THAK THAK
chaunk kar uth baitha anirban.jhat se ghadi dekhi raat ke 12:45 baj rahe the.shahar me aam baat hai lekin gaon me to.....
Lekin ye awaazein???
Torch lekar jalate hi cheekh pada anirban
"K koun koun hai wahan???"
Koi awaaz to nahi hui lekin ek parchhai ko samne se jaate hue dekha anirban.
Anirban ne himmat kar torch lekar khidki ke paas jajaate hi dekha ki ek chota sa aadmi chupa hua hai
"C c c chor chor c ch.."dar ke maare awaaz hi nahi a rahi thi anirban ke muh se
Lekin torch ke light se anirban ne dekha koi 40-45 saal ka aadmi tha,thoda chote height ka tha.dekhkar anirban ka confidence jaag gaya
"Chupchaap khade raho warna maar maar kar bhurta bana dunga"anirban bola
Parchhai sa dikhne wala chota sa aadmi thoda saamne aaya khidki se aur kamre me a gaya
"Sunai nahi diya kya??"anirban bola
"Huh Khidki se jhankne se hi chor ban jata hai aadmi??thoda jhaankne se koun sa mahabharat ho gaya yahan???"aadmi bola
"Iska matlab aadhi raat ko taak jhaak karoge??"anirban hairan hokar bola
"Huh jaise join sa paap kar liya maine,gaon me koun aaya naya aadmi dekhne ke liye thoda taak jhaak kiya,to usme kya hai??aur lene ke liye hai hi kya is kamre me chokre??duniya bhar ki kitaben aur ghanta,koun yahan chori karke apna bhagya todega??"aadmi bola
"Matlab aap chor nahi ho??"anirban bola
"Kis khushi me chor banne jaunga??mere bete ko railway me naukari mili hai pata hai??fir koun chor banne jaiga??agar chori karni hoti to tumhare bistar samet sabkuch uthakar le jaata aur tum fir bhi so rahe hote,chaganlaal murari naam hai mera samjha ladke"aadmi bola
Anirban dhyan se dekhne laga.dikhne me koi 45-50 saal ka chota sa aadmi thodi bohut daadi rakhi hai,shoes,socks aur jacket pehne hue tha sar par monkey cap
Anirban ko hasi a gayi
"Abhi agar caretaker ko bulaunga to tumhe kaccha chaba jayega,fir police..."anirban ko rok diya aadmi ne
"Koun se jurm me bhai??chori karte hue pakda??aur waise bhi police station 4 mile door hai aur wahan ke thanedar bewajah bulane par gussa karte hai ,chalo mai chala, mao to bas dekha ki sab thik hai ki nahi"bol aadmi jaane ke liye ghooma
"Ruko kya dekha??kya thik hai ki nahi???"anirban ne poochha
"Boodha ho gaya hoon bhai,yaaddash bhi itni achhi nahi hai,lekin 3 saal pehle yahi par ek buddhe ko khoon hote hue dekha tha maine,isi garden me,khazane ki talash me un logo ne us vriddh ko maar diya pagle sahab ki kabr.....khair chodo,aisa khazana jo 5000 crore ki hai samjhe??"chaganlaal bola
Anirban chup ho gaya.fir kuch yaad aaya
"Lekin jinhone un bridhv ko maaara,unke khilaf tum police me kyun nahi gaye??"anirban ne poocha
"Pehli Baar to bungla shaapit hai,manhoos hai ye jagah,doosri baat jinhone unko maara wo is gaon ke nahi the.agar kuch kaam ke liye aaye ho,jitni jaldi ho sake kaam khatam kar nikal lo"chaganlaal bola
Anirban ko chor ki baat ka kuch samajh nahi aaya lekin wo chor ko jaane nahi de sakta tha
Wo lapka aur chaganlaal ko pakda dono haathon se,ya nahi pakad saka??
Chaganlaal Kareeb 50 meter door khada has raha tha
"Ye...ye kya tum aadmi ho ya bhoot??"anirban darte hue bola
"Ek peshedar chor,ek gehri saans lekar bola chaganlaal ye ek vidya hai ladke ye to kuch bhi nahi mai kushti, kalaripayattu,vayu niyantran,hastalaghar,mukh bandhan sab aata hai,lekin kisi kaam ka nahi,bete ko sikhane ki koshish ki thi,lekin uski maa ne kaha tha ki wo meri tara chor nahi banega"aasmaan ki aur dekhte hue kaha chaganlaal ne
"Mujhe sihaoge??"anirban bola
"Ek shart par"chaganlaal bola
"Kya??"
"Padhai likhai aati nahi isliye sab mera mazaak udate hai,meri bhi icha hai likhai padhai karu, sihaoge??"chaganlaal bola
Anirban muskurane laga
-------------------------------------------------------------------------------
MOTINAGAR HIGH SCHOOL
pehla period chal raha tha sab chupchap the . english class tha.
"Hemant who was h.w Longfellow??"English sir ne poochha
Hemant naam ka ladka chup raha
"Idhar aao"bol chadi utha li sir ne
WHACK WHACK WHACK WHACK WHACK
paanch chadi ki maar lagi haath me aur hemant wapas apni jagah par baith gaya
Anirban ko jo darr tha Wahi hua.ye school dikhne me jo bhi hai lekin teachers saare strict hai yahan
English sir ke jaane ke baad anirban ko gher liya sabne
"Naam kya hai be??"ek ne kaha
"Sala chutiya jaisa dikhta hai" doosra bola
"Priyanka ise apna BF bana le"ek ne haskar bola
"Chii yukk "priyanka naam ki ladki boli
Sab hasne lage
Anirban ki aankhon se bas aansoo nikalna baki reh gaya tha
CHATAK
sar ke peeche se ek ne maara.peeche mudkar dekha anirban ne.hemant naam ka ladka tha
Tabhi doosri period ki ghanti baj gayi
"Kisi se shikayat ki to maarkar bhurta bana denge"sab ladko ne kaha
Period start ho chuka tha.lekin anirban ko ye apman ka ghoot hajam nahi ho raha tha.
Tabhi kandhe par kisi ka haath aaya
Mudkar dekha anirban ne.ek ladki ka haath tha
"Bura lag raha hai??"ladki ne poochha
"Shh period chal raha hai"anirban apni aankh pochte hue bola
"Koi baat nahi befikar hokar baat karo,hamara naam kritika hai aur tumhara??"kritika naam ki ladki ne muskurate hue poocha
"Ani mera matlab anirban"anirban bola
Kritika muskurai,acha laga anirban ko
"Acha naam hai,khair chodo.tumse hum isliye baat kar rahe hain taaki wo log tumhe aur tang na kare"kritika boli
Anirban hairan tha.ye kya baat hui??agar kritika naam ki is ladki se baat karega to koi tang nahi karega?? sachmuch???
Khair ye aakhiri period tha.aur fir sab chale gaye.kritika bhi bye bol haskar chali gayi.anirban last me nikla class se.sab chale gaye the.wo raaste se nikalkar bhaagkar jaana chahta tha.lekin tabhi 7-8 ladke a gaye.sabhi uski class me the
"Kyun be??us ladki se kya baat kar raha tha??"ek ladke ne poocha
"Tumse matlab??"himmat ke saath anirban bola
Sab ladke ek doosre ko dekhne lage.
"Us ladki ne hamare baare me kya bataya tujhe??"doosre ladke ne poochha
"Wo usi ladki se poochha lo"fir himmat ke saath bola anirban ne
Sab ladke thoda saham gaye
"Aur ainda aise rokane aur pareshan karne ke liye mana kiya hai kritika ne"bol bag ko thik kar apne raaste chala gaya anirban.tajjub hai use kisi ne roka nahi aur na kuch bola
