ABHISHEK TRIPATHI
Well-Known Member
- 6,404
- 28,423
- 218
Jabardast update..bhai
Chapter 2 - The Journey (Final Update)
Update 26B
Mega Update
Word Count: 11,260
Estimated Reading Time: 01:00:00
Is Wafa ke Samandar ko paar bhi kar jau,
Lekin iske baad mushkilo ki hazaro nadiya bhi to samne ani he.....
Kuch yu haal tha is waqt Aksh ka. Ek waqt tha, jab Sakshi ke saath ke balbute usne hazaro mushkil Nadiya paar kar ke safalta ka Samandar jita tha, lekin aaj halat ulte the. Aaj ye safalta ka Samandar Aksh ke liye akele pann ki andhi tufan se bhara Samandar bann gaya tha. Or yaha se wapis lautne me mushkilo ki nadiya to uske samne ani hj thi.
Waha Mansi subah subah ghar ke kamo me lagi hui thi, or Aksh is waqt apne kamre me so raha. Mansi Breakfast le kar Aksh ke paas akar beth jati he, or use jagane lagti he. Aksh ne jese hi apni aakhe kholi to uska sar dard ke mare fatne laga tha. Wo turant apna sar pakad kar beth gaya.
Mansi: kya hua Aksh? Tumhare sar me dard ho raha he?
Aksh: h..... Ha.... Bahot zyada......
Mansi: ek minute ruko me abhi dawai deti hu tumhe....
Fir wo Aksh ko sar dard ki dawai de deti he. Mansi use Breakfast karne ke liye mana rahi thi, lekin Aksh khane se inkar kar raha tha.
Mansi: Aksh please kuch kha lo.... Tumne raat me bhi bass kuch niwale khaye the....
Aksh: mera mann nahi he Mansi..... Sakshi ki awaz sune bina meri subah nahi hoti.... or me.....
Mansi: Aksh us Subah me ab ghane badal cha chuke he.... Tum samajhne ki koshish karo.... Sakshi ko uski galati ka ehsas karwane ki jagah tum khud uski galati me shamil ho rahe ho.....
Aksh: ha ho raha hu..... Kyu ke mere liye Sakshi ke aage kuch sahi ya galat nahi lagta.... us se badhkar mere liye koi nahi he....
Wo kafi gusse se unchi awaz me kehta he.
Mansi: to kya tumhare Aai Baba bhi Sakshi se badhkar he?
Ab Mansi ke sawal par Aksh ki bolti hi band ho gayi thi.
Mansi: kya hua Aksh? Ab kyu chup ho gaye tum?
Aksh: Ma.... Mansi.... Mansi mujhe Sakshi ki adat ho gayi he.... Mujhe kuch samajh nahi araha me kya karu? Please.... Please tum kuch bhi kar ke Sakshi ko.... Sakshi ko mere paas le aao.... Please....
Wo Mansi ki godd me apna sar rakh kar rote hue kehta he. Aksh ka dard dekh kar Mansi ki bhi aakhe num ho chuki thi.
Mansi: Aksh.... Sakshi ne promise kiya he na tumse ke wo ye sab bhulkar fir se tumhare paas ajayegi.... To tum kyu chinta kar rahe ho, jab Sakshi wapis ajayegi to hum yaha nahi rahenge, Tum, me or Sakshi Mumbai tumhare Aai Baba ke saath rahenge, Ek Happy Family bankar....
Aksh: lekin Tabtak me kese.......
Mansi: me hu na Aksh..... Ab dekhna Aaj se, nahi balki abhi se hi me tumhare saath hu.... me Har waqt apne Aksh ke paas hi rahungi....
Wo Aksh ki baat bich me kaat kar, uska chehra apne haatho me thamte hue bade pyaar se kehti he. Uski baat sunkar Aksh ke dil me thodi si hi sahi, lekin ek ummid jaag jati he. Fir wo Mansi ke haatho Breakfast kar leta he.
Yaha to Aksh ko saath dene ke liye har kadam par Mansi mojud thi, lekin Sakshi..... Sakshi ka kya? Wo na to is baat ko kisi se share kar sakti thi, or na hi waha uska saath dene wala koi tha. Or aise waqt me insan or bhi zyada tut jata he. Kuch yahi haal Sakshi ka tha. Wo apne kamre me aakhe khole ek takk chatt ko ghure ja rahi thi. Wo to puri raat jagi hui thi, uski aakhe bhi ab kafi laal ho chuki thi. Or tabhi uske kamre me Radha use dekhne ke liye ajati he.
Radha: Sakshi.... Tu itni jaldi kyu jaag gayi? Or teri aakhe itni laal kyu ho rahi he?
Wo Sakshi ke paas bethkar uske sar pe haath ferte hue puchti he. Radha ko waha dekh kar Sakshi bhi hosh me ajati he.
Sakshi: na.... Nahi Aai.... Wo to me.... Ahh.... Darasal aadhi raat ko me nind se jaag gayi, or uske baad sone ki bahot koshish ki, lekin bilkul nind nahi ayi.....
Radha: beta tujhe koi pareshani to nahi he na?
Sakshi: nahi.... Nahi Aai.... Mujhe kesi pareshani hogi?
Radha: Sakshi tere or Aksh ke bich sab thik to he na?
Uske muh se ye sawal sunkar Sakshi hadbada jati he.
Sakshi: ye..... Ye tum kya keh rahi ho Aai? Aisa to kuch bhi nahi he....
Radha: to fir jab kal raat Aksh ka call aya tha, to tune us se baat kyu nahi ki? Or tu Aksh ko aise akela chhod kar chali ayi.... Or to or Aksh ki awaz se bhi mujhe samajh agaya tha ke wo kafi pareshan he... Bhale usne jhute bahane bana kar mujhe samjhane ki koshish ki, lekin Maa hu me tumhari....
Sakshi: Aai.... Aisi baat nahi he... Wo to kal me thaki hui thi, to... Lekin uske baad mene Aksh ko call kar ke kafi der takk baat ki... Or kal wo pura din apne kaam se bahar tha, to ho sakta he wo thak gaya hoga.... or wo akela kaha he?
Radha: akela nahi he? To fir kon he uske saath?
Sakshi: Aai tum Mansi ko janti ho na?
Radha: ha tumhari dost?
Sakshi: ha Aai wahi.... Darasal Aksh or Mansi ek dusre se pyaar karte he..... Mansi ne to uske parents ko bhi bata diya he.... unhe bhi ye Rishta manzur he....
Uski baat sunkar Radha ko yakeen hi nahi ho raha tha.
Radha: kya? Sakshi.... Tu.... Tu cheshtha tar nahi karat? (Tu mazak to nahi kar rahi)
Sakshi: Aai me sach keh rahi hu.... Isliye to me befikar ho kar yaha agayi.... Aksh ki chinta karne ke liye waha Mansi he na....
Radha: Deva...... Ye to bahot khushi ki baat he.... lekin Aksh ne ye sab hume kyu nahi bataya?
Sakshi: Aai wo tumhe batane hi wala tha....
Radha: Deva tujhe khup upkar (bhagwaan tere bahot ehsan he) Akhir kar is ladke ko samajh aa hi gayi....
Sakshi ki baat sunkar Radha kafi khush ho gayi thi, waise bhi Radha ko Mansi pehle se hi pasand agayi thi. Radha ki khushi dekh kar Sakshi samajh gayi ke Aksh or uska rishta kabhi bhi nahi jud sakta.
Radha: waise tujhe bhi koi pasand he ya nahi?
Sakshi: na.... Nahi... Nahi Aai... Aisa kuch bhi nahi he....
Radha: agar he to bata de beta.... Chupane ki koi zarurat nahi he....
Sakshi: nahi Aai... aisi koi baat nahi he....
Radha: chal thik he... Tu so ja, aram se uthna... Koi jaldi nahi he....
Fir Radha Sakshi ko sula kar apne kamo me lagg jati he.
Pure din Mansi Aksh ka saath nahi chhodti, Aksh ne us se kayi baar kaha ke Sakshi se baat karwane ke liye. Lekin Mansi ne aisa karne se mana kar diya. Or bass wo Aksh ko jhuti tasalli deti reh gayi, or Aksh bhi uski tasalli ko maan raha tha ke ek na ek din sabkuch pehle jesa ho jayega.
Wahi Sakshi ne Radha or Santosh ke samne apna dard chupaye rakha tha. Sakshi ne ek pal ke liye bhi unhe ehsas nahi hone diya ke wo kitni pareshani me he. Sham ko 6 baje Sakshi Mumbai sheher chhod kar jane ke liye tayar thi, Sakshi ne Santosh or Radha ko ek jhuta Adress de diya tha, ke jaha wo rehne wali he, sacchayi to ye thi ke Sakshi khud nahi janti thi wo kaha ja rahi he. Or use to is baat ka bhi darr nahi tha ke agar Santosh or Radha ko pata chal jayega ke Sakshi ne jhut kaha he to kya hoga. Sakshi apni almari se Aksh ne use bachpan me diya hua Doll set nikal kar apne saath rakh leti he, fir usne apni bag le kar apne Aai Baba ke Ashirwad le liye. Or zindagi me aakhri baar Radha or Santosh ka chehra apne dil me basa kar ghar se nikal padi. Radha or Santosh ne use kaha ke wo Sakshi ko Chhodne asakte he, lekin Sakshi ne kisi tarah unhe rok liya. Jese hi usne ghar ki dehliz ke bahar kadam rakha to uska dil use rone se nahi rok paya, or Sakshi aakho me asu liye aage badhne lagi.
Sakshi (mann me): sabko dhoka diya he mene.... Aksh, Aai, Baba.... Sabko...... Ab na to me Aksh ko kabhi dekh paungi or na hi Aai Baba ko..... Mene nahi socha tha ke mere is pyaar ka anjam mujhe itna bura bhugatna padega.... Aai, Baba me sachme aapse bahot pyaar karti hu, lekin.... Lekin Aksh ke pyaar ne mujhe andha kar diya he.... Aksh, tu humesha khush rehna, or bhul jana apni Sakshi ko.... Bhul jana..... Mere liye to tujhe bhulna namumkin he.... Kese jee paungi me? Kese?
Sakshi apne mann me baate karte hue aage badh rahi thi, tabhi use piche se kisi ki awaz ajati he.
Aksh: ye sawal to me tujhse puchna chahta hu.....
Ye sunkar Sakshi piche mudkar dekhti he to uske samne Aksh khada tha.
Sakshi: tere jine ka sahara to Mansi, Aai Baba he na, fir ab mera kya kaam he teri zindagi me?
Or bass ye kehkar wo firse aage badhne lagti he.
Aksh: tujhe yaad he na mene tujhse kaha tha ke apna Surat jana rok de..... Lekin tune wo baat nahi mani, ab tere paas akhri moka he.... Mujhe Hasil kar le..... Warna sabkuch barbad ho jayega.....
Ye baat sunkar Sakshi wahi teher jati he, usne piche mudkar dekha to humesha ki tarah ye Aksh gayab ho chuka tha. Sakshi ko uski baat ka kafi darr lagne laga. Lekin fir wo apne aap ko samjha leti he, or apni anjan manzil ki taraf badh jati he.
Sakshi (mann me): ye sab sirf mere mann ki baate he, Aksh to humesha mere dil o dimag me rehta he, fir wahi samne akar bate karne lagta he.... Lekin ab kafi der ho gayi he.... Me ab yaha se piche nahi mud sakti..... Or me ab khud ko kho chuki hu, Aksh ko hasil karne ki baat to dur he.... Kisi bhi halat me Maut to meri hi hone wali he... To fir Aksh se alag ho kar hi marna thik he mere liye....
Jaha Sakshi apni zindagi me ane wale palo se bekhabar sabkuch chhod kar ja rahi thi, wahi Aksh apne mann me ek ummid le kar betha tha ke ek na ek din Sakshi sabkuch bhulkar fir se uske paas chali ayegi.
Khair, Sakshi Railway Station par pahoch chuki thi, usne kafi soch vichar karne ke baad Banglore jane ka faisla kar liya, kyu ke Banglore me kafi sari IT Companies mojud he, or Sakshi ko uske knowledge ke hisab se waha asani se job mil jayegi. Or bass Sakshi us train me bethkar akhri baar Mumbai ko dekh kar waha se rawana ho jati he, uski aakho me bass Asu the, lekin aaj uske Aasu saaf karne ke liye Aksh waha mojud nahi tha.
Waha Aksh apne Mobile me Sakshi ki tasveer dekh kar apne mann me baate kare Asu bahaye ja raha tha, or Mansi khane ki tayari me lagi hui thi.
Aksh (mann me): mana ke mene tujhpar haath uthaya, tujhpar gussa kiya.... Lekin kya itna bhi haqq nahi he mera? Sakshi tune galati ki he, or ye galati koi choti moti galati nahi he.... Aai Baba ka to khayal kar lena chahiye tha tune...... Unse bhi jhut bolkar ja rahi he tu? Me janta hu tu Nayi Mumbai nahi, balki kahi or chali jayegi, jaha hum me se koi tujhe dhund na paye.... Lekin kya tu mujhse chup payegi? Dekhna tujhe kaan se pakad kar firse yaha le kar ajaunga me..... Me tujhe ek baar firse samjhane ki koshish karunga, or agar tu nahi mani to.... To me puri duniya ke khilaf ja kar teri baat maan lunga.... kyu ke mujhse saas bhi nahi li jati Sakshi tere bina... Lekin me chahta hu ke tu samajh jaye.... Tu samajh jaye ke ye sab galat he..... Or me Aai Baba ko dukh nahi pahochana chahta, me to teri baat maan jaunga, lekin Aai Baba.... Aai Baba ko pata chal gaya to wo.... Wo marr jayenge Sakshi... Please tu samajh jana.... Please.....
Aksh ne than liya tha ke wo Sakshi ko ek baar samjha kar dekhega, or agar wo fir bhi apni zidd par adi rahi, to Aksh uski zidd ko maan jayega. Lekin ye sab sochkar use Mansi ka bhi khayal ajata. Or saath saath apne Parents ka bhi khayal ajata, ke unpar kya guzregi ye baat jankar. Isliye wo chahta tha ke Sakshi sabkuch samajh jaye.
Khair, Mansi ne akar Aksh ko khana khila diya, or Dawai de kar use apni baho me jakad kar sula diya. Mansi ki baho me Aksh ko bhi kuch hadd takk sukoon mil raha tha, lekin ye wo jagah nahi thi, jaha Aksh ka bade se bada dukh kamzor padd jaye. Wo jagah to sirf or sirf Sakshi ki baho me thi. Lekin is waqt Sakshi ki halat kon samajh sakta tha, ek akeli ladki pyaar me is kadar aage badh chuki thi, ke wo sabkuch chhod kar ek anjan jagah ja rahi thi. Sakshi ne dikha diya ke sirf ladke hi pyaar me pagalpanti ki hadd nahi paar karte.
Waha Sakshi ko Bangalore pahochne me lagbagh 1 din lagna tha, kuch station pass hone ke baad Sakshi ke samne ki seat par puri family ajati he. Is waqt Sakshi nind me thi, wo apna sar khidki se lagaye so rahi thi, jab us pariwar ki nazar Sakshi ke chehre par padti he to wo saaf saaf samajh jate he ke wo bahot takleef me he, kyu ke Sakshi ke galo par behte asuo ke nishan padd chuke the. Us family me Ek ladka, uski patni or uski Maa thi. Ladke ka naam Suhas tha, wo apni Maa ko kehkar Sakshi ko jaga kar uska haal puchne ko kehta he. Suhas ki Maa Sakshi ke sar pe haath ferte hue jaga deti he, Sakshi apni aakhe khol kar waha sabko dekh kar apne aap ko sambhal leti he.
S. Maa: Naam kya he tumhara beta?
Sakshi: ji.... Mera naam..... Mera naam Sakshi he....
S. Maa: bada pyaara naam he tumhara....
Wo Sakshi ke gaal pyaar se khinch te hue kehti he.
S. Maa: waise kaha se ho tum? Or aise akele kaha ja rahi ho?
Sakshi: me Mumbai se hu, or apne job ke liye Banglore ja rahi hu....
S. Maa: accha? Waise hum bhi Banglore me hi rehte he, lekin beta tumhari umar itni bhi zyada nahi lagg rahi jo tum Job karo....
Sakshi: nahi wo me Job ke saath saath apni padhai bhi wahi par puri karne wali hu.....
S. Maa: chalo acchi baat he..... Waise beta ek baat to me bata sakti hu ke tumhare ghar Chhodne ki wajah sirf Job nahi he... Or bhi koi baat he....
Uski baat sunkar Sakshi ekdum se hadbada jati he.
S. Maa: fikar matt karo, me tumse us wajah ke bare me nahi puchungi.... Aise kuch seconds ki pehchan hone se tum apni baate kisi ko thodi bata sakti ho.... Khair, chalo khana kha lo, dekho khane ka waqt bhi ho gaya he.
Sakshi: nahi Aunty mene already khana kha liya he...
Aunty: beta ye baal aise hi safed nahi hue.... Chalo ab zyada natak matt karo or chup chap khana kha lo....
Ab sach baat to ye thi ke Sakshi ko bhi kafi bhuk lagi hui thi, lekin uska mann kisi bhi baat me nahi lagg raha tha, fir waha sablog khana khane lagte he, Suhas or uski patni ke bich humesha kafi mithi nok jhok hoti rehti thi, or yaha bhi wo silsila jari tha, unhe dekh kar Sakshi ka mann thoda halka hone laga or uske chehre par muskurahat ane lagi. Or yahi wo sab chahte the ke Sakshi ko ek hosla de sake, or uski udasi dur kar sake. Kuch der baad sabka khana ho jata he, fir wo log yaha waha ki baate karne lagg jate he.
S. Maa: waise tum Banglore me kaha reh rahi ho?
Sakshi: wo... Me... Mene abtak koi jagah tay nahi ki....
S. Maa: kya? Matlab tum bina kisi tayari ke ghar se nikal ayi ho?
Sakshi: aisi baat nahi he... Kal mujhe kuch jagah par interview ke liye jana he, to jaha meri job hogi usi ke aas paas koi hostel etc me rehne wali hu....
Suhas: btw kis progression me Job ki talash kar rahi ho tum?
Sakshi: actually me Computer Science ki student hu, to bass usi ke according koi job mil jaye....
Suhas: Really..... Ye to gazab ho gaya.... Actually me bhi ek Software Development company me Job karta hu.... If You don't mind, tum meri Company me asani se job kar sakti ho, waha par abhi abhi Vacancies open hui he....
Ab Sakshi kuch soch me padd jati he, kyu ke wo khud nahi janti thi ke wo kaha or kese Job dhund ne wali he. Ye moka Sakshi ko accha lagta he ke at least uska Job ka masla dur ho jayega. Tabb Sakshi turant is opportunity ko catch kar leti he. Fir Suhas Sakshi se uski padhai ke bare me kuch sawal karta he. Aise hi Sakshi ko uske safar me kuch log mil gaye the, jo is waqt ke liye to use akela mehsus nahi hone de rahe the. Der raat Sakshi ko Radha ka call ajata he, is waqt Train kahi par ruki hui thi, Sakshi jaldi se washroom me ja kar Radha se jhut bol deti he ke wo sahi salamat pahoch gayi he. Sakshi bhi janti thi ke ye jhut uska zyada waqt takk saath nahi dene wala.
Khair, pure din se thaki hari Sakshi jese hi aakhe band karti he, to wo gehri nind me chali jati he. Wahi Aksh bhi Mansi ki baho me aram se soya hua tha, dono ko khabar nahi thi ke aage jo kuch hone wala he, us se sabkuch bikhar bhi sakta he.
Dusre din bhi Suhas or uske pariwar ne Sakshi ka acche tarike se khayal rakha hua tha, Sakshi ko bhi bass koi chahiye tha jis se wo kuch baate to kar sake.
Wahi Surat me Mansi ne Aksh ko kafi acchi tarike se samjha diya tha, lekin fir bhi Aksh ko to Sakshi ki adat lagi hui thi, or aisi adate chutt te nahi chutt ti. Aksh ne Mansi se chup kar kayi baar Sakshi ko call kiye, lekin Sakshi ne ek baar bhi uska jawab nahi diya jis se Aksh or bhi zyada tut raha tha.
Sham ko Sakshi Bangalore pahoch chuki thi, sab log Train se utar jate he, Sakshi Station ke bahar akar Suhas, uski patni, or uski Maa se jane ki ijazat lene lagti he.
S. Maa: abhi kaha rahogi beta tum?
Sakshi: aaj to kisi hotel me ruk jaungi, fir kal koi Hostel dekh lungi rehne ke liye....
S. Maa: dekho aaj ki raat to humare saath reh hi sakti ho na tum?
Sakshi: aapko pareshan hone ki zarurat nahi he, me....
Suhas: dekho Sakshi, mujhe lagta he tumhe humare ghar par koi pareshani nahi hogi.... Or waise bhi, mene Company me tumhare job ke liye baat to kar hi li hena... To tum aaj raat humare ghar reh jao, subah mere saath hi ajana Interview ke liye.....
Ab Sakshi ko aise kisi ke ghar rukne ke liye accha nahi lagg raha tha. To wo bass mana kar rahi thi.
S. Patni: dekho Sakshi ab maan bhi jao.... ek raat ki hi to baat he, uske baad tum jesa chah rahi ho waisa hi katna...
Suhas: sahi kaha.... Infact yaha ek Hostel bhi he, jo ke meri Company ke kafi nazdeek he....
S. Maa: ab sab keh rahe he to maan jao Sakshi.....
Wo pyaar se Sakshi ke sar se haath ferte hue kehti he, Sakshi ko Suhas ki Maa ko dekh kar Radha ka khayal ajata he, fir Sakshi bhi maan jati he. Or wo sab apne ghar nikal jate he, thodi der baad sab ghar pahoch chuke the, Suhas ki patni ghar akar Sakshi ki mehman nawazi me lagg jati he, or fir Sakshi ko ek Bedroom me le jati he, us kamre ki halat kuch khas nahi thi, kyu ke ye Bedroom zyada use nahi hota tha. Suhas ki patni wo kamra saaf kar deti he, or wo dono kuch der takk wahi baate karte beth jati he.
Kuch der ke baad har koi thak haar kar gehri nind me the, lekin yaha Sakshi hi thi jise na koi thakan mehsus ho rahi thi or na hi nind. Use to sirf or sirf akela pann mehsus ho raha tha. Aksh ki yade, Aksh ka wo Sakshi ke liye choti choti baat par chinta karna, Aksh ki wo har ek baate Sakshi ke zehen me ghume ja rahi thi, usne kisi tarah apne aap ko samjha liya ke ab uski Zindagi me Aksh nahi he, use to ab marte dum takk aise hi, akele jina he.
Wahi Aksh bhi koi kam takleef nahi jhel raha tha, bass har pal Sakshi ke khayal use andar hi andar khaye ja rahe the, ek taraf wo Sakshi ke liye har wo chiz karne ko tayar tha, lekin dusre hi pal use apne Maa Baap yaad ajate, jinki khatir Aksh apne aap ko sambhal leta.
Khair, Subah ho chali thi, Sakshi tayar ho kar Interview ke liye bilkul tayar thi, ghar me sablog milkar breakfast kar lete he, fir Sakshi Suhas ke saath uski gadi me chali jati he. Waha pahochne par Suhas Sakshi ko Interview ke liye bhej deta he, Sakshi ki knowledge kafi badhiya thi, is liye wo Interview ke har round ko bade hi umda tarike se paar kar jati he, or bass uski ye job Pakki ho chali thi. Fir Sakshi Suhas ko bata kar uske bataye Hostel chali jati he apne rehne ka intezam karne ke liye. Uske baad Sakshi ghar ja kar Suhas ki Maa or Patni ko bhi bata deti he ke uska Job lagg gaya he. Waha bhi sab khush the. Sakshi ab zyada der takk waha rukna thik nahi samajhti or apna saman le kar nikal padti he.
S. Maa: Sakshi mujhse ek wada karo.....
Sakshi: kesa wada?
S. Maa: tum pehle wada karo ke tum meri baat mana nahi karogi...
Sakshi: Thik he, me aapki baat ko mana nahi karungi...
S. Maa: Good, to ab se tum roz khana humare ghar hi khaogi.... Subah yahi akar Breakfast karogi or Suhas ke saath hi apne kaam par jaya karogi, Raat me bhi khane ke liye ghar ana hoga tumhe....
Sakshi: Aunty please aap zyada takleef matt lijiye, me sabkuch manage kar lungi....
S. Maa: tumne abhi wada kiya tha Sakshi.....
Sakshi: lekin.....
S. Patni: Sakshi tum na bahot ziddi ho, maan jao na.... Waise bhi mujhe tumse baate karne me bahot accha lagta he, baki Maa ji to tehri purane zamane wali Aurat, bahot boar karti he Maa ji mujhe....
S. Maa: accha? Bahot boar hone lagi tum..... Batau tumhe....
Wo Suhas ki patni ka kaan khinch te hue kehti he.
S. Patni: ahh.... Maa Ji, me to mazak kar rahi thi, or Sakshi tumhe Maa ji ki baat maan ni hi hogi...
Sakshi: thik he.... Jesa aap kahe.....
Fir Sakshi dono ko gale milkar Hostel chali jati he. Or Sakshi ki zindagi ka ek naya waqiya shuru ho gaya tha.
Sakshi ka aaj ka din bada hi tezi se guzra, kyu ke usne apne kamre ko acchi tarah se samet liya, apna sara saman jagah par rakh diya. Lekin baat ye thi na ke jab bhi Sakshi aise khali beth jati, to uske dimag me sabse pehle bass Aksh hi dikhayi deta tha.
Khair jese tese Sakshi ne apna mann behla liya tha, raat ko wo Suhas ke ghar khane ke liye chali jati he, Sakshi ka Hostel, Suhas ka ghar or usi company kafi paas paas me hi thi, jis se Sakshi ko bhi koi problem nahi hone wali thi.
Waha Aksh ne kayi baar Sakshi ko call kiye, lekin Sakshi ne har baar Aksh ka call nazar andaz kar diya, Sakshi ne Aksh ka number block nahi kiya, taki Aksh samajh paye ke Sakshi jaha bhi he, Zinda he.
Badme Sakshi ne ek naya Sim card bhi le liya tha, Radha or Santosh se baat karne ke liye, usne soch liya tha ke wo purana number din me kuch der ke liye busy mod par daal degi, taki Aksh ka call dekh kar Sakshi ka mann na dagmaga jaye. Lekin uska ye ravayya Aksh ko or bhi zyada todne laga tha.
Or Sakshi ke liye aaj ek naye din ki Shuruwat ho gayi thi, wo uthkar fresh ho jati he, or sabse pehle bhagwaan ke samne ja kar apna mann saaf kar ke apni Zindagi me ane wali chunotiyo ka samna karne ke liye tayar ho jati he. Thodi der baad wo Suhas ke ghar pahoch jati he. Waha Breakfast kar ke Suhas or Sakshi saath me hi nikal jate he, Sakshi ka mann apne kaam par behel raha tha, kyu ke ye wo kaam he jo Sakshi ko pasand he. Or bass aise hi kaam karte karte, seniors se kaam ki training lete lete Sakshi ka din guzarne laga tha. Lekin waha Aksh ka mann kisi bhi kaam me nahi lagg raha tha, uske kafi sare kaam pending pade the, Mansi kisi tarah use mana leti he, or dono milkar sara kaam niptane me lagg jate he, Aksh ko Abhinav ka call bhi aya tha, Abhinav ne us se pucha ke koi pareshani to nahi he, lekin Aksh ne Abhinav se Sakshi ki baat chupaye rakhi. Kisi tarah se Sakshi or Aksh ka ye din nikal jata he.
Waha Shahid raat ke 2 baje kafi nashe ki halat me ek baar me betha hua tha, waise to bar ka waqt bahot pehle hi band hone ka tha, lekin Shahid ne Zabardasti bar open rakhwa kar sharab pi raha tha. Or is baat ki khabar Abdul ko lagg gayi, wo turant us bar me agaya. Use dekh kar sara Staff ekdum se heran reh gaye the. Abdul akar Shahid ke bagal wali chair par beth gaya, use dekh kar Shahid apne aap ko sambhalne lagta he.
Shahid: M...... Mamu..... Aap.... Aap yaha.....
Wo Ghabrahat bhari awaz me Abdul se nazre chura kar kehta he.
Abdul: itni raat ko kya sharab bazi chal rahi he teri?
Shahid: kuch nahi..... Wo... Me.... Me bass aise hi....
Abdul: sach sach bata Shahid baat kya he?
Shahid: Mamu..... Wo, mujhe..... Mujhe badla lena he.....
Abdul: Badla? Kesa badla?
Fir Shahid bite waqt ki sari baate Abdul ko bata deta he, ke kese ek bhai behen ne uski halat kutte ki tarah kar di thi.
Abdul: naam, or kuch details bata us Ladki ki....
Shahid: Sakshi....... Sakshi naam he uska, Mumbai se belong karti he, lekin padhne ke liye apne Bhai ke saath yahi Surat me reh rahi he....
Uski baat sunkar Abdul ka matha thanak uth ta he.
Abdul: ek minute..... Surname kya he uska?
Shahid: Joshi...... Sakshi Joshi.....
Ab asliyat pata chalne par Abdul ke pasine chutt gaye the. Use samajh nahi araha tha ke jisko Rana Jahannum ki sair karwana chata he, wo khud apni Maut ke sheher me reh rahe he.
Shahid: na us ladki ko nanga kar ke pure College me ghumaya to......
Shahid iske aage kuch kehta ke us se pehle Abdul ne zordar thappad Shahid ko jadd diya, Shahid bhi Abdul ke thappad se heran reh gaya.
Abdul: khabardar...... use chot pahochana to dur, Iske aage tu us ladki ke aspas bhi nahi dikhna chahiye.....
Wo bahot hi gusse me Shahid se kehta he, uska gussa dekh kar Shahid or waha khade sare Staff ke pasine chutt gaye the. Ab Abdul kafi pareshan lagg raha tha, usne bhi waha beth kar sharab pina shuru kar diya, kuch der baad mahol thoda normal ho chuka tha, isliye Shahid Abdul se baat karna chah raha hota he.
Shahid: Mamu, kya me puch sakta hu ke ye Sakshi kon he, jiski wajah se aapne mujhe thappad mara?
Uski baat par Abdul sare Staff ko ishara kar ke waha se jane ke liye keh deta he.
Abdul: Shahid, ye baat sirf hum dono me hi rehni chahiye.....
Shahid: Mamu, jaan de dunga, lekin ye baat kabhi bhi meri zuban par nahi ayegi.....
Abdul: darasal baat ye he ke, aaj se kuch Salo pehle.......
Fir Abdul Shahid ko sari sacchayi batane lagta he, jo sunkar Shahid apne kano par yakeen nahi kar pa rah tha. Abdul apni baat khatam kar deta he, lekin waha par gehra sannata chaya hua tha.
Shahid: to.... To aap Rana ke saath.....
Abdul: ha Shahid, Rana ko marne wala koi paida nahi hua..... Rana Bachpan se hi ek darinda bann chuka tha, sahi waqt ane par sabko is duniya se saaf karna hoga.... Sabko.....
Kuch der takk Shahid or Abdul wahi bethe rahe, or uske baad Abdul Shahid ko ghar chhod deta he.
Ab yaha kuch baate jaan leni zaruri he. Shahid ki Maa, jo Abdul or Rukhsar ki badi behen thi. Lekin usme or Abdul me kabhi baat nahi hoti thi, kyu ke Maa Baap ke jane ke baad se hi wo kafi badal chuki thi, ghar me badi hone ke bawajud use Abdul or Rukhsar ki koi parwah hi nahi thi, wo to pyaar me itni aage badh gayi, ke usne bina kuch soche samjhe Abdul or Rukhsar ko akela chhod diya. Lekin Abdul ka gussa Shahid ki Maa se tha, na ke Shahid se. Isliye wo Shahid ki humesha se fikar karte aya he.
Khair, jese tese har kisi ki zindagi aage badhte ja rahi thi, ek ke baad ek din nikal rahe the, waha Aksh har roz Sakshi ko call karta, message karta, lekin Sakshi ne ek baar bhi na to Aksh ke call ka jawab diya, or na hi uske messages dekhe. Or is se Aksh ko bahot hi zyada dukh pahoch raha tha, din ba din Aksh ki halat kharab hi ho rahi thi, sirf Physical Level par nahi, Mentally bhi Aksh kafi kamzor padne laga tha. Wo to Mansi uske saath har pal thi, jis wajah se Aksh ab bhi himmat banaye hua tha. Warna to Aksh kabka dum tod deta. wahi ab CBI jald hi in Drugs Smugglers par Raid karne wali thi, Abhinav ne Anant ke saath milkar sirf kuch chuninda logo ki team banayi thi is mission ke liye. Or wo din aa gaya jab in Smugglers ka parda faash hona tha.
Gujrat ki Checkpoint par CBI ne kadi nazar banaye rakhi thi, unke paas sare records the ke konsi gadi Drugs le kar ati he, or jo bhi gadiya Drugs lati thi, wo humesha raat ke waqt hi ati thi, jisme Virani Industries ki bhi kuch gadiya thi. Anant ne janbujh kat Checkpoint ko close karwa diya ye kehkar ke koi technical issue agaya he. Or is wajah se Gadiyo ki lambi katar waha lagg chuki thi, or ab waha wo sari gadiya mojud thi jinpar CBI raid karna chahti thi. Or bass Anant ki taraf se hami milte he Officers sare Trucks or unke Drivers ko daboch lete he. Charo taraf afra tafri mach chuki thi, or tabhi waha bade pemane par Police force ajati he, jo kisi ko bhi waha se jane nahi deti. Or is tarah CBI ki Raid bilkul plan ke mutabik ho gayi. Lekin ab aage ka padhav kafi mushkil tha, kyu ke ab Anant or baki CBI Officers waha jane wale the, jaha ye Trucks ko khali kiya jata he.
Waha Abdul apne kuch admiyo ke saath Trucks ka intezar kar raha tha, lekin wo nahi janta tha ke aaj wo buri tarah se fass chuka he. Anant or baki Officers ne Abdul or uske saath haatho me Guns liye khade admiyo ko dekh liya tha.
Anant: Boys..... Ab bari agayi he, wo jo lambi Dadhi me khada he, use zinda pakadna he.... I'm sure uske zariye hume kafi sensitive information mil sakti he... You Ready Guys?
Officers: yes sir we are Ready.....
Fir wo sab chupke chupke aage badhne lagte he, sabne apni Guns Load kar li thi, Anant apne dono haatho me Guns le kar chal raha tha. Ghana chaya Andhera Abdul or uske admiyo ki nazar ko zyada dur takk nahi dekhne de raha tha, lekin tabhi Abdul ko kisi ke pairo ki awaz ane lagti he. Abdul samajh gaya ke kuch gadbad he, usne dhire se apne sare admiyo ko kuch ishara kar diya, jis se wo bhi alert ho gaye. Lekin tabhi waha CBI ke dwara goliya chalne lagti he, Goliya chalne ki awaz se bhi Abdul wahi ka wahi khada raha, kyu ke Abdul janta tha ke ye jo bhi he, unhe Abdul zinda hi chahiye. Or tabhi Abdul ke admiyo ne jhadiyo ke bich goliya barsani shuru kar di, abtak kisi bhi Officer ko Goli nahi lagi thi, lekin Abdul ke kuch Admi dher ho chuke the. Tabhi Anant apni dono Guns le kar samne agaya or un admiyo par dhada dhad goliya barsane laga, Anant ka ek bhi nishana nahi chuka, or uske piche hi baki Officers bhi goliya chalane lage, lekin tabhi CBI ke ek Officer ko goli lagg gayi, or wo goli sidha uske Mathe par lagi, lekin CBI fir bhi aage badhe ja rahi thi, CBI ne bakhubi se sare Admiyo ko maar gira diya, lekin Anant ne dekha ke Abdul to bina dare waha khada he, sab Officers Abdul ke paas uspar Gun Point karte hue agaye.
Anant: chal, apne haath upar kar, or ulta let ja.....
Wo Abdul se kuch duri par khade uspar gun point karte hue kehta he. Lekin uski baat par Abdul Muskurane lagta he.
Anant: Madarchod, badi hasi arahi tujhe.....
Or ye kehkar wo Abdul ke pair ke paas zameen par fire kar deta he, lekin fir bhi Abdul wahi data rehta he. Ab Anant ka gussa satve asman par chala gaya, or wo sidha Abdul ke paas jane laga ke tabhi waha ek zordar dhamaka ho jata he, jis se Anant bhi apni jagah par ruk gaya, us dhamake me sirf or sirf gehra safed Dhua nikla, or wo bilkul Abdul ke paas hua jis se CBI ko samne kuch dikhayi nahi diya. Anant bina kuch soche samjhe us dhue me fire karne lagta he, or uske piche piche baki Officers bhi fire karne lagg gaye, lekin jab dhua hata, to sabke hosh udd gaye, kyu ke waha par koi bhi mojud nahi tha. Ye dekh kar Anant jaldi se Police ko call kar ke is jagah se bahar jane wale main rod ko Block karwa deta he.
Waha Abdul car me beth kar uske ek admi ke saath tezi se bach nikla tha. Lekin aage uske liye badi mushkil thi, kyu ke aage kuch duri par Police ki Nakabandi lagi hui thi. Police dur se hi car ko dekh kar rokne ki koshish kar rahe the, lekin car ki speed se wo samajh gaye ke isme zarur koi badmash he. Tabb waha khade sare Police apni Gun us car par point kar dete he.
Abdul: Madarchod, inko bhi shayad apni jaan pyari nahi he.... Gadi rok.....
Fir wo aadmi Police checkpoint se kuch duri par car rok deta he. Police gun unpar point kiye car ke paas ane lagti he. Or senior Officer mic le kar car me jo bhi he use bahar ane ko kehta he, lekin waha se koi response nahi milne se Officer bhi apni Gun le kar aage badhne lagta he. Jese hi Police wale car ke nazdeek pahoche tabhi Abdul car ke andar se hi apni samne ki windshield se AK47 ki goliya barsane lagta he, kisi ko bhi iski ummid nahi thi, waha par bass kuch hi police the jinke paas Rifle thi, lekin Abdul ke paas Automated Riffle thi, jis se usne sare police walo ko maar gira diya, siwaye Senior Officer ke. Lekin is bich Police ki taraf se bhi kuch goliya chali jisme se ek Goli Abdul ke kandhe par akar lagg gayi. Wo Officer Barricade ke piche ja chupa or usne ek satik nishana car ke driver seat par bethe aadmi par laga diya. Wo goli sidhi gadi chala rahe shaks ke mathe par ja kar lagg gayi, ye sab itni jaldi hua ke kisi ko samajh nahi aya. Officers ko laga ke gadi me sirf ek hi aadmi he, kyu jab gadi ruki tabb kanch se andar nahi dekha ja raha tha, or uske baad to jo fire hua bass us gun se nikalti lapte hi sabko dikhi, lekin Officer ne dekha ke Driver seat par wo aadmi dharashayi ho kar pada he. Tabb wo Officer savdhani se aage badhne laga, wo car ke nazdeek akar door open kar deta he, lekin tabhi niche jhuk kar chupa hua Abdul Officer ke sar me dhada dhad goliya barsa deta he. Officer bhi piche ko ludak kar gir gaya, Abdul ne apne aadmi ko bhi car se bahar fek diya, or khud gadi ko hawa raftar se daudane laga.
"Aaj ki badi khabar, der raat CBI ke dwara chape mari me bade bade Business man se le kar bade bade Politicians ko Drugs Smuggling ke arop me Arrest kar liya he. Lekin is bich ***** Road par Badmasho or Police ke bich muthbedh hui, jisme 6 se zyada Police wale Maut ke ghaat utar gaye he, CBI ko bhage hue Badmasho ki talash he kaha ja raha he........
Subah ke 5 baj rahe the, or sari Media par bass yahi news flash hue ja rahi thi, piche Abdul apne kandhe par patti lagaye betha hua tha, or Rana TV ke samne bade hi gusse me News dekh raha tha.
Rana: bhenchod, ye CBI ke kutto ko iski khabar kese lagg gayi? Kahi humare bich hi koi gaddar to nahi he?
Wo piche mud kar Abdul se kehta he.
Abdul: nahi boss..... Mujhe nahi lagta koi aapke khilaf gaddari kar sakta he.... in CBI walo ne kafi planning ke saath sabkuch kiya he.
Rana: mera Hazaro kilo ka drugs pakda gaya he..... Or isme us Mantri ko bhi zarur pakad liya jayega.... Upar se sab CBI ke under ho raha he, jis se hum us Mantri ko bacha bhi nahi sakenge.....
Wo frustration me akar apna matha pakadte hue kehta he.
Abdul: Mantri ko bacha nahi sakte, Lekin.......
Uski adhuri baat sunkar Rana Abdul ki taraf dekhne lagta he, or muskurate hue Abdul ko ishare se haa keh deta he. Fir Rana ne apne ek aadmi ko bula liya, jo humesha dushmano ki khabar ustak pahochta tha.
Rana: pata kar.... Pata kar ye sab kese hua, iske piche kon kon shamil he sabki kundli mere haath me chahiye mujhe....
Aadmi: thik he boss, mujhe bass kal takk ka waqt dijiye....
Rana: diya.... Kal takk ka waqt diya tujhe.... Kal mujhe is kaand me shamil ek ek insan ki jankari mil jani chahiye...
Aadmi: okay boss...
Fir wo aadmi apne kaam par nikal jata he.
Abhinav: mera shak sahi nikla, is Smuggling me sabse bada haath Rana ka hi he... Or shayad jiski tum baat kar rahe the, wo Rana ka khas Abdul hoga....
Is waqt Abhinav Anant se jo kuch aaj hua uske bare me baat kar raha tha.
Anant: yes sir.... Mujhe bhi wahi lagg raha he, lekin I'm sorry sir me use pakadne me kamyab nahi raha....
Wo nirasha se apni gardan niche karte hue kehta he.
Abhinav: koi baat nahi Anant...... Me to bass yahi chahta tha ke Rana ka ek bada tagda nuksan ho....
Anant: Matlab?
Abhinav: dekho Anant, agar ye sab maal Rana ka hi hua, to beshak use crores ka nuksan hoga... Or is nuksan se wo tilmila jayega, or agar usne gusse me akar koi galati kar di, to uska fayda hume hi hoga.... Bass ab Rana koi galati karta he, to hum use pakad lenge....
Anant: or sir us Mantri ka kya karna he?
Abhinav: use sabse pehle Court me galat tehrana hoga, jo Aman Virani ki madat se ho jayega, or bass us Mantri ko waha se humare hawale le lena hoga, aage to tum acche se jante ho uske saath kya hoga....
Anant: thik kaha sir.... Us Mantri ka muh khulwana zyada mushkil kaam nahi he....
Abhinav: tum bass ab dhyan rakhna us Mantri par.... Kyu ke ho sakta he wo Rana ko in sab bare me khabar kar de...
Anant: okay sir.....
Abhinav (mann me): me janta hu, Rana ko pakadna itna asan nahi he.... Wo bahot shatir he, lekin uski ek galati CBI ke liye ustak pahochne ka zariya bann sakta he...
"Aksh..... Aksh..... Apni aakhe khol, dekh me tujhse milne ayi hu"
Nind me so rahe Aksh ke kano me Sakshi ki mithi awaz gunj rahi thi, jese hi usne ye suna ke Sakshi us se milne ayi he, wo turant uthkar beth gaya, or Sakshi ko yaha waha dhund ne lagg gaya.
Aksh: Sakshi.... Sakshi kaha he tu? Sakshi jawab de na.... Kaha he tu? Sakshi......
Wo pure ghar me Sakshi ko pukarte hue dhund raha tha, ke tabhi Mansi waha ajati he. Mansi ko dekh kar Aksh uske paas akar uske haath pakad leta he. Aksh ke chehre par chayi hasi ki wajah Mansi nahi samajh payi.
Aksh: Mansi..... Sakshi..... Sakshi wapis agayi.... Wo wapis agayi he....
Mansi: kya? K.... Kaha he wo?
Aksh: pata nahi me so raha tha, to... To mujhe nind se jagaya usne, or pata nahi kaha chup gayi.....
Wo ghar me yaha waha nazar dalte hue Mansi se kehta he, lekin Aksh ki aisi halat dekh kar Mansi bahot ghabra gayi.
Mansi: Aksh.... Sakshi nahi ayi he....
Wo piche se Aksh ke kandhe par haath rakhte hue kehti he.
Aksh: pata he wo nahi ayi, lekin is dil ka kya karu? Wo Manta hi nahi...
Wo apni num aakho se hari hui awaz me Mansi se kehta he. Mansi piche se hi use Hug kar leti he, or bass use dilasa dene lagg jati he.
Mansi: don't Worry Aksh.... Mene kaha na ke sabkuch thik ho jayega....
Aksh: kab? Itne din ho gaye, Sakshi ka chehra nahi dekha mene.... Uski.... Uski awaz nahi suni.... Kese maan jau ke sab thik ho jayega? Kese?
Wo Mansi ko kas kar rote hue kehta he, Mansi ke paas bhi iska jawab nahi tha, kyu ke use bhi pata tha ke ab kuch pehle jesa nahi hone wala.
"Veham Aakho Ko Ab Bhi He,
Tumhare Laut Ane ka.....
He Mera Kwhab Nanha Sa,
Ye Gul Fir Se Sajane Ka.....
Hawao tumse kesa Shikwa,
Bujha Do Mashal Zindagi Ki Meri,
Darr Lagta He Ujale Me bhi Use Mere Saath Na Dekhne Ka.....
Veham Aakho Ko Ab Bhi He,
Tumhare Laut Ane Ka....."
Din se sham sham se raat, ek ek pal Sakshi or Aksh ke liye katna mushkil hota ja raha tha. Sakshi ka mann tha ke wo fir se Aksh ke paas chali jaye, kyu ke Aksh to uski har baat maan ne ko tayar tha, lekin ab baat kafi aage badh chuki thi, yaha se wapis jana Matlab Sakshi ki haar thi.
Subah ke 8 baje hue the, Mantri ko Jail se Court me le jaya ja raha tha, is waqt Mantri ko Jail se bahar la rahe the, or uske aas paas Police Force tainat thi, lekin yaha se kuch dur ek Building ki chatt par Abdul ek Sniper Ke saath mamla rafa dafa karne ke liye bilkul tayar khada tha. Jese hi Jail ki Gate se Mantri ko bahar gadi me bhitane ke liye laya gaya to Abdul bilkul satik nishana Mantri ke sar pe de marta he. Bina kisi awaz ke wo goli akar Mantri ke sar me ghus jati he, or Mantri dharashayi jo kar wahi gir gaya, ye dekh kar Anant yaha waha mazar dalne lagta he, or ek CBI Officer ki nazar bilkul baaz ki nazar thi, usne dur ek Building par Abdul ko dekh liya, or Anant bina deri kiye us taraf duad padta he, Abdul nahi janta tha ke Anant ne use dekh liya he. Or wo bass apni Sniper unload kar ke Building ke niche utarne laga, jese hi wo Building ke Ground level takk pahoch piche se Anant ki awaz ne use wahi par rukne ke liye majbur kar diya.
Anant: bhenchod haath upar kar, warna jese tune us Mantri ke sar me goli mari, waise hi tere dimag ke chithade uda dunga me......
Wo Abdul ke pair ke paas Goli chalate hue kehta he, ab to Abdul ko bhi laga ke uska kaam bigad chuka he.
Anant: chal, apni gun niche daal or use piche kar de.....
Fir Abdul apni Sniper ko niche dalkar piche Anant ke paas dhakel deta he. Or apne haath upar kar ke khada ho jata he. Is waqt Abdul ka chehra dusri taraf tha.
Anant: chal ulta let ja, or khabar dar koi chalaki karne ki koshish bhi ki he to.....
Uski baat mankar Abdul pehle apne ghutno par beth gaya or apne haath pith ke piche kiye hi niche let gaya, fir Anant savdhani se Abdul ke paas ane laga, Anant ne ek haath se apni Gun ko Abdul par point kar rakha tha, or dusre haath se hatkadi nikalne laga, or ye awaz Abdul me sunn li, Abdul ye moka gawana nahi chahta tha, isliye wo Furti se palat kar Anant ke haath par laat maar deta he, jis se Anant ke haath se Gun dur ja giri. Abdul ne moke ka fayda utha kar Anant par jhapet maar di, or use gale se daboch kar diwar se laga diya, Abdul ne zor se apna ghutna Anant ke pet me de mara, ek ke baad ek kuch vaar Anant ke pet me karne ke baad Anant ne ne tezi se apna Ghutna Abdul ke chehre par de mara, jis se Abdul ke muh se khun nikalne laga, or wo piche zameen par ja gira, Anant turant Abdul ke upar chadhkar uske muh par kuch ghuse maar deta he, Abdul ke to aakho ke samne andhera sa chane laga tha, lekin tabhi wo Anant ko dhakka de kar apne aap ko sambhal leta he. Anant fir se Abdul par hamla karne ke liye aage badh kar use ek ghusa marne laga, lekin Abdul furti se Anant ke mukke se bachkar uske pet me zordar laat maar deta he, us se Anant niche jhuk gaya, jese hi Anant niche jhuka, Abdul ne use collar se pakad kar diwar par de mara, or tezi se Anant ki Gun ki taraf daud pada, Anant Diwar se takra kar kafi chotil ho gaya tha, uske sar me diwar se lagg kar kafi gehri chott ayi thi, or wo diwar se satt kar niche beth jata he. Abdul Anant par Gun point kar ke kuch duri par muskurate hue khada tha.
Abdul: chinta matt kar..... Jaan se nahi marunga tujhe, ek goli haath me, ek pair me or ek Gaand me, Hahahaha....... Or ha, me Rana ka hi Aadmi hu, kuch nahi ukhad paoge tum log humara.... Tayar he goli khane ke liye?
Or itna kehkar wo Trigger dabane hi wala hota he ke tabhi Anant ne apni Secondary Gun nikal kar Abdul par Shoot kar di, lekin Abdul ye dekh kar jhuk gaya, or wo Anant ke nishane se bach gaya, fir Abdul ne bhi Anant par jawabi humla kar diya, lekin Anant bhi furti se us jagah se uthkar khada ho gaya, Abdul pehle apni Gadi ke piche chup jata he. Anant ab bhi khule me Gadi par nisbana lagaye khada tha, lekin tabhi Gadi ke piche se Abdul savdhani se nikal kar fire kar deta he, wo goli Anant ke pair me ja kar lagi, jis se wo apne ghutno par agaya, Abdul moke ka fayda utha kar use jaan se marna chahta tha, lekin jese hi wo Car ke piche se utha, to Anant ne uspar fire kar diya, wo goli sidhi Abdul ke haath par lagg gayi, jis se Abdul ke haath se Gun niche gir gayi, jabtak Abdul kuch sochta Tabtak Anant ne uske kandhe par goli chala di, Lekin Abdul bhi koi kaccha khiladi nahi tha, usne apni zindagi me na jane kitni hi baar goliya khayi he, wo fatak se car ka darwaza khol kar usme beth jata he, or tezi se gadi ko waha se gayab kar deta he, Anant ne car par fire kiye, lekin sar par chot lagne se use chakkar arahe the, jis wajah se uska pehle wala nishane se Abdul ko kandhe par goli lagi, Anant ne andha dhundh Car par Goliya barsayi, lekin Tabtak Abdul waha se faraar ho chuka tha, Anant wahi par let gaya or Police ko apni location ke bare me khabar kar di.
Waha Abhinav ko call par pata chala ke Mantri ki maut ho gayi he, or Anant ki halat bhi kafi buri he, jis se Abhinav ka gussa satve asman par chala gaya, or usne gusse me apna phone zameen par patak kar tod diya.
Abhinav: pakka ye kaam Rana ka hi he.... Ranaaaaaa........ Sabki kimat chukani hogi tujhe.....
Wo kafi gusse me chillate hue kehta he.
Khair, Court me to peshi honi hi thi, Aman ne apne paas jo sare sabut the, un sabko Judge ke samne pesh kar diya, or Abhinav ne bhi Judge ke samne gawahi di, jis wajah se Court ne Aman ko begunah ghoshit kar, is Drug Smuggling ke mamle se bahar kar diya.
Waha Rana ne Abdul ko ilaj karne ke liye alag kamre me bithaya hua tha, tabhi Rana ka khabri waha ajata he. Fir Rana or wo Aadmi Rana ke kamre me ajate he, us Aadmi ne sari details Rana ke samne rakh di, ke uska dhanda thapp karwane ke piche kiska kiska haath he, lekin jese hi Rana ne naam suna Aksh Joshi, tabb uski aakho me khoon la Samandar behne laga.
Aadmi: or Boss ye Aksh naam ka ladka kayi baar CBI Headquarter me dekha gaya he, or mujhe pura yakeen he ke usi ki company kuch gadbad kar rahi he, kyu ke haal hi me jo Gujrat ke Transport Vehicles me ek System fit karwaya tha, wo Aksh ki company hi banati he, to ye baat saaf he ke is ladke ka bhi aapke nuksan me bahut bada haath he....
Rana: iska haath mere nuksan me ho ya na ho, saza to ise, or iske pariwar ko milegi hi, khas kar uski behen ko......
Wo bahot hi gusse me dhimi awaz me kehta he.
Aadmi: Boss, mene iske ghar pariwar ki bhi information nikali he, lekin iski behen ka koi ata pata nahi he, Mumbai me iske Maa Baap rehte he, lekin uski behen waha bhi nahi he, or iske saath bhi nahi he....
Rana: thik he.... Ja ab....
Wo us Aadmi ke haath me noto ki gaddi fekte hue kehta he, fir wo aadmi waha se chala gaya.
Rana: Sakshi...... Uska waqt to abhi nahi he, use marne me to abhi waqt he.... lekin Aksh, tujhe dikhata hu me tere baap dadao ne kiye hui galati ki saza.... Jaan se nahi marunga tujhe, pal pal tadpaunga..... Har Pal tadpaunga......
Fir Rana Abdul ke paas chala jata he, or use ye sab bata deta he, ab zahir si baat thi ke Abdul ko Rana ka bita hua kal pata tha. Lekin jese hi Abdul ne suna ke Rana ko Joshi pariwar ke bare me pata chal chuka he, to uske pasine chutt gaye.
Abdul: t..... To.... To ab kya karne wale ho Boss aap?
Rana: saza..... Saza dene wala hu, 40 saal ho gaye he... Ab saza dene ki bari agayi he..... Tum bass tayar rehna....
Or itna kehkar Rana waha se chala jata he. Abdul ko ab darr lagg raha tha ke Rana aage kya karega.
Abdul (mann me): mujhe kuch bhi kar ke Aksh ke pariwar ko bachana hoga.... Lekin kese? Ek baar ko Sher ke muh se uska shikar chinn sakta hu, lekin Rana..... Rana ke haath se uska shikar kese chinn lu?
Waha Abdul Aksh or uske pariwar ko bachane ke bare me soch raha tha, or yaha Rana akela badi gehri soch me duba hua tha.
Rana (mann me): kya kismat he, ek ye pariwar bhi tabb hi samne aya jab unka waqt khatam hone ko he, Joshi Kaka...... Badla pura hone wala he....
Or ye kehkar Rana apne atit me chala jata he, jaha par uske aakho ke samne apni puri zindagi ajati he.
Year 1978, Bhopal, India.
Ek baccha bhagte hue ghar ke bahar car ke paas khade aadmi ke paas ja raha tha, or uske piche bacche ka baap bhag raha tha.
Baccha: Kaka.... Kaka.... Bachao, Bachao mujhe....
Wo bhagte hue akar Kaka ke piche chupte hue kehta he.
Kaka: are are.... Kya hua Babu Ji.... Subah subah shararat shuru ho gayi aapki....
Baccha: mene kuch nahi kiya Kaka.... Bauji bina wajah mujhe marne wale he, aap bacha lijiye mujhe...
Kaka: accha dariye matt....
Fir wo Kaka us bacche ko apne piche chupa lete he. Or tabhi ghar ke darwaze se ek hatta katta aadmi haath me chadi liye bahar ajata he.
Aadmi: Kuldeep.... Deep.... Kaha chup gaye? Ghar me to ana hi padega tumhe... Tabb pitunga tujhe....
Kaka: kya hua sahab? Babu Ji ne fir se pareshan kar diya....
Aadmi: ab kya kahu Joshi..... Din bhar naak me dum kar deta he ladka.... Pata nahi kaha bhag gaya....
Un dono me baate hi ho rahi thi ke us aadmi ko Joshi ke piche apna beta dikh gaya. jise dekh kar bacche ka baap uspar jhapat padta he.
Aadmi: agaya na pakad me..... Chal andar aaj acche se khabar leta hu teri.....
Joshi: are sahab chhod dijiye.... Baccha he....
Wo un dono ke bich me khada ho kar bacche ko apne piche chupate hue kehta he.
Aadmi: baccha? Baccha nahi shaitan he ek number ka, or Joshi tumne hi ise sar pe chada rakha he....
Joshi: ab bacche shaitani nahi karenge to kon karega sahab, or waise bhi, in baccho ki shaitaniyo se hi to ghar humesha khila hua rehta he..... Chalo Deep Beta, maafi mango Bauji se.....
Deep: Mujhe... Mujhe Maaf kar dijiye Bauji.....
Wo apne baap ke samne kaan pakad kar kehta he, jis se Deep ke baap ka bhi mann pighal jata he.
Aadmi: thik he.... Accha, Joshi.... Zara Factory me ja kar dekh ana sab kaam thik se ho raha he ya nahi....
Joshi: thik he, me abhi jata hu.....
Deep: me bhi aunga saath me....
Aadmi: ha ise bhi le jao apne saath, warna ghar me fir se tehelka macha dega ye....
Fir Deep or Joshi gadi me bethkar Factory chale jate he. Waha ka sara kaam dekhte dekhte Joshi ko kafi waqt lagne wala tha, isliye wo Deep ko Factory ke karmachari ke saath ghar bhej deta he.
Thodi der baad Joshi gadi le kar ek ghar me chala jata he, Joshi ko waha dekh kar ek baccha tezi se uski taraf daud padta he or ja kar Joshi ke gale lagg jata he.
Baccha: Kaka..... Me kabse aapka intezar kar raha hu, kaha the aap?
Joshi: aaj me kaam me fass gaya tha, to der ho gayi... Maaf kar dena Aman beta.....
Aman: mujhe pata he, wo khadus Deep aapke saath hoga, jiski wajah se aap mujhe milne nahi aye....
Wo kafi narazgi se apna muh fulaye kehta he.
Joshi: are nahi.... Me sach me kaam me fasa hua tha, lekin ab agaya hu na, to hum bahar jayenge ghumne ke liye....
Aman: thik he Kaka..... Me abhi tayar ho kar ata hu...
Fir Aman apne kamre me chala jata he kapde badalne ke liye, or tabhi waha Aman ke pita Shantilal ajate he.
Shantilal: Joshi, kya baat he.... Aaj kafi der kar di?
Joshi: ji wo Factory par sara kaam dekh raha tha.... To....
Shantilal: sabkuch humare mutabik hi ho raha he na?
Joshi: ji ha... Aap fikar na kare.... bass 2 saal baki he, uske baad......
Shantilal: thik kaha, 1980..... 1980..... Fir ye saal koi bhi marte dum takk nahi bhula payega.....
Wo gusse me or apni num aakho se kehta he. Kuch der baad Joshi Aman ko le kar bahar ghumane le jata he. Aman ka lagav Joshi se kafi gehra tha, Aman to use apne Baap se bhi zyada ehmiyat deta tha.
Ab Joshi ka raaz kya tha, ye to waqt ane par pata chal hi jayega.
Present:
Waha jabse Rana ko Joshi pariwar ke bare me pata chal tha, uski to nind hi kahi gayab ho gayi thi, wo bass badle ki aag me jal raha tha.
Khair aise hi kuch din nikal gaye, Aksh din ba din kamzor ho raha tha, uska dimag ne to mano uska saath dena hi chhod diya tha. Mansi use baar baar sambhalne ki koshish me rehti, har badhte din Mansi ke dil me Sakshi ke liye nafrat badh rahi thi, kyu ki Aksh ki is halat ka Zimmedar wo Sakshi ko hi tehra rahi thi.
Lekin waha Sakshi ne to ek kadam or aage badha diya, or ab to wo Radha or Santosh se bhi baat karna kam karne lagi, Sakshi ko waha rehte rehte kareeb kareeb ek mahine hone ko aya tha. Jab Santosh or Radha ne Sakshi se yaha ane ke liye kaha to Sakshi ne Saaf Saaf inkar kar diya. Kuch dino takk wo Santosh or Radha se kafi rudely baat karne lagi, ab Santosh or Radha ka dil tut chuka tha, wo Sakshi ke aage gid gidane lage ke wo ghar ajaye, lekin Sakshi ne unse keh diya ke wo kisi ladke se pyaar karti he, or wo uske saath hi Maharashtra se bahar reh rahi he. Ye sunkar Santosh or Radha ki Duniya hi ujad gayi thi. Bass kuch palo me hi unki duniya kisi sukhe patte ki tarah bikhar gayi, ye baat jab Aksh ko pata chali to Mansi or Aksh turant Mumbai Santosh or Radha ke paas chale aye, jaha par Santosh or Radha kisi zinda laash se kam nahi lagg rahe the. Un sabne milkar Police Station me FIR darj kar di thi, lekin Mansi ka swabhav kuch aisa tha ke wo Santosh or Radha ka dhyan in sab baato se kuch der ke liye hi sahi, par wo unka dhyan waha se zarur hata deti thi. Police ne same day par Sakshi ki talash kar li thi, lekin Sakshi 18+ thi, or Constitutional Rights ke mutabik Sakshi bina apne parents ki permission liye kahi bhi reh sakti he. Sakshi ne to apne pariwar par hi ulta game palat diya. Kyu ke usne bhi Police se faryad ki ke use a akela hi rehna he, or wo chahti he ke uske pariwar me se koi uspar kisi bhi tarah ki zor zabardasti na kare. Or hua bhi yahi, Police ne to ulta Aksh, Santosh or Radha ko warn kar diya ke Sakshi apni Free Will se kahi bhi reh sakti he. Agar Aksh, Santosh or Radha me se kisi ne bhi uspar kisi bhi tarah ki zabardasti ki to unpar karwahi ho sakti he. Ab to mano Santosh or Radha ne jine ki aas hi chhod di thi, jise khush rakhne ke liye Santosh or Radha ne apni puri zindagi laga di, aaj usi ne sabki jine ki aas hi chinn li. Mansi or Aksh ne kuch din takk yahi rukne ka faisla liya, waha Mansi har wo mumkin koshish karti jis se Santosh or Radha ke chehre par muskurahat aye, or wo isme safal bhi thi. Kisi parayi ladki ne jo kuch dono ke liye kiya, ye dekh kar wo Sakshi ko Mansi se compare karne lage. Lekin waha Aksh ne apni jaan pehchan se Sakshi ka pata dhund nikala tha. Or wo usi din sabko ye kehkar nikalta he ke use Abhinav se milna he. Or wo chal padta he Banglore.
Subah Subah Sakshi Suhas ke ghar se Breakfast kar ke apne Office jane ke liye nikal chuki thi, Aaj ke din Suhas ki chutti hoti thi, Suhas ne us se kaha tha ke wo Sakshi ko Office chhod dega, lekin Sakshi ne use mana kar diya or wo paidal hi apne Office jane lagi. Har roz Pure raste Sakshi bass apne aap ko kosti rehti, ke is pyaar ke chakkar me usne apne pariwar ko kitna dukh diya he. Is waqt bhi Sakshi bass apne aap ko koste hue raste par chal rahi thi lekin tabhi use piche se Aksh ki awaz ajati he.
Aksh: Sakshi..... Apne Bavlat ko ek baar dekhegi bhi nahi?
Uski awaz sunkar Sakshi ke kadam wahi tham jate he, itne waqt ke baad Aksh ki awaz sunkar Sakshi ke asu nahi ruk paye, or wo jhat se piche mud gayi or samne Aksh ko khada paya. Aksh aage badhkar Sakshi ke nazdeek ajata he. Use dekh kar Sakshi kuch bol hi nahi pa rahi thi.
Aksh: kitna dur bhag payegi tu apno se Sakshi?
Uski baat ka koi jawab Sakshi ke paas nahi tha, wo bass apne dil par kabu pa kar piche mud jati he, or aage badhne lagti he. Lekin tabhi Aksh piche se uska haath pakad kar use rok leta he, Aksh ke sparsh se Sakshi ka Rom Rom keh raha tha ke wo ja kar Aksh ki baho me kas kar lipat jaye.
Aksh: Please Sakshi.... Tera Gunehgar me hu na? To tu iski saza Aai Baba ko kyu de rahi he? Tu janti bhi he unki kya halat ho rahi he....
Wo Sakshi ke dono haath apne hatho me thamkar num aakho se kehta he. Lekin ab Sakshi ko kisi bhi chiz se farak nahi padd raha tha, usne gusse me apne haath Aksh se jhatak liye.
Sakshi: kya laga rakha he ye tune? Kya humesha dusro ke liye jiyu me? Kya meri koi life nahi he.... Me haath jodti hu tum sab se, please mujhe akela chhod do....
Wo bahot hi gusse me chillakar kar Aksh se kehti he, lekin Aksh uske gusse ka jawab pyaar se hi dena chahta tha, wo aage akar Sakshi ko kas kar hug kar leta he. Jis se Sakshi bhi sihar uth ti he.
Sakshi: Please Aksh..... Mujhe akela chhod de.... Me is se zyada teri taklifo ki wajah nahi bann na chahti.... Please mujhe akela chhod de.... Please.....
Wo bade pyaar se, rote hue kehti he. Ye pyaar bhari awaz sunn ne ke liye to Aksh itne waqt se taras gaya tha.
Aksh: Sakshi..... Mene kaha na ke me teri baat maan ne ko tayar hu, to chalna.... Fir se hum dono saath rahenge....
Wo Sakshi ko alag kar ke uska chehra apne hatho me thamkar kehta he.
Sakshi: accha? To tujhe sabse pehle humare rishte ke bare me Aai Baba ko batana hoga..... Bol manzur he?
Uski baat sunkar Aksh ke chehre ka rang hi udd jata he.
Sakshi: nahi ho payega Aksh.... Isliye behtar yahi hoga ke tu apni kahani ko naye sire se anjam de....
Wo Muskurate hue Aksh ki taraf pith kar ke kehti he.
Aksh: kesi kahani Sakshi? Tere bina.....
Sakshi: Darr raha he na tu, fir se nayi kahani likhne se? Ye soch kar ke agar ye wali adhuri reh gayi to? To kya Aksh.... Adhuri hi sahi, likh to sahi.... Are bhale hi samay kitab hi kyu na jala de... Kuch Khubsurat sa likh, bhale adhura hi sahi.... Or waise bhi, Sabse Khubsurat kahaniya to aksar hi, adhuri hoti he na?
Wo Aksh ki baat bich me kaat kar rote hue kehti he, Aksh ke paas iska koi jawab nahi tha, kyu ke yahi sach tha, Aksh me himmat nahi thi ke wo fir se ek nayi kahani ki Shuruwat kar sake. Aksh aage akar us se kuch kehne hi wala tha ke tabhi waha ek car akar rukti he, jisme Suhas tha, wo Sakshi ko dekh kar bahar utar aya.
Suhas: Sakshi.... Tum abtak yahi ho?
Sakshi: Ha.... Wo... Wo me bass Office hi ja rahi thi....
Wo Suhas se apne asu chune ki nakam koshish karte hue kehti he.
Suhas: tum ro kyu rahi ho Sakshi, or ye kon he....
Or Aksh ki taraf ishara karte hue puchta he.
Sakshi: me.... Me nahi janti ye kon he, wo to bass yaha kisi ki talash me aya tha, or apni kahani mujhe bata raha tha, jo sunkar aakhe num ho gayi meri.....
Wo Aksh ki aakho me aakhe dalkar dekhte hue kehti he, lekin uski baat sunkar Aksh ki to mano Duniya hi udd gayi thi, kyu ke Sakshi ne use pehchan ne se inkar kar diya tha.
Suhas: accha chalo me tumhe Office drop kar deta hu....
Sakshi: okay.....
Or fir Sakshi bina Aksh ko dekhe gadi me bethkar nikal jati he. Aksh ne himmat nahi thi ke wo aage akar use rok sake.
Khair, Aksh ne ab Sakshi ke wapis apni zindagi me ane ki ummid chhod di thi, or wo apni zindagi ka sabse bada sadma le kar wapis Mumbai ajata he. Mansi to use dekh kar hi samajh gayi ke wo zarur Sakshi se milkar aya he. Lekin jab usne Aksh se Sakshi ke bare me baat karna chahi, to Aksh ne gusse me uske baare me baat karne se mana kar diya. Agle din Aksh Radha or Santosh ko apne saath Surat le gaya.
Kya Aksh ke dil me Sakshi ke liye nafrat bhar gayi thi? Ya Aksh sach ne apni zindagi ki nayi kahani shuru karna chahta tha, sawal to kayi sare the. Lekin sacchayi to ye thi ke inke jawab khud Aksh bhi nahi mil pa raha tha, din ba din Aksh ke swabhav me badlav arahe the, sach kahe to uski Mental Condition kafi kharab hone lagi thi. Mansi ne ye dekh kar tay kar liya ke wo Aksh se shadi kar Legi. Is baat se to Radha or Santosh behadd khush the. Aaj raat Mansi ke parents Aksh ke parents se milne ke liye ane wale the. Lekin unke saath ek aandhi bhi ane wali thi. Or us andhi ka naam tha Rana.
Rana apne admiyo ke saath nikal pada tha Aksh ke ghar ki taraf. Lekin aaj pehli baar unke saath Abdul nahi tha. Usne kuch bahane bana kar waha jane se inkar kar diya tha.
"Ring Ring...... Ring Ring......"
Raat ke 1 baje hue the, Sakshi ka mobile phone baj raha tha, wo nind se jaag kar dekhti he ke number unknown he, lekin jab usne call pick kiya, or samne wale ki baat suni to Sakshi ke haath se mobile niche gir gaya. Or uski aakho se tezi se asu behne lage.
Or is tarah antt hota he Sakshi or Aksh ke zindagi ka dusra Chapter "The Journey" ka. I know yaha par kafi sari situation fast forward thi, lekin aage ja kar wo sab situation details me samne ani he
To Dosto ye tha Chapter 2 ka Last Update, i know kafi waqt lagg gaya isme, fir se aap sab se mafi mangta hu, please maaf kar dena. Or narazgi Update par matt nikalna, or ek Like, Comment kar ke apna pyaar zarur jatana.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
..
