- 5,758
- 13,146
- 189
Thanks Mbindas bhai for your support and comment...Aise hi saath bane rahiye.Very nice update bhai
Romance Kasam - Love is not Everything (Completed)
- Thread starterChamp_AK_81
- Start date
- 598,648
- 5,758
- 13,146
- 189
UPDATE 34
Next Day
Agle din hotel ke baahar sabhi students jamma ho gaye…Wahi discussion ho raha tha group division aur visiting spot ke baare me…Total 5 teachers aur 25 students the…Aur decide hua ki 1 teacher ke supervision me 5 students.
Pahadi ilaaka me sthit ye jagah par bahut se ghumne laayak jagah tha…Visiting spot ke roop me bhi alag alag jagah select kiya gaya…Forest visit, trekking, historical temple visit, riverside visit, zoo, park, caves aur bhi bahut interesting sites.
Group division hua…Sabhi group me 5 students the…Atul ke group me uske baaki ke 4 dost…Yani ki Nisha, Ajay, Anjali aur Kajal.
Aur group supervisor Rahul sir ko rakha gaya…Unka group supervisor announce hote hi Atul ke alawa sabhi ko thoda dar lagne laga…Lagta bhi kyu nahi…Sabhi dekh chuke the wo kitna strict hai…Abb sabhi ko yahi lag raha tha ki wo iss tour ko freedom ke saath enjoy nahi kar paayenge jitna sabhi ne socha tha.
Unn 4 ke alawa sabhi tour ke liye excited lag rahe the aur aage aane wale pal ke baare me soch kar abhi se khus thhe.
Fir teachers ne students ko rules and regulations aur unka limit samjha diya fir sabhi alag ho gaye apne apne destination ki taraf. (Forest visit)
Sabhi Rahul sir ke saath chal rahe the…Lekin koi kuch bol nahi raha tha…Nisha, Ajay, Anjali aur Kajal thoda dar bhi rahe the aur Atul bas unke bolne ki intejaar me tha…Nisha aur Ajay ka chup rehne ka ek aur vajah bhi tha…Dono apne soch me khoye hue the aur pyar ki jung me khud se hi lad rahe the.
Dr. Rahul:- Tum sab itne chup kyu ho? Masti karne aaye ho tour me…Bolo, nacho, gaao, masti karo…Aise serious aur chup rehne se to iss tour ka koi matlab hi nahi hai.
Atul:- Sar sabhi ko sardi aur jukham ho gaya hai.
Atul ne bindaas bol diya…Aur uski iss tarah se baat karne se uske sabhi dost hairaani se usse ghurne lage…Do vajah tha…Pehla Atul ne jo bhi kaha tha wo puri tarah galat tha…Dusra sabhi hairaan thhe ki Atul Rahul sir ke saamne kaise itna bindaas tarike se bol raha hai.
Fir Rahul sir ne sabhi ke chehre ki taraf dekha…Unko apne taraf dekh kar koi kuch nahi bol paa rahe the…Pehle sabhi ne apna chehra naa me hilaaya aur fir kaha "Nahi sir…Aisi koi baat nahi hai."
Sabhi ki aisi haalat dekh kar Rahul sir ne muskura kar kaha.
Dr. Rahul:- Tum log sudhroge nahi…Abhi bhi dar rahe ho…Are yaar mai koi bhut nahi hu aur naa hi utna khunkhar jitna tum log soch rahe ho…Class ke andar aur baahar bahut alag hu…Chalo mujhe apna dost hi samjho aur masti karo…Darne ki koi jarurat nahi hai.
Atul:- Sir koi faaidaa nahi…Mai bhi bahut lecture de chuka hu inhe…Lekin samajhte hi nahi…Darna sabhi ki aadat ban chukka hai…Itna jaldi ye aadat nahi jaayega.
Atul ki iss baat par sabhi usse fir se ghurne lage lekin iss baar thoda gusse se.
Dr. Rahul:- Waise mere paas bahut tarika hai…Dekh kaise inko bolne par majbur karta hu.
Dono ki baat sun kar sabhi kuch bolna to chaah rahe the lekin kya bolna chaahiye ye samajh me nahi aa raha tha…Issi liye iss baar bhi wo chup hi rahe.
Atul:- Kaise sir?
Dr. Rahul:- Ragging lena padega sabka.
Rahul sir ki iss baat par Atul aur hasne laga apne dosto ka chehra dekh kar…Jo fir se dar gaye the ragging ki naam sun kar…College ki first day ka ragging abhi tak koi bhula bhi nahi tha. (Ragging is usual in medical college…Bas story me likha nahi hai.)
Dr. Rahul:- Tu itna has kyu raha hai? Tera hi ragging lene wala hu sabse pehle.
Rahul sir ki iss baat se Atul ki hansi achanak ruk gaya aur wo thoda khaansne laga…Atul ki iss haalat dekh uske sabhi dosto hasne lage.
Atul ne Rahul sir ki taraf dekha aur jald pata laga liya ki sir usse majaak kar rahe hai…Fir usne majaak ko jaari rakhte hue kaha.
Atul:- Sir aap?
Dr. Rahul:- Ha…Kyu?
Atul:- Lekin aap kaise ragging le sakte hai…Ragging to sirf seniors lete hai.
Dr. Rahul:- Mai bhi tum sab ka senior hu…10 Batch aage ka senior…Issi college se graduation kiya hai maine bhi.
Atul:- Lekin sir.
Dr. Rahul:- Kya lekin…Taiyaar ho jaa abb tu.
Atul:- Sir please fir kabhi kar lijiye ragging…Lekin yaha nahi…Aur inn sab ke saamne to bilkul nahi…Bahut kamine hai sab…Baad me hans hans kar majaak udaayenge.
Atul darne ka acting acche se kar raha tha aur sabhi dost uss par hanse jaa rahe the.
Ajay:- Abb kuch jyada hi overacting kar raha hai tu…Chup ho jaa bhai.
Fir Ajay ne Rahul sir se kaha.
Ajay:- Sir…Aap please iska ragging lijiye…Aaj bhi iska college ka first day ka ragging nahi bhula paaya hu…Aise aise task mila tha isko ki soch kar abhi bhi hansi aa raha hai…Uss din hasna mana tha warna hans hans kar pet dukh jaata.
Ajay ne hanste hue kaha.
Nisha:- Sahi kaha Ajay…Jindagi me pehli baar itna hansi aur maja aaya tha…Lekin majburi tha ki seniors ne hasna mana kiya tha.
Atul:- Bahut raaj ugal rahe ho…Tum dono ke baare me bhi bata du kya.
Ajay:- Are nahi bhai…Maine to aise hi keh diya tha.
Atul:- Agli baar soch samajh kar panga lena.
Atul ne baal (hair) milaate hue shaan se kaha.
Ajay:- Sir please…Aap ek baar fir iska ragging lijiye…Ek baar fir dekhne ka man kar raha hai.
Dr. Rahul:- Iss baar nahi…Bechaara ka pehle hi bura haal hai…Yaha isko masti kar lene do aur tum sabhi bhi karo…Abb koi chup raha to uska ragging pakka lunga.
Issi tarah sabhi Rahul sir se khul kar baat karne lage aur sabhi ka soch Rahul sir ke liye badalne laga.
Fir sabhi kuch der baad jungle me pahunch gaye…Rahul sir sabhi ko kuch jaruri ped (tree) , jagah aur jungle ke baare me bataane lage…Saath me sabhi ek dusre se hansi majaak bhi kar rahe the.
Ajay bhi apna tension bhul kar maja lene laga…Nisha bhi Atul ka majaak udaane ka koi mauka nahi chhodti…Kajal aur Anjali bhi bich bich me baaton me saamil ho jaati.
Dr. Rahul:- Accha to abb ye bataao ki tum me se kaun kaun relationship me hai?
Rahul sir ki iss sawal se sabhi hairaani se pehle ek dusre ko dekhne lage aur Rahul sir ko dekh kar ek saath Naa me sir hila diya.
Dr. Rahul:- Tum sabhi sirf padhaai hi karte ho kya? College life ki maje ke baare me kuch jaante hi nahi ho.
Rahul sir ne hairaani ke saath kaha.
Atul:- Maja to bahut karta hu sir…Dosto ke saath masti karna, ek dusre ka majaak udaana, cricket khelna aur koi boring class hua to bunk bhi maarte hai ham sab mil kar.
Dr. Rahul:- Bewkuf ye to bacche bhi karte hai…Thoda bada ho jaa yaar.
Ajay:- Sir bada hone ka matlab pyar wala khel khelna?
Dr. Rahul:- Tu thoda samajhdaar lag raha hai.
Ajay:- Lekin sir ek haath se taali bhi to nahi bajta…Mai to taiyaar hu lekin sabhi ladkiya mujh se dur hi bhaagti hai.
Dr. Rahul:- To bhai khud ko aisa bana ki ladkiya tere picche bhaage.
Atul:- Ye iski bas ki baat nahi hai sir.
Dr. Rahul:- Accha…To fir tu bata…Tera single hone ka vajah.
Atul:- Sir mere paas aise faaltu cheejo ke liye vakt nahi hai…Ladki pataane ki vakt ka istemaal padhaai me karu to bahut gyan haasil ho jaayega.
Atul ki iss baat par Rahul sir ne apna sunglass nikaal kar kaha.
Dr. Rahul:- Kya? Chal ek baat bata…Tu padhai ke liye saans lena aur khaana khana chhod deta hai kya?
Atul:- Nahi sir…Lekin wo sab to jeene ke liye jaruri hai.
Dr. Rahul:- Ye bhi jeene ke liye jaruri hai mere bhai…Abhi nahi samjhega lekin bahut jald iska ehsas ho jaayega tujhe.
Rahul sir ne kuch sochte hue kaha.
Atul:- Lekin sir.
Dr. Rahul:- Koi lekin wekin nahi? Tera umar se mai bhi gujar chuka hu…Sab experience hai mujhe…Bas ye mat samajhna ki pyar karne se padhaai me loss ho jaayega…Sab kuch saath le kar chalna padta hai…Kisi ek cheej bhi picche chhut gaya to jindagi picche chhut jaayega.
Ajay:- Sir shaayad aap apne jamaane me bahut bade aashiq the?
Dr. Rahul:- Kaash hota…Lekin nahi tha…Uss vakt mera bhi soch iss buddhu Atul jaisa hi tha…Aur yahi vajah hai aaj tak mai bhi single hu…Jab vakt tha tab kisi ladki ko bhaaw nahi diya aur abb koi mujhe bhaaw nahi de rahi hai. …Aur mai ye nahi chaahta ki jo galti maine kiya wo tum sab bhi karo.
Ajay:- Aap abhi tak unmarried hai?
Dr. Rahul:- Abhi tak ka kya matlab…Abhi sirf 32 hi hua hai age. Dekhna koi to patt hi jaayegi.
Rahul sir ne shaan se kaha.
Ajay:- Lage rahiye sir.
Baat abb serious ho raha tha to Atul ne majaak ki taraf mod kar kaha.
Atul:- Sir waise ek baat aur hai…Class ki sabhi ladkiya unlucky hai jo unke paas mere jaisa smart boyfriend nahi hai.
Atul ki iss baat par sabhi ne ghur kar dekha…Sabse jyada Nisha ne.
Dr. Rahul:- Masti majaak karne ke liye bola tha…Ghatiya joke sunaane ke liye nahi.
Ye baat sunne ke baad Atul ne majaak me hi bura munh bana liya aur sabhi uss par hasne lage.
Dr. Rahul:- Nisha…Abb tum bhi apna vajah bataao?
Nisha:- Kuch ladko me bahut attitude hai.
Nisha ka ishaara Atul ki taraf tha…Lekin buddhu Atul ki samajh se bahut dur tha ye baat.
Dr. Rahul:- Baat to galat nahi hai…Ha lekin ek suggestion de sakta hu tumhe…Pehle aise ladke ko pyar se line par le aao…Aur fir baad me apne nakhre dikha dikha kar hisaab barabar kar lena.
Dr. Rahul:- Aur Anjali…Abb tum bataao?
Anjali:- Sir abhi iss baare me socha nahi hai…Lekin shaayad sochna padega.
Anjali ne itna hi kaha tha ki Ajay ne apne man me khud se hi kaha.
Ajay:- (To himself) Socho socho…Jaldi socho…Lekin please mere baare me hi sochna.
Dr. Rahul:- Aur Kajal tum?
Kajal:- Sir I think I love someone…Bahut jald propose karne wali hu usko.
Dr. Rahul:- That's good…Jyada der mat karna.
Kajal ki iss baat se Nisha ko ek aur jhatka laga…Wo sochne lagi ki Kajal ka ishaara shaayad Atul ki taraf hai…Iss baat ne Nisha ko bahut kuch sochne par majbur kar diya.
Fir sabhi aise hi masti majaak kar ke jungle ki aur andar chale gaye…Nisha aur Ajay ke alawa sabhi iss tour ko bahut enjoy kar rahe the…Sab khus bhi the ki unka supervisor Rahul sir hai…Nisha aur Ajay baahar se to tour ko enjoy karne ka dikhaawa kar rahe the lekin andar se apne hi soch me gumm the.
Sabhi ko forest visit aur location bahut accha lag raha tha…Rahul sir masti majaak ke saath saath bahut kuch bata bhi rahe the…Aur sab yahi soch rahe thhe ki agar Rahul sir unke saath nahi hote to wo ye tour ko itna freedom ke saath enjoy nahi kar paate…Abhi tak iss forest visit se sabhi khus the lekin kisi ko bhi andaaza nahi tha ki aage unke saath kya hone wala hai.
Masti majaak to bahut ho gaya tha…Abb aage ek khaufnaak pal bhi aane wala tha jisse shaayad hi wo kabhi bhula paate aur wahi se Atul aur Nisha ke bich bahut kuch badalne wala tha.
- 5,758
- 13,146
- 189
- 5,758
- 13,146
- 189
lagta h ye ravi kuch karne wala h is tour m 
very nice updates bro
dhere dhere sabka najariya badal raha h
very nice updates bro
dhere dhere sabka najariya badal raha h
King Aryan
Active Member
- 1,807
- 1,833
- 143
- 5,758
- 13,146
- 189
Thanks Rocky bhai for your support and review...Aise hi saath bane rahiye.lagta h ye ravi kuch karne wala h is tour m
very nice updates bro
dhere dhere sabka najariya badal raha h
- 5,758
- 13,146
- 189
- 5,758
- 13,146
- 189
- 5,758
- 13,146
- 189