Incest Koi To Rok Lo

[Pritam.bs]

Ko To Rok Lo {Update - 062}
____________________________

Maine keerti ke band mobile par ye msg send kiya aur fir samundar ki taraf bad chala. Ab na to mere pas jeene ka koi maksad bacha tha aur na hi ab mujhe kisi ki koi parwah thi.

Mujhe sirf keerti ka mujhse door jana najar aa raha tha. Jis se bachne ke liye mere pas maut ke siwa koi dusra rasta nahi tha. Isliye mai apni maut ki taraf bada chala ja raha tha.

Lekin mere upar abhi kisi ke pyar ka karz baki tha. Use utare bina marna mere nashib me nahi tha. Mere kadam raat ke sannate me samundar ki taraf bade chale ja rahe the. Tabhi mera mobile baj utha.

Maine mobile dekha to, keerti ka call aa raha tha. Maine call kaat diya. Lekin fir mobile baj utha. Mai jitni baar call katta. Utni baar wapas call aata. Jab maine call nahi uthya to, kuch der bad mere pas msg aa gaya.

Maine beman se msg pada. Lekin msg padte hi mere kadam jaha ke taha ruk gaye. Meri samajh me nahi aaya ki, ye sab kaise ho gaya. Mai wapas aakar apni jagah par baith gaya. Call abhi bhi aaye ja rahe the. Magar ab mere andar call uthane ki himmat nahi thi. Mai soch raha tha ki, kya karu aur kya na karu.

Mere pas keerti ke mobile se jo msg aaya tha.

Wo msg tha “bhaiya call uthao. Mai ami hu.”

Ye msg padkar mere marne ka irada to tal chuka tha. Lekin meri samajh me ye nahi aa raha tha ki, keerti ke mobile par ami kaise ho sakti hai. Yadi wo ami hi hai to, kya usne mera bheja hua msg pad liya hai. Jo wo is tarah se call lagayi ja rahi hai. Ya fir ye keerti hi mere msg ko padkar koi chaal chal rahi hai.

Idhar mai ye sab soche ja raha tha. Udhar keerti ke mobile se lagatar call aaye ja rahe the. Achanak mujhe khayal aaya ki, yadi ye sach me hi ami huyi to, kahi mere call na uthane se baat jyada na bigad jaye. Is baat ke mere dimag me aate hi, maine call utha liya aur dhadkate huye dil se kaha.

Mai bola “hello.”

Ami ne mere msg ko pad liya tha. Isliye wo mere call uthate hi rote huye kahne lagi.

Ami boli “bhaiya, aapne keerti didi ke mobile par ye kaisa msg bheja hai. Mai abhi jakar mummy se bolti hu ki, bhaiya keerti didi se naraj hokar marne ja rahe hai.”

Ami ki ye baat sunte hi, mere pairo ke niche ki jameen hi khisak gayi. Mujhe laga ki, ye abhi chhoti maa ko jakar sab kuch batayegi aur abhi hangama suru ho jayega. Ye khayal man me aate hi, maine apne har dard ko bhool kar, ami ko bade pyar se samjhate huye kaha.

Mai bola “pagal ladki, jaisa tu soch rahi hai. Aisa kuch bhi nahi hai. Ye msg to, yaha ke mere ek dost ne, mere mobile se apni girlfriend ko kiya tha. Mai usi ko delete kar raha tha. Dhokhe se wo keerti ke number par chala gaya. Maine ye batane ke liye call bhi kiya tha. Lekin tab keerti ka mobile band tha. Isliye call nahi gaya.”

Ami boli “yadi aisa tha to, fir aap call kyo nahi utha rahe the.”

Mai bola “mai uncle ke pas baitha tha. Ab unke pas se uth kar aane me wakt to lagta hai na. Yadi mujhe call na uthana hota to, fir mai call kaatta hi kyo. Call kaatne ka yahi matlab hota hai ki, abhi samne wala busy hai. Jab tu mobile chalane lagegi to, ye sab baten khud tere samajh me aa jayegi.”

Ami boli “bhaiya, aap sach bol rahe hai na.”

Mai bola “mujhe kisi pagal kutte ne kaata hai. Jo mai apni ami nimi ko chhod kar marne jauga. Mai to yaha hospital me uncle ke pas baitha hu aur abhi uncle so rahe hai. Meri to keerti se dopahar ke bad baat hi nahi huyi hai. Fir bhala mai us se kis baat par naraj rahuga. Mujhe to lagta hai ki, tu nimi se bhi jyada nasamajh hai. Jo itni si baat bhi nahi samajhti.”

Meri is baat ka ami par asar hua aur wo meri baat ko samajh gayi. Usne rahat ki saans lete huye kaha.

Ami boli “mai to dar hi gayi thi. Mujhe laga kahi aap sach me to ye sab karne nahi chale gaye.”

Mai bola “ab to sab baat samajh me aa gayi na. Ab ye bata ki, tu itni raat ko kyo jaag rahi hai aur tere pas ye keerti ka mobile kaha se aa gaya.”

Ami boli “bhaiya, mai aur nimi to aapko birthday wish karne ke liye jaag rahi thi. Magar nimi aapse baat hone ke thodi hi der bad so gayi. Lekin mai abhi tak jaag rahi hu. Happy bithday to you bhaiya.”

Ami ki baat sunkar meri aankhon se aansu chhalak pade. Ye aansu khushi ke bhi the aur us galti ke pachhtave ke bhi the. Jo mai abhi abhi karne ja raha tha. Mujhse kuch bhi kahte na bana. Maine sirf itna kaha.

Mai bola “thanks betu.”

Lekin meri itni si baat se hi ami ko aehsas ho gaya tha ki, mai ro raha hu. Use mujhe birthday wish karne se jo khushi mili thi. Wo khushi meri aankhon ke aansu mehsus karte hi udasi me badal gayi thi. Usne udasi bhare shabdon me mujhse kaha.

Ami boli “bhaiya aap ro kyo rahe ho. Aapko kya hua hai. Kya aapko kisi ne kuch kaha hai.”

Ami ki baat sunkar mujhe aehsas hua ki, mai ye kya kar raha hu. Apni us bholi bhali bahan ko bekar me dukhi kar raha hu. Jo abhi tak sirf isliye jaag rahi thi ki, mujhe birthday wish kar sake. Maine jaldi se apne aansu ponchhe aur ami ko chidate huye kaha.

Mai bola “ammo, tu sach me pagal hai. Are pagli ye aansu to is khushi ke hai ki, tum dono ko mera janam din yaad hai. Mujhe to yaad hi nahi tha ki, aaj mera janam din hai.”

Meri is baat se ami ko yakin ho gaya ki, meri aankhon me khushi ke aansu hai. Usne mujhe jhutha gussa dikhate huye kaha.

Ami boli “mai nahi, aap pagal ho aur bahut bade bhulakkad bhi ho. Jo aapko kuch bhi yaad nahi rahta.”

Mai ami ki baat ka matlab samajh gaya tha. Lekin mai chahta tha ki, meri baat ko lekar uske masoom se dil par koi bhi shaq na rahe. Isliye maine masoom bante huye kaha.

Mai bola “kyo mujhe kya yaad nahi rahta. Mai kya bhool gaya.”

Ami boli “are aap apna janam din hi bhool gaye. Aisa bhi kabhi hota hai. Mujhe aur nimi ko dekho. Hum log kabhi apna janam din nahi bhulte.”

Mai bola “mai bhool gaya to kya hua. Mera janamdin yaad rakhne ke liye meri pyari pyari ammo aur nimmo to hai. Ab ye bata mujhe janam din me kya gift de rahi hai.”

Ami boli “mai koi kamane jati hu. Jo mai aapko gift dugi.”

Mai bola “jyada baten mat bana. Mai janta hu. Tum dono ne mere gift ke liye chhoti maa ki naak me dam kar diya hoga.”

Meri baat sunkar ami khilkhilane lagi aur boli.

Ami boli “maine to aapke liye purse kharida hai.”

Mai bola “aur nimi ne kya kharida hai.”

Ami boli “wo mai nahi bata sakti. Yadi maine bata diya to, wo mujhse jhagda karegi.”

Mai bola “mai kaun sa use batane ja raha hu. Tu mujhe bata de. Mai use kuch nahi boluga.”

Ami boli “nimi ne aapke liye money bank kharida hai.”

Mai bola “kya meri umar use money bank rakhne ki lagti hai. Jo usne mere liye money bank kharida hai.”

Ami boli “maine bhi yahi kaha tha. Lekin wo kahne lagi ki, wo isme aapse paise judwayegi aur jab ye bhar jayega. Tab wo un paiso se aapke liye ek car kharidegi.”

Mai bola “car to tab aayegi. Jab wo money bank bharega. Lekin nimi ke rahte wo bhar hi nahi sakta. Use to aaye din paiso ki jarurat padti rahti hai. Wo khud hi usme se paise nikalti rahegi.”

Ami boli “yahi baat keerti didi ne bhi us se kahi thi. Lekin wo kahne lagi ki, is baar wo jarur use bhar kar rahegi.”

Keerti ka naam sunte hi mere dil ka dard taja ho gaya. Lekin sath hi sath ye bhi pata chal gaya ki, keerti bhi ye janti hai ki, aaj mera janam din hai. Magar shayad apni sagai ki khushi me use mujhe birthday wish karne ki jarurat hi mehsus nahi huyi. Maine apne dard ko chhupate huye ami se kaha.

Mai bola “chal, ab ye baten yahi par khatam kar. Ab yadi tera birthday wish karna ho gaya ho to, ye bata keerti ka mobile tere pas kaise aaya. Kya keerti ghar wapas aa gayi hai.”

Ami boli “nahi, didi abhi wapas nahi aayi hai. Unka mobile to dopahar se hi humare pas hai. Nimi dopahar ko unke mobile se aapko call laga rahi thi. Lekin aapne call nahi uthaya to, usne gusse me mobile band karke apne pas hi rakh liya tha. Tab se mobile nimi ke pas hi tha. Didi ke mangne par bhi usne mobile didi ko nahi diya tha. Fir didi ghar chali gayi to, mobile humare pas hi rah gaya.”

Mai bola “betu, ye to galat baat hai. Tum logon ko aisa nahi karna chahiye tha. Use mobile ke bina kitni pareshani ho rahi hogi.”

Ami boli “bhaiya, bas ek din ki hi to baat thi. Yadi didi yaha rahti to, hum unka mobile jarur de dete. Lekin didi ghar ja rahi thi aur hum ko raat ko aapko birthday wish bhi karna tha. Isliye hum dono ko aisa karna pada.”

Mai bola “betu, tum dono ko yadi wish hi karna tha to, tum chhoti maa ya aunty ka mobile bhi to le sakti thi.”

Ami boli “kaise le lete bahiya. Nimi ne jab se mummy ke gande mobile ko sabun se dhoya hai. Tab se to wo hume mobile chhine tak nahi deti hai. Ab aunty ke mobile me mehul bhaiya ke call aate rahte hai. Aise me wo apna mobile hume kyo degi.”

Mai bola “keerti to hai nahi. Fir abhi tum logon ke sath kaun so raha hai.”

Ami boli “hum dono akele so rahe hai. Nimi ne ro rokar mummy aur aunty ko niche sone ke liye bhaga diya hai. Nahi to wo log hume jagne nahi deti aur jaldi sula deti.”

Mai bola “thik hai. Ab tumhara b'day wish karna ho gaya hai. Ab keerti ka mobile band karke rakh do. Kal jab wo aaye to, use de dena. Ab kal se koi natak mat karna. Nahi to mai tum se naraj ho jauga. Ab tum bhi so jao.”

Ami boli “ok bhaiya. Kal se hum koi natak nahi karege. Happy b'day bhaiya. Good night.”

Mai bola “good night.”

Iske bad ami ne call rakh diya. Kuch der bad maine fir se call lagaya to, ami ne keerti ka mobile band kar diya tha. Maine rahat ki saans li aur fir time dekha to 12:30 baj chuka tha.

Mai ajib kashmkash me fasa hua tha. Na to keerti ka chehra mujhe jeene de raha tha aur na hi ami nimi ka chehra mujhe marne de raha tha. Mai isi jeene marne ki kashmkash me fasa hua wapas uncle ke pas aa gaya.

Aaj mera janamdin tha aur keerti ne mujhe mere janamdin par aisa tohfa diya tha. Jise mai jindgi bhar nahi bhula sakta tha. Mere man me jeene ki ichha hi khatam ho gayi thi.

Mai rona chahta tha. Apne aapko khatam kar dena chahta tha. Lekin jeene ke liye majbur tha. Mai bahar se to bilkul shant dikh raha tha. Magar mera dil andar hi andar ro raha tha.

Mai shayad duniya ka pahla aisa aashiq tha. Jo apni premika ki shadi ki khabar sunte hi is kadar toot gaya tha ki, uske pas apni premika se karne ke liye koi sawal hi nahi bacha tha.

Aisa hota bhi kyo na. Is baat ko khud us ladki ki maa ne kaha tha. Jise mai apni jaan samajhta tha. Mai inhi sab sochon me gum rah kar, ghanton tak, ek hi jagah par baitha raha.

Mai man hi man keerti se hajaron sawal kiye ja raha tha. Har sawal ke karne ke sath mujhe aisa lag raha tha. Jaise koi mere seene se mere dil ko khich kar bahar nikal raha ho. Mujhe apni haalat ka koi hosh na raha.

Saari raat kab aankhon hi aankon me gujar gayi. Iska mujhe pata hi nahi chala. Mujhe hosh tab aaya. Jab subah 6 baje nurse mere pas aayi. Usne aakar mujhe dekha aur mere chehre ko gaur se dekhte huye kaha.

Nurse boli “yaha sab thik to hai na.”

Mai bola “haan, sab thik hai.”

Nurse boli “aap thik to hai.”

Mai bola “haan mujhe kya hua.”

Nurse boli “ok to ab aap niche jaiye. Marij ko bath dene ka samay ho gaya hai.”

Nurse ke is tarah se baat karne ka karan mujhe samajh me nahi aaya. Lekin uski baat sunkar mai niche jarur aa gaya. Niche aakar mai apni jagah par jakar baith gaya. Lekin aaj us jagah par bhi mujhe koi shanti nahi mil rahi thi.

Mai abhi bhi udas aur gamgeen tha. Meri saari duniya lut jaane ka dard mere chehre se jhalak raha tha. Aise me meri najar ajay par padi. Us par najar padte hi mai apne aapko uski najar se chhupane laga.

Shayad mere andar kisi se najar milane ki takat nahi thi, ya fir mai apne gam ko sab se chhupana chahta tha. Lekin meri ye koshish bhi nakamyab rahi. Ajay ne mujhe dekh liya tha aur wo mere pas chala aaya.

Magar jab uski najar mere chehre par padi to, thodi der ke liye wo bhi saham gaya. Usne bas mujhse itna puchha.

Ajay bola “babu sahab, upar sab thik to hai.”

Maine muskurane ki nakamyab koshish karte huye kaha.

Mai bola “haan haan, sab thik hai. Aap aisa kyo puchh rahe hai.”

Ajay bola “wo isliye, kyoki aapke chehre ko dekh kar aisa lag raha hai. Jaise aap saari raat rote rahe hai.”

Mai bola “nahi, aisi koi baat nahi hai. Wo to saari raat jagne ki vajah se aisa lag raha hoga.”

Ajay bola “babu sahab, mai to kya, koi chhota sa bachcha bhi aapke chehre ko dekh kar yahi kahega ki, aap saari raat rote rahe hai.”

Mai bola “sach me aisi koi baat nahi hai. Do din se meri nind puri nahi ho pa rahi hai. Isliye aapko aisa lag raha hoga.”

Ajay ki parkhi najar samajh gayi thi ki, mujhe koi gam hai. Lekin mai apna gam use batana nahi chahta hu. Usne mujhse kaha.

Ajay bola “babu sahab, ho sakta hai ki aap sahi bol rahe ho. Lekin aapka chehra kuch aur hi bol raha hai. Acha to yahi hoga ki, aap apne doston ke aane ke pahle apna chehra sahi kar le. Nahi to meri tarah wo bhi aap se yahi sawal karege.”

Mujhe ajay ki ye baat sahi lagi. Mai uth kar andar muh hath dhone chala gaya. Jab mai muh hath dhokar bahar nikla to, ajay coffee liye mera intejar kar raha tha. Mai uske pas pahucha to usne mujhe coffee di. Maine us se coffee lete huye kaha.

Mai bola “kya hua. Aap abhi tak yahi khade huye hai. Kya aaj aapko koi sawari nahi mil rahi hai.”

Ajay bola “sawari ka kya hai babu sahab. Ek gayi to dusri mil jayegi. Lekin sahi baat ye hai ki, aapko aise me chhod kar jaane ka mera dil hi nahi kiya.”

Mai bola “are mujhe sach me kuch nahi hua. Aap bekar me pareshan mat hoiye.”

Ajay bola “babu sahab, mai bhi is daur se gujar chuka hu. Isliye janta hu ki, aapko kis baat ka gam hai. Aap bhale mujhe dost nahi mante. Magar mai to aapko dost manta hu. Fir bhala aapko kaise akela chhod kar ja sakta hu.”

Mujhe ajay ki ye sab baten achi lag rahi thi. Fir bhi mai use apne dil ka haal nahi bata sakta tha. Maine apni baat se uska dhyan hatane ke liye us se kaha.

Mai bola “aap bhi ajib baat karte ho. Ek taraf to mujhe apna dost samajhte ho, aur dusri taraf mujhe babu sahab kahte ho. Mujhe aapki dosti ka ye raz kuch samajh me nahi aaya.”

Ajay bola “mai to aapko dost samajhta hu. Lekin jab aap hi mujhe dost nahi samajhte to, fir bhala mai aapko aapke naam se kaise bula sakta hu.”

Mai bola “aisi baat nahi hai ajay bhai. Yadi mai aapko apna dost nahi samajhta hota to, fir aapse itni baten hi kyo karta. Acha yahi hoga ki ab aap mujhe babu sahab ki jagah punnu hi kahe.”

Ajay bola “tab aap bhi mujhe sirf ajji hi kahiye. Dosti me ye aap vaap acha nahi lagta.”

Mai bola “ok ajji. Kya tum mera ek kaam karoge.”

Ajay bola “ek kya, sau kaam bolo bhai. Dosti ke liye to ye jaan bhi hajir hai.”

Mai bola “mujhe aaj rukne ke liye hotel me ek kamra chahiye. Lekin mere pas koi saman nahi hai. Isliye bina saman ke mujhe hotel me kamra milne me bahut pareshani hogi. Kya tum mujhe kisi hotel me kamra dila sakte ho.”

Ajay bola “lekin tum to apne dost ke ghar ruke huye ho. Fir tumhe hotel me rukne ki kya jarurat hai.”

Mai bola “ye mat puchho. Tum yadi kar sakte ho to, bas aaj ke liye mera ye kaam kar do.”

Ajay bola “yadi aisi baat hai to, tum, mere ghar me ruk sakte ho.”

Mai bola “nahi, yadi mujhe ghar me hi rukna hota to, fir mere dost ke ghar me koi burai nahi thi. Mai aaj akela rahna chahta hu.”

Ajay shayad meri baat ka matlab samajh chuka tha. Us ne mujhse kaha.

Ajay bola “mera ghar kisi hotel se kam nahi hai. Tumhe waha koi pareshani nahi hogi. Kyoki waha mere siwa aur koi nahi hai. Tum waha jaise chahe, waise rah sakte ho. Isi bahane tum mera ghar bhi dekh loge.”

Jab ajay mere bahut samjhane par bhi nahi maana to, mujhe uski baat manna hi padi. Maine use uske ghar jaane ke liye haan kah diya. Iske bad meri us se idhar udhar ki baat hoti rahi.

Is bich uske pas kayi sawari aayi. Magar us ne sabhi sawari ko le jaane se mana kar diya. Shayad wo mujhe akela chhodna nahi chahta tha. Fir 7 baje mehul aa gaya. Meri mehul se thodi bahut uncle ko lekar baten huyi.

Uske bad maine mehul ka ajay se parichay karaya aur us se kaha ki, aaj mai din bhar ajay ke sath hi rahuga. Isliye aaj mera raj ke ghar jana nahi ho payega. Tum raj ko aur uske ghar walon ko ye baat bata dena. Ho sakta hai ki din me mera mobile bhi band rahe. Isliye yadi ghar se koi phone aaye to, use bhi tum sambhal lena.

Meri is baat ka matlab mehul nahi samajh saka. Use ye laga ki mai ajay ke sath ghumne ja raha hu. Isliye ye sab us se kah raha hu. Usne meri har baat ko haan kaha. Fir wo upar uncle ke pas chala gaya.

Mehul ke jate hi maine chhoti maa ko call laga diya. Unne call uthate hi mujhe b'day wish kiya. Fir nimi ko call thama diya. Nimi ne bhi mujhe b'day wish kiya aur fir hamsesha ki tarah apni baton ka pitara khol liya.

Thodi der tak mai uski baten sunta raha. Fir maine use bataya ki mai apne dost ke sath uske ghar ja raha hu. Isliye aaj dopahar me us se baat nahi kar pauga. Lekin use laga ki mai us se jhuth bol raha hu.

Tab maine uski ajay se baat kara di. Fir jakar usne mujhe call na karne ki sahmati di. Iske bad meri ami se baat huyi. Usne abhi bhi mujhe b'day wish kiya. Us se thodi bahut baat karne ke bad maine call rakh diya.

Call rakhne ke bad maine ajay se ghar chalne ko kaha. Meri baat sunte hi ajay ne apni taxi nikali aur hum uske ghar ke liye nikal pade. Raste me maine ek sharab ki dukan ke samne taxi rukwa di.

Ajay shayad pahle se hi janta tha ki, mai aaj hotel me kyo rukna chahta hu. Usne mujhse sirf itna kaha ki, tum kisi cheej ki chinta mat karo. Ye sab cheeje tumhe mere ghar me hi mil jayegi.

Uske bad hum dono uske ghar ke liye nikal pade. Kuch hi der bad hum ajay ke ghar pahuch gaye. Uske ghar pahuchne ke bad mai uske ghar ko dekhta rah gaya. Maine jaisa soch rakha tha, us se bilkul ulta uska ghar tha.

Use ghar kahna hi galat tha. Wo kisi bungalow se kam nahi tha. Uske mukable me riya raaj ka ghar bhi kuch nahi tha. Us bungalow ke main gate me taala laga hua tha. Ajay ne taxi se utar kar taala khola aur hum andar pahuche.

Ghar ke andar ka bhi wahi haal tha. Dekhne se kahi se bhi nahi lag raha tha ki, wo kisi taxi wale ka ghar hai. Balki aisa lag raha tha. Jaise ki mai kisi businessman ke ghar aa gaya hu.

Mere man me is sab ko janne ki jigyasha to huyi thi. Magar us samay mere andar kisi baat ko samajhne ki takat nahi thi. Mai sirf akelapan chahta tha. Jiski vajah se mai ajay ke ghar aaya tha.

Ajay ne mujhe mera kamra dikhaya aur mujhse fresh ho jaane ko kaha. Mai fresh hone chala gaya. Mai jab fresh hokar aaya to ajay ek trolley dakelte huye mere kamre me le aaya.

Us trolley me ek old monk rum ki bottle, soda aur dry fruit the. Usne trolley ko mere bed ke samne lakar khada kar diya. Fir usne almari se ek night suit nikala aur mujhe dete huye kaha.

Ajay bola "tum chaho to ye night sute pahan sakte ho. Tum shayad pahli baar pi rahe ho. Isliye tumhare liye ye brand laya hu. Tumhe yadi ye brand pasnd na aaye to tum bhahar se apni pasand ka brand le sakte ho. Tum jitni chahe utni pi sakte ho. Meri taraf se tumhe koi rok nahi hai. Mai tumhe disturb karne bhi nahi aauga. Bas meri tumse ek request hai.”

Mai bola “kya.”

Ajay bola “tum is samay bahut upset lag rahe ho. Isliye sharab pikar apne gam ko bhulana chahte ho. Lekin sharab peene ke bad kya hota hai. Shayad tum is baat ko nahi jante. Sharab ke nashe me aksar insan wo sab kar baithta hai. Jo wo kabhi karna nahi chahta.”

“Mai nahi chahta ki tumhare sath bhi aisa hi kuch ho. Ya fir tum sharab ke nashe me kisi ko koi ulta sidha call kar baitho. Isliye yadi tum bura na mano to apna mobile mujhe de do. Jis se aisa kuch hone se bacha ja sake.”

Mujhe ajay ki is baat me sachchai najar aayi. Lekin mujhe apne upar pura viswas tha. Lekin us viswas se jyada mujhe apne mobile se lagav tha. Kyoki mere mobile me keerti ke msg aur uski photo thi. Jis vajah se mai chah kar bhi apne mobile ko kisi ke hawale nahi kar sakta tha. Maine ajay ko talte huye kaha.

Mai bola “tum galat soch rahe ho yaar. Mai kisi gam ko bhulane ke liye sharab nahi pi raha. Mai to sirf apni thakan mitane aur nind puri karne ke liye sharab peena chahta hu. Isliye jaisa tum soch rahe ho. Waisa kuch bhi nahi hoga.”

“Mujhe apna mobile tumhe dene me koi pareshani nahi hai. Lekin isme meri jaan ki tasveer hai. Jise mai ek pal ke liye bhi khud se door nahi kar sakta. Tum kisi baat ki chinta mat karo. Mai ek do peg lekar so jauga.”

Meri baat sunkar ajay samajh gaya ki, mai apna gam use batana nahi chahta hu. Wo muskurate huye, kamre se bahar nikal gaya. Uske jate hi maine darwaja band kiya aur apne kapde badle.

Ab mai har tarah se aajad tha. Mai sharab ke nashe me keerti ki bewafai ko bhula dena chahta tha. Maine time dekha to 8:30 baj chuke the. Mai aakar bistar par tik kar baith gaya.

Maine mobile me keerti ka photo nikala aur use dekhne laga. Kal tak jis photo ko dekh kar mere chehre par muskurahat aa jaati thi. Aaj usi photo ko dekh kar meri aankhon se aansu bahne lage aur mere dil ka dard aah bankar gunjne laga.

Dil Aur Dimag Ko Ro Luga Aah Kar Luga.
Tumhare Ishq Me Sab Kuch Tabah Kar Luga.
Agar Mujhe Na Mili Tum, Tumhare Sar Ki Kasam.
Mai Apni Saari Jawani Tabah Kar Luga.​

____________________________

 

[Pritam.bs]

Ko To Rok Lo {Update - 063}
____________________________

Mai bola “tum galat soch rahe ho yaar. Mai kisi gam ko bhulane ke liye sharab nahi pi raha. Mai to sirf apni thakan mitane aur nind puri karne ke liye sharab peena chahta hu. Isliye jaisa tum soch rahe ho. Waisa kuch bhi nahi hoga.”

“Mujhe apna mobile tumhe dene me koi pareshani nahi hai. Lekin isme meri jaan ki tasveer hai. Jise mai ek pal ke liye bhi khud se door nahi kar sakta. Tum kisi baat ki chinta mat karo. Mai ek do peg lekar so jauga.”

Meri baat sunkar ajay samajh gaya ki, mai apna gam use batana nahi chahta hu. Wo muskurate huye, kamre se bahar nikal gaya. Uske jate hi maine darwaja band kiya aur apne kapde badle.

Ab mai har tarah se aajad tha. Mai sharab ke nashe me keerti ki bewafai ko bhula dena chahta tha. Maine time dekha to 8:30 baj chuke the. Mai aakar bistar par tik kar baith gaya.

Maine mobile me keerti ka photo nikala aur use dekhne laga. Kal tak jis photo ko dekh kar mere chehre par muskurahat aa jaati thi. Aaj usi photo ko dekh kar meri aankhon se aansu bahne lage aur mere dil ka dard aah bankar gunjne laga.

Dil Aur Dimag Ko Ro Luga Aah Kar Luga.
Tumhare Ishq Me Sab Kuch Tabah Kar Luga.
Agar Mujhe Na Mili Tum, Tumhare Sar Ki Kasam.
Mai Apni Saari Jawani Tabah Kar Luga.​

Sach bhi yahi tha. Keerti mere chehre ki muskan thi. Mere dil ki dhadkan thi. Wo hi meri jindgi aur meri jindgi ki har khushi thi. Fir bhala mai hanste hanste, use kisi aur ka hote kaise dekh sakta tha.

Mere liye ye sab hote dekh pana mushkil hi nahi namukin tha. Ab mai kuch bhi samajhne ki haalat me nahi tha. Meri aankhon se aansu jharte ja rahe the. Mai ek tak keerti ki tasveer dekhe ja raha tha.

Mai keerti se naraj jarur tha. Fir bhi mere dil me uske liye itna jyada pyar tha ki, kisi bhi haalat me uska kam hona mushkil hi tha. Mera ajib hi haal ho gaya tha. Mai uski tasveer dekh kar ro bhi raha tha aur muskura bhi raha tha.

Mai samajh nahi pa raha tha ki, mai use mere sath dhoka karne ke liye baddua du ya fir use nayi jindgi suru karne ke liye dua du. Uski muskurati huyi tasveer ko dekh kar, uske sath bitaya gaya, har lamha meri aankhon ke samne se gujrne laga.

Uske sath bitaya gaya har pal mujhe tadpa raha tha. Uski baten mere kaano me goonj rahi thi. Uski hansi mujhe pagal bana rahi thi. Mai uske bina jeene ki soch bhi nahi sakta tha.

Yahi vajah thi ki, maine uske bina jeene se behtar marne ko samjha tha. Lekin ami ke call ne, mujhe ye sab karne se rok diya tha. Lekin ab mere samne aisi stitihi paida ho gayi thi. Jisme na to mai use bhula sakta tha aur na hi use apna bana sakta tha.

Is istirhi ne mujhe sharab ka sahara lene par majbur kar diya tha. Jab mujhse ye sab sahan nahi hua. Tab maine bottle khol li. Maine ek peg banaya aur satt se apne gale se niche uthar liya.

Pahla peg peene me, mujhe mere seene me jalan si mehsus huyi. Lekin ye jalan us aag ke mukable kuch bhi nahi thi. Jo is samay mere dil me jal rahi thi. Ek peg peene ke bad bhi mujhe koi rahat mehsus nahi huyi. Na hi mujhe uska koi nasha samajh me aaya.

Tab maine gusse me ek bad dusra aur fir dusre ke bad teesra peg bhi bana kar pi liya. Teesre peg ko peene ke bad mujhe kuch halka halka surur mehsus hua. Lekin sharab ka ye surur bhi mere itne kaam ka nahi tha.

Kyoki abhi bhi mujhe keerti ki yaad pareshan kar rahi thi. Maine is halke se nashe ke surur me chautha peg bhi bana kar pi liya. Chautha peg peete hi mera sar ghumne laga. Meri aankhon ke samne ki har chheej mujhe, hilti huyi najar aane lagi.

Lekin abhi bhi mujhe, keerti ki tasveer saaf saaf najar aa rahi thi. Mere kaleje me dard ki lahar ab bhi uth rahi thi. Jise mitane ke liye maine panchwa peg bhi apne halak ke niche utar liya.

Mai pahli baar sharab pi raha tha. Mujhe ya sab nahi malum tha ki, sharab kab aur kitni der bad apna asar dikhti hai. Isliye nasha na hote dekh kar, mai ek ke bad ek peg peeta chala jar aha tha.

Lekin panchwe peg ke, mere halakh me utarte hi, sharab ne badi teji se apna asar dikhana suru kar diya. Mera dimag puri tarah se sunya pad gaya. Maine keerti ko bhulane ke liye sharab pee thi.

Lekin ab mai uske siwa sab kuch bhool chuka tha. Yaha tak ki apne aapko bhi bhool gaya tha. Mujhe ab bas, wo hi wo najar aa rahi thi. Meri aankhe nashe ke surur me badi badi ho gayi thi.

Mai fati fati aankhon se keerti ki tasveer ko dekhne laga. Mere dil ka saara dard umad kar bahar aane laga tha. Jaise ki mere dil ke har dabe huye dard ko, juban mil gayi ho. Mai keerti ki tasveer se baten karne laga.

Mai bola “jaan tumhe meri haalaat par hansi aa rahi hai na. Hans lo jaan, aaj tumhe jitna hansna hai hans lo. Lekin ek baat yaad rakho. Ek din tumhari ye judai meri jaan le jayegi. Tab tum bhi aise hi tadpogi. Jaisa aaj mai tumhare liye tadap raha hu. Mai tumhe kabhi nahi bhool sakta jaan. Lekin mai marte dam tak tumhare is dhokhe ko maaf nahi karuga.”

Mai na jaane kitni der tak yu hi, keerti ki tasveer ko ulta seedha bakta raha. Fir achanak mera mobile bajne laga. Lekin us samay nashe me meri haalat aisi ho gayi thi ki, mujhe ye samajh me hi nahi aa raha tha ki, kiska call aa raha hai.

Mai mobile ko bilkul apni aankhon ke pas le aaya aur fir dekha ki mausi ka call aa raha hai. Mai mausi ka call aaya dekh kar muskurane laga. Maine mobile ko chum liya aur bina call uthaye hi mausi se bolne laga.

Mai bola “o mausi, tumne to kabhi mujhe pyar se nahi dekha aur jab dekha to aise dekha ki, mere pyar ko hi najar lag gayi. Ab kyo mujhe call laga rahi ho. Kya ab mujhe keerti ki shadi ki tarikh bhi batana chahti ho. I Love you mausi. Tum sach me bahut achi ho. Tumne bade pyar se mera sab kuch loot liya.”

Ye bol kar mai jor jor se hansne laga. Call abhi bhi baje ja raha tha. Jab call bahut der tak bajta raha. Tab maine call utha liya. Lekin mai us nashe ki haalat me bhi, mai itna samajh raha tha ki, mujhe abhi kisi se baat nahi karni hai. Isliye maine apni aawaj ko ladkhadane se bachate huye, dhire se sirf itna kaha.

Mai bola “hello”

Ye bol kar mai chup ho gaya. Magar meri aawaj sunte hi, dusri taraf se aawaj aayi. Wo aawaj keerti ki thi. Usne mujhse kaha.

Keerti boli “oh jaan. I miss you. I love you. Happy birthday to you jaan. Muuuhhhhhh..”

Lekin mai kuch nahi bola. Bas khamosh raha. Mujhe khamosh rahte dekh keerti ne fir kaha.

Keerti boli “sorry jaan, mujhse bahut badi galti ho gayi. Mai janti hu. Tum mujhse bahut naraj ho. Kya tum apni jaan ko maaf nahi kar sakte.”

Keerti ye bolne ke bad mere kuch bolne ka intejar karne lagi. Mai nashe ke surur me, uski is maafi mangne ki harkat ko dekh kar, man hi man usko ulta sidha bak raha tha. Lekin hakikat me khamosh hi raha. Jab mai kuch nahi bola to, usne fir mujhe manate huye kaha.

Keerti boli “ok baba, tum mujh par gussa ho to, gussa kar lo. Lekin apni jaan ko apni aawaj sunne ke liye itna mat tarsao. Mai tumhari aawaj sune bina ek pal nahi rah sakti.”

Keerti ki ye baat sun kar mere dil me aag lag gayi aur mera gussa bhadak utha. Mai apne aapko bolne se na rok saka. Lekin maine apni aankhon ko band kiya aur fir apni aawaj ko bahut sambhalte huye kaha.

Mai bola “kyo, kya tumhe apne hone wale pati ki aawaj pasand nahi hai. Ya fir abhi mere pyar ka majak udane se tumhara dil nahi bhara hai.”

Keerti ko shayad is baat ka pata nahi tha ki, mausi se meri baat huyi hai aur mujhe uski sagai ke baare me pata chal gaya hai. Wo meri baat sun kar sirf itna kah kar rah gayi.

Keerti boli “jaannnnn.”

Meri baat use gaali ki tarah lagi thi. Isliye wo iske aage kuch nahi bol payi thi. Lekin use meri baat se jo dard pahucha tha. Wo uski aankhon se aasu ban kar chalakne laga. Jiski aawaj mere kaanon tak pahuchi to, mujhe aur gussa aa gaya. Maine us par cheekhte huye kaha.

Mai bola “ab apne rone ka ye natak band karo aur mujhe mere haal par chhod do. Mujhe tum jaisi dhokebaj ladki se koi baat nahi karna.”

Mai itne gusse me ye sab bola tha ki, apni aawaj ko ladkhadane se rok na saka. Meri aawaj ko pehchante hi keerti ko ek aur sadma pahucha. Wo meri aawaj se pahchan chuki thi ki, maine sharab pi hai.

Mai to uske dard ka aehsas karne ki haalat me nahi tha. Lekin meri haalat ka pata chalte hi, use mere dard ka aehsas ho gaya tha. Uski aankhon me aansu the. Lekin ab wo aansu mere dard ke liye the. Mere dard se wo karah uthi.

Keerti boli “jaan tumne sharab pi hai. Kyo mujhe itna pyar karte ho ki, meri chhoti si galti bhi sah na sako. Meri galti ki saja apne aapko kyo de rahe ho. Mai kitni badnashib hu. Jo tumhare is sharab peene ka karan ban gayi. Mujhe to ye dekhne ke pahle hi mar jana chahiye tha.”

Ye bol kar wo bilakh kar ro padi. Mai nashe ke surur me jarur tha. Lekin sharab ke nashe se jyada, mere upar keerti ke pyar ka nasha tha. Mai uska rona na dekh saka aur mai bhi kisi bachche ki tarah rote huye kahne laga.

Mai bola “tum kyo marogi. Maruga to mai, kyoki mujhe tumhare bina jeena nahi aata. Mai tumhare bina ji hi nahi sakta. Badnashib tum nahi mai hu. Jo tumhe itna pyar karne ke bad bhi, pa nahi sakta. Mai tumhare bina nahi ji sakta. Mai tumhare bina mar jauga. Haan mujhe marna hai. Mujhe marna hai. Mujhe marna hai.”

Kisi chhote bachche ki tarah mai roye ja raha tha aur mujhe marna hai, mujhe marna hai ki rat lagaye huye tha. Jise sunkar keerti ka rona tham gaya. Ab wo mujhe chup karane ki koshish kar rahi thi. Lekin mai bas marna hai ki, rat lagaye huye tha. Keerti mujhse kah rahi thi.

Keerti boli “jaan pls chup ho jao. Aisa mat karo jaan. Mai kahi nahi gayi hu. Mai tumhare pas hi hu.”

Lekin mujh par uski is baat ka, koi asar nahi hua. Mai fir wahi bole ja raha tha.

Mai bola “nahi mujhe marna hai. Mai tumhare bina nahi ji sakta. Mujhe marna hai.”

Jab keerti ne dekha ki mujh par, uski kisi baat ka koi asar nahi ho raha hai. Tab usne kaha.

Keerti boli “jaan tumhe meri kasam. Tum bahut thak gaye ho. Tum so jao jaan.”

Mai bola “nahi, mai nahi souga. Mai so gaya to, tum mujhe chhod kar chali jaogi.”

Keerti boli “jaan kya tum meri kasam nahi manoge. Dekho maine tumhara sar apni god me rakh liya hai aur tumhare sar par hath fer rahi hu. Mai tumhe chhod kar kahi nahi jaugi jaan. Ab tum so jao.”

Keerti ke in shabdon ne mere upar jadu sa kaam kiya.

Mai bola “tum sach me mujhe chhod kar nahi jaogi na.”

Keerti boli “haan jaan, mai sach bol rahi hu. Mai tumhe chhod kar kahi nahi jaugi. Dekho mai tumhare sar par hath fer rahi hu. Tumhe kaisa lag raha hai.”

Mai bola “mujhe nind aa rahi hai. Mai so raha hu par tum jana mat.”

Keerti boli “haan jaan, ab tum so jao. Mai tumhare pas hi baithi hu.”

Uske bad keerti ne aise hi bahlate bahlate mujhe sula diya. Us samay mujhe aisa lag raha tha. Jaise mai sach me uski god me, sar rakh kar so raha hu aur wo mere sar par hnth fer rahi hai. Mujhe kab shukun bhari nind aa gayi, mujhe pata hi nahi chala.

Fir meri nind 4:30 baje khuli. Mera nasha ab puri tarah se utar chuka tha. Lekin mujhe sirf itna yaad tha ki, keerti ka call aaya tha. Maine use kuch bhala bura bola aur fir rote huye uski god me sar rakh kar so gaya.

Keerti se meri kya kya baat huyi. Ye sab mujhe yaad nahi aa raha tha. Maine apna mobile uthaya aur dekhne laga ki, keerti ka mobile kitni der tak chalu raha. Mobile me 1 ghanta 35 min bata raha tha.

Jiska matlab tha ki, keerti ne mere sone ke bad bhi, kafi der tak call nahi kaata tha. Mai bahut der tak, lete lete yahi sochta raha ki, keerti ne mujhe kya bataya hai. Lekin jyada nashe me rahne ki vajah se, mujhe kuch bhi yaad nahi raha.

Mera man keerti se baat karne ka kar raha tha. Mujhe uski kami bahut jyada khal rahi thi. Magar na jaane kyo, mai use call karne ki himmat nahi juta pa raha tha. Jab maine dekha ki 5 baj gaya hai to, fir mai uth kar fresh hone chala gaya.

Fresh hone ke bad maine kapde badle aur fir kamre ka darwaja khol diya. Iske bad maine bistar sahi kiye aur fir wapas tek laga kar baith gaya. Kuch der bad ajay coffee lekar aa gaya. Usne mujhe coffee di aur fir sharab ki bottle ko dekhte huye kaha.

Ajay bola “ye lo coffee piyo. Ek baar me aadhi bottle khali kar di. Ab jarur sar chad raha hoga.”

Mai bola “nahi, mai thik hu. Mujhe kuch nahi ho raha.”

Ajay bola “yaar, tumhara hajma to gajab ka hai. Aadhi bottle peene ke bad bhi, aise baithe ho jaise kuch kiya hi na ho.”

Mai bola “maine to sirf 5 peg hi liye the.”

Ajay bola “ho hi nahi sakta. 5 peg me aadhi bottel khali nahi hoti. Jarur tumne patiyala peg maar liye hai. Mai to kabhi 3 peg se jyada pi hi nahi pata hu. Haan kabhi jab jyada tanav me rahta hu. Tab 4 peg bhi maar leta hu. Magar tab sokar uthne par sar chad jata hai.”

Mai bola "mai is baare me kuch nahi janta. Maine aaj pahli baar pi hai aur shayad aakhiri baar bhi. Kyoki mai apne ghar me rah kar to, aisa kabhi kar hi nahi sakta.”

Ajay bola “ye to mai bhi tumhe nahi karne deta. Lekin maine dekha ki tum bahut tanav me ho. Isliye maine tumhe aisa karne se nahi roka.”

Maine ajay ki is baat ka koi jabab nahi diya. Ajay ne dekha ki mai fir kisi soch me gum ho gaya hu to, usne mujhe tokte huye kaha.

Ajay bola “subah se tumne kuch nahi khaya hai. Yahi kuch khana pasand karoge ya fir bahar chal ke kuch khaya jaye.”

Mai bola “nahi yaar, aaj bhukh hi nahi hai. Ab mai sidhe raat ko hi khana khauga. Abhi mujhe raj ke ghar bhi pahuchna hai. Subah se gayab hu. Pata nahi wo log kya soch rahe hoge.”

Ajay bola “koi kuch nahi sochega. Sab yahi sochege ki, tum mumbai ghoom rahe ho. Isliye raat ka khana tum mere sath hi khakar, yahi se sidhe hospital chale jana.”

Mai bola “nahi yaar, aisa acha nahi lagta. Wo log humari itni madad kar rahe hai. Aise me unko bina bataye is tarah gayab rahna, thik baat nahi hai. Rahi tumhare sath khana khane ki baat, to wo mai kisi din tumhare sath jarur khauga. Aaj ke liye tum mujhe maaf karo.”

Ajay bola “koi baat nahi hai. Chalo mai tumhe raj ke ghar tak chhod deta hu.”

Mai bola “tum kyo pareshan ho rahe ho. Mai koi taxi pakad kar chala jauga.”

Ajay bola “yaar meri taxi hote huye, tum koi aur taxi me jakar mere pet par kyo laat maar rahe ho. Dosti apni jagah hai aur dhandha apni jagah hai.”

Ye kah kar ajay hansne laga. Lekin ajay ka ghar dekhne ke bad mujhe, uski har baat rahasya lag rahi thi. Fir bhi abhi mai, us se is baare me koi baat karne ke mood me nahi tha. Maine us ki baat ki haan ki aur fir uske sath bahar aa gaya.

Ajay ki taxi waha najar nahi aa rahi thi. Mujhe porch ke pas khada karke, wo garage kholne laga. Mujhe laga ki wo apni taxi nikalega. Lekin usne mujhe ek baar fir chauka diya.

Usne jaise hi garage khola waha ek BMW car khadi thi. Usne BMW bahar nikali aur mere pas aa gaya. Mai chup chap us me baith gaya. Mujhe samajh me nahi aa raha tha ki, ye sab kya majra hai.

Wo aalishan bangle ka malik aur jiske pas kisi cheej ki kami nahi hai. Wo is tarah raat ko taxi kyo chalata hai. Magar mai abhi apni hi uljhan me uljha hua tha. Aise me mujhe kisi aur uljhan me ulajhna acha nahi laga.

Mai khaomoshi se baitha raha. Raste bhar ajay hi kuch na kuch baat karta raha. Thodi der bad hum ghar pahuch gaye. Mujhe chhodne ke bad ajay wapas chala gaya. Mai wahi khada use jate huye dekhta raha.

Uski har harkat mere liye ek rahasya thi. Fir bhi mujhe uska sath bura nahi laga tha. Shayad uske andar insan ka dil jeetne ka hunar tha. Isliye usne kuch hi mulakat me mera dil bhi jeet liya tha.

Mujhe uske sath rah kar ye laga hi nahi tha ki, meri us se sirf ek do baar hi mulakat huyi hai. Balki aisa laga tha. Jaise hum dono barson se ek dusre ke dost hai. Mai bahar khada yahi sab soch raha tha. Tabhi riya bahar aa gayi.

Usne aate hi sab se pahle mujhe b'day wish kiya. Fir puchhne lagi ki, mai din bhar kaha tha. Maine use yahi bataya ki, mai mumbai ghumne nikal gaya tha. Fir hum dono andar aa gaye.

Andar aate hi aunty mili. Unne bhi mujhe b'day wish kiya. Fir wo bhi wahi sab puchhne lagi. Jo bahar riya ne puchha tha. Maine unko bhi wahi jabab diya. Jo riya ko diya tha.

Meri aunty se thodi bahut bat huyi. Fir aunty mere mana karne ke bad bhi, mere liye chay banane chali gayi. Aunty ke chay banane chale jaane ki vajah se, mujhe waha rukna pada. Mai riya se baat karne laga.

Baton baton me maine riya se, priya aur nikki ke baare me puchha to, usne bataya ki, wo dono dada ji ke sath walk par gayi hai. Fir meri riya se yaha waha ki baat chalti rahi.

Kuch der bad aunty chay le aayi. Mai chay peete huye aunty se baat karne laga. Aunty bade hi pyar se bat kar rahi thi. Lekin aaj mera man bahut udas tha. Aise me jab aunty mujhse itne pyar se baten kar rahi thi to, mujhe chhoti maa ki yaad satane lagi.

Mera man apne kamre me jakar, chhoti maa se baat karne ka ho raha tha. Lekin mai janta tha ki, riya mujhe akela nahi chhodegi. Maine time dekha to, abhi sirf 6:15 baja tha.

Maine chay pi aur fir aunty se kaha ki mai kuch der bahar tahal kar aata hu. Ye kah kar mai bahar aa gaya. Riya ke ghar se kuch hi duri par ek chhota sa park tha. Jaha dada ji roj sham ko walk ke liye jate the.

Abhi bhi sham ka samay hi tha aur bahut se log tahal rahe the. Mai tahalte huye usi park ke bahar, ek bench par baith gaya. Maine apna mobile nikala aur chhoti maa ko call laga diya. Chhoti maa ne call uthate hi kaha.

Chhoti maa boli “achha hua tune call laga liya. Mera man aaj subah se hi bahut ghabra raha tha. Lekin subah tune kaha tha ki, tu ghumne ja raha hai. Isliye tujhe call laga kar pareshan nahi kiya.”

Mai bola “mujhe bhi aapki bahut yaad aa rahi hai chhoti maa. Mujhe yaha jara bhi achha nahi lag raha hai.”

Chhoti maa boli “teri tabiyat to sahi hai na. Khana waana samay par kha raha hai ya nahi.”

Mai bola “sab sahi hai chhoti maa. Bas aapki bahut yaad sata rahi hai. Aapko dekhne ka bahut man kar raha hai. Bahut jyada bechaini ho rahi hai.”

Chhoti maa boli “mai kabhi teri najron se door nahi rahi hu. Isliye mujhe samne na pakar tujhe aisa lag raha hai. Mujhe bhi kal raat se tere bina bahut bechaini aur ghabrahat si ho rahi hai. Aaj tera janamdin hai aur hum sath nahi hai. Shayad isi vajah se hum dono ko aisa lag raha hai.”

Chhoti maa ko lag raha tha ki, unhe bechaini aur ghabrahat janam din ki vajah se ho rahi thi. Lekin mai samajh gaya tha ki, ek maa ke dil ne, uske bete ka dard mehsus kiya tha. Jis vajah se uska dil apne bete ke liye bechain ho utha tha.

Aaj sach me mujhe chhoti maa ki god ki kami bahut akhar rahi thi. Yadi aaj mere bas me hota to, mai daud kar chhoti maa ke pas chala jata. Tab shayad itna sab sahne ke bad bhi, unki god me shukun ki nind so pata aur apne har gam ko bhula pata.

Aaj mujhe mera bachpan yaad aa raha tha. Jab mai kabhi bhi chhoti maa ko, apne se door nahi hone deta tha. Wo meri sagi maa nahi thi. Fir bhi un ne mujhe sagi maa se badkar pyar diya tha. Wo meri sagi maa nahi hai. Un ne ye kabhi mujhe mehsus hi nahi hone diya tha.

____________________________

 

[Pritam.bs]

Doston do update aur de diye hai. In update me punnu ka keerti ke liye dard aur uski ami, keerti aur chhoti maa se baten dikhayi gayi hai. Sath hi punnu aur ajay ki dosti ki ek jhalak bhi dekhne ko milegi. Ummid hai ki ye update aapko pasand aayege. Story se jude rahne ke liye aur apna sath banaye rakhne ke liye aap sabka bahut bahut dhanyawad.

 

[Pritam.bs]

hum bhi a gaye ............

Net ki vajah se abhi update dene me thodi der ho gayi. Lekin abhi sham ko bhi 2-3 update milne ki ummid banaye rakhiye.

 

[rgcrazyboy]

Jab chaloge, ulta hi chaloge. Are mai pahle hi chori aur upar se seenajori wali baat bol chuka hu. Fir bhi bank wale ko dud rahe ho. Ye baat dono taraf se lagu hoti hai.

dharti gol hai baat ghum fear kar vahe aagai

 

[rgcrazyboy]

ajay ke jab se entire huai hai tab se ajay or punnu ke mulkat ka intazar har update main hota ta par aap bhi kam nhi ho ajay ke past batane se pehele bhuta gol gol gumaya hai aapne

 

[Sunil Ek Musafir]

Bhai.... Kya gorakh dhandha hai....

Mausi boli ke keerti ki sagai hai... Keerti mana bol rahi hai...

 

[Sunil Ek Musafir]

Nice Update....

 

[Sunil Ek Musafir]

Waiting for Next....

 

[Naina]

in updates ko jab bhi padhu ek hi chiz mind mein aati hain aur hansi rukti nahi....
Agar sunita ko pata lag jaye kahi se ki unka lalla punnu wine pi hain toooooooo..... ah ha ha ha ha...ush se bhi badi baat agar yeh bhi pata lag jaye ki punnu judai ki dukh mein kya karne jaa raha tha uff . situation kaisi create hogi.... ( sunita ka gussa to sabhi ko malum hi hain)

........... khair...chaliye, finally punnu ko ehsaas hua ki uske life mein sabse zyadaa importance rakhne wali aur teen log bhi hain... jinko woh apne se zyadaa pyar karta hain aur care bhi ... ami nimi & chhoti maa...

Brilliant update Dada...... Great going