Baatein Fir Ho Jayenge....Bas Ab Tum Se Jitni Tezi Se Mumkeen Ho Yahan Se Khisak Chalne Mein Dikhao....!
Us Raqm Se Kaam Chal Gaya Tha Ya Aur Kuch Do....Imran Ne Rushi Se Pucha
Yeh Lo....Apne Dedh Sau (150) Rupiye Bache Hai....Rushi Ne Purse Khol Kar Rupiye Nikaale
Arey Nahi....Inhe Rakho....Imran Haath Utha Kar Bola....Shabli Sahab Ne Yahan Bhi To Pee Hogi....!
Puri Bottle Saaf Kar Gaye Whisky Ki....Rushi Ne Kaha
Imran Shabli Ko Flat Se Nikaal Laya....Yahan Se Clara Ki Gaadi Nazar Aa Rahi Thi....Imran Ne Haath Utha Kar Ishaara Kiya....
Aur
Shabli Samet Jeep Mein Baith Gaya....!
______________________________________________________________________________
Kya Ghar Par Hi Utaroge....Shabli Ne Sawaal Kiya
Paagal Kutte Ne Nahi Kaata Mujhe....Jail Road Par Utaar Dunga....Wahan Se Taxi Kar Ke Chale Jana....Koi Kuch Nahi Kahega....
Aur
Tumhare Andaaz Se Maalum Hota Hai Ke Tum Raaton Ko Ghar Se Ghayab Rahne Ke Aadi Ho....!
Yeh Ghalath Hai....!
Khair....Koi Baat Nahi....Yeh Batao Ke Tafreeh Kaisi Rahi....!
Khaasi....Lekin Yaar Hai Badi Jhooti Aurat....Mujhe Ghar Laa Kar Zabardasti Pilwayi Thi....
Aur
Mujhe Deewan Par Sula Kar Khud Apni Khwaabgah (Bedroom) Mein Chali Gayi Thi....!
Usne Isi Liye Pilwayi Thi Ke Apni Khwaabgah Mein Tanha So Sakhe....!
Arey....To Kya Mujhe Lafanga Samajhte Ho....!
Arey....Nahi Uncle....!
Ab Gaali Bhi Doge....!
Agar....Uncle Gaali Hai....!
Bas....Bas....Mujhe Jail Road....Par Utaar Dena....Main Wahan Se Taxi Le Lunga....!
Lekin....Khudara Bhabhi Ko Yeh Na Bataiyega Ke Fayaz Sahab Ki Raat Ki Duty Kiss Qism Ki Hoti Hai....!
Tum Mujhe Bachcha Samajhte Ho....Wo Aankhein Nikaal Kar Bola
Bas Ab Rahem Ki Jiye Mujh Par....!
Yahin Rok Do....!
Imran Ne Jeep Rok Di....
Aur
Shabli Badi Phurti Se Koodh Kar Ek Khaali Taxi Ki Taraf Daud Gaya....Uski Baukhlahat Par Imran Besaqta Muskura Padha....
Fir
Achanak....Use Khayal Aya Ke Clara Dickson Bhi Uske Piche Hogi....
To Fir
Use Kahan Jana Chahiye....Flat Hi Munaseeb Rahega....Uska Ravaiyya Uljhan Mein Mubtela Karne Wala Tha....Dushman Bhi Thi....
Aur
Mehmaan Banne Ka Irada Bhi Rakhti Thi....!
Jeep Ka Rooq Flat Ki Taraf Raha....
Aur
Zahen Uljha Raha....Taaza Tareen Halaath Mein Jaguar Ki Dhamkiyon Se To Yahi Zaaher Hota Tha Jaise Clara Uska Saath Chhod Kar Ghayab Ho Gayi....
Lekin
Clara Abhi Tak Tanzeem (Organisation) Se Judhi Hui Maalum Hoti Thi....
Varna
Wo Un Jagaahon Ko Kyun Dekhna Chahti Thi Jahan-Jahan Sangzaad Ko Rakha Gaya Tha....
Aur
Fir....Yeh Bhi Chahti Thi Ke Wo Mattu Ke Jazeere (Island) Par Dobara Pahunch Kar Uski Madad Kare....Iska Matlab To Yahi Tha Ke Iska Maqsad Yahi Tha Ke Uska Mission Badastoor Wahi Tha....
Lekin
Jaguar Ke Ikhtedadar (Satta) Se Ikhtelaaf (Matbedh) Rakhti Thi....
Baherhaal
Uska Ravaiyya Behadh Pur Israar (Rahassamayi) Aur Hairath Angez Tha....!
Pahle Kabhi Imran Ko Aise Dushman Se Mil Baithna Naseeb Nahi Hua Tha....Jiss Ne Khud Ko Itni Laparwaahi Se Uske Hawaale Kar Diya Ho....!
Aakhir Wo Haqeeqatan Kya Chahti Thi....
Baherhaal
Agar....Usne Uske Flat Hi Mein Rahne Ki Thaan Li To Kya Hoga....Yahi Kahe Kar Saath Hui Thi Ke Wo Uske Flat Mein Khiyaam (Nivas) Karegi....Lakh Make-Up Mein Sahi....
Lekin
Wo Uske Wajood Ko Kiss Tarah Flat Mein Khapayega....Apne Matahaton Par Bhi Zaaher Nahi Kar Sakhta Tha Ke Wo Clara Dickson Hai....
Aur
Yeh Bhi Achi Tarah Samajhta Tha Ke Jaguar Par Usi Ke Zariye Se Haath Daal Sakhega....
Lehaaza
Is Naadar (Durlabh) Mauqe Ko Bhi Haath Se Khona Nahi Chahta Tha....!
Flat Ke Khareeb Usne Jeep Rok Di....
Lekin
Seat Hi Par Baitha Raha....Use Yaqeen Tha Ke Ab Clara Ki Fiat Bhi Aa Kar Uske Khareeb Hi Rukegi....
Lekin
Aisa Na Hua....Usne Mudh Kar Dekha....Dur-Dur Tak Fiat Ka Pata Nahi Tha....Wo Jeep Se Utar Aya....
Aur
Kuch Der Tak Intezar Karta Raha....
Magar
Clara Wahan Na Pahunchi....!