Episode 139
mai kitchen me gaya to dekha maa khana bana chuki thi mujhe dekhte hi maa boli-chalo khana kha lo. fir school bhi jana padega tumko.
mai jaldi jaldi khana khaya apna bag thik kiya aur chal diya school. jab school gaya to pata chala ki aaj school me 1st period nahi hoga aaj 1st period me assembly me mujhe award diya jayega kyunki maine school ko jitwaya hai quiz me.
fir sab bachho ko assembly me jama kiya gaya. chief guest ke tour par school ki trustee mrs himani ji ko bulaya gaya tha.
pahle principle madam stage pe aayi adha ghanta bhasan di uske baad boli ki mr raj kumar ko all india inter school general quiz me 1st rank prapt hua hai to sab log talio se swagat kijiye. sab bachhe tali bajaye mai khushi khushi stage pe gaya himani ji mujhe medal pahnayi.
fir trophy himani ji ke haathon se principle madam ko diya gaya kyonki trophy to school ke naam ho jata hai to wo principle madam le li. lekin agar ye trophy rita mam ke hathon school ko diya jata to jada achha rahta kyunki unhone bhi mehnat ki thi lekin jo credit rita madam ko milna chahiye tha wo principle apne naam kar li. aur apni badayi me khub lamba chouda bhasan de dali. fir mujhse pucha gaya ki aapko bhi kuch kahna hai.
mai mike pakda aur pahle sabko dhnayawaad kiya fir maine specially rita mam ka naam lekar bola ki agar rita mam mere saath nahi hoti to sayad mai ye quiz kabhi nahi jeet pata aur is medal ka jitna hakdaar mai hoon utna rita mam bhi hai. meri baat sunkar baaki teacher log bhi tali bajaye aur rita mam bhi bahut khush ho gayi wahi principle madam mujhe gusse se dekh rahi thi.
mai fir stage se niche aa gaya.
fir announce hua ki science exhibition me bhi humare school humare state me 1st aaya hai to iske liye ek medal milega. aur fir mai taiyar ho raha tha ki mujhe ek aur medal milega lekin is baar principle madam ne sirf archana ka naam liya.
archana khushi khushi stage pe gayi use bhi ek medal pahnaya gaya.
himani ji principle mam se boli-science exhibition me do log the na to award ek ko kyun.
principle mam ne bahana bana kar bol diya hum log is saal sirf jo top par hai use hi award kar rahe hai aur science exhibition me archana hi top par thi dusra ladka to sirf iski help ke liye hai.
ab himani ji koi bachhi to hai nahi jinko school ke politics samajh me naa aaye.
himani ji principle mam se boli-mai is function ke baad us ladke se bhi milna chahungi jisne iski help ki thi.
ye sunte hi principle mam dar gayi aur boli-mam us se milkar koi fayda nahi hai bahut hi irresposible ladka hai bado ki ijjat karna bhi nahi janta hai.
himani ji boli-mai to sirf isliye milna chahti thi kyunki use medal nahi mila na to mai soch rahi thi kam se kam ek toffe hi de deti.
ye sunke principle mam boli-thik hai mam aap apne office me jaiye mai usko call karti hoon.
aur fir function khatm hote hi ek peon aaya aur mujhe principle office me le gaya.
wahan principle mam aur himnai ji dono baithi hui thi. mai dono ko goodmarning bola.
himani ji mujhe apne pass bulayi aur ek choklet di aur boli-ye lo meri taraf se tumne bhi mehnat ki thi na lekin tumhe medal nahi mila to ye lo tofee.
principle mam ye dekh ke bahut khush ho rahi thi kyunki ye ek tarike se meri beijjati hi thi. maine aur archana ne dono ne milkar kaam kiya lekin ek ko medal aur ek ko chocklate kitna fark hai.
mai chup chap tofee le liya.
himani ji principle mam ko boli-mam ye ladka mehnat nahi karta hai. bahut badamsh bhi hai to ek kaam kijiye iska naam science exhibition se hata dijiye aur kisi aur ladke ka naam usme jod dijiye.
principle mam boli-lekin mam ye kaise ho sakta hai.
himani ji boli-kyun nahi ho sakta bol dijiyega ki student ko kuch problem aa gaya jiske chalte hume change karna pada aur wo log naa mane to us ladki ko akele hi next round me bhej dijiyega. uske liye to wo log mana nahi kar payenge aur aap to saath me rahenge hi.
mai to ye sun kar hi pagal ho gaya. ye himani ji bol kya rahi hai.
principle mam boli-ok mam aur fir himani ji apne chair se uthi aur bina mere taraf dekhe hi chali gayi.
mai sochne laga maine koi galti kiya hai kya jo himani ji itne gusse me hai ki mera naam hi hatwa di science exhibition se. lekin mai bhi kya hi kar sakta tha chup chap class me aaya wahi jab archana ko pata chala ki mera naam hat gaya hai to wo aur khush ho gayi.
principle mam ne usko bol diya ki agle round ke liye us program ko aur achha banaye aur usme kuch aur chije bhi add kare jiske liye wo maan gayi.
mai to udas hi tha mood kharab ho gaya tha. aaj sara class chup chap mai pura kiya aur fir dopehar ko ghar aaya. khana rakha hua tha khaya aur fir mobile uthakar sabse phale himani ji ko phone lagaya.
ek ring me hi wo phone utha li.
mai gusse me bola-aapne thik nahi kiya mere saath. maine utna mehnat kiya tha science exhibition me aur aapne mera naam hi hatwa diya. aapko pata bhi hai wo ladki archana aur wo madam mere saath kitna bura behave karti hai fir bhi mai unke saath kaam kiya sirf isliye ki agar hum jitenge to meri maa kitni khush hogi. arey nahi bhi jitenge to kosis to karenge jis se mujhe bhi achha lagega aur maa ko bhi ki unka beta kitna mehanat kar raha hai. aapne mera naam hi hatwa diya science exhibition se ab maa puchegi to kya jawab dunga mai. aapko pata bhi hai maa ko kitna bura lagega. jara sochiye mujhe itna bura lag raha hai to maa ko kitna bura lagega. arey maine koi galti kiya hai to mujhse boliye aise badla lene ki kya jarurat hai.
himani ji bade shant lahje me boli-dekho raja mujhe tumse koi shikayat nahi hai lekin koi tumhe pareshan karega to mai use chodungi bhi nahi.
mai-haan to aap unse badla lijiye na aapne to mere se hi badla le liya.
himani ji boli-dekho raja mujhe pata hai tum bahut mehnati ho aut tumse achha ladka unko nahi milega is quiz ke liye aur mujhe ye bhi pata hai ki ye program banane me tumne us ladki ki madad ki hi hogi. itna hi nahi mujhe ye bhi pata hai ki aage bhi use tumhari jarurat padegi hi aur tumhe bas yahi karna hai ki koi bhi aaye tumse help mange tumhe help nahi karna hai. jindagi me ek chij yaad rakho madad usi ki karo jo us madad ke layak ho aur us madad ki kadra karta ho uski madad kabhi mat karo jo tumhari madad le bhi le aur fir tumhari hi burayi kare.
mai bola-agar archana ne sara kaam khud se kar liya tab kya hoga.
himani ji boli-15 din baad iska final round hona hai aur us ladki ko aur ye madam ko tumhare pass aana hi hoga agar is exhibition me rahna hai to kyunki exhibition ke do rule hai. pahla ye ki aap bich me student change nahi kar sakte aur agar ek student khud se apna naam withdraw kar leta hai to dusre ko akele hi sara kaam karna padega. itna hi nahi abhi maine principle mam par bhi itna kaam soup diya hai ki aane wale 10-15 din wo bhi us ladki ko time nahi de payegi aur dono ko tumhare pass aana hi hoga madad mangne uske baad tum apne hisab se kaam kar paoge aur tumhe wo ijjat bhi milega jo aaj tum deserve to karte the lekin tumhe diya nahi gaya.
mai bola-mujhe wo sab nahi pata lekin aaj aapne sahi kiya mera naam hatakar.
himani ji boli-tum chinta mat karo raja mai wada karti hoon tumko tumhara hak bhi milega aur science exhibition me jane ka mouka bhi bas kuch din tum un dono se door raho. tum hi kaha karte ho na ki logon ki kadra hume tab samajh aata hai jab wo humse door ho jate hai. unlogon ne tumhe bahut understimate kiya hai ab unko tumhari jarurat mahsus hogi tab unko tumhara value pata chalega.
himani ji fir boli-waise gussa to mujhe tumse hona chahiye ki humare school me tumhare saath aisa discrimination hua fir bhi tumne hume nahi bataya. tumhe pata hai na ki ye baat galti se bhi shivani ko pata chal jata to kya kya ho sakta tha.
mai-isliye to mai nahi bataya.
himani-arey shivani ko na sahi mujhe to bata dete tumne to hum dono me se kisi ko nahi bataya aur agar aaj mai college na aati to mujhe pata bhi nahi chalta. ab kuch din ye sab bhool kar masti se school jao enjoy karo apne aap sab thik ho jayega aur samay mile to yahan bhi aa jao. hume bhi achha lagega.
mai-thik hai
fir hum dono ek dusre ko byyyy karke phone rakh diye.
mai room me gaya to dekha maa so rahi thi to mai aakar apna padhayi karne laga. padhte padhte kab raat ho gaya pata hi nahi chala.
maa raat me khana khane ke liye bulayi tab jakar mujhe samay ka andaja hua.
mai aur maa dono aaj sath me baith kar khana khaye.
maa boli-kya baat hai raja beta aaj kuch hua hai kya bahut udas lag rahe ho.
mai-kuch nahi maa bas aise hi soch raha tha future ke baare me.
maa boli-beta bhavisya ke garbh me kya hai wo to humare haath me to hai nahi to uske baare me kyon hi sochna aur waise bhi tumhe sochna bhi nahi chahiye. mujhe pura yakin hai tumhara bhavisya bahut achha hoga.
fir maa thoda mera hausla bhi badhayi aur hum dono khana khatm kiye.
mai maa ko bola-maa mai aapke pass so jau.
maa boli-nahi .
mai bola-pleaseeee.
maa boli-nahi bilkul nahi tum mere pass sone ke liye aaoge to hum dono nahi so payenge. ab jao so jao apne room me subah school bhi jana hai.
ab mai bhi kya karta chup chap apne room me akar so gaya.
