Thriller Khatarnaak Ungliyan (completed)

[syed arshad]

Kabhi-Kabhi Yaad Aa Jata Hai....Imran Bola....Ooooffooo....Kahin Forial Na Tapak Padhe....!


Wo Mere Kamre Mein Khadam Rakhne Ki Jurrat Nahi Kar Sakhti....!


Kya Wo Bhi Crystalized Hai....!


Nahi....Bas Ab Tum Aaram Se So Jao....!


Imran Ko Rushi Aur Shabli Yaad Aye....
Lekin
Wo Kar Hi Kya Sakhta Tha....Phans Gaya Tha....Buri Tarah....!

______________________________________________________________________________

Idhar Shabli Badi Mauj Mein Tha....Aisa Maalum Hota Jaise Zindagi Mein Pahli Baar Kisi Aurat Se Sabeqa Padha Ho....!

Rushi Bhi Use Mayoos Nahi Kar Rahi Thi....Itni Hi Si Der Mein Use Uski Fitrath Ka Andaza Ho Gaya Tha....!

Aap Imran Ko Kab Se Jaanti Ho Miss Rushi....Shabli Ne Achanak Sawaal Kiya
Aur
Rushi Chaunk Kar Use Dekhne Lagi....!

Bohath Purani Baat Hai....Usne Mujhe Ek Bade Aadmi Ke Panje Se Rihaayi Dilayi Thi....Tab Se Wo Ek Bohath Acha Dost Hai....!

Dost To Waqai Bohath Acha Hai....!

Tum Kab Se Jaante Ho....!

Zyada Din Nahi Hue....
Magar
Main Uske Khaloos Ka Qayal Ho Gaya Hu....!

Haa...Waqai Wo Bohath Acha Dost Hai....Itna Acha Ke Pure Dedh Saal Baad Main Aaj Use Yaad Ayi Hu....!

Badi Masroof Zindagi Guzarta Hai....!

Ab Apna Taroof Bhi Kara Do....Imran Ne Tumhare Baare Mein Kuch Nahi Bataya....!

Shabli Naam Hai....Jalaalabad Ka Zameendar Hu....Yahan Aa Jata Hu Kabhi-Kabhi....Ek Baar Imran Sahab Se Mulakhaat Ho Gayi....!

Kabhi Ghussa Bhi Aya Us Par....!

Kayi Baar....Ek Baar Usne Mujhe Coffee Mein Behoshi Ki Dawa Dilwa Di Thi....
Aur
Picha Chhuda Kar Faraar Ho Gaya Tha....!

Rushi Hans Padhi....
Aur
Fir Boli....Wo Aisa Hi Hai....Mujhse Kahe Kar Jayega....Bas Aya 15 Minute Mein....
Lekin
Saal Bhar Se Pahle Mulakhaat Nahi Hoti....!

Lekin....Aakhir Yeh Shaadi Kyun Nahi Karta....!

Mr Cheepkali Yeh Ek Dardnaak Masla Hai....Ise Na Chedho To Behtar Hoga....!

Jaisi Tumhari Marzi....!

Itne Mein Waiter Menu Le Kar Aya....
Aur
Rushi Ne Ahista Se Pucha....Kya Soft Drink Ki Bottle Bhi Nahi Milegi....!

Mil Jayegi Janab....Boga Cola Ki Bottle Mein Soorq (Red) Bear....
Lekin
Aap Use Bottle Hi Mein Straw Se Piyenge....!

Yeh Ho Jayega....
Lekin
Tum Usme Thodi Si Whisky Nahi Mila Sakhoge....!

Nahi Memsaab....Yahan Hai Hi Nahi....Aap Soorq Bear Ko Kya Samajhti Hai....!

Acha....To Pahle Tum Apna Boga Cola Hi Lao....Hum Tumhe Zaati Taur Par Khush Kar Denge....
Aur
Haa....Tale Hue Jheenghein Bhi Lana....Uske Baad Main Ache Se Dekh Kar Order Place Karungi....!

Wo Apni Paishaani Chhu Kar Wapas Chala Gaya....!

 

[syed arshad]

Yeh Sharaab Bandi Hui Hai....Shabli Bura Sa Muh Bana Kar Bola


Hukumat Har Fardh Par Siphaai Tainaat Nahi Kar Sakhti....Wo Khanoon Banati Rahti Hai....
Aur
Hum Khanoon Shakni Ke Raaste Usi Khanoon Ke Andar Se Nikalte Rahte Hai....!


Haa....Yeh Baat To Hai....!


Tum Kaun Si Peete Ho Dear Cheepkali.....!


Aadhi Nahi Hu....Kabhi-Kabaar Jaisi Bhi Naseeb Ho Jaye....!


Agar Tumhare Paas Dollar Ya Pounds Ho To Tum Airport Ki Duty Free Shop Se Ba-Asaani Khareed Sakhte Ho....Koi Tum Se Yeh Nahi Puchega Ke Tum Kiss Khaum (Nationality) Se Talookh Rakhte Ho....!


Khuda Ki Panaah....Mujhe To iLm Hi Nahi Tha....Main Iska Zikr Apne Damaad Se Zaroor Karunga....!


Tumhara Damaad....?


Captain Fayaz....Ab Apne Mahekme Ka Deputy-Director Ho Gaya Hai....!


Rushi Ne Fayaz Ke Zikr Se Bura Sa Muh Bana Kar Kaha....Bade Nalayaq Aadmi Ko Tum Ne Apni Beti De Di Hai....Avval Darje Ka Ehsaan Faramosh Hai....!


Main Nahi Samjha Tum Kya Kehna Chahti Ho....!


Imran Ki Zindagi Talq (Kadhvi) Kar Rakhi Hai Usne....
Halaanke
Yeh Saari Tarakkhiyan Usi Ke Marhoon-Mannat Hai....Wo Cases Hal Kar Ke Unhe Aap Ke Damaad Ke Hawaale Kar Deta Hai....
Lekin
Wo Shakhs Barabar Isi Koshish Mein Laga Rehta Hai Ke Imran Ko Nuqsaan Pahunch Jaye....!


Mujhe iLm Nahi Tha In Halaath Ka....Waqai Fayaz Se Bada Kameenapan Sarzad Hua Hai....!


Rushi Kuch Kahne Hi Wali Thi Ke Waiter Talab Ki Hui Cheezein Le Aya....Dono Straw Se Ghoont Lete....
Aur
Jheenghein Khate Rahe....!


Waqai Yeh Bear To Bohath Hi Nasheeli Hai....Shabli Ne Kaha


Oohh Dear....Mere Paas White-Bread PLL Ka Ek Pura Crate Maujood Hai....Ghar Chal Kar Use Bhi Chakhna....!


Acha....Acha....Tum Maherbaan Khatoon Ho....!


Mera Khayal Hai Ke Imran Fayaz Hi Ke Khauff Se Tumhara Make-Up Kar Ke Saath Rakhta Hai....!


Tum Uske Baare Mein Bohath Zyada Jaanti Ho Miss Rushi....!


Kyun Na Jaanu....Wo Mera Toota Hai....!


Shabli Ka Dimaagh Garam Hone Laga Tha....
Achanak
Chaunk Kar Bola....Wo Gaadi Bhi Le Gaya Hoga....!


Isse Koi Farq Nahi Padhega....Tum Khamoshi Se Aish Karo....!


To Kya Waqai Tum Mujhe Apne Ghar Le Chalogi....!


Tumhe Yaqeen Kyun Nahi Aata....Aare....Imran Kuch Kahe....
Aur
Main Na Karu....!


Waah....Dosti Ho To Aisi Ho....!


Bas Wo Sirf Dosti Hi Ke Kaabil Hai....
Varna
Use To Mujhse Shaadi Karni Padhti....!


Khudaya....Baat Is Hadh Tak Badhi Thi....!


Haa....Mr Shabli....Main Ab Tumhe Cheepkali Nahi Kahungi....
Kyun Ke
Imran Tumhe Pasand Karta Hai....!


Itne Mein Achanak Shabli Ki Gheegghi Bandh Ho Gayi....
Kyun Ke
Captain Fayaz Ek Nazook Khatoon Ke Saath Dinning-Hall Mein Daakhil Hua Tha....!

 

[syed arshad]

Rushi Ne Bhi Use Dekh Liya Tha....
Lehaaza
Sawaal Kar Baithi....Kya Yeh Tumhari Beti Hai....?


Hargiz Nahi....Main Tasavoor Bhi Nahi Kar Sakhta Tha....!


Main Is Aurat Ko Jaanti Hu....Fayaz Hi Ke Mahekme Se Talookh Rakhti Hai....Maria Naam Hai....Ho Sakhta Hai....Aaj-Kal Fayaz Ke Steno Ke Farayaz Anjaam De Rahi Ho....!


Lekin....Yeh Ise Bahar Saath Liye Kyun Phirta Hai....!


Khatm Karo....Udhar Se Dhyaan Hata Lo....Yeh Sab Baad Mein Sonchna....Jaldi Se Bottle Khatm Karo....Taake....Main Menu Mein Se Bhi Kuch Mangwa Sakhu....!


Mere Liye Jheengon Ki Plate Hi Kaafi Hogi....!


Fizool Baatein Mat Karo....Main Ab Sheekhon Par Bhooni Hui Raan (Thigh) Mangwaungi....
Aur
Tumhe Mera Saath Dena Padhega....!


Jaisi Tumhari Marzi....Shabli Ahista Se Bola....Uska Zahen Buri Tarah Fayaz Mein Ulajh Kar Rahe Gaya Tha....!


Waiter Ne Mez Saaf Ki....
Aur
Rushi Se Order Le Kar Bola....Drink Bhi Lau Memsaab.....!


Nahi....Uske Saath Nahi....Waise Kya Tum Uski 6 Bottles Mere Liye Pack Kara Sakhoge....!


Ho Jayegi Memsaab....
Aur
Hukm....!


Bas Jao....!


Mera Dil Chahta Hai Ke Yahin Uska Khoon Pee Lu....Shabli Ne Kaha


Agar Tum Baaz Na Aye To Main Tumhe Yahan Se Utha Le Jaungi....!


Khair....Jahannum Mein Jaye....
Fir
Kabhi Dekhunga....!


Lekin....Apni Beti Se Iska Zikr Hargiz Na Karna....Wo To Be-Maut Mar Jayegi....!


Nahi....Mujh Se Aisi Ghalthi Sarzad Nahi Hogi....
Lekin
Miss Rushi Mera Khoon Khaul Raha Hai....!


Khoon Thanda Karo....Imran Ke Dost Ho....!


Wo Mujhe Sire Se Aadmi Hi Nahi Maalum Hota....!


Pahle Mera Bhi Yahi Khayal Tha....
Lekin
Wo Bada Bharpur Aadmi Hai....Acha....Tum Yahin Baitho....Main Zara Dekh Lu Jeep Chhod Gaya Hai Humare Liye Ya Nahi....Rushi Ne Kaha...
Aur
Bahar Nikal Gayi....!


Jeep Maujood Thi....
Aur
Ignition Par Key Bhi Maujood Thi....Rushi Ne Key Ignition Se Nikaali....
Aur
Fir....Dinning-Hall Mein Wapas Aa Gayi....!

 

[syed arshad]

Yahan Waiter Uski Talab Ki Hui Cheezein Mez Par Laga Raha Tha....!


Yeh Kaam Hua Hai....
Aur
Haa....Soft Drink Bhi....Rushi Ne Waiter Se Kaha
Aur
Fir....Shabli Se Boli....Jeep Maujood Hai....Hum Kisi Waqt Bhi Rawana Ho Sakhte Hai....!


Uhone Khana Shuru Kar Diya....
Achanak
Shabli Ne Kaha....Lambi Tagdhi Aurat Ko Dekh Rahi Ho....!


Haa....Kyun Nahi....Gosht Ke Pahaadh Bhi Kahin Cheepte Hai....!


Wo Dr Forial Hai....!


Oh Acha....Yeh Wahi Dr Forial To Nahi Jiss Ka Manager David Tha....
Aur
Shayad Use Kisi Ne Qatl Kar Diya Tha....!


Haa...Wahi....Wahi....Be-Aulaad Auraton Ko Ba-Muraad Bana Deti Hai....
Lekin
Humare Fayaz Sahab To Is Par Aamada Hi Nahi Hote.....!


Kya Fayaz Be-Aulaad Hai....!


Yeh Bhi Ek Tragedy Hai....!


To Tum Is Doctor Se Kyun Nahi Rooju (Sampark) Karte....!


Maine Chaha Tha....
Lekin
Isi Dauraan Mein Wahan Qatl Ho Gaya....
Aur
Fayaz Ne Iraada Badal Diya....!


Yeh To Waqai Buri Baat Hui Hai....!


Khana Khatm Kar Ke Rushi Ne Shabli Se Kaha....Kya Ballroom Mein Chale....!


Mujhe Dance Karna Nahi Aata....!


To Fir Ghar Chalte Hai....!


Yahi Munaseeb Rahega....Main Wahin Se Ghar Phone Kar Dunga Ke Ek Dost Ke Yahan Ruk Gaya Hu....!


Bill Ki Adayegi Ke Saath Rushi Ne Vaade Ke Mutabeeq Waiter Ko Bhaari Tip Di....!


Kya Tumhari Biwi Zinda Hai....Rushi Ne Pucha


Nahi....10 Hue Unka Inteqaal (Swargvaas) Ho Gaya....!


Mujhe Afsos Hai....!


Dono Bahar Nikle....
Aur
Rushi Jeep Ki Key Thamaati Hui Boli....Gaadi Tum Hi Chalaoge....Maine Pahle Kabhi Jeep Drive Nahi Ki....!


Is Tarah Rushi Ko Thoda Sa Ung Lene Ka Mauqa Mil Gaya....!


Apne Flat Mein Pahunch Kar Rushi Ne Shabli Ko Ek Whisky Ki Bottle Thamaadi....!


Arey....Main Aisa Peene Wala Nahi Hu....Pata Nahi....Imran Fir Kahan Ghayab Ho Gaya....Shabli Ne Kaha

 

[syed arshad]

Dusri Subaah Imran Ne Clara Dickson Ko Bataya Uski Jaguar Se Baat Ho Chuki Hai....
Aur
Wo Uske Silsile Mein Sar Ho Raha Tha....Kahe Raha Tha Ke Chaar Dino Ke Andar-Andar Uska Suraagh Na Mila To Mujhe Zinda Nahi Chhodega....!


Main Uski La-iLmi Mein Yahan Aa Gayi Hu....!


Kya Tum Ne Apne Maghaz Se Wo Crystal Nikalwa Diye Hai....!


Nahi To....!


To Goya Tum Jab Chaho Khatarnaak Ho Sakhti Ho....!


Meri Marzi Par Munehsar (Depend) Hai....Forial Darasal Yahan Usi Central Machine Ki Nigraan Hai....!


Kya Main Yeh Samjh Lu Ke Tum Apni Maujood Zindagi Se Khush Nahi Ho....!


Main Azaad Hona Chahti Hu....!


Kya Main Is Silsile Mein Tumhare Kaam Aa Sakhta Hu....!


Tum Mere Kisi Kaam Nahi Aa Sakhte....
Lekin
Main Tumhare Kaam Aana Chahti Hu....!


Wo Kiss Tarah....!


Mattu Ke Jazeere (Island) Par Wapas Chalo....!


Wahan Fauj Padhi Hui Hai....!


Humesha Fauj Nahi Padhi Rahegi....Mattu Ba-Rasooq Aadmi Hai....Jazeera Use Wapas Mil Jayega....!


6 Maah Lag Jayenge....!


Jab Bhi Yeh Surat Ho Tum Humare Kaam Aa Sakhte Ho....Darasal Hum Bhi Wahan Apna Chota Sa Kaarkhana Lagana Chahte Hai....
Aur
Yeh Kaam Tumhari Nigrani Mein Behtar Taur Par Ho Sakhega....!


Baithi Intezar Karti Raho....Imran Bura Sa Muh Bana Kar Bola....Thodi Der Tak Khamoshi Rahi....
Fir
Imran Ne Kaha....To Ab Main Tumhara Qaidi Hu....Pahle Jaguar Ka Tha....!


Khattai Nahi....Tum Jab Chaho Jaa Sakhte Ho....!


Filhaal To Main Ek Phone Call Karna Chahta Hu....!


Zaroor....Zaroor....10 Calls Karo....
Lekin
Koi Harkath Na Hone Paye....!


Mujhe Jo Kuch Bhi Karna Hota Hai Lalkaar Kar Karta Hu....!

 

[syed arshad]

Imran Ne Phone Par Rushi Ke Number Dial Kiye....!


Dursi Taraf Se Fauri Jawaab Mila....!


Mere Dost Ka Kya Haal Hai....Imran Ne Pucha


Abhi Tak Jaaga Nahi....Pichli Raat Whisky Ki Puri Bottle Saaf Kar Di Thi....!


Yeh Tum Ne Acha Nahi Kiya....!


Arey....Wo To Ajeeb Cheez Hai....Rushi Ne Kaha
Aur
Usko Captain Fayaz Aur Uski Steno Ke Baare Mein Batane Lagi....!


Budha Khatarnaak Hai....Kahin Fayaz Se Ulajh Na Padhe....Tum Use Samjha Kar Controll Mein Rakhna....!


Aaqa To Kya Main Use Maheene Bhar Mehmaan Rakhungi....!


Uska Make-Up To Utaar Hi Sakhti Ho....!


Wo Maine Pichli Raat Hi Utaar Diya Tha....Tum Bhi To Kamaal Karte Ho....75 Saal Ke Budhe Ko 40 Saal Ka Bana Diya Tha....!


Achi Baat Hai....Jaise Hi Wo Jaage Use Kahe Dena Ke Ghar Chala Jaye....
Aur
Use Meri Jeep Hargiz Na Istemaal Karne Dena....!


Imran Se Silsila Cut Kar Diya....!


Uske Baad Usne Apne Flat Ke Number Dial Kiye....!


Call Joseph Ne Receive Ki....
Aur
Chahek Kar Bola...Khuda Ka Shukr Hai Tum Mil Gaye Boss....Subaah Se Kayi Baar Captain Fayaz Ki Call Aa Chuki Hai....Unka Sasur Kahin Goom Ho Gaya Hai....!


Tune Kya Kaha....!


Kehta Kya....Kahe Diya Ke Boss Kayi Dino Se Flat Mein Nahi Aye....!


Imran Ne Silsila Cut Kar Ke Captain Fayaz Ke Ghar Ke Number Dial Kiye....!


Ittefaaq Se Fayaz Ghar Par Hi Maujood Tha....Imran Ki Awaaz Sunte Hi Dapat Kar Pucha....Shabli Khalu Kahan Hai....!


Bhes Badal Kar Tumhari Thoh Mein Nikal Khade Hue Hai....!


Thik-Thik Batao Imran....Yeh Bohath Serious Maamla Hai....!


Hua Kare....Main Nahi Jaanta Ke Mann Chala Budha Kahan Hai....
Aur
Haa....Tum Ne Deputy-Director Wali Mithai Abhi Tak Nahi Khilayi....!


Aa Kar Kha Jao....Main Teen Baje Tak Ghar Par Hi Rahunga....!


Yeh Hui Na Baat....!


Dusri Taraf Se Silsila Cut Hone Ki Awaaz Ayi....
Aur
Imran Bura Sa Muh Banaye Khada Raha....!

 

[syed arshad]

Itne Mein Clara Aa Gayi....
Aur
Boli....Tum Fir Se Wahi Hippi Wala Make-Up Kar Lo....Main Bhi Tumhare Saath Chalungi....Pata Nahi Ekjaayi Ki Yeh Mudath Kitni Moqtasar (Short) Ho....!


Agar Yeh Baat Hai To Chalo....!


Main Wo Tamaam Jagaahein Dikhna Chahti Hu....Jahan-Jahan Sangzaad Ko Rakha Gaya Tha....!


Lekin....Main Army-Intellengce Ke Directorate Nahi Jaa Sakhunga....!


Uski Fikr Na Karo....Utho Aur Make-Up Kar Do....!


Imran Ne Khaase Pur Ta-Faqr Andaaz Mein Yeh Kaam Anjaam Diya.....!


Tumhari Kin-Kin Salaahiyaton Ki Tareef Ki Jaye....Clara Make-Up Ke Dauraan Mein Boli....Kya Tum Mujhe Apne Flat Mein Le Chaloge....!


Kyun Nahi....Zaroor....Zaroor....!


Aur Main Wahan Jab Tak Rehna Chahu Rahe Sakhungi....!


Bilkul Rahe Sakhogi....!


Darasal Jaguar Tumhare Chief X-2 Par Qaabu Paana Chahta Hai....!


Aur X-2 To Abhi Tak Bilkul Khamosh Hai....Abhi Hum Log Nichli Sataah Par Kaam Kar Rahe Hai....
Agar
X-2 Ko Harara Aa Gaya To Tumhare Yeh Team Ek Hi Baar Mein Khatm Ho Jayegi....
Aur
Yaqeen Karo Ke Wo Ghair Mulki (Videsi) Agents Ko Giraftaar Kar Ke Mukhadmaa Chalane Ka Qayel Nahi....Wo Unhe Khatm Kara Ke Dariya Ke Hawaal Kar Deta Hai....!


Khair....Main Is Waqt Tumhare Saath Kisi Dushman Ka Sa Bartau Nahi Kar Sakhti....
Kyun Ke
Maine Pichli Raat Tumhe Mehmaan Banaya Tha....!


Shukriya....Main Bhi Tumhare Yeh Jazbe Ki Qadr Karta Hu....!


Main Shayarah Thi....Choti-Choti Kahaniyan Likhti Thi....
Lekin
Talaash Maash Mujhe Kahan Aur Kin Halaath Mein Le Gayi....Khuda Hi Behtar Jaanta Hai....!


Wo Forial Ki Imaarath Se Nikal Aye....
Aur
Imran Ne Sargoshi Ki....Ab Isi Tarah Jhuk Kar Chalti Raho....Chalne Ke Yeh Style Dilkash Hai....!


Tumhari Team Mein Kitne Field-Workers Hai....Clara Ne Pucha


Main Nahi Jaanta....Yaqeen Karo....Main Ek Qism Ka Khabti Hu....Mujhe Mulaazimat Ki Zaroorat Nahi....
Lekin
Karta Hu....
Aur
Mulk Dushman Anasar (Elements) Ki Sar Kobi Karna Mera Emaan Hai....!

 

[syed arshad]

Gaadi Fiat Allwyn Hundred Thi....Clara Khud Hi Use Drive Kar Rahi Thi....!


Kya Main Pahle Tumhe Us Laundry Mein Le Chalu....Jahan Sangzaad Kapdhe Dhoya Karta Tha....!


Bas Bahar Hi Se Dikha Dena....Main Wahan Kisi Se Milna Nahi Chahti....!


Jaisi Tumhari Marzi....Ab To Tum Meri Mehmaan Ho....!


Shukriya....Lekin....Mujhse Hoshiyaar Hi Rehna....!


Isi Par To Hairath Hai Ke Aakhir Tum Is Tarah Mujh Par Maherbaan Kyun Ho Gayi Ho....Yeh To Main Sonch Hi Nahi Sakhta Tha....!


Waqt-Waqt Ki Baat Hai Dear.....!


Acha....Agar Ijazath Ho To Pahle Ek Dost Ki Khairiyath Dariyaft Karu....Jise Pichli Raat Ek Dost Ke Hawale Kar Aya Tha....!


Thik Hai....Pahle Wahin Chalte Hai....!


Aaj Garmi Hai Dastane Utaar Do....!


Main Humesh Pahenti Hu....Isliye Mujhe Koi Nuqsaan Nahi Pahunchta....Acha....Main Tumhe Wajah Bata Rahi Hu....Ek Haath Ki Ungliyan Kuch Behang Si Hai....Isliye Maine Yahi Munaseeb Samjha Ke Dastane Pahena Jaye....!


Mujhe Afsos Hai....Imran Ne Ghamnaak Lahje Mein Kaha
Aur
Clara Dickson Muskura Di....!


Imran Ne Rushi Ke Flat Ke Kuch Idhar Hi Gaadi Rukwayi....
Aur
Bola....Main Upar Jaunga....
Agar
Mera Dost Maujood Hua To Use Jeep Mein Baitha Kar Ghar Pahunchaunga....Tum Bas Piche Chali Aana....Uske Baad Main Tumhe Apne Flat Mein Le Chalunga....Tum Urdu Achi Khaasi Bolti Ho....Isliye Tumhe Wahan Koi Takleef Na Hogi....!


Chalo....Jao....Jaldi Karo....!


Imran Ne Rushi Ke Flat Ke Darwaaze Par Dastak Di....
Aur
Darwaaza Khula....
Lekin
Rushi Ka Mood Bigdha Hua Tha....!


Khairiyath....Imran Muskura Kar Bola


Pata Nahi....Kahan-Kahan Ke Khaat-Kabaagh Laa Kar Mere Sar Maar Dete Ho....Wo Abhi Tak So Raha Hai....Kayi Baar Koshish Kar Chuki Hu....Waqai....Captain Fayaz Ka Father In-Law Aisa Hi Ho Sakhta Hai....
Agar
Waapsi Par Use Puri Bottle Na Pilwa Deti To Yeh Pados Walon Ke Liye Musibath Ban Jata....Kahe Raha Tha Ke Uska Baap Abhi Zinda Hai....
Aur
Usse Bhi Kayi Zyada Zinda Dil Aadmi Hai....!


Chalo....Main Uthata Hu Use....Imran Ne Kaha

 

[syed arshad]

Shabli Seating-Room Ke Ek Deewan Kursi Par Cheet Padha Hua Tha....Make-Up Saaf Ho Jane Ki Wajah Se Shabli Hi Lag Raha Tha....!


Imran Ne Use Jhinjhodh Kar Baitha Diya....!


Arey....Arey....Bhai....Yeh Kya Karte Ho....Bas Nazooq Sheesha Dil Darkinaar Hai....!


Hosh Mein Aao....
Varna
Fayaz Kuch Der Baad Paagal Ho Jayega....Abhi Kuch Der Pahle Hi Phone Par Usse Baat Hui Thi....!


Tum Mujhe Chhod Kar Kahan Chale Gaye The....!


Bas Ek Zaroori Kaam Yaad Aa Gaya Tha....Wahan Pahuncha....
Aur
Ulajh Gaya....!


Ab Main Ghar Kaise Jaunga....!


Imran Ne Rushi Se Sode Ke Bottle Talab Ki....
Aur
Shabli Ko Zabardasti Pilwa Di....
Aur
Gaalon Par Thapkiyan Deta Hua Bola....Shabaash....Ab Aankhein Khol Do....Ache Bachchon Ki Tarah....!


Aama....Tum Mera Mazaaq Kyun Udha Rahe Ho....Shabli Ko Ghussa Aa Gaya


Sawaal Hi Nahi Paida Hota....Main Mr&Mrs Fayaz Ki Pareshaaniyon Ki Baat Kar Raha Tha....Ho Sakhta Hai Kisi Akhbaar Mein Talaash Goomshuda Aa Jaye....!


Oh Mere Khuda....Iska To Dhyaan Hi Nahi Tha Mujhe....Shabli Kahe Kar Jaldi Se Utha....
Aur
Khud Ko Sambhaalne Laga....!


Idhar Rushi Imran Par Garaj-Baras Rahi Thi Ke Kaise Ghabi Aadmi Ko Mere Supurd Kar Ke Gaye The....Jise Bas Khane-Peene Ke Alawa Aur Kuch Aata Hi Nahi....Maine Kaha Tha....Chalo....Ballroom Mein Kuch Der Dance Karenge....
Lekin
Bilkul Kora Hai....!


Ab Tum Zyadti Kar Rahi Ho....Shabli Ne Kaha


Zyadti Imran Ki Hai Jo Tumhe 40 Saal Ka Bana Kar Laya Tha....Ab Mujhse Tumhare Chahre Ki Jhoorriyan Geeni Jaa Rahi Hai....!


Tum Jaisi Ajeeb Aurat Aaj Tak Meri Nazar Se Nahi Guzri....!


Thik Hai....Thik Hai....Imran Uska Shaana Thapak Kar Bola....Kabhi-Kabhi Aate Rehna....Rushi Ko Koi Aiteraaz Na Hoga....!


Apni Bottle Bhi Saath Laana....Mere Yahan Se Ek Khatra Bhi Nahi Milega....!


Arey....Main Aane Hi Kyun Laga....Bada Acha Bartau Kiya Hai Na Tum Ne Mere Saath....!


Lo Ab....Badnaam Bhi Karoge....!


Baatein Fir Ho Jayenge....Bas Ab Tum Se Jitni Tezi Se Mumkeen Ho Yahan Se Khisak Chalne Mein Dikhao....!


Us Raqm Se Kaam Chal Gaya Tha Ya Aur Kuch Do....Imran Ne Rushi Se Pucha


Yeh Lo....Apne Dedh Sau (150) Rupiye Bache Hai....Rushi Ne Purse Khol Kar Rupiye Nikaale


Arey Nahi....Inhe Rakho....Imran Haath Utha Kar Bola....Shabli Sahab Ne Yahan Bhi To Pee Hogi....!


Puri Bottle Saaf Kar Gaye Whisky Ki....Rushi Ne Kaha


Imran Shabli Ko Flat Se Nikaal Laya....Yahan Se Clara Ki Gaadi Nazar Aa Rahi Thi....Imran Ne Haath Utha Kar Ishaara Kiya....
Aur
Shabli Samet Jeep Mein Baith Gaya....!


Continue...........................................................................................................!

 

[Nkmahakal]

Superb update dear