• Limted Time Offer!
  • If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Adultery Mission :- Shudarshanchakra

king101

king101

Member
158
685
109
UPDATE - 5​




Mai apni najre har jagah gada rakhe the, har ek suspicious movement pe najar rakh rha tha. Pahle to Pihu aur puja mere aisa karne pe ek dum hairaan ho gaye lekin fir turant hi pihu ne mujhe dhakka mara aur us gire hue ladke ko uthane lagi.

Pihu – (halka jor se) Karan are you allright? (tension me) tumhe kanhi chot to nhi aayi na?

Karan – (apna jabda pakadte hue) aah kya mara hai yaar. Pura chehra hila diya. Kon hai ye?

Puja – pihu ka nya bodyguard.

Karan – bhai sahab ek baar puchh to lete ki kon ho kyu aaye ho sidha tod diya.

Mai uski reaction dekh ke samajh gya tha ki ye pihu ka hi koi dost hai. Isliye mai chup chap khada ho gya. Udhar pura canteen hame dekh rha tha. Idhar mujhe kuchh samajh nhi aa rha tha ki mai kya bolun, isliye mai chup chap khada ho gya. Mujhe kuchh na bolte huye dekh ke Pihu meri taraf mudi aur boli.

Pihu – ab kam se kam sorry to bolo.

Mai – Sorry sir, my mistake.

Karan – koi nhi yaar, bas agli baar pahle bta diyo marne se pahle, taki khud ko taiyaar kar lun, warna kanhi tu khada rahne layak hi na chhode. (Pihu ko dekhte hue) Ye le tere notes..aaahh.. kya mara hai yaar… muh to nhi suj gya na… agar suj gya hoga to ladkiyon ka kya hoga.

Puja – tera muh sujne se ladkiyon ko kya dikkat?

Karan – are agar mera ye handsome muh suj gya to ladkiyon ka dil tut jayega yaar, samjhakar.

Puja – haan haan chal ab. Bahut bakwas kar li. Ye bta banki kanha hai?

Karan – Class me hai. Tum dono ke chakkar me ruka tha mai. Chalo ab.

Itna bol ke wo class ke taraf jane lga. Uske pichhe pichhe pihu aur puja bhi class ki taraf nikal gaye. Ab mai thahra bodyguard to mai bhi unke piche piche class me chala gya. Class me jab ye teeno enter hui to 2 ladkiyon aur 1 ladke ne apna hath hilake ishara kiya, to ye log bhi us taraf chale gaye. Mai bhi inke pichhe pichhe wanhi chala gya.

Ladki – kanha rah gyi thi tum dono. Kitna late kar diya, jaldi karo teacher aane wale hai.

Itna kah ke usne apne bagal me unhe baithne ke liye bola. Uske just bagal me dusre side karan bhi dusre ladke ke sath baith gya, aur mai dono desk ke bich ke khali area me khada ho gya. Ab mere left side me pihu thi uske left me puja fir 2 ladkiyan, aur right side me karan tha aur wo dusra ladka. Jab mai aise hi desk ke bagal me black board ki taraf nazar karke khada ho gya to puja ke bagal wali ladki bol padi.

Ladki – are ye ladka kon hai?

Pihu – swati ye pihu ka nya bodyguard hai. Uncle ne khas bulwaya hai.

Swati – waise bahut handsome hai, khas karke iska chasma. Bda mast lag rha hai. Hai na preeti.

Preeti (wo dusri ladki) – haan yaar handsome to hai.

Puja – Ghanta handsome hai, gadha hai. Abhi karan ko bina matlab ke dho dala.

Swati – (hairani se) hain sachhi, tabhi sochu ki wo apna chahra pakad ke kyu baitha hai.

Preeti – lekin use dhoya kyu?

Puja – bechara hamara wait kar rha tha. Isliye jab hum canteen pahuche to wo daudte huye hamari taraf aa rha tha, pta nhi ise kya lga. Aur isne use wanhi dhobi pachhad de di.

Abhi koi kuchh aur bolta ek teacher 40-45 saal ka class me enter hua. Uske class me aate hi sab khade ho gaye.

Sab – Good morning sir.

Sir – Good morning, chalo baitho. (usne apna register apne samne ek table pe rakha aur use kholne lga). Get ready for attendence. 1….2….

(aisa karte karte usne sari attendence le li)

Fir uska dhyan meri taraf gya.

Sir – haan ji bhai sahab kon ho aap? Suit boot… haan kya irada hai aapka?

Mai – I am doing my duty.

Sir – Student ho? Kya naam hai? Aur bhala khade kyu ho?

Mai – no I am not a student. And I am here on my duty.

Sir – hain ji kaisi duty?

Karan – Bodyguard hai sir, Pihu ka.

Sir – oh ho to aap hai wo. Principal sir ne bola tha. Baith ke kar lo apni duty.

Mai – I am ok.

Sir – as your wish.

Itna bol ke wo teacher bhi padane lage. Kuchh der ke baad unki class bhi khatam ho gayi. Fir ek madam aayi unhone bhi aise hi puchha to maine bol diya ki bodyguard hun. Fir unka class bhi khatam hua. Jab unka class khatam hua. Tab tak mai apni jagah pe hi khada tha, unki class khatam hote hi pihu ne puja ke kaan me kuchh kha aur fir puja ne swati aur preeti ko koi ishara kiya aur wo log chal diye uth ke. Mai bhio unke pichhe pichhe chalne lga. Mai har taraf aur har kisi ki movement pe nazar rakh rha tha, aur mai itna jyada kho gya tha ki mujhe dhyan hi nhi rha ki wo log wash room me ghus gaye the, wo to sukar hai ki ghusne se just pahle mujhe phenyl ki mahak aagyi aur mai turant hi ruk gya. Fir maine upar dekha to women’s washroom ka sign bna hua tha, isliye mai wanhi gate ke side me khada ho gya. Udhar washroom me.

Pihu – yaar kuchh karo yaar iska. Ye to sani ki tarah sar pe baith gya hai.

Swati – achchha aur bhala hum kya karen.

Pihu – pahle to isse pichha chhudane ka kuchh socho. Mai dad ko bolti hun kuchh, koi bahana bna dungi.

Puja – Pihu tujhe pta hai na uncle ne khud ise yanha bulaya hai, tujhe lagta hai wo manege?

Pihu – haan ye bhi hai.

Preeti – are kuchh time ki baat hai baad me kuchh sochenge, abhi ise kuchh din sah lete hai.

Pihu – thik hai. Chalo.

Jaise hi ye log bahar nikalte hai to dekhte hai ki mai wanhi gate ke just bagal me khada tha aur kisi ko bhi under nhi jane de rha tha.

Pihu – ye kya kar rahe ho?

Mai – Duty mam.

Itna bolke mai wanha se hat gya fir sari ladkiya under jane lagi. Ye log canteen me aagye. Canteen me pahle se hi karan aur uske sath wala ladka ek table pe baithe hue the. Fir ye log bhi wanhi pe lagi chairs pe baith gayi. Mai wanhi pihu ke pichhe khada ho gya.

Karan – (mere taraf dekhte hue) are mere bhai tu ab to baith jaa, kab se khada hai, pair me dard nhi ho rha kya?

DK – mujhe koi problem nhi ho rhi.

Pihu – lekin mujhe ho rhi hai yaar. Please baith jaa, mere baap.

DK – It’s my duty mam. I can’t sit.

Karan – are mere baap khud teri madam tujhe bol rhi hai fir kya dikkat hai. Baith jaa yaar please.

Ab banki bhi mujhe baithne ke liye bolne lage to mai bhi sath me hi ek khali chair pe baith gya.

Karan – are ab agar hum sab ek sath hai hi to tumhe apna intro bhio dedete hai. Ye hai Preeti, Swati, mai Karan aur ye Ankit, banki in dono ko to tum jante hi ho……..To ab apna naam bhi bta do.

Mai – DK.

Karan – DK kya?

Mai – just DK.

Ankit – haan to DK bhai. Kitne saal ko bhai. Dekhne se to jyada bade nhi lagte.

Mai – 18

Pihu aur Puja ko chhod ke sab hairani se mujhe dekhne lage.

Karan – Oh teri ki tu to mere se bhi chhota hai yaar. Had hai bancho junior ne dho dala mujhe.

Uske itna bolte hi sab hasne lage. Lekin mai chup chap baitha hua tha.

Ankit – kabhi hash bhi liya karo DK bhai.

Mai fir bhi chup chap baitha hua tha.

Swati – hash lagta hai bhai tum is duniya ke ho hi nhi. Ek to kuchh jyada bolte nhi ho upar se kitni der se khade rah gaye. Aakhir aise kaise jite aaye ho tum yaar.

Uske aisa bolte hi ek pal ke liye mujhe meri pichhli kuchh salon ki yaad aayi lekin fir mai turant hi apni yaadon se bahar nikal gya.

Pihu – yaar ye period free hai fir aage ke classes lene ka mera koi mood nhi hai to kyu na kanhi ghumne chalen.

Karan – naa yaar meri attendence kam hai hum to nhi jaa sakte. Tum log jao.

Swati – yaar mai bhi nhi aa sakti.

Pihu – kyu tujhe kya problem hai?

Swati – (aankh marte hue) are mai library jaa rhi hun padne ke liye.

Ankit – Yaar mai bhi nhi aa sakta mujhe kuchh kaam hai.

Puja – abe lallu tujhe kya kaam hai.

Ankit – yaar mai drama team me hun, bhul gyi kya, salon ne practice rakhi hai. Tudwani thodi hai mujhe apni wanha na ja ke. Aur waise bhi wanha archana hai, aarti hai, rambha hai, rukmani hai.. to mai wanha jaunga hi na.

Puja – haan janha itni ladkiyan hai wanha hawash ke pujari ka hona jaruri bhi to hai.

Ankit – ye mai koi hawas ka pujari nhi hun, mai rup ka pujari hun.

Pihu – Rup ka ya Rupa ka?

Ankit – Dono ka.

Uski baat sun ke sab hasne lagte, aur uth ke apne apne raashte chal dete hai.

Mai bhi pihu, puja aur preeti ke pichhe pichhe car tak aata hun. Pihu, Puja aur Preeti to pichhe baith jate hai aur mai aage driver ke sath.

Maine pichhe mud ke pihu se puchha.

Mai – mam hame jana kanha hai.

Pihu – pahle mall le chalo uske baad fir sochenge.

Maine driver ko chalne ka ishara kiya aur usne gadi aage bda di, idhar pichhe ye log apni hi baato me masgul ho gyi. Mai bhi apni urani yaadon me kho sa gya tha. Hum thode hi der me mall me pahuch gaye the. Driver ne gadi parking me lagayi aur wo wanhi gadi me hi baith gya. Idhar hum log gadi se bahar nikal ke mall me aa gaye. Mall me aate hi teeno ladkiya shoping me lag gayi aur mai bas unke saman uthate huye unke pichhe pichhe ghum rha tha. Jab kafi der tak wo shoping karti rahi tab unhe bhug lagi aur lunch karne ke liye pizza shop me aagaye. Pizza shop me aane se pahle maine driver ko message karke pizza shop pe bula liya. Idhar hum pizza shop pe pahuche udhar driver bhi wanha aa gya. Maine sara saman driver ko deke kah diya ki gadi me rakh de. Aur mai ladkiyo ke sath pizza shop me chala gya. Ander jaa ke mai pihu ke chair ke pichhe khada ho gya.

Pihu – DK, kya tum order de doge.

DK – Ok mam.

Mai unka order dene chala gya, idhar usi samay pizza shop me char ladke ghuse, aur sidha aake pihu ke right side wale table pe baith gye. Pahle to unhone idhar udhar dekha fir Pihu ko dekh ke ek dusre ko ishara kiya.

Ladka 1 – Are yaar apne sahar me maal bahut jyada milne lagi hai, hai na.

Ladka 2 – haan be, khas kar ke pizza shop pe.

Jaise hi us ladke ne aisa kha teeno ladkiya unki taraf dekhne lagi. Ladkiyo ko apni taraf dekhta hua dekh kar Ladka1 ne aankh mara. Unhe aisa karte dekh ke Pihu ko bahut gussa aaya aur wo gusse wala expression dete hue uthne hi wali thi ki preeti ne uska hath pakad liya. Pihu ka hath pakde jane ki wajah se wo gusse me preeti ki taraf dekhne lagi.

Preeti – Rahne de Pihu, Ye in gadho ka roj ka hai, aise kutto se muh lagayegi to tera hi jaban ganda hoga.

Preeti ki baat sunke Ladka3 bola.

Ladka 3 – are bhai tujhe pta hai, kal ek ladki ne mujhe gadha kaha tha, maine use ghode ki sair karwa di. (aur sare ladke hasne laga)

Ladka 4 – are same yaar, mere ko bhi ek ladki ne kutta bola tha, to maine bhi use kutiya bna diya. (fir sab ke sab hasne lage)

Idhar teeno ladkiyan sharm aur gusse me thi, bechari kuchh bol hi nhi paa rahi thi. Tabhi mai bhi ek large size pizza le ke aa gya.

Mai – mam, aapka pizza.

Mere ek hath me pizza cutter tha maine usse pizza ke 6 tukde kar diye. Aur pizza cutter ko hath me le ke khada ho gya.

Udhar wo ladke hase jaa rahe the aur aslil ishare kiye jaa rahe the, aakhirkaar unse irritate ho ke Pihu bol padi.

Pihu – (Gusse me) DK, jao aur unki band bja ke aao.

DK – Sorry mam but mai aapka bodyguard hun, aapke bolne pe kisi ko maar nhi sakta.

Pihu – mere bodyguard ho tabhi to bol rhi hun. Agar mere liye pizza order kar sakte ho laa sakte ho to maar bhi to sakte ho.

DK – No mam ye sab alag alag hai.

Pihu – (Chidte hue) How?

DK – aap shoping karke thak gyi thi isliye agar abhi line me lagti to, thakan ki wajah se aapko chakkar aa sakta tha aur aapko chot lagti use prevent karne ke liye mai pizza lene gya. Aur Pizza cutter se bhi aapko khatra tha isliye maine use istemaal kiya. Lekin unse ab tak aapko koi khatra nhi hai to mai bina kisi problem ke action nhi le sakta.

Pihu – (gusse me) You…

Ladka 1 – (kamini si muskan ke sath) are us bachche se kya baat kar rhi hai chamiya, wo to bachcha hai. Baat karni hi hai to yanha 4 mard baithe hai unse baat kar le.

Pihu – (Pure gusse me) Bahan ke laude, tamiz nhi hai tujhme ladki se baat karni.

Ladka1 – (pure gusse me) Gali deti hai bahan ki laudi, abhi batata hun tujhe…

Itna bol ke wo ladka tezi se khada hua aur Pihu ki taraf lapka, lekin isse pahle ki uska right hand Pihu tak pahuchta maine apne right hand me pakde pizza cutter ko uske right hand ke pichhe ki taraf kas ke dabate huye chala diya. Usse usko kuchh hua to nhi lekin ek kharoch jarur padi, jiski wajah se usne apna hath teji se jhatka. Mere liye itna waqt kafi tha, maine tezi se use pair pe ek kik mari jiski wajah se uska balance bigda aur wo niche gira, usko niche gira dekh ke uske dost bhi uth gaye, lekin wo kuchh karte maine tezi se apne pant ke pichhle pocket se ek folding chaku nikala aur niche gire ladke ki right hand pakad ke uske palm pe ek halka sa kat lagaya. Kut lagte hi wo ladka chillane laga. Uske banki ke dost bhi apni jagah pe hi ruk gaye. Ab maine bhi chaku unki taraf kiya hua tha. Wo ladke kabhi mujhe dekhte to kabhi niche pade apne dost ko jo apna hath pakde ro rha tha. Ladka 3 se us ladke ka rona sayad bardast nhi hua jiski wajah se wo bhi turant meri tarf lapka, lekin ab wo mujhpe attack karta usse pahle maine chaku fek ke sidha use right kandhe pe mara, chaku lagte hi wo right side jhuka aur maine teji se uski taraf bada, ab isse pahle wo puri tarah se niche girta maine wo chaku pakad liya. Kyuki wo chaku lagne ki force ki wajah se pichhe ki taraf gir rha tha to mere chaku ko pakadne pe wo chaku to mere hath me hi rah gya lekin wo apne body weight ki wajah se dhadam se niche gira. Mai uske bagal me baitha aur uska left hand pakad ke uske chot ke upar rakh diya.

Mai – ispe pressure bna ke rakhna warna ya to tera hath jayega ya fir tu hi.

Idhar mujhe aisa karte dekh ke wanha maujud sab ki bolti band ho gyi thi. Banki bache ladko ki to dar se taange tak kampne lagi thi, udhar teeno ladkiyan bhi dar aur hairat ki wajah se sauk me thi. Mai undono ladko ke samne pahucha jo muskil se 3 kadam ki duri pe hi the. Mujhe apne samne dekh ke Ladka2 turant mere pairo me pad gya.

Ladka 2 – (rote huye) bhai maaf kar do bhai, jindagi bhar kisi ladki ko aankh utha ke bhi nhi dekhunga bhai, please hame jane do, please mai apni jindagi ki bhikh mangta hun please.

Maine ek pal ke liye use dekha aur fir apni nazre Ladka 4 ki aor ki wo bechara bhi turant hi mere pairon pe gir gya.

Mai – inhe hospital le jao.

Ladka 3 – (thoda khus hote hue) thank you bhai thank you.

Wo dono teji se uthe aur niche pade dono ladko ko sahara de ke le gaye. Maine bhi table pe pade tissue paper se apne knife pe lagi khun ko shaf kiya aur use dustbin me daal kar sidha teeno ladkiyo ke samne aa ke khada ho gya. Maine folding knife ko wapis pant me rakh diya tha, to main chup chap kisi masum bachche ki tarah un teeno ke samne khada ho gya. Teeno abhi tak shauk me thi.

Preeti – (darte hue) Tumne unpe attack kyu kiya?

Mai – wo mam pe attack karne wale the.

Puja – lekin tum unhe hath se bhi to maar sakte the chaku use kyu kiya.

Mai – Usme time lagta aur aapke paas itna time waste karne ke liye nhi hai, aapko 1 ghante me ghar pahuchna hai.

Preeti – police case hua to?

Mai – mere pass CCTV record hai sath me mere suit ke button me bhi camera hai to mere pass sare records hai. Wo kisi bhi tarah ka case nhi kar sakte.

Meri baat sunke wo log sant hue lekin fir in logo ka khane ka mood hi khatam ho gya tha.

Pihu – ab mera khane ka koi mood nhi hai, chalo ghar chalte hai.

Puja – hmm.
 
  • Like
  • Love
Reactions: ragish7357, Chinturocky, Shanu and 14 others
You must log in or register to reply here.
Top