Update 5
1 week hone ke baad se sabhi ke normal classes start hone wale the. Issi 1 week ke bich mei select hue students ne apni apni kuch formalities ko complete kar liya jo unhe UA High ne karne ke liye kaha tha.
Specially Hero Suit ko lekar.
Agar koi student apne hero suit ko custom mei banwa leta hai toh usse UA High ko inform karna padta tha kyo ki UA High bhi apne students ko Hero suit provide karta tha.
Kyo ki Midoriya ke Kryptonian Ship par already kaafi sare suits the aur All Might ne us ship ko ab Midoriya ke custody mei de diya tha toh Midoriya ne apne naam ko Hero suit ke liye include nahi kiya.
Aaj Midoriya ka UA High mei 1st day tha.
Jaldi hi Midoriya apne class ke samne khada tha. Usse kuch time laga apne class ko dhudne ke liye. Midoriya ne jaise hi door ko open kiya waise hi usse andar se kisi do logo ke zor se baat karne ki aawaz sunayi di aur in dono ko Midoriya achhe se jaan gaya tha.
Boy 1- Tum apne pairo ko jaldi se niche rakho !
Bakugou-Huh ?
Boy 1-Aaj hamara 1st day hai aur tum already is academy ko disrespect kar rahe ho.
Bakugou-Tum mazak kar rahe ho right ? Kya tum apne old school mei kisi stick ke upar baitha karte the ya phir paida hi aise hue ho ?
Jo ladka Bakugou se baat kar raha tha vo aur koi nahi balki Iida Tenya tha.
Tenya-Okay ! Agar aisi baat hai toh ham start se start karte hai. Mein hu Iida Tenya. Mein Soumei Private Academy se aaya hua hu.
Bakugou-Toh tum Soumei se ho is liye khud ko mujh se better samajh rahe ho ? Mein tumhe kuch seconds mei hi hara sakta hu.
Tenya-Tum mujhe dhamka rahe ho ? Apne hi classmate ko ? Tum sure ho ke tumhara mind sahi jagah par hai ?
Midoriya-Ahh 1st day par hi yeh haal hai toh aage kya hoga.
Midoriya door se andar aata hai jise sabhi ne dekh liya tha.
Tabhi Tenya aage aa kar uske samne khada ho jata hai.
Tenya-Tum wahi exam wale ladke ho, right. Lekin mujhe tumhara naam yaad nahi hai.
Midoriya-Mera naam Izuku Midoriya hai par please mujhe Midoriya hi kehna.
"Ohh tumhara naam Midoriya hai. Cool !"
Yeh aawaz Midoriya ke piche se aayi thi.
Jab Midoriya ne palat kar dekha toh yeh wahi ladki thi jise vo bada sa bot apne niche crush karne wala tha.
Girl-Tumhe pata hai sabhi tumhe Superman kehte hai.
Midoriya-Superman ?
Girl-Well tumhare paas super strength hai, speed hai, durability hai saath hi tum fly bhi kar sakte ho. Plus tum ek ladke ho toh aise mei sabhi tumhe super powered man ya phir short mei Superman keh rahe hai.
Midoriya-Well yeh naam utna bhi bura nahi hai. Lekin please mujhe Midoriya kehna.
Girl-Alright.
Tenya-Ab mein apne introduction par aata hu. Mera naam hai Iida Tenya. Mein...
Midoriya-Iida mein ne soon liya hai sab.
Tenya-Ohh.
"Aur mera naam hai Ochaku Uraraka. Par mujhe sabhi Uraraka kehte hai."
Midoriya-So kya kisi ko pata hai aaj kya kya hone wala hai ?
Uraraka-Mein ne suna tha ke new students ke liye yaha par kuch orientations hai. Par isse upar mujhe kuch nahi pata hai. Mein toh abhi kaafi excited hu sabhi se milne ke liye.
"Agar tum yaha par new friends banane ke liye aayi ho toh abhi yaha se chali jaa sakti ho."
Yeh aawaz un 3 no ke piche se aayi thi.
Midoriya ne palat kar dekha toh waha par niche ek sleeping bag thi. Par tabhi us bag ke chain ko open kar ke usmei se ek person bahar aaya.
Man-Welcom to UA High Course.
Usne apne bag ko puri tarah se open kiya aur uske haato mei jo apple juice ka box tha usmei se juice pine lag gaya.
Man-Tum sabhi ko completely shut up hone ke liye 8 seconds lag gaye. Yeh sab bilkul bhi work nahi karega. Time precious hai is liye jo rational students hai vo is baat ko samajh sakte hai.
Jab sabhi students ne us person ko apne class ke andar dekha toh sabhi apne aap hi shant ho gaye aur apni apni seat par baith gaye.
Midoriya bhi aa kar apne seat par baith gaya tha.
Class ke andar har koi silent tha aur yahi soch raha tha ke yeh person hai koun aur yaha kyo aaya hai ?
Aizawa- Hello, Mein hu Shota Aizawa. Tum sabhi ka Homeroom Teacher. Yeh sab bohot hua ab sabhi apne gym suits pehen lo aur ground par aa kar mujh se milo.
Jaldi hi sabhi ne apne uniform ko gym suit mei change kar liya.
Kuch hi der mei sabhi Aizawa ke samne ground par khade the.
Tabhi sabhi ne ek saath kaha.
"Kya ? Quirk Assessment test ?"
Uraraka-Toh kya hame koi orientation nahi milne wala hai.
Aizawa-Agar future mei tumhe big leagues ko join karna hai toh tum apne time ko waste nahi kar sakte ho. Yaha UA mei ham kisi school traditions ko zyada follow nahi karte hai. Iska meaning hai mein apne class ko jaise chahe waise chala sakta hu. Tum sabhi ne apne life mei ab sirf standard tests ko hi follow kiya hai aur abhi sirf physical exam mei hi tumne apne quirks ko kuch limits tak use kiya. Ham sabhi is country mei sabhi heros ko equal level par rakhta hai na zyada koi powerful hai aur na hi kisi single person ko badi responsibilities dete hai. Yeh law Ministry of Education ki taraf se aaya hai. Bakugou tum entrance exam mei top listed person ho. Apne Junior High mei tumne ab tak koi bhi quirk na use kiye hue ball ko kitne distance tak throw kiya hai.
Bakugou-I think 67 meters tak.
Aizawa-Toh ab apne quirk ke saath usse throw karo.
Bakugou aage bane hue ek circle mei aa kar khada ho gaya jaha usse Aizawa ne khade hone ke liye kaha tha.
Aizawa-Chahe kuch bhi ho jaaye is circle mei hi rehna. Ab throw karo tum time waste kar rahe ho.
Bakugou-Okay !
Yeh keh kar Bakugou ne uske haato mei jo ball tha usse apne explosive quirk se throw kiya. Vo ball uske explosive quirk ke wajah se kaafi height par chali gayi aur phir kuch distance par jaa kar gir gayi.
Aizawa-Tum sabhi ko yeh achhe se pata rehna chahiye ke tumhari capabilities ki limits kya hai. Yeh sab se rational way hai figure karne ka ke Future Pro Hero banne se pehle tumhari kya potential hai.
Yeh keh kar Aizawa ne apne haato mei jo phone tha usse palat kar dikhaya.
Denki-Woah, 750 meters. Yeh koi joke nahi hai right ?
Mina-Yeh kaafi fun looking lag raha hai.
Hanta-Yahi toh mein kehna chahta tha. Ham apne quirks ko uske limit kar sake.
Aizawa-Toh tum sabhi ko yeh fun looking lag raha hai, huh ? Tumhare paas next 3 years hai hero banne ke liye. Tum sabhi ko yeh kisi game ki tarah lag raha hai ? Idiots. Aaj tum sabhi ko 8 physical tests dene honge taki tumhare potential ko ham gauge kar sake. Jo bhi last mei aayega usse expelled kiya jayega. Jaisa ke mein ne kaha tha ke mein jaise chahe apne class ko chala sakta hu. Understand ? Agar tumhe abhi bhi koi problem hai toh tum abhi se hi yaha se jaa sakte ho.
Uraraka-Aap hame aise hi nahi ghar bhej sakte hai. After all aaj ham sabhi ka 1st day hai. Yeh fair nahi hai.
Aizawa-Aur tumhe natural disasters fair honge yeh lag rahe hai ? Ya phir koi Power Hungry villain jab attack karega toh vo fair and square ke saath sabhi taraf attack karega yeh lag raha hai. Ya phir koi aisa accident jo pure city ko seconds mei wipe out kar sakta hai vo tumhe fair lagega. Nahi yeh world aise work nahi karta hai. Har taraf kahi na kahi unfairness hai. Aur yeh hero ki job hai un sabhi unfairness se fight karna. Agar tumhe ek Pro Hero banna hai toh tumhe khud ko push karna hoga aur apne limits ko break karna hoga. Next 3 years tumhe UA koi holiday package par nahi bhejne wala hai. Tumhe yaha par har us situation mei dala jayega jo near death experiance karwa sake. Is liye Go Beyond vo bhi Plus Ultra style mei. Mujhe yaha par tumhari khud ki worth prove karke dikha do. Ab yeh baate yahi rok dete hai.
Test 1-50 Meters dash.
Midoriya ki superspeed ke saath vo sabhi se faster tha. Midoriya ki speed 1 second ke 8 part ki thi.
Test 2-Grip Strength.
Hanta-Tum ne 540 kg's tak ke bar ko hit kar liya hai. Tum kisi beast se kam nahi ho.
Midoriya-Shit shayad mein ne isse break kar diya hai.
Hanta-Kya ?
Test 3 Standing Long Jump.
Is baar bhi Midoriya ki speed baki sabhi students se zyada thi.
Test 4 Repeated Sids Steps.
Yeh sabhi test Midoriya ke liye kisi playtime ke tarah thi.
Test 5 Ball Throw.
Aizawa-Tum last ho Midoriya. Jao aur isse test ko khatam karo.
Midoriya-Mujhe apne powers ko limit nahi karni hogi, right ?
Aizawa-Yes.
Midoriya ne apne haato mei ball li aur usse achhe se pakad kar pure strength ke saath throw kiya.
Uske apne full strength se throw karne ke wajah se waha par ek shockwave create ho gayi jiske liye koi bhi ready nahi tha aur sabhi uske wajah se piche ki taraf udte hue chale gaye.
Aizawa-Well lagta hai hame jab tak ball gir nahi jati hai tab tab wait karna hoga.
Kuch 5 minute ke baad ball kahi par jaa kar land ho gayi.
Aizawa-Yeh raha distance.
Eijiro-8,000 KM ? Yeh distance toh insane hai.
Sabhi Midoriya ki powers ko dekh kar shock the.
Test 5 situps.
Is mei bhi Midoriya 1st raha. Lekin ab un sabhi ke biche ek healthy competition start ho gaya tha. Un sabhi mei Midoriya ko chod kar Bakugou 2nd rank par tha.
Test 7 Seated Toe Touch.
Isse Midoriya ne kuch had tak kar liya lekin flexibility usmei itni nahi thi.
Test 8 Long Distance Run.
Isse Midoriya ne ek boom ke saath start kiya aur consistence ek speed par hi raha. Yaha par bhi Bakugou usse compete kar raha tha lekin Kryptonian Physiology ke wajah se Midoriya ka stamina kaafi zyada tha.
Jab sabhi tests hue toh sabhi students phir se Aizawa ke samne khade ho gaye.
Aizawa-Well yeh rahi tum sabhi ki rankings. Is mei koi batane wali baat nahi hai ke tum sabhi ko achhe se pata hai ke koun kaha aur kis rank par stand karta hai.
Jaldi hi sabhi ko rankings show ki gayi jismei Midoriya sab se upar tha. Wahi Mineta naam ka ladka sab se last tha.
Aizawa-Aur mein ne tum sabhi se yeh jhoot kaha tha ke jo last aayega usse yaha se jana hoga. Yeh ek rational deception tha taaki tum sabhi apna best de sako.
Aizawa ki yeh baat sunkar Midoriya ne ek gehri saans chodi aur uske saath baki ke students ne bhi ek gehri saans chodi.
Jaldi hi in sabhi ka school time complete hue aur sabhi apne apne ghar jane ke liye nikal gaye.
Kyo ki Bakugou Kirishima ke saath jaa raha tha toh Midoriya aaj bhi akele hi jaa raha tha.
Abhi vo gate tak aaya hi tha ke tabhi usse piche se kisi ne aawaz lagayi.
Yeh koi aur nahi balki Tenya tha.
Tenya-Hello Midoriya. Tum aaj sach mei kaafi impresive the. Tum mujhe outrun kar sakte ho yeh dekh kar mein kaafi surprise hua tha. Tumhari speed sach mei kaafi impresive hai. Par ab mein itna sure hu ke tum mujhse aur mere elder brother ko easily beat kar sakte ho speed mei.
Midoriya-Thanks. Waise tum bhi kaafi fast ho kyo ki jab mein itna speed se move karta hu toh mujhe apne aaspas ka sab kuch slow move hote hue dikhta hai lekin sabhi students mei ek tum hi the jisse mei kuch normal move hote hue dekh sakta tha.
Tenya-Thank you Midoriya. Yeh sunkar mujhe sach mei achha feel ho raha hai. Isse mein positively lunga aur apne speed par aur bhi zyada focus karunga.
Midoriya-Yeh hui na spirit. Agar kabhi tumhe kisi racing buddy ki zarurat lage toh mujhe keh dena.
Tenya-Thank, mein isse yaad rakhunga.
Aise hi baate karte hue vo sabhi ek bus stand par aa kar khade ho jaate hai. Kuch der baad sabhi apni apni buses mei baith kar apne apne ghar chale jaate hai.
Award + 30 days sticky Thread (Stories)
Award + 2500 Likes + 15 day Sticky thread (Stories)
Award + 1000 Likes+ 2 Months Prime Membership