Romance Kasam - Love is not Everything (Completed)

[Champ_AK_81]

UPDATE 48​

After Zoo Visit

Zoo Visit se ghumne ke baad shaam me sabhi waapas apne hotel me aa gaye.

Jab Atul ko bore lag raha tha tab usne permission le kar baahar ghumne chala gaya.

Kuch der to wo aise hi road me ghumta raha…Fir usse ek park dikha.

Aise hi wo park dekhne andar chala gaya.

Park me jaane ke baad usse fir thoda hairaani hua.

Saamne ek bench me Nisha baithi thi…Atul bhi uske paas chala gaya.

Atul ko dekhne ke baad Nisha ne same wohi reaction diya jo Atul ke face par pehle aaya tha.

Atul:- Tum yaha?

Atul ki aawaj me thoda hairaani abhi bhi tha.

Nisha:- Kuch der pehle hi aayi thi…Lekin tum? Kahi mera piccha to nahi kar rahe ho?

Atul ka confused face dekh kar Nisha samajh gayi ki uska bhi kuch der baad aana ek co-incidence hai.

Atul:- Nahi nahi…Mai tto aise hi aaya tha ppark me.

Nisha ki achanak ki iss sawal me Atul bas yahi jawaab de paaya.

Nisha:- Itna kyu haklaa rahe ho?

Nisha ne ghurte hue pucha.

Iss baar Atul bhi samajh gaya ki Nisha uske saath majaak kar rahi hai…Iss baar wo bhi relaxed ho kar bola.

Atul:- Kyu ki achanak se tumhaare iss sawal ka jawaab nahi de paa raha tha…Sawaal bhi normal nahi tha…Mujh jaise sharif ladka par tum kisi ladki ke picche aawara ki tarah ghumne ka ilzaam laga rahi thi?

Nisha:- Kya kaha tumne tum sharif ho?

Nisha ne thoda hanste hue puchha…Jaise Atul ka khud ko sharif kehne ka majaak udaa rahi hai.

Atul:- Kya mai sharif nahi lagta tumhe?

Nisha:- Kya tumhe sach me lagta hai tum sharif ho?

Nisha Atul ki taang khinchne ki mood me thi.

Abb Atul bhi thoda serious ho kar soch me padd gaya.

Nisha:- Buddhu…Serious ho gaye…Majaak bhi nahi samajhte ho.

Itna keh kar Nisha ne thoda hanste hue Atul ke sir me dheere se maara.

Fir Atul bhi thoda hasne laga…Aur wo bhi aa gaya majaak ke mood me.

Atul:- Tumhe nahi lagta aaj kal hamaare bich kuch jyada hi co-incidence ho raha hai…Anjaane me hi ham dono pehle se jyada time spend kar rahe hai.

Nisha:- Baat to sahi hai tumhaara…Tumhe kya lagta hai kya vajah ho sakti hai?

Atul:- May be misunderstanding clear hua iss vajah se…Jo bhi ho accha hi hai…Dushmani, naarajgi aur galatfehmi se to dosti hi accha hai.

Nisha:- Sahi kaha…Lekin mai kuch aur soch rahi hu.

Ye kehne ke baad Nisha ke face me ek alag hi muskaan aaya.

Atul:- Kya?

Nisha:- Wo SRK ka ek dialogue tha na…Pyar, Siddat aur Saajish…Thik se yaad nahi aa raha hai…Kahi uparwaala hame milaane ki saajish to nahi kar raha hai? Issi vajah se shaayad hamaara najdeeki badha hai.

Nisha ne ye keh to diya…Lekin kehne ke baad usne apna hansi ko bahut mushkil se roka…Aur Atul ka chehra dekhne lagi saath me uska jawaab ka intejaar bhi.

Atul ne jaise hi ye suna uske chehre ka sabhi bhaaw ek saath gaayab ho gaye…Usse jaise Nisha ki baat par yakin hi nahi aaya.

Nisha:- Buddhu…Baat baat par serious ho jaate ho.

Fir se Nisha ne hans kar kaha to Atul kuch normal hua.

Atul:- Ye kya baar baar tum aisi majaak karke mujhe pareshaan kar rahi ho.

Atul ne thoda naarajgi ki acting karte hue kaha.

Nisha:- Iss majaak nahi kehte hai janaab…Isse flirting kehte hai.

Nisha ka fir ek majaak aur Atul fir serious…Fir Nisha ka ussi tarah hans kar Atul ko waapas haqiqat me laana.

Atul:- Flirting?

Atul ne chaunk kar kaha.

Nisha:- Kyu? Nahi kar sakti hu kya?

Atul:- Nahi.

Nisha:- Kyu?

Atul:- Kyu ki ham flirting ussi se karte hai jisse hame pyar hota hai…Aur hamaare bich to aisa hai hi nahi aur naa hi soch sakte hai.

Nisha:- Ham dost to hai na.

Atul:- Dosto ke bich majaak hota hai flirting nahi jab tak pyar nahi hai.

Ye kehne ke baad Atul achanak hi serious ho gaya…Fir bola.

Atul:- Kahi tumhe mujh se pyar wyar to nahi ho gaya?

Atul ki iss sawaal se Nisha ek pal ke liye soch me padd gayi…Lekin agle pal hi bahut aasan sa jawaab aa gaya uski dimaag me.

Nisha:- Kya? Aisa kaise keh sakte ho tum? Bhul gaye mai kisi se pyar karti hu…Uss din bataya bhi tha.

Atul:- Ohh sorry…Bhul gaya tha.

Fir Nisha Atul ki kandhe me dhire se maarne lagti hai.

Nisha:- Kuch bhi sochte ho.

Atul:- Sorry.

Atul ne maasumiyat se iss baat ko taalne ke liye kaha.

Nisha:- So lets clear confusion…Wo flirting nahi majaak tha…Abb mujhe mere dost ke saath majaak karne ka hak to hai na?

Atul:- Ha bilkul hai.

Fir issi tarah dono ke majaak ke mood me hone ke baad suru ho gaya aise hi hansi maajak ke daur…Fir ye kab tak chalta raha iss baat ka pata dono ko hi nahi chala…Abb dono saath me bahut khulne lage the…Dono ka hansi majaak aur Nisha ki indirect flirting abb common baat ho gaya tha dono ke bich.

Iss bich Nisha ko Atul ka sense of humor aur pyar me bholapan bahut accha lag raha tha aur saath me hansi bhi aa raha tha…Nisha ko Atul ke saath baatein karna aur Atul ko Nisha ki dosti bahut accha lag raha tha.

Dono ka dhyan tab tuta jab aas paas hi kisi ke rone ki aawaj aa raha tha warna dono saara duniya se be khabar ek dusre me hi vyast the.

Iss rone ki aawaj ne dono ka dhyan unke taraf khincha.

Saamne ek ladka aur ladki ek dusre se gale lage hue the aur roo rahe the.

Atul aur Nisha dono ko ye sab kya ho raha hai kuch samajh me nahi aa raha tha…Dono ne ek dusre ko dekha fir saamne roo rahe ladka aur ladki ki taraf.

 

[Champ_AK_81]

Friends Update 48 is posted...Please read and give tour valuable feedbacks.

 

[Champ_AK_81]

Index 3

Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36
Update 37
Update 38
Update 39
Update 40
Update 41
Update 42
Update 43
Update 44
Update 45
Update 46
Update 47
Update 48



​

Index Updated.

 

[Mbindas]

Superb hasi mazak wala update bhai.

 

[Champ_AK_81]

Superb hasi mazak wala update bhai.

Thanks for your support and comment Mbindas bhai...Aise hi saath bane rahiye.

 

[Champ_AK_81]

UPDATE 49​

Kuch der baad dono ladka aur ladki alag ho gaye…Aankho me aansu abb bhi tha lekin khushi ka.

Fir Ladka ne ladki ki aankho se aansu pocch diya.

Ladka:- Mat roo yaar…Tumhaari aankho me aansu accha nahi lagta.

Ladka ne bahut pyar se kaha.

Ladki:- Tum bhi apni aankhein dekho.

Ladki ne muskura kar jawaab diya.

Ladka fir apna haath apni aankho tak le jaata hai aur fir usse pata chalta hai ki uska aankhon me bhi aansu hai.

Fir ladka bhi ladki ki taraf dekh kar muskuraata hai.

Aur fir chalta hai dono ke beench aankho ka pyar…Dono ek dusre ko dekhne lagte hai aur aankho se hi ek dusre ko pyar jataane lagte hai.

Kuch der baad dono saath hi ek bench par baithte hai.

Ladka sidha baitha tha aur ladki uski sar ko ladka ki kandhe par rakh kar baithi thi.

Ladka:- Kya soch rahi ho?

Bahut der ki khaamoshi ko tod kar kaha ladka ne.

Ladki:- Soch rahi hu ki kaise achanak se meri kismat mujh par meherbaan ho gaya.

Ladki ne Ladka ki aankho me dekh kar kaha…Ye kehne ke baad fir uski aankho me aansu aa gaya.

Ladka ne fir Ladki ki aankho se aansu pocch kar kaha.

Ladka:- Pyar me kismat hona bhi bahut jaruri hai…Mera bhi kismat mujh par meherbaan hai jo tum mujhe mili…Warna ham dono ek dusre ki feelings jaane bina hi alag ho jaate.

Ladki:- Alag to ho jaate…Par mai tumhaare bina nahi jee paati…Itne vakt se ham dono ek dusre ke saath hai…Pyar kab ho gaya aur kab itna gehra ho gaya pata hi nahi chala…Sure nahi thi ki tum mujhse pyar karte ho ya nahi aur mai bhi dar rahi thi propose karne se.

Kaisa haalat ho gaya tha mera…Naa hi tumse dur rehna chaahti thi aur naa hi propose karne ki himmat tha.

Ladka:- Kitna ajeeb baat hai na…Pyar to ham bahut karte hai lekin izhaar karne se darte hai…Wo bhi iss liye ki kahi ham jindagi bhar ke liye judaa na ho jaaye apne pyar se.

Ladki:- Yahi baatein soch rahi thi mai bhi…Agar tumne propose ahi kiya hota to pata nahi kya hota hamaara.

Ladka:- Abb ye baatein chhodo…Jo bhi hua, jaisa bhi hua bahut accha hua…Abba aage ki sochenge…Abb hamaare bich mai, tum aur hamaara romance.

Ladka ne last ki line kuch aisi shararat bhari aawaj se kaha tha ki ladki ki hontho me muskaan aur chehre me sharm ki bhaaw aa gaya.

Fir kuch der aise hi pyar bhari baatein aur waada karne ke baad dono park se chale gaye aur saath me chhod gaye kuch sawaal Atul ke dimaag me.


Nisha:- Hello Mr…Kaha kho gaye?

Nisha ki iss aawaj se Atul hosh me aaya…Fir wo Nisha ko dekhne laga.

Nisha:- Unhe gaye 5 minute ho chukka hai…Aur tum abhi bhi uss jagah ko hi ghur rahe ho.

Atul kuch nahi kehta…Wo kuch sochne lagta hai aur fir kehta hai.

Atul:- Ye sach tha ya koi film ki shooting chal raha tha?

Atul abhi bhi apne soch me hi khoya tha aur thoda confused bhi lag raha tha.

Nisha:- Film ka shooting? Matlab? Kehna kya chaahte ho?

Atul:- Dono ki baatein bahut filmy lag raha tha.

Nisha:- Filmy? Real life ka pyar aisa hi hota hai…Filmy love to beautiful location me jaana, mehenga costumes me dance karna aur bakwas dialogue se ek dusre ko patana.

Atul:- Kuch baatein bilkul bhi samajh me nahi aaya…Wo ladki keh rahi thi ki ladka ke bina jee nah paayegi…Aisa thode hi hota hai…Ek jaata hai to dusra aa jaayega…For example agar kisi ke parents ka death ho gaya to iska matlab ye nahi ki wo bhi mar jaayega…Aur sab apne Maa aur Papa se hi jyada pyar karte hai…Unke saath ke bina bhi move on kar sakte hai to ye pyar kya cheej hai.

Ek do din bahut dard hoga, rona aayega fir kuch dino me jindagi ke saath aage badh jaayenge.

Atul ki baat sun kar Nisha sirf muskuraai.

Atul:- Abb ye muskuraane ka kya matlab?

Nisha:- Baat to tumhaara sach hai…Lekin sirf aadha sach hai…Sikke ka dusri taraf ka sach se anjaan ho.

Atul:- Aur wo sach kya hai?

Nisha:- Tum nahi samjhoge…Ye baat sirf pyar karne wala hi samajh sakte hai.

Atul:- Fir bhi bataao…Bhale hi nahi samajh paaunga lekin jaanunga to sahi.

Nisha:- Ye pyar ki baat hai…Jab hoga khud samajh jaaoge…Kaisa hota hai ye pyar aur kitna tod kar rakh deti hai ye judaai aur log kyu pyar me iss tarah paagal ho jaate hai ki pyar ke alawa unhe kuch nahi dikhta…Ye baat to pyar karne wala hi mehsus kar sakta hai aur bata sakta hai.

Kuch samajh me aaya.

Atul ne sir ko naa me hilaaya.

Nisha:- Tumne sirf unki baatein suna…Lekin agar unki aankho me dekhte to pata chalta kitna pyar tha dono ki nigaaho me.

Tumne apna wo hi confusion bataya jo tumhe samajh me nahi aaya…Matlab dimaag ka faisla…Lekin pyar dimaag se nahi dil se kiya jaata hai.

Agar dimaag se pyar karoge to pyar me bhi faaidaa hi dhundhte reh jaaoge aur sirf ussi tarah ki ladki dhundhte reh jaaoge jo khubsurat ho aur saath me paisa wali.

Lekin dil se kiya hua pyar ka to koi jawaab hi nahi…Khud pata chal jaayega pyar kya hota hai…Aisi pyar jo roop, rang, haisiyat, jaati, dharm kuch nahi dekhta…Waha hota hai to sirf pyar…Unconditional and never ending.

Nisha itna keh kar chup ho gayi lekin Atul abhi bhi usse hi dekh raha tha…Chehra aisa tha ki wo Nisha ki baatein samajhne ki koshish kar raha hai.

Nisha:- Nahi samjhe na…Koi baat nahi…Chhodo iss baat ko.

Nisha ne muskura kar kaha…Uski muskaan ki vajah ye tha ki wo jaanti thi iss incident ne Atul ke dimaag me kitna asar daala hai…Jis insaan ko pyar se matlab nhi nahi tha aaj wo itni gehraai se soch raha hai.

Atul:- Mujhe lagta hai mujhe bhi kisi se pyar karna chaahiye…Samajh jaaunga pyar ka matlab.

Atul ne mood fresh karne ke liye kaha…Lekin andar hi andar wo abhi bhi apne soch me hi khoya tha.

Nisha:- Pyar karne se nahi hota hai Mr. AK…Ye apne aap ho jaata hai.

Atul jawaab me sirf muskuraaya…Usse koi jawaab nahi mil raha tha kehne ke liye.

Atul:- Please bura mat maana…Lekin tumne jo explanation diya tha dil aur dimaag ka pyar…Wo kis sawaal ke liye…Tumhaari aadha baatein to mere sar ke upar se chala gaya.

Nisha:- Tumne puccha tha na apna confusion…Wo ladki kyu ladka ke bina nahi jee paane ki baat kar rahi thi…Ussi sawaal ka jawaab tha.

Jab kisi se dil se saccha pyar karo to itna aasan nahi hota bhulaana aur naa hi judaai me jee paana.

Khair chhodo ye baatein…Warna confused hi reh jaaoge aur ye baatein tumhaare matlab ka bhi nahi.

Fir Atul ne bhi dikhaane ki koshish kiya ki wo normal hai lekin Nisha uski haalat se acchi tarah waakif thi…Atul ke dimaag me abhi bhi bahut saari sawal ghum raha tha pyar ke baare me…Aur sabse jyada ye sawal.

Atul:- (In his mind) Kya aisa bhi hota hai pyar? Unbelievable!!!

Nisha bhi jaanti thi Atul ko abb kaise line me laana hai…Pyar naam ki virus Atul ki dimaag me entry kar chukka hai abb usse ehsas kaise dilaana hai yahi soch rahi thi Nisha.

 

[Champ_AK_81]

Friends Update 49 is posted...Please read and give your valuable feedbacks.

 

[Champ_AK_81]

Index 3

Update 25
Update 26
Update 27
Update 28
Update 29
Update 30
Update 31
Update 32
Update 33
Update 34
Update 35
Update 36
Update 37
Update 38
Update 39
Update 40
Update 41
Update 42
Update 43
Update 44
Update 45
Update 46
Update 47
Update 48
Update 49



​

Index Updated.

 

[Champ_AK_81]

Res1

 

[Champ_AK_81]

Posting