UPDATE 13
Dopahar me main Shubham se milkar aaya , usne uski aur Renuka ke bich jo bhi chal Raha hai uske kisse bataye . Ham dono thoda ghume aur phir main Ghar aaya .
Mujhe Aaj Ghar aane par ek alag si feeling aayi , college se aane ke baad jo bhi saamna mera bhabhi ke sath hua uske baad mere man me bhabhi ke liye kya tha vo bahut hi confusing ho gaya.
Ise pyar kaa naam Dena thoda bachkana lagega . Lekin ye rishta hamara alag mod pe tha .
Mujhe vah aakarshit nahi lagti ye me bilkul nahi kah sakta kyuki mujhe sabse pahle kisi aurat ke liye aakarshan hua to vo bhabhi hi thi .
Me jab ghar ke pass pahucha hi tha ki mujhe Bhabhi kisi ke sath baat krte hue sunai di .
" Main is pure parivar ko khatam karna chahti hu , isiliye to Maine shadi ki thi kaushik ke sath "
Ye sunne ke baad ,main Tay nahi kar paa Raha tha ki kya kare kyuki ye behad hi chaukane vali baat thi mere liye .
"Haa mujhe pata hai ,ki isme Aaditya ki koi galti nahi hai lekin uske parivar ki to hai iska parivar hi us vastad gang ke piche hai "
Ye mere liye kuch Naya tha , Mera pariwar matlab kon? Main samajh nahi paa Raha tha , dadaji to Aisa bilkul nahi kar sakte , naa hi mama vo to sabse shant hai .kahi ye mere Mata pita ki to baat nahi kar Rahi .
Bhabhi phir ab Tak ye sab khel kyu khel Rahi thi mere sath .
" Mujhe bass Aaditya ko apne kaabu me karna hai main baaki sab apne hisab se achha kar dungi "
Baate sunte hue mere sar ek dum se ghumne laga , matlab ab tak mujhe apne taal par nachavane ki koshish chal rahi thi .
Main andar pahucha ,Bhabhi apana kaam kar rahi thi .Mera to man ho raha tha ki Abhi jaakar sab kuch ugalva lu. Lekin mujhe pata tha ki ye sab aise nahi ugalne vala .
Ab bhabhi ko khelna hai to Ab unke sath khel hi hoga . Main unke itne bade apradh ko najarandaj karke in sab me fas gaya tha . Ab vo mujhe barbad karna chahti hai .
Aisa kya Kiya hai mere parivar ne , kahi isi vajah se to mere maata pita mujhse alag nahi ho gaye .
_______________
" Tumhare vajah se hi mera bachha mujhse alag hua hai, aadarsh" Smita ne sab idhar udhar saaman feka hua tha . Vo puri tarah se bhavna ki kathor pida se gujar rahi thi.
" Smita , tumhe bhi pata hai isme meri koi galti nahi thi , tumhare pita hame apna naa paye to usme ham kya kar sakte hai "
" Lekin in sab me mere bete se dur rah rahi hu 14-15 saalo se"Smita lambi lambi hundki lekar rone lagi .
" Jaanu me bhi to rah raha hu , ham jarur kuch karenge in sab me "
" Nahi karne vale kuch itne saal ho Gaye tumne mujhe usase milne tak nahi diya aur ab" Smita gusse me thi ye gussa apne aap par aur apne pati par bhi tha.
" Main kya karta Smita , ye sab risky mamla hai kisiko pata chal gaya to jaan bhi Jaa sakti hai "
" Mujhe uski parva nahi hai , mai meri jaan dekar bhi mere bete ko bacha lungi lekin bass me usase milna chahti hu "
" Main samjh sakta hu " aadarsh Smita ko piche se apne baho me pakde hue tha ho vo jor jor se ro rahi thi aur gussa bhi thi .
" Tum nahi samaj sakte main jab jab Aditi ki taraf dekhti hu mujhe Aaditya ki parchai dikhayi deti hai , jaise kah rahi ho ki uski kya galti thi ki use hamse alag rakha hai ."
" Maine kaha na ki main sab kuch thik kar dunga tum chinta mat karo sab thik ho jayega "
Aadarsh ke pass is sab ka koi jawab nahi tha , usne kah to diya tha ki vo Smita ko Aaditya se mil jayega Aditi ke samne lekin vo Bhi jaanta tha ki isase khatra kitna ho sakata hai .
________
Rukhmini ko pata tha ki is sab me kitna khatra hai , lekin ye use karna hi tha iske Siva uske pass chara nahi hai . Bhalehi in kuch dino me uske man me bhi Aaditya ke liye kuch chije jagi thi .
Uske liye aaditya kuch to tha lekin ,vo jis maksad se saalo bita rahi thi , jiske liye use kaushik se shadi karni padi kaushik ko bhi pasand karti thi lekin vo uske liye premi nahi tha , isiliye use har baar dhoka dekar jhute pyar ka dikhava karti thi use bhalehi ye baat bilkul bhi pasand nahi thi ki vo kisi insaan ko dhoka de . Lekin uske sath bachpan se dhoka hua tha . Apne pita ki maut ka badla vo chahti hi thi .
Aaditya jo ki apne man ke sath jhagad raha tha ab tak usne vah sab ab chhod diya. Use samajh aa gaya tha ki Rukhmini kitni chalak hai .
Vo is baar har baar ki tarah ek direct step lekar kuch kharab nahi karna chahta tha . Usne itne dino me sab jyada naa soch kar hi ki thi .
Use pata tha ki is baar use kya karna hai .
Use bass thoda intejar karna hai . Rukhmini pura plan kya hai vo khud vahi batayegi . Matlab ki vo jo karne vaali hai uska andaja usne laga liya behad sochne ke baad use pata tha ki Rukhmini usase pyar ka natak karegi .
Jo ki ek achhi baat thi ki use ye sab pahle hi pata chal gaya . Vah puri tarah se ab tayyar tha. Use kal ke rukhmini ka bartav jo ki Aaditya ko shak nirman nahi kar raha tha , lekin ab use kal jis tarah se bartav kiya tha ye koi maya nahi hai na prem hai ye to bass chalava tha Aaditya ke liye .
Raat ko usne Rukhmini se normally baat ki ,vo upar chhat par baitha hua tha tabhi use apni mami ka phone aaya .
" Betu kitne din ho Gaye hai abhi tak tumne ek bhi call nahi Kiya "
" Didi parso hi to kiya tha "
" Parso kiya tha shayad me hi bhulakkad hu " sandhya gusse me kaha.
" Sorry vo mene mami se baat ki thi aap puch lijiye "
" Matlab mujhse baat karne ki koi jarurat nahi hai , apni didi ko bhul gaya , vaha bhabhi ke pass Jaa kar ye achha hai "
Tabhi bhabhi bhi upar aayi unhone koi baat nahi suni thi kyuki me kaano ko phone laga kar baat kar raha tha .
" Didi aap bhi na sorry , aapne bh to mujhe phone nahi Kiya "
" Achha jaban chalata hai "
" Nahi vo to bas aapko hi aati hai "
" Aisa hai tu ghar aa aur mil phir dikha ti hu tujhe , rakhi ko to aayega na "
" Haa rakshabandhan ko jarur aaunga " meri najar bhabhi par thi jaise hi unhone ye suna ki rakshabandhan par ghar jaa raha hu , to shayad unke man me kuch khurapat jarur chal rahi thi .
Kuch der didi se baat karne kaa baad unhone phone m
ama ko diya unse bhi kuch baat ki baad me mami se baat kar ke phone cut kar Diya .
aapke suggestion ke liye sadaiv tatpar hu.
