Imran Cabin Se Nikal Hi Raha Tha Ke Silvas Aandhi Aur Toofan Ki Tarah Cabin Mein Daakhil Hua....
Aur
Haanpta Hua Bola....Wo Teeno Wapas Aa Gaye Hai....!
Kaun Teeno Wapas Aa Gaye Hai....!
Wahi Jinhone Gun Boats Ulat Di Thi....Silvas Haanpta Hua Bola....
Aur
Unke Dimaagh Ulat Gaye Hai....Pata Nahi....Kaun Si Manshi (Drug) Cheez Istemaal Nahi Karayi Gayi Hai....!
Joseph Ko Hansi Aa Gayi....
Aur
Silvas Se Bola....To Iska Matlab Yeh Hua Ke Jazeera Humare Haath Se Nikal Gaya....Ab Jaldi Karo....
Aur
Bakhaida Jung Ke Tayyaar Ho Jao....!
Silvas Kuch Kahne Hi Wala Tha Ke Halki Top Chalne Ki Awaaz Ayi....
Aur
Trolly Hil Kar Rahe Gaya....!
____________________________________________________________________________
Wo Cabin Se Nikal Aye....Trolly Se Bhi Firing Shuru Ho Gayi....Jazeere Par Shayad Pahle Hi Se Morche The....Firing Karne Wale Dikhayi Nahi De Rahe The....!
Silvas Ne Fauri Taur Par Langar Utha Dene Ka Hukm Diya....
Aur
Trolly Khule Samundar Ki Taraf Rawana Ho Gaya....!
Halki Topon Ke Golon Se Use Khasaa Nuqsaan Pahuncha Tha....
Lekin
Nichla Hissa Mehfooz Tha....
Varna
Doob Jane Mein Koi Kasar Baaqi Na Rahti....!
Trolly Paspa Zaroor Tha....
Lekin
Uspar Se Firing Ho Rahi Thi....!
Silvas Ne Imran Se Kaha....Main Jazeere Ko Tabaah Nahi Karna Chahta....
Varna
Yeh Koi Badi Baat Na Hoti....!
Main Samajhta Hu....Imran Sar Hila Kar Bola....
Lekin
Un Teeno Ko Kya Hua Tha....!
Khuda Hi Jane....Pahle Kabhi Aisa Nahi Hua....!
Khaled Mattu Zaheen (Buddhimaan) Aadmi Hai....Ab Wo Khanoon Ko Bhi Apni Madad Ke Liye Talab Karega....!
Hargiz Nahi....Silvas Bola....Wo Kabhi Na Chahega Ke Koi Sarkaari Aadmi Jazeere Par Khadam Rakhe....
Kyun Ke
Wo Wahan Hasheesh Ki Kaasht Bhi Kar Raha Hai....!
Mr Silvas....Tum Yahan Ke Ehvaal Se Waaqif Nahi Ho....Isliye Koi Hatmi (Antim) Baat Na Kaho....!
Main To Badi Dushwari Mein Padh Gaya Hu Mr John....Jaguar Mere Purze Udha Dega....!
Meri Maujoodgi Mein Wo Aisa Nahi Kar Sakhega....Tum Mutmayeen (Santusht) Raho....!
Mere iLm-O-Ittela Ke Mutabeeq Tum Bhi To Uske Qaidi Ho....!
Isse Koi Farq Nahi Padhta....Main Tumhari Bharpur Vakaalat Karunga....
Agar
Daleelein Qabil-E-Qabool Ho To Wo Maan Leta Hai....!
Trolly Jazeere Se Maar Karne Wali Topon Ki Hudood (Seema) Se Nikal Aya Tha....
Aur
Ab Uski Maramat Ki Fikr Ki Jaa Rahi Thi....!