Kyos ne poore nirman ko hard metel ke bich dala... Upar aur niche ka aisa cover, jise arbon varshon tak bhu-tal me dalne ke baad bhi galaya nahi ja sakta tha... Sabse thande jagah par jama kar, usse toda nahi ja sakta tha... Cover ke upar fire proof metal chadhaya gaya... Taki ander ke cover ko certain heat ke baad melt nahi kiya ja sake...
Fire proof ke liye ek kamal ki dhatu istamaal ki gayi thi, jo "ek suraj" ke pass wale Huriyant planet par milta tha. Wo dhatu dikhne me chandi jaisa aur failne me bhi ussi ki tarah tha... Uske patle ek parat ko kisi bhi aakar me bitha do... Aur usme lipta kisi bhi vastu ko suraj ke gole par kyon na fenka jaye... Heat se melt nahi ho sakta...
Mahan Teknik, umda surakha aur fir finally artificial brain ko, Guru Vashudhar aur Vish-Nilayani ke dimag se connect kar diya gaya... Lagbhag 146 din lag gaye the un yadon ko sametne me... Lekin Kyos ko kya pata tha yadon ko sangrahit karne ke dauran Guru Vashudhar ka aanshik kalpnik sharir uss artificial dimag me aa jayega...
Ye kamal technology ka nahi tha, balki Guru Vashudhar ka tha. Yun tou Guru Vashudhar ek mirt mashtisk me fanse huye the, kintu wahan unke kalpnik sharir me kayi sare kshmtayen swatah hi hasil ho gayi thi... Vish-Nilayani ke mirt sharir ke 50 meter ke dayre me aane wale har mashtishk ko Guru Vashudhar padh sakte the... Apne kalpnik sharir ko kayi hisson me bant'kar wo mirt mashtisk ke kayi hisson me khoj kar sakte the... Lekin mrit mahstisk ke bhrm jaal ko akele Guru Vashudhar nahi tod sakte the...
Dimag ki yaden jab sameti ja rahi thi, tab Kyos ko bhi pata nahi tha ki Guru Vashudhar ki poori yaad to unke kalpnik sharir ke sath, Vish-Nilayani ke dimag me uljhha hai... Unhi uljhe taar se jab Artificial brain technology ka sampark hua, tab Guru Vashudhar ne apne kalpnik sharir ki aanshik bhag uss artificial brain me jane diya, taki unki yadon ko koi bhi unki marji ke bina dekh na sake...
Ab jab Guru Vashudhar ki aanshik dimag uske ander aaya, fir uss gupt sthan me 22 sal salon tak ki hui sari ghatnayen kaid ho gayi… Kyos ki puri soch... Gahan sodh ke bich unke kushal patni ka kaam me madad karna... Unki hat'kheliyan, Kyos ki patni ki bhavnayen jab uske pati mahino bahar rahte.
In dono ke alawa yahan bahut se scientist bhi aaya karte the. Kuch achhe the to bahut sare ahankari Viggo scientist… unme se tou kayi sajiskarta bhi the..... Jab yaden sameti ja rahi thi tab un yadon ke sath wahan aaye har scientist ka dimag, Guru Vashudhar ke yaad ke roop me kaid ho chuki thi.
146 din ke baad jab Kyos aur uski patni dono poore utsah ke sath, uss gupt bhavan me pahunche. Sabhi tarah ke connection karne ke baad, dono jaise hi yadon me ghuse... Kyos aur uski patni ke liye chaukane wale tathya samne aaya, jisme pahle to Guru Vashudhar ne, unhe un yadon me jhakne se rok diya jinka vasta Kyos athva uski patni se nahi tha… fir aage Guru Vashudhar ne Kyos aur uski patni ko un yadon ki gahrai me le gaye jo unke kaam ki thi.…
Ye Kyos ke hi safal experiment ka kamal tha ki 22 sal ke lambe daur ke bich, kayi sare scientist ke dimag ki yaden, unke dwara sochi gayi theory... Experiment process aur science ke vibhinn vishyon ka concept "Central Autonomus Body" ke pass thi... Aur uss pure system ko koi machine nahi balki ek kalpnik dimag control kar raha tha, jo apni marji ke anusar kisi se yaden sajha kar bhi sakta tha ya bilkul bhi nahi... Haan lekin yaden sajha karne ka ek hi niyam tha... "Jo jiske kaam ki yaden hongi, bus utna hi dikhaya jayega"…
Experiment process aur science ke vibhinn vishyon ka concept "Central Autonomus Body" ke pass thi... Aur uss pure system ko koi machine nahi balki ek kalpnik dimag control kar raha tha, jo apni marji ke anusar kisi se yaden sajha kar bhi sakta tha ya bilkul bhi nahi... Haan lekin yaden sajha karne ka ek hi niyam tha... "Jo jiske kaam ki yaden hongi, bus utna hi dikhaya jayega"
Unhi dino, Kyos ko samay ke purv hi kayi logon ke sajison ka gyan ho chala tha. Tab shuru hua tha, engineering aur artitecture ka anokha nirman, jise Viggo viman ke naam se jante hain. 200 square kilometer ke viman ko 2000 tukdon me banaya gaya tha. Huriyent aur Decca grah ke 40 hazar kushal karigar iss nirman ke liye bulaye gaye the aur Kyos ke vishwas patr logon ki dekh rekh me iss pure viman ki rachna hui thi... Wahin dusri ore Guru Vashudhar ne Kyos ki patni ko prithvi bheja tha aur wahan se unki kuch gupt pustak aur 2 nayab patthar Ayenek par lane...
Viggo viman ke ban'ne me Guru Vashudhar ne Kyos ki puri madad ki thi. Ye Guru Vashudhar ka hi idea tha ki yah viman ek Viggo Sigma apni urja se chalaye... Energy backup ke liye hi Guru Vashudhar ne Kyos ki patni ko wo 1 joda nayab patthar lane prithvi bheja tha, jise "Twin Energy Stone" kaha jata tha, "Judwa Urja Patthar"… Energy stones mangwana ka sidha sa dusra karan yah bhi tha ki Guru Vashudhar nahi chahte the ki 6 jodi judwa urja patthar me se unka joda patthar Surpmarich ke hath lage…
Chhote se Manik ki taran dikhne wale in pattharon me adbhut kshmta thi. Ek patthar apne ander kisi bhi prakar ki energy ko khinch sakti thi to wahin dusra patthar se, kisi bhi medium me kafi jyada energy relese karwayi ja sakti thi... Lekin dono patthar hamesa de-active mode me hote the... Jinhe taknik ya sahi siddhiyon ke jariye active kiya ja sakta tha...
Yah wahi 2 patthar the jiska ek pendent Serin ki maa ne Serin ko diya tha aur dusra pendent Nischal ko jungle me mili thi... Jiske milne ka shrey wo apne Guru ji ko deta hai, jabki "Central Autonomus Body" ne Nischal ko surprise karne ke liye wah patthar Nischal ki maa ke hathon rakhwaya tha...
Ye wahi patthar hai jiska 2 joda Surpmarich ke pass tha. Apne 2 jode patthar me se, 1 joda patthar Mahamahim (Zoren grah ka purv shashak) ko de rakha tha… Jiske process se wo Mahamahim, Jisvisha ki tarah khas ladkiyon ki shaktiyan churata tha…
Tatkal samay me Surpmarich ke pass energy khinchne wala ek bhi patthar nahi hai... Kyonki Mahamahim ke pass se Surpmarich ka 1 joda patthar, Nischal ke pass aa chuka tha... Aur Surpmarich ke bache 1 jode patthar me se, energy absorbing patthar Hella ke pass thi. Dark universe par jab wo pahli baar maara gaya tha, tab Hella ne wah patthar jit liya tha...
Dekha jaye to energy absorbing aur relesing wale 6 jode patthar me se 2 joda patthar Nischal ke pass hai ab.… Ek joda patthar Guru Vashudhar ka, jise Nischal aur Serin ki maa ne unhe pendent me gift kiya tha… aur dusra joda Nischal ko mahamahim se mila tha.. jo Surpmarich ka tha… Surpmarich ke 2 jode patthar me se matr 1 single patthar energy relese karne wala bacha hua hoga, jiska joda energy absorbing patthar iss waqt Hella ke pass hai...
Jivisha jab "Central Autonomus Body" ki yadon me ghusi, tab ek pura itihas uske pass thi, jisme Guru Vashudhar ke bachpan se le'kar unke gurukul ke din. Shishya, Brahmcharya, fir gristh jeevan aur baad me sattvik aashram ka guru hona... Har wo kahani jo Guru Vashudhar se judi thi… fir chahe, Vish-Nilayani ke sath unke intrection, dono ka telepaithy ke jariye charchayen... Ek dhurt chhaliya Surpmarich ko samjhne ki kosis.... Ya fir Har wo baat jo unke jahan me thi...
Un yadon me kafi marmik kshan bhi the. Nischal ke maa ki poori shisakti zindgi, aur apne logon ke liye kiye tyag. Lekin kya wakai wo tyag safal hua, kyonki jin logon ko wo bachana chah rahi thi, wo to maare gaye. Kaisa lagta hoga uss insan ko, jisne apne logon ko bachane ke liye har uss chij ka tyag kar diya jo wo kar sakti thi, lekin prinaam fir bhi nahi badle aur uske samuday ko hi lagbhag vilupt kar diya ho...
Ye marmik drishya se to Guru Vshudhar ka wo kalpnik ansh bhi aahat ho chuka tha jaise. Un yadon me na sirf Nischal ki maa royi thi, balki wo kalpnik ansh bhi roya tha, jo kritim se box me band tha. Nischal ki maa ke aakhri dino ke samay me unka aur artificial mann ka wo judav dekhne bhi mil gaya, jahan Guru Vashudhar ka rota hua mann Nischal ki maa ko yah kah gaya tha.…
"Tyag do iss sansar ko... Nischal ki parvarish mere jimme hai... Apne lambe chal rahe iss pira bhari jivan ko aaram de do… jao sukoon lo... Wada hai, tumhare bete ko main kisi badle ki bhavna se nahi palunga... Chhod do wo aakhri moh..."
Itna sun'ne ke baad Nischal ke maa ke chehre ki wo sukoon bhav aur chehre par aati pyari si muskurahat, jiske pichhe na jane kitne varshon ki pira chhipi thi… jiske ander til-til yah ehsaas bhara tha ki waqt rahte apne logon ko le'kar kahin dur ja sakte the, lekin mere galat bharose ne sabko maut ke bhent chadha di... Lekin wah re kamal ki wo maa... Apne bacche ko kabhi na to apne aanshu dikhayi, na badle ki raah par chalna sikhaya... Ulta usse Rastr prem aur logon ke liye kuchh sakaratmak karne ke liye prerit karti rahi….
Nischal ki maa ne aakhri shwans "Central Autonomus Body" se connection ke sath hi li thi... Maa thi na jane se pahle apne bacche ke sabhi gardian, pahle Serin aur uski maa aur aakhri me Guru Vashudhar se itna hi kahti chali… "Mere bacche ka khyal rakhna, usse jivan ke mulya samjhana"…
Jab Nischal ki maa ek lambe chale dard bhare jivan ko alvida kah'kar sukoon se soyi thi, Serin ki maa ke aankhon me aansu to the, lekin chehre par utni hi santusti bhi... Serin aur Nischal ke sar par hath ferti hui wo itna hi kahi thi…. "Khushi se vida karo, ro'kar iski aur muskilen mat badhao"
Aur yahi wo kahani thi jisne Serin ko prerit kiya tha apne hi pita ki tab jaan lene ki, jab usse apne sautele bhai Nischal aur apne pita me se kisi ek ko chun'na tha. Tab Serin ne apne bhai ko chuna tha… Nischal ke maamle me jab khud ke bhai Sabaiyya se samne ki bahas hui thi tab Serin ne saaf kah diya tha.…
"Nischal to fir bhi itni kshmtaon ke baad bhi komal hriday hai... Tumhare bhai prem ke liye rota hai... Yadi wo samast Dakshat samuday ko chid bhi deta, bhale hi wo duniya ka sabse kurur insan hi kyon na hota... Main uske sath tab bhi khadi rahti... Mera bhai Nischal bhale tumhe parivar maan'kar naa maar paye, lekin mere ander ye khyal bhi aaya ki tum usse maar sakte ho, tou agle hi pal main tumhe maar chuki hongi.… Aur fir ye tunhare napunsak log mera ek baal bhi nahi ukhad sakte... Jante ho kyun, kyonki tab mera bhai Nischal mere sath khada hoga... Main aaram se baith'kar bus apna khana khana shuru karungi aur mere khana khatm hone tak to wo yahan laashen bichha chuka hoga"… Ye wo ankahi si kahani thi jise kabhi Serin ne apne aakhon se bhi Nischal ko jatane ki kosis nahi ki thi...
Ek stri ke lagaatar kalapti hui bhavna ne to dayre hi badal dale the… Uss ke tyag ke samne jaise Prakriti ne bhi apne bandhe huye niyam me thodi si dhil de diye ho jaise... Aur Nischal se jod diya tha Guru Vashudhar ko. Guru Vashudhar ke kalpnik ansh ki bhavnayen uss abodh se balak se aise judi, ki wo yaad khud kayi dino tak vichlit rahi. Usse lagta raha ki yadi ye ladka (Nischal) bhi bali chadh gaya.… Fir kisi ka poora tyag kya uss ishwar ko nahi dikha, ya fir ishwar bhi un niradyi ke pakshdhar ho gaye, jinhone Nischal ki maa ko jab rulana shuru kiya fir usse kabhi khush hone ka mauka hi nahi diya....
Kabhi-kabhi ye bhavnatam judav bhi nayi kahani rach deti hai... Guru Vashudhar ka wo kalpnik ansh iss kadar aahat hua tha ki, unka kalpnik ansh uss kritim dimag se teleport kar gaya... Aur Teleportation se wo Nischal ke dimag me pahunch sakte the...
Nischal jis guru ki baat karta tha aur koi nahi balki Guru Vashudhar ka wo kalpnik ansh hi tha, jo uske dimag me praves kiya karte the. Aur yah asambhav sa kaarnama sambhav ho paya, kyonki apne logon ke liye kiye gaye poori ek tyag ki kahani thi iske pichhe, jisne uss yaad ko puri tarah se majboor kar diya tha.…
Central Autonomus Body ya yun kah lijiye ki Guru Vashudhar ka kalpnik ansh majah ek yaad hi tha, jo khud to kuchh nahi kar sakta tha. Lekin uss kritim dimag me baith'kar wo puri tarah se soch sakte the… aur uss soch ki ek hi bhavna thi Nischal...
Dhyan lagana, khud ko shant rakhna, jinme pran baste ho unse pyar karna, nash-chakr ko jagrit karna, aur bhi kayi kushal vidhya jo Guru Vashudhar ki apni thi, sath me vigaan jo dusron ki yaden thi... Har wo chij ka gyan jo wo Nischal ko de sakte the, dete rahen.…
Bus Guru Vashudhar se aakhri ek padav sikhana rah gaya tha.. wo tha Nischal ki chhathi indriyan jagrit karwana… Guru Vashudhar ka wo kalpnik ansh, jisne Nischal ko apne saye me bara kiya, wo chah kar bhi iss vidhya ke pure gur Nischal ko nahi sikha pa raha tha... Shayad kalpnik ansh tha aur bhvnatmak judav ke karan wo pahle hi apne dayre se jyada kar gaye the, lekin ab wo dayra usse aur aage nahi badhne de raha tha...
Iss kram me kaam aayi thi Guru Vashudhar ki pustak. Kintu prachin lipi me likhe hone ke karan Nischal uss pustak ke shabdon ko samjh nahi paya. Technology un shabdon ko decode nahi kar payi… aur jab wo asahay ho gaye tab unhone Nischal ke liye wo niyam bhi tod diye jo ek lambe samay se chala aa raha tha... "Jiski kaam ki yeden ho, utni hi dekhni chahiye"..
Ek din jab Nischal "Central Autonomus Body" ki yadon me apne maa ko dhundhne pahuncha, wahan Guru Vashudhar ke prashikshan ke din mile... Jinme dikhaya gaya tha ki chhathi indriyan unhone kaise jagrit ki thi...
Nischal ke liye ye bhasha bilkul pare thi aur iss bhasha ko decode karne ke liye uss grah tak pahunchna jaroori tha, isliye Nischal ke dimag me bhi kahin na kahin ye baat to jaroor thi ki usse ek baar apne guru ke home planet jana hai... Prithvi jana hai... Aur zindgi ne jab usse mauka diya tab wo prithvi par tha...
Inhi yadon ke karan hi Nischal apne Viggo viman ko itne bariki se janta tha, kyonki Viggo ki kayi pidhiyan to bhumigat hokar Viggo viman me hi apna pura jivankaal dekha tha... Serin aur Nischal ke pure vigaan ki siksha bhi inhi yadon ki den hai... Apne shaye me unhone 2 bacchon ko padhya aur puri tarah se prashikshit kiya tha...
Yadhpi Jivisha puri yadon ki malkin nahi thi, kintu Jivisha ke bina in yadon ke malik ko dhundhna bhi utna hi muskil tha.. upar se kayi varshon baad jab Vish-Nilayani ka sampoorn roop samne tha to Guru Vashudhar ki aanshik ikchha khud ko rok nahi payi puri yaden dikhane se...
Jivisha lagbhag 48 ghante tak un yadon me rahi. 2 din baad jab wapas nikli, chehre ki bhavna bilkul shant aur salin.… "Kya hua Shashika, aap thik hai"… Nayla thodi hairan hoti puchhi...
Jivisha:- Main kitne waqt se yahan par thi...
Nayla:- Pure 2 din aur 1 ghate...
Jivisha apne chehre par chhota sa afsos ki bhavna laati... "Nischal ya Serin koi aaya tha kya?"
Nayla:- Haan dono aaye the, aur kah'kar gaye, dhyan rahe koi distrub na kare... Khair aaj tou iss jaal mahal ko alvida kahne ka waqt aa gaya hai...
Jivisha:- Ek bura daur jald shuru hoga Nayla, aur baba ne, sorry ye Central Autonomus Body ne kaha hai ki main tumhare bharose apni jaan bhi chhod'kar ja sakti hun... kya issi bharose ke sath main tumse madad maang sakti hun..
Nayla, Sawaliya najron se Jivisha ko dekhti.… "Ye aap achanak aise baat kyon kar rahi hai... Ander isne aapko aisa kya dikha diya"...
Jivisha:- Kuchh atit dikha'kar, bhavishya ke liye cheta (warn) gaye... Bolo jaisa baba ne bataya kya waise main tum par yakin kar sakti hun...
Nayla:- Shashika Madhya Rajya (Aizem ke Nischal ki country) ke khilaf na ho kewal... Tou aap behichak aadesh de... Wo pura hoga...
Jivisha:- Baat itni bhi aasan nahi hai Nayla... Tumhe wada karna hoga ki tumhara vishwas anth tak nahi tootna chahiye...
Nayla:- Itni bhumika ki jaroorat hai kya.. aap baat bataeye...
Nayla, jod se hansti:- Shashika uske liye to aap ko hi kosis karne hogi...
Jivisha:- Nahi, main chahti hun Niachal ek prajanan kisi aur ke sath kare… aur jitne Maximum stri ke sath ho sake utno ke sath...
Nayla:- Aap hosh me bhi hai Shashika… Nischal ki sacchi jodi hain aap, wo kisi ke moh me nahi aayega... aur aaya tou parinaam aap bhi janti hain...
Jivisha:- Aane wale waqt me kya yadi ye mauka mila to tum kar paogi...
Nayla:- Nahi kar sakti... Nischal nahi manega…. Koi vidhi hoti manane ki to hum pahle hi mana chuke hote... Humne purv me yahan tak kaha tha ki Jodi jhuti hogi, tujhe bus apne bij dalne hain... Bacche ki jimmedari humari hogi... Kahta hai nahi... Mera dil nahi maan raha...
Jivisha:- Kisi dusre ke sath haan karne ka rasta main tumhe bataungi... Sacchi jodi wali kahani gayab rahegi, aisa mauka tumhare darvaje tak chal'kar aayega.. bus apni kushlta tumhe dikhani hogi...
Nayla hairani se dekhti.… "Universe ki chahe koi si bhi duniya ho… koi bhi stri apne hak ko nahi baanti... Aap kya mahan ban'ne ke chakkar me khud ke bhavnao ke sath khelna chahti hain... Abhi kahne me sab achha lag raha hai, jab najron ke samne hoga tab bardast nahi kar paogi"…
Jivisha:- Log anath ko paalte hain…. Unki ore sadbhavna dikhate hain. Main to fir bhi apne jaan ke ansh ko palna chahti hun... Meri bhavna nahi badlegi fir chahe wo garv kisi ka bhi ho...
Nayla:- Aap galti kar rahi hai Shashika…
Jivisha:- Galti tou ye samaj kar chuka Nayla... Galti tumhara Dakshat samuday kar chuka hai... Ek stri ne apne jin logon ke liye apni sacchi mohabbat ko tyag kar apne hi premi ko marne chhod diya... Uss premi ke viyog me jina maut se badtar hoga, ye bhi na sochi aur apne masoom logon ke liye jo aage badh gayi... Usse tumhare samaj ne rulane ka koi ek mauka nahi chhoda... Yadi Nischal ke pita ko Central Autonomus Body ne Nischal ki takat ka pralobhan na diya hota, tou aaj wo bhi humare bich nahi hota"...
"Nischal ke bacche nahi aa rahe iss sansaar me... Iss sansaar me Nischal ki maa Veneyta ka sapna aa raha aur uss sapne ko main palungi... Wo mere Nischal ki tarah bhola nahi hoga.… Uss ka vajood itna uncha hoga ki koi chhaliya usse chhal na paye… koi laalchi apna maksad sadhne ke liye usse emitonal blackmail na kare... Pyar tootne ke dard se kaise ubarna hai unhe main sikhaungi... Apne bacchon ke ander ki uss kami ko kisi bhi kimat par dur kar dungi, jo priyasi ke jane ke viyog me mar jate hain"...
"Ek patni ke liye apne pati ko batna muskil hoga... Lekin ek stri ke liye mayritav sukh prapt karna, pure nari hone ka anubhav hai aur main un sabhi bacchon ki maa hun... Bhala mujhe apne bacchon ke pita se kaisi nafrat hogi... Main jab latun tou mere bacche mere gode me chahiye... Kilkariyan pure Viggo viman me gunje... Main jab lautungi tab un bacchon ke aane ki khushi me pure Aizem me wo jashn hoga, jise dekh kar Nischal ke maa ki wo klapti aatma, jo yahin kahin ro rahi hogi... Ek aakhri khushi ke aanshu baha'kar apne aatma ko iss lok se vida kare… Bhala iss kaam ke liye main apne Nischal se nafrat kyon karun"...
"Jis bhavishay ko soch'kar iss waqt mere aanshu nikal rahe hai, ye mere khushi ke aanshu hai.. Main dekh pa rahi hun unki aatma bhav vibhor hui ja rahi… Main dekh pa rahi hun wo apne dono hath utha'kar mujhe aashirwad de rahi hai... Tum se ho payega Nayla to batao... Varna main iss khel usse samil karun, jise main karna nahi chahti, kyonki Serin aur uski Maa bhi, Nischal ke maa ke bhavna se achhuti nahi hai... Aur til-til Serin ki aatma bhi roti hai, ki ab tak wo apni maa ke liye kuchh nahi kar payi…
Nayla:- Aap ko aur aanshu bahane ki jaroorat nahi hai... Aur naa hi mujhe aur samjhane ki... jis din mauka mere darvaje tak aayega.… Aapne jaisa socha hai waisa hoga... Bus jo aapne kaha, Nischal ko kaise taiyar karna hai wo aap mujhe samjhayengi aur fir kaam ho gaya samjhiye.… Aur kuchh..
Jivisha:- Nischal aur Serin ko aaj iss Jaal mahal ko dhwast karna hai... Wo dono puri tarah se toote aur bikhre honge… lamba waqt bhi lagna hai iss kaam me... Iss bich mujhe HuYu se milna hai... Usse sandesh bhejo hum Huriyent grah pahunch rahe hain...
Nayla:- HuYu se kyon milna Shashika…
"Kyonki abhi to bus ek stri ke bhavna ko aanshik roop se tript kiya hai. Abhi to dusri stri (Vish-Nilayani) ki kalapti hui aatma baki hai... Abhi to Aaynek aur Missori grah me tabaah huye caroron anjaan aur masoom logon ki bhavna ko tript karna baki hai... Abhi to manviya hit (हित) me kaam kar rahe un sabhi guruon ke hatya ka nyay baki hai"..
"Iss baar Vish-Jivisha pura khel rachegi... Aur iss baar ek ahankari ko pahle ghutno par le'kar aaungi… fir wo apni najron ke samne khud ki shakti ko til-til jate dekhega... Aur anth me main usse maut nahi balki annant quid ki saja dungi... Logon ke bhavna se khel'kar jo wo apne jine ki ruchi ko banaye rakhta hai, main usse, un sabhi logon ke dard ka aabhash aanant kaal tak karwaungi... Anant jindgi usse jini hai na... Main uske anant jindgi ki khwaish ko pura karne ka khel rachungi"….
Nayla ek kushal Spy thi. Uske barabar ka koi nahi. Universe me kayi grah ghumi. Kayi shashkon aur Sena naykon ke gusse ki bhavna ko suni thi... Aakroshit aur pirit mann ki bhi bhavna wo sun chuki thi. Lekin abhi Jivisha ko sun'na... Aisa laga jaise pure mastishk par hi Jivisha ne kabja kar liya ho... Dimag sunn sa par gaya ho aur Jivisha ke ek-ek shabd uss sunn se pare dimag me takra'kar echo paida kar rahi thi...
Ek buland awaj Nayla mehsus kar rahi thi. Ek sacche shashiaka ki buland awaj, jise badle se jyada nayay me ruchi thi. Ek aisi shashika jo durbal se bhaybhit sena me, jab josh bharna shuru kare tou wo ander se khud me mahabali jaisa mehsus kar jaye.. Aisi Shahsika, jiske bulanad awaj jab uske dushman sune to khuffjada ho jaye...
Nayla, Jivisha ki iss hunkar par apne ghutne tek chuki thi, sir apne aap hi jhuk gaya tha... Aisa sam'maan usne aaj tak kisi ko nahi diya, fir chahe uske apne grah aur apne samuday ka hi Raja kyon na ho.…
Jivisha, Nayla ko uthati hui wahan se bahar nikli... Aur sidha Serin se milne pahunchi.… Serin apne kamre me gumsum baithi thi… Jaal mahal jane ka gum uske dimag me tha… Jivisha aate hi sukoon se uske gale lagti…. "Jaal Mahal ke jane ka afsos ho raha hai Serin"…
Serin, Jivisha ko aur jod se bhinchti.… "Bhabhi aisa lag raha hai jaise main apne hi bacche ko marne ja rahi hun... Aap batao, main kis dard se gujar rahi houngi"…
Jivisha, Serin ke iss baat ka jawab na de saki... Kisi tarah wo bus itna hi kah payi... "Koi jabardasti nahi hai Serin, dil nahi maan raha to mat karo"…
Serin:- Logon ke bhalai ke liye, apne sabse pyari chij ka tyag karna, maine apni maa se sikha hai... Dard ho to raha hai lekin koi baat nahi... Jaal Mahal ke toot'ne me hi sabki bhalai hai...
Jivisha:- Tum bilkul apne dono maa jaisi ho..… Khud ko sambhalo warna meri dono sasu kahegi, ye kaisi bahu hai re.. apni nanad ko rota chhod gayi...
Serin:- Thoda ro lene do bhabhi... Uske baad main aapko aadarsh bahu ban'ne ka poora mauka dungngi ..
Jivisha:- Jyada akeli aur khoyi mat rahna... Aur haan... Main tum dono ka wo dard dekh nahi paungi jab Jaal mahal tootega... Isliye main dur rahungi... Apna khyal rakhna aur Nischal ka bhi...
Jivisha apni baat kah'kar Serin se alag hui... Serin apne honth ander dabaye, haan me sar hila di...
Jivisha ka wahan aur ruk pana muskil sa ho raha tha... Wo Nayla ke sath turant lauti aur wahan se sidha Huriyant planet ke liye rawana… Wahan land hote hi, HuYu ke sath Shwetna aur Lin dono unke swagat me pahunche the... Nayla thoda aaschrya karti... "Ye HuYu ke sath Nilbhut samuday ke log hai na"…
Jivisha:- Haan wo hai Shwetna aur uske sath hai uska hone wala jodi Lin lekin dono kabhi batate nahi...
Kuch hi der me sabhi ek gupt kamre me the... Jivisha ne Lin ko ishara kiya aur wo kamre ke charo ore dhyan laga'kar chakkar katne laga...
Jivisha:- Kuchh bhi kahne se pahle ye bata dun ki humari iss meeting ki kisi ko bhanak nahi honi chahiye aur jo ek dusre se pahle kabhi nahi mile, jaise ki Nayla aur Shwetna, wo fir kabhi kahin aur jab milenge tou vayvhar pahli mulakat jaisa rakhenge... Aur HuYu yahan humari baaten koi sun sakta hai kya???…..
HuYu:- Kya bhabhi, aap kaisi baten kar rahi...
Jivisha:- Serin se tou dil ki baat kah nahi paye HuYu aur mujh se pahle rishta jod liya… kamal hai…
HuYu:- Aapka shaya raha, tou mere pyar ki naiyya bhi chaiyyan-chhaiyan karke paar lag hi jayegi...
Jivisha:- Bus bahut hua idhar-udhar ki baten… jo puchhi wo batao...
HuYu:- Yahan maujood insaan ko chhod'kar koi aur humari baten nahi sun sakta...
Jivisha:- Tumhe viggo viman ke bare me kya pata hai...
HuYu:- Kuch ethics hote hain isliye gupt roop se humse kaam karwaye jate hain... Main apne purvajon ki parampara se dhoka nahi karunga... Jo bhi jankari hai wo ander hi rahegi ..
Jivisha:- Achhi baat hai.. lekin main malikin hun Viggo viman ki... Diwitiya Viggo Sigma ke vansaj Nischal ki jodi... Iss lihaj se tum koi niyam nahi tod rahe...
HuYu:- Haan lekin aap jodi hai… Viggo nahi...
Jivisha:- Faltu ki bakwas HuYu... Achha chhodo, mudde par aati hun... Mujhe Viggo viman ki puri nakal banwani hai, ander se le'kar bahar tak..... Yadi bana pate ho to uski kimat kya hogi... Aur kam se kam kitna waqt le sakte ho...
HuYu:- Yadi Nischal ne bol diya, to hume 2 din ka waqt lagega, material khud dena hoga kyonki Viggo viman ka orignal material jama karne me hi 1 sal se upar ka waqt lagega… aur meri kimat hogi Viggo viman ki technology.. Uski puri copy mujhe chahiye...
Jivisha:- Diya… Iske alwa ek aur kaam hai...
HuYu:- Kya...
Mahamahim ke sath hui ladai me in logon ne jo "Twin energy stone" jita tha, usse Jivisha samne ki table par rakhti hui... "Huriyant planet par paye jane wale anokhe dhatu ka ek khanjar banana hai, jiske handel ke bich me ye 2 patthar lagani hai.… Puri banavat kaisi hogi uski detail mai tumhe dungi.… Mujhe wo khanjar chahiye".…
HuYu, apni aankhen badi karte… "Uss dhatu ko pighla nahi sakte, fir pure khanjar ka nirman kaise hoga... Dusri baat itna dhatu aayega kahan se"…
Jivisha:- "Dhatu tumhe mil jayega... 2 inch ki moti parat me 3 meter lamba aur 1 meter ki chaura, poore 2 sheet hai... Kam dhatu istamal kar'ke 1 khanjar banao, jiske blade ki chaurai 3 inch se shuru ho. Blade ki total lambai 11 inch ki. Niche 8 inch lamba handel dena"....
"Maine lambai aur chaurai ki detail de di hai... Apne hisab se khanjar ka nirman karo, jiske handel ke upar hare rang ka aur niche kale rang ka patthar rakhna... Uske bich ye patthar kaise connect karne hai wo main tumhe bata dungi... Aur haan main janti hun ki sirf tumhare purwajon ke pass aisi taknik hai jo uss anokhe dhatu ko kisi bhi sanche me dhaal de"...
HuYu:- Pura research kar'ke aayi hain aap to bhabhi...
Jivisha:- Abhi apne reserch ka 1 percent bhi kahan bataya hai... Wo to ab bataungi, sab log dhyan se suno...
Jivisha ne fir sabko apne karib bula'kar Surpmarich ke naam se sabko ru-baru karwayi... Jivisha apni baaten aage badhati hui kahne lagi...
"Jaal mahal ke tabah hone ke turant baad, jitni jaldi ho sake utni jaldi Surpmarich ki talash me niklegi... Yadi un yadon ke hisab se maane, tou Surpmarich jald se jald humse sampark karega... Kyonki uske ek gulaam ko humne mara hai aur wo hum par najar banaye hoga... Aizem chhodne ke sath hi yudhh kabhi bhi ho sakta hai"...
"Yudh ke kuchh 6 se 8 mahine baad humari yaden mitne ki poori sambhavna hai. Yadi yaden mitayi jati hai, tou pata nahi ki kitne salon ki wo yadast mitaye. Lekin yah tay hai ki wo itna pichhe to jaroor jayega, jin yadon me Nischal aur main, ek dusre ki jindgi me nahi the. Aur yadon ke mit'te hi hum corrupt honge"...
"Main apni khoyi yaad me kuchh aisa na karun jis se Surpmarich ko fayda ho jaye, iska intzam main prithvi ja'kar karungi... Yahan Aizem par jab Nischal aur Serin lautenge tou unhe uljhane aur dono (Serin aur Nischal) ko corruption se dur rakhne ka kaam Nayla karegi…
"Nayla kam se kam 500 vishwas patr dhurt ki team tum taiyar kar hi lena… jaroorat padegi.. Surpmarich se ladai khatm hone ke turant baad main tumhe bataungi ki kab Nischal aur Serin apni khoyi yaadon ke sath Aizem pahunchenge. Tumhara kaam corruption se dur rakhne ke alawa unhe aage kitne mahine tak Universe me latka'kar rakhna hai wo bhi main tumhe bata dungi aur utna waqt khatm hone ke baad fir turant unhe prithvi par wapas bhi bhejna hai... Isme bilkul sharp rahna aur koi chuk nahi honi chahiye"…
Nayla, HuYu aur Shwetna teeno aaschrya se apni aankhen badi karti.… "Teen log ladenge uss Surpmarich se. 3 logon ke dimag ki wo band baja dega... Aisa ki log yadast tou bhulenge, sath hi sath yadast wapas aay ki na aaye, dimag me jismani bhookh, krodh, aur khun bahane ki pravirti dhire-dhire badhti jayegi... Aise me aap uss waqt ke liye plan bana rahi ho, jiss waqt Nischal, Serin aur aapko kuchh bhi yaad nahi rahega bite waqt ke bare me"…
Jivisha:- Pahle hi batayi thi ki yaad jana ek sambhavna hai, jiske jane ki prabal ummid hai... Na bhi aisa ho kise pata... Lekin baki sab chijen hongi... Yaad jaye ki naa jaye, Surpmarich se yudhh ke baad Nischal kuchh mahine mere pass rahega, uske baad Serin ke sath Aizem lautega… yaaden mit jati hai ya nahi … lekin dono hi soorat me Nayla unhe universe me kuchh mahine uljhayegi... Kam aklon ek hi baat ko kitni baar bulwaoge... Main kewal situation ye pakad kar chal rahi hun ki yaadast jayegi… lekin nahi bhi jati hai to bhi strict to the plan rahenge...
HuYu:- Bhabhi kuchh thanda mangwaun...
Jivisha:- Thik hai bahut jyada baat ho gayi hai... Ek sath itni baten confuse karegi 1 ghante ka break lete hain... Fir sab milte hain..…
Shwetna:- Kya ye wahi kahani hai jo humne kabhi suni thi Vish-Nilayani ki mirtyu ke bare me... Jiska raaj aaj tak pata nahi chala...
Jivisha, Vish-Nilayani ke mitrtyu ke raaj kholi aur kyon Surpmarich un sab ki yaad mitayega iss par detail charcha kari, jiske vishay me Shwetna ne sabko earth par bataya tha ki yaden mitne se kaise Nischal aur Jivisha ki Mirtyu atal hai. Jivisha itni baat samjhane ke baad...
"Guru Vashudhar ki jo yaden hain unke anusar, Vish-Nilayani ne dushmani ki thi warna wo Surpmarich lagatar apne mahatavkanchhi pariyojna me laga hua tha... Vish-Nilayani se wo haar jata tha tou badla lene nahi aata tha, balki kisi bhi anjaan grah par jakar chhip jata... Vish-Nilayani usse dhundh'kar ladti, wo fir haarta aur fir bhaag jata.… Kabhi palat'kar humla nahi kiya. Siway aakhri baar, Prithvi par. Jahan wo maara gaya tha"
Iss baat ko sun'ne ke baad sab thoda hairan hote... "Wo tou mar nahi sakta na, fir dar'kar chhipta kyon tha"…
Jivisha:- "Yahan 2 baten hai.. Pahli ye ki dushman kaisa bhi wo pura parakhta hai. Lagatar haarte rahte hai, bhale hi wo pahle baar me hi jitne ki kshmta kyon na rakhta ho... Yahan usko 2 fayde hote hain... Ek tou uska dushman uske pichhe aata hai aur dusre haarne ke dauran wo samne wale ki yudhh niti aur dimag se jo-jo apne kaam ki chij chori kar sakta hai, kar leta hai.... Uske baad aakhri humla karne khud bulaya hai aur kahani khatam… uske baad dushman jinda raha ya mar gaya wo dhyan nahi deta"…
"Dusra ye hai ki dushman kaisa bhi ho Surpmarich uske puchhe nahi jata... Ek baat wo kafi strongly follow karta hai... Dushman ke pichhe hum khud gaye, yani hum apni kamjor kadi kuchh na kuchh chhod aayenge"...
HuYu:- Oh chalak hai pura... Tabhi uss ghinaune aadmi ki koi detail nahi hai... Aaram se chhip'kar rahta hai... Achha Vish-Nilayani ke waqt wo kaun se apne dream project me involved tha...
Jivisha:- Ek hi tou uska dream project rahta hai… Takat, aur ussi ke pichhe tha wo...
HuYu:- Kis tarah ki takat... Matlab Nischal jaise tej bhagna, uske jaisa bahubal... Uske jaise sthirta...
Jivisha apni aakhen dikhati…. "Oye mere husband ki nakal bane wo... Aisa sochna bhi mat… sala bahut kamina hai... Tej bhagna sikh gaya to preshan karega"..
Shwetna:- HuYu idhar udhar ki baten band karo… Shashika aap kuchh takat ki baat kah rahi thi…..
Jivisha:- Haan uss waqt Surpmarich ka jo dream project tha wo tha "Instantly complete power"..
Teeno ek sath... "Matlab"..
Jivisha:- Batati hun... Wo anant Kaal jine ke liye apna sharir badalta hai... Jab bhi wo sharir badalta hai, uski siddhiyan to sari dimag me hoti hai, lekin wo istamal nahi kar sakta... Yun samjh lo ki wo apni takat istamal nahi kar sakta...
"Kyon"…
Jivisha:- Kaise samjhaun...
Jivisha sochne ke mudra me baithi 120⁰ angel upar liye aur ussi ke sath baki ke log bhi 120⁰ digree angle, upar ke ore dekhte... Tabhi Jivisha pin drop silent ko mehsus karti apne charo ore dekhi... Sab ke sab deewar ko tak rahe... "Sharm to aayi nahi hogi meri nakal karte"…
Teeno ek sath.… "Hum bhi soch rahe the"…
Jivisha:- Kya soch rahe the teeno…
Teeno:- Wahi ki aap sochti kaise hain…
HuYu:- Man'na padega waise aap mast style me sochti ho Shashika...
Jivisha:- "Hahaha... Chalo mahol halka ho gaya, lekin yahan dhyan do warna gadbad hogi... Yun samjho Surpmarich ne jo takat hasil ki thi, wo sab siddhiyan aur tap ke bal par... Iss takat ko uska core takat maan lo. Issi core takat ke bal par wo logon ki takat churata hai, isse secondry takat mano... Ab ye mat soch lena ki secondry hai tou core takat se kam hogi... Bilkul nahi, balki uski core takat se jyada secondry takat khatarnak hai... Lekin yahan chhoti si intresting baat hai… core takat ko bina hasil kiye wo secondary takat istamal nahi kar sakta.. Tou jo uska core takat hota hai, wo takat ussi sarir aur aatma ki hoti hai, jisme usne takat ko hasil kiya... Ye tha Prakrit ke niyam"...
"Ab jab usne apna sharir badla, tou jahir si baat hai ki usne dusre ke mann aur atma ko apne vash me kiya... To main ye batana chah rahi thi, jab wo dusre ke sharir me gaya tou usse pata hota hai ki uski kya-kya shaktiya hai par wo itamal nahi kar saktha.... Kyonki uske dimag me jo shakti hai, wo kisi aur sharir aur aatma ki hai... Isliye jab bhi wo sharir badlata you wo pahle kayi varshon tak tap aur dhyan se pahle apni core Power ko jagata, tab ja'kar uska naya sharir sabhi takton ke istamaal ke layak hota... Uss daur me Surpmarich issi par experiment kar raha tha ki kaise sharir badalne ke sath hi shaktiyan bhi hasil ho jaye… Prakrit ke niyam ke virudhh"…..
HuYu:- To kya usse rasta mila...
Jivisha:- Mujhe pata nahi... Bus jo un yadon me tha wo maine batya...
Nayla:- Sala ye hai bahut khatarnak... Aur uss se bhi jyada jhol to humare sath hoga... Matlab wo Nischal aur Serin jaise khatarnaak logon ko aakrmak banayega jo life long chalega…
Jivisha:- Serin aur Nischal ne apna bachpan nahi jiya hai... Unhe apne bachpan jine ka dobara mauka do... Wo kitne hi aakrmak kyon na hon, bacchon ke samne shant rahenge... Unhe misson do …. Taki blood thirst bure logon par nikle... Bich-bich me sex do... Taki mansik vikruti me kisi ka badan nochne ka khyal na aaye... Kuch bhi permanent nahi hota hai... Jab wo prithvi lautenge, hum unka ilaj badi aasani se kar denge... Ek aur baat... Serin ke liye kisi ko chinta karne ki jaroorat nahi hai... Uske hisse ka dard main lungi...
Nayla:- Master Serin ko aap kam aank rahi hai kya...
Jivisha:- "Serin ko jisne kam aanka uss se bada jahil koi nahi hoga... Aur Surpmarich jaise dimag wale ko jahil banane ka maza hi kuchh aur hoga.… Ab sabse aham baat... HuYu tum jo khanjar banaoge wo khanjar hi humare mission ka mukhya part hoga"...
"Uss khanjar me technology ka pura istamal hoga. Tumhe micro chip level par kaam karna hoga aur artificial brain banana hai, jiska poora experiment detail main tumhe aaj dungi... Wo puri artificial brain jab tum bana logo, tab uska connection in dono patthar me hoga aur in dono patthar ko precess karne ke liye jo taknik chahiye wo bhi main tumhe dungi.…
HuYu:- Ruko Shahsika... Ye dungi...wo dungi... Main jo samjha usse pahle kahne do... Matlab ek khanjar me 2 seperate technology hogi, ek artificial brain aur dusra Stone processor. Finally dono ko intrlink karna hai... Complete micro level work jo khanjar ke 8 inch ke handel me fit ho jaye... Yahi baat hai na, ya kuchh chhut gaya...
Jivisha:- Batao main 10 line me, iska-uska karke thik se samjha nayi payi, isne to 2 line me bata diya... Intelligent hai HuYu…
HuYu:- Haan tarif ke pichhe ki mansa main janta hun... Main taiyar hun.… Par viggo viman ka chakkar samjh me nahi aaya...
Jivsha:- Wo kamina Surpmarich humari jab yaden churayega, tab usse Nischal ke dimag me Viggo viman milega... Viggo viman ko jaan'ne ke baad, usse hasil karne ki jigyasa kahin uss kamine Surpmarich me badh gayi… Isliye viman ko bachane ke badle, main chahti hun ki usse hu-bahu dusra viman mile... Complete hide out taknik kaise dalni hai uss vikan me, taki uss Surpmarich ki 6th sence bhi na pakad paye wo main tunhe bata dungi...
HuYu:- Sab bataungi, bataungi kar rahi ho... Iska matlab to hai ki main apna bag pack kar lun. Surpmarich ke sath yudhh ladne se le'kar Serin ke sath prithvi tak jana hoga...
Jivisha:- Yahi hai right choice baby... Aur haan HuYu, tumhe sabhi chijen Viggo viman par hi mil jayengi... Kuch extra saman dalna ho to yahan de do.. main Viggo viman me load karwa dungi...
Nayla:- Matlab meeting khatm...
Jivisha:- To kya paanch divasiya meeting karun...
Nayla:- Mujhe aur detail chahiye....
Shwetna:- Mujhe bhi…
HuYu:- Main bhi mejority ke sath hun..
Jivisha:- Thik hai mahanubhaon puchhiye...
Nayla:- Ek baat to saaf hai ki yadi Surpmarich aap dono (Jivisha aur Nischal) ki yaad mita deta hai tou wo aap dono ko maar diya samjho... Yahan jo bhi planning ho rahi hai uska jyadatar hissa uss waqt execute hoga jab sab ki yaden mita di jayegi... Yaden mitana sambhavna hai kewal lekin jis hisab se Surpmarich ko bataya hai, lagta to hai ki uske pass Nischal ki bhi poori detail hogi...
So ab ye hoga ki.. Aap apne vishwas patr logon ko pahle plot karne wali ho, jo yadast jane ke baad apna-apna kaam karenge... Aapko nahi lagta ki isme bahut jyada risk hai… Ek chhoti si bhul hui tou aap aur Nischal dono maare jaoge...… kuchh socha hai iss baare me...
"Nischal ke ishq bharose to koi bhi risk le lun… apni jaan jane ka gum nahi hoga... Lekin baat jahan Nischal ki ho fir apna bhi har kadam funk-funk kar hoga.... Ishq hai tabhi to ye risk hai.…"
"Nischal ke ishq bharose to koi bhi risk le lun… apni jaan jane ka gum nahi hoga... Lekin baat jahan Nischal ki ho fir apna bhi har kadam funk-funk kar hoga.... Ishq hai tabhi to ye risk hai.…"
Nayla:- Kya baat hai ji tou kar raha hai hooting karun lekin ek baat mujhe bataeye, jab itna khatra hai tou ye khatra kyon mol lena... Pahle taiyari karte hain, fir puri takat se ladenge aur uske chele Mahamahim ki tarah usse bhi ukhad fekenge...
Jivisha:- 2 din main yadon me dubi rahi. Uske baad jaise hi wahan se bahar aayi tou pahle Nischal ko le'kar planning. Fir bina ruke yahan aa gayi aur ek kalpnik plan par kaam kar rahi, jabki mujhe in mamlon ka anubhav nahi... Shayad yahi sab khyal tumhe aa raha hai Nayla...
Nayla:- Shashika mere kahne ka wo matlab nahi tha…
Jivisha:- Khatra kaun uthana chahta hai. Sukoon se to Vish-Nilayani bhi jina chahti thi, apne logon ke bich. Khushi se to Nischal aur Serin ki maa bhi jina chahti thi. Ye khatra to unhi khushiyon ke liye hai. Hum ek aise dushman ke pichhe hain jiska raaj uske ander samaya hai... Kisi ko pata nahi usne kaun si shaktiyan kahan se hasil ki... Uske pass shaktiyan kaisi hai.… Jabki hum sab ke bare me tou wo Mahamahim ke yudhh se pata laga chuka hoga... Rahi sahi kasar tou wo najar rakh'kar puri kar chuka hoga ..
Shwetna:- Aap itna bada plan wo bhi apni khoyi memory me kaise execute karengi... Nischal aur Serin ko sath me le lijiye...
Jivisha:- Kya Nischal apni sacchi mohabbat ko khatre me dalega... Aur kya Serin jiski khushiyan Nischal me basti hai wo Nischal ko khatre me dalegi...
Nayla:- Tou kya aap sabko khatre me dalengi... Yahi Nischal ke jagah Nandni hoti, aapki maa hoti. Aarsi aur Chirag hote...
Jivisha ka wo mand-mand muskurata chehra aur najron ke samne Nayla ki bhavna... "Nischan aur Serin ke prati tumhara samarpan atulniya hai. Mujhe nahi pata ki aane wale waqt me jab meri memory jayegi tou main kise pahchanugi, ya nahi pahchanugi… Mujhe ye bhi nahi pata ki jinhe main kaam par lagaungi, wo apna kaam to mere liye karenge lekin main hi kahin uss kaam me badha na ban jaun... Kyonki mujhe to pata bhi nahi hoga ki koi kuchh jo kar raha hai wo mere liye kar raha"...
"Yahi haalaat Nischal aur Serin ke case me bhi hona hai. Ho sakta hai tum mere plan follow karo, lekin execute tou un dono par karna hai, jo tumhari naa bhi sune… Hum ek aise waqt ki kalpna kar rahe hai… jahan plan karne wale ko khud pata nahi hoga ki ye plan to ussi ka hai.… Aise me plan fail hone ki puri ummid hai… isliye tou raaj'dar chune hai maine"…
"Khatra sirf 2 logon par hai... Main aur Nischal…. Hum dono ke ore se main ye khatra uthane ko taiyar hun..… Ye soch'kar ki iss mission me humari mirtyu tay hai… Lekin kya humara marnaa varyarth jayega... Kya 2 jaan ka khatra uthane ke baad bhi hum Surpmarich ko uske anjaam tak pahuncha payenge... Tou iss sawal ka jawab hai haan"...
"Haan itna risk lene ke baad Surpmarich fir ek rahashya nahi rahega... Haan itna khatron ke bich main Serin ko isliye safe rakhungi, kyonki humari jankari ke aadhar par, vishwas patr logon ko le'kar wo iss kahani ko anjaam de... Haan iss waqt main yadi swarthi dikh rahi hun tou ye swarth hi sahi, lekin jahan itni jindgiyon ki bali lekar wo Surpmarich fal-ful raha hai.… Wahan 2 zindgi aur sahi, Surpmarich ko uske anjaam tak pahunchane ke liye"…
HuYu:- Viggo viman ki rachna main yahin Huriyant Planet par hi karunga..... Poora viman mere dimag me hai..… Nischal aur Serin Jaal mahal ke viyog me honge... Hum pahle bina uski jankari ke viman badlenge aur baad me aap unko sacchai bata dena... Orignal Viggo viman mere pass rahega aur usse surakshit rakhna meri jimmedari. Aap apni yojna me purn safal rahengi aur hum jit ka jashn ussi Viggo viman par manayenge...
Nayla:- Meri puri team aapko samarpit… Abhi se lekar pure mission tak, wo Nischal aur Serin ke bhi hukm ko nahi manege...
Shwetna:- Main kya karungi...
Jivisha:- Abhi poora kaam diya kahan hai kisi ko... Poora kaam to Surpmarich se yudhh ke baad tay hoga... Abhi tou isse jankari samjho ki aane wale waqt me kya hoga.…
Kafi lamba waqt laga har kisi ko samjhne me, aur har kisi ko samjhaane me... Jivisha jab lauti tab Jaal mahal ki unchi-unchi imarten dhwast ho rahi thi. Toote huye 2 log, Nischal aur Serin ke aankhon me aanshuon ke sailab the, aur Jivisha wahin unke pass khadi unhe sahara de rahi thi...
Jivisha ne dono bhai bahan ko kuch waqt tak akela chhodne ka faisla kiya aur Aizem me prajatrantr ko bahal karne ke liye wahan ke sabhi vibhag ke aala adhikariyon se milne lagi… aur in sab ke pichhe apna maksad bhi sadhne me lagi rahi…
Machine, kushal majdoor aur kayi sare kamal ke engineers ki team ke sath pure 50 hazar log din raat kaam me lage the... Viggo viman ki nakal banane ke liye. Har 100² meter ka kaam 25 log dekh rahe the jinhone aadhe din me hi pura dhancha taiyar kar diya aur bache aadhe din me pura dhancha jod'kar pura viman ki rachna kar chuke the…
Ek din ander ke interior aur technology ko diya gaya. Uske liye HuYu khud Aizem aaya tha. Jivisha uske sath origanl viggo viman me gayi. Jaal mahal dhahne ke baad "Central Autonomus Body" Viggo Viman me hi tha... Central Autonomus Body ki yadon se, trace karne ki aisi hideout technology nikli, jise Surpmarich ka dhurt dimag dhundh na paye…
HuYu ek baar Aizem pahuncha aur apne hisse ka sara kaam samet'kar wapas Huriyent planet nikal gaya. Micro level par kaam karna kathin tha lekin iss baar HuYu "Central Autonomus Body" ki dekh rekh me kaam kar raha tha.
HuYu apne kaam me laga hua tha… Jivisha ab nischint ho'kar apna kaam kar rahi thi. Nayla ke sath Aizem bhraman ke dauran usne bata diya ki kaise Nischal ko dusron ke sath hone ke liye raaji kiya jaye aur naag phans sammohan (Nilbhut samuday ka ek sammohan jisme apne sathi ko rijhate hain) ka upyog kaise kiye jaye, jiska artificial praroop ko banane ke liye Jivisha ne hi Serin ko prerit kiya tha...
Taiyariyon ke bich waqt kafi teji se gujar raha tha... HuYu Viggo viman ki rachna ke sath hi, twin energy stone ko active karne ka processor ko bana chuka tha... Yah ussi sanrachna ka micro level roop tha, jisse kabhi Mahamahim istamal karke dusron ki power khinch'kar apne ander dalta tha... Wahin artificial brain ka 80% kaam ho chuka tha aur 20% kaam baki tha...
Lekin ab waqt tha HuYu ko kaam se ek break lene ka, kyonki Jaal mahal dhwast huye kuchh din bit chuke the aur Jivisha ek din baad Surpmarich ke talash me nikalti. Waqt aa chuka tha orignal Viggo viman ko duplicate viman se badlne ka...
Orign Viggo viman chalane ke liye Serin ke pendent ki "energy release stone" pahle se connect thi.… Jivisha ke nikalne se thik ek din pahle orignal Viggo viman ko badal diya ja chuka tha. Umda nakal thi, exterior aur interior ko pura match kar diya gaya tha, haan wo alag baat thi ki itni saste material istamal huye the ki gunwatta me 10000 guna kam thi.
Jis din teeno Surpmarich ko dhundhne nikle the, drame bhi kam na huye the. Serin aur Nischal nahi jana chahte the, isliye unhe Aizem par chhod'kar Jivisha khud nikal gayi. Baad me pichhe se fir Nischal aur Serin gaye. Jaisa ki tay tha, iss kaam me HuYu bhi sath chala tha…
HuYu ne kayi tarah ki kahani bata'kar Nischal aur Serin ke samne hi khanjar ka nirman shuru kiya tha... Ek shatir chor bana raha tha Shatir khanjar, jiski poori rachna Jivisha ki buddhi aur Guru Vashudhar ki yaad par aadharit thi...
Jivisha ke pass uss waqt koi siddhiyan nahi thi… na tou uska Nash chakr jagrit tha aur na hi chhathi indriyan... Haan lekin Guru Vashudhar ki un yadon par wo jyada vichar karti jise unhone focus karke dikhaya tha….
"Twin Energy Stone" process aur power chori karna. Yah yaden tab ki thi jab Nischal ke pita Bihavan, Nischal ki shakti chori karna chahte the aur isme uski madad kiya tha uske parijivi dost Mahamahim ne. Aur mahamim ke pass thi "Twin Energy Stone" processor, jiske jariye wo Jivisha jaisi khas ladkiyon ki power ko pahle absorbing energy stone se absorb karta aur fir energy relesing stone ko apne ander process karta... Jis se samne wale ki poori power Mahamahim ki enternal power me conevert hoti thi…
Chunki yahan kisi tarah ki power chori nahi karni thi, balki ek chhaliya ko ussi ke banwaye jaal me fasana tha… Haan HuYu dwara abhi banaya gaya processor, wahi "twin stone energy" processor ka chhota roop tha, jise Surpmarich ne universe ke sabse mahan Viggo scientist aur Serin ke vansh ke purvaj, Jirth aur mahan Dakshat scientist Naharta se banwaya tha... Aur sabse kamal to thi isse banwane ke liye ki gayi sajis.…
Jirth aur Mallsi ko Zoren ki seema tak lane ke liye Surpmarich ne Viggo ke home planet Aaynek aur Dakshat ke home planet Masoori me aisa yudhh ka bigul funka, ki dono grah hi tabaah ho gaye the aur Jirth aur Naharta ki jodi apni jaan bacha'kar Zoren pahunchi thi…
Isse Surpmarich ka payback kahna koi galat nahi hoga. Kyonki ussi ke power chori karne ke idea ko ab Guru Vashudhar ussi ke khilaf istamal karwane wale the... Jivisha ne fir to apni buddhimata se Surpmarich ko hi ek kadam pichhe chhod chuki thi…
Surpmarich ko ussi ke tarj par chhalne ke liye, Jivisha bilkul andhere me rah'kar apni poori taiyari ki thi, aur ussi taiyari ke bute par tika tha ye poora mission... Ek chhaliya ko bina uski jaankari ke, ussi ke jaal me fasana...
Andhere me isliye Jivisha thi, kyonki Jivisha ki chaal nakamyab hoti to Surpmarich ko pata chal jata ki Serin, Nischal aur Jivisha ke pass ek artificial brain hai... Uss se bhi badh'kar yah pata hota, Guru Vashudhar ka kalpnik aanshik sharir, aur uski wah puri jankari jo unhone 48 ghante Jivisha ko diye the... Nischal aur Serin ko unke dwara di gayi jankari... Aur Jivisha kaise Surpmarich ko chhalne wali hai wo sab Surpmarich ko pata hota... Jivisha ki tatkalik meeting aur bhi bahut kuchh usse pata hota... Fir shayad yudhh ke natije bhi alag hote..…
Ek complete "twin energy stone" processor ka nirman ho chuka tha… lekin iss baar ye processor kisi ke dody ke power ko chura'kar, dusre ke body me dal'kar, enternal power banane ke liye focus nahi tha... Balki Jivisha ne iss processor ko connect kar diya tha ek artificial brain se... Jo ab ek body ki yaden churane tatha yadon ko ander nihit karne ke liye focus tha...
Haan lekin nakal karne me mahir rahi Jivisha (school aur college ke exam ka anubhav) iss baar apne pura anubhav ko jhonk di thi... Surpmarich ke power chori ke pure prakriya ki nakal me Jivisha apni pura akal laga chuki thi…
Iss baar wo Surpmarich ki theory me thoda tabdil laa chuki thi... Pahle theory thi ek ki power chura lo aur dusre me daal do... Lekin iss baar theory tha... Main tunhari yaden energy absorbing stone ke jariye chura rahi hun aur apni dwara banayi kalpnik yaden, energy relese stone ke jariye tumhare ander daal rahi hun...
Haan Jivisha ne bilkul aisi hi taiyari ki thi… 2 yadon ke bich Surpmarich ko puri tarah se confuse kar dena. Ek ore jahan Surpmarich apne kalpnik sarir ke jariye sabke dimag ki yaden churata, wahin dusri ore energy relesing stone uske ander Jivisha ki banayi kalpnik yaden dalti..
Ek ore Surpmarich ka kalpnik sharir, sabhi yaden chura'kar, apne real brain ke ander sangrah karta… wahin dusri ore khanjar ke artificial brain me store Jivisha ki kalpnik yaden, energy relesing stone ke jariye Surpmarich ke dimag me, un kalpnik yadon ko pura orginal yaad ke roop me, brain me insert kar deti... Dekhna ye tha ki confusion ke bich uska real brain kise chunta hai…
Chuki energy relese stone kisi ke bhi energy ko dusre me daal'kar usse internal orignal power me conevert kar deta tha, so iss baar Surpmarich 2 yadon ke bich confuse hone wala tha aur Jivisha ko apna plan purn roop se safal hote dikh raha tha... Kyonki rasta to khud Surpmarich ne hi bataya tha ki kaise usne kusalta se "twin energy stone" ke jariye dusro ki power chura kar khud ki orignal power banayi thi.
Iss baar samne se Jivisha, Surpmarich ko uski ikchha de rahi thi, dusron ki yaden. Jise pane ke liye yudhh ke dauran wo marne ko bhi taiyar tha... Haan dimag se power churana aasan kaam nahi tha, isliye Surpmarich apni sari urja wahin lagata. Bhale yaden churane ke chakkar me uska dushman usse maar hi kyon na de… lekin wo takat ka bhuka pahle yaden chori karne par hi dhyan kendrit karta..
Aur iss baar Jivisha usse badi achhi yaden dene wali thi… pahle se pre-planned aur taiyar ki hui yaad, jo artificial brain se nikal'kar sidha Surpmarich ke dimag me jati...
Jab Surpmarich, Serin, Nischal aur Jivisha ke sath dimagi ladai me vyast tha, HuYu apna kaam kar chuka tha. Jakar wo khanjar Surpmarich ke sine me utar diya... Khanjar utarne ke sath hi, Surpmarich ke sath chhal ka khel bhi shuru ho chuka tha. Surpmarich to uss yudhh me mar gaya lekin kya Jivisha Surpmarich ko chhal payi, iska javab to aane wale waqt me tha… haan lekin kya wo yaden chori kar payi iska javab usse khanjar ko Central Autonomus Body se jodne ke baad hi pata chalti, lekin yahan bhi ek gadbadi ho gayi...
HuYu ne kitna bhi padhane ki kosis kyon na kiya ho "Uske banaye khanjar me ek baar kisi ka khun lag jaye, fir wo dushit ho jati hai".. Nischal nahi maana... Khanjar usse itna pasand aaya ki usne wapas dene se hi inkaar kar diya...
Waise ye khanjar par lage "twin energy stone" ka hi kamal tha, jo abhed skin se bane giant ko Nischal Final Planet par chid diya... Abhed se kahe jane wale Astak ke vansajon ko Desert Planet par chid diya..
Uss waqt ki gahtna me ek aham baat thi, prithvi par hi Surpmarich ka kaam samapt hua tha. Isliye sab yahin ruk rahe the aur ek lambe arse baad Jivisha apne ghar laut rahi thi. Msuka bhi kaun sa tha tou Nandni ki shadi… Ye log sidha shadi me hi pahunche the, jabki HuYu ko pata tha ki wo Jivisha se gaali khane wala hai isliye Nandni ki shadi me Jivisha ko uljhe dekh, HuYu, Serin ke sath earth ghumne nikal gaya...
Khair ye kitni dur jate… Jivisha usse baad me dekh leti, lekin pahle tou khanjar se yaden nikalni thi aur Nischal aisa khanjar premi jo kabhi apne khanjar ko khud se alag hi nahi karta tha... Nandni ke sahadi me jab 2 din bairang nikal gaye fir Jivisha ne samne se wo khanjar maang lee, ye kah'kar ki usse dekhna hai aisa khas kya hai uss khanjar me...
Khanjar le'kar Jivisha sidha pahunchi duplicate Viggo viman, jahan orignal "Artificial brain" rakha hua tha… Jivisha ne khanjar ko connect kar diya aur fir shuru hua ek rahashymayi ke sath wahi khel, jo dusron ke sath wo khela karta tha.… "Yaden Chori"…
Lekin sab kuchh plan ke hisab se ho, aisa sambhav bhi tou nahi tha. Khanjar se yadon ko sahi jagah pahunchane ke baad, jab Jivisha ne khud ko "Central Autonomus body" se connect kiya, mano Artificial brain collaps kar chuka ho... Ander kuch nahi tha , siway blank memory ke... Jivisha ne turant HuYu ko sandesh bhej'kar apne pass bulayi…
HuYu bechara thoda ghabraya-ghabraya, viman ke hall me pahuncha aur chup'chap charo ore dekhne laga... Jivisha tou najar nahi aayi, lekin wo hawa me jaroor tang gaya. Hawa me jane ke sath hi 3-4 jhannatedar thappad usse aise pade ki dono gaal laal the.… "Bhabhi bus bhi karo, warna suje huye gaal ka kaun sa kissa bataunga Serin ko"…
"Kah dena, tum mil gayi tou 100 thappad khane ki mannat maang rakha tha yahan ke mandiron me, wahi pura kar raha tha".... Jivisha uss hall me shirkat karti hui kahne lagi...
HuYu:- Main pahli baar Prithvi aaya hun... Aisa bolunga tou 100 thappad wo aur lagayegi...
Jivisha:- To kya jaroorat thi tumhe Nischal se kahne ki, "iss khanjar par khun lag gaya, ab ye ashudhh ho gaya.. dobara kaam nahi karegi"…. Bewakoof tum ek movie dekh'kar dhongi baba ki copy kar'ke usse darane lage aur wo Nischal iss vishay par research kiye baitha hai... Dhongi baba aur unke darane ke anokhe trike... Samjhe ullu... Tumhare faltu ke logic me usse shaq sa ho gaya hai ki hum dono mil'kar kuchh kar rahe hai... Gadha, itna cheap trik istamal kiya...
HuYu:- Kitna Kosogi bhabhi, bus bhi karo..
Jivisha, HuYu ko nicha utarti... "Haan thik hai samjh gayi...Sorry.... Waise maine khanjar se puri yaad nikal lee hai, tum khanjar se artificial brain nikal do"..
HuYu:- Rahne dijiye bhabhi... Kya pata aage ye kitna kaam aaye...
Jivisha:- Hmmm !!! Thik hai, tumhari baat maan lee.... Lekin ab kya karen??
HuYu:- Matlab...
Jivisha:- Memory jaise hi "Central Autonomus Body" me dali, to wahan sab blank aa raha hai.…
HuYu,ki aankhen hui hairani se badi, aur turant usne khud ko "Central Autonomus Body" se connect kiya…. "Bhabhi yahan puri yaden hain... Aapne shayad connection dhang se nahi kiya hoga"… Jivisha hadbadi me pahunchi... Wapas se khud ko connect ki... Lekin iss baar bhi natija wahi.…
Jivisha:- Mujhe fir se blank dikh raha hai...
HuYu:- Lekin mujhe to sab dikha raha tha bhabhi...
Jivisha:- Ek kaam karo dono sath me connection karte hain...
Iss baar dono ne sath me connection kiya... HuYu ne apne dekhne ke liye jab yaden process ki tou wahan sab digital najar aane laga, lekin jab wahi Jivisha ne kiya to blank...
Dono wapas se hall me aaye... "Kuchh iss par kahna chahoge HuYu"..
HuYu:- Guru Vashudhar aapke tourcher se blank ho gaye...
Jivihsa:- Pagal.… Waise kya tum bhi wahi soch rahe ho jo main soch rahi… yahan ke mahol me wo kuchh indirect ishara kar rahe hain...
HuYu:- Ek lambi sadiyan baad, wo apne grah par aaye hain... Khud to sabse mil lee aur inko iss viman me hi chhod gayi. Inki kya bhavna na hogi ki ek baar apne ghar ko dekhe...
Jivisha:- Hmmm !!!! Kanchanjangha ki gode me inki puri basti thi aur wahin ke aashram se apna gyan prapt kiye the... Guruji ko wahin le'kar chalte hain...
HuYu:- Aap akeli gayi to fir aapka raavan khandan ek-ek karke seperately puchhna shuru kar dega... Aur aapke Jaan tou vyakul ho'kar ek chakkar prithvi ka laga lenge...
Jivisha:- Ek kaam karti hun... Yahan se indore chalte hain... Wahan se Chirag ko uthaungi... Usse Aarsi se milane Pune le'kar jayenge... Dono ko wahan chhod'kar hum kanchanjangha niklenge...
HuYu:- Aur kahin wahan 1 din se jyada waqt laga tou..
Jivisha:- Tab wapas aa'kar khuchh soch lenge…
HuYu:- Thik hai yahi karte hain… Lekin Nandni..
Jivisha:- Nandni ka kya???
HuYu:- Uski shadi ke krayakram se aap ek din gayab rahengi...
Jivisha:- Ab kya karen HuYu, thode hum hi bure, ab Nandi aur humare bich wo rishte na rahe... Baba ko pahle ghar le'kar chalte hain…
HuYu:- Pagal hai aap..... Mujhe abhi se kyon lag raha hai, iss mission ki sari kimat aap hi dene wali ho...
Jivisha:- Anth bhala tou sab bhala... Shayad kisi din sabko samjha paun ki itni jyada uthal-puthal kyon hui... Filhaal yadi un yadon ko humne nahi dekh paye, fir to wahi baat hogi... Jokhim bhi uthaya aur kuchh hasil bhi nahi hua...
HuYu:- Thik hai fir chal'kar kanjangha bhi dekh liya jaye...
Jivisha:- Haan guruji thode hati ho gaye hain... Pata na kanchanjangha pahunch'kar bhi manege ki nahi......
HuYu:- Matribhumi prem hai, issi vajah se wo khud iss waqt pira me honge… aur shayad apni pira aapko nahi dikhana chahte... Ek baar apni jagah par pahunch gaye fir thoda khud ke bojhil mann ko halka kar lenge...
"Haan aisa hi ho... Humara aane wala kal, aane wale kal ki puri taiyari aur puri ummid ab unhi yadon par tiki hai... Surpmarich ki yaden nahi nikli tou humara sara jokhim mol lena bekar ho jayega... Hum wahin khade rahenge, jahan aaj se kuchh din pahle the"…
"Haan aisa hi ho... Humara aane wala kal, aane wale kal ki puri taiyari aur puri ummid ab unhi yadon par tiki hai... Surpmarich ki yaden nahi nikli tou humara sara jokhim mol lena bekar ho jayega... Hum wahin khade rahenge, jahan aaj se kuchh din pahle the"…
Viggo viman ke location, paschimi Himalaya kshetr se dono (Jivisha aur HuYu) laut'kar sidha Nandni ki shadi ke utsav me samil huye….. Nischal yun tou parivar aur Nandni ke bich uljha hua tha, lekin ek dhyan uska Jivisha par bhi tha…
Jaise hi Nischal ne Jivisha aur HuYu ko sath aate dekha, turant unke karib pahunch'kar…. "Tou ye mamla hai"..
"HuYu tum jao"… itna kah'kar Jivisha apne dono hath Nischal ke kandhe par tikati... "Hay aise shakki najar se na dekho jaan, gahbrahat si hoti hai"…
Nischal:- Tum aur ye HuYu dono mil'kar kya kaand kar rahi ho Jisa.... Mera khanjar bhi ussi HuYu ke kahne par le'kar gayi thi na...
Jivisha:- Kya baby, dhar'daar talvar tunhare samne khadi hai aur tum ho ki, dhyan khanjar se jata hi nahi...
Nandni:- Wahh wahh... Kamal kar diya Jisa… tu subah se gayab kahan thi re. Kahin kaam ke dar se to na gayab hui kaam'chor aur khud to kuchh kar nahi rahi upar se Nischal ko bhi atkayi hai besharm…
Jivisha:- Nisthur main to salon dur rahi thi na apne jaan se... Thodi der isse sath le lee to kya gunaah kar diya...
Nandni:- Chhod usse aur chal mere sath chup chap…
Nischal:- Bin pendi ki lotiya Nandu…
Nandni:- Tujhe kya hua...
Nischal:- Thodi der pahle kya kah rahi thi… jane de Jiviya ko, tu mere sath rahna... Abhi aa gayi to mujhe chhod di...
Nandni kuchh bolti uss se pahle hi Jivisha hansne lagi... Usse hanste dekh... "Ab tujhe kya hua"…
Jivisha:- Tu jo sanskaron wala reply degi na Nischal ko, wahi soch'kar hans rahi...
Jivisha ko sun'ne ke baad Nandni bhi hansti hui, bina kuchh kahe Jivisha ke sath chalne lagi… tabhi pichhe se Nischal… "Main kya pagal hun, jo aapas me kuch-kuch kah'kar, mujhe bina kuchh bole ja rahi"..
Jivisha:- Ye na manega.. tu samajh..
Nandni:- Tou puchh leti hun... (Fir thoda unchi awaj me Nischal se) Oye Nischal full body wax karwane ja rahi hun… aa raha hai kya…
Nischal ab kya kahe bechara.. "pagalon jao chup'chap"…
Nandni:- Oye Sahjade jab'tak lautun kuchh kaam kar le... Warna sir phod dungi…
Tabhi Jivisha, Nischal ko pass bula'kar uska khanjar wapas karti... "Chu, chu, chu... Der raat sabke sone ke baad milenge baby... Abhi jarra Nandu ke sath chalti hun"…
Teeno sath khade hi the, issi bich Ansh aa dhamka. Bechare ko Nischal ke aane ki khabar der se mili thi, so apni shadi me wo apne ekmatr dost ko baraat ke sath nachte huye dekhna chahta tha... Haan naa aur Jivisha ki dher sari nautanki ke bich Nischal 48 ghante pahle Ansh ke sath nikla aur issi ke sath kal ke kuchh sawal-jawab se to Jivisha bach gayi.
HuYu dur khada ye sab tamasha dekh raha tha... Jivisha ko dekh'kar ek hi baat samjh me aaya... "Bechari bhabhi, kahan-kahan sambhale"…
Jivisha agli subah hi Chirag ke sath urr chali. Hafte din se Chirag aur Aarsi mile nahi the. Chirag ko dekh'kar Aarsi aise chipki, jaise kab ke bichhde aaj mil rahe ho..... Jivisha Aarsi ki maa ko dono ka dhyan rakhne bol'kar wahan se nikal gayi...
Subah ke 7.30 baje wo kanchanjangha ki gode me the... Chhota sa viman ko bahut kosis kiya gaya ek nischit point tak le'kar jane ki, lekin viman uss point ke ass-pass hi chakkar kat'te rahi, lekin uss point tak nahi pahunch payi...
Anth me Jivisha ne viman ko pass me land karne ka boli. Niche utar'kar dono uss point tak paidal hi nikle. HuYu wo bada sa ragtangle board, jispar Artificial brain laga hua tha, usse pith par tang'kar chalne laga...
Jaise-jaise dono aage badh rahe the, half ball me halki-halki shwet raushni hone lagi.… Jivisha pichhe se aa rahi thi... Jaise hi halki raushni hote dekhi... Apne dono hath jodti… "Baba, khushi ke aanshu hain ya gum ke pata nahi chal raha, lekin aapke aanshu main mehsus kar rahi hun"..
HuYu:- Kya sach me baba ro rahe hai...
Jivisha:- Haan lag to aisa hi raha hai… jaldi chal HuYu, baba ko jaldi ghar pahunchao.…
Ghane junglon ke bich se dono nikal rahe the… Ek hi disha me chalte huye dono jungle ke aakhir me pahunch gaye jahan aage ek vishal parvart khada tha...
HuYu:- Ab kya, rock climbing...
Jivisha… bhilkul nahi… Yahan ki parvat shrinkhla kafi lambi hai aur baba ka ghar inhi parvaton ke bich bhu'tal par tha…
HuYu:- Matlab koi gupt sthan hai..
Jivishsa:- Exactly… parvat ke dayen ore se chalna shuru karo, parvat bich se gaanv tak jane wali koi gufa milegi...
HuYu:- Aur gufa me jungli janvar honge...
Jivisha:- Tou thik hai na, jab'tak wo tumhara shikar karega, main kinare se nikal jaungi...
Jivisha:- Haan to kya shakti parikshan masoom janvaron par karun... Unka nature hai maans khana, to wo shikar karenge hi... Main shaktiyon ka dur'upyog kyun karun..
HuYu:- Matlab aapke nanad ka hone wala pati mar jaye.. uski sacchi mohabbat dur ho jaye...
Jivisha:- HuYu ruko...
Jivisha jaise hi dekhi ki half ball kuch jyada hi chamak raha hai, Jivisha ruki aur aas-pass ke ilake ka nirakshn karne lagi... Parvat ko hath se tatol kar dekhne lagi. Jamin par paun patak kar check ki... Parvat ke ore chehra kar'ke 2-4 baar to "khul ja sim sim bhi kahi"… lekin raste ka pata na chala...
"HuYu, lagta hai rasta yahin kahin se hai, jo parwat ke bich se ja'kar uss gaanv tak pahunchti hai… lekin"..
HuYu:- Lekin kya bhabhi...
Jivisha:- Aisa lagta hai hum galat side se chale aaye HuYu… rasta parvat ke uss ore se lagta hai...
"Ek tou 2 ghante se chalne ke baad yahan pahunche… upar se aap ko thand tou lagti nahi, lekin mujhe tou lagti hai na bhabhi... Ek tou kapdon ka bojh, upar se ye baba ke sath jo harddisc hai uska bojh... Mujh se viman tak wapas nahi jaya jayega"…
HuYu apne pith par tange wo 3 by 1 meter ki ragtangle board ko apne pith se utar'kar niche jamin par baitha gaya aur thik samne uss board ko bhi niche rakh diya.… Jaise hi uss board ko HuYu ne jamin par rakha, jo bhi light uss half ball me jal rahi thi, jalna band ho gaya...
HuYu aur Jivisha dono ne light band hote dekha... Jaise hi light band hui, HuYu ghabraya... "Dekho babhi, jo bhi soch rahi ho.. oooooo..."… Apni baat HuYu kah hi raha tha tabhi wo hawa me... Bechara padne wale tamache ki aashanka me apna aankh pahle hi band kar liye aur khud ko taiyar karne laga...
Itne me hi fir se dono ka dhyan board par gaya... Board ka ek kinara mano 2 inch upar aa'kar niche gaya..... "HuYu, tumne bhi wo dekha kya"…
HuYu:- Haan bhabhi, baba kah rahe hain mujh garib ko aur mat maro, ander light ka connection bigad gaya hai...
Jivisha, HuYu ko niche utari aur dono baith'kar board ko dhyan se dekhne lage… kuch der gaur se dekhe honge... Tabhi aisa laga ki uss half ball ke ander, koi patli line ke saman chhoti si ujla kiran lahrati hui gujri.. Doono ab pura dhyan laga'kar, apni aankhen badi kiye aur palken bina jhapkaye half ball ko dekhne lage.... Apna poora dhyan uss half ball par concentrate kiye huye the…
"Dhammmm-dhamnnnnn"… ki achanak se awaj aur dono hi harbada gaye. Shant se mahol me takrane ka thoda tej sound... Jivisha aur HuYu dono thode hairan... "HuYu baba ko utha, unka ghar ka rasta bilkul issi ke samne se jata hai"….. Half ball par kiran ke tej takrane ki awaj par, Jivisha samne ke parwat ke ore ishara karti hui kahne lagi..
HuYu ek baar samne ke pahad ko dekhte... "Bhabhi samne pahad hai... Ab kya yahan apne haton se bisphot kar'ke rasta banaogi"…
Jivisha:- Purana hideout hai ye HuYu… itni aasani se rasta mil jata to kya sabhi na pahunch jate... Aur ullu ye to tumhare liye challenge hai…
HuYu:- Baba ke ghar ki kahani me mujhe kab challenge mil gaya…
Jivisha:- Abhi-abhi... Tum hi to kahte the na ki main kahin bhi jane ka rasta nikal leta hun... Tou nikalo na...
HuYu:- Aanhhh mental !!! Wo rasta technology se secure kiya rahta hai.… Yahan guruon ne mantr ki surakha di hai… Samajh lo challenge haar gaya.....
Jivisha:- Fattu kahin ka... Ye kyon nahi kahte ki mantr ko bina Kate ghusne ki kosis kiye to ho sakta hai kahin tum andhe na ho jao ya tum jamin me na ghus jao.. yahi dar sata raha hai na???…
HuYu:- Bhabhi ye cheating hai... Aap mera mind read kar rahi...
Jivisha:- Pagal chehre par likha hai tere.. hat pichhe, baba ko yahan la mere hath me. Inke dimag ko jaise hi pahad se touch karvaungi, waise hi gargarahat ki awaj ke sath ye parvat 2 hisson me bant jayega aur bich se rasta khulega…
HuYu apne sar par hath pit'te... "Bhabhi matlab film me jaisa dikhate hain, waisa hi kuchh soch rahi na"…
Jivishsa:- Yesss exactly…
HuYu chup'chap wo board badha diya. Jivisha uss half ball ko parvat se tika'kar, HuYu se najre milati hui isharon me kahne lagi... "Bus dekhte jao HuYu"..
Kuch samay bitne ke baad... "Bhabhi ab rasta na khul raha to baba ka sar mat phod dena..."
Jivisha gusse me apni aakhen dikhati, aur HuYu usse samne apne hath ko dekhne ka ishara kiya, jo board me lage half ball ko pattharon par ghis rahi thi... Jivisha jhatke se board ko hata'kar wapas niche jamin par rakhti... "Baba maaf karna… bhul ho gayi... Waise aasan si jagah par nahi rah sakte the… kitna muskil hota hai aise rahashymayi jagah ko dhundhna"…
Tabhi fir se board 2 inch upar utha.… "Bhabhi, Baba ghar pahunchne ke liye vyakul huye ja rahe hain"
Jivisha:- Chalo wapas viman me iss location ke paar chalenge aur uss ore se gufa dhundhenge...
Jaise hi Jivisha ne kaha... Half ball me wo ujli chhoti kirana fir se tej-tej dhakke marne lagi… iss baar board lagatar 5-6 baar upar ke ore jhatka khaya... "HuYu lagta hai baba hume rok rahe hain"
HuYu:- Bhabhi rokne ke sath ishar bhi kar rahe hain ki parwat ke upar se shayad gufa ka rasta hai... Khul ja sim sim wala system nahi hai...
Jivisha:- Ohhhhh !!! Acchaaaa !!! Tabhi wo upar ki ore jor laga rahe... HuYu main tumhe upar bhejti hun... Tum check karo ki koi aisa gufa ya kuch hint hai kya parvat ke bich se jane ka...
HuYu ne haan me sar hilaya... Aur Jivisha apne hath ke ishare se usse dhire-dhire upar karne lagi... Lagbhag 600 fit ki unchai thi… HuYu bina kisi support ke hawa me tha... Dar se uski aisi halat thi ki wo bus parvat par hi najren tikaye tha... Dhire-dhire wo parvat ke choti, wahi lagbhag 4500 fit ki unchai par pahunch gaya... Jivisha ko laga shayad rasta upar se na ho, ye soch'kar HuYu ko choti par chadha di...
Takriban 10 minute tak jab HuYu jhankne tak nahi aaya, Jivisha ko lag gaya ki upar kuchh to dikha hai HuYu ko... Jivisha jamin ke gurutavakarshan ko apne paun ke niche se khatm ki... Khud ke sar ke upar se dhire-dhire vayumandaliya dawab ko kam karne lagi aur upar ke ore badhne lagi...
Kuch hi der me wo HuYu ke pass thi jo ek bade se chattan ke pichhe baitha hua tha.… "Aree yahan kya kar rahe ho... Niche ishara bhi to karte HuYu"…
"Shuuhhhh... Shuuhhhh.… Shuuhhhh..."… HuYu shant hone ka ishara kiya aur Jivisha, uske sar par hath maarti... "Ek to niche kuch signal bhi na diye aur chattan par kaun se hint padh rahe wo batane ke.. badleeee... Muh khol'kar ek baar samne dekhne hi kah dete"...
Pahle volume uncha fir ek lambi chinkh.. jab wo "badleeee" par thi aur fir shant se emotion me bilkul dhime se aakhri line nikla.… "Muh khol'kar ek baar samne dekhne kah dete"…. Kyonki samne bhaluon ka jhund tha aur Jivisha ki awaj sunkar wo bilkul samne khade the...
Bilkul ujale, 7 se 8 fit ki unchai. 3 se 4 fit cahuda... Jism ko faad'kar rakh dene wala nakhun aur dant… us par se sitam ki ek ho tab na.. Bhaluon ka pura gaanv upar choti ke samtal hisse par the... Jivisha ki awaj par kuchh bhalu teji dikhate uske samne khade the... Aur Jivisha apna sar niche kiye bus dhime-dhime shwans le rahi thi...
HuYu uthne ki harkat karne laga… lekin Jivisha turant apne hath ke ishare se shant baithe rahne kahi... Bhalu aa'kar Jivisha ke charo ore madrane lage... Tabhi unme se ek bhalu ke bacche ne Jivisha ke hath se wo borad chhine ki kosis karne laga... Jivisha apna sar upar kar'ke mandrate bhalu ko dekhti... "Dekhiye rakhshak, main yahan apne baba ko ghar lekar aayi hun... Aap iss kaam me koi badha na dale"…
"Bhabhi bacho"…. HuYu chillaya aur agle hi pal Jivisha niche ke ore jhuk gayi. Pichhe se chala ek panja sir ke upar se gujar gaya... Aur agle hi pal samne se 2 panje Jivisha par, aur ek bhalu HuYu ke upar jump laga chuka tha…
Jivisha hath ke ishare se vayu chakr chalayi... Hawa ka tej jhonka tha jisne sabhi bhalu ko lapet aur fir Jivisha usse bade atihat se thik samne kuchh duri par dhakel'kar apna prabhav hatayi...
Jivisha:- HuYu mere pichhe aao...
Kiran lagatar half ball ki diwar se takra'kar aage badhne ka ishare karti rahi aur Jivisha apne hath ke ishare se sabhi bhalu ko apne raste se kinare karti hui badhne lgi... Choti se wo ghum'kar dhire-dhire niche ke ore badh rahe the… Tabhi barf ke uss parvat ka rasta samapt ho gaya... Pichhe bhalu aur pahad ke choti ka dusra kinara aur aage ek badi si khai, aur khai ke aage fir ek parwat…
Jivisha, HuYu ko le'kar hawa me hui aur dhire-dhire khai me utarne lagi... Khai me jaise hi wo utri … thik samne hi bade se dusre parvat ke bich ek badi gufa thi aur wo kiran, half ball ke andruni deewar par jhatke deti hui uss gufa me jane ka ishara karne lagi...
Dono uss gufa me badh chale. Jivisha HuYu ko apne thik pichhe rahne ke liye kahi. Kuchh dur to gufa me raushni thi, lekin dono jaise-jaise aage badh rahe the andhera badhta ja raha tha...
Adbhut si wo gufa thi, kyonki har kadam aage badhti hui Jivisha, apni shaktiyan ghati hui mehsus kar rahi thi... Aage itna Andhra tha ki kuch bhi dekh pana muskil ho raha tha… HuYu tourch ki raushni karna chaha, lekin raushni hui nahi… "Ye hai mantr ki shakti, bina kisi sadhan ke ye rasta paar kar'ke gaanv pahunchna hoga HuYu… tum board ka ek sira pakad lo... Baba hume yahan se le'kar chalenge"…
Kamal ki jagah thi... Samne bilkul ghanghor andhera aur pichhe dekhne par bilkul ujala… HuYu ek baar hi to pichhe ujala ko dekha, aisi fati ki fir andhre me hi jhakne ki kosis kiya lekin palta nahi. Chhoti si pagdandi ke dayen aur bayen khaulta lawa tha, upar se yahan na to koi technology aur na hi koi shakti kaam kar rahi thi... Ek baar gide kaulte lawe me to haddi tak ka churan ban jaye...
Pagdandi bhi koi sidhi nahi thi, balki ghumavdar thi... Jivisha bus kiran ke ishare par chalti rahi aur dekhte hi dekhte dono barf ke ek maidani bhag me pahunch chuke the... Iss jahah par pahunchte hi Jivisha ne jaise hi apni najar daurayi... "Wahhh, dekho to yahan pura gaanv basa hua hai... Kitne sare bacche matr ek kapde pahne dhyan lagaye huye hain. Aur ek tum ho HuYu, kuchh sikho inse"…
Tabhi jaise board niche ke ore pressure dalne laga ho... "Areee bhabhi, baba apne gaanv me aa gaye hai, niche rakh do"…
Jivisha apni aankhen band kar'ke ek baar Guru Vashudhar ke aanshik kalpnik sarir ko mehsus ki, jo apni jagah pahunch'kar bilkul shant ho gaye the... Jivisha unki bhavna ko pura mehsus kar sakti thi... Jivisha half ball ko brafile bhumi par aise rakhi mano Guru Vashudhar ko apni matribhumi ko naman karna tha...
Jaise hi Guru Vashudhar ka kalpnik anshik sharir ne bhumi ko chhua, surmayi hawayen jaisa unke aagman ka swagat kar rahi ho... Itne thande ilake me bhi, chidiyon ki madur awaj sunai dene lagi ho... Charo ore ka mahol Khushnuma ho gaya ho jaise.…
"HuYu baba uss artificial box se bahar aana chahte hain"… Jivisha gahri shwans leti Guru Vashudhar ki bhavna ko mehsus karti hui kahne lagi...
Jivisha:- Hazar varshon baad kisi ki vyakul aatma apne gaanv ke mahol me vilin hona chahti hai… isse hum rok nahi sakte… hum apna kartavya karenge... Mujhe baba par yakin hai, wo hume bich raste nahi chhodenge... Isliye chinta mat karo...
HuYu:- Haan lekin iss desine ko kholenge kaise... Koi equipment kahan laye hain.. half ball ko tod nahi sakte na... Aisa lagega jaise humne baba ka sar phod diye ho...
HuYu apni baat samapt kiya hi tha, ki pass se ek awaj aayi... "Kya main aapki kuchh madad kar sakti hun"…
HuYu apni baat samapt kiya hi tha, ki pass se ek awaj aayi... "Kya main aapki kuchh madad kar sakti hun"…
Jivisha awaz ke ore dhyan dee. 2-3 mahilayen aur 4-5 pursh ekal vastr dharan kiye unke pass khade the. Jivisha kuchh puchhti uss se pahle HuYu hi puchh baitha... "Aap sab kya Jhon'Wick Aashram se hain"…
Jivisha HuYu ko ghurti.… "Serin ke sath koi shandar action movie to nahi dekhe the na"..
"Pade thappad"… jaise hi HuYu ko khyal aaya ki wo jaldbaji me kya kah gaya natije yahi hone wale the, bus kab hoga ye bada sa questions mark tha…
Tapasvee:- Ji ye Jhon'Wick nahi sattvik Aashram hai..
Jivisha:- Maaf kijiyega…
Tapasvee:- Galat kuchh bhi nahi kaha gaya jo aap maafi maang rahi hain... Itni dur aap log pahunch kaise gaye... Aur aane ke pichhe ka karan kya hai?
Karan, karan se jyada Jivisha ka yahan hona shayad uski Niyati thi. Kyonki vishesh kul ki mul matribhumi yahi thi... Na sirf visesh kul samuday ki mul bhumi yahi thi, balki Surpmarich aur aur Vishesh kul ki pahli gyani Vish-Kritima ke gyan ki prapti bhi yahin se hui thi…
Fir to Jivisha ne khud ka bhavya swagat aur Vishesh kul ka wah gaurvanvit itihaas ka bhi pura gyaan hua, jisme har Vishesh samuday ki striyon ne apna bahumulya yogdan diya tha... Vish-Kritima se lekar Vish-Nilayani tak ka itihas maujood tha...
Guru Vashudhar bus moh se bandhe the uss kritrim se dimag me. Unki yadon ko koi chura na le, isliye unka kalpnik aanshik sharir, wah half ball chhodne ko taiyar nahi tha... Lekin charo ore ka mausam tab badal gaya, jab Jivisha aur HuYu ke sath-sath Guru Vashudhar ko bhi wahan ek Guru dikhe...
Fir unka kalpnik sharir khud ko bahar aane se rok nahi paye… Sadiyon ki sangrahit yadon ka varish mil chuka tha, jis par wo jimmedari daal'kar sukoon ki shwans lete... Haan Jivisha aur Apasyu ki pahli mulakaat yahin hui thi.
Jab Guru Vashudhar khud ko uss mahol me vilin kar liye, Jivisha ek baar fir kisi ki kalapti hui aatma ko mehsus kar rahi thi... Guru Vashudhar ka kalapnik ansh aise viyog kar rahi thi, mano kuchh anhoni sa yahan ke mahol me mehsus kar rahe ho...
Yah Jivisha ke liye thode vichlit karne wale kshan the aur jab wo hawa me apna chehra kiye, Guru Vashudhar se unke rone ki vajah puchhne lagi... Fir samne aaya ek aur narsanhar ki kahani, jisne iss jagah se puri sabhyta ko hi sadiyon pahle samapt kar diya tha.
Sattvik Aasharam ke dusri ekaeyon (unit) dwara, kanchanjangha ki sabhyta ke samapt hone ke pichhe kisi amanviya takat ka hath maana tha, jo iss alokik jagah ko falte-fulte nahi dekhna chahte the,. Aur chunki uss daur me yahan na to mukhiya the aur na hi unke utkrishth shishya, jo samjh pate ki mahamari ki un hawon me kya tha aur kiski sajis thi...
Jivisha ek baar fir se thode viyog me thi... Koi aisi jagah nahi thi jahan ke manav hit me kaam karne walon ko Surpmarich ne apna shikar na banaya ho aur apna maksad sadhne ke liye logon ko corrupt na kiya ho...
Jivisha kanchanjangha me hui narsanhar ke pichhe Surpmarich ka naam ujagar karti hui sabko batane lagi "Surpmarich na sirf kanchanjangha me base prachin sabhyta ko mitaya hai, balki kayi aisi sabhyta ko ya to ye Surpmarich mita chuka hai ya unhe corrupt kar chuka hai jo bhi usse challenge kar sakte the"...
Sari baten dhire-dhire khulne lagi thi. Bahut pahle bite daur ka itihas sattvik Aashram ke samaksh khulne laga tha aur ussi ke sath ab wo naam bhi Apasyu aur sattvik Aashram ke pass aa chuka tha, jiske panne sattvik Aashram ke itihas ki kitab se badi hi chaturai se hataye gaye the...
Shayad Jivisha ka hona niyati hi tha. Kyonki pichhle 200 saal se iss alokik jagah ko, wapas se sattvik Aashram guru, apne purane swaroop me lane ki kosis kar rahe the... Aakhri Guru Nishi yahan ka jinnodhar lagbhag kar chuke the, lekin unki akasmat mirtyu ne yahan ke pragti karya ko kuchh varsh pichhe le gaya...
Kanchanjangha me base iss gaanv me uski mul nivasi pahunch chuki thi. Yah apne aap ke ek khushi ka vishay tha. Fir shuru hua Apasyu, Jivisha aur HuYu ke mulakaton ka daur. Jivisha ko pariwar ke bich se nikal'kar kanchanjangha pahunchna kafi mushkil tha, isliye Apasyu gupt roop se dono se mila karta tha...
Mulakaton ka wo daur aisa tha ki teeno ek alag hi bound me dikhe the. HuYu jiski pratibha lagbhag chhipi hui thi, ussi ne "Dust particle" ki taknik ko nayi unchai diya tha. Aashanka puri thi ki bhavishya me kabhi Nischal aur Apasyu ka samna yadi hua, tou kisi ko samjhane ka waqt bhi nahi milega ki Apasyu, Jivisha ke kahne par sab kuchh kar raha tha...
Dhire-dhire uss artificial brain se yadon ko dekha gaya... Kafi lambi yaden chura chuki thi Jivisha aur kafi vichlit karne wali thi Surpmarich ki yaden. Ek nakqabposh ka naqab utar chuka tha aur unhi yadon ke dauran pata bhi chala tha ki wo dimag se kaise dusron ki yaden mita'ta hai...
Surpmarich se ladai ke lagbhag mahine din baad hi, bade bhaiya par suniyojit humla hua tha Pune me. Jahan Nischal ko bhi yah ehsas dilwaya gaya ki Surpmarich abhi mara nahi hai. Yahin se Nischal ke uss adhure prashikshan ka daur bhi shuru hua, jo Guru Vashudhar apne putr maan chuke Nischal ko dena chahte the... Chatthe indriyan jagrit karne ka gyan.
Agle 4-5 mahine Jivisha Nischal ke sath kanchanjangha ke god me, Aarcharya ji ke dekh rekh me apna prashikshan karte rahi... Kade abhyash, sahi margdarshan aur in sab se badh'kar, Nischal aur Jivisha ke ander jo jivan ko samjhne ka apna mul najariya tha, sab ne mil'kar dono ko un unchai tak pahunchne me madad kar rahi thi jahan Guru Vashudhar unhe dekhna chahte the...
Nischal jab uss gaanv se bahar nikal raha tha usse apne Guru ka purn gyan mila tha... Uss gaanv se jab Nischal bahar nikla, tab'tak Serin HuYu ke sath milkar Russia me ek base bana chuki thi... Na sirf Aarsi aur Chirag ki jid ki vajah se, balki bhavishya ko dekhte huye Serin ko bhi laga ki ek apna base earth par bhi hona chahiye...
Kadam se kadam mila kar sath diya tha HuYu ne aur char chand tab lag gaye, jab ek gyani ko murt roop Nischal ne de diya.... Haan Guru Vashudhar ki kalpnik aanshik sharir to nahi rahi uss artificial brain me, lekin ab bhi wo autonomous body hi thi kyonki uss artificial brain me mehsus karne ki kshmta thi...
Alexa ke nirman ke sath hi Jivisha ke madadgaar bhi prithvi par taiyar ho chuke the. Thoda sa badlav Alexa me, HuYu aur Aimee ne mil'kar kiya tha, jo ab energy absorb karne aur energy relese karne me mahir tha… Iske liye Apasyu ne Guru ke pass rahne wale wo twin energy patthar ko diya tha, jo Aacharya ji ki dekh rekh me Tibbath ke matth me rakha hua tha...
Wo Alexa hi tha jo yadast jane ke pahle 6 mahine tak Jivisha ko shant roop se ek hi kamre me rakhne me safal hua tha… 2 yadon ke bich shayad jab confusion creat kiya gaya tha tab Surpmarich kafi lambe samay tak Jivisha ke dimag me rah gaya tha... Kyonki Jivisha ke ander ke kale vikar ko absorb karne me kafi gahnton laga karte the aur issi ke sath Alexa Jivisha ko moral support bhi diya karta tha... Ek alag hi tarah ki niti ke sath sabhi aage badh rahe the...
HuYu, Decca par baith'kar dur sanchar ki puri prakriya dekh raha tha aur sabhi logon ko ek channel se jode huye the... Ye majboot channel aur kisi ka nahi balki Alexa ka majboot channel tha... Har ek kirdar random role play karne me laga hua tha, kyonki bhuli yaad me corrupt dimag kab kya kar jaye kise pata...
Lekin Jivisha ka sahi aaklan itna kaam aa raha tha ki Nayla ki mehnat kam ho gayi thi... Anath bacchon ka sath hona, Nischal aur Serin ke emotion ko bahut had tak kabu me rahta... Dono itne suljhe huye rahte, ki bacchon ke samne khun ka ek katra nahi girate the... Aur yadi bahoot majboori hoti tab Nischal aur Serin ko utni hi mehnat bhi karni parti thi...
Haan lekin Nischal aur Serin ke prithvi lautne ke kram me, jo 15 din ka deadline samay Nayla ko mila tha, wo dono ke black hole me jane se fail ho chuka tha… warna jivan ke mulya ko Nischal aur Serin wapas apne ander, Jivisha ke sath un khatarnak islnad bhraman ke dauran hi sikhte... Jo ki jaan lene ki pravriti aur gusse ke nature ka purn kaat tha…
Surpmarich ko laga tha ki Jivisha aur Nischal apni khoyi yadon me hai.… Lekin issi bhul ki vajah se Yuvi ko ladai ke maidan me ek kadadi shikast jhelni padi thi, jiska purn nishkarsh tou uske 4 dimag milkar bhi nahi laga pa rahe the ki nausikhyon ne unhe hara kaise diya… Itne random log mil'kar usse hara kaise sakte the...
Iss baar bhi Surpmarich, Jivisha ki yaden churane ki kosis kar raha tha, lekin iss baar aisa kar pana uske liye sambhav nahi tha, kyonki bhule dimag me bhi uski puri shakti jagrit thi aur Jivisha me dobara se shakti jagrit itne kam waqt me hua tha ki Aacharya ji bhi aaschrya me the… Aur in sab ka pura natija Yuvi ke sath ladai me dekhne ke liye mili...
Sath hi sath dobara jab Surpmarich ke dimag me Jivisha thi, iss baar bhi usse chhalne me kamyab rahi thi... Kyonki iss baar Apasyu ne usse sikha'kar bheja tha... "Jab tum dimag me jao... Uski tatkaal chal rahi yadon ko chura lo"… aur Jivisha puri ladai ke dauran safai se apna kaam kar chuki thi..
Jin teen mahine wo brain surgery ke baad padi rahi thi, uss dauran Jivisha ka kalpnik sharir, Apasyu ke sampark me tha aur dono mil'kar Surpmarich ke chal rahe muhim par charcha kar rahe the...
Nayla aur baki sabhi log jab prithvi par pahunche the, tab unka kaam khatm tha. Kyonki yahan ka pura jimma Alexa aur Apasyu ke upar tha... Inhe to bus time pass karna tha aur intzar karna tha, ki kab sab ki yadast wapas laut aaye... Baki jo bhi hua uss daur me wo to sabke samne hi tha.…
Tatkal samay...
Jivisha ke ek ishare par hi uske sabhi sathi, jinhone Jivisha ko uske sabse mushkil waqt me sath nibhane ka bharosa dilaya tha, uske vishwas aur yojna par bharosa jatate huye, bina kisi dusri soch ke, sabhi kewal Jivisha ke kahe yojna par amal karne lage the, wo sabhi Jivisha ke pichhe khade the... Aur samne Nischal ke sath khade the baki log...
Jivisha muskurati hui jaise hi challenge ki... Agle hi pal ek tej hawa ka jhonka chala, itna tej ki logon ne palken jhapki aur wahan se 2 log gayab the... Nandni hansti hui sabse kahne lagi... "Challenge accepted"…
Mahol thoda uljha to tha, lekin HuYu ko Jivisha ke pichhe dekh sab samajh chuke the ki, kuchh kahani uss daur me rachi gayi thi jab Surpmarich se ladai kar'ke laute the... Aur tab bhi HuYu, Jivisha ke kafi karib hua karta tha...
Pura tou ab baith'kar hi baat karne se pata chalta... So sab log chale mathh me. Aatithiyon ke bhavya swagat ke bich ghir gaya tha bechara HuYu aur Alexa... Kahna galat nahi hoga ki iss pure khel ki rachna aur usse pure karne me Alexa ne center point ki bhumika nibhayi thi... Ussi ke sequre channel ne puri team me coordination bana raha… aur jarooratmandon tak madad pahunchti rahi...
Khair universe se le'kar earth tak ki kahani jaise-jaise pata chalte gayi... Sab ke sab aaschrya me dube huye the... Ek akeli Jivisha ke vishwas ki kahani aur uske vishwas patr log, jinhone ek kalpna se pare plan ko safal bana diya tha...
Haan Nandni ko gussa bhi utna hi aa raha tha, kyunki uske dono jaan se ajij dost... Nischal aur Jivisha hi iss poore khel me dav par lage huye the aur bina kisi ek ke to wo kalpna bhi nahi kar pa rahi thi..…
Serin ke liye bhi utne hi chaukane wale pal the. Fakr khud me tab mehsus ho gaya jab pata chala ki Jivisha ki poori yojna Serin ko dhyan me rakh'kar ki gayi thi... Wo dono (Nischal aur Jivisha) ho ki na ho... Aage Serin ko hi poora mission drive karna tha... Haan ek baat HuYu ne gol kar diya, wo tha Nischal aur uske hone bacchon ki planning, jise Jivisha ne sabko mana kar rakha tha batane se... Ye uske aur Nischal ke bich ka entertainment tha…
Poori charcha samapt hone ke baad Apasyu wahan se apne sabhi logon ko le'kar nikal gaya... HuYu usse pichhe se tokte... "Guruji khanjar ke jakhm ka dard jyada to nahi"… Apasyu pichhe mud'kar muskurate huye sab ko dekha.…
"Ye sab jab khatm hoga tab mai tum se milne jaroor aaunga HuYu… Jivisha ko bolna bevajah mujhe pareshan na kare, aur jitna dhairya aur sujh-bujh ka parichay puri planning me dee thi... Aage bhi deti rahe. Main ab apne raste ja raha hun"…
Apasyu gaya aur wahan rah gaya bechara HuYu, jiski band bajne wali thi, kyonki sabko iss bade se mission ka hissa hona tha, aur waqt rahte unhe nahi bataya gaya... Samne hi pahla culprit baitha hua tha... Baki tou 1 urran chhu ho chuki thi Nischal ke sath...
Ek tej aankdhi gujri aur Jivisha bahon me jhulti hui hawa ke rath par sawar thi... Dono ek bade se pahadi ke samtal hisse par the. Jivisha ek chhote chattan par baith'kar aaram se Nischal ko dekh rahi thi aur wo funf'kaar marta idhar udhar tahal raha tha...
"Kya hai ye sab... Kyon Jisa kyon"???? Nischal thode gussa aur thode uljhano ke sath puchha..
"Sorry jaan, ab tum uss Surpmarich ke jaal me the... Jab tak tumhe jivan ka mulya yaad nahi aata, tab'tak tumhari aakrmata jati nahi… Isliye iss ladai ki yojna bani thi"..
Nischal ek thappad lagate... "Don't divert the topic, tumhe pata hai main kis bare me baat kar raha hun"...
Jivisha, chhota sa muh banati… "Apna hath dekho aur mere ye soft gaal... Jin hathon ko pyar se gaal par ferne chahiye, un hathon se thappad laga rahe… tum badal gaye ho Nischal…"
"Nautanki kahin ki..."… Kahte huye Nischal Jivisha ke ore lapka aur agle hi pal wo hawa me... "Ye cheating hai Jisa... Tum ye ghadi-ghadi power jo mujh par istamal karti ho"…
"Kya karun Love, tumhara bhagna aisa hai ki ab pakdam pakdai to hum khelne se rahe… so tum bhi to cheting hi karte ho"…
"Areeee lekin ye in built hai... Maine thode na kisi experiment se paya hai tej daurna"…
"Pahle sorry bolo... Mujhe jo thappad mara... Fir main niche utarungi"…
"Main ek julmi pati hun... Ego.. ego hai mere ander.. maine sorry bol diya to shakt patiyon ki bejjati hogi"…
"Main bhi bhartiya patni hum jaan... Apne pati ko hamesha apne sir par bithaya hai... Baithe raho.."
Nischal thoda jod lagaya, vayu ke bandhan me thoda sa badlav aur gulati maar'kar niche.… Aur agle hi pal, haath khinch'kar Jivisha ko pith ke ore se khud se chipkate huye, uske gale ko dabaya... Jivisha khil'khailar hansti hui.… "Ya tou angry ho'kar action kar lo, ya pura romance... Aise gussa bhi hain.. aur pakad'kar romance bhi kar rahe... Mujhe pasand nahi"…
Nischal, Jivisha ke kaan ke nichle hisse me tej daant gadaya... "Ouchhhh.. kya kar rahe ho jaan"…
Nischal:- Apna gussa dikha raha hun... Jo sachhai mujhe shuru se pata honi chahiye the wo Guruji mujhe ladai ke dauran bata rahe the…
Jivishsa:- Mujhe laga tum apne bachpan ki koi yaad dekh rahe the... Ladai ke dauran Guru Vashudhar tunhare pass aaye...
Niachal:- Bol tou aise rahi ho jaise wo tumhare pass nahi aaye honge… mujhse mile... Aur haan pahle mujhe unhone wahi samjhaya... "Shakti matr ek jariya hai apni budhhi ko parakhne ka... Jiske pass gyan hota hai usse shaktiyon ki jaroorat nahi... Vishwas jagao aur tum apni wo kala dikhao jo bachpan se tumne sikha hai"...
Jivisha:- Haan isliye bachpan yaad aane ke baad bhi Apasyu ke kandhe me angutha daal diye... Jarra bhi daya na aayi...
Yah sun'kar Nischal, Jivisha ke gaal ko danton se aisa kata ki daton ke laal nishan pad gaye... "Aaaaaa, jungleeeee... Mere gaal hain ye"..
Nischal, apne honth ke madhur chhuan se Jivisha ke gardan ko chumte huye.… "Soft hai ki nahi wahi check kar raha tha…
Jivisha, Nischal ke honth ki iss chhuan se thodi bikharti hui.… "Love, mat karo abhi please… aur batao na kya uss chand second ke mulakat me Guruji ne sab bata diya"...
Nischal:- Ohhh hooo hoooo, mera daudna band karne ka raaj kisne khola tha, jo Guru Apasyu ne mujhe bandh diya... Guruji mere pass naa aaye hote tab tou tum mujhe aur maar khilate rahti…
Jivisha, thodi mayus hoti, Nischal ko khud se alag karti.…. "Ek yodhha ka jitna ya harna iss baat par nirbhar nahi karta ki yudhh me usne kitni lash girayi, balki natija jiske paksh me hota hai wahi vijeta hota hai... Tumhara maar khana kaun si bari baat thi... Lekin ek samanya si kashmta me bhi tumhara uth khada hona, khud me vishwas dikhana, ye Maksad tha.
"Aur ye mera maksad nahi tha balki Guru Vashudhar ka maksad tha... Duniya ko alvida karne se pahle, wo ek baar tumse milna chahte the… ek pita apne putr se milne aaye the… aur wo sab yaad dilane jo unhone tumhe bachpan se sikhaya tha"…
Jivisha:- Kayi varshon tak wo bandhe rahe iss shansar se... Jane ka unko mauka mila lekin ek kalpnik sharir moh me par gaya Love, apne putr ke moh me… Chahte tou tumse kabhi bhi mil'kar wo ja sakte the, lekin ye puri ladai unhi ki ikchha thi… Jane se pahle tumhe aakhri baar mehsus kar'ke, tumhe wo sab yaad dilate chale jo unhone tumhe sikhaya tha...
Aakhri baar wo apne putr se mil rahe the aur tumse mil'kar iss shristhi ko alvida kah gaye… Pyar ki takat me tou unhone Prakrit ke niyam me chhut maang lee thi...
Nischal:- Haan tum sahi kah rahi ho.… Wo sach me mahan hain.…
Jivisha:- Haan aur tumse itna moh tha ki jane se pahle mere sari planning ki pol patti khol dale...
Nischal:- Tumhari bahut tarif kar rahe the Guruji... Kafi der tak guruji tumhari hi baten karte rahe... waise tarif tumhare temporary boyfriend Guru Apasyu ki bhi jar rahe the..
Jivisha:- Arre yaar... Wo Apasyu hai… tunhare Guru ji, Guru Vashudhar the...
Nischal:- Nah, Guruji (Vasudhar) bol'kar gaye hain mujhe, ki ab se meri jagah Guru Apasyu mila karnege tumse... Haan unhone bata diya hai tumhare atoot mitrwar rishte me bare me, mujhe jo unhone kaha main wo follow karunga... Aur sharm to nahi aayi hogi na... Mere bina sab kuchh plan kar lee..
Jivisha:- Aree nahi baba aisi koi baat nahi thi...
Nischal:- Haan haan main sab samjhta hun... Vish-Jivisha ke itihaas ke kitab jo Sattvik Aashram wale likh rahe, uski lead tou tum hi rahogi na... Tumhara naam lead me aur baki sab naam sahayak me honge… Uss sahayak me bhi upar tou pahle number par HuYu, Nayla aur Shwetna hogi... Sala hum doni bhai bahan ka patta kat gaya... Bechari Nandu to apne pati ko hi bijli ke jhatke deti rah gayi... Wo Kasak bechari... Jiski jaan tum me basti hai, usse tak ignore maar gayi... Kamal ki swarthi nikli...
Jivisha:- Naak tod dungi kuchh bhi bakwas kiye tou...
Nischal:- Achha, aisi baat nahi thi tou kya mujh'par yakin na tha... Sharv shaktiman Jivisha... Nana Vish-Jivisha…
Jivisha, aankhen dikhati.… "Tumhe mujhse jhagra karna hai abhi"…
Nischal:- Ohhh hooo... Abhi jhagra na karun.. to kya pyar karun.. Aaeye jaante hain kuchh Vish-Jivisha ke pyar ke bare me... Jiski shurwat mai aise karna chahunga... (Achanak fir chillate huye)… Pyar ka to naam mat lo... You stone heart.… Log hasne lage hain, jab sunte hain 500+ dino ki shadi me kewal 3 baar hua hai...
Jivisha, apni aankhen badi karti hui.… "Nichal chup ho jao, warna mai sar phod dungi"…
Nischal, apne ghutne par aa'kar apna sar jhukate.… "Aap to Universe ki Queen hai... Har planet ke jitne bhi shashak honge wo aapke samne sar jhuka lenge... Mujh garib ki kya aukaat hai... Chahe sar phod do ya gala daba do... Aap ka hi dominence chalna hai"…
Nischal jab apni baat kah'kar sar upar kiya samne Jivisha nahi thi... Charo ore najar ghuma'kar dekh liya… "Areee yaar ye tou gussa'kar bhag gayi"…
Nischal jab apni baat kah'kar sar upar kiya samne Jivisha nahi thi... Charo ore najar ghuma'kar dekh liya… "Areee yaar ye tou gussa'kar bhag gayi"…
Nischal kuchh aur der tak wahan charo ore Jivisha ko dhundhta raha, aur Jivisha jab nahi dikhi tab mayus hote... "Pagal, gadha, yahan romance karna tha... Kha-m-kha chidha diya. Chalo re baba, dekhte hain kitna gussa hui hai"…
Nischal wahan se sidha matth pahuncha, jahan bechare HuYu ko thappad par thappad par rahe the. Bechare ki band baj rahi thi aur sabhi ladkiyan uss par ration pani le'kar chadhi hui thi. Nischal jaise hi wahan pahuncha…. "Areee tum sab iske gaal laal kyon kar rahi ho... Bechara Ram bhakt Hanuman hone ki saja paa raha. Mukhiya ko pakado na"…
Nandni muskurati hui Nischal ke pass pahunchi. Muskurati hui wo Nischal ko dekhi.… "Kitna samjhdar ho gaya hai na… kamina"… aur Nischal babu bijli ke tej jhake kha'kar 200 meter ki duri par ja gire.… "Aaaooo pagal kahin ki, ab maine kya kiya"…
Nandni:- Hum teri biwi ko tourcher na kare isliye usse yahan se le'kar furrr ho gaya aur wapas usse resort me chhod'kar yahan aa gaya.
Nischal apni chot khayi kamar pakad'kar khada hote huye, apni badi aankhon se Kasak aur Nandni ko dekhte.… "Tumhe aisa laga kya"…
Serin:- Aisa laga nahi, balki aisa hi hai bhai... Chalo yahan se aur in sab ko chhod do... Aaj se ye apni planning par kaam karenge aur hum apni...
Nischal:- Mujhe bhi apni team me le lo... Mujh garib ko kahan pendulum bana rahi ho tum log... Na idhar ka rahunga na udhar ka...
Nandni:- Aisi biwi se pyar karne ki yahi saja hai... Talaqa de de … Tere liye uss se behtar biwi dhund denge...
Ert:- Main taiyar hun...
Serin:- Luna iss Nilbhut wali ladki ko le'kar jao... ye to pariwar me hi hathiyar chalva degi...
Nandni:- Kamine Nischal tere vajah se ab mere bhai (Ert ka hone wala pati Asis) ki shadi bhi khatre me hai...
Nischal apna sina pakad'kar wahin niche baith'te... "Kitni biwi hogi ek jindgi me. 4 biwi ko to Aizem par chhod aaya hun. Jaise hi launda free nahi dikha, ek aur application aa gaya... Bhagwan mujhe itna handsome kyon banaya"…
Kasak:- Achha hai, achha hai... Pighal jao iski overacting dekh'kar. Tum ladkiyan ek baat par atal kyon nahi rah sakti... Baat kahan se shuru hoti hai... Point kya hota hai... Aur khinch'kar kahan le aati ho...
Kasak:- Bycott karo iss jodu ke gulaam aur iski jodu ko...
"Haan kar do kar do... Dono ko bycott kar do"… HuYu chupke se uth'kar apni baat chillate aur dohrate huye, aa'kar Serin ke kandhe par apna hath tika'kar khada ho gaya...
Serin jhuk'kar HuYu ke tike hath se apna kandha hata'ti hui... "Chamche bhi bycott honge... Jakar samne khade ho jao"…
Nandni:- Chalo yahan se inse baat hi kyon karni…
Poori ladkiyon ki gange wahan se nikal gayi. Nischal aur HuYu ki haalat par wahan ke sanyasi bhi mand-mand muskura rahe the... Nischal thoda chidhte huye.… "Haan hans lo. Kabhi ladki patana nahi para na... Aur uss se bhi jyada unke nakhre nahi sahne pare, iskiye humari haalat par hans rahe"…
Ek Sanyasi:- Mitr mere pass ek vikalp hai.. ye sab moh maya chhod'kar humare sath aa jao...
HuYu:- Mujhe to pahla thappad parte hi aisi feeling aa gayi ki kash main bhi sanyasi hi hota...
Nischal:- Ye sanyasi ji bhi humare maze le rahe hain... Jijaji, abhi gaal hi laal huye hain... Chalo mamla settle karne, warna pata na aur kya-kya laal kar dengi...
Shaam ka waqt...
Aaj subah se hui gahma-gahmi ko, din ke waqt shadi ke rashmon ke karan viraam mil gaya tha. Nischal, Serin, Ert, aur Luna ke ore se koi na hone ke karan, inke ore se Nandita bhabhi, Jyoti bhabhi aur Nandni kamaan sambhali thi... Aur udhar 3 pariwar me ho rahi shadi ko Durga devi aur Priya rajpoot poora handel kar rahi thi… Kasak ke hone wala pati Sahil apne pariwar ke sath apni riti riwajon me laga hua tha...
HuYu ko bhi Abhishek ke sath transfer kar diya tha.… Aur Priya ke parivar me samil hote hi, poora din dubka hua wo Jivisha ke pichhe hi paya jata tha.… Din ke waqt shadi ke rashmon ke dauran, ajib hi mahol Priya, Durga aur Nandita ko najar aa raha tha...
Teeno ko pata hi nahi chal raha tha ki kaun kis se naraj hai… Kabhi Nandni Jivisha ko dekh'kar naraj rahti to kabhi Nischal ko... Yahi haal Kasak ka bhi tha... Jivisha ek ore jahan Kasak, Nandni aur Serin ko hasrat bhadi najron se dekhti, to wahin Nischal ko aise ghurti mano kah rahi ho... "Tum to dekhna bhi mat mujhe"
Shaam ke waqt charo, Mate Priya aur Durga, bhabhi Nandita aur Jyoti... Baithe huye shadi ke mahol par vichar kar rahi thi...
Jyoti bhabhi:- Mujhe inke lakshan kuchh thik nahi lag rahe hain, shadi me hungama na kar de sabhi...
Priya:- Kam hungama ho isliye tou humne wedding planner ko destination wedding ke liye kaha tha... Taki ye daru sharab se dur rahen…
Durga devi, apni aakhen badi karti.… "Damad ji pura piyakkad hain kya"???
Jyoti aur Nandita bhabhi dono hairani se Durga devi ko dekhti.… "Hamesa to strict hi dikhi ho aunty, lekin itni bholi hogi hume pata nahi tha"…
Durga devi, sawaliya najron se….. "Kya ho gaya so"…
Priya Rajpoot:- Had hai Durga, tumhe kuchh bhi pata nahi...
Durga devi:- Didi (Priya) aise paheliyan mat bujhao... Pine ke mamle me damad ji kaa naam le'kar kuchh galat kah dee kya??
Nandita:- Jyoti didi aap hi batao..
Jyoti bhabhi:- Aree aunty wo teeno jo hain... Kasak, Nandu aur Jivisha… teeno ko daru pine ke baad hungama karne ke liye, Pune me kayi pub wale ne unka entry hi ban kar diya hai... Kayi baar police jeep me baithe hain aur jab inse pahchan na thi to Ravi bhaiya (Nandita husband) ne inka chupke se bell karwaya hai thane se..
Durga devi:- Kya.. kya.. kya..
Priya:- Jyada gardan na jhatko Durga, akad jayegi...
Durga devi apni badi aankhen kiye.… "Teeno ladkiyan bevdi hain.… Aur wo ek jo Kasak ki humshakal hai wo"…
Nandita:- Kab tak wo samaj se bahar rahegi… bevdi nahi bhi hui to ho jayegi...
Durga devi kuchh der khamosh rah'kar… "Pine ke baad jab hosh hi na rahe, aise me teeno ke sath kahin kuchh galat... Hey bhagwan, ye kaisi aadaton ka shikar hai...
Nandita aur Jyoti bhabhi ek sath…. "Chhi chhi, aunty apni betiyon ke bare me aisi soch..
Durga devi gusse me dono ko ek-ek thappad lagati…. "Maa hun, dil na baithega kya aisa sun'kar. Fir khyal na aayega ki kisi ne galat fayda utha liya to"…
Nandita:- Nahi utha sakte na... Kyonki ye teeno pahle se bodyguard ka itazam kar leti hain… ek inka bharosemand koi na koi sambhalne wala hamesa inke sath rahta hai... Teeno apne bhai Ravi ki ladli hai tou Ravi police thane ko manage kar leta hai... Kabhi koi bodyguard nahi milta tha to ye log office se Ravi ko hi pakad'kar le jate the...
Durga devi:- In teeno ki to... Bhai ke pyar ka bhi fayda utha lee... Kaan ke niche dena tha na...
Jyoti bhabhi:- Kya kah rahi hain aunty... Ab 3 mahine me ek din kabhi kaand kare aayi to pata kaise chale... Sab manage bhi kar leti hai na... Jaise aap khud ko hi le lijiye... Na batate to pata bhi chalta kya...
Durga devi:- Bahut pareshan kiya hai teeno ne... Inko to...
Priya:- Teeno ki leader wo Kasak hai... Usse kopche me le lo... Sab ki hulladbaji control…
Durga devi:- Haan tou teeno ko hi sabak sikhaya hai… aaj hi... .
Nandita bhabhi:- Aunty jane do na... Aaj sangeet hai, kal mehndi, parso shadi … kyon pareshan karna... .
Priya:- Inko sab ko sabak sikhana to banta hai... Nandita tum chup rahogi…
Jyoti bhabhi:- Inki to watt lagli...
20000 square feet ka resort. 200 kamron ki suvidha, jisme lower class se lekar luxury sweets tak the... sabhi kamre shadi ke guset se bhade huye the... Takriban 350 log shadi me aamantrit... Saanjh ka waqt.. Priya Rajpoot aur Durga Devi ne sabko lawn me bula liya..
Durga Devi:- Abhi-abhi Purohit ji se baaten hui hai... Kuchh nakshtr ka dosh aa gaya hai kundliyon me... Kahte hain purv karmon ka dosh hai, isliye shadi ke baad dampatya jeevan me kuchh anhoni ki aashnaka hai.…
"Purohit ji sharmate hain jo chupke se kaan me kewal aapko bol'kar chale gaye"… Logon aur rishtedar ki bhid me se kisi ne bola... Priya jor se chillati hui... "Kaun bola, kaun bola"…
Jivisha ke papa Himanshu…. "Jane bhi do.… Aap kahiye"…
Durga devi:- Purohit ji ne kaha hai jald se jald dosh nivaran karna hoga... Shadi me sirf 2 din rah gaye hain...
"Kyon shadi ke baad kya dosh feviquick laga'kar chipk jane wala hai, uske baad nivaran nahi hoga kya"…. Bhid se fir kisi ne bola… Iss baar Nadita bhabhi gusse me... Aur fir se Himanshu ne shant karwaya… Iss baar Priya baat ko aage badhati hui….
"Dosh nivaran hetu Kasak aur Jivisha ko yahan maujood sabhi guest ke ek jodi kapda apne hathon se dho'kar usse istri karna hoga. Iss pure resort ke kamre me jhadu pochha lagana hoga aur anth me sab ke liye ek waqt ka khana banana hoga... Aur iss baar Pichhe se kisi ki awaj aayi to voice recorder laga rakha hai... Voice match karke uss se to main shadi ke khane ki plat saaf karwaungi"…
Jaise hi Priya ki baat samapt hui...Durga devi dhime se.… "Didi khana banwana risk hai.… Mujhe Jivisha ka pichhla kiya hua yaad hai"…
Priya:- Chinta kyon karti ho, iss baar dekh rekh me hum dono wahin kursi laga'kar baith jayenge…
Durga Devi:- Haan ye achha hai.…
Idhar jab ye announcement ho raha tha, shadi me aaye lagbhag log maujood the siway 3 logon ke... Nandni, Kasak aur Jivisha... Unhe kayi baar bulaya gaya lekin sabko apne kamare se wapas bhej di...
Teeno khamosh ek dusre ko ghur rahe the... "Ab kya hai ye... Kyon aise ruthi ho"…
Kasak:- Tujhe nahi pata ki hume kya bura lag raha hai...
Jivisha, Kasak ke pichhe usse bhinchti hui, uske galon par pappi leti... "Tu achha kar, tu bura kar... Tu kuchh bhi kar. Ye soch'kar karna ki usme meri hi marji hai. Tu bas sab ko kah dena Kasak ke kahne par maine kiya, baki main dekh lungi"…
Jaise hi Jivisha ne Kasak ko bachpan ka wo wakya yaad dilaya, jisme Kasak ne saaf kah diya tha ki kisi bhi shararat me mera naam bol diya kar, Kasak to dharm sankat me phans gayi. Aur idhar Nandni chup chap utha'kar chal di. Jivisha uska hath pakadti…. "Ab tu kahan chali"
Nandni:- Emotional blackmailer, wo tou pighli... Tu mujhe bhi kahin koi emotional goli na de de, isliye main chali...
Nandni:- Kitna bura lagta hai tujhe pata hai... Itna bada faisla akeli-akeli kar lee... Hume batati to aaj iss baat ka dukh to nahi hota.… Bhale hum koi role play karte yah nahi karte…
Jivisha:- Iss pure khel ki rachna hi issi aadhar par hui thi, sabko anjaan rakhna. Hume pata nahi tha ki Surpmarich yaden mitane ke baad hum par najar banaye rakhega ki nahi. Hum ye bhi nahi jante ki 2 yadon ke bich wo confuse hua ki nahi. Aise me mere aas-pass ke jitne bhi karibi the, wo yadi ek team ki tarah aise kaam karte, mano unhe sab pata tha ki aisi koi future me situation hogi.… Fir hum chindi chor se nahi uljhe huye the, balki iss universe ke uss msatermind se uljhe the jisne har uss jagah ko ya to tabaah kar diya ya fir unhe corrupt kar diya jo usse challange karte... Mere sar par hath rakh'kar kah do... Yadi meri jagah tum dono me se kisi ne plan kiya hota, jise itna sab kuchh pata ho uss kamine Surpmarich ke bare me, to kya yaden mitne ka wo daur Surpmarich ke samne ek sochi samjhi chaal ke roop me pesh karti, ya fir planning yahi hoti ki uss daur me sab random hi dikhe…
Nandni:- Puri tarah sahmat..
Kasak:- Main bhi... Lekin ander ki iss tis ka kya Karen jo bura lagne jaisa feel karwa raha hai...
Jivisha:- Haan to tis kam karne ke liye ek announcement hai na... Aage se jo bhi hoga, hum sath me karenge...
Nandni aur Kasak dono ek sath... "Iska matlab ki hum sab sath me mission par"…
Jivisha:- Yessss !!! Ek parijivi jo dusron ki takat ke jariye apna astitw banaye hai… Jiske liye mujhe abhi mere apno se sangrash karna par raha... Aage uss se nipatne ke khel me, bina kisi sawal ke main tum dono ko to kya... Hone wale Sahil jiju ko bhi sath me le jane ka plan kar rahi...
Nandni:- Tu sach kah rahi kya??? Mujhe tere ya Nischal ke samne gidgidana nahi parega na ki hum bhi sath me hain? Aur tum dono miyan biwi ye kahte firo ki wahan bahut khatra hoga... nahi le sakte…
Jivisha:- Kewal wo hi khatarnak ho sakte hain kya tum dono khatarnak nahi ho sakti... Kya wo hi maar sakte hai, tum dono maar nahi sakti... Viswas karo jitna unse tumhe khatra hai, utni hi barabar ki balki main to kahungi uss se jyada khatarnak meri dono bahne hain...
Kasak:- Chal jhuti hume chane ke jhad par chadha rahi...
Jivisha:- Tum dono ki kasam main utha sakti hun iss mamle me... Mere mann me koi second thought nahi... Aur tum dono ke mann me bhi nahi hona chahiye.… Janti ho kyon...
Dono ek sath.… "Kyon"???
Jivisha:- Kyonki chit ki parchi 1 hi hoti thi jise hum aapas me ghuma dete the examination hall me.... Kabhi ye khyal aaya ki pakde jayenge ya fail ho jayenge... Hum teeno ko pata hai ki ek dusre ka istmaal kar'ke, kaise har exam pass hona hai..… chit mere pass hai aur exam hall me teeno sath me baithenge...
Kasak:- Kahin IAS level wali wo Compitative exam hui to...
Nandni:- Kahan tu bhi Kasak, bc wo Surpmarich ek corrupt neta hai to corrupt exam hi organise karwayega na... Kahan tu usse sattvik Aashram se compare kar rahi jo UPSC jaisa exam counduct karwayega... Don't worry hum pura cheating karenge aur teeno pass ho'kar aayenge..
Kasak:- Waise ye gali badi acchi lagi baton ke bich me. Matlab ab ek practicle exam me hume dil khol'kar cheating karni hai... Mast plan hai re baba... Uss Surpmarich ki to aisi ki taisi... Aan de sale ko...
Jivisha:- Yesss my dear sis... Taiyar ho jao ek cheater ko cheat karne ke liye... Haan lekin exam hai to kuchh taiyari to karni hogi na...
Kasak:- Bhag kamini... Kabhi exam ke liye taiyari kiye the... Ye exam bhi waise hi denge... aur pass honge...
Jivisha:- Haan lekin dono ko sallabus aur course to pata hona chahiye na, warna kya computer science ke exam me GS ka cheat lekar baithe rahenge...
Nandni:- Wo sab intercourse ke baad free hokar dekh lenge ki iss baar ke sallabus me kya hai... Abhi sirf Shadi aur honeymoon ki plan.. aur mere liye second honeymoon ka… chalo re ladkiyon aaj tou shadi me dhamaal machayenge...
Jivisha:- Kamini main dekh rahi hun shadi ke baad teri juban... Gali muh se nikal rahi aur ye khullam khulla baten...
Nandni:- Achha to teri tarah chupke se "Sexy boyfriend" aur "aag lagi jawani" padkar ungli karti rahun...
Kasak, jod se hansti... "Wo boyfriend wali novel maine bhi padhi hai... Aahhhh badi mast hai"…
Teeno ko khul'kar hansne lagi aur hanste hui hi bahar pahunchi… jab teeno bahar nikli tab sab log inhe dekh'kar hans rahe the... Jivisha aur Kasak dono Nandni ko aise ghuri mano kaccha chaba jaye.… "Areee jahilon, aise mat dekho... Matter kuchh aur hoga... Ander hum mike leker thode hi baat kar rahe the"…
Kasak aur Jivisha dono... "Haan point hai. Par ye log him par hans kahe rahe hain"…
Nandni:- Chal'kar pata karte hai na...
Teeno idhar udhar dekhti hui upyukt vaykti dhundhne lagi jo majra kya hai wo samjha sake... Itne me Jyoti bhabhi aur Nandita bhabhi bhi kuchh duri se unke ore aati hui najar aane lagi... Aur wo dono bhi inhe dekh'kar hanse ja rahi thi...
Jaise hi dono bhabhi pahunchi… ye teeno sawaliya najron se unhe ghurti.… "Dono (Jyoti aur Nandita) humare band kamre ki baat ko leak to nahi kar di na poore mehfil me, jo hans rahi ho"…
Jyoti aur Nandita bhabhi aapas me hi... "Tu bata de" "nahi tum hi bata do didi"…. "Nahi tu hi bata de na"… "na na didi tum batao"…
Teeno trideviyon ki najar kabhi idhar, to kabhi udhar... "Aree bus bhi karo kyon dono natak kar rahe... Batao bhi kya baat hai"…
Dono bhabhiyon ne, bhadi mehfil me kahe gaye kundli dosh aur uska nivaran bata'kar jod se hansne lagi... Nandni uchhal'kar dono bhabhi ke side hoti, wo bhi hansti hui... "In dono (Kasak aur Jivisha) ka to pura bakatkaar ho gaya"…
Tabhi Nandita bhabhi kahne lagi.….. "Punchayat ne faisla kiya hai ki dono se kaam karwane ki poori jimmedari tumhari hai Nandu... Dono kapde dhoyengi to kapda la'kar dene wala bhi to koi hona chahiye... Dono mil'kar kapde dhoyengi aur nichodengi, usse rassi par failane wali bhi to koi honi chahiye... Sukhe kapde laogi tum, press karengi ye dono aur fir fold karogi tum Nandu.. aise hi sabhi kaam pura karwana hai"..
Ye baat sun'kar Kasak aur Jivisha dono hansti hui... "Darling Nandu idhar aa ja abhi"…
Nandu:- Main apne pati ko le'kar chali... Mujhe na attend karni ye shadi...
Jyoti bhabhi:- Durga devi ka ye farman hai aur unhone kaha hai.… "Yadi Nandni shadi chhod'kar jati hai to Nandni ko main tab'tak apne pass Indor me rakhungi, jab tak Ansh babu ka Pune hospital walon ke sath karar khatam na ho jata"...
Nandni poore aawesh me, gusse se apni laal aankhen dikhati.… "Wo maa nahi chaandaalni hai aur ye dost nahi meri kundli ke rahu aur ketu hain... Paglonnnn maine kisi ka kyaaa bigada hai"…
Nandni poore aawesh me, gusse se apni laal aankhen dikhati.… "Wo maa nahi chaandaalni hai aur ye dost nahi meri kundli ke rahu aur ketu hain... Paglonnnn maine kisi ka kyaaa bigada hai"…
Bechari Nandni, wo thunak rahi thi, tabhi Nandni ko Jivisha aur Kasak dono khinch'kar usse apne sath le jane lagi...
"O trideviyon kidhar chali, dono ko bulaya gaya hai... Kaam pura hone tak teeno aunty ke sath hi rahogi"…. Jyoti bhabhi unhe rokti hui kahi...
Kasak:- Ye bhi Purohit ji ne kaha tha kya? Hum apne purv karm janti hai aur 2 din ke baad ki shadi me jo aap logon ne karmon ke fal ka bhugtaan karwa rahi hai na... Main to apne mayke ka muh nahi dekhne wali hun ja'kar kah do...
Nandita bhabhi:- Dobara bolna to jarra...
Jivisha:- Wo gusse me hai abhi... Aap jao na bhabhi... Kahan aap bhi gussa hone lagi...
Kasak:- Yadi bhabhi gussa me hain to thappad maar sakti hai, lekin hoga wahi. Ye koi tarika nahi ki 2 din baad shadi hai aur 300-400 logon ke kapde dhulwao, usse press karne kaho aur anth me sab ke liye khana banao... Shadi karne ki bhi haalat bachegi kya???? Haan main chidh'kar bol rahi hun, lekin galat nahi bol rahi….
Shayad dono bhabhi ko bhi kuchh samjh me aaya ho… iss baar Nandita bhabhi chup'chap chali gayi... Idhar Nandni aur Jivisha Kasak ko khinch'kar le gaye... "Areee chhod bhi, pure mood ki maa bahan kar diya in logon ne. 2 shot vodka ka de fir chalte hain Sangeet me... Kundli me dosh hai to nahi hogi shadi... Baat khatm"…
Jivisha:- Serin ko to le pahle, wo bechari alag hai aur usse bhi bura lag raha hoga...
Left se Nandni aur right se Kasak, dono hi Jivisha ke gaal par ek kadak laafa chipkati.… "Ek sentiment to nikalna baki hi rah gaya tha, ab achha lag raha hai. Ab chal Serin ke pass"…
Teeno jaise hi Serin ke kamre me pahunche wahan ka to kafi romantic najara tha... Honth se honth jude huye the aur aankhen band, bus jo pahle band karna tha wo bhul gayi, darwaja.… Gale ki khadas ki awaj aur dono (Serin aur HuYu) ka dhyan toota...
"Kyon humshakal bada romance ho raha hai... Jabki subah hi bycott kiye the na"…… Kasak dhamkati hui puchhne lagi...
Serin:- Bycott to Bhabhi ka bhi hua tha... Uska kya...
HuYu bechare ko subah ka dard yaad tha. Khatarnaak ladies ke group ko dekh'kar wahan se nikalne me hi usne apni bhalai samjhi. Idhar Serin apni safai me kahne lagi... "HuYu ne samjhaya ki itna bada planning chhipna bhale hi abhi bura lag raha ho, lekin wo uss waqt ki demand thi"
Fir Serin bhi ussi baat par sehmat hui thi jis baat ki charcha kuchh der pahle Jivisha ne kiya tha... Ek ladai jisme Surpmarich ke sath teen anjaan log lade the. Bilkul hi rendom tarike se aur naye tarah ke dushman ke sath.
Kahani wahin ghum fir'kar aayi ki jaan'ne ke baad kisi chij ko chhipana aur na jante huye apna-apna kaam karne me anter hota hai... Isliye iss baat me koi 2 rai nahi ki humara na jan'na, jan'ne se jyada faydemad hota... Jo ki hua bhi tha...
Sabhi baten clear thi par shadi ke kahani me upje naye twist se Kasak ki baukhlahat kam nahi hui thi. Haan lekin jab Serin ki vayvastha dekhi... Chilled beer, Vodka aur Taquila... Kasak, Nandni aur Jivisha ek dusre ko dekh rahi thi...
Kasak:- Yaar apni hi shadi hai. Sala issi purv karm ki saza tou bhugatni hai...
Jivisha:- Main bhugat lungi saza, par shadi baar-baar thode na hogi, kya kahti ho...
Nandni:- Kaun sa hum pi kar tunn ho rahe hain, ya pahli baar shadi me le rahe hain... Ye karnaama to pahle bhi kar chuke hain..
Kasak, thunakti hui... "Mere kaka ko aur koi nahi mili thi… ye meri kaaki na... Tang aa gayi hun main unse"…
Nandni:- Bahno main kya kah rahi hun, 5 taquila shot lete the to 4 Taquila shot lete hain aur baad me beer ka overdose dhire-dhire dete rahenge...
Jivisha:- To kya subh muhurat nikalna hoga...
Kasak:- Un 2 bechariyon ne kya jurm kiya hai fir, unhe bhi bulao, hum sab sath me lete hain..
Nandni:- Kaun dono...
Kasak:- Meri aur teri hone wali bhabhi...
Kasak:- Aap sab mehfil sajao main unhe le'kar aati hun...
Kasak:- O meri humshakal idhar aa..
Jaise hi Serin uske pass pahunchi... "Dekh ye 'aap aap' ki pungi kahin aur bajana... We are all sisters of diffrent mother… isliye khud ko humari tarah baat karne ki aadat daal ya mehfil se nilkal le..
Serin hansti hui.… "Ji gurumata samajh gayi"…
Kasak:- Bada jaldi samjh gayi ab ja aur un dono ko bhi bula laa, aaj to Sangeet me aag laga deni hai... aur haan hamshakal bahan un dono ko bhi sari baten samjha dena...
Serin jabtak Luna aur Ert ko le'kar laut'ti, tabtak 6 taqila shot ready ho gaye the. Har Taquila shot ke baju me namak aur achar ki vayvastha... Chhotu chhotu glass taiyar... Kasak ne jaam hawa me lahraya...
"Haan to bahno ye jaam humare aane wali zindgi ke naam, lekin uss se pahle ek baat abhi kahe deti hun... Halka nasha hone tak pina... Apni hi shadi me khud hungama karna achha nahi lagta hai"…
6 chhotu se glass me ho gaya toast aur ek single shot me taquila khinchne ke baad jaise hi trideviyon ne namak chat kar achar chusa, thik unki copy Serin, Luna aur Ert ne kar liya.…
Luna:- Ye kya tha, thoda ajib taste laga pine ka, lekin uske baad ye achar aur namak ka taste mast aaya...
Nandni:- Aaram se tum teeno... Pahli baar hai na 3 shots se jyada mat lena…
Serin:- Dhime nashe par hum roj hi pakte hain, lekin humare yahan aisi vayvastha nahi...
Ert:- Main tou yahan earth par iska dusra version pi chuki hun, wo wishkey tha... Bahut maza aaya tha... Ye Luna bhi pi chuki hai... HuYu ne mana kiya tha batane se isliye abhi natak kar rahi hai...
Kasak ek takila shot aur uthati.… "Areee chhodo kal ki baten... Sanjh dhal aayi hai aur ladies mehfil bhi lag chuki hogi, jab'tak shuroor na chadhe khinchte raho"
Baat 4 takila shot ki hui thi lekin jab ek baar jab daru ander jata hai, fir hisab kitab kaun puchhta hai. Jivisha sab par najar banaye thi aur kisi ko over nahi hone di... Haan wo alag baat thi ki wo sabko aage bhej'kar ek shwans me puri Taquila ki bottol gatak gayi aur dimag ko halke nashe ke suroor me jane diya... sabhi 6 ladkiyan wahin se ek sath bade se hall me shirkat karte pahunchi, jahan ladies Sangeet ka aayojan hua tha…
Iske purv Nandita bhabhi, Kasak ki baat sun'ne ke baad, kafi gusse me nikli aur sidha pahunchi Priya aur Durga devi ke pass... Aate hi wo apne saas par barasne lagi... Bahut kam aise mauke hote hain jab Nandita apni saas se gusse ka izhar karti hai, lekin jab wo karti hai tab fir inki ghighi bandhi rahti hai... Mazal nahi ki wo Nandita ki baat kaat sake... Aur fir to uska impact bhi aisa hota hai ki Priya rajpoot kayi dino tak apne hi ghar me ghabrayi ghabrayi ghumti hai...
Nandita ne saaf kah diya.. "Pine ki aadat galat hai aur wo sabko baith'kar samjhayegi, lekin iska ye matlab nahi ki wo apni hi shadi ko enjoy na kar sake... Poora masti aur enjoy karne ki chhut hai... Shadi baar-baar nahi hoti... Aap ko bhi yahan shadi enjoy karna chahiye… badla lene ke liye puri umr pari hai... Na ho to mujhse badla le lena"... Gusse me ek shwans me Nandita apni poori baat kade lahje me jaise hi rakhi… Mate Priya to kya Durga devi bhi "Haa" me apna sar hila rahi thi…
Jab Nandita pure gusse baat kar rahi thi, wahan uske shasur, pati, devar pariwar ke anya ristedar bhi baithe huye the... Jab wo barsana shuru hui... Dhire-dhire kar'ke sab wahan se kalti ho chuke the… sabko pata tha ki Nandita jitni sun leti hai.. kuch mamlon me fir utna hi violently suna bhi deti hai aur bahas karne ka to koi sawal hi nahi hota fir un vishyon par.
Ladies Sangeet ayojit bhavan me sabhi ladkiyan darvaje se jaise hi ander hui... Ander ka mahol dekh'kar Nandni... "Areee ladies… 5 shadi ho rahi hai aur yahan matam pasarne jaisa mahol kyon hai... Kisi ne dance practice nahi kiya tha kya"..
Kasak, aur Jivisha dono aankhon-aankhon me ishare karti samne Nandita bhabhi aur Mate Priya ko dekhne kahi.... Dono ko dekh'kar Kasak aur Jivisha ki hansi nikal aayi. Bhid me baithi Nandida bhabhi ke pass Jivisha pahunch gayi aur Mate Priya ke pass Kasak...
Jivisha Nandita ko pichhe se bhinch'kar uske gaal ko chumti.… "Meri maa aise muh bana'kar rahegi tou kya maza aayega meri shadi me"…
Nandita:- Jyada maska mat laga… mera dimag pahle se kharab hai...
Jivisha:- Aapke mood ko main abhi on kiye deti hun... Bus udhar humare gurumate par najar banaeye...
Idhar Kasak bhi pichhe se Priya ke gale lagti, uske gaal ko chumti... "Kaki, aise rohogi meri shadi me tum… fir mujhe nahi karni ye shadi"…
Priya:- Chhod na mujhe... Ye ladkon wale shauk pale hain… sasural me jayegi tou kya kahenge, kaisa culture diya hai iski maa ne... Fir kaisa muh hoga tera... Ye sab sun'kar…
Kasak:- Main bhi apni saas se kah dungi... "Aapka beta pita hai aur ussi ne sharab ko soft drink me mila'kar diya hai... Lekin main aapko kuchh na kahungi saasu maa, kyonki jaisi meri maa hai waise aap... Koi nahi ye sab chahta, lekin ab 24 hour control thode na aap rakh sakti... Isliye main aapko dosh na dungi jaise aap meri maa ko de rahi"…
Priya, pura pighalti hui… "Baat banana to koi tujhse sikhe...... Sorry wo maine itna socha nahi aur wo kuchh jyada bada dosh nivaran bata gayi"…. Aur itna kahne ke baad Priya, Kasak ko apne pass bithayi.. jaise hi Kasak pass baiti, uske sar ko kandhe se lagaati... "Ek to dono bahan sath vida hogi upar se aisa kya gussa jo kah di mayke nahi aaungi"…
Kasak:- Kaki wo...
Priya:- Haan hum to kam akl hai na.. lekin kabhi tum dono ki shararat par humne ghar chhoda tha kya...
Kasak wahin khadi ho'kar apne dono kaan pakad'kar bhadi mehfil me uthak baithak karti... "Soooo sooolllyyyy kaki... Hum maa se gussa na dikhaye to kis par dikhaye, jindgi me aur koi option hai kya... Pati parmeshwar hota hai..… aur sasural Genda phool.. pitaji ki duniya alag aur bhai apni biwiyon me mast... Ek maa hi to bachti hai jispar jab mann kiya jaise mann kiya chilla do... Gussa nikal do.. kahin bhagegi thode na... Baad me thoda hum royenge thoda wo royegi… fir sath honge aur aise hi hanste khelte jindgi kat jayegi... Kyon ladies sahi kahi ya galat"..
Jaise-jaise Kasak apni baat chillati hui kahti gayi... Nandita bhabhi ka bhi gussa jaise hawa sa hone laga tha… sabhi ander se khush aur dono bahno ko dekh'kar aankhon me aanshu aate rahe... "Dono ab ghar chhod'kar jayegi"… kafi muskil tha iss baat ko swikar karna ki kuchh hi din me Kasak aur Jivisha chhod'kar jayegi...
"Areee yaarrr... Sangeet me bhi rona... Vidai me bhi rona… har waqt aise rote rahoge to mera dance kaun dekhega... Main ja rahi hun dadi sasu"…
Khushiyon ke mahol me char chand lagaane pahunchi Aarsi. Aarsi ko dekhte hi Nandni, Kasak aur Jivisha teeno hi pahunchi sidha manch par… tabhi Aarsi teeno ko hath dikhati… "Ruk jao bua sasuon, aap sab apne gaane par aao... Aapne ghaghra choli nahi pahna hai aur abhi hum dance karenge "mere hathon me 9-9 chudiyan hai"…
Nandni:- Areee "bole chudiyan" par dance karna tha na...
Aarsi:- Nana, dadi Susu ne kaha tha... Isliye main to practice bhi kare aayi hun... Aap log chalo audience ki line me... Dadi Susu.. sasu maa.. aap sab kya wahin baithi rahegi...
Char aurten (Mate Priya aur Durga, Bhabhi Jyoti aur Nandita) stage par pahunchi… fir to 3 generation ka thumke aur dance par sab ki hansi ruk hi nahi rahi thi... Issi bich aa gaya gane ka ek antra… "Mere darzi se aaj meri jang ho gayi, Kal choli silaai aaj tang ho gayi"…
Bechari Aarsi badi mehnat se apne choli ki baju jo fadne me kamyab rahi, wo bhi gaane ke beat ke sath, magar idhar charo hi aurton ne ye follow nahi kiya... Aarsi chalte gane ke bich me hi Mike uthati... "Ye kya hai"…
Sabhi ruk gayi... Aur sawaliya najron se Aaris ko dekhte... "Kya ho gaya"…
Aarsi:- Wo gane ki beat thi na, "meri darji se aaj meri jung ho gayi"... To choli nahi fati na aap sab ki...
Charo ke hath uske muh par the... Muh pura khula aur sharmsaar aankhen poori mehfil ko takti. Waise in aurton aur ladkiyon ki hooting me to achhe-achhe launde fail ho jaye... choli na fatne ki shikayat par to pichhe se hooting par hooting shuru thi...
Tabhi Nandni jhatpat Mike uthati... "Aarsi beta rahne de, un charo ke choli tang hone aur darji se jung hone ki umr bit gayi hai"…
Woooo, charo aise sharm se pani-pani hui ki chup chap stage se bhagi. Dono bhabhi sar jhukaye hansti hui Nandni ke ore badne lagi tabhi 6 ladkiyan samne khade ho'kar apna dupatta kamar se bandha kar aise khadi hui, mano unke aane ka intzar hi kar rahi ho. Tabhi Kasak chillayi.… "Bhabhi jab pass pahuncho to wo choli tang wala antra jaroor chalwa dena, jung ke liye to hum waise bhi taiyar hain".…
Jyoti bhabhi:- Jaa maaf kiya... Shadi hai isliye chhod rahi…
"Bhabhi meri shadi ho gayi hai"….. Nandni aankh maarti aur hathon ke ishare se aane ka nimantran dene lagi... 2 bahbhi aur 6 ka group... Luna aur Ert ko wo dono kitna bhi kahne lagi unke side aane, dono ko samjh me hi nahi aaya ki kis base par wo pala badle... Khair...
Fir stage par dhamaal machane aa gayi sabhi 6 ladkiyan, 5 dulhane aur un sab ke sath masti bikherti Nandni... Klaa aur pratibha ka pata to manch par hi chalta hai aur gaana baj raha tha "Main Nagin nagin, nagin nagin, nagin dance nachna"…
Fir kaahe ko Ert ruke… pichhe se sabhi ladkiyan muh par hath diye hansti rahi aur Ert apne kamar aur chhati ko aise lahrayi mano uss sarir me to haddi hai hi nahi.. hooting par hooting aur seetiyan par seetiyan bajna shuru ho chuki thi...
Aaj subah ki shurwaat jitni khinchi hui thi, raat sabke liye utna hi sukhad tha... Aisa lag raha tha jaise ye shadi ka mahol, bite khinchav bhade din ke stress ko release karne ke liye hi aayojit kiya gaya tha...
Lekin ye stress kitna jane wala tha wo to aane wala waqt hi batata, kyonki shikari apni puri taiyariyon ke sath nikal chuke the... Aur jab suhagraat ke waqt sab apni masti me vayst hote, tab Surpmarich apne uss kadadi shikasat ka badla lete... Haan lekin unki yojna me takniki roop se chhota sa badlav kar diya gaya tha…
Aaj subah ki shurwaat jitni khinchi hui thi, raat sabke liye utna hi sukhad tha... Aisa lag raha tha jaise ye shadi ka mahol, bite khinchav bhade din ke stress ko release karne ke liye hi aayojit kiya gaya tha...
Lekin ye stress kitna jane wala tha wo to aane wala waqt hi batata, kyonki shikari apni puri taiyariyon ke sath nikal chuke the... Aur jab suhagraat ke waqt sab apni masti me vayst hote, tab Surpmarich apne uss kadadi shikasat ka badla lete... Haan lekin unki yojna me takniki roop se chhota sa badlav kar diya gaya tha…
Purv me Surpmarich ka ansh Yuvi ko mili karadi shikast ke baad jab se inki payback ki puri yojna bani thi, bahut kosis kiye Jivisha, Nischal aur unse jude har kisi par najar rakhne ki, lekin Surpmarich ko pahle to 3 mahine tak kuchh pata hi nahi chala ki ye sab aakhir Delhi me kaun se bill me ghus gaye... aur inka ilaj kahan chal raha hai...
Jab Pura parivar Pune pahuncha aur Surpmarich ko yah pata chala ki Jivisha, Nischal aur Serin ki yadast wapas laut aayi hai. Surpmarich ke sabhi ansh ko aisa jhatka laga, mano unki raaton ki nind haram ho gayi ho… Chah kar bhi kuchh pata nahi kar pa rahe the… unhe aisa lagne laga ki unke virodhi ke bare me sab kuchh jaan'ne ke baad bhi, ab tak pura anjaan dikh rahe hain...
Pahle Pune se hi Chirag aur Ansh ko uthaya jana tha, lekin inki yadast wapas aate hi Surpmarich ke kheme me matam sa pasar gaya. Nangi aurten, khula bistar aur manorajan ke sabhi intazamat ab kaatne ko daur rahe the. Baukhlahat unke chehre se saaf pata chal rahi thi aur in sab mamlon ke hone ke pichhe wo Saatvik Aashram ko hi maan raha tha... Lekin jaise sab kuchh samne ho'kar bhi kuchh najar nahi aa raha ho.
Sattvik Aasharam ka gadh kahe jane wale kanchanjangha ke gaanv ko Surpmarich ne tatola. Usse aabhash ho gaya ki kanchanjangha ki gode me ek baar fir Saatvik Aashram fal-ful raha hai, lekin ek vishes dayre ko na to wo aur na hi uska kalpnik sharir paar kar pa raha tha...
Fir Surpmarich ko samjh me aaya ki jo jagah barbaad hui thi (Kanchanjangha ka gaanv), usse aabad karne ki kosis kahin bahar se hui hogi... Pahle wo Nainital guru Nishi ke gurukul me pahuncha jahan usse pata chala ki jagah salon pahle ujad chuki hai aur sarkar wapas se iss jagah ko bana rahi. wahan se nirasha haath lagne ke baad wah pahuncha Tibbath kshetr ke Kailash marg matth ke ore...
Matth to tha lekin yahan ka dayra bhi itna majboot bandha gaya tha ki Surpmarich ka na to sharir uss dayre ko paar kar paya aur na hi uski koi siddhi. Saatvik Aashram ka Kanyakumari matth, Pasachimi Himalaya ka Gurukul, har jagah ek jaisi samsya aa rahi thi. Aisa lag raha tha jaise sab ko pata hai ki kaun Saatvik aasram aane wala hai, aur usse rokne ki pukhta taiyari ye Saatvik aasharm wale kar chuke ho...
Surpmarich ke virodhi iss baar uss se ek kadam aage nikle... Anth me haar'kar Surpmarich ke sabhi ansh ek hafte ke liye dhyan me doob gaye. Ladai se lekar har chhote se chhote pahlu par najar diya... Lekin anterman me bhi kahin koi jawab nahi tha. Jab kuchh bhi natija hasil nahi hua tab wo log wapas se Jivisha ke pure pariwar par najar banaye, jo ki uss waqt Tibbath ke resort me shadi ke liye pahunche the…
Shadi se teen din pahle pata chala tha ki ye log agli subah kisi se mil rahe hai... Lekin kis se mil rahe uss naam par aate hi jaise voice clearity ki maa bahan ek ho jati ho... Kahin ja rahe the milne, lekin kahan iss baat par bhi jaise clearity kahin gayab si dikhi..
Surpmarich ko samjhte der na lagi ki usse fasane ke liye ek alag tarah kaa jaal buna hai, jisme wo apne dushmano ke pichhe jane par majboor ho… Haan lekin iss baar apne dushman ke pichhe jane ke siway aur koi chara bhi nahi tha, kyonki samne se jo khel chal raha tha usme Surpmarich khud ko pura asahay samjh raha tha…
Shadi ke 3 raat pahle hui baat se Surpmarich samajh chuka tha ki ho na ho Saatvik Aashram ke guru aur Jivisha ke sabhi logon ke bich kisi tarah ki aham baithak hogi... Yuvi aur Arf me se to wahan ka dayra koi paar nahi kar sakta tha isliye aanan-fanan me usne apne tej-tarrar super human gulamon ki ek team bheji... Jo super-duper tarike se disappear ho gaye...
Jitni jaldi aaye the utni hi jaldi gayab bhi ho gaye. Surpmarich ko aisa laga mano ye log pahle se hi taiyar baithe ho... Jab koi chara nahi mila, tab aakhir me sab ne mil'kar ek faisla liya.... Jivisha aur Nischal se jude jo log mile usse utha lo. Pahle unke dimag ko khangalo, fir usse maar dalo... Jiski baukhlahat me Nischal aur Jivisha unse ladne aayenge...
Ladne aane wale virodhiyon ke liye Surpmarich ne mission ka maksad kisi ko maarna nahi rakha, balki Nischal aur Jivisha ke sath jo koi bhi pichhe baith'kar khel raha hai... Un sab ke dimag ko pura khangal'kar jaankari nikalna.
Sath hi sath kayi tarah ke sambhavna par vichar karne ke baad, yahi nishkarsh nikla ki Surpmarich ke 2 ansh sanyukt roop se kisi bhi ek dimag ke taktakal yadon ko bhi khangal le tou kaam ho jayega, maksad bus yah jan'na tha ki kahani me ye Saatvik aasharm aaya kahan se.
Apne lakshya me bilkul saaf aur focus planning ke sath iss baar sath aa rahe the, Zoren ke 10 hazar narbhakshi, jise biologically kayi sare sodh ke baad uss ke power ko bilkul Nischal ke power se match kar diya gaya tha aur sab ke sab khanjar'baaj. Un 10 hazar biologically modified narbhakshiyon ke sath 5000 biologically modified Adrishi janwar shirkat kar chuke the Tibbath ke barfile ilake me...
Idhar shadi ki ghatnao me sangeet ki raat sare launde tul hokar... Waise tul hone wale launden kuchh iss prakar the... Nischal, sabka sardar jo pine baitha fir kisi ko uthne nahi diya... Uske sath bade bhaiya, Ansh, HuYu, Abhishek (Jjvish ke bhaiya), Asis (Nandni ke bhaiya) aur Ravi bhaiya (Jivisha ke sabse bade bhaiya, Nandita ke pati aur Chirag ke papa) ko bhi pakad liya.. in sab ke bich char chand lagane aur kuchh der sath nibhaya tha, Papa Himanshu (Jivisha ke pita), Shudhanshu (Kasak ke piita) aur unka bharpur sath dete thumka lagaya Nandni ke papa Awedhesh ne...
Halaanki teeno papa ki shirkat jaise hi hone wali thi, waiter ne emergency sandesh de diya tha aur sabhi apne-apne peg ke galss aur daru ko bottol ko jaldi se chhipaya. Lekin baap to baap hota hai... Khushi kahe ya gum... Baith'kar un dono bhai Shudhanshu aur Himanshu ne 4 peg lagaya… aur Nandni ke papa achhe dost ki tarah unka sath nibhaye. Wo sabko kahte bhi rahe ki koi nahi aaj sab enjoy karo, lekin kisi me himmat na hui unke samne peg bana le, pine ki to dur ki baat thi...
Ladies Sangeet ke mukable gents sangeet kafi rochak tha… bina practice ke jab thumke lagte aur wo paun se jamin ko jamin me ghusane ki de laat maar kosis… fir kya kahne... Jo hi dil khol'kar jhume... Teeno papa nikal gaye, lekin baki sabhi wahin subah ke 4 baje tak pi'kar niche hi ludhke the…
Subah ke 11 baj rahe honge. Pahle to bade bhaiya hi uthe... Sir pakde, aadhe jaage, aadhe soye aur bhadi sar ke sath jaise hi aage ke mahol par najar gaya, harbadi me poori aankh khul gayi... Unke baju me Ravi bhaiya the, bade bhaiya usko thuski de rahe... Ab chhote se thuski se ghanta koi uthne wala tha...
Nandita bhabhi juda pin badhati... "Bade bhaiya isse try karo"… bade bhaiya ne naa me sar hilaya aur idhar Jyoti bhabhi chudiyan upar kar, pallu kamar me khosne ja hi rahi thi... Bade bhaiya ne Jyoti bhabhi ko hathon ke ishare se rukne kaha, aur ghap se pin Ravi bhaiya ke back par...
Tej chillahat ke sath wo jage aur samne ka najara dekh'kar awaj muh me... Aise pin pass hote rahe aur sabki chinkh jagte hi muh me...
Nandni:- Kasak, Jisa.. ye purv karmon ki saja aur dosh nivaran kuchh yaad hai kya..
Jivisha:- Betiyon ne to naak nahi katvayi, lekin ab kya kah sakte hain... Kal Kasak ko hi to meri pyari maa ne kaha tha, ladkon wale sauk palna… tou jab inke Shauk me hi pina sumar hai, fir hum kya kar sakte hain…
Kasak:- Chal vahini ab thode na koi kisi ko kaam kahega karne… Sirf purv karmon ke dosh Purohit ji humare hi kundli me nikal sakte hain… Waise yahan ek manas kam lag raha hai...
Jivisha:- Nischal kafi sarif nikla iss mamle me...
Sabhi mardon ki gang aschrya se gaur karte... "Ek doshi gayab hai"… khud fanse to fanse, lekin ek kaahe bache... Sab video evidence aur photo evidence dikhane lage aur bechare dikhane ke chakkar me Nischal to nahi fansa, kintu teeno sarif papa phans gaye. Kyonki dance to kewal ussi waqt hua tha,jis waqt teeno pahunche the, aur uss waqt pi sirf teen log hi rahe the... Papa Himanshu, Shudhanshu… aur Awdhesh...
Khair sabhi 6 ladkiyan to chali aayi, lekin ladies kahar udhar non stop baras raha tha. Kisi ek ko na baksha gaya, siway HuYu ke. Uspar kisi ka dhyan hi na gaya. Bechare bade bhaiya… ACP sahab kahin kona dhundhte rahe dubakne ke liye... Manate rahe jamin me hi 6-7 fit ka gaddha ho jaye aur wo kisi tarah apni izzat bacha le...lekin Jyoti bhabhi ne bechare ke chir haran me koi kami nahi chhodi...
Aur yahi haal aag lagi 2 mataon me bhi thi, jisne apni beti ke liye to bhadi mehfil me, sajis ke tahat kitne jatil kaam bata di, yadi sab karne lag jati tou shayad khud ke hi shadi me hosh na rahta ki hua kya. Kaun si rashm kab bit gayi. Jin betiyon ke chup hone se ghar katne ko daure un betiyon ne gusse me yah tak kah diya ki ab mayke ka muh na dekhengi... Lekin abhi un mataon ke samne kya tha…
Sare vakye ko jahan me ek baar samet'kar fir tou Durga devi aur Priya rajpoot ks kahar barsa. Samne teeno papa ke sath-sath sabhi bacchon ke haalat me bhi, bade bhaiya jaisa tourcher hota raha. Shayad jyada hi hua hoga kyonki 11-12 saal ke bacche ke pita, bole to Ravi bhaiya ko bhi thappad parte-parte rah gaya...
Trideviyan bomb ke pin ko khinch'kar bahar chali aayi aur ander bomb non-stop foot'te rahe. Waise idhar sabhi ladkiyan jab bahar nikli, sabne Jivisha ko gher liya aur Nischal ke gayab hone ke pichhe ki kahani puchhne lagi... Tabhi pichhe se Serin kahne lagi... "Nischal ke wahan se gayab hone ke pichhe bhabhi to nahi, lekin mujhe kisi Shatir dost ka hath lag raha jo chupke se dosti nibha aayi.... Wahan pati aur bhai bhi ludhka para tha, lekin usse chhod dee"...
Jaise hi Serin ne bhandaohod kiya sabhi log Nandni ko gherti aur ghurti... "Wahhh wahhh, pati aur bhai se badh'kar dosti... Koi eet lao re pith thoko"…
Nandni apna kandha jhakti, bhir se bahar aa'kar…. "Paglon koi badh'kar ya ghat'kar jaisa mamla nahi tha, balki mujhe subah matth jana tha isliye Nischal ko jagaana para tha"…
Jivisha:- Matth... Lekin kyon?
Nandni:- Vishesh kul ki ladki ki shadi hai aur uske mul gaanv ko nimantran nahi gaya tha, isliye main pahle matth gayi aur baad me kahan wo samjh sakti ho... Isliye usse jagaana para tha...
Jivisha chhota sa afsos bhada chehra banati.… "Tu na ho to humara kya hoga... Tu to life line hai Nandu"…
Nandni:- Hat pagal, unhone jo muskura'kar bataya wo bhi bata dun…
Jivisha:- Khud se jana aur dur sanchar karna, dono me anter hota hai Nandu... Ab bus koi bahas nahi...
Chhoti badi nadaniyan, dher sari sharaten aur kafi lambi chalti hansi-khushi ka daur... Ek aisa insan nahi tha, jisko andekha kiya gaya ho... Khas'kar Serin aur HuYu ko... Kyonki unke rishte kisi earth ke parivar se nahi the lekin maan, sam'maan me koi kami nahi thi…
Bade se lawn me hi sabhi ke shadi ka aayojan hua tha… baratiyon ke nachte huye dwar tak aane ke liye 2 kilometer pichhe vayvastha ki gayi thi... Sabhi nachte, gaate, jhumte darwaje tak pahunche… gharwale, baraati sab jaise ek hi to the...
Music ke sath nachte huye jaise hi baarat jaymala stage ke karib pahunchi... Ek saath 3 jhannatedar seetiyan baji... Seetiyon ki awaj itni tej ki, baj rahe loudspeaker ki awaj fail ho gayi. Trideviyon ki kaan faad seety...
Jaise hi seety baji gaane ka mood ek dum se badla.… "Tauba Tera Jalwa, tauba Tera pyar, tera emotional atyachar"… aur uski wo taiynnn taiyann wali tune.… Aur 6 couple bilkul rang bikherte waise hi naach rahe the... Dulha thode sankochi aur dulhane kafi dilfek...
Sandhya ke sadhe 4 baje ka muhrrat tha… karib 3.30 baje jaymala shuru tha. Sabhi log vidhivat lage huye the. Har koi apni dulhan ko dekh, dil me thande aahen bhare huye.. manodasha aisi ki abhi bahon me samet'kar chum le... Lekin aisa kar nahi sakte the... Unki dvidha kisi dulhan se chhipi bhi nahi thi aur sabhi ander hi ander mand-mand muskura rahi thi...
Haan par ek couple ke upar ye bandish lagu nahi thi. Bhid ke bich apni patni ko puri dulhan ki tarah taiyar dekh, bhala Ansh kyon na deewana ho... Ansh aur Nandni dono sath khade the, sab log jaymala stage ko ghur rahe the aur Ansh baar-baar Nandni ko... Jab bardast nahi hua, kamar me hath dal'kar khud se chipkate huye uske gaal par kiss kar diya...
Nandni hairani bhadi najron se jaise hi mudi, Ansh 4-5 second ka lip lock kar'ke ek wet kiss karte alag hua... Nandni hakki-bakki apni badi si aankhen kiye... Usse ab bhi yakin nahi ho raha tha Doc itne logon ke bich romance bhi kar sakta hai... Ander se to mano uski dharkan ajib tarah se badhi hui thi…
Nandni ko khud bhi raha nahi gaya... Wo hath pakad'kar uss mahol se Ansh ko khinch'kar kinare lati... "Ansh ye kya tha"… Ansh muskura'kar Nandni ko apne bahon me bhinch'kar uske gardan par kiss karte… "Tum pagal bana rahi ho Nandu"…
"Chhodo bhi Ansh baby, raat me pura pyar jata lena na... Jisa aur Nischal mujhe dhundh rahe honge"…
"Sabki haalat meri jaisi hogi... Unhe apne wali ko dekhne do, main apni wali ko dekhta hun"…. Nandni khil khila'kar hansne lagi... Dono ko garm chalti shwans aur chehre bilkul karib aate gaya... Honth pyar barsane ko betab jaise machal rahe honge.…
Dono ke hont sparsh huye hi the…. "Jarra bhi"…. Pichhe se itne awaj par hi Nandni aur Ansh jhatke ke sath alag huye aur idhar Nischal apni baat puri karte.… "Jarra bhi sharm to nahi aayi hogi"…
Nandni:- Kutta teri shadi ho rahi hai, ja'kar apni biwi ke sath romance karna... Kamina khun pi jaungi... Mujhe pata hai tu jaan bujh'kar aaya hoga...
Nandni gusse me fufkarti hui Nichal ko jhatke dene dauri... Wo gayab… Nandni thunakti hui... "Isska main khun kar dungi"…
Ansh:- Khun karne se achha hai ki dono ki suhaagraat me vighn (paresani) daal do...
Nandni:- Dono besharm hai, aur mujhe live show dekhne ka koi shauk nahi...
Ansh:- Fir porn kaise dekh leti ho..
Nandni:- Irritate na karo Ansh, warna uska jhatka tumhe de dungi...
"Sharm to na aayi hogi... Apne doston ke romance dekhne ki ikchha rakhne wali dusht"…. Nichal aaya, apni baat kaha aur gayab…
Nandni pure gusse me... "Sale ne pure romantic mood ki maa bahan kar diya... Chalo abhi, aaram se raat me mood banayenge. Kamina kahin ka"…
Ansh, Nandni ki haalat dekh'kar jor, jor se hansne laga... Nandni bhi thunkte thunakte hansne lagi... Aur dono kinare se chipk'kar, Ansh Nandni ke kandhe par hath dal diya aur Nandni, Ansh ke kamar par... tabhi fir se Nischal... "Romance hi dono karte rahna.. meri shadi nahi dekhni na"… "Arre ruk Nischal"….
Nischal ke paun thehre... Nandni hansti hui ek ore se apni baanh faila di...udhar dusre ore se Ansh… Nischal bich se dono ke gale lagkar... "Ek lamba vacation le lo Doc, tum dono ke bina jindgi adhuri si thi"..
Nandni, Nischal ko khud se alag karti, usse najar bhar dekh'kar muskurati hui... "Jaa ab, warna teri biwi mera jina haram kar degi"…
Nischal, Jivisha ke bare me jaise hi kuchh bolna chaha... Nandni hath dikhati… "Haan janti hun, ussi ne bheja hai, mujhe bulane"…
Nischal:- O' over express, uss ne 15 minute ka break diya hai... Bus tujhese milne ka mann kar raha tha aur shayad Jivisha ne bhaanp liya...
Nandni hairani se Nischal ko dekhti, uske mathe par aaye baal ko upar karti, "Pagal, abhi pura waqt Jivisha ko".…
Nandni, apni baat puri karti, uss se pahle hi Nischal, Nandni ke gale laga'kar bus rone laga… rone ke pichhe ka karan to Nandni ko bhi pata nahi tha, lekin aanshu uske bhi chhalak aaye... Dono gale lag'kar kuchh der bus rote hi rahe….
"Aree yaar, tu khud bhi ro raha, aur mujhe bhi rula raha, chup ho ja"…
Nischal apne aanshu saaf karte huye alag hua... "Jaa raha hun, raat me milte hain, sona mat aur doc aaj raat ke liye sorry"..
Nandni:- Gadhe aaj nahi, aaj to teri first night hai… fir kabhi..
Nischal:- Ye meri nahi Jivisha ki ikchha hai... Kah rahi thi aisa lagta hai varshon bite Nandu ke sath baith'kar baten kiye...
Ansh, apne dono hath jodte... "Abhi jao, raat me dekhte hain... Warna Jivisha se bhi bardast thode na ho raha hoga... Lekin wo yahan aa nahi sakti bechari"…
Nischal "thankyou Doc" kahte huye nikla aur Nandni Ansh ko khud me bhinchti hui.… "Iss jivan ke liye koti koti dhanywaad bhagwan"…
hai udhar. Kahani par pahunchne ke liye story title par ulgi karne ka...
