UPDATE-46
2 ghante baad ashmita ko lucifer ka phone mila aur us jagah ka naam bhi jaha se phone mila tha lekin na phone se aur na jagah se kuch pata chala
Aur 1 week nikal gaya
" tumhe pata hai tumhri sabse badi problem kya hai lucifer? Tumhra ego
Tumhra ego tumhri sabse badi problem hai..tum sochte ho ki es dunia me tumhre alava aur koe hai hi nahi aur jo hai unhe tum pairo se kuchal sakte ho... aise zindagi nahi gujarti..hume galti karne walo ko sikhne ka mokka dena chahiye unhe sudharne ki kosis karni chahiye.. ye nahi ki unhe mar do aur sab khatam
Aise to ek ke baad ek aur ek ke baad ek aur aate jayenge..kitno ko maroge?
Aur kya koe tum se jada powerful nahi aa payega?
Jis din tumse jada shaktisaali aagya to kya hoga?
Tum us se haar jaoge aur piche chhod doge etne sare log jo tumhe vapas kabhi dekh bhi nahi payenge
Maine tumse kaha tha ki us monster se baat karo usse samjhao lekin tumne kya kiya? Uska sar hi uske sareer se alag kar diya
Main aise god ke sath nahi rah sakti jisse maaf karna nahi aata hu, jiske pass dil hi na ho, mujhe to ye bhi samjh me nahi aa raha ki tum bane kyu ho?
Kya tum sirf bhagwan sabad ka apman karne ke liye bane ho?
Main tumse bahut pyaar karti hu, had se jada tumhe chahti hu lekin ab main tumhre sath nahi rah sakti
Mujhe jana hoga lucifer mujhe jana hoga"
" tumne nirdosho ko mara hai esliye main sraap deta hu ki tumhe kabhi tumhara pyaar nahi milega, tum pyaar pane ke liye tadpoge "
" tum kabhi khush nahi rah paoge lucifer kabhi nahi, puri zindagi tum yaha se vaha bhatkte rahoge aur tumhe kuch nahi milega"
" tum apni yaddast kho doge aaj se aur tumhe kabhi usse vapas nahi pa paoge"
" tumhe main zinda rahne ki saja de raha hu, aisi koe shakti nahi hogi jo tumhe maar paye, tum prakarti ke vinash tak es abhage jeevan ke sath rahoge aur tum eska kuch nahi kar paoge"
" Agar mera pyaar nahi to main bhi nahi, main uske bina nahi jee sakti, ya to mujhe samadhan batao ya fir meri zindagi bhi le lo"
Aise ek ke baad ek sapne lucifer ko behoshi ki halaat me aa rahe the
Usse bas har chhij ka thoda thoda part hi dikh raha tha lekin vo etna clear tha ki lucifer ke man me koe doubt nahi aa raha tha
Esse pehle bhi usse bahut sapne aaye lekin vo humesha yehi sochta tha ki ye real nahi hai sab fake hai uske dimag ki upaj hai
Lekin es baar sab kuch alag tha etna real usse kabhi feel nahi hua tha
Aisa lag raha tha jaise sab kuch uski aankhon ke samne ho raha hai aur vo kuch kar nahi paa raha hai
Ye sapne ek dam se etne jada bhad gaye ki lucifer behoshi ki halaat me hi kapne lag gaya
Uska sareer bhati ki tarah tapne lag gaya aur ye sab dekh ke inaaya bura tarah dar gaye
Vo kabhi lucifer ke hatho ko ragad rahi thi to kabhi uske pairo ko
Eda- hume lucifer ki madad karni chahiye
Agar vo aur jada aisi halat me raha to kuch bhi ho sakta hai
Raaj- tum theek kah rahi ho eda
Hume uski madad karni hi hogi
Eda- kavish ko bolo vo kuch kar payega
Raaj- kavish nahi eda ab sirf guruji hi kuch kar sakte hai
Unke alava aur koe kuch nahi kar payega
Eda- lekin vo kar kyu nahi rahe kuch?
Unhe to sab pata hai na?
Raaj- vo jarur lucifer ki kisi tarah ki pariksa le rahe hai
Eda- ye kaisi pariksha?
Agar usse kuch ho gaya to?
Demons knife ke jhakam kabhi bharte nahi hai raaj
Raaj- mujhe pata hai
Main abhi jake guruji se baat karta hu
Eda- main bhi chalungi tumhre sath
Raaj- ha chalo
Aur dono junglo ki taraf chal dete hai aur unhe guruji apne dhayan me bathe dikh jate hai
Aise waqt par unhe koe disturb nahi karta tha esliye eda aur raaj bhi vahi bath kar unka intezaar karne lage
Bahut time hogya tha aur subah se raat hogaye lekin guruji ne apni aankh nahi kholi thi aur tab tak eda ka sabar ka baand toot chuka tha
Vo khadi hue aur bahut tej chhilate hue boli
Eda- aapka ek sisya apni jindagi aur maut ke beech jhuj raha hai aur aap uski madad karne ki bajay dhayan lagaye bathe hai?
Ye kaisa nayay hai gurudev
Aapne hi usse ek naye jindagi di aur aapne hi usse vo banaya jo vo aaj hai to kya aap apne kiye hue ka aisa badla lenge?
Kya aap lucifer ko marne ke liye chhod denge gurudev?
Meri baaton ka jawab dijiye gurudev
Uske aise chhilane se guruji ka dhayan bhang ho gaya aur unki aankhen khul gaye lekin unhone thoda bhi gussa nahi kiya eda par
Guruji- mujhe pata hai tum dono lucifer ko le kar pareshan ho lekin esme main tumhri koe madad nahi kar sakta
Raaj- aap nahi to aur kon karega guruji?
Aapke alava uska hai hi kon?
Guruji- uske pass bahut kuch hai raaj aur ye tumhe pata hai ki vo mar nahi sakta fir tum dono kyu etna pareshan ho?
Eda- vo mar nahi sakta Lekin aisi halaat me to ja sakta hai na ki uske jinda hone ka koe matlab hi na bache?
Guruji- usse abhi kuch nahi hoga
Aaram ki jarurat thi usse aur aaram mil raha hai use
Raaj- ye aaram nahi hai guruji
Ye saja hai jo aap usse de rahe hai
Kya lucifer etna kamjor ho gaya hai ki kuch logo se nahi lad sakta?
Kya vo etna aasani se apne hathiyaar daal dega guruji?
Aise lucifer ko to humne nahi dekha kabhi
Ye vo lucifer to nahi ho sakta jisse hum jante hai aur jisse aapne sikhaya hai?
Guruji- vo pareshan hai aur mujhe eska pata hai lekin ye uski takdeer me likha hua hai, usne khud likhvaya hai ye sab
Esme main kuch nahi kar sakta
Eda- aap usse theek kar sakte ho
Usse theek kar do
Guruji- vo apne aap theek ho jayega
Raaj- lekin vaha khatra jada hai
Ya to aap usse theek kar do ya fir main prithvi par chala jaunga
Guruji- tum mujhe damki de rahe ho?
Raaj- nahi guruji
Main aapko damki de bhi nahi sakta
Main to bas bata raha hu ki agar lucifer apni nind se nahi utha to uska anjaam kaisa hoga
Guruji- anjaam mujhe pata hai
Eda- matlab aap usse theek nahi karoge?
Guruji- jaisa ki maine kaha ki vo apne aap theek ho jayega matlab vo apne aap theek ho jayega
Raaj- guruji agar aaj lucifer nahi utha to fir anjaam jo hoga uska jeemdar main nahi hunga
Guruji- tum ab ja sakte ho
Eda- gurudev main samjh nahi pa rahi hu ki aap asal me chahte kya ho
Guruji- maine bola ab tum dono ja sakte ho
Raaj- chalo eda
Eda- lekin...
Raaj- lekin vekin kuch nahi
Chalo yaha se
Maine khub rules regulations follow kar liya hai ab agar lucifer ko kuch hua to main bhi sab bhul jaunga
Aur raaj eda ko vaha se leke chala jata hai vahi guruji ek gehri soch me pad gaye
Vo nahi chahte the ki ek aur baagi bane uske yaha se
Vo pehle hi lucifer, KAAL aur na jane kitno ki vajah se pareshan the aur agar raaj jaisa koe agar galat raste par chala gaya to dev lok me jo sandesh jayega vo kisi ke liye acha nahi hoga
Ye sab sochte sochte guruji vaha se gayab ho gaye aur pahuch gaye jaha lucifer leta hua tha
Vaha uske side me hi inaaya bhi bathi hue thi jo laptop par kuch kaam kar rahi thi kyuki ab lucifer ko chhod ke to ja nahi sakti thi to vahi kaam karne lag gaye the
Guruji vaha aaye lucifer ke sar par hath rakha aur guruji ke hath padte hi lucifer ke sareer me halchal hone lagi aur inaaya ki bhi dhayan uski taraf chala gaya
Vo turant laptop band karke lucifer ki taraf aaye aur firse uske hath aur pair ko ragadne lagi
Es baar vo thoda kam ghabra rahi thi sayad usse ab aadat ho gaye thi
Guruji ne lucifer ke sar par hath rakh ke kuch mantras pade aur fir lucifer ko inaaya par ek najar dali aur vaha se chale gaye
Jaise hi guruji gaye lucifer bahut tej tej saase lene laga aur uska sareer apne aap jump karne laga
Inaaya bechari phool jaisi kaise lucifer jaise devil ko sambhal pati?
Lekin vo kosis puri kar rahi thi lekin uski kosis jab khatam hue tab lucifer ne usko ek dakka diya aur uth ke side me gir gaya
Lucifer- nahi mat jao
Main sab chhod dunga
Mat jao mujhe chhod ke
Main mar jaunga
Main mar jaunga
Please jaisa tum bolti thi main vaisa hi ban jaunga
Main khoon kharaba chhod dunga
Main insaniyat ki rah par chalunga
Mujhe ek aakhiri moka de do
Agar tum chali gaye to ye dunia ko mujh jaise havaan ko nahi bacha payega
Saanvi nahi mujhe chhod ke mat jao
Lucifer to jaise abhi bhi nind me tha aur pata nahi kya kya bole ja raha tha
Uska sareer abhi bhi bahut buri tarah kaap raha tha aur sareer ke sath sath uske sabad bhi kaapne lag gaye
Aur vo ek kone me chhupane laga jaise kisi se bhag raha ho
Inaaya jo lucifer ke dhake se ab sambhal chuki thi vo lucifer ki taraf bhagi aur
Inaaya- lucifer????
Lucifer look at me lucifer
Look at me
Koe kahi nahi ja raha hai
Hosh me aao
Sab theek hai
Tum theek ho lucifer
Look at me
Please look at me lucifer
Vo lucifer ka chehra pakad ke apni taraf karne ki kosis kar rahi thi ki usse dekh kar vo hosh me aajaye
Lekin lucifer to aaj hosh me tha hi nahi
Pata nahi guruji ne usse kya dikhaya tha jo vo etne buri tarah dar raha tha
Vo ek baar kisi ko usse chhod ke na jane ke liye bolta to dusri baar khud dar ke chhipane ki kosis karta
Abhi usse ye bhi nahi pata tha ki uske samne inaaya hai, vo abhi bhi sapne me hi jee raha tha
Jab inaaya se lucifer ko control karna muskil ho gaya aur lucifer shant hone ka naam hi nahi le raha tha to pata nahi inaaya ko kya hua usne lucifer ka chehra pakda aur sidha karne ki kosis karne lagi
Lucifer baar baar edhar udhar ho raha tha lekin fir ek dam se innaya ne apne honth uske hontho par laga diye aur jitni usme takaat thi sari jhok kar inaaya ne lucifer ka sar piche se pakad liya taki vo usse chhut na paye
Lucifer pehle to inaaya se chhutne ki kosis karne laga lekin fir dheere dheere vo shant pad gaya
Es kiss me koe kisi ka sath nahi de raha tha
Lucifer ek dead person ki tarah jameen par pada hua tha aur inaaya usse control karne ke liye apne hontho se uske hontho ko dabaye hue the
2 minutes tak aise hi rahe fir inaaya khud hi gehri saas lete hue alag hue aur ek corner me geer gaye vahi lucifer dusre corner me
Dono me se koe bhi kuch bol nahi raha tha ya fir bolne ki halaat me hi nahi the
Na hi apas me najar mil rahi thi unki
Dono ke dono abhi jameen hi taad rahe the halanki inaaya bich bich me najar daal rahi thi lucifer par lekin lucifer ek dam statue bana hua tha
Inaaya- main coffee lati hu
Aur etna bol kar inaaya vaha se chali gaye aur lucifer vahi batha rah gaya...
