Update:- 53
Jatin:- Koi baat nahi agar kosis achhi rahi to mehnat karke hum 4-5 bache jaldi-jaldi paida karke yahan bhi chahal, pahal wala mahol bana sakte hain…
Kasak apni badi si aakhen ki … "Oyeee, Jyada bole to tumhara khun kar dungi… jao chup chap jaldi se kahan pakao, jabtak main fresh hokar aati hun…
Jatin:- Upar jakar left se pahla kamra…
Kasak:- Kya..
Jatin:- Arre upar jakar left se pahle kamre jao.. bus.. samajh jaogi…
Kasak, Jatin ke bataye kamre me chali gayi aur jaise hi wo kamre ke ander ghusi, charo ore ki deewar par apni badi-badi tasveere dekhkar khush ho gayi.. kayi sari tasveere thi.. kayi aise pal, jisme wo kabhi Jivisha ke sath khulkar hans rahi hai to kisi me pure pariwar ke sath baithi hui hai…
Kasak jod-jod se chillati hui Jatin ko awaz lagane lagi… Jatin teji se wahan pahuncha… "Kya ho gaya, itni ghabrayi hui awaz me kyon pukar rahi ho"..
Kasak:- Ghabrayi main hun aur kaanp tum rahe ho, kahin koi raaj to chhipa nahi rakhe yahan?
Jatin:- Ab tum aise chilla'kar pukar lagaogi, tab darna to swabhawik hai..
Kasak:- Chor !!! Tum meri jasoosi karwate ho. Jaldi batao ye sab tasveere tumhare pass kaise aayi..
Jatin Kasak ko khinch kar apne bahon me bharte, uske chehre par aaye laton ko apne hath se hata'te huye kahne laga…. "Jab tumhe dekhne ke liye pagal sa ho jata hun to ye kuch tasveere jo maine chupke se bina izazat ke khinchi hai.. usse dekh, khud ko shant kar leta hun…
"Achha, aur jab ye tasveren nahi thi, tab kya karte the"… Kasak apni bahen Jatin ke gale me dalti hui puchhne lagi…
Jatin apni aakhen mund'kar kahne laga… "Bus Yun hi aakhen mund'kar tumhare khyalon me kho jata hun"..
Jatin apni baat kah'kar apni aakhen khol'kar, Kasak ki najron se najar mila kar dekhne laga… Kasak kabhi apne palkon ko niche jhukati to kabhi Jatin ke najron par thehra leti… "Hume chalna chaiye ab"…
Jatin, Kasak se alag hote huye bilkul dhime se kahne laga… "Thik hai".. aur wo palat kar apna ek kadam aage badha liya.. Kasak thik piche se uska hath pakad lee… Jatin apne gardan ko ghuma kar piche dekha… dono ki najren jaise ek dusre par thehar kar bahut kuch kahna chah rahi ho…
Dono apni jagah thehar kar ek dusre ko kuch der dekhte rahe.. Kasak apne ek kadam aage badhati, thik Jatin ke samne pahunchi aur apni aeriyon ko uncha karke Jatin ke honth se honth lagakar chumne lagi..
Jatin jis baat ko nahi hone dena chah raha tha, wahi kahani hote ja rahi thi... Jatin ke sabhi sathiyon ne shikar kiye the, aur lagatar karte aa rahe the, isliye unki body santulit thi.. lekin Jatin ne kayi dino se Shikar nahi kiya tha aur Kasak ke chumte hi uski pyas bhi badhne lagi…
Uske sharir ka ek swabhawik pariwaratan jo sahwas ke waqt hota hai, wo abhi se dikhne laga tha… Jatin, Kasak ko khud se dur karte huye kahne laga… "Nahi Kasak ye sab thik nahi"..
"Haan ye sab thik nahi warna jaise hi tum sex me khoti chali jaogi, ye tumhari boti-boti noch lega.."
Nischal thik uske piche bistar par baith'kar apni baat kahne laga… Nischal ko dekh'kar Jatin teji se darwaje ke ore bhaga… zoom se ek hawa gujri aur darwaje ke aage Nischal khada tha… "Aaram se baith jao, jabtak tum Kasak ke sath ho wo tumhari sequrity hai… Kasak se dur gaye to tumhara patta saaf hai"..
Jatin ne jab Kasak ko dekha to wo bistar par behosh pari thi… Usse achet awastha me dekh'kar Jatin ghabrate huye puchhne laga…. "Usse kya kiya"..
Nischal, apni badi si aakhen kiye uske ek jangh par paun rakh'kar, uske gale ko daboch liye. Apna chehra thik uske chehre ke upar le jate huye, apni bhadi si awaz me kahne laga….
"Viggo jab samne aa jaye to jante ho kya hota hai… Viggo ko kabhi apne aas-pass mehsus kiya hai.. Kya hoga jise tum Aizem ka sahjada samjhte ho, wo ek Viggo ho.
Nischal ki pakad ka pahili bar Jatin ne maza liya tha. Jaise hi gala chhuta, wo hafte huye khasne laga. Viggo naam sunkar hi Jatin ke pasine chhutne lage… wo Nischal ke vikral roop ko dekhte huye kahne laga…. "Viiii.. Viggo.. lekin ye jan-samuh to kai varshon purv aapas me lad'kar samapt ho gayi thi"
Nischal:- Yahan tum mujhe mera istihas mat batao… mujhe jo jaan'na hai kewal wo batao. Wo bhi bina bhatkaye…
Jatin, apna hath jod kar sar ko niche jhukaye…. "Viggo, Kasak ko kya hua hai.. wo aise kyon pari hai"..
Nischal:- Ye jinda rahe ya mar jaye, tumhe koi fark parna hai kya…
Jatin:- Viggo aap jaisa soch rahe hai, waisa sabhi Zoren niwasi nahi hote…
Nischal:- Jinda maans to tumne bhi khaya hai.. nocha to tumne bhi hai kaiyon ko… Jatin kuch naya batao…
Jatin:- Hmmm ! Aap sahi ho.. Main kuch bhi kar lun rahunga unme se ek hi..
Nischal:- Tum jante ho maine uss raat tumhari jaan kyon baksh di thi...
Jatin:- Koi idea nahi… waise aapne pahchana kaise mujhe...
Nischal:- Ajib si ghinn wali badbu aati hai tum logon se.... Kabhi us ghrina ke gandh ko mehsus kiya hai ki nahi..
Jatin, khud me ander se bebas aur lachar mehsus karte huye…. "Viggo aap ko kya jaan'na hai mujhse"…
Nischal:- Malkia ki jankari do mujhe..
Jatin:- "Viggo main bus itna janta hun ki Malkia ki shaktiyan asim hoti hai. Ek Malkia huamare mahamahim ko kayi varshon tak jivit rakhti hai aur unhe asim takat pradan karti hai"…
"Ab tak hum prithvi se 12 Malkia, Zoren ki seema tak le ja chuke hain… lekin Mahamhim aur Rijo, Malkia Jivisha ke liye pagal bane huye hain... Inki shakti Zoren tak mehsus ho rahi hai. Unka ye kahna hai ki ye Pahli (first) hai.. Aur ek baar yadi Juvisha hath lag gayi, fir pure bhrhmand me kewal Mahamahim ka jhanda lahrayega"…
Nischal:- Aisi kaun si shaktiyan hain Jivisha ke ander, jo tumlog usse chain se rahne nahi de rahe…
Jatin, Nischal ki baat sunkar jor jor se hanste huye kahne laga…. "Ek Viggo Malkia ke prem me hai… hahaha… Viggo ka dil bhi prithwi par dhadkne laga"…
Nischal:- Mujhe aisa kyon lag raha hai ki main apne hath ka dawab tere gardan par dala aur tera gardan tamatar ki bhanti kachumar hokar ajib si haalat me hai.
Jatin:- Maf karna Viggo.. Jahan tak Malika ki shatiyon ki baat hai, uska namuna aap dekh chuke ho, Jab Malkia apni soyi ikcha shakti se aap par humla ki thi. (Jatin kuch pal khamosh rahkar Nischal ko gaur se dekhne ke baad)
"Jahan tak mujhe lagta hai, wo afwah sahi hai jisme ek Viggo ka jikr aata hai… Purn santulit.. shakti ke hote huye bhi shaktiyon ka prayog na karne wala… to wo cross mutant aap hi ho… Ek Viggo rani aur Aizem ke sabse surveer aur shanti priya shasak ka bacha… Nischal"..
Nischal:- Tere yahan ke school book me hai kya Viggo ka chepter, ya ek research subject hi Viggo ke upar rahta hai tumhare yahan… Ye batao Malkia ki itni shaktishali prajati ke bare me hume kaise pata nahi… inka itihas kya hai.. inke log kahan hai... Aur ye Malkia apne samaj me na paida hokar aise aam insano ke bich kahan se paida ho jati hai..
Jatin:- Iski jankari mujhe to kya pure Zoren me koi nahi bata sakta siway Mahamahim ke. Rijo tak ko iski puri jankari nahi hai. Upar se Malkia, Prithvi par basse, kamjor prajati ke yahan paida leti hai, jiski shaktiyan bahar aane se pahle hi hum Zoren ki seema tak pahuncha dete hain… Aisi shurat me Malkia ki jankari kahan se kisi anya grah par hogi….
Nischal:- "Ha ha ha… Teri Malkia, Prithvi par hai aur tu yahin ke mul niwasi ko kamjor bata raha hai. Sach me jitna suna tha, uss se kahin adhik gire huye prajati ke tum log ho… Yahan ki jalvayu kisi vardan se kam nahi.. yahan ki technology wakai kamal ki hai.. aur sabse kamal ke to yahan ke log hai… Lekin tu aur tere log nahi samjhenge.. bahut hi nich kism ke ho na"..
"Khair tu ye bata mere rahte Jivisha ko 2 din me le jane ki baat ho rahi thi … iski wajah…….."
Jatin:- Viggo, humara Rijo sabse khatrnak tukdi ke sath aa raha hai… aur uske sath kayi adrishi janwar kal raat tak yahan pahunch jayenge… Malkia ke pure pariwar ko mar'kar, sab uska roop lenge aur Malkia ko bharmakar apne sath le jaynge..
Nischal:- hahahaha… aur mere bare me kya yojna thi…
Jatin:- Viggo wo .. wo..
Nischal:- Kya wo..
Jatin:- wo kal aap ke doston ko marne ke liye samst sena toot paregi, jabtak aap udhar vyast rahenge… tabtak wo Malkia ko le jayenge…
"Hahahaha…. Ja jakar mere liye 1 bottol daru le aa aur apna mobile dete jana"… Jatin chala gaya yah kahte ki.. "bus aakhri bottol hai mere pass" aur mobile dete chala gaya…
Nischal, ne Nandni ko call lagaya, lekin iss'se pahle ki wo kuch bolta, Nandni usse ghar wapas na aane ka bol'kar call disconnet kar di. Idhar Jatin bhi apni aakhri bottol lakar Nischal ko bhent kar diya… Nischal puri bottol ek baar me samapt karte...
"Achhi yojna hai … lekin main kyon na aisa karun ki tumhare khatrnak tukdi ke pahunchte hi, main unpar humla kar dun aur sabka safaya ek sath kar dun"…..
Jatin:- Viggo wo humari khatrnak tukdi hai… uske samne tik nahi paoge..
Nischal:- "Chalo maan liya main tik nahi paunga, lekin yadi main aisa micro device bana kar, yahan ke prashashan ko de dun, jo tumhare micro practical ko orignal shape me dikha sake. Fir to tum.. tumhara wo kamjor sa adrishi janwar aur tumhara sare viman, unke najar me hoga…"
"Aukkad to mujhe tum logon ki pata hi hai… ek ladki par jhund me humla karte ho. Jab tum logon se akeli si ek ladki nahi sambhalti, fir tum inke latest hathiyar aur ache trained officier se kya ladoge re Gotiya.. Tu to lut jayega re Gotiya..
Jatin:- Hammm ! Iska matlab aap wo device bana chuke ho… Mujhe Ruko aur Suki ne Jaal Mahal ke vishay me bataya tha, yakin nahi hua.. ab samjh me aa raha hai ki unhone sahi kaha tha… Waise bhi pata to ab chal raha hai ki aap ek Viggo ho. Jahan tak mujhe lagta hai, aap prithvi par bhi apni jigyasa ke karan hi aaye ho"..
Nischal:- Pata nahi kyon tu mujhe pahle din se pasand hai. Tujh se abhi baat kiya, tera dimag bahut sharp hai.. iska matlab tera Mahamahim aur Rijo kafi buddhiman log hain, jo logon ko uske talent ke hisab se kaam saunpta hai… Ek chaalak shasak aur uske sath ek yogya mantri.. Kamal ka combo hai…
Jatin:- Haan Viggo..
Nischal:- Tu apni Malkia aur uski shaktiyon ko janta hai… Mere yani ek Viggo ke bare me bhi tu suna hai. Ab tu hum dono ki shakti se tulna karke andaza laga ki Jivisha ki shakti mujh se kitne guna jyada bhadi hogi..
Jatin hanste huye…. "Bahut chahne lage ho aap Malkia ko… Khair hume Malkia ki shakti ko dekhne ka kabhi mauka nahi mila.. to kya kahun main kis tarah ki shaktiyan hai. Bus jo sunta aa raha hun wo itna ki Malkia ke pass asim shaktiyan hoti hai. Unki ikchha shakti ke virudh koi tik nahi pata…
"Main tulna karne ki stithi me nahi hun.. kyonki ek to aap Viggo upar se aise cross mutant ho jiski shaktiyon ki kalpan hi ki ja sakti hai bus. Dekhne wala to kabhi bata bhi nahi sakta, kyonki wo jivit bhi nahi bacha hoga… Ek kaam karna Viggo, aap aur Malkia ek din aamne samne ki ladai ladna fir main Judge karke bataunga"..
Nischal:- Tu to bada hi close ho raha hai.. ladwa kar dobara meri pasli tudwane ka plan hai, ya mujhe marwa dene ka…
for your beautiful response... keep reading and keep commenting
...
Jivisha's life is in danger, nothing should happen to that innocent. 
Now Nandini also has two types of power, wow. 
Both lovers are worried about their problems, but the victory will be of love.
Nischal's actions also makes a depressed person happy. 
Today I am very happy, finally my dream is fulfilled, two lovers become one. 
You made a great scene that I liked. I want all updates to be just lovely. Now every night every day will be full of love. Plunge into the sea of love. 
