Tum Ne Jazeere Ko Ghoom-Phir Bhi Dekha....!
Nahi....Mujhe Kuch Dekhne Nahi Diya Gaya....Sirf Ek Imaarath Tak Mehdood (Simit) Rakha Gaya Tha....!
Tum To Use Tum Par Bhi Aitemaad (Bharosa) Nahi Ho Sakhta....!
Aql Ke Nakhoon Ko Mister....Teen Din Mein Kaun Kiss Par Aitemaad Karega....!
Yeh Bhi Thik Hai....Acha....Ab Tum Apne Cabin Mein Jao....Khana Aur Sharaab Wahin Pahunch Jayegi....!
Bohath Bohath Shukriya Mister....Joseph Ne Paishaani Ko Ungli Se Jodh Kar Kaha
Aur
Cabin Se Nikal Gaya....!
_____________________________________________________________________________
Raat Ke 12 Baje The....
Aur
Trolly Jazeere Hi Ke Ek Sahil Par Langar Andaaz Tha....Bazaaher Aisa Maalum Hota Jaise Trolly Ka Staff Khwaab-Khargosh Ke Maze Le Raha Ho....
Lekin
Haqeeqatan Aisa Nahi Tha....Teen Din Se Jazeere Ke Ataraaf (Sides) Mein Fishing Hoti Rahi Thi....
Aur
Joseph Isi Dauraan Mein Mattu Ko Apni Khairiyath Ki Khabar Karta....
Aur
Trolly Walon Ki Taraf Se Itminaan Dilata Rehta....
Lekin
Aaj Raat Imran Ki Scheme Ke Mutabeeq Un Dono Ko Jazeere Mein Pahunchna Tha....Yeh Dekhne Ke Liye Ke Humla Kidhar Se Kiya Jaye....Dono Ne Ghota-Khori Ka Libaas Pehna Aur Paani Mein Utar Gaye....Dono Ke Haathon Mein Paani Mein Roshan Hone Wali Torchs Thi....Wo Ek Lamba Chakkar Kaat Kar Us Point Par Ruke Jiss Ka Chayan Imran Fishing Ke Dauraan Hi Mein Kar Liya Tha....!
Paani Se Wo Qashki Par Utar Gaye....
Aur
Joseph Ahista Se Bola....Tumhara Andaaza Durust Tha....Idhar Paheredar Nahi Hai.....!
Ab Tum Do-Teen Ghoont Pi Lo.....Imran Uska Shaana Thapak Kar Bola
Joseph Ne Flask Se Do-Teen Ghoont Liye....
Aur
Imran Ka Shukriya Aada Kar Ke Bola....Tum Bohath Ache Aadmi Ho Mr John....Tumhare Khareeb Rahe Kar Mujhe Na Jane Kyun Itna Sukoon Milta Hai....!
Imran Kuch Na Bola....Wo Andhere Mein Aankhein Phaadh Raha Tha....Yeh Ek Tang Sa Daira Tha....Jiss Ki Dusri Janib Ka iLm Unhe Nahi Tha....!
Agar Daire Ke Dusre Sire Par Paheredar Hue To....Imran Ahista Se Bola
Iske Baare Mein Kuch Nahi Kahe Sakhta Mister....Pahle Hi Bata Chuka Hu Ke Unhone Mujhe Sirf Ek Imaarath Tak Mehdood (Simit) Rakha Tha....!
Acha To Tum Yahin Thahero....Main Aage Jaa Raha Hu....Imran Ne Kaha
Yeh Namumkeen Hai Mr John....Hum Dono Saath Chale The....Joseph Bola
Acha To Pahel Kaun Karega....!
Yeh Koi Aisi Baat Nahi....Main Hi Aage Chalta Hu....Joseph Ne Aage Badhte Hue Kaha
Imran Khamoshi Se Utha....
Aur
Uske Piche Chalne Laga....Revolver Hostler Se Nikaal Liya Tha....!