Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[mashish]

Update:-27​

Jivisha kaam chhodkar Chirag ko taiyar karne nikal gayi. Chirag ab tak soya hua tha, jaise hi uski aankh khuli aur Jivisha ko apne samne dekha, wo Jivisha se lipat kar usse jodon se bhinch liya…. "Didi, aap mujh se ab pyar nahi karti na"..


Jivisha uske pith par hath ferti…. "Tu to mera beta hai.. main apne bete se pyar nahi karungi. Main tujhse behad pyar karti hun betu"..


Chirag usse alag hokar uske gal ko chumte… "3 din ho gaye aur aap ne abhi tak kuch bhi naya nahi sikhaya"..


Jivisha, muskurati hui usse uske pet me gudgudi lagati hui kahne lagi… "Chal ab school ke liye taiyar ho ja.. aaj raat pakka tumhe kuch naya sikhne ko milega"..


Jivisha, Chirag ko taiyar karke Jivisha uske sath upar se niche aa hi rahi thi, thik ussi waqt Jivisha ko kuch aabhash hua aur wo Chirag ko niche jane bolkar apne kamre me chali gayi… ander ajib si badbu aur kisi janwar ke hone ka anubhaw hone laga.


Jivisha hairani se charo ore dekhne lagi, tabhi Kasak uske samne aakar khadi ho gayi… "kya hua, itni hairani se kya dekh rahi hai"..


Jivisha:- Pata nahi, is kamre me kuch to ajib hai. Mujhe pahle bhi mehsus hua tha lekin tab Nischal.. kuch nahi baad me baat karti hun, jarra kaam nipta aaun…


Kasak, uska hath pakad kar usse bistar par bithati…. "Kya ho gaya puri baat bata mujhe. Aise khamosh rahegi to kaise kaam chalega"


Jivisha chidhti hui kahne lagi…. "Tum logon ko kya lagta hai main normal nahi, jo har waqt ek hi baat kahte rahte ho. Mujhe kuch din pahle bhi ajib laga tha lekin tab main Nischal ke bare mein soch rahi thi ki wo ghar se kaise jayega… aur jab wo ja raha tha tab mujhe rona aa raha tha…"


Kasak:- OH ho matlab emotion wo bhi us tapori ke liye..


Jivisha, fiki muskan deti…. "Haan surwat me uski bhasha tapori wali thi lekin tab bhi wo kayi samajhdaron se jyada behavful tha. Mere karan wo jabardasti meri madad ke liye yahan fasa, bina kisi ummid ke. Aur mere karan na jane kya-kya sunakar usse bahar nikala gaya, fir bhi usne palat kar kuch kaha nahi, jabki usse ek shadh badtmiji bardast nahi hoti... Maine galti ki hai to mujhe kaho na, lekin kya jaroorat hai ek bhole insan ko kosne ki, jiski koi galti tak nahi.


Kasak:- Bhole aadmi, masoom .. aur yaad karke aashu bhi aa rahe… baat kya hai dil me jagah to nahi de di usse…


Jivisha:- Tere ishare main samjh rahi hun.. Hum dono ke bich kuch nahi hai, lekin iska ye matlab nahi ki mere dil me uske liye koi jagah nahi…..


Kasak:- Acha to Shresh bhi hai lekin usse tune kabhi mauka bhi nahi diya..


Jivisha:- Pata nahi tum kya karna chahti ho Jivisha .. kabhi Shresh to kabhi Nischal. Main samjh nahi pa rahi ki tumhare dil me chal kya raha hai…


Tabhi darwaje se Nandita aakar dono ke pass baith gayi… "haan to dono nando kahan vyst hai."


Kasak:- bhabhi mai Jisa se kah rahi thi ki ek mauka Shresh ko bhi dena chahiye..


Nandita:- wo to Jivisha ko tay karna hai ki wo Shresh ko mauka deti hai ya nahi... Lekin main to yahi kahungi bahut kam hi aise ladke hote hain jo itni bejjati ke baad bhi pahle apne hone wali patni ka sochte hain, uska dil jitkar shadi karne ki khwaish rakhte hai.


Jivisha dono ko dekhkar muskurati hui kahne lagi… "thik hai baba samjh gayi… bol do usko main taiyar hun .. lele apna mauka… tum sab happy"



Sath lunch ka plan tay ho gaya. Kasak jaise koi vijayi muskan muskura rahi ho. Sabhi gharwale Shresh ke liye khush the aur priya apni aakhen badi karke Jivisha se itna hi kahi ki, "koi shararat hui to tu dekh lena… ache se pesh aana"..


Dono lagbhag subah ke 10 baje se nikle the Shresh apne faltu ki baton se Jivisha ko pakata raha aur Jivisha "haan, hun" me jawab dekar bus apni pratikriya diye ja rahi thi.


Din ke 12.00 baje ek bade se maidan me usne apne Rajkumar wala program bhi rakha tha, jahan wo full costume me taiyar hokar, ghode par sawar ho gaya. Ek hath me ful, dusre hath se lagam khinchta wo jakar Jivisha ke pass apne ghode ko rok'kar, uske kadmon me baith gaya aur apna ful wale hath upar badhate huye… "accept my love baby"…


Bahut dino baad Jivisha khulkar hans rahi thi. Shresh ka ye comedy show dekhkar Jivisha ka hans-hans kar bura haal ho gaya… "Shresh ji, rahne dijiye .. mere wale rajkumar aur ye wale rajkumar me bahut anter hai. Jo aap nahi hain, usse jabardasti dikhane ki kosis kyon kar rahe hain. Chaliye chalte hain."


Dono wahan se nikle, Jivisha ko rah-rah kar uski harkat par hansi aa rahi thi. Dono ne fir sath me lunch kiya aur wapas se bhatkne aur shopping jaisa kam shuru ho chuka tha.


Jab se Kasak aur Shresh ki sachai Nischal ko pata chali thi wo tab se Jivisha ke bare me hi soch raha tha. Thane se jab wo lauta tabhi se chupke se wo Kasak par najar dale huye tha… uski Mansa ka tab pata chala jab wo badi safai se Jivisha ko Shresh ke sath jane ke liye raji kar di. Wo alag baat thi ki iss waqt Nischal ko apne ander ajib si khushi bhi ho rahi thi kyonki Jivisha usse bhuli nahi thi.


Shopping ke dauran najar banaye rakhna bahut hi ubau kaam ho gaya tha, aur lagbhag 2 baje ke karib wo wapas chala gaya tha Nandni se natijon ke bare me pata karne, ki wo kal raat ki ghatna par kya soch rahi hai. Yahi par Nischal ko pata chala tha ki Jivisha Shresh ke sath Chirag ko lene jayegi aur Chirag ko lekar wahan se wapas ghar.


Jabtak Shresh aur Jivisha shopping kar rahe the, Nichal, Nandni se sari baat karke Chirag ko apna Jasoos banane uske school pahunch chuka tha. Nischal aur Nandni ne jald hi apna kaam nipta kar Chirag ko apni team me le liya aur wahin se Nandni ko wapas bhejkar, school ke pass Jivisha aur Shresh ke aane ka intzar karne laga… tabhi wo dono bhi car se aate huye najar aa gaye… Nischal bich sadak par khada hokar unka rasta rok diya…


Break lagi, wheel ke crouch karne ki awaz aur dono Shresh aur Jivisha gusse me bahar utre… Jivisha puri tamtamayi Nischal ke najdik pahunch hi thi ki usse ek thappad para... Mahol shocked.. ummid see pare.. Shresh aur Jivisha dono aakhen fade dekhte rah gaye…


Nischal:- Thappad se dimag khula ho to jarra side ho jao main jara usse baat kar lun…


Shresh gusse me aakhen laal kiye uski ore badha hi tha ki Nischal uska gala pakad kar jamin se upar utha liya aur le jakar bonnet par bitha diya…. "Kya hai be, subah ke 10 baje se kaun ladki ko ghumane le jata hai"..


Shresh:- Jivisha ye gunda kaun hai…


Hafte, 10 din me ye pahla aisa manjar tha jo Jivisha ko sukoon de raha tha... Shresh ne pure rasta Jivisha ko itna pakaya tha ki Nischal dwara uska swagat dekhkar wo khush ho gayi.. bus use bahar se jahir nahi kar pa rahi thi…


Jivisha:- Ye kya badtamiji hai Nischal, main kah rahi hun chhodo…. Jungli kahin ke…


Nischal:- Main Jungli hun, aur tera ye namuna kya hai… kahan se pakad layi iss nautanki ko… tere baap ko iss se acha koi nahi mila kya… 10 baje subah date par le ja raha hai.. dhup me rajkumar ban raha hai… tera baap bhi teri tarah mental hai kya?


"Chatakkkkkkkk"… 2 baar Nischal ke muh se apne papa ke khilaf ugle zahar ko sunkar ek jordar tamacha pada tha. Aur ye wakai bahut jordar tamacha tha.. Nischal ko puri tarah se hila kar rakh diya….


Jivisha:- Chalo Shresh in taporiyon ke muh nahi lagte hain… badtamij kahin ka… kabhi pariwar ke bich raha ho tab na samjhe ki badon ki izzat kya hoti hai.. sanskar hi nahi hai .. tum chalo…


Jivisha wahan se Chirag ko lene chali gayi.. aur Nichal wapas laut kar flat aa gaya…. Flat wapas laut kar wo Nandni ke pass pahuncha. Nandni usse dekh kar kahne lagi…. “Nischal spy ka kaam to ho gaya. Ab waqt hai tumhara Jivisha ki life me re-entry ka”.


Nischal…. Hehehe... matlab jab se main gaya tum issi baat par vichar kar rahi thi. Waise Re-entry…. lekin wo kaise. Jivisha ke ghar me ghusa to uske ghar wale mujhe jhaḍu se mar kar bhagayenge.


Nandni…. Nahi baba, 2 din baad college shuru ho jayega… so college me to sath rah he sakte ho na.


Nischal…. Lekin mere pass to koi degree nahi fir college me mujhe entry kahaṅ se milegi.


Nandni…. Ek baat batao, 5/6 dino me he wo thanedar tumhara dost kaise ban gaya.


Nischal…. Aaṛe wo Sawalker sir. Hua ye ki raat ko main bhaṭak raha tha aur raste par wo kisi ke pichhe bhag rahe the. Bas maine uss aadmi ko pakaḍ kar unhe saunp diya. Aur tab se uss raat ke baad main roj raat ko unke sath ghumta aur aise he maine unke liye kai logoṅ ko daur kar pakḍa tha.


Nandni…. Ohhh hooo to aaj kal aap police waloṅ ki madad kar rahe haiṅ.


Nischal…. Wo police wala hai mujhe pata nahi tha. Na he uss ne mujh se kabhi bataya aur na he maine uss se kabhi pucha.


Nandni…. Waise aadmi kaisa hai wo…


Nischal…. Mujhe kya pata wo kaisa aadmi hai.


Nandni…. Kya tum abhi uss se mil sakte ho….


Nischal….. Abhi, lekin kyoṅ….


Nandni…. Ek baat batao, tum jaan bujh kar mera bp high karwate ho ya wakai itna duffer ho. Gadhe Sawalker he tumhare admission me madad kar sakte haiṅ.


Nischal…. Par wo kaise meri madad karenge….


Nandni…. Sach hai… bilkul sach hai…. Padha hua gyan kabhi practical knowledge nahi de sakta. Aaj se net par paḍhna band karo, aur kuch real observation lena shuru karo. Ab Shawalker se contact karo, aur jaisa-jaisa main unse baat karuṅ, bas tum flow ko maintain karna….


Nischal “hami” bharte huye shawlker se contact kiya. Sawalker abhi round par nikla tha to dono ko local libas me kisi pate par pahuṅchne ke liye bol diya.


Dono ek pause ilake ke local chay-naste ke ek resturent me mile. Jagah gande aur gundey type logoṅ se bhari paḍi thi. Nandni ko uss jagah par thoda ajib feel ho raha tha lekin fir bhi apni dost ke khatir wo uss resturent me gayi.


Shawalker dono ko baithne ke liye kaha… aur chupchap ek chiṭṭhi thama diya. Uss chiṭṭhi ko paḍh kar Nandni ne Nischal ka hath thama aur wahan se uth kar bahar chali aayi….

“Pata nahi sali ye kismat bhi. Hum apni samasya hal karwane aaye hain, aur log apna kaam hume thama dete haiṅ. Chalo yahaṅ se, ye shiwalker kisi kaam ka nahi, koi aur rasta ḍhuṅḍhenge tumhare admission ka”.

superb update

 

[mashish]

Update:-28​

“Pata nahi sali ye kismat bhi. Hum apni samasya hal karwane aaye hain, aur log apna kaam hume thama dete hain. Chalo yahaṅ se, ye shivalker kisi kaam ka nahi, koi aur rasta ḍhuṅḍhenge tumhare admission ka”.


Nischal…. Kya hua tha, kya likha tha uss ne… jo wahan se uth kar chali aayi.


Nandni…. Wo yahaṅ kisi criminal ko pakdne aaya hai, aur wo chahta hai ki tum uska sath do.


Nischal…. Tumhe bharosa hai ko wo humara kaam kar dega….


Nandni…. Haaṅ, wo humara kaam kar to sakta hai….


Nischal…. Ṭhik hai to chalo, uss ka kaam karte haiṅ….


Nandni…. Lekin iss kaam me risk hai Nischal. Wo criminals haiṅ, criminals.


Nischal…. Main uss se baḍa wala criminal huṅ. Tum daro mat aur ja kar car me baiṭho.


Nandni…. Huhhh ! Main kahin nahi jane wali, sath aayi huṅ to sath rahuṅgi.


Abhi dono baṭeṅ kar he rahe the ki tabhi uss resturent me gahma-gahmi shuru ho gayi. Jahaṅ Sawalker ko lag raha tha wo trap karne aaya hai, wahiṅ dau ulta par gaya tha. Criminals ko pata nahi kaise iss trap ki khabar lag gayi thi aur wo ulta Sawalker ke sir par gun tan chuka tha. Situation ye thi ki Sawalker 2 head constable aur 4 sipahi ke sath aaya tha aur wo log 12 the aur sab ke sab gun liye.


Nischal…. Tumhare chakkar me bechare Sawalker sir fas gaye.


Nandni…. Oh my God, sab ke sab gun liye haiṅ. Nischal wahan mat jao wahan khatra hai.


Nischal…. Enjoy the show baby.


Nischal bilkul filmy hero ki tarah uss resturent me entry liya. Jaise he wo ander aaya 2 logoṅ ne usse bhi gun point par liya….. “Kaun hai be tu”


Nischal…. Naam jaan kar kya damad banaoge….


Criminal…. Kamina kya bola…. Thok duṅga idhar he…


Nischal…. Chal thok… thok kar bata mujhe…


Wo criminal shocked se pagal ho gaya… abhi to gun uss ke hath me thi aur abhi he ġayab ho gayi…. “Ae.. ae .. ae.. dekh hum 12 log haiṅ… tu ek goli marega hum 11 goli, chupchap gun mujhe de de”


Nischal…. Dekha na gun point par koi bhi kisi ko dara sakta hai. Sala itna he baḍa gunḍa hai to bina gun ke kisi ko dara kar bata. Ye sab tere he log hai na aur tu inka mukhiya.


Criminal…. Haaṅ…


Nischal…. Suno bhai log, mujhe tum me se koi ye batayega ki iss tarah ki zindgi jine se tum me se kaun carore pati ban gaya.


Sabhi ek sath…. “Nahi hume to kewal do waqt ki biryani, aur ek time ki beer milti hai”


Nischal 2, 3 ke sir par ek-ek hath marta…. “Kamino, sara malai ye khata hai, aur tum sab kewal 2 waqt ke biryani aur daru ke liye marte ho. Sharm karo. Achha ye batao ki yadi ye yahaṅ pakḍa jata to tum sab kya karte”


Sab ke sab soch me par gaye…. Tabhi unka mukhiya bola…. “Kamino aise tight situation me palti mat maro. Hum sab criminal hai, gunḍagardi nahi karenge to aur kya karenge”


Apne mukhiya ki baat sun kar sabhi gundey…. “Haaṅ haaṅ hum gundey haiṅ, gunḍagardi karenge”


Nischal, ne apni gun Sawalker ko diya…. “Sir isse pakaḍ kar rakho”… fir un gunḍoṅ me se 4/5 ko teji se paṭak-paṭak kar thappaḍ marte….. “Gadhon wo dekho samne, koi dikh rahi hai”


Ek gunḍa…. Wahhh ! Kya hot iteam hai. Bilkul mast jawani.


Nischal…. Haaṅ, beautiful laḍki. Ab jarra socho aisi he beautiful, hot & sexy girl samne se aa kar tumhe bahon me bhar rahi hai…


Sabhi sapno me khote….. “wowwwww”


Nischal…. “Tum se lipaṭ kar kah rahi hai… aaj please kaam par nahi jao.. aaj mood bahut romantic hai”


Sabhi ek sath sapne se bahar aate….. “jhuṭha sapna na dikhao bhai, bhala hum gunḍoṅ se aisi kya iss ki aadhi bhi nahi paṭegi. Aur hum to gundey haiṅ… hume jyada se jyada labour ka kaam milega. Fir to laḍki paṭne se rahi”


Nischal…. Gaḍhoṅ, iss kaminey ke stah rahoge to soch bhi aisi he chhoti rahegi. Tum gundey ho to tumhe mar-pit karne me maza aata he hoga…


Gundey…. Bahut he jyada…


Nischal… Ab jarra socho, tumhare iss kabadi look ko badal kar, tum sab ko suit-bute pahna diya jaye. Shaving kara ke mast chakachak bana kar tumhe ek hi-fi kaam diya jaye jisme tum logoṅ ko pit bhi sakte ho. Kaisa rahega…


Gundey… Bhai sun’ne me Achha lag raha hai tum continue karo.


Nischal…. Tum sab apne hathiyar Sawalker sir ko de do. Sawalker sir tumhe loan recovery agent banayenge. Jao suit-bute pahan kar paise wasooli karo. Har wasooli par tumhe commission bhi milega aur ho sakta hai ki jab tum mohalle me recovery ke liye jao to koi item bhi mil jaye.


Gundey…. Chhi-Chhi bhai… item kahte aap ko sharm nahi aati. Kaho hume humara pyar mil jayega. Boss aaj se aap ke bataye raste ko bye-bye Sawalker sir please hume recovery agent bana do.


Fir kya tha, wahan to kahani me palṭi he ho gayi. Mukhiya ko arrest kiya gaya aur bakiyoṅ ko Sawalker ne bank bhej diya interview ke liye. Mahol shant, ab teeno uss gande ilake se nikal kar sahar ke saaf suthare mahol me aa gaye…


Sawalker…. Nischal tumne un gunḍoṅ ko jitni bhi baten boli, un me se bahut si aisi lagi jaise pahle maine kahin dekha ho.


Nandni….. Haaṅ dekhe kyoṅ nahi honge, apne item ki yaad me ye bhi ussi ki tarah pura din movie jo dekhta hai, aur ḍrame ka pura rehearsal mujh par he jo karta hai. Sab filmy practics ka natija hai.


Sawalker…. Haaṅ yaad aaya, wo recovery agent wali movie maine bhi dekhi thi, jis me Nagarjun tha.


Nandni…. Bas sir, aap samjh gaye na. Waise ye to abhi trainee period me hai, iss ki guru ji abhi sanyas par chal rahi hai, warna iss resturent mein wo hoti tab uss ke jalwe aap dekhte. Situation sambhale nahi sambhalte.


Sawalker…. Kahani filmy he sahi, lekin Nischal ne teer nishane par maara hai. Hum khush huye. Tum batao kya kaam tha mujh se.


Nandni…. Aap ko kaise pata hume aap se koi kaam hai….


Sawalker…. Film dekhte-dekhte kahin tum log hum police wale ko film me dikhaye gaye bewakoof police wala to nahi samjh rahe na. Jab tum logoṅ ka achanak call aaya tabhi main samjh gaya tha koi kaam hoga. Ab bina waqt gawaye bolo….


Aadhi kahani Nandni ki jubani, aadhi kahani Nischal ki jubani… aur puri kahani bayan karne ke baad dono Sawalker ke ore dekhne lage.


Sawalker apne dono hath hilate…. “Arre yaar tum dono to meri he naukari kha jaoge. Ek jimmedar aur imandar police wale ko criminal activity karne bol rahe ho”.


Nandni…. Sir ye padha likha fraud hoga, aap bilkul nahi fasoge. Ek line me bata do, aap humari madad kar rahe ho ya nahi.


Sawalker…. Tum sab itne filmy ho to isse filmy tarike se he solve karte hai na…. Student to nahi, par bolo to isse college ka peon bana kar bhej deta huṅ.


Nandni….. Sir, madad nahi karni to saaf mana kar do, kam se kam aise bakwas idea to na do.


Sawalker…. Pata hota ki tum dono ye sab karwane wale ho to main tum dono ki madad kabhi nahi leta. Chalo thane…


Nandni…. Par thane kyoṅ… hume arrest kar rahe haiṅ kya…


Sawalker….. Nahi, koi padha likha criminal ko ḍhuṅḍhne… taki uski degree par ye pad sake….


Sawalker dono ko thane le aaya, kuch file khud dekh raha tha, kuch un dono ko de diya dekhne aur kuch muṅsi ko. Sab files me bas ek he baat ḍhuṅḍhne ko kaha, kaun padha likha shatir aparadhi saza kat kar gaya hai. 2 ghantey ki mehnat ke baad aakhirkar aisa ek aparadhi mil he gaya.


Fir kya tha, teeno ne thodi mehnat ki, aur sare document unke hath lag gaye. Lekin in sab kamoṅ me waqt nikal gaya tha aur college time kab ka over. Khair itni to tasalli thi ki kal admission ho jayega.


Raat ke waqt…..


Raat ke lagbhag 11 baj chuke the. Nischal kha kar so chuka tha aur Nandni, Ansh ka khane par intzar kar rahi thi. Nandni ka intzar thoḍa aur lamba ho gaya. Ansh ko aate-aate 11.30 baj gaye. Flat ki bell baji…..


Nandni darwaza kholti….. “Ansh, ye koi waqt hai raat ko aane ka”


Ansh…. Sorry, wo ek serious case aa gaya tha, ussi ko handle kar raha tha. Nischal so gaya kya?


Nandni…. Naam mat lo uss bhukkad ka. 10 baje he kha kar so gaya, usse to ye bhi na hua ki mujhe company dene ke liye he sahi jaga rahe.


Ansh…. Main huṅ na, hamesha tumhe company dene ke liye.


Nandni…. Hamesha matlab jab main tum se naraj ho kar darwaja tumhare muh par mar kar chali jauṅgi tab bhi.


Ansh…. Haaṅ Nandni, bilkul…


Nandni…. Aur tab bhi jab meri ye umr ḍhal jayegi, aur mere roop me aaj wali baat nahi rahegi…


Ansh…. Umr ke har paḍaw me tum mere liye utni he sunder rahogi, aur har pal yuṅ he tumhara sath nibhata rahuṅga.


Ek dusre ki aakhon me dekhte, dono ke chehre karib, aur karib aate chale gaye…. Lagbhag ek inch ka fasla dono ke hotoṅ ke bich. Nandni ki aakhen band hoti chali gayi…..


“Stoppppppppp” Nischal itni joṛ se chillaya ki Nandni aur Ansh dono he dar gaye. Bilkul tanha waqt me dono apne pyar ke pal baṅṭ rahe the aur ṭhik ussi waqt Nischal ne chilla kar sara mahol ka kabaḍa kar diya. Nandni idhar-udhar dekhne lagi.


Thodi he dur par ḍaining table tha, Nandni daud kar pahuṅchi aur apne hathoṅ me glass uṭha li. Nischal bhag kar gate ke side aate…. “Sorry Nandu, ek emergency call tha”


Nandni…. Kamineypanti ki had hoti hai… aaj main tera sir toḍ duṅgi.


Nischal…. Nandu, dekh lag jayegi… aaram se cool down haan….


Tab tak Nandni khinch kar wo glass mar di. Jordar chinkh, aur Dr Ansh ke sir se khun nikalne laga. Jaise he Nandni ne glass feka, Nischal side ho gaya aur wo glass Ansh ke sir se ṭakraya. Nandni bhag kar Ansh ke pass pahuṅchi…. Utne me Nischal ke hath me rakha phone fir baj gaya.


Nischal…. Maine samjhaya tha, Nandu mat kar choṭ lag jayegi. Magar nahi, tumhe to tusanebaji karni thi na.


Nandni…. Nischal main tera khun pi jauṅgi. Tu jaan bujh kar idhar aaya tha na.


Nischal…. Ye tu phone le, aur Chirag se baat kar. Kai bar phone laga chuka hai. Par tumhe ishq farmane se fiursat mile to na…


Nandni…. Kaminey to tu pick kar leta.


Nischal…. Tu Dr sahab ko chhod, main inhe sambhalta huṅ. Tu pahle Chirag se baat kar le. Maine phone uṭhaya to wo kahne laga, sirf tujh se he baat karega, emergency hai.


Nandni, Ansh ko chhodti Chirag ka call pick ki. Jaise he usne call uthaya Chirag bas ek baar ghabrayi si awaz me… “Nandni di, Nandni di” bola aur call disconnect ho gaya.


Nandni, Ansh ko chhodti Chirag ka call pick ki. Jaise he usne call uthaya Chirag bas ek baar ghabrayi si awaz me… “Nandni di, Nandni di” bola aur call disconnect ho gaya.

very nice update

 

[mashish]

Update:-29​

Call disconnect hote he Nandni bhi ghabrayi si awaz me….. “Nischal chalo jaldi”


Ansh…. Kya hua, koi serious baat hai kya ? Main bhi chaluṅ…


Nandni….. Haaṅ Chirag thoḍa ghabraya hua lag raha hai. Tumhe choṭ lagi hai, yahiṅ raho. Nischal tum chalo.

Dono sath-sath niche aaye…. Nischal.. “Nandni tum car me aao, tab tak main aage ja kar dekhta huṅ”


Nandni…. Haaṅ ye ṭhik rahega.


Nandni car se nikli, Nischal hawa se bhi jyada teji se Jivisha ke ghar ki ore nikla. Kuch he pal me wo Jivisha ke ghar me tha. Sabhi log apne-apne kamre me the. Nischal Chirag ke kamre me dekha lekin Chirag wahan nahi tha. Pura ghar chhan mara lekin Chirag kahin nahi mila.


Nischal fir ek jagah khada ho kar apna dhyan kendrit karne laga. Uss ke kano me har ghar wale ki awaz aane lagi. Jitna jyada wo dhyan kendrit kar raha tha, uss ki saseṅ utni he tej hoti ja rahi thi, rakth ka dawab utna he baḍta ja raha tha.


Dhyn kendrit karne ke karaṇ uss ke naak se khun ki dhar nikalni shuru ho gayi. Nischal ke kano me tej fir chalti sans ki aawazeṅ aane lagi. Awaz Chirag ke kamre se he aa rahi thi. Nischal uss awaz ki ore badha. Nischal, Chirag ke bathroom tak pahunch gaya tha.


Chirag apne bathroom dubka baiṭha, dara aur sahma sa tha, uss ki saseṅ tej-tej chal rahi thi. Nischal ander pahuncha…… Nischal ko samne dekh Chirag ki joṛ se chinkh nikal gayi, aur wo ja kar Nischal se lipaṭ gaya.


Nischal, Chirag ko apne sine se laga kar, uss ke piṭh par hath ferne laga…. “Sab ṭhik hai, sab ṭhik hai. Shant ho jao.. shant… sab ṭhik hai”


Chirag ander ke kafi dara tha. Uss ki saseṅ dhimi hone ka naam he nahi le rahi thi. Nischal ke liye ye chinta ka visay ho gaya. Uss ne Chirag ke gale me hath lagaya aur dhime se wahan ki ek nerve ko press kiya. Chirag hafta hua behosh ho gaya.


Idhar jab Chirag joṛ se chinkha, tab uss ki chinkh sun kar sabhi ghar wale chaunk gaye. Sab apne-apne kamroṅ se nikal kar bhagte huye Chirag ke room me aaye. Aur jab sab pahuṅche to unke aakhon ke samne ka najara kuch aisa tha ki….. Nischal, Chirag ko apne sine se lagaye hai aur Chirag ka badan bilkul ḍhila para jhul raha tha.


Chirag ki maa Nandita, daur kar apne bache ke pass pahuṅchi, aur usse Nischal ki gode se chhin kar apne sine se laga liya. Ravi bhi teji se uss ke pass pahuncha aur Nischal ka collar pakaḍ kar khinch kar ek tamacha jar diya….. “Bol kutte, tune mere bache ke sath kya kiya. Wo aise chinkna kyoṅ?


Nischal wahan shant khada bas najren ghuma kar Jivisha ke ore dekhta raha. Najar ek ummid ki, jo Jivisha ko he dekh rahi thi. Jivisha bhi iss waqt Nischal ko he dekh rahi thi, lekin in najron me kewal nafrat he bhaḍa tha. Dono ek dusre ko he dekh rahe the, aur idhar Ravi lagatar Nischal ko thappaḍ pe thappaḍ mare ja raha tha.


Himanshu…. Ravi chhod isse, police bulao aur jail bhejo iss fraud ko.


Itne me Nandni bhi wahan pahunch chuki thi. Nandni wahan ka mahol dekh kar Nischal ka paksh leti hui kahne lagi…. “Aap sab ġalat samjh rahi haiṅ, Nischal bilkul waisa nahi hai jaisa aap samajh rahe haiṅ”


Nandni matr samjhane ke liye bol rahi thi, lekin Nandni ko bolte dekh Priya Rajput se ye baat bardasht nahi hui. Aur bhala Nandni ki baat bardast bhi kyoṅ ho, kyonki uss ke hisab se to Nischal, Nandni ka lover hai aur Nandni ne he Jivisha ko nakli pati ka idea di thi.


Priya aage baḍhi aur “tu chup kar” kahti hui, apna hath Nandni par uṭha di, lekin bich me he Nischal uss ka hath rokte…. “Police hume piṭegi he, aap ko apne hathoṅ ko kast dene ki jaroorat nahi”


Priya, Jivisha ko point karti…. “Ye sab iss laḍki ke karaṇ ho raha hai, pata nahi kaise, kaise logoṅ ko ye ghar tak le aayi. Mujhe to ye shuru se futi aaṅkh nahi bhati”.


Priya fir ġusse me un baton ka jikr bhi kar di, jo usse nahi karni chahiye thi. Atit ki bhul ko koi yadi ġalti bana kar, tikhe sabdon me ṭippaṇi kare to dil rota hai. Ṭhik iss waqt Nandni ke sath bhi yahi ho raha tha aur girti aashuon ke sath uss ki najren bas Jivisha ko he dekh rahi thi.


Sayad Jivisha bhi apni maa ka ye kaṭaksh bhare tikhe sabd sun nahi payi. Lekin wo bich bachaw me na aati, wahan se chup-chap chali gayi. Pahle bura Priya ki baat ka laga aur dil rone laga, aur Jivisha ka muh fer kar jana jaise dil me dard paida kar diya ho aur wo Nischal se lipaṭ kar rone lagi.


Nandni jab lipat kar ro rahi thi, Nischal kisi ke dard ko pahli baar itna karib se mehsus kar raha tha. Chhota sa muh kiye wo bhi Nandni ke piṭh ko sahla raha tha, lekin rah-rah Nandni ke aakhon me aashu aa jate, jab bhi usse yaad aata Jivisha uss se muh mod kar chali gayi.


Thodi der baad police bhi aa gayi. Aaj to jaise Sawalker ko surprise pe surprise mil raha ho. Yahaṅ bhi yahi dono. Sawalker thodi soch me pad gaya. FIR file kar nahi sakta tha kyonki anterman uss ka janta tha ki dono ne kuch nahi kiya, isliye baat ghumane ke liye…. “Hmmm ! Mamla sangeen hai, fir bhi hum tab tak report nahi likh sakte jab tak bache ka bayan nahi darj ho jata”.


Himanshu…. Kyoṅ thanedar ji, ab bache ki gawahi par case depend karega ya ki chamadid ke bayan par. Ravi ek application likho jis me abhi thanedar ji ne jo points kahe unhe highlight karna aur inke signature aur niche inke i’d card number bhi likho. Inse court me baat hogi.


“Kya sach me aaj din ki baat sahi ho jayegi, in dono ke chakkar me pakka naukari jane wali hai”…. Himanshu ki baat sun kar to Sawalker ke bhi hosh urr gaye. Lekin wo bhi aise kaise apne dostoṅ ko arrest hone deta.


“Haaṅ ṭo ṭhik hai, pura point add karna… point number one… jo ladka kidnap karne aaya usse iss ghar me inhi ki beṭi le kar aayi thi. Point number two.. jis ladkey par kidnapping ka ilzam hai wo so called inki laḍki ka pati hai. And final point.. isliye jab tak victim ko hosh nahi aata, aur police uss ka bayan darj nahi kar leti, tab tak iss case me koi action nahi hoga”


Himanshu….. Tum bhi inke sath mile ho jo itni detail tumhe pata hai. Ya tum nakli police wale ho.


Priya…. Iss laḍki ne hume kahin ka nahi chhoda. Iss ghar ko barbaad karne me koi kasar nahi choḍegi kya?


Jivisha wahan se chali to aayi thi, lekin uss ke kaan to ab bhi yahiṅ lage huye the. Pahle apni saheli ke liye royi, aur ab apni Maa ki baat par rona aa gaya. Bistar me muh chhipaye wo bhi ro rahi thi. Idhar Sawalker….


“Sir aap ki family yahaṅ ki reputed family hai. Ab itna information to rakhna he paṛta hai. Maine apni puri baat kah di hai. Aap ne jo points kahe wo bilkul tathypurn, aur kanoonan sahi hai. Lekin mere points par bhi sochiye fir faisla kijiye, main aap ke jawab ka intzar kar raha hun”


Himanshu…. Jo aap ko sahi lage wo kijiye, lekin ye aadmi aur ye laḍki bachne nahi chahiye.


Sawalker…… Ṭhik hai sir, nahi bachenge. Ab main chalta huṅ. Ae ghodpade, tu kya barat me aaya hai. Dono ko le chal. Haaṅ chalne se pahle puch le ye madam se ki, humare pass lady contable nahi hai, bina uss ke humare sath aa sakti haiṅ ya niyam se he le jana hoga. Baap re iss mobile ne to humara job he mushkil bana rakha hai.


Wahan se sab nikle. Nandni ko to pata bhi nahi chala, wahan kya chal raha tha. Dono aa kar jeep me baiṭhe, tabhi wo contable godpade bol para…. “Sir, abhi ke liye to bacha liya aap ne lekin uss bache ka bayan aane ke baad kya karenge”


Sawalker…. Baap hai tu mera… na bol na baap hai kya tu mera…


Godpade…. Kya hua sir ?


Sawalker ġusse me pura chinkhte…. “Kuch pucha tujh se, kya, baap hai tu mera”


Godpade…. “Sorry sir”


Sawalker itna joṛ se chikha ki Nandni chaunka kar jaise ab apni duniya me wapas aa gayi ho. Wahiṅ apne sahab ka ġussa dekh kar to ghodpade ki patloon he gili hone wali thi. Sawalker ka man ab bhi shant na hua. Anth me uss ne ghodpade ko jeep se utar kar paidal thane pahuṅchne ke liye kaha aur khud drive karne laga.


Drive karte huye uss ne jeep ek sunsan ilake me khadi kiya aur dono ko niche utar kar sidha gun Nandni ke sir par tan diya. Nandni ki to dar se haalat kharab ho gayi….


Nischal….. Sir, aap hosh me ṭo haiṅ. Ye aap kya kar rahe haiṅ. Gun hataeye…


Sawalker….. Sale tu mera baap banega kya. Bol na tu bhi mera baap banega kya. Kutte ke pille ṭu chup kar aur apni jagah khada rah.


“Chatakkkkk” ek thappaḍ Sawalker ke gal par aur jo gun Nandni ke sir par tani hui thi wo gun ab Sawalker ke sir par tani hui thi. Aur ye sab Sawalker ke ek baar palak jhapakne se pahle ho chuka tha. Sawalker pura stabdh, pal bhar me he ye kya ho gaya.


Sawalker…. Dekho ye tum ġalat kar rahe ho. Iss se tum dono fasoge.


Nischal….. Kya puch rahe the mujh se. Jaraa ussi tone me, aur uṅche awaz me gali de kar puchna to…


Sawalker….. Nischal, tu to mere choṭe bhai ki tarah hai, dekh wo gun mujhe de de.


Nischal…. Na bola kya pahle wo bol dobara. Napunsak samjh rakha hai kya. Ek baat jo mujhe kabhi bardasht nahi hui wo hai kisi ki badtamiji.


Nandni….. Gadhe, ullu… sir se manfi mago aur unki gun wapas karo. Abhi….


Nischal….. Nandni mera dimaġ ghuma hua hai. Abhi tum side raho.


Nandni, Nischal ko apni badi si aakhen dikhati….. “Kuch kaha maine tumhe. Do it now”


Nischal, gun wapas karte…. “Bacha liya iss ne, warna mera munḍa aaj sakta tha”


Nandni…. Dono khud ko shant karo. Sir main Nischal ke ore se mafi mangti huṅ.


Uss mahol me kuch pal khamoshi chhayi rahi. Fir Nischal ne he bolna shuru kiya…. “Sir, aap ne to hum par FIR tak nahi hone diya, fir raste me aap ko ġussa kis baat ka aaya”


Sawalker….. Ye sali Police ki naukari. Apni to juban he gandi hoti hai. Pahle wo uss ghar aadmi, kaun tha jo apne bete ko case karne ke liye kah raha tha, pahle uss par ġussa aaya. Mujhe he kanun sikha raha tha. Fir wo fourth grade wala sipahi mujhe sikhane laga. Senior ke pass jao to wo sikhane lagte haiṅ. Sala aisa lagta hai jaise main koi ball huṅ aur jise jahaṅ man para wahan mujhe ludhka raha hai.


Nischal…. Sir, ye to aap ke sath kya hota hai aap wo bata rahe haiṅ. Lekin mujhe ye jan’na hai ki humne kya kiya jo aap ne bina soche Nandni par gun tan diya.

Sawalker…. Yaar tumhe save karne ke chakkar me do log suna gaye. Upar se aaj din ki wo farzi certificate ki kahani samne aa gayi. Mujhe laga kahin main kisi criminal ka sath to nahi de raha.

Nandni…. Kya sir, hum aap ko criminal lagte haiṅ kya ?

Sawalker…. Mujhe kya pata, main to tum dono ko janta bhi nahi.

Nandni…. Aap jyada pain na lo sir, hum koi criminal nahi. Thanks jo aap ne hume support kiya. Aap ek baat ka viswas rakhna ki aap ko insan ki parakh hai. Baki jab kal aap bayan lene jaoge to puri kahani Chirag bata dega.


Sawalker…. Main bhi na kitna baḍa duffer huṅ. Asal mudde se bhaṭak kar bas apne temper me aa gaya. Nischal tum wahan gaye kyoṅ the aur ye kidnapping ka kya chakkar hai. Wo ladka aise behosh kyon para tha?

superb update

 

[mashish]

Update:-30​

Sawalker…. Main bhi na kitna baḍa duffer huṅ. Asal mudde se bhaṭak kar bas apne temper me aa gaya. Nischal tum wahan gaye kyoṅ the aur ye kidnapping ka kya chakkar hai. Wo ladka aise behosh kyon para tha?


Nischal… Mujhe pata nahi sir uske sath kya hua tha. Main jab pahuncha tab wo kafi ghabraya hua tha. Aisa laga jaise kisi ne usse daraya ho.


Sawalker:- Maf kar de yar main thoda temper mein aa gaya tha, lekin bhai tera temper to bahut jyada hi ho jata hai. Chal ghar chhod dun. Dekhte hain subah wo kya bayan deta hai, fir dekhenge…


Nischal:- it's okey bade bhaiya, hum colony se thoda pichhe utar dijiyega, ek walk lenge…


Sawalker dono ko pichhe chhodkar wahan se nikal gaya.… "Kya hua kuch jaroori baat karni thi kya"..


Nischal:- Haan, Chirag ka dar dekhkar ek baat to samjh me aa gayi hai ki usne kuch bhayanak manjar dekha hai wo bhi kafi karib se…


Nandni:- Kis tarah ka manjar Nischal aur ye kitna bhayank ho sakta hai.


Nischal:- Main jyada thik se to nahi bata sakta lekin yun samjh lo ki koi tunhare aankh se samne kisi jinda insan ya janwar ko chir kar kha raha ho… jaise koi sher apne shikar ko jhapat raha ho aur ye sab tum apne aakhon se dekhte ho. Paun kapne lage ho aur ander se bhay satane laga ho ki ab uske sath bhi yahi hoga…


Nandni:- Bus bhi karo Nischal sunkar hi ajib lag raha hai, pata nahi uss bache ne kaise dekha hoga.. aur kitna dara hoga..


Nischal:- Haan wo bahut dara tha. Yadi usse behosh nahi karta to dimag ki nason me itna jod parta ki wo apna mansik santulan kho sakta tha.. Haan lekin ek baat aur, Chirag mansik roop se bahut majboot hai, tabhi tumhe phone laga paya.. .


Nandni:- lekin uske sath ye sab kiya kisne hoga…


Nischal:- jahan tak mujhe lag raha hai ye Kasak ke bahrupiye ka kaam hoga. Lagta hai yah alian koi narbhakchhiyon ka samuh hai, jinhe jinda mans aur garam khun pine me jyada maza aata hai.


Nandni, chaunkte huyi…. "Kya baat kar rahe ho, matlab film me sahi dikhaya gaya tha sabhi alian ke bare me".


Nischal:- Haan kuch kuch aisa kah sakti ho… filhaal doctor sahab ka socho.. mujhe lagta hai humra itna close hona, aur unhe chhod kar bahar nikal jana, unhe acha nahi lagta hoga…


Nandni:- Nahi acha lagega to wapas jayega.. jise jo sochna hai sochne de.. mujhe fark nahi parta... Bhagwan ne mujhe 2 best gift diye hain ek tu aur dusri Jivisha…


Nischal:- wahi dost jisne tujh se aaj muh mod liya..


Nandni:- Bura to mujhe bhi laga tha, lekin uski bhi apni majbooriya hogi. Chehra dekha uska, hansi chali gayi Jisa ki. Mujhe uski khamoshi achi nahi lag rahi..


Nischal:- Jyada filmy hoge na to yahi sab hona hai. Acha hua uske sath.. isi bahane kam se kam akal to aayegi.


Nandni:- Mere Jisa ke case me itna he kahungi ki kuch logon ko bhagwan ek jaisa hi banaye rakhe.. Ab chalo jara main apne doctor se mil lun.. tum kaminey, main bahut dino baad .. I feel love .. lekin tum kutte ki dum rang me bhang dal hi diya uspar se uska sir bhi tudwa diya..


Nandni ki baat sunkar Nischal hanste huye chal diya. Doctor sahab pattiyan laga chuke the aur Nandni uske pass pahunchte hi Chirag ki ghatna ko bata di. Uske baad kaise kaise kahani faste chali gayi sab kuch.


Nandni ki baat sunkar doctor sahab thode khush dikhe, lekin unhe bhi ab wapas lab jana tha… lab mein janwar ke humle ka ek aur case aaya tha, jiski janch aur salah ke liye Ansh ko bhi bulaya ja raha tha… Ansh dono ko wahin se bye bolkar nikal gaya…


Idhar Jivisha ka gahr….


Priya ke tane aur apne dost ke liye unke dwara kahe gaye shabd, Jivisha ko rah-rah kar rula raha tha, lekin kuch hi pal baad usse khyal aaya ki Chirag behosh para tha. Wo jabtak apne dard ko darkinar kar Chirag ka khyal layi tabtak sab log usse hospital le ja chuke the.


Jivisha se raha nahi gaya aur wo bhi hospital ke liye nikal gayi. Idhar Jivisha ke nikalte hi Kasak bhi uthi aur sidha Shresh ke ghar nikal gayi… jahan unki puri team baith kar kuch baten kar rahi thi.…


Tanisha (Bahrupiye Kasak ka naam).... Kya baten ho rahi thi, Apini..


Apini:- Bahut si baten hai jo tumhe janni hai, lekin abhi ye batao ki wahan ki kya khabar hai…


Tanisha:- Malkia (Jivisha) ki ikchha shakti bahut majboot hai. Main jyada uke pass rahi to mai pakdi ja sakti hun. Aaj jab tum unhe ghumane le gaye the, wahan kuch baat bani..


Apini:- Baat to ban jati lekin wo ladka bich mein aa gaya.


Tanisha:- Kaun wo Nischal..


Apini:- Tumhe uske bare me kya pata hai…


Kasak:- Aaj ek gadbad ho gayi. Main sher ka roop lekar, ek kutte ka bhakshan kar rahi thi aur uska bhakshan karne ke baad main Kasak bani, lekin ye sari ghatna us chhote ladke Chirag ne dekh liya.. main uska kuch kar pati usse pahle hi wo Nischal palak jhapkte hi wahan aa gaya aur fir wo ladka Chirag mere hath se nikal gaya.


Apini:- Hmmmm !!!! Matlab wo tumhare bich bhi aaya tha... Aur aaj din me mere aur Jivisha ke bich wo aaya tha... Wo koi insan nahi hai balki ek alian hai…


Tanisha, thoda chaunkti hui… "tumhe kaise pata"..


Apini:- Jis din Adirishi janwar ne usse chira aur wo humle ke baad jis tarah se uthkar baitha tha. Uske baad jitni jaldi wo recover hua tha, mujhe shak hua.. maine yeh baat Rijo ko batayi aur Rijo uska pata lagakar uske grah par gaye the…


Tanisha:- kaun se grah ka hai wo…


Apini:- Aizem grah ka prani hai wo..


Tanisha:- wahi jabajon ka grah jinki sharirik kshmata aur urja kamal ki hoti hai aur wo kisi bhi jakhm se jald hi ubar aate hain.


Apini:- Haan ussi ghrah se hai wo..


Tanisha:- Fir to humare Malkia ke bich me wo khada hai. Pahle usse khatam karo fir Malkia ke bare me sochenge, kyonki wo raha to pakka kaam kharab karega. Upar se Malkia bhi uss se kafi aakarshit hai. Abhi to khair unke dil me kuch nahi hai, lekin jis tarah ka judaw dikhta hai.. koi bhadosa nahi..


Josefer jo ab tak shant baitha tha…. "Hume Rijo ne bataya ki uspar abhi hath nahi dalne.. usse marne me madad karne ke liye Aizem grah ke 2 sabse shatir marak aa rahe hain… ha ha ha ha ha..


Uski baat sunkar sab log aatahas laga kar hasne lage…. "Kuch jyada nahi in Aizem walon ko khud par bhadosa hai".... Apini hanste huye kahne laga..


Josefer:- Kal raat ko hi dekh lenge ki wo apne Adirishi janwar ke aage kitne der tak tikta hai. Lekin uss se pahle Kasak ke dimag me sari yaden dalo, taki 1-2 din mein hum usse chhod sake.


Tanisha:- Haan main bhi yahi kahne aayi thi.. main jyada dino tak Malkia sath rah gayi to, ho sakta hai Malkia ki ikchha shakti kuch jagrit ho jaye…


Apini:- thik hai tum jakar Kasak ke dimag me wo sab yaden dalo, jo uske na hone par tumne kiya hai. Idhar main aur Josefer Adirishi ko kal ke liye taiyar karte hain.. taki Aizem se pahunchnewale logon ko kal hi hum unhe tohfe me uss Nischal ki lash gift kar sake…


Idhar Chirag hospital me admit ho chuka tha aur ghar ka ye chhota sadasya itna pyara tha ki har kisi ne apni raat aakhon me kat liya… raat bhar Priya aur Hismanshu Jivisha ke sath-sath Nischal aur Nandni ki buraiyan karte rahe.


Jivisha ki bhabhi Nandita abhi iss haalat me nahi thi ki apne saas-sasur se koi bahas kar sake, lekin lagatar diye tano ko sunkar uska bhi dimag kharab ho raha tha. Jab Nandita se bardast nahi hua tab wo Jivisha ko hospital ke dusre hisse me le aayi. Wahin uske sath baithkar intzar bhi karti rahi aur sath me Jivisha ko bhi shant rakhe hui thi.


Sab log jahan baithe the, wahin pade-pade kab unki aankh lagi kisi ko pata bhi nahi chala, lekin Jivisha lagatar jaag kar bus apne betu ke jagne ka intzar kar rahi thi.


Subah ke 8 baje ke karib Chirag ko hosh aa gaya tha... Uske hosh mein aate hi doctor ne sabse pahle thane me suchna di aur baad me aakar unke pariwar jano ko iktala kiya..


Chirag ke jagte hi pura pariwar ander gaya. Chirag shant hokar bus sabko dekh raha tha... Jaise hi uski najar Jivisha par gayi wo didi kahte huye jor se chillaya..


Jivisha uske pass pahunch kar uske sar ko apne gode me leli aur uske baal par hath ferne lagi… "mera bahadur beta itna ghabraya kyon hai. Shant.. bilkul shant aur ghabrane ki koi jaroorat nahi.. thik hai betu"..


Chirag thoda shant hokar kuch der tak sabko dekhta raha… issi bich sawalker bhi wahan pahuncha… "kuch bataya kya, kaise behosh hua tha"..


Ravi:- aap kaisi baat kar rahe hain sir, abhi to hosh aaya hai usse…


Sawalker:- Oh sorry, kya abhi baat karne ke layak hai ya nahi…


Ravi:- Nahi ab bhi sadme mein hai.. pata nahi us Nichal ne mere bache ke sath kya kiya.. sab iski (Jivisha) bewakoofyon ki wajah se hua hai..


Sawalker:- Aap ka family matter hai ji, main kuch nahi kah sakta. Waise kya jab wo (Nischal) ghar par tha tab koi chori ki thi kya. Kimti saman ya gahne waigrah ki chori..


Ravi:- Nahi, kyon kya hua so..


Sawalker:- Bus yun hi pucha... Kal uss ladke aur ladki se meri baat hui… Nandni ye aap ki bahan ki kafi achi dost hai aur Nischal, Nandni ka kafi close friend hai.. ab bina chori kiye aap usse froud kah rahe to socha koi bahut badi wajah rahi hogi…


Sawalker ki baat sunkar sabhi kamosh ho gaye tabhi uski baat sunkar Chirag kahne laga… "Fufa ji ne kuch nahi kiya. Wo to maine ajib chij dekha to dar ke mare chhip gaya tha. Maine hi Nandni di ko phone kiya, fir fufa ji mere pass aaye the… main .. sans nahi le pa raha tha... Unhone apne muh se sans diya mujhe.. fir yun gale ke niche kuch kiya aur main so gaya"..


Piche se doctor bhi wahan pahunchte… "Aap logon ko thanks kahna chahiye usse, jisne bhi yah kiya hai… ye wakai me baut deep shock me tha. Itna bada shock iska chhota dimag jhel nahi pata".

good update

 

[mashish]

Update:-31​

Sawalker:- Mujhe nahi lagta ki ab koi FIR bhi honi chahiye. Main chalta hun sir, yadi kal raat FIR kiya hota to aaj aap sabko afsos karna parta....


Sawalker wahan se chala gaya aur idhar har koi khud me afsos karte huye rah gaye… kuch der baad doctor ne bhi Chirag ko hospital se chutti de di, sablog usse lekar ghar nikal gaye…


Idhar Sawalker ne apni aur apne logon ke raat ki hui bejjati ka badla bade pyar se lete huye, wo sidha apne thane pahuncha. Uske aaj khush hone ke kayi wajah thi aur har wajah ka karan Nischal hi tha…



Nandni ke flat.. subah 8.30 baje..


Dono hi ghode bechkar so rahe the… Ansh darbaja kholkar dakhil hua aur dono ko ek-ek baar awaj lagaya.. dono me se kisi ne jawab nahi diya. Ansh, Nandni ke kamre me jakar usse ek bar dekha aur aakar kitchen me sabke liye nasta banane laga..


Ansh apne kaam me laga hua tha, tabhi Nandni ki bhi nind khul gayi. Wo Ansh ko piche se gale lagati hui uske kano ke niche kiss karne lagi… Ansh apne hath me uthaye bartan ko wahin kitchen slab par rakhkar Nandni ke ore muda…


Nandni ek labmi shirt pahne thi, jisme niche usne kuch nahi dala tha… Nandni ko aise roop mein dekhkar Ansh ke hosh udd gaye… "Nandu wo tum"..


Nandni samne se bilkul Ansh se chipak gayi… Ansh ki aur haalat kharab ho gayi… uska gala sukhne laga... Isi bich Nandni apne aeriyon par khadi hokar uske hont ke karib apne hont le aayi…


Dono ki shwans ek dusre ke chehre par takrane lagi. Aakhen madhoshi me dub gayi aur hont karib aate huye.. ek dusre me sama gaye… abhi dubna shuru hi hua tha.. tabhi Ansh ko raat ki ghatna yaad aa gayi aur wo kiss ko todte huye… "Nischal"..


"darwaja band hai uske kamre ka".. itna kahkar Nandni fir se uske honth ko apne honth se lagati chumne lagi… Ansh bhi pura dubte huye kiss karne laga... Besabri se dono ek dusre ko chum rahe the aur ek dusre ke badan par hath fer rahe the... Isi bich cooker ki siti bajii aur dono hanste huye ek dusre se alag huye…


Nandni ne Ansh ko fresh hone bhej di aur subah ka nasta taiyar karne lagi… kuch der baad Ansh fresh hokar hall me aa gaya aur dianing table par baithte huye puchne laga… "Nandu ek baat puchhu"..


Nandni:- haan baba puchho na, itni formality kyon?


Ansh:- tum aise hi kapdon me nischal ke samne bhi khana pakati ho kya?


Ansh ka aisa puchna tha ki kitchen se uddti hui belan, Ansh ko lagte-lagte bachi… aur piche se gusse me tamtamayi Nandni bhi uske pass pahunch chuki thi…


Nandni, Ansh ko gusse mein ghurti hui kahne lagi…. "Doctor tumhe hum dono par shak hai kya? Ya fir jab bahar hote ho to dimag me chalte rahta ki hum dono yahan akele hote hain to kahin koi physical attechment to nahi"..


Ansh:- nahi Nandu tum bilkul galat soch rahi ho.. chhi chhi tum meri hone wali biwi ho aur main aisa nahi soch sakta.. lekin..


Nandni:- lekin kya doctor, puri baat bolo..


Ansh:- Lekin aise attrective look me dekh kar koi bhi ladka..


Nandni, gahri shwans leti Ansh ke pass baith gayi… "Main hum dono ka rishta shayad duniya ko nahi samjha sakti par tumhe to samjha hi sakti hun. Tumne kaha na wo mere aise bold look par attrect ho jayega… suno meri baat Ansh.. aaj raat tum isse kisi call girl ke pass lekar jao aur usse offer karna ki yadi Nischal uske sath sex karta hai. Sex ki baat chhodo agar uske roop ya adaa par ek percent ka bhi rujhan dikhata hai fir main usse aaj raat ko hi yahan se bahar nikal dungi…


Ansh:- Sorry Nandu, please jane bhi do iss baat ko..


Nandni:- nahi Ansh aise nahi jane de sakti iss baat ko. Jab humare riste me viswas bana hoga tabhi mithas aayegi.. warna tumhare mann ke kisi kone me, shak kahin na kahin rah hi jayega.. samjho ki ye tum apne sawal ke liye nahi balki humare riste ke liye kar rahe ho…


Ansh:- aur yadi kahin main attract ho gaya to…


Nandni:- wo ja raha hai na tumhare sath… wahin tumhara opration kar dega... Wo kewal dost nahi hai Ansh, usse kahin badhkar hai aur aaj raat tum bhi iss baat ko maan loge.. filhal uske room ka darwaja kholkar utho.. bhukkad.. kewal khana aur sona janta hai.. aaj hume admission ke liye bhi jana hoga…


Nandni, Ansh ki khushi ke liye filhaal to change karke chali aayi.. lekin usse viswas tha ki Ansh wo ladka nahi jo usse samjh na sake… Idhar Ansh, Nischal ko uthane ke liye, jaise hi uske upar se chadar hatane laga, wo chadar jor se pakad kar kahne laga… "Nandu, sone de, nahi to acha nahi hoga..."


Ansh:- uth jao sir Nandu nahi main hun ansh…


Nischal uthkar baithte huye…. "Kya doctor sahab-subah jaga diya"..


Abhi wo jaga hi tha ki tabhi uske mobile par Sawalker ka call aaya…. "Kya kar raha tha chhote"..


Nischal:- Soya hua tha bade bhaiya… Chirag se baat hui..


Sawalker:- Haan baat hui… wo bus kisi bhayanak chij ko dekh kar sadme me aa gaya tha. Clean chit tum dono ko.. jao aaj admission karwa lena..


Sawalker se baat karne ke baad Nischal ye khabar dono ko diya aur sabhi baith gaye khana khane… "Oye bhukkad aaram se kha na"..


Nischal:- doctor sahab apni honewali ko sambhalo, warna main iska khun kar dunga… waise kal kisi case ko dekhne gaye the na aap doctor sahab.. kya hua fir..


Ansh:- Bahut hi bhayanak case tha mat hi pucho uske bare me to acha hai.. koi khana nahi kha payega..


Nischal:- fir to acha hai aaj aadha pet nahi kahana parega…


Nandni:- jyada bakwas na kar aur jo mil raha hai chup chap kha le. Ansh koi jaroori nahi hai kuch bhi batane ki…


Sabhi ke bich tikhi nok jhonk chalti rahi. Ansh kha kar sone chala gaya aur dono taiyar hokar Vidhyapith admission ke liye nikal gaye… Nischal jab wahan pahuncha tab wahan ke mahol ko dekhte huye kahne laga.... "Ye to mast jagah hai yaar… yahan aakar to dil khush ho gaya"..


Nandni:- bus bhi karo Nischal abhi 2 sal hain aaram se baithkar ladkiyon ko tarte rahna .. pahle admission karwa de tumhara..


Nischal:- haan haan jaroor…


Seat na khali hone ki wajah se Nandni ko management kota se Nischal ka admission karwana para. Kafi paise ki unki demand thi. Nandni, Ansh se madad mangti hui usse sari baat batayi.. Ansh ne bina kisi sawal ke college account me 2lacks jama karwa diye..


Raat ke 8 baj rahe honge….. Jab Nischal ke kamre me Ansh pahuncha aur usse taiyar hokar apne sath chalne ke liye kahne laga… lekin Nichal mana karte huye usse aur Nandni ko bola chale jane… thodi si jid aur nischal taiyar tha..


Dono chal diye. Ansh nischal ko ek pub me le gaya jahan ka rangin mahol dekhkar Nischal khush hote huye kahne laga… "kya doctor babu, yahan lekar aa gaye.. kafi hari bhari jagah hai.…"


Ansh:- kuch apni masti bhi to banti hai Nischal, kuch piyoge kya?


Nischal ki pichhli yaden jaise taja ho gayi ho, Kasak aur Jivisha ki disco wali aur wo ansh ko mana karte huye bus apne hi dhun me nachne laga… tabhi wahan 2-3 ladkiyon ne use gher liya… Nischal jab apne dhun se bahar nikla tab usne paya ki kuch ladkiya usse chhu rahi hain ..


Nischal unhe bade aaram se samjhate huye kahne laga… "dekho koi mujhe hath lagaye mujhe acha nahi lagta.. isliye tum apna enjoy karo aur main apna kar raha hun"..


Unke bich ki ek ladki kahne lagi… "hey handsome, hum tumhe chhu kar dekh rahe hain to tum bhi hume chhu kar dekh lo"..


Ajib hi mahol tha aur Nischal ko wakai kisi ka chhuna jara bhi bha nahi raha tha.. usse aisa lag raha tha jaise koi jabardasti usse koi kaam karne kah raha hai… wah samjh chuka tha ki kuch der yadi wo aur ruka, to yahan kisi se jhagra hona nischit hai, fir chahe wo koi ladki hi kyon na ho.


Nischal mahol ko bhaanpte huye, wahan se nikalne mein hi apni bhalai samjha aur wahan se nikal gaya. Ek ladki ke viswas ki kahani jo sach ho rahi thi. Halanki nischal ne na to college me apni bhawana ko chhipaya tha aur na hi pub me… wo bhi wahan ke mahol ko dekhkar khush tha.. lekin un ladkiyo ko dekhne matr ki bhawna thi bus..


Khair jab nischal bahar nikal raha tha thik ussi ke piche Anah bhi nikala aur Nischal ko chhedte huye kahne laga… "kya hua itni ladkiyan tumpar attrect thi aur tum wahan se bhag aaye"..


Nischal:- Doctor sahab wo attrect thi lekin main nahi… kuch baten aap nahi samjh sakte..


Ansh:- Samjhaoge to kyon nahi samajh sakta.. ek baar bolkar to dekho..


Nischal:- Upar kya main koi alian bhasa bola ki main kisi se attract nahi hota.. aur yahi baat aap nahi samjh rahe.. ab kya 5 baar explain karun…


Ansh:- oh aisi baat thi kya… mujhe laga kisi ke sath pyar ho gaya hai, fir aisa kah rahe ho..


Nischal:- doctor sach hi Nandu kahti hai..


Ansh:- kya?


Nischal:- ek number ke gadhe ho aap.. chalo ab yahan se.


Nischal aur Ansh dono hi wapas laut rahe the.. raste se hi Ansh ne isharon-isharon me Nandni ko bata diya ki wo bilkul sahi thi aur ab koi second thought nahi aane wala… is mauke par thoda pyar batne Ansh, Nischal ko lekar wahain pahunch gaya jahan Nandni gol gappe kha rahi thi.


Teeno jab mile tab Ansh aur Nandni ke chehre par ajib hi khushi thi. Dono ko dekhkar wo samjha to nahi, ki dono kis baat se khush hain, lekin unko itne pyar se muskurate dekh wo bhi khush ho gaya…


Teeno thele se golgappe kha hi rahe the .. isi bich Nischal ko jani pahchani si badbu aane lagi. Wo apne aas pass dekha.. kafi bhid bhad thi wahan. Kayi sare log jinhe pata tak nahi tha ki wahan kya aa chuka hai. Un logon me Nandni aur ansh bhi tha jo pyar se ek dusre ko gol gappe khila rahe the..


Nischal ke najron ke samne wo bhayanak sa khoonkhar janwar, piche nirdosh logon ki bhid jisme uski sabse karibi bhi thi. Ladai karna yahan to sambhaw nahi tha kyonki collateral damage me kayi sare log mare jate. Yahan se bhaga bhi nahi ja sakta tha, kyonki wo janwar picha karte waqt apne raste me aane wale har kisi ko marta chala jayega… aur yadi Nahi lade to wo nischal ko bicho bich chir kar nikal jayega aur sabko lagega ki yahan koi jadu hua tha… waqt jyada nahi tha aur kuch hi palon me nischal ko faisla lena tha.

awesome super update

 

[mashish]

Update:-32​

Nischal ke najron ke samne wo bhayanak sa khoonkhar janwar, piche nirdosh logon ki bhid jisme uski sabse karibi bhi thi. Ladai karna yahan to sambhaw nahi tha kyonki collateral damage me kayi sare log mare jate. Yahan se bhaga bhi nahi ja sakta tha, kyonki wo janwar picha karte waqt apne raste me aane wale har kisi ko marta chala jayega… aur yadi Nahi lade to wo nischal ko bicho bich chir kar nikal jayega aur sabko lagega ki yahan koi jadu hua tha… waqt jyada nahi tha aur kuch hi palon me nischal ko faisla lena tha.


Nischal ne najar ghuma kar mahol ka jayja liya. Hawa ki raftar aur tabhi achanak logon ki bijli ke taar se chingariyan uthti hui dikhi. Iss se pahle ki koi hadsa hota Nischal bina kisi ki najar me aaye kuch logon ko bijli ke taar ke raste se hata chuka tha.


Log dar ke mare bhagne lage. Turant hi uss area ki light bhi kat di gayi aur koi bhi apriya ghatna hone se bach gaya. Log itne dare huye the ki kisi ko pata tak na chala ki bijli ki taar tootkar kuch der tak hawa me hi kyon rah gayi aur jabtak wo niche giri tabtak log surakhsit the.


Nandni bhi Ansh aur Nischal ko lekar apne ghar nikal gayi. Ghar laut'te hi doctor sahab aaj ki raat fir se lab ke liye nikal gaye aur Nandni khana banane lagi. Tabhi Nischal uske pass aakar kahne laga… "Aaj raat Kasak ko wahan se nikalna hoga"..


Nandni:- Kya hua, tumhe kuch pata chala hai Nischal..


Nischal:- Main Chirag se akele me mila tha, usne Kasak ko kisi janwar ke roop me dekha tha.. jo kisi dusre janwar ko chir kar uska khun pi rahi thi.


Nandni:- Oh My God… Nischal mujhe bahut dar lag raha hai. Iska matlab wo wahan kisi ko bhi mar sakte hain...


Nischal:- Zoren washi.. jinhe khun, logon ki tarap aur uske dard ki siskiyan dekhne ka ajib nasha hota hai.


Nandni:- Tumhare kahne ka kya matlab hai..


Nischal… Itni detail batane ka samany nahi hai, filhaal main ja raha hun Kasak ko chhudane lautkar sab bataunga..


Nandni:- Oye ruk main bhi chalti hun… tu raste me sari baten mujhe bata dena…


Nischal:- Pagal hai kya wahan bahut khatra hoga… mat ja..


Nandni:- Main bhi prithwi washi hun.. koi bhi khatra mujhe dara nahi sakti.


Nischal:- thik hai barboli chal fir.. kitni jaldi tum log biti baten bhulte ho… bhul gayi us din 5 bar marte-marte bachi thi..


Nandni taiyar hoti apne kamre se hi kahne lagi… "wo pahli baar tha ullu… ab thode na main darti hun"…


Kuch hi der me track suit, jute aur upar sport bra pahan kar chali aayi… uska huliya dekhte huye…. "Tu kya race me participate karne ja rahi hai"..


Nandni… Are har mauke ke liye hume taiyar hona chahiye.. kahin koi ladai hui to mujhe wahan se bhagne me aasani hogi…


"Haan, agar us janwar ke muh me jane se bach gayi to"..…


Dono hi thodi der me Shresh ke ghar ke liye nikal gaye… Idhar Nischal ke Grah Aizem se uske do satir marak, Apini ke pate par pahunch gaye the aur uske ke kuch der baad… Apini, Josefer aur Tanisha chidhe huye laut rahe the. Unhe bus is baat ka afsos ho raha tha ki aaj wo bijli ka taar nahi hota to Nischal gaya tha...


Teeno hi apne janwar ke sath jaise hi ander prawesh kiye unhe Aizem se aaye mehmano ke bhi darshan ho gaye. Abhi kuch baten shuru bhi nahi hui thi ki bahar se unka ek admi ander aate huye kahne laga… Nischal aa gaya…


Nischal ka Naam sunte hi wo jagah khali ho gayi aur sab kahin chhip chuke the. Idhar Nandni aur Nischal dono jaise hi gate par pahunche... "Dekh tu to bahut bada fighter hai, kyon na tu Daya ke tarah darwaja tod kar ander jaye aur sare criminal ko maar kar Kasak ko wapas le aaye"..


Nischal:- Tu chal chupchap, jaise main le ja raha hun.. raste me tujhe Zoren wasiyon ke bare me sab bataya na, ab chal..


Nandni:- tu ek kaam kar jakar Kasak ko bacha kar la aur main yahin tera intzar karti hun..


Nischal:- Unhe pata hai ki hum yahan hain.. lekin shayad sabhi apne asli roop me hain isliye chhip gaye hain kahin.. tu yahan khadi rahi to khatra hai tujhe..


Nandni:- kya matlab tera.. wo log jante hain ki hum yahan hai..


Nischal:- Duffer kahin ki mere blood pressure kyon high kar rahi… Dekh nahi rahi darwaja khula hai.. wahan car ki light jal rahi hai.. ander ka darwaja khula hai aur kisi ka kuch pata nahi.


Nandni:- Nischal sun na..


Nischal:- kya hua…


Nandni:- mujhe na jor ki bathroom aayi hai.. main kya soch rahi thi tu jakar bacha la Kasak ko aur main flat par jati hun..


"Tu kaam badhayegi.. ye le pahan, wo janwar dikhe to batana".. Nischal, Nandni ke aakhon par ek high wave glass chadha diya aur usse gode me utha kar sidha ussi kabad khane me chal diya…


Wahi badbu, wahi siran bilkul andhera kabad khana. Nischal ne tourch jalaya aur Nandni hanuman chalisa padhti hui aage badhne lagi. Dono badhte huye kabadkhane ke us hisse mein pahunche jahan Kasak bandhi hui thi.


Nischal ne ek bar fir jab Kasak ko karib se dekha to ussi ko dhyan se dekhne laga. "Nischal.. Nischal".. Nandni apna gala fad kar 2 baar Nuschal pukari lekin dar se uski awaz nikal hi nahi rahi thi. Itne me wo dobara jor-jor se Nischal bolne ki kosis ki aur uske hath ko jor-jor se hilayi…


Nischal, Nandni ko dekhte huye puchne laga kya hua.. Nandni kosis to kar rahi thi lekin uske halakh se awaz nahi nikal rahi thi.. isi bich wo Nischal ko aur bhi jod se hilati hui upar ke ore dekhne ka ishara ki…


Nischal ne jaise hi tourch ki raushni upar kiya … Nichal ko apna sar kisi bade janwar ke muh ke ander dikhne laga.. jo uske sar ko chabane ke irade se apna muh band kar hi chuka tha lekin uss se pahle Nischal niche baith gaya aur Nandni ki shwans chadh gayi… muh band karte karte uss janwar ne Nischal ke upar kuch ganda aur chipchipa uske upar gira diya..


Nichal khada hokar uss janwar ko ghurte huye dekha aur uske bade se muh par apne chhotu se hathon se 2 thappad marte huye kahne laga… "Sale dikhta nahi ladies kitni dar gayi hai… Nandu dar mat.. main jinda hun.. aur tujhe darane ki saza de raha hun… beta sar uthakar dekh to sahi… dusri baar me dar nahi lagta hai na"…


Nandni apni aakhen munde Nischal ko aur jor se pakadti hui… "jai hanuman gyan gun sagar".. lagatar padhne lagi.


Nischal se thappad khane ke baad wo janwar wapas diwal par piche chadha aur dobara apna Jabra fade wo Nichal ke ore badha…. Jaise he uska baḍa sa fata muh, Nischal ke chehre ke pass pahuncha, wo apni jagah ruk gaya. Kuch pal wo yuṅ he ruka raha aur uss ke baad wo janwar tej awaz me chillate huye ek bar fir apne muh se kuch ganda chip-chipa dravya ki barish karke Nischal ke upar se hata, aur wahan se bhag gaya”


Nischal, khada ho kar khud ko saaf karne laga. Uss ka badan pura chip-chipa ho gaya tha…. “Waise itna bura bhi nahi. Par ye bhag kidhar gaya” Nischal usse har kone ḍhuṅḍhne laga…..

______________________​

“Aaj tumhara janwar bach gaya, warna wo mara jata”…


“Ha ha ha, Achha mazak tha, apne aakhon se itna kuch dekhne ke baad bhi”…


“Tumhe itna viswas kyoṅ hai apne iss janwar par. Jis ke upar tumhara janwar hawi ho raha tha, wo uss se bhi baḍa janwar hai”.


“Viswas isliye hai kyonki ye janwar, tumhare iss aadmi ko pahle bhi chir chuka hai. Aur aaj to nigal he jata, bacha liya tum logoṅ ne”


Nischal, Nandni aur Kasak ke jate hi sablog wapas band kamre ke ander pahunche.. jahan Aizem wale Nischal ki badai karte huye uss janwar ko nischal ke aage bauna bata rahe the wahin Apini, apne janwar ko Nischal ka kaal shabit karne me laga hua tha.


Ruki aur Soki tha to Nischal ka dushman, lekin sath he sath uss ka bahut baḍa fan bhi tha. Nischal ki shaan me abhi usne he kaside paḍhe the, jis ka jabaw Josefer ne diya tha. Sabaiya ke ye dono he guptachar, dimaġ se kafi tej aur sab se shatir mane jate the.


Ruki…. Oh itna vishwas apne janwar par. Achha dhyan se suno main ek kahani tumhe sunata huṅ…..


“Ek sasak tha… Abinasbhi ke naam se wo jana jata tha. Uss Abhinasbhi ke pass 100000 janawaroṅ ki fauj thi. Janwar wo aise the jaise tumhare 10 janwar ke barabar ek janwar ho. Aizem grah par tab humari seema bahut he chhoti hua karti thi aur wo sasak Aizem grah ke bilkul madhya me sasan kiya karta tha”.


“Uss ke sabhi sima ki surksha uss ke sainikoṅ ke sath uss ka wo janwar karta tha. Oh ek baat to batana bhul gaya. Wo Abhinasbhi sasak jo tha, itna shaktishali hone ke bawjood bhi kafi saral, aur shantipriya tha. Unhi dino ek chhota sa ladka, kyoṅ Suko chhota ladka he kahenge na”


Suko…. Haaṅ Ruki, chhota ladka he kahenge….


Ruki…. “Haaṅ to ek chhota sa ladka tha humare seema me. Apni maa ka chaheta aur bilkul shantipriya. Par humare seema ke jo sasak hai na wo bilkul bhi shantipriya nahi hain. Khair sasak ki baat jane do, wo to baad ki kahani hai. Pahle tum uss chhote se ladke ki kahani suno”.


“Wo chhota sa ladka khelte huye ek baar uttari seema se uss Abhinasbhi ki seema me ghus gaya. Uss waqt Abhinasbhi bhi ussi seema ka muayna kar rahe the. Jab wo ladka uss seema me ghusa, tab uss ke upar 10 sainikoṅ ne ek sath humla bola, aur usse giraftaar kar ke Abhinasbhi ke pass le gaye. Abhinasbhi ne jab uss chhote se ladkey ko dekha to itna he pucha… “Kya ġalti se idhar aa gaye ho”… Kya tum sab jante ho uss ladkey ne uss sasak ki aaṅkhoṅ me dekh kar kya bola tha”….


Apini…. Bola hoga, haaṅ, ġalti se iss ore chala aaya….


Ruki….. “Ha ha ha, nahi uss ne aisa nahi kaha. Uss ladke ne Abhinasbhi ki aakhon me aakhen dal kar kaha… “Wo to bas iss seema ke ander, uss ke sainikoṅ ki shakti ko parakhne aaya tha”. Raja uss ki baat par hasne lage, aur turant uss ne apne sipahiyoṅ se uss ladkey ko chhodne ka hukum diya”.


“Abhinasbhi uss chhote ladkey ko khula chhod kar, apne sainikoṅ ke sath shakti parikshaṇ karne kaha. Uss chhote se ladkey ne palak jhapakne se pahle he wahan khadey 10 sainikoṅ ko maar kar jamin par gira chuka tha”.


“Bache sainikoṅ ne jab ye dekha, to un logoṅ ne apna ek janwar khula chhod diya. Uss janwar ki dahaṛ itni joṛ ki thi, ki sun’ne wale ka aadha hausala wahiṅ past ho jaye. Ṭhik tumhare janwar jaise uss janwar ne bhi uss par humla kiya. Wo ladka niche tha aur wo janwar upar, aur jaise he wo uss ladkey ko marne wala tha, raja ne usse rok diya”.


“Jab wo ladka khada hua to raja muskurate huye kahne lage, “Abhi tum laḍai ke liye bahut chhote ho. Iss me tumhari jaan ja sakti hai”. Wo chhota sa ladka uss raja ki baat par joṛ se haste huye kahne laga…. “Wo to mere palṭu janwar ke sath khelne jaisa tha. Ye uss ki kismat hai jo aaj wo janwar bach gaya”….


“Abhinasbhi, uss ladke ki baat par janwar ko fir se chhodne ka hukum de diya. Dekhne wale batate hain ki wo janwar aur wo ladka jab aamne samne khadey the, to aisa lag raha tha jaise ek baḍe parwat ke samne chhota sa chaṭṭan khada hai”.


“Jab laḍai shuru hui thi, to wo ladka Abhinasbhi ke aakhon me ek baar fir dekhte huye let gaya. Aur jab wo janwar uss chhote se ladke ke dono hath daboch kar uss ke upar tha, tab wo attahas bhadi awaz me hunkar bhaḍa…. “Issi jagah se he tum ne apne janwar ko haṭa kar ye jataya na ki tumne meri jaan bachayi”….,


“Abhinasbhi ko laga, aaj ye ladka apne baḍbolepan ke karaṇ marega. Lekin uss chhan raja ki aaṅkh fati ki fati rah gayi jab wo ladka teji dikhate huye uss janwar ke niche se haṭa, aur dekhte he dekhte uss janwar ke panjon se hote huye, uske kandhe se ho kar, uss ke sir tak pahunch gaya. Wo ladka uss janwar ke sir par chaḍh kar, ṭhik uss ke madhya sir par apne hath ke war se uss janwar ka sir fad diya, aur uss ke ander ghus gaya. Sir se ho kar pet tak, sab farte wo bahar aaya tha”.


“Jab wo bahar nikla to raja ke aakhon ke samne wo bhimkay janwar dharasayi hota, jamin par gir raha tha. Raja uss ka parakram dekh kar dang rah gaya aur udhar uss ke sainik ko laga, kahin ye ladka Abhinasbhi ko na maar de, isliye uss ne ek sath apne 10 janawaroṅ ko chhod diya”.


“Wahan maujood kisi bhi sainik aur raja ko kuch bhi najar nahi aa raha tha. Gola bana kar sabhi janwar khadey the aur bich me wo ladka. Kisi ko kuch najar nahi aa raha tha, bus janwar ki chinghar sunai de rahi thi. Ek baar hi wo ladka dikha jo ek janwar ka sir phaḍ kar, chhalang lagate wo ladka sidha Abhinasbhi ke kadmoṅ me kuda. Idhar wo ladka jab tak hawa se jamin par aaya, udhar wo sare janwar bhi jamin par ḍher ho gaye”.


“Aur aap sab abhi sun rahe the, mere aaṅkhoṅ dekha aur bilkul sachi ghaṭna, Nischal ke bare me. Ek aisa shikari, jab wo shikar par nikalta hai to kai faujeṅ kam pad jati hain. Tum agar Nischal se jit rahe ho to tum bas ye samjh lena ki wo tumhe jita raha hai”.


Apini…. Samjh gaya. Waise tumhare gaṛh par kewal yahi ek hai, ya iss jaisa aur bhi hain.


Suko…. Ha, ha, ha… yadi kewal ye akela apne jaisa hota, to kya pura Aizem grah iss ka nahi hota. Haaṅ iss jaisa to koi nahi, lekin iss ka matlab ye nahi ki isse haraya nahi ja sakta. Ek baar haar kar bhaga aaya hai, iss baar isse hara kar iss ki aakhri manzil tak pahuṅchana hai. Bas tum sab dhairya rakho.


Apini…. Fir humare maksad ka kya hoga. Ye to humare raste me aa raha hai.


Ruki…. To tum sab iss ke raste se hat jao. Akalmandi issi me hai ki Nischal ko bhul jao. Abhi to wo apni puri urja me lag raha hai, iss waqt to tum usse chhu bhi na paoge”


Apini…. Fir hum kya kareṅ…


Suko…. Jo hum sab karne wale hain… iss par najar rakho. Waqt hamesa ussi ka sath de, aisa sambhaw nahi. To bas intzar karo, aur intzar karo Nischal ke achhe waqt jane ka, aur humare achha waqt aane ka….


Josefer…. Aur ye waqt kab aayega….


Suko…. Wo to waqt ki marji hai. Hum waqt ke ġulaam hain, waqt humara nahi, isliye intzar karo apna sahi waqt aane ka.


Apini…. Hmmm !!! Ṭhik hai, hum sab uss waqt tak rukenge… lekin mujhe tum dono se wada chahiye ki Malkia ko kuch nahi hoga…


Ruki…. Ha, ha, ha…. Yadi wo tumhare Malkia ke piche hai to mera viswas rakho thumhari Malkia ko kuch nahi hoga. Haaṅ lekin tum sab uss ke pichhe paḍe rahe to tum sab ko jaroor kuch na kuch ho jayega. Isliye dur raho uss se, aur jaisa hum kahte hain bas karte jao.


Josefer…. Tumhari salah par hum gaur to jaroor karte, lekin jo itna baṛa parakrami hai, usse ek baar apni najron ke samne parakhna to paṛega na… kyoṅ Apini..


Apini…. Haaṅ bilkul….



Idhar uss ghar me…. Nischal


“Pata nahi kahaṅ bhag gaya, kahin koi mujh par najar to nahi diye”….. fir Nischal khud he baḍa sa jibh nikalte….. “Aaeeeeee….. Najar, diye hai to dete rahe, main chala apna kaam karne”


Nischal ne Kasak ke bandhan khol ḍale. Usse bahut jagane ki kosis bhi kiya lekin wo jagi nahi. Jab wo nahi jagi to Nischal usse uṭha kar bahar tak le aaya…. “Nandu, sara kaam ho gaya hai, car le kar spot par aao, Kasak behosh hai”


Flat pahunchkar Nischal ne Kasak ko sofe par litaya aur uss chipchipa dravya ko saaf karne wo sidha bathroom me ghusa, lekin bathroom me jane se pahle Nandni ko khana taiyar karne ke liye bolta gaya.


Jab Nischal bathroom se nikal raha tha tab Nandni uske bathroom ke darwaje par khadi thi… "tumhe kya hua aur khana kyon nahi bana rahi"..


Nandni:- Nahi bus tu mere sath rah, mere paun kanp rahe hain..


Nischal:- aur mera khana..


Nandni:- bhukkad kahin ka mujhe hi kha ja… sun'na mujhe dar lag raha hai.. tu mere pass rah na..


Nischal:- Acha thik hai chal tu khana banana main tere pass rahunga.


Nandni:- aaj tu hi bana de na.. main kal bana lungi…


Nischal:- off o.. kitna dar rahi hai… chal chhod ye sab.. college shuru ho raha to abhi hum chalte hain bahar… kuch shopping, wahin se dinner aur der raat wapsi.. thoda ghumegi to dar bhi chala jayega…


Nandni:- haan thik hai chal…


Nischal:- oye pagal main towel me hun aur tu track suit me wo bhi upar tune wo apni stylish sport bra pahan rakhi hai..


Nandni… haan to jaldi kapde pahan na..


Nichal apne kapde nikalkar jab wapas muda tab bhi Nandni wahin baithi rahi… Ab kya itna dar lag raha hai ki kahin jayegi hi nahi…


Nandni ne "haan" me apna sar hila kar jawab di aur wahin baithi rahi. Nischal bhi jaldi se taiyar hua fir le jakar Nandni ke upar ek t-shirt dalwaya aur dono wahan se nikal gaye… shopping, dinner aur batchit ke bich Nandni ka dar bhi kahin gayab ho gaya… kuch der baad dono, jab ghum fir kar wapas complex me pahunche to wahan bhi afra-tafri ka mahol tha.


Un logoṅ ke samne he police van uss complex me ghusi. Nandni, wathchman se…. “Kya ho gaya colony me, jo raat ke 12 baje itna gossip chal raha hai, aur police tak aa pahuṅchi”.


Wathchman…. Pata nahi maim sahab, upar ke flat me koi lafda hai. Sayad koi laḍki kidnapped hui hai aur kidnapper ne usse yahiṅ la kar rakha hai.


Nandni…. Kitna bewakoof kidnapper hai, usse le kar bhi aaye to aise jagah me, upar se usse khula chhod rakha hai chillane ke liye.


Nischal…. Hume kya karna hai, chalo hum apne flat me chalte hain….


Dono upar apne floor me aaye. Apne floor par chalti hui Nandni…. “Hey Nischal dekh na, lagta hai apne he floor par kand hua hai”


Thoḍa aur aage badhe to Nischal…. “Nandu, apne floor par he nahi, balki lagta hai, apne flat ke ass-pass he kand hua hai”



Bhiḍ ko chirte jab dono thoda aur aage badhe to Sawalker unhe mil gaya…. “Mujhe pura ummid tha, ye kand bhi tum dono se he juda hoga”…. Sawalker bahar dono se baat kaṛ he raha tha, itne me ander se Kasak fir se joṛ-joṛ se chillayi…. “Help me… help me please… koi to bachao, mera kidnap ho gaya hai, rape hone wala hai… kuch der me katal bhi kar dega…. Koi to madad karo, help me pleaseeeeee”…..

super duper update

 

[mashish]

Update:-33​

Bhiḍ ko chirte jab teeno thoda aur aage badhe to Sawalker unhe mil gaya…. “Mujhe pura ummid tha, ye kand bhi tum dono se he juda hoga”…. Sawalker bahar teeno se baat kaṛ he raha tha, itne me ander se Kasak fir se joṛ-joṛ se chillayi…. “Help me… help me please… koi to bachao, mera kidnap ho gaya hai, rape hone wala hai… kuch der me katal bhi kar dega…. Koi to madad karo, help me pleaseeeeee”…..


Sawalker, darwaje ke ore ishara karte…. “Kholo isse”


Jaise he darwaja khula, Kasak aaṅkheṅ munde jo samne aaya, ussi se lipaṭ kar chillane lagi…. “Bachao, bachao, bachao… mujhe bachao”


Sawalker…. Godpade, public ko side kar, sab ko apne-apne flat me bhej. Aur miss (Kasak se) aap kya chipki he rahengi. Chhoriye isse aur chaliye ander…


Sawalker ki policiya awaz sunkar Kasak, Nischal se alag hui. Jab wo alag hui, to usse Nandni bhi najar aane lagi.. aur jaise he Nandni usse dikhi…. “Nandni, mujhe bacha le, mera kidnap ho gaya… bacha le… bacha le”


Sawalker…. Shant ho jao, chalo ander chal kar baat karte hain. Waise miss…


Kasak…. Ji Kasak naam hai mera.


Sawalker…. Haaṅ to miss Kasak, jis laḍki se aap bachao-bachao ki guhar laga rahi hain, abhi kuch der pahle ussi ke flat me aap kidnapped hui thi.


Kasak bilkul apni dono aaṅkheṅ failati…. “Haynnnn.. ye Nandni ka flat hai”


Sab log ander aa gaye. Sabhi ek taraf se hall me baithe, tukur-tukur ek dusre ko dekh rahe the. Aur Kasak ki isthiti to sab se jyada vichitr thi. Kabhi wo Nischal ko dekh rahi thi, to kabhi Nandni ko, to kabhi Sawalker ko aur teeno ko dekh kar kabhi apne sir khuja rahi thi, to kabhi matha pit rahi thi.


Sawalker…. Miss Kasak, kya aap batayengi, kis ne aap ko kidnap kiya?


Aisa laga jaise Kasak ne Sawalker ka sawal suna he na ho. Wo abhi bhi apne achrya bhare najron se teeno ko dekh rahi thi….. “Tum Nischal ho na, tumhe lagta hai dekha hai, fir bhi lagta hai nahi dekha. Ye wahi inspector hai na jo Chirag ke case me aaye the, inhe bhi lagta hai ki dekha hai, par nahi dekha”.


Sawalker, Nandni aur Nischal se…. “Ye kya pagal hai, jo ye aise baḍabaḍa rahi hai. Abhi uss din he to ye apne ghar me mujh se mili thi”.


Nischal, Sawalker ko side me le jate…. “Baḍe bhaiya, uss ki dimaġi haalat ṭhik nahi hai, tabhi to kamre me band kar rakha tha. Aap jao hum isse sambhal lenge”.


Sawalker….. “Pagal hai” aur itna kah kar, apna muṅdi ghuma kar ek baar Kasak ko dekha…. “Bechari, itni cute dikhti hai aur isse pagalpan hai”


Nischal…. Haaṅ baḍe bhaiya.


Sawalker ek baar fir uss ki ore dekhte….. “Bechari. Waise ye khatarnak to nahi na. Kah to mental hospital ki gaḍi bulwa dun”.


Nischal…. Aam taur par to bilkul khatarnak nahi, lekin pata nahi police waloṅ ko dekh kar isse kya ho jata hai. Wo aisa show karegi ki wo police se bahut ḍarti hai, aur jab mauka mila to humla karne se nahi chukti. Aurangabad me 3 police wale par aisa humla ki, bechare 70% vikalang ghoshit ho gaye.


“Hey Bhagwan…. jab se ye log mile hain, aisa kyoṅ lagta hai sare pagal mere he kundli me aa kar bas gaye. Humla kar deti to case bhi nahi banta”…. Sawalkar, Kasak ko dekh kar gahri chintan karne laga…


Nischal….. “Kya hua baḍe bhaiya”….. Sawalker… “Mujhe kuch kaam yaad aa gaya. Ja raha huṅ, tum apna khyal rakhna”


Sawalker ko bhagte dekh, Nandni uss ke pass pahuṅchi….. “Ye sir ko kya hua, aise bhage jaise bhut dekha ho, aur ye Kasak aise paglon ki tarah kyoṅ kar rahi hai. Kahti hai ye sab kand hote dekha hai, par nahi dekha”


Nischal…. Arre wo log Kasak ko wapas chhodne wale the, isliye uss nakli Kasak ke sare vision iss ke ander dal diya. Ab iss ke visonary part kahta hai iss ne sab dekha, par mind ki status ye hai ki uss ne kuch nahi dekha. Bas issi me fasi hai bechari.


Nandni…. Na tu Dr bhi ho ja, engineer bhi ho ja, aur ab to tu scientist bhi ho ja. Internet par tujhe ye sab jankari mil kahaṅ se jati hai.


Nischal…. Duffer, sara kuch main earth se he sikhuṅga, humara garah par to science hai he nahi. Sab aṅguṭhachhap he baste hai na. Ullu, maine bhasha kaise sikha tha. Nuro-transmitter ke jaṛiye sara deta mere brain me insert kar diya gaya tha. Ab jo admi ye brain me insert wala kaam karwate rahta hai, wo itna bhi nahi samjhega kya?


Nandni…. Sorry baba, bhaḍkta kyoṅ hai. Ye bata ab iss ka kya kareṅ.


Nischal…. Kuch nahi ek sone wala goli de kar sula de. Achhe se soyegi to brain me kal tak sab adjust ho jayega.


Nandni ne ṭhik waisa he kiya, jaisa Nischal ne karne ko kaha. Jab Kasak gahri nind me thi, Nischal baḍe safai se usse Jivisha ke kamre me ja kar sula diya. Jab wo Kasak ko liṭa kar laut raha tha, Jivisha karwaṭ badalti Nischal ki ore muṛ gayi.


Nischal ka dhyan soti hui Jivisha par gaya. Apne chehre ko hathoṅ pe ṭika, wo baḍe gaur se Jivisha ko dekhne laga. Kitni masoom dikh rahi thi Jivisha. Uss ke pyara sa roop dekh kar Nischal ka man usse chumne ka karne laga. Lekin Jivisha ke badan me hui thodi si hulchal se Nischal ka dhyan toot gaya, aur wo apne sir par hath marta wapas aa gaya….


Agli subah jab Kasak ki nind khuli to sab normal tha. Raat ki baat usse kisi sapne ki tarah lagi, aur khud ke sir par he marti wo kahne lagi…. “Main bhi kitni badi duffer huṅ”. Idhar dono bahne taiyar ho kar college jane ke liye nikli aur udhar Nischal aur Nandni.



College ke raste me Kasak aur Jivisha….


Kasak…. “Jivi pata nahi uss din mere muh se sab sach kaise nikal gaya. Sorry bahna, manf kar de”. Aur itna kah kar Kasak, Jivisha ke bilkul samne khadi ho gayi aur apne dono kaan pakaḍ li.


Jivisha, Kasak ke kano se hath hata’ti…. “Mujhe tumhari baat ka bilkul bura nahi laga Kasak. Jhuṭh to jhuṭh he hota hai na. Main bhi to reel life ko real life se mix kar rahi thi, par kyoṅ bhul gayi ki wahan to sab kuch plan hota hai aur life is all about uncertain”.


Kasak…. Kya baat hai, life is all about uncertain. To fir ye bata ki meri bahna ki haṅsi kyoṅ ġayab hai. Ab jo ho gaya kya usse bhula kar tu normal nahi ho sakti. Kamini tune to muskurana tak chhod diya.


Jivisha…. Hat pagal kuch bhi sochti hai. Khush huṅ main Sachi re. Ab college chaleṅ ya gappe he marti rahegi.


Kasak, ne aage iss par baat karna ṭhik nahi samjha aur wo chup ho kar drive karne lagi.



College ke raste me Nischal aur Nandni….


Nandni…. Kya baat hai mere sher, aaj to laḍkiyoṅ ki tarah cream powder laga kar taiyar hua hai. Jivisha ko dikhane ja raha hai… haaṅ bol, bol… bol na…


Nischal…. Kuch bhi haaṅ, samne dhyan de, accident na karwa dena…


Nandni…. Oh ho ladkey ki jarra muski to dekho…. Aay hay najar na lage. Chal-chal, jaldi college chal, tere liye to aaj Jivisha bhi taiyar ho kar aayi hogi…..


“Sach me Nandni” …. Wheel ke crouching ki awaz, aur tej break ke sath car ruk gayi. Nandni ke car ke samne, D.sp ki jeep syren deti rasta roke khadi thi. Nandni aur Nischal ne ek dusre ko dekha aur dono car se bahar aaye. Aur jab car se bahar aaye to samne Sawalker D.sp ki jeep se bahar utar raha tha…..


Nandni…. Had hai yaar, tu ye kis se dosti kar liya hai, har jagah dikh jata hai. Ab ye college time me rasta roke kahe khada hai….


Sawalker dono ke pass pahuṅcha, aur ajib tarah se khada ho kar, kabhi apne jeep ko to kabhi apne wardi ke star ki ore ishara kar raha tha…. “Kya hua baḍe bhaiya, aaj kuch badle-badle najar aa rahe hain”.


Sawalker, Nischal ke gale lag kar uss ka gal chumte….. “Jis criminal ko hum ne pakaḍ tha, uss ke liye govt. ne mujhe permote kar ke D.sp bana diya.


Nischal…. Baḍe bhaiya, ye kya sukhe-sukhe good news suna rahe, party to banti hai na bhai.


Sawalker…. Haaṅ, haaṅ… aaj raat grand masti karenge hum. Nandni, tum bhi invited ho. Wo sab evening me, abhi chal mere sath college.


Nischal…. Arre baḍe bhaiya, Nandni to hai na sath me. Hum dono chale jayenge.


Sawalker…. Arre pahla din hai college ka. D.sp ki jeep se tu utarega, aur jab kahega D.sp tera bhai hai to tera rob jamega na college me”.


Nandni…. Wahan commisnor ke bete ki bhi izzat nahi hai…


Nandni, taunt karti, dono ko sunati hui kahi. Iss par Nischal pratikirya dete….. “Chalo baḍe bhaiya, ye to meri raging karwayegi college ke pahle din, isliye jal kar aisa bol rahi. Aap chalo baḍe bhaiya”.



Sawalker…. Haaṅ chal choṭe. Waise bhi ye laḍkiyaṅ jealous hoti hain, kisi ka bhala, in se dekha nahi jata.


Sawalker aur Nischal dono Nandni ke samne se nikal gaye…. “Dono pure duffer hain. Post graduation ke class me kahe ki raging… kaun samjhaye inhe”.


Khair jab dono college pahunche, Sawalker ko bas ye dikhana tha ki, wo D.sp ban gaya hai. Lekin bechara, usse kya pata tha aaj pahle din iss sahar ke aur bhi baḍe-baḍe adhikari ke bache yahaṅ padhne aaye honge. Jab se Sawalker college me ghusa, bas salute ṭhokte-ṭhokte he padesan tha.



Kahte hain chhipa pyar juban se koi kah paye ki nahi, chehra sab bata jata hai. Nischal class ke bahar he khada tha jab samne se usse Jivisha aati hui dikhi. Jivisha, Nischal ko aate kya dikhi, uss ke chehre par jaise muskaan tair gayi ho. Jivisha ko dekhte Nischal jaise kahin kho sa gaya ho.


Kasak, Nischal ke pass se jab gujar rahi thi, uss ke sir par kitab se marti…. “Gadhe, putale ki tarah khadey hone se laḍki nahi paṭne wali, jao kuch mehnat karo”.


Nischal khawab se jag kar jaise he hakikat me aaya, daur kar wo bhi class me gaya. Thoḍa dar aur thodi himmat juta’te wo ja kar Jivisha ke pass wale seat par baiṭh gaya. Class shuru hui, fir khatam hui. Fir class shuru hui, aur khatam hui… lekin Jivisha najar tak ghuma kar nahi dekhi ki kaun uss ke pass baiṭha hai.


Jivisha ka aisa ignore karna, Nischal ko jaise chubha ho. Uss ke sine me kahin dard uṭha ho jaise. Ab aur wahan rukna uss se bardast nahi ho paya, aur mayus ho kar wo chala aaya. Class chal rahi thi, aur Nischal college campus ke kisi kone me ja kar baiṭha hua tha….


“Hi, I am Kiraṇ, kya aap free hain”


Nischal jab apna sir uṭha kar dekha to ek khubasurat si laḍki apna hath baḍhaye khadi thi. Nischal uss se hath milata…. “Hi, I am Nischal”


Kiraṇ…. Nischal, kya aap free hain…


Nischal…. Haaṅ free he samjhiye… Kahiye kya kaam hai…


Kiraṇ…. Kya aap mere bf banenge….



“Kya…….. Bf” ??????????????????????????????

awesome update

 

[mashish]

Update:-34​

Kiraṇ…. Kya aap mere bf banenge……. Nischal…. “Kya…….. Bf” ??????????????????????????????


Kiraṇ…. Isme itna chaukne wali kaun si baat hai, kyoṅ tumhari pahle se koi gf hai kya ?


Nischal…. Suno main pahle se bahut upset huṅ, mujhe aur distrub mat karo.


Kiraṇ…. Bf se matlab boy friend na ban sakte to na sahi, kam se kam best friend he ban jao.


Nischal….. Meri pahle se ek girlfriend aur ek best friend hai. Isliye tum mujh se jaṛa side he raho.


Kiraṇ…. Ufffff !!! Aaj kal sabhi mast ladke pahle se booked kaise ho sakte hain. Ohk bye dost, ab to milna julna laga he rahega.


Wo laḍki kuch der ruki, apni baten kahi aur chalti bani. Nischal usse jate dekh… “Ajib pagal hai ye to. Mujhe samjh jana chahiye tha, jahaṅ ye sab pagal admission lengi, wahan paglon ke alawa aur kaun milega”.


Nischal baiṭha bas Kiraṇ ko jate dekh soch he raha tha, tabhi uss ke dayen kandhe se Nandni, aur bayeṅ kandhe se Kasak laṭkatki hui…..


Nandni…. Iska back kitna superb hai, nahi…. (Nischal apne dayen gardan ghuma kar Nandni ko ghurne laga”


Kasak….. Sexy chaal hai, bilkul cat walk kar rahi ho jaise… (Ab bayeṅ ghuma)


Nandni…. Front figure bhi kafi hot tha. Apna hero kahin usse bina kapdey ke imagine to nahi kar raha…


Nischal dono ke bich se uth kar khada ho gaya…. “Tumhe sharm nahi aati, kisi ladkey ke pass aise chhichori baten karte”


Kasak…. Lo, ye mahashay sapne me usse chhichorepanti wali najar se dekh sakte hain. Aur hum ne iss ke dil ke armaan apne juban se kah diye, to mirchi lag gayi.


Nischal…. Pagal he ho dono. Aur wo bhi tumhari tarah he pagal thi.


Nandni…. Kyoṅ tumhe bf bana rahi thi kya… heee, heee, heee….


Nandni aur Kasak dono he joṛ-jor se hasne lagi. Dono ko haste dekh Nischal ko puri baat samjh me aa gayi…. “Aisa mazak karte tum dono ko sharm nahi aati”.


Kasak…. Nischal, bechari wo bhi ek bf dhuṅdh rahi thi, mujh se he suggestion magne aayi thi. Ab mujhe laga tumhare liye wo perfect hogi, isliye maine bhej diya tumhare pass.


Nischal…. Dimaġ he satka hua hai tum sab ka. Main bhi kahaṅ paglon ke bich fas gaya. Kyoṅ jabardasti kisi ko bhi mere gale bandh rahi ho.


Nandni…. Tum bhi to kisi ke piche jabardasti gale pare ho. Ek anjani si mulakat, aur kuch aisa jo nahi ghaṭna tha, wo ghat gaya. Uss baat ko le kar, tum bhi to kisi ke piche pare ho. Ummid hai meri baat samjh chuke hoge. Ye lo car key, hum sab movie dekhne ja rahe hain.


Teeno chali gayi, aur Nischal wahiṅ par khada bas Nandni ki baton ko sochta raha. Kuch he pal sochne ke baad usse apna pyar matr ek ġalatafehemi lagne laga, aur wo haste huye khud se “sorry Jivisha” kahta, wapas ghar laut aaya.


Apini aur Suko ki mehfil….



Suko aur Ruki ( Satir jasus, Nischal ke grah Aizem se) pure ek din tak Nischal ka picha karne ke baad Apini ke sath baiṭhak kar rahe the.


Suko…. Apini, tumhe apni Malkia yani ki wo laḍki Jivisha chahiye.


Apini…. Haaṅ, yahaṅ hum Malkia ke liye he hain. Wo bhi Malkia ko khushi se raji kar ke, sath le jana hai. Lekin tumhare gaṛh ka ye bashinda….. aaannhhhhh !!!


Suko…. Apini yadi tumne ġusse se kaam liye to wo badi aasani se jit jayega. Sayad tumhe pata nahi Nischal se kewal chhal se jita ja sakta hai. Bina plan kiye usse uljhe to wo tum sab ki aisi dhajjiyaṅ uḍayega ki tumhe apne yahaṅ hone par afsos hoga.


Josefer…. Jise hum jante nahi uss ke bare me tum hum se itna kah rahe ho, kya tum humare bare me jante ho.


Ruki…. Hum log yahaṅ aapas me jaan pahchan baḍhane nahi aaye hain. Mujh se kaha gaya tha tum sab ki madad karuṅ aur Nischal ko mar kar usse Sabaiya ki sampatti wapas le kar aauṅ. Isliye ye ego ki laḍai chhod kar Nischal ko trap karne ki socho.


Apini…. Josefer, shant raho. Tumhe bas itni padesani hai na, ki bahar se aaye ye dono, hamesa hume kam aaṅkte hain.


Josefer…. Bilkul sahi kaha Apini….


Apini…. Ṭhik hai, to aaj raat jab wo Nischal apne ghar par hoga, tum uss par parnghaṭi humla karoge. Pahle uss ke sath wali laḍki ko marna, aur jab Nischal apni bhawnao me bah raha hoga, tab usse bhi mar dena.


Ruki…. Abhi kisi dusre ko nuksan pahuṅcha kar kyoṅ tum musibat mol le rahe ho, ṭhanḍe dimaġ se plan karo.


Josefer, apne hathiyar kamar me kaste….. “Hume to aise he plan karne aata hai, aaj raat main issi plan ko follow karuṅga”


Josefer apne 2 aadmiyon ke sath badi utsah se, uss mehfil se nikla. Idhar uss ke jane ke baad Apini…. “Usse test kar lene do, hum yahaṅ plan par thoḍa charcha kar le”


Suko…. Haaṅ ye sahi hai. Jaisa ki tum ne bataya, Jivisha aur Nischal dono par najar rakhna hai, wo tum kaise karne wale ho.


Apini…. Josefer Jivisha ke ghar me kisi janwar ke roop me rahega. Bas yahi humara plan hai.


Ruki…. Lekin sirf ek jagah ki planning he kyoṅ. Mujhe nahi lagta ki Nischal aur Jivisha ke bich me kuch bhi connection hai. Jo bhi hai Nischal ke taraf se hai.


Apini…. Maṭlab main samjha nahi….


Suko…. Isharoṅ ko samjho, abhi sirf hum Nischal aur Jivisha ka he soch rahe…


Apini… Main ab bhi nahi samjha….


Suko…. Rahne do jyada mat socho, bas college me mujhe koi aisa chahiye jo Jivisha ka naya dost ho, aur haaṅ wo ladka hona chahiye.


Apini…. Hmmm !!! Ye kaam bhi ho jayega, aur kuch…


Ruki…. Kuch nahi, tum sab ab apna-apna kaam karo. Arre haaṅ wo tumhara sathi Josefer par bhi najar diye raho, kahin aisa na ho ki test me pappu fail ho jaye.


Apini…. Don't worry. Wo Josefer hai, bas itna he kahuṅga. Baki aage tum khud samjh jaoge. Filhaal hum disco ja rahe hain apna shikar ḍhuṅḍhne, tum bhi chaloge kya.


Suko… Tumhari tarah hum bhi roop badal sakte to jaroor chalte. Nischal issi sahar me hai, isliye tum sab jao.


Apini…. Jaisi tumhari marji, chalo Tanisha shikar kiya jaye.


Ruki aur Suko ko wahiṅ chhod kar Tanisha aur Apini apne shikar ḍhuṅḍhne nikal gaye. Idhar college se laut kar aane ke baad, Nischal bas apni ġalatafehemi par hase ja raha tha. Raat ko takriban 9 baje Nischal ke pass Sawalker ka call aaya. Nischal ko halaṅki aaj kahin jane ka man to nahi tha, lekin Sawalker ke jid ki wajah se usse taiyar hona para.


Sawalker colony ke bahar se Nischal ko pick kiya, aur dono disco ke liye nikal paḍe….. “Aur Nischal kaisa raha college ka pahla din, kisi ne pakḍa to nahi tumhe”.


Nischal…. Kya baḍe bhaiya, koi pakaḍ sakta hai kya mujhe. (Nischal itna kah kar bilkul khamosh ho gaya, aur aage dekhne laga)


Sawalker…. Kya hua itna gumsum kyoṅ ho. Kuch baat karo yaar, warna safar boring ho jayega.


Nischal…. Lekin main kya baat karuṅ ?


Sawalker ne car side me lagaya…. “Nischal baat kya hai. Tumne mujhe baḍa bhai kaha hai na, to apne baḍe bhai ko nahi bataoge”.


Nischal…. Kuch nahi baḍe bhaiya, mujhe na kuch achha, aur kuch bura type ka feeling ho raha hai. Actually, main kuch decide nahi kar pa raha ki mujhe ho kya raha hai.


Sawalker, car fir se drive karta…. “Ohhh, love ka mamla hai. Nischal, ye love he baḍa ajib hai. abhi kya-kya hota hai love me, tumhe kya mahan guruoṅ tak ko nahi pata”.


Nischal…. Lekin wo love nahi tha. Mahaj ek ġalatafehemi thi.


Sawalker…. Chup kar gadhe. Koi ġalatafehemi nahi hai. Achha pahle mujhe puri baat batao, fir main decide karuṅga.


Raste bhar Nischal ne shuru se lekar ab tak ki puri kahani bata diya. Kahani batate-batate dono disco bhi pahunch gaye. Sawalker…. “Jab tak wo kisi ko chun na le, tab tak kosis karte raho. Arre uss ke aas-pass ghumo, gane gao, apne pyar ka ehsas dilao. Maan lete hain purana sab jhuṭh tha, to ab aisa mano ki tumhe ek laḍki college me mili, jise tum dil-o-jaan se chahte ho aur usse ab paṭana hai”.


Nischal, pure josh me …. “Haaṅ” …. Sawalker bhi usse josh dilate…. “Haaṅ”…. Nischal ussi josh me…. “Purana sab zero, ek laḍki college ki, aur uss se main apne pyar ka izhaar karuṅga” .. aur dono josh-josh me disco me chale gaye.


Dono bar counter par baithe, Sawalker, ek jaam Nischal ke hath me thama diya. Nischal hath me glass le kar Sawalker ko dekhne laga…. “Kuch nahi som ras hai, tu pi”…aur Sawalker ne toast ke liye glass aage baḍhate…. “Naye ishq ke surwat ke naam”….


Nischal ne jaise he ishq ka naam suna, wo fir se josh me aa gaya. Josh ke sath toast karte…. “Naye surwat ke naam” … aisa bhi kya josh… Sawalker ko dekh kar to kaha he, sath he sath, paḍos me baithe aadmi ko pakaḍ kar hilate huye kahne laga… “nayi surwat ke naam”…


Josh jo dekhte ban raha tha. 2 peg jaldi me lagaya aur dance floor par nachte huye kahne laga… “nayi surwat ke naam”.. josh aisa bhaḍa tha uss me ki, uss ke josh se wahan maujood sare jawan hath-hila hila kar nachte huye kahne lage… “nayi surwat ke naam”


“Ye yahaṅ kya kar raha hai, Tanisha Josefer se pucho wo kahaṅ hai”…. Idhar Nischal uss disco me dance kar raha tha aur Apini aur Tanisha bhi apna shikar ḍhuṅḍhte ussi disco me pahuṅche the. Nischal ko samne dekh Tanisha ne bhi turant Josefer se contact kiya…. “Josefer kahaṅ ho”


Josefer…. Uss Nischal ke ghar me, puri taiyari ke sath. Mere aakhon ke samne mera pahla shikar wo laḍki najar aa rahi hai, jo kisi dusre ke sath hai. Abhi tak wo Nischal nahi dikha.


Apini…. Dikhega kaise wo yahaṅ disco me hai. Uss laḍki ko abhi jane do, test hume Nischal ka lena hai, na ki uss laḍki ko marna humara maksad hai.


“To Apini samjh lo aaj main bhi shikar par nikla huṅ. Wahan uss Nischal se baat ho to bol dena bach gaya wo. Do shikar mere aakhon ke samne hai. Milta huṅ aḍḍe par he, dono shikar ke sath. Mil kar shikar ka maze lenge”.

superb update

 

[mashish]

Update:-35​

“To Apini samjh lo aaj main bhi shikar par nikla huṅ. Wahan uss Nischal se baat ho to bol dena bach gaya wo. Do shikar mere aakhon ke samne hai. Milta huṅ aḍḍe par he, dono shikar ke sath. Mil kar shikar ka maze lenge”.


Nischal disco me mast ho kar nach raha tha, aur tabhi nachte-nachte wo achanak he wahan se padesan ho kar bahar nikla. Usse bahar nikalte dekh Tanisha bhi Nischal ke pichhe chupke se bahar nikli. Nischal bahar nikalte he Nandni ko call lagate….


Nandni…. Bol Nischal, kya baat hai.


Nischal….. Bina kuch soche iss waqt apne kamre me bhago.


Nandni…. Par hua kya.


Nischal…. Koi ghusa hai wahan, jo tumhe marne aaya hai. Ab sawal baad me pahle jo kaha wo karo.


Nandni turant Ansh ka hath pakḍi aur sidha usse bedroom me le kar chali gayi. Ansh hairani se usse dekhte huye puchne laga…. “Aisa kya kah diya Nischal ne jo tum ghabrakar bedroom me bhagi”


Nandni, Ansh ke hoton pe ungli rakhti…… “Shiiiiiiiii, uss ne kaha wo aaj raat nahi aayega. So my dear hone wale pati ji, ab ek laḍki, apne hone wale ke sath akeli ho, wo bhi ek he kamre me, aur koi aane wala nahi, to wo ghabrakar he apne arman batayegi na”.


Nandni apni baten bolte waqt, apni najren ko charo ore daura bhi rahi thi, kahin koi hai to nahi. Itni me Ansh ne Nandni ke kamar me hath dal kar khud se chipka liya aur uss ke hoton se hont laga kar chumne laga. Jaise he Ansh ne chuma, Nandni ki aakhen aschrya se puri khul gayi. Usse samjh me nahi aa raha tha wo kya react kare.


Nischal bhi Nandni ko inform kiya aur flat ki ore bhaga. Nischal ki baten sun’ne tatha usse bhagte dekh, Tanisha ne bhi Josefer se contact kiya…. “Haaṅ Tanisha kya baat hai”


Tanisha…. Usse pata hai ki tu uss ke ghar me ghusa hai.


Josefer…. Achha tabhi, laḍki jaldi se apne kamre me bhagi. Abhi kahaṅ hai wo….


Tanisha…. Kuch he der me wahan pahunch raha hoga.


Josefer… “Thik hai aane de usse, tab tak main inhe saf karta huṅ” … Josefer ki baten khatam hui, aur wo darwaja kholne laga…. Ek kosis, do kosis aur darwaja nahi khula. Josefer ne apne aadmiyon ke ore dekha, jo apne leader ki nakam kosis dekh rahe the aur fir ek baar aur joṛ lagaya, darwaja ab bhi na khula….


Ansh, kiss ko toḍte…. “Koi darwaja khaṭ-khaṭa raha hai”…. Nandni, jaldi se usse bahon me leti… “Nischal aaya hoga, chhodo usse dhyan mat do uss par, aur yahaṅ concentrate karo” .. kahte huye Nandni ne Ansh ke sir ko pakḍa aur khud ke hoton se chipka li. Ansh ek baar fir bare josh se Nandni ko kiss karne laga, aur Nandni ki fati aakhen ab bhi darwaje ko he dekh rahi thi.


Idhar gate ke bahar Josefer, 2-3 baar ki kosison ke baad bhi jab darwaja nahi khula. Anth me wo darwaje se hat gaya aur apne sath laye uss janwar ko ishara kiya. Janwar char kadam piche leta, gate ki ore daur gaya…. “Dhaaraaaammmmm”


Ander Ansh aur Nandni kiss me ḍube the. Itna tej gate se ṭakrane ki awaz aayi ki dono chaunk kar alag ho gaye. Idhar Nandni ki chhati dar se … “dhakkkk… dhakkkkk” kar rahi thi, aur udhar “Nischal ka kiya dhara hai ye sab”.. ye baat sochte Ansh ka khun jal raha tha.


Ansh badi teji se gate ki ore bad’te…. “Nandni, main iss Nischal ka khun pi jauṅga, Kamina, kutta haramjada. Sala, suar… ruk tujhe dikhata huṅ abhi”.


“Nahi, Ansh jane do… mat darwaja kholo… nahi… nahi… nahiiiiiiii”..… Nandni jab tak usse mana karti, tab tak wo gate tak pahunch chuka tha. “Ab kya hoga” soch kar, Nandni ka dil joṛoṅ se dhaḍakne laga aur dar se usne apni aakhen muṅd li.


Jaise he Ansh ne darwaja khola he…. “Uffff, lagta hai maine hot romantic moment ko bigaṛ diya”… Nischal gate ke pichhe chhip kar, kewal apna sir nikal kar bola.


Idhar gate par Nischal ko dekh kar Nandni ne rahat ki sans li, aur Dr apne romance me khalal ḍalne ka uss se badla lene laga. Dr ke man me jo aaya wo bolta chala ja raha tha, aur Dr ki bhaḍas sun kar Nischal bas ṭhahake maar kar hans raha tha. Ab kisi ke romance shuru hone se pahle he ek to usse distrub kiya upar se Nischal ki haṅsi, Ansh ke ġusse ko aur bhaḍka rahi thi.


Ansh jab bhaḍka hua tha, aur anap-snap bake ja raha tha. Tabhi Nischal ne Nandni ko ishara kar ke usse ander le jane ko kaha. Nandni ne bhi isharoṅ ko samjha aur Ansh ka shirt khinch kar usse ander leti…. “Ab isse saza he dete hain Ansh. Tum ander aao, aur karne do isse jo kar raha hai”. Apni baat kahi, Ansh ko khich kar pichhe kiya aur darwaja band. Darwaja band kar ke Nandni ne Ansh ke shirt ko dobara khincha, aur usse apne kiss me uljha di.


Iss ke purv, jab wo janwar gate ki ore teji se baḍhne ke liye pichhe step le raha tha, tabhi Nischal hawa ki tarah uss jagah par pahuncha aur syannn se sab ke pass se ho kar gujra. Janwar ne gate me ṭakkar marne ke liye daur lagaya…. Wooooooooo…. Aur aage jo hua usse dekh kar Josefer aur uske sathi datoṅ tale ungliyan chaba gaye.


Janwar puri raftar se badha, Nischal jis raftar se aaya tha, apni daur par kabu karta paun se slide kiya. Idhar janwar ka aanshik sir darwaje se ṭakraya, udhar Nischal teji se slide karta niche baiṭha aur punch ko pakaḍ kar, janwar ko hawa me urrate apne piche paṭak diya. Josefer aur uss ke sathiyoṅ ne dekha… kaise wo vishal sa janwar Nischal ke sir ke upar se hawa me tairta, dhamnn se uss ke pichhe ja gira.


Janwar itni joṛ se gira tha ki wo girte he behosh ho gaya. Agle he pal Nischal raftar pakaḍte ek-ek kar ke dono ke pass pahuncha aur un dono ko, dauṛte huye kandhe ki itni joṛ ki ṭakkar diya ki wo dono bhi behosh. Itne me gate khula, aur Josefer gate ki ore lapka.


Nischal bhi uss ke pichhe jate, Josefer ka gardan pakaḍ kar usse roll karta hua apne piche le liya. Ansh se puri baton ke dauran wo Josefer ka gardan pakdey usse roke rakha tha. Jaise he darwaja band hua, Nischal piche muḍa aur Josefer ko gardan se pakaḍ kar hawa me utha liya, aur uss ke sine par ek lat itni joṛ ka mara ki wo sidha ja kar diwal se ṭakraya aur behosh.


Ansh fir kiss toḍta….. “Iss ka main khun kar duṅga, ye bahar kya kar raha hai. Jaanbujh kar itna shor kar raha hai, taki hum distrub ho”.


Nandni, fir se Ansh ka shirt khinchti khud se chipakti…. “Wo kahaṅ bhagne wala hai, kya ye hisab baad me nahi karoge. Abhi mera mood horney hua ja raha hai” … Itna kah kar Nandni ne fir se kiss karna shuru kar diya…. “Nischal kamine, jis daur se main abhi gujar rahi huṅ uss ka badla jab main lungi, to tu bhi yaad rahega”


Bahar, char behosh, Josefer aur uss ke 2 sathi aur sath me wo janwar. Charoṅ ko lapeṭa, flat se bahar nikla. Hawa si aisi raftar, ki Nischal ko dekh pana namumakin. Nischal sab ko le kar sidha wo Sawalker ke encounter spot par pahunch gaya.


Sir par hath ḍale jab Josefer aur uss ke sathi hosh me aaye to samne ka najara dekh kar unki aankhen fat gayi. Nischal khanjar liye uss janwar ko aaḍha chir chuka tha, aur uss ka khanjar uss janwar ko chirte upar ki taraf baḍh raha tha.


Kururta ka aisa najara dekh kar sabhi ke muh me praṇ aa gaye. Josefer ka ek sathi dar ke mare wahan se bhagne laga. Saynnnnnnnn… Josefer ko aisa laga jaise tej hawa jhonka saynnn se uss ke kaan ke pass se gujri ho. Aur jab najar ghuma kar apne sathi ko dekha, to wo bhi Nischal ke khanjar ka shikar ban chuka tha, aur uss ka sarir do hissoṅ me bata para tha….


Nischal ki tej dahaṛ….. “Apni jagah sab baithe raho, bilkul shant. Mujhe shor pasand nahi”.


Nischal ki dahaṛ sun kar Josefer aur uss ka sathi wahiṅ baiṭha rah gaya, aur Nischal apna adhura kaam pura karne pahunch gaya. Dekhte he dekhte uss ne janwar ko bhi chir kar do hissoṅ me baṅṭ diya... Bante huye hisse me se uss janwar ma kaleja chir kar nikalte huye kahne laga…. "Tum logon ko to maza aata hoga na ye khun aur aise kate fate sharir dekhne me… bolte kyon nahi ab"… tej garaj ke sath uske awaz me pure gusse ki jhalak dikh rahi thi.


Kisi bhi tarah ke jawab na milne ki stithi me Nischal ab pahuncha un dono ke pass, dono ko upar se le kar niche tak dekhte huye….. “Kise marne gaya tha wahan”


Dono me se kisi ke juban se awaz nahi nikli. Nischal ne apna sawal doharaya, aur Josefer ka sathi ḍarte huye kahne laga….. “Uss laḍki, aur uss ladke ka shikar”……


Wo apni baat pura bhi nahi kiya tha ki agle he pal uss ki do hissoṅ me bati hui lash, jamin par pari thi. Nischal uss ke sir ke bich me khanjar dal kar niche tak chir chuka tha. Ab sirf wahan eklauta Josefer bacha tha, jo na bhag sakta tha, aur na ruk sakta tha.


Nischal….. Tum iss ke team leader ho.


Josefer, Nischal se char kadam piche hat’te…. “Haan”


Wo dhire se 4 kadam piche hua aur Nischal bilkul uss ke samne khada tha…… “Aaj thoḍa kamjor feel kar raha, ṭhik se bhag nahi pa raha. Iss ka matlab ye nahi ki tum mujhe daurao. Haaṅ to mr ailan tum ne kya socha, mujhe ye ehsas nahi hoga ki tum humla bhi kar sakte ho”.


Josefer….. Suno, hum dono iss duniya ke nahi, fir tum kyoṅ dusri taraf khadey ho.


Nischal…. Ek chhoti si baat tumhe samjhata huṅ, samjh gaye to ṭhik warna agli bar main baat nahi karuṅga. Dur raho mere doston se, warna main kewal yahin se tumhe nahi saaf karuṅga balki tumhare grah par ja kar tumhari samast prajati ko khatam karne ke baad ek kitab likhuṅga, jiska naam hoga…. Ek tha grah… ab bhag yahaṅ se….


Josefer chala gaya, Nischal khada ho kar upar aasman ko takne laga. Zindgi me shayd usse pahli bar dar laga tha aur aakhen nam hui thi. Dimag me bus Nandni ka khila sa chehra dikh raha tha, aur apne upar wale ko wo dil se bas sukriya kah raha tha. Jaise he Nischal ka kaam khatam hua, usne bas ek chhoti si smily Nandni ke mobile par post kar diya. Jab wo msg kar raha tha, utne me Sawalker ka bhi call aa gaya aur wo disco chala gaya….


Jhuma, nacha gaya, aur usse sharab itni pasand aayi ki bewron ki tarah pi kar wo nashe me dhutt ho gaya. Sawalker bechara, Nischal ko lad kar apne ghar le gaya. Darwaje par khada Sawalker, Nischal ko kandhe se pakdey, bell bajane laga…..


Pahle to aadhe ghantey gate nahi khula, fir jhaṭke se gate khula, aur chiḍhi hui grihiṇi, tamtati gate par….. “Kitni baar boli huṅ, bewron ki tarah aise pi kar mere darwaje par mat aaya karo. Bhago, thane me he sona aaj. Ek tum kam the jo dusre piyakkaṛ ko bhi lade aaye ho. Kaun hai ye”?


Sawalker, apni biwi ki dahaṛ sun kar jaise sab bhul he gaya ho…. “Ye wo, wooo, bataya tha na wo hai”


Sawalker ki patni, Jyoti…. “Haaṅ to apne wo ko le kar bhago yahaṅ se warna jhaḍu se maruṅgi”


Wahan ki gahmagahami sun kar Nischal ki aakhen thodi khuli. Samne ek lady ko dekh kar…. “Baḍe bhaiya ye hot item kaun hai”


“Hot item”… Sawalker ki aaṅkheṅ fati ki fati rah gayi. Aur wo fati aakhon se apni biwi ko dekhne laga. Aur Jyoti raat ke 1.30 baje itna pyara compliment sun kar sidha ander gayi aur jhaḍu ke sath he bahar aayi. Bechara Sawalker, usse raat jeep me he bitani pari.


Subah-subah Jyoti Sawalker ko uṭha kar…. “Ander aao”


Sawalker uṭha aur sath me Nischal ko bhi ander le kar chala aaya. Dono jald he ready ho kar naste ke table par aaye…. “Utar gayi ho raat ki to, 2 peg aur bana kar dun”


Sawalker…. Sorry na Jyoti, wo sab iss ka kiya dhara hai. Mujh se jid karne laga ki chalo disco chalo, aur mujhe khinch kar le gaya.


Jyoti… Haaṅ aur aap to dudh pite bache ho na. Sharm nahi aati aap ko aise bahane banate. Aur tum, badtamij ladke, main tumhe hot item dikh rahi huṅ”


Nischal, isharoṅ me puchta “ye kaun hai”….. Sawalker uss ke kan me bola… “gadhe tumhari bhabhi hai, jise rat me tumne kaha tha ye hot item kaun hai”


Nischal kursi ko aise piche kar ke uṭha ki Sawalker aur Jyoti dono chaunk gaye. Nischal apni jagah se haṭa, aur ja kar daṇḍawat Jyoti ke kadmoṅ me gir kar…..


“Bhabhi, main bahut he sarif type ka ladka huṅ. Main to bas wahan dance kar raha tha. Baḍe bhaiya he wahan disco me chhote-chhote kapdey pahne laḍkiyoṅ ko tar rahe the aur kah rahe the ki kya mast hot mal hai. Maine in se pucha ki iska matlab kya hota hai. To inhine he mujhe uss waqt sikhaya… “Isse kisi laḍki ko compliment dena kahte hain”


Jyoti, uss ka para to jaise asamaṅ chhu raha ho. Sawalker ḍarte huye… “Jhuṭh bol raha hai ye Jyoti”.


“Khao meri kasam ye jhuṭh bol raha hai. Tumhari aakhon me likha hai tharki ki tum iss sarif se bache ko kya sab sikhaye ho”…. Fir kya tha dono dampatti ḍaining table ke round and round chakkar lagate rahe. Tom & Jerry ki pakḍa pakḍi chalu thi.


Khair Nischal aaj fir Sawalker ke sathi he college pahuncha. College parking ke gate se takriban 100 meter ki duri par Nischal hathoṅ me ful liye wahan Jivisha ka intzar karne laga. Aaj apne naye safar ki surwat karne wala th, isliye dil me hajar arman umaṛ se rahe the. Emotions jo ab control me nahi the.


Tabhi usse ehsas hua Jivisha uss ke pass se gujri hai. Ab wo uss ke parking se lauṭne ka intzarrrr… intzarrrrr… aur ufffff… dikh gayi uss ke dil ki dhaḍkan…. Jaise-jaise wo pass aa rahi thi, Nischal ander se gudaguda raha tha aur uss ke dil me kuch-kuch ho raha tha…..


Jivisha, karib aur karib usse aati najar aane lagi. Nischal se char kadam ki duri par, aur Nischal baith gaya apne ghuṭne par…..

O re piya haye.. O re piya haye.. O re piya haye..

Udne laga kyon man baawla re
Aaya kahan se yeh hosla re

O re piya haye.., O re piya haye..

Tanabana tanabana bunti hawaa haaye bunti hawa
Boondein bhi to aaye nahi baaz yahan

Sagish mein shaamil sara jahan hai
Har zare zare ki yeh iltiza hai

O re Piya, O re Piya haye..
O re piya haye.. O re Piya

ni re ,re re ga
ga ga ma
ma ma pa
pa ma ga re sa
sa re re sa
ga ga re
ma ma ga
pa pa ma
dha dha pa
ni ni sa sa pa
pa sa ma pa dha ni sa ni
re ni sa sa sa.. . . . ..​

“What the fuckkk … ye enternet ka rattu… gadha… ye to “sa sa pa” bhi paglon ki tarah ga raha hai… bhagwan iss me thoḍa akal ṭo dal dete gane ka. Kaise sir hila-hila kar ga raha hai. Kachra kar diya mera. Ab to main iss ke sath college me na ghumuṅgi”… Nischal ko dekh Nandni ki roni soorat ho gayi.

amazing update

 

[mashish]

Update:-36​

“What the fuckkk … ye enternet ka rattu… gadha… ye to “sa sa pa” bhi paglon ki tarah ga raha hai… bhagwan iss me thoḍa akal ṭo dal dete gane ka. Kaise sir hila-hila kar ga raha hai. Kachra kar diya mera. Ab to main iss ke sath college me na ghumuṅgi”… Nischal ko dekh Nandni ki roni soorat ho gayi.


Nischal paglon ki tarah gana gane ke baad jab samne dekha to uss ke hathon ka ful bhains chaba rahi thi, aur aas-pass khadey ladkey-laḍkiyaṅ hans rahe the. Nischal sab ko dekhte huye, bikul khamosh aur sahma sa utha, bina kisi se najar milaye jo bhaga, sidha apne class me ruka.


Opps !!! Aaj to jaise Nischal ke dil par chhudi chal gayi ho. Class me Jivisha ke pass koi aur ladka baiṭha hua tha. Nischal usse dekh kar chiḍh he raha tha tabhi “hi” bolti Kiraṇ bhi uss ke pass aa kar baith gayi.


Nischal…. Tum yahaṅ kya kar rahi ho.


Kiraṇ…. Arreee, main apne class me huṅ.


Nischal…. Haaṅ to samne dekho, jyada jaan pahchan baḍhane ki jaroorat nahi hai.


Kiraṇ…. Tum se jaan pahchan baḍhayega bhi kun, sala khaḍus…..


Nischal….. Kya boli….


Kirna…. Kuch nahi sir aa gaye hain, aage dekho.


Lekin Nischal aage kyoṅ dekhe, wo to bas Jivisha aur uss ladkey ko he dekh raha tha. Dekh raha tha aur jal raha tha. Dekh raha tha jal raha tha, aur jalta hua Nischal apne hathon se apne kitaboṅ ke panne ko far raha tha.


“You, last bench left side … Mr… tum se he kah raha huṅ… you”….. Professor baar-baar ishara kiye ja raha tha, aur Nischal ko koi hosh he nahi tha. Tabhi Kiraṇ usse ek hath niche se marti…. “Jaag jao devdas, sir tumhe he bula rahe hain”.


Nischal…. Yes sir….


Sir…. Aap yahaṅ aane ka kast karenge…


Nischal, aise matlawale ki tarah chalte huye pahuncha jaise park me ghum raha ho… “lijiye sir main aa gaya”


Pura class se hasne ki awaz aane lagi…. “Silence please, and you out”


Nischal…. Kya ????


Sir…. English nahi samajhte, class se bahar jao….


Nischal muh laṭkaye, apni jagah se apna saman sameṭa aur uss ladkey ko ghurte Nischal bahar aa gaya. Nischal ke jate he Nandni ne bhi class ko disturb karna shuru kar diya…. Nandni ko distrub karte dekh professor…. “Oh aap par meri najar kyoṅ nahi gayi, aap bhi hain iss class me. Oh dekho to paḍos me Kasak maim bhi hain. Lagta hai tri deviyoṅ ne college join kar liya. Par teesari dikhi rahi, miss Jivisha aap bhi hain kya”?


Jivisha, sir jhukaye apni jagah par khadi hoti…. “Yes sir”


Sir…. Oh pura kunwa fir se ek jagah jama ho gaya hai. Miss Nandni, aap please bahar jaeye. Baki sabhi class me dhyan denge.


Class ke ander…. Jivisha aur wo ladka….


Jaise he Jivisha mayus apne seat par baiṭhi, uss ladke ne ek paper par “hi, I am Kuṇal” likh kar Jivisha ke ore badha diya. Jivisha usse ek jhalak dekhi aur fir samne dekhne lagi. Board par dekhte Jivisha ko ye pahli bar ehsas hua ki kitna boaring hota lacture attend karna.


Iss se pahle Jivisha class me ya to wo Nandni ke sath “paper class” game khelti thi ya class ke bahar he rahti thi. Lekin aaj jab dhyan se board ko dekhte padhai kar rahi thi to sari baten uss ke sir ke upar se ja rahi thi. Kuṇal bhi Jivisha ko he observe kar raha tha.


(Paper class game wo game jo aksar hum class me paper par khelte hain …. X/0 wala 9 box game ya paper par point draw kar ke point par ek-ek turn me line khinch kar apna naam ḍalna)


Sir kisi topic ko bata rahe the aur Jivisha apna sir khuja rahi thi, tabhi Kuṇal ne hasyatamak andaz me uss pure topic ko short me panne ke upar likh kar Jivisha ke ore badha diya. Jivisha ne pahle to ignore kiya, lekin jab class itni boaring ho to Jivisha uss note ko padhne lagi.


Jivisha jab wo note padhi to uss ki haṅsi nikal gayi, sir usse bhi ghurte…. “Ho gaya tumhara bhi shuru, out…. out from class”


Jivisha ko ye baat buri lagi, aur wo najren niche kar ke apni kitabeṅ sameṭne lagi, tabhi uss ki najar Kuṇal ke ek aur note par gayi…. “Sir ko bolo, main topic ko khud me simplify kar ke samajhne ki kosis kar rahi thi, isliye hasi aa gayi”


Jivisha thoḍa muskurati, uss ne bhi sir se kah diya. Sir yuṅ baḍa si aakhen fade, jaise aaj kuch ajuba ho gaya ho… Jivisha ko ascharya se dekhte….. “Topic simplify, Jivisha kahin tum sapne me to nahi baḍabaḍa rahi”


Jivisha ne bhi same Kuṇal ke likhe style me uss topic ko hu-bahu suna diya. Sir was like, jaise koi ullu ghur raha ho… muh khole aschrya se Jivisha ko wo dekha raha…. “Ok baith jao”


Jivisha jab baiṭhi to Kunak ko dekh kar muskurai, aur paper par smiley bana kar… “thanks, I am Jivisha”. Fir dono ek dusre ko dekh kar muskuraye aur ab wo class Jivisha ke liye bilkul boaring nahi tha.


Idhar Nandni… Nischal ke piche…


Nandni…. Gadhe ruk…


Nischal…. Nandni abhi main upset huṅ, mujhe akela chhod do.


Nandni, Nischal ka hath thame…. “Tu chal canteen pahle. Kaminey main tera intzar kal raat se kar rahi huṅ. Mere dimaġ me bhuchal macha hai”.


Nischal… Ohhh, kal ki ghaṭna ko le kar…


Nandni…. Haaṅ kal ki ghaṭna ko le kar bhi, aur ye tere paglon ki tarah behaviour ko le kar bhi.


Dono canteen me pahunche, Nandni ne do coffee order kiya, tabhi Nischal uss waiter ko wapas bulate kahne laga… “suno bhai, ek cup coffee iss ke liye aur mere liye 2 takila shot”


“Wtf… iss ki to” ….. “bhaiya aap do cup coffee le aao, Nischal jante ho iss waqt mera man kaisa kar raha hai”


Nischal…. Kaisa..


Nandni…. Apne sir ka baal khud noch lun…


Nischal…. To mujh se kya puch rahi ho, noch lo. Main bhi help kar dun kya…


Nandni…. Nischal murkhoṅ ki tarah behave karna band kar, tu jo aaj subah se kar raha hai wo murkhoṅ ki ṭharah behave karna kahte hain…


Nischal….. Mujhe detailed me samjha….


Nandni….. Tera wo paglon ki tarah gana gana. Sir ke pass bewakoofoṅ ki tarah chal kar jana, kahna lo aa gaya…. Aur yahaṅ canteen me takila shot magna. Mujhe ek baat samjha tu jaan bujh kar ye sab kar raha hai ya tumhara ye murkhoṅ jaisa natural behaviour hai.


Nischal, ġusse me aakhen dikhata…. “Mujhe murkh kahna band karo. Maine enternet par dekha tha hero ko gana gate aur waise he main bhi, bilkul siddat se gana ga raha tha, taki sari kaynat mujhe Jivisha se milane me lag jaye. Aur tu mere chalne aur bolne par kya comment kar rahi hai… kitni mehnat se to har tarah ke mood ke hisab se maine bolna sikha ai….


Nischal apni baat bole ja raha tha aur Nandni hase ja rahi thi, jab uss ka bolna ho gaya…. “Bilkul sahi ja rahe ho Nischal, lekin bina akal lagaye aise he copy karte rahe to sari kaynat milane me nahi, tumhe tere grah par bhagane me lag jayegi. Suno meri baat dhyan se… aur iss baat ko dhyan me rakha …..


Nischal…. Haaṅ main dhyan se sun raha huṅ….


Nandni…. Nischal, log kisi ka tarika dekh kar sirf ye sikhte hain ki karna kaise hai, lekin yadi hum exactly ussi tarah copy kar ke kisi chij ko pane ki kosis kare to hum result ke liye sure nahi hote.


Nischal…. Thoḍa aur clear kar ke samjhao na.


Nandni…. Aammmm, tumhe kaise samjhauṅ….. Haaṅ tumhe yaad hai tum kisi ke dimaġ me ghusne ki kosis karte ho, aur ab tak uss kala me tum purṇ safal nahi ho paye ho. Jaroor tum ne wo kisi ka tarika sikha hoga aur karne lage hoge.


Nischal…. Haaṅ, sahi kahi. Lekin ye tumhe kaise pata.


Nandni…. Buddhu, jo bhi hum yahaṅ kisi ko karte dekhte hain, ya kuch hote dekhte hain ussi se to idea lete hain. Aisa koi bhi idea ya theory nahi jo bina kisi reason ke dimaġ me aaaye samjhe. Har naye chij ke experiment ke pichhe purane kisi baat ka karaṇ hota hai.


Nischal…. Haaṅ sahi hai, maine bhi ye dimaġ me jhakna apne ek guru ke kitab se sikha tha, par main unki tarah ban nahi paya.


Nandni…. Yesss, ye wahi example hai ki tum ne bas kewal padha. Paḍho aur paḍh kar idea lo, lekin us idea par apna naya experiment kar ke usse ek nayi disha do. Suno basic sab ke same he rahte hain, kewal pattern apne hisab se badalna paḍta hai.


Nischal….. Haaṅ samjh gaya… aur ye naye pattern change se ek aur naya idea janm leta hai, jo aage koi aur uss par apne pattern se experiment kar ke usse naya roop de deta hai.


Nandni… That’s like my good boy ab tum samjh gaye na. Ab to bewakoofoṅ jaisi harkat nahi karoge na.


Nischal….. Haaṅ karuṅga, par wo harkat bhi sab kuch socha aur samjha he hoga. Ab bas kar, tune bahut gyan de diya.


Nandni…. Ye gyan tere pagalpan ko ṭhik karne ke liye tha. Lekin mera pagalpan kaun dur karega.


Nischal…. Tumhe kya hua….


Nandni…. Kal puri raat tu tha kahaṅ, aur wo humla aur ye takila… mujhe har baat jan’ni hai….


Nischal….. “Waise jitna mand buddhi tum mujhe samjhati ho utna main huṅ nahi… Kasak ko chhodne ka matlab, unhe ye pata chal gaya tha ki hume pata chal chuka hai ki wo log Jivisha par najar diye huye hain. Jivisha ki family unka target nahi, yadi aisa hota to wo Kasak ko mar dete. Haaṅ lekin, main unke raste me aa raha huṅ, isliye mujh par humla karne se wo chukenge nahi. Isliye maine flat ke entrance me apna alert device laga aaya tha”.


“Ye khas desine ka device un ailan ki jankari dega jise tum apni aakhon se dekh nahi paogi. Apne har kamre ke gate par maine protective layer bhi chadha diya tha, jise koi bhi jabardasti aasani se khol nahi pata. Fir kya tha jaise he wo apne flat me entry kiye, tabhi maine tumhe inform kar diya tha”.


Nandni…. Ohhhh, fir unka kya hua jo humla karne aaye the.


Nischal… Hoga kya, 3 log aur wo janwar tha. Maine unke leader ko chhod kar baki sab ko mar diya.


Nandni…. Kya tune sab ko mar diya, dono ore se laḍai hui kya ? Tumhe bhi choṭ aayi hai. Bata na….


Nischal…. Shant !!! Mujhe koi choṭ nahi aayi main safe huṅ. Waise bhi mere marne ki kala tum nahi janti, batane laga to 4/5 din lag jayenge.


Nandni…. Matlab tum ek super hero ki tarah ho filmoṅ wale, jo dushman par yuṅ dhishum-dhishum war karta hai.


Nandni jab ye kah rahi thi tab uss ka utsah dekhte banta tha. Nischal uss ki utsah par mayus hote kahne laga….. “Super hero sirf tumhare uss movie me he achha lagta hai. Main apne gaṛh ke hisab se normal se thoḍa sa majboot ek sipahi huṅ jo tumhe ek super hero lag raha. Khair jane do”….


Nandni….. Tu mayus bilkul bhi achha nahi lagta. Hasta hua he ṭhik hai. Mujhe nahi pata ki tumne kitna dard saha hai, par jab tak tu mere sath hai haṅsata rahega, bas main itna he janti huṅ. Aur tune wo ek ko kyoṅ chhoda, daya dikha raha tha ya filmoṅ ki tarah tu bhi end tak kahani fasana chahta hai. Kahin uss ne mujhe maar diya to….



Nischal ka chehra uss ke emotions bayan kar rahe the….. “Tum bahut achhi ho Nandu”.


Nandni…. Bas-bas ye emotional drama band aur jo sawal puchi uss ka jawab de….


Nischal….. Pagal kahin ki, marna he solution hai kya, jo tab se sawal par sawal kar rahi hai, “kyoṅ chhoda, kyoṅ chhoda”. Main wahan un sab ko marta to uss ka badla lene uss ke grah se 10 log aur aa jate aur unka pahla target main hota.


Nandni….. Haaṅ to tu unko bhi maar deta…. Man on mission, raṇbhumi bana denge iss dharti ko aur dushmano ke khun se hum kranti likh denge. Sab ko chir-far dal Nischal.


Nischal…. Ha ha ha, pagal… bachi ho tum abhi. Tum ye nahi sochti ki sab ko mar kar kewal main he jinda bacha to mere jinda rahne ka kya matlab hai. Ulluuu… ab bas uss par koi bahas nahi.


Nandni…. Haaṅ ṭhik hai guruji samjh gayi. Khaḍus kahin ka jab dekho tab chup karwa deta hai, ṭhik hai uss par koi charcha nahi. Lekin tu batayega, ye raat ki kya kahani hai haaṅ…. takila and all….


Nischal…. Arre wo…. wo to main unka kaam khatam karne ke baad Sawalker ke sath disco me tha…. Aur mat puch takila ke bare me… uss jaisa pey padarth to maine aaj tak nahi piya.


Nandni apne sir par hath pit’ti….. “Ek he raat me ye bewda ho gaya”.


Nandni aur Nischal abhi baateṅ he kar rahe the utne me Kasak ne bhi unhe join kar liya, aur Kasak subah ke gane ki baat chhedti joṛ-joṛ se hasne lagi. Kasak ki baat sun kar Nandni bhi uss ka sath deti hasne lagi. Aalam ye tha ki jo bhi student Nischal ko dekh raha tha bas hase he ja raha tha.


Khair Nischal ko iss hasi se koi fark nahi pad raha tha kyonki uske aakhon ke samne jo chal raha tha wo uss ke dil me chhed kiye ja raha tha. Samne ke chair par baith kar, wo bhi kafi close ho kar Jivisha aur Kuṇal baten kar rahe the.

beautiful update