Fantasy Meri Manorma.......... A Vintage Tale.....1913-1938

[asadjee]

Sorry ........ Is Thread Ko Main Kuch Waqt K Liye Close Kar Raha Hon.....




​

 

[Azhar mujeeb]

Behtareen story

 

[asadjee]

Behtareen story

thanks bhai

 

[tabishqureshi]

Bhut hi shandar update

 

[asadjee]

Bhut hi shandar update

bohut bohut shukriya bhai..!!

 

[johnsamuri]

Past aur present mai chala rahe ho
Rudra aur surya ek alag hi chal rahi hai jugal bandi bhaisaab
Ap kya likhte ho aap hi jano
Ek bache ko kya bana rahi hai ko kya bana rahi hai uski maa
Bhaut acha ja rahi hai story waiting for next

 

[Naik]

Update....No:1
***************


Year:1915
**********

Place Unknown
****************

hindustan ke bhayanak junglon ke beecho beech me basi ek basti...


us basti se kuch door jungle me kuch aage ek bachha neeche zameen par baitha hua ro raha tha.. bachhe ki jism par anginat chiyuntiyan reeng rahi thee, kuch chiyuntiyan us bachhe ko kaat bhi rahi thee, un chiyuntiyon ko dekhkar, un chiyuntiyon ke bachhe ko kaatne ki bina par bachha bohut dard bhari awaz me ro raha tha.. wo bacha idhar udhar dekhte hue ro raha tha.. apne hath pair chala tha tha..

kuch faasle par ek darakht ke peeche chhupi hui us bachhe ki maa apne bachhe ko dard me dekh kar khud bhi ghamzada thi... wo bhi andar hi andar ro rahi thi.. parr wo apne aansu apni ankhon me nahi aane dena chahti thi.. wo khud se ladte hue apne aansu bahne se roke hui thi..

kuch der aise hi apne bachhe ko pathreeli junglee zameen par rote bilakte hue wo dekhti rahi.. fir wo apne bachhe ke paas ja pohnchi. bachha apni maa ko dekh kar aur bhi zor se rone laga. maa bachhe ke paas baithi aur apne jigar ke tukde ke jism par maujud chiyontiyon ko ek ek karke alag karne lagi..

bachha apni maa ko dekhkar apne dard ko yaad karte hue aur bhi rone laga.. maa ke paas aate hi bachhe ki ankhon me aansu aa gaye the..

maa ke chehre par muskan thi, wo apne bete ko pachkarte hue ants ko apne bete ke sharir se alag kar rahi thi..

maa:- mera bera ro raha hai..(bachha rote hue, aansu bahate hue haan me sar hilane laga) itto saa to hai mera beta, dard to hoga hi naa. abhi to mere bete ne baithna shuru kiya hai, abhi to mere bete ne chalna bhi shru nahi kiya, kaise wo itna dard sehn kar sakta hai.... maa apne bete ko muskurate hue dekhne lagi..

kuch der me maa apne bachhe ko lekar basti ki or badh chali..

2 mahine baad

wahi bachha ek baar firse jungle me tha, aur is baar bhi wahi scene tha..bachha
usi jaga baitha hua tha aur bachhe ke jism par is baar bhi anginat chiyuntiyan ghoom fir rahi thee, bachhe ko kaat bhi rahi, jiske karan bachhe ka jism laal pad chuka tha... bachhe ko dard bhi ho raha tha, dard ke karan bachhe ki ankhon me aansu bhi aane lage the.. lekin is baar bachhe ke rone ki awaz nahi aa rahi thi..

maa is baar apne bachhe ke saamne hi baithi hui thi.. aur chiyuntiyon ko apne bete ke sharir par reengte hue, apne bete ko kaat'te hue dekh rahi thi.. maa ne apne bete ke gaal kar ek kass ke chanta maar dia.. bachha maa ko dekhne laga.. maa muskan deti hui apne bete ko dekhne lagi.."muskuraao" maa ne ek aur chanta maara apne bete ke naram naram gaal par aur usay muskurane ka kehne lagi.. bachhe ki ankhon me dard ke maare aansu a gaye.. maa ki ankhon me ghusse dekhte hue bache ki ankhon me aansu aa gaye..

2 mahine baad... fir se wahi scene..

maa ne is baar apne bete ko thappar nahi maare the, is baar wo apne bete ko junglee kantedaar tehni se peet rahi thi, jahan wo lakdee lagti wahan halka sa khun bhi nikalne lag jata...

maa:- muskuraao.......... maa ne is baar ghusse se aur cheekh kar kaha.. bachhe ke jism par ladkee ke kaaran kai jaga se khun risne laga tha.. bachha apne zakhmo se beniyaaz apni maa ki ankhon me dekh raha tha.. maa ne kaha muskuraao.. to bachha apni maa ki ankhon me dekhta hua muskurane laga.. maa apne bete ki ankhon me dekhti hui, kuch janchti hui, kuch dhund rahi thi.. maa ne ek aur chanta apne bete ke gaal par maara.. ankhon me dekhti hui boli "muskuraao" bacha dard se beniyaz maa ko dekhkar muskura raha tha..

maa ne jhat se apne bete ko apne gale se laga liya.. apne bete ke gaalon ko apne bete ke saare jism ko wo choomne lagi.. maa bohut khush thi..

kuch der maa apne bete par apna pyaar lutati rahi..

maa:- beta hamesha aise hi rehna, dard khud ke andar hota hai, khud ki soch me hota hai, us dard ko sehn karne ki shakti bhi khud me honi chahiye.. tum ek sher ke bete ho, aur sher ka beta sher hota hai mere bachhe.. aur tumhe sher nahi babbar sher banna hai..

babbbbbarrrrrrr sherrrrrrrrrrrrr.. meri baat tum samjh rahe ho na tumm rudra..

rudra:- han maa..... rudra abhi se hi sabb samjhne laga.. maa ne ek ek lamha rudra ki nigrani ki thi, ek ek lamha rudra ka khayal rakha tha, ek ek lamha rudra ko trainning se guzara tha..

maa:- ruda teri maa yahan junglon ki rehne wali nahi hai... aur tu bhi hamesha yahi par rehne wala nahi hai.. tujhe main tere baap se bhi badhkar ek sherdil insan banaogi beta.... aur tujhe mera ek kaam bhi karna hai. bohut kuch saha hai maine, bohut kuch khoya hai maine... jo kuch khoya hai maine wo firse paane ki chaah ab bhi hai mujhe..

mere bata mujhe mera haq dilayega. mere adhure chaah pure karega mera beta... tu aisa karega naa rudra..


rudra:- haan maa mai karunga..

**********************************************************************************

Year:1936
**********

main puri tarha se hosh me nahi aaya tha.. mujhe apne aas paas kai awazen sunaai de rahi thee...


"hima tere arjun ko hosh aa raha"...... "leela bhagwan ne ter jamai ko firse lauta dia hai"....... "dekho dekho wo hosh me aa raha hai" .... "sab side me hatt jao"

mukhtlif awazen thi, jo mujhe neem behoshi me sunaai de rahi thee.. kuch der me main puri tarha se hosh me aa gaya tha.. sab mujhe dehkne lage.. aur mai sabko..

mere saamne mela laga hua tha.. mitti kar bana hua bada sa kamra tha.. main sabko dekh kar idhar udhar dekhne laga.. mai kisi ko bhi pehchan nahi paa raha tha.. par sabki ankhon me khushi thi mujhe dekhkar..

main uthkar baithne laga to 4 hathon me mujhe thaam liya.. ek boodhi aurat boli..

wo:- arjun beta lete raho.. abhi tumhare zakham theek nahi han.. us boodhi aurat ke bolne par mujhe apne sarr me dard ka ehsas hone laga, aisa lag raha tha, jaise mera sarr hi phatt jayega. parr ek baat badi herankun bhi thi mere liye.. jitna mujhe dard ho raha tha, utni hi sehn shakti bhi main khud me paa raha tha.. boodhi aurat ki baat ko nazar andaz karte hue main uth kar baith gaya.. mujhe jin 4 hathon ne thama tha.

wo 4 hathon me se 2 hath meri hi umar ki ek ladki ke the, aur do hath usi ladki se milti julti ek kamsin ladki ke the, jo abhi abhi jawan hui dikh rahi thi.. sab ki sab choli ghagra pehne hue thee.. sabki sab kisi gaon ki lag rahi thee..jaisa hal kamre ka tha, ye zarur koi gaon hi tha..


ek aur aurat boli;- hima betiya apne pati ki ab achhe se seva karna, firse na ise gumm kar baithna..

hima:- ji mata ji ab mai koi galti nahi karungi.. ek bar apne arjun ko kho chuki hon, firse nahi khone dungi..

main dono ki baten sunkar heran reh gaya, ye ladki hima meri patni hai, par mujhe kyun nahi yaad aa raha tha. mujhe to ye bhi yaad nahi aa raha tha, k main ho kaun.

sab fir kuch na kuch bolne lageee.. koi mard ghar me nahi tha.. sari hi aurten thee, ladki sirf hima ki behen hi thi..

mere sarr par zakhm the warna to sabb mere sarr ko choom choom kar mere sarr ke baal hi uda kar rakh deti..

aise hi khushi sabke chehron parse phoot rahi thi.. adhe ghante baad ek ek karke sab jaane lageee.. to mujhe kuch rahat si mehsus hui.. warna to sabb ki minmanahat se mian tang aa gaya tha..

kamre me boodhi aurat dono ladkiyan aur do 40-45 age ki aurten hi reh gaee.. abb mujhe kamre ka haal sahi se dikh raha tha.. kamra kachhi mitti ka bana hua tha. lakdee ke darwaze se bahar ka manzar bhi abb mujhe sahi se dikh raha tha.. saamne ek bada sehan tha.... pura ghar 1 canal ke area par phela hua lag raha tha.. ghar ke bahar ki deewar bhi kachhi mitti ki bani hui thi, aur oonchaai bhi zayada nahi thi, bahar chalte firte gaon ke log bhi dikh rahe the. din ke 2-3 baje ka time tha shayad....


main ek palang par baitha hua tha.. dono ladkiyan bhi palang par baithi hui mere pair daba rahi thee.. maine unhe mana bhi kiya tha, par wo dono nahi ruki thee.. dono bade chaao se mere pair daba rahi thee.. boodhi aurat aur dono badi umar ki aurten ek khatiya ko ghaseet kar palang ke paas laayen..

ek aurat:- abb kaise ho arjun beta.

arjun:- aap sab kaun han, mujhe kuch bhi samjh nahi aa raha, ye ladki(hima) meri patni kab bani, aur main hon kaha ka rehne wala, mujhe kuch bhi yaad kyun nahi aa raha, mere sath hua kya tha...

sab meri baat kr heran hui.. pehle aurton ki waja se mai bola nahi tha... sab meri halat ke chalte se mujhse kuch pooch nahi paai thee.. mere jism par aur sarr par kai zakham bhi the..

dono aurten aur boodhi aurat hima ko dekhne lagee.. hima bhi mujhe dekhne lagi.. aur achanak se hi uski ankhon me aansu aane lage.. hima ki behn najaane kya naam tha uska. wo bhi aansu bahane lagiiiiiiiiiii...




fir hima aur uski behen apni jaangon ko peet;te hue dahaden maar maar rone lageen. main aur baki sab dono ko dekh kar heran reh gaye..

2nd aurat:- hima beti tum aise ro kyun rahi ho. aur arjun beta aisi baaten kyun kar raha hai..

hima zaro katar rote hue, "maa mera arjun khud ko bhul chuka hai maa, maa mera arjun ab mujhe bhi nahi pehchanega"

matlab mai apni yaad dashat kho chuka tha... boodhi aurat uthi aur mere pas baith kar mere kandhe par hath ferne lagi..

boodhi:- sukhi ja lakhan ko bula kar laa, ved ji ko bhi firse bula kar laane ko bhi bol dena.. bhagwan jaane abb ye nayi kaunsi museebat hum par toot padi hai..

boodhi aurat bhi rone lagi. hima aur uski behen bhi ro rahi thee.. ek bachi aurat sabko baar baar dekhne lagi thi.. wo hima ko bade ghaor se dekh rahi thi.. hima ne bhi ye notice kar liya tha.. lekin wo us aurat ko dekh kr bhi andekha kar rahi thi..

2nd aurat hima ko janchti nazron se dekhne lagi thi.. aur hima ke chehre ka rang kuch baladle laga tha.. lekin wo aurat kuch boli nahi thi.. hima aur uski behen ne rona band nahi kiya...


shaam tak ka samay beet gaya tha, ved kya tha ek sanyasi tha, jogi type to dawa daaro karna janta tha.. wo aa kar mere jism par aur sarr pr jaane kya kuch lagata raha tha.. ghar ke mard bhi sab aa gaye the aur mujhse mera hal chal pooch rahe the.. saale mujse aise baat kar rahe the.. jaise main koi chor hon... ajeeb tha is ghar ka mahol bhi.. boodhi aurat, ek aurat aur dono ladkiyon ko chhod kar koi bhi mujhse seedhe mohn baat hi nahi kar raha tha..

bas rasmi si baaten aur fir anpe aap me magan...

khana khane k baad sone ka samay hua to hima mere sath mere hi palang par aa leti, andar aate hue usne darwaza band kar dia tha.. diye ki halki halki light me wo mujhe dekh rahi thi.. uski ankhon me din wali chahat mujhe kahi nahi dikhi.. ik begana sa ehsas mujhe uski ankhon se dikh raha tha..




ye ek aur heran kar dene wali baat thi.. main use dekhne laga to

hima:- kya dekh rahe ho arjun. yahi na main to tumhari patni hon to fir tumhe aisi nazron se kyun dekh rahi hon..

arjun:- haan yahi baat hai..

hima:- arjun tum mere pati nahi ho, aur na hi tum arjun ho, arjun to mera pati tha, dhokebaz nikla aur fir mujhe chhod kar kahi bhaag gaya.. arjun ki surat tumse milti ha, tum nadi me beh rahe the, to mere bhaiyon ne tumhe nadi se nikala aur fir tumhe arjun jaan kar yahan le aaye..

arjun:- achha kiya jo tumne mujhe bata dia.. mujhe bhi kuch ajeeb lag raha tha.. par samjh kuch nahi aa raha tha.. tabhi tumahre bhai mujhe vaisi nazron se ghoor rahe the...

hima;- mere bhai bohut ghusse wale han, wo to arjun se meri shadi bhi nahi karwana chahte the.. par maa aur dadi ne meri shadi arjun se karwa di thi... arjun bhaga to bhaiyon ne bohut bada hungama khada kar dia tha.. tab se lekar aaj tak wo arjun se nafrat karte han..

arjun:- jab sabko pata chalega k main arjun nahi hon.. is samay hum ek hi kamre me han to usau sochte hue baad me koi badi gadbad na ho jaaye..

hima:- tum chaho to yahan arjun bankar reh sakte ho, hum door ke kisi mandir me chal ke shadi bhi kar lenge........ hima ki nazron me chahat nahi thi,. wo aam se face se sath mujse baat kr rahi thi, akele kamre me ek paraye mard ke sath rehte hue bhi wo darr nahi rahi thi..

mujhe kisi pagal kutte ne kaata tha, jo main uski baat maan leta.. main khud ko bhula hua tha.. nahi janta tha k main kuan ho, hamesha hi to nahi main bhula hua reh sakta tha.. kabhi to mujhe apna guzra samay sab yaad aata.. for pata chatla k meri bhi ek family hai, kya pata k meri bhi ek patni pehle se ho..


arjun:- nahi main tumse shadi nahi kar sakta.. aur na hi main yahan reh sakta hon..

hima:- jaise tumhari marzi.. fir wo karwat badal kr so gai........


main bhi uski back ko dekhta hua ankhen bad chuka tha..


agle din mere zakhm bohut behter the.. dard ko sehne ki shakti to mujhme bohut thi, jaane kahan se aai thi itni shakti mujhse.. mujhe ek normal insan ke jaisi behaive kar raha tha.. mujhe aise dekh ke sab heran bhi the...

do din aise hi guzar gaye.. mere liye wahan rehna zaruri nai tha. to main kisi ko bhi bataye bina wahan se khisak liya..

mujhe hima ka bhi ehsas tha, uski behen bhi sab janti thi k main uska jija nahi hon, par usne bhi kisi ko kuch nahi bataya tha.. abb main chupke se firse khisak jaonga to sabb yahi samjhenge k arjun ek baar firse nikal liya.. pehle bhi to wo hima ko chhod kar bhaag chuka tha..

meri apni life thi kahan main sabke baare me sochta firon.... isi liye mere zakhm theek hue to main unhi kapdon me wahan se kisi ko kuch bhi bataye bina nikal liya tha...

wo gaon kya tha ek door daraz ki basti thi.. 50 ghar the wahan.. sab ke sab kachhe the.. choli ghagra ladkiyon aur aurton ka pehnawa tha.. mard saare hi dhti kurte me the............



basti ke bahar sab verana hi verana tha.. door bohut door mujhe pahadon ka ek silsila nazar aa raha tha.. un pahadon se pehle jungle tha... us jungle se pehle koi basti thi ya nahi, ye main nahi jaanta tha..

chal dia mai ek nayi manzil ki talash me.. khud ko bhula hua tha... jaane kab main khud ko dhund paaonga.. jaane kab meri memory mujhe wapis milegi.. jaane mere peeche kitne mujhe yaad karne wale the..


tez tez qadmon se chalta hua main jungle ki or badhne laga..


************************************************************************************

Year:1916
**********


maa apne bachhe ke sath ek ek pal usi trainning dete hue guzar rahi thi.. basti ke log use dekh kar heran bhi hote the.. aur khush bhi the.. us maa ki lagan ko dekh kar sab ko uspar garv hota tha.. koi bhi maa itni mehnat kabhi apne bachhe par nahi karti, jitni ye kar rahi thi..

basti ke kinare par bana hua lakdee ka ek bada jhonpda jisme wo maa apne bachhe aur ek boodhe baba ke sath rehti thi..

is samay bhi wo maa apne bete ke sath jonpde ke bahar maujud thi.. aur uska beta rudra jhonpde ke bahar rakhe hue chote chote pathron par uchhal raha tha.. aur maa use sath sath bata bhi rahi thi.. rudra girta to maa rudra ko utha kar gale se laga kar choomti nahi thi..

maa:- utho mere sher bete, mard ko dard nahi hota, aur wo khud ke pairon par khada hone ke liye kisi ka mohtaj bhi nahi hota.. shabash utho aur fir se koodo un parthron par.. rudra ab dusre saal me dakhil ho gaya tha. rudra ke chehre mar masoomiyat khatam ho chuki thi..... jab uski maa bolti to wo badi gehri nazron se apni maa ko dekha karta..

aise hi maa rudra ki trainning kar rahi thi.. jaise jaise rudra bada ho raha tha, maa ke chehre ke bhav bhi badalte jaa rahe the, pehle rudra sab nahi samjhta tha, to wo khud ko badal kar rudra ke saamne aaya karti thi, abb rudra apni maa ki baaten apni maa ke chehre ke bhav samjhne laga tha, to maa bhi apne asli rang me wapis lautne lagi thi..

baba bhi kuch faasle par ek bade patthar par baitha hua rudra aur maa ko dekh raha tha..

baba:- radhika bittiya abb to tera rudra sab achhe se seekhne lag gaya hai..

radhika: abhi kahan hemant baba, abhi to shuruaat hai.. aur seekh to iske khun me hai baba, sher baap ka beta hai to uske jaisa hi banega.. parrr main ise iske baap se bhi badkar banana chahti hon... agar rudra apne baap se bhi badhkar na bana to mera maqsad mujhe sahil nahi hoga baba..

rudra bhi ek patthar par ruk kar apni maa ki baat sunne laga, apni maa ke chehre ki sakhti ko dekhne laga.. rudra itni si age me hi apni ke sare rang samjhne laga..

rudra wahi se bola

rudra;- maaaaaaaaaa... aapka rudra banega apne baap se bhi badhkar banega.. warna mera sarr kaise aapke saamne utha reh sakta hai maa..

baba:- bohut achhe rudra bete.. aise hi lagan se sab seekhte raho aur apni maa ko wo sukh de do.. jiske liye wo tadap rahi hai.. abhi to jane kitne saal aur beetenge..

maa:- samay jitna bhi beet jaaye baba, mujhe koi parwa nahi hai... main intezar karungi tab tak jabtak mera rudra ek babbar sher nahi bann jaata.. aur mujhe vishwas hai baba mera rudra wo zarur banega jo main chah rahi hon... inta bol kar radhika asman ki aur dekhne lagi... aur khamosh zuban se hi uparwale se baaten karne lagi..
kuch to uske mann me, koi to dard tha uske dil me.. koi to tha maqsad uske jeene ka..
koi to waja hogi jo wo apne nanhe munne bete ko doodh peene ki umar me hi sabb sikha rahi thi.. use dard dekar dard sehne ki shakti de rahi thi..


************************************************************************************



Year:1936
**********


jab mai basti se nikla tha to din ke 9 baje ka samay tha.. abb mujhe chalte hue 4 ghante beet chuke the.. aur main jungle ke bohut aage tak ponch chuka tha.. kai chhote mote junglee jaanwar mujhe dikhe the.. lekin koi bhi khatarnaak nahi tha..

jungle me rehte hue mujhe bhuk piyas ki koi chinta nahi hui thi.. jane kaise mujhe khud se hi ehsaas hone laga tha, kuch jungle belon aur podon ko dekh kar mujhe laga k meri zarurat ye junglee belen aur pode puri kar sakte han.. jab mere mann me ye vichar aaye the to main andar hi andar bohut heran bhi hua tha.. par fir khud ki herangi ko bhul kar main apni bhuk aur piyas mita li thi..


jungle me mujhe dusra ghanta beet raha tha.. aur mai mast maula bankar jungle me aage aur aage badh raha tha.. mujhe koi darr nahi tha... mujhe is jungle ko cross karke aage jaana tha, aur dekhna tha k aage mujhe koi shehar ya koi abadi wala ilaka dikhta hai ya nahi.....


jungle me hi maine ek mazbut lakdee bhi utha li thi.. kisi darinde se bhi mera saamna ho sakta tha.. usi dande ko thame me tez qadmon se jungle ke beech me se guzar raha tha..

jungle ke oonche neeche se guzarte hue mujhe kai janwar dikhe.. darindo se abhi mera saamna nahi hua tha..


parr fir adhe ghante baad mujhe darinde to nahi mile parr junglee kutton ka ek jhund mujhe mil hi gaya.. wo bhi mujhe dekh chuke the..




unhe bhi shayad kai dino baad ek insan ka gosht khane ko milne wala tha.. wo bhi khush ho gaye aur mujhe chamakti ankhon se dekh kar bhunkne lage.. unke bhunkne ki awaz bohut thii, aas paas agar koi chota mota janwar chhupa hua bhi tha to wo dumm daba kar bhag khada hua..

kutte tadaad me 9 the, wo sab mujhe dekh bhonkte hue meri or badhne lage.. dande par meri pakad mazbut ho gai.









meri ankhon ki chamak bhi in kutton ko dekh kar badh gai thi.. mujhe kutton ko dekh kar bhi darr nahi laga..

jaane kyun mere honto par ek khuni muskan si aa gai... main bhi betabi se kutton ka khud ke paas hone ka intezar karne laga.. shayad kabhi mera in hi jaise kuton se kabhi takra ho chuka tha.. main khud se hi postion me bhi aa gaya tha.. main khud par hairat karna chhod kar kutte se ladne k liye tayyar ho gaya...

kutte junglee the, khunkhaar the, pal bhar me hi mere paas pohnch gaye..





sab ke sab paas pohnchte hi jump laga kar mujhpar hamla bhi kar chuke the... right side me main jumo karta hua jutton se bacha aur last me jo kutta tha.. mera hath me main mazbut jungle ki lakdee ka bana hua danda uske sarr par pada.. wo cheekhne ke kaabil bhi nahi raha tha.. uska pura sart khul chuka tha.. aru khule sarr ke sath wo jungle ki sarr sabaz zameen ko rangeen karne laga..

baaki ke kutte apne sathi ko mara dekh kar ruk gaye.. lekin apni bhuk aur man pasand shikar ko wo kaise chhod dete.. sab firse mujhpar jhapat pade...

khud ko kutton se bachate hue main kabhi idhar to kabhi udhar jump kar raha tha.. har baar mere hath me maujud danda ek kutte ke sarr ko khol kar use jungle life se mukt kar raha tha..




adhe kutte mare to wo bhi jaan gaye k unke saamne bhi koi anari shikari nahi hai.. wo sab ek sath jama ho kar mujhe ghoorne laga.. mujhe dekhte to kabhi apne mare sathiyon ko.... unki ankhon me darr nahi tha. sab mujhe khunkhar nazron se ghoor rahe the..

aur main

main bhi shayad inke jaisa hi darinda tha.. meri ankhon se bhi aag nikal rahi thi.. main bhi kutton ko ghoorne laga.. wo junglee the, kisi ko apne saamne theherne ki ijazat nahi de sakte the..


fir kya tha saale planning karte hue alag alag hokar mujhpra jhapak pade.. wo nahi jaante the.. k main un sabb se bhi badh kar khunkhaar darinda hon.........

kuch der me wo bhi apne sathiyon ke paas pade hue the.. mera ek ek waar bohut hi perfect pada tha sabke saron parr... jaane mujhme inti taqat kahan se aa gai thi.. har ek kutte ka sarr aise khul raha tha.. jaise unhe patthar se kuchal dia gaya ho.

kuch der mare pade kutton ko dekhne ke baad main firse apni manzil ki or badhne laga.. danda mere hath me tha.. bohtu mazbut lakdee ka bana hua tha... bada sath dia tha is dande ne mera.. warna junglee kutton se bina kisi hathiyar se ladna asaan kaam nahi tha..

dande ko ghoorte hue mujhke baare me sochte hue main aage badhne laga..




main kaun tha, aisa kya hua tha jo main khud ko bhul baitha tha.. kaun kaun tha meri family me aur meri family thi kahan..


aisi hi sochon me dooba mai jungle me aage aur aage badhta chala gaya.. jitna bada jungle tha.. shayad raat meri jungle me rehte hue hi beetne wali thi......

Zaberdast shuruwat bhai
Bahot behtareen shaandaar

 

[asadjee]

Update....No:2
***************



year:1916
**********


ek baar firse rudra uski maa aur baba jhonpde ke saamne maujud the.. aur is baar rudra firse patthron par kood raha tha.. parr is baar patthron ke beech ka faasla kuch badha hua tha..


patthron par koodte hue rudra ko teen mahine ho gaye the.. ye koi khaas trainning nahi thi.. ek to rudra ko shuru se trainning ki adat lagai ja rahi thi. dusra uske sharir bhi banana maqsad tha..


is age me bachhe bhagte koodte hi rehte han. par radhika apne bachhe ko kuch nahi bohut khaas banana chahti thi..

roz roz ki practice ne rudra ko sakht jaan banana shuru kar dia tha.. paas me jungle tha.. basto wale bhi sab junglee the.. rudra ko khane k liye shuru se hi junglee phal diye jaane lage the. maa ka doodh to wo pi hi raha tha abhi takk parr uski khurak apni age ke bachho se badli hui thi.. rudra ko 7-10 saal ke bachhon jaisi khurak di jaa rahi thi..

rudra me chusti, furti badhne lagi thi. thakan bhi uski itni si umar me bohut kamm reh gai thi... jitni uski trainning ho rahi thi.. usi hisab se rudra zayada nahi thakta tha..

rudra apni trainning me busy tha.. kuch door radhika aur hemant baba baithe hue rudra ko dekh rahe the..

radhika:- baba aap to sabb jaante han naa, main apne rudra ko kaisa banana chahti hon.

baba:- haan beti sab jaanta hon. tu chinta matt kar hamara rudra wahi banega, jo tum use bane dekhna chahti ho..

radhika:- baba ye jungle hai.. aage chal ke mera rudra ek sher banega.. aur ek sher junglon ka raja bhi hota hai.. to junglon me rehne wale darinde ya koi zehreela janwar bhi mere rudra ke saamne kabhi tik na paaye. aisa hi main apne rudra ko dekhna chahti hon baba.

baba:- beti sab ho jaayega, abhi to rudra ko bohut samay lagne wala hai. dheere dheere karke rudra sabb seekh jayega..

radhika:- baba rudra sab seekh jaayega.. wo main bhi jaanti hon.. parr main chahti ho k mere bete rudra ko abhi se aisa baanna shuru kar dia jaaye, k koi bhi zeher uspar asar na kare.. aapne bataya tha k hamari basti me rehte ye sabb bhi ho sakta hai..

radhika baba ko dekhte hue boli.... radhika ki baat sunkar baba muskura diye..

baba:- radhika beti tu maa hai naa, apne bete ki chinta bhi tujhe satayegi, uske aane wale samay ko soch ke bhi tu chintit rahegi.. ye to hota hi hai radhika beti.. tera ek hi to sahara hai.. tere jigar ka tukda ha.. main agar na bhi raha to basti wale rudra ko aisa bana denge, jaisa tu chahti hai.... tu janti hi to hai, basti wale bhi sab tujhpr jaan chhidakte han.. tu sab ki izzat karti ha, sab tujhe apna maante han.. bass kuch din aur fir rudra ko ki khurak ko badal dia jaayega.. fir ek saal baad rudra ko zeher se aisa kuch dia jayega, jiske chalte kabhi bhi koi zeher rudra par asar nahi karega.. pehle uske andar ko mazbut banana hai.. fir uske andar ke nizam ko zeher se ladne layak banana hai.. sab ek hi baar me to nahi ho sakta meri bachhi...

zeher hai koi dawai to hai nahi, jo ek hi baar khaoge to zeher se bach bhi jaaoge.. zeher se bachhne k liye bhi rudra ko zeher hi khana padega.. parr uska andaz badla hua hoga.. uske sath kuch mila hua hoga..

radhika baba ko dekhne lagi.. radhika ki ankhon ki chamak badh gai thi.. radhika is dunya ke saare rang samjhti thi.. parr khud se kuch jaanti nahi thi.. isi liye wo baba se baar baar aise sawal kar dia karti thi... aur baba har baar radhika ko bade pyar se sab samjha dia karta tha..

radhika dil ki mazbut thi. jigar wali thi.. parr ek maa ka dil apne bachhe ke liye aise hi hua karta hai.. wo apne bachhe ko babbar sher bana dekhna chahti thi.. parr wo kisi ko trainning dene layak nahi thi.. ek maa hokar wo khud ko andar se mazbut bana kar khud ke mann me chal rahe ideas ke chalte apne bachhe ko trainning de rahi thi... radhika ladna bhi nahi jaanti thi.. radhika ek aam si aurat thi.. parr uske andar jal rahi aag ne use badal kar rakh dia tha.........




year:1917
**********

rudra apni maa aur basti ki ek aurat ek sath jungle me maujud tha.. us aurat ke paas ek aisi cheez thi agar rudra ya kisi aur ko koi zhereeli cheez kaat le to wo us cheez se zeher ke asar ko khatam kar sakti thi..

rudra ko kuch dino se saanp ko kaabu me karne ki trainning di jaa rahi thi.. is samay bhi ek kamm zeher wale saamp ko rudra pakadne ki koshish kar raha tha. pr saanp baar baar apna phhun utha kar rudra ko dasne ki koshish kar raha tha.. rudra itna chalak ho chuka tha. k saanp ke phunn ko apni or badhta dekh kar foran hi apna hath peeche hata leta tha..

radhika aur aurat kuch faasle par khadi hui rudra ko dekh rahi thee.. dono khamoshi se rudra ko dekh rahi thi..


rudra saanp ko uske phun ke neeche se pakadne ki koshish me laga hua tha.. lekin saanp bhi rudra ko koi moka nahi de raha tha.. jaise hi rudra ka hath aage badhta sanp palti kha kar apna sarr utha kar apne mohn se awaz nikal kar rudra ko lalkar raha tha...


rudra ki nazar saano ki ankhon se hat hi nahi rahi thiii.. rudra kabhi saanp ke upar se jump karke dusri side ko jata to kabhi kabhi dono ghutno par hokar saanp ke gird ghoomne lagta.. baar baar wo apna right hand utha kar saanp ki intension ko todne ki koshish karta.. parr saanp bhi rudra ki ankhon me aankhen daale rudra ko tigni ka naach nacha raha tha.. dono me se koi bhi haar maanne ko tayyar nahi tha.. parr insan se badhkar bhi koi ho sakta hai kya...

rudra ki ankhon ki chamak saanp ki ankhon ki chamak se kam nahi thi.. saanp agar zehreela tha to darr rudra me bhi nahi tha.. saanp se badhkar sehn shakti thi rudra me..

kai minton tak ye khel chala fir rudra ne saanp ke upar se uchalne ki koshish ki.. saanp baar baar rudra ko uchhalta hua dekh raha tha.. parr is baar rudra ne chalaki se kaam liya.. puri tarha se uchhalne se pehle hi rudra wapis ho liya aur bijli ki si tezi se hath ko badha kar saanp ko pakad liya.....


radhika aur aurat dono khush ho gaai.. rudra ne saanp ko pakde hue hi apni maa ko dekha.. radhika ki ankhon me chamak badh gai.. rudra bohut achhe se apni maa ke chehre ke saare rang samjh gaya tha..

rudra:- agli baar itni der nahi lagegi maa.. abhi chhota hon naa.

aurat muskurane lagi.. parr radhika nahi muskurai.. rudra ne saanp ko ek side me uchhal dia.... aur apni maa ke paas ja pohncha..

rudra apni maa ki ankhon me dekhne laga..

radhika:- main sab samjhti hon rudra.. aur mujhe tujhse koi gila bhi nahi hai.. parr roz roz ek hi kaam kiya jaaye to deri achhi nahi hoti.. wo saanp hai, khatarnaak hai.
tujhe koi bhi khatra nahi hai kisi saanp se ya kisi aur zehreele jeev se... jitni der us saanp ne teri ankhon me dekha hai.. wo time bohut zayada tha rudra.. is time ko kamm karne ki koshish karo..

rudra:- theek hai maa. agli baar aisa nahi hoga..


************************************************************************************



main jungle me aage badhta ja raha tha.. aur main khud ko leke soch raha tha.. fir ane sarr ko jhatak kar main speed se aage badhne laga..

sarr utha kar uapr fir saamne dekha to abhi jungle bohut phela hua tha.. mujhe shaam se pehle pahaodn tak pohnch jana chahiye tha... abb bhaagne k siwa koi chara nahi tha.... dande ko hath me thaame fir maine bhagna shuru kar dia..

chhote bade patthron ke uapr se jump karta hua main speed se bhaagne laga.. hosh me aane k baad main pehli baar bhaag raha tha.. bhaagne me khud ki speed dekh kar mai firse hairat me pad gaya tha.. kya kuch tha mujhme.. kya kya khasusiyaat thee mujhme.


ye sab sochna chhod kar mai apni aur bhi speed se bhaagne laga.. abb main khud ko test bhi karna chah raha tha.. isliye jitna ho sakta tha, main tez bhaag raha tha..

agle aadhe ghante me main jungle ke us area se bahar tha.. kuch faasle par mujhe pahaad nazar aa rahe the.. pahaaad bhi jungle ped podon se bhade hue the.. maine ek ajeeb raasta muntkhib kar liya tha.. dil me aaya to main is tarf nikal khada hua tha.

agar basti me kisi se pooch leta to achha hota.. khair abb jo bhi ho..

abb to main nikal pada tha.. peeche mud ke dekhna .. shayad meri adat nahi thi.. darr tha nahi.. khatra agar hota to khatre ko khatam karne ki himmat bhi thi mujhme..

shaam hone me 2 ghante ka samay tha..

peche mud kar dekha to jungle bohut ghana gehra dikh raha tha.. shayad main is taraf akela aane wala pehle insan tha.. warna to mujhe kahi bhi insani kadmon ke nishan nahi dikhe the..

mian firse aage badhne laga.. pahad mujhe pass me hi dikh rahe the.. par ye jungle tha, aur pahaad bade bade the.. yahan se aisa hi lag raha tha, jaise kareeb hon, apr itne bhi wo kareb nahi the..... main firse pahadon ki or badhne laga..

yahan junglee ped pode kuch kam the.. pekin the zarur... kahi kahi koi patthreeli zameen bhi dikh jaati thi..

5 mint baad hi mujhe ehsas ho gaya k jungle ka asli aur bhayanak area to abb shuru hua hai.. mujhe sher ke dahadne ki awaz sunaai di thi... sher ki dahad ko nazar andaz karte hue, dande par apni pakad mazbut banate hue main aag badhne laga..

mazeeed 5 mint guzre to meri andar ki koi hiss bedar ho gai.. mai jaan gaya k sher ya fir koi aur darinda mere aas paas hi maujud hai.. aur ghaat lagaye hue hai..


main bhi puri tarha se chokas ho kar aage badhne laga, main dekh saamne hi raha tha. par meri nazar charon tarf thi.. mujhe apne peeche bhi har ek cheez ka ehsaas ho raha tha.. mera kaan darinde ke pair ke neeche aane wale patton ki sarsarahat par lage hue the.. main jaan gaya k darinda mere right side me hai..

main firse aage badhne laga.. darinde bhi khud ko chalak samjhte hue, apne hisab se mujhe dhoka dete hue chupke se meri or badhne laga..

fir kuch hi der me wo darinda paas aaya to main uske jism ki smell se jaan gaya k wo ek sher hai.. main ruka nahi tha main ab speed se aage badhne laga.. sher se aur intezar nahi.. aur

achanak se hi wo mujhpar jhapat pada..




foran hi main jhuk kar side me ho gaya.. sher ne mujhpar jump karte hue apne dono panje, jinke bade bade nakhun the, mujhpar hamla karne ki koshish ki..

parr sher ka shayad kabhi mujh jaise pala nahi pada tha.. sher neeche junglee zameen par ponchnta.. usse pehle hi ek danda uski kamar par nishan chhod gaya..

sher jo khamoshi se mujhpar hamla karne ja raha tha.. ab usne dahadna shuru kar dia tha... darindgi se bharpur ankhen liye wo mujhe ghoorne laga.. shayad wo bhi mujhe judge kar gaya tha..

dusra hamla usne mujhpar foran nahi kiya.. apne pairon par wo idhar udhar hone laga.




parr uski nazren mujhpar se nahi hati thee.. aur main

main bhi dande ko hath me mazbuti se hath me pakde uski ankhon me dekhne laga.. jaise jaise main uski ankhon me dekh raha tha.. meri ankhon ki sakhti aur sher ko takni badhne lagi... sher mujhe khud ko ghoorte dekh kar aur bhi zor se dahadne laga....

sher fir se mujhpar jhapat pada.. shayad wo bhuka tha. jaldi hi mujhe khatam karke apna pet bhar lena chahta tha.... lekin furti me main bhi sher se kamm nahi tha.. wo mujhpar jhapta to mai firse uski had se aur uske panjo ki had se nikal gaya..

is baar sher ka ghusse aur dahad badh gai thi...






sher jungle ka raja tha.. parr wo kaun uske saamne tik sakta tha..isi baat ke chalte uska ghussa apni seema laang raha tha.. ek aam sa insaan uske saamne datt kar khada tha..

parr sher shayad ye nahi jaanta tha, k insan to sheron ko bhi apna paltu bana leta hai... insan se badh kar bhi koi ho sakta hai kya.. kaun is sher ko samjhaaye..

sher maare ghusse ke dahadte hue tezi se idhar udhar hone laga.. use samjh nahi aa rahi thi k wo mujhpar kaabu kaise paaye.. kaise wo mujhe apne panjo ki, apne jabdon ki jakad me le...

firse usne ek koshish ki, is baar bhi use nakami hui.. abb mujhe bhi is sher se khelne me maza aane laga tha.... main bhi ab puri farm me tha.. danda hath me thame main bhi thoda sa jhuk kar apne pairon ko harkat deta hua sher ko challenge karne laga... mere honto par muskan aai to sher ki dahad se pura jungle hi goonj utha..

sher isnan ki muskan ko bohut achhe se pehnchanta hai..wo samjh gaya k main uska mazaq uda raha hon.. sher fir mere charon aur speed se chakkar lagane laga.. saala bohut zaheen tha.. mujhe chakkar dene ki koshish kar raha tha..

har chakkar ke sath wo mere kareeb aur kareeb hota ja raha tha... wo bass mujhpar jhapatne hi wala tha k maine khel ko khatam karne ka soch liya... mujhe laga k main isse khel kar time barbad kar raha hon....

sher bohut speed me tha.. charon or ghoom raha tha.. is baar wo puri shiddat se mujhpar hamla kar baitha.. khabees sher 10 feet ki doori se hi mujhpar jhapat pada tha.... apne hisab se wo mujhe bokhlaya hua samjh raha tha..jaise wo mere paas pohcha.. uske dono panje pure hi khule hue the, is baar wo mujhe apni pakad se nikalne nahi dena chahta tha...

lekin is baar main side nahi hua.. is baar main achanak se hi neeche let gaya... aur dande ko neeche se uske pet par de maara.. wo sambhalta usse pehle mera hath me maujud danda uske agle left pair par laga.. taqat to mujhme shayad sher jitni hi thi.

kadddakkk ki awaz hui..aur sher ek pair se bekar ho gaya... wo dahadne laga.. par abb mujhe uski koi parwa nahi thi.. wo baaki ke salamat teeno pairon par uth khada hua..




par ab usme wo furti nahi rahi thi.. jo usme pehle thi.....

maine dande ko firse upar kiya aur use maarne laga.. parr najaane kaha se mujhe sher ke bachhon ki awaz sunaai de gaii.. sher bhi usi disha me dekhne laga..main bhi dekhne laga.. sher ke do bachhe the.. sath me sherni bhi thi..

mujhe us sher par daya aa gai.. maine use aur maarne ka mann badal dia.. darinda tha. par tha to family wala....

sherni pehle dahadi thi.. par mere ruk jaane par wo bhi chup ho gai thi.. sher ke bache aur sherni sher ke paas aane lage.. main thoda side me ho gaya..


sher bhi sherni aur bacho ko paas aate dekhne laga. jald hi sherni aur bachhe sher ke paas pohnch gaye...

ye family milan tha..




darindgi kahi chhup gai thi.. sab milkar ek dusre ko chaatne lage..

kuch der me sherni ne mujhe dekha, uski ankhon me ghussa tha.. uske sher ko maine apahij jo bana dia tha.. sherni ki ankhon me dekhkar mujhe jaane kyun dard sa hone laga.. mujhse raha nahi gaya.. aur main sherni ki ankhon me dekhta hua danda side me phenk dia aur halke kadmon se sherni ki or badhne laga. meri ankhon ka rang to shayad nahi badla, parr abb meri sherni ko dekhne ka andaz badal gaya tha... sherni bhi mujhe dekh ghusse ki halat se nikalne lagi.. shayad use meri ankhon me khud ke liye prem dikh gaya tha..

sher aur bachhe bhi mujhe dekhne lage.. sher firse mujhe dekh ghusse me aane laga. to sherni ne dahad kar sher ko chup karwa dia.. shayad ye inki zuban thi..

main unke paas pohncha aur neeche baith kar sher ke pair ko apne hatho me tham liya.
is baar main sher ko dekh raha tha. sher bhi mujhe dekhne laga..




sher ki ankhon me jo ghussa tha. wo kamm hone laga.. prem to har jeev ki bhasha ha.... ankhon me prem dikhe to koi bhi jaan jata ha.. jaise pehle main sher ko challenging muskan de raha tha, tab sher ghusse me aa gaya tha, is baar bhi sher meri ankhon ki zuban samjh gaya tha......... prem ki bhi to apni ek zuban hoti hai...


sher ki ankhon se apni nazren hata kar main sher ke pair ko dekhne laga.. kaddak ki awaz hui thi.. parr haddi puri tarha se tootne se bachh gai thi..


sher ke pair ko dekhte hue main aas paas bh dekhne laga.. aas pass kai chhote mote
ped the... junglee belen thee.. jhadiyan thee.. mujhe andar se lagne laga k main in junglee ped podon ko kaam me laa kar sher ka ilaj kar sakta hon.. jaise maine apna pet bhara tha. vaisa hi scene kuch abb bhi banne laga tha...

fir mere mann me jo jo aane laga, mai wo wo karne laga...

agle 40 mint me sher ke pair par kai junglee jadi bootiyon ko aur belon ko main bandh chuka tha........ jaane kaise main ye sab samjhta tha..


sher ka ilaj mai kar chuka tha.. sher ke pair ko lakdee se bhi bandh sakta tha.. parr fir wo kholta kaise.. mai to yahan hota nahi... junglee belon se maine sher ke pair ko baandh dia..


sher, sherni aur bachhe abb mujhse khush the.. sher ke bachhe mujhse masti karne lage.......... kuch der me andhera hone wala tha.. main sher ke sarr par.. sherni ke sarr aur peeth kar hath ferne laga.. sher ke bachhon ko maine apni god me utha kar choom bhi liya tha...

fir main apna danda utha sabko ek nazar dekhta hua speed se pahadon ki or bhaagne laga... abb main nahi rukne wala tha.. andhera chhane wala tha..aur mujhe andhera hone se pehle koi mehfuz thikana dhundna tha..

 

[asadjee]

Past aur present mai chala rahe ho
Rudra aur surya ek alag hi chal rahi hai jugal bandi bhaisaab
Ap kya likhte ho aap hi jano
Ek bache ko kya bana rahi hai ko kya bana rahi hai uski maa
Bhaut acha ja rahi hai story waiting for next

thanks bhai..!!
past aur present se judi ye munfard aur dilchasp dastan bohut hi zabardast sabat hone wali hai bhai.... suspense bhi hoga bhai.. thrill bhi hoga.
rusra ke sath uski maa aisa sab kyun kar rahi hai.. kyun wo apne rudra ka bachpan hatt kar bana rahi hai..

 

[asadjee]

Zaberdast shuruwat bhai
Bahot behtareen shaandaar

Thank a lot Naik Bhai..!!

 

[Shahrukh]

Awesome update bhai keep posting