Thriller Khatarnaak Ungliyan (completed)

[syed arshad]

Send kar do word me hi... idhar sab chalta h...

Bhai
Pdf Files Ke Liye Thread Open Kiya...Wahan Upload Kar Dunga Saari Stories

 

[syed arshad]

Waiting dear

Nk Bhai

 

[syed arshad]

Send kar do word me hi... idhar sab chalta h...

Bhai
Pdf Files Ke Liye Thread Open Kiya...Wahan Upload Kar Dunga Saari Stories

 

[syed arshad]

Waiting dear

Nk Bhai

 

[syed arshad]

aaj hi poore thread ke update khatam kiye bgai

awesome work




pdf ke liye google google drive ka link use kar sakte ho ya phir kisi store like mega ya fir mediafire oar upload karke yahan link post kar dena

koi pareshani ho to om kar dena mujhe

Bhai
Mediafire shayad open nahi hoga....google drive mein koshish kar ke dekhunga...agar samajh mein nahi aya to aap ko Pm Kar Ke Puch Lunga

 

[syed arshad]

Jaldi Captain Silvas Ke Saamne Unki Peshi Hui....Silvas Isse Bekhabar Tha Ke Wahan Kya Tai Paya Hai....!


Imran Ne Use Joseph Ke Baare Mein Batate Hue Kaha....Mujhe Yaqeen Hai Ke Tumhe Isse Koi Aiteraaz Na Hoga....!


Thik Hai.....Jo Tum Ne Tai Kar Diya....Zaaher Hai Ke Hum Sirf Jheenghein Pakadhenge....Waise Tumhare Boss Ne Kiss Shai Ke Tahath Yeh Shart Rakhi Hai....Silvas Ne Joseph Se Pucha


Main Nahi Jaanta Mister....!


Fir Tum Yahan Kya Karoge....!


Apne Maalik Ke Mafaadath (Heethon) Ki Nigrani Karunga....!


Silvas Muskura Kar Khamosh Ho Gaya....!


Imran Ko Uski Yeh Muskurahat Maane Khaiz Lagi....
Fir
Silvas Ne Kuch Zaati Naviyath Ke Sawaal Kiye....
Aur
Joseph Se Tafshi-Baqsh (Santosh-Janak) Jawaab Sun Kar Khamosh Ho Gaya....!


Trolly Ke Staff Ko Joseph Ki Shakhsiyath Se Aagha Kar Diya Gaya....Ab Trolly Jazeere Ke Samundari Hudood (borders) Ki Taraf Badh Raha Tha....!

_____________________________________________________________________________

Imran Thodi Der Baad Fir Silvas Ke Cabin Mein Daakhil Hua....Wo Is Waqt Sharaab Pi Raha Tha....!


Imran Ko Dekhte Hi Hans Padha....
Fir
Bola....To Tum Peete Bhi Nahi Ho....!


Joseph Puch Raha Tha Ke Kya Trolly Par Sharaab Mil Sakhegi....Imran Ne Kaha


Use Nahi Mil Sakhegi....Humara Quota Mehdood (Simit) Hai....Silvas Ne Bura Sa Muh Bana Kar Kaha....Kya Tum Chahte Ho Ke Uski Madad Ki Jaye....!


Main Kuch Nahi Chahta....Mujhe Usse Kya Dilchaspi Ho Sakhti Hai....!


Aadmi Khatarnaak Maalum Hota Hai....!


Agar Unka Pesha Munshiyaat (Drugs) Ki Smuggling Hai To Hona Hi Chahiye....!


Lekin Wo Yahan Trolly Par Kya Karega....Khaled Mattu Ki Yeh Shart Meri Samajh Mein Nahi Ayi....!


Unhe Hum Se Khatra Ho Sakhta Hai....!


Kiss Baat Ka Khatra....!


Kahin Hum Jazeere (Island) Par Qabza Kar Lene Ki Koshish Na Kare....!


Kya Khayal Hai....
Agar
Aisa Hua Bhi To Yeh Ek-Aadh Murgha Yahan Kya Kar Sakhega....!


Yeh Tumhare Sonchne Ki Baat Hai Mr Silvas....!


Dekha Jayega....!


Waise Mujhe Hairath Hai Ke Khaled Mattu Khud Hi Jheenghon Ka Kaarobaar Kyun Nahi Karta....Imran Ne Kaha


Use Kuch Dushwariyan Hai....!


Mujhe To Koi Dushwari Nazar Nahi Ayi....!


Maine Yahi Suna Hai Ke Wo Kisi Dushwari Ki Bina Par Aisa Nahi Kar Sakhta....!


Kya Yeh Waqai Bohath Hi Aala Qism Ke Jheenghein Hai....!


Jaal Padh Gaye....Khud Hi Dekh Lena....!

 

[syed arshad]

Imran Uske Cabin Se Nikla Hi Tha Joseph Se Muthbedh Ho Gayi....Wo Use Dekh Kar Rukta Hua Bola....Yahan Sharaab To Nahi Hai Mr John....!


Hai....Lekin Unke Quote Se Zyada Nahi Hai....
Lehaaza
Shayad Tumhe Na Mil Sakhegi....!


Wo Thahelte Hue Deck Ki Taraf Nikal Aye....Yahan Paani Mein Jaal Daale Jaa Rahe The....!


Tumhara Boss Mattu Kaisa Aadmi Hai....Imran Ne Pucha


Bilkul Nayi Hai Meri Mulazimat....Kisi Ke Baare Mein Kuch Nahi Jaanta....!


Mujhe Is Par Bhi Hairath Hai....Ke Mattu Ne Ek Na-Tajurbekaar Aadmi Ko Trolly Par Kyun Bhej Diya....!


Mujhe Bhi Kam Hairath Nahi Hai Mr John....!


Is Jazeere Mein Kab Se Ho....!


Sirf Teen Din Se....Isse Pahle Mera Boss Bhi Dusra Tha....Mujhe Zabardasti Is Mulazimat Par Majboor Kiya Gaya Hai....Isliye Main Khud Ko Qurbaani Ke Bakre Se Zyada Nahi Samajhta....!


Tumhari Kahani Dilchasp Maalum Hoti Hai....!


Main Bewafa Nahi Hu....Mere Saath Fraud Kiya Gaya Hai....Main Ab Bhi Apne Pahle Aaqa Ka Ghulaam Hu....Isliye Tumhe Yeh Baat Bata Raha Hu....Na Batau To Meri Samajh Se Meri Wafa Par Hurf Ayega....!


Tum Ajeeb Ho Mr Mugunda....!


Sharaab Bandi Se Pahle Mera Aaqa Mere Liye 6 Bottles Yoma (Daily) Ka Intezaam Rakhta Tha....
Halaanke
Khud Usne Kabhi Chakhi Bhi Nahi Thi....Sharaab Bandi Ke Baad Main Charas Ke Raaste Par Lag Gaya....Jisse Khareedta Tha Wo Ek Din Pakdha Gaya....
Aur
Uske Grahakon Ko Dusre Adde Bataye Gaye....Extract Zara Mushkil Se Milta Hai....Isliye Mujhe In Logon Ke Chakkar Mein Aana Padha....Dhoke Se Mujhe Ek Trolly Mein Le Gaye....Bahaana Tha Ke Extract Wahin Milega....Trolly Par Nashavar Coffee Pilayi Gayi....
Aur
Dhoke Se Mujhe Giraftaar Kar Ke Mujhe Is Jazeere Par Bhej Diya Gaya....Yeh Hai Meri Kahani....!


Bada Zulm Hua Hai Tumhare Saath....!


Lekin Baherhaal....Mujhe Yahan Khaled Mattu Ke Mafaadaat (Benefits) Ki Nigrani Karni Hai....Joseph Ne Kaha


Tumhara Pehla Aaqa Kahan Hai....?


Kaash Mujhe Maalum Hota Mr John....Wo Ek Sailaani Aadmi Hai....!


Karta Kya Hai....!


Yeh To Mujhe Aaj Tak Nahi Maalum Ho Sakha....!


Tab To Wo Bhi Koi Ghair-Khanooni Kaam Karta Hoga....!


Khuda Jane....Mujhe Isse Koi Sarokaar Nahi Ke Wo Kya Karta Hai....Main To Sirf Is Par Nazar Rakhta Hu Ke Mujhe Uske Liye Kya Karna Hai....!


Yeh Badi Achi Baat Hai....Imran Ne Kaha....
Lekin
Yahan Khaled Mattu Ke Khilaaf Kya Hai....!


Use Khauff Hai Ke Kahin Tum Log Fishing Karte-Karte Coast-Guard Ke Amle (Staff) Mein Na Badal Jao....!


Aisi Surat Mein Tum Tanha Kya Kar Sakhoge Mr Joseph....!


Kam-Az-Kam Mattu Ko Ittela To Kar Sakhunga....!


Jazeere Mein Kya Hai Mr Joseph....!


Khaase Bade Raqbe (Area) Par Hashish Ki Kaasht Hoti Hai....
Aur
Charas Banayi Jati Hai....Extract Banane Ke Kaarkhane Hai....!


Tajjoob Ki Baat Customs Ke Hakeem Iski Taraf Mutawajjah (Attract) Nahi Hue.....!


Bohath Baar Sooq Aadmi Hai....Aksar Ministers Ki Aankhon Ka Taara Rahe Chuka Hai....!


Khair Mujhe Kya....Imran Ne Laparwaahi Se Shaano Ko Jumbish Di

 

[syed arshad]

Yeh Siyaah Faam Kiss Mulk Se Talookh Rakhte Hai Mister....Joseph Ne Pucha


Alag-Alag Mulk Ke Log Hai....Kisi Ka Talookh Jamaica Se Hai....Kisi Ka Brazil Se....
Aur
Koi American Hai....!


Aur Bechare Jheenghein Pakadhte Phirte Hai....
Lekin
Yeh Karobaar To Kisi Moqaami Hi Aadmi Ka Hoga....!


Yeh Main Nahi Jaanta....Imran Ne Kaha


Thik Usi Waqt Captain Silvas Ke Ardali Ne Paighaam Pahunchaya Ke Usne Use Apne Cabin Mein Talab Kiya Hai....!


Cabin Mein Wo Tanha Tha....
Aur
Saamne Sharaab Bhi Maujood Nahi Thi....!


Tumhari Call Hai Mr John....Usne Transmeter Ki Taraf Ishara Kiya....!


Imran Ne Headphone Kaano Par Chadhaye....
Aur
Call Receive Ki.....!


Dusri Taraf Se Clara Dickson Ki Awaaz Ayi....Tum Ache To Ho Na....!


Huh....Yaad Avari Ka Shukriya....!


Khaled Mattu Se Muhaade Par Mubarakbad Qabool Karo....!


Magar Maqsad Kya Hai....!


Hum Us Jazeere Par Is Tarah Qabza Karna Chahte Hai Ke Wo Ba-Zaaher Khaled Mattu Hi Ki Nigrani Mein Rahe....!


Lekin....Uska Ek Aadmi Trolly Par Maujood Hai....!


Aur Ittefaaq Se Wo Bhi Tumhara Hi Aadmi Hai....!


Khuda Ki Panaah....Tum Yeh Bhi Jaanti Ho....!


Haa....Imran Humari Maalumaat Tumhare Silsile Mein Bohath Waseeh (Wide) Hai....
Kyun Ke
Filhaal....Tum Humara Subject Ho....Joseph Mugunda Tumhara Ghulaam Hai....
Agar
Tum Khud Us Par Zaaher Kar Do To Khaled Mattu Hawaa Mein Udh Jayega....!


Lekin....Main Us Par Zaaher Nahi Karna Chahta....!


Kisi Aur Tarah Se Hold Karo....
Lekin
Wo Tanha Kiss Tarah Haarij (Damage) Ho Sakhega....!


Yeh Na Kaho....Wo Ek Jung-Joo Aadmi Hai....
Aur
Jungi Chaalon Se Baqoobi Waaqif Hai....!


Khair....Yeh Tumhara Apna Masla Hai....Maine Filhaal Isi Bahaane Se Tumhe Jaguar Se Bacha Liya Hai....
Varna
Wo To Tumhe Army-Intelligence Walon Ke Hawaale Karne Jaa Raha Tha....Tum Khud Sonchon....Jab Karnel Makram Ke Roop Mein Tumhara Wajood Saamne Aata To Kya Hota....!


Itna Bura Hota Ke Main Sonch Bhi Nahi Sakhta....!


Bas To Fir Mujhse Tavoon (Sahyog) Karo....!


Kar To Raha Hu....
Lekin
Ab Main Is Make-Up Se Chutkara Chahta Hu....!


Filhaal Munaseeb Na Hoga....
Agar
Tum Kuch Aur Sabeet Hue To Captain Silvas Apni Khud Aitemaadi (Aatm-Vishvaas) Kho Baithega....!


Chalo....Tumhare Kahne Se Kuch Din Aur Sahi....!


Jazeere Par Qabza Karne Ke Silsile Mein Captain Silvas Se Baat Karo....!


Filhaal....Khuda Hafiz....Dusri Taraf Se Awaaz Ayi
Aur
Silsila Cut Ho Gaya....!

 

[syed arshad]

Imran Ne Switch-Off Kar Ke Headphone Utaar Diya....
Aur
Captain Silvas Ki Taraf Dekhne Laga....!


Kya Mere Sar Par Seengh Nikal Aye Mr John....Silvas Muskura Kar Bola


Abhi To Nahi Nikle....
Lekin
Ankhareeb Shayad Nikal Hi Aye....!


Kya Hidayath Mili Hai....!


Wahi Jo Milni Chahiye....!


To Tum Hi Is Muheem Ke Sarbaraah Hoge....Silvas Ne Kaha


Shayad....Lekin....Fir Main Apni Marzi Se Kaam Karunga....Kisi Ki Bhi Dakhal-Andaazi Meri Bardaasht Se Bahar Hogi....!


Zaaher Hai Mr John....Wo Tumhari Field Hogi....!


Main Fir Itminaan Se Is Masle Par Guftgu Karunga....Abhi Tum Jheenghein Pakdhon....!


Imran Apne Cabin Mein Aa Gaya....Is Nayi Situation Se Use Aur Uljhan Mein Daal Diya Tha....Khwaamkhaa Kasht-O-Khoon Hoga....Wo Sonch Hi Raha Tha Ke Cabin Ke Darwaaze Par Kisi Ne Dastak Di....!


Aa Jao....Imran Ne Unchi Awaaz Mein Kaha
Aur
Darwaaza Khol Joseph Andar Daakhil Hua....!


Baitho....Imran Ne Kursi Ki Taraf Ishara Kiya


Joseph Baithta Hua Bola....Yahan Mujhe Achi Nazron Se Nahi Dekha Jata....!


Khudrati Baat Hai....Tum Unki Neeyaton Par Shak Ke Tahat Yahan Aye Ho....!


Haa....Mera Bhi Yahi Khayal Hai....!


Waise Tumhe Khaled Mattu Se Bhi Humdardi Nahi Hai....!


Yeh Haqeeqat Hai Mr John....!


Agar Waqai Hum Uske Jazeere Par Qabza Kar Le To Kaisi Rahe....!


Use Khanooni Tahfooz (Legal-Protection) Haasil Hai....Tum Aisa Nahi Kar Sakhoge....
Baherhaal
Is Mulk Ka Ek Khanoon Hai....Wo Jazeere Ka Maalik Zaroor Hai....
Lekin
Azaad Nahi Hai....!


Kisi Qism Ke Jhagdhe Ki Surat Mein Tumhara Kya Ravaiyya Hoga....!


Sabse Pahle Apni Jaan Bachane Ki Koshish Karunga....!


Fir Wo Isi Surat Mein Mumkeen Hoga Jab Tum Hum Se Mil Jao....!


Aakhir Kiss Bina Par....Wahan Se To Mujhe Charas Ka Extract Muft Milta Hai....Yahan Tumhari Neeyath Se Ek Bottle Sharaab Bhi Na Mil Sakhi....!


Yeh Baat Bilkul Durust Hai Mr Mugunda....
Lekin
Us Surat Mein Tumhara Kya Ravaiyya Hoga....Jab Yeh Log Tumhe Sharaab Dene Par Aamada Ho Jaye....!


Fir Main Sonchunga Mujhe Kya Karna Chahiye....!


Yeh Namumkeen Hai....Sharaab Aur Charas Saath Nahi Chal Sakhengi....!


Sharaab Na Milne Ki Surat Mein Charas Shuru Ki Thi....Wo Milne Lagegi To Charas Ko Haath Bhi Na Lagaunga....!


Farz Karo....Yahan Tumhe Kisi Sazeesh Ka iLm Hota Hai....To Tum Matto Ko Kiss Tarah Aagha Karoge....!


Yeh Revolver Dekh Rahe Ho Mister....Joseph Ne Apne Hostler Ki Taraf Ishara Kar Ke Kaha....Iske Daste Par Ek Transmeter Bhi Judha Hua Hai....Kya Samjhe....Mattu Us Jazeere Ka Basheenda Hai....Uske Paas Kya Nahi Hai....!


Imran Ne Lambi Saans Li....Chandh Lamhe Kuch Sonchta Raha....
Fir
Bola....Main Tumhare Liye Sharaab Ka Intezaam Kar Dunga....!


Bas To Fir Meri Wafadari Bhi Purani Digar Ko Chhod Degi....!


Tum Ne Jazeere Ko Ghoom-Phir Bhi Dekha....!


Nahi....Mujhe Kuch Dekhne Nahi Diya Gaya....Sirf Ek Imaarath Tak Mehdood (Simit) Rakha Gaya Tha....!


Tum To Use Tum Par Bhi Aitemaad (Bharosa) Nahi Ho Sakhta....!


Aql Ke Nakhoon Ko Mister....Teen Din Mein Kaun Kiss Par Aitemaad Karega....!


Yeh Bhi Thik Hai....Acha....Ab Tum Apne Cabin Mein Jao....Khana Aur Sharaab Wahin Pahunch Jayegi....!


Bohath Bohath Shukriya Mister....Joseph Ne Paishaani Ko Ungli Se Jodh Kar Kaha
Aur
Cabin Se Nikal Gaya....!


Continue...........................................................................................................!

 

[Genius]

awesome