Fantasy Karmyudh ( Completed )

[akashx11]

UPDATE 27

Mahendra pratap ne surya ka lalan palan apne putra saman kiya. Surya bachpan se hi bahut medhavi tha, nateeja jab uski umara k bachhe chauthi panchvi kaksha me they, surya unse 3 -4 varsh aage ki padhai bhi kar chukka tha.

Surya k daswe janmdin ki raat mahendra pratap k swapn me suryadev aaye aur bole, mahendra ab tumhe surya ko swami Visheshanand k aashram me bhejna hoga. Jahan ise dhyaan aur divya shaktiyo k prayog ko seekhna hai taaki ye apne janm ka uddeshya purn kar sake.

To agle din hi wo mujhe rishikesh k sameep hi ganga kinare sthit swamiji k aashram me le gaye. Jahan meri yog dhyaan aur baaki shiksha shuru honi thi. Sath hi meri mulakaat aur dosti honi thi Kiran se jo ki swami ji ki putri thi.

MP – swamiji se- swamiji, ye mera putra hai surya. Mai chahta hu aap ise yog aur dhyaan ki shiksha de.

Swamiji – surya ki aur dekh kar- “idhar aao putra” aur snehwash uske sir par hath rakh diya tabhi achanak unh eek halka sa jhatka sa laga. Swamiji ne uske sir par hth rakhkar apni aankhe band kar li aur dhyaan me doob gaye. Kuch der baad jab unhone aankhe kholi to wo ahobhaav se chalak rahi thi.

Swamiji – mahendra, is balak ko shiksha dena to mera saubhagya hoga, kintu ise jo shiksha deni hai uske liye iska yahi is aashram me rehna jaruri hai. Tumhe ise kam se kam 7-8 varsh yahi sadhna karni hogi.

MP – jaisa aap kahen, par mai isse milne to aa sakta hu na.

Swamiji muskarate hue – awashya, par prayas karna kam se kam, taaki ye apne uddeshya se bhatke nahi.

Apne ek shishya ko bulakar wo surya k theharne ki vyawastha karne ka aadesh dete hain.

Agle din subah suryoday k samay surya jaakar ganga ji me snaan karke jab aashram laut raha tha (ye aadat use mahendra ji ne dalwayi thi pratidin ganga snan aur suryavandana ki) to aashram me pravesh k samay uske saamne apni hi humumra ek badi hi cuten si ladki aayi. Koi aur nahi ye swamiji ki putri kiran thi.

Kiran – surya se – suno, yahan aao.

Surya – kahiye

Kiran – kaun ho tum, tumhe pehle to yahan nahi dekha.

Surya – main kal hi yahan aaya hu.

Kiran – tum mere dost banoge

Surya – haa kyo nahi, vaise bhi yahan mai kisi ko nahi janta.

Kiran - theek hai to fir aaj bhojan k baad wahan us taraf jo maidan hai wahan khelne aa jana. Aashram k sabhi bachhe wahi khelte hain.

Surya – theek hai mai aa jaunga

Kiran muskarati hui wahan se chali jati hai, aur apna surya to uski cuteness aur us muskaan par flat ho jata hai.

Fir shuru hoti hai surya ki class matlab dhyaan aur yog ki deeksha jo kayi varsh isi tarah chalni thi (chunki surya pehle hi is shiksha ko le chuka tha isliye yaadasht jaane k baad jab dobara dhyaan shuru kiya to adhik parishram nahi karna pada.)

Jis acharya ne surya ki shiksha prarambh ki wo bhi bina usse prabhavit hue nahi reh sake. Aur pehle din k pehle satra k baad wo pahuch gaye swamiji k paas.

A – pranaam swami ji

S – shubham bhawtu

A – swami ji mai aapse surya k sambandh me kuch batana chahta hu.

S – muskrate hue – kaho vats

A – swami ji aaj k satra me mujhe ehsaas ho rha tha us balak me vilakshan pratibha k sath sath koi adbhut urja bhi hai. Ye kaise arthaat kaun hai wo.

S – adheer na hon acharya, abhi to shuruaat hai. Ye balak baaki sab se alag hai, iske bheetar jo urja jo shakti hain unhe skriya karne k liye use dhyaan ki wo unchaiyaa wo shikhar chhune padenge jahan tak aam manav k liye pahuchna sambhav nahi. Isse adhik hum abhi aapko kuch nahi bata sakte, Aasha hai aap isme purn sehyog denge.

A – jaisi aapki ichha swamiji , mai prastut hu.

Aur punah pranaam kar wo bahar aa gaye, udhar surya bhojan kar ke Kiran ki batayi jagah pahunch gaya.

Toh asli kahani aur flashback suru ho he gaya Aab mukhya kirdar ko apne asliyat kai baare mai gyan ho gayega aayaa. Aur aakhir main hero ko shrap kisne dia aur kyu yea bhi dekhne janne wali baath hai or yea rocky ka kya huya kaha gaya kis bhes bhusa mai ghum raha hai ? Yea bhi sawal uuth raha hai ..

gOlDy bhai apne bahut he khubsurat plot soch kar kahani likhi hai.. bahut badhia

 

[Nevil singh]

UPDATE 32

Hospital me….

Rocky – kahan hai wo

L4 of college group – bhai idhar is room me hai monty bhai (L1)

Rocky jhankar dekhta hai , monty dawa k nashe me behosh tha. jagah jagah patti aur plaster tha…

R – kisne kiya, kaun thaw o

L4 – bhai wo do naye ladke they. Maine naam pta karwaya hai koi Virat aur Surya they

R – masla kya tha

L4 use saari baat batata hai.

R – is bewakoof ko samjhaya tha ki baaki sab chhor ke sirf mukhya kaam par dhyaan de par ise….

L4 – bhai lekin ab kya… jo kaam hum aapke liye karte hain is kaand ke baad agar monty bhai ka jor kam pada to wo…

R – gurrate hue – wo kaam tum jaise bewakufo ka mohtaaj nahi hai…. Rocky khud janta hai apna kaam kaise karna hai

L4 – s….s…sorry bhai w..wo mera kehna tha ki agar… agar aap … aap monty bhai ki madad nahi karenge to….

R – mujhe sikhao mat…. Mai janta hu mujhe kya karna hai, kal mai college aaunga mujhe wahi milna

Kehkar rocky wahan se chala gya. Darasal monty aur uske sathi rakesh ki sadhna k liye bali di jaane wali ladkiyo ko dhundhte aur kidnap karke us tak pahuchate they. Generally college ki ladkiyo ki details se wo rakesh ke bataye hue khaas samay par paida hui ladkiyo ko dhoondte they, isiliye Rocky inhe paal rha tha.

Agle din college me recess k dauraan surya, kiran aur Virat sath sath canteen me baithe baate kar rahe they ki kiran ko swamiji ki call aati hai jo aashram k kisi jaruri kaam k baare me use kehte hain jo kisi sarkari office se hona tha to surya kehta hai mai karwa deta hu aur wo dono usi samay college se chale jate hain.

Virat wahan akela baitha kuch soch raha tha ki ek khankti awaz ne uska dhyaan kheencha.

“hiii can I join you,”

Virat – “oh hiii sukanya how are you.”

S – smile k sath- am fine, what about you.”

V – mast as always….

S – aaj wo apke dono dost nahi hai aapke sath.

V – vo unhe kisi urgent kaam se jana tha, par aap bhi to ab hamari dost ho na.

S – my pleasure. To isi baat par eke k coffee ho jaaye

V – sure , aap baitho mai lekar aata hu.

S – formality rehne dijiye

V – isme formality kaisi

S – ye jo tumne aap aap laga rakhi hai iske liye keh rahi hu, dosto me aisa nahi chalta

V – o…. ok my mistake , tum baitho mai coffee lekar aaya.

Virat coffee lekar aaya , wo log coffee piker class me chale gaye. Chhutti hone par Virat ne sukanya ko lift bhi di.

Abhi wo log college se kuch door hi aaye theyki achanak ek khaali road par ek kale rang ki car unka rasta rok kar khadi ho gayi. Usme se Rocky utra aur unki aur badha.

V – kya baat bade bhai, kya hua.

Isse pehle rocky kuch bolta uski car se L4 utra aur tej swar me bola, bhai ye hi hai wo kameena, chhodna mat ise.

Virat - situation samajhte hue suksnys ko utar apni bike stand par laga uski aur badhta hai – meri tum logo se koi personal dushmani nahi hai, jisne galat kiya use saja mili.

R – tu kaun hota hai be saja dene wala

V – bhai tameej se, mai tumhara lihaaj kar raha hu iska matlab ye nahi…. Aaaaah

Virat ki baat puri hone se pehle hi ek kick uske thobde par padi, kuch bhi kar pane se pehle wo jameen chat raha tha..

Virat uthkar Rocky se bhid gaya par Rocky k aage uski ek nahi chali. Rocky ne use tabiyat se dhoya aur uski halat patli kardi , Virat wahi sadak par behosh ho gaya…

Kaaafi der baad kisi rahgir ne use paani daal kar hosh me laya aur poocha –“ tum theek to ho, kaun ho tum.”

Virat ne khud ko samhala aur sab yaad karne laga to achanak use jhatka laga kyoki sukanya waha kahi nahi thi aur na hi L4 ya rocky.

Virat ne apne dard ko bhool turant phone nikal kar Surya ko call kiya..

Jabardast update bhai

 

[Nevil singh]

UPDATE 33

Surya ne virat ko pehle hospital admit karwaya kyoki uski halat kaafi kharab thi aur usse poori baat jaankar Sukanya ko dhoondne ke baare me sochne laga.

Ab chunki rocky ya L4 k baare me Virat ya surya kuch jante to they nahi to unhe dhoonde kaise upar se raat hone ko aayi aur college se sukanya k baare me me kuch pta chalna mushkil tha

Yahi sab sochta hua surya jaise hi corridor me aaya to uski najar L4 par padi, darasal monty aur uske dost isi hospital me they aur wo unhe hi aaj k kaand ki report dene aaya tha.

Kuch minute me , Monty k room me

L4 – good evening bhai

M – kahe ki good evening be, yaha dard ke mare bure haal hain

L4 – bhai aisi news laya hu ki tumhara dil garden garden ho jayega.

M – jaldi bak

L4 – bhai , wo Rocky bhai ne us launde ko peet peet ke uska bhartha bna diya.

M – k…. kise

L4 – are wahi jis b*******d ne aapse panga liya tha. aur uski item wahi ladki jiski wajah se sara panga hua, use utha k le gaye. Bol rahe they agli baar k liye kaam aayegi.

M – YES…. Ab pta lagega bh***di walo ko, apne baap se panga lene ka anjaam….

Peeche se awaaj aayi , “anjaam to ab tum log bhugatoge”

Dono ne darwaje ki taraf dekha to waha Surya khada tha, uski aankhe gusse se mano jal rahi thi. Aur sard gurrahat si uski awaj haddiyon tak me sihran de gayi.

Surya – “tumse to mai baad me niptunga, pehle ye batao kaun hai ye Rocky, aur kahan le gya hai sukanya ko.”

M – k… k…. kaun Rocky, main kisi Rocky ko nahi janta

S – Virat ko is haal me pahuchakar apni maut tum logo ne khud bula li hai , ab use aur dardnaak mat banao, jaldi ugal do kahan milega ye Rocky….

Surya ne aage badkar L4 ko garden se pakad kar utha liya aur deewar ke sath chipka diya.

S – is waqt mere sabar ko mat aazma jaldi bol warna…..

L4 – b… b…bhai mmm.. mujhe sachmuch kuch nahi pta, w..wo .. to hum sab monty k liye hi kaam karyte hain aur wo Rocky bhai k liye…. Bas.. mere paas bas unka mobile no hai …. Mai n unse ek do baar hi mila hu bhaiii, maa kasam.

Surya ki ki hui dhunaai yaad karke aur uska ye raudra roop dekhkar L4 bahut darr gaya aur tote ki tarah bolne laga.

Ab surya use chhod monty ki taraf ghooma jo bed par pada pehle hi ghabra raha tha, ab aisi halat uski thi nahi jo uthkar bhaag jaaye so bebas pada bas kasmasa rha tha.

S – monty tu bta kaun hai ye Rocky

M – m….m… mai nahi bata sakta , wo.. wo mujhe maar dalega

S – wo to jab maarega tab marega abhi yahan tujhe mujhse kaun bachayega

M – p… please dekho … m meri tum logo se koi

S – CHUP…. Jaldi bata kahan milega Monty warna…..

Aur surya ne uski paanv ki chot ko dabana shuru kar diya.

M – aaaa….aaah bhai bhai wo wo apne ,,, apne ghar ke basement me bane poojaghar me honge

S – poojaghar , matlab

M – wo… wo bhai koi pooja kar rahe hain jisme kuch selected kunwari ladkiyo ki bali deni hoti hai …. H… ham log unke liye ladkiya arrange karwate hain….

S – KYAAAA…. UFFF,,, kahan hai uska ghar aur tujhe kaise pata ki wo is waqt wahi hoga.

M – wo , y.. ye bola na k ladki ko agli baar k liye bhai le gaye hain to wo wahin honge…. aaaAAAAAAAh

Surya ne uski chot par aur juada maslte hue bola – tuje tere kiye ka dand jarur dunga par pehle sukanya ko bachana jaruri hai…. Chal pta bol uska

Aur unse pta jaan unhe wahin chhod surya nikal gya Rocky ke ghar ki aur…. Raste me se hi usne police ko call kar Monty ke kaarnamo ke baare me sab bta diya. Police bhi is case ki wajah se kayi din se pareshan thi kyoki na to ladkiyo ki dead body milti thi aur na hi koi aur lead. Isliye information milte hi police team nikal padi hospital ki aur…..

Awesome update bhai

 

[Nevil singh]

UPDATE 34

Surya jab rocky ke thinane par pahucha tab monty ke bataye raste se sidha uske basement wale poojaghar me pahucha.

Rocky wahin lal dhoti pehne kuch matra budbuda raha tha uske aur maa patal bhairvi ki murti ke beech bane hawankund ke paas hi sukanya behosh padi thi. Meghna shyad aaj wahan nahi thi.

Surya dahaad kar bola “ROCKY….”

Rocky ne mudkar dekha aur bola “kaun hai tu jo apni maut ko awaz de raha hai au yahan kaise pahuncha.”

S – jise tune mara hai aur jiski tu bali dene jar aha hai , dono mere apne hain aur unki ye halat karne ke evaj me maut to tujhe mai doonga, vaise bhim tere jaise darinde ke liye maut ki saja bhi kam hai.

R – aisa kyaa, aa jara dekhu tujhme kitna dam hai

Surya ne wahi se jump li aur hawa me flip karte hue apne dono per uske seene par de mare. Wo ladkhadata hua jaakar diwar se takraya. Gusse se bhanbhanate hue rocky uth khada hua.

R – manna padega ladke jaan to hai tujhme

S – abhi to shuruaat hai..

Rocky bhagta hua surya ki taraf aaya aur niche ko jhukte hue usne apne kandhe ka prahaar surya ke pet me kiya. Jisse surya k paanv ukhadgaye. Isse pehle ki surya girta usne apne kohni ka jordar prahaar rocky ki peeth par kiya. Roky k muh se karaah se nikal gayi, surya ne bina mauka ganvaaye apna ghutna uski chin par mara. Fir uske samhalne se pehle ek round kick jad di. Itni maar rocky ne aaj tak nahi khaayi thi kyoki wo bhi ek trained fighter tha….

Gusse ke mare usne apni tamsik shakti ka prahaar surya par kiya. Ek laal roshni si surya ki taraf lapki par surya alert tha ki ye ek tantrik bhi hai. Surya ne apni yog shakti se ek sunehri roshni si chhodi jinke apas me takrate hi na sirf rocky ka prahaar vifal hua balki ek jordar shakti prahaar hu Rocky par, jisse wo udta hua piche diwar se ja takraya. Usme muh se khoon aa gya.

Is prahaar se Rocky ye to samajh gya ki ye koi mamuli insaan nahi hai, balki koi divya shakti dharak hai. Ab ki baar rocky ne apni poori takat se ek tej laal kaali roshni ka prahaar surya par kiya jo lagataar uske haathon se nikalti ja rahi thi , Surya ne bhi adhiktam shakti prayog karte hue use apne hatho se nikal sunehri urja se roka, dono shaktiyo ke takraane se chingariyan si nikal rahi thi. Takkar barabari ki thi. Lagataar dono apni urja prayog kiye ja rahe they, aakhir jakhmi hone ki wajah se Rocky kamjor padne laga.

Achanak ek jordaar dhamake ke sath surya ki shakti ne us tamsik shakti ko chhinn bhinn kar diya. Us haal me charo taraf teevra roshni si fail gayi. Roshni kam hone par surya ne dekha ki Rocky lahuluhan niche pada hai wo uski aur badhne laga tabhi uski najar sukanya par padi jispar is ladai ki wajah se kaafi chote aa gayi thi. Uski karahat sunkar surya pehle use lekar bahar gaadi me bithane aaya fir laut kar Rocky ko lene aaya to wo wahan nahi thi darasal usi samay wahan meghna bhi aa gayi thi aur najuk halato ko samajhte hue wo Rocky ko chupchap lekar kisak gayi…

Sukanya k baare me soch kar Surya bhi wahan nahi ruka aur use lekar hospital nikal gya….

Laajwaab update mitr

 

[Nevil singh]

UPDATE 35

Surya sukanya ko lekar hospital pahucha jahan dr ne sukanya ko first aid diya chunki jyada gehri chote nahi thi isliye use admit nahi kiya.

Fir sukanya ke kehne par wo use Virat se milane le gya. Lekin virat so raha tha to bas use dekhkar sukanya ghar jane lagi par surya ne mana kar diya aur wo khud use chhodne gya.

Next day jab surya acharya ji se mila aur unhe sab bataya to unhone dhyaan me jakar Rocky ke baare me pta lagaya to unhone surya ko Rocky ka poora parichay diya aur btaya ki yahi wah paapi hai jiske sanhaar ke liye tumhara janm hua hai. Ye jaankar Surya wapas Rocky ko ji jaan se dhoondne laga par wo to yu gayab ho gya tha jaise gadhe ke sir se seeng. Kuch din me Virat bhi theek ho gaya.

Fir kuch samay tak inki jindgi theek thak chalne lagi. Is beech Rocky ki side dekhte hain kya hua, ghayal Rocky ko jab hosh aaya to wo baukhla sa gaya ki aise kaise ho gya, ye kaun hai jo uspar meri tantrik shaktiyaan tak beasar ho gayi…

Thoda samhalte hi rocky ne ek khaas anushthan aarambh kiya jisse use surya ke baare me sab pta lag jaaye.

Anushthan poora hone par khud maa patal bhairvi ki awaj wahan goonji.

PB – bolo putra kya janna chahte ho

R – maa aap sarvgyani ho, kirpya mujhe ye bataye ki bachpan se kade yudhabhyasso aur aapki pooja se mili aseem shakti ke baawjood main ek manav se haar gaya. Aisa kaise ho gya maa.

PB – wo balak mrityu hai teri murakh, swayam devtao ne use tere manorath ko todne ke liye bheja hai. Uske hote tu ye siddhi kabhi poori nahi kar paayega.

R – nahi …. Itna bada shadyantra. Mai use safal nahi hone de sakta… pidhiyo ke intjaar ke baad ab hamara manorath purn hone wala hai, to mai use yu barbaad nahi hone de sakta…

PB – uski divya shaktiyo ke samne tumhari shaktiya bahut kam hai, tum usse nahi lad sakte…

R - ye nahi ho skta , mujhe use harana hi hoga, Bal se nahi to chhal se. aap mujhe koi aisi shakti bataye maa jisse mai uska sanhaar kar saku.

PB – waise to niyati ne tumhari mrityu usi ke hath likhi hai par fir bhi mai tumhe ek marg batati hu, yadi tum wo kar paaye to shayad parinaam bhinn ho.

R – maa mai aapka rini rahunga maa

PB – tujhe kam se kam 2 varsh tak ghor tap karna hoga aur usse ………………………….. sath hi koi aisi yukti lagani hogi jisse uski shaktiya ksheen ho jaye.

R – jo aagya maa. JAI MAA PATAL BHAIRVI….

Aur fir Rocky ne kisi gupt stan par 2 varsh ke liye ghor tap prarambh kar diya.

Is beech surya aur uske dosto ki graduation bhi poori ho gyi…

Beautifull update dost

 

[Nevil singh]

UPDATE 36

final year k papers ka aaj aakhiri din tha, hum sabhi khush they ki aaj hum free ho jayenge. To hum logo ne outing ka prograame banaya.

Virat – ye dekho yaar mujhe kal hi kisi ne brochure diya tha is resorts ka yahan se *** km door bada hi romantic hill station hai, kyu na wahi chale. Maine net par aur bhi photos dekhe hain us jagah ke.

Dono ladkiya (sukanya aur kiran )- haan surya please please chalo na.

S – muskra kar – ok done

V – chalo fir tay raha hum log kal hi niklenge.

Agle din hum log wahan ke liye nikal pade, lamba safar karne ke karan thak gaye they aur pahado me shaam bhi jaldi dhalne lagti hai to hune kal ghoomne ka decide kiya aur sone chale gaye. mai aur Virat ek room me aur sukanya aur kiran dusre room me ruke they.

V – bhai ek baat bolu

Me – bol

V – yaar…. wo kya hai na… ki na….. am…. I love sukanya

Me – kuch naya bola ye to hum jante hain

V – kya par maine kab bola

Me – tu nahi bolega ghonchu to pta nahi lagega kya, aur aise atakega uske aage to lag gayi teri lanka hahaha.

V – abe mai tujhse propose karne ke tip poochna chahta hu tu pehle hi nervous kar de

Me – hahaha nalayak ye tip vip sab bakwas funde hain just go aur sidhe sidhe shabdo me apne dil ka haal suna daal.

V – keh to aise raha hai jaise khud ne kitne jhande gaadh rakhe ho. Aaj tak tujhse Kiran ko propose to hua na, ab ye na kehna kit u use nahi chahta.

Me – nahi kahunga , mai use chata hu aur janta hu ki wo bhi mujhe chahti hai, aur hamara pyar izhaar ka mohtaaj nahi hai. Mera janm ek khaas uddeshya ki purti ke liye hua hai aur usme khatre bahut hain isliye jab tak wo maksad poora nahi ho jata mai is baare me aage nahi badh sakta, kyoki mai nahi chahta ki kisi pratikul parinam ke natije kiran ko bhugatne pade.

V – bas bas jyada drama na kar, kaise bhi halaat ho tere aage ye Virat dhal banker khada rahega.

S – mujhe yakeen hai mere dost,

Aur aage badhkar use gale laga leta hai, fir dono so jaate hai nextday resorts me brakefast kar ke ghoomne ke baare me decide karte hain tabhi ek vaiter inke paas aata hai

Vaitor – sir may I help you

Virat – haan yaar ye bta ki aaspaas kuch hatkar unique sa kuch hai to bta.

Vaitor – ji sir yahan resort ke gate ke paas se hi ek kachha rasta andar jungle ki taraf gya hai, wahan takreeban aadha ghante ke raste par ek natural waterfall hai, wahan logo ki aawajahi na ke barabar hai.

Virat – fine…. To hum pehle wahin chal rahe hain

Hum sabne ok kaha aur nikal pade jungle ke liye. Jungle me lagbhag ghante bhar baad hum wahan pahuche , pahadiyo ke beech, raste ki masti aur jungle me naye hone ki wajah se thoda jyada time laga.

Wahan ka scene wakayi mast kar dene wala tha. beautiful scenery , mast hawa, shant mahaul , shayad yahan jyada log aate jaate nahi they. sirf hum log they wahan , hum log jharne me nahaye bhi aur kuch der jungle ka maja liya , thodi der me Virat mere paas aya aur bola, “kya kehta hai bhai yahin propose kar du use.”

S – “shubhasya sheeghram.”

Wo muskara kar bola “par tu kiran ko to alag bula”

S – ok bhai … KIRAN jara yahan aana.

Kiran jo ki thodi doori par jharne ke paas ek chattan par sukanya ke sath baithi thi meri awaaz par uthkar meri taraf aane lagi,

K – haan bolo surya

S – jara mere sath wahan tak chalo (thodi door ki aur ishara kiya)

K – kyu kya hai wahan

S – chalo to batata hu

Fir maine Virat ko ishara kiya to Virat sukanya ki taraf badh gaya. Maine use fir ishara kiya ki jungli foolo k podhon taraf. To wo mudkar fool lene chala gya.

Idhar main kiran ke sath thodi aage aakar “wo actually virat sukanya ko propose karne ja raha hai”

K – to mai kya pakad rahi thi

S – hahaha mera matlab wo nahi tha yaar

K – hahaha samajhti hu par use chhedne me maja aata

S – rehne do badi mushkil to bechare ne himmat kari hai.

K – huh , tum ladke to ye hi chahte ho ki ladkiya khud aakar tumhe I love you bole.

Mai uska tanj samajhkar muskrat utha tabhi ek cheekh goonji. Maine palat kar dekha to stabdh reh gya.

Kadak update mitr

 

[Nevil singh]

UPDATE 37

Maine palat kar dekha to stabdh reh gya kyoki pichhe sukanya ki garden par chaku rakkhe Rocky khada tha. isse pehle ki koi kuch karta Rocky ne uska gala ret diya.

Hum teeno …SUKANYAAAAAAAAAA……….

Meri aankho me khoon utar aaya, mai apni power ka use karte hue lagbhag udta hua wahan pahuncha par Rocky gayab ho gya tha. Maine sukanya ko samhala aur pulse check karne laga itne me Virat aur Kiran bhi daudte hue wahan pahuche. Kiran prashanwachak drishti se mujhe dekhne lagi to aansu bahate hue maine naa me gardan hila di.

Virat to ye sab dekhte hue baura gaya tha. “nahi meri sukanya mujhe aise chhodkar nahi ja sakti.”

Surya – samhalo khud ko Virat, kiran tum dono sukanya ko yahan se lekar jao, wo kameena yahi kahi hai. Mai usse nipat kar aata hu.

Kiran – lekin surya tum akele us dhurt ke paas mat jao.

Surya – mai use pehle bhi sabak sikha chukka hoon, tum ghabrao mat, tum Viraj ka khyaal rakhna.

Tabhi pichhe se atthas ki awaz aane par maine palat kar dekha to kaafi doori par ek chattan par wo kameena Rocky khada has raha tha.

Gusse se daant bheenchta hua mai bola, “aaj tune bahut badi galti kar di Rocky.”

Rocky – “tu kya soch raha hai mai yahan achanak aaya hu, ye sab jo hua mera hi plan tha, wo brochure wo waitor hahaha , mai yahan tumhe jaan boojhkar laya tha.

“AAAAAAA……… “ Aaur maine uski aur chalaang laga di aur usne jungle ke andar ki taraf.

S – bhagta kyo hai ab kayar, dam hai to mukabla kar”

R – hahaha , haste hue aur andar le gya.

Maine apni sunahri shakti kiran se uspar prahaar kiya par wo ek tarf kood ke bach gaya aur kiran jaakar ek ped se takrayi wo pura jal utha. Fir ek taraf aakar wo khada h gaya, maine fir se ek sunehri kiran uski aur chhodi par achanak wo gayab ho gya aur is baar kiran jaakar ek mitti ke teelenuma dher se ja takraayi aur ek visfot k sath hawa me charo taraf mitti mitti fail gayi.

“KAUN HAI DUSHT”

Ek garjdaar awaaz goonji

Krodh ke vashibhoot maine bhi paristhiti na samajhte hue awaz ki disha me prahaar kar diya. (ab tak mai apni hi speed me wahan pahuch gaya tha) Tabhi dhool chhanti to dekha ek aghori baba niche gire pade hain.

aghori – “DUSHT divya shakti dharak hote hue bhi tumne na sirf mera tap bhang kiya apitu mujh par prahaar bhi kiya. Ja mai tujhe shrap deta hu kit u in divya shaktiyo se rikt ho jaaye. tu apni ye shaktiya kho baithega, aur wo bhi tab jab baat teri jindgi aur maut ki hogi.”

Surya - hatprabh sa, hath jod wahi ghutno par baith gaya – BABA aisa na kahe baba. Jo hua anjane me hua. Mai to ek dusht ka sanhaar karne hetu uska pichha kar raha tha. aap to sarvgyani hai baba, kirpya apna shraap wapas le maharaj.

Surya ko samajh aa gya tha ki usne galti se ghor anarth kar dala hai aur shayad Rocky ne ye sab usse jaanboojhkar karwaya hai, par kehte hain na , ab pachhtay hot kya jab chidiya chug gayi khet.

Aghori baba ne apni aankhe band kar li aur apni divyadrishti se sab dekha fir aankhe khol kar bole, putra ye wastava me hamse ghor bhool ho gayi, par ab mai diya hua shraap wapas nahi le sakta haa iska asar jarur kam kar sakta hu, ye shaktiya ek varsh baad punah tum prapt kar sakte ho.

S – parantu prabhu is ek varsh me wo agar mujhse takraya to kya mai use rok paunga.

Baba – nahi putra, kyoki maine divya drishti se dekha hai ki usne tumhara ant karne ke liye, pichhle do warsh ke ghor tap se ek amogh shakti devi patal bhairvi se prapt ki hai. Yadi usne wah tum par prayog kar di to tumhara bachna mushkil hai.

S – to mere liye kya aagya hai prabhu

B – neelgiri ke jungle me mera aashram hai, jahan koi bhi dushtatma ya unka hathiyar pravesh nahi kar sakta, tum jakar ek varsh wahi sadhna karo.

S – jo aagya prabhu.

B – aur ek baat wahan pahuchne ke liye tumhare paas matra 24 ghante hain, uske baad mere shraap ka prabhav shuru ho jayega.

S – main samajh gaya maharaj.

B – ab der na karo putra.

Surya maharaj ko pranaam karke wahan se turant nikal gya.

Udhar rocky jo chhupkar sab dekh aur sun raha tha , apni shaitani hasi hasta hua budbudaya, “ab tujhe mujhse kaun bachayega, bada aaya tha mera kaal banne.”

Vishesh update mitr

 

[Nevil singh]

UPDATE 38

Aage badhne se pehle clear kar du ki dosto pichhle update me jin baba ka jikra hua ye wahi aghori baba they jo mujhe swapn me dikhe they. Haan baad me jab inka krodh shant hua to ye apne saumya roop me aa gye….

Mai wapas resorts tak pahuchato wahan police wagerah sabko dekh ke maine bahar se hi kiran ko call ki aur use sab bta kar aur Virat ko samhalne ka kehkar bahar se hi nikal liya taki police roke na. aur viase bhi time kam tha mere paas. 24 ghante me aashram tak pahuchna tha.

Maine puri jaan laga di wahan pahuchne ke liye, pehle by car fir by air aura b taxi me tha. abhi mai airport se nikal kar 8-10 km aage hi aaya honga ki achanak ek blast ki wajah se sab gaadiya ruk gayi. Maine ghadi ki aur dekha abhi 1 ghanta baaki tha shraap ka asar shuru hone me to maine ye rasta apni shaktiyo ke dam par tay karne ki sochi, jaise hi mai taxi se bahar nikla mujhse aage wali car ek blast ke sath ud gayi. Whan kisi ki cheekh goonji.

Mai daudkar us palti hui car ke paas pahucha, to usme ek aadmi fasa hua jakhmi halat me dard se karah raha tha. maine jaise taise use bahar nikala (dosto ye koi aur nahi Ajay tha thakur bheeshm paratap ka beta jo airport se apne ghar ja raha tha. mai use side me lejakar bith diya tabhi ek hasi sunayi di, ye awaaz mai kaise bhool sakta tha.

Me – “ROCKY”

R – HAHAHA

Me – mai tujhe chhodunga nahi kamine

Rocky ne aura age wali ek bus par apni laal kali beam chhodi jisse bus uchhalkar side me giri, usme cheekh pukar mach gayi.

Maine ek golden beam uski tarf chhodi to wo gayab ho gya, mujhe laga abhi kuch der to shaktiyaa mere paas hai to mai inhe bachakar Rocky ka khel aaj hi khatam kar dunga. Aur mai bus me se logo ko nikalwane laga.

Tabhi Rocky ne kich aage khade ek tanker me aag laga di. Isse pehle ki wo fate maine apni power se poora tanker hawa me uda kar door fek diya…

Maine Rocky ki tarf ek golden kiran chhodi usne apni tamsik shakti se bani laal kali beam se use kaat diya. Isse pehle ki mai apni poori shakti se us par prahaar karta wo fir gayab ho gya. Baar baar isi tarah wo waha maujood nirdosho ko target kar raha tha aur mai jitna ho sake utne logo ko bachane ki koshish kar raha tha. kaafi der is luka chhipi ke beech time kab nikal gya pta hi nahi chala.

R – mujhse kuch doori se prakat hoke – tu kya soch raha hai murkh mai kyo tujhpar sidha prahaar nahi kar rha kyoki kuch jhi der me mai tera ant karne ja raha hoon. Jara samay dekh apni ghadi ka.

Maine chaunk kar dekha to sirf 3 minute bache they mere paas.

Maine bina kuch soche samjhe apni poori taqat se ek sunehri beam se us par prahaar kiya , jawaab me is baar usne ek syaah kali beam se meri shakti ko roka. Dono shaktiyo ke aapas me takraane se ek bada dhamaka hua , jisse wahan maujood sabhi log thode bahut jakhmi ho gaye, mai bhi us dhamake ke veg se uchhalkar pichhe ko gira. Shock to rocky ko bhi laga par wo samhal gya.

R – “Bas ab bahut hua khel, ab marne ke liye taiyaar hoja. Ye dekh”

Uske hath me ek divyastra aa gya. Jo teevra prakash se

R – ye hai amogh shakti jo khud ma patal bhairvi se paayi hai maine. Ab de ke dikha jawab de sakta hai to.

Maine uski aur apni sunehri urja se hamla karna chaha par kuch nahi hua shayad shraap ka asar shuru ho gya tha.

Tabhi jaise waqt tham gaya, wahan mere paas hi baba prakat hue.

B – putra wahi hua jiska hame sandeh tha, ki ye shaitaan tumhe aashram tak nahi pahuchne dega. In halato ke liye kahi na kahi mai bhi doshi hu. Tap bhang hone se mai krodh me aa gya tha, prabhu meri bhool ko kshama kare.

Me – aap swayam ko dosh na de maharaj, niyati ne jot ay kar rakha hai hoga wahi.

B – par ab bina madad ke tumhara bachna sambhav nahi. Dekho tumhari madad karne kaun aaya hai.

Baba ke pichhe se Virat samne aaya.

Me- nam aankho se – virat mere dost , mujhe maaf karna tere is bure waqt me mai tera sath nahi de paya aur kayar ki tarah jaan bachane yahan bhaag aaya

Virat ne aage badhkar mujhe gale laga liya

V – nahi dost tumhara uddeshya to mere dard se kahin bada hai, mujhe baba ne sab bta diya hai. Ab tu is kamine ke samne se hat aur mujhe iski is amogh shakti se nipatne de.

Me – jahan mai bebas hu tu kya karega.

Wo muskraya - bas tu side me hat ke dekh

Mujhe baba ne ek tarf aad me kar diya, fir virat ki tarf dekha, achanak virat badalne laga. Wo hubahu meri tarah dikhne laga kapde aur yahan tak ki jakhm bhi.

Wo jo karne wala tha uska bhaan hote hi main kaanp utha

Tabhi waqt punah shuru ho gya aur Rocky ne Virat ki aur amogh shakti chala di. Wo shakti bijli ki gati se aakar jaise hi virat se takrayi. Uski urja se takreeban 500 m ke daayre me sab dhadhak utha. Charon taraf se cheekhe sunayi de rahi thi kayi nirdosh us urja ki bhent chadh gaye, jinme ajay bhi ek tha. aur mujhe baba ki shaktiyo ke kawach ne bacha awashya liya par wo lagbhag 70% jal gaya tha aur Is hadse ke karan mai apni yadasht bhi kho baitha.

• Flashback ends -

VIRAAAAAT……………. Chillate hue mera dhyaan bhang hua, aur meri aankho se aansu beh rahe they aur mere saamne kiran baithi ro rahi thi.

Damdaar update mitr

 

[Nevil singh]

UPDATE 39

“VIRAAAAAT…………….” Chillate hue mera dhyaan bhang hua, aur meri aankho se aansu beh rahe they aur mere saamne kiran baithi ro rahi thi.

“Kiran wo… wo virat….. usne wo shakti apne upar le li… kya jarurat thi use yu….. kya sochkar kiya usne ye….”

Kiran – samhalo khud ko surya

V – kaise samhalu kiran usne meri maut apne upar le li.

K – uska balidaan ko bekar nahi jane dena chahte ho to samhalo khud ko.

V – nahi …. Nahi chhodunga mai use

Tabhi wahan baba ki awaz aayi….

B - “Chhodna chahiye bhi nahi putra. Tumhare jaane ke baad maine hi Virat aur Kiran ko samast ghatnakram ke baare me bataya tha, sath hi apna sanshay bhi ki wo tumhe aashram tak pahuchne nahi dega.”

Surya kiran ke aage ghutno par aa gya rote rote aur Kiran dono hatho se uske aansuo ki behti hui aviral dhara ko pochh rahi rahi thi.

B – ye to dono hi tumhe bachane ke liye mere pairo me gir gaye, putri kiran swayam aana chahti thi tumhe bachane par putra Virat ne kaha ki kiran ko agar kuch hua to surya ko samhalna kisi ke bas me nahi hoga. Jabki kiran mujhse behtar tarike se use samhal sakti hai.

K – ye bolkar wo (virat) apna dukh (sukanya) bhoolkar tumhe bachane gaya , yu rokar uske balidan ka majaak mat bnao surya, utho aur bta do us Rocky ko ki Surya laut aaya hai.

S – daant peeste hue – haa…. Usne jo kiya hai uska painaam wo bhugtega….. mai dunga use jo saja wo bhugtega… Rocky aa raha hu mai….

B – putra , josh me hosh mat khona…. Bhale hi ab uske paas amogh shakti na ho (kyoki wo iska use ek hi baar kar sakta tha) par wo kam nahi hai.

S – maharaj ab uski koi shakti koi kawach usko nahi bacha sakti, mujhe ab apna koi moh nahi hai, ab job hi hoga hamare beech nirnayak hi hoga.

B – us nirnayak takrav se poorv mai tumhe apni samast tapobal pradaan karna chahta hu putra. Mai kayi varsho se tapasya me tha jo us dusht ke shadyantra ke karan bhang ho gayi, ab mai ye tapobal tumhe deta hu.

S – mai anugrahit hua maharaj

Baba dhyaan ki mudra me baith gaye aur surya unke saamne, baba ke bheeter se ek shaktipunj nikla aur baba ke dil wali jagah se nikalkar surya ke dil me pravesh kar gaya.

Surya wo tej nahi samhaal paaya aur behosh ho gaya.

Kiran surya ki aur lapki par Baba ne rok diya.

B – ghabrao mat putri ye subah tak hosh me aa jayega. Naa sirf yeh tapobal balki surya ko janm se mili hui sabhi shaktiya bhi kal apni purnta par hongi, fir koi bhi buri shakti iska samna nahi kar sakti…

Ye janne ke baawjood kiran wahi surya ke sirhane baithi uske baalo me hath ferti rahi.

Puri raat kiran Surya ke sirhane baithi rahi par ab pehle ki tarah wo udaas nahi thi kyoki uske surya ki yaaden jo wapas aa gayi thi.

Subah jab surya jaga to wo pehle ki apeksha shaant aur sanyat lag raha tha. Uske shareer se alag hi aabha nikal rahi thi. Surya ne jaise hi kiran ko sirhaane baithe dekha to muskrat utha.

Surya (man me) – kiran mujhe maaf karna ki ab tak mai tumhare pyar ka jawab pyar se nahi de paya, bus kuch samay aur, us shaitaan ke ant ke sath hi mai apna dil tumhare samne khol dunga. Abhi tumhe un dono ke baare me bhi to batana hai.

Kiran – good morning surya, kaisa feel kar rahe ho ab.

S – very good morning, I am totally fine. Baba yahi aashram me hain ya…

K – nahi wo raat hi chale gaye they. Shayad aate hi ho, tum ready ho jao.

Hmmm haami bhar kar surya nahane dhone chala gya. Nahakar lauta to dekha kiran nashta kutiya me hi le aayi thi.

K – jaldi nashta kar lo fir pitaji (acharya ji) bhi tumse milna chahte hain.

Me – ha mai bhi unse milna chahta hu

Mai asal me sab baate pehle unke samne clear karna chahta tha, kyoki guru they wo mere, unhe andhere me rakhkar koi faisla lena mujhe sahi nahi laga. to nashta wagerah karke mai swamiji ke paas pahucha. Wo bhi is baat se bahut khush they ki mai us daur se bahar aa gaya hu.

Maine unhe beet ek varsh ka sab haal keh sunaya aur sath hi ye bhi ki bataya ki Kiran aur mai pehle se hi ek dusre ko pasand karte hain. Unhone muskara kar kaha – putra mai janta hut um galat nahi ho sakte, behtar hoga ki bhaavi jeewan ka nirnay tum log swayam karo, mera aashirwad sada aur har nirnay me tum logo ke sath hai.

Mere dil se ek bojh utar gaya tha, mai jakar kutiya me baitha hi tha ki baba ki awaz mere man me goonji.

“Putra surya”

Me – ji baba aap kahan hai

B – putra apni shaktiya tumhe den eke baad maine jungle me jaakar Samadhi le li aur is sharir ka tyaag kar diya.

Me – kya….. baba aap bhi mujhe yu akela chhod kar chal diye.

B – putra ye yudh to tumhe hi ladna hai, ye tumhara Karmyudh hai, haan mera aashish hamesha tumhare sath rahega.

Me - to mera margdarshan kare maharaj

B – isiliye maine tumse sampark kiya hai putra, Rakesh ek gupt jagah par pichhle ek varsh se ghor tap kar raha hai aur sheeghra uska tap purn hone wala hai jisse use wo shakti mil jayegi jisse wo bhootkal me mare hue asur mahayodhao ko punah jivit kar sakta hai. Tumhe uska ye tap khandit karna hai. Wo ******* par hai.

Me – jo agya maharaj

Mast update mitr

 

[Naik]

Agle last update ka intizar h bhai