Romance Kasam - Love is not Everything (Completed)

[Champ_AK_81]

UPDATE 36​

Dono kuch der aise hi chal kar baatein karte rahe…Fir Atul ek jagah baith gaya.

Atul:- Abb sach me thak gaya.

Nisha ko Atul ki baat par thoda hansi aa gayi.

Nisha:- (Hanste hue) Abb kya ho gaya? Kuch der pehle to keh rahe the ki bahut stamina hai…Abb kya ho gaya? Abb to acche se chal bhi nahi paa rahe ho.

Atul:- Thak gaya hu lekin itna bhi nahi ki chal hi na paau…Thoda energy bacha raha hu…Waapas bhi to jaana hai.

Nisha:- Accha to ye baat hai.

Atul:- Ek aur vajah bhi hai.

Nisha:- Kya?

Atul:- Bata du kya?

Atul ne apna sun glass utaar kar thoda style me kaha.

Nisha:- Aisi kya baat hai aur baat ko ghuma kyu rahe ho…Jo bhi vajah hai seedhe bata do.

Atul:- Vajah ye hai ki.

Nisha:- Abb bataaoge bhi?

Nisha bhi abb thodi irritate ho rahi thi.

Atul:- Kya tum sun paaogi?

Atul ko Nisha ki haalat par maja aa raha tha.

Nisha:- Wo to pata nahi lekin tum issi tarah bakwaas karte rahe to itna maarungi ki tum bol nahi paaoge.

Atul ne darne ki acting karte hue kaha.

Atul:- Itna bada dhamki.

Agar sunna hi chaahti ho to suno…Tumhaari boring baatein sun sun kar mera kaan bhi thak gaya hai.

Atul ki baat sun kar Nisha usko ghurne lagti hai…Fir kuch der issi tarah dono me hansi majaak chalta hai.


Atul:- Nisha ek baat pucchna chaahta hu…Sach bataana…Waise pucchne ka koi matlab bhi nahi hai fir bhi pucch raha hu.

Nisha ne kuch kaha nahi…Aankho se hi sehmati diya usne.

Atul:- Kya tum kisi se pyar karti ho?

Atul ki iss sawaal par Nisha achanak se chaunk gayi…Wo kuch nahi boli bas Atul ko hi dekhti rahi.

Atul:- Tum mujhse hamesha pyar ke baare me pucchti rehti ho na…Issi liye laga ki kahi tum kisi se pyar to nahi karti aur issi liye pyar me tumhaara interest jyada hai.

Nisha ko kuch na bolta dekh Atul ne fir se pucha…Iss baar bhi Nisha chup hi rahi.

Atul:- Agar bataana nahi chaahti to bhi koi baat nahi.

Atul ke kehne ke kuch der baad hi Nisha boli.

Nisha:- Ha…Karne lagi hu kisi se pyar.

Bahut sochne ke baad Nisha ne kaha.

Nisha ki iss baat se Atul ko thoda khushi aur thoda hairaani dono ho raha tha…Khushi iss liye ki uske dost ke saath accha ho raha tha aur jaisa ladka wo chaahti thi waisa usse mil gaya aur hairaani iss liye ki Nisha ki iss jawaab ka ummeed nahi tha.

Atul:- Congratulations…Aur wo lucky kaun hai?

Atul ne muskuraate hue bahut khushi ke saath kaha…Lekin uska iss reply Nisha ko bilkul pasand nahi aaya.

Bhale hi wo pyar Atul se karti thi lekin Atul ka kuch khaas fark na panda usse bilkul bhi accha nahi lag raha tha…Jaanti to wo bhi pehle se thi ki Atul usse pyar nahi karta aur Atul ka khus hone se usse ek aur sabut mil gaya.

Nisha:- Ye thoda secret hai…Vakt aane par bata dungi.

Nisha ne apne emotions par control karte hue kaha.

Atul:- Ok…Jab thik lage bata dena…Ha ek aur baat…Jitna jaldi ho sake propose kar dena warna koi aur ladki usse le kar na bhaag jaaye…Ladke bhi do type ke hote hai…Ek mere type jisse pyar par bharosha nahi hota aur dusra jinhe bahut jaldbaazi hote hai…Aur attraction ko bhi pyar samajh kar jaldbaazi me relationship me chale jaate hai.

Atul ne hanste hue kaha.

Nisha:- Propose to kar deti par wo thoda buddhu hai…Abhi pyar ke baare me jyada nahi jaanta hai wo…Lekin kab tak bachega…Pyar karna aur pyar par vishwas karna usse sikha hi dungi.

Nisha ne ye baat Atul ki aankho me dekh kar kaha…Uski baato me ek alag hi hausla tha.

Lekin Atul Nisha ki indirect baat ko samajh nahi paaya.

Atul:- Agar fir bhi tumhaara pyar ko inkaar kare to mujhe bata na…Kaan ke niche do thappad lagaaunga…Apne aap line me aa jaayega.

Atul ne hanste hue kaha…Aur Nisha ko bhi uski iss baat par hansi aaya…Atul ka khud ko hi maarne ki baat soch soch kar wo hanse jaa rahi thi.

Nisha:- Khabardaar jo aage fir aisa kuch bola to…Usko maarne ka hak sirf mere paas hai aur kisi ke paas nahi.

Nisha ki baat par Atul thoda muskuraya.

Atul:- Mujhe pyar me jyada interest nahi hai…Lekin tumhe kabhi advice nahi dunga ki tum bhi pyar mat karo…Agar ladka accha hai aur jindagi bhar saath nibhaane wala hai to jarur karo…Sacha pyar agar kisi ko mil jaaye to uska jindagi swarg se kam nahi hai.

Bas itna yaad rakhna ki kabhi chaalbaaz ladke se pyar mat kar baithna…Dhokha hi milega…Aise ladke bahut dekha hai maine bhi…Sabhi ladke acche bhi nahi hote hai.

Nisha:- Baat to tumhaara sach hai…Aur mai aankh band kar uss par vishwaas kar sakti hu…Wo koi chaalbaaz nahi hai.

Atul:- Hope ye sirf confidence hai…Over confidence nahi…Mai yahi dua karunga ki jis kisi ko bhi tumne pasand kiya hai wo tumhe mil jaaye aur tum dono ka pyar hamesha ke liye sahi salamat rahe.

Mai bhi aur khus ho jaaunga…Meri jindagi me aur hai bhi kya padhaai, ghar ke liye jimmedaari aur dosti ke alawa…Dosto ko khus dekh mai bhi khus ho jaaunga.

Atul ki baato se hi lag raha tha ki jo dua usne maanga hai wo sacche dil se maanga hai…Aur yahi baat dikha raha tha ki kitni jald Atul aur Nisha ka dosti itna gehra ho gaya hai.

Nisha:- Mai bhi yahi dua karti hu ki tumhaara maanga hua dua sach ho jaaye.

Nisha ne muskura kar kaha aur Atul ko dekhne lagi…Usko Atul par bahut jyada pyar aa raha tha…Atul ki baatein aur jitna bhi Atul ko wo jaan rahi thi usse wo aur bhi impress ho rahi thi.

Abb Nisha ko bhi lag raha tha ki Atul se pyar karke usne koi galti nahi kiya hai…Abb bas usko ek hi kaam karna baaki tha…Atul ko pyar par vishwaas dilaana aur ye ehsas dilaana ki wo Atul se kitna pyar karti hai.

Lekin iss baar Atul ne Nisha ki baat par bilkul bhi dhyan nahi diya…Wo ek anjaana sa khatra ko mehsus kar raha tha aur har badhte vakt ke saath uske chehre ke bhaaw badalta jaa raha tha…Nisha bhi kuch samajh nahi paa rahi thi Atul ki haalat dekh kar.

Tabhi…

 

[Champ_AK_81]

Friends Update 36 is posted...Please read and give your valuable feedbacks.

 

[Champ_AK_81]

Index 3

Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36



​

Index Updated.

 

[Champ_AK_81]

UPDATE 37​

Tabhi…


Tabhi Atul ne Nisha ko jor se dhakka de diya aur khud bhi dusri taraf jaa kar gira…Aur girte hi usne saamne dekha…Jo dar uske dil aur dimaag me chaaya hua tha wo hi sach nikla.

Nisha bhi 2 meter dur jaa giri…Aur girte hi left hand buri tarah se chhil gaya…Achanak hui iss hamle ko wo samajh nahi paayi aur chehre me dard aur gusse se Atul ko dekhne lagi.

Atul ko dekhte hue 2 second bhi nahi hua tha ki ek bhayanak garajne ki aawaj ne uska dhyan khinch liya.

Saamne 10 meter ki duri par ek tiger tha…Usko dekhte hi achanak Nisha ke chehre me dar ke bhaaw aa gaya…Saamne ek bada aur bhukha lag raha tiger ko dekh uska dimaag ne kaam karna band kar diya…Fir wo Atul ki taraf dekhne lagi.

Atul ka haal bhi kuch aisa hi tha…Wo bhi bahut dar gaya tha…Kabhi Tiger ko dekh raha tha to kabhi Nisha ko…Usse bhi kuch samajh me nahi aa raha tha ki ye sab kya ho gaya aur usse kya karna chaahiye.

Hua ye tha ki Atul Nisha se jab baatein kar raha tha to picche se halka halka aawajein bhi notice kar liya tha uss sunsaan me…Usse kuch ajeeb lag raha tha aur dheere dheere aawaj bhi pehchaan me aane laga…Jab tiger ki aawaj tej hone laga aur foot movement bhi aur tej hone ki aawaj aaya to der na karte hue usne Nisha ko dhakka de diya aur khud bhi dusri taraf jaa kar gir gaya…Aur dono ke bich me se tiger nikal kar aage chala gaya.

Abb haalaath aisa tha ki tiger thoda garajte hue dono ko dekh raha tha aur kisi bhi vakt hamla kar sakta tha…Atul aur Nisha dono bahut dare hue the aur kabhi tiger ko dekh rahe the to kabhi ek dusre ko.

Dono ko saamne tiger ke roop me Yamraj dikh raha tha…Nisha aur dekh paane ki haalat me nahi thi…Abb usne apne aankhein band kar liya aur apne maut par yakin kar liya.

Atul ka haalat bhi kuch kam nahi tha…Usne bhi maan liya ki abb usse koi nahi bacha sakta…Marna pakka hai…Lekin fir bhi usne thoda himmat karke kaha.

Atul:- Nisha…Chalo bhaago…Iss tarah se to waise bhi mar jaayenge lekin naakaamyab hi sahi ek koshish karte hai…Dar kar marne se to accha hai ek koshish kiya jaaye.

Atul ki aawaj me dar saaf dikh raha tha lekin himmat bhi kam nahi tha.

Nisha ne bhi apni aankhein kholi aur utth kar khadi ho gayi…Utthte hi usse apne haath me dard hone laga.

Wo apne ek haath ko dusre haath se pakad kar bhaagne lagi…2 kadam hi bhaag paayi thi ki wo fir se gir gayi…Haath me asehniya dard, din bhar ki thakan, bhukh aur dar ki vajah se usme abb jyada taakat bhi nahi tha.

Atul bhi dusri taraf kuch kadam bhaag chukka tha lekin Nisha ki cheenkh sun kar usse fir waapas mudna pada…Usne dekha Nisha wohi gir gayi hai aur tiger dheere dheere ussi ki taraf badh raha tha…Nisha ne bhi Atul ko dar aur haari hui nigaah se dekh kar apni aankh band kar liya.

Shaayad ek aakhri baar Atul ko dekhna chaahti thi...Aakhri pal me uski aankho me Atul ke liye bahut pyar tha...Lekin wo jyada der nahi reh paaya...Jald hi usne apne maut ko sacchai maan kar apni aankhein band kar liya.

Atul ko kuch samajh me nahi aa raha tha…Wo apni jaan bacha kar bhaag sakta tha tiger ko Nisha ke paas jaate hue chhod kar…Lekin aisi dar me bhi uske dimaag me ek idea aaya…Iss idea me guarantee to nahi tha ki sab kuch thik hoga lekin usne koshish karne ki socha.

Niche teji se dekha…Kismat accha tha…Waha kuch stones(patthar) the…Atul ne ek stone utha kar bina der karte hue tiger ki taraf nishaana lagaya…Stone bhi jaake tiger ke pet me laga jo Nisha ke bahut karib pahunch gaya tha.

Iss hamle se tiger Atul ki taraf khunkhaar najro se dekhne laga…Aur Nisha ko chhod kar Atul ki taraf badhne laga…Atul bahut dar gaya tha lekin ye vakt dar se nahi himmat se kaam lene ka tha…Usne teji se ek aur stone utha kar fir tiger par maara.

Ye nishaana aur bhi accha laga kismat se…Stone sidhe tiger ki aankh me laga…Aur tiger wahi jameen me lait kar jor jor se garajne laga…Atul bhi samajh gaya isse accha mauka kabhi nahi milega…Fir usne stones ki barsaat tiger ki sir (head) par karne laga…Itna to yakin ho gaya usse ki tiger kuch der ke liye hamla karne ki haalat me nahi hai.

Atul bhi tiger ke paas se hi nikal kar Nisha ke paas jaa kar Nisha ko apne baaho me utha kar waha se bhaagne laga.

Atul ki iss harkat se Nisha ne fir aankh kholi aur usne khud ko Atul ki baaho me paaya…Aage dekha to tiger abhi bhi jameen me lait kar dard se chhat pata raha tha.

Nisha ko bahut hairaani hua aur wo Atul ko dekhne lagi…Lekin Atul ki najar ghode ki tarah saamne tha aur ussi taraf dekh raha tha jis taraf se wo aaya tha…Daud bhi wo ghoda ki tarah laga raha tha…Apna full speed aur dimaag par kaabu karte hue raaste ki taraf dhyaan laga kar daud raha tha…Wo jaanta tha ki ek pal ka bhool se do jaan jaa sakta hai.

Bahut mushkilon ke baad bhi wo haar nahi maan raha tha…Ek to din bhar ki thakaan, bhukh, marne ki dar aur upar se Nisha ko bhi uthaa kar bhaag raha tha…Lekin jindagi ki ladaayi ki vakt insaan kuch bhi karne ke liye taiyaar ho sakta hai.

Nisha ki najar sirf Atul par hi tha…Usne to kuch der pehle khud ko mara hua maan liya tha lekin abhi jo haalaath tha usse dekh kar vishwaas nahi kar paa rahi thi…Atul ki himmat dekh kar usse khud par garv ho raha tha ki usne bilkul sahi ladke se pyar kiya hai…Pyar na hone ke baawjud Atul ne Nisha ka marte dum tak saath diya tha.

Nisha ki aankho me kabhi Atul ke liye pyar dikh raha tha to agle pal maut ki dar…Wo man hi man yahi dua kar rahi thi ki kaash wo dono jinda jungle se baahar nikal paaye.

Iss baat se dono me se koi bhi anjaan nahi tha ki abhi bhi khatra kam nahi hua hai.

Atul kuch hi der me uss jagah par pahuncha jaha Rahul sir se permission le kar jungle ke aur andar gaya tha.

Waha pahunch kar Atul ne Nisha ko apne baaho se utaar diya aur niche baith kar jor jor se saans lene laga.

Nisha:- Kya hua?

Atul ko iss haalat me dekh kar Nisha ne ghabra kar pucha.

Atul:- Kuch nahi…Thodi der rest chaahiye…Warna yahi mar jaaunga…Abb aur daud nahi paa raha hu.

Atul itna keh kar chup ho gaya aur Nisha bas usse hi dekhti rahi.

Kuch der dono aise hi baithe rahe…Har ek second dono ke dil aur dimaag me dar chaaya hua tha ki agle pal na jaane kya hoga…Fir bhi dono kuch nahi kar sakte the.

Nisha akeli bhaag bhi nahi sakti thi Atul ko chhod kar…Warna ye insaaniyat aur pyar ke naam par dhabba hota…Jis Atul ne apna jaan khatre me daal kar usse bachaya abb ussi Atul ko akela marne bhi to nahi chhodh sakti thi.

Aur wo Atul ko utha kar bhaag bhi nahi sakti thi.

Abb ek hi raasta tha uske paas Atul ki taakat ki waapsi…Aur wo bas yahi dua kar rahi thi ki iss beech wo yahi dua kar rahi thi ki Atul ke thik hone tak kuch galat na ho jaaye.

Nisha:- Kya ham bach gaye?

Atul ki saansein pehle se kam aur thoda normal hone ke baad Nisha ne puccha.

Atul:- Pata nahi…Shaayad haa ya fir nahi…Wo tiger waapas bhi aa sakta hai ya fir 2, 3 tiger shikaar ki khoj me hamaari taraf aa gaye to koi chance nahi.

Atul ne darte hue kaha aur uski baat sun kar Nisha aur bhi jyada dar gayi.

Atul:- Kismat accha tha…Agar ek bhi nishaana galat hota to hamaara bachna naamunkin tha…Aur tiger bhi jyada tej nahi badh raha tha…Kisi par bhi chhalang laga deta to bhi ham bach nahi paate…Thanks God…Nisaanna thikaane par laga…Warna mai koi superhero nahi hu jo tiger se lad paau…Agar 2 ya 3 tiger se saamna ho gaya to pakka ham unke shikaar ho jaayenge.

Atul abhi bhi haanf raha tha.

Atul ki baato se Nisha ko dar to bahut lag raha tha lekin wo ye bhi jaanti thi ki Atul ki koi bhi baat galat nahi hai…Bas abb wo dua hi maang sakti thi ki Atul ka dar sach na ho jaaye.

Achanak Nisha ke dimaag me ek baat aaya…Wo sochne lagi ki pata nahi agle pal uske kismat me kya likha hai…Wo jinda bhi rahegi ya nahi…Usne socha wo Atul ko apne dil ki baat bataayegi…Marne se pehle ye sukoon to milega.

Nisha:- Atul…Tumse kuch kehna chaahti hu.

Atul:- Nahi…Please kuch mat kehna…Sunne aur samajhne ki haalat me nahi hu…Ek baar jinda nikal jaaye yaha se fir kehna jo bhi baat hai.

Atul ne saaf inkaar kar diya.

Atul ki iss baat se Nisha ko khud par hi gussa aane laga…Kaha Atul bachne ki har ek koshish kar raha tha aur kaha wo marne ki baat soch rahi thi…Usne bhi apna will power ko majbut banaya aur socha ki usse jeena hi hoga aur Atul ki iss koshish ko bekar nahi jaane degi.

Kuch der baad Atul utth gaya aur usne kaha.

Atul:- Baaki sab kaha chale gaye?

Fir Nisha bhi idhar udhar dekhne lagi…Ye wohi jagah tha jaha sabhi kuch der pehle ek saath the.

Nisha ko bhi kuch samajh me nahi aa raha tha.

Nisha:- Pata nahi kaha chale gaye.

Atul:- Iss Ajay ko nahi chhodunga…Kahi jaane se pehle message bhi nahi kiya…Baad me dekh lunga isse.

Dar ke baawjud Atul ke chehre me gussa dikhne laga.

Nisha:- Kahi tiger ne unhe…

Nisha isse jyada nahi bol paayi…Anjali aur baaki ke dosto ke baare me soch kar uski aankho se aansu aane laga.

Atul bhi ussi jagah me khada reh gaya…Ek baar fir dar uske chehre me dikhne laga…Iss dar ne fir buri tarah se uske dil aur dimaag par kabzaa jama liya.

Fir achanak hi paagal ki tarah sabke naam cheenkh cheenkh kar idhar udhar dhundne laga…Fir dimaag me na jaane kya aaya usne mobile pocket se nikaal kar phone karne ka socha…Agar wo sab jinda thhe to koi jarur phone uthaayega.

Mobile on karte hi usse message dikha…Message Rahul sir ka tha…Message padhne ke baad Atul ne thoda sukoon ki saans liya…Lekin kuch nahi bola…Message Nisha ko bhi dikhaaya…Fir usse bhi sukoon mila.

Message me likha tha.

Atul, tum jaha kahi bhi ho jaldi waapas aa jaao aur hotel me jaa kar rehna…Hame kisi emergency kase ki vajah se yaha se nikalna pad raha hai aur phone karne ka vakt bhi nahi hai…So jyada der mat karo…Waapas hotel chale jaao.

Itna to yakin ho gaya dono ko ki sabhi surakshit hai…Kuch der taahat ki saans lene ke baad fir dono ke chehre me dar chhane laga.

Iss baar dar khud ke sar par maujud mushibat ki vajah se tha.

Atul:- Abb hame bhi chalna chaahiye…Jyada der yaha rehna khatre se khaali nahi hai.

Itna keh kar Atul fir Nisha ko uthaane laga lekin iss baar Nisha ne mana kar diya.

Atul ne jab usko sawaliya najro se dekha tab Nisha ne kaha.

Nisha:- Iss baar mai khud chalungi…Pehle hi tum itna thak gaye ho aur mere liye itna kuch kiya…Abb mai itna to kar hi sakti hu na…Abb aage mai khud hi chalungi…Apne life ke liye mujhe khud hi ladna chaahiye…Mushkil hoga lekin koshish karungi.

Nisha ki iss baat se Atul ke hontho par thoda muskaan aa gaya lekin agle hi pal wo fir serious ho gaya aur kaha.

Atul:- Issi tarah himmat se kaam lena…Darne se kuch nahi hoga…Himmat aur dimaag se kaam lo…Agar marna hai to jarur marenge…Darte rahe to bachna aur bhi mushkil ho jaayega…Himmat se kaam liya to aakhiri vakt tak lad sakte hai…Aur picchli baar ham bach paaye the to himmat aur dimaag ki vajah se.

Bas itna yaad rakho ham tiger hi nahi kisi bhi praani (living beings) ko hara sakte hai…Lad kar nahi dimaag se…Hamaare paas tiger jitna shakti nahi hai ladne ka…Lekin dimaag usse bahut jyada hai.

Aur dimaag ki vajah se hi insaan sabse jyada buddhimaan praani aur shaktishaali hai…Sahi vakt me sahi dimaag ka istemaal karo to kuch bhi naamumkin nahi hai.

Chalo ek baar fir apne jindagi ke liye ladte hai…Dar kar nahi…Himmat, hausla aur dimaag se.

Atul ki baato me alag hi hausala tha…Ye baat usne sirf Nisha ko nahi khud se bhi kaha tha…Aur khud bhi taiyaar ho gaya aakhiri imtihaan ke liye…Pichli imtihaan se uska himmat aur bhi badh gaya tha.

Nisha ne bhi Atul ko dekha aur chehre ko haa me hilaaya…Aur usne bhi apne andar ke saare dar ko hata kar khud ko andar se majbut bana liya aage ki mukaabla ke liye…Himmat aur hausla ke saath usne bhi Atul ko dekha.

Fir dono ne ek dusre ka haath pakad liya aur aage ki manjil ki taraf daud lagana suru kar diya.

 

[Champ_AK_81]

Friends Update 37 is posted...Please read and give your valuable feedbacks.

 

[Champ_AK_81]

Index 3

Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36
Update 37



​

Index Updated.

 

[Chinturocky]

Bhai jaldi se us point pe pahucho jaha tak ye story pichhali baar chhodi thi.

 

[Badshah111]

tiger se mulakat hui inki

 

[Champ_AK_81]

Bhai jaldi se us point pe pahucho jaha tak ye story pichhali baar chhodi thi.

Thanks for your support and comment Chinturocky bhai...Story jald hi waha tak pahuchne wala hai...Saath bane rahiye.

 

[Mbindas]

Bhai ab jaldi jaldi update de dijiye