Romance Mohabbatein... (Completed)

[Thakur]

Update 35

radha-and that is the exact reason I dont want to be in a relationship..ye aisa hamesha hota rahega kabhi tum to kabhi main hamesha ek dusre ko lekar pssessive rahenge...tumhe pata hai main jab jab tumhari or dekhti hu to ek hi bhv tumhare chehre par najar aate hai....lets get married lets have kids...lekin mere sapno main wo jindagi nahi hai jo tum dekhte ho mere sapne alag hai...

omkar-ok..are kya hai ye tumhare sapne.....
-----------------------------------------------------------
radha-mujhe..mujhe na sari duniya ghoomni hai...alag alag logo se milna hai...mujhe na har baar aye logo se pehchan banani hai...bas unhi gine chune logo ke sth mujhe apni jindagi nahi bitani hai om..routine life mere naseeb main nahi hai om ye baat tum jante ho..wapis aane ke kuch dino baad jab mujhe divorce ka pata chala tabhi maine soch liya tha ya shayad usse bhi pehle ke ab mujhe yaha se bahar nikalna hai...so what othyer options I have...mere mata pita muhse dur ho gaye the dosto ne bhi nata tod liya tha mujhe apne pairo par khada hona jaruri tha so maine apne liye job dhundna chalu kiya.
socha aisa konsa kaam hai jo main khushi khushi kare sakti hu aur fir dimag main khayal aaya ke..why not try in a travel company...maine strawberry tours main interviwe diya...I tried my best to convience them...bohot mushkil hota hai om...I mean konsi tourist company ek jail ki hawa khane wale ko ya drug addict ke mark wale ko kaam dega....they wanted to believe me....lekin..

radha do pal ke liye ruki...aur fir boli..

radha-mujhe police station main clean chit milne ke baad maine us tavel companyt ke office main phone kiya tha...

omkar-wait what?? tumne kal phone kiya tha unhe ??? aur mujhe kuch bataya bhi nahi...

omkar ne radha ki baat beech main kaat di..

radha-see..tumhe pata bhi nahi chala aur tune accept kar liya ke maine har baat tumhe batani chahiye apne decisions tumhe puch kar lene chahiye...

ab omkar cup ho gaya tha uski gardan niche jhuk gayi..

radha-mujhe pata hai tumne ye jaan bujh kar nahi kiya ya tum anurag jaise bhi nahi ho lekin ye sab hota hi hai relationship main aur wohi mujhe nahi chahiye...anyways..to maine unhe bataya cleanchit ke bare main official clean chit main unhe fax bhi karne wali hu and that lady was happy she is ready to take me om parol...matlab ekdum tour lead ki post nahi milegi lekin tour oprator ki jarur milegi if everything goes well then......

omkar-then...waht??

radha-then..mostly I will be flying ti italy on my first tour assignment...

radha ke chehre par utsah beh raha tha wahi dusrui or om ekdum chup tha kuch smay baad om bola

omkar- tum jo keh rahi ho wo mai samajh raha hu radha...iyts good ke tmhe tumhari life ki itni chinta hai lekin fir wo....

radha-lekin kya om...maine tumhe I love you bola aisa hi na to usme galat kya hai I love you tumhi batao isaka ya matlab hai?? main tumse pyar karti hu aisa hi na....to thik hai na main nahi kjaha keh rahi hu ledkin iska ye matlab nahi hota ke 'lets have sex' ya 'lets gett married' 'lets start family...have kids' 'yu listen to me wagairee' ye arth use humlog jodte hai......dekho tum mujhed blindly believe karo aisa mera kehna nahi hai main to bas itna cvhahti hu ke meri baat tumhe samjhe....

`omkar ko ye sab kya ho raha tha samajh nahi aa raha tha ya wo jo bhi bate sun raha tha uspar uska wiswas nahi ho raha tha wo bas apne kandhe latkaye gadi ke sahare khada tha....

radha- ok socho agar main shadi ke liye tayar ho gayi to kya tumhare p[arents mujhe accept karenge...ek divorce..jail main gayi huyi drugs ke nashe main jhulti huyi national TV par dikhi huyi...apna vansh kabhi bhi aage na badha sakne wali........

omkar-wait...What????

radha-kitni alag baat hai na tuymhe yaad hai maine tumhe bataya tha mere aur anurg ke divorce ka karan alag hai well yahi wo karan hai

omkar-matlab

radha-matlab ye ke jis din polico ne mujhe pakdsa usdin mujhe medical test ke liye le jaya gaya..its a usual procedure..attempted rape ki case thi wo so mujhe gynacologist ke paas le gaya gaya just to make sure ke rape nahi hua haibaad me jab main jamanat pe riah huyi to kuch dino baad medical report ghar par aayi....to rape to hua nahi tha besides us report maqin aisa likha hua tha ke main kabhi bhi concieve nahi kar sakti..genetic disorder hai..pehle se...humko kisi ko bhi ye baat pta nahi thi lekin agurag ko baccha nahi ho skta ye baat jaan kar uska mujhme se bacha kucha intrest bhi chala gaya...yahi kahani hai police case ek bahana hai aslwajah to ye hai...

bolte bolte radha ke aankho main se aansu aane lage...

omkar-oh...I m sorry...

radha-yaad hai hamari pehli mulakat.medical shop main....us waqt hum pichle 6 mahine se baby ke liye try kar rahe the baad main main bhag aayi..aur yaha aane ke baad us hafte..you know I missed my periods...matlab thoda late hua...usme mujhe ultiya hone lagimujhe laga ghar chodned ke liye aur concieve karnbe ke liye ekhu time hona chahiye tha kya.lekin luckily aisa kuch nahi tha just food poisioning..don't be sorry...so tum batao chalegi tumhare mata-pitra ko aisi ladki..unka chodo tuym kitne din nibha paoge meri khoobsurti aur 15-20 saal bas aage kya?? tumhe chahiye waisi adarsh patni main nahi ban saki..

omkar-main samjhaunga apne ma papa ko hum baccha god bhi to le sakte hai..

radha- lekin tum kyu adjustment karoge om?? you know what...you are so sweet..you deserves a marriage material girl...aur aisi kai ladkiya hai who beleves in true love...kyu mere liye comprmise kar rahe ho....dekho bhavnao main beh kar decision main lo thik se socho..rima achi ladki hai ek galti ke liye use jindagi bhar ki saja mat do om....

omkar radha ki baat par kuch nahi bola..

radha-anyways lets go back...lets go home om..

omkar-lekin kyu chante hai na ho sakta hai tumhara mood acha ho jaye

radha- nahi om lets g home kal bhi kai sare3 kaam hai strawberry tours main ja kar job bhi confirm karani hai chalo

aur radha gadi main baith gayi omkar ne bhi ek baad asman ki ordekha aur wo bhi gadi main baith gaya aur usne gadi wapsi ke raste par mod di.................

Nawa bhasad

 

[Thakur]

Update 45

wo dono gate ke paas khade ho kar baate hi kar rahe the ki omkar ka dhayan gate se thoda aage ek dark blue color ka bleaser pehne hatho main ek gulab ka phool lekar khade ek ladke par gaya aur wo wahi se bola..

omkar- ashish....tu.? yaha..?...............
---------------------------------------------------
omkar ko waha dekhte hi ashish ekdum sakte main aa gaya...ab kya kara jaye ye use samajh main hi nahi aa raha tha aur isi wajah se wo jaha tha wahi khada raha

ashish- omkar..tum?? tum to blue diamond mainj jane wale the na??

tab tak ragini bhi waha aa gayi thi omkar ne ragini aur ashish ka intro karwa diya

omkar-ha bhai plan to wahi jane ka tha lekin ain waqt par isne plan change karwa diya..lekin tum kya kar rahe ho yaha aur hath main ye phool wagaire....koi aane wala hai kya???

ashish-ha....matlab nahi...

omkar-bhai aisa bawle ke jaise kyu bol raha hai hai to hai..usme itna darne wali konsi baat hai ?? tu kuch chipa raha tha mujhse dekh pakad liya na.

ashish- nahi re waisa kuch nahi hai

omkar-nahi kaise jab main radha ke sath gaya tha aur raat ko 2 baje tu muhe online dikha main tab hi samajh gaya tha ke kuch to gadbad hai..

ashish-acha chal main chalta hu ab ander jata hu..

omkar-abe ruk mujhe bhi to dekhne de kon hai wo....

ashish-ab tu dekhke kya karega tujhe pata hai kon hai wo

aur tabhi

"omkar..tum?? yaha??" omkar kuch bolne hi wala tha ke piche se jana pehchana awaz aaya omkar ne jab piche palat kar dekha ti waha rima khadi thi....use dekhte hi omkar ne apne sar par hath maar liya..

omkar- oh..my god !! kab se chal raha hai ye..

ashish-omkar dekh...tu please..naraj ..mat ho meri baat sun

omkar-ye main naraj wagaire nahi hu..I m really happy for both of you..go on enjoy the evening is all yours...ab jaldi niklo time barbad na karo

rima-omkar tum sachme chidhe nahi ho na

omkar-tum pagal ho kya?? main kyu chidhne laga yaar...tum apni jindagi jine ke liye free ho..aur ashish ek ek behad acha ladka hai..ab chalo jao jaldi..

ashish- thik hai lekin apan is bare main bad main baat karenge..bye...

omkar un dono ko apni najro se dur hone tak dekhta raha aur kuch samay bad jab use dhayan aaya ke ragini ab bhi uske sath wahi hai to usne apne aap ko thik kiya

ragini-If I m not wrong....rima tumhari ex-girlfriend right??

omkar-hmm..

ragini-aur jaisa book main likha hai us hisab se aur agar ye tumhari ex-girlfriend hai to mira bhi hai...hai na..

omkar ko ab jhooth bolne ka koi rasta najar nahi aa raha tha usne bagair kuch bole apni gardan hila di....

ragini- and last but not the least..ye jo radha hai...yahi mira hai...hai na??

omkar jamin ki or deklhte huye khada tha to uska chehra dekhne ke liye ragini thoda niche jhuki aur uske chehre ki or dekhne lagi..

omkar ke man main is waqt asankhya bhavnayo ka tufan macha hua tha...radha kaha thi ye use pata nahi tha..aur rima ab officially ab uski jindagi se ja chuki thi.....aisa nahi tha ki use rima apni jindagi main chahiye hi thi lekin kuch samay ke liye hi sahi wo uski thi...ashish ke sath use dekhte hi omkar ko pehli baar apne akelepan ka abhas hua...

omkar-should we just say bye..

niche dekhte huye hi omkar ne jawab diya...

ragini-hmm ok lekin mujhe tumse ek aur baar milna hai....miloge..??

omkar-ok...

ragini-bye then take care om...

itna bol kar ragini waha se jane lagi aur bagair kuch bole omkar bhi apni manjil ki or chal pada....

Motha game zala re Shreyya

Ending of this update was like this for me

 

[Thakur]

Update 59

"ashish bhai main ragini ke ghar ja raha hu" table par se car ki kesy lete huye omkar bola

"ghar ?? kyu? kya hua?" ashish

"arre do din ho gaye yaar uska phone band aa raha hai..whatsapp par last seen bhi do din pehle ka hai" omkar

"omkar.." use rokte huye ashish bola "mujhe lagta hai wo upset hogi..shadi wale din tum use chhod kar radha ke piche nikal gaye the isse.."

"par jab main wapis aaya tab wo ja chuki thi ab main isme kya karu" omkar ne kaha

"hmm par mujhe kya lagta hai..."

ashish apni baat puri karta isse pehle hi omkar waha se nikal gaya......

ragini ke ghar ka darwaja uski mom ne khola

"aunty ragini hai ghar par??" omkar

"nahi...."

"a kaha gayi hai wo uska phone band aa raha hai do din se" omkar

"vipassana(type of buddhist medation at different centres mainly in nashik and igatpuri)...."

"vipassana....? kab aayegi?" achanbit ote huye omkar ne pucha...

"dus dino baad.."

"kya sanyas wagaire lene ka irada hai kya? haste huye omkar bola par ragini ke mom ke chehre ke gambhir bhav dekhte huye chup ho gaya

"fir phone??"

"phone band rahega 10 din..uske aane ke baad bata dungi use tum aaye the: darwaja band karte huye ragini ki mom boli

"theek hai chalta hu.." par omkar ka akhri vakya band darwaje par takrakar wapis aa gaya..usne apni car suru ki aur ashish ko phone lagaya

"ha bhai kya hua? mili ragini?" ashish

"na yaar wo to dus din ke liye vipassana gayi hai" omkar

"aise achanak? kuch bataya bhi nahi"

"ha aur uska phone bhi band rahega dus din..aur uski mom unhone to aise baat ki jaise main darwaje pe aaya koi salse man hu...ander bhi nahi bulaya..kya hua hoga?" omkar bol raha tha tab uske phone par dusra phone aa raha tha... "ashish ek minute dusra call aa raha hai" omkar ne dusra call dekha to wo radha ka tha.."ashish baad main baat karta hu radha ka phone aa raha hai" omkar ne ashish ka call cut kiya aur radha ka call recieve kiya

dusri or se radha ka awaz aaya

"hello omkar do minute ka samay hai?" radha ka awaz kafi halka aa raha tha

"radha? kya hua? awaz kyu aisa hai tumhara?"

"anurag ne divorce paper bheje hai" radha ne subakte huye kaha

"arre waah badhiya baat hai yahi to tum chahti thi na fir ro kyu rahi ho" omkar

"ha par usne divorce ke reason kafi ghinone diya hai kehraha tha maine gokarn main...." radha bolte bolte ruki

"dekho radha kuch mat socho...divorce hamesha blame game hota hai tum jo chahti thi mil gaya so take it and move on" omkar

"hmm..feling so lonely yaar..ghar aa sakte ho..just couple of drinks fir chale jana" radha

"sure why not..adhe ghante main pahuch raha hu" aur omkar ne phone rakkh diya....gadi abhi aage badhi hi thi ke ashish ka call aa gaya

"kya bol rahi thi radha??" ashish

"arre wo problem main hai main wahi ja raha hu" omkar

"kyu kya hua?"

"arre us anurag ne use divorce paper bheje hai aur karan kuch ulte sidhe bataye hai to ro rahi thi bichari"

"bichari??"

"ha fir wo akeli hai ghar par main mil aata hu"

"bhai agar meri manoge to mat jao abhi " ashish samjhane ke andaj main bola

"kyu??

"kyu kya..ek to wo akeli hai ..bichari...dukhi hai..uspar tum bhi ragini nahi mili isliye upset ho.." ashish

"kehna kya chahte ho"

"main kya kehna chahta hu tum jante ho om..bhavna ke aaveg main kuch ho jayega..use kaho tumbaad main aaoge" ashish

"abe main koi chota baccha hu kya..baad main baat karta hu tumse" omkar ne phone kat diya

ashish ne chidh kar phone ko dekha aur ragini ka number dial kiya par jaisa omkar ne bataya thya phone switchoff tha..jab use kuch samajh main nahi aaya to usne rima ko call lagaya

"bolo shona kya kar rahe ho" rima ne hamesha wale tone main kaha

'abe yaar ye babu shona chhodo us omkar ko phone laga ke roko" ashish

"kya hua??"

fir ashish ne jitna jaldi ho sake sab rima ko bataya aur bola" rima, omkar ko tum bhi ache se janti ho aur main bhi..wo ab bhi radha ko pasand karta hai aur shayad radha bhi....par abhi dono akele hai..upset haimujhe lagta hai unhe akele main nahi milna chahye.....mujhe to omkar aur ragini sath main jyada ache lagenge..isiliye.."

"hmm..samajh gayi tumhari baat sahi hai main omkar ko call karti hu"rima ne ashish ka call cut kiya ur omkar ko call lagaya

"omkar kaha ho?" rima

"a..bahar hu jara.."omkar

"bahar?? bahar matlab kaha?"

"drive kar raha hu bolo na?"

"kuch kaam main ho?"

"ha radha ke yaha ja raha hu baad main baat kare?" omkar

"nahi suno kuch important baat karni hai" rima

"...."

"omkar tum sun rahe ho na"

"listen rima hum thoda baad main baat karte hai ok.." itna bol ke omkar ne phone band kya aur switch off kar diya....

omkar ka phone band dekhke rima ne ashish ko call kiya

"ashish wokuch sun hi nahi raha hai phone bhi band hai uska"

"maa ki kirkiri...tum kaha ho abhi?"

"main studio main hi hu"

"shoot suru hai kya"

"na just pics editing"

"acha suno..maine yaha se nikal raha hu tumhe pick karta hu aur hum sidhe radha ke ghar jayenge ok??"

"ok main studio lock karke tumhari raah dekh rahi hu

"ok bye den"

"bye.."

ashish office band karke rima ko lene nikla tab tak omkar radha ke building parking main apni gadi laga raha tha....

Pata nahi kyu par ye update padh ke mere aand tak jal gaye he ,itna bhayanak portrayal kiya he radha ka ke bas ,aag aisi lagai maza aa gaya

 

[Thakur]

Update 68

radha ke jate hi ashish aur rima ragini ki taraf mude

"tum pagal ho kya yaar? acha chance tha abhi..use batana tha na unka decision galat hai ye reh gaya aur tum to..." ashish ne chidh kar kaha

"ha na yaar itna bhi acha nahi rehna chahiye insan se" rima

"clam down guys I am not a bitch aur mujhe banna bhi nahi hai mujhe kisi ki shadi tutne ka karan nahi banna hai" ragini ne kaha

"arre magar..tumhe pasand hai na omkar..fir?? aur agar lagta hai ke inki shadi ho jaye to kyu gayi thi uske sath us din..saaf samajh aa raha hai omkar aj radha ko kyu waha lekar gaya tha..wo sidhe sidhe compare kar raha hai radha ko tumse.." rima

"par hum sirf mile the wo bhi usne kaha tha isiliye" ragini

"right..aur kab tak aise miloge?? radha se chip kar unki shadi tak? ya pehli anniversary tak? ya usne bacche hone tak?" ashish

"ashish abhi tak unki shadi nahi huyi hai...so milne main burayi nahi hai" ragini

"sahi hai par usne apna decision change kiya hai kya" usne kaha hai kya ki ragini I love you mera decision galat tha..main radha ko batata hu main usse nahi tumse shadi karunga aisa kaha kya usne?" ashish

ragini kuch nahi boli

"acha chalo omkar nahi bola to tumne kuch kyu nahi bola ulta us diwar par omkar lover radha aur likh aayi tum dhanya ho yaar" ashish

"ashish I love him aur shayad wo bhi par ye bhi sach hai ke wo radha ko bhi chahta hai..aur mujhe usse uska pyaar nahi chinna hai ..use decide karne do use kaun chaiye...shayad wo mujhese pyaar na karta ho par radha ko usse dur jarke mujhe sue dukh nahi dena hai "ragini

"ragini...omkar bewkoof ha.wokhud koi stand nahi lega..wo tumhe propose nahi karega..na tumhe puchega..radha use chhodegi nahi..omkar life ke sath uske flow main behta jata hai pravah ke viruddha jane ki himmat usme nahi hai..wo kuch change nahi karega..ek hafte main shadi ho jayegi..tum samajh rahi ho main kya keh raha hu?" ashish ne kaha

"ashish mujhe lagta hai ab hame hi kuch karna padega" rima

'nahi rima..kisi ko kuch karne ki jarurat nahi hai..tumhe pata hai jab main vipassna gayi thi..waha hame ek chiz sikhayi gayi...hame agar koi chiz chaiye to use universe se mango...ekdum dilse fir pura universe use tumse milane lagta hai..main roj subah sham universe se omkar ko mang rahi hu" ragini ne kaha

"as you wish...I hope jab tum jago jyada der na huyi ho..lets go ashish" rima

ragini ne bill pay kiya aur wo teeno waha se nikal gaye....

*****

Raat ke 12.30 baj rahe the omkar mast apne room main so raha tha tabhi uske ghar ka darwaja bajne laga omkar chauk ke utha..itni raat ko kaun aaya hai sochte huye usne darwaja khola to samne radha khadi thi

"Radha tum..? Itni raat main..? Aao ander aao.." omkar ne darwaja pura khol diya aur radha ladkhadate huye ander aayi...usne kafi pi huyi thi wo ander aakar sidha sofe par let gayi

"Om so rahe the kya..."radha

"Tum pehle ye lo pani piyo"omkar ne use pani dete huye kaha

"So rahe the kya...meri neend uda kar..?" Radha ne kaha

"Hmm so raha tha bolo kya hua"

"Ye dekho..."radha ne apna phone on kiya aur omkar ko dikhaya usme uska ashish rima aur ragini ka hotel main khicha hua photo tha..

"Aaj sham ko main mili thi inse..aise hi" radha ne kaha

"Arre waah badhiya par mujhe kyu chhod diya batana tha na main bhi aata yaar"omkar ne kaha

"Tum hamesha milte rehte ho na shayad isiliye nahi bataya hoga.."radha ne kaise to bhi haste huye kaha..

"Main ashish se milta rehta hu manager hai wo mera par rima aur ragini se milna nahi hota hai" omkar ne kaha

"Matlab tun ragini se mile hi nahi ho itne main..?" Radha

"nahi...hamari party main jo mulakat huyi thi wohi aakhri thi..kyu? Aise kyu puch rahi ho?"omkar

Radha ne wo photo ragini par zoom kiya aur kaha "gaur se dekho om..ragini ki dress dekho...uske gale main dekho kya hai..ye wahi muffler hai na jo maine tumhe party main gift kiya tha..?" Radha

Omkar ne kuch nahi kaha

"Kab se chal raha hai tum dono ka..?"

"Aisa kuch nahi hai radha ulta wo to mujhe hamesha samajhati rehti hai ke radha ko samjho shadi ke baad sab theek ho jayega.."omkar

"Yahi to main samajh nahi pa rahi hu..aaj bhi usne mujhse yahi kaha...maine tumhe pehle bhi kaha tha aaj bhi keh rahi hu..she loves you... Uske chehre se saaf pata chalta hai khaskar tab jab wo tumhare bare main baat karti hai.."radha

"Radha mujhe lagta hai tumhe jyada ho gayi hai...hum aaram se baat karte hai tum ander jakar room main so jao subah baat karte hai iis bare main.."omkar

"Nahi om kal nahi tumhe utarne ke liye aaj itni pini padi sab aaj bol lene do...abhi.."radha

Omkar ne fan on kiya aur radha ke samne khurchi par aakar baith gaya

"Om ek baat sach sach batana...I know you love me par ragini...tumhe ragini bhi pasand hai na....please ab jhooth mat bolna.." radha

"Hmm pasand hai.."

"Mujhse bhi jyada..?"

"Pata nahi...maine sach main nahi janta...jab tum sath hoti ho main sirf tumhara hota hu par uske samne aane ke baad pata nahi mujhe kya ho jata hai...main pagal ho jata hu" omkar ne garden niche karke kaha

Table par pani ka glass lene ke liye radha uthi par uska balance bigad gaya omkar use sambhalne ko utha par radha ne use rok diya fir sofe ke sahare se usne pani ka glass utha kar apne hotho ko lagaya

"Omkar tumhe lagta hai ke hum shadi karke galti kar rahe hai?? Mujhe lagta hai aisa...iska matlab ye nahi ke hum pyaar nahi karte hai..aur main gussa bhi nahi hu... par shadi...aur hum dono...hamari vichardhara alag hai..sach main hum shadi ke baad nibha payenge is rishte ko.."radha ne kaha

Omkar kuch nahi bola

"O lekhak mahoday...arre kuch to bolo" radha

"Manya hai ke hamari vichar...hamari soch alag hai par tumne jo abhi kaha hai wohi mere man main bhi hai.." omkar

"Tum mujhse ya main tumse pati patni bol ke kab tak nibha payenge.."radha ne kaha

Kuch pal shanti main beete

"Tod de shadi..?" Kuch aspasht awaz main radha ne kaha to omkar ne uski taraf ashchary se dekha

"Radha ye decision itni jaldi nahi lena hai...tum bhi hosh main nahi ho abhi..kal.."omkar

"Main pure hosh main hu omkar tum tumhara decision batao...dekho mujhe bura to bilkul nahi lagega...mujhe lagta hai radha naam ko hi shaap hai use pyaar to mila par wo uski kabhi ho na saki...so it's ok.."radha

Omkar ne kafi samay is bare main socha fir bola..

"radha hum shadi nahi karte hai...aage chal kar ekdusre ko dukh de isse pehle abhi hi..." Par bolte bolte omkar ka awaz kaap raha tha....

"Tum sach main paagal ho yaar....tumhe duniyadari film ka wo dialogue yaar hai..."radha

"Kaunsa...?"

"Wahi...hath main cadbury hote huye samne ka biscuit bhi tumse chhut nahi kaha rahi...bacchu ho bacchu...." Itna bol ke radha waha se uthkar khadi hi gayi....

"Kaha ja rahi ho radha" omkar ne use rokte huye pucha

"Ghar....ab yaha ruk kar koi matlab nahi hai"

"Main...main chalu chhodne"

"Nahi om niche poonam khadi hai main use sath lekar hi aayi thi meri chinta mat karo tum ragini ke paas jao aur use batao ki tum uske ho" radha ne darwaja kholte huye kaha"

"Wo soyi hogi abhi..."

"Na...neend udi huyi hogi uski....hamari shadi hai na kuch dino main...jaag rahi hogi wo...achi ladki hai aur tumhe deserve karti hai..par ek baat hai.."

"Kya..?"

"Pachas ki umra ke baad agar tum sath na huye to mujhe yaad karna...tab shayad hame shadi ki jarurat nahi padegi...omkar aur radha sath honge chalo chalti hu ab jyada der mat karo aur jaldi shadi karo book ke agle part ki raah dekh rahi hu main..."

"Radha.....jane ke pehle ek hug"omkar

"Sure."

Radha ne omkar ko kas ke gale lagaya...dono ki aankhon se aasu beh rahe the par same time sahi decision lene ki khushi bhi thi...

Omkar ko bye karke radha nikal gayi...

Firse sab shant ho gaya......

So endgame started

 

[Thakur]

Update 70

"ok so first thing first..hame ye dekha hai ke maroon sadi marriot ka dresscode hai ya nahi" radha phone par kuch dhundhte huye boli.."uske liye hame pehle marriot jana padega tab tak main yellow lily ka bandobast karti hu" radha

raat ka khali rasta usme omkar full khud josh se bhara hua 120 ki speed main 15 minute main wo marriot ke paas pahucha

"gadi bahar hi lagana hame jana padega" utarte huye radha ne kaha

"ok" bolke omkar ne car rode ke side park ki aur dono hotel main enter huye

reception desk par night duty ke liye do teen ladkiya khadi thi jinhone ragini jaisi hi maroon sdi pehni thi

"de taali" radha ne hath aage karte huye kaha

"ab bataogi please..soch soch ke dimag fat raha hai mera" omkar ne kaha

"batati hu..hame ragini ko yaha bulana hai abhi" radha reception ke paas jate huye boli

"abhi? pagal ho kya raat ka 1.30 baj raha hai" omkar ne apne hath ki ghadi ki taraf dekhte huye kaha par radha ne dhayan nahi diya aur reception par chali gayi

"excuse me.." table par apni ungliya bajate huye radha boli

"yes mam? may I help you?" samne ki ladki ne pucha

"a.aapka pasha restaurent kab tak chalu rehta hai?"

"sorry mam its closed now..."

"a..midnight bufet rehta hai na chalu"

"ha chalu rehta hai na par 12- 1 ka samay hai uska"

"sirf 1 ghante ke liye suru nahi kar sakte"

"sorry mam kitchen bhi band ho gaya hai"

"ok par coffee..cake to mil sakta hai na"

"sorry mam"

"a...aap ragini ko janti hai?"

"ragini wo day shift ko rehti hai wo na....ha matlab kareebi pehchan nahi hai par pata hai.."

"cool wo piche khada hai wo dikh raha hai?" omkar ki taraf ishara karte huye radha ne kaha

"hmm kaun hai wo?"

"he is a well known writer omkar..abi uske book ka first part release hua tha..mohabbatein.."

"really...yess.. maine padha nahi haipar suna hai " exice hokar us ladki ne kaha

"aapne agar pasha 1 gante ke liye open kiya to uske book ke agle part ka publication wo marriot main karega..kitni publicity hogi"

"par iska pasha se kya lena dena ? aur ragini ka kya?"

"he is going to propose ragini tonight..pasha main" radha

"abhi? itna late?...wow..how romantic and thrilling par pasha main kyu?"

"ab ye sab tumhe book ka pehla part aur dusra part release hone ke baad padh kar pata chalega...tumhara naam kya hai?" uske batch par naam padhne ki koshish karte huye radha boli

"rohini.."

"rohini..if you help him now..book main tumhara naam aayega..this momentis climax and you are going to play very important role in it"

radha ne sahi jagah teer mara tha rohini soch man pad gayi

"mam mujhe permission leni padegi..itni raat main sir ko phone karna.."

'arre kaisi permission? tumhe bas 4 lights lagane hai terrace par ke thodi candels thats it..coffee chocolate cake who cares.."

"ok done mam...who cares I will arrenge.."

"good ab dusra kaam ragini ko phone lagana hai yaha ke number se main batau waisa batana ok?"

"yes mam.."

rohini ko climax ka scene apna imp role sab pasand aaya tha..wo radha jo bole sab karne ko tayar thi..radha ne use sab samjhaya aur omkar ke paas aayi

"ragini aaye tab tak hum yellow lily lekar aate hai chalo"

radha aur omkar bahar gaye tab rohini ragini ko call laga rahi thi

ragini sone ki koshish kar rahi thi par use neend nahi aa rahi thi aur fir coffee banane ke liye wo uthi to uska phone bajne laga..marriot ka number dekh kar use ashcharya hua

"hello?"

"hello...ragini na? main rohini bol rahi hu..marriot desk"

"ha rohini kya hua? itni raat main call kiya.."

"sorry yaar tumhari neend kharab ki par kaam important hai" rohini

"hmm its ok..bolo"

"ragini yaar abhi sir ka phone aaya tha..yaha pasha main marathi movie ka scene shoot hone wala hai..10-12 logo ka crew hoga...to tumhe aana padega yaha..jyada samay nahi bas 1 ghante ke liye"

"abhi?? arre nahi possible hoga.....main adhi neend main hu"

"sorry yaar..but can't help sir bhi aa rahe hai..unhone kaha hai proper support ke liye..pasha bhi open kiya hai"rohini

"shit yaar kya pagalpan hai..main baat karti hu sir se "

"unke phone ki battery down hai...wo on the way hai..isiliye maine call kiya hai aur mary bhi off duty hai ....main cab book karti hu tumhare liye tum ready ho jao tab tak aa jayegi"

ragini ko waise bhi neend nahi aa rahi thi so shooting wagaire main timepaas ho jayega isiliye wo tayar ho gayi

"aur apna regular dress pehan kar aana maroon sadi bye for now and sorry" rohini

"no problem dear cab ka number sms kar dena

ragini ne room ka light on kiya chehre par pani maar kar halke makeup ke sath wo tayar ho gayi..is awaz se uski mom ki neend khul gayi to wo dekhne aayi ke kya hua hai...

"mom jo jao aap kuch nahi hua hai office jana hai main aa jaungi thodi der main" fir ragini ne unhe scene samjhaya tab tak cab aa gayi thi to ragini nikal gayi
***

"dada jara fresh phool do yaar" omkar us phool wale se lad raha tha

"arre sir fresh hi hai lo ye do aur ache phool laga diye khush"

itne main radha ka phone baja ki ragini nikal gayi hai to usne omkar ko samjhaya ke phool ache hai aur unhe ragini se pehle hotel main pahuchna hai to wo phool lekar waha se nikle marriot ke liye

omkar radha waha pahuche tab rohini unhe bahar hi mili

"how much time more?"radha ne pucha

"bas paanch minute main cab pahuch jayegi" rohini

"ok chalo uper chal kar dekhte hai kya kya hua hai" radha

omkar ko kuch samajh nahi aa raha tha wo to bas radha ke piche chal raha tha..teno lift se 11th floor ke terrace par pahuche

colorful lights ki roshni se pasha jagmaga raha tha rohini ne wahi table sajwaya tha jaha ragini aur om pehli baar mile the table par do candels the

"yahi table hai na" radha ne pucha

"omkar ne ha ka ishara kar diya itne main rohini ko message aaya ke ragini aa gayi hai usne radha se pucha to usne use uper bulane ka ishara kar diya jisse rohini ne ragini ko uper bula liya

"ok omkar tum yaha chip kar baitho...ragini ke aane ke baad hum use yaha baithayenge..hum chale gaye ki its all yours..tumhe jo karna hai karo" radha jaldi jaldi bol rahi thi

"radha please I want you here tum ruko na yaar chip kar" omkar

"pagal ho kya mujhe nahi dekhna hai tumhara milan..main chali..aur ragini ko pata mat chalne dena main yaha thi ok?" rohini aur omkar ki taraf dekhte huye radha boli

"par radha..."

"go.." omkar ko andhere kone main dhakelte huye radha boli" kal mujhe phone par batana kya hua and all the best"

itne main terrace par lift rukne ka awaj aaya aur radha service lift ki taraf chali gayi..

omnkar andhere main se dekh raha tha ragini ko terrace par aate huye...itne thand main bhi uske hath pair garam ho gaye the

"rohini batao kya scene hai?" ragini

"hmm 20 minute man crew yaha pahuchegi..yaha terrace par shoot karna hai unhe..unhone floor plan bheja hai....acha hua tum aa gayi mujhe solid tension aa gaya tha" rohini

"tension? tum to has rahi ho"

"tension ki wajah se ho raha hoga" idhar udhar dekhte huye rohini boli

"wierd..acha kaha hai floor plan"

"damn main desk par hi bhul gayi ek minute main lekar aayi"

"tum kyu ja rahi ho message kar do"

"nahi kisi ko pata nahi hai main lekar aati hu tum baitho"

"ok"

ragini omkar ki taraf peeth karke baith gayi aur rohini halke se omkar ko all the best ka ishara karke chali gayi

ab terrace par is samay omkar aur ragini hi the....raat ke waqt chalti hawa ka awaj aa raha tha..ragini apne baal theek kar rahi thi

omkar dabe pairo se bagari awaj kiye apne hath main phool lekar ragini ke paas aaya...uska dil kafi joro se dhadak raha tha..

omkar ragini ke ekdum paas aaya aur halke se bola "ragini.."

ragini ekdum jhatke se uthi...omkar ko waha dekh kar use kuch samajh hi nahi aa raha tha..."omkar?? tum yaha??"

omkar ne apne piche chupaya hua yellow lily ka bunch ragini ke samne kiya "ekbaar yahi tumhe mujhe yellow lily diye the yaad hai..yahi table tha na wo?"

ragini ki aankhen badi ho gayi

omkar apne ghutne par baithne laga

"no..om...please stop...sidhe khade raho kya kar rahe ho" do kadam piche hat te huye ragini boli

"wahi jo mujhe kafi pehle karna chahiye tha" omkar

"no omkar..you are out of your mind..ye sab tumne kiya?? yaha koi shgooting nahi hai na" ragini

"hmm"

"this is insane..omkar..please utho..ghar jao 5 dino main tumhari shadi main radha ke sath..bhul gaye kya?"

"shadi hai nahi thi" omkar ragini ke paas jate huye bola

"thi?? om tum shadi tod kar aaye ho?" ragini ne chidh kar kaha

"nahi..radha aur maine mil kar decision liya hai" omkar

"kyu? pagal ho kya tumlog? radha ka number do...abhi..koi shadi cancel nahi huyi hai" apne khule baal bandhte huye ragini boli

phone ke liye aage kiya hua hath omkar ne niche kiya fir dusre hath se ragini ne bandhe huye baal khol diye

"baal mat bandha karo please..aise hi achi dikhti ho.."

"arre ye chal kya raha hai..omkar shadi koi khel hai kya..aise kaise tod di"

"aaj na todte to kabhi na kabhi ye hona hi tha..trust me maine akele e nahi kiya hai...sach kahu to radha ne mujhse pucha"

"kab?"

"abhi ghanta bhar pehle.."fir omkar ne ragini ko sara kissa sunaya jise sun kar ragini table par apne sar ko hath laga kar baith gayi

"fir ab main?? radha ne mana kiya to main aur samjho maine mana kiya to..fir rima? ya koi aur.." ragini

omkar ragini ke samne baitha

"ragini...meri taraf dekho kya dikh raha hai tumhe.." omkar

"kuch nahi..kitna andhera hai yaha" haste huye ragini ne kaha

"ab koi aur nahi sirf aur sirf tum..mujhe nahi pata mujhe kya hua hai...mujhe radha pasand thi..pasand hai..par uske sath main jindagi nahi bita sakta..main kafi bhatka..man main aaye wo decision liye..bahut log karte hai aisa...par kabhi to sache pyaar ka ahsaas hota hai na" omkar

"ha? fir aise achanak kaise ahsaas ho gaya tumhe?" ragini

"tum wo tantra-mantra sikh kar aayi na vipassana se tab se mujh par jadu huyi hai..tum nahi thi tab kitna tadpa hu main hi janta hu"

"aur kya guarentee hai tumhara decision fir nahi badlega" ragini

"tumhara sawal sahi hai..maine aisa behave kiya hai you can take time..jo chahiye wo meri pariksha lo par please na mat kehna" omkat bhavna vivash ho gaya tha bolte bolte uska awaz kaapne laga tha usne garden jhuka li

ragini ne uska chehra uper kiya aur kaha.."tumne mujhe itna tadpaya aur main itni jaldi ha kar du"

omkar kuch nahi bola

"om..radha ko takleef nahi huyi hai na?" ragini

"believe me ragini..mutual nirnay hai..tum subah radha se baat kar lena fir faisla karna"

"uski jarurat nahi hai..mujhe vishwas hai tum pa..main ha kahungi par ek shart par" ragini

"ab to tumhari sari sharte manjoor hai " omkar ne bagair deri kiye kaha

"arre suno to pehle"

"hmm bolo"

"mujhe shadi ke baad naam badalna hai" ragini

"kyu?"

"mujhe badalna hai..ragini naam badal kar radha..chalega?"

omkar ki aankhen badi ho gayi

"radha omkar ki na huyi ye nahi chalega...radha omkar ki hi thi..main janti hu tum use kabhi nahi bhuloge....aur bhulna bhi mat..main bhi use nahi bhulungi...aaj usne mujhe meri jindagi de di hai....radha om yahi naam sahi hai badloge mera naam?" ragini

omkar ne ragini ko baho main bhar liya

"o mister pehle propose karo sahi se" omkar ko dhakalte huye ragini ne kaha

omkar ne bouquet hath main liya aur fir se ghutno par baitha

"arre abhi diye the tha flowers fir se wahi gift"

"shhhh.." omkar ne use shant baithne ka ishara kiya

"ragini..."

"yesss......I LOVE YOU...I LOVE YOU...I LOVE YOUUUUUU.." jor se chillate huye ragini boli

raat ke us shant vatavaran main ragini ka wo awaz gunj utha

omkar ne apne hath main ke phool hawa main udaye aur ragini ko baho main bhar liya

teno ki aankhon main khushi ke aansu the...ragini, omkar aur in dono se door anabhigya..andhere main service life ke paas kone main khadi radha ke................



[samapt..]

Well the story ends here
Awesome ending
Waise agar weiter sahab chahe to in dono ki shadi ka late he sahi par bonus ending update bhi de sakta he

 

[DINNA]

nice starting

 

[DINNA]

nice updates

 

[DINNA]

very good updates

 

[DINNA]

nice updates

 

[DINNA]

nice update