Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[Asif khan]

Update:-36​

“What the fuckkk … ye enternet ka rattu… gadha… ye to “sa sa pa” bhi paglon ki tarah ga raha hai… bhagwan iss me thoḍa akal ṭo dal dete gane ka. Kaise sir hila-hila kar ga raha hai. Kachra kar diya mera. Ab to main iss ke sath college me na ghumuṅgi”… Nischal ko dekh Nandni ki roni soorat ho gayi.


Nischal paglon ki tarah gana gane ke baad jab samne dekha to uss ke hathon ka ful bhains chaba rahi thi, aur aas-pass khadey ladkey-laḍkiyaṅ hans rahe the. Nischal sab ko dekhte huye, bikul khamosh aur sahma sa utha, bina kisi se najar milaye jo bhaga, sidha apne class me ruka.


Opps !!! Aaj to jaise Nischal ke dil par chhudi chal gayi ho. Class me Jivisha ke pass koi aur ladka baiṭha hua tha. Nischal usse dekh kar chiḍh he raha tha tabhi “hi” bolti Kiraṇ bhi uss ke pass aa kar baith gayi.


Nischal…. Tum yahaṅ kya kar rahi ho.


Kiraṇ…. Arreee, main apne class me huṅ.


Nischal…. Haaṅ to samne dekho, jyada jaan pahchan baḍhane ki jaroorat nahi hai.


Kiraṇ…. Tum se jaan pahchan baḍhayega bhi kun, sala khaḍus…..


Nischal….. Kya boli….


Kirna…. Kuch nahi sir aa gaye hain, aage dekho.


Lekin Nischal aage kyoṅ dekhe, wo to bas Jivisha aur uss ladkey ko he dekh raha tha. Dekh raha tha aur jal raha tha. Dekh raha tha jal raha tha, aur jalta hua Nischal apne hathon se apne kitaboṅ ke panne ko far raha tha.


“You, last bench left side … Mr… tum se he kah raha huṅ… you”….. Professor baar-baar ishara kiye ja raha tha, aur Nischal ko koi hosh he nahi tha. Tabhi Kiraṇ usse ek hath niche se marti…. “Jaag jao devdas, sir tumhe he bula rahe hain”.


Nischal…. Yes sir….


Sir…. Aap yahaṅ aane ka kast karenge…


Nischal, aise matlawale ki tarah chalte huye pahuncha jaise park me ghum raha ho… “lijiye sir main aa gaya”


Pura class se hasne ki awaz aane lagi…. “Silence please, and you out”


Nischal…. Kya ????


Sir…. English nahi samajhte, class se bahar jao….


Nischal muh laṭkaye, apni jagah se apna saman sameṭa aur uss ladkey ko ghurte Nischal bahar aa gaya. Nischal ke jate he Nandni ne bhi class ko disturb karna shuru kar diya…. Nandni ko distrub karte dekh professor…. “Oh aap par meri najar kyoṅ nahi gayi, aap bhi hain iss class me. Oh dekho to paḍos me Kasak maim bhi hain. Lagta hai tri deviyoṅ ne college join kar liya. Par teesari dikhi rahi, miss Jivisha aap bhi hain kya”?


Jivisha, sir jhukaye apni jagah par khadi hoti…. “Yes sir”


Sir…. Oh pura kunwa fir se ek jagah jama ho gaya hai. Miss Nandni, aap please bahar jaeye. Baki sabhi class me dhyan denge.


Class ke ander…. Jivisha aur wo ladka….


Jaise he Jivisha mayus apne seat par baiṭhi, uss ladke ne ek paper par “hi, I am Kuṇal” likh kar Jivisha ke ore badha diya. Jivisha usse ek jhalak dekhi aur fir samne dekhne lagi. Board par dekhte Jivisha ko ye pahli bar ehsas hua ki kitna boaring hota lacture attend karna.


Iss se pahle Jivisha class me ya to wo Nandni ke sath “paper class” game khelti thi ya class ke bahar he rahti thi. Lekin aaj jab dhyan se board ko dekhte padhai kar rahi thi to sari baten uss ke sir ke upar se ja rahi thi. Kuṇal bhi Jivisha ko he observe kar raha tha.


(Paper class game wo game jo aksar hum class me paper par khelte hain …. X/0 wala 9 box game ya paper par point draw kar ke point par ek-ek turn me line khinch kar apna naam ḍalna)


Sir kisi topic ko bata rahe the aur Jivisha apna sir khuja rahi thi, tabhi Kuṇal ne hasyatamak andaz me uss pure topic ko short me panne ke upar likh kar Jivisha ke ore badha diya. Jivisha ne pahle to ignore kiya, lekin jab class itni boaring ho to Jivisha uss note ko padhne lagi.


Jivisha jab wo note padhi to uss ki haṅsi nikal gayi, sir usse bhi ghurte…. “Ho gaya tumhara bhi shuru, out…. out from class”


Jivisha ko ye baat buri lagi, aur wo najren niche kar ke apni kitabeṅ sameṭne lagi, tabhi uss ki najar Kuṇal ke ek aur note par gayi…. “Sir ko bolo, main topic ko khud me simplify kar ke samajhne ki kosis kar rahi thi, isliye hasi aa gayi”


Jivisha thoḍa muskurati, uss ne bhi sir se kah diya. Sir yuṅ baḍa si aakhen fade, jaise aaj kuch ajuba ho gaya ho… Jivisha ko ascharya se dekhte….. “Topic simplify, Jivisha kahin tum sapne me to nahi baḍabaḍa rahi”


Jivisha ne bhi same Kuṇal ke likhe style me uss topic ko hu-bahu suna diya. Sir was like, jaise koi ullu ghur raha ho… muh khole aschrya se Jivisha ko wo dekha raha…. “Ok baith jao”


Jivisha jab baiṭhi to Kunak ko dekh kar muskurai, aur paper par smiley bana kar… “thanks, I am Jivisha”. Fir dono ek dusre ko dekh kar muskuraye aur ab wo class Jivisha ke liye bilkul boaring nahi tha.


Idhar Nandni… Nischal ke piche…


Nandni…. Gadhe ruk…


Nischal…. Nandni abhi main upset huṅ, mujhe akela chhod do.


Nandni, Nischal ka hath thame…. “Tu chal canteen pahle. Kaminey main tera intzar kal raat se kar rahi huṅ. Mere dimaġ me bhuchal macha hai”.


Nischal… Ohhh, kal ki ghaṭna ko le kar…


Nandni…. Haaṅ kal ki ghaṭna ko le kar bhi, aur ye tere paglon ki tarah behaviour ko le kar bhi.


Dono canteen me pahunche, Nandni ne do coffee order kiya, tabhi Nischal uss waiter ko wapas bulate kahne laga… “suno bhai, ek cup coffee iss ke liye aur mere liye 2 takila shot”


“Wtf… iss ki to” ….. “bhaiya aap do cup coffee le aao, Nischal jante ho iss waqt mera man kaisa kar raha hai”


Nischal…. Kaisa..


Nandni…. Apne sir ka baal khud noch lun…


Nischal…. To mujh se kya puch rahi ho, noch lo. Main bhi help kar dun kya…


Nandni…. Nischal murkhoṅ ki tarah behave karna band kar, tu jo aaj subah se kar raha hai wo murkhoṅ ki ṭharah behave karna kahte hain…


Nischal….. Mujhe detailed me samjha….


Nandni….. Tera wo paglon ki tarah gana gana. Sir ke pass bewakoofoṅ ki tarah chal kar jana, kahna lo aa gaya…. Aur yahaṅ canteen me takila shot magna. Mujhe ek baat samjha tu jaan bujh kar ye sab kar raha hai ya tumhara ye murkhoṅ jaisa natural behaviour hai.


Nischal, ġusse me aakhen dikhata…. “Mujhe murkh kahna band karo. Maine enternet par dekha tha hero ko gana gate aur waise he main bhi, bilkul siddat se gana ga raha tha, taki sari kaynat mujhe Jivisha se milane me lag jaye. Aur tu mere chalne aur bolne par kya comment kar rahi hai… kitni mehnat se to har tarah ke mood ke hisab se maine bolna sikha ai….


Nischal apni baat bole ja raha tha aur Nandni hase ja rahi thi, jab uss ka bolna ho gaya…. “Bilkul sahi ja rahe ho Nischal, lekin bina akal lagaye aise he copy karte rahe to sari kaynat milane me nahi, tumhe tere grah par bhagane me lag jayegi. Suno meri baat dhyan se… aur iss baat ko dhyan me rakha …..


Nischal…. Haaṅ main dhyan se sun raha huṅ….


Nandni…. Nischal, log kisi ka tarika dekh kar sirf ye sikhte hain ki karna kaise hai, lekin yadi hum exactly ussi tarah copy kar ke kisi chij ko pane ki kosis kare to hum result ke liye sure nahi hote.


Nischal…. Thoḍa aur clear kar ke samjhao na.


Nandni…. Aammmm, tumhe kaise samjhauṅ….. Haaṅ tumhe yaad hai tum kisi ke dimaġ me ghusne ki kosis karte ho, aur ab tak uss kala me tum purṇ safal nahi ho paye ho. Jaroor tum ne wo kisi ka tarika sikha hoga aur karne lage hoge.


Nischal…. Haaṅ, sahi kahi. Lekin ye tumhe kaise pata.


Nandni…. Buddhu, jo bhi hum yahaṅ kisi ko karte dekhte hain, ya kuch hote dekhte hain ussi se to idea lete hain. Aisa koi bhi idea ya theory nahi jo bina kisi reason ke dimaġ me aaaye samjhe. Har naye chij ke experiment ke pichhe purane kisi baat ka karaṇ hota hai.


Nischal…. Haaṅ sahi hai, maine bhi ye dimaġ me jhakna apne ek guru ke kitab se sikha tha, par main unki tarah ban nahi paya.


Nandni…. Yesss, ye wahi example hai ki tum ne bas kewal padha. Paḍho aur paḍh kar idea lo, lekin us idea par apna naya experiment kar ke usse ek nayi disha do. Suno basic sab ke same he rahte hain, kewal pattern apne hisab se badalna paḍta hai.


Nischal….. Haaṅ samjh gaya… aur ye naye pattern change se ek aur naya idea janm leta hai, jo aage koi aur uss par apne pattern se experiment kar ke usse naya roop de deta hai.


Nandni… That’s like my good boy ab tum samjh gaye na. Ab to bewakoofoṅ jaisi harkat nahi karoge na.


Nischal….. Haaṅ karuṅga, par wo harkat bhi sab kuch socha aur samjha he hoga. Ab bas kar, tune bahut gyan de diya.


Nandni…. Ye gyan tere pagalpan ko ṭhik karne ke liye tha. Lekin mera pagalpan kaun dur karega.


Nischal…. Tumhe kya hua….


Nandni…. Kal puri raat tu tha kahaṅ, aur wo humla aur ye takila… mujhe har baat jan’ni hai….


Nischal….. “Waise jitna mand buddhi tum mujhe samjhati ho utna main huṅ nahi… Kasak ko chhodne ka matlab, unhe ye pata chal gaya tha ki hume pata chal chuka hai ki wo log Jivisha par najar diye huye hain. Jivisha ki family unka target nahi, yadi aisa hota to wo Kasak ko mar dete. Haaṅ lekin, main unke raste me aa raha huṅ, isliye mujh par humla karne se wo chukenge nahi. Isliye maine flat ke entrance me apna alert device laga aaya tha”.


“Ye khas desine ka device un ailan ki jankari dega jise tum apni aakhon se dekh nahi paogi. Apne har kamre ke gate par maine protective layer bhi chadha diya tha, jise koi bhi jabardasti aasani se khol nahi pata. Fir kya tha jaise he wo apne flat me entry kiye, tabhi maine tumhe inform kar diya tha”.


Nandni…. Ohhhh, fir unka kya hua jo humla karne aaye the.


Nischal… Hoga kya, 3 log aur wo janwar tha. Maine unke leader ko chhod kar baki sab ko mar diya.


Nandni…. Kya tune sab ko mar diya, dono ore se laḍai hui kya ? Tumhe bhi choṭ aayi hai. Bata na….


Nischal…. Shant !!! Mujhe koi choṭ nahi aayi main safe huṅ. Waise bhi mere marne ki kala tum nahi janti, batane laga to 4/5 din lag jayenge.


Nandni…. Matlab tum ek super hero ki tarah ho filmoṅ wale, jo dushman par yuṅ dhishum-dhishum war karta hai.


Nandni jab ye kah rahi thi tab uss ka utsah dekhte banta tha. Nischal uss ki utsah par mayus hote kahne laga….. “Super hero sirf tumhare uss movie me he achha lagta hai. Main apne gaṛh ke hisab se normal se thoḍa sa majboot ek sipahi huṅ jo tumhe ek super hero lag raha. Khair jane do”….


Nandni….. Tu mayus bilkul bhi achha nahi lagta. Hasta hua he ṭhik hai. Mujhe nahi pata ki tumne kitna dard saha hai, par jab tak tu mere sath hai haṅsata rahega, bas main itna he janti huṅ. Aur tune wo ek ko kyoṅ chhoda, daya dikha raha tha ya filmoṅ ki tarah tu bhi end tak kahani fasana chahta hai. Kahin uss ne mujhe maar diya to….



Nischal ka chehra uss ke emotions bayan kar rahe the….. “Tum bahut achhi ho Nandu”.


Nandni…. Bas-bas ye emotional drama band aur jo sawal puchi uss ka jawab de….


Nischal….. Pagal kahin ki, marna he solution hai kya, jo tab se sawal par sawal kar rahi hai, “kyoṅ chhoda, kyoṅ chhoda”. Main wahan un sab ko marta to uss ka badla lene uss ke grah se 10 log aur aa jate aur unka pahla target main hota.


Nandni….. Haaṅ to tu unko bhi maar deta…. Man on mission, raṇbhumi bana denge iss dharti ko aur dushmano ke khun se hum kranti likh denge. Sab ko chir-far dal Nischal.


Nischal…. Ha ha ha, pagal… bachi ho tum abhi. Tum ye nahi sochti ki sab ko mar kar kewal main he jinda bacha to mere jinda rahne ka kya matlab hai. Ulluuu… ab bas uss par koi bahas nahi.


Nandni…. Haaṅ ṭhik hai guruji samjh gayi. Khaḍus kahin ka jab dekho tab chup karwa deta hai, ṭhik hai uss par koi charcha nahi. Lekin tu batayega, ye raat ki kya kahani hai haaṅ…. takila and all….


Nischal…. Arre wo…. wo to main unka kaam khatam karne ke baad Sawalker ke sath disco me tha…. Aur mat puch takila ke bare me… uss jaisa pey padarth to maine aaj tak nahi piya.


Nandni apne sir par hath pit’ti….. “Ek he raat me ye bewda ho gaya”.


Nandni aur Nischal abhi baateṅ he kar rahe the utne me Kasak ne bhi unhe join kar liya, aur Kasak subah ke gane ki baat chhedti joṛ-joṛ se hasne lagi. Kasak ki baat sun kar Nandni bhi uss ka sath deti hasne lagi. Aalam ye tha ki jo bhi student Nischal ko dekh raha tha bas hase he ja raha tha.


Khair Nischal ko iss hasi se koi fark nahi pad raha tha kyonki uske aakhon ke samne jo chal raha tha wo uss ke dil me chhed kiye ja raha tha. Samne ke chair par baith kar, wo bhi kafi close ho kar Jivisha aur Kuṇal baten kar rahe the.

Very interesting update

 

[Asif khan]

Ab kya kare apsyu aur imli ki tarah wo bhi priy aur chaheta ban baitha nainu ji ka

Hahaha very funny

 

[Asif khan]

Update:38​

Tanisha apne shikar ke pichha karti, turant Apini se contact ki….. “Haaṅ Tanisha, mil gaya kya shikar”?


Tanisha…. Ummmmmm… you will love this shikar. 15 rating aa rahi uski. Main ab bardast nahi kar pa rahi iski khusbu. Kahin main iss ka jabardasti shikar na kar lun….


“Mere hote huye tumhe jabardasti shikar karne ki kya jaroorat hai, 15 rating ke shikar roj-roj nahi milte. Iss ka shikar to hum baḍe pyar se karenge”


Jald he Apini bhi Tanisha ke pass pahunch gaya, aur apne shikar ko dekh kar uss ki aakhen fati ki fati rah gayi…. “Tanisha, ye to mast shikar hai. To chalen iss ka pata lagaya jaye”


Tanisha….. Apini 3 din lagenge pata lagane me, fir ek din baad shikar. Isse dekh kar mujh se bardast na ho raha. Iski yadi indriyaṅ na bhi jagrit ho to bhi ye 10 ki rating to de he degi. Wo bhi bahut hote hain. Kahaṅ hume 4/5 rating ka shikar nahi mil pa raha tha.


Apini….. Hmmm ! Kah to tum sahi rahi ho. Par shikari kosis to kar he sakte hain.


Tanisha….. Haaṅ to karo kosis, maine Josefer aur baki logoṅ ko bhi bula liya hai.


Apini…… Cool haaṅ ! Matlab aaj to shikar pakka hai….


Tanisha….. Yes, aaj he hum shikar karenge. Kal se to fir uss Nischal ke shikar ki planning chalegi.


Thodi he der me Josefer aur uss ke sath do log uss location par pahunch chuke the. Kafi bhiḍ bhaḍ wala ilaka tha…


Apini…. Josefer mayajal failao, aur shikar ko ekant tak le kar aao.


Josefer ne turan apna roop badla. Hatch ke ad wala “Pug” breed ka pyara sa pappi bana aur sidha uss laḍki ke pass pahunch kar uss ke paun ko chaṭne laga. Wo laḍki dog ko dekh kar apna paun piche khinchi aur idhar udhar dekhne lagi. Sayad wo kutte ko malik ko dhuṅdh rahi thi.


Tabhi ek bar fir Josefer uss ke paun ke pass pahunch kar uss ka paun chaṭne laga. Wo laḍki idhar udhar dekhi, usse wahiṅ pass para ek ḍanḍa mila, kafi ġusse se wo ḍanḍe ko uṭhayi aur rakh di ghuma kar…. “I hate chatore, chal bhag ja yahaṅ se”


Josefer ku, ku, ku ki awaz nikalta wahan se bhaga. Laut kar apne logoṅ ke pass wapas aaya…. “Kis ka idea tha ye pappi ban kar bhejne ka, kitna joṛ ki mari. In insano me daya khatam ho gayi hai kya”?


Apini…. Ha ha ha, koi baat nahi hai Josefer, ab har kisi ko ek he chij thode na pasand aati hai. Ab jab uss ne tum par humla kiya hai to tumhara bhi farj banta hai uss par jawabi humla karna.


Josefer….. Ye hui na baat, main abhi jata huṅ.


Apini….. Ruko, aise nahi kuttoṅ ka gange banao aur daurana shuru karo usse. Aur haan kaṭna jaroor, taki Ilaz ke liye humare pass he aaye.


Josefer apne do sathiyoṅ ke sath fir se kutta ban gaya. Iss baar wo aage aur uss ke piche-piche do bhayanak kutte. Aur teeno pahunch gaye uss laḍki ke pass. Laḍki teeno ko apni ore he aate dekh ghabra gayi. Wo dhire-dhire wahan se khisakne lagi. Jaise-jaise wo khisak rahi thi, teeno bhi waise he waise aage baḍh rahe the.


Bhiḍ se thoda aage jab wo nikal aayi, waise he Josefer aur uss ki team ne uss bhaunkte huye daurana shuru kar diya. Daurte-dauṛte jab wo ek khali gali ke pass pahuṅchi, waise he teeno uss par ṭooṭ pare aur usse nochne lage. Dar se uss laḍki ki haalat bilkul kharab ho gayi. Uss ke hath paun kapne lage.


Tabhi wahan par Tanisha bhi pahunch gayi. Wo teeno kuttoṅ par humla bolti, jaldi se uss laḍki ke upar se haṭaya…… “Lagta hai kitton ko kuch jyada he pyar hai tum se. Are you alright”.


Wo ladki ab bhi sadme me he thi. Usse samjh me he nahi aaya ki uss par itna bhayankar humla bhi ho sakta hai. Wo ab bhi jamin par baithi, apni tej chal rahi dhadakano ko kabu karne ki kosis kar rahi thi.


Tanisha uss se ek baar fir puchhi……. “Are you alright”.


Ladki.... Haan main thik hun. Thanks a lot. Itna kah kar wo apne raste Jane lagi. Tanisha usse rokti….. "Aisi haalat me kahan ja rahi ho. Aisa lag raha hai jaise kisi ne rape kiya ho"


Ladki apni halat ek bar dekhti.... “Oh main itna sadme me thi ki kuch dhyan he na de payi. Khair thanks once again, main in kapdon ko aage manage kar lungi"


Tanisha.... Don’t worry, yahan pass me he mere hubby ka clinic hai. Tum mere sath aao, jab tak tumhara first aid hoga tab tak tumhare kapdey bhi aa jayenge. Waise ek baat bata dun, mere hubby ko free service pasand nahi, isliye card wagrah to sath layi ho na.


Ladki, hasti hui.... Haan card bhi hai aur account me paise bhi. Par mauke ka fayda utha kar mujhe loot to nahi logi. Pata chala 1000 jahan lagna tha wahan 1 lac ka bill bana diya.


Tanisha.... Ilaz to free me karwa dungi, tum bas kapdon ka bill pay kar dena. Now happy


Ladki.... Ha ha ha, ab ṭo chalna he paṛega….


Tanisha ke sath wo chal di. Wo ab bhi apne upar huye humle ke bare me he soch rahi thi, aur Tanisha ke sath aage baḍh rahi thi. Kuch he der me dono Apini ke banaye jaal yani uss ke clinic tak pahunch gaye. Dono sidha Dr chamber me pahuṅchi jahaṅ Apini pahle se baiṭha hua tha.


Apini…. Hey baby, abhi to tum yahaṅ se gayi thi. Aur ye tumhare sath aayi iss laḍki ko kya hua, badi he buri haalat me dikh rahi hai….


Tanisha…. Ye meri dost hai, iss par kuttoṅ ka humla hua tha.


Apini…. Ohhh ye to bura hua…. Waise tumhari dost iss haalat me bhi kafi sexy dikh rahi hai. Mujh se introduce nahi karwaogi.


Laḍki, apna hath aage baḍhati…. “Hi I am sapna”


Apini bhi badi hasrat se hath milate….. “Hi I am Apini”


Sapna muskurati hui…. “Apini ji kya baat hai, biwi ke samne he mujh par chance mar rahe hain, ab hath to chhor dijiye”.


Apini…. Ha ha ha, wo kya hai na meri biwi bhi mere samne kai logoṅ ko chance marti hai. To maine socha kyoṅ na itni hot babe ke sath main bhi chance mar lun…


Tanisha….. Apini, just shut-up. Tum Sapna ka first aid karwao, aur kisi ko bhej kar iss ke liye kapdey mangwa lo.


Apini…. Sapna detail ek paper me note kar do. 10 min me tumhari dress yahaṅ aa jayegi.


Sapna ek paper par dress ki size likhti…. “Mujhe fresh hona hai, bathroom hai kya yahaṅ”


Tanisha….. Upar chali jao, upar ke kamre me washroom bana hai. Tum jab tak aaram se naha lo, tab tak tumhari dress bhi aa jayegi.


Sapna….. Thank you so much. Waise ek baat batao, tum dono ke shadi ko kitne sal ho gaye. Kya mbbs karte huye he tum dono ki shadi hui.


Tanisha….. Haaṅ, Apini uss waqt mbbs kar raha tha, aur main college me thi. Lagbhag 6 sal ho gaye honge.


Sapna…. Aur Dr sahab kitne salon se hum jaise marizoṅ ka ilaz kar rahe hain.


Apini….. 4 salon se main practice kar raha huṅ. Kyoṅ kya hua, tum bhi ek Dr ho kya ?


Sapna….. Arre nahi Apini ji, main to bas apne dostoṅ ke bare me jaankari le rahi thi. Chalti huṅ thoda fresh ho liya jaye…


Sapna wahan se upar aa gayi aur upar aate he kahin se bhagne ka rasta ḍhuṅḍhne lagi…. “Kamino, my name is Sapna. Mujhe kya gawar samjha hai jo trap kar loge. Commisonor ki beṭi huṅ main, ab to tum dono ka ilaz mere papa karenge”.


Sapna jab se Tanisha ke sath thi wo apna behaviour normal rakh kar chizoṅ ko samajhne ki kosis kar rahi thi. Uss ke dimaġ me shaq ka kiḍa tabhi janm le chuk tha, jab Josefer uss ka paun chat raha tha, aur wo idhar udhar dekh kar uss kutte ke malik ko dhuṅdh rahi thi.


High breed ka kutta aakhir kaise sadak par bina malik ke ghum raha tha. Jitne bhi kutte the wo high breed ke the, aakhir bina kisi ke ishare par kyoṅ humla karne lage. Practice kai salon se hai to clinic ka board kyoṅ nahi. Mbbs karne aur khud ki practice start karne ke kam se kam 28/30 sal umr ho jati hain, aur dekhne se dono 20/22 sal ke, uss ke hum umr dikh rahe the.


Aisi kai sari points jo Sapna ke dimaġ me ghum rahe the aur wo khud me sab baton ki samiksha karne ke baad iss natije par pahuṅchi thi ki, usse jaan bujh kar trap kiya gaya tha, lekin motive ka pata nahi. Khair motive ka pata to uss ke papa laga lenge, filhaal ab wo yahaṅ se bhagne kar nikalne ka soch rahi thi.


Idhar Sapna jaise he un dono ke najron se ojhal hui, waise he Apini ne Tanisha ko ishara kiya….. “Iss laḍki ko shaq ho gaya hai, wo bhagne ke irade se upar gayi hai”.


Tanisha…. Kuch bhi Apini, wo to kitni normal dikh rahi thi.


Apini…. Wo to normal thi, par uss ka aakhri sawal normal nahi tha. Humari shadi aur meri practice ke bare me puchna. Wo apne shaq ko bas clear kar rahi thi. Usse hum par shaq ho gaya hai.


Tanisha….. Fir ab kya kare…..


Apini….. Chalte hain shikar par. Tum sab taiyar raho bas….


Apini ke kadam upar ke kamre ki ore baḍh chuke the. Wahiṅ Sapna ko samjh me aa chuka tha ki ye ek trap hai, isliye turant uss ne apne mobile se group msg kiya “I am in danger”… aur wahan se bhagne ka rasta dhuṅdh rahi thi. Idhar Apini ke kadam upar baḍh rahe the aur udhar Sapna balcony se niche jane ke liye chadar laṭka chuki thi.

Bechari sapna gayi kaam se
Wese point zabardast pakre Hain sapna ne

 

[Asif khan]

Update:-40​

Wo aage badh raha tha. Uski speed unmatched thi. Par jaise he wo Jivisha ke pass pahuncha..... Abhi usne apna hona jahir nahi kiya, lekin Jivisha fir bhi uss ke ore mudi, najren mili, aur fir sab blank.... Jahan me uss ke baad ki tasveer nahi.


"Ye kaise tej-tej sasen le raha hai, tu thik to hai na".... Nischal dhyan laga liya tha jis wajah se uss ki tej-tej sasen chalne lagi thi. Dhyan toot'te he Nandni ke baat ka bina koi jawab diye car ke gate ko pakad kar khada hua.... "ghar chal"


Nandni drive karti..... "Hospital chalun kya"


Nischal..... Nahi hospital gaye to unhe mere bare me pata chal jayega. Tum flat he chalo.


Nandni.... Par Jivisha ke marne se tumhari pasliyan toot gayi, ye baat meri samjh se pare hai.


Nischal.... Ye baat to main bhi samjhne ki kosis kar raha hun ki uss waqt aakhir hua kya tha....


Nandni.... Matlab kya hai tumhare kahne ka. Tumhe yaad nahi kya hua tha?


Nischal…. Mujhe bas itna yaad hai ki main Jivisha ke thik pichhe tha. Uss ke baad Jivisha mere ore mudi hai aur fir yaad nahi kya hua.


Nandni...... Ho sakta hai accident ke waqt jaise dimag kaam karna band kar deta hai aur dimag me thik accident ke waqt ki tasveer nahi hoti, waisa he tumhare sath hua ho..... Lekin baat to ghum fir kar wahi aa jati hai, Jivisha itna tej humla kaise kar sakti hai... Kahin wo Alian to nahi, jis ne tum par humla kiya....


Nischal...... Sahi pakdi ho, ho na ho ye Jivisha ke vesh me alian he tha. Lekin ye un alian me se ek nahi jo Kasak ke room me tha. Ye to bahut he takatwar aur kafi furtila hai. Aur haan, sayad inko ye aabhas ho jata hai ki koi pichhe se aa raha hai....


Nandni..... Agar ye Jivisha alian hai to asli Jivisha kahan hai. Nischal ye sari ghatnayen tumhare aane ke baad he ho rahi hai. Tumhe ne in sab ko humare pichhe lagaya hai.


Nischal...... Nalayak ladki, uss raat jaan bachaya wo bhi bhul gayi, aur ulta mujh par ilzam laga rahi hai.


Nandni..... Tumhi ne karwaya hai to tum kyon nahi jaan bacha sakte, mujhe to ab sari ghantnao me tum par he shaq ho raha hai.


Nischal..... Nandni ek min jarra pass aao.


Nandni.... Pass kyon aana hai, tum ab kya mujhe mar dialoge...


Nischal.... Main to nahi marunga, lekin tumhare sir par ek jahrila kida hai wo tumhe maar dega.


Nandni ne jaise he jahrila kide ke bare me suni, wo dhire-dhhire apne sir ko Nischal ke karib le aayi.... "Dekh kar hatana, kahin ye kida mujhe kate na le"


Jaise he Nandni thoda aage jhuki, waise he "Chatakkkkkk" ek thappad Nandni ke gaal par padi........... "Ummid hai ab akal thikane aa gayi ho, nahi aayi hai to bol main dobaara treatment shuru karun".


Nandni gadi rok kar Nischal par bhadakti usse marne lagi, Nischal usse shant karta dhyan se uss ki baat sun'ne ko kaha. Fir uss ne kal raat Sapna wala kand ko batate huye kahne laga.....


"Bahut he kurur narbhakshi tha wo. Kahin Jivisha ke vesh me wahi narbhakshi to nahi chhipa hua hai".


Jaise he Nischal ne ye samiksha kiya, Nandni ke to paun tale se jamin khisak gayi. Usse Jivisha ki chinta satane lagi..... . "Yadi ye nakli Jivisha hai to asli kahan hai... Kahin usse bhi to Sapna ki tarah" ......


Nischal..... Iss ka pata kaise lagaya ja sakta hai....


Nandni.... Ek takrib hai, tum to kisi ke bhi dimag me jhank sakte ho na to kyon na iss alian wale Jivisha ke man me jhank kar tum dekho....


Nischal.... Lekin iss vidya me main nipun nahi hun.....


Nandni..... Haan to thik hai, tum wo apne guru ji ki kitab le aao. Ho sakta hai hum dono uss par kaam kare to koi naya rasta nikal aaye.


Idhar college me......


Jivisha ko ander se bilkul bhi achha nahi lag raha tha, wo bas issi baat ko soche ja rahi thi ki, bharam wale Nischal ko chot pahunchane ke chakkar me bechara original ko chot lag gayi.


Halanki wo bhi ye tay nahi kar pa rahi thi ki kewal uss ke chhote se dhakke se, aakhir Nischal itni tej gir kaise gaya. Lekin na to khud Jivisha aur na he uske aas-pass logon ko ye aabhash tha ki Jivisha ke ander kya hai aur wo kitna acha ya kitna kharnak ho sakta hai.


Raste bhar wo Nischal ke bare me he sochti rahi. Class ke ander aaj jab Kunal uss ke pass aakar baithne laga to wo usse kahin aur ja kar baithne ke liye bol di. Ander sirf yahi khyal chal raha tha ki Nischal yadi uss ke pass aa kar baith'ta hai to wo usse sorry bol degi.


Khair pure class intzar ke baad bhi jab wo aur Nandni nahi dikhi to Jivisha ko chinta satane lagi. Uss ne turant Nischal ka haal puchne ke liye Nandni ko call laga diya.


Jivisha ka call jab Nandni ke pass pahuncha tab wo dono sabhi baton ki samiksha kar rahe the, aur jaise he guruji ke kitab ki baat samapt hui waise he Jivisha ka call Nandni ke pass aa gaya.


Abhi kis Jivisha ne call ki thi, Asli ya behrupiya Jivisha, iss sachai ka pata lagane ke liye Nandni ne Nischal ke accident ko bahut bara batati Jivisha ko apne ghar bula lee, taki aaj he iss mamle lo nipta liya jaye.


Idhar Sawalker ke upar media aur superiors ka itna jyada pressure aa gaya ki usse iss case ko jald se jald, har haal me solve karna tha. Katil ne apni haiwaniyat ke sath-sath dimag ka bhi saboot diya tha.


Forensic janch kar rahi team ko janch karte 12 ghante ho chuke the par iss case se juda ek bhi surag unke hath nahi laga tha. Sawalker ko rah-rah kar Nischal ki wo harkat yaad aa rahi thi jo usne lash ke upar apna hath rakh kar kiya tha....


Uss ke dimag me ek sandeh sa paida hone laga tha. Usse kahin na kahin ye ehsas ho raha tha ki ho na ho Nischal iss prakar ke mahol se kafi jyada wakif hai. Apne case me help ke irade se Sawalker bhi Nischal se milne uss ke liye Nandni ke flat ke ore chal diya


Jivisha ke Ghar…


Sabhi bache apne-apne kaam se nikal chuke the. Nandita bhi apne kamre me baithkar aaram kar rahi thi. Jivisha ke papa Himanshu aur maa Priya hall mein hi baithe the..


Himanshu akhbar ki uss khabar ko padhkar pura achambhit ho gaya, jisme sapna ki kururta purn hatya ka ullekh tha. Himanshu, Priya ko ek najar akhbar iss khabar par dene ke liye kahne laga. Kintu Priya apne khyalon mein kahin gum thi aur wo Himanshu ki baat par dhyan nahi de saki….. "Kya hua Priya, kahan gum ho"..


Priya:- Wo ab shararat nahi karti hai to ghar khane ko daudta hai. Dekho na jahan pahle pura din kam rahta tha, aaj sochna par raha hai kya kaam karun.


Himanshu:- To kya karen Priya, bachon ko manmani karne den. Haan uss waqt main bahut jyada gusse me tha, lekin jab gusse se ubra to bhi main Jivisha ko samjhane nahi gaya.. janti ho kyon..


Priya, Himanshu ko sawaliya najron se dkhti hui puchhne lagi … "kyon"


Himanshu…. Kyonki Jivisha ko khud faisle lena sikhna hoga. Yaad hai wo baba ne kya kaha tha.... Yadi nischit samay ke purv Jivisha ki shadi nahi hui to kaal gherna shuru ho jayega… uske jagne se pahle kayi apriya ghatna shuru hogi… aur ek baar jab wo Jivisha ke ander jag gaya fir Jivisha ke kiye faisle hi tay karegi ki sabka bhawishya acha hone wala hai bura…


Priya… Aap ke kahna kya chahte hain ji, mujhe dara to nahi rahe iss baat se…


"Kis baat se papa ji aap ko darane lage maa. Kahin dusri shadi to nahi kar rahe"... Nandita bhi dono ke pass baith'ti hui kahne lagi..


Priya…. Dusri shadi kar to le tumhare papa ji, lekin us bechari ka kya hoga jo yahan aayegi.. main to chahti hun ki ye shadi kar he le, taki kuch sukoon main bhi le lun..


Nandita:- rahne bhi do maa. Aap ke tano se aaj ye pura ghar khamosh hai. Maine to Ravi se bol diya hai, yahan se kahin aur shift karne ke liye.


Himanshu aur Priya dono chaunkte huye…. "Kyon kya ho gaya… tum dono ne itna bada descision le liya wo bhi akele. Humara jarra bhi khyal nahi aaya..


Nandita:- Aap logon ko bhi to khyal nahi aaya tha. Ek ladki jo ghar se pure lade gahno mein bhagi thi, wo surakhit aur apni purani muskan ke sath iss ghar me wapas lauti. Lekin kisi ne bhi iss baat ko mehsus nahi kiya…


"Ek ladka, jiske liye sej saji thi, wo suhagrat ke liye samne se mana kar deta hai. Jitne din ruka kewal har kisi se hans kar baat kiya aur Jivisha ke tane bhi jhelta raha. Ji haan thik suna aap ne Jivisha ke tane."


"Us din itne sare ghar walon ke hote huye bhi, wah ladka najane kahan se aakar humse pahle Chirag se mila, uske ander ke dar ko khatam kiya aur aap ne maa.. aapne kya kiya. Aapne na sirf Jivisha ko sunaya, uske sath-sath Nandni ko bhi kya kuch nahi kaha. Kya kisi ladki se galti nahi ho sakti. Lekin aap khud ek aurat hokar kisi dusri ladki ke bhawana ko thes pahunchane ke baad khyal tak na karen ki aap se kitni badi galti hui hai to hume bhi ghar chhodne ke faisle ko aap se kyon puch kar len, ek karan batayen."


"Hospital me bhi maa puri raat meri pyari si bachi ko sunati rahi. Sach kahun maa uss raat agar mujhme thodi bhi himmat bachi hoti na to fir aap mera ugr roop dekh leti. Subah schhai pata lagne ke baad bhi, aap log bus afsos kar rah gaye, uske baad sab bhul gaye.."


"Aap logon ke sine me dil hai ki nahi mujhe aaj tak samjh me nahi aaya. Aawsesh me aap sabne galtiyan kiye.. koi baat nahi har kisi se hoti hai… kya schhai pata chalne ke baad apni galti ko ek baar bhi sudharne ki kosis kiye… manf kijiyega papa ji, dosh aap ka bhi kam nahi… gusse me aap aur aap ka beta kisi ke girewan ko pakad kar pit to sakte hain, lekin schai pata chalne ke baad ek kadam aage badhkar apne kiye ke liye mafi nahi mang sakte…"


Aisa lag raha tha mano Nandita aayi he thi dono ko yahan sunnane ke liye. Nandita ki baaton ko sunne ke baad dono dampatti jaise puri tarah se sharminda ho gaye ho…


Himanshu:- Tumne thik kaha beta, hum apne swarth me itne andhe ho gaye, ki hume ek achhe ladke ki achai kabhi dikhi hi nahi. Main bhi kya karta, pahle to laga ki beti ke bhagne me ussi ladke ka hanth hai, fir pote ko achet awastha mein dekhkar main apne pure hosh kho baitha.


Nandita:- papa pahli baat to ye ki Jivisha ka bhagna koi pahle se tay plan nahi tha, usne achanak me yah faisla liya tha.


Nandita ki baat par dono chaunkte huye… "Yah tum kya kha rahi ho?"


Nandita:- haan aap ne thik suna.. pahle to aap dono ne uspar dawab banaya shadi ka. Usne bhi apni man ki jigyasha ko markar shadi ke liye raji ho gayi. Jaymala tak kiya… aakhir ain mauke par kuch to usse Shresh me aisa dikha hoga ya ander se kuch to aisi feeling rahi hogi, ki wah jaymala ke baad bhag gayi. Jara soch kar dekhiye to aap ko sabhi baten samjh me aa jayengi, lekin yahan sochta kaun hai. Yadi Jivisha ko bhagna hi hota to uske liye safe side tha ki wo shadi ke ek din pahle ya 2-4 din pahle bhag jati. Uske pass pura mauka tha. Wo shadi se bhagna nahi chahti thi, lekin uski kismat kahiye ha anterman ki pukar. Usne achanak se ye faisla kar gayi, jo shayad mujhe ek had tak thik bhi lagta hai…


Himanshu:- wo kaise?


Nandita:- Kyonki mujhe to apni bachi ke liye Nischal se acha koi ho hi nahi sakta, aisa lagta hai?


Priya:- lekin Nandita na to uske bare me hume kuch pata hai aur na hi uske kul aur khandan ka kuch pata hai.


Nandita:- Maa kul aur khandan ko jaan kar kya uske naam ka dhol pitna hai. Cheracter hi sabse bada certificate hai, jise Nischal ne shabit kiya hai. Ek ore Shresh ko dekh lijiye jo kewal baten to achi-achi karta hai, lekin sab ek bhrm jaisa lagta hai, wahin uss ladke ko dekhiye.. sab kuch karta bhi hai aur kuch kahta bhi nahi. Baki mai to yahi kahungi Shresh ho ya Nischal ho ya koi aur, aap log bina kisi dawab ke Jivisha ko faisla karne dijiye… Manti hun shararten bahut hai Jisa ke ander, lekin wo murkh nahi jo sahi galat na pahchan sake. Haan lekin aap logon ka dawab aise hi bana raha, jaise kayi dino se uske sath begano ki tarah bartaw karte aa rahe hai... Fir bhul jaeye ki wo khud se koi sahi faisla bhi kar sakti hai.…


Aaj to jaise bite dino ke pure anubhaw aur schai ke itihas ko Nandita ne ulat kar rakh diya ho. Dono dampatti lagatar apni kiye ke liye sharminda par sharminda huye ja rahe the. Jivisha ki hansi ke bina iss ghar ka sunapan kahin na kahin to dono ko pahle se khal hi raha tha, kintu baat ab tir ki tarah chubhne lagi thi. Dono dampatti ander se yah sochne par majboor ho chuke the…… Yadi unka shadi ko lekar galat faisla na liya gaya hota to ek ke baad ek itni sari ghatnayen na hui hoti… Unke kewal ek galat faisle ne, ek puri nayi kahani ko he janm de diya tha.


Himanshu aur Priya se lagbhag ab rukna namumkin sa ho gaya tha... Unhone sari baton ki jankari aur sahi galat ka aaklan, apne dono beton ko bhi bata kar, ghar bula liya. Pure priwar ne anth me yah faisla kiya ki aaj Jivisha ki hansi wapas lane ke liye har koi uske college jakar Nandni aur Nischal se dil se mafi mangege aur Jivisha se bhi mafi mangte huye usse puri tarah se khud ke faisle lene ke liye swatantr kar denge.


Pura he pariwar college pahunch gaya.. lekin college mein to koi tha he nahi. Idhar behrupiya Apini jo Kunal ke vesh me tha, usse pata tha ki Jivisha aur Kasak kahan gayi hai. Pariwar me aur tanaw badhane ki mansa se usne sabko Nandni ke flat ka adress dete huye tane bhade shabdon me kah diya, "Sab raas lila manate wahin ussi ke flat me mil jayenge"…


Ek ore jahan Jivisha aur Kasak, Nandni ke flat par pahle nikal chuki thi, wahin ab Sawalker apne case ki tahkiqat ke liye Nischal ke pass pahunch raha tha.. aur ab ye pura khandan.. surprise dene ke irade se nikle to the lekin college aakar khud hi surprise hokar teji me Nandni ke flat ke ore nikal gaye…

Excellent fantastic shandar update

 

[nain11ster]

Bechari sapna gayi kaam se
Wese point zabardast pakre Hain sapna ne

Issi ke maut ke baad to puri tasveer badal jayegi ... Hope u r enjoying story

 

[Asif khan]

Update:-43​

Sawalker aur Nischal dono meeting khatm karke commissioner aawas se nikle aur sidha commissioner office letter lene pahunch gaye. Sawalker ne crime branch ke kuch officer ke sath ek chhoti si team ka gathan kiya aur sabhi soorat-e-haal ko bayan karne ke baad sabko kaam par laga diya.


Pure mamle me Nischal bhi Sawalker ke sath raha jo dhyan se bus kewal sun raha tha aur khamoshi se baar baar biti raat ki ghatna par hi focus kiye huye tha…


Police station me kuch waqt bitane ke baad Nischal wapas flat laut aaya aur akar sidha apne kamre me let gaya. Wajah yah nahi thi ki pasliyon ke chot ke wajah se wo padesan tha. Jab se Nischal ne iss case ke liye haan kiya tha tabse wah Sapna ke bare me hi soch raha tha.


Biti raat jab usne khud ko Sapna ke sath jodne ki kosis ki thi tab se uske dimag ke ander hi bhayawah pira mehsus ho raha tha, jo ek insan ko jinda hosh me rahkar usse chirne ki hoti hai. Rah-rah kar uska dimag Sapna se jud kar uske aakhri pal ke dard ko uske dimag se gayab karna chah raha tha.


Nischal khud par kabu to karna chah raha tha, lekin na chahte huye bhi uska anterman dur rahkar bhi Sapna se judne ki kosis kar raha tha… ye kyon ho raha tha wo to Nischal ko bhi nahi pata, lekin flat par laut kar jaise hi Nischal bistar par gaya, wo anyerdhyan ho gaya.


Nischal ki chetna uss lab tak pahunch chuki thi jahan dhundhli si parchhayi me wo Sapna ko dekh raha tha, lekin wahan ka vision uske kosison ke bawjoood bhi saaf nahi ho rahi thi...


Nischal abhi lab me tha lekin uska sharir jo iss waqt Nandni ke flat me tha, wo kya pratikriya kar raha tha, gyan tak nahi. Nandni ke flat me para uska badan chhatpata raha tha. Naak se khun ki dhar bah rahi thi aur uska sharir garam hota ja raha tha..


Nischal ke body ka temperature bhi kisi aam insan jitna nahi badh raha tha balki jahan 103 ke paimane par high fever mana jata hai, Nischal ka badan 300 cross kar chuka tha…


Idhar Nandni sab logon ke jane ke baad wo bhi Ansh ko surprise dene aur usse kaam ke bich me thoda padesan karne hospital chali gayi thi. Jab se Nischal ki dastak Nandni ke jeevan me hui thi, tab se uski bhid me tanhai ki zindgi bhi khatm si ho chali thi. Isi ki ek kadi Ansh bhi tha, jo uske dil ke umang ko pahle ki bhanti hi jaga raha tha.. aur Nandni wo khushiyan wapas se mehsus kar rahi thi jo kisi ek ke jane se dur ho gayi thi.


Nandni appolo pahunch kar sidha uske chember mein ghus gayi, jahan Ansh kuch sathi doctors se baat kar raha tha. Jaise hi Nandni ander pahunchi... "Ye kya hai Ansh.. ye log mujhe tumhare pass aane se rok kaise rahe hain."…


Nandni, 2-3 security guard ke ore ishara karti bol rahi thi, jo Nandni ke piche usse rokte huye aa rahe the…


Ansh:- Tum iss waqt yahan kya kar rahi ho Nandni..


Nandni, Ansh ke karib jati, uske chair ke hand rest par baithkar samne baithe doctor ko sunati hui kahne lagi… "Aap hi log bataeye bhai sahab, patni itni dur chalkar pati ke liye khana lekar aayi hai aur ye hain ki mujhse ulta puch rahe hain, main yahan kya kar rahi hun"…


Samne uske sathi doctor aur Nandni lagbhag uske gode me baithi, bechara thoda sankoch mehsus karte … "thik hai sir hum baad me charcha kar lete hain"..


Nandni:- Haan sir jaeye-jaeye abhi to main inhe apne hathon se khilaungi.


Dono doctor muskurate huye…. "Kash hume bhi aisi biwi ka sukh mila hota ansh babu.. chaliye ab kal hi iss vishay par charcha hogi, waise bhi 4.30 baj gaye hain"..


Un dono ke jate he Nandni, Ansh ke gal par hath ferti uske gal ko chum lee… Ansh thandi aahen bharte…. "Nandu please ruk jao, yahan charo ore cctv hai."


Nandni:- Haan to main tumhare sath romance kar rahi hun kisi aur ke sath nahi… tumhe nahi pasand yahan mera aana to kah do, wapas kabhi nahi aaungi tumse milne hospital…


Ansh:- Nahi baba aisi koi baat nahi hai… tum bekar me kuch bhi nahi socho…..


Nandni, muskurai, aur Ansh ko dekhti hui kahne lagi... "Jab aisi koi baat nahi to fir mujhe gale lagakar chumo"..


Ansh, thoda chaunkte… "yahan"..


Nandni kursi se utar kar khadi hoti…. "Ja kar yahan ki nurse ko chumte raho.. main ja rahi hun…"


Ansh:- Acha ruko.. ruko aise muh fula kar mat jao warna mujhe guilty feel hoga.. waise tum pakka sure ho na yahin kiss karna hai…


Nandni:- off o baba .... Kitna ghabrate ho.. tumse na ho payega, main Nischal ko hi bol deti hun kiss ke liye…


Ansh char kadam aage badhkar Nandni ko kamar se khinchte uske hoton se honth lagakar chumne laga.. Nandni bhi apni aakhen band karke uske gale me hath dalkar kiss me dubti chali gayi…


Dono gahre kiss ke nashe me the tabhi Nandni, Ansh se alag hote huye kahne lagi… "Ansh mujhe thodi ghabrahat ho rahi hai, chalo ghar chalte hain"..


Ansh:- Badmash kahin ki.. I am too excited baby, but mujhe ek case ke liye lab bulaya gaya hai.. janwaron ka fir se ek brutal mamla samne aaya hai...


Nandni:- Hmmmm ! Koi baat nahi hai Ansh, but ye main kisi excitment ki wajah se nahi kah rahi thi.. wakai kuch acha nahi lag raha iss waqt.. thik hai tum kaam karo, main baad me call karti hun…


Nandni wahan se kafi khamosh bahar nikli, Usse jate dekh Ansh ko bhi acha nahi laga… piche se wo bhi daura.. Nandni ki khamoshi usse itni khal gayi ki wo bhul gaya ki yah hospital hai aur Ansh yahan ka ek doctor. Nandni Nandni karta wo hospital me hi awaz lagakar daurne laga.


Ansh ki Awaz sunkar Nandni pichhe palti aur Ansh ka aana uske chehre par muskan le aaya. Dono sath me hi flat pahunche aur mukhya dwar aise hi khula hua… "Ansh, ye Nischal bhi na ek dum pagal ho gaya hai. Darwaja aise hi khula chhod gaya hai"…


Nandni gusse me ander gayi aur jaise hi wo Nischal ke kamre me ghusi… "Anshhhhh… Anshhhhhh…. Anshhhh".. wo paglon ki tarah Ansh ko pukarne lagi.. aakhon se Nandni ke aanshu bahne lage aur wo bhagkar bistar par baithkar Nischal ko sidha ki aur uske sir ko apne gode me rakhkar usse jagane lagi..


Nandni ki awaz par Ansh jo apne kamre me change karne gaya tha wo bhi bhagkar wahan aaya… samne ka najara dekha… Bistar khun se laal ho chuki thi... Naak se ab bhi bleeding ho rahi thi aur Nandni ka ro rokar bura haal ho gaya tha...


Ansh aage badhkar Nischal ka matha chhu liya aur teji ke sath hath pichhe khinchte aschrya me pad gaya… wo chadar par lage khoon ko apni ungliyon me liya aur usse bariki se dekhne laga... Ansh ko ab shanke ne gher liya tha…


Nandni ke aashu barshat ki tarah Nischal ke chehre par gir raha tha. Wo apne dupatta se lagatar uske naak se bah rahe khun ko saaf karne ki kosis kar rahi thi, lekin khun band hone ka naam nahi le raha tha…. "Tum putle ki tarah wahan khade kyon ho… please kuch karo na Ansh… pleaseeeeeee"..


"Ukhunnn .. Ukhunnnn… Unkhunnn… Fir doctor par chilla rahi ho Nandni"… Nischal hanste huye apni nind se jaga… Uski aakhen khuli dekh Nandni usse lipat gai… "Pagal hai kya tu… jaan hi nikal di thi meri"..


Ansh… Ab uski jaan me jaan aa gayi hai na Nandni… calm down baby…


Ansh Nandni ko sambhalte usse dilase dete kahne laga.. Ansh ki baat par Nischal bhi niche kahne laga… "Main thik hun… likin aise hi mere chehre se lipti rahogi to pakka main dum ghutne se gaya kaam se"..


Nandni apni aashu saf karti hui uske upar se hati aur gusse me usse 2-3 thappad marti hui puchne lagi…. "Ye sab kya hai"..


Nischal baat ko ghumate huye kahne laga.... "Main marne ka illusion try kar raha tha aur issi chakkar me paitra ulta par gaya… hato main jara fresh hokar aaya".


Nichal, Nandni ki gode se uthakar jaise hi khada hua, thoda ladkhada gaya… "thik hum main… kuch nahi hua"… aur kahta hua bathroom me ghus gaya…Nandni bhi kitchen me gayi wahin pani bhi pi aur apne chehre par pani ki chhinte bhi marne lagi…


Ansh:- Main ambulance bulawn kya .. kafi blood loss hai..


Nandni:- nahi shayad ab wo thik hai. Fir bhi main usse dekhti hun, yadi jaroorat lagi to main tumhe call kar dungi.


Ansh:- Jaisa tum thik samjho Nandni. Acha tum Nischal ka khyal rakho, maine bataya tha na mujhe lab jana hai, isliye main ja raha hun… tumhare pass paise hain kya..


Nandni:- haan mere pass paise hai ..


Ansh:- Fir bhi ye mera card rakho aur ye hospital pass bhi. Yadi main call ka respond na karun to emergency me ye tunhare kam aayenge..


Nandni, Ansh ke gale lagti…. "Thankyou so much Ansh"..


Ansh:- Ab tum aise pyar se gale lagaye rakhogi to main kahin bhi ja nahi paunga.....


Ansh bhi thoda sa mazak karte wahan se nikla. Uske poket ki chhoti sisi me Nischal ka blood sample tha aur environment ka temperature jis'se lete hain, uspar Nischal ke body ka temperature tha jo ki lagbhag 300⁰ celcius tha. Fahrenheit me yadi reading liya jaye to lagbhag 572⁰ ki reading thi. Ansh kuch bhi niskarsh nahi nikal pa raha tha isliye wo sidha lab chala gaya.


Idhar Nischal fresh hokar wapas hall me aaya. Thode hi der me wo pura recover ho chuka tha. Nandni jabtak khun se lage chadar ko dustbin me dalkar wo bhi fresh hone chali gayi thi. Thodi he der me wo bhi fresh hokar hall me aayi aur khamosh hokar uske pass baith gayi.


Nischal 6 jug pani ke sath dawa pi chuka tha... Wo gahri shwans lete Nandni ke ore dekha aur muskurate huye kahne laga…. "Tumne wapas bula liya warna main Sapna ke dimag ke mayajal me ulajh gaya tha"..


Nandni:- Nischal jab guru ji kitab se tumhe koi madad nahi milne wali, wo hum dono jante hai, fir kyon itna jokham bhada kaam kar gaye… jante ho kuch der pahli meri kya haalat thi.. aisa laga jaise tum mar rahe ho…


Nischal:- Jo tumne mehsus kiya wo mera dard nahi balki Sapna ka tha, jise kal raat berahmi se mara gaya hai. Uske mirt sarir se maine apna dimag jod diya hai.. ab jabtak uske dimag se wo dard nahi jata tabtak main uske sath juda hua he rahunga… Maine apne aukkad se bahar ki chijon ko aajma lia hai…


Nandni:- Padeshani mat batao… mujhe batao iska hal hai ya nahi, warna main hi khushi se mar jaungi aur tum apna dimag mujh se jod lena… tumhe hero banne kisne kaha tha Nischal.. bina uske dimag me ghuse bhi to tumhe pata hi hain na ki shayad Jivisha ke vesh me koi alian hai, jisne ye sab kiya…


Nischal:- nahi Jivisha bilkul tumhari tarah insan hi hai.. uspar baad me baat karenge … wo narbhakshi alian hi hain aur wo log wahi Josefer ke group ke log hain.. jise aaj raat hi unke kiye ki saja milegi…


Nandni:- aur wo mirt dimag se jo tumhara dimag juda hai uska kya…


Nischal:- "Main thoda andhera hote hi forensic lab jaunga akele… aur wahan main purn awlokan karunga… tab jakar kahin main Sapna ke dimag se alag ho paunga, aur fir uske baad dard mitane ke liye doshiyon ko saza dunga aaj ki hi raat… Wo ladki bahut hi himmatwali thi. Jab uska jibh khinch kar nikala ja raha tha, uss dard mein bhi usse yakin tha ki koi aakar uski zindgi wapas kar dega... Isliye uska majboot dimag mujhe aakarshit kar raha ha"i...

Ek baar awlokan ho gaya uske baad uske katilon ko saza dunga… uske baad finally main ek baar aur uske dimag me jakar apni yaad usme dalunga, jis se uska dard chala jayega… Tum sari chinta chhod do aur mujh par bhadosa rakho.. aur haan tum, aaj meri wajah se kafi dipress hui ho.. isliye jabtak tum ek achi nind lo tabtak main Sapna ke dimag ke mayajal se khud ko bahar nikal kar aaya aur tumhe ye khushkhabri diya…

Ab lagta h jese waqai Mai story read kr raha ho
Ab ja kr story ka wo kia khte Hain ,climax,ya Jo bhi h story ka flow bna h

 

[Asif khan]

Issi ke maut ke baad to puri tasveer badal jayegi ... Hope u r enjoying story

Yup, I am excited

 

[Ankitarani]

 

[Asif khan]

Update:-44…​

Aadhi raat ke waqt......



Josefer sab se najar bachate, Jivisha ke ghar se apne adde tak pahuncha. Josefer ko dekh kar Apini usse gale lagate kahne laga.... "Aakhir hum manjil ki ore badhne lage hain".


Josefer.... Apini ek padesani hai.... aur sath me ek achhi khabar bhi.


Apini.... Kya hua....


Josefer.... Khud he dekh lo....


Josefer ne visuals dene shuru kar diye….. College se car me Jivisha aur Kasak car me nikle… Ye aaya kisi dusre car ke niche ek pappi, Kasak apni car se bahar nikli, dusre car ke samne khadi ho gayi, Kasak ka takkar hote-hote bachna, pappi ko utha kar usse apne car me le lena.. Car ke ander Jivisha ki chinta. Unka baat karna, aakhir ek chhote se dhakke ke karan kaise ghayal ho gaya Nischal. Nischal ke flat me Nischal ki haalat, pasliyan tooti hui. Fir Jivisha aur Nischal ki najdikyan aur Sawalker ka aana. Sawlker ka case discuss karna aur Nischal ki aakhon me aisa laga jaise ab wo Apini aur uske sathiyon ke talash me he niklne wala hai.


Sare visuals clear the. Sab ko dekhne ke baad Apini gahri sans lete kahne laga..... "Uss ladki ke case me Nischal yadi hum tak pahuncha to bana banaya khel bigad jayega".


Tanisha.... To ab hum kya karen....


Apini.... Hum bas jasn manayenge Tanisha aur ye waqt to jasn manane ka hai, Kyonki Malkia ke humle se Nischal ko mara ja sakta hai, bas jaroorat hai to Malkia ko uss ke khilaf istamal karne ki.


Josefer.... Hum Malkia ko uss ke khilaf kaise istamal kar sakte hain, jab ki wo dono to karib aa rahe hain. Upar se Nischal humari he talash me nikla hai uska kya? Malkia ne jis hisab se usse himmat di hai, wo yadi hum tak pahucha to hume saaf he kar dega.


Apini jor se haste huye.... "Un dono ke bich me Kunal jo aa raha hai, fir kaise dono karib aa sakte hain. Malkia ko uss ke khilaf hathiyar main banauga".


"Tanisha tum bas uss Nischal par najar diye raho. Nischal ne Malkia se iss case me jit hasil karne ka wada kiya hai na, aisa uljhao isse ki ye case me uljha rahe aur main Malkia ke karib aa jaun. Aur anth me jab ye case solve hoga to sara credit Kunal ko milega, taki Kunal he hero bana rahe".


Tanisha.... Aur hum inhe uljhayenge kaise....


"Shikar kar ke uljhana hai. Har hafte iss desh ke alag-alag kone me shikar karo taki ye idhar udhar ghumta he rah jaye".


Josefer, Apini ke sath meeting khatm karke apna pappi wala role nibhane wapas Kasak ke pass jane laga. Lekin rah-rah kar Josefer ke dimag me ek he baat ghum rahi thi, aakhir kyon ye prithwi washi apne se kamjor janwaron ke liye bina soche khud ki jaan khatre mein dal lete hain.


Nandni ka flat… Sham Ke Waqt


Nandni se sari baten karne ke baad, Nischal ne apne bag se kuch saman nikala aur Nandni se ek saman ka vivran sajha karte huye kahne laga…. "Dekho Nandni ye hai mask"..


Nandni ab bhi kuch der pahle hui Nischal ki haalat par gum thi, lekin jaise he Nischal ne globes ko mask kaha, wo jor se hansti hui kahne lagi… "pagal wo globes hai."


Nischal:- Ullu ye globes nahi Mask hai..


Nandni:- dhakkan hai tu aur mujhe ullu kah raha. Ye globes hi hai.


Nischal:- acha thik hai ise pahan..


Nandni ne jaise hi wo globes ko pahna, wo hatheli ki skin se chipak kar kahin gayab ho gayi…. Nandni khule muh aur aschrya se fati aakhon se dekhti hui… "ye kya hai Nischal, kahin mere hath ko to tum apne kabje me nahi le rahe na".


Nischal:- Hey bhagwan, Nandu ashrya me ho manta hun.. lekin kabhi-kabhi na tunhare sawal ajib hote hain.. yahan par tumhe puchna chahiye ki "ye kya tha aur achanak mere skin se kahan gayab ho gaya"…


Nandni:- haan main bhi apne pahle sawal ke baad yahi puchne wali thi… chal ab bata ki ye kya chij tune mere hathon me chipka diya..


Nischal:- Ye mask hai… iska istamal tum kisi ko bhi tej jhatke dene aur usse kayi ghanton tak sulane mein istamal kar sakti ho. Ye tumhare body neurotransmitter ki urja se chalta rahega, jise tumhara brain control karega…


Nandni:- kuch bhi fenkta hai…


Nischal:- aisa hai to fir soch ki tujhe mujh par humla karna hai aur tu mujhe tej jhatka dena chahti hai… bus is khyal ke sath bus mere skin ko kahin bhi touch kar le…


"Tu fekta rah aur main lapet rahi hun"… aur itna kahti hui Nandni ne Nischal ke hath ko pakad liya… jaise hi usne hath pakdi bijli ki tej chingari uthi aur Nischal pura hil gaya…


Nandni wapas se aschrya karti hui…. "Kya wakai me tune sach kaha tha... Gadhe khud par try karwane ki kya jaroorat thi kam akal.. ise to main kisi lohe ya steel par bhi try kar sakti thi"…


Nischal:- Tu samjhi nahi, main janta tha ki tujhe viswas nahi hoga aur tu try karegi. Mere sharir ko bhi ek tej jhatke ki jaroorat thi, taki mera bhi blood circulation bana rahe…


Nandni:- kamal hai, kitna samjhdar ho gaya hai ladka... Chal iss ajibo garib chij ko dikhane ka shukriya, ise nikalte kaise hain…


Nischal:- yah ajib chij tumhare liye hi banaya hai. Jaroorat ke waqt ye kaam aayega…


Nandni:- oye pagal aisi khatarnak chij main nahi istamal karne wali. Kahin gusse me maine Ansh par ye istamal kar diya to… tu to jhatke bardast kar lega bechara mera doctor kya karega...


Nischal:- istamal karne ki manual book ko padh le… sab dimag ka khel hai aur sara control wahin hai… bus thode se practice ki jaroorat hai.. thik waise hi jaise humare dimag me har prakar ki gali hoti hai, lekin kitne bhi gusse me kyon na raho dimag janta hai ki kis waqt kaun si gali dena uchit hai, fir chahe wo pariwar ke log ho ya fir koi bahar wala… ye mask thik waisa hi hai… manual book padhkar practice kar le .. 4-5 din ki bus practice chaiye…


Nandni:- kya baat hai ladke.. sahi ja rahe ho.. I am proud of you. Ye sab to thik hai lekin ise utarun kaise…


Nischal:- sab uss manual book me likha hai… ummid karta hun gift tumhe pasand aaya hoga aur ab mai nikalta hun.. jo galti se shuru kar diya hun, usse khtam karke aa jaun..


Niachal apni baat samapt karke wahan se sidha lab bhag gaya. Wo itna tej tha ki kisi bhi Cc TV me uska aana lagbhag namumkin tha.… Wo bina kisi ke najar me aaye idhar se udhar bhagta raha aur tabhi usse store room dikh gaya, jahan se usne doctor ki ek poshak utha liya aur chehre par mask lagakar lab ke ander chala gaya, jahan Sapna ki lash rakhi thi.


Nischal ne uss puri jagah ko ache se seal kar diya aur ek-ek kadam badhate wo Sapna ke ore jane laga… jaise-jaise wo kadam badha raha tha, aisa lag rhaa tha uss jagah ki bhi tasveer badalni shuru ho gayi thi…


Aisa lag raha tha jaise Nischal lab ke uss section me na hokar uss clinic me chal raha hai… jahan yah sari ghatnayen hui hai… ek-ek kadam badha kar wo upar ki ore pahuncha..


Sapna iss waqt chadar ki rassi bana kar khidki se niche fek rahi thi... Jaise hi wo Nischal ko dekhi, bhag kar Nischal se lipat kar…. "Please mujhe bacha lo, mujhe nahi marna hai… please bacha lo na Nischal… please… dekho wo aa rahe hain Nischal… please tum kuch karte kyon nahi… Nischal… Nischal"..


Jaise hi upar Apini aur Tanisha ki aahat hui, Sapna, Nischal ko chhod kar bathroom me bhagne lagi… lekin bathroom me bhagne ke kram me tej jhatka jaise Nischal ko laga ho… Nischal se alag hokar bathroom me bhagne wali Sapna nahi balki Jivisha thi.…


Nischal uss jagah ke madhya me khada hokar sab kuch apni aakhon se hota hua dekh raha tha. Kaise Apini aur Tanisha upar aaye, bathroom ke pass gaye… sab kuch waise hi ho raha tha jaise uss ghatna ke waqt hui thi.…


Tabhi ek baar fir Nichal ki aakhen fati rah gayi jab usne bathroom se bahar Sapna ko nahi balki Jivisha ko dekha… wo pura kritya hote huye dekh raha tha… Nischal apni puri urja ke sath kosis kar raha tha ki Jivisha ke sath kuch nahi ho, lekin lakh kosis ke baad bhi wo bebas hokar sab kuch apne aakhon ke samne hote dekhta raha…..


Tabhi achanak wahan ek tej raushni hui aur fir pura kala ghanghor andhera… Nischal ko kuch bhi nahi dikh raha tha.. dhire-dhire wo apne kadam aage badhane laga… jaise-jaise wo kadam aage badha raha tha, uski dristi bhi saaf hone lagi thi. Fir se usse wahi jagah najar aane laga tha aur ek baar fir surwat Sapna ke chadar niche dalne se hui aur ant Jivisha ki ghutan ki wo dard se, jise Sapna ne jhela tha..


Nischal har bar yahan tak pahunch kar isse badalne ki kosis karta raha, lekin zindgi me pahli baar usne apne khuli aankho se dekha tha ki bebasi aur ashay hona kise kahte hai. Kaisa lagta hai jab khud me kshmta hone ke bawjoood kuch bhi na kar pane ka wo guilt…


Anyerdhyan hone aur dimag ke ander jhankne ki iss prakriya me Nischal kis paheli me fasa tha wo khud bhi usse pata nahi tha... Sapna ke dimag ke ander ki yaad se jab Nischal ka samna hua to ander ki yadon ki tasveer hi badal chuki thi.


Is baat ka jikr na to kabhi Nischal ke guruji ke kitab me tha aur na hi Nischal ne aaj se pahle kabhi aisa hota dekha ho, ki dimag ki yaden badal gayi ho athwa ander ki tasveer…baharhaan ander jin halaaton se Nischal jujh raha tha, bahar usse kahin jyada gambhir paristhithi ban chuki thi…


Na to dimag me ghusne ki kala mein Nischal mahir tha aur na he usme itna santulan tha ki wo khud ki marji se bahar nikal sake… aur issi wajah se wo lagbhag 1 ghante se dimag ke bus ek hi yaad me ulajh kar rah gaya tha...


Dimag ke ander Nischal jitni kosis kar raha tha Jivisha ko bachane ke liye, bahar uske sarir par utna hi bura asar ho raha tha… Abhi yah sari ghatnayen lab ke ander ke uss hisse me chal rahi thi, jahan Sapna ki lash rakhi hui thi aur forensic doctor ki nayi team iss case par janch ke liye pahunch chuki thi…


Lagbhag 10 minute se sab log bahar se ander aane ki kosis kar rahe the...Lekin Nischal apna kaam shuru karne se pahle yah sunischit kar chuka tha ki koi tabtak ander na aa sake jabtak Nischal wahan ka seal khol na de…


Ek ghante me Nischal ke sharir se lagbhag uski jaan nikal chuki thi… dimag ke ander ab bhi wo Jivisha ko bachane ki nakam kosis kar raha tha... Aur uska sharir bahar kisi tarah apne pran bachane me juta hua tha… Tabhi uske sar par kafi tej bijli ka jhatka laga… pura sharir bijli ka kafi tej jhatka khaya aur Nischal ki aakhen khul gayi….


Idhar Nischal ki aakhen khuli, udhar Zoren grah ke Mahamhim ki bhi aakhen khul gayi..... Garjte huye mahamahim bolne laga..... “Rijo pata nahi kaise, par koi humare bahut karib aa gaya hai. Tum aaj he sabse khatrnak tukdi ko taiyar karo aur jald se jald Malkia ke grah niklo. Wahan jakar sare mamle ko suljha kar aao"

Kia baat h very very interesting Maza a gia
Lakin ek confusion h k sapna k dimagh se jurna or phr us ki jaga jivu ka nazar ana why?

 

[Asif khan]

Update:-46…​

Nischal:- haan yaad aa gaya..


Jivisha:- Kya ?


Nischal ne Jivisha ka hath pakad kar usse thoda bich me khada kiya aur Jivisha ke charo ore ghum-ghum kar, main jatt Yamla pagla deewana gaate huye, bilkul dharm paji jaise step karta, wo Jivisha ke charo ore chakkar kat-kat kar nachne laga… Jivisha uski iss harkat par samne se to nahi hasi, lekin jab bhi wo uske piche jata.. Jivisha jor-jor se hansne lagti….


Tabhi Jivisha ko aisa laga jaise piche aur bhi log hans rahe hain…. Aur jaise hi Jivisha palti pura khandan kuch dur piche khada hokar, dono ko dekhkar hans raha tha... Jivisha nischal ka hath pakadte… "ruko… rukoo".. karne lagi.. lekin kahe rukne naam le wo.. lagatar gaate aur nachte charo ore chakkar lagaye ja raha tha...


Pass hi pade ek dande ko utha kar Jivisha uske pith par marti hui usse ghurne lagi… Nischal danda khakar apni jagah par ruka aur Jivisha ki ghurti najron ko dekhkar uske gal ko khinchte huye kahne laga…. "Ae cutie .. tum dande se kya goli bomb se mar do... Ye jaan hajir hai tumhare liye, anytime"..


Jivisha ander se hansti hui aur upar se apni bhawna ko dabati hui apna hath sar par rakhkar kahne lagi… "Pure ghar ke samne karwa di na beejati… tab se kah rahi thi jao.. lekin tumhe to Dharmendr banna tha na… aur itne purane gane par kaun nachta hai"..


Nischal ne aankh utha kar ek baar sabko dekha fir chhota sa muh banakar jate-jate kahne laga…. "Ye tumhare gharwale hain ya chandal, jab dekho tab banti baat ke bich aa jate hain.


Jivisha ghurti hui… Kya kaha tumne haan…


Nischal:- Good night kaha maine .. jao so jao… aur show khatm ho gaya hai.. aap sab bhi jao so jao… kabab me haddi...


Uski ye baat sabne suni… Nichal ruthkar iss kadar gusse ka izhar karte gaya ki har koi sunkar hansne laga… Nischal ke jate hi har koi wapas hall me laut aaya kewal Jivisha ko chhod kar... Wo ab bhi wahin khadi Nischal ke bare me sochkar muskura rahi thi... Aur usi ke khayalon me khoyi wo ghar ke ander chal di…


Jaise hi wo hall me pahunchi, Chirag turant uska haath pakad kar bich hall me khada karte huye… "Didi ek minute ruk jao yahin"…. "Betu yahan sab sakki log hain… kisi se dosti bhi ho to galat matlab hi nikalte rahenge.. chal yahan se".. Jivisha apne pariwar ko tane deti hui kahne lagi…


Jivisha abhi kah kar shant khadi hi hui thi ki Chirag bhi Nischal ki tarah hi ghum-ghum kar "Yamla pagla deewana" gane laga… usse dekh pahle Kasak kud aayi Chirag ke sath aur fir dekhte-dekhte bhaiya, bhabhi sab Jivisha ko gher kar, gol-gol ghumte huye Yamla pagla deewana gane gate huye nachne lage.…


Idhar Nischal Jivisha ke ghar se nikal kar sidha apne thikane ke ore rawana ho gaya… Nischal jaise hi flat ke ander kadam rakha… Iss waqt Ansh aur Nandni hall me aamne-samne baithe, bina palken jhapkaye ek dusre ko dekhte huye, ek dusre ko ice-cream khila rahe the.


Dono iss kadar khoye huye the ki, Nischal ko aaye 5 min ho gaya tha par kisi ne dhyan nahi diya. Yahan tak ki Nischal ne ek do baar hello bhi kaha, lekin sunta kaun hai.


Anth me Nischal ne un dono ke bich apna sir dal kar kahne laga..... "Ek dusre ko bahut khila chuke, ab 2/4 chamach mujhe bhi ice-cream khila do".


Nandni usse iss kadar ghuri jaise wo ice-cream ki jagah Nischal ko he kha jayegi. Ansh apna gussa dikhate kahne laga.... "Tum me jarra bhi manners nahi hai na, kyon hamesa hume padesan karte rahte ho. Achhe khase mood ki maa-bahan ek kar diya”.


Nischal..... Hooo Dr sahab maine to socha tha aap bahut sabhya honge, par aap bhi aise shabdon ka prayog karte hain.


Ansh.... Main kya dusre grah se aaya hun, jo mujhe aise bhasha me baat karni nahi aati. Padhai ke waqt kewal padhai he nahi kiya hai, samjhe tum.


Nischal, Nandni ko aankh marte kahne laga…. "Doctor sahab apna knowledge update kar lo, dusre grah wale bhi iss se kharnak shabdon ka proyog kar sakte hain .. wo to aap aur hum unke bare me nahi jante isliye aisa bol jate hain…


Nandni jo ab tak khamosh gusse ka ghunt pi rahi thi, wo khud me gussa bharne lagi … dayen-bayen dekh kuch sochi aur ek wire ka sira plug on karke board se jod di aur matr ansh ko dikhane ke liye pichhe se tar ka dusra sira le jate dikhayi… jab tak Ansh nahi-nahi karta tab-tak Nandni pure gusse me usse touch kar di… achanak se laga ye jhatka… wo bhi itna tej…


Nischal bijli ke jhatke se dur jakar kanch ke ek table se takraya aur kanch tootne ki chhan-chhan ki awaz aani shuru ho gayi… Nischal kamar pakad kar khada hua aur gusse me badhte huye Nandni ke baal pakad kar usse jor jor ke khinchte huye kahne laga…. "Pagal kahin ki maar dalti mujhe. Sala aaj subah se tum dono pagal saheliyan mujhe jhatke par jhatke diye ja rahi ho"…


Nandni fir se gusse me usse touch karti.. iss baar lekin bardast karne wala touch ki aur Nischal halka-halka jhatka mehsus karne laga... Jhatke khakar jab wo Nandni se alag hua, kuch baal toot kar uske hath me aa agye the... Aur Nandni koi bhutni se kam nahi lag rahi thi…


Nischal, Nandni se alag hote kahne laga.… "Apna ropa ped hi bhutha nikal gaya… sala main hi gadha hun"..


Nandni apne baal samet kar upar ki. Uske shwans tej chal rahe the... Aur wo gusse me puchhne lagi… "abhi jo bola uska matlab bata nahi to bahut marungi"..


Nischak:- war zone nahi banana hai … kahne ka matlab ki jis ped ko yah soch kar ropa tha ki fal lagenge wahan par bhuton aur chudail ka kabja ho gaya hai..


"dialogue baji haan"… aur ye udta hua kanch ka glass sidha Ansh ke sine par laga…. "Tum dono pakke wala pagal ho… aapas me jhagro na.. tum dono ka har baar nishana main hi kyon hota hun".... Doctor sahab apni baat kahke bhannate huye sidhe apne kamre me chale gaye aur uska gussa dekhkar dono jor-jor se hanste huye kahne lage… "free ke show ka aise hi maza milta hai"..


Dono kuch der sofe par baithkar abhi huye jhagre ke bare me soch-soch kar hans rahe the... "Ek baat bata itne kamal ke jhatke, wo bhi kuch hi ghanton me kaise sikha tune. Complete balance ka itna shandar namuna"..


Nandni:- teri hi sikhayi trick to thi… pahla jhatka un darinde alian ke bare me soch kar… jisne wo ladki Sapna par apni haiwaniyat dikhaya tha... Jo Jivisha ke piche pada hai.. jo tumhe padesan kar raha hai… aur sala na jane kaun-kaun vesh me ghumta hai… ussi ko yaad karke tujhe pahla jhatke di aur kaam kar gaya…. Dusra jo normal jhatka tujhe laga, wo kutte-kamine jaise gali wale gusse tujh par asar karta isliye maa-bahan ki gali wali gusse ke sath tere liye normal wala jhatka….


Nischal:- kamini kahin ki, meri-maa bahan ko ghasit rahi.. gandi ladki...


Nandni:- Ullu waisi gandi gali dungi kya unhe.. tu pakka satak gaya hai… bus aise thode mazak wala maa-bahan ki galiyan.. .


Nischal:- chhi gandi… yahan baith kar clarification de rahi.. chi chi .. ..


Nandni:- sorry baba.. dekh tere dono kaan pakadti hun .. sorry..


Nischal:- Chal chal nautanki… jane de ye sab… chal ab good night, main ja raha hun sone.. kal subah college bhi jana hai.. tera kya hai tu to apne upar ki tijori me chit le jakar pass ho jayegi .. koi sala check bhi nahi kar sakta wahan.. mujhe to pass hone ke liye padhna padta hai na…


Nandni:- Pagal kahin ka, kuch bhi bolta hai… chhod ye sab abhi kaisa hai aur kaam kuch hua ki nahi..


Nischal:- Acha hun, fit hun aur sabhi kaam, bina kisi taklif ke ho bhi gaye.. Ab bus kuch logon ko uski darandgi ki saza deni hai…


Nandni:- Meri ek chhoti si khwaish hai, puri karega kya?


Nischal:- Baat kya hai Nandu, kisi ne padesan kiya hai kya?


Nandni:- Haan un haiwano ne jisne bhi uss ladki Sapna ke sath ye sab kiya… .Main chahti hun ki wo log bhi wahi dard jhele jo uss bechari ladki ne jhela hai… koi raham nahi karna.


Nischal:- Nandu fikr mat kar … unka marna dekhkar un jaise jitne bhi unke log honge … un sab ki ruh kanp jayegi… Main ab sone ja raha hun … kal uthana mat.. na hi college aur na hi khane ke liye… yadi main ek gahri nind nahi lunga to aage koi kaam nahi ho payega...


Nandni:- Thik hai tu aaram kar, aur haan main hall me hi soungi.. kisi chij ki jaroorat ho to awaz laga lena…


Nischal pyar se uske gaal ko thap-thapa kar usse thanks kaha aur sone chala aaya… bistar jaise uska pahle se intzar kar raha ho… kuch hi pal baad Nischal bahut hi gahri nind me ja chuka tha…



Agli subah.... college time...



Sab aam dino ki he tarah, Kasak aur Jivisha ek sath, magar aaj Nandni akele college aayi thi. Jivisha jab Nischal ko nahi dekhi to.... “Kya hua Nandu, aaj Nischal college kyon nahi aaya”.


Nandni..... Chot jyada aayi thi isliye wo aaj college nahi aaya...


“Ohhhh” kahti hui Jivisha apne balon ke laton ko aage se pichhe lene lagi, itne me Kasak usse kewhni marti hui kahne lagi.... “Kya baat hai Jivi, aaj kal badi-khoj khabad li ja rahi hai, baat kya hai”.


Jivisha.... Tum dono ke chehre sab kuch bayan kar rahe hain, mujhe tumhari baton ka koi jawab he nahi dena.


Nandni.... Aay haye, jarra dekh to chhori ko, sharmate huye kitni pyari lag rahi hai.


Itne me samne se Kunal hath hilate huye “hi” kahne laga. Iss par Kasak tippni karti kahne lagi.... “Sala yahan hume koi ek nahi milta, aur iss ke pass options ke line khule hain, dekh Nandu iss ka ek aur aashiq hath dikhane laga hai”.



Nandni.... Lekin dono becharon ko kya pata, isse to koi teesra he le jayega. Jivisha ka sacha aashiq Shresh, jisne kasam khayi hai ki wo Jivisha ke sapno ka rajkumar ban kar rahega.


Jivisha..... Very funny, thakti nahi na dono itna bak-bak kar ke. Please band karo ye sab, warna main yahan se chali jaungi.


Kasak..... Tere 2 aashiq, Nischal aur Shresh to hai nahi yahan, to kya apne iss nawele aashiq ke sath jayegi.


Jivisha ab kya defend kare, aur kahan tak defend kare. Wo bhi dono ki baat par hasti hui kahne lagi.... “I am a lucky girl, jiske pass 3 aashiq hain, jinhe main bhaw tak nahi deti. Ab rahi baat iss majnu ki to chalo chalte hain, iss aashiq ka janaja jarra dhum se nikalenge....


Kasak aur Nandni dono ek sath.... “Kya humne sach suna, ya hum dono ko koi waham hua hai”.


Jivisha...... Meri ek badi galti kya gharwalon ke pass pakdi gayi, main kya ab maze bhi nahi le sakti....


Kasak aur Nandni dono ek sath, Jivisha ka aviwadan karti, sar jhuka kar hath hilati kahne lagi...... “Welcome back Jivi, kisne kaha tum maze nahi le sakti, ulta jab ye paglon ki tarah shant rahti ho to bura lagta tha. Dil se swagat”.....



“To fir ho jaye”........ “Haan ho he jaye”......

Mast update bahi