Update 117
--------------------
ajju aur monu dono hi apne ghar ki taraf ja rahe the, aur ab tak un dono ke bich koi bhi baat nahi hui thi, monu is wakt car drive kar raha tha. jabki ajju uske pass baali seet par betha hua tha. achanak ajju bola
ajju- kya humne thik kiya monu??????
ajju ke sawal par monu laparwahi se bola
monu- mujhe nahi pata, par tum ye sab kyun poochh rahe ho????
ajju- kyun ki mujhe kuchh thik nahi lag raha he, kahi yesha to nahi ki hamari bajah se agent zero musiwat me pad jaye?????
ajju ki baat sunkar monu use samjate huye bola
monu- oh come-on ajju.... me pehale bhi RAW ke operations me hissa le chuka hun, aur agent zero ke baare me kaafi kuchh sun rakkha he, use hind ki serni yun hi nahi kehate, mout se khelne me use maza aata he, aur fir RAW join karne bala har agent ye baat janta he, ki kabhi na kabhi unhe mout se aamna-saamna karna hi padega.
ajju- shayad tum sahi keh rahe ho
mahol ka halka fulka banae ke liye monu ne ajju ko chheda
monu- are yaar ajju... agent zero ne tumhe us letter me kya likh kar bheja he, kahi uska dil to nahi aa gaya tum par
monu ki baat sun kar ajju ko yaad aaya ki ikram ne use ek letter diya tha, ye baat yaad aate hi wo bola
ajju- are yaar mai to bhool hi gayay tha, abhi dekhta hun
itna bolkar ajju ne wo letter nikal liya aur padne laga
"mr. ajay
aapne ab tak jo kiya, yaa aage jo bhi karne baale ho, uske baare me mujhe kuchh kehane ka koi hak to nahi he kyun ki ye aap ka personal matter he, par mai itna jaroor kehana chahungi ki pyaar hamesha saath rehane ka naam nahi hota, balki door rehakar bhi ek dushre ke sammaan ka khyaal rakhna, use apne upar garv mehsoos karvana aur use yaad karna bhi pyaar hi hota he. do pyaar karne baale zindgi bhar saath rahe ye jaroori to nahi he, apne pyaar se door reh kar bhi aap use apne pyaar ka yehsash karwa sakte he.
kisi apne ko paane ki kosis karna achchhi baat he, apne pyaar ko dhundna galat nahi he, ye to adhikaar he tumhara, par jab ye pyaar ki talash jid ban jaye, to fir wo pyaar nahi rehata, balki vashna ka roop le leta hai. samne baale ko ye mehsoos karvana ki tumhare andar use paane ki jid sawar he, use sarminda kar sakta he. apne farz ko chhod kar keval pyaar ke pichhe bhagne baale inshan ko shayad aapki x-wife bhi pasand nahi karti. par apni apni soch he, aapko jesha thik lage wo kijiye.
ho sakta he aap kamyaab bhi ho jaye, ya ho sakta he ki aap ki talash kabhi bhi na ruke, jo bhi ho, par itna to tay he ki jab aapne apne in liye 3 mahino ki jo mohalat maangi he, to ab aapko uska pura sammaan bhi karna chahiye. i hope aapke safal hone ya asafal hone ki dono hi condition me aap apni jid chhod denge, aur is desh ke liye apna farz poora karenge, aapke saath kaam karke mujhe khushi hoti, par filhaal ab iski ummeed bahut kam he, kyun ki ho sakta he jab tak aap bapis aaye tab tak tak agent zero ki position aapka intjaar kar rahi ho.
i hope aap 3 mahine ke baad RAW join kar ke, use aapke upar garv karne ka mouka doge, jiske liye aaj aap apna farz chhod kar jaa rahe ho
agent zero"
ajju ne ek ke baad ek kai baar wo latter pad dala tha, pata nahi kyun par ek baar fir use apna faishla galat lagne laga tha. ab tak jo bhi hua usse agent zero ki image ajju ke man me achchhi nahi thi, par ab ajju ke saamne agent zero ka ek alag hi pehalu saamne aaya tha. ajju ko yun khamosh dekh kar monu poochh betha
monu- ab tujhe kya hua he????
monu ki awaj sun kar ajju bapis apne hosh me aaya, usne wo letter faad kar uske chhote chhote tukde kiye, aur gaadi ke bahar hawa me uda diya.
ajju ki is harkat par monu chidte huye bola
monu- ye to had ho gai, ek to kuchh jabab nahi de raha he, upar se letter bhi faad ke fenk diya, aakir yesha kya likha tha usme??????
monu ki baat sun kar bhi ajju kuchh der khamosh raha, aur fir usne monu ko saari baat bata di. jise sunkar monu bola
monu- sach kahun to mujhe ye agent zero bilkul bhi samajh me nahi aa rahi he, kabhi to ye ekdum khadoos lagti he, aur kabhi ye bahut achchhi ho jaati he, kabhi yesha lagta he ki ise hum dono varsho se jante he, aur kabhi ek dum ajnabi si lagne lagti he, kabhi uske prati sammaan ki bhavna man me aati he, to kabhi us par gussa bhi aane lagta he
monu ki baat sunkar ajju bola
ajju- mere khyaal se halaton ne use yesha bana diya he, par wo vastav me ek suljhi hui achchhi ladki he
monu- oye hoye tu to yeshe bol raha he jese tu bahut pehale se janta he use
ajju- pata nahi kyun par mujhe yesha hi mehsoos ho raha he, aur ab to mera dil keh raha he ki bapis jakar is operation ko accept kar hi lun
ajju ki baat sunkar monu ko laga ki RAW office me jo kuchh hua he, uski bajah se ajju ka dhyaan nisha ki taraf se bharak raha he. halanki ajju jo bol raha tha, besa hi kuchh uske man me bhi chal raha tha. agar ajju ne use saath me indore chalne ke liye na kaha hota, to wo kabhi bhi is mission ke lye mana nahi karta. par filhaal uski prathmikta nisha thi. wo pichhle 3 saal se bigde huye haalato ko, ab kese bhi theek karna chahata tha. isliye usne ajju ko samjhane ki kosis ki, taaki ajju apna poora focus nisha par laga sake.
monu- oye jyada notanki ki jarurat nahi he, yaad he na hame nisha di ko har keemat par dhundna hi he, aur ab to hamara indore jaane ka poora programe bhi set ho rakkha he
monu ki baat sun kar ek baar fir se ajju ka poora dhyaan nisha ki taraf chala gaya. aur ek baar fir wo agent zero aur mission ko bhool gaya. aur agle hi din wo dono subhay subhay indore ke liye rawana ho gaye.
--------------------------------------------------------
subhay ke kareeb 9:00AM baj rahe the. ajju aur monu ke indore rawana hone ke baad uncle hamesha ki tarah park m chale gaye. jabki jiya, divya aur renu office jaane ki taiyaari karne lagi. kuchh hi der baad divya office ke liye ghar se nikal gai. par wo office jaane ki bajay park ki taraf bad gai. jaha uncle aksar zoya ke roop me nisha se milte hai.
par aaj jab divya baha pahunchi to baha use uncle akele bethe dikhai diye. nisha baha nahi thi. divya ko apne pass aata dekh uncle pehale to chonk gaye. par agle hi pal unhe yaad aaya ki, nisha ne unhe bataya tha ki divya bhi uske baare me sab janti hai. isliye wo turant hi samanya ho gaye. divya uncle ke pass jakar beth gai. kuchh der tak dono ke beech khamoshi rahi. jise uncle ne hi bhang kiya
uncle- kya baat hai divya????? tum kuchh pareshan lag rahi ho?????
uncle ki baat sunkar divya boli
divya- papa asal me wo.... mujhe aapse poochna tha. kya nisha di yaha aai thi?????
divya ki baat sunkar uncle chonkte huye bole
unncle- matlab?????? kya tumhari bhi usse koi baat nahi hui hai???????
uncle ki baat sunkar divya bhi chonk gai. par jald hi samhal kar boli
divya- nahi papa... pichhle ek hafte se meri unse koi baat nahi hui he. aur unka phone bhi switch off aa raha he...
divya ki baat sunkar uncle thoda gambheer hote huye bole
uncle- yaha bhi wo pichhle ek hafte se nahi aai hai. halanki usne mujhe bataya to tha, ki wo ki wo is hafte thoda bussy rahegi. isliye shayad wo yaha nahi aa paye. aur ho sakta he ki uska phone bhi off rahe. bese koi urgent baat karni thi kya???
uncle ki baat sunkar divya boli
divya- nahi to... wo to mai bus yun hi.....
par uncle divya ke jabab se samjh gaye ki wo kuchh chhipa rahi he. isliye wo bole
uncle- divya beta, mai buddha jaroor ho gaya hun... par andha nahi hun jo tere chehare par dikh rahi pareshani ko bhi nahi dekh sakun.... bese bhi agar koi jaroori baat nahi hoti, to tum kabhi bhi yaha mujhse nisha ke baare me poochhne nahi aati. ab sach sach bata kya baat hai?????
is baar divya thoda serious hote huye boli
divya- asal me papa... wo mujhe... unse vikash ke baare me baat karni thi....
ek baar fir divya ki baat sunkar uncle hairaan hote huye bole
uncle- matlab ki tujhe bhi yahi lagta hai, ki vikash ki saath jo kuchh hua, usme nisha ka haath hai....
uncle ki baat sunkar divya kuchh der khamosh rahi aur fir boli
divya- haan papa... aur iski mere pass bajah bhi hai....
uncle- kya????
divya- vikash ne jis car ke baare me bataya he, besi hi car nisha di ke pass bhi hai...
uncle- ye baat to mujhe bhi pata hai.... par isse ye sabit to nahi hota ki vikash ke saath jo kuchh bhi hua he usme nisha ka hi haath he. kyun ki yesi car to delhi me kai logo ke pass ho sakti he. us car ke baare me sunkar kuchh samay tak mujhe bhi yesha hi laga tha. par jab mene thande dimag se soch, to mujhe laga ki nisha kabhi bhi yesha kuchh nahi karegi jisse renu ko dukh pahunche....
divya uncle ki baat sunkar kuchh der tak khamosh hi rahi. par fir wo kuchh sochte huye boli
divya- mere pass ek aur bajah he papa....
uncle- wo kya?????
divya- asal me mene nisha di ko vikash aur renu ke baare me sab kuchh bata diya tha... jise sunkar wo kaafi gussa thi... aur wo mujhse bol bhi rahi thi, ki vikash ko uski galti ki saja milni hi chahiye....
isse pehale divya ki baat sunkar uncle kuchh bol pate unki nazar pass me hi khadi renu par pad gai. jise dekh kar unke chehare ka rang ud gaya. uncle ko yun paresha dekh kar, divya ne bhi us taraf dekha, jaha is wakt uncle dekh rahe the. aur jese hi uski nazar renu par gai, to uska haal bhi uncle jesa hi ho gaya. renu unke pass hi jhadiyon ke peeche khadi hui thi, aur unki saari baate sun rahi thi. jabki wo dono apni baato me itna bussy the, ki unhone renu ke baha hone par dhyaan hi nahi diya. aur na hi unhe is baat ki koi umeed thi, ki renu yaha aa sakti he.
hua asal me ye tha, ki divya ke just baad renu bhi office ke liye ghar se bahar nikli thi. par jese hi wo apni car ki taraf jaane lagi, to uski nazar divya par padi, jo paidal hi park ki taraf jaa rahi thi. renu ko divya ka yun park me jana kuchh ajeeb laga, isliye wo bhi uske peechhe peechhe chal di thi. park me pahunchte hi renu ne dekha ki divya papa ke pass jaa rahi he. isliye wo dushre raste se divya se pehale apne papa ke pass jhadiyon ke peechhe chip gai thi. aur baha se usne undono ki saari baate sun li thi.
pehale to use nisha ke baare me sunkar kaafi khshi hui. par agle hi pal jese hi usne divya ke muh se suna, ki vikash ki is halat ki peeche nisha ka haath he, to use nisha par gussa aa gaya. aur wo jhadiyon ke peechhe se bahar nikal aai. aur tabhi uncle ki nazar renu par pad gai. renu ke chehare se saaf saaf pata chal raha tha, ki wo is wakt kaafi gusse mai hai. jise dekhkar uncle aur divya ko apni galti ka yehsash ho chuka tha. par ab kaafi der ho chuki thi... un teeno ke beech kaafi der khamoshi rahi. jise aakhir kaar divya ne hi bhang kiya.
divya- renu.... tum yaha??????
renu- haan divya bhabhi mai yaha.... aur mene sab kuchh sun liya hai....
renu ki baat sunkar ab unke pass kehane ke liye kuchh bhi nahi tha... asal me unhe pata hi nahi tha, ki ye sab jaane ke baad renu kya reaction degi... isliye divya ne uske man ki baat janne ke liye usse kaha...
divya- renu wo... asal me...
par renu ne divya ki baat poori hone se pehale hi apne haath se use chup hone ka ishara kiya aur boli
renu- mujhe aapka koi bahana nahi sunna he divya bhabhi.... aap dono ne jo kiya uske baare me mai samajh sakti hun.... par nisha bhabhi ne vikash ke saath theek nahi kiya.... mai iske liye unhe kabhi maaf nahi karungi... mujhe abhi unse baat karni hai...
renu ki baat sunkar divya boli
divya- par renu tum to saari baat sun hi chuki ho... pichhle 1 hafte se hamari unse koi baat nahi hui he. aur unka phone bhi off aa raha he...
divya ki baat sunkar renu boli
renu- mai kuchh nahi janti... mujhe aaj unse baat karni hai bus.... unse aap kese contact karte ho???? ye aapki problam hai. par 1 ghante ke andar agar unka call mere pass nahi aaya, to mai pata nahi apne saath kya kar bethungi....
itna bolkar renu baha se jaane lagi, to uncle ne use toka
uncle- renu beta suno to sahi....
uncle ki awaj sunkar renu ruk gai, aur palat kar boli
renu- aap log chinta mat karo papa.... aap logo ka ye raaz mai kisi se nahi kahungi...
itna bolkar renu bina kisi ki baat sune baha se chali gai. jabki divya aur uncle baha par hairaan paresha yun hi bethe reh gaye. wo dono hi is naye ghatna kram ko samajhne ki kosis kar rahe the. ki tabhi divya ko phone baj utha. jese hi divya ne mobile ki screen ko dekha to uska chehara khushi se khil utha. kyun ki call kisi aur ki nahi, balki nisha ki hi thi.
divya ne turant call recive kar li. aur fir un dono ke beech kaafi de tak baat hoti rahi. chunki nisha operation chakraview ke liye aaj hi jaane baali thi. aur pata nahi kyun??? par use lag raha tha ki shayad ye uska aakhri mission hai. isliye usne jane se pehale kuchh vyasthaye ki thi, jinke baare me wo divya ko batana chahati thi. par usne divya ko ye sak nahi hone diya tha, ki wo ye sab use kyun bata rahi he. nisha ki baat samapt hote hi divya ne nisha ko aaj park me jo hua uske baare me bata diya. jise sunkar nisha bhi thoda pareshan ho gai thi.
-----------------------------------------------------------------------------
renu jese hi apne office pahunchi, ek private number se uske pass call aaya. renu ko yakeen tha ki ye call nisha ki hi hogi. isliye usne bina der kiye call recive kar li. call recive hote hi dushrei tarf se kaha gaya
"kesi he meri natkhat gudiya?????"
renu is awaj ko turant pehchan gai. ye awaj nisha ki hi thi. jise sunkar renu ne gusse me kaha
renu- jesha aap chahati thi bhabhi... mai bilkul besi hi hun....
renu ki awaj me uska gussa saaf saaf jhalak raha tha. isliye use samjhane ke uddesh se nisha boli
nisha- kya mujhse naraj ho?????
renu- kya ab ye adhikaar bhi nahi raha mere pass?????
nisha- ye tum kesi baat kar rahi ho renu???? are tera to mujh par poora adhikaar he...
nisha ki baat ke jabab me renu kuchh nahi boli, aur khamosh hi rahi. jab kaafi der tak renu kuchh nahi boli, to nisha ne sidhe musse ki baat par aate huye kaha
nisha- tumhe mujhse kuchh jaroori baat karni thi na???? batao kya baat hai???????
is baar renu khamosh nahi reh paai, aur boli
renu- bhabhi aapne vikash ke saath ye theek nahi kiya he.... aap achchhi tarah se janti ho ki mai vikash se kitna pyaar karti hun.... uski galtiyon ki saja mai use kaafi had tak de chuki hun. par ab wo sudhar gaya he. to fir aapne uske saath ye sab kyun kiya???
nisha- vikash ki is halat ka jimmedar wo khud hai, aur kahi na kahi tum bhi uski jimmedar ho... agar tum pehale hi mujhe vikash ke baare me sab kuchh sach sach bata deti, to aaj na to vikash ki ye haalat hoti, aur na hi tumhe itna jyada dard bardast karna padta.
nisha ki baat sun kar renu gusse me boli
renu- kese batati aapko kuchh bhi???? aap to 3 saal pehale jab ga,i to uske baad aaj aapse baat ho rahi he... na to aap kabhi mujhse milne aai.... na hi aapka koi pata thikana mujhe maloom tha... na to kabhi aapne mujhe call kiya... aur na hi aapka koi contact number mere pass tha...
renu ki baat ke jabab me nisha boi
nisha- in 3 saalo me mai tumhare saamne kai baar aa chuki hun renu... bus tum hi mujhe pehchan nahi pai... kahir chhodo ye baat... par ek baat ka jabab do... meri mail id to thi na tumhare pass... tumne kai baar us mai id par office se related mail bhi kiye hai... aur mene har baar kisi na kisi madhyam se us wakt tumhari help bhi ki hai. to fir kyun tumne mujhe mail kar ke ek baar bhi ye nahi kaha ki tum mujhse milna chahati ho???? ya tumhe koi problam hai.... aakhir iska kya jabab he tumhare pass....
nisha ki baat sunkar renu ka gussa shant hone ki jagah aur bhi jyada bhadak gaya, aur wo isi gusse me boli
renu- oh to ye baat hai.... to is baat ka badla liya hai aapne mujhse aur vikash se...
renu ki baat nisha ke dil ko cheerte huye nikal gai. use renu se yesi ummeed nahi thi. par fir bhi wo apne aap ko niyantrit karte huye boli
nisha- nahi renu..... ye tum kesi baat kar rahi ho???? mai bhala tumse koi badla kyun lungi??? tum to meri pyari natkhat gudiya ho... bhala mai tumhe kese dukh pahuncha sakti hun????
renu- agar ye baat he... to fir aapko vikash ke saath ye sab nahi karna chahiye tha.
nisha- mene vikash ke saath kuchh bhi nahi kiya hai... mera yakeen karo... haan ye baat sach he, ki jab mujhe tumhare aur vikash ke baare me pata chala, to mujhe vikash par bahut gussa aaya. aur ye natural bhi hai, meri jagah koi aur bhi hota to use bhi gussa aata.
renu- agar aapne vikash ke saath kuchh bhi nahi kiya hai, to fir aapne use kidnep kyun karwaya tha bhabhi????
renu ki baat sunkar nisha chonk gai.... use samajh me nahi aa raha tha ki wo is baat ka kya jabab de. isliye wo khamosh hi rahi.
