Update - 100
Mein subh jaldi nikla, man to nahi tha office jane ka lekin office se chutti milne se rahi thi isliye jaldi uth kar mein pehle akansha se milna chahta tha, isliye jo mein kar sakta tha vo kar raha tha. Theek 8 baje mein uske hotel ja pahuncha tha jahan vo tehri thi, 10 baje mere office pahunchne ka time tha, 20 min late hi sahi itna chalta hai ye janta tha aur yahan se mera office ka rasta adha ghanta yani abhi mere pas 2 ghante to the hi. Mein reception par pahuncha, uska room no. pucha jo kal raat puchna chahie tha, balki mein itna bevkuf hun ki mein usko room tak chhodne nhi gaya kuch jada hi khush ho gaya tha shayad mein vaise bhi kya karna chahie aur kya nahi ye sab mujhe abhi pata hi nahi tha.
Mene room ki bell bajai, mein janta tha vo so rahi hogi, 2-3 bar bell bajane ke baad room khula. Akansha ke vo bikhre hue baal, chehre par nind aur uska night suit man to yahi kia ki abhi galle laga lu par apne emotions par kabu kar liya, naya naya pyar aur uska utawlapan sala maza hi kuch aur hai iska to.. sach mein uchal raha tha kuch dil mein....
" good morning.. " battisi dikhate hue mein bola. Vo ek dum nind se jagi aur usne mujhe dhayan se dekha.
" ankit... morning.. " uske chehre par smile aa gayi, kasam se ek pal uske chehre ko niharta raha, sach.. agar aisi morning roz mile to mein zindagi bhar use pehle uthne ko ready hun. " par tum yahan ? kya time hua hai ? " vo ek dum hosh mein ayi.
" 8 baje hai abhi.. "
" ohh i thought mein jada so gayi " usne apne baal piche karte hue kaha. " i am so sorry.. come in.. " vo apni jagah se hati aur mein andar aa gaya. Andar akar jab mein piche ghuma to akansha room band karte hue mere pas ayi aur mere gale lag gayi. Meri to hearbeat aisi badi jaise kisi ne current ki nangi taar sidhe dil mein ghusa di ho. Mujhe samajh nahi aya ki mein vapis use hug back karun ya nahi, mere hath bich mein hi ruke the, aisa nahi tha ki mene aaj se pehle use hug nahi kiya tha par ye warmness, ye closeness... ya yun kahun .. ye gudgudi aaj tak nahi hui thi.. sahi mein aisa lag raha tha jaise ye kudrat ka vo takya hai jise lapet kar mein zindagi bhar sota rahun aur kabhi uthun hi nahi...
Vo mujhse alag hui aur mere chehre ko ghurti rahi jo kahin aur khoya hua tha, " kya hua mr. thinker " uski awaz se mein hosh mein aya.
" nahi .. kuch nahi.. how was the night ? " mene apne uthe hath niche kar liye, vo meri is halat ko samajh kar andar hi andar muskura rahi thi aur vo uske chehre par tha.
" it was good, relaxed and... " vo jakar bed par baith gayi aur mein uske bagal mein jaa baitha.
" and ? " vo kuch kehna cha rahi thi par keh nhi paa rahi thi, ek chiz jo mene abhi tak akansha ke sath reh kar sikhi thi vo thi care.. Mene uska hath apne hath mein liya.
" something is bothering you ? "
" no.. " usne apna chehra utha kar meri taraf dekha, uske chehre ka glow ankhon se utar kar dil mein chap gaya tha kasam se.. kabhi kabhi insan itna khubsurat lagta hai ki us uppar wale ko shukria kehne ka dil karta hai ki usne insan banaya hai....
" then ? " mere puchne par vo kuch nahi boli aur apna sar mere kandhe par rakh lia aur mere hath par apne hath majbut kar liye. Sukun shanti.. apnapan.. iske alawa dunia bekar hai.. ye insan mere andar aise bas gaya tha jo meri ruh tak fail gaya tha, sach itna pyar kar baitha tha mein ise....
Akansha ke chehre par bal aa gira to mene use utha kar piche kar dia aur phir uska chehra utha kar apni taraf kiya aur pucha " kya hua madam "
" believe nahi ho raha " vo boli.
" kya ? " mein samajh to gaya tha lekin uske muh se sunna chahta tha, yahi to khushi hai pyar mein... jahan apko pata hai ki samne wala kya kehna chahta hai phir bhi aap bache ki tarah anjan bante hain aur uske muh se sunna chahte the.. sach bachpan aur pyar mein koi farak nahi, salle dono hi kabhi bade nahi hote...
" ki ... "
" ki mujh jaisa ladka tumhe kaise mil gaya ? "
" smart, dashing, intelligent.. hai na ? " mene mazak kiya, kya karun adat se majbur, ruka nahi gaya , vo meri baat sun kar muskura di. Joker banna pasand tha zindagi bhar, is chehre par muskan ko lane ke liye.
" u know "
" hmm "
" lucky mein hun.. ki mujhe tum mili, har bar yahi sochta tha ki mujhe aaj tak kuch nahi mila, par ab jab mila to usne zindagi bhar ki kasar puri kar di, ab kuch chahie bhi nahi zindagi mein.. sab kuch mil gaya mujhe " mein kuch jada bol gaya, na jane kaise... par ye mein nahi sala dil bol raha tha, jaban uska sath de rahi thi, galla in dono ke barabar ki madad kar raha tha, kul mila kar sab salle mile hue the...
" kisi ko life mein itni importance mat do ankit ki uske jane ki takleef bardasht na ho " akansha chutte hi boli, ek pal ke liye mujhe uski baat pasand nahi ayi par jaldi hi samajh gaya ki usne aisa kyun kaha. Uske kehte hi mene use apna hath chudaya aur usko cuddle karte hue bola.
" jaa kar dikhao... bhoot ban kar sayein ki tarah chipka rahunga.. " mene hanste hue jawab dia jise sun kar vo hans di.
" samajh nahi ata... ki tum aise khush kaise ho jate ho achanak se... iti badi baat ko itna simple kaise bana lete ho.. "
" kyun ki meri khushi mere sath baithi hai.. aur jab khushi tumhare sath hi ho to kaun bhala khush nahi rahega.. " mera andaz bada hi alag tha kehne ka, ye sun kar vo dhire dhire phir se mere galle lag gayi aur kuch der aise hi rahi aur is baar mene bhi pura respond kiya, sach night suit mein bhi aisa lag raha tha jaise andar tak chu liya ho mene use.
" bas don't ever leave me again like you did "
" promise "
" but ek baat puchun ? " vo mujhse alag hui.
" hmm "
" tumhari nosy itni red kyun ho jati hai ? " ek pal baad dono khub hanse.
" office nahi jana ? "
" jana hai yar and sorry.. mein tumhare sath aaj ka tym spend nahi kar paunga.."
" i know, thank you.. "
" kisliye ? "
" mujhe milne ke liye "
" bore to nahi ho jaogi na mujhse ? "
" hattt.... " vo bed se khade hote hue boli. " lunch nahi sahi par breakfast ? "
" bilkul ji "
" ok, tum bas 5 minute do mein fresh hokar ati hai, tum tab tak breakfast ka order de do "
" 5 minute matlab 5 minute na.. 25 minute to nahi na ? "
" hehehe very funny ? " uski is chide hue expression dekh kar bahut hansi ayi. Vo to washroom mein chali gayi, par... remember usne kuch der pehle kaha tha ki believe nahi ho raha ? sawal to uska tha par sach believe nahi ho raha tha ki ye sach hai.... abhi wala.. jo ho raha tha... adhe ghante ka samay beet gaya sala pata hi nahi chala... ye acha waqt yun hi kaise beet jata hai ? isme koi time please ka option nahi hota kya ?
______________________________
" what ? " naha kar jab akansha bahar ayi to ek pal mein use dekhta raha, phir apni nazre jhuka li, aisa to mein kabhi nahi tha hain na ? mein to mauke dhundta tha kab aisa pal mujhe koi de de aur mein lut lun usee... kya laga tha mujhe nhi pata chalega ki mein kab itna badal gaya ? apne aap ko bhul gaya apne kal ko bhul gaya ? bhula kuch nahi hun... par agar koi ek insan ko badal sakta hai to vo ek insan hi hota hai ab vo badlta kaise hai ye bhi insan par hi nirbhar karta hai..
" breakfast oder nahi kia ? "
" nahi "
" why ? "
" kyun ki mein tumhe breakfast yahan nahi balki bahar se karunga.. delhi aai ho to kam se kam yahan ka swad to chak lo .. "
" hmm... jaisa aap kahe mr. " uske baad hum dono bahar gaye aur mene use paranthe khilaye.. mashur to nahi par han badia.. ye sab mene pune mein bahut miss kia, do hi to mashur chiz hai yahan ki ek to laundia dusra yahan ka khana pina... . Bade hi yadgar pal the ye mere liye, par mein janta tha jaise jaise ye waqt aage badh raha hai vaise vaise jane ka pal najdeek aa raha hai. Mein hotel tak vapis aya, uske sath uske room tak gaya, aisa nahi tha ki mujhe jaldi thi jane ki lekin jab vo room khol kar andar gayi, mujhse andar nahi jaya gaya. Na jane kyun par andar vapis jane ki himmat nahi hui. Vo shayad samajh gayi thi isliye khud andar ghuste hi jab use mehsus nahi hua ki mein andar nahi aa raha vo ghumi aur vahin deewar ke sahare khadi ho gayi.
Ek pal hum dono ek dusre ko dekhte rahe, kya bolna hai isliye nahi balki isliye ki kaise bolein... Kisi ko pane ke liye jitna mushkil hota hai use kuch kehna use jada mushkil kisi ko alvida kehna hota hai...
" i think i have to leave.. " kehna bahut kuch chahta tha par wahi hai ki kaha mene kuch aur hi.. pata nahi kyun par lafzon se jana hi likha. Usne halki muskan ke sath ek pal apni nazre jhukai.
" will you be alright.. " usne meri ankhon mein dalte hue pucha. Nahi.. blkl nahi.. man ne kaha to par jazbat itne the ki ek pal ke liye mujhe use nazre hatani padi. Phir uske thoda najdeek jakar uske galon par halki si ungli firate hue han mein sar hila dia, pata nahi mene aisa kyun kiya.. par use aise chune ka dil kar raha tha. Usne meri ungli ke sparsh se apni ankhein band kar li aur mera hath pakad liya.
" juth bhi nahi bolne ata tumhe dhang se .... "
" kuch kehna hai to bolo ? " usne meri taraf dekhte hue kaha. Vo samne se keh rahi thi aur mein bevkuf kuch keh nahi paa raha tha.
" don't miss me too much... " mein hansa to par ankhon se nahi sirf shabdon se hi, vo fauran mere galle lag gayi aur is baar mujhe sochne ki jarurat nahi padi hathon ne khud ba khud use behad tight jod lia khud se. Kuch der baad jab use alag kiya jiska ek pal bhi man nahi tha sahi keh raha hun to uski naak phir lal thi, jise dekh mein hans dia.
" i m gonna miss this... this.. " mene uske chehre ki har tarf apni ungli rakhi aur phir dil ki aur ishara kiya... " and this too... "
" why you love me so much ? " usne aise sawal kiya jaise use mera pyar karna pasand na ho, par kya farak padta hai mujhe is baat se.. mein to karta hi hun na aur isme mujhe accept karne mein koi sharam nahi. Mene bas apne kandhe utha die aur samjha dia use ki mujhe nahi pata.
______________________________
Mein janta tha vo mera intezar karegi, akansha airport ke entrance par thi aur nazar uski samne nahi thi jabki kisi ka intezar kar rahi thi, jaise jaise queue aage badh rahi thi uski ankhon se umeed jaa rahi thi, bich bich mein vo apne phone ko dekhti, bechaini uske chehre par thi aur waqt hath se nikalta ja raha tha. Jab use uski ticket aur Id mangi to use vo pehle dia gaya nahi ek bar usne phir piche dekha lekin use vo chehra nahi dikha, usne lambi sans chhodi aur akhir vo andar pahunch gayi. Andar ghuste hi usne apna phone bag mein dalne ki sochi ki tabhi vo bajne laga..
" expectation ha... " uske phone uthate hi mein bola.
" ankit... " vo palti lekin ab bahar nahi jaa sakti thi. Kanch ke bade si deewar thi aur mein use bhi dur khada tha lekin hum dono ek dusre ko dekh paa rahe the. " why ? tum to jante the na mein kab jaa rahi hun "
" bilkul.. tabhi to tumhare chehre ki pareshani pichle 20 minute se dekh raha hun "
" tum bahut bure ho "
" tumne chuna hi insan bura hai.. " mein muskura dia, par uske chehre par muskan kahin nahi thi.
" tumne aisa kyun kia ? kyun nahi mile ? " vo ache se janti thi delhi airport par entry nahi kar sakte non-traveller.
" aise hi... " mere pas koi jawab nahi tha, shayad tha bhi to kehne ke liye nahi mil raha tha.
" i hate you ... " vo shayad rone wali thi.
" don't ... mein bina bataye ja sakta tha lekin use tumhe bahut bura lagta aur milta to shayad tum ja nahi pati.. isliye jo ho raha hai vo best hai akansha "
" no.. you have to be here.. pas to aa jao "
" nahi.. "
" why ? "
" to mein tumhe jane nahi dunga.. "
" ankit mujhe samajh nahi aa raha ki mein ... "
" don't worry akansha " mein samajh gaya ki vo kya kehna chahti thi. " mein tumhe nahi chhod raha aur na hi tum mujhe.. to phir kyun darna.. dur ho rahe hain alag thodi... hai na ? " mein use samjha raha tha jabki uska jana mujhse bardasht nahi ho raha tha.
" aisa kyun lag raha hai abhi abhi mile the aur itni jaldi dur ho gaye hum.. "
" tumhe kaise pata ? "
" kya ? "
" mein yahi soch raha tha.. " mene fauran kaha, meri baat sun kar usne apna hath kanch par rakh dia. Dur se mein dekh paa raha tha ki uski ankhein bhar ayi hai.
" go akansha.. now just turn and go.. "
" bhag jao ab.. varna pitai kar dunga.. " mein kehte hue hansa aur apni sans control ki vo meri baat sun kar hansi to par uski ankh se ansu utar aya. Vo ghum gayi, shayad un ansu ko chupana chahti thi.
" akansha... "
" hmm.. "
" tum bahut cute ho... bas ab jao.. bye.. " kehte hue mene phone cut kar dia aur jaldi si ankh saaf karke vahan se hat gaya.
" helo.. ankit... " jaise hi use mehsus hua vo fauran ghumi par nazar ke aage vo nahi tha jo hona chahie tha. Usne phone milaya lekin vo mene uthaya hi nahi. Ye pal dono ke liye akele rehna jaruri tha, adapt karna jaruri tha, varna jo pyar abhi shuru hua hai usme duri khal rahi thi, use bhi mujhe bhi.. Dono ka yun emotional hona bahut ajeeb tha, par jab mein vapis aa raha tha tab mujhe ek baat mehsus hui ki vo ajeeb nahi tha balki dil se hua ek sacha pyar tha, jiske dur hone par use bas bura lag raha tha. Tabhi na vo milna chahta tha aur na hi bina mile reh pa raha tha.
Mein janta tha ki uski flight land hone wali hai aur ek ajeeb si kashm-kash thi dil mein ki kaise baat karun, use bura laga hoga.. mene jaise use bheja usme.. par mein kaise samjhau use ki aisa karna jaruri tha.. kuch der is halchal se nipatni ki kosish mein waqt beet gaya aur mujhe yaad aya ki uski flight land hue 10 minute nikal chuke hain. Mene phone kia... ring jati rahi.. jati rahi... jaise jaise ring bajne ka waqt badh raha tha meri heartbeat badh rahi thi, mein samajh gaya ki use bura lag gaya hai isliye vo answer nahi kar rahi .. phone bas katne ki wala tha ki finally vo answer hua..
" pahunch gayi ? "
" hmm.. just on time you called.. can i call you back ? "
" han bilkul.. " phone cut hua to mujhe laga jaise ho gaya sab khatam.. Adha ghanta phone ki taraf dekhta raha ki phone ayega.. ayega.. ayega.. par vo bajne ka naam nahi le raha tha, mein soch raha tha khud karun ya nahi.. vo bhi samajh nahi aa raha tha... par tabhi phone bja...aur meri jan mein jaan ayi.
" sorry luggage lene mein time lag gaya, just in taxi now "
" hmm.. i thought.. "
" you thought ki mein phone nahi karungi, naraz hongi right ? "
" hmm.. "
" itna sab kuch kyun soch lete ho tum "
" i am sorry akansha.. but that was.. "
" don't be i know.. mein bas ... " vo ek pal chup hui... " bas ek baar chuna chahti thi .. taki lage na ki ye sab dream hai.. "
" dream nahi hai.. bilkul nahi hai.. aur agar hai to mein kabhi is nind se jagne nahi dunga ... "
" kaha se latte ho itni achi batein ? "
" lane ki jarurat nahi padti.. jab bhi tumhare bare mein sochta hun bas nikalta khud se yahi hai "
" bas ek dikkat hai.. " mein bola.
" kya ? "
" ab tumhe mujhe dantne ke liye roz phone karna padega.. "
" idiot.. " uski hansi sun kar muskura pada. Dar lagta hai pata nahi kyun, jabki itni technology ke baad hum alag kahan reh patte hain kisi se... par phir bhi vo touch.. vo feel.. vo hath pakdna.. vo ek chota sa hug hi.. use to hum mehsus nahi kar patte. Akansha nahi balki mein to bilkul naya tha in sab mein, jaldi hyper hota tha, jada sochta tha, ek din ki baat hai 5 bar phone karne ke baad bhi usne nahi uthaya to mein pata nahi kya kya soch baitha jabki reason tha ki vo phone ghar chhod gayi thi market jane se pehle.. isi baat ka dar tha mujhe uske dur hone par, mene use bhi ye baat batai, kyun ki mein soch kar bas khud tak ise rakhna nahi chahta tha.. Vo meri halat to samajh rahi thi aur samjha bhi rahi thi lekin mein kabhi kabhi jada hi over-react kar deta jis chakar mein kabhi unchi awaz mein use baat bhi ho jati. Complexity dimag mein bahut jada badh rahi thi samajh nahi aa raha tha ki kya kar raha hun kabhi kabhi.. phir ek din...
" ankit.. "
" i am so sorry akansha.. i just.. samajh nahi ata kyun aisa react karta hun mein.. shayad tumse itna dur hun isliye "
" kisne kaha dur ho.. dekho samne to ho.. " usne apni smile dikhate hue kaha. Mein ek pal ke liye shant hua par uski baat sahi thi, hum dono aksar video conference ke through ek dusre ko dekh lete the.. par baat to wahi thi ki vo feel missing thi...
" look... i know.. tum kya miss kar rahe ho.. aur sahi kahun to mein bhi wahi miss kar rahi hun.. chalo ek kaam karte hain.. "
" kya ? "
" hath rakho screen par.. "
" kyun ? "
" do na.. " uske kehne par mene rakh dia aur phirusne bhi vaisa hi kia, " ab ankhein band karke bas ye socho ki mein yahi hun tumhare sath..meri awaz to tumhre kano mei hai.. tumhra hath mere hath mein.. jab jab tum mujhe sochoge tab tab hawa tumhre chehre ko chuegi.. " ye sab juth tha mein janta tha par uske bolne par sab mehsus ho raha tha, shayad isliye bhi kyun ki aaj se pehle uske muh se aisa mene suna tha hi nahi tha.
" feel better ? "
" much better " mein hanste hue bola.
" see.. Akansha the love therapist ka kamal.. next time appointment leni padegi Mr. aur is baar ki fees ? "
" hahaha.. kya lengi fees mein.. "
" Yahi smile.. hamesha.. " uske chehre ko dekh kar na jane kyun man mein ek khayal aya aur vo is waqt kyun aya keh nahi sakta.. par aya..
" akansha mujhe tumhe kuch batana hai "
" hmm... bolo.. " mein kuch sochta use pehle uska phone bajne laga, " ankit is it urgent ? " usne phone ke baad mujhse pucha.
" nahi... itna bhi nahi..
" ohk then my love.. shall your lady leaves... "
" hahaha.. yes she can... " uski inhi harkaton ne to dil jeet rakha tha.
" i'll text you babye... " har bar ki tarah usne ek pyari si kiss di aur mein bas use dekh kar muskurata aur call disconnect ho gaya.
Sab kuch normal chal raha tha, mein akansha ko samjhne laga, vo mujhe.. dono ek dusre ko time de pate kabhi kabhi nahi bhi de pate.. kai bar meri taraf se hi hota tha, meri adat thi jab jada thak jata to baat karna pasand nahi karta tha, akansha ko bura laga jo aam baat thi par dhire dhire use bhi samajh ane lagi meri adat . Kareeb 5 mahine yun hi beete, milnege.. har hafte yahi kehte the lekin dono itne uljhe the is kaam ki bhag daud mein ki waqt nikalta jaa raha tha. Us raat ki baat hai, jab hamari kuch batein fantasies par chal rahi thi aur pahunchte hue vo fantasies kuch jada gehra gayi.. phone par dono whtsapp par the..
" acha to janab ki fantasies itni uppar hai.. "
" use bhi jada uppar.. "
" hehehe.. ise aage mat kehna... "
" nahi.. kahunga nahi.. tumhe mehsus karwaunga.. "
" acha vo kaise.. "
" mere honth tumhare chehre ko chu rahe hain bas vo honth is waqt tumhari ungliyan hai jo tum apne chehre par faira rahi ho.. "