Update 077
-----------------------
teeno hi shadiya badi dhoom dham se hui thi, sabhi jam kar enjoy kar rahe the. tabhi mouka dekhkar mama ji ajju ko ek side le gaye aur usse poochha
mama ji- ajju muje batao kya nisha pichhle dhai saalo se mumbai me nahi balki farm house par rah rahi he
ajju ko mama ji se is sawal ki ummeed nahi thi. par fir bhi wo samhal kar bola
ajju- haan par aap ko kaise maalum pada
mama ji- kal raat me vikash ne nase me mujhe bataya tha. mujhe dukh he beta ki tumne itni badi baat mujhse chhipai. nisha bhale hi gair ho par tum to mere apne ho beta,
ajju ko mama ji ka nisha ko "gair" kehana achcha nahi laga. isliye wo bola
ajju- mama ji nisha koi gair nahi he, hamari apni he
mama ji- haan ek hi baat he
ajju- nahi ye ek hi baat nahi he mama ji wo meri biwi he.
ajju ke yun bhdakne par mama ji baat ko palatte huye bole
mama ji- haan wo to thik he par tumhe kam se kam mujhe to ye bata dena chahiye tha. jab vikash ko ye pata ho sakta he to baaki logo ko bhi pata hoga, par mujhe kyun nahi bataya gaya.
ajju- iski bajah aap jyada behtar jante he mama ji, nisha yaha aap ke saath reh kar aap ko aur jiya ko koi kast nahi dena chahti thi. aur wo mere bina bhi nahi reh sakti he. aur mai uske bina, isliye ye sab kiya. mujhe lagta he ab kaafi samay ho gaya he aap ko jiya ko hamari sachchai bata deni chahiye. nisha ab tak apne vachan ka palan karti aai hai. aur mai bhi uske vachan ka palan karta aaya hun. par ab aur nahi kar paunga. mai jiya ko aur dhokha nahi de sakta. aur na hi nisha se door reh sakta hun. isliye behtar yahai he ki aap khud hi use sab bata de. agar kisi aur ke madhyam se ye baat use pata chali to problam ho sakti he. aap samajh rahe hai na mera matlab
ajju ki baat sun kar mama ji ke hosh ud gaye. unhe ajju se iski umeed bilkul nahi thi. par filhaal unhone baat bahi khatam karne ka nirnay liya. aur baha se chale gaye.
mama ji se hui behas ke baad ajju ke dimag me kai saari baate chal rahi thi. tabhi uski nazar nisha par padi jo renu aur vikash ke saath khadi hui thi. ajju sidha us taraf bad gaya aur nisha se bola
ajju- nisha mama ji ko pata chal gaya he ki tum pichhle dhai saalo se mumbai nahi balki farm house par reh rahi ho.
ajju ki baat sunkar nisha buri tarah se chonk gai.
nisha- kya????? par kaise
ajju- wo kal vikash ne nashe ki haalat me mama ji ko bata diya
ab chonkne ki baari renu ki thi
renu- kya vikash ne, oh god ye kya ho gaya
renu vikash ki tarf ghumi jo najre jhukaye khada hua tha
renu- ye kya kiya tumne murkh inshan. tumne mujhse vada kiya tha, aur kuchh din tak uspar kayam bhi nahi reh sake. maine kaha tha na tumse fir bhi bata diya, saari galti meri hi he. mujhe tumhe baha le hi nahi jana chahiye tha, par mujhe kya pata jisse mai shadi kar rahi hun wo yesha niklega. tumne mera vishwash kho diya he vikash.
itna bolte bolte renu ki aankho me aanshu aa gaye nisha ne renu ko apne seene se laga liya. renu ne subakte huye saari baat nisha ko bata di. vikash jo ab tak sir jhukaye baha khada tha bola
vikash- sorry mem, par ye mene jaan bujh kar nahi kiya, actually me mujh par drink ka asar kuchh jyada hi ho gaya tha
nisha- nahi iski jaroorrat nahi he. renu bhool jao jo hua, aur yese rote nahi he. wo bol raha he na nashe me galti ho gai. mujh usse koi sikayat nahi he fir tum kyun apna dil chhota kar rahi ho
renu- mujhe nahi pata mujhe kuchh thik nahi lag raha, bus rone ka man kar raha he.
nisha- pehle tum vikash ko maaf kar do jo hua so hua ab aage jo hoga wo dekha jayega, abhi to shadi enjoy karte he, bese meri natkhat gudiya bahut sundar lag rahi he aaj
nisha ki baat sun kar renu sarma gai aur fir baat aai gai ho gai, halanki nisha aur ajju ke dimag me aage ki planing chal rahi thi. tabhi baha se jiya bhagti hui ek taraf chali gai, uski aankho me is wakt aanshu the, nisha ne ye dekh liya tha is liye wo jiya ke pichhe pichhe chal di ki aakhir hua kya he. jiya ko raste me mama ji mil gaye
mama ji- jiya meri bachchi aakhir hua kya???? tum ro kyun rahi ho
jiya apni aankho me se aanshu poochte huye boli
jiya- kuchh nahi papa wo to bas yese hi aankho me kachda chala gaya tha
mama ji- mai baap hun tera sach bata kya baat he
mama ji ki baat sun kar ek baar fir jiya ki aankho me aanshu aa gaye fir wo subakte huye boli
jiya- kisi ko meri jarurat nahi he, jaha dekho baha nisha nisha nisha ka hi naam he, jaha bhi jati hun bahi sab nisha ke baare me poochhne lagte he. mai to exist hi nahi karti hun kisi ke liye, ab monu aur divya ko hi le lo mai unke saath photo nikalwa rahi thi to divya boli nisha kaha he uske saath bhi photo ho jaye. baha se varun aur sadhna ke pass gai to baha bhi nisha nisha nisha aur wo renu to jaise mala hi japti rehti he nisha di ki, aakhir yesha hai kya unme jo mujhme nahi he. jo wo kar sakti he wo mai bhi kar sakti hun, par koi poochhta hi nahi mujhe, mujhe nahi rukna yaha par mai ghar jaa rahi hun
mama ji- mai janta hun nisha ko achchhi tarah se wo ye jaan bujh kar kar rahi he taaki tumhe neecha dikha sake
jiya- par kyun mene to unka kuchh nahi bigada, na hi kuchh chhina he. fir kyun wo mere saath yesha kar rahi he. apna ghar to samhala nahi ja raha isi liye to sab kuchh chhod chhad kar yaha aa jati he.
mama ji- meri beti ki khushiyon se jalti he wo, chhina to usne bahut kuchh hai tumse par tumhe to iska pata hi nahi he meri bachchi.
jiya- kya?????
mama ji- kuchh nahi chhodo ye baate, chalo bapis chalte he. yun function se jana thik nahi he, sab ko bura lag jayega
jiya- mujhe parwah nahi he kisis ki
mama ji- kam se kam vikash aur sadhna ke liye to bapis chalo bhai behan he tumhare. aur bese bhi aaj ki hi to baat he
jiya ne kuchh der socha aur fir boli
jiya- thik he chaliye
par tabhi baha maa aai aur jiya se boli
maa- are jiya tum yaha ho, mai kab se tumhe dhund rahi thi, nisha ko dkeha kahi dikhai nahi de rahi
jiya jo ab tak thodi normal ho chuki thi nisha ka naam sun kar ek baar fir uski aankho me aanshu aa gaye par usne kaha kuchh nahi aur chup chap mama ji ke saath chali gai tab tak maa ki najar nisha par pad chuki thi jo bhai pass hi khadi saari baate sun rahi thi, aur jiski aankho me bhi is wakt aanshu the. par uspar jiya aur mama ji ki nazar nahi padi thi. maa nisha ke pass pahunch kar boli
maa- ab tujhe kya hua, jiya ka to mai samajhti hun par tu kyun ro rahi he kahi tune bhi to un dono ki baate nahi sun li
nisha kuchh nahi boli par maa ko samajhne ke liye itna hi kaafi tha. unhone ek lambi sans li aur nisha ko apne seene se laga liya.
------------------------------------
poori raat shadi ki rashmo me nikal gai thi, agle din hi subhay sub hay teeno jodo ki vidai ho kar di gai thi. taaki sabhi log ghar par jakar thoda aaram kar sake. aaju, jiya vikash ke saath uske ghar par hi chale gaye the. taaki ghar par baaki sashmo ko poora karwaya jaa sake. jabki mama ji baha se sidhe apne ghar chale gaye the. kyun ki baha par ab unka koi kaam nahi tha.
varun aur sadhan bhi baha se apne parivaar aur sabhi riste daaro ke saath ghar ke liye nikal gaye the. ab baha keval nisha, monu, divya aur un ke family members hi bache the. nisha ne sabse pehale monu, divya, maa aur uncle ko baha se ghar ke liye rawana kiya. kyun ki poori raath jaagne ki bajah se unhe aaram ki bahut jyada awasyakta thi. iske baad nisha ne divya ki familye members ko baha se rawana kiya.
ab marrige gardan me nisha aur kuchh workers hi reh gaye the. filhaal nisha ko baah kaafi der tak rukna tha. kyun ki vidai ke baad family members to saare chale gaye the. par unka saaman yaha pada hua tha. aur shadi ka baaki saman bhi baha par tha.
nisha ne raghu se kehkar sabse pehle 6-7 loading gaadi baha manga li. uske baad usne unme saman upload kara kar bhijwa diya. fir baha ke saaf safai karwane ke baad wo free hui. par is saare kaam ko poora hote hote dopehar ke do baj gaye. baha se nisha sidhe monu ke ghar par bahunchi.
jab nisha monu ke ghar pahunchi tab tak sabhi log paryapt aaram kar chuke the. maa thode pehale jaag gai thi is liye unhone sabke liye khana bhi banana suru kar diya tha. nisha ghar pahunch kar fatafat naha doho kar taiyaar ho gai aur baaki ki rashmo ki taiyari karne lagi.
raat kareeb 10:00 baje jab nisha monu ke room se bahar nikli to usne dekha ki monu bechaini se niche hall me tehal raha he. jabki maa aur uncle sone ke liye apne room me ja chuke the. monu ko yun baichain dekh kar nisha ko use chhedne ka mika mil gaya. aur wo ye moka gawana nahi chati thi. is liye wo sidhe monu ke pass pahunchi aur boli
nisha- yesha lagta he ki jeth ji ko jethani ji se doori bardast nahi ho rahi
monu- kya nisha di aap bhi na koi moka nahi chhodti mujhe chhedne ka.
nisha- to fir tu moka deta hi kyun he
monu- come on di ek to mai pehale se hi nurves ho raha hun, aur upar se aap meri taang khinch rahi he
nisha- are par nurves ho kyun raha he.
monu- pata nahi par mere man me baar baar yahi prashn aa raha he ki kya mai ek achchha pati ban paunga
monu ki baat sunkar nisha muskurai aur boli
nisha- agar apni patni ki bhavnao ka aur uski jaroorato ka khyaal rakkhoge to jaroor ek achhe pati sabit hoge. aur mujhe yakeen he ki tum ye bahut achchhi tarah se kar loge. aur ab jyada mat socho jao divya tumhara wait kar rahi he.
monu- par....
nisha- ab koi par bar nahi jeth ji. meri jethani ji ka dil bhi aapke bina nahi lag raha he. is wakt unhe aapki sabse jyada jaroorat he.
nisha ki baat sunkar monu baha se jaane laga to nisha ne use toka
nisha- monu suno jara.
nisha ki baat sun kar monu baha ruk gaya. nisha uske pass aakar boli
nisha- meri ek baat yaad rakhna. jaroori nahi he ki suhagraat ke din hi sab kuchh ho. jab tak dono hi raaji na ho aage mat badna. wo bahut sencetive ladki he isliye koi bhi yesi baat ya harkat mat karna jisse divya ko kasta ho.
monu- ji didi mae iska dhyaan rakhunga.
nisha- ab jao divya intjaar kar rahi he.
iske baad monu baha se chala gaya. jabki nisha ne poore ghar ka ek round laga ke check kiya ki sab kuchh. thik tahak he ya nahi. iske baad wo bhi first flore par bane guest room ki taraf bad gai. jo ki pichhle kuchh samay se uska room bana hua tha.
------------------------------------------
monu jab apne room me pahuncha to dekha ke foolo se saji sej par divya bethi hui he. kamre me gulab ke foolo ki bheeni bheeni sugandh faili hui thi. poora room rangbirangi roshni se jagmaga raha tha. ye mahol monu ko bahut jyada romantic lag raha tha.
monu ne gate ko andar se lock kiya aur sej par divya ke pass jakar beth gaya. monu ke baha aate hi divya apne aap me aur bhi jyada simat gai. usne is wakt dark red color ka lehanga pehana hua tha. aur chunni se apne chehare ko dhak rakkha tha.
monu- kya is nachij ko is chand ke didaar karni ki ijajat he.
divya ne kaha to kuchh nahi bus na me apna sar hila diya.
monu- kya mujhse koi galti ho gai
is baar fir divya ne na me apni gardan hila di.
monu- to fir ye berukhi kyun
is baar himmat kar ke divya boli
divya- mujhe saram aa rahi he
monu- isme sarmane ki kya baat he. hum dono bahut pehale se hi ek dushre ko jante he. kaafi samay se ek dushre ko date kar rahe he. fir aaj ye saram kesi
diya- ufffff aap to ek dum buddhu ho
monu- wo to mai hun. par keval tumhar hun
divya ne is baar kuchh nahi kaha. bus palag ke pass rakkhe huye dudh ke gilash ko utha kar monu ki taraf bada diya. monu me wo glass bina apne hath me liye aadha pee liya aur fir divya ki tarab bada diya.
divya ne usme se ek ghoot dudh ship kar ke bapis monu ki taraf bada diya. is baar monu ne wo poora glass khali kar diya. aur bola
monu- tumhare hontho ki mithas se ye aur bhi jyada mitha ho gaya he.
divya ne is baar bhi kuchh nahi kaha aur gilash bapis apni jagah par rakh diya. kuchh der dono ke bichh khamoshi rahi jise monu ne ho toda
monu- kya ab mujhe apne chand ke didaar ki ijajat he
is baar fir divya ne na me apna sir hila diya. ike baad monu ne apni jeb se dimond ka ek khoobsoorat neckless nikaal kar divya ki taraf badate huye kaha.
monu- mere jaan ke jiye is nachij kitaraf se ek chhota sa tohfa.
divya ne wo neckless bade pyaar se apne hatho me liya aur use chum kar palang ke pass table par rakh diya. ab ek baar fir monu ne divya se kaha
monu- jaan kya mai apne chand ke didar ke liye yun hi tadapta rahunga.
is baar divya ne koi reply nahi kiya. is liye monu ne jese hi apne haath divya ke ghunghat ko hatane ke liye badaye. divya ne apne hatho se apne ghunghat ko joro se pakad liya. monu bahi ruk gaya.
isse pehale monu kuchh kehata achanak se room ke saari light band ho gai. aur dar ki bajah se divya monu ke sine se chipak gai aur use apni baho me bhar liya. monu to kab se is lamhe ka intzaar kar raha tha. is liye wola
monu- chalo achchh hua. kam se kam is bahane tum mere itne najdeek to aai
monu ki baat sunkar divya boli
divya- mujhe dar lag raha he aur aap ko masti soojh rahi he
isse pehale pehale monu koi jabab de pata room me ek chote se patakhe ke paten ki awaj hui
"fatttttt"
aur fir samne ki diwaal par fireworks ki tarah chingaariya nikalne lagi aur dekhte hi dekhte us par laga cover hawa me gayab ho gaya. monu aur divya is poori sthity ko samajhne ki kosis kar hi rahe the ki achanak room fir se roshni se jagmaga utha.
monu aur divya dono hi hairani se us diwaal ko dekhne lage. us poori diwaal par monu aur divya ki ek badi si photo lagi hui thi. aur uske ass pass un dono ke bachpan se lekar ab tak ki kai saari chhoti choti photo thi. un dono ki zindgi ke kai yaad gaar lamhe us diwaal par is samay dikhai de rahe the. divya monu se alag ho gai aur us diwaal ki taraf dekhte huye boli
divya- kitna khoobsoorat he na
monu jese hi divya ki taraf palta to fir wo use dekhta hi reha gaya. hua asal me ye tha. ki jab light off hui aur diwwal par fire-works ki roshne hone lagi to divya ne anjane me hi apna ghunghat hata diya tha. aur ab uska khoosoorat chehara monu ke saamne tha.
monu ko yun apni taraf dekhta pakar divya ko apni vastvik sthity ka anumaan hua. jiski bajah se usne sharam ke karan apni najre jhuka li. monu ahista ahista divya ki taraf badne laga. jiski bajah se divya ka dil jor jor se dhadakne laga tha. kuchh hi palao me dono itne kareeb aa gaye the ki unhe ek dushre ki garm sanse apne chehare par mmehsoos ho rahi thi.
dar aur exitement ki bajah se divya ke honth kampne lage the. uski sanse tej tej chalne lagi thi. sharm ki bajah se usne apni aankhe band kar li aur aane baale pal ka intjaar karne lagi. thik tabhi uske mobile ki ring bajne lagi. monu ne man hi man socha kya perfect timing he. jabki divya ne turant monu ko halke se dhakka diya aur palat kar pass hi rakkhe apne phone ko utha liya jisme nisha ka naam display ho raha tha. divya ne jese hi call rcive ki to dushri taraf se awaj aai
nisha- jethani ji kesa laga aapko is devraani ko tohfa
divya- bahut khoobsoort he nisha di. par ye sab aapne kab aur kese kiya
nisha- jethani ji aap khao guthliyon ko ginne se koi fayda nahi. bese bhi aaj to mera iraad tum dono ke bich kabab me haddi banne ka bilkul nahi he. so enjoy your epic movement
itna bolkar nisha ne call cut kar di. jabki divya phone bapis rakhte huye muskurane lagi. jise dekh kar monu bola
monu- kya baat he. badi khush lag rahi ho
divya- nisha di bhi kamal ki he. sabhi logo ki har jaroorat ka khyaal rakhti he. aur har kaam ek dum perfect tarike se aur perfect timming par karti he. sayad isi liye sab unse itna pyaar karte he
monu- nisha di se sabke pyaar karne ki kai bajah he. jin me se ek bajah ye bhi he. par kya tumhe pata he ki unhone ye sab kyun kiya
divya- sayad wedding gift dene ke liye.
monu- haan ye ek bajah ho sakti he. par asla bajah ye he ki hum kuchh palon ke liye apni sahram aur jhijhak bhula kar ek duhsre ke kareeb aa sake. bese wo isme kamyab to rahi he. unki bajah se mujhe ek hug to mil hi gaya. par ek kiss milte milte reh gaya.
monu ki baat sunkar divya sarma kar apni najre jhuka kar ahista se boli
divya- to ab kar lo aap ko roka kisne he
monu- sach me??????? kya mujhe bakai me iski ijajat he????
jabab me divya ne haan me apna sir hila diya. jiski bajah se ek baar fir monu ahista ahista divya ki taraf badne laga. aur ek baar fir divya ke dil ki dhadkan tej hone lagi. ek baar fir sharm ki bajah se divya ki aankhe khud ba khud band ho gai. wo ab aane baale pal ka wiat kar hi rahi thi kiachanak monu ne uske mathe par pyaar se kiss kiya aur uske bagal me jakar let gaya.
